تحميل رواية «همس العقاب» PDF

... نبيله... يا مرى حبلة من مين من عقاب طب وفرحك اللى بعد العيد اللى اتحدت هتتفضحى يا مجنونه

همس بضيق... لو وطيتى صوتك وانكتمتى ما هتفضحش وماحدش هيعرف اصلا اكتمى عاد وكفياكى فضايح انا اصلا متجوزاه... ده جوزى على سنة ربنا ورسوله بس فى السر وهو ما هيخلينيش اتجوز هيطربقها على روسكم ويا خدنى من هنه على سرايتو وبكره تشوفى

نبيله.. دى عيلة كل اللى بينا وبينهم الدم وجايه تقولى ياخدك طب كيف اهلك مش هيوافقو لو دفنوكى صاحيه

همس بثقه... هه ده لما اكون عاشقه اى حد انما انا عاشقه عقاب الصباغ ياخدنى من قلب المحيط مش بس من هنه هتشوفى دلوك اما اروحلو واقولو هيعمل ايه

ولبست عبايتها وراحت عند مكان شغلو وكان فى مكتب الماحما بتاعه وجات السكرتيره وقالت...

خير يا انسه اتفضلى

همس بصتلها وكانت لابسه منطلون ضيق وقميص مفتوح اول زرارين منو بصتلها بضيق وقالت..

خشى لسيدك عقاب وقليلو ستك همس بره يلا انجرى يا بت

السكرتيره ايه سيدى وستى دى اتفضلى هنا استنى اما استأذن المتر عقاب واجى

همس بضيق.... متر... خشى يا ختى

وراحت البنت المكتب وخدت دقيقتين وطلعت البنت وقالت... اتفضلى هو جوه

همس بصتلها بضيق بس دخلت المكتب وقفلت الباب وقالت....

عقوبه حبيبى انت

عقاب بتوتر... حبك برص ايه اللى جابك هنه... وايه اللى انتى لبساه ده

همس.. ايه مش قولتلى الجيبه بتبين مفاتنى لبسة عباية سوده دى عباية رمضان اهه كل سنه وانت طيب

عقاب.. يعنى اقول بلاش الجيبه بتحلوى تلبسى العبايه السوده وتتلفى

همس.. الرك ع اللى لابس مش اللبس يا دغوف

عقاب.. دغوف.. ماشى عموما وانتى طيبه بس ايه اللى جابك برضو

همس.. ابشر جابونى خبرين ليك واحد حلو وواحد وحش تاخد انات الاول

عقاب.. اخبطينى بالوحش الاول عشان بعدين احلى

همس.. فرحى اتحدد بعد العيد على نصار ولد عمى

عقاب.. اها والحلو..

همس بحزن... فكرت ما هتهتمش لحاجه بعد الخبر ده

بس قالت بحماس... هقولك الخبر الحلو.. انى حبله

عقاب بخوف ... ايه حبله

همس.... اه وعارفه انك ما هتهملنيش انا بثق فيك يا عقاب وعارفه انك هتقدر تطلعنى من هناك وتتجوزنى ونعيشو انا وانت وولدك انا حاسه انو ولد وعيزاه يكون شبهك

عقاب.... ماشى يا قلبى اكيد اتطمنى انتى انا هحلها

همس.. اكيد ما عنديش شك.. يلا سلام انا حكم ابوى عازم عيلتو كلها النهارده على الفطره

عقاب بحزن.. سلام يا همس

همس.. سلام.. صوح.. لولا الصيام والملامه كنت حضنتك وقت يااما

عقاب... هه لا صيام ايه عاد انتى حبله يا بت انا عايز ولد يبقى عفى

همس قربت منو وحاوطت رقبتو باديها وقالت... وانت

عقاب... اه انا صايم وبعدى يدك

همس نزلت اديها وقالت... قولنا كده قولت اطلعو من البلد... اه صوح جيب راجل بدل البت اللى صدرها بره القميص دى عشان الصيام حتى

عقاب... اش عيب كده.. بس حاضر همشيها ولا وانها مطريه عليا الدنيا

همس بغيظ... لا مشيها يا عقاب لاطريها انا عليك وعلى خلفوك

ومشيت من عندو بفرحه.. بس اتنهد بحزن ورجع البيت لقى ست فى الخمسين قاعده على الكنبه قال..

