تحميل رواية «خطفني وصار محبوبي ﴿روايه سعوديه مكتمله﴾» PDF

*******************

صحت من النوم لقت نفسها مو في غرفتها !

لما صارت تناظر عدل أكتشفت انها في غرفة عزيز ..

نوف :ايش جابني هنا ! (وصارت تناظر كويس وتدور عزيز اللي هي في غرفته وهو مو موجود)

نوف قامت من سريره ودخلت الحمام غسلت وجهها وطلعت برا لقته قدامها

عزيز :نوف صحيتي ؟؟

نوف:ايوهه , بس ايش جابني هنا ؟

عزيز:قبل لا أجاوبك قولي لي أنتي ايش صاير لك أمس ؟

نوف تفكر وتذكرت اللي صار أمس وشهقت !!

نوف:وربييييي أأسفففففففه , لا تفكر ابدا باللي صار امس ماكنت بوعيي صدقني !

عزيز:نوف أنتي تحبين وليد ؟؟

نوف بصدمه:هوو !!!!!! , لييه أنا أمس قلت لك كذا بعد ؟ !!!!

عزيز وهو يحك راسه:لا بس قلتي لي وليد لاتتركني

نوف مو عارفه شتقول:آآآآ , آآآآ

عزيز:طيب ؟

نوف:عزوز , أنسى كل شي صار أمس طيب ؟ يعني ترى امس ماصار شي انسى بلييز

عزيز ابتسم:طيب بس انقلعي أبي ادخل غرفتي

نوف:ههههههههههههه طيب أدخل (وراحت)

راحت نوف غرفتها ولقت ريما لازالت نايمه شافت الساعه ولقتها 3 الظهر

راحت المطبخ لانها كانت تحس بجوع فضييع

نوف:سيتتاا , سوي لي غداء وجيبيه لي في غرفة الطعام

سيتا:بابا وماما يأكلون الحين في أكل حق انتي هناك

نوف راحت غرفة الطعام وهي مستغربه العاده يأكلون الغداء الساعه وحده ونص

راحت وجلست معهم بعد ما باست راس جدها وجدتها وامها وابوها : مساء الخير

الكل:مساء النور

كانت هي الوحيده من البنات والشبااب اللي تأكل معهم وصاير هدوء مو مثل العاده ازعاج وسوالف

بعد فتره

الجد:الف مبروك يانوف

نوف طاحت الملعقه من يدها وهي مستغربه: على ايش ؟

الجده:على خطوبتك , الله يتمم لك على خير

نوف قامت من طاولة الطعام وراحت برا بسرعه وهي معصبه

الجد:وش فيها ؟

ام مشعل تصرف: هي بس منحرجه

الجده:ياحليلهم البنات وبيتزوجون قريب

*****************************

ندى قامت من النوم وشافت الساعه وشهقت:رااكككاان قووم الساعه ثلاث ونص !!

راكان قام: ها ؟ طيب أنا قايم اتروش

ندى:يلا بسرعه

ندى راحت وجهزت لها ملابس تلبسهم بعد ماتتروش

وبعد فتره طلع راكان من الحمام ولقى ملابسه جاهزه لانه ندى مجهزتهم له

وراحت ندى طيرران دخلت الحمام عشان تتروش

*****************

في بريطانيا - لندن

عند وليد

وليد في نفسه : أدق ولا ماادق ؟ ادق ولا ما أدق ؟ أخاف أدق ويكون جنبها أحد وماتعرف تكلمني

رن جواله وعلى طول بدون مايشوف الرقم رد:الوو

: الو وليد

وليد :هلا والله بالغاليه كيفك أن شاء الله بخخير ؟

:بخير حبيبي انت وش اخبارك ؟ مشتاقه لك مره وابوك مو مخليني أتصل عليك

وليد:هههههه انا بخير ومشتااق لك يمه مرره , وليه مو مخليك ؟؟

ام وليد: على اساس بيعاقبك هههه

وليد:دقي علي في اي وقت ياعمري

ام وليد :فديت ولدي وحبيبي , ودي أنك ترجع بس ابوك عنييد

وليد:والله الغربه تطفش يايمه مشتاق لديرتي وبيتي واهلي

ام وليد:ياعمري انت , وش نسوي بعد أبوك راسه يابس , انهلكت وانا اقنعه يخليك ترجع مو راضي

وليد: خليه شوي يهدى وهو من نفسه يقول لي أرجع

ام وليد:الله يسمع منك

*************************

بعد أسبوع ,,

راكان وندى راحوا شهر العسل في السويد

وفارس ورغد قرب زوااجهم مرره

سجى مع منى راحوا المستشفى يبغون يسقطون الجنين بس لازم موافقة الاب ولحد الحين ماقالوا لعبدالرحمن

سمر كانت طول الاسبوع وهي تقرأ الكتاب اللي عطاها اياه بدر

العنود طول الاسبوع ماطلعت من البيت لانها وعدت أمها

ريما سافرت مع أهلها لـ دبي وماراح تحضر عرس رغد لانها بتظل هناك لحد ماتجي المدارس

نوف صارت دائما لحالها وتبكي

****************************

العنود لابسه عباتها:مر الاسبوع بسلام , قوود بااي ماميي (وحركت يدها بمعنى باي)

ام العنود:هههههههههههه وين بتروحي ؟

العنود: يعني ياخلاف وين بروح غير عند رغيد ههههههههههه بطلع معها

ام العنود:طيب بس لاتتأخرين بخلي السواق يجيك الساعه 11 ونص

العنود:طيب , بااي

ام العنود:باي

**************************

ام مشعل دخلت على نوف

ام مشعل:هما جايين اليوم يشوفوك جهزي حالك

نوف صارت تبكي وتصارخ لاشعورياً:ماما ماتفهههممي أنتييي انا ماابتزوج مابتززوج

ام مشعل جرت نوف من شعرها:ايش قلتي ؟ ما أفهم ؟؟ انا أمك تقولين لي ماتفهمي ؟؟ !!

