تحميل رواية «حلم» PDF

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء1

اعرفكم عن نفسي عمر عمري25 سنه شكلي طويل اسمر رشيق..... عندي محل مفروشات جبير.. وحالتنه الماديه الحمدلله زينه ....امي دائما تقنعني اتزوج...... تدورلي عن بنت حلال

ودائما اشوف بنات بس مايعجبوني....

وابطل....

يمنه عمي ابو سلطان...... وزوجته علويه.... عنده بنات هواي.... علاقتنه وياهم مو زينه

من زمان اكوو مشاكل بين ابوي وعمي وعلاقتنه شبه منقطعه....بس اولاد عمي دائما نتشاوف بالطلعات والاسواق....وعلاقتنه بسيطه بس سلام وسؤال

مره من المرات.... سمعنه صراخ بنفس شارعنه.... ولمن طلعنه احنه الولد...عرفنه انو عمي ابو سلطان انتقل الئ رحمة ربه

والدي تأثر كلش

علئ رغم كانو مايتحاجون من سنين... وعمي عنده 2 ولد بس 5 بنات بس ما مره شفتهم

وقمنه بالواجب.... وكملنه مراسم الدفن

ورجعنه. ووكفنه بالفاتحه وي اولاد عمي

ومرت اسبوع ....وخلصت الفاتحه..... وشفت بنات عمي ازغيره ب9 او 10 سنوات

ماشاءالله ماعرف اوصف جمالها.....اجمل من الكمر نفسه....  بنات عمي طالعات علئ امهم العلويه...... بس البقيه كبار وماشفتهم

3مزوجات واثنين بعدهم

بس مادخلنه جوه..... وتحسنت علاقتنه....  بس مادخلت جوه

ولا شفت بناتهم

بس اشوف جهال اولادهم وجهال بنات عمي الي مزوجات

اجت الاربعينيه ....وردنه نروح.... جهزنه انفسنهه بليل نطلع حته الصبح نوصل للمقبره

وعزمنه ويانه اعمامنه.....واجرنه سيارتين كبار

ب12 بليل ... ضلينه نجهز. الثواب الي حناخذه ويانه

وتفاجات انو بنات عمي مامخليات شئ وما مسوياته

وكولهن كانن متبوشات... ومحتشمات كلش وصعدنه للسيارات.... وب5 الصبح .....وصلنه مقبره...  وزوجة عمي كانت حاده لا تحجي ولا تطلع وجها....

بس وحده من بنات عمي الزغيره كانت تجهز. واني اخذ منها بس هي دايره وجها ووحده من نسوان اخوتها وياها

ودايرات وجهن عني .. بس واحد من ولد خالتهن يحجن وياه .. ويطلعن وجهن كدامه عادي

رحت اجيب الماي لكيت بس وحده من بنات عني

رحت يمها...  بعدني ماحجيت

وكالت

سامر الماي بثلاجه تلكاه . روح طلعه فدووه

سكتت

دارت وجها عليه

بقيت صافن عليها... اللهم صل علئ محمد وال محمد ... معقوله اكو هجي جمال كنت اتوقع بس بالاجانت هجي جمال

معقوله عمي عنده هجي بنت وين كنت عنها

فزت من مكانها وغطت وجهه بالبوشيه

اسفه عبالي ابن خالتي....

وين الماي

بالسياره مالت سلطان.....

رحت من يمها..... مامصدك الي شفته... هاي تعبانه وفاتحه ولابسه اسود وبالترابه وهجي شايله جمال

شحال لو بالبيت ومعدله نفسها شصير

علئ طول المقبره... ضلت عيني تراقبها..   وعرفت من اخوانها لمن صاحولها اسمها مريم

وسالت اختي سجاوي عنها

كالتلي هاي الي كانت وياي بالمدرسه بالابتدائيه....

كملنه من المقبره . . وزرنه عمي..  وصلينه يمه وطلعنه للامام علي

وفرشنه هناك لمن صارت ب11 فرشنه مائده كلش جبيره

بثواب عمي...وكانو كلشي مجهزين بيها.  حته حلويات وفطائر وشوربات مسويات

وعليهن نفس بالطبخ.... ومسويات زايد مو ناقص

زرنه وصلينه الضهر... بالامام ....وطلعنه

وبالسياره كعدوو مريم يمي هي واخوها علي

وضلينه نسولف اني وياه

وهي مخليه راسها علئ كتف علي

ويمكنها نايمه....

