تحميل رواية «خيانة في قصر الظلم» PDF

رواية خيانة في قصر الظلم الفصل الاول

في فيلا كبيره هنا كانت قاعده على طرف السرير في اوضة فارس ودموعها بتنزل وهي باصه في الأرض وبعدها قالت

هنا

حرام عليك يا فارس بيه انت عارف ان فرحي الاسبوع الجاي وهعمل ايه دلوقتي بعد اللي حصل ده انا كنت جايه اشتغل واستر نفسي مش جايه علشان تضيعني بالشكل ده

فارس كان واقف قدام المرايه بيلبس هدومه بكل برود وبعدها لف ليها وقال

فارس

واحده زيك هتتجوز ايه يعني ما هو اكيد واحد من نفس مستواها ارميله شويه قرشين وهو يعدي الموضوع وبعدين انتي اللي وافقتي تدخلي اوضتي بمزاجك محدش غصبك على حاجه

هنا بصتله بكسرة وقالت

هنا

انا دخلت علشان تديني السلفه يا فارس بيه علشان كنت محتاجه الفلوس علشان اجهز نفسي للفرح لكن انت استغليت ضعفي وفقري

فارس قرب منها ورمى الفلوس في وشها وقال

فارس

خدي الفلوس دي واعتبري اللي حصل محصلش وانا مش عايز اشوف وشك في الفيلا هنا تاني انتي سامعه ولا لا خالص المهمه اللي كنتي جايه علشانها خلصت

هنا فضلت تبص للفلوس اللي مرميه على الأرض وهي بتحاول تمسك دموعها وبعدها قامت لبست هدومها بسرعه وخرجت من الفيلا وهي حاسه ان روحها بتتسحب منها

وفي البيت كان صوت الاغاني عالي والناس فرحانه علشان قرب الفرح وسما اول ما شافتها راحت جري عليها وقالت

سما

ايه يا بنتي حرام عليكي لازم كنتي تروحي شغلك في يوم زي ده يعني الناس كلها بتجهز وانتي لسه راجعه دلوقتي

لكن هنا دخلت اوضتها من غير ما ترد ولا حتى تبص ليها

الام بصت عليها باستغراب وبعدها قالت

الام

هي اختك مالها اول مره اشوفها بالمنظر ده

سما حاولت تضحك وقالت

سما

عروسه بقى يا ماما وعايزه تدلع سيبيها براحتها وانا هدخل اشوف مالها

وبعدها دخلت لسما الاوضه ولقت هنا قاعده على السرير وبتعيط جامد قربت منها بسرعه وقعدت جنبها وقالت

سما

ايه يا هنا مالك عملتي ايه في موضوع السلفه كلمتي فارس بيه ولا ايه هو قالك لا

هنا سكتت وهي بتمسح دموعها لكن سما بصتلها وقالت

سما

لا شكلك بيقول كده على العموم متزعليش نفسك انا هبيع الذهب اللي معايا وهاتي بقيه الحاجات اللي ناقصاكي وخلاص المهم فرحك يتم

وفجأه هنا قامت مره واحده وهي بتترعش وقالت

هنا

انا في مصيبه سوداء يا سما ومش عارفه اعمل ايه

سما قامت وقفت وقالت

سما

ولا مصيبه ولا اي حاجه يا حبيبتي طول ما انا موجوده في الدنيا دي مش عايزاكي تشيلي هم يا بنت احنا اختين ملناش غير بعض ومهما حصل انا عمري ما هسيبك لوحدك

لكن هنا فضلت تعيط جامد وهي حاطه ايديها على وشها وبعدها سما قربت منها وقالت

سما

الراجل الحيوان ده قالك ايه علشان يخليكي تعيطي بالطريقه دي ردي عليا متخوفنيش عليكي بالشكل ده

هنا بصتلها بكسرة شديده وقالت

هنا

انا هقولك كل اللي حصل بس بالله عليكي اوعي تقولي لأي حد علشان لو الكلام ده خرج بره البيت حياتي كلها هتدمر

وفجأه هنا سرحت بعينيها وافتكرت اللي حصل

فلاش باك

هنا كانت واقفه مع سما في الاوضه وهي ماسكه ورقه طويله فيها طلبات الجهاز وبعدها قالت

هنا

انا مش عارفه اعمل ايه يا سما حماتي طالبه مني حاجات كتير قوي وكل يوم تزود طلب جديد وانا شايفه ان ماما وبابا مش معاهم فلوس يدوني اجيب الحاجات دي

سما بصتلها بضيق وقالت

سما

والله انتي اللي مخليه حماتك تعمل فيكي كده يا هنا كل واحد بيدخل على قد ظروفه هو ابنها جاب ايه يعني علشان هي تتنطط بالطريقه دي

هنا بصتلها بخوف وقالت

هنا

بالله عليكي وطي صوتك مش عايزه حد يسمعك انتي عارفه بابا لو سمع الكلام ده هيتلكك ويقول الجوازه دي مش هتم

سما فضلت ساكته شويه وهي بتفكر وبعدها قالت

سما

طب ما تروحي تاخدي سلفه من صاحب الفيلا اللي انتي بتشتغلي عنده الراجل ده باين عليه غني ومش هيبخل عليكي بحاجه

هنا اتنهدت وقالت

هنا

مع انه زايغ وعينيه مش مريحاني بس مش مهم هروح يمكن يقف جنبي

وبعدها هنا كانت واقفه قدام فارس في اوضة المكتب الكبيره وهي واقفه بتوتر وبتفرك في ايديها وبعدها قالت

هنا

والله يا فارس بيه انا هقنع جوزي اني اشتغل بعد الجواز واسددلك السلفه بس انا محتاجه الفلوس ضروري علشان ناقصني حاجات كتير في الجهاز وانا مليش حد يسندني غير ربنا

فارس كان قاعد على كرسي المكتب وباصصلها بنظرات خلتها تتوتر وبعدها قام ببطء وقرب منها وقال

فارس

يعني انتي علشان خاطر كام حاجه ناقصاكي جايه ترمي همومك عليا انا مش فاهم هو انا فاتحها جمعيه خيريه مثلا

هنا نزلت عينيها في الارض وقالت

هنا

حقك عليا يا بيه بس والله العظيم انا مكنتش هطلب غير لما اتزنقت اوي

فارس فضل يبصلها شويه وبعدها ابتسم ابتسامه خبيثه وقال

فارس

طب ما انا ممكن اساعدك واكتر كمان بس كل حاجه وليها تمن يا هنا وانتي بنت ذكيه اكيد فاهمه قصدي