رمتها على الارض :جهزي حالك على الساعه 8 ونص هم جايين ويا ويلك اذا ماشفتك جاهزه لااحرمك حتى انك تطلعين من غرفتك

(وراحت)

نوف بكت بكي مو طبيعي :وينك ياولييد وينك اهئ اهئ

قامت من الارض وهي تمسح دموعها دخلت غرفة مشعل وحست انه بالحمام يتروش وراحت خذت جواله ودقت على وليد

رد وليد:هلا والله بشعوول بعد قلبي وينك مختفي ؟

نوف وهي تبكي :ولييد أنا نوف

وليد ارتاع من نبرة صوتها : نووف !! , ايش فيك يانووف لييه تبكي ؟ وليه تكلميني من جوال مشعل

نوف:وليد أمي سحبت مني الجوال وماراح أقدر اكلمك مره ثانيه لانـ..

قاطعها صوت باب الحمام يفتح سكرت بوجهه وليد ورمت الجوال بالسرير

مشعل خاف:بسم الله فجعتيني ايش جابك هنا

نوف:ها ؟ ممممم أنا جيت أشوفك بس

مشعل: ممم طيب طلعي ابغى ابدل ملابسي

نوف:ها ؟ اييه يلا (وراحت)

*******************************

فارس: عندي لك أحلى مفاجأه

رغد بحماس: وشو ؟؟

فارس:روحي غرفتك وتشوفيها

رغد متحمسه وراحت لغرفتها لقتها كلها أكيااس وكلهم فساتين وملابس وعطورات لها من برا هدية من فارس

فارس كان وراها

رغد:عيوووونييي أنت ليه كلفت على حالك ؟

فارس:الغالي يرخص لك ياقلبي

رغد:عمري أنت أحلى هديه

******************************

جأ الليل وجأت أم عبدالله مع ولدها

أم عبدالله :وين نوف ليه ماتجي ؟

ام مشعل :الحين تجي أصبري عليها يام عبدالله

*****

تكشخت ولبست فستان وحطت لها ميك آب بمساعدة رغد والعنود وفجر

نوف:بنات والله ماابغى انزل وش اسوي

فجر:عيوني نوف والله فاهمينك

العنود:احس امك قاسيه , ليه تسوي كذا

رغد:العنود اسكتي هبله انتي

نوف فكرت :يلا انا نازله , دعواتكم

البنات:الله يوفقك

فجر:نوف لاتنسين خلي تصرفك مايعجبها

نوف:لاتوصين حريص بذبحها يا أنا يا هي

نوف نزلت وزفرت قبل لا تناظرهم وراحت سلمت على ام عبدالله وولدها وجلست جنب امها

ام عبدالله:ماشاء الله تهببلييين ماشاء الله عليك

نوف بغرور لام عبدالله:شكرآ , أدري أني أهبل ومن زممآن

عبدالله ذااب فيها وحبهاا مرره وصار يناظرها باعجاب ونوف حاطه رجل على رجل مو معطيته وجهه

ام مشعل: وش رايك يام عبدالله نتركهم يتعرفون على بعض ؟

ام عبدالله:ايوه أحسن

(وراحوا)

نوف كانت جالسه ولا ناظرت عبدالله

عبدالله وسسيم مره ومعضل وحركات لكن نوف مايهمها كانت تفكر بوليد

عبدالله:اهلين نوف أنا عبدالله وعمري 28 سنه

نوف صيخته:أدري

عبدالله:طيب انتي كم عمرك ؟

نوف بدون نفس: بعد شهر بدخل 18 سنه

عبدالله:كل هذا حيا عاد طالعي وجهي ؟

نوف قامت وبدون ماتناظره:هذاك شفتني وتكلمت معي , أنا رايحه (وتوها بتروح)

عبدالله مسك يدها:انتظري

نوف جرت يدها منه بقوه:ايش تبغى !

عبدالله:عطيني رقمك ؟

نوف:ماعندي جوال

عبدالله:بتدخلين الـ 18 سنه وماعندك جوال ؟؟؟

نوف:جوالي أمي مأخذته لاني قليلة آدب , روح تفاهم معها (وراحت)

راحت وشافت رغد قدامها وحظنتها وصارت تبكي :رغد أبي امموت ,أنا مو عارفه كيف بقول لوليد بهالسالفه !

رغد :حبيبتي لاتقوليين كذذاا حراام , وبعدين انتي بامكانك انك تخلين هذا يرفضك , صيري عربجيه بافعالك صيري نفس العنود

العنود:يازففته هههههههههههههههههههههه

نوف مسحت دموعها:ههههههههههههههههه

****************************

بعد ثلاث أسابيع مرت بسرعه

كان فستانها معلق في الدولاب

فتحت الدولاب وصارت تناظره

ودخلت عليها نوف:ايش فيك انتي ، دايم كذا تناظري بالفستان

رغد سكرت الدولاب:هههههههه ياحبيبتي ، بكره زواجي ولازم اشيك ، بس حدي خاااايفه ومتوتره

نوف:رجعنا من جديد

رغد طلعت مع نوف برى :اقولك صعب علييي خاايييفه قلبي يدق بسرعه

نوف:طيب هذا حلمك وتحقق وش تبغين بعد بكره زواجك من فارس , أنا لو بكره زواجي مع وليد كان كنت أسعد أنسانه بالعالم

رغد:الززبده انا خاايفه

وراحوا للحديقه

نوف :أففففففففففففففففف

رغد:وش فيك ؟

نوف:عبدالله الزفت دايم يدق علي وربي طفشت منه مو راضي يستسلم أقولك صرت أزيد من العنود حتى كلامي صار عربجي وش يبغى هذاااا

