تحميل رواية «حمل في الزنزانة» PDF

رواية حمل في الزنزانة الفصل الاول

كارما واقفه في مطبخ السجن وكانت تعبانه اوي وراحت جنبها مسجونه وقالت ليها

سنيه

مالك با حلوه فيه اي شكلك عامل ليه كده شكلك مش قادره علي شغل السجن مش كده

وفي الوقت ده جت واحده تانيه وقالت

رقيه

طبعا ملهاش في الكلام ده دي شكلها مولوده وفي بوقها معلقه دهب ملهاش في الكلام ده

كارما

ارحموني ارجوكم انا مش ناقصه اي كلام من حد سيبوني باللي انا فيه

وفي اللحظه دي دخلت منال وهي شايله جردل الميه وبصتلهم بغضب

منال

مالك يا بنت انتي وهي بكارما ما حدش له دعوه بيها طول ما انا موجوده هنا انتم سامعين ولا لا

سنيه بصتلها وسكتت وبعدها رقيه اتنهدت بضيق ومشيوا من المطبخ

منال قربت من كارما بسرعه ومسكت ايديها وقالت بقلق

منال

مالك يا حبيبتي شكلك عامل كده ليه

كارما بتعب شديد

مش عارفه من الصبح وانا حاسه ان انا دايخه جدا مش قادره اتحرك وحاسه ان انا هيغمى عليا

وفجأه جسمها اتهز ووقعت على الارض فاقده الوعي

منال بخضه

كارما فوقي يا حبيبتي حد ينده للدكتور بسرعه

وبعد شويه كارما فتحت عينيها بالعافيه وكانت سامعه صوت الاجهزه حواليها وبصت للسقف باستغراب

كارما

هو انا هنا بعمل ايه

منال كانت قاعده جنبها ووشها مليان قلق وبعدها قالت

منال

مش مكتوب لك تبعدي عن الحيوان اللي اسمه ادهم الدكتور كشف عليك دلوقتي وعرفت ان انت حامل

وفجأه كارما قامت من على السرير بعصبيه وهي بتبص لها بصدمه

كارما

لا اكيد ده مش صحيح الحمل ده لازم ينزل

انا مش هكمل الحمل ده البني ادم ده مش هينفع يربطني بيه حاجه من النهارده

منال قامت بسرعه تحاول تهديها

منال

اهدي يا بنتي علشان خاطري انتي تعبانه

كارما بعياط وانهيار

لا مش عايزه افتكر اللي حصل مش عايزه حاجه تربطني ب ادهم اكتر من كده انا بكرهه بكرهه

وفجأه الباب اتفتح ودخل الدكتور وهو بيقول بصرامه

الدكتور

لو فضلتِ بالحاله العصبيه دي هتخسري نفسك والجنين مع بعض

كارما بصتله بدموع وقالت

كارما

وانا اصلا مش عايزه الجنين ده

وفي اللحظه دي الكل سكت لما سمعوا صوت رجاله جاي من عند باب الاوضه وكان صوت اللواء معتصم

معتصم

هو في ايه بالظبط يا دكتور

الدكتور

كارما حامل ومش هينفع انها تعمل مجهود كبير علشان خاطر الحمل اللي في بطنها ولازم ترتاح تماما

معتصم كان واقف بايده في جيبه وبيبصلها بنظرات قاسيه وبعدها قال ببرود

معتصم

مع ان اللي زي دي ملهاش انها تشوف راحه ابدا بعد اللي هي عملته بس اللي حضرتك شايفه يا دكتور

وبعدها بص لمنال وقال بطريقه حاده

معتصم

خديها يا منال على الزنزانه بتاعتها وخليها ترتاح مع اني لو بايدي مش هخليها تشوف طعم راحه ابدا

كارما كانت بصاله بوجع ودموعها متجمعه في عينيها لكنها ما اتكلمتش

ومنال قربت منها وساعدتها تقوم بهدوء وخرجوا من مستشفى السجن

وطول الطريق كارما كانت ماسكه بطنها وساكته وعينيها كلها كسره

واول ما دخلوا الزنزانه منال قعدتها على السرير الصغير وغطتها بالبطانيه وبعدها قالت بحنيه

منال

لو عوزتي اي حاجه يا كارما عرفيني انا مش عايزاك تعملي اي مجهود ولا تتعبي من هنا ورايا

كارما هزت راسها بتعب ومنال خرجت وقفلت الباب وراها

كارما قعدت لوحدها ودموعها نازله على خدها وبعدها حطت ايديها على بطنها وقالت بانهيار

كارما

منك لله يا ادهم انت السبب في كل اللي حصل لي منك لله ضيعت عمري ودمرت حياتي وحتى الطفل ده مش قادره افرح بيه بسببك

