تحميل رواية «قضية نسب» PDF

ن

-دا منظر عبايه تنزلي بيها ي عاليه !

كشرت *مالها ي أمين مانا ف البيت يعني مخرجتش

ـ والله ! انتي شايفه انك ف البيت ومش شايفه أحمد اخويا

*مهو زى اخوياي امين

مسح وشه بغيظ ـ انا مش هتكلم كتير لو شوفتك بعبايه ضيقه زى دى تاني ههينك في وسط الناس ومش ههتم

سيبته ودخلت اوضتي وعيطت بعد شويه سمعت صوت قفل باب الشقه

ف مسكت الفون وانا بعيط وكلمت ماما

اول ما سمعت صوتي

"مالك ي حببتي ليه صوتك بيعيط كدا

حكتلها اللي حصل

"ي عبيطه الغيره حب

*لا ي ماما دا اتجنن احمد اخوه ايه اللي عامله حساب دا عنده 18سنه

"والله انتي اللي خايبه اسمعي كلام جوزك ي عاليه

*لا ي ماما انا هلم هدومي وجايه عندك

"ايه ها مهو ي بنتي انتي عارفه أن فارس اخوكي قاعد معايا وانتي مبتتفقيش مع مرات اخوكي خالص

*يعني ايه ي ماما مليش مكان عندك دا بيت ابويا

اتنهدت وبعدها اتكلمت بتعب " لا ي عاليه ليكي تعالي واتخانقى مع مرات اخوكي وخليها تتطلق وتخرب بيتنا

عيطت اكتر وحطيت الفون جمبي

بعد شويه سمعت جرس البيت بيرن مسحت وشي وقومت فتحت لقيت احمد ادامي

=ماما عوزاكي تحت ي عاليه

*حاضر ي احمد انزل وانا جايه وراك

قرب شويه مني = مالك ي لولو باين عليكي معيطه كدا ليه

انتبهت ليه واتضايقت وبعدت *مفيش ي احمد اتفضل انزل وانا جايه وراك

نزل وانا قفلت الباب

وغسلت وشي ولبست إسدال لونه اسود وبصيت ف المرايه لقيت فعلا شكلي معيط وزعلان ف حطيت كحل بسيط ونزلت لقيت حماتي وأحمد قاعدين اول ما دخلت

احمد ابتسم = اهو القمر نزلك مخصوص اهو

ابتسمت وقعدت جمب حماتي

حماتي ضحكت •بس ي واد يا بكاش روح ساعد اخوك ف الورشه

جوزى عنده ورشة نجاره وارثها من والده وأحمد بيساعده ف الشغل

•تعالي ي بت جمبي هنا

قربت منها

•الواد امين مزعلك ي غاليه ؟

*ليه بتقولي كدا

•عرفاه مدب زى أبوه الله يرحمه يالا متجوزش عليه غير الرحمه

ضحكت

•صدقيني هو صحيح مدب بس بيحبك والله ي عاليه ي بنتي

تصدقي وتأمني بالله

*لا اله الا الله

•انا ف الاول مكنتش موافقه علي جوازك من ابني بس مع العشره وانك متحمله مشكله امين ف الخلفه وبتجري معاه عند الدكاتره خلتك اغلي عندى من بنتي اللي مسافره

حضنتها وانا بحاول انسى كلام امين و زعلي منه

•قومي قومي نحضر الغدا انهارده هنعمل ورق العنب مع طاجن باميه زى ما بتحبي بالظبط سيبك من الرجاله وحوارتهم

*تسلميلي يا ماما

ف الورشه عند امين

ـ اتاخرت ليه يا احمد كل دا بتاكل لقمه؟

=ابدا ي سيدى محبتش اسيب الحجه لوحدها استنيت عاليه عقبال ما نزلت

الدم علي ف عروقي ومسكته من هدومه بغيظ

ـ اما اقولك عندنا شغل متأخر منسيبنيش وتقعد مع امك فاهم

بصلي باستغراب =مالك ي امين وماسكنى كدا ليه انا متاخرتش للدرجه

ـ اقول ايه مانت علي قلبك مراوح مش همك الزباين مانت بتاكل ف مالي

=كتر خيرك ي اخويا ،انا هروح اشوف الشغل

قعدت علي الكرسي وانا ماسك دماغي من الصداع

عدا اليوم وأحمد بيخلص الشغل ومبيكلمنيش

روحت البيت لقيت عاليه نايمه نمت جمبها بدون كلام

تاني يوم صحيت بدري صبحت علي امي وطلبت منها تصحى احمد ويجيلي علي الورشه

روحت الورشه وعدا ساعتين وتلاته واحمد مجاش

اتصلت ب عاليه وامي محدش رد

اتصلت ب احمد لقيت فونه مقفول

قلقت وقفلت الورشه وروحت البيت لقيت...

