الفصل العاشر

رواية كفن الأحياء الجزء العاشر 10 بقلم حبيبة الشاهد كفن الأحياءرواية كفن الأحياء الحلقة العاشرة مسكت في الباب و حسيت كأن روحها بتتنزع.. منها ، بصيت على الارض و اتصدمت بص عليها و هوا بيكمل كلامه لاقه بركه من الـ ـدم.. تحت رجليها صقر : رحيق وقعت فاقده الوعي من فرط خوفها ، مسكها صقر و قلبه هينخلع من مكانه من الخوف عليها نزل بسرعه خلف ، و اتكلم بخوف مفرط : شيلها معايا نوديها اي مستشفى

شالها من غير تفكير و خرج من البيت ، وقف قدام العربيه ساندها عليه و بالايد التانيه فتح الباب حطها فيها كان خلف خرج ركب العربيه معاهم ، اتحر صقر بسرعه عاليه و هوا خايف و مرعوب اول مره يحس الاحساس دا على حد ، وصل اقرب مستشفى ليهم و خدوها منه و دخله الطوارئ كان واقف قدام الغرفة كاتم خوفه عليها و راسم البرود بمهاره ، مستني الدكتور يخرج من عندها ، و هوا عارف انه هيتصدم فيها و شكه هيطلع حقيقي

، خلف قاعد على الكرسي و في ايده السبحه بيدعيلها و خايف يخسرها ، قعدت معاهم فتره بسيطه بس بيحس يمتها كأنها بنته اللي مخلفهاش الممرضه خرجت من الاوضه ، اتكلم خلف بقلق : خير يا بنتي انتوا خدتوها مننا بقالكم ساعه و محدش خرج طمنى عليها الممرضة : هي جايه تعبانه اوي و الجنين كان لازم ينزل عشان كدا الدكتور دخلها عمليات و بندورلها على كيس دم.. نفس الفصيله لو تعرفه حد فصليتها ياريت تجبوه يتبرع ليها

و لما الدكتور يخلص هيقولك على حساب المستشفى خلف قام وقف من وهل صدمته ، و قال بصدمه : انتي بتقولي ايه يابنتي حمل ايه اللي بتتكلمي عنه الممرضة : انتوا مكنتوش تعرفه ان المدام حامل و بسبب سنها الصغير حصل اجهاض خلف ادرك الكارثه اللي فيها ، ظبط نفسه و رد بصوت هادي : لا مكناش نعرف شكراً يابنتي الممرضة مشيت من قدامه ، قعد على الكرسي رجله مش شايله و حط ايده على دماغه ، حاسس ان دماغه هتفجر من كتر الصداع

صقر كان واقف بيسمعها كور ايده و هوا كاتم غضبه جواه ، عينيه اسودت من فرط غضبه و هوا بيتوعدلها بالهلاك… بص خلف عليه كانت صدمته اكبر فيها ، ندم للحظه انه دخلها بيته و امنلها و هي خدعته و حطيت رأسه في الارض ، كأن العـ ـار.. عـ ـاره.. هوا ولازم ياخد حقه بعد حاولي نص ساعه خرجت من العمليات ، و اتنقلت غرفة عاديه فضل صقر واقف في اخر الغرفة شابك ايده في بعض

بصصلها بجمود مستنيها تستعيد وعيها ، مانع نفسه يوصلها لانه عارف نفسه ممكن يمسكها يقـ ـلها.. في ايده خلف قاعد على الكرسي بصص لـ ملامحها البريئه اللي اتخدع.. فيها بسرعه ، بيدعي انها تكون بريئه مش زي الفكره اللي اخدها عنها فتحت عينيها بضعف ، دموعها نزلت و همست بصوت ضعيف و هي تحت تأثير البنج: ابيه شريف.. ابعد عني انت بتعمل ايه لا حد يلحقني قرب على السرير اول ما سمع همساتها ، وقف قدامها و قال بقسوة : مين شريف

