تحميل رواية «كبرياء انثى» PDF

ريهام بطلة القصه ١٨ سنه تملك قدر كبير من الجمال وعزة النفس وتدرس في السنه الاولي من كلية التجاره ابوها بيشتغل عامل بوفيه في شركه كبيره الحاله الماديه يادوب علي القد

مصطفي ٢٨ سنه من كبار رجال الاعمال حياته بين الشغل و الستات مدمن نساء اي وحده تعجبه لازم يوصلها و مفيش وحده صدته قبل كده بالنسبه له السيدات كلها متاحه فاكر ان كل البنات و الستات زي العينه الي بيتعامل معاها

وفي يوم كان المطر شغال والشوارع غرقانه ميه

بسم الله نبدأ

ريهام .. خرجت من الجامعه رايحه لعادل ابوها عشان تاخد منه فلوس عشان تجيب ملخصات وهي ماشيه و قربت من الشركه و فجأة

مصطفي .. بيكون ماشي بالعربيه بسرعه كبيره وفيه مياه علي الاسفلت وعجل العربيه بيجي علي المياه والميه كلها بتيجي علي لبس ريهام

ريهام .. بصوت عالي انت حمار

مصطفي .. يشوفها في المرايا و يفرمل ويرجع

ريهام .. افتكرت انه سمعها واول ما وقف بالعربيه انت مش بتشوف

مصطفي .. اسف يا انسه بس انا مش غلطان

ريهام .. والله لا انا اللي غلطانه انا اللي عملت كده في نفسي

مصطفي .. لا الغلط من المطر اللي غرق الشارع وبعدين انا قولتلك اسف

ريهام .. واسف دي هتعملي ايه دلوقت امشي ازاي في الشارع كده

مصطفي .. تعالي اوصلك او اخدك اي محل وجبلك لبس بدل اللبس ده

ريهام .. والله و بتتكلم ببساطه كأنه عادي اركب معاك

مصطفي .. وفيها ايه هو انا هاكلك مع انك صاروخ

ريهام .. انت اتجننت ايه اللي بتقوله ده

مصطفي .. انا بقول اللي شايفه

ريهام .. امشي من قدامي

مصطفي .. يقرب منها ولو ما مشيتش هتعملي ايه

ريهام .. اتعصبت اووي وبتمشي وبتسيبه

مصطفي .. اسمعى يا انسه انتي مش هينفع تمشي كده بطلي تخلف وتعالي اركبي

ريهام .. وقفت و بصتله تخلف والله ما حد متخلف غيرك انت ما تعرفش حديث النبي محمد صل الله عليه وسلم قال النبي ﷺ:

“لا يخلونَّ رجل بامرأة إلا ومعها ذو محرم”

— متفق عليه (رواه محمد بن إسماعيل البخاري ومسلم بن الحجاج)

مصطفي .. عليه افضل الصلاه والسلام بس دي عربيه

ريهام .. بالنسبه لي تعتبر خلوه وانا لا اعرفك ولا تعرفني البنت الي بتمشي بما يرضي الله تقول عليها متخلفه والي بتمشي بكيفها تبقا متحضره فعلآ انا لله وإنا إليه راجعون

مصطفي .. اتحرج منها وقرب منها انا اسف ان كنت تجاوزت حدودي معاكي ويمسك ايديها وطبعا ده بالنسبه ليه حاجه طبيعيه

ريهام .. رجعت لي وره وشدت ايدها بسرعه انت اتجننت

مصطفي .. فيه ايه ما انا بعتذر لك

ريهام .. قال النبي ﷺ:

“لأن يُطعَن في رأس أحدكم بمخيط من حديد خيرٌ له من أن يمس امرأة لا تحل له”

— رواه الطبراني

مصطفي .. اتكسف من نفسه اووي انا اكبر منك وما كنتش اعرف حاجه من كل ده بس انا عايز اساعدك اعمل ايه

ريهام .. ولا اي حاجه لو سمحت امشي وسيبني في حالي

مصطفي .. انتي فاكره نفسك مين انا عايز اساعدك وانتي شايفه نفسك عليا انا فعلا غلطان

ريهام .. انت فعلا غلطان وانا مش محتاجه مساعده منك

مصطفي .. يرجع علي العربيه و يتحرك وهو بيقول بصوت واطي بت زي القمر بس لسانها زي المبرد

ريهام .. بتبص عليه وهو ماشي بالعربيه وهي بتقول لنفسها ازاي همشي في الشارع كده بس الحمد لله ان الشركه قريبه ومشيت لحد ما وصلت الشركه