وبعدها بدأت تفتكر اللي حصل زمان

فلاش باك

كارما كانت قاعده في مكتبها الكبير في الشركه قدامها ملفات كتير ووشها كان باين عليه الارهاق

وفي الوقت ده الباب اتفتح ودخل ادهم وهو شايل كام ملف في ايده وقرب منها بابتسامه هاديه

ادهم

خدي امضي على الورق ده علشان الصفقه دي لازم تخلص دلوقتي علشان نقدر نسلم الشحنات

كارما حطت ايديها على دماغها بتعب وقالت

كارما

انا تعبانه جدا ومش قادره اراجع اي حاجه يا ادهم لو سمحت خليها بكره

ادهم قرب منها وحط ايده على كتفها وقال بصوت كله هدوء

ادهم

ما تخافيش يا كارما طبعا انا مش هجيب لك اي حاجه تمضي عليها غير لما اكون متابعها ومراجعها كويس قوي ولا انت مش واثقه فيا بقى

كارما بصتله بحب وثقه وبعدها ابتسمت ابتسامه بسيطه

كارما

انا بثق فيك اكتر من نفسي

ادهم ابتسم بخبث خفيف وهو بيبصلها

ادهم

وعمرك ما هتندمي على الثقه دي

ومن غير ما تقرا الورق كويس مسكت القلم وبدأت تمضي على كل الاوراق

وادهم كان واقف قدامها وعينيه مليانه انتصار

وبعد ايام

الدنيا كلها اتقلبت عربيات الاسعاف كانت ماليه المكان وصريخ الامهات كان يهز القلب الاخبار في كل حته

شحنات الدوا طلعت فاسده واطفال كتير ماتوا بسببها

وفي وسط الفوضى دي لشرطه دخلت الشركه بسرعه

والضابط قرب من كارما وقال بصرامه

الضابط

كارما المنشاوي انتي مطلوب القبض عليكي بتهمة الفساد والتسبب في وفاة اطفال

كارما بصتله بصدمه وهي مش فاهمه اي حاجه

كارما

ايه الكلام ده مستحيل انا معملتش حاجه الضابط طلع الورق قدامها

الضابط

كل الشحنات دي خارجه بموافقتك وتوقيعك الشخصي

كارما مسكت الورق بارتعاش واول ما شافت امضتها

وفي اللحظه دي بصت حواليها تدور على ادهم

لكن ادهم كان اختفى هرب وسابها تواجه مصيرها لوحدها

باك

كارما فتحت عينيها فجأه ودموعها بتنزل بغزاره وبعدها قالت بانكسار

كارما

طلعت غبيه لما حبيتك يا ادهم وكان عندي ثقه فيك عمياء

وفجأه سمعت صوت باب الزنزانه بيتفتح ببطء

كارما رفعت عينيها بخوف وشافت العسكريه واقفه وهي بتقول

العسكريه

قومي يا كارما عندك زياره

كارما اتفاجئت وقالت بتوتر

كارما

زياره مين

العسكريه بصتلها شويه وبعدها قالت

العسكريه

ادهم بيه بره ومستني يشوفك

كارما

مش معقول انا مش قادره اصدق اللي بيحصل ده

معقول هو بجح للدرجه وجه لحد هنا

وبعدها خرجت وكان ادهم قاعد مستنيها وقال ليه

ادهم

كارما ازيك يا حبيبتي عامله ايه ما تعرفيش انا قلقان عليكي ازاي لما عرفت انك اتسجنتي انا كنت مسافر عشان كان ورايا شغل مهم

كارما

انت هتستعبط بقى مش انت اكيد عارف اللي جرى لي ده ومش بعيد تكون انت اللي مرتب كل حاجه وانا مش هسيب حقي وهتشوف انا هعمل فيك ايه يا ادهم

ادهم

وانا عندي استعداد اخليكي تخرجي من هنا زي ما دخلتيه بس لما تتنازلي عن كل الفلوس اللي في البنك وتكتبيها باسمي

كارما

انا غلطانه يوم ما فكرت اتجوز واحد زيك بجد انت طلع انسان وحش ومش تستاهل اني اعيش معاك لحظه واحده

ادهم

ما ينفعش الكلام اللي بتقوليه ده الزمي حدودك انا الوحيد اللي اقدر اخليكي تخرجي من هنا بس مش هتخرجي غير لما تتنازلي عن كل حاجه باباكي سابها ليكي

كارما

انا معايا محامين هيعرفوا يخرجوني من هنا وهيحبسوك انت يا ادهم وبكره هتشوف الكلام ده

