الفصل الثامن عشر

رواية قد سرق قلبي الجزء الثامن عشر 18 بقلم علي محمد قد سرق قلبيرواية قد سرق قلبي الحلقة الثامنة عشر علي صوت اذان الفجر الذي قد علا مدويا ارجاء القرية استيقظ الحاج. تمام. ثم ارتدي جلبابه وهما بالذهاب الي الحمام لكن استوقفته زوجته قائلة انت صاحي ليه بدري أكده ياتمام. مش عوايدك يعني تقوم في الوقت ده الحاج تمام: انتي صاحيه زين قومي حضريلنا الفطار وصحي ياسين وفهد عشان عندنا النهارده شغل كتير قوي ولزمن نخلصوه

ام فهد: فهد هو فهد مش انت شيعته الدوار القديم الحاج تمام: دوار قديم ايه اللي بتتكلموا عنه ده انا مشيعتوش مطرح ام فهد: كيف يا ابو فهد وهو مجاش الدار من عشيه الحاج تمام: الواد ده بقاله كام يوم مش علي بعضه ومتوتر أكده ومش عاجبني زي ما يكون في حاجه أكده مخبيها عليا ومش عاوزني اعرفها ام فهد: فهد ده حتي فهد ابنك طيب قوي وقلبه ابيض مبيعرفش يشيل جواه حاجه الحاج تمام: طب خشي هاتيلي الجزمه من جوة علي بال ما اكلمه علي المحمول

ام فهد: حاضر يا حاج دخلت ام فهد. تبحث عن حذاء زوجها بينما ظل زوجه يحادث نفسه قائلا ايه اللي ودي فهد الدوار القديم فجاءة اكده ايوة بس افتكرت انا كنت قايله علي نقلة خشب اهناك هيسفرهاا المنيا السبوع الجاي…. ثم افاق علي صوت زوجته التي كامت تخاطبه قائله الجزمه ياحاج وياسين صحي ودور العربيه ومستنيك تحت الحاج تمام: ماشي سلام عليكم ام فهد: مش هتفطر طيب كيف ما قلت الحاج تمام: هنفطروا في الورشه خلاص ام فهد: كلمت فهد كيف ما قلت

الحاج: تمام هكلمه واحنا ماشيين في السكه ام فهد: ماشي ربنا يوسعها عليك كمان وكمان وانت يافهد ياولدي يارب تكون كويس وبخير وتطمني عليك بدل ما انا قاعده قلقانه عليك أكده _يقف يوسف بصحبة علي امام كلية الصيدلة فيخاطب علي يوسف قائلا ياااه اخيرا خلصنا محاضرات ده الترم ده كان طويل بشكل يوسف: فاضل دلوك هم الامتحانات ربنا يعديها علي خير على: بعد ان وقع نظره علي نسىرين طب هسيبك انا دلوك يا يوسف يوسف: رايح فين علي: كلك. نظر بقي

يوسف: بعد ان راي نسرين ههههه قلتلي ماشي ياعم الله يسهلك ذهب علي بينما اخرج يوسف هاتفه وبدا بالتقليب فيه الي ان افاق علي صوت سيارة كادت ان تصدمه فدقق نظره ليري من بداخلهاااا فتفاجئا عندما رأي شيري تنزل منهاا فحادث نفسه قائلا شيري!!! شيري: صباح الخير يا يوسف يوسف: صباح الخير يا شيري شيري: بابتسامه اول مره تقولي ياشيري يوسف: مش عارف بقي هي جت كده شيري: تسمحلي اخد من وقتك شويه يوسف: اتفضلي شيري: طب ممكن نروح نقعد في

مكان هادي نتكلم فيه يوسف: ماشي تعالي نقعد علي الكافيه اللي هناك ده شيري: بفرح مش مصدقه والله انك وافقت يوسف: تعالي بس نقعد وانا هفهمك كل حاجه….. علي الناحيه المقابله علي: نسرين انتي طبعا عارفه اني بحبك ليه بقي رافضه انك تديني نمرتك هتطمن عليكي ازاي بقي نسرين: بص ياعلي مش معني اني وافقت انك تحبني ده معناه اني هديلك. رقمي او حتي اننا نتقابل وكده انت عارف كويس ان ده مينفعش علي: ايوة بس انا بحبك يانسىرين

