رواية هم الكبير الفصل الثالث عشر
وبعد أن انتهت قسمت من المؤتمر الصحفي الذي إذاعته كل قنوات التلفزيون، يتصل بها والدها عدنان.
قسمت: ايوه يا بابي.
عدنان: اعملي حسابك اني انا لازم اكون دراعك اليمين.
قسمت: اكيد طبعا.
عدنان: وتغيريلي عربيتي.
قسمت: اوك، وكمان انته ومامي هتعيشو معايا، وبكره هنعمل بارتي بالمناسبه ديه.
عدنان: بس كده الناس ممكن يتكلمو علينا.
قسمت: اللي يتكلم يتكلم، بس بكره كله هيجي يبوس الايادي عشان المصلحه.
عدنان: كلامك صح.
قسمت: طيب اقفل عشان اعمل تجهيزات الحفله.
عدنان: هكلملك شركه كبيره تنظم الحفله.
قسمت: اوك، اه عايزه نجوم يحيو الحفله، وخليهم كمان يجهزو بوفيه من جميع انواع الاسماك والجمبري وخلافه، اه وكمان عايزه بوفيه تاني يكون اورينتال، اصل المرحوم كان بيحب كده.
لتضحك هيا ووالدها.
عدنان: اطمني يا قلب بابي بنت المانسترلي بصحيح.
قسمت: عايزاها حفله واو.
عدنان: متشغليش بالك.
اما فيروز فكانت تجلس بجانب حازم علي سطح منزلهم.
فيروز: مش عارفه ليه حاسه في حاجه كبيره وراك، سامحني يعني فكره انك ناسي ديه مش داخله مخي خالص.
ليضحك حازم.
حازم: انتي ذكيه جوي يا رزه.
فيروز: وكمان عارف اسم الدلع بتاعي!
حازم: اكيد... احكيلي بجا كل حاجه.
فيروز: هجولك بس توعديني أن الكلام يفضل سر بينتنا.
حازم: سرك ف بير، الا لو كت عامل نصيبه.
فيروز: أعوذ بالله! اسمعي يا ستي... ولا اجولك اعمليلنا كوبايتين شاي ف الاول.
حازم: انته بتشرب شاي كتير جوي.
فيروز: رجل اعمال بجا.
حازم: بتجول ايه؟
فيروز: روحي اعملي الشاي وتعالي.
حازم: وبتتكلم مصري كمان! علي العموم حاضر.
لتتركه فيروز وتنزل لتعد الشاي وهيا تقول: يا تري وراك ايه؟ وياتري انته مين؟ وليه جلبي بيدج كل ما اشوفك؟
اوعي تكوني حبتيه! انتي ف رجبتك كوم لحم ولسه مشوارك طويل. له له، حبيته ايه بس... انا تلاجيني شفجانه علي حاله، ايوه شفجانه. بس اصب الشاي واطلعله وأشوف حكايته ايه.
لتصعد فيروز الي حازم.
فيروز: الشاي اهو... احكي بجا وخلصني.
حازم: ف الاول انا حازم الحديدي.
فيروز: انته واد الست غاليه اللي عايش ف مصر؟
حازم: ايوه انا.
فيروز: بلخبطه... بس انته متجوز ومخلف، عنديك باين واد وبت؟
حازم: ايوه متجوز ومخلف.
فيروز بغضب: ولما انته متجوز ومخلف عايز مني ايه؟
حازم: هجولك علي كل حاجه بس اديني فرصه.
فيروز: وانا مسكت خشمك؟ جول... ماهي كانت نجصاك!
حازم: ممكن تهدي واسمعيني من غير مقاطعه؟
اما في منزل العمده، كانت فاطمه قد أخذت ابنتيها وذهبت إلى البندر لتشتري اشياءا لهم.
رحيل: تعالو ناكلو الاول.
شروق: المطعم ديتي بيعمل وكل جميل.
فاطمه: تعالو، هما اللي هياكلو احسن منينا.
