الفصل الخامس عشر

رواية خلف الظلام الجزء الخامس عشر 15 بقلم عادل عبدالله خلف الظلامرواية خلف الظلام الحلقة الخامسة عشر تنزل أميرة بسرعة وتدخل المحل وتقف أمام أسامه وتقول له بحدة : أنت لسه هنا ؟ أنت فاكر نفسك ايه؟ اسمعني كويس يا أسامة ، وجودك هنا هيدمر كل حاجة ، لو مش مشيت و غرت من حياة رضوى ومن المحل ده دلوقتي ، أنا اللي هروح لطارق وأقوله على كل حاجة ، ومش هيهمني اللي هيحصل بعد كده فاهم ولا لأ ؟ في نفس الوقت …

كان طارق مازال يقف عند درج المنزل يفكر ، لماذا كانت أميرة عند رضوي ؟ ولماذا أخفت وجودها عنه ولم تلقي عليه التحية ؟ بالتأكيد أميرة تعلم بالسر الخفي لزوجته مع هذا الشاب ! يبدو أن خطته تسير بخطي ثابتة نحو النجاح . فلم يمر اليوم الثاني علي وصوله حتي بدأت تنفك عقد بعض الخيوط أمامه . عاود طارق النزول مرة أخري ، خرج من المنزل ودخل المحل ببطء متعمد يخبط بعصاه ، بينما عيناه تري ملامح أميرة الغاضبة ووجه أسامه العابس .

ينقطع مشهد المواجهة المشحون و تسكت فجأة أميرة في إرتباك ، فيسأل : صوت مين اللي كنت سمعه دلوقتي ؟ دي أميرة ، صح ؟ أميرة ” بأرتباك ” : أيوه ، كنت بشتري شوية طلبات للبيت . عيناه ترقب أرتباكها الظاهر ويقول : نورتي المحل يا أميرة . أميرة : بنورك يا طارق ، وتشير بطرف عينها لأسامة ، فيقول لها أسامة : أتفضلي يا مدام طلباتك . ثم يسأله : حضرتك نسيت حاجة هنا يا استاذ طارق ؟ طارق : لأ يا سمسم ، بس أفتكرت إني عايز علبة جبنة .

أسامة : كنت حضرتك قولتلي وأنا أطلعهالك لحد عندك فوق . طارق ” بحزم ” : لأ … ثم يخفض حدة صوته قليلاً : بلاش تطلع فوق ، علشان المحل ميكونش لوحده . يسجل طارق في عقله أن أميرة شريكة أو على الأقل تعلم السر الخفي بين رضوي و هذا الشاب وتتستر عليه .

في هذا الوقت كانت رضوي تبكي فلحظة كشفها باتت أقرب مما كانت تتوقع ، الآن أصبحت كمن زلفت قدمه في بحرٍ للرمال وشعر بالخطر ، وكلما حاول الهرب والنجاة بنفسه إزدادت أقدامه غوصاً و بات علي وشك الهلاك . الآن ليس أمامها سوي حل واحد ، لابد أن تدبر المبلغ الذي طلبه منها أسامة بأي شكل وفي أسرع وقت ممكن حتي يختفي من حياتها بشكل نهائي .

يصعد طارق لشقته ويدق الباب فتفتح له رضوي ويري من خلف نظارته السوداء وجهها غارقاً في بركة من الدموع ، فيتجاهل ذلك حتي لا ينكشف أمره . تحاول رضوي أخفاء حالة الحزن وتسأله بصوت واضح : طلعت علطول ليه ؟ كنت خليك في محلك تتابعه . طارق : هتابع ايه يا رضوي ؟ هو أنا شايف حاجة علشان أقدر أتابع ؟! رضوي : أسفة يا طارق مش قصدي ، تحب أجهزلك الغدا ؟ طارق : لأ مش دلوقتي ، أنا هقعد أسمع الراديو .