وفي اللحظه دي كارما بصتله بكره شديد وقامت من قدامه ودخلت جوا الزنزانه وهي مكسوره بس جواها نار مش بتطفي

ادهم كان ماشي خارج من عند السجن ووشه كله برود وعيونه مليانه تفكير وبعدها وقف فجأه لما سمع صوت رقيه بتنادي عليه من ورا

رقيه

ما تصبر بس يا حليوه انت وانا اقولك على خبر يفرح قلبك جدا

ادهم لف ليها وبصلها من فوق لتحت بنظره استهزاء وقال ببرود

ادهم

هو انا بكلم مين يعني انتي بتكلمني انا وواحده زيك هتقول لي خبر يفرحني ازاي اصلا

رقيه ضحكت بخفه وقربت منه وقالت بجرأه

رقيه

مش هيحصل الا لما تجيب لي علبه سجاير الاول

ادهم ضحك ضحكه بسيطه ومشي من غير ما يبص وراها

وفجأه رقيه عليت صوتها وقالت وهي واقفه مكانها

رقيه

مراتك حامل يا بيه

ادهم وقف مكانه لحظه واحده بس وبعدين لف ببطء وبص لها بتركيز

ادهم

انتي قولتي ايه

رقيه

قولت لك مراتك حامل ده الخبر اللي هيفرح قلبك بقى يستاهل عليه الكرتونه سجاير بحالها مش علبه

ادهم قرب منها خطوة وقال بهدوء مخيف

ادهم

وانتي عرفتي منين الكلام ده

رقيه رفعت كتفها وقالت ببرود

رقيه

ما فيش حاجه بتعدي هنا في الزنزانه الا لازم رقيه يكون عارفاها محسوبتك رقيه

ادهم

معاك تليفون هنا يا رقيه

رقيه

اه انا معايا تليفون بزراير صغير كده عشان ما حدش يشوفه

ادهم عينه ضاقت وبعدها طلع التليفون بتاعه وقال

ادهم

تمام خذي التليفون ده وسجلي رقمك عليه اكيد هحتاجك كثير الفتره اللي جايه

رقيه

وانا عيني ليك يا بيه اللي انت عايزه كله انا تحت امرك فيه

ادهم

شكلك مهتمه بالموضوع قوي وانا واضح اني هحتاجك تاني

رقيه كانت بتدي له الموبايل وبعدها قالت

رقيه

والمرة الجايه بقى مش سجاير بس لا حاجات تفرح القلب كله يا بيه

وفي الوقت ده سبها ومشي وثاني يوم ندى صاحبه كارما كانت موجوده عندها في السجن وقالت ليها

ندى

حامل يعني ايه حامل منه انتي لازم تنزلي الحمل ده انتي سامعه ولا لا

كارما

هو انتي فاكراني باخد رايك في الموضوع ده انا كده كده هعمل اللي في دماغي بس بالله عليكي يا ندى انا عايزاكي تمسكي اي حاجه على ادهم حاولي تروحي له وتقفي جنبي الله يخليكي هو الوحيد اللي معاه دليل براءتي

ندى

انا ياما قلت لك بلاش ادهم ده انتي ما كنتيش بتسمعي الكلام خالص اديك شفتي في الاخر عمل معاكي ايه

كارما بعصبيه ممزوجه بوجع

بالله عليكي انا مش ناقصه كلامك دلوقتي سيبيني باللي انا فيه

ندى قامت وقفت قدامها وبصتلها بحزن شديد وقالت بهدوء

ندى

باذن الله يا حبيبتي المره الجايه لما اجي ازورك هكون جايبه دليل براءتك معايا بس عايزاكي تخلي بالك من نفسك اوعي تضيعي نفسك اكتر من كده انتي غاليه عليا اوي يا كارما

كارما هزت راسها بصمت ودموعها بتنزل وهي ماسكه في امل ضعيف جواها

وفي الوقت ده ندى خرجت من الزياره

وكارما فضلت قاعده مكانها وبتبص للسقف بصمت وبعدها حطت ايديها على بطنها وقالت بصوت مكسور

كارما

مش عارفه اعمل ايه فيك ولا اعمل ايه في نفسي يا رب اطلع من هنا قبل ما اضعف اكتر من كده

وفي شقه ادهم دخلت ندي وقعدت وباين عليها التوتر الشديد وقلعت الجاكيت ورمته على الكرسي وولعت سيجاره في هدوء مصطنع

ادهم

ايه اجيبلك غدا بالمره ولا ايه قوليلي عملتي ايه عندها في السجن

ندى بصتله بحده وقالت

انا مش هستحمل طريقه كلامك دي انت سامع ولا لا انت عايز من البنت دي ايه تاني مش كفايه اللي انت عملته فيها وخلتني ابعد عنها وابيعه صاحبه عمري عشانك

