تحميل رواية «قضية طلاق» PDF

مساء الخير حبايبي. .

البارت ٢

"قضية طلاق"

بقلم الكاتبة Aseel

_____________

رشا : فتحت عيني اشوف سكف غرفة امي وراس امي فوكاية ..

اشوف حلكها يتحرك بس مااسمع شتكول .. رجعت غمضت عيني ومحسيت الا على لغوة يمي ..

اريد اسكتهم ماكدر .. احس لساني مربوط وكلامهم يدك براسي ..

كافي سكتو راسي حيطك ... احجي بكلبي عسا ولعل يسمعون .. بس ماكو .. حاولت وقاومت بس اريد

افتح عيوني ثكيلة كلش كوة كدرت اشوف خيط ابيض ..

كمت افتح واسد .. لحد ماشفت بياض مغوش وناس فوكاية . 

اشوية اشوية بدة الصوت يوضح بس الصورة مغوشة ...

اسمعهم يسولفون ..

الدكتور : بعدة مرتفع واذا يضل هيج احتمال تدخل غيبوبة ..

الدكتور ٢: اعتقد بدت تصحى ..

الدكتور : ابو علاء .. لتخلي احد يفوت هنا .. الي يريد كلهم حالتها حرجة ممنوع دخول ..

رشا: اسمعهم بس ماكدر اجاوب ولا اشوف زين ..

اتمنة اكلهم سكتو راسي ماتحمل صوتكم .. جنت اصيح واغلط عليهم حتة يسكتون بس ميصلع صوت ..

جنت احجي بكلبي ..

الدكتور: اتسمعيني .. ؟؟

اذا تسمعيني رمشي عيونج ..

رشا : حاولت ارمش كوة .. بس مكدرت اسيطر اول مغمضت رمشي

وراها بدة الصوت يختفي ورجعت للضلام ..

_____

زهرة : بيوم زفة رشا جان البيت كلة مخبوص بالفرح ويحير الواحد شلون يعبر عن فرحة برشا ..

بس الي كسر فرحتنة صرختها الي خلتنة نتدمر بقرار صهيب .. شحالها هية ..

دمرها ودمر فرحتها .. ماانسة شلون فقدت وشكت ثوبها واغمة عليها

شالوها حطوها بغرفة خالتي .. ومجانت تصحة ابد.حاولنا اني وصفية وكوة نزعناها وبدللناها ..

اخذوها للمستشفى وجان ضغطها كلش مرتفع وصايبتها جلطة خفيفة .. انصدمنة كلنة شنو جلطة وهية كل عمرها ٢٢ سنة ..

جانت لحظات ماتمناها لعدوي باقين بالطوارئ ومنعرف حالتها شلون تصفة ..

كل دكتور يكول شكل ..

تعبت نفسيتنة .. وحيصير اسبوع وهية فاقدة . 

الدكتور يكول اذ بقت هيج منا ليومين احتمال تدخل غيبوبة طويلة متصحة منها ..

خالتي ماخلت دعاء مادعتة ..

حتة كعدت بحديقة المستشفى وفتحت صدها ونخت  العباس .. خلت الي بالمستشفى كلها تبجي على حالتها .. جانت رشا مو بس بنتها .. هاي صديقتها الكل يحبها ..

دعاء خالتي ماطول للفجر .. وكالو صحت .. الي يسجد والي يتحاضن .. لان جانو مأيسين منها .

وخافو لا تدخل غيبوبة .. لان هواي صارت وياهم ولهسة ماصحو ..

كلة الي صار من ورة صهيب النذل ربي ينتقم منة .

______

رشا :  فتحت عيوني كوة .. هدوء يمي وبس اشوف سكف ابيض وكلوبات .. ضليت صافنة واني اتذكر  الي صار وياي وارجع اختنك .. دموعي تنزل ..

ليش هيج صهيب .. ليش ماعفتني من الاول اذا جنت ناوي تغدرني ..  ليش ..؟؟

دخل علية الدكتور شافني صاحية ضحك بوجهي ..جان دكتور مبين ثلاثيني .. لان حلو ومرتب .. لوماحالتي جان زحفتلة .. يلة اخلي لزهرة ..

الدكتور : حمد لله ع السلامة الاميرة النائمة ..

رشا : الله يسلمك .. ليش شكد صارلي  هنا ..وبعدين اني شجابني للمستشفى ..

الدكتور : صارلج ٨ ايام ... ماشبعتي نوم كافي دلال .. لو عجبج سرير المستشفى ..

رشا : وين اهلي .. 

الدكتور : برة .. نكمل فحوصات وندخلهم .

رشا : كملت فحوصات وتقريبا ساعة وكملت ..

جان تدخل علية الثور المجنح ونامت فوكاية ..

يمعودة وخري ختنكت .. ويجرون بيها وهية نايمة فوكاية وتبجي ..

ولج وخري ضمي دموعج لفاتحتي راح تموتيني ..

كوة وخرت .. كالت وهية تسحب خشمها وتناشغ ..

زهرة : كلبة حقيرة .. ليش هيج .. ولج طلعت احبج ومادري . 

رشا : امدة وجهج اي والله وخري خنكتيني ..

جتي امي هم تحضن وتبجي ..

وراها اجن الفيلق صفية وتماظر والبنات الباقيات كل وحدة حضنة ودموع .. ماكلكم شبعت خنين بجتفي .. ميعجبهن الة بجتفي يسحبون اقسام ..

كافي عاد لعبتو نفسي .. وخرن عاد ..

جتي زهرة كعدت يمي  جان تكول ..

زهرة : واني اكول متكعد اثاري السرير مريح ..

جان تهمس باذني ..

بيني وبينج تمنيتج متكعدين حتة اضل اباوع للمصقولة الي مشرف عليج .. كل ميمر افكر اعثر كدامة بس خفت لا انسحل من خواني .. وانحرم من شوفتة .

رشا : لخاطر ربج شكد تلغين كافي راسي صدع ..

ام سامر : كافي زهيرة تلحكين ع السوالف لا تتعبوها بنيتي توها صحت على كيفكم ..

رشا : وراها جوي كلهم الي تحمد والي يواسي بالصار ..واني ساعة يمهم وساعة يروح بالي بعيد ..

جان هسة اني يمة .. ليش هيج سويت .. صهيب ..

معقولة كل هلحب يطلع جذب .. .

_____________/

صهيب : كاعد بليل بغرفتي اباوع للاثاث غرفة صاج عراقي .. اختيارنا اني ورشا .. صاج اسود واحمر ..

اجر بجكاير وماكو .. يخلص باكيت افتح الثاني .. يخلصن الجكاير. ودموعي موكفن .. جان هسة نايمة بحضني ..

جان هسة اشم شعرها .. اهمس بذانها ..

اسمع اسمي بصوتها الدافي .. اصبح بعيونها العسلي ..

كل هذا راح .. بورقة ..

ابجي ومخنوك  محد يحس بناري .. بنضرهم نذل وغدر.. ميدرون خيروني اختيارين واحد امر من الثاني ..

ثنينهن موت بالحياة ..

حيصير ١٠ ايام من يوم حنتي لليوم واني على نفس كعدتي .. لا اطلع واطب .. واكل قليل على كد الحاجة ..

كلها تسأل ليش .. وماكدر اجاوب .. اكتفي بسكوت ..

ساعة صارت ب١ ونص بليل .. الجو بارد .. جنا بهيج ساعة نسولف ونتغازل ..

ماعرف اخبارها .. مادري شصار من سمعت الخبر .. ادريها متتحمل .. بس مجبور .. محد يفهمني ..

بيتهم بشارعنة بعد ٣ بيوت .. يعني جوارين .. مكابل الشباك وكاعد .. عسا ولعل المح طيفها ..

رحت مددت ع الجرباية وعيني على السكف والجكارة بحلكي .. اسمع صوت رجاج .. صوت تلفون يرج ..

مشفت منو .. ضل يتصل اخر شي اخذتة دغلقة جان اشوف رقمها يتصل .. اووف يا راحة صهيب .. شحالج هسة .

مكدرت ارد .. مااتحمل عتابها .. عفتها تدك ويفصل وترجع تدك .. اخر شي وصلت رسالة . 

فتحتها جان انصدم .. مضمونها ..

(اني بلباب )..

رسالة من كلمتين خلتني اكمز من فراشي ..

لبست التيشرت وركضت حافي ..

اريد بس اوصل للباب ..

وصلت باب البرة .. وشفت خيالها من جوة الباب ..

من كد ما متلهف الها بودي احضن خيالها ..

من صرت قريب للباب اسمع صوت طكت سنونها من لبرد ..

فتحت الباب جان تصير بوجهي .. صفنت جان تطب بالحديقة .. ابوع عليها بملابس النوم .. بجامة بهارية .. وحافية وبلا حجاب .. وحاضنة ايدها وترجف من البرد ..

لان شتة وشهر ال١ نهايتة ..

وكفت وصفنت علية واني ساكت وصافن .. كأنما نظراتنة تسولف الي بداخلنة ..

سألتها : شجابج بالوقت .. شلون تطلعبن هيج انتي مخبلة .

رشا : خايف علية .

صهيب : طبعا اخاف غير مر.... سكتت مكدرت اكمل

رشا : ليش لابس التيشرت مكلوبي .

صهيب : مادري بي جنت نازعة ومن قريت رسالتج عقل مضل براسي طفرت كبل للباب واني البس بي ..

رشا : لهدرجة مهمة اني

صهيب : اكيد ..

رشا : صهيب .. !!

صهيب : عيون صهي... سكتت ورجعت كملت ... نعم .

رشا : ليش صهيب .. جاوبني بس كلي ليش ...

شوف ايدي .. اثر حنتك بعدها .. ليش كسرتني هيج

جان كلت من البداية ماحبج ماافيدج ..

ليش خليتني هيج .. ليش توصلها للمحاكم صهيب .. ليش دمرتني ودمرت احلامي .. شسويتلك .

صهيب : من سمعت كلامها ودموعها الي تنزل سجاجين بكلبي .. متحملت كعدت بالكاع وابجي مثل الطفل ..

مجبور صدكيني مجبور ..

رشا : ماكو شي يجبرك تسوي هيج بهيج يوم ..

صهيب : اكو رشا .. اكو اشياء ماكدر احجيها ..

رشا كومي روحي لبيتكم انتي جيتج غلط لهنا ..

رشا : اي صح جيتي غلط بهيج وكت للمكان الي المفروض هسة اني بي ..

اعتذر .. ازعجتك ..

صهيب : حجت وراحت تركض وماكدر اصيح عليها ..

طلعت وراها ملحكت شفتها طبت لبيتهم ..

رجعت للوكر مالي واني كسرتي اكثر من قبل ..

شفت صهيب شسويت برشا .. شفت عيونها الي تعشقهم شلون ذبلانات .. ليش هيج دمرتها ..

احاجي واعاتب روحي .... ياناس مجبور ..

___________

رشا بعد مطلعت المستشفى بيومين لان جنت تحت المراقبة ..

رجعت للبيت واني بداخلي حسرة والم .. المفروض ادخلة خطار هسة .. سانداتني صفية وزهرة .. هذني سندي ..

ها عميتن علية بنواحيجن هاي رجعت يمجن باقية واتمدد ..

زهرة : فدوة رشا لا تحمليني الصوج والله احس اني خربط السالفة من ورة عركة الصالون ..

صفية : دسكتي يمعودة علمود عركة عفطية مثلجن يتخاربون .. اكيد اكو سبب قوي . 

لان ادري بصهيب يحب رشا هذا حارب الدنيا علمودها .. ممعقولة كل هذا جذب .

زهرة :اغمز لصفية اريدها تسكت ماكو انطلقت اعضعض بشفتي زوركتها بس تسكت الة كرصتها يلة حست وسكتت بس بعديش بعد ما كتت الاول والتالي ..

رشا : جنت متمددة بغرفتي ويمي زهرة وصفية يسولفن وياي .. بعدين كتلهن اريد ابقة وحدي ماريد احد يدخل

بقيت وحدي افكر بكلام صفية .. صهيب ليش هيج سوة .. اخذني التفكير  .. وغفيت ..

شفت روحي بمكان كلة نار يشتعل مثل الحمم البركانية .. وصهيب واكف بمكان مثل البستان .. اصيحلة . 

بس هوة مقيد بشجرة عملاقة بسلاسل .. ويصيح علية ..

يريد يخلصني بس ميكدر .. فزيت مرعوبة من الحلم .. لكيت زهرة تمسح براسي ومهبوطة من منظري المفزع ..

زهرة : اسم الله شبيج ... رشا .

رشا : صافنة واني ببالي ليش هيج سوة صهيب . 

اريد اروح

زهرة : وين يالله .. تخبلتي انتي تدرين ساعة ابيش هسة ..

رشا : معلية .. اريد اروح هسة ..

نزلت بهدومي ومحسيت بروحي الة واني ببابهم .. ادك عليه ميجاوب ..

كتلني البرد وزهرة تاشر بيدها تعالي ..

تجاهلتها .. دزيلتة رسالة .. ثواني وطلع ملهوف

صفنت بوجها مبين عليه التعب والسهر ..

الكلام الدار بينة جان اكثرة بعيونة ..

شفتة شلون مكسور وهوة يبجي مثل الطفل ..

بس صحيت على روحي من كلي جيتج غلط

صح اني ليش جيت .. وين كرامتي .. ليش امشي ورة كلبي ..

اني شجابني هنا . اعتذرت منة وركضت حتة ملحك يلزمني .. اول مطبيت ..

استلمتني

زهرة : انتي شبيج مثل الخبلة .. فزيتي من نومج .

والله لو واحد من اخونج شافج لا يعصرج يطلع صهيبات صغار منج.. لان ادري بيج صهيب يمشي بدمج متتوبين مو وصلتي الموت من وراه ..

رشا : صعدت لغرفتي وكعدت ع الجرباية ابجي ..

مو بيدي بعدني احبة ..

متدرين الي بداخلي شنو .. ولج حلم عمري جان بلحظة يروح .. ولج جان هسة المفروض بحضنة اني المفروض نايمة على صدرة. ..

زهرة : هوب هوب عمي وين رحتي .. اشو بعد  اشوية يصير حجي فوك ال🔞

رشا : زهرة تعبت كافي تشاقين حسي بناري شوية .. كليلي شسوي .. تعبت هذا هذا (وااشر على كلبي )  يوجعني .. احس كلبي معصور .. رحتلة عسا ولعل اعرف السبب بس ماكال ..

زهرة : خل يولي هلنذل ميستاهل دمعة منج ..

كافي لا تمردين روحي .. لا تشوفيني اتشاقة واضحك .. ترة بس اريد اغير جو عليج ..

رشا : زهرة شوكت موعد الجلسة مال محكمة ..

زهرة : عوفج هسة من هلسالفة وكليلي هاي مرت اخوج الحية شو ماكو شعجب ..

رشا : لج لا تحجين عليها اصلا حبابة مادري هوة اني مو جنت بالمستشفى ..

ولا تغيرين الموضوع .. كليلي الموعد شوكت .. .

زهرة : الموعد جان قبل ٤ ايام بس بسبب حالتج تأجلت القضية للشهر الجاي .

رشا : حنام اني ...

زهرة : تريدين شي ..

رشا : اي ..

زهرة: كمت لحيلي .. كولي حبيبتي ..

رشا : اترجاج سكتي وبعد لتحجين اريد ارتاح ..

زهرة : هوة مو صوجج غير كلت اخفف عنج .. ...

رشا : عطت بيها دكافي شكد تلغين ..

جان تأشرلي على حلكها بحركة خيط وابرة عود خيطتة وبعد متحجي ..

سكتنة واشوفها تتكلب .. مثل السمجة الي مزوهرة غصب عني ابتسمت رغم القهر الي بية ..

اعرفها اذا عدها حجاية متنام اذا متحجيها ..

صحتها وهية عبالك ممصدكة كمزت كالت ها ..

احجي زهرة شضامة ..

زهرة : اخاف تضوجين ..

رشا : ليش اكو شي اكثر من هيج يضوجني ..

احجي وخلصيني ..

زهرة : حماتج هاي ام راس المربع ..

رشا :ابتسمت ..  زهرة تسميها هيج لان راسها صدك جبير ومربع بس هاي خلقة الله .. شبيها حماتي ..

زهرة : جتي لهنا بيوم الزفة تريد نرجع الذهب .. وكالت الهدوم والغراض الكم ..

رشا : وهذا الشي الي يضوج .. ولج اخذو فرحتي .. اخذو كلبي .. شنو قيمة الذهب مقابل كسر كلبي ..

زهرة : ولج مو بس هيج ..

رشا : لعد شنو بعد ..

زهرة : بقت الحلقة بيدج هم يريدوها اليوم من جنتي نايمة جتي وهية نافخة صماخهة تريدها بس امج زفتها خوش زفة .. تربيتي بعد كلبي خالتي ..

رشا : صفنت على ايدي اني ليش بعدني لابسة الحلقة .. مديت ايدي اريد انزعها ماكدر كمت ابجي واني احاول اجر بيها ..

الحلقة مو صغيرة على ايدي بس ماعرف ليش حشرت .. صرت اتعارك وياها واصيح طلعي .. عليمن باقية بيدي ..

هدتني زهرة .. ونزعتني ياها على كيف بسرعة طلعت .. لعد ليش مكدرت انزعها ..

نزعتها واني من شفتها خارج ايدي اتاكدت صهيب بعد ميجمعني بي شي ..

كسرني وكسر كلبي .. خرب فرحتي .. الله ينتقم منك يا انذل بشر شفتة .. 

.......يتبع ...

لا تنسو التصويت والدعم حبايبي ..

تحياتي . Aseel

😍

مساء الخير حبايبي..

قضية طلاق..

بقلم Aseel.

____البارت __//

قمة الخذلان،...

أن أحفظ عهدكِ،...

وأصون ودَكِ ...

وأُذكر نفسي...

بأنني يجب أن أراعي ما بيني وبينك، ...

وفجأة يضيع في لحظةٍ كل شيء.

......

رشا :ضليت تقريبا شهر اني معتكفة بلبيت .. الي صار بية مو هين ..

حب سنين لا يوم ولا يومين يضيع بلحظة ..

جنت انام واكعد احلم باليوم الي يجمعني بصهيب ..

ومن توصل اللكمة للحلك يخرب كلشي ..

صافنة واني اعاتب روحي وكاني اعاقبها اكثر بعتابي على حبي الغبي ..

طب علية اخوية سامر وجان مبدل . كالي .

سامر : رشاووي شلونج .. شلون صرتي .

رشا: زينة الحمد لله ليضل بالك

سامر: رشاوي كومي بدلي ماخذ سهام ونطلع نتعشة برة تعالي وياي.

رشا: لا سامر فدوة مالي قدرة اطلع برة مالي خلك

سامر :رشا لا تضيعين نفسج علمود واحد نذل مثل هذا .. انتي بعد وراج حياة طويلة عيشيها لا تخلينة يفرح من يشوفج مكسورة ..

خلي يشوف انو انتي قوية والي صار وياج مااخذ منج شي غير خلاج اقوة وصلبة .. ومحد يكدر يكسرج .. انتي اخونة الثالث وماكدر اعوفج هيج حالتج ..

كومي ولا تعاندين صدكيني تتحسن نفسيتج اذا طلعتي ..

رشا : تعبانة سامر .. كلبي يلجمني .. موهين الصار والله.

سامر: ادري ياروح اخوج شبيدي عليج .لا تكسرين كلبي اكثر كومي ولا تخليني حتة اني ماروح والله.

رشا : يلة كايمة ابدل وانزل .

سامر : اي هذا اخونة السبع ..

رشا : هههههههه اعجبك .

سامر : اروح فدوة لهلضحكة يلة منتظرج لا تتاخرين .

رشا :طلع سامر واني مترددة بعدني مرات انقهر عليهم شايلين همي ..خاصة ابوية احس كلبة يبجي على حالي ..

لو من يجي الليل واحسة فوك راسي يدعي ربي ياخذ حوبتي ويجبر كلبي ..

كلام سامر صحيح لازم اصير قوية مو واحد مثلة يكدر يكسرني .. لازم اعيش حياتي اذا مو لخاطري لخاطر اهلي ..

كمت طلعت احلة لبس عندي .. ومكيجت صح مالي واهس بس تحديت نفسي .. كملت لبس ونزلت وامي جتي حضنتني وتصلي على النبي ..

ام سامر: اللهم صل على محمد .. دخيلك يبو فاضل ماقصرت كومتلي بنيتي من شدتها ..

عماد :اوووه من زمان الكمر مابان ..

رشا: شبيكم مو يومية اكل واشرب وياكم ..

ام سامر: بس ماردت روحج مثل هسة ..

سامر: يلة عوفوها لا تنغر على كيفكم وياها ..

سهام يلة حنطلع ..

سهام :جيت جيت .. اووه رشا طالعة كيك فدوة لطولج ..

رشا: بعد روحي سهومة انتي الاحلة ..

سهام: بس مو بحلاتج .. اي هيج خليج قوية محد يستاهل تضيعين من عمرج بكأبة .

رشا :لا شغلة راحت وانتهت حياتي ملازم اضيعها يكفي الراح مني .

سامر :وبعدين حنضل نسولف يلة كومو مضل وكت ..

رشا: مكملة اني ...