كيفك يا اما عامله ايه

نعيمه بضيق.... قيلالك مية مره لسانك ما يخاطبش لسانى ان ما جبت حق خيتك منهم

عقاب بضيق... حصل يا اما.. البت حبله منى وهسلمها لاهلها الليله بفضيحه تهز الصعيد تما مرتاحه كده

نعيمه بحماس... ايه انت هتتحدت صوح ولا بتلاوع ياض

عقاب... لاه صوح يا اما... هخون ثقة البت اللى امنتلى ومرتى اللى على اسمى.. وولدى اللى فى بطنها لجل ترتاحى..

نعيمه بغضب.... اسمها هجيب حق خيتى من اللى غدرو بيها وفطسوها يلا..... روح وفرحنى يا سبعى ويوم ما يوطو روسهم هناك هترجع ولدى بطنى تانى

عقاب طلع فوق بصمت والدموع فى عنيه بالليل كان واقف قدام بيت همس واخد نفس كبير ودخل وكانو عيلتها مجتمعين على سفرة الفطار وقال...

احم احم سفره ناقصه باذن الله

حكيم ابوها... انت ايه اللى جابك هنه يا ولد الصباغ

عقاب.. جايب عشى لمرتى وولدى

فوق نبيله راحت لهمس وقالت...

الحقى يا بت حبيب القلب شرف تحت

همس بفرحه... جد مش قولتلك هيحلها اهه فى نفس اليوم اللى قولتلو فيه

وطلعت عند صور الاوضه وبصت لتحت وكانو متجمعين فى الصاله وشافتو واقف مع اهلها

حكيم.. هتقول ايه انت مرت مين وولد ايه انت شارب حاجه يا جدع انت

عقاب... تؤ تؤ همس مرتى وادى قسيمتنا وولدى فى بطنها مبارك عليكم حفيدكم من عيلة الصباغ

حكيم... انت بتخرف تقول ايه دى اكيد مضروبه

عقاب... لاه دى مش ورقه مضروبه دى ورقه حقيقيه بس مش متسجله يعنى كيف قلتها والماذون اللى كتبها ما هيشهدش وياكم الله يرد غيبتو سافر كان راجل بتاع جيبو والواد اللى فى بطنها انا مش هحطو على اسمى كملو بفضيحتكم يا عيلة الزيان

بس حس بايد على كتفو بص لورا بس وقف بصدمه لما شافها بصتلو بدموع وضربتو قلم وقالت...

ليه انا ليه يا عقاب انا ذمبى ايه فى اللى عملوه ليه تحاسبنى انا.... ليه تخون امانتى ليك ليه تخون حبى يعنى ما حبتنيش واصل كنت بتضحك عليا كنت كوبرى موصلك ليهم انا..

بس اخوها شدها من شعدها قدامو ودخل بيها الاوضه وهى بتصرخ وتبكى.. وهو كان بيشاهد بس والدموع فى عينو قعد راجل فى الستين وحط اديه على دماغه بياس وقال...

مش عملت اللى عايزو ورديتها لاختك يلا عاد غور من هنه ياكش تكون ارتحت دلوك...

عقاب قال بغل.. ارتحت قوى لما سقيتكم من الكاس اللى شربتونا منو

وطلع من عندهم بخطوات تبان ثابته بس كان بيجاهد عشان يخطيها.... وهو سامع صوت صريخها تحت ادين اخوها..غمض عيونو بحزن.. وطلع والرجاله بتوعو مستنينو بره عشان لو حصل غدر من عيله الزيان وصل عند عربيته ولسه هيركب.. بس وقف برعب اول ما سمع صوت رصاصه طلعت من سلاح واختفى بعدها صوت صريخ همس...