رفعت عيونها بصتله بضعف ، و دموع : شريف.. جوز اختي خلف بص لـ ابنه ، و قال بحد : صقر سيبها تفوق و بعديها هنفهم منها كل حاجة بصلها في عينيها و جز على سنانه ، حاول يمسك اعصابه قبل ما يفقدها و يتهور عليها فضل واقف مكانه بيأكل في دقنه بغضب مكتوم ، عدى نص ساعه كمان بدات تستعيد وعيها و تركز ، بصيت حوليها لاقت صقر و خلف حوليها ، حسيت بألم.. في بطنها همست بتعب : انا فين.. و ايه اللي حصل كان لسه خلف هيتكلم ،

بس صقر سبقه و قال بحد : انتي في المستشفى اغم عليكي و انتي واقفه بتتكلمي تقدري تقوليلي مين ابوه اللي في بطنك فتحت عينيها على وسعها ، حسيت كان الزمن وقف بيها بدات دقات قلبها تتسارع ، بصيتله و جت تتكلم لاقت الكلام هرب من لسانها بربشت و بصيت على خلف و عيونها اتملت بالدموع ، هزت راسها بخوف و صوتها طلع أخيراً برعشه ايه صقر صاح بنبرة ارعبتها: ايه مكنتيش عارفه انك حامل.. و لا خايفه اننا عرفنا

ردي عليا قوليلي حامل من مين و جايه هربانه من ايه من اول يوم دخلتي علينا فيه و انا مش مطمنلك و عارف ان وراكي مصيبه هتقولي كل حاجة دلوقتي و من غير كدب قسمًا بالله لو حسيت انك بتكدبي لا اندمك قام خلف وقف قدام ابنه يهديه ، و بصلها بنظره مختلفه و اتكلم بحد : انا عايز اعرف دلوقتي ايه حكايتك و الحمل دا حصل ازاي و امتا جوه بيتي و لا برا اتفضت في مكانها بخوف ، اتكلمت برعشه و عينيها بصه في عينيه من فرط خوفها: انا..

انا هقولك كل حاجة و مش هكدب عليك انا لما جتلكم كنت فعلاً متروده من اختي بس مش عشان الورث عشان انا و اختي التانيه قتـ ـلنا.. جوزها خلف فق قبضته عن ابنه و بصلها بسرعه بصدمه : قتـ ـل.. اتعدلت بصعوبة على السرير ، و قعدت بتعب : والله ما كنا نقصد هوا اللي مـ ـات.. صقر اتكلم من بين صدمته بتركيز: احكيلي الموضوع من اوله عشان افهم حسيت بلسعت برد في جسمها ، و اتخدت مره

واحده اول ما افتكرت شكلوا: انا كنت عايشه انا و ماما لواحدنا في البيت و اخواتي الاتنين متجوزين بس ماما اتوفت من شهر و اخواتي كل واحده فيهم راحت بيتها انا قعدت لوحدي في البيت جه ابيه شريف جوز اختي اتهجم.. سكتت و هي بتفتكر ضمت نفسها بخوف ، و غرزت ضوفرها في ايديها من غير ما تحس ، و كملت كلامها بصوت مرتعش مكسور : عليا لما فوقت بعديها كلمت منه اختي جت هي و أبيه أدهم جوزها و بعديها بسملة

جت و لما قولتلها على اللي جوزها عمله مصدقتش و كدبتني و مشيت روحت مع منه بيتها بس ابيه شريف جالنا هناك و ضـ ـربنا انا و هي و فهم مامت ابيه ادهم اني بكدب و انه جه البيت فعلاً بس لاقه معايا واحد تاني طنط سميه صدقته و تردتني من بيتها انا و منه افتكرت نظرات آدم و كلامه الجارح ، نزلت دمعه من عنيها و كملت كلامها : منه خدتني و رجعنا تاني بيت ماما جالها تلفون بليل ان بنتها تعبت..

