تحميل رواية «حورية سليم» PDF

ودوا العروسه بيت جوزها واحنا هنكتب الكتاب والعريس هيروحلها .

روحت الشقه بس لقيتها غربيه مش هيا دي اللي انا وأحمد اخترناها .

اول ما الباب فتح جريت في حضنه

حور .احمد اتاخرت عليا اوي

بصيت ليه ملقيتش احمد

حور بزعيق . انت مين

سليم .اقعدي كده بس وهفهمك

حور.تفهم اي انت اي اللي دخلك هنا

سليم .ده انتي مفروض تشكريني علشان مخليتش منظرك وحش قدام الناس اللي اسمه احمد ده بعت رساله لباباكي وقال انو مش جاي لا هو ولا عيلته وبعت واحد اخد الشبكه كمان

حور. اكيد بحلم لا مستحيل احمد مش هيعمل كده فيا

سليم . وكان لازم يكمل الفرح مضيت بداله

حور قعدت علي الكرسي وهيا بتعيط وبترن علي احمد مبيردش

سليم. انا مش هدايقك أو أي حاجه اعتبريه بيتك واي اوضه انتي عاوزاها خديها

حور. ليه عمل كده وليه انت عملت كده لي انا مستاهلش منه كده

سليم قعد جمبها .ربنا كاتب لينا كل حاجه خير احسن ما كنتي تتجوزي وتكتشفي بعدين انو شخصيته صعبه

حور. انت مش ذنبك ابدا انو كتب كتابك يتكتب علي واحده متعرفهاش

سليم .البيت بيتك انا نازل عن إذنك

سابني ومشي وانا منهاره من العياط ورنيت علي بابا

والد حور . والله ببنتي الواطي ده بعت رساله وقال كده وسليم ابن صاحبي اتدخل ومضي في كتب الكتاب

حور. طيب سلام يا بابا

احسن يوم يعتبر في حياة كل بنت كان كابوس بالنسبه ليا

بدأت اتمشي في الشقه لحد ما وصلت اوضه باين انها اوضته

كانت مرتبه جدا صورته موجوده اول ما تدخل الاوضه ؛ باين عليه انو دكتور من كتبه وفي زي مزكره يوميات لي كنت لسه هقراها بس لقيت سليم جيه

سليم .مسموح ليكي بأي حاجه ما عدا قراءة دي

حور. انا اسفه مكنتش اقصد

سليم .في الوقت المناسب هديهالك تقرايها

حور وهيا متوتره .طيب عن إذنك

سليم .حاسبي يا حووور

رواية حورية سليم الفصل الثاني

حورية سليم

كان في مسمار في الباب كان جمب عيني الشمال وانا ماشيه وماخدتش بالي انو موجود

سليم .حاسبي يا حووور

لقيته فجاه جيه جمبي ومعاه منديل علشان يمنع الد*م اللي نزل من جمب عيني

سليم .انتي أحسن دلوقتي

حور .اه

سليم بضيق . ابقي حرصي شويه علي نفسك

حور.انا معرفش الاوضه فيها أي انا لسه جايه جديد

سليم. سلامتك

حور .الله يسلمك

سليم .بتحبي احمد يا حور

حور. كان كتب كتابي يبقي اكيد كنت بحبه

سليم .ودلوقتي

حور. مش عارفه مش لاقيه سبب يخليه يعمل كده ؛ فجاه ميجيش كتب الكتاب وقبلها بساعتين كان فرحان وبيكلمني

سليم بعصبيه .خلاص يا حور مش هنتكلم عليه يعني اكتر من كده

حور. انت اللي خليتني اتكلم علي فكره

سليم.طيب انا ماشي يا حور

حور. هتسيبني لوحدي

سليم .وانتي صغيره

حور. ااه عيني وجعاني اه

سليم .مش انتي لسه كنتي قايله انك بقيتي أحسن

حور. فجاه كده تعبت تاني

سليم .مش عاوزاني امشي صح

حور. ايوا مبحبش أقعد لوحدي

سليم .طيب انا داخل أنام تصبح علي خير

حور. يعني هو لاما تخرج لإما تنام

سليم .انتي دوشتي دماغي يا حور بجد

حور. ادخل نام احسن

لاحظت انو اتدايق اول ما اتكلمت علي احمد فقررت متكلمش عنه تاني

مامته ومامتي جات

والدة سليم وماما .عاملين ايه يا ولاد

لقيته طلع واتكلم قبل ما انا حتي ارد .بخير الحمد لله وانتوا عاملين اي

والدة سليم .سليم لما جابني الفرح كنت افتكر انو فرح بنت صاحب ابو سليم بس طلع فرحكوا

