تحميل رواية «قادم من اقصى الجحيم» PDF

قادم من اقصى الجحيم

للكاتبه

مريم احمد

لاتنسو التصويت+التعليق ♥️

★★★★★★★★★

مرحبا يا متابعيني ♥️

اتمنى ان يكون الجميع بخير

اول شي احب اتشكر المبدعه والجميلة Zahraax1

على هذا الغلاف الجميل والى يجسد كل مايحدث من احداث في القصة

القصه كانت متوقفه نشرت منها فقط 4 بارتات ومن ثم

وقفتها لاأسباب هواي وما جنت مفكره ابداً انه ارجع

اعيد كتابتها لكن فجاة قررت ارجع واعيد بكتابها

من جديد احداث القصة تختلف جداً

الغموض الي بيها صعب انه تفهمو لان راح تدخلون

بهواي من المتاهات بيها

سرد القصه حيكون مختلف نهائيا و اريد ابدي وياكم

بطريقه سرد جديد ومختلفه حتى تحبون القصة

أبطالنه شخصياتهم غامضه وما ممكن تفهمون

كولشي بسرعه لكن بمرور الوقت كلشي يبدي ويتوضح

الكم

اتمنى القصه تعجبكم وماقصر وياكم بيها

★★★

★مشهد★

-فتحت عيوني بثقل راسي وجسمي كله يوجعني اريد

توضح الصوره كدامي مكدر اشوف شي

بعد لحظات اكتشفت انه المكان بالأساس أظلم وكل

ضوة ماكو بي

رفعت نفسي من الكاع كوه بقيت أفر براسي بالمكان

حتى شباك مابي بس صوت قطرات المي الي مااعرف

بالضبط منين مصدرها من الداخل او الخارج

ماذكر بضبط شنو الي صار وياي او شون اجيت

الى هذا المكان الاشي الوحيد الي اتذكره

جنت اتمشى راجعه للبيت وحسيت بضربه على راسي

وكفت كوه سندت نفسي على الحايط اباوع اريد

ولو ضوه خفيف بس ماكو جان الظلام محيط بالمكان

كله

بقيت اتمشى واتلمس اخاف انضرب بشي

بعدني واكفه وسمعت صوت مفاتيح

رجعت بسرعه المكاني سندت ظهري ويا الحايط

نفتح الباب ودخل ضوه قوي من الخارج غمضت عيوني

بسرعه كا ردة فعل طبيعيه

فتحت عيوني بطيئ شفت واحد واكف بصف الباب

شخص ضخم ملابسه كلهن سود حتى وجهه مغطي

ما مبين منه غير عيونه الي جان لونهن بلون الخضار

رفع ايده اليمنى وحك المنطقة الي فوك حاجبة الأيسر

بقيت أباوعله بدون ما احجي كلمه وهو بنفس الوقت

ساكت بس مانزل عيونه مني

كسر الهدوء صوته المرعب وهو يكول

-نورتيني

-منو انتَ

-الجحيم

-ما تخوفني بكلامك هذا شنو رايد مني

-رايد روحج

★★★★★

القصة غيرت اسمها القديم وكذالك الغلاف

لان ردت أبدي بيها بدايه جديده

ونزلت حاليا فقط مشهد منه

لان بالنسبه للنشر فا مو هسه وجداً اعتذر

بس تعرفون حاليا امتحانات وضغط

أرجع واكول القصة هاي شي مختلف جداً

راح تبحر بيكم بعالم عجيب غريب راح تحسون

بشعور وغرابه كولشي تقرو بيها

مستعدون لدخول هذا العالم الغريب؟

أغار بشدة ..

أحب بصدق ..

وأحزن بعمق ..

لا أجيد لعب الأدوار ..

ولا أتقن لبس الأقنعة ..

عندما أصمت فأنا حقاً أتألم.

انتظروني قريباً ♥️

كل الحب الكم صديقتكم

-مريم احمد

#قادم_من_اقصى_الجحيم

الكاتبة مريم احمد

لاتنسون التصويت+التعليق ♥️

★★★★★★★★

انا التي ذهبت للجحيم بنفسها

انا التي أختارت هذا الطريق

دون ان تفكر في عواقب الأمور

أو الخطر الذي اضع نفسي به

كان انسان ذكي في لبس الأقعنه والتمثيل

لدرجه كنت غبيه لم استطيع ان اكشف

ان كان صادقاً معي ام انساناً مخادع

ولكن لم أشعر بكل هذا الى بعد

فوات الأوان

بعد دخولي الى الجحيم

مـقـتـطـف..