رغد:انتي لاتستلمي وسوي كذا دائما لحد ما يقول ماابغاك

********

فوزيه بنفسها :دام رغد طالعه للحديقه بروح غرفتها

وراحت وحطت الظرف اللي فيه الصور داخل فستان زواج رغد

***********

اليوم الثاني

يوم زواج رغد

جلسوا من الصباح وجاتهم الكوافيره واشتغلت برغد ف البدايه طبعا الكوافيره جات عشان رغد وفجر ونوف اما الباقي فراحوا الصالون اما الشباب فراحوا الحلاق وضبطوا انفسهم بعدين راحوا لملزرعه وسبحوا فارس وتعرفون الشباب مزحهم ثقيل اذا جاو يسبحون المعرس ،،

جأ العصر وخلصوا كلهم فرجعوا الفيلا

سمر دخلت عليهم:بل ولا خلصتوا ؟

نوف وهي تلعب بالجوال : باقيي رغد

سمر:ها تولين متى بتخلصين رغد

تولين:شويه بس

فجر:تولين ماعليك منها لاتستعجلي هاذي العروس

تولين:اوكي

وصار وقت روحتهم لصالة الزواج

الساعه ثمانيه ونص

طلعوا البنات من غرفة رغد علشان رغد تلبس فستان

زواجها والبنات بعد راحوا يلبسون فساتينهم

رغد فتحت الدولاب وخذت فستانها وفجاه طاح شي على الارض ماهتمت قالت بلبس الفستان قبل

لبسته وناظرت شكلها بالمرآيه ابتسمت وتذكرت الظرف اللي بالارض ، فتحته وهي مبتسمه

وتنصدم بالصور ولقت في ورقه مكتوب عليها

هذول مو صور قديمه هالاشياء كانت تصير وانتي ماتدرين حتى لما كنتي في غيبوبتك كانوا يتواعدون ف حبيت اقولك قبل لاتروحي معه وتندمي #فاعلة خير

اجتمعت في عيونها الدموع وهي تشوف صور فارس وهو يخونها ولاا بعد مع ميين ! مع رينااد

رمت الصور في دولابها ودموعها تطلع بدون شعور وشالت الطرحه من على راسها وخربت شعرها وهي تبكي بحرقة قلب وبصوت عالي

دخلت ام خالد عليها بخوف:وش فييييييك ياررغغغد !!!!

رغد وهي تبكي: ماابغى فاارس مااابغااااه !!

أم خالد حظنت بنتها تبغى تهديها :وش فيك يارغد وش فيك ياقلبي ؟؟ فارس قال لك شي ؟؟

رغد مازالت تبكي:قلت لك ماما ماابغغاه مااابغااه مااحبه أنا أكررهه أكرره فااررس اكرهه من أعمااقق قلبي

***********

راكان:آيوه ي بو الشباب وبتلحقني ؟ هههههههههههههههههههه

فارس مبتسم :ايه ايه , وانتوا ياعيياال بأخذ حقي منكم , والله ظهري يألمني من الضرب اللي في المسبح

خالد:هههههههههههههههههههههههههه أنا عن نفسي ماضربتك , كيف أضربك وانت زوج أختي هههههههههه

فارس:لاا على اساس ماشفتك المهم بأخذ حقي بس أصبروا هههههههه

عمار:بس صراحه لما طاح مشعل فطست عليه ضحك حتى دموعي نزلت من الضحك

مشعل:لا والله ؟ أن شاء الله أنت تطيح وتشوف كيف بضحك عليك بصورك وبحطك في الكييك

عزيز:ونآآسه اليوم زواج أخوي وأحس أني انا المعرس

فيصل:ههههههه الفال لك وأن شاء الله قرريب

عزيز مبتسم:لا ما أظن هههه

فيصل باستغراب:وليه يعني ؟؟

عزيز يضيع السالفه:تعال الحيين تتوقع ابو وليد وش بيسوي معه ؟

فيصل:والله مدري بس صراحه أبوه مو طبيعي يعني عادي كذا يوديه بريطانيا لحاله في غربه مامعه أحد يعرفه

*********

دخلوا البنات عليها وشافوا أمها تهديها

ريناد لسمر بصوت واطي :الحين حنا متأخريين كثيررر وش فيها رغد

سمر:والله مادري ليه تبكي شوفي خربت شعرها

رغد وهي تشوف ريناد وتبكي:عاجبك كذا ؟؟ روحي له خلاص أنا ماابغاه اذا هذا اللي أنتي تبينه !!

ريناد باستغراب شديد:رغد وش فيك ؟؟

رغد ماحبت تبين لاي أحد بالسالفه اللي صارت .. فصارت تكلم أمها بهدوء:ماما ممكن أكلمك لحالك ؟؟

ام خالد ناظرت البنات يعني طلعوا وسكروا الباب

طلعوا البنات وهما مستغربين مرررره

ام خالد:تكلمي

رغد مسحت دموعها:ماما أنا ماابغى فارس

ام خالد:أنتي مجنونه ؟ اليوم زواجك وانتي تقولين كذا ؟ وش نقول للمعازيم اللي بيجون ؟ وتعرفي بعد انوا الحين حنا متأخرين المفروض حنا الحين هنااك , وبعدين ليه فجأه تغير رأيك ؟ لسا توك مافيك شيء وفرحانه ؟

رغد:ماما خلااص أنا مااحب فارس مااحبه

ام خالد:كيف ماتحبينه ؟؟ هوو سووا لك شيء ؟

رغد:لا ماسوا لي شيء بس أنا مااحبه

ام خالد:رغد , لاتصيري عنيده ولاتفشليني قدام الناس , الحين بنادي تولين تعدل الميك آب حقك وتعدل شعرك

رغد:بس أنا ..

ام خالد قاطعتها:وش تبغين الناس يقولون عنا ؟ أنتي مستعده انوا صورة جدك تتشوهه وصورة عمك بعد ؟ بيقولو حفيد تركي رفضته بنت عمه في يوم الزواج وتعرفين الاشاعات اللي يطلعوها !

رغد في نفسها:انا اعرف كيف أتصرف يافارس واخليك تكرهه اليوم اللي فكرت تخطبني فييه !! اجل أنا تخووني ؟! مابيظل على زواجنا أسبوع وبخليك انت من نفسك تطلقني !