هنا اتوترت وبصت حواليها وقال

هنا

انا مش فاهمه حضرتك تقصد ايه

فارس قرب منها اكتر وقال

فارس

يعني واحده زيك حلوه وصغيره تقدر تعمل حاجات كتير قوي علشان تاخد اللي هي عايزاه

وفي الوقت ده انا هتقول له بعصبيه

هنا

وانا مش عايزه منك حاجه خلاص انا غلطانه اني جيت لواحد زيك اصلا انا كنت فاكراك راجل محترم وبتساعد الناس الغلابه لكن واضح ان الفلوس خلتك فاكر انك تقدر تشتري اي حد

وبعدها لفت علشان تمشي لكن فارس راح وقف قدامها بسرعه وقال

فارس

خلاص يا ستي مالك قلبتي الدنيا كده ليه انا بهزر معاكي وبعدين انتي شكلك تعبانه ومتوتره اوي اهو هديكي مكافاه نهايه الخدمه وخدي الفلوس دي خلصي بيها نفسك

هنا وقفت متردده وهي باصه للفلوس وبعدها قالت

هنا

بجد يعني هتساعدني من غير اي حاجه

فارس ابتسم بخبث وقال

فارس

هو انا هعمل ايه يعني ما انتي زي اختي برضه بس تعالي معايا فوق الاوضه علشان الفلوس هناك وانا بصراحه تعبان ومش هطلع وانزل على السلم تاني

هنا فضلت واقفه مكانها متوتره وهي حاسه ان في حاجه غلط لكن صورة امها وابوها وطلبات الجواز والخوف من كلام الناس كانو بيلفوا في دماغها وبعدها هزت راسها وقالت بصوت واطي

هنا

ماشي يا فارس بيه

وبعدها طلعت وراه على السلم وهي قلبها بيدق بسرعه شديده وفارس كان ماشي قدامها وعينيه كلها نظرات خلتها مش مرتاحه

وبعدها فارس دخل وهي دخلت وراه بتوتر شديد وفي لحظه قفل الباب وراه بالمفتاح

هنا اتخضت وبصتله وقالت

هنا

حضرتك قفلت الباب ليه لو سمحت تفتح الباب مش عايزاه اي مشاكل انا هصوت وهلم الناس

فارس قرب منها ببطء وقال

فارس

علشان محدش يزعجنا واحنا بنتكلم وبعدين يعني هتلم الناس تقوليهم ايه انك طالعه الاوضه هنا عشان تصلي العصر

هنا بدأت ترجع لورا بخوف وقالت

هنا

هات الفلوس وانا همشي يا فارس بيه علشان اتأخرت

لكن فارس كان بيقرب اكتر وقال

فارس

وانا ابقى عبيط لو كنت سبتك تمشي دلوقتي وبعدها عمل اللي عمل

باك

سما بصدمه وعصبية

يا نهار ابوه اسود هو ازاي يعني فيكي كده يا هنا ده انا لازم اروح افرج عليه البلد كلها واخليه يدفع تمن اللي عمله فيكي ده

هنا بتحط ايدها علي بوق اختها وبتقول

هنا

هوووش وطي صوتك الله يخليكي يا سما انا مش عايزة امك وابوكي يعرفوا حاجه والنبي تسكتي بقا كفاية كده

سما

هو ابه اللي كفايه ده يا هنا انتي بتتكلمي ازاي انتي عايزانا نسكت علي المصيبة اللي حصلت دي الراجل ده لازم هو اللي يصلح غلطته معاكي

هنا

يعني انت عايزاه يعمل ايه يا سما انا مش فاهمه

سما

يعمل ايه هيكتب عليكي يا حبيبتي ااه اومال انتي عايزة تتفضحي في البلد ده ابوكي ممكن يروح فيها يا هنا انا لازم اتصرف

هنا

وهو هيكتب عليا إزاي وانا فرحي خلاص اهو كمان يومين علي أشرف

سما

وهتتجوزي اشرف إزاي وانتي مش بنت يا هنا هااا تقدرى تقولي لي ده اشرف ده ابن امه واول لما يعرف حاجه زي دي هيقول لامه وشوفي بقا امه هتعمل إيه

هنا لطمت علي وشها

يعني انا هتفضح يعني هتفضح صح

سما

لا انتي مش هتتفضحي ولا حاجة انتي لما تتجوزي البيه مفيش حد هيقدر يتكلم ولا كلمه ما انتي عارفاه كلمته بتمشي علي اتخن تخين في البلد هنا

هنا

انتي لو رحتي له مش هيعمل حاجه بلاش العشم ياخدك يا سما الله يخليكي واقعدي خلينا نفكر في الحكايه دي ونشوف هنطلع منها إزاي انا خلاص هاقول لاشرف اني مش عايزة اتجوزة

سما

يا سلام وهو انتي بقا فتكرة انه بالساهل كده لما تقولي له انك خلاص مش عايزة تتجوزيه ده انتي كده بتحطي نفسك في مشكله أكبر

هنا

طيب اعمل ايه اعمل انا هدخل اولع في نفسي واخلص خالص

سما

لا انتي هتفضلي هنا وانا اللي هعمل انتي متتحركيش من هنا بشكلك ده متخليش امك تشوفك ولا ابوكي انتي سامعه ولا لأ

وسابتها سما وخرجت من الاوضه وقالت لامها

سما

بقولك ايه يا ماما انا هاروح مشوار كده وراجعه علطول

الأم

رايحه فين يا سما احنا لسه في حاجات عايزين نعملها يا بنتي ما تأجلي مشوارك ده لبكرة ولا حاجة

سما

مش هينفع يا ماما انا لازم اروح دلوقتي اصلها حاجه مهمه اوي

ومشيت سما بسرعه وامال مرات عمهم اللي بتحقد عليهم دايما قالت لأمها

امال

هي سما بنتك رايحه علي فين كده يا ساميه انا شيفاها طالعه بتجري والعروسة فين كده ياختي الا ما حد شافها من ساعة ما رجعت من برة وهي دخلت اوضتها وقفلت علي نفسها ولا هي مش مستعنيه الناس ولا إيه بالظبط

ساميه بضيق

استغفر الله العظيم هو ايه يا امال البنت راجعه مصدعه من برة وبعدين انا معاكي اهو ما تشوفي عايزاني اعملك ايه وانا اعمله وبطلي كلامك ده

امال

ولا تعملي ولا حاجة انا بس بقولك يعني ان بناتك ولا بيفهموا في الزوق سايبين الضيوف ومشيوا

ساميه بضيق

بقولك ايه ياختي البيت بيتك انتي مش غريبة وانا هدخل اعمل الحاجات اللي مفروض تتعمل في المطبخ

وسابتها ودخلت المطبخ وجات عليها بنتها سماح وقالت لها

سماح

هو في ايه يا ماما هما مالهم دول

آمال

والله ما انا عارفة يا بت يا سماح بس الحكايه مش مريحاني كده وشامه ريحة حاجه مش تمام

سماح

بقولك ايه انا لازم انا كمان اتجوز زي بنت عمي اللي اسمها هنا دي هي يعني احسن مني في ايه دي حتي ولا ليها شكل ولا منظر