طلعت وياهم والدنيا صغيرة بعيني .. كارهة كلشي بس لازم اثبت لروحي اني كدها .. صعدت بسيارة

وفتحت الجامة على حيلها حتة يطبلي الهوة احس روحي مخنوكة .

بدت السيارة تمشي واني عيني على بابهم جانت السيارة تمشي على كيف لان طسات وجهال بشارع لازم واحد يمشي على كيفة ..

وصلنة يم بابهم جان الباب ينفتح وصار بوجهي احس علومي تخربطت والدمعة خنكتني .. والعبرة صارت ببلعومي .. ..

بس من شفتة شلون مكسور احس نار كلبي بردت ..

رفعت حاجبي الة ودرت وجهي وسديت الجامة .. لحد معبرناهم ..

من طلعنة الفرع فتحت الجامة واحس روحي مخنوكة حيل .. جان سامر يراقبني بالمراية . . من رفعت راسي شفتة يباوعلي .. غمزلي .. كلي .

سامر: هيج اريدج حبيبة .

رشا :ابتسمتلة .. لتنسة اخوكم اني .

سامر :اروح فدوة للتفهمني .

سهام :شكو تحجون بالالغاز صاير شي واني مادري .

سامر :اي والله صاير ..

سهام: شكو .

سامر :اليوم اكتشفت انو عندي اخ ثالث جبل متهزة ريح ..

سهام :والله مافهمت ..

سامر :لتفهمين مو زين عليج .

رشا :.. ضحكت على سهام لان كانت مثل الاطرش بزفة .

ضلينة نمشي بلطريق والهوة بي نسمة برودة يخبل لان شهر ثالث والجو يجنن .. وليل وطريق سريع واغاني عالية .. ومطلعة وجهي من الجامة ومغمضة ..

صدك احس نفسي صرت اقوة بعد ما تصرفت هيج ..

اريدة اشوفة شلون مكسور .. وانو هوة خسرني

بتصرفة الارعن الي لحد هسة ممفهموم .. واني مغمضة اجة ببالي اول يوم شفت صهيب بي ..

جان يوم ثلاثاء جنت صف ثاني متوسط وجانت امتحانات نصف السنة ..

جنت طالعة من البيت واني اركض وجان الجو مطر وطيانة وشارعة مجان مبلط ..

امشي سريع لان مضل وكت .. ويا ما دامشي طب الحذاء بطين عصة .. اجر بي مينجر ..

دفرت رجلي كل قوتي طلعت رجلي ويا طلعتي طار الحذاء بعيد عني .. صرت ابجي شلون راح اوصل وطين .

كمت اكمز تك رجل لحد موصلت ويا ما وصلت اختل توازني وطبببب. بالطين كلي اريد اكوم ماكدر .. كمت ابجي مثل الطفل ..

اجة ولد يصيح ..

صهيب : يبنية .. يبنية ..

رشا :رفعت راسي اعاين منو يصيحلي ..

شفتة ولد اسمر مملوح وشكلة طالب .. بس اكبر مني . عيونة يجذبن حواجب حادة بس حدتة تخبل عبالك مرفوعات شاب يجنن

كمت ابجي اكثر مدري من الطين مدري من الامتحان الي حيروح علية .. لو الفشلة والخجل كدام هذا الجنة مصقولة ..

صهيب :لا تبجين هسة اجي

رشا :راح وجاب مرية ويا واجة ..

ام صهيب: ياخالة سودة علية شجرالج ..

رشا: كومتني وسألتني على بيتنة واشرتلها ..

ام صهيب : يا انتو بيت ابو سامر ..

رشا :اي .

ام صهيب :تعالي خالة اوديج احنة هنا جديد بالمنطقة .

بس اعرف امج من نزلنة جتي زارتنة وتعارفنة .

رشا :اخذتني وهية تسولف وياي طببتني لبيتنة وبدلت بسرعة

طبعا امي جتي تركض علية من شافتني وسولفتلها ام صهيب على السالفة كلها ..

بدلت وكملت ونزلت اركض مالحك بعد ...المدرسة تصير عبور الشارع يعني قريبة ..

طلعت من البيت بعد ماسلمت على امي وام صهيب

عفتهن يسولفن ..

وركضت .. ويا طلعتي لاكاني صهيب يمااا من الفشلة

صهيب: اوصلج للمدرسة ..

رشا: لا ميحتاج قريبة .

ورحت من غير طريق وكوة امشي اخاف لا اوكع ..

الحمد لله وصلت بالوقت المناسب ويا دخلتي طبو الطلاب للامتحان ..

كملت وطلعت فرحانة لان هذا جان اخر امتحان وبالموت لحكت عليه .وجاوبت زين .

وصلت فرعنة واني اتذكر الفشلة يبووو

همزين اخر امتحان .

طبيت للبيت واني اغني واكمز لان اخر يوم وحرتاح اشوية من كعدت الصبح ..

طبيت حضنت امي كتلها

باعي ماما اعتبري روحج اليوم ممخلفة بنية . انسيني ولا تجين تكعديني لو شو شيصير

اريد انااام وبسس .. ركضت قبل لا اسمع جوابها ..

...

فريت على صوت سامر وهوة ينبهني انزل .

مجنت منتبهة وصلنة .. جنت اتذكر ايامنة ..

نزلت من السيارة دخلنة مطعم . كال سامر .

سامر: نتعشة ونروح للمول مفتحين مول جديد هنا ويكولون بي شغلات جديدة وحلوة ..

رشا :وانت من شوكت مهتم .. ومنو الي يكولون ..غمزتلة واشرت بعيوني على سهام .

سامر: .. الحكومة غير .. والحكومة مايوم جذبت .

سهام :ها يعني اني حكومة .

رشا :اي مو اكول انت مدور هيج سوالف .

كعدنا تعشينة وكملنة رحنة للمول جان قريب للمطعم تمشينالة .

طبيت واتفرج مالي واهس اشتري وماكو شي جذبني .. كاعدة اكلب بالغراض بلكت شي يعجبني .. لكيت ميدالية على شكل حمامة فاردة جناحها ..

جذبني شكلها .. اخذتها ومن دحاسب .

اصبعي طخ بيد الشاب الي يحاسب رفعت راسي جان يغمزلي .

ظليت مصدومة ..

طلعت بسرعة من المحل ادور على سهام تيهتها ضليت انتضرها بمكان يم الدرج المتحرك .. واني ارجف من الصار .

اجة ببالي بيوم الي داومت ورة نص السنة اول مطلعت من البيت منعسة وكوة امشي

شفتة واكف براس الفرع جتي عينة بعيني ردت ابجي لان تذكرت الموقف .. بس من ابتسم يماااي

كلبي كام يضرب دقلات مو ينبض ..

عديت من كدامة بدون ماارفع عيوني ..

رحت لدوامي وطول اليوم واني افكر بي ..

مصدكت خلص الدوام حتة ارجع .. جان كلش حلو

شاب حلو بمعنى الكلمة . ..

ومن درجع رحت على محل قريب يمنة من دشتري جانو شباب واكفين كامو يشمرون حجي .. حتة من الخوف مانتبهت شحجو .

كبل طلعت ويا طلعتي واحد فتح سحاب جنطتي اني عطت ..

ماشوف الة الشاب الي تحارش بية طار لفوك ونردم بلكاع .. والثاني. وكع .. حتة همة ممتوقعين احد يجي يضربهم ..

جانو بس بوخة اول ضربة نهزمو .

اجاني كلي .

صهيب :سوولج شي

رشا :. صافنة وعيوني متروسة دموع .. لا مسوولي .

صهيب: لعد ليش عطتي .

رشا :واحد فتح جنطتي . ..

صهيب :. لتخافين بعد محد يكدر يحاجيج واني هنا ..

انتي شسمج ..

رشا : اسمي رشا ..

صهيب : امممم حلو يعني غزال .

رشا :دنكت مستحية .. اي

صهيب : اي ماشي يا غزال .. روحي لبيتكم لا تتاخرين هسة حلة ولد ..

رشا: ماشي

صهيب: بامان الله ..

رشا: رجعت واني طايرة فرح يمةة فديتة لابو عضلات ..

يمة شلون طيرهم اميتاب ميسويها .

اووف يمة هلمصقولة من الحلا حيصير بية سكر ..

طبيت للبيت اتبسم .. امي تسالني .

ام سامر : ييمة شبيج من جيتي لهسة توزعين ابتسامات .. والصبح سحل رحتي .

رشا : هاا لا بس فرحانة لان شفت صديقاتي .

ام سامر :روحي رتاحي يمة . وتعالي تغدي ابوج جاب سمج مشوي .. وسويت تمن احمر بس يتهدر واصب .

رشا : اي ماما ماتاخر ..

طبيت لغرفتي وشمرت روحي على الجرباية واني اتذكر الموقف .. ابتسم لا اراديا ..

....

سهام :رشااا رشااا هيوو وتحرك بيدها يمين يسار ..

رشا :ها سهوم

سهام :بعد وكت وين صافنة وليش تبجين ..

احنة شكلنة .

رشا :لا بس تذكرت شي والله لا يروح بالج بعيد ..

سهام :اممممم ماشي يلة امشي نفتر نشوف سامر ششترة .

رشا :يلة ماشي .. من كمت وكعت الميدالية .. مني .

سهام :.الله شكد حلوة هاي .. منين شترتيها ..

رشا :من هذاك المحل .

سهام :كلش عجبتني . اكو غير موديلات .

رشا :اي اكو يخبلن بس هاي لفتت انتباهي .

سهام: لعد خل اروح اجيب ..

رشا :استوقفتها لان تذكرت الولد .. كتلها

لا انتضري خل يجي سامر

سهام :سامر بعيد هوة كلي صيحيها بين مااشتري. خل اجيب واجي .

فعلا راحت اشترت وجتي بس طول ماهي راحت عيني عليها اخاف لا يتحرش بيها .

بس الحمد لله ماسوالها شي .. . باثناء ما جنت واكفة انتظرها ..

فات من يمي واحد ذب الرقم بجنطة على السحاب حطها فزيت وفتحت عيوني عليه من الجفلة ..

كال: ..يمة صدقة مو عيون عبالك بزون

رشا :احترم نفسك .... عفتة ورحت لسهام.

سهام :شبيج وجهج اصفر ..

رشا :شوكت نروح لعبت نفسي من الولد بس يتحارشون ..

سهام :. ولج انتي شايفة روحج شكد طالعة حلوة انوب من تحجبتي صرتي احلة .. .

رشا : خل نرجع تعبت ..

موصفاتي جانت حنطاوية ... بس عيوني عسلي فاتح وداير مدايرها حد اسود عبالك عدسات ..

ورموش ثخان .. جانو يصيحولي عيون الغزال .

وخدود من الله اسمن اضعف الخدود موجودة .. وبالشتا تصير حمرة دم .

شعري طويل على طول ظهري بس لونة يبين اسود وبالشمس جوزي وبي خيوط صفار .. جان مزيج الوان ..

طولي متوسط وجسمي من المتوسطة لحد هسة نفسة متناسق ويا طولي . ..

...

مشيت وياها واني عيوني طالعة .. اريد بس ارجع .

سامر :ها حلو هذا التيشرت .

سهام :وليش عيني احمر ..

سامر :وشكو بيها هاي الشباب كلها تلبس جيتي ع المكرود ..

سهام: معلية بالشباب اني متزوجتك الك هسة تروح ترجعة لو احركة بس نوصل ..

سامر: يابوية هيج صار ..

عمي حرجعة بس لا تنفجرين علكيفج ..

سهام :ها هيج صارت .. لعد معلية ترجعة مترجعة شسويلك ..

سامر :يعني اخذة ..

سهام: حتة ابيتك بالهول والله .

سامر: لا عمي كلة ولا هاي .. رايح رايح ..

رشا :جنت مبتسمة على مناكرتهم ..

سهام تموت غيرة على سامر لان تزوجو عن حب .. وهية ابوها يصير ابن عم ابوية ..

شافها سامر وحلف لو هية لو ميتزوج ..

لان حلوة ومعانيها طفولية .. شكد متكبر تبقة نفسها ..

حيصيرلهم ٥ سنوات متزوجين بس لحد هسة ماعدهم خلفة ..

رغم راجعو اطباء بس يكولولها نسبتج ضعيفة بس اكو امل انشالله .. والامل مانقطع ابد .

لذلك تغار على سامر لا يتزوج عليها ..

زهرة تصير عدوتها لان تتشاقة ويا سامر وهاي تغار وتكب العيطة كل متجي زهرة ..

وامي اكثر من مرة تكلها زهرة لا تشاقين ويا سامر من مرتة موجودة ..

بس زهرة تعاند ومن تشوف سامر تكوم تتموع وتشاقة .. تحب تغثها ميتوالمن ابد ..

ولو هية زهرة متتوالم ويا احد .

اجة سامر مبدل القميص بجوزي بس الاحمر جان احلة .. بس شحدة الي يحجي ..

رجعنة للبيت .. لكيت اهلي نايمين .. كبل طبيت لغرفتي بدلت ومددت محسيت الة وغفيت ..

كعدت الصبح .. واني مقررة وشادة العزم بلي اريدة .

.

رشا صباح الخير وبست بابا وماما .. وكعدت ..

كعدت اتريك وسوالف وضحك .. ماعدنة مشاكل او حزازية ..

عائلتنة حلوة وبسيطة .. متكونة من امي وابوية .

واخواني سامر وعماد واني رشا الاصغر فرد ..وانضافت للعائلة مرت سامر ..

اني مواليد ٩٣ ..وعماد ٩١ .. وسامر ٩٠ ..وسهام ٩١

ابوية موضف بمعمل الغزل والنسيج ..محاسب ..

وامي جانت معلمة بس استقالت قبل كم سنة ..

......

صافنة على سوالفهم .. كملو ريوك ..

رشا :قبل لا تطلعون اريد احجيلكم قراري ..

ابو سامر: كولي حبيبتي امري والي تردي يجرالج ..

رشا :اني اريد استعجل الجلسة مال طلاق .. اريد توكلون محامي ..

كلها صفنت بوجهي .. جاوب ابوية .

ابو سامر :. من عيوني بس كون يبرد كلبج كلشي اسويلج ..

رشا: متقصر حبيبي ..

ابو سامر: اليوم اروح لمحامي صديقي واسوي الي تردي .

يلة اودعناكم في امان الله .

كلنة ردينة: الله وياك .

وراها كلمن راح على شغلة .. سامر راح لشغلة يشتغل مهندس .. وعماد عندة اسواق وينتضر تعيين لان هوة خريج علوم حاسبات .. واني اووف يا اني ..

المفروض هسة كلية سنة رابعة .. بس من اول سنة بطلت ..

راحو الولد واحنة كفينة البيت اني وسهام .. وامي تطبخ غدة ..

كملت التنظيف ورحت سبحت وصعدت لغرفتي ..

امشط بشعري واني اتذكر صهيب شكد جان يحبة ..

اووف على هذيج الايام ..

...

جنت كل مااروح وارجع الكاه واكفلي براس الفرع نتبادل الابتسامة ضلينة على هلحال لحد مخلصت السنة ..

بس نظرات وابتسامة .. ابد مصار بينة كلام من يوم الولد الي تحارش ..

صارت عطلة واني الوب كلبي يوجعني اريد اشوفة حيصير شهر واني مشفتة ..

رشا :يمة ضايجة اريد اطلع

ام سامر: العصر من يجي ابوج اكلة نروح لبيت خالتج كفاح على زهرة ..

زهرة تصير بنت خالتي وبنت عمي .. وصفية تصير بنت عمي .. .

صار العصر واني انتظر على نار ..

اجة ابوية واستأذنت منة امي .. وطلعنة ..

من وصلنة لبابهم طلعت ام صهيب ..

ام صهيب: .. هلة هلة بام سامر شلونج شخبارج وين مختفين منشوفكم ..

ام سامر: والله كاعدين وساكتين . ليش متمرين يمنة العصريات نشرب جاي ونسولف صارلي هواي مشايفتج ..

ام صهيب: تعالن تعالن تفضلن ..

ام سامر: لا والله خيتي مستعجلة اريد اروح لاختي ..رشاوي ضايجة وكلت اونسها خطية محبوسة من العطلة لهسة مطلعت ..

كلت نتمشى اني وياها قريب هنا بيتهم بالفرع الثاني .

ام صهيب :.. لا والله ميصير .. تعالي ستكان جاي ميعطل ..

ام سامر: يلة منطول بس ستكان جاي .

رشا: طبيت واحس نبضي تغير على فجاأة وصار يدك لحن حلو يعبر على الحب الطاهر البينة ..

وانتفض كلبي واني اسمع صوتة وهوة صاح .

صهيب: يا هلا بالجاينة وعينة علية ..

_____________❤❤❤________

.....

يتبع ....

تحياتي ... Aseel .

لا تنسو التصويت حبايبي .. والدعم .

احبكم ورداتي

مسائكم عسل مثل دمكم ..

قضية طلاق ..

بقلم ..Aseel

البارت ٤

...............

رشا: طبيت واحس نبضي تغير على فجاأة وصار يدك لحن حلو يعبر على الحب الطاهر البينة ..

وانتفض كلبي واني اسمع صوتة وهوة صاح .

صهيب: يا هلا بالجاينة وعينة علية ..

ام سامر : هلا بيك عيوني شلونك خالة ..

صهيب : والله الحمد لله بشوفتكم ردت روحي

ام سامر: اسم الله عليك خالة روحك سالمة .

صهيب: شو ماكو منشوفكم مشتاقين والله ..

ام سامر: فدوة لكلبك حبيبي

صهيب: هلا بيكم والف هلا ..

رشا: طول ماهوة يحجي عيونة علية خفت لا امي تنتبه .. بس جنت سرحانة بي وبصوتة .. اويلي شكد مشتاقة اشوف طولة ..

جنت مراهقة ومعروف الحب بهيج عمر يصير هوس وادمان .. جنت اتنفسة ..

جانت امي وخالة ام صهيب يسولفن ويضحكن ..

ام صهيب: خالة ماتودين الاستكاين وتصبيلنة بعد ..

رشا :اي خالة تدللين ..

ام صهيب :الله يخليج ويحفظج يارب .

رشا: رحت وديت الاستكاين بالمطبخ وشغلت الجاي عما يحمى لان برد ..

غسلت الاستكاين ورجعت رتبتهن .. ادور على الشكر ملكيتة ..

صحت من المطبخ ..

خالة وين الشكر ..جاوبتني .

ام صهيب: يمج خالة بالكاونتر الفوك اول باب ع اليسرة شكردان اصفر ..

رشا :اي خالة لكيتة ..

رجعت اكمل وانتظر الجاي يحمة محسيت الة نفس وراية فرغت ونداريت ردت اعيط جان يصم حلكي من شفتة هديت لان عبالي طلع ..

صهيب فزعتني .

صهيب :اروح فدوة لهلصوت .. والله عطشان على شوفتج وهسة رتويت ..

رشا: خجلت حيل اول مرة نكون وحدنة واول مرة نتبادل كلام .. من سالفة المحل .

جاوبتة واني احمحم اخفي ارتباكي وخجلي ..

خالة دزتني اصب جاي ..

صهيب : رشا اني احبج .

رشا :من سمعت الكلمة لزمت القوري بدون وصلة انجويت وكمزت ..

اخخخ يمة ..

صهيب: اسمالله شبيج يروح صهيب

رشا: نسيت حتة الجوية ومعت بحجايتة .. عبالك ضربوني ابرة مسكن للالام .. محسيت ابد بالجوية التهيت وياه ..

صهيب :غزالتي .. بعدها توجعج ..

رشا :غزالتي شنو ..

صهيب: اسمج رشا يعني غزال .. وانتي غزالتي الي وبس ...

رشا :دنكت واحس خدودي صارن جمر من الحرارة .....

أأأأني اروح أأأ الجاي برد ..

صهيب: وين تعالي ..نسيت اكلج ..

رشا: شنو

صهيب: احب شعرج واريدة بس الي ..

رشا :عفتة وخذت الجاي واني ارجف .

احس جسمي صار نار .. وخدودي حمر ..

ام سامر: شبيج يمة وجهج احمر بس لا مصخنة .

رشا: مادري يمة اشو فجأة حسيت بحرارة .

ام صهيب: تعالي دادة اشوفج ..

رشا: رحت يمها وحطت ايدها على كصتي

ام صهيب: يا !!! ياخالة موجرة نار شجاج عين ومصلت علنبي ..

ام سامر: يمة بنيتي عرفتج اليوم مو طبيعية كلت حتتمرض ..

رشا: لا يمة مو مريضة بس يجوز لان انجويت وتاذيت صخنت ...

ام صهيب: سودة علية لو ادري مدازتج خما تاذيتي ..

رشا :لا خالة متاذيت ..

ام سامر: .. لعد البنات وين ..

ام صهيب: معزومات عدهن مهر صديقتة انوار وراحن كلهن متشوفيني وحدي ..

ام سامر :الله يحفظهن الج ويرزقهن ببن الحلال ..

ام صهيب: تسلمين بعد كلبي .. بس ها بنتج محجوزة النة من هسة ..

رشا: يمة صرت نار من الخجل بس لا خالة حست علينة ..

ام سامر: هههههههههههه وينها وين الزواج ..

ام صهيب :ربي يحفظها الج .

ام سامر: يلة احنة نترخص مضل وكت والكعدة وياج تخبل انشالله امرلكم غير يوم ..