رغد:طيب

ام خالد ابتسمت وباست رغد :يلا هدي شويه وبخلي الخدامه تجيب لك عصير برتقال عشان تهدين وتروقين

رغد:طيب ماما ..

رجعت تولين وضبطت رغد من جديد وراحوا لصالة الزواج الساعه 9:30

*************

البنات متجمعين في طاوله وهم منقهريين يبغون يعرفون ليه رغد سوت كذا بس فوزيه فرحاانه لانها شافت رغد بهالشكل وانتقمت منها

فجر:بناات أنا حدي حدي ابغى اعرررررف وش صاار

نوف:ايووه والله كانت فرحااانه كثيير ايش اللي قلبها ؟؟

نور جأت لهم:هلا بنات

الكل:أهلين

العنود:هلا والله بنور

نور:هلا بك هههه , وش الاخبار ان شاء الله بخير ؟

الكل:الحمدلله بخير

نور:ها متى بتدخل رغد ؟

نوف:شويه وتدخل

نور:أها

سميه:نوف , نوووف

نوف:ها ؟

سميه:أم عبدالله تناديك من سنة الدبس

نوف:أدري سامعتها بس اسوي نفس مو سامعتها

ام مشعل جأت:نوف ام عبدالله تناديك روحي لها

نوف : طيب طيب (وراحت مع أمها)

نوف:نعم وش تبغين ؟

ام مشعل ناظرت نوف يعني بذبحك

أم عبدالله :هلا بك حبيبتي نوف وش اخبارك ؟

نوف:خلصيني وش تبغين

ام مشعل قرصت نوف من ورى

نوف:ايييييي يألم (وبعدها استوعبت وكملت كلامها)ايش تبغين ياخالتي ياحبيبتي (وأبتسمت بدون نفس)

ام عبدالله :بغيت اعرفهم عليك , هذا ام ياسر وهذا ام سامي هذول خواتي , وياخواتي هذا نوف خطيبة عبدالله

ام سامي:تهبل , قممر

ام ياسر:بنتي أجمل منها وش قمر

نوف جلست جنب ام ياسر:هههه ايه والله وانا رايي من رأيك

ام ياسر:ليه أنتي تعرفين بنتي ؟

نوف توهقت :ها ؟ ممم , مو هي اللي جآيه معك ؟؟

أم ياسر:اييوه هذا هي

نوف: ايه عرفتها

أم ياسر عجبها الوضع: تدرين انه عبدالله وبنتي كانوا محجوزين لبعض من قبل

نوف بكل عربجيه :يووه حساافه ليييه ؟؟

ام عبدالله تحسبها تقول كذا من باب المجامله

ام مشعل متوعده على نوف وكل ساعه تناظرها وكأنها تقول أصبري بالبيت اوريك شغلك

جأت بنت أم ياسر :مين هاذي ؟

نوف:أنا خطيبة عبود , قصدي عبدالله

البنت بقهر:ايش جابك هنا ؟

ام ياسر:ياشيماء هي بنت عم العروسه

نوف تكمل:والمعرس بعد يصير ولد عمي

شيماء بقهر:واي جمال اللي تكلمتي عنه ياخالتي (تقصد ام عبدالله )

ام عبدالله:والله نوف جميله مايحق لك انك تقولين انها مو جميله , ويكفي أخلاقها العاليه توها تقول عنك لما شافتك تقول انوا انتي اجمل منها

نوف في نفسها بغيت اخليها تكرهني وحبتني زياده أفف

ام سامي:ايوه صدق نوف اخلاقها عاليه وحبيتها مرره , تربية ام مشعل ماشاء الله

ام مشعل أبتسمت لهم :تسلمون والله

شيماء: ممكن تجين معي يانوف ؟

نوف:آيوه حيآك

وراحوا وجلسوا بعيد عن الحريم

شيماء:أنتي تدرين انه انا وعبدالله كنا محجوزين لبعض ؟

نوف:آيوه أدري

شيماء:وعادي عندك ؟

نوف:آيوه عادي

شيماء:طيب وش تسويين لو اقولك اني احب عبدالله لحد الحين ؟

نوف ابتسمت:مابسوي شيء وانا من رأيي انهم يأخذوك بدالي (وراحت)

شيماء استغربت مرا من نوف

*******

دخلت رغد وزفوها وهي تتصنع الابتسامه وبنفسها: لاتبكي يارغد لاتبكي , مو أنتي كنتي تنتظرين هاليوم ؟؟ خلاص جأ هاليوم بس خلاص ماعاد مثل أول مو مثل اللي كنت متصورته ,الله يسامحك ياللي جبتي لي الصور , ليييه ماجبتيه قبل الزوااج لييييه !!

جلست على الكرسي المخصص لها وهي تنتظر متى رآح يخلص العرس

جأو ناس كثيير يباركون لها ولما جأت ريناد تبارك لها

رغد:نعم خير ؟

ريناد:وش فيك يارغد ؟

رغد:لاتسوين نفسك ماتدرين , فارس حبيبك راح اتطلق منه باسرع وقت وبخليه لك

ريناد بصدمه:رغد وش تقوليين أنتيي ؟؟؟!!

رغد:روحي ياريناد والله مو بالعتك روحي لا أفضحك قدامم الكل وأقولهم عن كل شيء بينك وبينه !

ريناد راحت وهي مصدومه ودقت على السواق يجيها

سميه:وين رايحه تو الناس ؟

ريناد: لا ,احس اني تعبانه مرره وبعد زياده أنا من صباح الله جاهزه للعرس ومانمت كأنه عرس اختي ف بروح انام وأريح شويه

سميه:براحتك

ريناد كملت طريقها وراحت وقابلت فوزيه

فوزيه:عشان تعرفين مره ثانيه كيف ترفضين اللي أقوله لك

ريناد استوعبت:يعني كل اللي صار بسببك أنتي ؟؟

فوزيه راحت وماكملت كلامها مع ريناد وريناد صارت تسب فوزيه

********

سجى:قلتي لأخوك ؟

منى:أكييد لا ,لانه مايدري أني أدري بهالموضوع ولو يدري يذبحني

سجى:ماالت عليك بس ,تدريين البنات لما شافوني ايش قالوا ؟؟ قالوا اني سمنت تعرفين يعني ايش هالكلاااممم !!