نسرين: انا كمان بحبك ياعلي بس قدر موقفي مينفعش اننا نتكلم في الموبايل او حتي اننا نقف مع بعض في الجامعه واحنا مفيش بينا حاجه رسمي علي: طب والحل ايه دلوقتي نسرين: بص هقولك حاجه ياعلي اي علاقه بين ولد وبنت تحت اي مسمي صحوبيه حب حرام والعلاقات اللي بتبقي في النور دي هي اللي بتكون علاقات ناجحه يعني عشان اكلمك او حتي اقف معاك علي الاقل لازم تكون فيه بنا حاجه اقلها خطوبه مثلا ودي صعبه جدا دلوقتي لاننا لسه بندرس

علي: طب انا عايز اتقدملك يا نسرين قلتي ايه نسرين: بص ياعلي انا معنديش مانع بس ما اعتقدش يعني ان بابا هيوافق اننا نتخطب دلوقتي علي: انتي بتصعبيها عليا ليه كده يا نسرين نسرين: مش بصعبها عليك ولا حاجه.. بس هي دي الحقيقه علي: طب انا بحبك اعمل ايه بقي نسرين: اصبر بقي لحد. قبل ما نتخرج بسنه بعدها تعالي اتقدملي…. وانا ياعم عشان متقولش اني بتخلي عنك او مبحبكش انا هستناك… علي: ماشي يانسرين

نسرين: متزعلش من كلامي بس صدقني يا علس معظم قصص الحب اللي هي بتبقي في الضلمه دي بتفشل عارف ليه علي: ليه نسرين: عشان ربنا مش بيبارك في حاجه هو حرمها علي: قصدك يعني ان الحب حرام نسرين: مقلتش انه حرام بس الحب بجد اننا نتقي ربنا في بعض يعني مثلا تذكرني في صلاتك انا اذكرك في دعواتي….. تلاقيني بعدت عن ربناا… ترجعني من الاخر ياعلي…. الحب هو انك تتقي ربنا في اللي تحبه علي: كلامك جميل اوي يانسرين وبجد انتي كبرتي في نظري اوووي

نسرين: ميرسي اوي ياعلي علي: ياخبر الكلام خدنا نسيت اجبلك حاجه تشربيهااا نسرين: لا ميرسي اووي يا علي انا رايحه لتالا عشان واقفه مستنياني قدام علوم علي: اوكي ماشي نسرين: عن اذنك بقي علي: بابتسامه اتفضلي علي الناحيه المقابله يجلس يوسف وشيري علي احدي كافيهات الجامعه يوسف: شيري هو انتي ايه فكرتك عن الحب شيري: الحب ده حاجه جميله اووي يا يوسف عارف انت لما تحب حد كده يكون شبهك يشاركك اجمل اللحظات يوسف: كملي

شيري: يعني مثلا تسافروا تخرجوا تتفسحوا تعيشوا حياتكم بجنان تتكلموا في الموبايل لحد الفجر بص يا يوسف مش عارفه اقولك ايه ولا ايه ولا ايه الحب ده حاجه جميله اووي واحلي حاجه فيهااا انك بتكون مع اللي بتحبه يوسف: يعني هو ده مفهومك عن الحب شيري: اه وانت بقي ايه هو مفهوم الحب بالنسبالك يوسف: مفهوم الحب بالنسبالي بيتلخص في حاجتين اتنين شيري: ياتري ايه الحاحتين دول يوسف: انسانه ملتزمه تتقي ربنا فيا وفي نفسهاااا