ام صهيب: هلة بيج باي وكت .. نورتونة حبايبي .

رشا :وراها طلعنة نتمشة وطول الطريق اني مبتسمة وبس ارجف خوف لا امي تحس عليه ..ورجف لان اول مرة احس هلشعور ..

..............

ويا صفنتي وطبت سهام تصيحني حتة اتغدة .. انتبهت على الساعة جانت ب٢ ونص ..

حييل كل هذا اني كاعدة ومحاسة بروحي ..

نزلت سلمت جانو كلهم مجموعين ع الغدة ..

الله يساعدكم ..

ردو :هلة برشيوة ..

ابوية صاحني :.. تعالي بنيتي يمي كعدي ..

رشا :خل اغسل واجي ..

رحت غسلت وجيت كعدت يم ابوية كملنة اكل

وكمت حطيت القوري بين ما يغسلون هوة خدران لان محضر بس اشعل جواه نار ..

غسلت وكفينا المطبخ اني وسهام .. صار الجاي وديتة وحطيتة يم امي حتة تصب ..

ابو سامر :. بوية رشا اليوم رحت لولد صاحبي محامي . وفهمتة على الشغلة مالتج .. كال ماطول

الطرفين ناوين طلاق ماكو اسهل منها ورفعلي قضية كلي اسبوع وتكمل وكلمن يروح لحالة .

رشا: احتصر كلبي واني اسمع هيج صح مجنت ناوية ارجع حتة لو تراجع عن قرارة صهيب لان لو اموت

مااسامحة على السواه .. بس حسيت احساس كلش صعب انخذلت وحسيت كلبي يوجعني ... حاولت اكابر وماخلي احد يحس علية .

ماريد ابين ضعفي كدام اهلي ماريدهم يتأذون ..

جاوبت ابوية ..

رشا: ياريت تستعجل بيها لان اريد ابدي بمعاملة تقديم على كلية زينة بمعدلي حتة لو معهد المهم اخذ شهادة .

ابو سامر: والله عاشت ايدج .. من البداية كتلج قدمي بس انتي عاندتي .

سامر: يابة مو وكتة هلحجي .. طالما تريد هيج يجرالها شعدنة غيرها ..

عماد: اي والله اني باجر اروح اسأل واستفسر على كليات انشالله الكة كلية وحتة لو ملكيت اقدملج على اهلية لو قسطها ١٠ ملايين اهم شي تكونين مرتاحة ..

رشا :متقصر حبيبي ..

وراها كلمن طش لغرفتة ياخذون قيلولة .. الة اني اخذ قيلولة من الماضي .. واجي .. كل مااغمض

عيوني اشوف صورتة .. كل ماسمع اسمي اتذكر اسمي بصوتة ..

حبنة جان طاهر .. جان يخاف يلزمني .. مافد يوم تجرا وحجة كلام يجرحني .. جان حجينة كلة احلام وامنيات ..

حتة مجان يخابرني لقاءاتنة جانت من اروح لبيتهم ويا امي .. لو مرات رسايل صغار اذا ملحك يوكف وياي يدزهن بيد اختة الاكبر منة بحجة تسولف وياي ..

اتذكر مرة من جنت سادس .. جنت احسة ضايج حيل كل مااشوفة من بدة الدوام وهوة مو على بعضة ... من شفت امي تريد تروح لخالة ام صهيب ..

كتلها ماما اريد اروح ضايجة وختنكت اريد اطلع ..

ام سامر: بس يماما مبقة شي على امتحاناتج ..

رشا: يمة لعبت نفسي من البيت والدوام اريد اروح يم البنات..

ام سامر: سودة علية ادري صاير ضغط عليج... بس اريدج تطلعين معدل ترفعين راسنة بي ..

رشا :انشالله مافشلكم . ..

مشينة واول مطبينة سلمت على خالة والبنات ..

اشوية وصاحتني اختة الجبيرة اسمها انوار ..

انوار :. رشا تعالي وياي بالغرفة نسولف واشوفج ملابس الجدد اخذ رأيج بيهن .. وخلي الكبار يسولفن هنا .

رشا: باوعت لامي هزت راسها بمعنى روحي ..

رحت وطبيت لغرفتهن بس احسها على اعصابها انوار .اشوية وطب صهيب .. كلبي كام يضرب طبل

كمت اسمع دكاتة توترت حيل .. شفت عيونة شلون تلمع لهفة الي ..

طب وكل لاختة ..

صهيب: انوار طلعي وضلي ورة الباب لا يجي احد

انوار :خوش انوب جنا مراسيل هسة مراقبين .

صاح بيها وخزرها :. انواااار ..

انوار: اسفين عيني خاف جرحنة الخانم ..

صهيب :وتالي عاد ..

رشا :طلعت وسدت الباب كتلة لا خلي مفتوح .

صهيب: شبيج رشا تخافين مني ..

رشا: لا بس احسن لا اختك تفهم غلط ..

صهيب: معليج بيها شتفهم خل تفهم .

رشا :شبيك صهيب مو على بعضك ..

صهيب :.. تعبت رشا لوين نضل هيج ..تعبت واني اتحسر على عطرج اتمنة الزم شعرج .. الزم ايدج ..

اخاف الوث برائتج الي حبيتها .. تعبت واني اشوفج كبالي تفترين وماكدر امنع عيون الكل وهية تباوع عليج

رشا :صهيب انت تدري انت تسوة الكل .. وماكو احد يعنيلي بكدك ..

صهيب: خايف اخسرج .

رشا: ليش تحجي هيج ..

صهيب: انتي هلسنة سادس وسنة التجي كلية واكو هواي شباب احسن مني واغنى مني ..

خايف لا تفكرين بغيري .. وتعوفيني ..

رشا :صهيب اني ماكدر ابدلك بالدنيا انت اول حب بحياتي ..

صهيب: تعبت واني اتخيلج بهذا شعرج تفترين كدام شباب الجامعة ..

متدرين شنو الافكار التجيني .. دموت يومية

خايف لا اهلج يرفضوني لان اني حدي سادس وانتي حتكملين ويصير فرق شهادات ..

وانتي تدرين لولا الظروف ووفاة ابوية مجان تركت الدراسة وبديت اشتغل حتة اعيش امي وخواتي ..

رشا :كافي صهيب لا تكمل .. اذا تريدني ماكمل عادي اكمل بعد منتزوج .. ويجوز نقدم سوة .. .

صهيب: اوكفي رشا شكاعد تحجين اني مكتلج بطلي هذا مستقبلج ماكدر ادمرة بانانيتي وتفكيري السلبي .

رشا :انت مستقبلي صهيب .. واني واثقة بقراري .. واذا يوم تندمت ارجع اكمل لان بس اخذ الشهادة واطلع معدل زين .. اترك .. وانت تعال تقدم ..

صهيب: رشا اريد اليوم قبل باجر تصيرين الي ..

رشا: صهيب

صهيب: عيونة صهيب .

رشا :تحبني ؟؟

صهيب: اموت عليج. .. والله يشهد على كلامي وستر خواتي احبج اكثر من روحي ومايوم اخليج تندمين .

رشا: صهيب اني راح اتحجب حتة متضل شايل هم الي يباوع علية ... شعري راح اخلي بس الك ..

صهيب: رشا احبج ورب الكعبة احبج واتنفس هواج ..

متدرين شكد ريحتي كلبي من كلتي هلحجاية ..

رشا: جنت اني واكفة وهوة كاعد على جرباية ام النفر ..

كتلة ..

اني صار لازم اروح لا يضل بالها لامي ..

صهيب: احبج غزالتي ..

رشا: اني هم احبك صهيب ..

طلعت رحت يم امي وانوار بس تخوزر بية وتنافخ .

مدري منو دايس على ذيلها ...

طلعنة من بيتهم واني احس كلبي طاير .. ياناس اعشقة واعشق كلشي بي واهم شي حواجبة ..يمةة تموت

فعلا كملت السادس اجة تقدملي بس ..

الي صار واحد من عمامي رفض بحجة يريدني لواحد من ولدة .. وضل معارض وخطية صهيب يروح ويجي ..

ويودي مشيات ويجيب مشيات لحد ماقتنع من شاف صهيب متمسك بية ..

تقريبا ضل بال٣ اشهر ..

طبعا مقدمت على كلية لان كتلهم اريد ارتاح من تعب السادس .

طلع معدلي ٨٥ نقهرت بوقتها وضليت بس ابجي ..

اهلي يواسوني ويفهوني انو هذا المعدل زين وحلو .

واني قافلة .. ومنها طلعت حجة ارتاح وماقدم ..

ونخطبنة ... وجانت احلة لحظات بعمري بوكتها ..

لان محد حاس من يصوم عن شي يحبة وهوة محرم عليه ..

سنين واحنة ننتظر هاي اللحظة ..

تحقق حلمنة ..

جابلي موبايل لان مجان عندي مجنت اشوف الة. داعي لان جنت من احتاج اتصل على صديقاتي تلفون ماما موجود فمشفت الة داعي ..

بس من جابلي صهيب موبايل عبالك جابلي الدنيا

صرنة نتخابر طول الليل والنهار . .. قليل نتفارك ..

زاد حبنة وتعلقنة ببعض وشوقنة ولهفتنة زادت وهوة يتغزل بية وبعيوني .

جان يكلي عيونج عشقي وشعرج اوكسجيني ..

مرت حياتنة كلش حلوة جنا منتظرين يجهز نفسة لان امكانيتة على كد الحال وبابا واخواني قررو يساعدو بس هوة رفض وهذا الشي خلا يكبر بنظر بابا..

طولت خطوبتنا ٤ سنوات .. بس احنة عقدنة محكمة بعد الخطوبة بسبوع ..

لحد ماقررو يوم العرس .. جنت احير شجهز ..ومن نطلع نشتري الذهب اطير فرح وممصدكين ..

رغم كلام انوار الي يسمم... بس انطيها الاذن لطرشة اهم شي عندي حبيبي .

كملنة كلشي واجة يوم الحنة وجانت من اسعد ايام ..

من اجة حناني جان وجهة مخطوف مثل المتوتر واكثر من مرة وكعت الكلادة من ايدة وهوة يلبسني

كوة كمل وطلع قبل اهلة .. جنت مستغربة تصرفة ..

بس فهمت ثاني يوم من صدمني بطلاق ..

صحيت من قيلولتي واني جنت ناوية انساه ...

مرت الايام تركض وصار موعد الجلسة وبيوم الموعد لبست احلة ماعندي .. وكشخت وطلعت اجنن ..

جنت مترددة اسويها لو لا

بس سويتها ونزعت الحجاب .. لان ماريد البسة علمودة .. اريد البسة واني مقتنعة بي .. اريد احرك كلبة .

نزلت واني ضافرتة صفح وطولان صاير جوة وركي .

صفنو علية بس محجو شي خلوني براحتي ..

ورحت للمحكمة اول مطبيت صار كبالي ..

نطت عيونة وهوة شافني بلا حجاب .. اجة يتقدم علية بس المحامي مالتة لزمة ..

واني رافعة تك حاجب واباوعلة بغرور .. وعبرتة بدون مااسلم ..

شاور المحامي مالتة واجة المحامي حجة ويا ابوية .. بس ابوية كلة يصير خير ..

ورة اشوية ابوية كلي .

ابو سامر : بوية رشا صهيب يريد يحاجيج قبل لا تدخلون .. صح على اعصابي قبلت بس كلت اشوفة شيريد هلنذل ..

رشا :عادي بابا كلامة ميأثر بشي بية حشوفة ..

رحت واني متوقعة الكلام الي حيكولة ..

طبيت للقاعة الفارغة الي جانت بصف الممر الي واكفين بي ..

اول مطبيت سحبني من زندي وعاط بصوتة ..

صهيب: انتي تخبلتي متقصدة تحركين كلبي بسوالفج هاي ..

رشا: وانت شنو دخلك بية حي الله خطيب جنت وحنطلك ..

صهيب: بس خطيب .. اني صهيب نسيتني بسهولة ..

رشا :انت الي بديت مو اني ..

صهيب: مجبور رشا لخاطرج سويت هيج ..

راح تفهميني بعدين ..

رشا :صهيب لتحاول انت انتهيت بالنسبة الي ..

صهيب: انتي الي لا تحاويلن تمثلين رشا .. بعدها لمعة عيونج من تشوفيني .. بعدج تحبيني .

رشا : غلطان هواي صهيب .

مو اني الي انكسر وارجع ارضخ ..

لو تصير الهوة ماتنفس بعد

عفتة طلعت واني ارجف كلبي مكسور .. عقلي مشوش ..

اكو فاصل شعرة بين الحب والكره .. على كد المحبة يصير الكره ..

بس اني احبة .. وبعدة كلبي ينتفض من يشوفة ..

دتأذة حيل واني اتذكر السواه ..

كملنة الجلسة واني اتذكر كل ايامنة ونزلت دمعة متمردة لتكشف زيف الشخصية الي اني تقمصتها ..

مثلت دور البرود والا مبالاة وكان داخلي يتقطع الم .

نزلت دمعة تعلن استسلامها لقرار القاضي وهوة حكم بطلاق وصدق الامر مع الشهود

طلعنة واني بوجهي للسيارة محجيت شي بس صافنة ..

وصلنة واول مطبيت للبيت كبل صعدت لغرفتي ..

وشمرت روحي ع المخدة واصرخ بعلو صوتي بس كاتمة بالمخدة ..

صهيييب عفتني .. مو كتلي ماعوفج ...

اصيح وابجي ..

لحد مغفيت من التعب ..

كعدت المغرب نزلت مالي نفس .. لكيتهم ينتظروني .

كعدت بحضن امي وسويت نفسي نعسانة .

جنت احاول استمد طاقتي منها اريد طاقة حتة اتحمل الايام الجاية

مرت الايام ..يوم امر من القبلة ..

جنت اكضيها نوم واكل وابقة سهرانة ..

لحد مايوم جنت كاعدة بالغرفة مالتي بعد ماكملنة غدة وشربنة جاي .. وكلمن راح لغرفتة ..

جنت متمددة على الجرباية بعالمي الخاص .

طبت سهام مفزوعة ووجها مخطوف ..

سهام: رشا الحكي ..

رشا :شكو سهام شصاير ..

سهام :صهيب..

رشا :شبي احجي

سهام: اخذو الشرطة هسة والدنيا مكلوبة يمهم ..

رشا :رجف كلبي بطاري من سمعت واكع بشدة ..

يتبع .....

لأتنسو التصويت حبايبي محتاجة دعم ..

تحياتي الكاتبة ..

Aseel

❤❤❤❤❤ احبكم

مسائكم عسل ..

قضية طلاق ..

بقلم Assel ..

_____بارت ٥____

جنت متمددة على الجرباية بعالمي الخاص .

طبت سهام مفزوعة ووجها مخطوف ..

سهام: رشا الحكي ..

رشا :شكو سهام شصاير ..

سهام :صهيب..

رشا :شبي احجي

سهام: اخذو الشرطة هسة والدنيا مكلوبة يمهم ..

رشا :رجف كلبي بطاري من سمعت واكع بشدة ..

...............

صهيب: رحت على صاحبي ايهاب ..

دكيت الباب طلعلي هوة اول مشفتة انطيتة ضربة على وجهة ..

رجع لوره وعاط بية ..

ايهاب: انت خبل شبيك

صهيب: اي خبل.... تخبلت من وراك انت دمرت حياتي

كلة من وراك قشمرتني بسوالفك وخليتني امشي وياك بهذا الطريق ...

ومحد خسر غيري .. ولك خسرت احلة شي بحياتي صار من مات ابوية لهسة ..

جنت فاقد احجي ويا ولازمة من ياختة و اعت بي .

ايهاب :اني مجبرتك انت ردت تجرب .

صهيب :لوما ملحتك وخليتلي واهس ..انت شيطان تفهم انت شيطان .

ايهاب: لا تصير شريف براسي كتلك محد جبرك .

صهيب: ومالكيت غير هلمكان الزبالة الي تاخذني الة ..

ايهاب: والله محد زبالة غيرك صوجي مصاحب واحد مثلك ..

هوة حجة اني دفعتة ونمت فوكاه دك ضرب ..لحد مافقد ...

طلعت امة على الهوسة تركض ودفع بية ..

مجنت حاس بروحي شسويت بروحي ..

طلعت امشي وماحسيت بروحي من وصلت للبيت ..

طبيت الغرفتي واني فاقد. ...

كلة من ورة ايهاب الكلب لو مسامع كلامة ..

رجعت ذاكرتي لقبل اسبوع من العرس ...

..........

جنا كاعدين بكوفي اني وجماعتي جانو يسولفون على مركز مساج مفتح جديد ..

جان ايهاب منطلق ويسولف تجربتة ..

ايهاب :ولك صهيب ماكدر اوصفلك الراحة .. شي ممجربة ابد ولا راح تجربة ..

صهيب: خلي الك ماريد اجرب .

محمد :عوفة هذا يخاف من مرتة بعدة ممتزوج ويخاف منها ..

صهيب: انجب لك اخاف شنو بس اني ماحب هذن السوالف ماحب اسويهن بالحرام ..

ايهاب: ولك يا سوالف يا حرام انت حتة اسمك تنسا والله اتخيل يعني تطلب مساج من المركز ينطوك كتلوك بي صور الي تريد يسولك مساج ..

وكل وحدة احلة من الثانية خو الجسم يبوووو الة اشررد ..

كل عارضة والها مواصفات ولك تختارها وتطب بحجة مساج ..

وراها تفقد متحس الة مرتاح .. ولك لو احجيلك على الحركات يبوووو ..والله اتحدة واحد ميذوب كدامها ..

محمد: ها صهيب شتكول نجرب ..

صهيب :عوفوني مادور هيج سوالف كتلكم ..

ايهاب :خايف لا توكع يالذيب ..

صهيب: لا مخايف...

محمد: لعد هاي شيسموها ..

صهيب: اسمها استحرم ..

ايهاب: والله انت اكبر سرسري لا تستحرم ولا شي وكلة بوخة تخاف لا تشوف المزة وتفقد ..

محمد: اتحداك تروح ومتوكع ..

صهيب: وقبلت التحدي والخسران شنو عقابة ..

ايهاب: الي انت تقررة سواء خسرت او لا ..

صهيب: هاهية اتفقنة

ايهاب: يلة لعد كومو

صهيب: وين يمعود مو كاعدين ..

ايهاب: لعد شصارلنة ساعة نلغي غير نروح .

صهيب :شنو شبسرعة ..

محمد: هياتة قريب ... ها بس لا خفت .

صهيب :لا بس عبالي باجر تفاجأت ..

ايهاب :دكوم ولك خل نحجز ..

صهيب: يلة امشو..

رحنة للمركز وهمة طول الطريق يسولفون بلعاملات هناك وشيسوون واني جنت مصر على راأيي

طبينة حجزنة وكالولي نختار لك على ذوقنة كتلهم ميخالف كملنة وكلمن طب بغرفة ..

طبيت بغرفة عبارة عن اضوية حمر وسرير نفر بوسط الغرفة مال مساج .. جنت شايل بيدي منشفة حتة انزع ملابسي واتلفلف بيها ..

كمت ونمت على السرير على ظهري ثواني وطبت بنية يابة مو بنية الة اكول صاروخ ... واني صرت نجر عود كلت مااضعف ..

ها صهيب شكلنة انت ذيب ..

ولك ياذيب هاي غير تموع ..

صهيب لتنسة انت حتتزوج لتسويها .

لا ماسويها بس اباوع ..

خرب شباوع هاي شلابسة . ..

جنت اسولف ويا روحي بكلبي ..البنية عبارة عن تضاريس منحوتة نحت والجمال رباني مدري صنع معامل .. المهم فوول مواصفات ..

بدت تحط كريم بيدها وجتي تفركلي اول محطت ايدها اني رجفت وجسمي كزبر..

هية حست وضحكت وكالت بصوت مايع مغري ..

العاملة : هاي شنو بعدنة مبدينة ... شكلك تازة .

صهيب: يمة بس صوتها يخدر ..لا بس ايدج باردة ..

العاملة: عادي هسة تدفة من اتلمس جسمك ..

صهيب: اني معت بحجيها مو انوب تفركلي جسمي ..

عود هاي اني الذيب لا يابة مبين لذيب صادو بمصيادة ام المصران ..

بدت تسوي مساج وحركات واني ديني كمز متحملت بعد شاب مشايف وشاف الونسة وعلى اصولها .

نمت وياها وصدك راحة مو طبيعية ..

خلصنة وسبحت بلحمامات ..طلعت ولولد طلعو وراي

ايهاب: ها يلذيب صادوك يالنجر ..

صهيب: كمزت من صوتهم لان جنت بعدني بغير عالم ...

ولك ضل ذيب كول بزون ولك نعلعلا شنو هلمرة هاي ...

صدك تموع الواحد منين تعرفون هاي الاشكال ..

ايهاب :شددد ابو النظيف صار وصخ واجرب هم ..

محمد :والله وكعت ومحد سمة عليك ..

صهيب :دنجب بعد ماسويها ماريد اتعلم .

ايهاب: نشوف نشوف يالذيييب ويطبطب على جتفي ..

صهيب :والله ساقطين انتو ..

محمد: لا البيت دة طاهر وهيفضل طول عمرو طاهر ..وكامز يهز بجتفة ..ويغني يم المطهر رشي الملح سبع مرات ..