منى:أنا اصرفك بس انتي صببري اشوي

*******

ندى:وش فيها رغد ,بالموت تبتسم ؟ وش صاير لها .؟

فجر:والله حالنا من حالك مانعرف وش فيها ؟

ساره:غريبه عاد رغد بشوشه دايم تضحك

دانه:ماما بروح لرغد

ساره:روحي لها

دانه راحت لرغد ورغد فرحت لما شافتها

دانه :روودديي

رغد:ياببعد رودي ياعيوني كيف حالك ؟

دانه:انا بخخييير , بس أنتي يقولون أنك مو راضيه تبتسمين

رغد ناظرت البنات وابتسمت:هذاني ابتسمت لهم

دانه:اييه خليك كذا أحسن ,الييووم بتكونين ححرم فاارس ونااسه

رغد:ههههههه عيوني أنتي لهدرجه فرحانه لي

دانه:اييي أنتي بنت عمتتي وأحببك كثير

رغد:ياعيني ياعيني وأنا أموت فيك

طبعا رغد كانت متضايقه وبس جأت دانه انبسطت معاها

دانه:من زمممان ماكلمتك

رغد:حبيبتي كلميني في كل وقت تبغين

دانه:بس الحين تزوجتي وخلاص ماعاد أكلمك مثل اول ولا بشوفك لانك ماراح تكوني في فيلتكم

رغد:وتعالي بيتي في اي وقت

دانه:صدق ؟؟

رغد:اي عيوني تعالي في اي وقت أنتي وحموود بعد

دانه:ونااسسه

رغد ابتسمت لها

ساره تنادي دانه:داانه تعالي الحين وقت دخلة العريس

دانه :يلا باي

رغد متضايقه:بااي حبيبتي

رغد دق قلبها بققووه لما شغلوا زفه للعريس

ودخل فارس ورغد قلبها بيوقف من كثر مادق

وقفت وهو وصل لها وباسها في جبينها:الف مبروك حياتي على زواجنا

رغد بدون شعور وبارتباك:الله يبارك فيك

ومشوا مع بعض وجلسوا على الكرسي وكان هالوقت ماسك يدها وهي قلبها بيوقف ماتدري ليه هي مرتبكه

(خلص العرس بسرعه وكل المعازيم راحوا وبقوا الاهل بس )

ام خالد لرغد بصوت واطي:لسا قلتي انك ماتحبينه ونظراتك تبين العكس , عالعموم واضح انك كنتي مرتبكه وقلتي ماتحبينه مبروك ياقلبي وحياه سعيده أن شاء الله

رغد ابتسمت ابتسامه تسلك لأمها وأهي في نفسها:لاتفكرين كذا ,أنا جالسه أمثل بعد أسبوع برجع لك يايمه مطلقه(وعيونها غرقت من الدموع)

فارس ناظرها وشاف عيونها ملياانه دموع وقابلها :وش فيك ي قلبي

رغد ابتسمت له:مافيني شيء بس فرحانه (طبعا تقول كذا لانه الكل موجودين جنبهم)

فارس ابتسم لها

راحو رغد وفارس لفيلتهم ورغد صارت تناظر بالفيلا لانها اول مره تشوفها حسبت انها بتسكن في بيت أو شقه لكن فارس فاجئها بالفيلا

فارس ابتسم وناظرها:وش رأيك ؟؟

رغد بدون نفس:حلو

وصاروا يمشون بيدخلون

فارس:السواق هو راح يجيب شنطة ملابسك يعني بتنتظرين شويه على مايجي

رغد هزت براسها

ودخلوا و وراها الغرف وكل شي

وأخر شيء ,,

فارس:وهذا غرفة النوم , وش رأيك ؟

رغد ماردت عليه

فارس حاس من الاول انها متغيره عليه فقال يمكن انها متوتره

فارس:رغد فيك شيء ؟ (وقرب منها مرره)

رغد بعدت عنه ولفت وجهها

فارس :وش فيك رغد

رغد ناظرته والدموع متجمعه في عيونه

فارس بخوف:رغد حبيبتي , وش فيييك ؟؟

رغد مسحت دموعها:بعد عني

فارس بعد وهي طلعت ودخلت غرفه من الغرف اللي موجوده بالفيلا

انسدحت بالسرير وهي تبكي

فارس كان مستغغرب كثيييررر ومو عارف يتصرف

رن الجرس وطلع فارس برا لقى السواق جايب شنطة ملابس رغد وشنطة ملابسه

خذاهم وحطهم بالغرفه

وراح لرغد طق الباب عليها بس مافتحت وفتح الباب لقاها نايمه بالسرير وواضح انها كانت تبكي

راح لها وتأمل بوجهها وتوه بيحملها بس وقفه صوتها

: أتركني

فارس:أنتي صاحيه ؟

رغد:فارس أطلع برا

فارس:ليه , وش فيك ؟

رغد قامت من السرير:مافيني شيء , قلت لك أطلع برراا مااببغى أشوففك (وصارت تبكي)

فارس عصب :لييه وش فييه ؟؟ وش سسويت انا عشان تعامليني بهالطريقه ؟؟

رغد:تذككر , تذككر وش سوييت عشان تعرف ليه اعاملك كذا وبعدين أنا ابغااك تطللقني

فارس:أطلقكك ؟؟ , أطلقك ليه ؟

رغد:انا بظل معك أسبوع وأبغاك ترجعني للفيلا وتطلقني وقول لهم العيب من رغد قولهم رغد هي سبب طلاقنا