عادل .. اول ما شافها جري عليها ايه اللي عمل فيكي كده

ريهام .. واحد راكب عربيه ومش شايف بشر

عادل .. تعالي يا حبيبتي وبياخدها علي البوفيه ارتاحى يا حبيبتي

ريهام .. شكرا يا بابا

عادل .. هعملك عصير عشان تهدي اعصابك

ريهام .. مفيش داعي يا بابا هات الفلوس عشان امشي والحق اروح اغير لبسي وروح اشتري الملخصات

عادل .. بيعمل العصير ويديه لريهام اشربي العصير علي ما روح اودي القهوه لمصطفي بيه وروح للمحاسب اقبض المرتب

ريهام .. شكرا يا بابا حاضر هستناك

سمر .. مالك يا مصطفي متعصب كده

مصطفي .. بنت عندها في حدود ١٧ او ١٨ سنه ادتني محاضره علي الصبح

سمر .. ضحكت والله جدعه اخيرا وحده كرفتك

مصطفي .. اول مره اشوف اخت تفرح عشان اخوها اتهزاء

سمر .. من اعمالكم سلط عليكم

مصطفي .. انا غلطان اني حكتلك

عادل .. بيخبط علي الباب

مصطفي .. ادخل

عادل .. بيدخل مساء الخير يا مصطفي بيه

مصطفي .. مساء الخير يا عم عادل

عادل .. قهوة حضرتك مساء الخير يا انسه سمر

سمر .. مساء الورد يا عم عادل

مصطفي .. سيبها علي المكتب

عادل .. بيحط القهوه علي المكتب انسه سمر اعملك عصير

سمر .. شكرا يا عم عادل

عادل .. بيطلع ويروح للمحاسب عشان يقبض المرتب وبياخد المرتب ويرجع علي البوفيه

ريهام .. بتوقف

عادل .. يا بنتي مستعجله ليه

ريهام .. عشان الحق المكتبه انت عارف بتقفل بدري

عادل .. ماشي يا حبيبتي خدي الفلوس اهي

ريهام .. ربنا يخليك ليا وما يحرمني منك أبدا

عادل .. ولا منك يا نور عيني

ريهام .. يلا السلام عليكم

عادل .. وعليكم السلام ورحمة الله وبركاته

ريهام .. بتوقف قدام الاسانسير

سمر .. يلا عايزه اوريك العربيه الجديده اللي جبتها

مصطفي .. استني حتي اشرب القهوه

سمر .. لا دلوقت يلا

مصطفي .. حاضر و بيطلع عند الاسانسير واول ما يشوف ريهام بيبص لها وفي وقت واحد انتي

ريهام .. انت

مصطفي .. بتعملي ايه هنا

ريهام .. وانت مالك انت تكونش صاحب الشركه

مصطفي .. لا طبعا

ريهام .. ولما هو لا بتكلمني كده ليه

مصطفي .. بيبص لسمر هي دي اللي كنت بحكيلك عنها

ريهام .. وتحكيلها عني ليه

مصطفي .. اهدي مالك كده عامله زي القطر

سمر .. ابتسمت والله عسل عارفه من اول ما وصل وهو ما بطلش كلام عليكي

مصطفي .. انتي بتهدي النفوس ما حصلش يا انسه

عادل .. شافهم واقفين وقرب منهم في ايه يا ريهام

ريهام ..هو ده الاستاذ اللي غرقني ميه بالعربيه الي مامته جيبهاله

مصطفي .. وشه اتغير انتي مجنونه ازاي تتجرأى

و.. بسرعه سمر وقفت بينه وبين ريهام

سمر .. في لحظه بتكون بينهم عشان عارفه ان مصطفي بيتجنن لما حد يجيب اسم امه قدامه بطريقه مش حلوه اهدا يا مصطفي عشان خاطري

مصطفي .. مين دي يا عم عادل

عادل .. دي بنتي يا مصطفي بيه

ريهام .. بصدمه مصطفي بيه

مصطفي .. بيحاول يسيطر علي اعصابه وبيلف وبيخبط ايده في باب الاسانسير وبيقول بصوت عالي عم عادل خدها من قدامي دلوقت