سابتني في البيت لوحدي و راحت المستشفى بعديها لاقيته رجع تاني لما عرف ان محدش معايا خدرني.. و لما فوقت لاقيته قدامي بيقولي اني مش هعرف اتحرك من الحقنه.. اللي خدتها و انه فاتح التلفون يصورني عشان متكلمش من حسن حظي ان منه رجعت تاني البيت و شافته مسكت الشمعدان و ضـ ـربته.. على دماغه قتـ ـلته.. بصيت على الصدمه اللي في عيون خلف ، و بدات تترعش من فرط خوفها: قتـ ـلته.. قدام عيني و خدتني و روحنا القسم و الظابط قبض عليها

و بسمله لما عرفت جت خدتني و تردتني قالتلي لو رجعتي تاني هقتـ ـلك.. قبلت طنط سعاد قعدت عندها يومين بس بنتها تردتني و جيت هنا و قبلتك انا مكدبتش عليكم والله في حاجه هوا دا كل اللي حصل انا خوفت احكيلكم متردوش تقعدوني عندكم و اقعد في الشارع انا اسفه اني كدبت… و لو مش مصدقين روحه القسم هتتلاقه اختي مسجونه هناك كتر خيرك يا عمي خلف على وقفتك جنبي طول الفترة دي انا همشي و مش هتشوف وشي تاني

صقر بص لـ الحاله اللي فيها و حاول يصدقها ، و قال بجمود : انا هعرف بنفسي إذا كنتي بتكدبي و لا بتقولي الحقيقة بس لو طلعت دي كمان كدب منك وربنا لا اندمك هزت راسها برعشه ، و همست بتردد : انا قولتلك كل الحقيقة مكدبتش عليك في اي كلمه قولتها خلف بصلها بندم.. و حزن شديد ، صعبت عليه شكلها : لا حول ولاقوة الابالله العلي العظيم كل دا يحصلك يا بنتي انا مش عارف اقولك ايه اصبرك بيه

قولي حسبي الله ونعم الوكيل و ربنا مش هيسيب حقك ربنا يجحمه مطرحه ما هوا سكتت و همست بضعف : انا مش حامل انت قلت كدا عشان تعرف الحقيقة كور ايده و رد بدون ما يشفق على حالتها : انا مبكدبش عليكي الدكتور قال كنتي حامل و سقطـ ـي هزت راسها بدون وعي بمعنى لا ، رفعت ايديها شاورة في الهواء بعدم تصديق : عمي خلف هوا بيتكلم بجد سكتت و حطيت ايديها على بطنها اللي بدا الوجع.. يشتد عليها ، احساس غريب كان في بطنها طفل.. روح كانت جواها

و ماتت.. من قبل ما تعرف بوجوده مـ ـات.. اتخد منها من قبل ما تحس بيه.. كانه مكنش ليه حق يعيش رفعت وشها بصتلهم و فضلت ساكته حاسه بتوهان لقت انسب حل ليها النوم ، عايزه تهرب من نظرات الاتهام و الشفقه اللي في عنيهم غمضيت عينيها بتكتم الألم.. اللي جواها ، فضلت على وضعها و شريط حياتها بيعدي قدامها كأنه فيلم بصلها و قلبه رق على شكلها ثواني و رجع للجمود ، خرج من عندها طلع تلفونه جاب رقم و رن عليه

: هبعتلك اسم واحده مسجونه تعرفلي اتسجنت ليه قفل معاه و بعتله الاسم رفع وشه بص قدامه ، عدى دقايق و في خلال ربع ساعه رن نفس الرقم عليها رد بسرعه ، جاله صوته و هوا بيتكلم : انا بعتلك صوره من ملف القضية هتعرف منه كل حاجة بس ليه بتسأل عنها صقر : لا مافيش انا كنت عايز اتاكد من حاجه سلام مستناش يسمع رده وقفل في وشه ، فتح التلفون و بداء يقراء المحضر

اتشدد عروق ايده و برزت بوضوع ، عيونه احمرت من فرط غضبه أقسم بداخله انه لو كان لسه عايش كان قتـ ـله.. بايديه بص على الاوضه و غرز صوابعه بين خصلات شعره ، كل الغضب اللي جواه اتبخر و بقى مكانه زعل و حزن عليها حس بندم على كلامه الجارح.. افتكر رعشتها الكلام اللي بيطلع منها بصعوبه نظرة الكسره اللي دائماً شايفها في عيونها اخيرًا عرف سببها ، و ياريته ما عرف نزل تحت ركب عربيته و فضل قاعد فيها ، بصص قدامه بشرود عايز يفضي دماغه