حور بصيت ليه باستغراب

سليم .اه كنت عاوز اعمل ليكي مفاجاه يا ماما

والدة سليم .احلي مفاجاه يا حبيبي يلا بقي يا أم حور نسيب العرسان لوحدهم

والدة حور .سلام يا ولاد

مشيوا ولقيته قاعد اتفرج علي التليفزيون

حور. مش عارفه اقولك اي بصراحه بس شكرا

سليم .متقوليش حاجه تعالي اتفرجي معايا

الحياه عديت بيني وبين سليم بين هدوء جدا هو بيروح المستشفي ويشتغل وانا نزلت شغلي وحياتي بقيت اجمل بكتير عن ما اتوقع اصلا

كنا هنروح عند بيت والدته نزورها بس الباب رن

روحت علشان افتح

حور. احمد !!

رواية حورية سليم الفصل الثالث

حورية سليم

حور .احمد

لقيت سليم جيه واخدني من ايدي وبقي هو اللي قدام احمد

سليم. نعم

احمد . مش هتقولي ادخل

سليم .اتفضل ؛ ادخلي انتي يا حور

احمد دخل وسليم اتكلم

سليم .نعم

احمد. إنت تطلقها احسن

سليم .لا يا احمد وامشي من هنا بقي

احمد. انا ماشي بس استحمل اللي هيحصلك

احمد مشي وسليم دخل لحور

حور بنرفزه .مشي

سليم .اه

حور. انا كنت عاوزه اضربه والله

سليم بضحك .تضربيه كده مره واحده

حور. ايوا انا بجد كرهته اوي

سليم بفرحه .بجد

حور. وانت فرحت لي كده

سليم .لا ابدا عادي يعني

حور.بص هو انا مبقيتش اطيقه اصلا هو مكانش يستاهلني بس انا عاوزه اعرف هو مجاش لي

سليم مردش علي حور

حور. سرحت في اي يا سليم

سليم. لا ولا حاجه

حور. تعالي نروح عند والدتك

سليم .يلا

روحنا لبيت والدته وقررنا نقعد هناك لحد الصبح لانه حتي والد سليم مش موجود الله يرحمه بس سليم كانت علاقته حلوه مع بابا

دخلت اوضته اللي كان عايش فيها قبل ما نتجوز ولقيت صورتي في برواز صغير علي المكتب !!!

رواية حورية سليم الفصل الرابع

حور. هو صورتي عندك هنا لي

سليم .ها لا ايه رايك بقي في اوضتي

حور. انت بتغير الموضوع لي

سليم .مش بغيره يا حور تعالي نطلع برا علشان نشوف ماما

حور. سليم انا بسالك

سليم وهو بيقعد علي الكرسي . انا كنت عاوزك تبقي معايا من وانتي في الجامعه بس للاسف اتقدملك احمد قبلي والوقت خدني ومقدرتش حتي اقولك اي حاجه لحد ما لقيت كتب كتابك

حور.وبعدين

سليم .احمد مكانش راضي ييجي كتب الكتاب كان خايف يعرف انو يقولك انو هو عنده بنوته من مراته اللي اتجوزها الاول ؛ كان خايف حتي انك تعرفي انه متجوز

حور. وانت عرفت ازاي

سليم .كان جايب بنته تتعالج عندي في المستشفي ولما لقي صورتك عندي سألني انتي مين وبعدها حكالي اللي قولتهولك