اما نجلاء فها هيا تتصل علي ضاحي.
نجلاء: عم ضاحي تعالي حالا.
ضاحي: هما اتخمدو؟
نجلاء: له، غارو خرجو راحو البندر، هيتاءخرو وجالولنا نامو انتو. انا هشغل الخدامين وحطيتلك السلم تحت البلاكونه، وهما كمان نسيو يسنكروها.
ضاحي: تمام، انا هجيب الرجاله وجاي.
لتغلق نجلاء الهاتف مع ضاحي، لتجمع الخادمات.
نجلاء: متاجو نعملو شاي وفطير ونجعدو ف الجنينه.
وبعد ساعتين كان ضاحي قد خلص العمده وأخذه الي المستشفي الخاصة بهم.
ضاحي للطبيب: اسمعني زين يا دكتور، معايزش مخلوج خلجه ربنا يعرف أن العمده بيتعالج هنيه، والا تعتبر نفسك مرفود.
الطبيب: أوامر حضرتك.
ضاحي: اعملو معاه اللازم ومتنساش.
الطبيب: تحت امرك.
اما حازم بعد أن حكي كل شيء لفيروز.
فيروز: وانته علي كده مرتك حلوه؟ جصدي يعني بتحبها؟ يووه بجا!
حازم: انتي عبيطه صح؟
فيروز: ليه يا اخويا؟
حازم: يعني كل اللي حكيته مش فارج معاكي غير مرتي؟ ولو كنت بحبها وحلوه ولا عفشه؟
فيروز: متجول بجا.
حازم: اه حلوه وزي الجمر... استني اوريكي صورها علي التليفون.
فيروز: وكمان معاك تلافون من ابو تفاحه؟
حازم: غبيه جوي، شوفي... اهي مرتي.
فيروز: يا مري! هيا مالها متصوره عريانه كده؟ بالذمه انته راجل صعيدي ودمك حامي؟
حازم: براحه... انا اتجوزتها عشان الشكل الاجتماعي.
فيروز: طاب احلف كده.
حازم: انتي فعلا مجنونه زي ما ضاحي بيجول.
فيروز: انا مالي؟ تحبها ولا متحبهاش. علي العموم انا هوجف معاك لغيت ميجبضو علي شيخون وفاطنه. بيني وبينك هيا تستاهل، وليه جلبها اسود، وكمان عمرها منفعتني. حتي بناتها كبيرين كده ومناخيرهم ف السما، مش عارفه علي ايه. ولمؤاخذه مشيهم بطال، اصل جعدتي ف الشارع ورتني كتير جوي.
حازم: يا بنتي امال انا كنت بقول ايه؟
فيروز: هتعوز مني حاجه؟ هندلي انام انا.
حازم: استني، عايز اقولك حاجه مهمه اوي.
فيروز: يا تري وراك نصيبه ايه تاني؟
حازم: هيا الصراحه نصيبه كبيره جوي جوي، ربنا يعييني عليها.
فيروز: جول.
حازم: هساءلك سؤال الاول.
فيروز: جول.
حازم: هو انتي ليه مطلبتيش مني فلوس؟ يعني حق الخدمه، وخصوصا انك انتي تقدري تديلهم علي مكاني وتقبضي فلوس كتيره منهم.
فيروز: عبيط انته؟ ياك لو علي الفلوس كت أجدر اتجوز حد من اللي اتجدمولي، لكن انا جولت اكلها بالحلال احسن واراعي امي وخواتي البنات. وكمان انا مش خاينه، وهعوز الفلوس ف ايه؟ الحمد لله بناكلو وبنشربو وعندينا اربع حيطان اويينا. وبعدين اللي كل كباب زي اللي كل فول، والبطن مبتسترش.
