الفصل الثاني

رواية قاتل بشريعة إبليس الجزء الثاني 2 بقلم شيماء طارق قاتل بشريعة إبليسرواية قاتل بشريعة إبليس الحلقة الثانية موسى (بيلف براسه ناحية صوت منصور وبابتسامة واعرة بيرد عليه وبيقول) : أنا أعمى البصر يا منصور بس انت اعمى البصيره ومين يقول اني اعمى انا شميت راحت غدرك من يمه الجبل وعلى فكره انا صابر عليك وعلى حديتك المسخ ده علشان ابوك غير اكده كنت قطعـ ـت لحــ مك ورميته للديابه يتعشوا بيه

(بيقرب منه خطوة وبصوت واطي يسمعه هو بس) الجمال اللي إنت هتمـ ـوت عليه أنا صنته بقلبي.. ولو فكرت تقرب من حدود قصري هخلي ريحة جثـ ـتك هي اللي تدل الناس عليك هَمّت يا واد من إهنه.. البلد دي ليها كبير واحد والكبير بيقول: الحـ رب خلصت.. واللي هيفتح خِشمه ملوش عندي غير الكفن؟!

الناس كلها سكت وما فيش حد قدر يفتح بقه ولا حتى ابو نجمه اللي كان مفروض يسال على بنته بس قدام موسى ما قدرش يتكلم ولا ينطق موسى رجع القصر بيدخل أوضة نجمة اللي قاعدة بتبكي.. وبيشم ريحة المسك والدموع فبيعرف مكانها بالظبط. موسى (بهدوء مرعب بص لنجمه وقال) : جفي دموعك دي يا نجمة.. البلد كلها عرفت إنك بقيتي مرتي و مفيش حد هيقدر يمس طرف ثوبك واصل!

أنا خابر إن رجليكي مش شايلكي من الخوف.. بس دَلّي كبريائك ده هبابة إنتي دلوق في مِلك الجبالي. نجمة (بصوت بيترعش بس حاد ردت عليه وقالت) :مِلكك بالورق يا موسى! لكن قلبي وروحي مفيش حد يملكه واصل إنت فاكر إنك لما حميتني من منصور وجابر ولد عمي والغل اللي بره هرضخلك؟ أنا خايفة منك.. أيوه وبكرهك قد ما خايفة! موسى (بيفتح عينيه المطفيه لكن مليانه هيبه مرعبه وبيمشي ناحيتها ببطء من غير عصاية وكأنه شايف مكانها بالمللي وهو بيقول)

:بتكرهيني؟ يا بوي على حديت الصبايا (بيقرب منها لحد مانَفَسه بقى في وشها وهو بيقول) الكره ده نار والنار دي هي اللي هتدفي قلبي الأعمى. [فجأة موسى بيمد إيده وبيمسك خصلة طويلة من شعرها الأسود ويشمها بعمق مرعب وهو بيقول بعشق لاول مره في حياته] شعرك ريحته ياسمين غرقان في مطر الجبل.. (بيضغط على خصلة الشعر وهو بيقول) بس ريحة كدبك لسه فايحة. إنتي ناوية على إيه يا نجمة؟

الخنجر اللي مخبياه في خلقاتك ده.. ناوية تغرسيه في قلب مين؟ نجمة (بتتخض وبترجع لورا بصدمة وهي بتقول) : إنت.. إنت عرفت كيف؟ أنا مخبياه زين! موسى (بضحكة واعرة رد عليها وقال) : أنا بـسمع حكة المعدن في الحرير يا بت الأصول.. وبشم ريحة السم (بيقرب منها أكتر ويحاصرها بين دراعاته والحيطة الصخر) طلعي الخنجر يا نجمة.. وجربي. لو قلبك طاوعك تخلصي على الراجل اللي صانك جمالك وعلى مقامك اضربيني يا بت الاصول! نجمة

(بتبكي بانهيار وتطلع الخنجر وإيدها بتترعش هي بتقول) :إبعد عني.. أنا مش رايده أعيش إهنه.. أنا مش رايده أكون بصيرةلواحد ديب كيفك وكمان ما تقربليش اكتر من اكده انا مش مرتك علشان تلمسني او تيجي يمتي! موسى (بيمسك إيدها اللي فيها الخنجر بكل برود ويوجه السن لـ قلبه هو بيقول)

: اضربي.. أهو مكان القلب بالظبط. لو موّتيني الباب الصخر ده مش هيتفتح ليكي واصل وهتمـ ـوتي إهنه جوع وعطش جمب جثـ ـتي.. اختاري يا نجمة.. يا الطاعة و عشقي لا تروحي في جوف الجبل وكمان انا مكلم الماذون ومخلص الورق وكل حاجه هتكون رسمي ناقص بس تمضي عليها لو على موضوع اني بلمسك انتي خلاص بقيتي حلالي وابوكي كمان مضى انا راجل زين وبفهم في الاصول. نجمة (الخنجر بيقع من إيدها وبترتمي على صدره وهي بتعيط بحرقة وبتقول)

: إنت واعر قوي يا موسى.. واعر قوي! موسى (بيضمها لدراعه بقوة تكسر الضلوع وبيهمس بصوت رخيم في ودنها وبيقول) : واعر علشان يخليكي نجمة في العالي.. مش لقمة في خِشم الكلاب اللي بره. (بيرفع راسها بصباعه هو بيكمل وبيقول)

من الليلة دي مفيش دموع.. فيه قوة كيف الحديد منصور الطهراني باعت رجالة يراقبوا القصر.. بكرة الصبح هتطلعي وياي المندرة اللي في القصر الخارجي لان القصر هنا ما فيش حد يقدر يجي يمته وما فيش حد يعرف مطرح رايدك تكوني عينيا وتقوليلي اللي انتي شايفاه مفهوم بس مش رايد حد يشوف وشك الجميل ده حط نقاب عليكي واتحشمي في خلقاتك حتى صباعك ما يبانش؟ نجمة (بصوت مكسور ردت عليه وقالت) : مفهوم.