ادهم

اتنهد ببرود وقال

لا يا حبيبتي انتي عملتي كده عشان الفلوس انتي زيي بالظبط يا ندى متحاوليش تمثلي دور الضحيه

ندى

قامت وقفت قدامه وقالت

طب موضوع الحمل ده بجد انت ناوي تعمل ايه اكيد مش هترجعها ليك تاني ولا هتسيبها في حالها

ادهم

ضحك ضحكه خفيفه وعيونه فيها خبث وقال

انتي عبيطه ده هو ده الكارت اللي انا هقدر العب بيه كويس اوي يا ندى الحمل ده مش مصيبه ده فرصه لو اتلعبت صح هترجعلي كل حاجه من غير ما اتحرك من مكاني

ندى سكتت لحظه وبصتله بقلق وقالت

يعني ايه كلامك ده انت ناوي توصل لايه بالظبط

ادهم قرب منها شويه وقال بصوت واطي

انا ناوي اخليها هي بنفسها تيجي تمضي وتتنازل وتخرج وهي فاكره انها كسبتني وهي في الحقيقة بتسلمني كل حاجه على طبق دهب

ندى هزت راسها بعدم ارتياح وقالت

انت بتلعب بالنار يا ادهم البنت دي مش سهله وهي دلوقتي ضعيفه

ادهم ببرود شديد وهو بيبص في الفراغ

الضعف ده هو اللي هيموتها بالبطئ وانا هكون واقف اتفرج لحد ما توصل لنهايه انا عايزها هي بنفسها تبقى بتسلملي كل حاجه وهي بتبكي

ندى بصتله بخوف وقالت

انا مش مطمنه للطريقه دي خالص

ادهم قام وقف وعدل بدلته وقال بثقه

متخافيش يا ندى انا عارف انا بعمل ايه كويس اوي ومفيش حاجه بتحصل من غير ما تكون في صالحي في الاخر

وبيروح سايبها وبيمشي وهو لما بيمشي ندى بتكلم نفسها وبتقول

ندي

الله يخرب بيتك يا ادهم انا مش فاهمه انت ليه بتعمل كده بجد كارما صعبانه عليا ياما حظرتك منه وانتي ما سمعتيش كلامي

وبتبدا ندى تفتكر اللي حصل زمان لما كانت قاعده هي وكارما سوا وبتقول

باااك

ندي كانت قاعده معاه كارما وبعدين كارما قالت

كارما

انتي ما تعرفيش انا مبسوطه قد ايه خلاص ادهم اعترف لي بحبه وعاوز يتجوزني في اقرب وقت والموضوع ده مفرحني خالص وحاسه ان قلبي بتنطط من الفرحه

ساعتها ندى بتقرب من كارما وبتقول بتوتر

ندي

يا بنت اصبري على الموضوع ده شويه وبالذات اللي انا حاسه ان هو اسمه ادهم ده مش مريح كده وحاسه ان هو لما تقرب ليكي عشان خاطر ان هو طمعان فيك

كارما

طمعان فيا إيه يا ندى حرام عليكي ادهم ده أطيب إنسان في الدنيا وأصلا هو مش محتاج حاجة من حد وهو قالي إنه بيحبني لشخصي ومستعد يعمل أي حاجة عشاني وحاسه ده العوض اللي هيعوضني عن اللي انا شفته

ندي

يا بنتي أنا مش بظلم حد بس أنا خايفة عليكي عشان إنتي صاحبتي وعمري ما هقدر أشوفك مكسورة وبعدين ادهم ده عينيه مش مريحة وكلامه بحسه ملوش أساس من الصحة وبكرا الأيام تثبتلك إني كان عندي حق بس أتمنى من كل قلبي أكون أنا اللي غلطانة وتكوني إنتي صح وتعيشي مبسوطة معاه

كارما

من حيث هبقى مبسوطه معاه هبقي مبسوطه ووقتها ياتتأكدي إنه شخص كويس لما تتعاملي معاه أكتر وتعرفيه عن قرب وبكرا تشوفي ادهم هيعمل إيه عشان يسعدني ويخليني ملكة

ندي

يا رب يا كارما وانا اكره انت ما تعرفيش لو فعلا كده انا بتمنى لك السعاده عاوزاها اشوفك احسن واحده في الكون

كارما

ما انا عارفه الكلام ده وبالذات اللي انت معتبريني اختك مش صاحبتك وعاوزاكي طول الفتره دي تبقى معايا عشان تجهيزات الفرح

وفعلا بعدها الفرح بيتم وكارما بتتجوز ادهم او في مره ندى كانت قاعده في الشقه بتاعتها وادهم بيروح ليها واول لما بتشوفوا بتقول