فارس عصب مرره ومسك يدها بقوه وصرخ:أنتي عارفه وش تقولين ؟؟ , وبعدين طلاق مافيه فاهمتني ؟ (ورماها بالسرير وراح)

رغد صارت تبكي مرره وفارس لما طلع من الغرفه تحسف انه مسكها وصرخ عليها كذا المفروض يتفاهم معها مو يصرخ عليها

*********

أم مشعل:حمدي ربك جات السالفه على كذا ولا كان تشوفين شيء مايعجبك

نوف:تعودت على الضرب , ضربيني اذا تبغين بس قلت لك أنا مااراح أكمل معه وأصلا هاذي اللي اسمها شيماء تحبه

ام مشعل:طيب واذا تحبه وش نسوي لها ؟ هو مايبغاها هي , يبغاك أنتي

نوف:الله يلعن عبـ.. أستغفرالله بس

********

راكان:تعباان مرره

ندى:آييه وأنا بعد , رجولي تألمني

راكان:قلت لك لاتلبسي كعب بس انتي ماتسمعين الكلام

ندى:وبطني بعد يألمني مدري وش مأكله أحس بغثيان

راكان:آيوه والله بعد حتى انا أحس بشعورك .. يمكن من الغداء ؟ اليوم حنا طالبين من المطعم

ندى:آيوه أتوقع من المطعم أستغفرالله (وحست نفسها بترجع ودخلت الحمام بسرعه)

********

فجر:العنود انقلعي ابغى أكلم بالجوال روحي نامي غرفة رغد محد فيها

العنود:ياحبيبتي وليه جايه دام أني بنام لوحدي , أرجع بيتنا ترى مافي مشكله ؟

فجر:ودي أذبحك , طيب ابقي هنا بس جلسي على الايباد حوسي طالعي فلم اي شيء بس لاتتسمعين علي

العنود:طيب أصلا بنام (ولبست بجامتها وانسدحت على السرير تسوي نفسها بتنام)

رن جوال فجر

فجر:الو هلا

عمار:هلا بالحب

فجر ابتسمت:هلا فيك

عمار:كيفك ؟ ان شاء الله بخير بعد العرس ؟

فجر:آيوه بس تعباانه مرره من امس الصباح جالسه

عمار:ياحياتي , طيب روحي نامي

فجر:لا , مشتاقه أسمع صوتك

عمار:بعد حيي والله , وانا مشتاق لشوفتك ياعمري

العنود بتموت من الضحك بس مسويه نفسها نايمه

عمار: تصدقين ودي نملك باقررب وقت

فجر استحت :هه هه هه (وانسدحت جنب العنود وهي تكلم عمار)

عمار:آممم , قولي لي وش تتمنين الحين ؟

فجر بصوت واطي :أتمنى أكون معك

العنود خلاص بتنفجر ضحك ماهي متحمله

عمار سمعها بس يبغاها تقولها مره ثانيه : أيش ما سمعتك ؟

فجر تصرف:صدق وأنت كيفك بعد العرس ؟؟

عمار ابتسم: بخير دآمي أكلمك

وصاروا يكلمون بعض لحد ماناموا حتى العنود طفشت ونامت

********

نوف في هالاوقات ...

رن جوالها وبدون ماتشوف الرقم

نوف:أنت ماتفهم , أنا أبغغى أنناااام ياخي والله أنك مزعج مو راضي تبقى دقيقه حتى , لازم دايم تدق !!

:أففا , ومتى دقيت ياعيوني ؟

نوف بارتباك:وليييد ؟؟ , انا أسففه بس فكرتك واحد ثاني حتى ماشفت الرقم

وليد : مم , أشتقت لك وبغيت أسمع صوتك , بس شكلك تعبانه من بعد العرس خلاص روحي نامي ارتاحي شويه

نوف:لاا وليد , حتى أنا أشتقت لك مرررره وابغى اسمع صوتك

وليد:خلاص عيوني نامي ومتى ماجلستي رسلي لي رساله واتصل عليك :)

نوف:الحين أقولك مشتاقه لك تقول لي نامي :(

دخلت عليها ام مشعل فجأه ونوف بسرعه نزلت جوالها

أم مشعل : أسمعي بغيت أقولك قبل ما أنام , عبدالله اذا دق ردي عليه امه قالت لي بالعرس انه دايم يدق عليك وماتردي

نوف بارتباك : أن شاء الله

ام مشعل طلعت من الغرفه

نوف زفرت براحه وكلمت وليد:الو ؟؟

وليد:نوف , مين عبدالله ؟

*******

فيصل لخالد:تدري انه مر شهر وأسبوع من تزوج خالي راكان

خالد:طيب ؟

فيصل:ولحد الحين مارجع نفس اول

خالد تذكر عمته لما قالت " والله زين خلود يبغى يتزوج عاد اقنع فيصل مو راضي كل ماقلت له بخطب لك يقول مااعرف أكلم بنات أدري انه يكذب"

خالد:وش رأيك تتزوج ؟ وتجرب اللي جربه راكان ؟

فيصل:أحلف ؟ قل قسم ؟

خالد:هههههههههههههههه , الزبده خلاص أمزح معك

فيصل:تدري انا اللي خايف منه انه فارس يصير نفس راكان مايسهر معنا

خالد:بعد عنده زوجه أكيد مابيسهر معنا ههههههههههه الله يخلف عليك بس

**************

كانت الساعه سبعه الصباح ..

راكان:سلااممماات .. أوديك المستشفى ؟؟

ندى :لا مايحتاج خلاص الحين انا مرتاحه

راكان:متأكده ؟؟

ندى رجعت الحمام وماهي قاادره

راكان :قومي لبسي عباتك لازم اوديك المستشفى مايصير كذا

ندى:طيب أنت أركب بالسياره وأنا جايتك

راكان :طيب

ولما راحوا وكشفت عليها الدكتوره

:مبروك أنتي حامل

راكان تشقق من الفرح : صدق حاامل ؟؟

الدكتوره:آيوه

راكان:وكم عمر الجنين ؟؟

الدكتوره:لسا بس أسبوعين

*********

اليوم الثاني ,,

فارس:من أمس ما أكلتي شيء , كلي هذا (كان مسوي لها فطور )

رغد:ماابغى

فارس:رغد كلي وبلا عناد

رغد:قلت لك ماابغى هو غصب ؟

فارس ناظرها بحده:رغد !