آمال

عوض عليا عوض الصابرين يا رب وانا يا بت هجيب لك عريس منين ولا عايزاني الف وادور في البلد واقول عايزة عريس لبنتي يا خلق هو

سماح

ما اهو انا كنت حاطه عيني علي اشرف اللي الزفته دي اللي اسمها هنا دي خلته يتجوزها

آمال

وسي اشرف بتاعك ده خلاص هيتجوزها اهو عايزانا نعمل ايه بقا أن شاء الله ياربت تهمدي بقا كده وتهدي واللي ليكي نصيب فيه هيجي لك

وفي الفيلا بتاعت فارس دخلت سما جري علي جوه والغفير قالها

الغفير

استني عندك يا للي داخله تجري انتي انتي رايحة علي فين كده هو انتي فاكراها وكاله من غير بواب ولا إيه

سما

انا عايزة صاحب الفيلا دي واللي مشغلك

الغفير

وعايزاه في ايه بقا وبعدين البيه مش فاضي ومعاه ناس مهمين جوة

سما

والله طب ده عز الطلب ده وسع بقا خليني ادخله دلوقتي حالا

الغفير

وانا مش دخلك ايه رايك بقا

سما

كده يبقا انا بقا هنادي بعلو حسي واقول يا فااارس بيه انت يا فارس بيه اطلع لي هنا انا عايزااااك دلوقتي يا فارس بيه

فارس خرج علي صوتها العالي وقال للغفير

فارس

هو في ايه يا حامد ايه الصوت العالي ده وايه اللي بيحصل هنا بالظبط

حامد

مش عارف والله يا بيه دي واحده باين عليها مجنونه وعايزة تقابل جنابك

سما

انا كنت جايه وعايزة حضرتك في موضوع مهم يا فارس بيه

فارس

موضوع ايه ده وانتي مين اصلا وازاي بتزعقي كده في الفيلا عندي

سما

ماهو انا عايزة حضرتك ضرورى في موضوع خاص بيني وبينك كده مش قدام حد

فارس

وهو ايه بقا أن شاء الله الموضوع الخاص اللي هيبقا بيني وبينك هو انا اعرفك أصلا

سما

لما هتكلم معاك في الموضوع المهم اللي انا جايه لك فيه هتعرفني

فارس

اللهم طولك يا روح طيب روح انت شوف شغلك يا حامد لما اشوف ايه حكايتها دي

ومشي حامد وفارس قالها

اتفضلي قولي اللي عندك عشان انا مش فاضي لك انا معايا ناس مهمين جوة

سما

انا ابقي اخت هنا البت الغلبانه اللي انت ضحكت عليها ومشيتها من عندك وهي دمعتها علي خدها

فارس بص حواليه بتوتر وقالها

فارس

هنا مين دي اللي جايه بتكلميني عليها دي بقولك ايه يا شاطرة روحي شوفي انتي جايه منين يلا غورى من هنا بدال ما اخلي حامد يجي يرميكي برة يلا

وداها ضهرة وداخل الفيلا وهي داخله وراه وهي بتقول وكان في رجاله قاعدين

سما

نعم با أخويا يعني انت مش عارف هنا تبقا مين لا ده انت بقا كده عايز يتعمل معاك احلي واجب قدام الناس اللي عندك دي وديني لافضحك

فارس

اسمعي يا بت انتي انا قولت تمشي دلوقتي من هنا بالزوق كده انا مش عايز استخدم معاكي العنف انا بقولك اهو

رد واحد من الناس اللي فاعدين وقاله

الراجل

هو في ايه يا فارس بيه مالها دي

فارس

انا عارف دي واحده باين عليها مجنونه ولا ايه وجايه ترمي بلاها عليا بس والله لو مش هتمشي انا هتصرف معاها تصرف هخلي تندم علي اليوم اللي دخلت فيه هنا

سما دموعها نزلت واتكلمت بعصبية وقالت

سما

حرام عليك يا مفتري انت فاكر ايه ان بنات الناس لعبه في إيدك لا يا باشا فوووق ده قانون في البلد دي بس انا بقا هشهد عليك الناس اللي قاعدين دول وشوف بقا منظرك هيبقا قدامهم عامل إزاي لما يعرفوا اللي انت عملته في اختي اللي فرحها كمان يومين

فارس

اسمعي يا بت انا صابر عليكي لحد دلوقتي وماسك نفسي بالعافيه ولو مخرستيش انا هخلي حامد يجي يشيلك ويرميكي برة

سما

والله انت تعملها يعني انا هنتظر ايه من واحد فاجر زيك فاكر ان بنات الناس لعبه في ايديه

وبصت للناس اللي قاعده وقالت

انتو عارفين يا بهوات فارس بيه عامل ايه في اختي الغلبانه اللي كانت جايه عشان تستلف منه فلوس مقابل خدمتها ليه في الفيلا هنا خدها علي اوضتة النوم وعمل عملته وفي التخر طردها بره

الرجاله اللي مع فارس بقوا يبصوا لبعضهم وفارس بص لهم واتوتر وقالها

فارس

لااا ده انتي زوديتها اوي وجايه ترمي بلاكي عليا اختك مين دي يا بت اللي انا اعمل معاها حاجة زي كده انتي ناسيه انتي بتتكلمي مع مين

سما

هكون بتكلم مع مين يا فارس بتكلم مع واحد فاجر وفاكر ان كل البنات شمال ومستعد ان هو يدفع عشان ينبسط ومش عارف ان فيه ناس غلابه واهم حاجة عندهم الشرف

في اللحظه دي فارس اتعصب ومسكها من دراعها وقالها

فارس

لااا ده انتي زوديتها اوي بقا تعالي معايا

ومشي بيها عند الباب وهي عماله تقوله

سما

سبني يا مجرم سيب دراعي طب وديني لافضحك في البلد كلها واخلي ما يشتري يتفرج عليك

فارس

انتي هتفضحي اختك ياختي اللي راحت وغلطت مع واحد وانتي جايه ترمي بلاكي عليا

وراح رامي سما وقعت في الارض وزعق وقال

فارس

يا حااامد انت يا زفت تعالي خود البت دي ارميها بره الفيلا وايك تدخلها تاني هنا انت سامع

وسابها ودخل وحامد راح عليها وقالها

حامد

الله يخربيتك يا شيخه يلا غورى من هنا مش عايزين وش و جع دماغ يلا غووورى

وحامد خرجها برة الفيلا خالص وقفل البوابه وسما فضلت تزعق وتقول

سما

حسبي الله ونعم الوكيل فيك يا فارس بيه منك لله ربنا ينتقم منك يا بعيد ربنا ينتقم منك

والناس اتلمت عليها وهي مش شايفه حد وعماله تقول

سما

يا راجل يا واطي بقا تضحك علي بنات الناس وفاكر ان ربنا مش هيسيبك ده ربنا هينتقم منك اشد انتقام