ندي

اي دا هو انت هنا يا ادهم بس غريبه انا لسه قافله مع كارما وكانت في البيت مجبتش سيره ان انتم جايين

ادهم بيدخل وبيقفل الباب وابتسامه خبث ارتسمت عليه وقال

ادهم

لا كارما اصلا ما تعرفش اللي انا هبقى موجود هنا وبصراحه كده يا ندى من ساعه ما شفت اهتمامك بكارما عرفت ان انت قد ايه اصيله وبتخاف عليها بجد ولو كان عندها اخت ما كانش هتخاف عليها زي ما انت بتخاف عليها كده

ندي

انت ما تعرفش كارما بالنسبه ليا ايه

واول لما ندى بتقول كده بيقرب منها ادهم جامد وبيقوا

ادهم

هو انتي زي جميله قوي كده يا ندى ده اللي زيك بقة قليلين في الدنيا تعرفي انا ساعات لما بقعد مع نفسي وبفكر في اللي انت بتعمليه بلوم نفسي ان انا كنت المفروض اتجوزتك انت مش اتجوزت كارما

واول لما ندى بتسمع كده بتتوتر وبتقول

ندي

كلام اللي انت بتقوله ده يا ادهم وعلى ما اظن ان انت بتحب كارما يعني مش بعد ما اتجوزتها جاي تقول كده

ادهم بيقعد وبيحط رجل علي رجل وقال

ادهم

بقولك اي يا ندي احنا مش هنضحك على بعض وانا متاكد كويس اللي انت عينك مني من ساعه ما اشتغلت مع كارما ولما عرفت اللي احنا بنحب بعض اتصدمتي وبالذات انا مش صغير وعارف النظرات اللي انت كنت بتبصها لي عامله ازاي

اول لما ندى بتسمع كده بتتوتر وبتقول

ندي

كلامي اللي انت بتقوله ده انت اكيد فاهم من الموضوع غلط لا طبعا ما فيش حاجه زي ديت خالص ولو سمحت اطلع بره ما ينفعش تفضل موجود هنا ونبقى انا وانت لوحدنا

ادهم بيروح قايم مره واحده وبيروح معرب من ندى بسرعه وبيفضل باصص في عينيها وبيقول

ادهم

بص لي يا ندى انا عارف كويس اللي انت بتحبيني وانا متاكد من الكلام ده كويس

ندي بحزن

حتى لو انت فعلا بتقول الكلام ده حقيقي ما خلاص ما بقاش ينفع وبالذات اللي انت بقيت جوز اختي ولو سمحت بلاش تتكلم في الكلام ده تاني

ادهم

لا هتكلم يا ندى طالما انت مش عاوزه تقولي اللي في قلبك وعلى فكره انا كمان معجب بيكي من اول يوم شفتك فيه بس للاسف لو كنت اتجوزت يكون هناكل انا وانت عيش حاف

وساعتها الحب اللي بينا كان هيختفي

ندي بصدمه

يعني ايه الكلام اللي انت بتقوله ده انا مش فاهمه اي حاجه يعني ايه بتحبني قبل ما تحب كارما

ادهم

زي ما سمعتي يا ندى وخلاص ما بقتش قادره استحمل كل الكلام ده اخبيه جوه قلبي كنت لازم اجي واقول لك عليه

ندي بحزن

بس اللي انت احنا بنعمله ده واللي بنقوله ده غلط وبالذات ان كارما ما تستاهلش كل ده

ادهم

بس انت عارفه كويس ان الحب مش بايدينا وغصب عننا فيه قولونا ان انا محتاج كارما كنت زماني ما اتجوزتهاش واتجوزتك انت انا كل اللي انا عاوزه اللي انت تفضلي مستحمليني شويه لحد ما اظبط اموري ونتجوز انا وانت

ندي

طب هنعمل ايه في كارما بعد كده هنبص لها ازاي لما تعرف اللي بينا بعد كده

ادهم

لما يجي وقتها يبقى يحلها 1000 حلال انا كل اللي انا عاوزه تفضلي جنبي وبالذات ان انا ما بقيتش قادر اكبت مشاعري اكتر من كده ولا اسكت

ندي

تمام يا ادهم بس خليك فاكر ان انا مش هستنى كتير وشوف ظبط امورك وهتعمل ايه علشان تتجوز

وفعلا بعدها بيفضلوا سوا لحد ما ندى بتتصدم انها ما بتلاقي كارما بتقبض عليها واول لما بتعرف كده بتروح لادم الفيلا وبتقول له بحته