-صافنة بالحايط تفكيري مخربط معرف بضبط

شنو أتصرف

كل مره الحق وياي و ادافع النفسي

بس اليوم كلي ضدي وكلشي يثبت اني غلط

شون اذا صدكهم؟

زين اذا أندل مكاني؟

ما راح يرحمني متاكدة هاي المرة اكيد خلص

راح يقتلني

فزيت من أفكاري على صوت الجهاز يدك

كمت بسرعه سحبته باوعت للشاشه شفتها ريم

خفت أرد عليها ويطلع تلفوني مراقب

بس هم ما اكدر ما ارد يمكن صاير شي

فتحت خط ردت عليه بسرعه واسمها تصرخ

ريم:-اطلعيييي بسسسررررعةةة من البيييتتت

-الرعب والخووف كله سكن كلبي من صوتها

حجيت بخووف

-صاايرر احجي

ريم:-لججج حصل مكاانججج هسه أيمن دزله العنوان

-ش ش شنوو شووون وين ارووح اني

ريم:-معرف معرف اي مكااان المهم تنقذين نفسج

هاي المره اذا لزمج صدكيني ماا يرحمج

-غلقت تلفون منها وركضت بسرعه اريد اطلع

الشوارع ظلمه الساعه 2:30

اطلعت اباوع للمكان أظلم وبس صوت الجلاب

والبزازين

بس كل هذا مو مهم المهم اخلص نفسي منه

اعرفه اذا يلزمني ما يرحمني

بقيت أمشي وألتفت خوفا احد يشوفني او يلحكني

الجو بااارد حيل بس ما احس بشي بكد الخوف والرعب

الي احس بي هسه

بكل مره جنت اواجهه بدون خوف بدون رعب

من شي لان اعرفه انسان ظالم وكل رحمه ما يملك

بداخله

بس اليوم العكس كل الأدله تشهد ضدي حقه مايصدكني

بعد العبه الحقيرة الي سوتها وياي

اتوقفت بمكاني بسرعه بعد حسيت بحركة

شخص ورايه حسيت أطرافي جمدت

كوه كدرت التفتت وميته خوف انصدم واشوفها

بزونه كوه كدرت اسحب نفس

واكمل طريقي المكان الي يشوفه يحسه مهجور

حتى بيوته قديمه كلش

دخلت الفرع ضيق كل تفكيري هذا الاشي

يساعدني وما يخلي احد يشوفني بقيت امشي

فجاة وحسيت بصوت حركه ورايه

فكرت هم تطلع بزونه امشيت اكمل طريقي

سمعت صوت تشغيل جداحه

وكفت بسرعه بمكاني

شفافي ترجف جسمي كله صار يرجف

اسمعت صوت ومتاكده هوه التفتت بهدوء

اريد اتاكد

واشوفه واكف ورايه مسافه متر بينه يباوعلي بنظرات غريبه معرفت افسرهن

همست بهدوء واحاول اسيطر على رجفت شفايفي

-أ أ

صاح بكل هدوء

-اشششششششش صووووتج

تقرب مني و همس بأذني

-مو الأبهر الي تشردين من سجنه جوليان

يتبع.....

أبهرٌ قادمٌ من أقصى الجحيم

قادمٌ من قاع مليئ بالظلمات

وحش من الخارج و وليدٌ من الداخل ...

لا تعلم ما هو ...

تارةٌ تجده مُرهف ...

و تارةٌ تجده مُستبد ...

سالكٌ طريق مَحجُور ...

الى ان هَوَى في قاعهِ المُعتم..

غزالة شرسة ..

لم تخضع لقوانيه المُستبدة ...

يُبكيها و يمسح دموعها ...

يؤلمها و يداوي جراحها ...

متناقض الى حَدٍ معها ...

لكنها لم تستلمُ له ...

كان لديها صلاَبة معهُ ...

الى ان بات امامها حُطام ...

زهرء حسين

الكاتبة:-مريم احمد

انتظروني قريبا ♥️

#قادم_من_ااقصى_الجحيم

بقلمي: مريم احمد

خبّئني في إعوجَاج ضِلعك.