ثاني يوم الصبح في المندرة الكبيرة في قصر الجبل الخارجي.. موسى قاعد على كرسيه العالي ومنصور الطهراني داخل ومعاه تلاتة من رجالته والسلاح باين في خُلقهم رغم إنهم مخبينه ونجمة قاعدة جمب موسى لابسة الحرير الأسود وشالها مغطي وشها تماما ما فيش غير عينيها السوداء اللي باينه ] موسى (بيستنشق الهوا ببطء وملامحه هادية ببرود مرعب و هو بيقول)

:هَمّت يا منصور.. خُش برجلك الشمال يا نذير الشؤم. ريحة البارود اللي فايحة منك واعرة قوي.. إنت جاي تبارك بـرصاص مش عيب عليكي اما تجيبلنا اكده في الصباحيه؟ منصور (بغل مكتوم وهو بيبص لنجمة بنظرات جبارة هو بيرد عليه وبيقول) : جايه بارك يا سيد البلد يا كبيرنا على الجوهرة اللي خطفها وسط الليل. بس جاي أقولك يا موسى.. إن الجوهرة دي غالية قوي والجبل واسع عليها ومسيرها تدلع على الارض وتروح لصاحب نصيبها. موسى

(بضحكة مكتومة تهز المندرة قال) : الجبل مابيدلّيش يا منصور.. الجبل بيتهد فوق روس اللي يفكر يخليه ينحني (بيلف وشه لنجمة ويهمس بصوت واعر وهو عايز اختبرها عايز يشوفها تقوله الحقيقه ولا لا قال) قوليلي يا نجمة.. منصور باصص لك كيف؟ وشايفه إيه في عينيه؟ نجمة (بصوت ثابت وقوي وبلهجة صعيدي جح ردت عليه وقالت) : نظره نظره غدر يا موسى.. وعينيه حمرا كيف د’م الذ’بيحة وإيديه عمالة تلمس طرف المسكوب في حزامه. منصور (بيزعق هو بيقول)

: إنتِ بتبيعي أهلك يا نجمة؟ بتبيعي اللي كانوا هيـ موتوا عشانك لواحد أعمى كيف شايفاه وهملتيني انا؟ موسى (بيقوم يقف فجأة وبحركة سريعة بيمسك عصايته الأبنوس ويخبطها في الأرض خبطة سكتت الكل هو بيقول) : يا بوي على صوتك العالي في داري! (بيقرب من منصور بخطوات واثقة وبيقف قدامه بالمللي وهو بيقول) نجمة دلوق بقت عصبي وبصيرتي والكلمة اللي تطلع من خِشمها على رقبتي . منصور (بيسحب سلاحه بغباء وهو بيقول)

:طب وريني بقى بصيرتها هتنفعك كيف دلوق! قبل ما منصور يرفع المسدس نجمة بتصرخ بكلمة واحدة وقالت: يمينك يا موسى! [في لمح البصر موسى بيتحرك حركة ديب اللي عاش عمره كله في الجبل بيلوي إيد منصور بكسرة مسموعة في المكان كله ويوقعوا تحت رجله ويحط سن عصايته على رقبته] موسى (بفحيح مرعب قال) :هبابة واحدة وكنت دفنتك إهنه يا مِصخّم فاكر إن عيني المطفية دي أنا قنديل ملوش ضي؟

أنا بـسمع نَفَسك قبل ما يطلع وبـشم عرق خوفك قبل ما يبل خلقتك . نجمة (بتقوم تقف وبتبص لمنصور بـشماتة وقوة لأول مرة وهي بتقول) : دَلّي يدك يا منصور.. موسى الجبالي مبيتهددش في عُقره، والجمال اللي إنت كنت رايده، دلوق بقى سيف على رقبتك. موسى (بيرمي منصور لرجاله هو بيقول) : خدوا الـمِصخّم ده من إهنه.. وقولوا لكل طهراني ومرشدي ان نجمة الجبالي خط أحمر.. واللي هيقرب من القصر ملوش عندي غير المـ وت اللي بيشم ريحته من دلوق.

بعد ما الكل خرج.. نجمة (بتبص لموسى بذهول وهي بتقول) : إنت كيف عرفت مكانه بالظبط؟ أنا قولت يمينك بس.. إنت كأنك شايفه! موسى (بيقرب منها ويمسك إيدها بحنية واعرة هو بيقول) :أنا شايفك إنتي يا نجمة.. وشايف غدرهم في رعشة صوتك. النهاردة إنتي حمتي ضهر الديب.. ومن الليلة دي، مفيش حد يقدر يقول إنك مجبورة إنتي بقيتي شريكة مملكه الجبالي. نجمة (بهمس وهي بتقرب منه وبتقوله) :وإيه المقابل يا موسى؟ لو عايز الرواية كاملة اضغط على :

(رواية قاتل بشريعة إبليس)