راحت عليه واحده من اهل البلد وقالت لها

الست

مالك يا بنتي في إيه هو البيه عمل إيه

سما بصت عليها وبصت حواليها ولقت الناس ملمومه وفضلت تعيط وسكتت وفي الوقت ده ابوها كان في الورشة اللي بيشتغل فيها وراح له واحد اسمه سيد وقاله وهو بينهج

سيد

الحق يا عم إبراهيم الحق بسرعة تعالي شوف اللي بيحصل عند فيلة الباشا

ابراهيم

في ايه يا واد يا سيد ايه اللي بيحصل عند الباشا ومالك ياض بتنهج كده ليه هو حد بيجري وراك ولا إيه

سيد

لا لا اصل سما بنتك عندك الفيلا بتاعت فارس باشا وعماله تشتمه وتدعي عليه وتقوله منك لله بقا بتصحك علي بنات الناس وفاكر اني هسكت لك

ابراهيم بصدمه

انت بتقول ايه ياض وسما بنتي ايه اللي يوديها فيلة الباشا وليه تقوله كده وتقصد ايه بالكلام ده امشي قدامي وريني كده اللي بتقول عليه ده

المعلم صاحب الورشة قاله

في ايه يا إبراهيم انت رايح علي فين كده

ابراهيم

مش عارف يا معلم معلش هوصل خمسه كده اشوف في ايه واجي علطول

وراح ابراهيم عند المكان اللي فيه سما وهي عماله بتعيط وبتدعي عليه فارس وابوها قالها

ابراهيم

في ايه يا بت يا سما انتي بتعملي ايه هنا وايه اللي انتي عماله تقوليه ده

سما اتصدمت لما شافت ابوها وقالت بارتباك

سما

ااا م م مفيش يا بابا يلا بينا نروح علي البيت

ابراهيم

يلا علي فين يا بت انا مش همشي من هنا قبل ما أعرف فيه وايه الكلام اللي انتي عماله تقوليه ده انطقي يا بت

سما بصت علي الناس اللي حواليهم وهي بتقوله

سما

يا بابا بس تعالي نرجع البيت وانا هفهمك علي كل حاجه يلا بس عشان الناس اتلمت

ومشي معاها ابوها وهو مش فاهم حاجة خالص ودخل البيت وكانت النسوان قاعدة وامال مركزة اوي معاهم وسما دخلت ابوها الاوضه وقالت له

سما

بص يا بابا انا هحكي لك كل حاجه بس والنبي تهدي كده ومتتعصبش عشان نعرف تلاقي حل للي حصل ماشي

ابراهيم اعصابه باظت اكتر واتعصب عليها وقالها

ابراهيم

يا بنت ال .... يا بت انطقي واقولي في ايه انا علي أعصابي دلوقتي انطقي

سما

بص يا بابا اللي حصل ااا وحكت له كل حاجة وإبراهيم لما سمع كده قعد علي الكرسي وحط ايده علي راسه وقال

ابراهيم

يعني ايه يعني انا اتفضحت في البلد يعني بنتي اللي فرحها كمان يومين تروح للراجل ده وتخليه يعمل فيها كده

سما

لا لا يا بابا لا مش كده خالص هنا اختي محترمه وعمرها ما تعمل حاجة زي كده صدقني يا بابا هنا اختي مفيش منها هو الكلب اللي ضحك عليها واستغل انها رايحه تطلب منه فلوس

ابراهيم

طيب ومطلبتش مني انا ليه هااا ليه تروح تقوله علي فلوس انا لازم اشرب من دمها وسعي يا بت من قدامي

سما

لا لا انا مش هسيبك تخرج وانت في الحاله دي بلاش تعملها حاجة والنبي يا بابا خلينا نتفاهم وبعدين هي مكانتش راضيه تقولك عشان خاطر انت الحمل عليك تقيل ومكانتش عايز تزود حملك

ابراهيم

تقوم الفاجرة تروح لواحد زي ده تترمي في حضنه عشان يرضي يديها قرشين مش كده انا بقا لازم اغسل عاري انا اتفضحت واللي كان كان وسعي من قدامي وسعي

وزقها ودخل بسرعه علي المطبخ والكل مراقبه وساميه قالت لسما

ساميه

هو في ايه يا بت يا سما ابوكي ماله وايه اللي بيحصل ده

سما

الحقي يا ماما الحقي بابا قبل ما يعمل حاجه في هنا اختي الحقيه بسرعه متخلهوش يدخل عندها

ساميه

استني يا ابراهيم هو في ايه يا خويا هي عملت إيه

ابراهيم ماسك سكينه في ايده وقال لمراته

ابراهيم

ابعدي عن وشي يا ساميه ابعدي انا لازم اشرب من دمها دلوقتي حالا

امال

هو في ايه يا إبراهيم هي بنتك عملت ايه بس عشان عايز تعمل كده فيها كده يا ابراهيم اهدي

ابراهيم

انا مش عايز حد يتكلم ولا كلمه معايا انتو سامعين ولا لأ افتحي يا بت يا هنا افتحي الباب

وفتحت هنا وهي بتقوله

اهدي وابنبي يا بابا انا هفهمك كل حاجة ارجوك تهدي بس وانا هشرح لك

ابراهيم

تشرحي لي ايه يا فاجرة

وراح راشق السكينه في بطنها هنا برقت وفجأة الكل سكت وبقوا في حاله من الصدمه وساميه صوتت وقالت

ساميه

بنتاااااي قتلتها يا إبراهيم قتلت بنتك

وامال واقفه مصدومه وسما وسماح وكل اللي موجودين وابراهيم بص علي ايده وشاف الدم وهنا مرميه في الارض وهو مش مستوعب اللي بيحصل وبيقول

ابراهيم وهو مش مصدق اللي عمله وبيقول

هناااا بت يا هنااا قومي يا حبيبت ابوكي فوقي يا بنتي هو ايه اللي حصل هي بنتنا مالها يا ساميه ايه الي حصل يا هنااا هناااا

سما بانهيار

ليه عملت كده يا بابا ليييه حرام عليك ليه عملت كده يا حبيبتي يا هنا يا حبيبتي

ساميه

قتلت بنتك يا إبراهيم ليه يا إبراهيم ليييه طيب كنت استني لما نفرح بيها بيها الاول حرام عليك

وفجأة ابراهيم وقع في الأرض جنب هنا ومات هو كمان والحزن بقا مالي البيت كله وفي العزا امال مرات اخو ابراهيم قاعده هي وبنتها وبتقولها في ودنها

سماح

اموت واعرف يا ماما البت دي عملت إيه ده محدش فيهم لا مرات عمي ولا اللي اسمها سما دي نطق بكلمه من يعد اللي حصل