ريهام .. بعصبيه انا أصلا ماشيه وتمشي ناحيت السلم

سمر .. بتجري وراها ريهام

ريهام .. بتوقف ايوه لسا فيه حاجه تانيه عايزين تقولوها

سمر .. اسفه علي اللي حصل بس مصطفي مش بيتحمل حد يجيب سيرة ماما عشان متوفيه

ريهام .. اتحرجت جدا اسفه ما كنتش اعرف

سمر .. مفيش حاجه حصلت هو اللي حساس شويه في الموضوع ده تعالي معايا علي مكتبي

ريهام .. لا شكرا انا هروح عشان عايزه اغير لبسي وروح اشتري ملخصات

سمر .. ما انا مش هسيبك تروحي كده و تمسكها من ايدها اتفضلي معايا

ريهام .. بتبص ناحيت مصطفي اللي مديهم ظهره وتمشي مع سمر

عادل .. انا اسف يا مصطفي بيه

مصطفي .. بيكون بدأ يهدا ولا يهمك يا عم عادل انا اللي اتعصبت حقك عليا وبيمشي علي مكتبه

عادل .. بيروح ورا ريهام و بيخبط علي الباب

سمر .. ادخل

عادل .. بيدخل وهو بيعاتب ريهام ايه الي انتي عملتيه ده

ريهام .. اسفه يا بابا انا كنت متعصبه من موقف الصبح

سمر .. خلاص يا عم عادل مفيش حاجه حصلت وانت عارف مصطقي شويه وهيهدا

عادل .. ماشي يا انسه سمر وانا ليا معاكي كلام تاني لما نروح ويمشي

سمر .. بتمسك التليفون و بترن علي محل الملابس اللي بتتعامل معاه وبتطلب منه لبس وبتديله المقاسات

ريهام .. لا انا مش هاخد حاجه وتقوم عشان تمشي

سمر .. تقوم بسرعه وتوقف قدامها دي هديه مني ليكي ولا مش حابه نكون اصحاب

ريهام .. انا بتشرف بصداقتك بس انا هروح وغير لبسي وهيتغسل وخلاص كل حاجه خلصت

سمر .. انا حبيتك من اول ما شوفتك وانا ما عنديش اصحاب عشان كده حابه نكون اصحاب ولا عندك مانع

ريهام .. لا طبعا

سمر .. يبقا اقعدي وبعد ما اللبس يجي تغيري وبعد كده اخدك ونجيب كل الملخصات الي انتي عايزاها وبالمره نجرب العربيه الجديده

ريهام .. ابتسمت ماشي يا انسه سمر و بتقعد

سمر .. بتفتح الثلاجه و بطلع عصير منها اتفضلي يا ريهام

ريهام .. شكرا يا انسه سمر

سمر .. في وحده تقول لصاحبتها انسه ولا اسمي مش عاجبك

ريهام .. ضحكت لا طبعا ده اسمك اغلا اسم في حياتي يا سمر علي اسم ماما الله يرحمها

سمر .. الله يرحمها اشربي العصير وانا خمس دقايق وهرجعلك

ريهام .. ماشي مستنيكي

سمر .. بتطلع وبتروح علي مكتب مصطفي وبندخل بيكون بيتكلم في التليفون

مصطفي .. سالي بقولك مش فاضي انتي ايه مش فاهمه

سالي .. ما ليش دعوه انا خطيبتك وليا حق عليك

مصطفي .. لا مش خطيبتي ده كلام كان وحنا صغيرين وخلاص كبرنا وانتهى

سالي .. لا مفيش حاجه انتهت انا بحبك ومش هسيبك

مصطفي .. انتي بنسبالي بنت عمي وبس مش اكتر

سالي .. لا انا خطيبتك وهنتجوز فاهم ولا لا

مصطفي .. بيقفل السكه ايه الهبل ده هي كانت نقصاكي انتي كمان

سمر .. اهدا يا درش

مصطفي .. مش عارف ايه اليوم الغريب ده من اوله

سمر .. علي فكره ريهام بتعتذر بس هو موقف الصبح كان معصبها

مصطفي .. موقف الصبح دي بهدلتني وعرضت عليها المساعده ورفضت

سمر .. خلاص انا حليتها و بعت اجيب لبس من المحل اللي بتعامل معاه وبعد كده اوصلها

مصطفي .. الله الله من امتي الرضى ده كله

سمر .. الاول كنت بعمل كده عشان عم عادل بس بعد كده حسيت اني عايزها تكون صديقتي ارتحتلها ودي اول مره ارتاح لحد