شيري: طب دي حاجه اي الحاجه التانيه بقي يوسف: الحاجه التانيه بقي انها تكون بتحبني لذاتي مش بتحبني عشان ميزة فيا او بتحبني لغرض معين شيري: اه فهمت يوسف ايه هي مواصفات شريكة حياتك او اللي هتبقي شريكة حياتك يوسف: لو ركزتي في كلامي كنتي عرفتي لوحدك بس برضو هقولك شيري: اتفضل يوسف: اولا تكون بتصلي تعرف ربنا… لبسها واسع محترمه… مش مهم شكلها ايه ولا بتلبس ايه الشكل مش مقياس…..الاهم الاخلاق لان الشكل مع الوقت بيروح

اللي بتفضل الاخلاق شيري: انت غريب اووي يا يوسف يوسف: ايه الغريب في اللي انا بقوله شيري: يعني اي شاي لما ييحي يحب او يخطب او يتجوز بيحب اللي بيحبها شكلها حلو بتلبس علي الموضه بنت استايل يعني من الاخر يوسف: والله كل واحد وليه وجهة نظر ودي وجهة نظري شيري: اوكي يوسف: قوليلي بقي انتي وصلتي لرقمي ازاي شيري: هقولك بس بعد ما نشرب حاجه الاول….. يوسف: ماشي تشربي ايه بقي شيري: هوت شوكلت يوسف: ماشي ثواني وراجعلك…. شيري: اوكي

_انتهي العمال من تحميل الخشب فخاطب ااحدهم ياسين قائلا كله تمام يا ياسين بيه ياسين: تسلموا يارجاله خدوا دول بقي اشربوا شاي العمال: يدوم العز يا ياسين بيه الحاج. مصطفى: يلا يا ياسين اتكل على الله الحق وقتك بدري ياولدي ياسين: حاضر يابوي الحاج تمام: هو فهد اخوك فين من عشيه مش شايفلوش ريحه ليه ياسين: مش خابر يابوي بس تلاقيه في المولد اللي في سوهاج ما انت خابر ياحاج ان فهد. اخوي مدروش وبيحب الذكر والاذكار

الحاج تمام: مولد طب والخشب اللي هنجبوه من دمياط ده من هيجيبه ياسين: انا هكلمه يابوي متشيلش هم انت الحاج تمام: طييب يا ياسين المهم دلوك تودي البضاعه دي وتجيب من عمك ريان 200 الف جنيه ياسين: حاضر يابوي يلا عن اذنك دلوك الحاج تمام: طريق السلامة ياولدي ركب ياسين السياره المحملة بالاخشاب وعندما ذهب قام احد العمال باخراج هاتفه بعد ان اطمئن ان لا احد. يراه او يسمعه وقام بالاتصال علي ادهم…. فاجاب عليه ادهم قائلا ايوة

يا جابر عملت ايه جابر: كله تمام يا ادهم بيه عملت اللي قلتلي عليه ودلوك. ياسين طلع بالعربيه ادهم: زين قوي أكده اقفل انت دلوك اغلق ادهم هاتفه ووضعه في جيبه وهو يحادث نفسه قائلا ابقي وريني بقي هتطلع منها ازاي دي يا ياسين _داخل منزل قديم يقف احد من الاشخاص يتحدث في هاتفه وهو ينظر يمينا ويسارا خشية ان يراه احد. قائلا ايه اخر الاخبار عندك عملت ايه الشخص الثاني: كله تمام انا وصلت مصر وواقف في المكان اللي اتفقنا عليه

الشخص الاول: زين قوي أكده فتحح عينك اكويس متخليهمش يغيبوا عن عينك لحظه واحده الشخص الثاني: متخافش انا مركز كويس اووي بس فيه مشكله اصغيره أكده الشخص الاول: مشكله ايه دي الشخص الثاني: فيه حد.أكده. شافني بس مش عارف خد باله ان انا ولا لا الشخص الاول: مين ده الشخص الثاني: هتعرف كل حاجه بس مش دلوك عشان الجماعه وصلواا وواقفين بالعربيه دلوك. قدامي ومش عاوز حد فيهم ياخد باله مني عشان اللي مخططينله ميبوظش