كَروحك تماماً كَشيء لَا تعيش دونه أبداً

خبئني بين صوتك و قلبك

🔴لاتنسون التصويت+التعليق بين الفقرات حتى ماتاخر عليكم بتنزيل ♥

★★★★★★★★

في قاع مليئ بالظلمات

اشخاص قد ماتت الرحمه في قلوبهم

ولم يخلق فقط نيران الجحيم

-امي الغرفه جهزتها مثل ما طلبتي مني

-اكيد ما نسيتي شي؟

-والله العظيم ما نسيت هاي صار

خامس مره انتي تذكريني

-كافي كافي اسكتي ويلا روحي منا

-لاتضوجين منها تعرفيها ماترتاح اذا مو كلشي

كامل مثل ما هيه تريد وتحب

-قصدج مثل ما هو يريد

-الباب تندك وحده منكم تروح تفتح

-اني رايحه لاتعبين نفسج انتي

امشيت فتحت الباب باوعت شفته واكف على جهه وينافخ بس

شافني باوعلي صفح ونتر

-حظرتجن ساعه لازم ننتظر يلا تفتحن الباب

-وشصار عيني طار نص من عمرك هسه

-كاافي كاافي يلا امي وينها

-موجوده بالصاله

دفعني ودخل كبر حتى كبر سديت الباب ورجعت دخلت شفته واكف ويسولف

-ليش الباجر مو المفروض اليوم يرجع

-يوم شسوي ماتعرفين سوالفه بعد

-شنو ما راح يرجع

-وانتي شعليج

-وانت منو الي ديحجي وياك

-كااافييي ميسم فوتي جوه

ميسم:-خاله كلما يشوفني يبقى بس يتعارك وياي

-اووي ميمو خانو ما تتحميلني

ميسم:-احتررم نفسك احسنلك

-والله العظيم بس لو ما امي موجوده اسحكج بالقند** على راسج بت الكلب

-اي عفيه تضاربو بعد يلاا

ودق:-كافي هاي شبيكم بس تتعاركون

-اخذي هاي الادبسز من كدامي بسررعه

ميسم:-والله محد ادبسز غيرك انتَ حيووان

ودق:-دتعالي فووتي تردين يمووتج

ميسم:-ابن امه يجرب ويمد ايده عليه اكسرها

ودق:-دنجبي ما كسرتيها اله من ضربج اخر مره

ميسم:-اخخ لو ما اخوج موجود

ودق:-اي اي مبين كلش

-يووم هاي شعدها هناا بس فهميني ماعدها بيت وتولي

-ماعليك انتَ بيها

-شنو ما عليه اكبر بر*** هاي بس محد انطاها مجال

غيرج وراح تخرب حتى البنات وياها

-عوفني منها هسه وفهمني المصيبه الكبرى

-شنو أفهمج غير الي براسه ما يصير هو من الاساس شعنده راجع

تعرفين اذا يرجع ما يعوف مصيبه و اله يدخل نفسه

بيها

-لعد تريده يبقى هناك طول عمره

-اي يبقى احسن ما يجي هنا وتبدي المشاكل والمصايب

-كااافي شسالفتك كل كلمتين وكلت مصايب ومشاكل

-اي لان هاي الحقيقية ماتعرفين أبنج زين

-لاتخاف هالمره اني اتصرف ويا

-اي عود يرجع ونشوف

★★★★

فتحت الكنتور وبقيت صافنه شنو البس بالضبط

عندي هواي ملابس واحس نفسي كولشي ماعندي

اكثر وقتي يروح بس بالملابس

أسحبت بنطرون ابيض وقميص بيجي وسويت

تنسيق باقي الشغلات وياهن من الجنطه والحذاء

وكفت أرتب نفسي كدام المرايه

واباوع للباب نفتح ودخلت امي عاكده الحواجب وتدردم

-يلااا خااتون شوكت ترحين مو عندج امتحان

وساعه بس بين ما تحصلين تكسي

-اي ماما هاي كملت محتاجه شي

-شكد عندج تنطيني

-خمسه وعشرين كاافي

-يلاا هم زين

-اخذتها مني وطلعت نزلت وراها باوعت البابا كاعد

بصاله أمشيت بوسته باوعلي وضحك

-حبيبتي باباتي محتاجه شي

-سلامتك يروحي اذا انتَ محتاج شي كول

-ما أريد شي غير بس الله يحفظج

-حبيبي بابا يلا اني طالعه

-انتبهي على نفسج

-ان شاء الله

طلعت بسرعه باوعت للساعه الوقت اتاخر

وزين اذا حصلت سياره بسرعه

ركضت على شارع العام كوه حصلت تكسي

-عمو تاخذني&&&&&&&

-اييي ٥الف

-صعدت ويا وكل شوي اباوع على الساعه

ولا يوم وصلت بي من وكت دائما اتاخر حجيت ويا سايق

بلا زحمه ياريت تستعجل

-بنيتي مااشوفين شون ازدحام

-هو على حظي من اتاخر لازم يصير ازدحامات

وصلت للجامعة بعد ما روحي طلعت من الازدحامات

نزلت بسرعه باوعت للساعه المحاظرة

بعد دقيقتين وتبدي