امال خبطتها بكوعها وهي بتقولها

آمال

يا بت اسكتي مش وقته الكلام ده هو احنا في ايه ولا في ايه بس يعني عمك هيعمل فيها كده ليه الا لو كانت غلطت مع حد ربنا يسترها علي ولايانا يارب بقولك ايه يا بت انا مش عايزة ولا كلمه انا بقولك اهو

سماح

هو انا قولت حاجه انا بس عايزة افهم ايه اللي حصل علي العموم انا هاروح اواسي أشرف اللي قاعد يا عيني مش فاهم في ايه ولا عارف عمي عمل كده ليه انا هاروح افهمه بقا

آمال

روحي ياختي روحي يمكن يبص لك بقا ويتجوزك واخلص منك كتك الهم

وميلت حمات هنا علي ساميه وقالت لها بصوت واطي

الحما

الا ياختي هو ايه اللي حصل بالظبط هو سي ابراهيم الله يرحمه قتل هنا ليه هااا احنا لحد دلوقتي منعرفش حاجة خالص هو ايه الموضوع يا سما

سما بتعيط

ولا موضوع ولا حاجه يا خالتي ام اشرف اختي وابويا نصيبهم كده عمرهم وانتهي لحد كده احنا بقا مش عايزين كلام كتير في الموضوع ده

الحما

كده طيب اصل الناس بتتكلم في البلد بيقولوا يعني ان اختك عملت استغفر الله العظيم يارب انا عندي ولايا ومش عايزة اتكلم بقااااا

سما

قطع لسان اللي يقول علي اختي كلمه واحدة بقولك إيه اي حد هيجيب سيرة اختي بكلمه واحده انا هقطع له لسانه انا بقول اهو اختي دلوقتي في دار الحق فياريت اللي عنده كلمه يلمها ماشي

الحما

ومالك محموقه اوي ليه كده علي العموم ربنا يرحم مواتاكم انا عملت الواجب وخلاص بالاذن بقا فوتكم بعافية

سما وهي بتعيط قالت لنفسها

في داهيه تاخدك انتي وابنك انتو السبب في كل ده منكم لله بس والله يا فارس لاكون مندماك علي كل حاجه عملتها

وفي اللحظه دي ساميه اتكلمت بالعافيه وقالت لسما

ساميه

دخليني اوضتي يا سما انا عايزة ادخل ارتاح انا مش قادرة اقعد يا بنتي

سما

تعالي يا ماما لما ادخلك جوه تعالي

وسندتها سما لحد جوه وعند سماح قاعده جنب اشرف وعماله تقولوا

سماح

والله يا اشرف انت مكان ليك اللي اسمها هنا دي طب انت عارف انها نعرف عنها بلاوي انا وماما بس منقدرش نتكلم

أشرف بص لها باستغراب وهي كملت كلامها وقالت

سماح

ايوه ايوه انا بس مش عايزة اجيب سيرتها وهي ميته ماهي برضو متجوزش عليها غير الرحمه

أشرف

هو ايه اللي حصل يا سماح انا عايز أعرف ايه اللي حصل وهنا عملت ايه عشان ابوها يقتلها

سماح

استغفر الله العظيم انا مش هتكلم في حاجة يا اشرف وبعدين يعني واحده ابوها قتلها انت بقا المفروض تفهم لوحدك كده ايه اللي حصل ولا انا لازم اجيب في سيرتها

أشرف وطي راسه في الأرض وسماح قالت له

سماح

لا لا بلاش اللي انت عامله في نفسك ده انت تهدي كده وتبص حواليك والله هتلاقي اللي تشيلك في عيونها الاتنين

أشرف ساب سماح ودخل جوه لسما وقالها

أشرف

ممكن بقا اعرف ايه اللي حصل اختك غلطت مع مين يا سما

سما

اخرص واياك تجيب سيرة اختي انت سامع انا اختي مفيش منها وانت عارف كده ولا انت نسيت انك حفيت وراها

أشرف

بقا كده يعني اختك معملتش حاجة والبلد كلها واللي بيقولوه الناس محصلش اومال ابوكي قتلها ليه هااا

سما

ده كان سؤ تفاهم وبس مش اكتر من كده يا أشرف وبعدين خلاص اختي ماتت وانت تقدر تروح تشوف حالك مع واحده تانيه اتفضل بقا بالسلامه وعلي فكرة الشبكه هتجي لك لحد عندك

اشرف سابها ومشي وهي انهارت من العياط وقعدت مكانها وفي الفيلا بتاعت فارس عرف اللي حصل من حامد وقاله

فارس

يبقا البت اللي اسمها سما دي مش هتسكت يا حامد واكيد هتيجي هنا تتنطط لي زي فرقع لوز

حامد

اللي تؤمر بيه جنابك انا انفذه شوف حضرتك عايز تعمل ايه وانا تحت امرك لو عايزني اروح انا والرجاله نرميها هي وامها برة البلد هنعمل كده

فارس

لا لا مش كده خالص انا مش عايز دوشه وحوارات انت عارف اني داخل علي انتخابات ومش عايز حد يجيب في سيرتي

حامد

طيب تحب نعمل فيهم ايه حضرتك

فارس

اسمع يا حامد انت تاخد الرجاله معاك وتروح كده علي بيتهم ومن غير ما اي حد يحس بيكم ترموا شوية بنزين وتولعوا في البيت باللي فيه

حامد

والله فكرة حلوه يا باشا ماشي هنعمل كده اطمن علي الاخر انا مش عايزك تحمل هم حاجة طول ما انا موجود

فارس

ماشي يا حامد لما اشوفك هتعمل ايه بس اسمع انا مش عايز حد يحس بحاجة والرجاله مش عايز حد ينطق بكلمه انت سامع ولا لأ

حامد

يا باشا اطمن كل حاجة هتمشي تمام وزي الفل انا عايزك تطمن حضرتك علي الاخر انا هاروح اجهز الرجاله ونشوف هنعمل إيه بالاذن جنابك

ومشي حامد وفضل فارس قاعد بيفكر في اللي هيحصل وقال

فارس

انا لازم اخرس اي كلب في البلد دي يتعدى حدوده هما فاكرين نفسهم ايه يعني

رواية خيانة في قصر الظلم الفصل الثاني والاخير

وبعدها حامد اتفق مع الرجاله انهم ينفذوا موضوع الحريقة وفعلا راحوا في نص الليل علي بيت سما ودلقوا بنزين علي البيت وولعوا فيه والبلد كلها اتلمت وخرجوا سما من البيت بس ملحقوش امها وهي فضلت تصوت

سما

الحقوووا ماما يا نااااس ماما جوه الحقوها بسرعه يا ماما مامااااا

وفضلت تسرخ لحد ما فات الاوان وامها راحت في الحريقه وسما فضلت تعيط وامال قالت لها

آمال بخبث

لا حول الله ياربي انا مش عارفة اقولك ايه يا سما يا بنتي بقا كل ده يحصل معاكم ليه بس استغفر الله العظيم اللهم لا اعتراض