روحت البيت لقيت امي قاعده تصلي دورت علي عاليه ف المطبخ ملقتهاش طلعت وانا متوتر وبدور ف الأوض ع عاليه وأحمد

وقتها والدتي سلمت من الصلاه

*فين عاليه ياما

•وعليكم السلام ي ابني

*يما متفوريش دمي فين احمد وعاليه

• احمد نايم ف اوضته وعاليه بتأكل الحمام فوق

قعدت ع الكنبه بتعب محدش حاسس بالنار الي جوايا معداش دقيقتين وعاليه نزلت من فوق

لقيتها مبتسمه ولابسه دريس جميل مع أنه محتشم بس جميل عليها حاولت اتحكم ف نفسي ومزعقش

ف رفعت عيني ليها بتعب ـ عايز قرص مسكن ي عاليه

*عيني حاضر

وقتها احمد صحي واول ما شافني اتخض =والله ظابط المنبه بس معرفش مين قفله وراحت عليا نومه

ردت امي •انا اللي قفلت المنبه ي حبيبي طول الليل شغال يىحبة عيني ولازم ترتاح

بصيتلهم الاتنين وسكتت

وعاليه جابت قرص المسكن اخدته

من أيدها

*انت كويس يا امين ؟

اتكلمت بصوت هادى ـ هو انتي ليه حلوة كدا ؟

ابتسمت *اول مره تعرف اني حلوة يا امين

حسيت صوتي اتخنق بس تداركت نفسي

ـ ياريتك مش جميله كدا

*ها

ـ لا ولا حاجه انا ماشي

بصيت لوالدتي

ـ انا هرجع الورشه ياما لو مش محتجاني ف حاجه

•مستغناش عنك يا ضنايا بس عيزاك تأكل معايا وبعدها عيزاك ف كلمتين

ـ أؤمريني يما

•بعد الاكل

اكلنا وعاليه عملت الشاي

•تعالي معايا اوضتي

جزيت راسي بإيجاب بس نقلت عيني ل عاليه ـ اطلعي ي عاليه اكويلي القميص الاسود

*انا كوياه ي امين

ـ طب اكويلي القميص الابيض معلش

طلعت شقتنا ف بصيت لاحمد

ـ روح ي احمد افتح الورشه وتمم علي الشغل وانا هحصلك

=حاضر ي امين

امي بصتلي بعتاب •مانتش عاجبني ي ابن بطني

ـ ليه بس ي حجه

•عشان حفظاك ،مخلفاك بقا مهما حاولت تخبي وتتعصب علي الكل تيجي لحدى وقلبي يعرف اللي جواك من غير كلام

دموعي غلبتني واترميت ف حضنها

ـ تعبت اوووى ياما تعبت اوى واتكسرت الدكتور الجديد قالي اني عمري ما هخلف

طبطبت عليا وشددت علي حضني

• انت يا حبيبي متابع مع دكتور كويس ، ليه روحت عند حد تاني

ـ حسين صاحبي خدني ليه دكتور مشهور اوى ف المشكله بتاعتي

• لاحول ولا قوة الا بالله وهو مين الدكتور عشان يقولك كدا دا حم..ار مش دكتور

كله بايد ربنا ي ابني

ـ انا بقيت بغير من احمد ي أما بكرا يتجوز ويخلف وانا هفضل مليش خلف ،

•ي حبيبي متوجعش قلبي عليك ،انت طول عمرك بتحب احمد دا زى ابنك ايه بس الشيطان اللي دخل بينكم دا

ـ حاسس ان عاليه هتسبني اول ما تعرف احنا ماشيين علي امل فجأه كل دا انتهي

انا عقيم ي أما

•لا متقولش كدا عاليه اصيله وبنت حلال

ـ انا تعبان اوى كل ما اشوفها قلبي بيوجعني ،والشي..طان مش سايبني كل دقيقه كابوس وكل شويه اتخيل انها ..

أنها تسيبنى لما تعرف انها عمرها ما هتبقي ام

• عاليه بتحبك والله ي امين ومتستاهلش منك كدا اوعي تظن فيها ظن سوء

وقتها سمعت صوت حاجه اترزعت ف الأرض

ـ انا هطلع اشوف عاليه

طلعت لقيتها واقعه ع الأرض والمكواه مرميه جمبها عدلتها وحاولت افوق عاليه بعد محاولات كتير فاقت بس كانت تعبانه فضلت طول اليوم معاها فوق لأنها كانت دايخه وتعبانه

ـ انا مش مطمن لازم نروح للدكتور ي عاليه

*دلوقتي خايف عاليا مانت مزعقلي امبارح

ـ كدا ي عاليه بتتدلعي عشان تعرفي غلاوتك

ابتسمت * لا والله انا تعبانه بجد معرفش ايه حصلي بكويلك القميص المكواه وقعت مني ومحستش بنفسي انا كمان

بوست رأسها ـ طب تعالي أما اخدك امشيكِ ع الكورنيش شويه

*حبيبي ي امين والله ما في اطيب منك

قومنا وساعدتها ف اللبس وخرجنا اتمشينا وجبتلها ايس كريم ومبسوطين بس معداش ربع ساعه وجابت كل اللي أكلته ووشه بقا اصفر من التعب مستنتش اكتر من كدا واخدتها للمستشفي و....