الشخص الاول: خلاص انا هستني منك اشارة انا والرجاله اول ما يتحركوا تبلغناااا الشخص الثاني: ماشي سلام دلوك. الشخص الاول:ان شاءالله الكلب ده نهايته علي ايدينا هو واللي مشغلهم لحسابه دول!!! _تجلس ياسمين بغرفته اصابها التوتر والقلق الشديد علي زوجها احمد. فجلست تحادث نفسها والدمع يسيل من عينيها كالمطر اقائلة

وبعدين امعاك يا احمد قافل تلفونك ليه لدلوك أكده تخضني عليك انت خابر اني مش بستحمل مش كفايه انك بعدت عني ثم صمتت فجاءة وجلست تتذكر اخر لقاء لهم قبل ان يتركهاا ويسافر فلاش باك احمد: والله سليم اخوكي ده طلع بيفهم وعنده. ياسمين: حد. قالك ان اخويا غبي ولا ايه احمد: متبقيش حمقيه قوي أكده ياسمين: ماله بقي سليم احمد: يعني عشان سابني اقعد معاكي لحالنا حاسس بيا ههههههه ياسمين: ما انت مش خابر هو عمل أكده ليه هههههه

احمد: عشان شاب جنتل وبيفهم ومجرب الحب اكيد ياسمين: وهي تطيل النظر لعينيه سيبك من سليم دلوك قولي بقي هكلمك ازاي وهطمن عليك ازاي لما تسافر احمد: اي ده هو انا هوحشك لما اسافر ياسمين: ده كلام. تقوله ده انت مش خابر انت بالنسبالي ايه يا احمد انت حببيبي وجوزي وكل حاجه حلوة في حياتي احمد: وانتي برضو حبيبتي وبنتي وصحبتي وكل حاجه حلوة في دنيتي ياسمين: بخجل طب بزياداك عاد خدودي احمرت احمد: بحبك يا ياسمين

ياسمين: وانا كمان متغيبش كتير يا احمد عشان والله ما قادرة علي فراقك ده احمد: حاضر يا ياسمين المهم دلوك تخلي بالك من نفسك ومن دراستك هتوحشك قوي يا ياسمين ياسمين: بعد ان قامت باخفاء دموعهااا وانت كمان يا احمد هتوحشني خلي بالك من نفسك احمد: بعد ان قبل راسهااا اشوف وشك بخير يا ياسمينتي ياسمين: بعد. ان. ارتمت في حضنه بحبك قوي يا احمد خلي بالك من نفسك واول ما توصل تكلمني وتطمني

ثم دخل سليم فقطع تفكيرهاا قائلا ياسمين عاوز اتكلم معاكي في حاجه أكده ياسمين: بعد ان مسحت حاضر هغسل وشي وراجعالك _علي احدي المقاهي يجلس جودة بصحبة ادهم يتحدثون ادهم: عملت ايه ياجودة في موضوع الشغل اللي قلتلك عليه جودة: فكرة زينه قوي شوف هننفذوا امتااا عشان اروح البنك اسحبلك الفلوس ادهم: اسبوع اكده اكون كلمة الراجل اللي هيجبلنا المعدات والرجاله اللي هتشتغل معانا جوده: ماشي هستني منك تلفون

ادهم: محادثا نفسه زين انك فكرتني انا دلوك لازم اخد رقم حنان مرت جودة من تلفونه بس ازاي ازاي اممممممم ايوة لقتها جودة: سرحت في ايه عاااد ادهم: مفيش حاجه بقولك ايه اديني تلفونك دقيقه هتصل علي ابويا عشان تلفوني مفهوش رصيد جودة: بس اكده اتفضل ياسيدي ادهم: بفرح تشكر ياجودة جودة: علي ايه ده تلفونك اتكلم برحتك علي بال ما اعمل حاجه اكده وراجعلك ادهم: ماشي قام ادهم بالتقليب في ارقام جودة الي ان وصل الي رقم زوجته