دخلت بسرعه للقسم مالتي شفت الطلاب كلها تراجع

علمود الامتحان

أمشيت كعدت بمكاني سندت راسي على ايدي من التعب

فزيت على صوتها وهيه تضحك فوك راسي

رفعت راسي شفتها واكفه فوك راسي وتضحك

-هم متاخره

-اسكتي يمعوده ما تعرفين صار حسيت كلبي وكف

باوعتلي متفاجئه

وكعدت كدامي حجت بخوف

-شبيج صاير وليش وجهج هيج اصفر متعاركه

-لا بس ساعه اني اختار بالملابس

ونوب الازدحامات خفت اتاخر

-عابت خفت صاير وياج شي

وبعدين الأمتحان تأجل اخير شي

-يعني راح نتاخر بالطلعه وامي راح تزفني

-كوليلها بعده عرسي لاتزفيني هسه

-هه هه ما تضحك كوومي اريد اكل شي الدوخه

لازمتني فد مره

-تمام يلا

-بعدني اريد اطلع ودك تلفون فتحت الجنطه

ابتسمت واني اشوف اسمه فتحت خط وأجاني صوته

-شونج عيني

-اني زينه انتَ شونك

-عايش

-ليش ما تتصل؟

سمعته تنهد وصوت جدحه ديدخن

-مو بيدي ما لحك والله

-شوكت ترجع

-ان شاء الله عن قريب

-لاتصدمني برجعتك قبل لاترجع اريد اني اول وحده

اعرف

-هههه تمام بعيني

يلا عيني بعدين اخابرج

-تمام مع السلامه

-شوكت يرجع؟

-ما أعرف ما يقبل يكول شي

-امممم تحبي؟

-لا يمعوده شسالفه

-لعد ليش هلكد مهتمه الارجعته

-هاي شبيج تعرفين احنه اصدقاء

-ما اعرف بعد

-ترا اني جوعانه كلش

-يلا لعد امشي

-وصلنه للكافتيريا كعدنه ناكل اباوعلها صافنه

بوجهي

-شبيج بليسان؟

-مابيه شي

-دادا انتي شنو الي دتفكرين بي بالضبط

-ما افكر بشي بس اني خايفه عليج

-من شنو؟

-تعرفين انتي اقرب صديقه اليه وما اريد شي يأذيج

-ترا انتي مكبره السالفه واني مو طفله اعرف

كلش زين شون اتصرف

-اني من خوفي عليج والله

-اعرف بس لا تخافين عليه وألي بالج انسي

-شقصدج؟

-تعرفين قصدي

-اذا تقصدين عليه فا اصلا مو بالي بس هو

الي وين ما اروح اشوفه كدامي

-تردين احجي ويا وبعد ما تشوفي

-يمعوده يولي بحاله اني

-يلا كملي بسرعه لا تبدي المحاظره

-كملت كومي يلا

-دخلنه المحاضره وصارت وحده ورا الثانية صارت الساعه

ب٦ وربع طلعت من الدوام

-شنو زياد ماياخذج بعد

-لاتعارك وياي لان اتاخر بطلعه

-ههههههه حقهم والله هذا صار خامس خط تغيري انتي

-علساس انا ميته عليهم

-اووكفي اوووكفي لحظه

-شنووو شبيجج

-هذااا شيسوي هنا

-منوو

-دباااعي عيونه شون راح تاكلنه اكل من عابت الهلعيون

-شبيج عليمن تقصدين بليسان

-اييي باااعي وتعرفين شبيج

-درت وجهي اباوع بسرعه رجعت باوعتلها وضحكت

-وجع شبيج تضحكين اكرهااا وماااحبه ادبسز طايح الحظ

-مو الهلدرجه شبيج ويا الولد

-اششش اسكتي هذا ديمشي بتجاهنه شعنده

-شمدريني اني

-اذا ماااطلع حضره الاستاذ مالتج هو متصل عليه

-كااافي اسكتي الولد وصل

-السلام عليكم

-عليكم السلام

-يابه يكولون السلام بلاش مو بفلوس

-بكيفي ماريد اسلم يلاا عمري انا رايحه ابو الخط وصل

-تمام عمري الله وياج

باوعتله شفت عيونه عليها

-احم احم

-هااا خيتي

-شبيك وين صفنت

-لا هيج ماكو شي

-ليش هنا لعد

-خابرني حتى اني اوصلج للبيت

باوعتله بااستغراب وحجيت

-وليش ومن شوكت هو يطلب منك توصلني

-معرف بس هو خابرني وكالي ضروري اني اوصلج

-صاير شي احجي

-معرف اني الي عليه اسوي

-انته مااتعرررف مو عليه هسوالف احجي صاير

-يابه والله العظيم مااعرف ماتصدكيني خابري

-اوكي لعد اخابره

طلعت جهازي اتصلت عليه مرتين ماايجاوب

-هاا

-مايرد عليه

-هسه دخليني اوصلج وبعدين خابري

-باااوعت عليه بشك وامشيت للسياره صعدت ليوره

وهو صعد يسوق

الطريق كله اتصل عليه ومايرد عليه يفصله بوجهي

بقيت بخوف وقلق صاير شي

دك تلفونه باوعتله وكف سياره بسرعه اباوعله يحجي