رغد خافت من نظراته وبدأت تأكل

فارس: اليوم راح نروح الفيلا

رغد:ليه ,, ممم .. أنت .. أنت بتطلقني ؟

فارس:لا , بنروح نزورهم عشان بكرا ورانا سفره بنروح لبريطانيا

رغد منصدمه:ايش ؟؟؟ وليه ؟؟ أنا ماابغى أروح

فارس بحده:بتروحين غصب عنك فاهمه ؟؟

رغد قامت وتوها بتروح

فارس:رتبي نفسك لبكره واستعدي الساعه تسعه الصباح

وراحت الغرفه وهي تبكي

فارس: صدق الحريم ماينفع معهم إلا الصراخ , الشكوى لله بس

************

نوف:بعد أسبوع المدارس أووف

فجر:انا متوتره بدخل الجامعه ولا أدري وش بفحط فيها

عزيز:ههههههههههه أنا أدري من الحين بجيب العيد

مشعل:وترى هالسنه مابساعدك يانويفه مابقعد أذاكر لك أنتي ذاكري بنفسك

نوف:هه هه هه مو محتاجه مساعدتك شكرا هع

الجده:الله يوفقكم ان شاء الله

الكل:أممين

خالد:وأنا بعد بكمل وبرجع الجامعه

الجد:وبعدين قل أبغى ارجع الشركه

خالد:لا لا مابررجع هههههههههه

بومشعل:ملكة بنتي نوف بعد أسبوعين

نوف وقفت وهي معصبه:بعد أسبوعيين !! , بااي ححق ؟؟ مين قرر أنه بعد اسبوعين أنتوا حتى ما خذتوا رأيي !! (وراحت وهي تبكي)

الجد:بو مشعل !! أنت ما خذت رأيها ؟؟ إذا هي ماتبغاه خلاص مالكم حق تجبرونها على شيء هي ماتبغاه !

بومشعل بارتباك:لا حنا خذنا رأيها بس هي قصدها ماخذنا رأيها كان نسوي الملكه بعد اسبوعين ولا لا

الجد:خلاص دامها مو راضيه أجلوها

بومشعل:كيف نأجلها وحنا تفاهمنا مع عبدالله وابوه

*********

راحت غرفتها وانسدحت على السرير وهي تبكي وتتذكر ايش قالت لوليد :

وليد:نوف , مين عبدالله ؟

نوف بارتباك:وليد .. أنا بقولك بكل شيء بس أسمعني قبل

وليد بخوف:تكلمي

نوف قالت له عن كل شيء وقالت له انها تحاول انه عبدالله يرفضها وانها مستحيل تتزوج أحد غير وليد

وليد :وش رأيك أقول لمشعل عن علاقتنا ؟

نوف:لا لاتقول له , لاتخاف أنا مستحيل أتزوجه لو يسوون فيني اللي يسوون زواج ماني متزوجه غيرك والله وهذاني حلفت

قاطع تفكيرها صوت الباب وهو يفتح

نوف مسكت شعرها وعطته أمها :يلا مسكي شعري وجريه مثل العاده ضربيني , ذبحيني يلا وش تنتظرين ؟؟

أم مشعل بحده:نووف !

نوف وعيونها غرقانه دموع:ماما وش فيك ؟ وش اللي غيرك علي ؟ أنتي وابوي ضدي ؟ ليه ؟ ماحد يحبني منكم لو انكم تحبوني ماغصبتوني على شيء انا ما أبغاه

ام مشعل ماعرفت وش تقول ..

نوف:أنتي متأكده هذا انتي أمي اللي تحبني وتدللني ؟ أنتي ؟؟

أم مشعل:ماحد قال لك انك تقولين لام عبدالله هالكلام لو أنك ماقلتي كان ماغصبتك ولاحتى ضربتك ولو أنك ماقليتي أدبك معي كان ماسويت كذا بس أنتي اللي جبرتيني

**********

العصر الساعه أربع ..

جأو رغد وفارس يسلمون على أهلهم

بو خالد:ومتى رايحين بريطانيا

فارس: بكره أن شاء الله

عزيز:عاد فروس ما أوصيك جيب الهديه لي

فارس:ههههههههههه من عيوني

-------

العنود:بسسسسرعه وبالتفصيل الممل قولي وش صار بالضبط أمس ؟

رغد تسوي نفسها منحرجه:ماصار شيء

فجر:واضح الكذب بسرعه تكلمي

نوف:شوفوا بس وجهها أحممر وتقول ماصار شيء

ام خالد اطمئنت انه بنتها امورها ماشيه:بس يابنات بلا قلة أدب ههههههه

سميه:آحم أنا مؤدبه مرره ماسألتها وش صار هههههههههههههههه

فجر:ههههههههههههههه سميه أنقلعي بس

العنود:وشهر العسل في لندن أجل ها ؟

نوف بصوت واطي:عاد سلمي لي على الحب

رغد بابتسامه:يووصل اذا شفته

وتعشوا ولما خلصوا

فارس قام:يلا في امان الله , ها رغد يلا ؟

الكل:مع السلامه في امان الله

رغد ماكان ودها تقوم :ممم , شسمه عادي أبقى اليوم هنا وانام وبكره أنت تجي لي ؟

بوخالد:لا يابنتي مايصير كيف تخلين زوجك يروح لوحده وأنتوا توكم متزوجين

الجد:عدل كلامك يابو خالد

فارس كان متضايق من تصرفاتها:لا , عادي إذا تبغين تنامين هنا ماعندي مانع , أنا ماشي الحين