وصلنه....وكل واحد رجع لبيته....

وضليت افكر بمريم... وجمالها

وقررت بس يعبرن كم شهر... ادز امي تخطبها اليه ... بس مااحجي هسه لاحد

وحسنت علاقتي باعمامي

ودوم اروح وارجع عليهم... بس مااشوف غير بتهم الزغيره

تجي وتسلم عليه.... وتكعد يمنه.... والثانيه ولا شفتها.... ولا حته سمعت صوتها

ومرت 4اشهر

ودزيت امي عليهم.... تطلب مريم اليه..... هي واختي سجئ

كنت متاكد راح يقبلون وخاصه علاقتنه رجعت قوويه

بس امي تاخرت عدهم

ولمن رجعوو كانت ضايجه كلش.... واختي تقلد عليهن

شكوو شبيجن

سجئ... عيني بنت عمك عاشكه ابن خالتها

امي..... سدي حلكج ولج...لبنيه ابن خالتها خاطبها قبل مايتوفئ ابوها... وخاطبين وقارين الفاتحه عليها

اي يمه ماشفتيها من اجينه وطلبناها قلدبت بوجهنا

اسكتي ولج

عليمن فشلتنه ورحنالها....وطخينه راس الها

شبيج وي بنت عمج

يمه اكرها من زمان كانت مغروره بكصيبتها الشكره... وجمالها وتتماوع

وهسه هم ماعبالك ميت ابوها... هم تتمايع وبالكوه تتحرك وكصيبتها وهي لو منها البس عصابه وحجاب اسود

اسم الله ولج.... تفاولين علئ ابوج

اسكتو ...  هس شنو

شبيك عمر شنو شكوو....  ماقبلوو وطردونه

امي..... ولج شنو طردونه كالو قارين فاتحتها وخلص

لا ماانطيها راح احاجي سلطان وامير اخوانها واذا لزم الامر انهئ عليها

عزززه يمه.... شبيك تخبلت ماكو غيرها شكوو

اي يمه عجبتني كلش

بس لبنت مو نصيبك خلص عوووفها

يمه خلص.... انا اصرف طلعي منها انتي

مااعرف عليمن ذابح نفسك عليها

سجئ شبيج وي البنت ...

والله عمر مااحبها بس تتماوع وبالكوه تمشي...  ومغروره

كلت بكلبي حقها مغروره وهي هجي شايله جمال.....

رحت بليل لبيتهم... وحاولت اسحب احجي بس منهم....  بس عرفت مريم مو مخطوبه ولا شئ

ومااعرف ليش امها كالت هجي

وماعرفت شنو اتصرف..... رجعت للبيت..  ومحتار شسوي... وليش هجي جذبن علئ امي..  اكيد مايردن ينطنها اليه....

فكرت احاجي سلطان واطلبها منه... واكيد يوافق

وصار يوم الثاني ورحت لبيتهم وعزموني علئ الغدا وياهم...

وحاجيت سلطان وطلبت مريم منه

واول ماكتله... كال وين الكه نفسك..  كبعها واخذها...  وفرحت كلش بكلامه....  وانطاني احجايه احنه موافقين.... بس دز اهلك

وكتله اجن امي واختي..  وكالن مخطوبه

ضل صافن.... وصار عصبي كلش

ودخل شويه للبيت

واجه..... عرفت سوه مشكله جووه...  وضل بالي بس لا ضل يحجي علئ مريم

وتكرهني من هسه.. وتاخذ موقف مني

رجعت للبيت .. وكلت الامي

امي.....وليش كالن مخطوبه

سجئ.... مو كتلك تحب ابن خالتها وماتفيدك

هس اخوها انطاني احجايه و وافق....  وبعد ترحن انتن وتتفقن وياهن

لا يمه لا اروح ولا اوصل... 

سجئ....... ولا انا يمه هم ماروح

لا ترحن ضلن هنا.... انا وابوي نروح نخطبها وخلص

بعد احسن خويه....