وعيوني تباوع من الامرايه الأماميه على سيارات الي ورانه

بعدني اريد ادير وجهي اباوع ومااسمعه الى نتررر بيه

-لاااااتبااااوعين بسررررعه نزلي راااسسسج

-صااايررر شكووو لاتخوووفني حباب

-مصاااير شي بس ابقي هادئ

حرك سياره وصار يمشي بكل سررعه

-ليشش دتمشي سريع وهذا مو طريق بيتنه

-مااراح اخذج للبيت

-فتحت عيوني شنووووو وييين ماااخذنننيييي

-صوووتج اذني انطررشتتتت

-ووووين ماااخذنننييييي

-الأمي الحجيه

-منووو هاااي وشعندي رجعني لبيتي احسنلك

-انتي ماتعرفين اتكعدين هادئ ابد

-لااااا ومعليك وصلني للبيت

-اوصلج للبيت بس مو هسه

-لااا هسسسه ولاتخليني اصرخ واكول خاطفني

-ههههه تخيلاتج واسعه

_استغفرالله واتوب اليك

-عفيه هواي كثري بالاستغفار يخفف من الذنوب

-كول هذا الحجي الك مو اليه لان يحتار رب العالمين وين يذبكم

-افا ممقبوله منج قصدج احنه كفار

-لا ابد خطيه اصلا لازمين الجوامع بيدكم

-هههههههههههههههه

-اووووف ربي صبرررك

-يلااا تفضلي ننزل

-هاي انته وين جايبني

-كتلج الأمي الحجيه

-واني كتلك اريد ارجع للبيت

-راح تحبين البنات هواي

-انته شنو ماتسمع

-بس باعي الحجيه طبعها صعب وماتحب البشر بسرعه

-اررررريد اروح للبيتتت

-اي وهسه انتي هم بيتج

-لاااا هذا موبيتي

-يجوز يصير بيتج هم

-صنفت بوجهه وحجيت

بس فهمني انتَ اكيد صاحي

-اي والله بس هسه نزلي وافهمج كلشي

-اوعدني مايصير شي

-وعد بس انزلي البيت بي كامرات على شارع

واخاف يشوف ويحسبها غير شي يمعوده

-مااخاف من بشر اني لا منك ولا منه انا انسانه تخاف

بس من رب العالمين واياكم تلعبون وياي

-دتحسسيني خاطفج واريد ابيع اعضائج والله

-ههه سخيف

-يلاا مقبوله منج بس تفضلي انزلي

-نزلت ويا جان البيت بناء بسيط ومرتب واكثر مساحته

حديقه

دك الباب فتحتها بنيه شابه تطلع قريب عمري

باوعت علينه وابتسمت

-ها يابه شونج

-الحمدلله بخير انته شونك

-اني بخير بس شنو راح تعوفينه واكفين بره

-هههه لا اسفه تعاالوو دخلو

-امي الحجيه موجوده

-اي كاعده بالصالة تباوع مسلسل تركي

-اييي حقها تريد ترجع شبابها صاار يحتاج نزوجها

-اباوعله صار يضحك ويا البنيه ويصيح بصوته حتى يسمع الداخل

البيت جان تصميمه من الداخل غريب ومميز ويخدعك من الخارج تشوفه صغير بس الداخل يختلف بقينه نمشي

بممر طويل الى ان صارت كدامنه صاله جبيره

وكاعدات بيها بنات ثنين ومره جبيره بالعمر بقيت واكفه

على جهه واباوع مستغربه من الوضع واستحي ادخل البيت ناس ماعرفهم

-شنووو هالجمال يوم انتي يوميه تجددين شبابج

-ايي ايي ابقه اضحك عليه بكلامك وسوالف هذني

-شوكت ضاحك عليج اني بس انتي صايره ماتخافين ربج

بالعالم وماتكولين واحد ينجلط بهذا جمال

-ابتسمت على منظرهم وهو يتغازل بيها

ضحكت المره وقدمت كصيبتها لكدام وحجت

-اصلا اني من يومي حلوه وكلها جانت تريدني

-اووف الله يساعد قلب ابويه شون جان متحمل هذا جمال

-اصلا اني مارضيت بي بسرعه حطيت شروطي يلا قبلت

-حقج يابه تحطين شروط الدنيا كلها هو منو يضيع

هذا الجمال من ايده

-كااافي ولك انته شو صاير كلش ادبسزز

-صافنه عليهم ومندمجه سمعت جهازي دك طلعته بسرعه

من الجنطه من دك جهازي كلها انتبهت على وجودي وباوعت

باوعتلي المره بنظرات غريبه ممزوجه بشك وحجت ويا وهيه تأشر عليه

-هيه هااي

★★★★★★★★

عمري لاتنسون الايك و التعليق بين الفقرات

والمتابعه 💛

م

وعد النشر ان شاء الله بين يوم و يوم

اتمنى تعجبكم القصه ♥

#مريم احمد

قادم_من_أقصى_الجحيم

بقلمي/مريم احمد

-كافي صرتلهم وطن واني الغريب.