كنتي استنيتي شويه كمان وفضلتي معايا

دا انا قولت دا بدرى عليك ي فراق وعليكي ي نهايه

أمام ورشة أمين

~مالك ي احمد وشك مش عجبني

= مخنوق عشان اخويا انت مشوفتوش كان تعبان ووشه مخطوف  إذاى

~ميصعبش عليك غالي ي ابو حميد ،جمد قلبك اومال الحلو فاضله تكه وهيسيبلك الورشه وتبقي انت المعلم

= ايوا بس احنا متفقناش  تشككه فيا ،دا ممكن يقتلني

~توء توء يقتلك ايه بس كل الموضوع أنه هيطلق عاليه ونفسيته هتتعب

شويه عشان تاخد الورشه وتعيش ملك

كمل وهو بيبتسم بشر ~ وانا اخد عاليه حب عمري اللي اخوك خطفها مني

بصتله بتعب = ماشي بس متقربلهاش غير أما  امين يطلقها

~يبقي تسمع الكلام ي احمد و تجمد قلبك شويه وبعدين حوار اني اشكك امين فيك دا من ضمن اللعبه

مع الحبوب اللي بتحطهاله هتخليه يستوى علي نار هاديه

بلعت ريقي بخوف = انت متاكد ان الحبوب دي مش خطر علي امين

~ي بني بقا الصيدلي مأكدلي كلها حبة تعب اعصاب وصداع عشان يكون عصبي

= ي نهار اسود انت عايز تجننه

بصلي ومردش ومسح أسنانه بلسانه وردد بصوت هامس~ أعز مع علي قلبي ي صاحب عمري

مسكت ف هدومه بغيظ = حسين انت كدا بتخِل بالاتفاق

بَعد ايدى عنه بقرف ~اتفاق ايه  يالا هو احنا بنشق طريق اسكندريه ي حبيبي ، انت جيتلي تستنجد بيا وقولتلي انا تحت امرك يبقي ملكش دعوه بقا تسمع الكلام وبس ي شاطر فاهم ولا ادفنك مكانك  فاهم يا شاطر

مشي وسابني وانا قعدت بتعب علي الكرسي

أمين ميستاهلش مني كدا بس انا كمان نفسي اعيش العيشه اللي بتمناها

ف وقتها شيطاني غلبني أو نفسي برضه وطلعت من جيبي سجاره وشربتها ونسيت ضميري واي حاجه ممكن توقفني عن اللي بدأته وقتها جه زبون يستلم شغله

°اومال فين الاسطى امين ؟

رديت وانا بضحك =راح السيما

بصلي باستغراب °مالك ي احمد انت مش مظبوط ليه

=انا انا فله انا المعلم

° وماله ي عم ربنا يفتح عليك انا هعدى علي امين بكرا الفلوس

=توء توء هات الفلوس دلوقت والا مش هتاخد حاجتك

°جرا ايه ي احمد في أي هو انا اول مره اشتغل معاكم وكدا كدا بسلم الفلوس لامين مش ليك

مسكت فيه واتخانقنا ولاني مش حاسس بنفسي اتضربت وطلعنا علي قسم الشرطه

ف نفس الوقت كان امين واقف ف المستشفي جمب  سرير عاليه اللي مركبه محلول ونايمه وباين عليها التعب

ـ انا عايز افهم مراتي عندها ايه

الدكتور بعمليه : حضرتك أهدى احنا عملنا تحاليل وشويه وهتظهر متقلقش وهي كويسه متقلقش ضغطها نازل شويه

مسك أيدها وباسها وهو واقف متوتر

عدا ربع ساعه وقتها الممرضه جابت نتيجة التحاليل للدكتور بس فون امين رن ف نفس الوقت باسم 'احمد اخويا ' عمل الفون صامت وبص للدكتور ـ ها ي دكتور طمني

:ثواني ي استاذ

وقفت استني وانا مرعوب ع عاليه بس فوني مبطلش رن من احمد

رديت عليه

= الحقني ي امين

مكنتش سامع كويس صوته ف خرجت برا الغرفه وعرفت منه أنه ف القسم غمضت عيني بضيق واتصلت علي والدتي تيجي تقعد مع عاليه علي ما اشوف احمد

دخلت غرفة عاليه لقيتها صاحيه ومبتسمه والدكتور واقف معاها

ـ ها ي دكتور طمني

: ولا حاجه المدام كويسه اهتم بأكلها وانا هكتبلها حاجه تظبط الضغط وتوقف القيئ بعد اذنكم والف مبروك

انتبهت وبصتله بس عاليه شدت ايدي ناحيتها

*انا كويسه متقلقش

بوست رأسها ـ اومال اقلق علي مين بس ،انا كلمت أمى وجايه عشان تفضل معاكي علي ما اشوف احمد