...وقف برعب اول ما سمع صوت رصاصه طلعت من سلاح واختفى بعدها صوت صريخ همس...

شاور للرجاله بتوعو بسرعه ودخلو تانى سراية الزيان وطلع لفوق وشافها مرميه على الارض والدم مغرق هدومها ضرب اخوها بقلبة السلاح على دماغو وشالها ونزل بيها وكانو حراسو مشتبكين مع عيلتها وهو حطها فى عربيتو وطلع بيها على السرايا بتاعتو وشالها يدخلها بس لقى امو فى وشو وقفتو وقالت...

ايه ده انت ليه جبتها هنه رجعها عند ناسها لجل يموتوها

عقاب.. اما بعدى الله يرضى عليكى البت هتتصفى

نعيمه.. ما تتصفى ولا تغور فى ستين داهيه تاخدها هى وعيلتها.. يمين بالله ما تدخلها عتبة بابى يا عقاب لا انت ولدى ولا اعرفك لا تمشى فى جنازتى ولا توقف على تربتى.. ودلوك يا تدخلها يا ترجعها من مطرح ما جبتها

عقاب.. هدخلها يا اما

ودخل بيها اوضته ونومها على السرير وبص عند كتفها وكان فيه رصاصه بصلها بحزن وشق الهدوم بتاعتها وطلع الرصاصه وخيط الجرح وطلع من الاوضه ودخل اوضة تانيه فتحتلو بنت ١٨ سنه دى فتنه اختو وقالت بضيق.

عقاب شوفت اللى حصل هيجوزونى عبدو غصب عنى يا عقاب

عقاب.. مش وقتو دلوك يا فتنه عايز هدوم من حداكى

فتنه... ايه هتلبس هدومى يا عقاب هتاجى ضيقه عليك

عقاب... مش وقت ظرافتك خالص

فتنه.. احم ماشى

وجبتلو عبايه بيتى وقالت... خد

عقاب.... احم كامله انا عايز هدوم كامله

فتنه.. ايه مالك بيهم

عقاب.... هو فى بت معاى فى الاوضه و

بس فتنه قالت بزعيق.... ايه فى رمضان يا جاحد

عقاب بضيق.. يعنى هو لو فى العيد كان عادى مش كده هى متصابه والدم مغرقها بس

فتنه... اهه طب دقيقه

وجابت هدوم وقالت... اجى انا اغيرلها طيب انت كيف هتساعدها عيب

عقاب.. لا ما هى مرتى عادى

وخد الهدوم ومشى من عندها... وفتنه وقفت مكانها شويه وقالت... مرتو مرتو كيف احيه هو تجوز من ورانا

فى صباح يوم جديد كان عقاب قاعد على الارض وبيبص لهمس بشرود.... وهو بيفكر فلاش باك كانت همس نايمه على كتفو فى شقه قديمه بتاعت عقاب وقامت لبست وقالت...

لازم اروح انا كده هعوق عليهم..

عقاب وقف وراها وقال... هتوحشينى قوى على بال ما تاجى تانى يا بت الود ودى اخبيكى فى قلبى وما تبعديش منى واصل..

همس التفتتلو وحطت اديها حوالين رقبته وقالت..

ومين قالك انى عايزه ابعد عنك ياض ده انت الهو اللى بتنفسو وانى من غيرك اموت اصلا

عقاب... ما خيفاش يا همس

همس .. عمرى ما اخاف وانا معاك يا سيد الناس لو الموت فى كل مكان

عقاب... بحبك قوى يا همس

همس..... وانا بموت فيك تعرف انى كنت هموت واشوف روحى مراتك قدام الكل وابقى همس العقاب ما عوزاش غيرها من الدنيا كلها بس النصيب بيصيب

عقاب... اديكى بقيتى مرتى

همس..... لانى واثقه فيك يا عقاب وعارفه انك عمرك ما تهون فيا واصل... بس انا كنت اتمنى ابقى مرتك قدام الكل مش كيف العشيقه كده.. بس يلا مش مهم انا كده كده ما بشوفش غيرك لو فى من الناس ملاين... يعنى لو الصعيد كلو حاضر فرحى ما هشوفش غيرك عندى عمى اشخاص بشوف كل الناس انت.. انا عيانه بيك يا عقابى وما عيزاش اخف واصل...