سماح بخبث

معلش يا سما يا حبيبتي كلنا لها وده نصيبهم بقا علي فكرة بابا بيقول انك انتي هتفضلي قاعده معانا في البيت هنا ااه ما هو انتي دلوقتي ملكيش حد غيرنا

امال

معلوم طبعا هتفضل قاعده عندنا اومال يعني هتقعد في الشارع انتي خليكي هنا يا سما ومتشليش هم حاجة ارتاحي يا حبيبتي وان شاء الله ربنا هيصلح لك الحال

وكل ده وسما اصلا حزينه ومش مركزة معاهم خالص وسابوها في الاوضه وخرجوا وعمها قال لآمال

مختار

ايه الاخبار يا امال البت سما عامله ايه دلوقتي

امال

الله يكون في عونها يا مختار انا عارفه ياخويا كل اللي بيحصل لهم ده ليه هو انت رحت المركز

مختار

ايوه كنت في المركز وبيقولوا انهم مش عارفين مين اللي عمل كده

سماح

هي كانت سايبه البوتجاز والع قام ولع فيهم بقولكم ايه انا مش بعرف انام في الاوضه وفي حد معايا انتو لازم تشوفوا لها مطرح تاني ااه انا مش هينفع اعيش كده والبت ديه معايا في نفس الاوضه

مختار

ايه يا بت اللي انتي بتقوليه ده ما تعقلي بنتك يا امال هي عايزاني ارمي لحمي في الشارع ولا ايه انتو عايزين الناس تاكل وشي ويقولوا مختار رمي بنت اخوه في الشارع

امال

لا يا خويا البت اصلها متقصدش يا مختار هو احنا برضو نرضتها ان الناس تجيب في سيرتك برضو هي هتفضل هنا زي ماهي

مختار

انا رايح الشغل مش عايزين حاجة

امال

لا ياحبيبي مع الف سلامه

ومشي مختار وسماح قالت لأمها

سماح

بقولك ايه انا مصدقت ان اشرف هيجي يتقدم لي ااه ماهو انا مصدقت ان هو بص لي

امال

متقلقيش ياختي هتموتي علي الجواز اوي كتك الهم ما انتي خلاص مفيش قدامه غيرك خايفه ليه بقا اهمدي شويه

وكل ده حصل وسما سامعه كلامهم جوه في الاوضه وعماله بتعيط وقالت

سما

الله يرحمك يا بابا انت وماما وانتي كمان يا هنا الله يرحمكم سبتوني في الدنيا لوحدي ليه بس

وفي الفيلا عند فارس كان قاعد مع واحده وعماله بتضحك وبتقوله

شوشو

جرا ابه يا فارس بيه هو انت مالك كده النهارده حساك مش في المود ايه هو انت في حاجة حاصله معاك ولا ايه

فارس

لا أبدا مفيش حاجة انا بس بفكر في صفقه كده هتتعمل قريب

شوشو

طبعا منصور ان شاء الله بس طبعا انا ليا الحلاوة مش كده برضو

فارس

ااه هبقا افكر في الحكايه دي تعالي بقا نطلع فوق يلا عشان في كلمتين عايز اقولهم لك

شوشو بدلع

هيهيهيهي بموت فيك يا قلبي

وعند امال سما فضلت حابسه نفسها في الاوضة وسماح اتخطبت لاشرف وبعد شهر سما راحت عند الفيلا وحامد قالها

حامد

ايه ده انتي ايه اللي جابك هنا وعايزة ايه بقولك ايه البيه مش موجود يلا اتكلي علي الله

سما بهدؤ

اهدي بس يا عم حامد مالك داخل فيا شمال كده ليه انا كنت جايه للبيه عشان عايزة اشتغل هنا في الفيلا

حامد

اااه بس البيه مبقاش يشغل عنده يلا بقا روح شوفي حابك في حته تانيه

سما

طيب بس كلمه كده او خليني اقابله متقلقش انا مش جايه اعمل مشاكل ولا حاجه انا بس جايه له في شغل الله يخليك قوله اني عايزة أقابله

حامد

بس هو فعلا مش هنا

سما

خلاص هقعد جنبك هنا استناه لحد ما يرجع من برة

حامد

ماشي خليكي وامري لله اقعدي هنا علي بال ما يوصل

وبعدها بكام ساعه وصل فارس الفيلا ونزل من عربيته وشاف سما وقالها

فارس

انت ايه اللي جابك هنا يا بت انتي يلا امشي انا مليش كلام معاكي

سما بحزن

علي فكرة انا مش جايه اشحت منك ولا جايه عشان اتخانق ولا حاجه انا جايه لك عشان تشغلني عندك

فارس

وعايزاني اشغلك عندي ايه بقا أن شاء الله سكرتيرة مكتبي عندي سكرتيرة مش محتاج

سما

انا عايزة اشتغل عندك هنا في الفيلا نفس الشغلانه اللي كانت المرحومه بتشتغلها

فارس بص لها من فوق لتحت وقال

فارس

اااه طيب ماشي انا ماعنديش مانع بس بشرط انا مش عايز مشاكل انتي سامعه وتعملي اللي مطلوب منك وبس

سما

حاضر يا فارس اللي تقول عليه انا هعمله

وبعدها اشتغلت سما في الفيلا واول طلب لفارس منها كانت قهوة وقالت له

سما

اتفضل القهوة يارب تعجبك

فارس بص للفنجان وبص لسما وقالها

فارس

طيب اشربي منها انتي الاول اصل الواحد مبقاش بيثق في حد ابدا

سما ضحكت نص ضحكه وقالت

متقلقش يا بيه انا مش حاطة لك فيها حاجة انا واحده جايه تاكل عيش مش تعمل مشاكل وعلي العموم اهو

وشربت منها بوق وهو قالها

فارس

ماشي يا سما وخلي بالك انا لو كنت مقلق منك انا مش هخليكي عندي ولو سولت لكي نفسك وفكرتي مجرد تفكير انك تعملي حاجة موتك هيبقا محتوم فهماني

سما

فهماك يا بيه اطمن انا واحده عايزة تعيش وبس

واتفتحت في العياط وفارس بص لها بحزن وقلبه وجعه وقام وقف قدامها وقالها

فارس

ممكن تهدي وبلاش اللي انتي بتعمليه ده أرجوكي

سما

حاضر انا اسفه ان دموعي نزلت غصب عني بس والله انا تعبانه اوي نفسيا ومش قادرة انسي إللي حصل لأهلي خالص

فارس بتوتر

اااا طيب يا سما لو سمحتي بلاش اشوف دموعك تاني انا اصلي مش بتحمل يعني اني اشوف واحده بتعيط كده اوعي تكوني فاكراني ان قاسي اوي كده لا انا فعلا بتأثر جدا