مريم

اسمي مريم....احلئ وحده بأخواتي.. كل الي يشوفني يوم الثاني يدز امه.. لذلك ابوي من جمالنه قرر يلبسنه بوشيه

عمري18 سنه.. كملت إبتدائيه ونجحت للمتوسطه... بس ماقبل ابوي اكمل دراسه... حته اخواتي لحد السادس ابتدائي ويبطلهن .. عشت طفولتي وي بيت خالتي... اعمامي بس عم واحد وعلاقتنه وياهم شبه منقطعه.. حته بنت عمي سجئ كانت نفس صفي بس لاتحجي وياي ولا احجي وياها

اتمنئ اكون صداقه وياها ... وتكون مقربه اليه.. حته من احد يعرف هاي بنت عمي محد يصدكني

لانو اني وياها كإنما غريبات... وماعدنه حته سلام

مااعرف ليش تكرهني...  شما احاول اتقرب منها ماكوو

عشت طفولتي نصها ابيت خالتي.. كان رجل خالتي نفس الاخو الابويه... واولاد خالتي من عمرنه واكبر

مرت سنين وصرت 16 سنه....كبرت وحب ابن خالتي سامر كبر وياي.... كان اكبر مني وفعلا يعشقني....وحته خالتي ميته عليه

ومتفقين بس يكملون بيتهم يتقدمولي رسمي

واني وسامر حبنه اقوئ من كل شئ.... حب طفوولتي.... اليوم الي مااشوفه بيه احسه مامحسوب بحياتي

وكان رجل خالتي...طالبتي من والدي ومتفقين عليه بس حجي يعني

الا ان اجه اليوم الي خسرنه بيه والدي... كان اصعب يوم بحياتنه..  بعده كان عمره زين....وخسرناه فجاه....تعشينه وكملنه وكعدنه سويه.... وضلينه نشاقئ ونضحك

وكانو جهال اخويه سلطان وكحين كلش...ويلعبون يمه... ويصعدون علئ ضهره .. صارت ب11

اني واختي رحنه لغرفتنه... كعدنه عالتلفزيون

واخوي سلطان اخذ زوجته وجهاله وراحو لغرفتهم فوك..... وامي وابوي بقوو بغرفتهم....  وماكعدنه الصبح الا علئ صراخ امي

ورحنه ركض الها.... لكيت سلطان يبجي علئ صدر ابوي

وامي تصرخ... عرفنه السالفه.... وضلينه نصرخ وي امي

وبيت عمي فزعوو النه..... وكنت اول مره اشوف بنت عمي بعد سنوات هي وامها.... واشوف ولد شباب اول مره اشوفهم... بالبيت مالتنه وماخذين راحتهم

عرفت من اختي الزغيره.....  ذوله ولد عمي... بس ماطلعنه الهم ابد..... بس كان سامر نطلع عليه عادي

ومن صارت الاربعينيه.... ووصلنه هناك

وضلينه نجهز.....لريوك بالمقبره.....اجه وراي واحد حسيته سامر

وكتله جيب الماي من السياره.. ولمن التفتت لكيته واحد من ولد عمي..

من التفتت اله ...بقه صافن بوجهي

وعرفت راح يخليني اباله..... وعرفت راح اتندم علئ هاي غلطتي...

ورجعنه وضل يتردد علينه بشكل يومي

ومن هاي اللحضه عرفت راح اضيع... وراح يضيع حبي

حاجيت سامر بساع حته يتقدملي.. ونخلص موضوعنه....بس دائما يأجل الموضوع

وصدك كان احساسي.. دز اهله وطلبوني

بس امي سدت الموضوع من يمها.. وكالت الهم قاربن فاتحتها لابن خالتها. وارتاح بالي ... واخته تباوعلي بطرف عينها وعبالك مجبوره تجيني

وانسد الموضوع واطمئنيت..... وره يومين اجه ابن عمي وخطبني من سلطان اخوي

وسلطان وافق ....وكان فرحان كلش

وضل يحجي علئ امي لان كذبت عليهم وكالت الهم مخطوبه

ومنع سامر يجي ونطلع عليه نهائيا

وصار عصبي علينه كلش... وامي تخاف من سلطان كلش لان جبير وعصبي وماجاوبته ابد

وكال النه

بعد خلص انتي لعمر وما نلكه نفسه وابن عمج واخلاق .. وشاغول

ماعرفت شحجي بس انحكم عليه بهذا عمر

شسوي وين اروح

خابرت سامر وكتله علئ كلشي..... بس ماكدر يسوي شئ...بس حاجه امه... واجو خطبوني رسمي.... بس سلطان كال الهم

اختي انطيتها لابن عمي

وقريبا نكطع مهر

ضليت ابجي.... بحركه.....اجتني خالتي تبجي وكالت رحتي من ايدي خاله.... ابجي واعاتب بيها... خالن انتم سبب ....كم مره اطلب منكم تقدمون موضوع خطبتي وتأخرون الموضوع

امي تسكت بيه وماكوو

خاله فدوه كولي لسامر خل يسووي شئ

خاله والله احبه

بس ضلت تبجي وامي تبجي وياها وتسكت بيه

والله لو اموت نفسي ولا اخذ هذا عمر

وضليت اصرخ....وابجي والله مااخذ غير سامر احبه....... ومااريد غيره لو أموت

ودخل علينه سلطان....وسمع كلامي....