عقاب... كيف كده تشوفينى فى الكل ما هتشتاقتيش لوش حد تانى يعنى كده لازم نشفلك علاج يا بت

همس بعشق.. تؤ تؤ لا هشتاق لحد ولا همل منك.... اخاف لو خفيت ما اشوفكش كتير وانا ادمنت حبك يا عقاب سلمتك روحى وجسمى وقلبى وحتى اسم عيلتى وسلمتك عنيا عارفه انى حطيتهم فى المكان الصح انت عمرك ما تبكينى وعمرك ما توطى راسى واصل

عقاب بتوتر... طب وافرض وطيتو

همس بثقه... لاه انت عمرك ما تعملها.. انت راجل يا عقاب والراجل عمرو ما يخون امانته لو على رقبته

بس فاق من شروده على صوتها بتقول بالم.. اه اااه

راح عندها وقال....

همس انتى زينه

قعدت وقالت... انا ايه اللى جابنى عندك

عقاب... اهدى انا جبتك هنه

همس بحزن... ليه عملت كدا فيا

عقاب... ما قدرتش اهملك تموتى

بس همس قالت بغضب... ليه خدت تارك منى يا عقاب اللى كان المروض يحصل اختك واقف هناك ليه خدتو منى انا والا ما قدرتش عليه اتشرطت عليا انى

عقاب... انا كنت عايز اكسر عينو واوريه ان اللى بيعملو مع بنات الناس بيتردلو فى اهل بيتو... لو موتو كان الكلام هيكتر على اختى

همس بوجع... ووريتو... خساره يا عقاب يا الف خساره كنت احسبك غيرهم طلعت ما تفرقش عنهم يا ولد الصباغ واطى ومستسهلش.. واخد تارك من حرمه

عقاب... انا كسرت عينهم بيكى

همس بدموع... لا انت كسرت قلبى وكسرت نفسى وكسرت رجولتك معانا يا راجلى

عقاب بغصب... وانا كان ذمبى ايه ها اختى اللى راحت دى كان ذمبها ايه ليه خدتو تاركم منها

همس.... اختك ذمبها انها عشقت واطى وانت ذمبك انك ولد امك... وولد امو.... لا تعاتبو ولا تلومو.. مش راضيتهم ووطيت راسنا خلاص جبتنى من ناسى ليه يا عقاب

عقاب... ما قدرتش اشوفك بتموتى انا عشقتك يابت الزيان

همس بسخريه... هه اى فى حاجه تانى لسه هتعملها

عقاب... ايه ما مصدقنيش حقك بس والله العظيم عشقتك وما قدرتش اهملك ليهم

همس... اه انت كنت فاكر انك اما تقولهم انى حبله منك هياخدونى بالاحضان ويباركولى.. لما ما هتهملنيش اموت وعشقتنى غورت هناك ليه..

.همس... اه انت كنت فاكر انك اما تقولهم انى حبله منك هياخدونى بالاحضان ويباركولى.. لما ما هتهملنيش اموت وعشقتنى غورت هناك ليه..

عقاب بدموع... كنت فاكر انى هفرح لما اجيب حق اختى وراضى امى.... بس لاه زعلت اكتر واستقليت روحى وما قدرتش اهملك تموتى.... اتخنقت حسيت روحى بتروح معاكى حاسس بيكى والله وكنت بسلمهم روحى قبل ما اسلمك بس اختى حشتنى حش كنت بجهز لفرحها وفرحان خشيت الاوضه لقيتها شان....قه. روحها بالحبل وكاتبه

وجاب الورقه وقال.... اهى شوفيها حاططها تحت مخدتى لجل تقوينى كاتبه معلش حقكم عليا بس والله حبيتو قوى وفكرتو بيحبنى ما عرفش ازاى سلمتو شرفنا واما حملت روحتلو قلتلو اتجوزنى قالى ولد الذيان ما يتجوزش من عيلة الصباغ... ولو اتجوزت العريس ده هنتفضح فى البلد عشت وسخه ومت كافره سامحونى كلكم وادفنونى وقولو مت عادى....