'*ماله احمد

حكتلها اللي حصل

*طب روح انا كويسه وهستني ماما متقلقش مش هتحرك

ـ علي عيني اسيبك والله بس الواد بيعيط حرفيا

*ولا يهمك خير باذن الله

خرج احمد وعاليه ابتسمت وحضنت بطنها بسعاده وهي مقرره خبر زى دا مينفعش يتقال كدا ف المستشفي ولا من الدكتور ابدا لازم تقوله ف بيتهم وتفرحه عيونها دمعت من الفرحه والشكر لله يامانت كريم يارب قادر علي كل شئ وقتها جت حماتها

عاليه كان نفسها تقول حماتها بس حبت تفرح زوجها الاول هو أهم حد يعرف ولازم يكون قبل اي حد

..ف قسم الشرطه امين خلص حوار احمد واتصالح مع الراجل ورضاه واخد احمد علي المستشفي عشان يعالج الجرح اللي ف وش احمد

وروحت غرفة عاليه اطمن عليها ملقتهاش اتصلت بيها لقيتها روحت البيت هي ووالدتي

واحنا ف الطريق للبيت

ـ عجبك كدا ي احمد وانا اللي بقول عليك راجل واد المسؤوليه

= هو اللي راجل قليل الادب

ـ مش عايز اسمع صوتك  , مش هو غريب عني اهو انا مصدقه ومش مصدقك

= بقا كدا ي امين

ـ اه ي احمد انت بقيت واحد انا معرفوش مش أحمد اخويا ابدا فيك حاجه وهعرفها لو بعد ايه

= ي عم انا وحش سيبني ف حالي

ـ فعلا وعشان كدا متنزلش معايا الشغل لحد ما الناس تنسى الخناقه الزفت اللي عملتها ف وسط الشارع دي

اتكلم بصوت هادى =يعني بتطردني من الجنه ي اخويا

ـ بتقول ايه يالا

=ولا حاجه

روحنا البيت لقيت والدتي بتقولي ان عاليه نامت عندها

ـ طب انا هشيلها وأطلعها شقتنا

ضحكت •جتك ايه ي ولا مش قادر علي بعدها ساعتين الليل

ـ الله بقا مراتى يما مش بحبها تبات بعيد عني ،طب ابات معاكم ؟!

•خش نام جمب اخوك لكن بنتي هتنام جمبي

ـ ماشي ي أما الله يسامحك تصبحي علي خير

تاني يوم روحت الشغل والصداع هيفرتك دماغي

اشتغلت شويه وبعدها قعدت ع الكرسي بتعب وقتها حسين صاحبي جه يقعد معايا

~اي ي غالي عملت ايه بعد ما الورشه اتكسرت منه لله احمد اخوك دا

ـ الحمدلله ، دا قضاء وقدر

~واحمد عمل ايه بعد ماخرج

ـ اهو انا اساسا مش طايق اشوفه قولتله ميجيش الورشه اليومين دول علي ما الدنيا تهدى

~ي عم دا تلاقيه مبسوط حد طايل اكل ومرعى وقلة صنعه

ـ قصدك ايه

~ولا حاجه انت عارف احمد عشري ودمه خفيف تلقيه بيونس  والجماعه بتوعك

خبطته بالبوكس ف وشه  بكل وجع جوايا وطردته قعدت خمس دقايق بس مقدرتش افضل تاني قفلت الورشه ومشيت

كنت ماشي ف الشارع نفسي اخبط راسي ف اي جدار من الوجع تعبت من المشي لأن المسافه من الورشه للبيت مش بسيطه لقيت جنينه صغيره قعدت ف الأرض بتعب

كل ما احاول اتجاهل واعدى ايامي كل حاجه ترجعنى مليون خطوه

وقتها سمعت اذان الظهر بصيت لقيت مسجد قريب قومت دخلت المسجد اتوضيت وصليت وقعدت اقرا قرءان محستش بالوقت بس خرجت من المسجد حاسس براحه كبيره محستهاش من كتير منا وقت المغرب

روحت البيت عديت علي امي قالتلي عاليه طلعت من شويه

بوست أيدها وطلعت شقتي فتحت الباب لقيتها متزينه وبلالين وورد احمر ف كل مكان وتورته علي السفره و.....