منوو الي تحبينه ها ولج

وتقرب مني.....وامي اجت بينه

يمه اختك عصبيه.. وماتعرف شتحجي

يمه وخري منا ....,لا ابتلي بيكم اثنينكم

لزمني سلطان ومارحم بيه....,خله كل جسمي يوجعني

خلاني مااحرك عظم بيه.... دخل سامر حت يدافع عني

انت اطلع بره.... دخلتك بيتي وامنتك علئ اخواتي وطلعت تتمعشك...وعينك عليهن ...وضل يدافع بيه لحد ما تكامشووو .....وضل واحد يكتل بالثاني...  وبدأ صراخنه يتعالئ اني وامي وخالتي..

  ومااحس الا اجه عمر ودخل علينه وضل يحاجز بينهم

عوفني عمر هذا واحد ماعنده عرض دخلته بينه.... وثقيت بيه... وخان الامانه

عمر ضل يفاكك بيهم......  لحد ما طلع سامر هو وامه واخته الجبيره...  طلعوو وياه

وعمر ضل صافن علئ كلام ... سلطان

عرف كان رايدني ورايدته

وخله وطلع.... وسلطان طلع وراه..... واني كعدت بالكاع...وابجي.. وكل جسمي يوجعني

الله ينتقم منك يا عمر

منين اجيتني وخربت حياتي....وخربت فرحتي لو ما دخل بحياتنه جان هسه وافق علئ سلطان..... نحرمت من سامر

ومرن اسبوع ... ولا شفت سامر ولا اتصل ولا سمعت اخباره

وعمر نفس الشئ هم مااجه... ويمكن نسحب من موضوع الخطبه....

وسلطان يكومني بغلطه ويكعدني بغلطه..... ويعاقبني علئ غلطتي...

فراق سامر عذبني كلش... مااعرف ليش مايجاوب علئ اتصالي

ولا سال عني

ولا حته خالتي....اجتنه ولا سالت عنه ...

كاعدين الضهر.... اني وزوجه سلطان...جاي نلف دولمه

دخل سلطان...... جهزي نفسج باجر المشيه مالتج علئ عمر

فزيت علئ حيلي

شنو المشيه مالتي

اي المشيه مالتج واذا حجيتي كلمه بعد اكسر راسج ....

كرصتني زوجته اسكتي

طلع سلطان

مااكدر ....فدوه حاجيه لا تجبروني ماريده الله يخليج قنعيه

اجت امي تركض من سمعت البجي مالتي....

يمه باجر يملجووني علئ عمر يمه ساعديني الله يخليج

اي يمه ادري .... من زمان

للحكايه بقيه

يتتتتبع

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 2

يمه شلون تدرين......ومنو كالج

سلطان وعلاوي كالولي..... وقررو خلاص ارضي بواقعج يمه .....وانسي ابن خالتج

شجاي تحجون منين اعرفه وشلون دخل حياتي وخربها اليه....يمه مااكدر ..والله اموت نفسي ولا اخذه ...