بس كانت دموعه بتنزل بغذاره همس خدت منو الورقه وقالت..

خلاص كفايه يا عقاب بس لو انا كنت عملت زيها وموت روحى كنت هتعمل ايه

عقاب بدموع... ما عرفش بس ما كنتش هرتاح ابدا

همس.. دلوك اهلى بيدورو عليا وما هيسيبونيش واصل هنه وهيموتونى برضك

عقاب.... لاه انا هحميكى لو برقبتى يا همس ما هسيبكش واصل انا هصلح كل العك اللى عكيتو وهحكيميكى انتى وولدى متخافيش

بس سمعو صوت خبط على الباب جامد وزعيق مسكت فيه جامد وقالت..

ده صوت ابوى

عقاب... اهدى انا معاكى وطالما انا معاكى ما حدش هياخدك من هنه ابدا اتطمنى

وننزل يشوفهم وكان واقف مع امو وبيقول

اسمعى احنا اللى بينا مش قليل رجعو بتنا وما تفتحوش على روحكم طاقت جهنم

عقاب قال بحده... بتكم مرتى واللى فى بطنها ولدى

ابوها... ده ما كانش كلامك امبارح

عقاب... غيرتو وجاهز اكتب عليها رسمى دلوك واعلن انها مرتى بس هملوها تعيش

انعيمه بغضب... انت اتجنيت اياك تكتب على مين.. يمين بالله ما تبقى على عصمتك لاموتك بيدى

ابوها... واحنا ماهناسبش عيلة الصباغ واصل ده اخر كلام عنديكم ما هتسلمونيش البت

عقاب... لاه على جثتى

ابوها... دى قريبه قوى

وحط سلاحو فى وش عقاب بس نعيمه قالت بغضب...

نزل سلاحك انت فى بيتنا بتكم عايبه وجات بروحها فاكر كلامك ولو طلعنا الكلام بتكم اللى هتتعاب مش ده كان حديتكم لما بتى حبلة من ولدكم يلا خد رجالتك ورجع وبتك اسبوع بالكتير وانا اللى هرجعها لدارك

عقاب... ما تصغريش روحك يا اما وتقولى كلام انتى مش قدو

نعيمه بتجاهل لكلامو... يلا خد رجالك اللى بره دول ورجعو ولدى راجل والعيبه فى بتكم خدوها بعيد من دم ولدى

ابوها... ولدك خاطف بتنا يا نعيمه

نعيمه... بقولك اسبوع بالكتير وتكون على عتبتكم روح وما تفتحش طاقة دم تانيه احنا بالعافيه سدينا اللى فات

ابوها. ماشى كلامك اسبوع لو ما جبتوش بتنا انتو كمان عندكم بنات لسه غير اللى ماتت خافو عليها

وسابها ومشى

نعيمه بغضب... عجبك كدا قال جبتك يا عبد المعين تعين جبت المصيبه وجيت... اعمل فيك ايه هتديهم اختك عشان ما تديهمش دى

نزلت همس وهى بتقول... احسن شمتانه فيكى انتى وكل ما ليكى... بعتاه عشان ينتقم منى لبتك وهات حق اختك هات حق اختك اهو هيحصلها يا اختى اتبطى بقى

نعيمه... قليلة ربايه

همس...معلش اصلهم راحو يربونى قالولهم نعيمه خدتها كلها لعيالها اللى سبق كل البق عاد يا ام الغالى

نعيمه بصت لعقاب وقالت... سامع

عقاب... بس عاد كفياكم رط خلونا فى المصيبه دى

همس.. انا هحلها هروح لاهلى ويموتنى انا زعلى كلو ان حبك كان كدب فكرت كل كلمه قلتهالى طعم لجل تصطادنى بس طالما طلعت بتحبنى ووقفت فى وش امك لجلى ما خيفاش من الموت واصل