ام خالد دقت رغد بالخفيف:قومي معه

فجر:صدق رغيد واضح انه متضايق قومي

رغد بتأفف :طيب

رغد:لحظه فارس جايه معك

*******************

ريما دقت على العنود

العنود:هلا

ريما:عنييييييييييييييد وحشتووووني كثثثثيييييير

العنود:حتى احنا ياقلبي مشتاقين لشوفتك

ريما:ككيف رغغغد أمس , يارربي ببكي الحين لاني ماحضرت زواجها

العنود:فااااااااتك كانت جمميله بشككل

ريما:طيب قولي انكم صورتوا ؟؟

العنود:آيوه ,برسل لك على الواتس آب

ريما:فديييييتك بعد عمري , طيب رغييد وينها ؟ ساكنه في الفيلا ولا في بيت لحالها ؟؟

العنود:فرووس مفاجأها وسكنها بفيلا تههبل

ريما:تستاهل بعد قلبي رغوود , يلا رسلي الصور

******

في السياره

فارس:ليه جيتي ؟ ما كان بقيتي معهم أحسن

رغد بنذاله:كان ودي بس ماما ماخلتني

فارس منقهر مرره ماهو عارف وش سبب أنقلابها عليه وبعد فتره:رغد

رغد:خير ؟

فارس:وش سبب تصرفاتك معي اليوم وأمس

رغد:طلقني وأقولك

فارس بعصبيه:وأنتي تحسبي الزواج لعبه عشان أطلقك ؟؟

رغد:انا ماااحببك ليه ماتفهم

فارس بهدوء:من قلبك هالكلام ؟

رغد ساكته

فارس:طيب , نفرض الحين أني طلقتك ورجعتي للفيلا , وش بتقولين لهم ؟

رغد ماتكلمت

فارس:طيب قولي ايش السبب عشان أعرف غلطتي وأعدلها

رغد:عمري ماراح أسامحك على هالغلطه لو تجيب لي ملييون ععذر وعذر ماراح أساامحك (وصارت تبكي وهي تناظر النافذه عشان ماتبين دموعها)

فارس يحاول يهديها:طيب رغد ممكن أعرف أيش هالغلطه ؟؟ , ريناد قايله لك شيء ؟

رغد في نفسها: جأت منك أنت قلت ريناد ووضحت لي انه الكلام اللي في الورقه صح !

فارس:رغد ! قولي لي ريناد قايله لك شيء , قولي لي عشان أروح لها وأكسر راسها أكيد مكذبه عليك هي

رغد ماتكلمت

فارس بحده :رغغغغد !!

ماردت عليه

وصلوا ورغد دخلت لحالها لكن فارس من العصبيه راح وتركها تدخل الفيلا لحالها

دخلت رغد وهي معصبه وفجأه سمعت صوت أشيياء تطيح بالارض يعني صوت زجاج ينكسر

طبعا كان ظلااااااام وهي خايفه تفتح الليت وتشوف حرامي وكان قلبها يدق من الرعب وشوي وتبكي

طلعت برا شوي شوي وراحت بعييد وأتصلت على فارس بس مغلق ودقت عليه خمس مرات بس نفس الشي مغلق

صارت تبكي وهي مو عارفه وش تسوي ودقت على نوف

نوف:هلا بعد قلبي

رغد تبكي:نوووووووف أنا بالفيلا لحالي وفيه حرامي دااخل وش اسوي

نوف وقفت وهي خايفه:وووييين فاارس ؟؟؟

رغد:مدري وين راااح

نوف:طططيب أتتتصلي علييه

رغد:اتصلت يمكن ست مراات مغغلق

نوف:طييب خلااص الححين أنا بجي مع خالد والعيال

رغد:طييب وتكفيين سرعوا لاني برا الفيلا وخاييفه ممرره وحتى بالشارع مافي ولا مخلووق

نوف:طييب عييوني يلاا باي

رغد:باي

مرت سيارة شباب مشغلين أغاني والصوت عاالي وشافوا رغد ووقفوا

الشاب:هلا والله بالعسل , تفضلي نوصلك معنا

رغد ماعطته وجهه وهي منرععببببه

الشاب نزل من السياره واتجهه لرغد

رغد فصخت الكعب من رجلها :بتقرب زياده هذا الكعب في وجهك

الشاب على باله انها تمزح وقرب منها

فجأه طرااااااخ << رمت الكعب على زجاج نافذة سيارته وانكسر

الشاب عصب مرراااا وتوهه بيضرب رغد :آيااا بنت الـ..

ورغد كانت حاطه ايديها على وجهها

جأ واحد ومسك يد الشاب

*********

سجى كانت ببيت فوزيه مع منى

منى:يلا شكله جأ روحي له وقولي له

سجى راحت لعبدالرحمن اللي كان توه داخل البيت ويغني وشافها بوجهه وانصدم :خخير وش جابك هنا !!

سجى:عبدالرحمن , أنا قلت أبغى أسقط اللي في بطني ورحت المستشفى بس لازم موافقه الاب

عبدالرحمن:طيب وروحي له وش دخلني أنا ؟

سجى:عبدالرحمن لاتستهبل ! أحمد ربك أني خذت هالقرار وقلت بسقطه ولا كان أنت انفضحت

عبدالرحمن:انقلعي بس (وراح)

منى راحت لمنى:هاا بشري وش قال ؟

سجى:مو راضي يعترف

منى:وككيف يعني !!

سليم في نفسه :هذا يمكن ثالث أو رابع مرره أشوف هالقصه وماني عارف وش أسوي , أقول لجدي وهو يتصرف ؟ ولا أخلي الامور ماشيه لحالها , ماني مصدق انه أخوي الكبير قمه في القذاره

************************

رغد:أناا دققيت علييك بس مغلق

فارس شاف جواله :جوالي طافي , طيب أنتي وش مخلييك برا لحالك

رغد:ماا أنا دققيت عشان أقولك في حررامي داخل الفيلاا

فارس:أييش ؟؟ !!

......................

👇👇👇⭐