صهيب :الله يطيح حظك ولك امشي تاخرنة .. خل نرجع .

شفت تلفوني عززة رشا متصلة ب٢٠ مكالمة واني ناسيها اصلا اتصلت عليها واني بسيارة كتلها ارجع للبيت واخابر وسديتة ..لان هذولة اخاف يجفصون كدامها ..

وصلت للبيت وعشت حياتي عادي

بيوم الحنة اجاني ايهاب من دروح احني رشا ..

ايهاب :صهيب لازم احجي وياك ضروري هسة ..

صهيب: خليها من نرجع حيطلعون منتاخر عود نسولف بليل ..

ايهاب: صهيب الشغلة ضروري متتحمل تاجيل .

صهيب: اخذتة على صفحة ..احجي ايهاب شكو .

ايهاب: صهيب مصيبة ووكعت على روسنة ..

صهيب: احجي خبلتني شكو ..

ايهاب: المركز الي رحنالة قبل اسبوع ..

صهيب: احجي لا تكفرني شكو .

ايهاب: البارحة كارفين الي بي كلهم ..

صهيب :واحنة شكو بي ..

ايهاب: هية هاي المصيبة .. العاملات الي من فحصوهن طلعن بيهن كم وحدة بيها ايدز ويعدن بالشباب ...

صهيب :لزمتة من ياختة ولك انت شكاعد تحجي

ايهاب: مضل وكت لازم نروح نحلل ..

صهيب: ولك ليوم حنتي شلون حتزوج .

ايهاب: طلك قبل لا تتقربلها لا تعديها ..

صهيب :ومنو يكول بية يجوز غلطانين ..يجوز البنية الي جانت وياي مابيها شي ..

ايهاب :ويجوز بيها صهيب لا تخاطر بالبنية ..

صهيب: عقل مضل براسي وهذولة يصيحون يلة مايلة وايهاب منتظر جواب كتلة من نرجع نتفاهم انتظرني ماطول ..

رحت على عمة عيني حتة مجنت مركز شلونها رشا .

مصدكت رجعت ورحنة للمختبر نسوي تحاليل

من سألنا ابو المختبر نوع التحليل ضلينة صافنين ثنينة بعدين محمد جاوب كلة ايدز ..

انصدم ابو المختبر وسألنة شنو الدافع الخلاكم تسوون تحليل ..

سولفنة السالفة الة واني ميت خجل وخوف وكره لروحي لان حطيت روحي بهيج موقف ..

المحلل: الايدز مرض قوي وميبين بسرعة يحتاج فترة حضانة يلة يبدي يظهر ..

صهيب :يعني شنو ..

المحلل: يعني اذا حللت هسة مراح يطلع التحليل مضبوط لازم تنتظر فترة يلة .. تبدي تحلل.

صهيب :يعني شكد المدة ..

المحلل :يعني اقل شي ٣ اشهر .. بين ال٣ اشهر وال٦ اشهر .

صهيب :واني اضل انتظر هاي المدة حتة اقرر مصيري دكتور اني اليوم حنتي وباجر الزفة وماريد اظلم احد لو ادخل بخطيتة ..

المحلل: انصحك لا تجازف وتتزوج لاتضيع حياة شخص وانت متعرف مصير حياتك شنو ..

صهيب: سودت الدنيا بعيني شلون بحالي زين ورشا ماكدر اورطها وياي ..

طلعت من المختبر احس عيوني نار بيها متحملت انحنى ظهري وكعدت بالكاع اجاني ايهاب ..

ايهاب :صهيب لاتسوي هيج

صهيب :لك شنو مااسوي اني تدمرت حياتي تدمرت تفهم هلشي ...

بعد ماكو وكت لازم انهي كلشي ..

ايهاب :يجوز مابيك شي ..

صهيب: ويجوز بية .. ماكدز اجازف بيها

رحت اركض على ولد كرايبي محامي صعدت السيارة وايهاب وياي ..

رحتلة وطلبت منة يرفعلي قضية حتة هوة تفاجأ لان جان حاضر حنتي .. ومن طلب السبب حرت شجاوبة ..

كتلة ممتفاهمين وهاهية ..

صعبة اكول للناس السبب ..

تورطت وغلطت ودفعت ثمن اغلاطي ..

رشا حتصير بالنسبة الي حلم على الاقل اكون بنظرها نذل وخذلتها .. ولا تعرف بية خاينها ..

اووف يرشا حوبتج طلعت لانج بريئة وماتلوثتي بهاي الدنيا ..

فزيت من ذاكرتي على دك قوي للباب ...

الباب تفلش نزلت اركض افتح الباب ..

اندفر الباب وطبو عساكر اخذوني وطلعو ..

طلعت من بيتنة والناس التمت ..محد يعرف السبب بس اني اعرف ..اجت عيني على بابهم .. صعدت بسيارة الشرطة وطلعنة للمركز ..

.............

يتبع ....

تحياتي ...

Aseel.

❤❤❤❤ احبكم

مساء الخير حبايبي شلونكم مشتاقتلكم كوومة .

اعتذر عن التاخير بس تعرفون النت ممستقر ..

وانشالله ارجع انزل كل ماالكة النت سريع وموجود .

....

..قضية طلاق ..

بقلم Aseel.

بارت٦

رشا :الايام تمر مثل تتر المسلسل يومية نفس الحن والصور والكلام .. شكد ماجنت امثل القوة بس داخلي مكسور ..

صعبة الي صار وياي .. مو اي وحدة تتجاوز هذا الخذلان .. يجوز البعض يكول عادي انسي ..

اصعب شي انسة .. شلون انسة اول حب . اول ابتسامة .. اول نبضة لكلبي.. مجنت اعرف الحب الة من حبيتة ..

جنت مجرد اسمع اسم صهيب حتة لو مكان هوة المقصود احس روحي عركت واحساس بلوية بالبطن وخدودي يصيرن حمر ولمعة بعيوني ..

حرك كلبي وعافني باحلى يوم .. بس بعدني احبة ..

بعدني احن واشتاق الة .. يومية بليل ادك على صدري اريدة يوكف ماريد ينبض .. لان كل نبضة ينبضها تكون باسم صهيب ..

احاول وشكد مااكدر مابين لاهلي على الي بداخلي ..

ماريدهم يتاذون ميستاهلون ..

مرت الايام بطيئة .. ويوم عن يوم يزيد عذابي واشتياقي الة .. عقلي يريد يفهم السبب ليش ..

اجة تقديمي للجامعة دخلت صيدلة كلية اهلية ..

حاولت اغير من مزاجي رحت صالون رتبت روحي وعدلت كصة شعري بس عفتة طويل وسويتلة عناية .

وسويت وجهي حاولت اطلع من جو الكأبة ..

بعدين اخذني عماد للسوك اشتريت ملابس للدوام ..

اشتريت ملابس عادية يعني مو الة الغالية لان اني اشتري الي يناسبني والحلو ..

هواي ملابس محلوة وتكون غالية والي حلوة تكون اسعارها مناسبة .

اشتري اليعجبني ميهمني سعرة رخيص لو غالي .

رجعت للبيت محملة علاليك .اول مطبيت لاكيت زهرة جتي حضنتني بس من طب عماد وراية شفتها تخربطت اوضاعها بس محسستها ..

زهرة :ولج رشااوي مشتاقتلج عوبة .

رشا :حبيبتي اشو طولتي الغيبة ..

زهرة :ضليت يم بيت خالتي نهاد الجو يموت يمهم ولمة حلوة تمنيتج وياي والله بس ادري بيج نفسية ومتنحملين وتكلبيها مناحة علينة ..

رشا : ايا عوبة هاي اني نفسية ..

زهرة: لعد ابوية انتي شايفة سوالفج مال عجايز صايرة .كلة قصص ومواعظ وحكم .

رشا :طاحضج .. تعالي شوفي ششتريت ..

ضلينة نكلب بالملابس وزهرة ششوف تروح تلبس ..

جان اكو قميص ينلبس جواه بدي وبنطلون يكون فوك الركبة اشوية ..

اخذتة وكالت ..

زهرة: خل البسة هيج بس اكدرة عجبني اشوف جسمي بي..

رشا :بس هذا مينلبس هيج فضيحة الة بدي.

زهرة :اني قابل طالعة بي بس هنا اجربة ..

رشا: لبستة طلع حلو عليها وهية جسمها يخبل كامت تتمشة عساس هية عارضة ازياء ..

رشا :اخذي زهرة الج هذا لان كلش حلو طالع بجسمج .

زهرة: لا ماريدة عيني بس من احتاجة اجي اخذة خلي يمج ..

رشا: هسة يعني اخذتي وضميتي يمي لو متريدي ومن يعجبج تلبسي حتة مالبسة .

زهرة: اكلج كل اهدومج بالنص نتلابس وبلا مستحة منج لان كلهن عجبني ..

رشا :باثناء ماجنة نسولف اندكت الباب وزهرة نست نفسها .. صحنة فووت .

دخل عماد وضل صافن وزهرة من الهبطة طبت جوة الجرباية وهوة كبل طلع وكام يسب ويلعن

رشا: خرب ببليسج غير تنتبهين .

زهرة: راح لو بعدة ..

رشا: راح طاحضج متحسين انتي .

زهرة :بللة اني نسيت روحي انتي شبيج متكوليلي.

رشا :انجبي انجبي .. هسة احصلي رزالة منة من وراج

زهرة :عزة عزة شكد عيب شافني هيج

رشا: لا طلع بسرعة .ديلة نزعي وبدلي دنروح نتعشة ..

زهرة :والله مانزل جيبي العشة لهنا ..

رشا: امي متقبل تحب كلنة ملمومين ..

زهرة :مانزل والله استحي منة شلون اباوع عليه وانوب اكل ويا ..

رشا: امشي عاد عود لا ترفعين عيونج حتة متشوفي ..

زهرة :والله استحي ..

رشا :دكومي منين اجاج الاحساس صايرة عندج مشاعر ومستحة عود دكومي كومي ..

زهرة: نتوكل على الله ..

رشا: ننزل اني وزهرة واسمعها تردد اللهم اجعل من بينهم سدا ومن خلفهم سدا فاخشيناهم فهم لا يبصرون..

كبر اي والله ترة تلكي اصلا نسة ..

زهرة: كلشي يصير.. معليج انتي

رشا :اهو دمشي عاد .

رحنا ساعدنا امي بالعشة وترتيب السفرة

طول السفرة زهرة مشالت عينها ويمكن لكمتين لو ثلاثة حطت بحلكها كوة تاكل ..

ام سامر: خالة زهرة شبيج وجهج اصفر ومتاكلين .

زهرة نطت عيونها من الفشلة واول مرفعت راسها شافت عماد كبالها اجت عيونة بعيونها ..

رشا : يجوز حتتمرض خطية ..

زهرة: كرصت رشا اصبريلي انتي وامج صايرات حنينات اليوم

ام سامر :اكلي خالة اكلي ..

عماد :الحمد لله سفرة دايمة ..

ام سامر : وين يمة ماكلت شي ..

عماد: لا يمة شبعت ومن اجي بليل اكل عود اذا جعت

عندي شغلة متواعد ويا ولد ماتاخر ..

ام سامر: براحتك عيني .

زهرة ماصدكت عماد راح وهية انطلقت بالاكل مالذ وطاب ..

ضلت رشا وام سامر صافنين عليها ..

رشا :سبحان مغير الاحوال .. يغير من حال الى حال

زهرة: انتي انجبي معليج .

رشا :اوي دولي طبج طوب اكلي بس علكيفج لاتاكليني.

زهرة: ماكل هيج نماذج لحمج مر ..

رشا: وليش يمة شبية ..

زهرة: كلة بجي وكاأبة وشبعانة مرار .. شيبقة بيج .

رشا :ديلة انتي تطولين ..

زهرة :يعني عادي اضوك واحكم ..

رشا :دولي صدكتي ...متوحشة صايرة

زهرة: دسكتي صاري بالنص ساعة اتحسر على الكل ومالي عين اشيل عيوني من ماعوني ..

رشا :والله خبلة والله.

زهرة :خليت العقل الج

رشا :اكوم احسلي راح تكومين تجفصين وماريد نتخارب ..مالي خلك زعلج البايخ ..

زهرة ضلت تاكل وبشراهة واني رحت غسلت وحطيت الجاي جانت سهام وسامر طالعين يم اهل سهام يباتون ..

ضليت انتضر الجاي ورحت الملم بالسفرة وزهرة بعدها اهلي كامو وهية حاطة راسها بسفرة عفتها بس شلت المواعين اليمها ..

طب عماد سلم ..

عماد: رشيوة فدوة كلاص جاي صبيلي وجيبيلي بالهول

رشا: ماشي هسة اجيبة ..طب وجان اتذكر الوحش جوة رحت وراه واشوف زهرة صافنة واللكمة بحلكها نافخة تك خدها .. وصاير عماد كبالها وكاتم الضحكة ..

اندار علية كلي جيبي فوك لغرفتي اخاف تاكلني هاي اليوم ناوية علية ..

رشا: اشوف زهرة عيونها لمعت والدمعة بينت بسرعة كامت

زهرة: لا اخذ راحتك اصلا اني مكملة بس جنت انكنك

وررركض للمطبخ ...

اول مطبيت كرصتني بزندي ..

زهرة: انتي ليش متحجين متكولين عجبج هذا الوضع الصار هسة ..

اني لومجاية احسلي ..يعني اول شي شافني لابسة خلاعي .

ويا كلمتها طب عماد ستوقفتة كلمة لابسة خلاعي ضل صافن وصاير وراها ..

وهية مستمرة ..

زهرة :وعساس اني مستحية ومااكل كدامة وهسة طب شافني اكل بالعشر اصابع حتة مو بخاشوكة ..

بعد راح الانوثة ..

رشا :اغمزلها وميفيد متسكت ..

عماد : ليش انتي هم حاسبة روحج انثى مثل البنات وضحك

زهرة :جمدت مكانها يمكن حتة دمها نشف ..ضلت فاتحة عيونها وماندارت ابد

بس نضرتها تحولت انتقام مني لان ماكتلها وراج ..

عماد: المهم رشا فدوة سوي الجاي ثنين وجيبيهن للاستقبال اجة صاحبي

رشا :. عيوني متنقلة بينة وبينها

اي مااشي صار هسة اصب انتضر اخذة.

رحت اصب وعفتهم وحيدهم مطبخنة حار وبارد يعني مفصول ..من النص

...

عماد :زهرة لا تحاولين تتصرفين على غير طبيعتج

ترة الافعال العفوية حلوة ..

زهرة: بس ..بس اني .

عماد: لا بس ولا شي بس لا تتصنعين تعجبني البنية الي تتصرف بطبيعتها ..

زهرة :اني ممتصنعة ابد .

عماد: . والي صار على العشة ..

زهرة: جنت خجلانة من الموقف مو اكثر .

عماد :اعتبري ماكو شي لان صدك ماشفت شي

زهرة: دنكت وحمريت من الخجل ..

عماد: ترة جنت اشاقة من كلت حاسبة روحج انثى

زهرة: اي ادري ...لان كل هلانوثة وتكول هيج .

عماد :شو وخري ..

زهرة: ليش ..

عماد :دشوف الانوثة وين

زهرة :.ركضت كبل فوك هذا سواها بلاية ملح اني صوجي وكفت يمة .

رشا: هاك عماد .. وعلكيفك وياها ترة صح تشوفها على طبيعتها وتلاسن بس والله كلش حساسة وخجولة بهيج سوالف .

عماد: وانتي شكو حاطة اذانج يمنة .

رشا :محاطة اذاني انتو صوتكم عالي ترة ..

عماد: دجيبي جيبي .. وروحي شوفي الخبلة لا تنتحر ..

رشا: راح عماد واني صعدت لزهرة .لكيتها تبجي .

هاي شبيج ترة يشاقة متعرفي

زهرة: رشا تعبت والله كلهم يقلدون علية لان الاسن وحركاتي مال ولد ..

يعني شوكت يقدر مشاعري ويحس .

رشا :هوب هوب شكو شصاير من وراية وبشنو يحس ..

زهرة: رشا انتي مو غريبة ..بس اني من فترة احس اوضاعي تتخربط من اشوف عماد .. ودائما من اريد انام يجي على بالي ...

رشا :بس لا حبيتي ولج .

زهرة :مادري والله

رشا: زهرة لا تعلقين امالج بشخص متعرفي يحبج او لا .. ويجوز يعتبرج اختة .

زهرة :ولج هوة هذا القاهرني يعاملني عبالك انتي ..

رشا: يمعودة لتحطين ابالج هيج شي ترة تتعبين والله ..

الحب من طرف واحد يأذي ومحد غيرج يحس بالوجع لا تجازفين وحاولي تضبطين مشاعرج ..

زهرة :مو اكلج سوالفج صايرة مال عجايز كلة حكم ومواعظ تزعلين ..

رشا: ضربتها بالمخدة .. هوة صوجي انصح بوحدة تافهة مثلج اروح اكمل احسلي وكومي وياي لا تعيشين الدور..

زهرة: هسة شوية واجي بلكت يروح اخوج .

رشا: ها هسة صار اخوية .. دكومي كومي.

زهرة :يلة جيت امشي كبالي وجاية وراج ..

رشا :ماشي نشوف ..

نزلت كملت الشغل ونزلت زهرة وراية ضلينة نسولف سوالف عادية و احتياجات للكلية شريد وشحتاج يعني نتذكر النواقص ..

وراها صعدنة نمنة بس كل وحدة تمثل على الثانية النوم .

كل شخص الة قصة قبل النوم ... مينام اذا ميسولفها ويا روحة ..

اني جانت قصتي مكررة ومعادة اكثر من الف مرة ..

قصتي تحتصر بذكرياتي وبس .. واغفة واني بنصهن .

اما زهرة جانت قصتها تفكر بالمستقبل اشوفها تتكلب ولمحت ابتسامة خفيفة بشفتها بس مغمضة عيونها ..

جنت هذا احساسي اول معرفت صهيب .. وخايفة على زهرة ..صح الي تحبة اخوية بس اخاف لا يكسرها بصدة الها .. وزهرة ضعيفة حيل .

مرت الايام واجة وكت الدوام جانت الكلية قريبة يعني بسيارة او بدونها اروح .. بس اني فضلت اروح مشي .. اريد اتنفس هوة اختنكت من البيت والسيارة .

اول يوم هوة الي يحدد شخصية الطالب لبقية الطلاب .. اعتنيت بمظهري بس باناقة .. لبست بنطلون اسود وبدي للكمر ابيض وفوكاه بوليرة طويلة للركبة يعني مستورة واكسسوارات خفيفة .

ولبست ترايشوز لون ابيض وجنطة سودة صفح تنلبس اشتريتها جديدة وشكلها كلش حلو .. احب الشغلات البسيطة ..

وسويت شعري ظفيرة صفح بس تركت كم خصلة نازلة باهمال صارت احلة .

نزلت اتريك وكلهم تعجبو على شكلي ..

كملت ريوك..

رشا :يلة سلام حبايب اني طالعة ماريد اتاخر اول يوم ..

سامر :انتظري اكمل واوصلج بسيارة .

رشا :لا فدوة ماريد مختنكة واريد اتنفس اشوية

اتمشة احسن الي .

سامر :براحتج حبيبتي بس اني موجود ترة .

رشا :متقصر حبيبي .

عماد :واني

رشا :شنو انتة .

عماد :ماكو حبيبي الية ..ترة والله جفاف عندي بلة سامر شابع كلمة حبيبي وحبجيات وانتي انوب تكوليلة بالجذب عبرولنة وحدة منا منا ترة ملينة ..

رشا: اجيت حضنتة من ركبتة وهوة كاعد ..شعندي غيركم انتو الحب كلة .

عماد :اي صبغي صبغي ..

رشا: هههههههه بكيفك لا تصدك ..وخرت من يمة يلة اني رايحة باي .

ردو كلهم: الله وياج .

طلعت من البيت واني متفائلة راح اكون مستقبلي وابدي من جديد.

وصلت قريب بابهم وكفت لثواني واني اشوف هلباب شكد جانت احلام تنبني من اشوفة ..

كملت مشيتي وصلت لبابهم مسدود .. يمكن بعدة ماطلع .. بس سهام كاللهة سامر انو صهيب طلع..

اووي شعلية بي طبة مرض ..

افكر وامشي وصلت راس الفرع صار بوجهي ديرجع لبيتهم ..

حاولت امشي استوقفني ..

صهيب :رشا اوكفي لحظة .

رشا :وكفت بدون مااندار ماريد اضعف ..

احجي شرايد ..

صهيب: رشا اسف سامحيني ..

رشا :اعتذارك ممقبول وماسامحك .. عندك بعد شي تريد تكولة ..

صهيب: رشا بعدني احبج والله بس انجبرت اسوي هيج لمصلحتج ..

رشا :اشكرك لان فكرت بمصلحتي اكثر مني ..

وممنونة الك لان خليتني التفت لمستقبلي ومااضيعة علمودك .

صهيب: لا تحجين هيج

رشا: انت هذا الحجي الي حاب تسمعة والة ماوكفتني.

درت وجهي عليه اجت عيوني بعيونة كبل نزلتهن بعدين رفعتهن ماريد ابين ضعيفة حاولت اسيطر حتة اكون قوية كتلة .. انت انتهيت ونهايتنة جانت بداية لحياتي ...