يجلس طارق في مكانه المعتاد ويعبث بالراديو بينما عيناه تراقبها ، يلمح رضوى وهي تفتش في دولاب الملابس أو تحاول أخذ شيء في الخفاء ، فيتركها تفعل ذلك وكأنه لايراها ، حتي يلملم كل خيوط جر,يمتها في يديه . في المساء في شقة عماد يجلس عماد يتابع تسجيل الكاميرا وفجأة تظهر أميرة علي الشاشة حين دخلت منزل رضوي ثم نزلت بعدها للمحل ، ثم يري دخول طارق خلفها ! لم يعد قادراً على الصمت !! ينادي أميرة بصوت حاد عالٍ ،

ثم يواجهها : تعالي قوليلي ايه اللي حصل النهاردة ؟ طلعتي عند رضوي وبعدين دخلتي عند الولد اللي شغال في المحل وبعد منك علطول دخل طارق !! قوليلي ايه اللي بيحصل من ورايا يا هانم ؟ ايه السر اللي كلكم عارفينه ومخبيينه عني ؟ صراع محتدم داخلها ، تريد أن تحسمه في ثوانٍ معدودة ، هل تحافظ علي سر رضوي لتعطيها فرصة أخيرة أم تبوح بكل شئ بعد محاصرة عماد لها . فقالت له : أهدا بس يا عماد وأنا هقولك كل حاجة .

عماد ” بعصبية ” : أنطقي ، أتكلمي علطول . أميرة : أنا شايفاك علطول مشغول و قلقان من ناحية الشاب اللي أشتغل في المحل ، فقولت أروح لرضوي وأحاول أسحبها في الكلام وأفهم منها ، لكن فضلت أرن عليها الجرس كتير ومفيش حد فتح ، قولت اكيد هي في المحل ، علشان كده نزلت أشوفهم بيعملوا ايه في فلوس أخوك وهو مش حاسس . عماد : وبعدين ؟

أميرة : نزلت مكنتش رضوي موجودة ، كان سمسم ده واقف لوحده قولت فرصة أحاول أوقعه في الكلام يمكن نعرف أي حاجة . عماد : وعرفتي حاجة ؟ أميرة : ملحقتش ، يدوب أنا دخلت وبكلمه أخوك طارق دخل ورايا ومعرفتش أتكلم . ظل عماد ينظر إليها وكله شك وريبة ، كلامها يبدو منطقياً ولكن لغة جسدها وملامحها تخبره بقوة بكذبها . اغلق عماد الشاشة ونزل وهم بالنزول سريعاً ، فسألته أميرة : رايح فين يا عماد ؟ لم يلتفت لها وفتح الباب ونزل مباشرة .

دخل المحل ليجد أخاه يجلس جانباً وسمسم يقف يبيع للزبائن . تفاجئ طارق بدخول عماد بهذا الشكل ! حتي كاد أن يكلمه ، لكنه تماسك سريعاً قبل أن ينكشف أمره . عماد يقف أمام أسامة مباشرة قائلاً : أنت بتعمل ايه بالظبط ياض أنت هنا ؟ يشتاط أسامة غيظاً حتي كاد أن ينفجر في وجهه ولكنه تماسك قائلاً : بشتغل ، ببيع للزباين زي ما أنت شايف . يتدخل طارق : فيه ايه يا عماد ؟ عماد : الواد ده لازم يمشي من المحل دلوقتي حالاً .

أسامة ” يحاول تمثيل البراءة ” : أنا عملت ايه علشان عايز تقطع عيشي ؟ طارق : أهدا يا عماد وفهمني هو عمل ايه ؟ عماد : الواد ده فيه مصيبة وراه . طارق : ايه المصيبة دي ؟ وضح كلامك يا عماد . عماد : مش هينفع أقول أكتر من كده ، علشان الناس اللي واقفين . ينصرف الزبائن ويخلو المحل إلا منهم . طارق : أتكلم يا عماد ، ايه المصيبة اللي ورا سمسم ؟ يستشعر سمسم الخطر ، فيمسك بسكين الجبن من خلف الثلاجة .

عماد : الواد ده فيه حاجة بينه وبين رضوي مراتك . أسامة : ايه اللي بتقوله ده ؟! أنا مفيش بيني وبينكم كلكو إلا أكل العيش . طارق : تقصدك ايه يا عماد ؟ ايه اللي بينه وبين رضوي ؟ عماد : معرفش بالظبط فيه ايه ، لكن أنا متأكد أن ….. يقاطعه طارق : يعني أنت متعرفش ومفيش في ايدك دليل وجاي تعملي شوشرة في المحل وتسوأ سمعة مراتي وتقطع عيش الواد الغلبان ده كمان . عماد ” بدهشة ” : أنا يا طارق ؟! أنت بتقول الكلام ده لي أنا ؟!