سما قالت لنفسها

اومال لما اختي اتوسلت لك عشان ترحمها مرحمتهاش ليه يا مفتري

وكملت كلام وقالت

سما

والله اللي يشوفك كده مايصدقش عنك اللي انت عملته في اختي

فارس باستغراب

هو انا عملت إيه يعني يا سما هو انتي لسه فاكره اني انا اللي عملت في اختك كده علي فكرة انتي غلطانه انا لا يمكن اعمل كده في هنا دي كانت بتشتغل هنا طيب ما انا لو كنت عايز عايز واحده هجيب اللي انا عايزها وبفلوسي اقدر اعمل كده

سما

يعني مش حضرتك اللي عملت كده في اختي يعني انت فعلا ملمستهاش اومال هي كانت بتتبلي عليك

فارس

ما هو انتي لو كنتي سمعتيني يوم لما جيتي هنا كنتي هتفهمي لكن انتي طلعتي فيا وعملتي لي فضيحه من لا شئ علي العموم انا مش عايز افتكر اللي حصل واتفضلي روحي شوفي شغلك

وبعدها سابته سما ودخلت المطبخ

وفي بين مختار كان قاعد هو ومراته

ساميه

طلعت بت واطيه سابت البيت وراحت عند فارس والله اعلم بقي اي اللي بيحصل بينهم دلوقتي

مختار بعصبيه

قطع لسانك يا امال ما تتكلميش على بنت اخويا بالطريقه دي البت دي اتبهدلت في حياتها بما فيه الكفايه وليها حق تمشي من هنا بعد اللي شافته بعينيها بنتك هتتجوز خطيب اختها اللي لسه ميته من كام شهر يعني عايزاها تفضل قاعده تتفرج عليهم وهم بيتجوزوا قدامها

امال وهي بتعدل طرحتها

يا خويا كل شيء قسمه ونصيب احنا يعني هنقدر نقول لربنا لا وبعدين اشرف نفسه قال انه خلاص عايز يكمل حياته وسماح بنتي برضو من حقها تفرح وتعيش زي باقي البنات

مختار اتنهد بضيق وقال

ايوه بس مش بالشكل ده يا امال البت قلبها محروق على اهلها وعلى اختها اللي راحت ظلم واللي حصل ده كله كبير عليها قوي

امال قربت منه وقالت بصوت واطي

والله يا مختار قلبي مش مطمن لسما دي حاسه ان جواها نار وساكتالها بس البنت دي هتعمل مصيبه كبيره انا حاسه

مختار قعد على الكرسي وحط ايده على راسه وقال بتعب

ربنا يستر بقى انا عارف سما كويس وعارف انها عمرها ما بتسيب حقها ابدا والبنت من يوم ما اهلها ماتوا وهي متغيره ومبقاش في عينيها خوف من حاجه

وفي الفيلا كانت سما واقفه في المطبخ وبتقلب الاكل على النار ودموعها بتنزل بالعافيه وهي سرحانه في صورة هنا وامها وفجأه دخل فارس المطبخ وبصلها باستغراب وقال

فارس

ايه ده وانتي بتعملي الاكل بنفسك

سما مسحت دموعها بسرعه وقالت

ايوه يا بيه قولت اعملك الاكل بايدي يمكن يعجبك

فارس قرب من الترابيزه وقال

انا عايز افهم حاجه واحده بس ايه اللي جابك هنا مع اني اخر واحد كنت اتوقع انك تشتغلي عنده بعد اللي حصل

سما وقفت شويه ساكته وبعدها قالت بحزن

ما قدرتش اقعد في بيت عمي واشوف خطيب اختي بيتجوز بنته قلبي كان بيتقطع كل يوم ومكنش عندي مكان اروحه غير هنا محدش في البلد دي بيرضى يشغل واحده زيي بعد الكلام اللي الناس قالته علينا

فارس بصلها بتوتر وقال

بس برضو المفروض تكوني بتكرهيني

سما بصتله بدموع وقالت

اكرهك واروح لمين يا فارس بيه انا بقيت لوحدي في الدنيا لا ام ولا اب ولا اخت حتى البيت اتحرق ومبقاش ليا مكان ولا سند وانا تعبت من اللف والدوران ونظرات الناس اللي بتاكل فيا كل يوم

فارس

تمام بس اللي عايز اقولوا ليكي انك فاهمه غلط عني والله وبكره تفهمي الصح

وفي بيت مختار راح ليه اشرف

اشرف

انت ازاي توافق ان بنت اخوك تروح تشتغل عند الاس اسمه فارس ده

مختار

وأنا مالي ومالها يا ابني مليش دعوه تعمل اللي هي عايزه

اشرف

لا والله بعد الكلام اللي بنتك قالتو ليا واللي عمله في هنا بتقول كده

وبعدها أنصدم مختار وقال

مختار

هي سماح قال ليك اي بالظبط مش فاهم انا

وبعدها اشرف بص ليه بغضب وقال

اسال بنتك بقي قالت ليا اي واعمل حسابك انا مش عايز بنتك

وبعدها مشي وخرجت سماح وسمكها ابوها من أيدها

سماح

اه هو فيه اي يا بابا مالك بتعمل معايا كده ليه

مختار

هو انا لسه عملت معاكي حاجه انا هوريكي هعمل فيكي ايه ايه اللي خلاك تروحي تقولي لاشرف على اللي حصل مع هنا

سماح

هو انا كنت قلت حاجه غلط يعني مش انا قلت اللي حصل لها انا عايزه اعرف هو انت ليه بتحبهم اكتر مني كده

الاب

طول عمري غبيه مش بتفكري الا في نفسك وبس

اوعي كده من وشي

وفي الفيلا كانت سما حاطط الاكل على السفره ونزل فارس علشان خاطر ياكل

دخل فارس بهدوء وقعد على الكرسي وبص للسفره وبعدين بص لها

فارس

اقعدي كلي معايا

سما بصت له باستغراب وهزت راسها برفض

سما

لا ما ينفعش طبعا العين عمرها ما تعلي عن الحاجب

فارس رفع حاجبه وسند ضهره وقال بسخرية خفيفة

فارس

وانا اضمن منين انك مش حاطه ليا سم في الاكل ده

انا مش هاكل من الاكل ده غير لما انت تاكلي منه الاول واتاكد ان ما فيهوش حاجه

سما مسكت المعلقه بهدوء وبصت في عينه من غير خوف وبعدين قربت الاكل من بوقها وبدأت تاكل بهدوء وبسرعه كأنها مش واخده بالها من كلامه