من التفكير شوية مسك دماغه بألم ، و هوا مش مبطل تفكير فيها اول مره يحس انه ظلم حد.. و الحد دا كان اضعف من انه يستحمل ظلمه فضلت على وضعها لحد اما حسيت بخلف خارج من الغرفة ، و اتاكد انه رايح الجامع يصلي الفجر ، فتحت عينيها الحمراء بصيت لـ المحلول و فصلته اتحملت الوجع.. و جت تقوم اتاوهت.. مسكت بطنها و جزت على سنانها من فرط ألمها.. و قامت وقفت على رجليها ، سندت على الحيطه و مشيت بصعوبة و دموع لحد اما فتحت الباب…

اتلفتت على خلف و صقر و حمدت ربنا انهم مش موجودين خرجت من الغرفة بتحاول تسرع من خطواتها إلا انها كانت بطيئه من فرط تعبها ، نزلت الدور الأرضي و هي بتعاني من الوجع.. خرجت من البوابه بصيت وراها.. تشوف حد جاي وراها ولا لا و رجعت تبص قدامها خبطت في شخص رفعت وشهة بصتله و رجعت خطوه للخلف بخوف مسكها صقر من ايديها قبل ما تبعد ، بص لـ حالتها و اتكلم نبرة صوت هاديه : اهدي.. مالك خايفه من ايه حد عملك حاجه جوه

رحيق مسكت في ايده بقوة حبات العرق على جبينها من شدت ألمها ، خدت نفسها بصعوبة و قالت بضعف : سيب ايدي.. انا همشي و مش هتشوفني تاني صقر لعن نفسه على الرعب اللي سببهولها ، و اتكلم بهدوء : ممكن تهدي و متخافيش من حاجة انا مصدق كلامك و مش هسيبك لواحدك هترجعي معانا البيت و هتقعدي وسطينا زي ما كنتي و اوعدك محدش هيعرف حكايتك غيري انا و انتي و ابويا رحيق

اتكلمت من بين سنانها بوجع: مش عايزه اقعد و اسببلكم مشاكل تاني سبني امشي و ربنا معايا صقر مهتمش لـ كلامها : انتي تعبانه و محتاجه راحه ارجعي ادخلي معايا المستشفى هزت راسها بمعنى لا بدموع : لا مش هرجع… انا مليش عين ابص في عين حد فيكم بعد ما عرفته حقيقتي عشان خاطري ارجوك سبني امشي خلف خرج من المستشفى و هوا بينهج بيدور عليها بعينه ، شافها واقفه مع صقر خد نفسه اللي اتقطع.. منه في الجري و راح عندهم خلف بنبرة صوت كلها خوف

: روحتي فين يا بنتي دورت عليكي كتير خوفت تكوني مشيتي الحمدلله انك بخير ايه اللي قومك من على السرير تعالي ادخلي ارتاحي صقر خد باله من ايديها اللي ماسكه فيه ، و اتوتر من لمستها حاول يظبط صوته اتكلم بنبرة صوت هاديه : كانت عايزه تسبنى و تمشي بس انا مش هسيبك تمشي و هترجعي معانا البيت خلف بصدمه : تسبنى و تمشي ليه يابنتي احنا زعلناكي في حاجة حقك على راسي لو زعلتي مني انا عايز اطمن عليكي

بصتله و كانها مستنيه حد يكلمها و انفجرت في العياط ، خلف مد ايده شال ايديها من على ابنه و سندها هوا بتردد و حضنها و قبل.. راسها بحنية أب مسكت فيه بقوة و هي بتطلع كل وجعها في حضنه صقر حس بضيق شديد اول ما حضنت ابوه ، اتكلم بهدوء منافي بركان النـ ـار.. اللي جواه : انا دفعت فلوس المستشفى خلينى نمشي نرجع البيت احسن

خرجت من حضنه بخجل و مشيت معاهم ، و هي سنده عليه ركبت العربية سندت على الشباك و نامت من التعب ، فضل صقر طول الطريق بصصلها في المرايا صعبانه عليه وصلوا قدام البيت كانت لسه الدنيا ضلمه ، صحيت على صوت خلف الحنون و هوا بيصحيها : اصحي يابنتي احنا وصلنا ادخلي نامي جوه و الصبح هنزلك ام صقر بس متعرفهاش حاجه قوليلها واخده دور برد هزت راسها بنوم مسكت ايده نزلت من العربيه دخلت الشقه و قفلت ، طلع صقر و خلف الشقه و كان الكل نايم