مصطفي .. اه مش عشان بهدلت اخوكي لازم ترتحيلها

سمر .. لا بجد فيها حاجه غريبه شدتني

مصطفي .. حبيبتي مالك كده فوقي

سمر .. ما انا فايقه اهو المهم انت لسا زعلان

مصطفي .. ده انا هطق منها دي مش بني ادمه هو الحب بالعافيه

سمر .. حب ايه وانا قولتلك حبها

مصطفي .. مش انتي هي اللي مجنونه

سمر .. باستغراب قصدك ريهام

مصطفي .. مين ريهام دي انا بتكلم عن سالي بنت عمك المجنونه دي

سمر .. وانا مالي بيها انا بتكلم عن ريهام

مصطفي .. هي اسمها ريهام

سمر .. اه

مصطفي .. اسمها حلو زيها

سمر .. عينك فارغه بس ريهام غير كل الي تعرفهم وما تنساش انها صاحبتي

مصطفي .. مش ناسي يا سمر ويلا روحي لصاحبتك عشان ورايا شغل كتير ومش فاضيلك و ابتسم

سمر .. ماشي يا عم المشغول وتقوم وبتطلع و بتقفل الباب وراها

مصطفي .. بقا اسمك ريهام مبقاش مصطفي لو مكسرت كبريائك ده عشان تشوفي نفسك علي مصطفي بيه يا بنت بتاع البوفيه

سمر .. بتروح لها وبيكون مندوب المحل وصل يلا يا ريهام اختاري اللي يعجبك

ريهام .. اي حاجه وخلاص

سمر .. لا اختاري الي يعجبك

ريهام .. بتمسك اول طقم ده حلو

سمر .. ابتسمت طاب اختار واحد تاني

ريهام .. بعصبيه لا يا سمر مش هاخد غير واحد يا اما بلاش خالص

سمر .. خلاص ماشي انتي حساسه اووي خدي الطقم و البسيه فى الحمام عندك اهو

ريهام .. بتدخل وبتغير لبسها وبتلبس الطقم وبتطلع

سمر .. واوو يجنن عليكي يا ريري

ريهام .. تسلمي يارب

سمر .. يلا بينا نجيب الملخصات وروحك

ريهام .. بس كده كتير

سمر .. والله انا اعتبرتك اختي بس واضح انك بتحاولي تعملي فرق بينا

ريهام .. لا والله بس مش عايزه اتعبك

سمر .. انا كده كده مش ورايا حاجه نجيب الملخصات وعزمك علي الغداء

ريهام .. لا الغدا ده عليا انا هتروحي معايا و تدوقي عمايل ايديا

سمر .. وانا موافقه يلا بينا

ريهام .. يلا

سمر .. بتاخدها قدام مكتب مصطفي ثانيه وحده هجيب الشنطه من عند مصطفي ورجع لك

ريهام .. ماشي وانا مستنياكي

سمر .. بتدخل انا همشي لو احتاجت حاجه رن عليا

مصطفي .. ماشي بس ما تتاخريش عمك ومرات عمك و الزفته بنتهم جايين الفيلا بعد صلاة العشاء

سمر.. بتحط تليفونها علي المكتب ليه خير في حاجه

مصطفي .. الله اعلم يا خبر بفلوس بعد كام ساعه هيبقا ببلاش

سمر .. اوكيه سلام وبتاخد شنطتها وبتطلع وبتنسي التليفون

مصطفي .. يمسك تليفون سمر ويبتسم والله عندها زهايمر و ينده عليها سمر وبيطلع جري سمر

سمر .. بتبصله خير في ايه

مصطفي .. تليفونك يا مستعجله

ريهام .. بتبص وعينها بتيجي في عينه

مصطفي .. بيصفر ايه الجمال ده

ريهام .. انت مش هتبطل اسلوبك الزفت ده وبتمشي

سمر .. بتمسك التليفون وبتشده منه

مصطفي .. واقف متنح وهو بيبص علي ريهام سمر .. يا ابني فوق مالك

مصطفي .. اه هو فيه ايه

سمر .. ولا حاجه البنت زعلت انت مش هتتعدل ابدا يا بتاع سالي

مصطفي .. بتفوقيني

ليه منك لله

سمر .. بتطلع وراء ريهام استني يا ريهام انا هجري وراكي

ريهام .. اخوكي ده لا يطاق

سمر .. معاكي حق بس اعمل ايه مش هقدر اغيره

ريهام .. طاب يلا عشان اتاخرنا

سمر .. ثانيه هجيب العربيه من الجراج واجي

ريهام .. ماشي وهي واقفه بتبص لقيت مصطفي جاي ناحيتها

مصطفي .. بيقرب منها