حور. يعني هو بيحبني صح يعني هو مكانش عاوز يسيبني يوم الفرح ويمشي

سليم .ده كل اللي فارق معاكي

حور. سليم انت بجد عملت موقف حلو اوي ليا انك وقفت جمبي ده كله ؛كفايه لحد كده

سليم بإستغراب .كفايه لحد كده يعني اي

ندهت علينا مامته قبل ما اقوله قصدي اي ونزلنا تحت

والدة سليم .مفيش بيبي كده جاي في الطريق

حور. نعم

سليم .احنا ماجلين الموضوع ده يا ماما

والدة سليم .يا حبيبي عاوزه اشوف حفيدي قبل ما يحصل ليا حاجه

حور. بعد الشر عليكي يا طنط

والدة سليم .طيب يا حبايبي انا طالعه فوق خدوا راحتكم

طنط طلعت فوق وسليم متحركش من مكانه

سليم .ما تتدايقيش من كلام ماما

حور. عندها حق طبعا بكره تتجوز واحده وتجيب منها البيبي

سليم.هيا واحده بس اللي لازم يكون ليها اطفال مني

حور بنرفزه .مين دي بقي إن شاء الله

سليم .طب وانتي يفرق معاكي اي

حور. هو اي اللي يفرق معاكي اي طبعا يفرق معايا

سليم .ليه بتحبيني مثلا

حور. لا طبعا

سليم .بجد عيني في عينك كده

حور بمقاطعه علشان تغير الموضوع من وشها اللي بقي احمر .مش هننام يا سليم

سليم .لا اطلعي نامي انتي

كنت همشي بس وقفني كلامه وهو بيقول

سليم .كنتي تقصدي إي بإنو كفايه لحد كده

حور .كنت أقصد إنو يعني

سليم بمقاطعة كلامي . عاوزه تطلقي صح

حور .ا .ا .انا بس

سليم بزعيق .عاوزه ترجعي ليه

حور. سليم

سليم وهو ماشي .مفيش سليم يا حور؛ دي أخرى قصتي انا وانتي

مسكته من ايده وهو ماشي .سليم استني انا بحبك

رواية حورية سليم الفصل الخامس

حور. سليم استني انا بحبك

سليم .بلاش تقولي كلمه علشان بس تخلي الموقف يعدي

حور. سليم انا بتكلم جد

سليم وهو بيبص ليها .مش كنتي لسه من ثواني بتقولي انا مبحبكش

حور. علي فكره انت مستفز

سليم وهو رايح أوضته .وانا كمان بحبك

حور .انت قولت اي

سليم .انا عاوز انام

حور . لا مفيش نوم الا لما تعترف

لقيتها نامت وانا بكلمها ؛ همست ليها في ودنها بحبك

صحيت الصبح لقيت سليم واخدني في حضنه

حور.سليييم

سليم .في اي يا حور

حور.يا عم ابعد كده عني

سليم وهو لسه حاضنها.نامي يا حور نامي

حور. مش جايلي نوم

سليم .خلاص قومي

حور. لا

سليم. هتجنينيني

حور. براحتي

سليم . حبيبتي ممكن ننام بس

حور. حبيبتك انت قولت حبيبتك

سليم .معرفش

حور. نام يا سليم

نمنا وصحينا انا ساعدت طنط والدته ومشينا وركبنا عربية سليم اثناء ما انا ماشيه جاتلي رساله خليتني عامله زي التايهه كنت مصدومه من الرساله بس حاولت أعديها علشان سليم مياخدش باله  وروحنا الشقه

اول ما دخلنا من الباب قعدت علي الكرسي

حور. بص يا سليم طنط عندها حق انو يبقي ليها حفيد فإنت كده عملت موقف معايا حلو اوي ومش ذنبك تعيش فيه طول حياتك ؛ انت بس بتحاول تأقلم نفسك علي اللي حصل

فعلشان كده

سكتت شويه وبعدين اتكلمت

حور. طلقني يا سليم .

رواية حورية سليم الفصل السادس

حور .طلقني يا سليم

سليم . انتي اتجننتي

حور. لا متجننتش بس مش هكون واقفه في حياتك كده وانا مدمرهالك

سليم .هو مش انا قولتلك انو بحبك امبارح ولا انتي بقي عاوزه تسمعيها كل شويه

حور. يعني انت كنت بتتكلم حقيقي وانك بتحبني صح

سليم.ايوا يا حور

حور. تسلم

سليم .بعد ده كله وتسلم

حور. ايوا ومش هقول غير كده

سليم .بتنكري إنك بتحبيني علي فكره

حور. لا طبعا

سليم .حووور

حور .بحبك

سليم .ايه ده بالسرعه دي

حور.شوفت علي طول

بعدها حياتي اتحسنت اوي انا وسليم بقي جوازنا زي اي اتنين طبيعيين وعدي شهرين وبقيت حامل في الشهر التاني ؛ فكرة إنك عندك ابن من حد بتحبه دي حاجه جميله اوي