صقر بارهاق : تصبح على خير يا ابويا خلف قعد على الكنبة ، و قال : و انت من اهل الخير فضل قاعد على الكنبة بيفكر في المصيبة اللي اتحدفت على رأسه ، لحد النهار اما طلع عليه و هوا لسه مكانه خرجت فاتن في غرفتها بصتله ، و راحت عنده بقلق : صباح الخير يا خلف صاحي بدري كدا ليه مش عويدك خلف: مش جيلي نوم انا نازل المحل و لما صقر يصحى خليه ينزلي متنسيش حسيت بقلق : حاضر استنى هحضرلك الفطار كل قبل ما تنزل

خلف: لا مش عايز.. شويه كدا و ابقي انزلي لـ رحيق شوفيها لو عايزه حاجه عشان تعبانه فاتن بحيره : حاضر يا حج قام خرج بالهدوم اللي عليه من امبارح ، نزل راح على شقتها و خبط بتردد في الشقة كانت نايمه على الكنبة من فرط تعبها ، صحيت على صوت الباب اتعدلت بتعب و هي مسكه بطنها ، و قامت بصعوبة و هي بتتسند على الحيطه وصلت لحد الباب و فتحت همست بصوت مجهد عمي خلف تعالى اتفضل خلف : انتي لسه تعبانه معلش صحيتك من النوم فكرتك صاحيه

رحيق بلطف : لا عادي انا صاحيه اتفضل ادخل خلف : لا روحي كملي نومك و انا شويه و هدخل اطمن عليكي مشي من قدامها خرج من البيت ، مسكت بطنها بألم.. و دخلت و قفلت الباب قعدت على اقرب كرسي و هي حاسه بوجع.. في غرفة صقر صحي على صوت ابوه و هوا بيتكلم في الصاله ، هوا منمش بس غفل من التعب اتعدل على السرير و قام يغير الهدوم اللي نام بيها من غير ما يحس ، حط ايده في الجاكت يطلع التليفون لاقه ورقه بتطلع معاه

اتصدم اول ما شاف الورقه اللي فيها العلاج ، عاتب نفسه على انه سابها من غير مسكن.. و اكيد تعبانه غير هدومه بسرعه و خرج من الأوضة.. كانت فاتن قاعدة على الكنبة بتسبح صقر بصلها بتفكير و وقف اتكلم صباح الخير فاتن : صباح النور رايح فين على الصبح بدري كدا صقر : هنزل لـ ابويا اشوفه في المحل.. ابقي اعملي فطار خفيف شربة و ورك مسلوق و نزليهم لـ رحيق تفطر لانها تعبت امبارح فاتن بصتله بذهول ، و قالت بحيره : و انت

عرفت منين انها تعبانه صقر: و انا راجع البيت امبارح سمعتها و هي بتعيط خبط اطمن عليها فتحت الباب و وقعت من طولها ابويا نزل و خدناها و روحنا المستشفى قاله انها كلت حاجة ملوثه هي اللي عملت فيها كدا كتبولها على علاج و جبنها و جينا بعد الفجر فاتن بعتاب: محدش صحاني ليه و لا ابوك قالي قبل ما ينزل كنت نزلت قعدت معاها هعملها الفطار و هنزلها

مشي من قدامها خرج من الشقه ، نزل بسرعه خرج من البيت راح اقرب صيدلية جبلها الادويه و رجع ، خبط على الباب فتحت الباب و هي مش قادره تصلب طولها من الوجع.. المسكن اللي خدته في المستشفى بداء يروح تدريجياً صقر بص على ملامحها المرهقه ، و التعب الظاهر عليهم و اتكلم بنبرة صوت هادئة لاول مره : امي عندك هزت راسها بمعنى لا ، و مسكت في الباب تسند عليه كمل كلامه بخوف واضح في نبرته