نعيمه بسخريه... وانتى عامله ايه تلاقى بيه ربك عاد لجل ما تخافيش من الموت.. انك قعدتى مع راجل فى الحرام وحبلتى منو... ولا انك اتجوزتى عرفى ومن ورا ناسك

همس... عملت اللى بتك عملتو وراحت بيه اما اقابلها هسلملك عليها ونقعد انا وهى نستنوكى على جنب فى جهنم.. غصب عن عنيكى التنين عقاب جوزى

نعيمه.... ههه واللع جوزك الجواز بشرع ربنا مش ورقه مالهاش عازه بينكم فى اوضه مقفوله كيف اى بت شمال

عقاب... خلاص يا اما

نعيمه... رجعها يا عقاب من مكان ما جبتها

عقاب... لاه يا اما دى مرتى... مرتى مش هديهالهم لو على موتى

وسابها وطلع فوق.. وهمس جات تطلع وراه بس نعيمه مسكتها وقالت..

عملتى ايه فى الواد يا بت الزيان

همس.. ولا حاجه انتى اللى عملتى بعتيه يحرق قلبى كيف ما اخوى حرق قلب بتك... ولجل يحرق قلب امى عليا كيف ما اخوى حرق قلبك على بتك جربتى الوجع وكنتى عاوزه توجعينا بيه اديكى هتتوجعى تانى كان كفايه تقولى حسبى الله ونعم الوكيل فى اخوى وتتفرجى كيف ربنا هيجبلك حقك منو.. وبتك كمان غلطت وتستاهل لانها غضبت ربها

نعيمه.. وانتى ايه فاكره ان ده جواز وما اغضبتيش ربنا

همس... انا كمان استاها بس ولدك راح يصطاد انصاد

وطلعت فوق ونعيمه نادت على فتنه وقالت..

اياكى تعتبى باب السرايا اليومين دول

فتنه بحزن... مش كفايه هتجوزونى عبده كمان هتحبس

نعيمه... مش وقتك دلوك غورى فوق... راح الواد راح منى

همس راحت الاوضه لقت عقاب بيتكلم فى الفون وبيقول...

ايوه يا شيخ يعقوب سامعك... اه... ما هو انا... احم تمام هستناك تاجى حاضر.. وعليكم السلام

قعدت جمبه وقالت... ايه مالو الشيخ يعقوب

عقاب... ده الوحيد اللى يقدر يقنعهم يجوزونا انا وانتى

همس.. اها

عقاة... بس هيجى بعد الفطره وهحكيلو كل حاجه وهيحلها باذن الله

همس.. بس انا ما عوزاش اتجوزك

عقاب.. ما انتى قولتى انك صالحتينى خلاص

همس.. بغيظ امك بس انا لساتنى حردانه منيك

عقاب.. امم خلاص عاد ما يبقاش قلبك اسود ما هتعديهاش لحبيبك

همس.. تؤ ما هعديهاش لا

عقاب قرب وقال.. طب وعشان خاطرى

همس.. تؤ انت فضحتنى

عقاب.. طب ولو مشيت السكرتيره

همس بردح.. لاهو انت لسه ما مشتهاش يا روح امك

ي

همس بردح.. لاهو انت لسه ما مشتهاش يا روح امك

عقاب... اش وطى صوتك يا بت

همس.. بته اما تبتك مشيها يلا

عقاب.. وتصالحينى

همس... مش عارفه مشيها الاول ونشوف

عقاب... لا دى شايله عنى كتير اما تصالحينى امشيها

همي.. ماشى صالحتك

عقاب بعتلها رسالها وقال.. اهو مشيتها

همس.. ورينى... تمام

ولسه هتقوم مسك ايدها وقال.. ايه

همس.. عادى يا سيدى انا كدابه

عقاب.. لاه عاد ايه ده

همس.. هو كده

عقاب.. صوح ما مئمن للحريم... الا التور والبهيم

همس.. ههئ وانت انهى فيهم

عقاب.. لتنين عشان زعلتك لساكى زعلانه منها

همس.. ايوه

بعد شعرها وقال.. حقك عليا .