رحت اركض لموبايلي

دكيت علئ سامر...  يدك محد يشيله

الووو

سامر وينك ...ليش ماجاوب عليه

زوجة سلطان عذراء....ولج لايجي اخوج ويسمعج بساع احجي مريم

سامر ليش عفتني ....سوي شئ تحرك

مااكدر مريم.... اجاني سلطان وعاتبني وهددني.. وكالي ابن عمج نهئ عليج

سامر مااكدر اروح لغيرك...شبيك انت هالدرجه ماعندك كلمه

شنو ماعندي كلمه اعرفي شتحجين

اي خفت من عمر واخوي وعفتني

لا ماخفت بس نهو عليج.. وبعد مااكدر خلص شوفي حياتج

ماتوقعتك هجي مابيك خير الله لايوفقك

روحي مريم الله يوفقج

سده

نزلت للكاع...شمرت الموبايل..  يمه يكولي مااكدر اسوي شئ.. شفتي شلون باعني

كافي مريم لا يجي اخووج ويسمعج

خل يسمعني. خل يجي واحاجيه.. ليش هو مو حبج واخذج عذراء بس انا محرم عليه الحب

ليش يجبرني علئ واحد لا احبه ولا احب اهله

يمه سوي شئ.. ترئ احرك نفسي وافضحكم فضيحه

منوو تفضحينه

سكتت...باوعت وراي....سلطان

اي سلطان.... لسانج طولان ولج.... اليوم اعلمج منو الي ينفضح

وضل يضرب بيه كل قووته

امي وعذراء بالكوه خلصنه مني.... كل جسمي يوجعني.. الزم رجلي تضل توجعني ايدي

وينك يا بويه... شوف شسووه بيه سلطان وابن اخووك

امي لازمتني وتبجي وياي

وعذراء تسكت بيه.... اخر شئ جبت رقم سجئ اخت عمر واتصلت عليها

ماردت لان رقم غريب... بعدين جاوبت

الوو سجئ

منووو وياي....

اني مريم

بنت عمي

اي بنت عمج

اها....  خيرج

باعي اني مااريد مشاكل ولا اريد ادمر حياتكم واضلمكم وياي.... انا ماموافقه علئ عمر ولا اريده..  احب ابن خالتي

ومااكدر ازوج غيره وهو هم يحبني.. انتي حاجيه وفهمي اخووج ترئ والله اموت نفسي بسببكم

والله حبيبتي ....احنه هم ما موافقين ولا نريدج ولا ميتين عليج بس اخوي ذاب نفسه عليج مدري شبيه... بس يمكن يريد يكسر راسج ويعلمج لان رفضتيه

ها يعني رايد يزوج علمود يذلني خوش حجي يجي اخوي واكوله هجي

اجه علي... وكتله علئ  كلام سجئ

وماصدكها.....وخابر عمر ...وره شويه اجه

وحجاله...... عن حجي سجئ....وعمر كلش صار عصبي..... ونكر هالشئ.... وراح للبيت مستعجل

وسمعت هو ضارب اخته.... وصايره مشكله بينهم.... بس علي بالكوه جار عمر من سجئ....

اجه علي... وكلش ضايج

وضلوو يحجون هو.... وسلطان....وقروو باجر المشيه مالتي.... وانتهئ الموضوع

بيومها مانمت ليلي.... ابجي علئ حياتي الي راح تجي.... شسوي.... ومنو اليه

لا مرت عم احبها ولا اخته احبها

ولا هو اطيقه

توسلت بأمي تساعدني.... بس مابيدها حيله

واجه يوم الثاني.... وجهزت عذراء البيت

ودز النه عمر.... كارتونات عصائر.... و كيك جاهز...... اني بغرفتي ماطلعت منها.... وكنت لابسه اسود

حاولو وياي انزع الاسود ورفضت لان بابا ماصارله خمس اشهر متوفي

وماقبلت لا ابدل ولا اطلع اله

وصارت ب3 وكولها اعمامنه تجمعوو عدنه....واجو اهل عمر ... بس النسوان مااجوو وقرو الفاتحه

وسلطان اجاني وكالي

اي غلط منج اكسر راسج....واسحلج كدام الزلم بره

وره ماراحت المشيه....بقه بس الشيخ...وعمر واخواني وعمي ابو عمر ومرتضئ اخو عمر

وصاحولي للشيخ.... وسالني كم سؤال ...وعقدوو عليه....واني دموعي تصب تمنيت هاليوم اني وسامر حب طفولتي... كنت من اشوف اخواتي ولمن يزوجن او بنات خالاتي ....كنت اتمنئ يجي يومي اني وسامر وبابا يسلمني بيده

حلم .... حلم حياتي ضاع

رجعت لامي....ونزعت العبايه والبوشايه الي طلعت بيهم للشيخ.. ورحت لحضن امي ابجي بكل قووتي وامي وعذراء يبجن وياي

اول مره احس بضعف ....واحس بخيبه

اني مريم كنت اقرب وحده لبابا

كان كل البيت يحبني ودلوعة امي وابوي... كان بابا يحبني اكثر اخواتي.... وبابا كان يباوع بيه ويصفن.. ويكولي