: خدي العلاج انا لسه جايبه نسيت اجبهولك امبارح مكتوب عليه الموعيد بس حاولي تخبيه من امي لانها ممكن تكون عارفه بتاع ايه هي بتعملك فطار و نازله انا فهمتها انك كلتي حاجه ملوثه.. امبارح و روحنا المستشفى عشان لو سالتك مالك و كنت معاكي انا و ابويا ادخلي ارتاحي و هبقى اعدي عليكي شويه كدا اشوف لو محتاجه حاجه

خدت منه العلاج و استنت اما خرج من البيت ، و دخلت قفلت الباب.. دخلت المطبخ جابت مايه و خدت المسكن ، و سندت على الرخامه بدموع في الخارج صقر دخل لـ ابوه المحل ، كان قاعد على الكرسي حاطط ايده على دماغه صقر : السلام عليكم ورحمة الله وبركاتة رفع وشه بصله: و عليكم السلام ورحمة الله وبركاتة تعالى اقعد عايزك في موضوع صقر جاب كرسين و قعده قدام المحل في الشمس ، بصله خلف و قال بجدية

: بص يابني انا عايز اطلب منك طلب و متكسفنيش و ترفض.. رحيق بقت تخصنا و في رقبتي هي عيله غلبانه و اللي حصل معاها كان غصب عنها و انت بتسمع بلاوي من دي اليومين دول احنا مقعدنها عندنا في البيت بس برضو هي عيله صغير محتاجه حد يبقى معاها و ياخد باله منها و ربنا أمرنا بالستر انا طالب منك انك تتجوزها و تسترها في بيتك بدل ما يجي حد تاني ياخدها و الله و اعلم هيعمل فيها ايه

دي أمانه يابني و انا عارف انك هتحافظ عليها كويس و هتتقي ربنا فيها وعمرك ما هتعيرها و لا تزعلها انا عارف انك بتحلم بجوازه تانيه بس والله البت دي احسن من ميت بنت كفايه تربيتها و اخلاقها و انا واثق انها هتحافظ على بيتها و عيشتها صقر بعد وشهه عنه بص قدامه بصمت و تفكير ، حس بخوف عليها لما جه في ماغه ان واحد تاني يتجوزها و يأذيها.. كلام خلف مع حق أستغفر ربنا ، و رجع بصله : انا عمري ما كسرتلك..

اللي انت شايفه صح انا هعمله بس ليا شرط خلف بصله و حس بخوف شرط ايه صقر : الفرح يبقي الأسبوع الجاي و يتعملها فرح الحاره كلها تفضل عمرها كلوا تحكي عليه خلف : اللي انت عايزه هعمله جهز انت نفسك و سيب الباقي عليا بس يابني عشان تبقى عارف هتتجوزها مافيش طلاق صقر : ربنا ما يجيب طلاق أبداً متخافش عليها هتبقى في عنيه صقر بص قدامه على الناس اللي ماشيه ، و هوا بيفكر في ردها هيبقى عامل ازاي

كان متوقع ان ابوه يطلب منه الطلب دا ، و هوا اصلاً كان مستني يشوفه عشان يفتحه في نفس الموضوع ، و يقوله انه عايز يتجوزها في منزل ادهم نزل ادهم و معاه مراته و اولاده ، كان هيثم واقف قدام البيت مستنيهم ادهم راح عليه و سلم : الف مبروك عقبالك انت كمان إن شاءلله لو مش متجوز و لو متجوز عقبال ولادك هيثم: لا مش متجوز ايه هنمشي ازاي ادهم: هاخد عربيتي انا و الجماعه بتوعي و انت خد معاك بسملة و تارا

ادهم سابه و راح يحط شنطهم في العربية ، هيثم بص على البيت مستنيها تنزل عدى دقايق لحد اما خرجت أخيراً ، و في ايديها شنطة سفر كبيره ، لسه زي ما هيا لبسه الاسود كأنه بقى جزء من شخصيتها راح عليها و خد الشنطة منها ، و اتكلم : تعالوا عربيتي بسملة بصيت على اختها بلوم و مشيت ركبت العربية معاه ، ركب و انطلق بيهم و هما طول الطريق ساكتين.. حاول يكسر الصمت ، و قال : انتي في سنه كام يا تارا تارا كانت قاعدة بص على الطريق بشرود ،