★★★★★

*

في مكان اخر

-كاعد بالمكتب والسجلات والملفات كدامي اشتغل

عليهن

اندك الباب

-تفضل

-صباح الخير استاذ

-هلا

-انا اعتذر ازعجت حضرتك بس اكو اشخاص يردون

يشوفون حضرتك

-كوليلهم مو فارغ

-بس

-من طلعين سدي الباب وياج ودزيلي على كهوه

-تمام استاذ حاظر

-سحبت جهازي وتصلت عليه رد عليه وهو يصيح

عبالك ما اسمع

-الوووووووووو

-وجع انتَ شوكت تبطل تصيح

-ههههههه اخوي عزيز گلبي

-رجاء بدون لواكه زايده

-شبيك مو انا اكول خطيه اخاف اذانك ماتسمع بيها

من الموسيقى والنوادي الليلية

-بدون لغوه زايده مفهوم

-هاي صوجي اخاف عليك

-انتَ ماتعرف تسكت وتعوفني احجي

-يلاا سكتت تفضل

-احجي شنو صار

-الي طلبته مني سويته

-وعرفتهم؟

-لا بعدني بس حجيت ويا الجماعه وكالو نعرف

-باجر اريد معلوووماات كامله مفهوووم

-شبيك شنو باجر هيه لعب

-مايهمني انا باجر اريد كلشي لو تجيبهم اليه من تحت

الأرض اريدهم مفهوم

-خوووش فتهمت

-معتمد عليك بكلشي انا هسه مفهوم

-تمام بس انت شوكت ترجع

-مامعلوم بعدني

-امي اكلت راسي وهيه تسئل عنك

-ميخالف انا اتصل بيها

-زين تسوي

-يلا مع سلامه ومثل ماوصيتك

-اي فتهمت ورب الكائنات شبيكك

-كطعته منه وكمت اطلعت من المكتب

اجت موظفه

-استاذ الناس الي كتلك عليهم لهسه منتظرين يشوفون حظرتك ومايقبلون يرحون

-اعتقد انا حجيت عربي وكلت مافارغ

-استاذ همه موجودين بعدهم كاعدين هناك

-باوعت عليهم وحجيت

-تفضلو

-السلام عليكم استاذ

-هلاا ما احب احد يصافحني رجاء

-تمام نعتذر

-اكدر اعرف بشنو اكدر اساعدكم

-اعتقد لازم نكعد ونحجي

-للاسف مااكدر لان عندي شغل مهم هسه

-احنه من طرف ***** علمود موضوع الشراكه

-اهااا هسه صار واضح كلشي

-شنو تقصد

-انت كلت لو نحجي بالمكتب احسن وهو هذا لازم يصير لان عندي كلام وياكم واريدكم توصلو للمسؤل عنكم

امشيت وهمه ورايه دخلتهم للمكتب

-استاذ تريد اجيبلكم شي

-لامايحتاج لان مايلحكون يشربون شي

سديت الباب وامشيت كعدت على كرسي

-اعتقد انا حجيت ويا مديركم وفهمته انه اني ماريد

أي شراكه او مشروع بيناتنه

-بس هذا عرض قوي من عدنا وخساره جبيره

الكم اذا رفضتو

-هههههههههههههههه ضحكتوني والله

-ما اعتقد حجيت شي يضحك

-والله كلامكم كله يضحك من اول ماكعدتو

المهم اني مو هذا كلامي وياكم وسمعوني زين

وصلو هذا كلامي للكلب مالتكم

-استاذ احترم نفسك شنو هذا الاسلوب

-انتو بعدكم ماتعرفون زين اني منووو

اسمعوني زين وصلو كلامي كلش زين المديركم

مو انا الي ينلعب وياي مفهوم اني نار والي يتقرب

مني لو من الناس الي يخصوني فا يحترك بنار الجحيم

ولعبته الحقيره سواها وياي والتهديد الي وصل

الناس يهموني ماراح اسكت عنه

-حضرتك شنو دتحجي

-اششششششششش اسكتووو ولا كلمه هاي سوالفكم ماتمشي عليه حقراء واعرف كلش زين لعبتكم الحقيره وياي بس انتو الي ورطتو نفسكم وتستاهلون