همس.. انت فضحتنى وسط ناسى

بصلها وقال.. ووقفت قصاد امى عشانك

همس.. ضربونى وادونى بالرصاصى

عقاب... وجبتك منهم وداويتك

همس بتوهان من نظراته.. ضحكت عليا

عقاب.. وانتى سحرتينى بعنيكى

همس.. انا موجوعه

عقاب.. هداويكى

همس.. وخايفه كمان

عقاب حط ايدو على كتفها وقال.. هئمنك

فتنه وقفت قدام بابهم وقالت.. يا محنو الدنيا صيام

جهزنا الفطره انزلو

عقاب وهمس بعدو عن بعض ونزلو يفطرو بس نعيمه قالت...

دى مش هتفطر معانا على جثتى

عقاب.. دى مرتى يا اما وهتقعد معايا

نعيمه.. ما هقعدهاش وياى

فتنه.. يا جماعه الدنيا رمضان

نعيمه... اخرصى انتى يا انا يا البت دى على سفرتنا

عقاب.. انتى يا ست الكل

ومسك صينيه ورص عليها من كل اللى على السفره وطلعو البلكونه وقال..

هناكل انا ومرتى هناك وانتى خليكى على السفره

واخد همس ومشى بيها وقالت وهى بتبص لنعيمه..

اللهم انت ربى قادر ومقتدر خد عدوى اخد عزيز مقتدر

نعيمه بغيظ.. شوف

فتنه.. اهدى يا اما اهدى

عقاب وهمس بقم يفطرو وقال..

اوكلك عشان كتفك

همس...اها

وبقى ياكلها ويبصلها وقال.. سامحتينى

همس.. ايوه انا ما بقدرش ازعل منك ابدا نفسى التار ده يوقف وابقى مرتك قدام الكل

عقاب... هياجى اليوم يا همس هياجى اليوم اللى تبقى فيه مرتى قدام الكل تبقى همس العقاب بس اصبرى

همس... صابره انا والله صابره مع ان صابره نفسها زهقت ومشت

عقاب.. لا ما تزهقيش واصل خليكى على امل

همس ببرود.. ما امل بتزعل

عقاب بغيظ منها.. قومى يا بت انى غلطان انى بكلمك اصلا

بعد التراويح كانو قاعدين مع الشيخ يعقوب اللى قال

انتو غلطو صح اهاليكم بينهم تار والتار غلط بس انت اختك ما جبرهاش هى راحت من نفسها وموتها كان عقاب من ربنا ليها لانها عصتو

وانت روحت تجرح واحده بنفس الطريقه اللى اختك اتجرحت بيها وده برضو حرام لا يؤمن احدكم حتى يحب لاخيه ما يحب لنفسه.. واللى ما ترضاهوش لختك ما ترضاهوش لبنات الخلق.. وهى غلطت انها اتجوزتك لو بتسمو ده جواز من ورا اهلكم هى لو تعففت وسمعت كلام اهلها وبعدت عنك كانت اختارت ربها وكان هيعوضها لان من ترك شيا لله عوضه الله خيرا منه بس هى للاسف اختارت الدنيا وعصت ربها كمان كلكم غلط

همس بدموع.. طب ايه اعمل

يعقوب... توبو واستغفرو الله لان ربنا بيحب التوابين وقال فى كتابه العزيز بسم الله الرحمن الرحيم

وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ

بادرو بالتوبه النصوح لعل الله يغفر لكم ما سبق وانا هكلم العيلتن وفهمهم ان ده احسن واحنا ننهى كل العداوه اللى فاتت بدل الشوشره والفضايح

ومشى من عندهم وراح فعلا العيلتن واقنع عيلة الزيان ان ده احسن ليه عشان بتهم وان عقاب يتجوزها احسن بدل الفضيحه ويلمو الموضوع وينهو الخلاف...