مرومه اتمنئ اشوف منو الي ياخذ هاي الكمر امي تكووله

والله انطيها لواحد احلئ منها بالف مره..... كنت اضحك واستحي واني عمري 9 سنوات

واكول لبابا .....ازوج سامر

بابا وماما يضحكون عليه....ويشوفوني طفله و لان مااشوف غير سامر كلت اسمه

ومن يجينه سامر اكوله

بابا .....بابا....هذا عريسي

ههههه لكل يضحك عليه....وخالتي تكول اي والله ياريت انتي لسامر

وزوج خالتي... وابوي..... يضحكون علئ سوالفي

ويشوفوني احب وحده عدهم

مامره شفت عمي.....ولا شفت اولاده

بس اذكر كنت زغيره بالابتدائيه.... سحلني طفل من كصيبتي وجرها حيل .... واجه ابن عمي مرتضئ اخو عمر....وشبع الولد كتل ... وكنت ماعرفه....ولا شايفته....ولا هو يعرفني.... بس وره فتره عرفته هو ابن عمي ..... اخو ابوي الي اتمنئ عدنه علاقه وياهم قووويه

اول مره.....احس نفسي بدون امل... وخلص انحكم عليه عمر.... وانحكم عليه... بيت لا اعرفه ولا يردوني ولا اريدهم

عمر اليوم المشيه مالتي...علئ مريم.... كنت سعيد..... اسعد واحد ....عرفت هي ماتريدني وتريد ابن خالتها... بس حبي الها اقوه من الي سمعته

حسيت نفسي لا اشوف ولااسمع اي شئ عنها

المهم عندي اخذها وتصير ملكي وبس

وعقدت عليها.... حسيت نفسي عقدت علئ وحده صارلي سنين عاشكها

وره ما كملنه....جابها اخوها سلطان واجه للاستقبال

وكعدها يمي وطلع

لابسه اسود وعباية راس.. وكعدت بعيد عني.... ومدنكه......وبس اشوف دموعها الي توكع منها وتطيح بحضنها

ماعرفت شسوي..... من شفتها فقدت...... حسيتها حب حياتي سنين مو حب شهرين او اربعه

كمت علئ حيلي...وكعدت يمها.... حاجيتها

مريم

ادري بيج مجبوره عليه... بس من شفتج ماعرفت شصارلي.. مريم اعذريني ..اعرف كرهتيني....الله يقدرني واكون نفس الي ابالج واسعدج... واخليج علئ راسي وادللج

مديت ايدي بجيبي..... وطلعت العلبه

ومديت ايدي..وسحبت ايدها... ; ولبستها حلقه ومحبس ....علئ ذوقي

اجن علئ قياسج الحمدلله

هي ساكته ومدنكه......ولا باوعت الي ولا عبرتني بكلمه

راح تكولين شلون اجن علئ قياسج بس اخذت محبس من زوجة سلطان... وسلطان كالي نفس قياسج...  وجبته الج

راح تتعودين عليه... وره دورة السنه نتزوج.. .وهذا موبايل الج... اي شئ تردين رقمي موجود بالموبايل...وسويتلج فايبر بيه

اجه سلطان احم احم

ابتعدت عن مريم شوي

ودخل سلطان وبارك النه....   وهي طلعت وخلت موبايلها ورادت تطلع

مريم موبايلج

باوعت لسلطان..  ابتسم وكال الها

تعالي اخذيه

علئ الخير عمر....والله يسعدكم يااارب.... وماكو داعي اوصيك عليها... وهي ماذبت الاسود ولا سوت شئ.. علمود والدي كانت متعلقه بيه كلش

الله يرحمه

امين......

ورحت الاهلي..... ولكيت امي واخواتي كلهن عبالك فاتحه عدهن

ها شكو شبيجن

ماكوو شئ

هاي مكان ماتكولن عالخير

والله كنت اتمنئ اكولك مبروك بس مو علئ مريم

يمه الله يخليج..سدي الموضوع هاي قسمتي وهاي الي ردتها

بس مارادتك هيه....

يمه الله يخليج..... لا تخربين فرحتي

نسوان اخواني واخواتي كلهن جايات وكلهن كاعدات ومغلدبات...عبالك ماخذ بنت شارع

خليتهن وكعدت بالاستقبال.. يم اخوتي وكلهم باركوولي...