بصتله بنتباه و همست : تلته ثانوي بسملة بصتله ، و قالت : لسه برضو ملقتش اي اخبار عن رحيق بصلها في عينيها الحزينه ، و رجع بص على الطريق : لسه بندور في المناطق اللي حولين المكان بسملة بحزن شديد : بفكر انزل صورتها في الاخبار و احط قيمة مادئيه للي يعرف يوصلنا ليها هيثم: حطي مافيش مشكله و إن شاءلله نلاقيها قريب تحبي تفطري فين بسملة: لا شكراً مش عايزين نفطر هيثم باسرار : الطريق لسه طويل تعالوا نفطر الاول و بعديها نكمل طرقنا

وقف قدام مطعم و أثر عليهم ينزله معاه ، لحد اما وافقه و نزلوا دخله المطعم و فطره مع بعض ، بصيت عليه و هوا بيأكل… بتفكر في كل حاجة بيعملها معاها ، قد اي هو حنون فيه احساس جواها غريب نفضت تفكيرها فيه بضيق من نفسها و بعدت عيونها عنه قامت خدت شنطتها و نزلت تستناهم في العربية اما يخلصه ، بتحاول تهرب.. منه باي طريقة بس في كل مره بتلاقيه قدامها خلصه فطار و جم وراها على طول و كمله طريقهم بعد اربع ساعات

وصلوا أخيراً الفيوم ، دخل بيت كبير و وراه عربية ادهم و بعد دقايق من المشي وسط الزرع وقف قدام البيت نزلوا من العربيات.. بسملة بصيت حوليها و خدت نفس عميق ، هواء منعش غير اللي كانت بتتنفسه هناك و بيحسسها دائماً بالحبسه هنا حاسه بالحريه حاولة تفصل دماغه حتى لو لفتره في المكان الرائع دا هيثم : البيت بيتكم الاوضه اللي تعجبكم خدوها.. انا خليت حد من الغفر يجيب طلبات للبيت و هتعبكم معايا انتوا اللي هتمسكه المطبخ أدهم

ليه تتعب نفسك و تجيب هيثم: و لا تعب ولا حاجة هروح مشوار و راجع على طول طلع مفتاح البيت اده لـ أدهم و مشي ، كل واحد فيهم شال شنطته و طلع السلم فتحه باب البيت و دخله بسملة اتلفتت حوليها لاقت تارا لسه واقفه مكانها ، قالت بحنيه : واقفه عندك ليه اطلعي تارا كانت حاسه بخنقه : هتمشه شوية في الجنينه مش هبعد عن هنا بسملة : ماشي يا حبيبتي بس متبعديش هزت راسها بخفه و مشيت وسط الاشجار الكبيره و هي بتفتكر كل حاجة مرت بيها…

ابوها و عمها اكبر كبوس بالنسبة ليها خلوها تفقد الثقه في اي حد ، دائماً شايفه كل الناس اللي حوليها عايزين يأذوها كانت ماشيه و مش واخده بالها انها بعدت عن البيت شافت بحيره جنبها ، قربت عليها وقفت على حرف الأرض بصيت على المظهر الطبيعي مروح للعصاب ، مع طيار الهواء اللي جاي اتجاها مطير شعرها بحريه براحه نفسيه اتنفست الهواء الصافي الممزوج بريحة الزرع و التراب ، بس الغريب انها حبته مش تراب مؤذي بس منعش

فضلت واقفه تتفرج على البحر و الاشجار اللي في الاتجاه التاني بصيت لـ البحر و عيونها دمعت اول ما افتكرت لارا ، جه في دماغها نفس الكبوس اللي بيتردها و مش سايبها حتى و هي صاحيه كل اللي عانته خالتها و اختها هزت راسها بمعنى لا و هي بتنفض الافكار اللي في دماغها سمعت صوت حاد من وراها ، بصيت وراها و شهقت بفزع اول ما لقيت راجل واقف قدامها… رجعت خطوه من خضتها رجليها فلتت و وقعت في البحر