عفتة ومشيت واني دموعي تتسابق ياهية اسرع من الثانية .. .

كل ماتنزل دمعة امسحها قبل لا توصل نص خدي واحجي وياها .. لا تنزلين اني اقوة من هيج .. راح اصير احسن منة .. راح اخلي يتندم .. راح اكسر كلبة مثل مكسرني ..

حاولت اعدل وجهي قبل لا افوت للكلية .. وكفت يم سيارة مضللة جنت اراقبها من بعيد شفتها مركونة من زمان يعني محد بيها امان رحت عدلت وجهي ومسحت دموعي وعدلت كذلتي ويا ما دحط الكحلة للعين الثانية جان تنزل الجامة ويطلعلي شاب مبين جان نايم ..

كلي ..: ترة محد يستاهل تأذين عيونج علمودة ..

رشا: ..اني مباجية بس طب شي بعيني واني امشي .

مهيمن ...امبين امبين ..

رشا: وانت شكو .

مهيمن: ترة هاي سيارتي الي كاعدة تترتبين بيها مو مراية غرفتج ..

رشا :اعتذر ..عفتة ومشيت شكد وقح وسفيه ..

مهيمن: ترة سمعتج بس حعبرها بمزاجي ..

رشا: عززة يربي شهلمواقف من اول يوم ..

انداريت عليه .. ومتسمع شسويلك ميهمني ترة ..

مهيمن: توكلي بالله لا ارتكب جريمة بيج ..

رشا: رجعتلة اشو انت شايف روحك فد مرة ..ترة زودتها حيل

مهيمن: انتي شايفة لسانج شطولة .

رشا: محد كلك سولف وياي حتة لساني يطول عليك .

مهيمن: مو عساس اني جيتج وسولفت وياج ترة انتي جيتي على سيارتي تعدلين عطوبج .

رشا :لا تتجاوز احسلك .

مهيمن: روحي بابا فوتي لا تتاخرين مبينة انتي اول مرحلة وبعدج حامية ..

رشا :انت مو ابوية ومالك دخل افوت او ابات بشارع ..

عفتة ورحت واني الشرار بعيني اول مدخلت طبيت للحمام مال الكلية حاولت اهدي روحي وارسم ابتسامة ..

ماكدر هذا غثني حيل... حجيت شكد مغرور ..

هدئت وطلعت برة .. سألت على القاعة مالتي ..

دخلت كعدت بالكرسي كعدت بالوسط كانت شبه فارغة مابيها بس كم طالب لان بعد وكت .. ضليت كاعدة العب بموبايلي لحد مانملت القاعة ..

يسولفون اني مو يمهم عبالك اول مرة اطب للمدرسة من احس روحي وحيدة واريد امي .. اي اريد امي هسة حسيت بغربة ..

واستحي اندحس واصادق كون همة يجون يحجون وياي ..

سويت روحي مشغولة بالتلفون اجتي وحدة كعدت يمي ..

هند: هلو صباح الخير ..

رشا: صباح النور..

هند: اني هند وانتي

رشا: اسمي رشا .

هند: تشرفنا .

رشا: الي الشرف .

لحضات وسمعت صوت سامعتة كال :صباح الخير .

رفعت راسي اشوف الاستاذ الفات ..

لا يالله هذا نفسة الولد الي تكافشنة برة ..

حاولت انزل روحي ليجوة حتة ميشوفني ..

انتبهلي وعلى صوتة كال :

احب اعرفكم بنفسي اني استاذ مهيمن صالح مدرس المادة ..

رشا: اذا تذبحوني متلكون قطرة بية من الفشلة .. عزة شافني شافني .

هند :شكو منو شافج .

رشا: لا هيج ماكو شي

بدة يتعرف علينة وصل السرة الي كمت ومترددة ويمكن بعد اشوية هبطة ويغمة علية..

وكفت كلت .. اسمي رشا صابر اسعد ..

اشوفة يباوعلي بنظرة تحدي ..كال .

مهيمن: استريحي دكتورة .

رشا: باوعتلة بنظرة كره وكعدت شكد شايف روحة كمت اتخيل عندي قاذفة افلش راسة المنفوخ .

ضحكت على تفكيري صايرة مجرمة ..

خلص اليوم بين تعارف وقليل دروس لان اول يوم وبعد نص الطلاب ممداومين ..

رجعت للبيت مشي واني افكر شلون ويا هذا الاستاذ بس لا يشد وياي .. بس لا يريد اعتذر منة .. لا والله لو اموت ..

خل يولي فوك سوايتة يريد اعتذر لا والله حيل بي.

بس هوة هم خطية اني دست ويا زايد لان جنت فايرة نار وهوة صار بوجهي .. ادري شجابك من الصبح متكلي

حظك لو حظي المصخم ..

وصلت لبيتنة واني ماحاسة .. طبيت على ريحة الدولمة من ايد امي ..

الله دوولمة .

ام سامر :هلة الله يساعدج .

رشا :ويساعدج نسيت اسلم فقدت على الريحة ..

ام سامر: ستوت بس تتهدر روحي بدلي وتعالي حصب هسة ..

رشا: ثواني ابدل وانزل اساعدج ..

رحت بدلت ونزلت تغديت وياهم سوالف وضحك.

جان سهام تذبلها قنبلة ..

سهام :.. احب ابشركم .. اني حامل بشهرين .

سامر: شنوو ...

.........يتبع......

اسفة حبايبي على التاخير

بس احب انوه انو النت عندي مو تمام لان اني بالعراق والي بالعراق يفهم ضروفي ..

تحياتي ..

Aseel

احبكم ٠💘

هلووو حبايبي شلونكم..

النت شلع كلبي من زمان محضرة البارت بس ضعيف النت ومينزل ..هسة بديت بي من جديد حتة ينزل .

اترككم ويا لبارت ..

....

قضية طلاق .

بقلم Aseel.

بارت٧ ..

......

الخيانة تلك الكلمة الجبانة الّتي تجعل الإنسان يشعر بالإهانة عندما يضحّي الشخص من أجل غيره

........

رحت بدلت ونزلت تغديت وياهم سوالف وضحك.

جان سهام تذبلها قنبلة ..

سهام :.. احب ابشركم .. اني حامل بشهرين .

سامر: شنوو ...

سهام :شنو شنو دكلك حامل بشهرين .

سامر :سهام انتي متاكدة لو مثل كل مرة ..

سهام :اي متاكدة وسويت تحليل وطلع ايجابي..

سامر: اشوكت طلعتي واني مادري ..

سهام :جبت تحليل منزلي وصيت اختي ودزتة بيد ابنها ماردت اكلك قبل لا اتاكد يلة ..

سامر :لا تكفرينة سهام .. اشلون تسوين هيج منو يكول مضبوط ..

سهام: شبيك انت بدال ماتفرح .

سامر :شلون افرح بدون ماتاكد ..

رشا :سامر اهدء شبيك عصبي ..

سامر: انت متدرون شراح ايصير اذا طلع ماكو حمل ..

راح تكلبها مناحة سبوع كامل والله سبوع دك ولطم ونحيب..وتعال سامر عيد وكول نفس الكلام ..

بابا افهمي اني مامتوزاي على الاطفال انت كافية علية ..

سهام: يعني قصدك اني طفلة مو .

سامر: اي والله طفلة لان تعاندين هواي ..

ام سامر :يلة ابني مصار شي خل تحلل دم وبعدين تفاهمو ..

واذا لا سامح الله ماكو اني احاجيها وافهمها بس اهدء ولا تخرب الفرحة بلكت الله صدك حبلة ..

سامر: محد بيكم يفهمني .. عاف الاكل وكام .

سهام :شفتي خالة هاي ابدال ميباركلي .

ام سامر: حقة يمة حقة لان انتي متشوفين روحج كل مرة من يطلع ماكو حمل من يمي اشبع قهر شحال هوة ويحبج ويريد رضاتج .

سهام: بس خالة هلمرة متاكدة وحتة اعراض حمل عندي ..

ام سامر: يلة مصار شي العصر ناخذج ونحلل ونذر اذا طلع حمل صدك اطش جيس جكليت اباب العيادة ..

ابو سامر :خلصتو هسة ..

رشا التفتنة عليه وامي كالت ..

ام سامر :شخلصنة ..

ابو سامر: جلسة المناقشات .. حتة تصحلي فرصة ابارك لبنيتي .

ام سامر: والله ابنك الي كلب الكعدة .. شحلاتنة ونضحك ونسولف .

ابو سامر: هسة معلينة بهذا الخبل .. على الخير بنيتي وانشالله هلمرة صدك وتقرين عيونج بي ..

سهام :انشالله عمو ... تسلم .

رشا :اني اضم المباركة بعد التحليل ليش اصرف ثنين

سهام: شكد بخيلة لعد ..

رشا :اشاقة وياج حبيبتي .. مبروك حبيبتي يكومج بسلامة انشالله.

خلصنة اكل بس سهام تحوص لان سامر مااكل راحت وراه وتراضي بيه ..

شلت المواعين وغسلتهن ورحت نمت شوية اليوم هذا كلة قنابل ومفاجأت ..

كعدت العصر كلش نزلت لكيت بس عماد ..

لعد وين الباقين .

عماد: ابوية طلع لجماعتة ..وامي وسامر اخذو سهام للتحليل ..هسة على جية من زمان راحو ..

رشا :خير انشالله... ويا مدنحجي طبت امي تهلهل وسامر عيونة تضحك وسهام تبجي ..

عرفت يعني اكو حمل يالله جبرت بخاطرهم ..

ركضت عليها وحضنتها وهية كامت تبجي ..

سهام: ولج رشا ممصدكة والله اخاف حلم وعلى ساعة افز منة ..

رشا :اششش لا تحجين هيج اهم شي اكو نونو بلطريق ..

سامر: يلة سهام صعدي رتاحي وبعد ممنوع تتحركين هواي ..

ام سامر: اي يمة صعدي اهم شي هذن الاشهر الاولى خل يثبت والله كريم وباجر اخلي سامر يحجزلنة دكتورة زينة تشرف على حالتج ..

عماد: بالخير ابو السوس حيجيك ضلع لو ضلعة..

سامر :يوم الالك حبيبي ..

عماد: بالخير سمسومة يتربة بعزكم وتكومين بسلامة .

سهام :اهو عماد شكم مرة كتلك لتكول سمسومة بس هلمرة وبعد كافي تصيحلي هيج حصير ام وعيب تصيحلي سمسومة .

عماد: ديلة عاد لا تشيلين خشمج علينة من هسة .

سامر: لك غصبن عليك هاي الحب تامر وتنهي .ونصة صوتة بس لحد متجيب وشتريد سوي .

سهام :ترة سمعتك سامر ..

سامر :احم ....يلة صعدي ارتاحي ويضحك .

رشا: صعدت سهام وسامر وياها والفرحة مسايعتهم شكد جانو يحلمون بهذا اليوم وكلنة هم نحلم مو بس همة .. الله يثبتة ويكومها بسلامة ..

خابرت امي ابوية تبشرة وكال لا تسوون عشة اجيب وياي سفري .

كيفت وكلبي كام يكمز لان مابية اسوي عشة ..

رحت حضرت ملابسي وعزلت غرفتي واخذتلي نضرة على الكتب الي نطوهن النة .. شكبر الكتاب وكلة انكليزي .

شجابني لهلضيم لو داخلة رياضة مو احسلي .

كاعدة ارتب واجتني رسالة بتلفوني ..

فتحتها رقم ..غريب..

طالعة تخبلين اليوم .

ضليت صافنة منو عندة رقمي .. محد يعرفني بالدوام ..

اجة ببالي صهيب هوة عندة رقمي واليوم شافني .

جاوبتة : طبعا اطلع حلوة غير حتة اعجب شباب الكلية بس مكتلي منو انت.

رد رسالة .. كفر بيها وكال اني الج

جاوبت: وانت منو حضرتك .ومنين جبت رقمي .

رد .:اني ماضيج وحاضرج ومستقبلج الي مراح يكون بدوني لو اعرف اكتلج واكتل روحي..

مجاوبتة عفتة بس حضرت الرقم .. ماريد ازعاجات بس احس بفرحة من حركت دمة .. بعدك صهيب مشايف شي والله .

اجة ابوية جان جايب كباب شوي وتكة ومعلاك ..وبيبسي العشق ..

تعشينة واجواء فرح تعم الكعدة شقة وتصنيف من سامر وعماد على سهام .. وهية بسرعة تزعل ويرجع سامر يراضيها وعماد يرجع يضحك عليهم ..

امي وابوية كامو غسلو .

كملت عشة وطفرت كلت الاخير يشيل الصينية كلة طفرت وياي ..

سامر عاط بسهام لان كامت بسرعة ..

رشا :يلة عماد انت اخر واحد ..

عماد :والله ماشيلها اني كوة شايل روحي .

رشا: معلية بيك اني كلت الاخير يشيل الصينية ..

عماد: والله لو تموتين ماشيلها

سامر :عمي اني اشيلها هسة يسمع ابوية ويجي هوة يشيلها وشيخلصنة عاد نضل سنين نتعير منة على هلسالفة .. على ابو زلم مكسرة ونسوان فاهية ..

اني رجال جبير اشيل وانتو شباب بحيلكم متشيلوها .

رشا :والله على سالفتك هاي شطولها جان هسة شايلها وجاي ..

سامر: تعلميني بسوالفة... بابا اني صرت خبرة ..

رشا: ابو الخبرة شيلها وسهام عليج التعزيل لان اني سويت مال ظهر .. وهسة سفري كلة بزبل بس صينية وكلاصات غسلي ..

سهام :ماشي ماشي لاتتوسلين ..

رشا :لا هاي عايزة انوب اتوسل ..

يلة اني رايحة احضر ملابسي .

صعدت وعفت سهام وسامر يتغازلون على السنكي ..

يعني قلة اماكن ..

صعدت غيرت الي جنت محضرتهن معجبني ..

كملت وكعدت اكلب بالتلفون لحد مغفيت كعدت ثاني يوم الصبح غسلت وفرشت اسناني..

وعما صحصحت لان تاخرت بالسهر لبارحة ..

لبست بنطلون حبري وقميص وردي يجنن شكلة وحتة بارز لونة ويصير سيلفي ..

مكيجت وردي وحمرة وردي بس كلة فاتح ماحب الهواي .. وسويت شعري ظفيرة فرنسية بس راخية طلع شكلي كلش فخم ومرتب ..

رغم بساطة لبسي ومكياجي بس طلع كلش مرتب .

رشيت عطر هادئ .. ولبست اكسسوارات وشلت غراضي ونزلت ..

عماد :صوفر .. يمة شنو هلمزة الكامدة دي ..

رشا: صباح الخير ..

سامر: هذا الصباح خير على العراقيين

رشا :يعني حلوة .

سهام :كلش حلوة ومرتبة اصلا حلاتج ببساطتج ..

كملت وسلمت عليهم وطلعت ..

اتمشة وادعي الله مالكاه ماريد يخرب شكلي بالعصبية واكيد حيغثني وابجي .

وليش ابجي اني مغلطانة بالعكس خل يشوفني حتة ينكسر كلبة .. هوة جان خايف من هلحظة الي اداوم بيها ويشوفوني شباب ..

وهسة حسوي الي يخوفة .. اريدة ينطحن طحن .مو يكول بعدني احبج .. خل يعيش الحب على اصولة .

امشي وافكر ويا روحي شفتة من بعيد واكف بتسمت استهزاء والله انت جنيت على روحك ...

قريب مااوصل طلعت تلفوني عساس اخابر .

فتت من يمة ..

حجيت ..

الو ...اي هستوني طلعت ....مو جنت سهرانة البارحة وكوة كعدت الصبح ....يلة ماشي ....باي .. بس جنت ابتسم واحجي ..

سديتة وحطيتة بالجنطة انسحبت من زندي ونركعت بالحايط مال بيتهم من جوة ..

كلبي طفر من مكانة من الخوف احسة صار يدك ببلعومي ..ضليت فاتحة عيوني على حركتة ..

ووعيت على عيطتة وهوة يصيح ..

صهيب :منو هذا الي تحاجي ..

رشا :استوعبت الموقف وقويت روحي ..وانت شكو انت شدخلك بية ..

ومنو سمحلك تستوقفني بهلطريقة ..

صهيب: رشا لا تلعبين بعصابي ترة انكلب على الوجه الثاني ..

رشا: لا بلة خوفتني ومتنكلب ثاني وثالث ورابع شسويلك انت متهمني واخر همي احسبلك حساب .

الي بيناتنة انتهة وانت نهيتة بيدك ماجبرتك اني .

وهذا اختيارك انت ... فاهم انت ردت هيج .

ووخر عني لا اعيط وافضحك هسة .

صهيب :رشا حطيها ببالج انتي بس لصهيب افتهمتي .. والله ادمرج وادمر الي يحط عينة عليج .

رشا: انت شكو نافخ راسك بحياتي .. انت شنو

صهيب: جربي وشوفي ..

رشا :مانتظرك تكلي جربي لان هلمرة اذا ردت اختار اختار بعقلي مو بكلبي .. حتة ميتكرر نفس الغلط ..

اختار انسان يحترم ويقدري حبي .. مو ساعاتة بمزاجة ..وعن اذنك تاخرت ينتظروني ..

لزكني بالحايط من ركبتي

صهيب: ومنو ينتظرج بالله .

رشا :وانت مالك علاقة .. دفرتة ببطنة كام يتلوة

وطلعت ركض للشارع .. شلون راح تكضي ويا هذا الخبل ..

وصلت همزين بعد ٣ دقايق وتبدي المحاضرة دخلت سلمت علة هند ..

رشا: هلو صباح الخير ..

هند: هلو صباحو شهلكيك من الصبح عمي هذا الوجه الي يفتح النفس .

رشا: شكرا من ذوقج .

هند: والله لو شاب ولا اعوفج الة اكبل وياج .

رشا :انتي لو شاب جان حتة مخليتج تكعدين وياي

هند: هههههه لا همزين عمي اني انثى انثى وحتة كاتبين بجنسيتي انثى .. اطمني .

رشا :والله خوفتيني اكثر ههههههه .

طب الدكتور وبدة يشرح ..وخلصت المحاضرة طلعت للكافترية احس روحي شاحبة وعطشانة من الهبطة .

دخلت اخذت بيبسي من الالة وكعدت اشرب واكلب بتلفوني شفت خيال فوكاية حجب ضوة الشمس رفعت راسي طلع طالب ويانة ..

رشا :نعم تفضل ..

احمد: يزيد فضلج ممكن اكعد .

رشا :بصفتك شنو تكعد .

احمد: بصفتي زميل ..

رشا: لا اعذرني ماكدر اكعد وحدي وياك لان ماريد ياخذون علية نظرة من ثاني يوم .

احمد: اعتذر على الازعاج ..

رشا: لا عادي .. عافني وراح ..

كملت الببسي ودخلت لان بدت المحاضرة جان عدنة استاذ مهيمن .. دخلت واني كلبي يدك خوف نظراتة تخوف ..

دخل وراية واول مدخل باوعلي وضل صافن .وراها حمحم.. وبدة يشرح وكل مااشيل عيوني الكاه يباوع ومن ابوعلة ينزل عيونة ..

خلصت المحاضرة طلعو الطلاب اني ضليت الملم لان فارشة الغراض عبالك كاعدة بالكاع مو كرسي ..

صاحني كلي

مهيمن: دكتورة رشا من تفرغين مريلي للمكتب .

رشا: ماشي دكتور ..

كملت ورحت واني عداد الخوف الف بس تظاهرت بالقوة .. دكيت الباب ودخلت

كلي

مهيمن: تفضلي ..

رشا: نعم دكتور..

مهيمن: مناوية تعتذرين .

رشا :على شنو اعتذر ..

مهيمن: وتنكرين بعد .. والموقف مال البارحة وتجاوزج..

رشا :فار دمي وهذا الي جنت خايفة منة ..

اتوقع صار سوء فهم

واني متجاوزت الة لمن انت تجاوزت وثانيا اني مجنت ادري بيك دكتور بجامعة. .

وثالثا والاهم الي صار خارج سياج الكلية يعني حالك من حالي ..

لو متجاوزة او مجرد رفعت صوتي واني داخل الحرم الجامعي بوكتها اجي اعتذر ..

مهيمن: .. ضل صافن على جرائتها واسلوبها بالكلام المقنع بس مراد يسوي نفسة غلطان ..

يصير خير تفضلي .

رشا :انشالله اترخص

طلعت واني احيي واهنئ روحي على هذا كلام المثقفين خلف الله على المسلسلات والة جان كضيتها بجي وسحل بروحي ..

احس روحي صايرة قوية ..

دخلت للقاعة شافتني هند .

هند :شبي وجهج شاحب .واصفر شصاير .

رشا: حجيتلها الموقف بس مجبت اسم صهيب بس الي صار من وصلت للسيارة لهسة ..

هند: عزة بعينج ولج انتي شلون تحجين هيج هسة يشد وياج ..

رشا: اني محجيت شي غلط .

هند :ولج يا محجيتي انتي طيرتي ابو الجبهة

رشا: شسويلة لعد اعتذر منة وهوة بدة .

هند :ولج الله اليستر بس بطلي حركات بايسون كلك حركات ..