ف شقة والدة امين

احمد قاعد ف غرفته ووالدته دخلت عنده بالاكل

•برضه مش عايز تطلع ي احمد تقعد معايا طب انا جبتلك الاكل كل لقمه تسندك ي ابني

= مش عايز يما حاجه

•ي حبيبي لو امين بيقسي عليك ف دا من خوفه وحبه فيك

= طبعا لازم تدافعي عنه مهو الكبير اللي شايل البيت لكن انا مليش لازمه

مسحت بايديها علي شعره • ليه بتقول كدا يا حبيبي دا انتو نور عيني الاتنين،  اعوذ بالله من الشيط..أن الرجيم

احمد اترمى ف حضنها وفضل يعيط

• أعذر اخوك ي حبيبي اللي هو فيه مش شويه بس خلاص انا قلبي حاسس ان كل الزعل دا هينتهى وتعيشوا متهنيين ي ولادى

رفع احمد  رأسه وانتبه لكلام والدته =يعني ايه يما

•حاسه اني عاليه حامل

انتفضت من مكاني  = ح حامل إذاى ي نهار مطين بطين انتي مين اللي قالك

•هو انا عبيطه عن الحاجات دي كل اعراضها حمل غير نظره عينها وكل شويه تحضن بطنها ربنا يكملها علي خير

=انا روحت ف داهيه

احمد قام لبس جاكت علي هدومه وخرج يجري لبيت حسين ومهما والدته تناديله مردش

نطلع فوق لشقة امين

المتعطره ومزينه بورد احمر وبلالين مكتوب عليها 'hello baby,'

وتورته مكتوب عليها 'baby'

واخيرا عاليه اللي لابسه فستان نبيتي بربع كُم وفارده شعرها وحاطه ميكب محليها زياده

ابتسمت وبصيت علي هدومي المتربه وسيئه جدا بزعل

لكن عاليه ابتسمت *حمدالله علي سلامتك يا حبيبي

ـ هو انهارده ايه وانا ناسي ؟

*انهارده مناسبه جديده لسا محدش يعرفها

استغربت ـ إذاى يعني ماتقولي ي لولو عشان انا بجد مليش ف جو الفوازير دا

*طب سيبني اعيشك الجو شويه طب ماخدتش بالك من البلالين ولا التورته

بصتلها باحراج ـ مانتي عارفه انا مليش ف الانجليزي بس انتي كدا كدا بتحبي البلالين الزرقا دي وانا بعرفها  بالشبه كدا وعليها عيل صغير و..

حسيت بتُقل علي صدري اما افتكرت حوار الخلفه

ـ انتي ايه اللي خلاكي تعملي كدا انا عارف انك نفسك تكوني ام بس انا ..

*ايوا يا امين انا نفسي اكون ام وربنا حققلنا امنيتنا

بصتلها بعدم فهم بس لما حضنتني وهي بتاكدلي *انا حامل

ياه محستش غير وانا برفعها من ع الأرض وبضحك واعيط ف نفس الوقت

بعدتها من حضني بشويش ـ يالا عشان نتوضي ونصلي ولازم ندبح حاجه انا هتصل بالواد دلوقتي يجهز الدبيحه ونطلع عمره انا مش عارف اشكر ربنا إذاى

دخلت الحمام عشان اتوضي بس لمحت علي المرايه ساعة احمد اخويا مسكتها بايدين بتترعش وانا بحاول افكر أو اكدب نفسي شديت ستارة البانيو لقيت اثار مايه

خبطت ايدي ف المرايا اتكسرت وأيدي نزفت وفتحت باب الحمام وخرجت وانا ماسك الساعه

قامت عاليه بسرعه ناحيته وهي بتبصلي بقلق

*ايه اللي عمل ف ايدك كدا يا امين

ـ اللي عمل كدا خيانتك ليا ي عاليه

ضربتها قلم علي وشها وهى صرخت ضربتها تاني  وتالت وانا بعيط ومش شايف ادامي غير صورة أحمد اخويا ف كل ركن ف شقتي معاها

مش سامع صوتها وهي بتصرخ وبتقولي انا عملت ايه بس ومين جاب الساعه دي هنا

محستش غير بامي وهي بتشدني وبتضربني بالقلم علي وشي

•اذاى تعمل ف مراتك كدا يا ''''''

ـ خانتني هي وابنك وانا طرط..ور بشقي واتعب وهما يتمتعوا بشقايا

صرخت ف وشي •اخرس كتك قطع لسانك ،اطلب الإسعاف لمراتك مراتك بتنزف

بصيت حواليا لقيت عاليه غايبه عن الوعي والدم حواليها

ـ سبيها تموت يما تستاهل الموت

•اخص عليك وعلي البطن اللي شالتك ي ابنى

امي مسكت التليفون وطلبت الإسعاف ودخلت غرفتنا جابتلها إسدال لبستهولها ومعداش عشر دقايق والاسعاف جت واخدوها وامي شدتني معاها روحت وانا كل حته جوايا متكسره

دخلوها العمليات وغابت كتير والممرضين بيدخلو ويخرجوا ومحدش بيرد علينا

بعد كام ساعه طلعت الدكتوره

:هو ايه اللي حصلها مين اللي اتهجم عليها كدا انتو متعرفوش انها حامل  دي جنايه وانا هبلغ البوليس