ندي

ايه اللي انت هببته ده معقول انت اللي ليك يد في اللي حصل ل كارما لو انت مفكر ان انا هسكت انا مستحيل اسكت على حاجه زي كده

ادهم بحده

بقول لك ايه يا ندى انا لو ما كنتش عملت كده ما كنتش هستفاد باي فلوس اقدر اخدها من كارما ولا انت عاجبك احنا عايشين في السر كده ده اللي لازم يحصل وكارما في السجن احسن لي وليكي عشان نقدر نسيطر على كل حاجه

ندي

بس هي كان في اكتر من طريقه نعملها احسن من الطريقه دي

ادهم

بقول لك ايه يا ندى ارمي مشاعرك بره خالص انا اهم حاجه المصلحه دلوقتي ولا انت عاجبك لما كارما كانت كل شهر ترمي ليكي الملاليم كانها بتعطف عليك

واول لما ندى تسمع كده بتسكت وادهم بكمل كلامه كان حيه بتلف حوالينها وبيقول

ادهم

سيبي ضميرك ده على الجنب واشطبيه خالص وخليه قدامك العيش اللي انت هتعيشيها بعدين لما تلاقي نفسك عايشه في القصر اللي انت كنت اكيد بتحلمي تكوني مكان كارما وغير الفلوس اللي انت مش هتشيلي هم ان انت هتخلصيها امتى

ندي

انا كل اللي انا مزعلني ان كارما صعبانه عليا مش اكتر

ادهم

الي يصعب عليك الوقت ده يفقرك وشفا يا فقر لحد كده انا كل اللي انا عاوزه تقربي من كارما وتروحي لها كل زياره علشان تفهمي منها هي ناويه علي اي علشان اكون عامل حسابي. للخطوه الجديده

ندب

ربنا يسترها يا ادهم علشان انا قلبي مش مطمن وبالذات ان كارما مش غبيه ومش هتستسلم بالسهوله دي

ادهم

يبقي متعرفيش هيه بتلعب مع مين بقولك اي انتي متعرقيش انتي وحشاني اد اي تعالي واهو نحتفل بالمره وبيروح واخد ندي وبيدخل علي جوه وبيقفل الباب

في السجن كانت كارما نايمه على السرير وحاطه ايديها على بطنها وسرحانه وفجأه الباب اتفتح ودخلت منال وهي شايله اكل وبتقول

منال

يلا يا حبيبتي كلي لقمتين علشان ابنط الي في بطنك وعلشان انتي كمان

كارما بصتلها بحزن وقالت

كارما

متقوليش ابني يا منال انا كل ما افتكر ان الطفل ده من ادهم بحس ان روحي بتوجعني وانا مش هرتاح الا لما ينزل واخلص منو

منال قربت منها وقعدت جنبها وقالت بحنيه

منال

الكلام الي انتي بتقوليه دا ملوش اي لازمه والعيل الي في بطنك ملهوش اي ذنب في حاجه يا كارما يمكن ربنا بعته علشان يبقى سبب نجاتك

ورب الخير لا ياتي الا بالخير

كارما

انا خايفه اوي يا منال حاسه ان ادهم مش هيسيبني في حالي حتى وانا هنا انا تعبانه قوي وحاسه ان روحي بتسحب طول ما انا موجوده هنا

منال

سيبك من الكلام اللي انت بتقوليه ده وانا حاسه ان انت قريب خالص براقتك هتظهر وهتخرجي من هنا واللي اسمه ادهم دول هو الي هيكون مطانك هنا ويلا بقى كلي علشان خاطر لما

تطلعي من هنا تكوني قادره تقف على رجلي

وبتروح منال ماسكه الاكل وبتفضل تاكلها لحد ما الاكل كله يخلص

منال

بالشفاء يا حبيبتي انت لازم تتاقلمي على وضعك ده لحد ما الحقيقه هتظهر عشان تقدري تثبتي للكل اللي انت ما عملتيش حاجه غلط

وبيقاطع كلامهم لما بتدخل العسكريه فجاءه

العسكريه

قومي يا كارما بسرعه اللواء معتصم عايزك حالا

اول لما كارما تسمع اسم معتصم بتبص لمنال بخوف وقامت بالعافيه وخرجت معاها

واول لما تخرج منال بتكلم نفسها وبتقول

منال

لا حول ولا قوه الا بالله ربنا يطلعك من على خير يا كارما انت ما تعرفيش كل ما اشوفك وانت بالحاله دي قلبي بيوجعني قد ايه وبتروح واخده الاكل وبتروح رايحه على المطبخ وساعتها بتلاقي رقيه واقفه وبتكمل الاكل الي كانت بتعملو