ترة هنا كلها تمشي باللواكة .. تلوكي تنجحين لا عبالج الدراسة كافية لا حبي لو جنتي شاطرة وهذا اللسان الي طالع رون سايد ابشرج باقية هنا وتتمددين بعد ..

رشا :دكافي خوفتيني عود كلت اسولف لوحدة تهديني ..

هند: صدك انطيني رقمج حتة نتواصل ..

رشا: ماشي سجلي يمج .

خلص اليوم واستمرت الايام بس جنت امشي من غير طريق حتة مااتصادم ويا صهيب ..ودكتور مهيمن يطب ويطلع يباوعلي بحقد ..بس ولا معبرتة ..

يحاول شكد ميكدر يقلل من شأني كدام الطلاب يعني بنص الشرح يكومني اشرح واني همزين بية عادة اقرة بلبيت الي ماخذي والي مماخذي .. يعني فاهمة .

ودائما هوة الي يخسر ..

جانت نظرتة الي من اشرح يتمعن بتفاصيلي احسة يباوع لحلكي شلون احجي ومرات ارتبك من نظراتة واكوم ماعرف احجي عدل ومن يصير هيج اشوف ابتسامة بطرف حلكة عرفت يسوي هيج حتة يفشلني ..

فتعلمت من اكوم ماباوعلة الهي روحي بغير شي واكمل اباوعلة بتحدي ..احسة يموت قهر لو بودة يذبحني ويشرب من دمي دومي مفشلتة .

تمر الايام وسهام بطنها تكبر وفرحتنة تزيد بيها اكثر

صارت شهر الرابع وبدت تتعب بالحمل مبين ثكل عليها هواي راحت للدكتورة وسوت تحاليل رجعت هية وامي العيون حمر .. سامر جان طالع فراحن بتكسي ومن اجن سامر شافهن وشاف وجوهن

جمد بمكانة وميعرف شيكول وشيحجي ..

رشا :شكو شبيكم .

سامر: سهام شكو ..

رشا :اشو هاي كامت تبجي وشمرت روحها بحضن سامر ..

سامر :جمد والدمعة تجمدت بعينية ...هسة غير تحجون وكعتو كلبنة شكو ..

سهام: سامر.. طلعت بية توم .

سامر: كعد بالكاع وصاحلي اجيبلة مي .

رشا :هاك سامر شبيك حبيبي على كيفك ..

انتي مخبلة شايفة روحج شسويتي جان مات من الهبطة شايفة وجهج .

ام سامر: يمة حتة اني من الصدمة نعكد لساني والله ممصدكين ..

سامر: يمة صدك تحجين والله عبالي سهام بيها شي والله راد يوكف كلبي .. اكو واحد يسوي سوايتجن

رشا :والله انت تجلطن اكبر واحد .. وانت ماما عود انت الجبيرة هيج تهبطينة بلة مخفتي لا ابنج يصير بي شي..

ام سامر: يلة مصار شي كوم حبيب امك وكرة عينك بجهالك .

سامر: ومعرفتو شنو جنسهم ..

سهام: لا ممبين ..

سامر: الله يعديها على خير ...

رشا: رحت اغسل ملابس وصعدت اشر بالسطح الجو يجنن .. صافنة وخصل شعري تتطاير وياةالهوة الي بي نسمة برودة واعتقد حتمطر اشو الجو يخبل وبي ريحة مطر ..غمضت وعشت اللحظة واسمع صوت صفارة فتحت عيوني لكيت المطيرجية كلها كبالي همزين محد منتبة الة جان صارت فضيحة .

نزلت وسمعت امي تبشر ابوية ..بسهام .

نزلت كملت شغلي وطبيت لغرفتي ادرس ..

كمل اليوم عادي وصرنة اني وهند صديقات كلش حتة زهرة تغار منها لان تتصل هواي بية ودائما تسال احوالي ..

مثل كل مرة وكاعد نسولف بتلفون جان تفتح وياي موضوع مهيمن ..

هند :والله رشا اشك بالدكتور معجب بيج

رشا: ليش ينعجب اصلا كل الي بيناتنة نظرات كره وحقد وتحدي ..

هند: لا بس دائما اشوفة يباوع عليج وانتي ممنتبهة .

رشا :خل يباوع شسويلة ..

اني مفارغة لهاي السوالف وكلبي ملجوم وماريد اعيد الي عشتة ..

هند: بس لتقارنين مو كل اصابيعج سوة .

رشا: غيري السالفة هند ترة اضوج افتح هيج مواضيع

هند :ماشي .. اي مكتيلي شخبار ضرتي ..

رشا: منية ضرتج .

هند :زهرة شبيج الي كل متشوفج تسولفين وياي تتعارك مثل الجهال..

رشا :زينة هم ملتهية بكليتها لان هية تركت وياي ورجعت قدمت وياي بس هية دخلت علوم حاسبات حكومي

هند :اها حلو سلميلي عليها .

رشا: غير تذبحني ولج .

هند: ههههههه والله دمها عسل .

رشا :كلت بكلبي يالله هاي عبالها تشاقة .. متدري زهرة مسويتها صدك ..

ماشي: حبي انشالله

..

سديتة منها ونمت كعدت ثاني يوم ورحت للدوام وطبعا باناقة بسيطة ..

صهيب مااشوفة غير بس من يعبر من يم بابنة اشوفة من شباك غرفتي الي يطل ع الشارع وكل ميفوت يرفع راسة وكأنما يحس اني هنا

والصبح احاول اتختل واغير الطريق ماريد اتعرض لموقف مثل هذيج المرة ..

وصلت الدوام وبين سلام وسوالف ومحاضرات ..

اجتني طالبة .. كالت استاذ مهيمن يريدج بمكتبة .

جمدت بمكاني ..

يتبع .....

لا تنسون النجمة ترة والله متعض جربو وشوفو ..

احبكم

تحياتي Aseel

بامان الله ❤❤❤

مرحبا حبايبي ..

قضية طلاق .

بقلم Aseel.

بارت ٨..

.......

قبل أن تقع في العشق إسأل نفسك ..؟

هل أنت مستعد للفراق الذي لا بد منه ..؟

في حال كان جوابك نعم !!

فأعلم أنك تمتلك قلباً لا يخاف الموت *

.....

وصلت الدوام وبين سلام وسوالف ومحاضرات ..

اجتني طالبة .. كالت استاذ مهيمن يريدج بمكتبة .

جمدت بمكاني .. .

شيريد مني ..

هند: ولج روحي شمنتظرة .. وتغمز .

رشا :دسكتي لا توتريني اكثر .

هند: غير تفضها وتروح ..

رشا :زين تعالي وياي .

هند :واني شكو روحي واوكفلج عود بلباب.

رشا: اهوووو .. والله لعبت نفسي لا اروح ...

رحت واني على اعصابي دكيت الباب..

اجاني صوتة ..

مهيمن : تفضل .

رشا :دخلت واني اشكال الافكار اجت ببالي ..

نعم دكتور ردتني

مهيمن :اي نعم تفضلي دكتورة.

رشا :نعم .

مهيمن :دكتورة رشا .. انت ليش هيج تتصرفين بمحاضرتي .

رشا: العفو دكتور مافهمت .. اني شسويت .

مهيمن: ليش احسج دائما تقللين من احترامي .

رشا: اعتذر اذا بدر مني تصرف بدون قصد وانت اخذتة بهاي النظرة .

مهيمن :رشا لا تتحديني .بعصبية

رشا: انصدمت من تعصب واول مرة يصيحلي بس رشا .. بالعادة يصيح للطلاب كلهم دكتور ودكتورة

بقيت صافنة بوجهة ستغربت ردة فعلة هذا شبي.

اجة تقرب مني صارت عيونة بعيوني ..

مهيمن: كافي حسي مو شعلتي ابو ابوية ..

رشا: فتحت عيوني اكثر هذا شيحجي عززة ..

مهيمن :ولج لا تباوعيلي بهذني الغضب النازل على راسي .

رشا: طبعا هوة يحجي واني بس صافنة بوجهة .

كمت امتمت كوة طلعت الكلمة مني .

شنو شبيك .

مهيمن: ولج انتي شسويتي بية .. عنادج دوخني .. شماردت اطلعج من بالي تلزكين اكثر ..

من يوم ماشفتج وانتي دخلتي بكلبي .

رشا اني احبج .. لا لا مو احبج اتنفسج ومستعد اجي اتقدملج اليوم قبل باجر بس كليلي رأيج.

رشا: دكتور انت تعرف نفسك شدتحجي ..

مهيمن: اي اعرف شحجي .. واني مو صغير ولا مراهق عمري ٣٥ سنة فاهم الي دسوي ..

رشا :بس دكتور انت متعرف ظروفي شنو ..

مهيمن :اعرف كلشي عنج واعرف حالتكم وبيتكم وين والا ماتجرء واطلب ايدج واني ماعرف شي عنج ..

رشا: بس اني جنت مخطوبة وفسخت ..

مهيمن :اعرف ..وادري جان حب عمرج وعافج بيوم الزفة لان نذل .

رشا: فتحت عيوني ..انت شمدريك .

مهيمن: دكلج سألت .

رشا :بس ...

مهيمن: بدون بس ماريد جوابج هسة .. خليج على راحتج لحد متثقين انو اني مالعب ..

وراح انطيج رقمي حتة تتعرفين علية اكثر.

رشا :دكتور اسمحلي اني مامستعدة ارتبط حاليا ..مصالي هواي لما طلعت من تجربة فاشلة وماريد اكرر الخطأ ..عن اذنك اترخص دكتور .

تعمدت اذكر دكتور حتة لا ينسة مكانتة ووضعنا شنو اني طالبة وهوة استاذ .

مهيمن :انتظري رشا ..

التفتت عليه ..

رشا: نعم دكتور .

مهيمن: فكري بقراري .. ورقمج اكدر اوصلة بس اريد منج اخذة لان كتلج اني لا صغير ولا مراهق ..

اوعدج مازعجج باتصال لو رسايل غير بس اجاوبج على اسألتج عن حياتي ..

رشا :انت ليش مصر لهدرجة هاي اكو غيري هواي .

مهيمن :بس محد عندة مثل عنادج وشخصيتج القوية ..

رشا :بكلبي يالله شوف هذا عبالة اني قوية ميدري بس واحد يكلي بز ابجي .

ماشي افكر واردلك جواب .

بس رجاءا ماريد هذا الموضوع جوابة يأثر على نظرتك الي كطالبة .

مهيمن: اطمني احترم قرارج بس اني متمسك بيج وعندي امل ..

رشا: انشالله افكر هليومين ..

عن اذنك .

مهيمن :الله وياج .

رشا: طلعت لاكتني هند والابتسامة شاكة الحلك .

هند: هابشري شكالج .

رشا: مثل ماتوقعتي انتي .

هند: مو كلتلج هيج مصدكتي .

رشا :بس حتخبل شلون درة انو صهيب حب عمري وعافني بيوم الزفة ..

هند: هاا ماادري عوفي هلسالفة اهم شي شقررتي .

رشا :كتلة افكر

هند: فكري زين حبابة لا تصيرين عوبة .

رشا: انجبي لج اشو اشوفج متوازية اكثر منة .

هند :احب اجمع راسين بالحلال .

رشا :دمشي ام الحلال .

هند: خلصنا محاضرات وطلعنا ..

امشي وافكر بقراري ماعرف اذا انطي فرصة او لا

اذا رفضت راح اظل طول عمري بهذا الحاجز ومراح اتخطة سالفة صهيب..

واذا وافقت راح اكسر قلب صهيب وافرح اهلي وابدي من الصفر ..بس اخاف يطلع اسوء من صهيب

ماريد اتخذ قرار بساعة طيش ..

افكر ونسيت روحي ومشيت بالدرب الي من يم بيت صهيب..

نبهني صوتة من افكاري .

صهيب: مشتاقلج بكد الهوة ليش هيج حرمتيني منج.

رشا :كافي لخاطر الله غلطت وفتت منا.

صهيب :رشا خل نرجع والله تعبني فراكج.

رشا: انت الواحد يتورط يفوت منا كافي عاد العالم شتكول علية وانت موكفني بص الدرب ..

وسالفة نرجع كطنة وشيلها من اذنك ..

اريد اعيش حياتي وانساك كافي تطلعلي بكل مرة

صهيب :تريدين تعيشين حياتج ويا غيري مو هيج قصدج . .. لازم لكيتي حبيب وهيج صار تفكيرج.

رشا :فكرت استفزة اكثر..

هذا الشي ميخصك اكيد.. بس حتة اريحك ومتظل تتسال . اي عندي.. وانشالله عن قريب تسمع الزفة تمر منا .. عن اذنك .

سحبني من ايدي طببني جوة بالطرمة

صهيب: دتعالي هنا

رشا :بطل كل ما تريد تسحبني جوة اني هذا البيت محرم علية دخلتة من يوم مادكيت دكتك الناقصة .

صهيب: مرتي وبكيفي .

رشا: ههههههه لا والله كول والله مرتين حتة اصدك.

لزمني من فكي عصرة ونظرة عيونة كلها شر وصارن حمر.

صهيب: رشا اسمعيني زين كلمة مااثنيها ..انتي الي لو اعرف اكتل شكو واحد يتقدملج ..

وراح اضل وراج لحد مترجعيلي ..

رشا :تحلم ارجعلك انت انتهيت .. بكد مجنت احبك كرهتك واكثر بعد

اصلا زايدة مني اجاوبك المفروض انكر حتة وجودك واعبرك حالك حال الغريب ..

صهيب :دسويها حتة اسحلج من شعرج هذا الي كاعدة تفرفرين بي بنص الشارع .

رشا :ههههه نشوف .

صهيب: رشا لا تتحديني ..

رشا :اووي دوخر عاد

دفعتة وطلعت من البيت ورحت امشي واني اتخذت قرار لازم اوافق على مهيمن حتة اخلص من صهيب هذا مراح يعوفني بحالي .

.....

صهيب ..

بعد ماخذوني الشرطة وفتحو تحقيق اجة ايهاب تنازل عن الدعوة رغم اني شوهت وجهة بس طلع احسن مني واحترم الصداقة والمصيبة الي احنة بيها ....

ثاني يوم طلعت للبيت واني شايل هم جبال على جتفي ..

من ورة ساعة ونسة تدمرت حياتي ..

خسرت حبيبتي ومرتي..

خسرت رضا امي الي من يوم الزفة لهسة متحاجيني ولا يرف كلبها على حالي .. جانت تحب رشا اكثر من خواتي ..

خسرت كلشي حلو بحياتي ..

مرت الاشهر وانيي حالي من البيت للشغل اذب حملي بالشغل جنت اشتغل بورشة تصليج سيارات ..

اصدقائي تركتهم واجة الوكت الي لازم اروح احلل ..

طبيت للمختبر واني ماانسة شكد جنت ادعي بصلاتي الي التزمتها لاجل هذا اليوم .. ربي اني مسني الضر وانت ارحم الراحمين ..

سحبو عينة واني اردد هذا الدعاء ..

كالولي انتظر ساعة برة .

مجانت ساعة جانت عمر اباوع للساعة متمشي اغمض واعصر عيوني في سبيل الهي روحي عن اميال الساعة الي صارت روحي بيها ..

احس روحي واكف على جرف هاوية .. لو اوكع لو احد ينقذني ويكلي سليم مابيك شي ..

مرت الساعة بدمار الاعصاب وحانت لحظة الحقيقة .

كمت كوة على حيلي بخطوات متثاقلة ..

وصلت وانطيتة اسمي وسلمني التحليل واني عيوني على شفتة اريدة ينطق ..

المحلل: سليم مابيك شي .. بس دير بالك المرة جاية..

من سمعت اول كلمة كلبي كام يدك سريع من الفرح سجدت سجدة شكر لله ماخيب ظني وماردني .

ستلمت الورقة واني طاير فرح خابرت ايهاب وبلغتة بس انصدمت من طلع ايهاب بي مرض وعادي حتة زوجتة ..

ياربي لطفك ..

ايهاب: ولك صهيب تدمرت حياتي مرتي عافتني من درت بية عاديها ماكتلها ويا مرة كتلها يم الحلاق واحد زين وزينت وراه وانجرحت ..

بس شنو الفايدة راحت بعد ..

صهيب: بس احمد ربك عندج جهال ٤ شتريد بعد وحاول تصلح حياتك ..

ايهاب :انشالله وبالخير عليك والله فرحتلك لان على كولتك اني متزوج وعندي جهال .. وانت بعدك مشايف شي من الحياة

صهيب :الله يكون بعونك..

ختمتها ويا واني فرحتي تلاشت من سمعت هلخبر..

اووووف ..

بس اجة ببالي شغلة لازم ارجع رشا لحضني ولحبي ..

مستحيل انطيها لغيري ..هاي غزالتي

مرت الايام واني انتظر طيفها يمر من بابنة صرت متحمس للبيت بعد ماجنت كارهة بس صار عندي امل ارجعها من جديد ادري بيها تحبني وحتسامحني ..

بس بيوم جنت رايح للدوام وبص الدرب تذكرت ناسي موبايلي رجعت اجيبة وجان تصير بوجهي ..

صايرة تخبل الفراك حلاها اكثر بس بنت الكلب نازعة الحجاب وطالعة ظفيرتها ..

مجنت اعرف وين رايحة بس من حاجيتها خمنت انو هية بدت تداوم .. كلت باجر اذا نفس الوقت معناها دوام صدك..

واجة ثاني يوم واني انتظر وجتي من بعيد لابسة وردي لونها المفضل بس اوويلي الله كيكة وتمشي ..

متحملت من شفتها تخابر ومبتسمة .. جريتها ومن تسولف اريد اكل شفتها وارتوي بيها ..

بس ضربتني ببطني خلتني اتلوة وهية فلتت بس بسيطة وين تولين من صهيبج ..

ضليت يومية انتظرها ويوم يجر يوم وصار الاسبوع والشهر والشهرين مامليت ابد .. عرفتها غيرت دربها ..

الة بيوم جنت انتظر جيتها .. وشفتهة. . يمة رجعتلي روحي الي جانت مسلوبة وياها ..

شكد مشتاقلها ..اوف يرشا والله احبج ..

بس صدمتني من عرفت اكو غيري بحياتها لو اعرف اكتل وانكتل ماعوفها لو على جثتي ..

بسيطة رشا ..

.....

رشا...

رجعت للبيت سلمت وصعدت كبل مالي نفس اكل ..

بدلت ونمت كبل حتة مامسحت وجهي .. تفكيري تعب جسمي وخلاني نحلانة وخاملة نهار كامل ..

صهيب مخبل واخاف يسوي شي ..تعبت من اذيتة .

لازم الكة حل....

نايمة وحسيت بامي تكعدني ..

ام سامر: كومي يمة اكليلج لكمة شجاج اليوم ..

رشا: مابية يمة بس يمكن راح اتمرض اشو جسمي تعبان ..

ام سامر :بعدوج حبيبتي كومي يلة شوو حتة وجهج ممغسلتة كومي يلة كدامي .

رشا :جاية ماما وراج ..كمت غسلت وجهي الي صاير خريطة من المسكارة والكحل عود اني محاطة هواي.

نزلت تعشيت كوة ابلع احس روحي صدك حتمرض بلاعيمي توجع من ابلع ..

يسولفون واني مو يمهم كملت وكمت غسلت حتة مواعيني عفتها ورجعت لفراشي ...

اجتني رسالة هم رقم غريب. .

مكتوب..شعرج اذا ماغطيتي تندمين ..

شوف هذا البطران على ربة متولي من يمي ..

ناقصتك وناقصة خبالاتك خاف اني مادفكر انوب انت علية ...

ثاني يوم داومت وخلصنة اول محاضرتين واخذنا بريك ... مجان بالي يم احد حتة هند تسولف وياي ماجاوبها لحد ماعافتني لان تدري بشنو مشغولة ..

طبيت لمحاضرة مهيمن .. واني اشوف عيونة تلمع بلهفة .. يريد جوابي لو بيدة يسألني كدام الطلاب ..

خلص المحاضرة وهوة يتلكأ وعيونة علية يمكن على اعصابة كاعد يشرح..

طلع ودز طالبة تصيحني للمكتب ..

هوة هذا الي جنت خايفة منة .. هسة لازم اقرر

ياما اي او لا ماكو ماعرف ومادري

رحت دكيت الباب واجاني صوتة ..

مهيمن: تفضل.

رشا :دخلت واني اسمع دكات كلبي من التوتر هذا مصير حياتي ..

استاذ اني قررت ....

....يتبع ...

تحياتي Aseel.

احبكم..

لاتنسون النجمة ✌🏼✌🏼💘

مرحبا حبايبي ..

قضية طلاق..

بقلم Aseel.

بارت ٩....

..................

طلع ودز طالبة تصيحني للمكتب ..

هوة هذا الي جنت خايفة منة .. هسة لازم اقرر

ياما اي او لا ماكو ماعرف ومادري

رحت دكيت الباب واجاني صوتة ..

مهيمن: تفضل.

رشا :دخلت واني اسمع دكات كلبي من التوتر هذا مصير حياتي ..

كتلة :اني قررت انطيك فرصة ..

بس مو معناها انو وافقت راح احاول اتعرف عليك واذا شفت روحي اكدر ارتبط اكلك موافقة على الزواج.

مهيمن :يعني قصدج تريدين تعرفين حياتي وعيشتي شلون..