واقنع عيلة الصباغ بان ابنهم هيبقة فى خطر لو ما اتفقوش وان عندهم بنت لازم يخافو عليها وتفضل تار لانهايه ليها وووافقو العيلتين اخيرا.. واتفقو انهم هيجوزوهم وفعلا حددو معاد الفرح ورجع همس لاهلها لحد الفرح بعد ما تعهدو انهم مش هيئذوها وجيه يوم الفرح وكان عقاب بيلبس وجات امو وقالت..

اخص عليك يا قلة رجالك يا نعيمه خلفتى رجال ما ليهم قيمه

عقاب.. اما خلاص كفايه بالله عليكى.. التار ده لولاه كانت اختى اتجوزت الزفت دكا ومكانتش ماتت تار من خمسين سنه على ايه ده كلو

نعيمه بغضب... جدهم لاهف ارضنا وجدك قتله وولدو قتل جدك وابوك قتلو وعم همسه بتاعتك قتل ابوك والناس اتدخلت ووقفت التار وبعد ده كلو اخوها راح ضحك على اختك وما قدرناش نقتلو لجل ما حدش يعرف اللى اختك عملتو ونتفضح.. وبعد ده كلو تروح انت تتجوز منهم برضك يا ولدى

عقاب.. اللى حصل يا اما هنفضل كده لميتى

نعيمه.. لحد ما نموت الناس اللى راحت دى مش فروج وبتهم ما هتخشش دارنا واصل

عقاب... احنا اتفقنا خلاص كلام رجاله مش عيال بعدى الناس مستنيانا عاد

عند همس كانت لبست فستان الفرح وكانت عروسه زى القمر بس جيه اخوها وقال...

هتتجوزى اللى قتل عمك

همس.. خلصنا احنا يا فراج كفايه البت اللى راحت بسببك

فراج... انا حبيتها صح وهى كانت بتحبنى بس ما تجوزش من عيلتهم واصل

همس... احنا اتفقنا مع الناس اتفاق رجاله مش هترجع فيه دلوك اهه شكلهم وصلو

فراج بص من البلكونه وقال... هئ حبيبك وصل

وفتح باب الاوضه ودخل عقاب وبصلها ببتسامه وحط ايدو فى ايدها ونزل بيها وقعدو على الكوشه بفرحه وقال..

مش قلتلك يا بت هياجى اليوم مبروك ياهمسى

همس بسعاده مبروك عليك انا

تحت كانت نعيمه واقفه مع واحد وقالت... يلا كيف ما قلتلك..

وفراج كان واقف بعيد مع واحد وقال.. اوعى تغلط ها ركز

همس وعقاب كانو ماسكين ادين بعض بس فجأه طلعو رصاصتين من اماكن مختلفه واحده صابت قلب همس والتانيه صابة قلب عقاب فى نفس اللحظه ووقعو على الارض هما التنين واديهم فى ادين بعض

نعيمه قالت بصراخ.. ولدى ولدى عيلة الزيان قتلو ولدى يا خلق

الشيخ يعقوب قال بزعيق.. ايه ده انتو تعهدتو ما حدش هيلمس التانى ليه كده

فراج... هى صلطت غفيرها يقتل بتنا وفكرنا سكتنا خلاص.. بس احنا بعتنا غفير يقتل ولدها غدرنا بيها بس غدرت بينا احنا التنين ناوين غدر من الليل من غير ما التانى يعرف.. كده خالصين...

عقاب كان واقع على الارض وبص لهمس وقال بالعافيه...

ه هم همس قومى

همس بيعب شديد.. انا فرحانه قوى يا عقاب على الاقل قبل ما اموت شوفت اللى كان نفسى فيه وبقيت قدام الكل مرتك ما عوزاش حاجه تانى خلاص اخيرا بقيت همس العقاب

وانقطعت انفسهم.. ودى نهاية التار دوامه ليها اول بس مالهاش اخر ولكل تار ضحايا التار..

تمت