اخوي الجبير مرتضئ زوجته بنت خالي منئ وعدهم جهاال3

والازغز منه اني

والي وراي... حسن زوجته بتول ماعدها جهال

واخواتي 2 مزوجات خارج محافضة بغداد.. وبس سجئ بعدهي عدنه لان تدرس كليه

من يوم يومها سجئ تكره مريم وتقلد عليه من كانن بالابتدائيه..... وامي تضوج من ام مريم من سنين وتضوج من كل البيت مالتهم يعني هاي القسمه صارت جبر من الطرفين... ومااعرف شنو الي جاي

مرت اسبوع وماكدرت اراسل مريم....ولا كدرت اروح الهم.....

كنت اتمنئ منها هيه الي تراسلني وتسال عني..ورقمي سجلته يمها بالموبايل

يارب تتصل او ادز اي مسج شئ

اروح للفايبر مالتها.... مامتصله من يوم العقد الي انطيتها الجهاز بيه .. ودخلت الها رمز شبكتهم

انام الليل كله افكر بيها... وشكلها كلشي بيها حلوو

حته من اصلي دائما ادعي ربي يهديها اليه وتخلي الحب بكلبها اليه

واعيش وياها حياة حلووه وموفقه... وماتصير مشاكل بينها وبين اهلي

ومرت شهرين...ولا بينه اتصال ولا شئ

قررت اروح الهم...واكعد وياها.. واخذت امي.. واخذت وياي الها...فستان...وقماش عباة.. وعطور .. وساعه... ومحبس ذهب علئ ذوقي كلش حلوو ونازك

وصلنه الهم...كعدو يمنه الولد

وامي راحت يم النسوان...  ودخلت امها تسلم عليه.. وكمت الها وسلمت عليها وبستها من راسه

وفجاه لكيت وراه ملاكي

وراه امي.. ومريم... مااعرف اوصف شعوري من شفتها...اتمنئ اكعد وياها وحدي... واسولف وياها... واتمنئ اضمها بين صدري.   ومو بس بوشايه وحده البسه لا عشره سويه.. حته محد يشوف الي شفته انا

كلبي ضل يدك حيل... حته ارتبكت بالكوه درت وجهي عنه

وهي سلمت ... من كد فهاوتي عليها مارديت السلام

وكعدنه نسولف علئ العرس.. والتجهيزات

وهي سكته ومدنكه

وكانت لابسه فستان اسود... والحلقه بيدها

والوجه يضوي اكثر من الكلوب

اخ لوو انفرد بيج...  اطلع بيج ضيم كلبي.. وبعدين سلطان... كال

يلا امشونه جووه

نخلي العرسان وحدهم.... طلعوو من الاستقبال وبقينه وحدنه

كمت من مكاني وكعدت يمها.....كانت مدنكه..رفعت راسها بيدي

مريم ..... مااستحق منج هجي قساوه ....اول ماشفتج دخلتي كلبي وسكنتي عيوني....اتخيلج كدامي كل وقت... ماردت احرجج واجبرج نتخابر ونتراسل نفس اي مخطوبين. ونطلع ونتمشئ......

خلي عينج بعيني مريم

بس باوعي الهن....وشوفي شكد شايلات حب وعشق الج

اول ماشفتج... اخذتي كلبي....وسكنتي بيه... ماحبيت بحياتي...صح خابرت وشفت هواي بس انتي الوحيده الي صدك حبيبتج بكلبي وبعقلي....

اعرف بيج ماترديني ولا تردين قربي...بس انطيني فرصه اعرفج عليه....وتتعودين ... مااريد اضغط عليج... اخليج براحتج...بس ردت تحجين وياي وتتعودين... وتثقين بيه وبحبي.. حته من نتزوج ماتخافين مني ولا تصير حواجز بينه

ولا تصدكين بيوم خطبتج حته اغثج او شئ ثاني لا مريم احبج

ومن شفتج لليوم صورتج مافاركت بالي ولا رحتي ثانيه....من عقلي

ماشفت بعد غيرج وسديت عيني عن الكل

انتي حلم بالنسبه اليه...وتمنيت يتحقق وانا هسه ببدايه الحلم.... واخاف بيوم اكعد واشوفج ماكوو بحياتي

حلمي انتي......

لزمت ايدها ... وخليتها علئ كلبي

اسمعي دكات كلبي ....كلها تدك الج... واوعدج وعد رجال ماازعلج يوم ولا اغثج يوم ولا اعوفج يوم.... ولا احب غيرج يوم

انتي كلشي صرتي بالنسبه اليه

لا تقسين عليه....انطيني بس فرصه اثبتلج حبي

وبست ايدها .....وشميتها كل قووتي

وباوعت الها

دمووعها توكع

ليش هالدمع مريم......