ده أنا بعمل كده علشان خايف عليك وعلي عرضك وفلوسك . يشعر أسامة بالأنتصار وتتبدد مخاوفه فيترك السكين ويضعها مكانها ثم يستكمل تمثيله : حسبي الله ونعم الوكيل ، هو أنا عملت حاجة علشان عايز تقطع عيشه بالشكل ده يا أستاذ عماد . طارق : سمسم لغاية دلوقتي مشوفتش منه حاجة وحشة ، ومراتي مشوفتش منها غير كل خير ، وهي الوحيدة اللي واقفة جنبي وهتبقي أم ابني بعد كام شهر .

أنف،جرت الكلمة لتطيح بعماد أرضاً ويسقط أخر جدار من جدران العقل ، فيصيح له بجنون : هي كمان حامل ؟ طارق : أيوه حامل . عماد : و عايز دليل أكتر من كده ايه ؟ مراتك حامل من مين يا طارق ؟ طارق : أوعي تزود كلمة واحدة ! رضوي حامل مني أنا طبعاً . عماد : أنت عقيم يا طارق ، أنت نسيت ولا ايه ؟! أنت أزاي تبقي عارف إنها بتخونك وبتلبسك عيل مش ابنك وتفضل ساكت ؟! طارق بحركة طبيعية لا إرادية يرفع كفه ويصفعه علي وجهه .

يصاب عماد بالذهول !! يتدارك طارق الموقف ويطيح بيده يمينا ويساراً وكأنه يحاول صفعه مرة أخري . يمسك عماد كف أخيه ويبعده عنه وقائلاً : أنت علشان أخويا الكبير بس مش هحاسبك علي اللي عملته ده دلوقتي ، لكن خليك فاكر هيكون ما بينا حساب لما الحقيقة تبان . ينصرف عماد في غضب بينما يلاحظ طارق من خلف نظارته السوداء علامات السعادة علي وجه سمسم ! يريد أن يفتك به ، لكن ينقصه الدليل !

لا يملك الآن الدليل ولكن يشعر بأنه قد بات قريباً . صعد عماد إلي أميره يكاد أن ينف،جر غضباً ، وما أن دخل المنزل حتي أمسك بيد أميرة بقوة قائلاً : صحبتك حامل . فتتسع حدقات عينها لأخرها ! ثم يكمل : عايزة تلبس طارق عيل مش ابنه ! زي ما كنت متوقع بالظبط ، عايزة تلبسه عيل ومش بعيد بعدها تتخلص منه علشان تورث كل فلوسه ! أميرة : مين اللي قالك إنها حامل ؟ عماد : يعني أنتي مش عارفة ؟ أميرة : والله أبداً .

عماد : طارق بنفسه اللي قالي ، والمصيبة إنه مقتنع إن الحمل ده منه ! أميرة : اهدا يا عماد ارجوك ، أنا بكره الصبح هروح لرضوي وأفهم منها كل حاجة ، أكيد فيه حاجة غلط . عماد : عايزة تفهميني إنك مش عارفة كل حاجة ؟ أميرة : والله أول مرة أعرف منك دلوقتي إنها حامل . عماد : وأنتي فاكرة إن الحية دي هتقولك الحقيقة ؟ ده أنتي بتحلمي ، إذا كانت خبت عليكي خبر حملها !

أميرة : أديني فرصة لحد بكره الصبح ، وبعد كده أعمل كل اللي نفسك فيه . في شقة طارق يفاجئ طارق بصوت دقات جرس الباب ، تفتح رضوي ويري أميرة تدخل وتتكلم معها بصوت خافت ! طارق : مين يا رضوي ؟ رضوي : دي أميرة مرات أخوك عماد . طارق : أتفضلي تعالي يا أميرة . أميرة : صباح الخير يا طارق . طارق : خير ! هييجي منين الخير ! جوزك قالك علي اللي حصل أمبارح ؟ أميرة : معلش ، ياما بيحصل بين الأخوات .