ـ بوليس ايه حضرتك طمنينا الاول

هي عامله ايه ي  دكتوره وو الجنين مات طبعا ؟

بصتلي بقرف : رغم اللي اتعرضله الجنين بس هو متمسك بأمه المشكله ف الام هي اللي بتعاني ادعيلها ي حجه الكام ساعه الجايين يعدوا بخير

سابتنا ومشيت وامي قعدت علي اقرب كرسي تعيط

•ليه كدا ي ابني العيل اللي اتمنته طول حياتك عايز تقتله بايدك انت جرا لمخك حاجه

ـ مش ابني يما عاليه خانتني مع ابنك

•لا يمكن يحصل دا ابدا انا اللي عايشه مع عاليه مش انت وانا عرفاها محدش يقول كدا علي بنتي

عدا كام ساعه والنهار طلع ولسا عاليه تحت الملاحظه

وقفت جمب امي

ـ احمد فين يما انا لازم اقتله

• معرفش خرج اول ما قولتله ..

بصتلي بخوف وسكتت

بصتلها بشك ـ قولتليله ايه يما

∆السلام عليكم

التفتت للصوت كانت أميره جارتنا مرات حسين صاحبي

والدتي سلمت عليها • فيكي الخير يا اميره ي بنتي شوفتي اللي حصلنا

∆مهو هو دا ي خالتي اللي جابني عشان اللي سمعته تطير فيها رقاب وعاليه طول عمرها اختي مرضلهاش الاذيه

بصتلها بملل ـ انا هروح اشوف حساب المستشفي يما علي ما تخلصي كلام مع الست اميره

∆ لا ي يسطا امين بعد اذنك عوزاك تسمع الكلام

انتبهت لكلامها

∆من يجي ساعتين الجرس بتاع شقتي كان بيرن ورا بعض والباب بيخبط مع بعض ف حسين راح يفتح وانا دخلت الاوضه مع العيال

باك

=الحقني ي حسين

~خير ياض بتجري كدا ليه

=عاليه حامل

~طب الف بركه عملتها إذاى دي نمس

= الله يخربيتك انا معملتش حاجه عاليه حامل من جوزها انت نسيت أنه بيتعالج بقاله سنتين

~ايوا بس الدكتور اللي اخدته ليه قاله أنه عمره ما هيخلف

=يبقي اللي فكرت فيه صح يخراب بيتك ي أحمد اخويا هيقتلني

~طب والله مصلحه

=انت بتقول ايه ي حسين

~بقولك أنه فعلا هيقتلك فاكر الساعه بتاعتك اللي بعتهالي عشان مزاجك انا حطيتها ف شقته وف حمام اوضة نومه

احمد مسك ف حسين = قول كدا بقا انك عايز تخليه يموتني ويدخل السجن وتاخد شقانا وتعبنا ي اخي انت ايه شيطان

~نزل ايدك ياض وغور من  هنا انا ميهمنيش حد ولا حاجه غير عاليه

=انا مش همشي انا هقتلك ي حسين زى ما كنت عايزني اتقتل

حسين كان أقوى من احمد بكتير حسين  خبطه ف وشه وقفل الباب ودخل لقى اميره ف وشه

∆ ليه يا كدا يا حسين

~غورى من وشي ي وليه انت مش ناقصك كتك الهم

∆انا عملتلك ايه عشان تشوف واحده غيري وتخرب الدنيا كدا عشانها

~هاهاها ي شيخه بُصي لنفسك ولعيالك اللي واخدينك من الدنيا كلها وبعدين ابقي تعالي حاسبيني ولعلمك اها هتجوز عاليه وأعلى ما في خيلك اركبيه ي بنت خالتي

باك

خلصت كلام

ومسحت اميره دموعها

∆انا جيت اخلص زمتي ادام ربنا واقولك اللي علي عرفته

النار اللي ف قلبي لو هي متشافه كانت حرقت كل اللي حواليا بصيت لاميره

ـ حسين فين دلوقتي

∆ مش عارفه هو مباتش امبارح ف البيت

ـ خليكي يما جمب عاليه انا ماشيه

امي مسكت فيا بدموع  • بالله عليك احنا عايزينك كفايه اللي حصلنا

ـ سبيني يما اربي الكلب اللي اسمه حسين وقبله اشوف ابنك اللي خلاني هموت اغلي اتنين ف حياتي

وقتها الممرضه خرجت من اوضه عاليه : المريضه فاقت

...

ن

*انا متنازله ي حضرة الظابط

اول كلمه نطقتها عاليه

حرك الظابط رأسه بإيجاب ومضاها علي المحضر ومشي

رفعت عيونها ليا ولاول مره متكونش نظرة حب ولا خوف عليا *انا متنازلتش حبًا فيك ي امين بس كفايه انك تعيش بذنبي اني مش هسامحك وربنا اللي هياخدلي حقي منك وابنى ف حضني

ـ ي عاليه انا ...