حازم: طاب ايه رءيك بعد الحوار ده ميخلص تيجي تشتغلي عندي ف مصر؟
فيروز: نعم؟ فشرت! انا حره وبت احرار، ولو علي موتي مخدمش ف البيوت. فوج لنفسك، اوعا الفلوس اللي معاك تخليك تدوس علي الخلج. افتكر اهو ان الفلوس منفعتكش لما فكرو يموتوك، لولاش فكرتك كان زمانك ف خبر كان.
حازم: بس يخربيتك ايه قطر! اهدي يا ماما علي نفسك شويه، مش ده قصدي خالص.
فيروز: امال جصدك ايه؟
حازم: جصدي انك بجره ومعندكيش مخ.
فيروز: متغلطش احسنلك.
حازم: يا بجره... انا من وقت ماشوفتك وانا مشغول بيكي، وللاءسف اتهببت علي عيني وحبيتك. يا عيني عليك يا حازم، حبيت مجنونه.
فيروز: الكلام ديتي عيب ومينفعش تجولي كده.
حازم: اخلص بس من اللي انا فيه واتجوزك، وأقطع لسانك.
فيروز: تتجوز مين؟ انته ياك فاكر بفلوسك تجدر تشتري الناس؟
حازم: لا سمح الله، مين جال كده؟ وبعدين انته جيبت تلافون ازاي؟
حازم: ضاحي جابهولي، جال عشان يطمن عليا... استني اهو بيرن.
حازم: ايوه يا ضاحي.
ضاحي: اكيد الجماعة اللي عندك كلهم نامو عشان كده شغلت التلافون.
حازم: ايه الاخبار؟
ضاحي: في اخبار زينه وفي اخبار عفشه.
حازم: جول الزينه الاول.
ضاحي: الحمدلله جدرت اخلص العمده من تحت يدهم.
حازم: الحمدلله... ايه الاخبار اللي شبه وشك؟
ضاحي: تشكر، بس علي العموم افتح النت وانته تعرف.
حازم: طاب اجفل دلوك.
فيروز: في حاجه؟
حازم: بيجول جدرو بفضل الله يخلصو العمده، بس بيجول افتح النت عشان فيه اخبار عفشه.
فيروز: طاب انا نازله... وسرك ف بير يا بيه.
حازم: طاب اصبري بس نعرفو الاخبار.
حازم: ايه ده! لا حول ولا قوه الا بالله العلي العظيم... ادي مرتي يا ستي عامله مؤتمر صحفي وبتذيع فيه اني موت، وجال جبل ما اموت كتبتلها كل أملاكي... له! وايه؟ وعامله حفله جايبه فيها مغنين يغنو علي روحي!
فيروز بغضب: اخص عليها جليله! اصل ما انته بردك غلطان عشان تتجوز واحده زيها.
حازم: عندك حج، بس وجتها كت جاعد لحالي ف مصر واتعرفت عليها ف النادي، وجولت تبجا ونس ليا مش اكتر والله. لكن عمري ما حسيت ناحيتها اي احساس بالحب. صدقيني انا قلبي دق لما شوفتك، حتي لما كنتي تعبانه كنت بروح وافضل ادور عليكي عند الشجره لغيت ما سألت ضاحي عليكي وجال انك عيانه. والله وجتها كت هتجن عليكي.
فيروز: بعد الشر عليك إنشاءالله... فاطنه العوره والوليه مرتك جليله الأصل والأدب ديه!
حازم: اسمعي، هتروحي عند غاليه امي وهتجوليلها حازم بيجولك جهزيله جفطان المرحوم أبوه وعصايته وكل حاجه.
فيروز: يا سلام! وهيا هتصدجني؟
حازم: يا غبيه، هيا عارفه اني جاعد حداكم.
فيروز: له يا اخويا، امك لسانها طويل، تجول كلمه اجول كلمه منخلصوش.
حازم: طاب استني.
ليخلع حازم سلسله من رقبته.
حازم: خدي، اديها ديه.
فيروز: ايه ده؟
حازم: ده حجاب، امي هيا اللي عاملاه، ومحدش يعرف أنه حجاب غيري انا وهيا بس.