طول الوقت وانا عماله افتكر الرساله اللي جاتلي واحنا جايين من عند والدة سليم من شهرين بس حاولت أعديها أو بمعني اصح انساها اصلا كانت فيها "متفرحيش اوي كده بحياتك انتي مش هتكملي فيها "

كنا عند والدته وكانت في بنوته معرفهاش ووالدته قالتلي انها كانت جارة سليم ؛ وسليم بس مجرد وصلني وراح شغله

لقيتها قامت عملت لينا عصير وفجاه حسيت انو بطني بتتق*طع زي ما يكون في سكينه في بطني وبعدها محسيتش بأي حاجه من حواليا وبنده عليها وعلي مامته محدش بيرد

بعدها بمده سليم جيه ولقي حور في البيت وهيا فاقده الوعي ومحدش معاها ؛ أخدها المستشفي وبعد ساعه

الدكتور .البقاء لله

رواية حورية سليم الفصل السابع

سليم بخضه وهو صاحي من النوم .اااه

حور وهيا صاحيه من النوم.انت بخير يا سليم

سليم .اه حلمت حلم وحش شويه

حور. طيب يا حبيبي قوم اشرب مايه وتعالي نصلي الفجر مع بعض

قومنا صلينا الفجر انا وسليم

وبعد ما خلصنا صلاة طلبت منه انو

حور. عاوزين نروح لوالدتك

سليم بخضه .لا

حور.لي يا سليم

سليم .معلش يا حور لحد ما تولدي بس بلاش اتعبك

حور .تعب اي بس ؛ انت بخير يا سليم

سليم .اه اه بخير

حور. طيب يلا ننام

سليم .يلا

صحينا الصبح وسليم راح الشغل ولقيت والدة سليم جات

والدة سليم .حور يا حبيبتي وحشاني

حور. وحضرتك اكتر يا طنط اتفضلي

والدة سليم .لا استني في واحده معايا

حور. اه طبعا خليها تدخل

دخلت هيا ووالدة سليم الشقه وخليتهم يقعدوا لحد ما سليم ييجي

سليم وهو داخل بصدمه اول ما شاف والدته والبنت اللي معاها .ماما حور بخير

والدة سليم . اه يا حبيبي بخير انت في اي

سليم دخل جوا بيدور علي حور وهو بيقول لوالدته .عن إذنك يا ماما معلش

سليم دخل لحور المطبخ .انتي بخير صح

حور. اه يا سليم في اي انت بخير

سليم .اه اه بخير

حور. طيب تعالي نطلع ليهم

طلعنا ليهم برا ومشيوا وقعدنا انا وسليم مع بعض

حور. بقولك اي البنوته اللي جات مع طنط دي انت تعرفها

سليم .اه

حور. تعرفها ازاي

سليم .كانت جارتي واحنا صغيرين ونقلت يعني

حور. هيا قدك في السن

سليم .لا انا اكبر منها بسنتين

حور .اه

سليم .مالك في اي

حور. لا مفيش بس تصبح علي خير

سليم مسكها من ايدها .يا بنتي تعالي بس في اي

حور. نظراتها ليك اكانها تعرفك اوي وكلامها إنها تقولي سليم مش بيحب السكر كتير والشاي مظبوط ده كله انا عرفته بس من شهر يا سليم

سليم .طب وانا مالي

حور. طب وهيا ازاي عرفت

سليم .اكيد كانت في مره مع ماما وعملت لينا شاي وحفظت انا بحب نوع الشاي بتاعي اي

حور. يعني بس كده يا سليم

سليم .مش.فاهم قصدك

حور .يعني مكنتش بتحبها أو متقدملها مثلا اصل يعني اي اللي يخليها تيجي وهيا مجرد جارتك

سليم سابني ومشي وقال .تصبحي علي خير يا حور

حور وهيا ماشيه وراه .علي فكره انت كده بتتهرب من سؤالي بجد يا سليم

سليم .ولا بتهرب ولا حاجه بس نعسان

حور. انت ما عمرك كان بيفرق معاك النوم لو أنا كنت بتكلم معاك

سليم .انتي عاوزه تنكدي النهارده

حور. انتي شايفني نكديه

سليم بزعيق .يوه يا حور بقي

حور بزهق.خلاص نام يا سليم

قبل ما انام أو بمعني اصح من ساعة ما اتجوزت ورحت عند والدة سليم وانا فاكره الرساله اللي جاتلي " متفرحيش اوي كده بحياتك مش هتلحقي تعيشي "