سما وهي بتاكل

سما

الله عليكي يا بنت يا سما لما بتعملي اكل بضمير بيطلع طعمه حلو

بصت له وكملت وهي ماسكه المعلقه

سما

انا عمري ما هعمل كده حتى لو مش علشانك هيكون علشان مش عايزه اودي نفسي في داهيه

فارس كان متابعها بصمت ووشه بدأ يلين شوية بس قبل ما يتكلم الباب اتفتح بقوة

ودخل مختار بعصبيه

مختار

انا عايز اعرف انتي ايه اللي جابك هنا امشي قدامي يلا

سما وقفت وبصت له بثبات رغم الدموع اللي في عينيها

سما

اقعد عندك اعمل ايه وانا مش متاكده ان بنتك واشرف هم اللي متفقين على موضوع اللي حصل ده لاختي ومخبيين ورا فارس بيه

مختار اتصدم من كلامها ورفع صوته

مختار

ايه الهبل اللي انتي بتقوليه ده لا طبعا الكلام ده مش حقيقي

سما ضحكت ضحكه مريرة وهزت راسها

سما

مش حقيقي امال تقدر تقول لي ايه بقى موضوع ان اشرف يتقدم لبنتك بعد وفاه اختي على طول

سكتت لحظه وبعدين صوتها علي وهي بتترعش من الغضب

سما

اطلع بره يا عمي وانساني من دماغك خالص

انا عمري ما هرجع واعيش عندك تاني

وبعدها مشي العم وهو مش قادر يتكلم خالص

وبعد ما مشي راحت علي المطبخ وفي يوم كانت سما بتغير في اوضتها وبعدها دخل فارس

سما

الله مش تخبط ع الباب قبل ما تدخل ولا اي

فارس فضل باصص علي جمالها وبعدين خرج وشويه وهي خرجت وفارس قال ليها

فارس

مش عارف انتي عملتي اي في قلبي انا قلبي اتعلق بيكي اوي ليه كده يا سما

سما

اي الكلام الغريب اللي بتقول عليه ده لا طبعا مينفعش انا الخدامه وانت سعاده البيه

فارس

والله بجد معرفش اي اللي حصل ليا انا انا انا عايز انا وانتي تكون معاه بعض

سما

بالحلال

فارس سكت شويه وبعدين فال

انتي بتقولي اي

سما

عايز تكون معايا تتجوزني ونعيش بالحلال انما انا مليش في الحرام

فارس

بس انا

سما

انا لسه ما خلصتش كلامي عايزه اقول لك على حاجه كلام هو الحي ابقى من الميت بس انا عايزه افهم كل حاجه انت اللي عملت في اهلي كده وانت اللي عملت في حالنا بنفس الكلام صح

فارس

وانت بتفتحي في القديم ليه بس يا سما

سما

مشكلتي ان انا حبيتك واتعلقت بيك بس في نفس الوقت عايزه اعرف انت اللي عملت فيهم كده

فارس

هتفتكر انك هترتاحي لما تعرفي الحقيقه يعني بس انا ممكن اعوضك عن كل حاجه

سما

هتعوضني ازاي يعني مش فاهمه كلامك

فارس

انا هامن مستقبلك وهعملك كل اللي انت عايزاه بس تكوني معايا وتكوني مراتي انا بجد حبيتك

سما

وانا ولا عايزه فلوس ولا عايزه حاجه انا عايزه اعرف انت اللي عملت فيهم كده صح

وفي الوقت ده على خدوده وقالت

سما

انا حبيتك وتعلقت بيك يا فارس بس في نفس الوقت عايزه اعرف الحقيقه

فارس

ايوه انا اللي عملت كده بس غلطه والله معرفش ايه اللي حصلي من ساعه ما شوفتك انا كنت فارس اللي عمر ما همني اي حد معرفش اي اللي جرالي

سما بصت علي على الترابيزه ولقت المسدس بتاع فارس وراحت واخداه وقالت

سما

انت لازم تموت زيهم وانت فاكرني واطيه وندله ممكن ابيع اهلي عشان خاطرك

فارس

انسى يا سما وبطلي اللي انت بتعمليه ده وانا والله زي ما قولت لك هعوضك عن كل حاجه

سما

عمرك ما هتقدر تعوضني عن اختي وامي وابويا

انا يوم ما جيت الفيلا دي جايه و قايله ان انا هحبسك بس لما سمعت الحكايه منك مش هسيبك عيش دقيقه واحده

وبعدها دخل اشرف ومع البوليس وقال ليها

اشرف

جرى ايه يا سما هو ده اللي احنا متفقين عليه مش احنا قلنا هنسمع منه الحكايه وهنحبسه سيب المسدس اللي في ايدك ده ما توديش نفسك في داهيه

سماا مش هسيبه عايش دقيقه واحده بعد اللي حصل وبعد اللي سمعته

الظابط

اوعدك ان الحق اهلك هيجيلك بس بلاش تودي نفسك في 60 داهيه سيبي المسدس ده من ايديك

بعدها بيقرب منها اشرف وبياخد منها المسدس وبيتقبض على فارس وبعدها بتفضل تعيط

سما

بجد مش عارفه اشكرك ازاي اشرف عشان وقفت جنبي علشان اجيب حق اختي وابويا وامي

وبعدها بدأت تفتكر اللي حصل

فلاش باك

سما كانت واقفه مع اشرف بعد ما عرفت ان هو هيجوز سماح

سما

معقول هتتجوز سماح مش لاقي الا دي حرام عليك ليه توجع قلبي

اشرف

هو صحيح الكلام اللي انا سمعته منها وان اختك باعت نفسها للي اسمه فارس عشان خاطر تاخذ منه فلوس

سما

انت ممكن تصدق عليها الكلام ده اختي لا يمكن تعمل كده اختي تاخدي تغدر

اشرف

ايه الكلام الغريب اللي انت بتقولي عليه ده انا مش فاهم منك حاجه

سما

انا هقول لك على كل حاجه وبعدها قلت لي على كل حاجه

اشرف

انا لازم اشرب من دمه اكيد مش هسيبه عايش دقيقه واحده بعد اللي حصل ده

سما

حط انت في ايدك واحنا هنرجع حقها

وانا هقول لك هنعمل ايه وبعدها اتفقت ان انا هروح اشتغل معايا وهنركب كاميرات في الفيلا وهو مش موجود وعملنا فعلا الكلام ده

باك

اشرف

اختك لو كانت قالت لي على الموضوع انا كنت سترت عليها وكنت جبت لها حقها من الحيوان ده

سما

انا اللي ضيعتها بغبائي انا اللي جيت هنا الفيلا وفضحت ابويا وفضحتهم كلهم مش قادره اسامح نفسي

اشرف

بلاش تحملي نفسك اكتر من طاقته هو اخذ جزاء وخلاص يلا بينا عشان نمشي

وبعدها رحنا المقابر عند ابويا وامي وهنا واول يوم كنت فرحانه عشان اجيبلهم حقهم فيه

واشرف سعيد نجيب شقه وعيش فيها وعمري ما نسيت اهلي ربنا يرحمهم ويغفر لهم