رقيه بخبث

ايه ده يا منال هو انتم كنتم جعانين قوي كده عشان ترجعوا الاطباق ممسوحه قوي كده بس مش غريبه دي ان الاكل بتاعي عجبكم وانت مش كنت بتقولي ان اكلي يسد النفس

منال

بقول لك ايه يا بنت انت انا مش عايزه وجع دماغ انا كنت جايه عشان اجيب لك الاطباق وماشيه تاني كتك القرف

وبتروح سايباها وبتمشي

في الوقت ده عند كارما توصل عند معتصم اللي اول لما بتدخل بتلاقيه واقف عند الشباك وظهره ليها

معتصم

تعرفي يا كارما انا طول عمري بكره الناس اللي تستغل نفوذها وتموت ابرياء وانا لحد دلوقتي مستغرب هو انت ازاي تعملي حاجه زي كده وتدخلي الشحنه فاسده وتموتي الاطفال انت عارفه كام طفل مات بسببك

اول لما كارما بتسمع كده بتقول بصوت مكسور

كارما

وانا والله ما عملت حاجه يا فندم هو ليه ما فيش حد مصدقني

معتصم لف لها ببطء وقال بحده وجمود

معتصم

هنصدقك ازاي ان كل الادله ضدك لكن برضه في حاجه مش مريحاني

كارما رفعت عينيها بسرعه وقالت بلهفه

كارما

صدقني يا فندم ادهم هو اللي عمل كل ده هو اللي خلاني امضي من غير ما اعرف

وبعدها دموعها بتنزل جامد وبتقول

كارما

انتي ما تعرفش يا قلبي وجعني قد ايه مره في خيانه جوزي ليا والمره الثانيه في موت الاطفال اللي ما لهمش ذنب انا مش فاهمه هو انا عملت له ايه علشان يعمل فيا كده

واول لما معتصم بيسمع كده في حاجه جواه بتقول له ان هيه مبتكذبش وصوت في عقله بيقول ان هي كدابه ودي كلها مجرد دموع تماثيل

لحد ما بيفوق لما بيلاقي كارما عماله تصرخ وماسكه بطنها جامد

معتصم بخضه

في ايه مالك عماله صوتي كده ليه ايه اللي حصل

كارما

ارجوك يا معتصم بيه ساعدني انا بموت شكلي كده بسقط وساعتها بتخلص كلامها وبتروح واقعه من طولها وبتفض الوعي

اول لما معتصم بيلاقي كده بيروح مكلم الاسعاف اللي بتيجي تاخدها بسرعه

وبيفضل معتصم واقف قدام الاوضه لحد ما بيخرج الدكتور وبيقول

معتص

طمني يا دكتور هي مالها وبتعرف عماله تصرخ كده ليه هي كويسه والعيل في بطنها كويس

الدكتور

للاسف الجنين نزل وده حصل بفعل فاعل واكيد حد حط لها برشام في الاكل عشان خاطر العيل ينزل

معتصم

انت متاكد من الكلام اللي انت بتقوله

الدكتور

طبعا متاكد وكل اللي انا عاوزه دلوقتي ان انت تسيب المريضه على الاقل يومين هنا لحد لما تستريح وبالذات ان هي مش هتقدر تتحرك بسبب الاجهاد

وبيروح سايبو الدكتور وبيمشي

وبيفضل معتصم واقف وبيكلم نفسه بيقول

معتصم

مالك يا معتصم معقوله صعبان عليك بعد اللي هي اللي عملته ده

وصوت تاني جواه قال

بس هو انا ليه حاسس ان البنت دي مظلومه واني حد دبر لها الحكايه دي يا ترى يا كارما اللي هيظهر بعد كده وبيروح ماسك لاكره الباب وبيروح داخل ليها على جوه

اول لما بيدخل قلبه بيوجعه لما بيلاقي وشها شاحب بس كل دا لسه جميله وبينسي نفسو هو بيفضل باصص عليها لحد لما بيلاقيها فتحت عينيها

كارما بتعب

اه هو ايه اللي بيحصل هنا واللي جابني هنا وبتروح حاطه ايديها على بطنها فجاه وبتقول بدموع

كارما

نزل صح اكيد زعل مني لما قولت ان انا مش عاوزاه علشان كده سابني او نزل هي ليه الدنيا وحشه كده وكل ما احس ان انا اتعلقت بحاجه تروح مني بسهوله دي وانا وحشه

معتصم بحزن

طب اهدي ومش وقت الكلام اللي انت بتقوليه ده وبالذات اللي انت دلوقتي تعبانه وما ينفعش تتعبي نفسك اكثر من كده والحمد لله ان هي جت على قد كده