بس بعدها قررت انام احسن

صحيت الصبح سليم راح الشغل وانا عرفت نوع البيبي وكان ولد ورحت ليه المستشفي علشان أقوله بس

حور.انتي بتعملي اي هنا في اوضة سليم

سليم .ايه يا حور في اي

حور. لما الاقيها قاعده في مكتبك يبقي ده اي وامبارح كانت بتبص ليك بيقي ده اي

سليم .حور انتي بتكبري الموقف اوي

حور وهيا بتعيط .انا الغلطانه انو كنت جايه افرحك يا سليم ؛ وبجد بقي كفايه لحد هِنا

رواية حورية سليم الفصل الثامن

سليم طلع يجري ورا حور بس ملحقهاش

اخد عربيته وراح علي بيته ملقهاش ورن علي مامته وقالتله إنها مش عندها وخاف يقلق أهلها عليها بس راح ليهم

سليم .عمي هيا حور هنا

والد حور. اه جوا

سليم وهو عاوز يدخلها

والد حور. هيا مش عاوزه حد يدخل ليها يبني

سليم. بس انا مش حد يا عمي عن إذنك

سليم دخل واخدها في حضنه

سليم. حور

حور.

سليم .حور ردي عليا

حور.

سليم بزعيق .ما تردي بقي يا حور

حور .عاوزني ارد انا عاوزه أتطلق

سليم بزعيق. والله يا حور لو قولتيها تاني بجد هتزعلي

حور .ده حقي وانا عاوزه كده

سليم .حور اعقلي

حور . مش عاوزه أعيش معاك يا سليم

سليم .وده لي بقي

حور .معرفش انا مش عاوزه أعيش معاك

سليم .يلا يا حور نروح بيتنا

حور. بيتك انت مش بيتي يا سليم

سليم بنرفزه .حور بطلي بقي ويلا

حور. بعند مش ماشيه من بيت اهلي

سليم .حور انا لحد دلوقتي بتكلم معاكي بهدوء

حور. امشي يا سليم ؛ احنا مكناش لبعض من الاول احنا بس كنا بنحاول مع بعض

سليم .ولا كلمه انتي قولتيها دخلت عقلي بجد ولا حتي كمان دخلت عقلك انتي

حور.سليم ابنك وهيتربي بيني وبينك عادي بس هنكون بعاد عن بعض

سليم .مش هبعد يا حور وبعدين ثانيه ابنك انتي قولتي ابنك ؛ يعني انتي حامل في ولد ومقولتيش لي من الصبح

حور. ولما جيت اقول لقيتها عندك في المكتب

سليم .كانت بتسأل علي شغل يا حور في المستشفي

حور. واشمعنا المستشفي بتاعتك انت

سليم .ماما قالتلها علي المستشفي بتاعتي وجات تشوف فرصة شغل

حور. براحتك انا اصلا مليش دعوه

سليم .طيب حيث كده بقي اقولها انو في مكان تشتغل فيه في الشركه

حور. نعممم ده مستحيل

سليم .غيرتي رايك يعني

حور. علي فكره براحتك بقي بس برده مش هتشتغل معاك

سليم .هيا اصلا راحت مستشفي تاني يا حور

حور. احلف بالله

سليم .والله

حور. ايوا كده اقولك علي حاجه

سليم .قولي

حور. هيا الست اصلا ملهاش غير بيت جوزها

سليم .غيرتي رايك يعني

حور.هرجع لرأيي تاني

سليم .لا ده انا ما صدقت خلاص

روحنا البيت انا وسليم وكانت خطوبة مروان اخويا

انا رحت قبل سليم علشان اجهز معاهم ترتيبات الخطوبه وجيه الوقت بليل وكنت واقفه ببص لمروان وفرحته بعروسته وفجاه لقيت احمد جيه

