حماتي طلعت امي
الحلقه السادسه
بقلم هويدا زغلول
لمياء _ لا بس البنت دي عمرها ما حست
في يوم انها يتيمه وعايزه طول عمرها تكون
عايشه كده
دعاء _استني بس هو انتي مش امها
رحمه _لا تبقى خالتي بس هي اللي مربياني بعد ماما الله يرحمها
دعاء _على العموم ماشي واللي بيدخل بيتنا
يا حبيبتي بنشله فوق دماغنا وبكره هتشوفه
بس المهم هي تكون بتفهم في الأصول
لمياء _ودي حاجه انا متاكده منها قوي بنت اختي انا مربياها كويس وعارفه تربيتها ايه
دعاء _ماشي اتفقنا الفرح الشهر الجاي
واحنا مش عايزين اي حاجه عايزينها بشنطه هدومها بس
مازن _الف مبروك يا رحمه وبعدها تم
الفرح واتجوزت رحمه معايا في البيت وانا
عمري ما ركزت ولا في اسم امها. ولا اسم ابوها
وفي يوم جت رحمه من عند الدكتور
رحمه _مساء الخير يا طنط انا جيتلك انتي قبل ما اروح لماما علشان اعرفك ان انا حامل
دعاء _معقول بسرعه كده اي عايزه تربطي
بالعيال ولا اي
رحمه _انا كنت فاكراك انك هتفرحي لمازن هيكون اب
دعاء _اسمعي يا رحمه انا عمري ما حبيتك ولا عارفه احبك بس انا مستحملاكي علشان خاطر ابني وبس وبصراحه كده مش عايزه يدبس
في عيال
رحمه _ ليه ده انا من ساعه ما دخلت البيت
ده وانا بحبك وعمري ما اتعاملت معاكي وحش
دعاء _وانا من ساعه ما دخلت البيت ده وانا مش حاسه ان انا مرتاحه في البيت وحاسه ان وراكي
حاجه ، وبعدها قامت وقفت وقالت
رحمه _انا رايحه لماما بعد اذنك يا طنط
وبعدها مشيت وانا طلعت اوضتها وشويه
وخرجت منها وجه مازن
مازن _مساء الخير يا ماما اي مالك قاعده
عامله ليه كده
الام _ اسمع يا بني أنا مش مرتاحه للي
مراتك بتعمله ده جت هنا وبتقول انها حامل وشويه وطلعت الاوضه خدت فلوس كثير قوي من الدولاب وقالت رايحه لامها
مازن _ايه معقول رحمه حامل وازاي ما تتصلش بيا تقولي
الام _يا رب صبرني سبت الكلام كله اللي انا بقوله ومسكت في موضوع انها حامل يا ابني حرام عليك البنت دي مخلصه فلوسك
مازن _والله يا ماما ابدا بس ممكن تكون مامتها محتاجاهم زي كل مره انا فعلا بلاقي فلوس بتنقص من الدولاب بس مش بردا اكلمها
الام _المفروض يا ابني تعرفها ان ما ينفعش كده ولازم اي فلوس تاخدها تعرفك بيها
مازن _المهم يا ماما انا هقوم اروحلها
عند مامتها وفي الوقت ده الباب خبط وفتح
احمد
احمد _طنط لمياء تعالي اتفضلي امال فين رحمه
لمياء _ايه ده هي مش موجوده هنا ده انا جيت اطمن عليها ، وفي الوقت ده انا قومت. وقولت
دعاء _الله اكبر بتضحك علينا وتقولي لنا ان هي عندك وهي بتتصرمح بره شوف مراتك بقى بتودي الفلوس فين
لمياء _الكلام اللي انتي بتقوليه ده بنتي لا يمكن تعمل حاجه غلط وفلوس ايه اللي انتي بتتكلمي عنها
دعاء _الفلوس يا حبيبتي اللي بنتك دخلت خدتها من شويه وقالت ان انا رايحه لماما ، وفي الوقت
ده رحمه دخلت
مازن بعصبيه _هو انتي كنت فين يا رحمه مامتك هنا وبتقول ان انتي ما رحتيش عندها
رحمه _مساء الخير هو في ايه يا جماعه مالكم
انا كنت عند ماما وبابا الله يرحمهم
دعاء _واي الدلع ده ما كنتي قولتي ياختي
قبل ما تخرجي
رحمه _هو انا ممكن افهم فيه اي بالظبط
مالكم
مازن _ رحمه انا عمري ما بستخسر
فيكي حاجه بس انا من حقي اعرف انتي بتاخدي فلوس كثير من الدولاب بتوديها فين
رحمه _انا مين اللي قالك الكلام الفارغ
ده انا عمري ما اخد فلوس من دولابك
وفي الوقت ده انا قولت
دعاء _يا نهار ابيض ده انتي واخده الفلوس قدام مني انا ازاي بتقولي كده
رحمه _اه هي دي الطريقه بقى اللي عايزاه يطلقني بيها بطلعني حراميه
مازن _وانتي زي رحمه تتكلمي مع امي بالطريقه دي
رحمه _امك من ساعه ما عرفت ان انا حامل وهي متضايقه وعايزه تمشيني من البيت ده وانا مش مش هقعدلك فيها
دعاء _ حرام عليكي ده انا بتمني اليوم اللي
ابني يكون اب فيه جايه تفتكري عليا تقولي
كده
مازن _ انتي ازاي تقولي كده علي امي
لمياء _هو في ايه مازن هو انت مش شايف ان مامتك بتكبر المواضيع وشكلها فعلا عايزه
تمشي بنتي من هنا
رحمه _ والله هي قالتها ليا أن عايزني
امشي من هنا
دعاء بعياط _حرام عليك يا مفتريه انتي بتعملي كده عشان يمشي امه من البيت ولا عايزه
تخدي برا
رحمه _احب اقولك ان انا سايبه ليكي البيت وطالعه بره مش داخله هنا تاني وبعدها مشينا
وعدا شهور الحمل ومازن مكنش بيتصل
بيها وفي يوم جه البيت
مازن _امي احنا برده لازم نسال على رحمه ما مينفعش كده
دعاء _زي ما هي مشيت من بيت بمزاجها تقعد ترجع البيت برده بمزجها محدش هيروح يجبها
انت سامع ولا لا
مازن _بس برده هي ام عيالي ومن حقي اسال عليها
دعاء _انت مش بتبعت ليها مصاريفها كل شهر خلاص خلصنا بقى وفي الوقت ده اتصلت لمياء
وقالت
لمياء _مع ان رحمه محلفاني ما اتصلش بيك هقولك بس مراتك ولدت لو عايز تجيلها المستشفى
مازن _اي طيب ابعتي ليا العنوان انا جاي حلا
وبعدها روحنا
رحمه _ هو انت اي اللي جابك ومازن
قرب منها وقال
مازن _حقك عليا يا رحمه انا اسف والله يا ريت ما تزعليش مني
دعاء _حمد لله على سلامتك يا حبيبتي جبتي توام مره واحده
رحمه _ايوه وناويه اسميهم حنان وشريف على اسم بابا وماما وفي الوقت ده انا انصدمت وقولت
دعاء _هو انتي مامتك هتسمع حنان وباباكي اسمه شريف وانتي معاكي صوره مامتك
رحمه _ايوه على الموبايل بتاعي بس ليه
بتسالي ليه
دعاء _معلش عايزه اشوفها وبعدها اخد الموبيل
وشوفت الصوره وقولت