كارما يدموع

انا والله العظيم تعبت انا عارفه كويس ان انت مش طايق تبص في وشي وانت عارف ان مذنبه بس والله العظيم انا مليش ذنب في كل اللي حصل ادهم هو السبب هو ليه ما فيش حد راضي يصدقني

وبتروح مكمله بوجع وقهر

كارما

انا كنت فاكره نفسي اذكى واحده في الدنيا وفي الاخر طلعت اغبى انسانه لما وثقت فيه وسلمته كل حاجه

اول لما معتصم بيسمع كده بيحس بغصه جواه وهو شايف انكسارها بالشكل ده وبعدها قال بهدوء

معتصم

بصي يا كارما انا لحد دلوقتي معنديش دليل ببرأتك لكن عندي احساس ان في حاجه مستخبيه ولسه مظهرتش

كارما

يعني انت مصدقني ان انا مش مذنبه ولا مجرمه ولا انا اللي عملت كل ده

معتصم اتنهد وقال

معتصم

مش عارف بس اللي اعرفه ان دموعك دي مش دموع واحده قاتله وانا هعمل كل الي في ايدي علشان حقك يرجع

كارما اول لما سمعت كلامه عيطت اكتر وحطت ايديها على وشها وهي بتقول

كارما

انا تعبت اوي يا فندم والله تعبت ومبقاش عندي طاقه احارب اكتر من كده

معتصم من غير ما يحس قرب ايده وحطها بهدوء على طرف السرير وقال

معتصم

قومي لنفسك يا كارما علشان اللي ظلمك لازم يتحاسب ولو انتي بريئه حقك هيرجع مهما طال الوقت

كارما بصتله وساعتها لأول مره من وقت دخولها السجن تحس ان في حد سامعها ومصدق وجعها

معتصم

طب ارتاحي انت دلوقتي لحد لما نشوف مين اللي عمل فيك كده ولو احتاجت اي حاجه نادي علي الي يرع وهم هيدخلوا لك على طول هوصيهم عليكي

و بيروح سايبها وبيخرج

الوقت ده عندي منال بتيجي واحده من العساكر وبتقول لها

منال

طمنيني بالله عليها اوعى يكون معتصم باشا حطاها في حبس انفرادي بالله عليك لو عمل كده خليني اروح ليه واتحايل عليه ما ينفعش اسيبها تقعد لوحدها اكثر من كده

العسكري

اهدي يا منال ما فيش حاجه من الكلام ده بس كل الحكايه اللي انا عرفته ان هي سقطت وهي دلوقتي في المستشفى واللي عرفت كمان ان حد عمل كده فيها بفعل فاعل يعني ما سقطتش منها نفسيها

اول لما منال بتسمع كده بتحس ان جردل ميه ساقعه نزل فوقيها وقالت

منال

انت متاكده من الكلام اللي انت بتقوليه ده يعني كارما سقطت

العسكريه

ايوه وروحي بقى مكانك عشان ما ينفعش تفضلي واقفه معايا اكتر من كده انا مش عاوزه مشاكل بالله عليك

لما منال بتسمع كده بتروح واخده بعضها وبتمشي وبتدخل الزنزانه بتاعتها واول لما تدخل بتلاقي رقيه قاعده مع اصحابها وعماله تغني وترقص

وساعتها منال بتقرب منها وبتروح ماسكاها من شعرها وبتفضل تضرب فيها

منال

انت ما تعرفيش انا هعمل فيكي ايه النهارده هي عملت لك ايه علشان خاطر توجعيها بشكل ده

رقيه بصريخ

انا ما عملتش حاجه انتي اي الكلام اللي انت بتقوليه انا مش فاهمه اي حاجه وسعي كده بدل ما اوديك في داهيه

منال

انا عاوزه اروح في داهيه بس حق البنايه اللي انت خليتيها تسقط اجيبه وبتفضل تضرب فيها لحد لما العساكر تخش ويسلكوهم علي بعض حد لما بيخدوهم وبيروحوا عند معتصم

معتصم بحده

هو في ايه بالظبط وانا مش عارفه المكم ولا لو انتم فاكرين نفسكم في الشارع ولا في غابه ما تعرفوش اللي ماسككم ده مين انا معتصم الهلالي مش شويه حريم مش هقدر امشيهم

رقيه بدموع

والله العظيم يا معتصم باشا انا ما ليش دعوه بكل اللي حصل دي منال لقيتها فجاه دخلت عليا وعملت اللي عملته فيا انا عاوزه حقي يا بيه

منال بحقد

هو انت لسه شوفتي حاجه وانت يا بنتي انتي مفكره لما تعملي اللي انتي عملتيه ده ما حدش هيعرفه بقول لك ايه يا معتصم باشا انا بتهم رقيه ان هي السبب في تسقيط كارما