فابتسم وحادث نفسه قائلا: اخيرا وصلت لرقمك ياحنان ده انتي وقعتي ولا حد سمي عليكي…..ثم قام بحفظه في هاتفه جودة: بعد ان عاد ما اتصلتش ليه ادهم: قافل تلفونه مش مشكله انا هروحله دلوك علي الورشه جودة: طب المهم متنساش موضوع الشغل ده ادهم: بمكر انسي ايه متخافش جودة: طب انا هقوم دلوك ادهم: ماشي ياجودة جودة: يلا سلام ادهم: بضحكة خبيثه سلام يا جودة _~~ يقف يوسف في انتظار علي فسرح لبرهة يتذكر ما قاله لشيري وما قالته له

شيري: انت استغربت صح لما وصلت لرقمك ولما قلتلك اني معجبه بيك وبحبك يوسف: بصراحه ايوة قلت هي ازاي جابت رقمي بس انا عايز افهمك حاجه يا شيري شيري: حاجه ايه

يوسف: الحب مش زي ما انتي متصورة كده اغنية في مقابله في مكالمه في خروجه الحب احترام متبادل الحب ثقه قبل كل حاجه طبعا الحب احساس جميل مشاعر صادقه بين اي اتنين بيحبوا بعض بصي الحب له مليون مفهوم ووصف يعني برضو اننل نكمل بعض تشبهيني واشبهك وقبل اي حاجه انا مش عايزك تتسرعي عاوزك تتاكدي من مشاعرك لان اوقات الانسان من شدة اعجابه بالحاجه بيتهيقله انه بيحبهاااا شيري: بس انا متاكده من حبي ليك. يا يوسف

يوسف: بص ياشيري انتي انسانه جميله وجذابه واي حد يتمناكي… واللي تجيله فرصه زي كده ويرفضها يبقي مجنون لان اللي يلاقي حد يحبه كده وميمسكش في الحد ده بجد مجنون بس برضو مش عايزك تستعجلي فكري كويس اووي اتاكدي من مشاعرك مره ومليون شيري: اوكي ماشي يا يوسف ثم افاق يوسف علي صوت هاتفه فاجاب عليه قائلا ايوة ياعم علي انت فين لحد دلوك علي: انا قدام المكتبه خمس دقايق واكون عندك

_خرجت تالا وفاطمه من بوابة الجامعه فاسرعت تالا لتوقف احدي سيارات الاجري فاوقفتها فاطمه قائلة انتي بتعملي ايه تالا: هوقف تاكسي عشان نروح فاطمه: استني اجيب شوكلاته ليا ولادم وبعدين نمشي تالا: طب متتاخريش علي بال ما اكلم نسرين فاطمه: ماشي يا قلبي علي الناحيه المقابله يقف ثلاثه من رجال وهدان ومعهم سيارة سوداء فخاطب احدهم الاخر قائلا

هي دي البت اللي قالنا عليهاا ادهم اول ما تقرب من جنب العربيه حط المنديل علي مناخيرهااا ودخلها العربيه بسرعه احد الرجال: ماشي اقتربت فاطمه من السيارة فقام احد الرجال بشدها الي السيارة وتنويمهاااا فصرخت قائلة تالااااااا الحقيني تالا: وهي تلتفت حولهااا وقع نظرهااا علي اختهااا وهي داخل السيارةفصرخت ووقع هاتفهااا من هول الموقف قائلة فااااطمه الحقوني حاولت التقاط.انفاسهاا وهي تبكي فنزلت ارضا التقطت هاتفها ثانية

واسرعت بالاتصال علي والدهاا وهي تبكي قائلة بابا الحقني دكتور عبدالرحمن: فيه ايه مالك يا تالا بتعيطي ليه كده تالا: الحقني يابابا فاطمه اتخطفت دكتور عبدالرحمن: مين اللي خطفهااا تالا: جماعه. صعايده؛ دكتور عبدالرحمن: طب خليكي مكانك انا جايلك؛!!!! …..