احمد .شكلك جميل اوي كعادتك يا حور

رواية حورية سليم الفصل التاسع والاخير

احمد .شكلك جميل اوي كعادتك يا حور

سليم جيه .انت كنت عاوز حاجه يا احمد

احمد بإرتباك .لا لا مش عاوز حاجه شكرا

احمد مشي وسليم اتكلم مع حور

سليم . كان عاوز اي بقي

حور.كان لسه بيتكلم وانت اتدخلت

سليم .هو جيه لي اصلا

حور. يبني انت ناسي انو هو يبقي جارنا يعني فأكيد ماما عزمته

سليم .اه

حور.متزعلش انا والله حتي مردتش عليه

سليم .انا واثق فيكي يا حور

الخطوبه خلصت وكنا مروحين انا وسليم

سليم .سرحانه في اي

حور. بص بقي انا مش قادره اخبي عليك في واحده بعتتلي رساله واحنا جايين من عند مامتك من شهرين كانت بتقول فيها انو انا مفرحش بحياتي كتير

سليم .وريني الرسالة كده

حور. اهو

سليم .طب هو الرقم ده بعت حاجه تاني

حور. لا خالص

سليم .طيب متشغليش بالك يمكن رقم غلط يعني

حور. انا برده بقول كده

روحنا البيت وسليم رن علي واحد صاحبه يعرفه وبعد كده قاله انو الرقم ده لشخصيه اسمها هبه لطفي احمد .

سليم وهو هيمشي من الشقه .

حور. رايح فين

سليم .رايح مشوار وراجع ليكي بسرعه يا حور

حور.طيب متتاخرش

سليم مشي وراح علي بيت هبه واتكلم معاها

هبه .بص هو انا في الأول كنت كارهه انو هيا اخدتك مني وفي لحظة غضب بعت الرساله دي ليها ؛ اخدت رقمها من موبايل مامتك وبعتلها الرساله دي بس والله معملتش أي حاجه بعد لما شوفت نظراتك ليها قد اي انت بتحبها

سليم .هيا دي هبه اللي انا اعرفها عاوزه حاجه

هبه .لا شكرا

رجعت البيت .

حور. اخيرا رجعت كنت فين بقي

سليم .كنت عند هبه

حور.انت بتقول اي ازاي تروحلها اصلا وبعدين لي يعني

سليم .براحه براحه انا بس كنت بسالها علي اللي حصل والرساله اللي اتبعتت ليكي

حور. مش فاهمه حاجه

سليم وهو بيحضنها .متخافيش طول ما أنا جمبك مفيش اي حاجه خالص هتأذيكي ؛ بحبك يا حوريتي

حور وهيا بتحضن أمها .وانا كمان بحبك اوي يا  سليم

امها . مين يا بت سليم ده

حور وهيا بتفوق من النوم .ايه ده يا ماما اي اللي جابني هنا امال فين سليم

والدتها .سليم مين يا بت

حور وهيا فاقت من النوم .ايه ده هو انا فين

والدتها.انتي في اوضتك

حور. طب وبطني فين ؛ انا كنت حامل

والدتها بزعيق . انتي بتقولي اي يا بت انتي

حور.استني يا ماما متقوليش انو كنت بحلم

والدتها .بت في واحد اسمه سليم اتقدملك امبارح بس ملحقناش نقولك ؛ مين بقي يختي سليم ده

حور. كان حلم يا ماما بس حلم جميل اوي

والدتها .طب قومي اغسلي وشك وصلي

حور. لا أنا عاوزه سليم

والدتها .كلمه كمان وهديكي بالشبشب

حور وهيا بتجري .لا وعلي اي

قومت صليت الصبح وكان سليم اتقدملي وجيه بليل وقعد مع بابا وانا طلعت

كان لسه هيتكلم فاتكلمت انا

حور.اسمك سليم تبقي ابن صاحب بابا الله يرحمه ووالدتك عايشه في شقه وبتحب الشاي مظبوط صح وشغال دكتور في مستشفي *******

سليم .ايه ده كله عرفتي ازاي؛ طب يعني أنا ابن صاحب باباكي ودي معروفه ازاي عرفتي الباقي

حور . في الوقت صح هقولك

بعدها بمده كتبنا كتب الكتاب

حور. هحكيلك بقي حكاية حورية سليم من اول حرف فيها لآخر حرف

سليم .مش فاهم

حور.دي كانت حكايتنا ومجرد بدايه في الكشكول لسه انا وانت هنكمل حكياتنا سوا لآخر سطر في الكشكول .