رشا :بالضبط لان اني كلشي ماعرف عنك غير انك استاذ ودكتور بجامعتي .. وماكدر ارتبط بشخص ماعرف شي عنة.

مهيمن :واني تحت امرج شتريدين تعرفين اني حاضر .

رشا :انشالله .

مهيمن: انطيني رقمج حتة نتواصل ..

رشا :ماشي سجل يمك .

انطيتة رقمي وترخصت منة بس خوف بداخلي مو طبيعي احس روحي تورطت ..

طلعت ولاكتني هند والابتسامة شاكة حلكها .

انتي شنو سالفتج هواي متأثرة بية .

هند: ولج اموت على قصص الحب ..

رشا: ياحب هذا ولج .. ترة هوة بس كلي رايدج يعني مامتاكدة منة

هند: يااا صدك تحجين ولج انتي متشوفين عيونة ميشوف غيرج من يدخل للقاعة اصلا كلها منتبهة عليه بس انتي ثولة .

رشا: لان كلبي تايب من هلسوالف .

هند :لعد ليش وافقتي تتعرفين عليه..

رشا :لان اريد اخلص من صهيب متدرين هذا صاير خبل بكل مكان طالعلي .

هند: اممممم والله عمي لو هيج الحب لو ماكو .

رشا :اي خوش حب .. سكتي لا تذكريني بالكوة نسيت .

هند :اكلج انتي مو تكولين كل مرة يكول مجبور اعوفج ..ليش ماتحاولين تفتهمين منة شنو السبب.

رشا: لان اكثر من مرة سألتة وماحصلت جواب وكافي عاد ماضل اركض وراه اني هم اريد اعيش حياتي ..

هند: اووف يالله... الله يساعد كلبج .

رشا :الله كريم ...

كملت الدوام وطلعت للبيت اتمشة وهلمرة ماغيرت طريقي ليش اغير طريقي علمودة ..

مشيت ووصلت راس الفرع جان يدك تلفوني باوعت رقم غريب ..

جاوبت ..

الوو..

اجاني صوت ..الو رشا .

رشا: الو نعم تفضل منو وياي .

مهيمن: اني مهيمن هذا رقمي .

رشا: ها العفو استاذ اعذرني بس معرفت صوتك بتلفون.

مهيمن: ستاذ شنو احنة خارج الجامعة كولي بس مهيمن على كولتج حالك من حالي .

رشا :ضحكت . بعدك تذكر .

مهيمن: ليش اكو شي يخصج ينسي ..

رشا: خجلت حيل وكتلة يلة من اوصل اتصل لان هسة بعدني بطريق ..

ماحسيت غير التلفون انسحب من اذني ..

صهيب :لك حيوان تبعد عنها لو اجيك اشوه وجهك.

مهيمن: انت منو وشلون تتجاوز هيج .

صهيب :اني زوجها وطبك الخط ..

رشا: انت منو سمحلك تسوي هيج انت شدخلك فهمني .

صهيب: رص على اسنانة وحجة وهوة ضاغط على اعصابة ..طبي للبيت بسرعة ماريد اعلي صوتي بشارع وتجيج حجاية .

رشا: ماطب وجيب موبايلي واني اعرف شلون اخليك تبتعد عني

صهيب :طبي دكلج .

رشا :ماطب.. وكتلك جيب .. بعدني ممكملة ماحس الة انجريت من ايدي وطببني لبيتهم ..

والقران اذا ماتهدني اصيح وافضحك..ولا كانو احجي طببني بالاستقبال ..

صهيب: شوفي لج سكتتلج هواي بس مال تتمعشكين بالدوام هاي ماسكتلها ابد ..

رشا: كمت اعيط .. وانت شعليك بية .. احب اصادق اطلع شقق انت مالك دخل ..

محسيت غير ضربة على حلكي حسيت شفتي خدرت كمت اتلمس بيها ..رفعت عيوني اباوعلة ..

صهيب: اذا بعد عدتي الي كلتي والقران اخيط حلكج.

رشا: ظلت دموعي تجري من الضربة كلش وجعتني ..

وعلى صوت عياطنة طبت امة ..

ام صهيب: يا يمة شجاك شمسوي بالبنية

رشا :اني منا جنت ابجي وسمعت امة تحجي طكيتها بجية اقوة وياها شهكات مثل الطفل ..

واشوفة كام يروح ويجي ويفرك بوجها ويستغفر ..

وامة حاضنتني وتمسد بشعري وهوة يرجع يباوعلي ويفرك بعصبية ..

رشا: عمة وديني ماكدر بعد ..

ام صهيب: انتظري عمة اهدي وفهميني شصار خما تروحين هيج لاهلج يتخبلون والله ..

رشا: عمة ترضيها يتدخل بكلشي .. كليلة كافي خل يبعد عني مو هوة الي عافني شيريد مني بعد ..

ام صهيب :خل يولي هلمخبل هذا الادبسز.

صهيب: يمة ..

ام صهيب: وغمة اسكت ولك خبلتنة انت شبيك ساعة تكول اريدها وخطباها وساعة بطلت وتصيح ماريدها وهسة لازكلها ترة حتموتني انتة وتعيط ..

رشا :شفت عمة تهسترت كمت اهديها وكامت تملخ بروحها .. .

ولك ارحمني ارحم شيباتي ولك انت وحيدي وهيج امرمرني لو جاية بنية ولا جايني هلولد العاق .. ربي ردتة منك عون طلعلي فرعون ..

صهيب :يمة اهدي افهمي الموضوع ..

ام صهيب: مافهم شي ماريد بعد اسمع كلمة منك ..

كامت وكومتني وياها ..

كومي حبيبة كومي غسلي وعدلي وجهج وردي لاهلج واذا حاجاج بعد كليلي .. اني اعرف دواه ..

رشا: انشالله .. وبكلبي والله لو يذبحني ماكللها اني بس كتلها هيج هية تهسترت تروح تموت المرة .

رحت غسلت وعدلت وجهي وهوة يفتر وامة واكفة يمي تخوزر بي كملت وسلمت عليها وهية ضلت تتعذر وتبجي كسرت كلبي .. بوستها وكتلها .

عمة انتي تبقة معزتج بكلبي لا تتصورين هذا الشي اثر على حبي الج .

ام صهيب :والله مشتاقتلكم ومشتاقة لكعدات امج بس مالي عين اطب بعد سواية ابن بطني .

رشا: لا بالعكس والله امي تحبج ودائما تسولف بيج بس متكدر تجي لان تعرفين صعبة عليها بس والله تتمنة تزوريها ..

ام صهيب: انشالله امرلها عن قريب .

رشا: هلة بيج بأي وقت ... مع السلامة تاخرت حيل ..

طلعت وتذكرت موبايلي ضل يم صهيب رجعت صحت لامة كتلها موبايلي ضل يم صهيب ..

صاحت لصهيب بالثلاث مرات يلة اجة ..

انطانياه وهمس بدون متسمع امة .

صهيب :والله متصيرين لهذا الملطلط ..لو اعرف اسويها دموم ..انتي الي حطي ببالج هذا الشي ..

رشا: فز كلبي من الخوف واحس رجلي كامت ترجف لان جنت قبل اكول بوخة بس حجي بس من شفت نظرة عيونة شلون صايرة نار عرفت ميجذب ويسويها صدك .

اخذت الموبايل وطلعت كبل للبيت .. شفت امي وسهام ديطلعن هستوهن ..

رشا: هلووو

ام سامر وسهام:. . هلو بيج .

رشا: ها خيركم وين .

ام سامر: اليوم مراجعة للدكتورة .

سهام بوجه متعوب وثكلانة :.. والله دموت من الثكل ماتحمل بعد .

رشا :مابيج الله العافية طمنوني عود .

ام سامر: ماشي دطبي ارتاحي ومسوية الغدة احنة تغدينة بقيتي بس انتي لان تاخرتي ..

رشا: صارت لوية ببطني من الخوفة همزين مسألتني وين جنت ..

اي مو عدنة محاضرة اضافية ..

من ورة صهيب حتة صرت استاذة بالجذب ..

طبيت كبل بدلت وماتغديت ماشتهي الخوفة بداخلي بعدها وحلكي خدران .. الله يشل ايدك انشالله مو ايد كرك عبالك .

مددت وتذكرت مهيمن ..ياا عزة نسيتة هسة يضل بالة .

فتحت جهازي وتصلت اول مدك جاوب ..

مهيمن :الو رشا ليش سادة جهازج طمنيني انتي زينة .

رشا :اي مابية شي والله ..

مهيمن:لعد منو هذا الي حجة وياي ..

رشا :هذا صهيب .

مهيمن: منو صهيب هذا .

رشا :هذا خطيبي السابق .

مهيمن: وشجابة بطريقج ..وشلون هيج يحجي وياي ويتعامل وياج بهلاسلوب الهمجي .

رشا: بكلبي والله لو تدري لزكني براشدي بحلكي شجان كلت ..

لا هوة هيج بس حجي ميسوي شي ..

مهيمن :وليش تسمحيلة يتعرضلج ..

رشا :يعني شسوي اروح اكول لاخواني والله يكتلو ويدخلون سجن بسببة .

مهيمن: لعد يضل هيج .

رشا :خل يولي شسويلة .. سد الموضوع .

مهيمن: والله مبين خوش فال اول ماسمعت صوتج كبت عركة ..

رشا :ضحكت بقهر .. هههههه حظي بعد .

مهيمن: احلة حظ هوة وصاحبتة ..

رشا حمحمت: .. احم احم انت وين هسة .

مهيمن: والله طبيت قبل اشوية للبيت بس لحد هسة بملابسي واتصل عليج ومغلق ضل بالي ..

وهسة حروح اسبح وابدل واتغدة .. لان انفتحت نفسي ..

رشا: انت ومنو تتغدة ..

مهيمن :اني وامي وبنتي ..

رشا :بنتك .؟؟

انت متزوج ..

مهيمن: طبعا ...بس جنت متزوج .. وحاليا منفصل وكلمن عايش بطريقة ..

رشا: انصدمت بي طلع متزوج ..

والله ماجنت اعرف بيك متزوج الصراحة فاجأتني .

مهيمن: بس اكيد هذا الشي مراح يغير نظرتج الي لان انتي هم منفصلة وهذا الشي ماغير من حبي الج ..

رشا :سكتت ماجاوبتة لان مجنت متوقعة جوابة ..

يلة بعدين اتصل لان حاليا مشغولة شوية ..

مهيمن انتظري رشا .. شنو زعلتي .

رشا :لا ليش ازعل انت محجيت شي غلط ..

مهيمن: رشا مو قصدي والله .

رشا :مهيمن كتلك مزعلت بس تعبانة ارتاح وبعدين نتواصل .

مهيمن: ماشي اخذي راحتج .الله وياج .

رشا: باي .

سديتة وضليت افكر هذا شلون يشوفني ..

نمت واني افكر بكلامة حسيت على سهام تندسني .

سهام: رشا ...رشاا...ادري ميتة ..رشاا.

رشا: ولج هااااا شتريدين .

سهام: كومي يصيحولج تعالي تعشي كومي ..

رشا :ماريد اريد انام نعسانة .

سهام :ولج كومي شجاج اليوم من الظهر لهسة نايمة ..ولج ب٨ ..

رشا :كتلج ماريد اني من اجوع اكل .

سهام: رشا باعيلي ..

رشا: ها ..

سهام: رشا شصاير وياج .. ليش هيج حالج مكلوب..

رشا :عبالك ماصدكت واحد كلي شبيج كبل كمت ابجي .

سهام: يااا ...رشا شبيج حبيبتي ..

رشا: تعبانة سهام احس روحي ماكدر بعد ..وحضنتها

سهام: احجيلي شبيج...

رشا :سولفتلها على كلشي ..

يتبع ..

اعتذر حبايبي على التقصير .. بس والله دضغط على روحي واكتب لان مالي واهس بسبب منظر الشهداء .والاهالي كل ما اريد اكتب الكة شهيد جديد ..

الله ينصرهم ويحميهم يارب .

#نريد_وطن

#ثورة_اكتوبر

احبكم .. 💘💘

تحياتي Aseel

ملاحظة النت عندي ضعيف كلش هذا البارت نشرتة من ال٣ ولهسة ماينشر بس يحمل ويخرج..

مرحبا حبايبي ..

قضية طلاق ..

بقلم Aseel

بارت ١٠

....................

سهام: رشا باعيلي ..

رشا: ها ..

سهام: رشا شصاير وياج .. ليش هيج حالج مكلوب..

رشا :عبالك ماصدكت واحد كلي شبيج كبل كمت ابجي .

سهام: يااا ...رشا شبيج حبيبتي ..

رشا: تعبانة سهام احس روحي ماكدر بعد ..وحضنتها

سهام: احجيلي شبيج...

رشا :سولفتلها على كلشي ..

سهام :وكل هذا يصير وياج ومتحجيلي .. ليش اني مو اختج .

رشا :مو قصدي هيج بس ماريد أذيكم بهمي .

سهام :لعد شنو فايدة الاخوات اذا ميشيلون هم بعض .. بس تريدين نصيحتي .

انتي تسرعتي من قررتي ترتبطين بمهيمن وفوكاها منفصل .. يعني مافكرتي يجي يوم ويرجع لمرتة ساعتها شنو موقفج ..

رشا :بس هوة متمسك بية .. ماعتقد يرجع .

سهام :وانتي شعرفتي عنة .. مو صهيب شكم سنة انتو سوة وبالتالي سوة بيج هيج ..

رشا :يعني قصدج ارفض طلبة .

سهام :لا ماكلج رفضي بس قصدي لا تثقين بحبة اذا ماسوة شي يثبت كلامة.

رشا: انشالله .. حيرتيني اكثر مما اني حايرة ..

سهام: فكري زين انتي بعدج صغيرة ترة ممجبورة ترتبطين .. كدامج دراستج ومستقبل حلو ..

رشا :ماعرف سهام اني سويت هيج حتة اخلص من صهيب صاير كلش يدخل .

سهام :رشا انتي بعدج تحبي ..

رشا: اجذب عليج اذا اكلج لا .. اصلا اشتاق الة يومية وحبي الة يزيد .. بس اكو حاجز بيناتنة ماعرف شنو احساسي ..

سهام: الله يسهل طريقج وينسيج ..

رشا :عوفج مني انتي شلونج ..شنو مابين ولد لو بنية .

سهام :بين .. راح يجي الي ياخذ مكانج ..

رشا :دحجي شنو .

سهام :طلعن بنات ثنينهن...

رشا: اووي فدوة . وشلون صحتهن.

سهام: الحمد لله وضعهن مستقر بس لازمني راحة وماكو ثكل ..

رشا: اي تحملي ولا تضلين تحوصين كعدي وسكتي

سهام :ولج ماكدر اذا ماتحرك لو اشتغل اتكسر واثكل بالزايد ..

رشا: الله يعديها على خير..

سهام :دكومي يلة غسلي ونزلي حتة اصب العشة ترة ينتظروج .. وامج حاسة بيج شي .

كومي لا تكسرين فرحتنة اليوم .

رشا :ماشي هسة اجي وراج ..

نزلت ونزلت وراها تعشيت ومابينت الي بية اضحك واسولف ..بس مو من كلبي ...

كملت كمت غسلت المواعين وصبيتلهم جاي وصعدت اخابر زهرة مشتاقتلها صارلها كومة ماكو ..

اتصل ومتجاوبني ... هاي شبيها

سديتة وتصلت بهند وكعدنة نسولف سديتة منها وكمت حضرت ملابسي وقريتلي شكم موضوع اضيع وكت ..

ثاني يوم داومت وستمرت حياتي نفس الشي بالدوام مهيمن استاذي وبس واني طالبة ..

ومن نرجع نسولف شوية ويروح وصهيب بعد مشفتة مدري وين حتة شتاقيتلة ..

كملت امتحانات الفاينل .. واجتي العطلة ...

الغريب زهرة مامبينة شكد مااتصل ماجاوب وخالتي من تجي مجيبها ..

مرة كلت لامي خل نروح لان كلبي طك عليها وهية ماكو ممتعودة عليها تغيب عني هلكد..

عاد رحنا اول مسلمت على خالتي كبل صعدت عليها دفرت الباب بس انصدمت بشكلها ..

رشا :زهرة ..

باوعتلي وضليت ارمش ... ولج هاي شصاير بحالج ليش هيج ..

جانت صعفانة ووجها اصفر وجوة عيونها سواد كلش ..وعيونها حمر .. ماكو اي ملامح من زهرة القديمة .

شافتني وغطت راسها وعاطت .. شكو جاية .

ضليت صافنة هاي شكو ..

زهرة شكو احجي شصاير ..

وخرت الحاف من وجها .

زهرة :شكو جاية اطلعي برة ماريد احد منكم جذابين .

رشا :ولج فهميني شبيج .

زهرة :انتي وحدة جذابة .

رشا :غير اعرف شنو السالفة ..

زهرة: انتي جنتي تدرين بعماد يحب وحدة ويريد يخطبها وماكتيلي ..

رشا: لا والله مادري بس فهميني شكو لخاطر الله .

زهرة :.. كامت كعدت وحضنت رجليها وحطت خدها على ركبة رجلها وتسولف..

تذكرين اخر مرة من جيت يمكم بتت .. .

رشا :اي اذكر ..

زهرة :اي بيومها نزلت بليل اطب للتواليت ..

بس ستوقفني صوت من الاستقبال صوت همس ..

رحت تسحبت لان فضولي مو طبيعي ..شفت عماد كاعد يسولف وفاتح كامر ويا وحدة تخبل وحجيهم كلة حب وغزل .. واسمعة شلون يتغزل ..

ماتحملت شهكت وهوة ندار وشافني سدة واجة باتجاهي واني جنت ابجي بسرعة نزلت دموعي. هوة من شاف دموعي حجة..

عماد :شبيج زهرة صاير وياج شي ..

زهرة :ماكو شي .. سكتت ودموعي تجري

عماد :لعد شبيج تبجين ..

زهرة: لا بس ايدي تعورت انضربت بالباب ووجعتني .

سكتنا ثنينا ..

عماد منو هاي حبيبتك لو صاحبتك .

عماد :ههههه صاحبتي شنو ... هاي حبيبتي وانشالله اخطبها عن قريب بس ادعيلي يقبلون اهلها ..

زهرة :ضليت صافنة وساكتة مشاعر متضاربة .. ماعرف شسوي بهيج حالة ..

الله يوفقكم .. عفتة وصعدت فوك ..

رشا: واشوف كعدت الصبح ملكيتج اثاري فالتة من الصبح ..زين اني شعلية .

زهرة: لان انتي اختة واكيد تعرفين هوة يحب وتركتيني اتعلق بي..

ولج ماعرف شسوي نار بصدري ماعرف .. ماعرف .

بس مخنوكة وماكدر اجر النفس كلبي يوجعني..

رشا: والله ماجنت ادري بي .. وبعدين اني شكتلج من البداية مو كتلج ميفيدج اخوية واعرفة يعتبرج اختة ..

زهرة :وهذا هوة طلعتة من كلبي اصلا ميهمني ..

رشا :هااا كولي والله مرتين .. لعد ليش مسوية بروحج هيج ..

زهرة :مالي واهس بالدنيا كلها ..

رشا: لعد اني شكول .. على الاقل انتي لا وعدج بشي ولا كلج احبج وعلقج بي .. انتي من كيفج رحتي وحبيتي ..انتي ثولة .

زهرة :لا تشوفيني ساكتة تكومين تغلطين ترة والله اكوم اجفص ببطنج انتي وهند .

رشا: ههههههه وهند شجابها بالنص ..

زهرة :هيج من الله مارتاحلها واكرها .

رشا :والله البنية فقيرة وتحبج واصلا دائما تسلم عليج

زهرة :ماريد سلامها ..

رشا :دكومي امي تريد تشوفج ..

كومتها كوة ونزلنة وامي كذلك انصدمت بشكلها بس كالتلها بسبب الدراسة وتتعب

رجعت للبيت كبل للعماد ..

رشا: عماااد ... عماد ..

عماد :شكو تصيحين شبيج ..

رشا :..رحت لغرفتة وطبيت وسديت الباب..

عماد :والله ممسوي شي ليش طبكتي الباب.. حبابة لا تكتليني..

رشا: عماد بلا شقة .. انت عندك حبيبة ..

عماد: اي .. ليش .

رشا: وتريد تزوجها مو .

عماد :اي .. بس انتظر اهلها يقبلون حتة احاجي اهلي ..بس انتي شمدريج .

رشا :عماد انت بحياتك ماحسيت بزهرة تحبك .

بانت. علامات الصدمة والتعجب بوجهة.

عماد :شنووو يازهرة بنت عمي ماكو غيرها .

رشا :اي .. اصلا تحبك وبسببك حالتها تبجي الكافر .انت ماكلت ليش بطلت تجي لهنا .. ولك حتة بطلت تسولف وياي عبالها اني ادري بيك وساكتة .

عماد :واني شعلية شمسويلها يعني اني حبيت ماكفرت واقرة كفة ايدي واعرف بيها تحبني ..

واني ماواعدتها بشي .. ولا عبالج من تكولين هيج اغير رأيي ترة قافل على سجى لو للموت اخذها اخذها.

رشا :ياسجى هاي .

عماد :شبيج حبيبتي ..اسمها سجى.

رشا :عماد اني ماريد اخسر زهرة بسببك ..ياريت لو متكوللها هذا الشي ترة هية باقيلها خيط وتتخبل.