*انت ملكش ولا عُذرولا ليك اصلا عين تكلمني ومن فضلك اخرج برا

حاولت اتكلم بس هي عطتني ضهرها وملتفتتش ليا تاني

خرجت من الغرفه قعدت علي اقرب كرسي لو الزمن يرجع بيا يوم واحد كل حاجه هتتظبط حسبي الله ونعم الوكيل ف اللي خرب حياتي

ف غرفة عاليه

• ي عاليه ي بنتي سامحي وخففي عن نفسك امين والله بيحبك بس هو الشي..طان اللي دخل بينكم

*كفايه بقا نرمي غلطنا علي غيرنا ي ماما مش كل حاجه نقول أصله بيحبك انا استحملت معاه عشان بحبه ودى النتيجه أنه كان هيموتني واتهمني ف شرفي

•طب ايه رايك تزعلي منه براحتك بس وانت ف بيتنا وليكي عليا اطردهولك من شقتك خالص وانا كمان مش هكلمه

*اسفه ي ماما الكلام دا لو كان مجرد زعلقي دا كان هيموت ابني اللي حلمت بيه سنين و علي يدك كل حاجه

•والله مانا عارفه اقولك ايه ربك قادر يصفي النفوس ،انا هروح البيت اجيبلك هدوم واعملك لقمه

*ماشي ي ماما وانا هنام شويه

خرجت والدة امين لقت امين  نايم على الكرسي بتعب قربت منه صحته بهدوء

ـ عاليه كويسه ؟

•الحمدلله ،بس مش عايزه تشوف وشك

بص ف الأرض بخزى ـ عندها حق بس انا مش ههدى غير أما اخد حقي وحقها من حسين وأحمد

•عشان تجيب لنا مصيبه تاني  خليك دلوقتي جمب مراتك

غمض عينه بأسف ودموعه نزلت

•انا هروح اجيب حاجات من البيت وانت خليك معاها متسيبهاش وحاول تخليها تسامحك

ـ طب اجي معاكي

•قولتلك لا

ف غرفة عاليه

الممرضه كانت بتركبلي محلول وبتطمن عليا

*ممكن اطلب منك طلب

: اتفضلي ي حببتي

*ممكن بس اعمل مكالمه من فونك

طلعت فونها ببشاشه

اخدت الفون وانا بتعلق باخر امل ليا حاولت افتكر الرقم وربنا كرمني وكتبته لاني حفظاه من زمان  كان رقم عمي  لأن عارفه والدتي مش هتغيثني ف مشكلتي

ومن كرم ربنا أنه رد عليا،كنت  زى الغريق اللي بيتعلق ف قشايه كلمته وحكتله اللي حصل ووعدني مسافة الطريق هيجيلي

غمضت عيني بارتياح وحاولت انام حسيت ب باب الغرفه بيتفتح بس مقدرتش افتح عيني حسيت بايد بتبطبطب علي شعري وبعدها مسكت ايدي فكرته امين فتحت عيني لقيته حسين انتفضت واتعدلت وشديت طرحة اسدالي

*ايه اللي جابك هنا انت إذاى دخلت اصلا

ابتسم بشر ~بقالى ساعه ونص مستني البيه جوزك يتنقل من مكانه وخليت ممرضه تندهله عشان

اعرف اشوفك واطمن عليكي ي روحي

*ابعد عني ي حسين انا مليش اي علاقه بيك

~انتي عارفه كويس اني محبتش غيرك ي عاليه

*الكلام دا فات أوانه ي حسين انت من زمان اللي اختارت الفلوس اللي عند اميره بنت خالتك وسبتني

~كنت حم..ار غبي بس دلوقتي فوقت وعايز أطلق اميره وارجعلك

*اطلع برا ي حسين انا حتى لو اتطلقت من امين عمري ما هبقي ليك كفايه انك ضحكت علي العيل الصغير وخليت الاخوات هيموتوا بعض

قرب مني ~ومستعد اعمل اكتر من كدا كمان بس تكوني ليا ي عاليه

بعدت بخوف * هصرخ ي حسين والم عليك الناس

وقتها الممرضه دخلت وانا بزعق والباب اتفتح وأمين شافه دخل بسرعه ومسك فيه واتخانقوا

كنت موجوعه وببص عليهم وحاسه أن نفسي بيضيق

وقتها والدة امين جت والأمن وبيحاولوا بيعدوهم عن بعض بس امين مكنش بيسيب حسين

بعد دقايق دخل عمي وقدر يبعدهم عن بعض و والأمن طلب البوليس وصل واخد حسين وأمين وانا اترميت ف حضن عمي ومردتش اسيبه

بعد ساعتين دخل امين ووشه كان مليان جروح لِ لحظه قلبي وجعني عليه بس افتكرت ضربه فيا بصتله بقرف