-انت كل احترام ماعندك واحنه صوج بينه نحجي

ويا شخص مثلك

-هههههههههههههههه وصل اخر تحياتي للمسؤل عنكم

كله انت الي لعبت بالنار ونار جحيمي راح تحركك

ومو اني الي ينلعب ويا مفهوم

-راح تندم على كلامك هذا

-عود من اتندم ذكرني

★★★★★★

باوعتلي المره بنظرات غريبه ممزوجه بشك وحجت ويا وهيه تأشر عليه

-هيه هااي

-رفع راسه باوعلي ورجع باوعلها حجه والابتسامه على وجهه

-اي يوم هيه هاي

ضحكت وأشرتلي بيدها

-تعاالي حبيبه تعالي

-ابتسمت وتقربت منها

-كان اله حق يخاف عليج وانتِ بهذا جمال

-شكرا حبيبتي خاله

انا حجيت هيج وبنيه من الي كاعدات صارت تضحك

بصوت عالي باوعتلها وانا مستغربه على شنو تضحك

حجت بستهزاء وهيه تباوعلي

-شنو هاي الواكه الزايده وبسرعه سويتيها خاله

اجيت اجاوبها وماحسيت اله عليه وهو طفر بتجاهه

وضربها على وجهه بهتت ملامحي وبقيت مصدومه

وانا اشوف دم يتطافر من خشمها من قوه ضربه

الكاعدين كلهم جانو مصدومين من تصرفه

اباوعلها ابتعدت وهيه لازمه خشمها وتباوع للدم بصدمه

رفعت راسها اله

-لككككك انت منووووو وتتجرأ تضربني يااا حقير

-واكسررر راسج هم اذا مره الثانية تقللين احترام ويا احد

-تكسرررر راس منوووو بالاساس انت َكلك على بعضك

منوووو بس لا حضرتك مصدك نفسك زايد انه انت

ابن هاي العائله لكك بابا تذكر أصلك الحقيقي وتذكر انته ابن منو بالاساس

هيه حجت هيج لو هو فتح عيونه على وسعهن من الصدمه

المره الجبيره حجت بصياح قووي

-لججججج ادبسزززززز منووو انتي وتحجين هيج ويا ابني طايحه الحظ

-خاله ماااتشوفي شون ضربني

-يضربج لان انتِ وحده ادبسز وطايحه حظ وصوجي انا انطيتج مجال هسه تاخذين غراضج وطلعين من البيت وترجعين الاهلج ماريدج لحظه

-تفضلين هذا الغريب عليه وانا بت اخوج

-مووو غررريب هذااااا ابني اني

-ليش تنكرين الحقيقه والكل يعرفها هو مو ابنج ولا ابن عمو عز الدين هو ابن...

بعدها تريد تكمل ومااشوف الى البنيه الي فتحت الباب النه تضربها راشدي

-انطيناج مجال زايد وحجيتي هواي بس مااسمح الوحده مثلج تتجاوز على اخونه لو مهما يكون هو احنه من اول مافتحنه عيونه واحنه نعرف عدنه ثنين اخوه مو انتِ الي تجين وتكولين منو اخونه ومنو لاااا

-كل هذا واني صافنه واباوعلهم ساعه عيني عليهم وساعه عليه اباوعله شون مصدوم وحرف ماانطق

المره الجبيره تقربت منه وتحضن بيه وتبوسه

-معليك بكلام هاي الادبسز أنت ابني وابن روحي وحبيبي

انا ارفع راسي بيكم كدام الناس

هو ساكت حرف ماحجه ابتعد عنها وسحب جهازه وغراضه وطلع محد حجه حرف ولا احد طلع ورا

بقيت واكفه بنفس مكاني خجلانه من الموقف

تقربت عليه وحده من البنات ابتسمت بوجهي وحجت

بخجل على الي صار

-احنه اسفين على الي صار وعلى كلامها وياج

-لالا عاادي ماصار شي بس انا اريد ارجع للبيت

حجت المره الجبيره

-لا حبيبه ماكو رجعه انتي امانه هنا عدنا ومانكدر نأمن عليج برا وان شاء الله باجر ترجعين

-بس اهلي مايعرفون واخاف يبقى بالهم عليه

-خابريهم بس بالاول اصعدي ويا البنات للغرفه حتى ترتاحين لان اكيد تعبانه

-اخذت جنطتي وصعدتني البنيه وياها لفوك وصلنه يم باب الغرفه حاولت تفتحها بس مقفوله باوعتلي وابتسمت

-هاي اختي كلما تطلع من الغرفه لازم تقفلها وتاخذ المفتاح وياها وتعوفنه هيج بس ندور انتظريني لحظه اجيبه واجيج

-هزيت راسي ب اي

عافتني ونزلت بيقيت اباوع للمكان جان الطابق الفوك عباره عن ممر طويل وبي بس اربع غرفه وصاله صغيره ومبين اكو بعد طايق فوك

انفتحت وحده من الغرف وطلعت منها نفس البنيه الي تعاركت باوعتلي وابتسمت بستهزاء اتقربت مني ولازمه جنطتها همست قريب اذني بكلمات مافهمت قصدها بيهن

-هذا البيت دشوفي شكد شكله حلو بس داخله اسود

وهذا نفسه الجحيم والي بهذا البيت كلها شياطين

وانتي وكعتي نفسج بنص النار

-شنو دتقصدين انتي

-ههههههه بمرور الوقت تفهمين كلامي

-ترا انتي فاهمه غلط انا معندي شي ويا اهل هذا البيت ولا اريد اعيش بي

-انتي عبالج هذا الي ديصير وياج كله عادي

تجين للبيت ويردون تبقين هنا فكري بيها زين لاتغشمين نفسج

-لاتحجين الغاز واحجي شنو تقصدين

-لو جنتِ شخص عادي مثل ماتكولين فا ماجنتِ راح تشوفين نفسج بهذا المكان هسه لجج بابا انتي ورطتي نفسج بشغلات حتى بدون ماتدرين بنفسج