عماد :عساس هسة هية صاحية ..

رشا :ترة مااسمحلك ..

عماد :بلله هسة انتي صايحتني علمود هاي السالفة والله عبالي اكو شي

رشا :انت ليش مستهان بهالموضوع ترة زهرة كلش متأذية والله..

عماد :والمطلوب شنو رشا اروح اكلها احبج يلة نتزوج ترة مصايرة هاي ..

رشا: لا ماكلك هيج بس اشوية راعي مشاعرها وحس بالحب من طرف واحد .. وياريت من تجي انت لا تتواجد .. خليها تنساك اشوية .

عماد: ههههه لهدرجة واصلة .

رشا: انت ليش متبطل شقة .

عماد :ههههههه والله صدمتيني .. زهرة تحب وعدها مشاعر ..

رشا :لعد وحد عن البنات ..

عماد :متوخرين من يمي هم حاسبتها من البنات اشو اسبع من عدنان درجال ..

رشا: كتمت ضحكتي لان صدك انطيها بس عرايك ومكافش ولسان ..

بس تبقة بنية ترة ...

عماد :خليها الج ..

رشا :عفتة وطلعت ومر كم يوم مثل القبلة بين شغل ونوم ومهيمن مرات يتصل فمرة كاعدة يم سهام

شفت موبايلي يدك يلمض ضوة لان حاطتة صامت

.. كان المتصل مهيمن ..

طلعت من الغرفة ورحت لغرفتي

رديت.. الوو

مهيمن: رشا اني لعبة عندج .

رشا :خير مهيمن شكو .

مهيمن :انتي ليش وافقتي علية اذا بعدج عندج صلة ويا خطيبج السابق ..

رشا :مافهمت ياصلة تحجي عليها .

مهيمن :رشا اذا تريدين تعوفيني ترة تكدرين تكوليلي ماكو داعي تدزين حبيبج على كولتة .. وتخلي يوصلي السالفة .

رشا: مهيمن فهمني شكو ترة مادعرف على شنو دتحجي ..واصلا خطيبي حاضرتة من كل البرامج ومن اي رقم يدك علية احضرة ..

مهيمن: جنت كاعد واتصل بية ويكلي رشا تكول ماكدر اكمل وياك لان اني رجعت لحبيبي بس مستحية اكلك .. وطلبت مني اوصلك هذا الحجي وياريت تبعد عني .

رشا :وانت بسرعة صدكت مو .. هاي بعدنا بالبداية وياهو الي يجي يكلك رشا سوت رشا كالت تصدكة ..

مهيمن: لعد منو عندة رقمي غيرج .

رشا :صفنت اتذكر من اخذ الموبايل وامة تصيح عليه وتاخر يالله جابة ايا خبيث ..

هاهية تريد تصدك صدك براحتك .. سديتة منة ..

وفتحت الحضر من صهيب .. واتصلت ..

الو صهيب.

صهيب :ياهلا بالعمر والروح .

رشا: صهيب الف مرة اكلك ابعد عني .

جان يحجي ببرود ورومانسية وهذا الشي استفزني اكثر..

صهيب :هههههه شبسرعة لحك يخابرج النثية مالتج ..

رشا :احترم نفسك ولا تتجاوز على انسان محترم ..

صهيب :وشبيج ترجفين عليه .. عبالج اعوفج تصيرين لغيري لا والله .. وراج وراج لحد مارجعج لحضني..

رشا :انت مريض ... والله مو صاحي ..

صهيب :. مريض بحبج .. ليش متخلينا ننسة الي صار وترجعيلي والله متعذب بلياج ..

رشا: ههههه انت تحجي صدك لو تشاقة .. انت تعرف شسويت بية وكسرة كلبي ولجمة روحي .. تحس بوجعي انت تريد ارجع بسهولة وكانما ماكو شي صار .

صهيب :والله من تعرفين ظروفي تسامحيني وتكرهين روحج لان ماوكفي وياي..

رشا: شنو اوكف وياك .. ولك بابا انت طلكتني بيوم زفتنا .. تريد اوكف وياك بشنو بالله .

صهيب :لا تكولين ولك لو اجي اشك حلكج ..

رشا: وانت عفت السالفة كلها وركزت بكلمة ولك ..

بكلبي اووف ياهالسالفة ماينساها ابد .. كل مااكول جملة بيها ولك يعوف الحجي كلة ويجلب بكلمة ولك ..

صهيب :احبج رشا ادري بيج صفنتي تذكرين سوالفنة ..من اكلج لا تكولين ولك .

رشا :شتريد مني صهيب ..

صهيب: اريدج رشا انتي الي ومتصيرين لغيري والله .

رشا :لا تحلف.. لا تحلف على شي ميصير.

صهيب :رشا مشتاقلج بكد الهوة الي اتفستة بحياتي ماعدة مرات انشل وماكو هوة هذا ممحسوب

رشا: ضحكت بس حطيت ايدي على حلكي ..

صهيب :اروح فدوة لضحكتج ..

رشا: بس اني ماضحكت ..

صهيب :بس احس بيج ضحكتي .

رشا :احب اكلك احساسك غلط .. ويلة باي وبعد لا تتدخل بحياتي ترة اوصلها لاخواني وتصير طلايب .

صهيب :والله لو توصليها للبرلمان هم وراج وراج ..

رشا ماشي نشوف .. وسديتة بوجها ..

يتبع ..

تحياتي Aseel

احبكم ..💘💘💘

دوسو النجمة لا تنسون

مرحبا حبايبي ..

قضية طلاق .

بقلم Aseel

بارت ١١

.........

رشا : احساس بداخلي مو طبيعي بين الفرح وبين الحزن .. فرحت لان سمعت صوتة لصهيب ..وحزن لان صعب ننجمع بعد.

ليش مااكدر اكرهة انوب احبة اكثر ..

ربي نسي الي والله مالي حيل ابد ..

مر كم يوم ومهيمن يتصل وماجاوب ابد لان مالي خلكة من هسة يصدك بغيري ..

بهذني الايام عماد كام يحاول يقنع بامي حتة تخطبلة حبيبتة الظاهر اهلها قبلو ..

يومية نفس الحوار ينعاد بين امي وعماد ..

عماد: يمة لخاطر الله بس كليلي ليش

ام سامر :كتلك اكثر من مرة بنية لا نعرفها ولا عدها ساس من راس شلون اخطبها الك انت تخبلت .

عماد :يمة شنو ماعدها ساس عدها امها وزوج امها واخوانها وعمام وخوال شنو الي يمنع هذا الشي ..

ام سامر:البنية مو راحة ابني افهم مبينة من شكلها مو راحة ..

عماد:يمة انتي شعرفتي عنها حتة تكولين مو راحة ..

ام سامر:انت بلسانك كلت نطلع ونطب سوة يعني اكو اهل ميسألون بنتهم وين رايحة ووين جاية .

عماد:اوووف يمة الف مرة كتلج همة عائلة متحررة .. هسة شنو المانع اخطبها واني مااتزوج هسة الة اكون روحي ..وفترة خطوبة اذا ماعجبتج افصخ .

ام سامر:اي واني طفلة نونو حتة تقشمرني بهلحجي ..

عماد:يعني ليش بس اني مو سامر اخذ الي يحبها ورشا انطيتوها للي تحبة ..من جيتو ليمي كمتو دورون غريب وقريب

ام سامر :اولا سامر مااخذ غريبة بنت عمنا ونعرفها من الصغر ..

ورشا الي حبتة جوارينة وبعمرها ما طلعت وطبت ويا ..حتة بالخطوبة ..

عماد:اي وتالي شسوة بيها مو عافها هذا الجوارين .

ام سامر :هسة انت شتريد تقارن روحك بخوانك ..

ماما لا تعاندي تتندم والله البنية مو راحة مارتاحيتلها مبينة تتنعوص .

عماد :يمة هية صوتها هيج بتلفون والله عادية .

ام سامر:اني معلية روح شوف ابوك من يجي اني امشي بشورة بس من هسة اكلك اني مراضية حتة لو طبت بيتي ..

عماد:انطيها فرصة لا تحكمين بالشكل ..

ام سامر :انشالله الله كريم .

.رشا : ابوية وافق يروح يخطبها وراحو وسألو عليها جانو جديد كاعدين بمنطقتهم ..فراحو لمنطقتهم القديمة الناس جانو يحجون انو زوج امها راعي مشاكل وسكير بس ابوية كال اهم شي عندي البنية شعلينا بزوج امها ..

تمت الخطبة ومشية الزلم .وعقدو سيد ..

جان بيومها الجو كئيب ولا عبالك عدنة خطوبة امي مراضية من ورة خشمها تهلهل لان ابنها مهما يكون بس مراضية على العروس ..

واني مقهورة على زهرة الي حالتها تنتكس يوم بعد يوم .. ومن يوم ماعرفت بالخطبة هية اختفت ..

لبست فستان عادي ورحنا لبيت العروس .. جانت ويانا بنات هواي ونسوان عمامي وخوالي .. وبناتهم .

طبينا وتم كلشي وعلت صوت الهلاهل .. بس لي خبلني بناتهم كلة لبس ملزك على الجسم وتاتو ونفخ وشد وعدسات .. عبالك كويتيات من التجميل .

خو العروس كلة صناعي .. الفلر والرموش والعدسات ونافخة خدودها ونحت خشمها

وذبت لحم بالخطوبة عبالك ممصدكة حتة نسوانة انتقدنها لان احنة ماعدنة هيج صح العروس تركص بس مو لهدرجة من عقدو لهسة هية ماكعدت بس تركص ..

طب عماد فدوة لطولة شكد طالع يخبل لابس قاط نيلي ولون عيونة السمائي بارز ويا قميصة السمائي ..

احلة منها ..مو لان اخوية بس صدك احلة منها ..

لبسها الحلقة بس.... لان ورة المحكمة يشترون الذهب .

بس شنو غير تخجل كومنة ويركص وياهن وهوة كام يصب عرك خجل حيل مسويات دائرة عليه ويركصن وهوة وسجى بالنص وكلساع وحدة مايلة عليه تهز بجتفها ..

يعني حسيت روحي بملهى والله.

حتة لعبت نفسي شهلخفة .

سهام صافنة وامي صافنة على حظها .

ونسوان عمامي وخوالي كلمن اخذلة شريك ويسولف بيهن .. يعني مهزلة حيل. .

والاضرب جتي الام لابسة بنطلون فيزون وبدي ربع ردان للكمر لون احمر وهية فيلة والشعر اصفر صارخ وتجميل ..

بحيث ردت ابجي على حظ اخوية شوكعة بعائلة كاولية..

وتركص الاماية عبالك عرس ابنها وامي سودة علية وصلت الدمعة بطرف عيونها من القهر ..

شاورتها .

يمة يلة خل نروح خاف سهام تعبت ..

ام سامر :يلة يمة حاجي اخوج خل يفكها عاد .

رشا:ماشي .. رحت عليه كوة وصلتلة ..

عمااد ... عمادد ..

عماد :ها رشاوي ..

رشا :يلة حبيبي امي تريد تروح سهام حيل تعبت وهية هم تعبت .

عماد:يلة ماشي تحضرو ..

عاد طلع قبلنة واحنة لبسنة وطلعنة وراه ولكينة ابوية راجع باقي بس سامر برة ..

رحنا للبيت وامي طبت تلطم ..

ام سامر:ولك ماخذلي وحدة كاولية ابن الزفرة ..من تالي عمري النسوان تتبسبس على ابني .

عماد:يمة شبيج ترة كتلج عائلة ماحررة يعني مابيها شي واني علية بالبنية من تجي اعلمها على طبعنا .

ام سامر :ولك اسكت اسكت انت شفت امها ولك منين جبتلي هاي المصيبة كتلك مو راحة عاندتني ..

ابو سامر :اهدي اشوية لا تكسرين فرحتة خلي براحتة هاي حياتة وهوة حر بيها الي علينة نصحناه وماسمع .

رشا:ماما ارتاحي لا يرتفع ضغطج فدوة لخاطري.

ام سامر :ولكم ماتحسون بناري يمة الحكيني ..

رشا :عماد روح من يمها حبيبي خل ترتاح .

عماد :بس عماد حب وبس عماد خطب يعني ليش هيج تفرقون ..

عافنة وطلع .

رشا:يمة اهدي حبابة .

ام سامر :ولج يمة انفضحنة بسبب اخوج ..

رشا :بابا هديها والله حتموت ..

ابو سامر:شهدي انتي شفتي زوج امها عبالك مجرم ...

وكل حجية بالفلوس عبالة احنة زناكين .

هيج اريد وهلكد مهر ولج يريد ٥٠ ب٥٠..

امي شهكت ولطمت على صدرها ..

ام سامر: وانشالله قبلت دهج بالشارع والله .

ابو سامر :شقبل منيلي اني هلكد .. كوة نزلناه ل١٠ ب١٥ ..

ولج عجيب بشر ماحترم حتة شيخهم يكلة اني بنتي هواي يجوها ومانطيها لان كلهم حفاي ..

بربج هاي حجاية تنحجي بنص الزلم ..

بس واحد الظاهر الة هيبة عندة كلة كافي لي يامرون بي احنة نشتري رجال متهمنة فلوس ..

بس هوة كام يفور وحتة صار وجها اسود من الاعصاب ومايكدر يحجي .

واخر شي اتفقنة على ١٠ ب١٥ .

ام سامر :يمة منين جتنا هلبلوة .

رشا: يابة كتلك هديها مو خبلها ..حروح اسويلج نومي بصرة هدي اعصابج بي..

ابو سامر:اني هم سويلي هذا فور دمي رجل امها .

رشا:رحت بدلت عسريع وسويتلهم نومي بصرة وانطيتة الهم..وصعدت لعماد اشوفة .

اسمعة يخابر بيها عفتة وكلت بعدين احاجي ..

سويت عشة ومحد اكل سهام كالت مابية اتعشة بعدين اكل وامي وابوية مقهورين ماتعشو سودة علية ..

وعماد عود زعلان ميريد .. وسامر طالع ..

سويتة وغطيتة لان ماشتهي اكل وحدي.

رحت مددت ارتاح شوية جان يدك تلفوني بدون ماانتبه جاوبت ..

الو ..

صهيب: واخيرا رديتي .

رفعت التلفون اشوف الاسم طلع صهيب يبوو على الورطة ناسية احضرة .

نعم تفضل رايد شي.

صهيب :رايدج رشا .

رشا:وبعدين انت وياك .

صهيب :رشا اريد احجيلج كلشي وياريت تفهميني ..

رشا:ماريد اسمع منك شي اكثر من مرة انطيتك فرصة وكتلك احجي وماجاوبت ضاعت فرصتك .

صهيب:احبج بعدني ومافرط بيج .ابد.

رشا:لا الظاهر صحيت من شفتني عشت حياتي واكو غيرك .

صهيب :اشك حلكج اذا تكولين غيرك والله اروح اكتلة الج وانتي تشيلين ذنبي.

رشا:واني شكو بيك احد كلك ادخل بية ..

صهيب:ادخل وغصبن عليج لا تنسين انتي مرتي .

رشا:جنت مرتك مو هسة .. حاليا مايربطني بيك شي .

غير ماضي وذكريات ونسيتها وطلعتك كلك من كلبي

صهيب:حلفي بداعتي انو انتي نسيتيني ..

رشا: هسة انت متصل حتة تريد ترجعني يعني ..

صهيب : احلفي وبس.

رشا :مااحلف لان ميهمني تصدك اولا ..

واني صوجي فتحت خط عبالي مهيمن لو ادري انت فلا اجاوب .

صهيب:انجبي انعل ابوج لابو اذا جبتيةاسمة كدامي بعد والقران اجي اسحلج من بيتكم واشوف رجال يطلعلي ..

رشا :لا تتجاوز زين وغصبن عليك اكو رجال .

وصوجي احجي ويا واحد مثلك .وطبكتة ..

فور دمي خاف اني منا جنت هادية ..

رحت سبحت احس جسمي بوخة بي ..ضليت تقريبا جوة الدوش بالساعة ابجي  . ودموعي تختلط ويا المي ..

ماردت اطلع ابد..

كملت احس روحي فرغت كل دموعي وفرغت شكو شي بكلبي طلعتة ..

طلعت لبست تراك نوم ونمت مرتاحة ..

الصبح كعدت على صوت موبايلي جان مهيمن يتصل ..

رديت .

الو

مهيمن :صباح الخير حبيبتي .

رشا :هلو صباح النور .

مهيمن :واخيرا رديتي ليش هيج زعلج ثكيل علية .

رشا:مجنت اريد احجي وياك وانت بعدك تفكر بالسالفة كلت اخليك ترتاح وتطلع الموضوع من راسك يلة ارد.

مهيمن :والله متندم لان شكيت بيج بس عقل مضل براسي .

عوفينا من الموضوع سدي ..

رشا: ماشي .

مهيمن : شلونج انتي .

رشا :زينة الحمد لله انت شلونك .

مهيمن :والله مشتاقلج وعطشان على شوفتج ..

رشا :مابقة شي للدوام وتشوفني ..

مهيمن :ومنو كلج اكدر اتحمل ..

رشا :يعني شنو .

مهيمن:يعني افتحي بردة غرفتج وتعرفين .

رشا :فتحت البردة واشوفة واكف كبالي ابتسمت لا اراديا ..

هاي شنو شجابك .

مهيمن:مو اكلج مشتاقلج .. وتدرين شغلة جنت حالف اذا اتصلت ومارديتي اطب للبيت واصيحلج ..وشيصير خل يصير.

رشا:انت مخبل والله تسويها .

مهيمن :متدرين شكد احبج ..

اتمنة يجي اليوم الي اسمع هلكلمة منج بس كون من كلبج ..

رشا:هههههه انشالله بس ماوعدك .

مهيمن ادري بيج حقيرة وكلبج اسود من زعلتج هاي عرفتج .

رشا:وشعرفت يمة ..

مهيمن:عرفتج راسج يابس ومن تقفلين دماغج بعد محد يفتحة لو يجي الحمزة .

رشا:ههههههه اويلي .. هيج ماخذ عني فكرة .

مهيمن:ولج سبوعين انتي ماكو عقل مضل براسي .

رشا :هههههه لا هاهية منا وهيج اجاوب.

يلة اني اروح .

مهيمن :اخذي راحتج ومن تكملين دكي علية مشتاق لصوتج حيل ..

رشا :انشالله وانت ارجع لحد يشوفك عيب .

مهيمن :من عيوني .. احبج

رشا:باي ..

مهيمن:دكولي اني هم حتة لو على غير سالفة..

رشا:من يجي وكتها تسمعها مني .

مهيمن :اووف..... انشالله .. ديري بالج على روحج..باي

رشا :انشالله وانت هم باي .

سديتة ونزلت اسوي ريوك لامي وشفت العشة على حطيتة محد ماكل ذبيتة بالزبل همزين مسوية شوية

كعدت امي وابوية جان طالع ..

سوينا ريوك ونزلت سهام كوة تمشي جنها بطريق ..

عماد مقبل يكعد عود زعلان بعد عيني هوة ابو الراهي ..

نزل سامر وتريكنا وامي بغير وادي ..

شكد انقهر من اشوفها صافنة ومقهورة ..

يمة جايج برد ..

ام سامر :ها يمة اي اي هسة اشربة .

رشا:يمة لخاطري كافي لا تسوين بروحج هيج ختولي ..

والله ماعندي غيرج وين اروح اذا صار بيج شي .

ام سامر: يمة شبيدي اني والله مو بيدي لازم انقهر كل مااذكر الاشكال الي شفتها البارحة ..

رشا:يمة شسويلهن خل يولن ميجن لتراب نعالج ..

اهم شي صحتج تنقهرين علمود هيج شكول ..

جرت حسرة واحسها جرت روحها وياها ......

ام سامر :انشالله انشالله.

رشا:كملنا ريوك وكمت اكمل شغل وسهام متكدر اذا ماتنفخ راسها وياي ..

ولج بابا ارتاحي اني اكمل هوة شعدنة احنة .

سهام :ولج والله ماكدر اذا مااشتغل .

رشا:اي مو موزين عليج انتي تتعبين .

سهام :شسوي يعني اضل كاعدة اطك واموت ..

رشا:روحي ثرمي زلاطة .. المهم اشتغلي وانتي كاعدة .

سهام :اووف شوكت اجيب وارجع اشتغل والله تكسرت من الكعدة .

رشا:هههههه غيرج يتمناها والله .

سهام :اي غيري مو اني .

رشا:دروحي دروحي .

راحت وبديت اكمل شغل ...كملت وسبحت لان حار الجو وشهر السادس موت ..

رحت مددت بالغرفة والله ضوجة تعلمت على الدوام

ماحس الة عياط سهام وامي ...

نزلت اتعثر من الدرج جان اشوف ..

يتبع .....

طبعا جدا اعتذر بس اقسم بالله البارت حاضر من قبل لا يقطع النت ومن ردت انشرة انقطع النت وهليام كلها الواتباد ميفتح عندي ..

ماعرف اذا بس اني لو انتو هم .. اتمنة تعذروني .

ملاحظة صغيرة هذا البارت دست نشر من ال٧ .. ماعرف شوكت حينشر ولحد هسة اعيد النشر وماكو

تحياتي Aseel.

لا تنسو التصويت

احبكم 💘💘