عمي اتكلم / شكرًا ي ابن الاوصول علي معاملتك لبنت الناس

ـ ي عمي  والله دا كان سوء تفاهم

عمي قرب مني واخدني ف حضنه / وعشان انت مبتفهمش انا هاخدها ف بيتي

ـ لا لحد هنا ومش هسمح لحد ياخد مراتي

لقيت عاليه تبتت ف حضن عمها

/ورقة طلاق عاليه لو مجتش ي امين احنا بناتنا بتترمل عادى

بصيت لعاليه بترجي ـ عاليه اديني فرصه واحده اصلح  غلطى

*انا هفضل مع عمي ي امين وكفايه اهانه لحد كدا

ـ انتي علي راسي يا عاليه  وانا محقوق ليك ومستعد اعمل ايه حاجه عشانك

*وانا مبقتش آمن علي نفسي معاك انا عايزه اعيش ف امان وهلاقي الامان دا مع عمي

.. معاك غمضت عيني وكنت ماشي بنيتي ليه استخسرت فيا اشوف ف حضنك فرحتي ..

بعد يومين عم عاليه اخدها من المستشفي ومهما حاولت واترجيتهم لكن هو مسمعنيش

احمد اخويا اختفي ودورت عليه كتير ملقتهوش

حسين اتحبس واتحددت له جلسه محاكمه

قعدت ف البيت خسران كل حاجه معنديش اي امل ف بكرا بندم وبضرب نفسي مليون قلم

بتصل ب عاليه مبتردش ببعت رسايل بتشوفها ومتردش

•وتفتكر حالتك دي هترجع حاجه

ـ عاليه يما مش هتسامحني

• طب وابنك عايزه يجي الدنيا وأبوه كدا عاطل ومكتئب

ـ ابني !

•قوم ي حبيبي كفايه اللي ضاع وكفايه اخوك اللي مش عارفين أرضه

قومت اتوضيت وصليت دعيت بكل جوارحي أن ربنا يفك كربي ويسامحني علي اللي عملته ويخلي عاليه تسامحني

مسكت البوم صور فرحنا حضنت الصور ونمت

صحيت صليت الفجر ونزلت ورشتى

مسلمتش من نظرات الناس بعد الموضوع ما اتعرف وكله بيتكلم عنه

مسكت الفون واتصلت بعاليه رغم اني عارف انها مش هترد

بدأت شغل ف الورشه

كل مالدنيا تضيق بيا افتكر أن ابني قرب يجي الدنيا اجتهد اكتر نفسي احقق له كل اللي بيتمناه واهم حاجه أنه يجي الدنيا وانا وعاليه سوا

حلمت كتير اني اتجمعت مع عاليه ومعانا اطفال كتير وزى القمر كلهم

كلمت عم عاليه وقابلته

ـ حضرتك تقدر تاخد عليا اي ضمانات اني عمري ما هزعل عاليه تاني

/ غريب اوى الإنسان يبني الحواجز بينه وبين حبايبه ويشكتي منها بعدين مهي كانت ف بيتك وانت اللي كنت عايز تموتها

ـ انا غلطان بس نفسي تسامحني

/ ربك اللي بيسامح ي بني انا بنت اخويا مش هرجعهالك غير لو هي حبت غير كدا انامعاها طول مانا عايش هي ف حباب عنيا

خرجت من عنده زعلان

ف بيت عم  عاليه

*مشي ي عمي ؟

/اشتقنا ولا ايه ي بت

*لا لاي عمي انا بس..

/طب عيني ف عينك كدا ي غاليه

*انا بس عشان اللي ف بطني

/ متحطيش حجج بتحبيه وعاوزه تسامحي ؟

معرفاش أرد ف طبطب علي كتفي بحنان / ربنا يكتب لك الصالح ي بنتي

عدا 4شهور

ف ورشة أمين بيسلم شغل واستلم فلوس بيعدها وبيبتسم وحطهم ف الدرج

*جهزت فلوس سبوع يامن ي استاذ ولالا

رفعت عيني وانا بكدب نفسي لقيت عاليه ادامي بطنها كبرت ماشاء الله وبتبتسم لي

جريت حضنتها ف نص الشارع وسط صفارة الشباب وتهليل من اهل المنطقه بس ماهتمتش

-وحشتيني وحشتيني اوى معقول هونت عليكي كل دا

اتكسفت وبصت ف الأرض  *مانا جيت اهو

-دا انهارده عيد ي عاليه ،سامحتيني خلاص ؟

*مش قبل ما تسامح انت كمان

ـ مين ؟

*احمد

كشرت ولسا هتخانق * اعترف بغلطه واعتذرلي وطول المده اللي فاتت كان عند عمي ف مزرعته بيشتغل فيها سامحه بقا شاب وغلط وخد جزائه

ـ انتي شايفه كدا ؟

*ايوا انا ويامن وماما شايفين أن قلبك طيب وتقدر تسامح

ـ خلاص دفعتي عربون اسم يامن ولا ايه

*ايوا انا اللي هسميه ولا معترض؟

ـ لا طبعا توبنا وأنبنا ي أم يامن

ولا تسوى دنيا قصاد حبيب بتصارحه وتحس جرحه قبل ما تفرح فرحه ❤️❤️