-شدتحجين انتي

باوعتلي ضحكت وهيه تعدل بشعرها وحجت بغرور

-تكدرين تعتبرين كلشي ماحجيت اصلا لادوخين نفسج

عافتني بصدمه من كلامها ونزلت بهاي الاثناء صعدت

نفس البنيه باوعتلي وابتسمت

-اسفه اتاخرت عليج بس جنت دانطي العلاج الأمي

-لاعادي حبيبتي ماكو مشكله

-تكدرين تدخلين

-دخلت للغرفه جانت حلوه ومرتبه كعدت وطلعت جهازي شفت امي حاركه تلفون عليه ب الاتصالات وبليسان كذالك

اتصلت ب الاول بليسان

ردت عليه بعدني اريد احجي واسمعها اتصيح

بليسان: -لججججججججج انتيييي وووووينننننن

-على كيفج هاي شبيج

بليسان:-يممممه تحجي برود وياي لججججج انتي تعرفين شصار

-شكووو صاااير

بليسان:-امج اتصلت عليه تسئلني عنج واني هم الغبيه

كلتلها اي خاله عدنا بلبيت

-ايي شفتها مخابرتني هواي

بليسان-كالت ليش ماتجاوبني كتلها جهاز خلص شحن وهسه هيه بالحمام من تطلع اني اخليها تخابرج

-زين تسوين

بليسان: -ولججججج انتي وين فهميني

-اني مو بالبيت

بليسان: -واو ماشاء الله شنو هالمعلومه انتي غبيه لو دتستغبين

يعني اني مثلا ماادري بيج مو بالبيت

-اني عند اهله

بليسان:-جذااااااااااابه

-والله العظيم

بليسان: -صخاااااام عزاااا العززززززااااج

-شبيج ولج

بليسان:-كل هذا وتسئليني شبيج ولج مصخمه شعندج بالبيت

-من طلعنه من الكلية اكو عالم ماعرف منو طلعو ديراقبوني

بليسان:-ولهسبب دز هذا المهتلف هناك

-اييي

بليسان: -انتي بشنو ورطتي نفسج انا من البدايه ماجنت مرتاحه الهذا شخص

-شبيج ترا ماكو شي

بليسان:-هو انتي راح تطيحين حظج بروحج لان كلشي عندج عاادي

-كافي سدي الموضوع اكلج انا راح اخابر امي وبعدها انام

بليسان:-تمام زين الصبح تجين للدوام

-مادري بس على اكثر اكيد

بليسان:-ديربالج على نفسج حبيبتي

-ان شاء الله

كطعته منها واتصلت على امي وكذالك نفس الرزاله استلمتني هيه الثانيه وكوه يلا كدرت اقنعها واخلص روحي منها

مددت على الفراش وافكار تجيبني وتوديني وبالي كله يم حجس البنيه الي مافهمت قصدها

حاولت انام بقيت اتقلب مااكدر

انفتحت باب الغرفه باوعت عليها دخلت

-ليش مانايمه لهسه

-حاولت انام بس ماكدرت

-يمكن لان مكانج متغير

-على اكثر هيج

-تحبين تنزلين جوه بالحديقه بلكي ترتاحين

-ياريت ولله بس استحي وحدي

-لا عليمن اذا تحبين انزل وياج

-اييي ولله ياريت

-تمام يلا لعد كومي

-كمت وياها نزلنه للحديقه جانت جبيره وكلش مرتبه واكو غرفه صغيره صايره على جهه للحراس ومبين كاعدين بيها لان صوت ديطلع منها

بقينه نتمشى ونسولف بشغلات عاديه

-الجو صار بارد

-تردين ندخل جوه

-لا انتظريني هنا هسه اجيب شي نلبسه

-عافتني وراحت بقيت واكفه اباوع واتأمل بالسماء والنجوم الي مزينتها واتذكر نفسي من جنت صغيره اكعد احسبهن

وامي تصيح عليه تكول مادري شنو يطلع بوجهي

حسيت بصوت حركه ورايه عبالي هيه

-حديقتكم حلوه كلشش ومرتبه عاشت ايدكم

استغربت من مجاوبتني بعدني اجيت اريد التفت

واشوفهه

ومااحسيت الى على ايد شخص ضخمه صارت على حلكي

كتمت صوتي.......

.

.

.

.

.

.

.

★★★★★★★★★

لاتنسون التصويت ولتعليقات قلبي ♥

احبكم

واتمنى يعجبكم البارت 💛

#الكاتبة_مريم_احمد