رضوي : معلش يا طارق ، أميرة عايزاني في حاجة خاصة . طارق : سر بينكم يعني ولا ايه ؟ رضوي : حاجات ستات يا راجل ، بلاش تكسفنا . تدخل أميرة مع رضوي أحدي الغرف وتغلق بابها جيداً … أميرة : ايه اللي أنا سمعته ده ! أنتي صحيح حامل ؟ رضوي : أيوه ، أنتي ملاحظتيش بطني ؟ أميرة : أزاي يا رضوي ؟ أزاي ؟! طارق جوزك عقيم ! رضوي : مش عقيم ، كان بيتعالج وخف والحمد لله . أميرة : أنتي بتكدبي عليا يا رضوي . رضوي : وحياتك مبكدبش .

أميرة : أنتي كل كلامك كدب في كدب ، أنا كده خلاص مفيش ذرة ثقة فيكي . رضوي : أنتي كمان هتظلميني ؟ ده أنتي الوحيدة اللي حساكي زي أختي بالظبط . أميرة : لأ ، أنسي الكلام ده ، أنا جاية أقولك إن الوعد اللي وعدتك بيه خلاص أنتهي و النهاردة هقول لعماد كل حاجة . رضوي : أوعي يا رضوي ، أوعي تقولي حاجة . أميرة : أنا خلاص مش هينفع أستر علي سرك أكتر من كده . رضوي : أرجوكي متتكلميش ، أنا النهاردة هخلص كل حاجة . أميرة : أزاي ؟

رضوي : هبيع حاجة من الدهب بتاعي وادي الفلوس لأسامة علشان يغور بعيد عني . أميرة : يعني النهاردة أخر يوم لأسامة في المحل ؟ رضوي : أيوه ، ولو بكره شوفتيه في المحل ابقي اعملي اللي انتي عايزاه . أميرة : رغم إني مش موافقاكي علي اللي بتعمليه ده ، لكن دي أخر فرصة ليكي ، ولازم كمان تثبتيلي إن اللي في بطنك ده ابن طارق . تنصرف أميرة ثم ينزل طارق إلي المحل بصحبة رضوي . رضوي : هسيبك أنا بقي وأروح أشتري شوية طلبات .

طارق : أحنا رجعنا لمشوار كل يوم تاني ! المحل عندك أهو خدي اللي ناقصك وأي حاجة تحتاجيها خلي سمسم يجيبها . رضوي : لأ ، أنا أتخنقت من قعدة البيت ، هروح أشتري الطلبات ومش هتأخر . طارق : ماشي يا رضوي ، خلي بالك من نفسك وبلاش تتأخري . تنصرف رضوي ويظل طارق في المحل يرقب تصرفات سمسم من خلف النظارة السوداء ، حتي يلاحظ أنه أستغل خلو المحل من الزبائن وأخذ بعضاً من أموال المحل ووضعها في جيبه !

كاد أن يقف ويواجهه ولكنه تماسك وأجل المواجهة ، فالخيوط أصبحت أكثر تشابكاً والمواجهة أصبحت حتمية وفي أقرب وقت .

مر أكثر من ساعتين حتي لاحظ دخول رضوي متسللة إلي المحل ، لم تنطق بكلمة ، بل أخرجت كيس أسود صغير وبدأت تتهامس مع سمسم أمامه ، وتلتفت إليه لتتأكد أنه لم يشعر بوجودها ، ثم فتحت الكيس الأسود الصغير وأخرجت منه خمسة حزم كبيرة من المال ، بينما كانت تلمع عيون سمسم وهو يري الأموال قبل أن يلمسها ، فمدت يدها لتعطيه أياها … فنهض طارق واقفاً ورفع نظارته السوداء عن عينيه وطرحها أرضاً ، لتحدث رنيناً حاداً شق صمت المكان كطلقة رصاص .

​التفتت رضوى بجسدها لكن قدميها تجمدتا في الأرض ، وترنحت ركبتيها حين رأته ينظر في عينيها ! ​لم تكن عينا طارق تائهتين كالمعتاد ، لم تكن نظرته باهتة ، بل كانت عيناه حادتين ، وكانت كلماته كطلقات رصاص حين سألها : : فلوس ايه اللي بتديهاله دي ؟ ​حاولت رضوى أن تنطق ، لكن لسانها قد سكن مكانه عاجزاً عن الحركة !

ماتت الكلمات بين شفتيها و تراجعت خطوة للوراء لتصطدم بالرفوف ، وهي تنظر للرجل الذي كانت تظنه غارقاً في الظلام ، فإذ به يغمرها بنور كاشف يفضح كل شئ ، فسقطت الأموال من يدها و سقطت كل الأقنعة في لحظة واحدة .