مابيه شئ.... بس

بس شنوو يارويحتي احجي

اخاف منك

ليش تخافين مني .... بيمن غثيتج

كالولي عنك عصبي...واخذتني بس حته تكسر راسي لان رفضتك

اقسم بالله ماعندي هجي شئ ولا بالي هجي شئ.... مريم وحليب امي... وعرضي.... احبج حب الله... وماعندي هجي شئ

والي كالج ....اعرفه....وانا اتصرف وياه

دنكت

فدووه اروح لهذا الوجه

بس ثقي بيه .... وانسي كلشي وماعليج بغيري وامشي وراي وانتي مغمضه ... وماراح تخسرين

ان شاءالله

باوعلي فدوه ...... باوعتلي

يااارب.... مريم شنو هالعين الي عليج ماكنت اعرف عينج عسليه.... كلشي بيج كامل

فدوه للكامل الي خلقج كامله....وما يحرمني منج ياارب

للحكايه بقيه....

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 3

رحت لاهلي...و وجه مريم ابد ماراح من بالي

كون يوميه اكون يمها.... شيخلص هاي السنه واجيبها يمي

ويوميه اتصبح بيها.... نايم بفراشي واتكلب

مايجيني نوم ابد

افكر اراسلها....بس خفت ازعجها واني كتلها براحتج.... وانطيتها وعد مااضوجها

بس انا زوجها شرعا وقانونا....لا خل اراسلها

لاا لااااا اصبر لمن هي تبدي لان كتلها من ترتاحين اليه ....وتثقين بيه ...تلكيني انتظرج

بقيت ل3 بليل كاعد....افكر بجمالها وعيونها ولمسة ايدها

وطولها ومشيتها

كلشي بيها حلووو...سبحان الي خلقها

اتكلب واتمنه تتصل..... دك موبايلي

فزيت

واكيد هي....رقم غريب

معقوله مريم من رقمها الثاني...  رديت

الوو

الووو عمر انا ابو اسعد الحك بساع

هله ابو سعودي خير شكو

دكانتك احتركت والمحلات الي يمها كله احتركت بسبب حريق دكانتك

شنووو ....فزيت من فراشي

منوو حركهن وشوكت

تعال هس مو وكت ليش ومنوو

جاي جاي

كعدت اخواني.... وامي ضلت تصرخ والبنات

اشش ماكو شئ

يمه رزقنه راح... يمه حرك كلب من حركه

اسكتن مايطلع صوت .....وسدن بابجن وكعدن

شغلنه السياره وطلعنه

وسرعه عاليه....وصلنه هناك الاطفاء والجوو محترك

ورحت اركض منا ومنا مااعرف شسوي...  بضاعتي فلوسي رزقي كله هنا

وين يصفئ بيه الدهر

اجاني واحد يدفع بيه كله منك انت

تعوذ من بليس شسويتلك انا مو اجيت توني

اكيد مسوي شئ او مخلي كهرباء شئ يشتغل

كلها تدري بيه مااطلع لمن اطفي الجوزات كلها لا تذب بلاك عليه تراني حالي من حالك هم حلالي راح مثل ماتشوف لو اعمئ انت

منو اعمئ اشوف اي اشوف ورزق وحلال اولاد وحلال ايتام كلها بهاي لمحلات

وشبيدي عليك هم مثلك

لا انت السبب الرئيسي محلك احترك اول شئ كلها تجمعت يمي....وكلها تصرخ وتهدد

كافي

مو ذنبي انا ولا مخلي كهربائيات تشتغل

اكيد صاير شوط لو شئ

اجت الشرطه والاطفائيه....... وبالكوه حاولو يطفو الحريق وب5 الفجر الا خلصوو

دخلت المحلي.....بس رماد وسواد. لا فرش ولا بطاطين ولا سجاد ولا... ولا.....

الحايط اسود... وبس فحم ورماد وحديد مال الميز والحدايد......

كلشي ما اله اثر

ارقئ السجاد راح ...ماضل منه شئ

نزلت كعدت عالكاع وضليت ادك علئ راسي وكلبي محترك .  شسوي ياربي

بس ساعدني... امتحانك هذا صعب ياارب

اجو وراي ابوي وسلطان وعلي واخواني

لا حول ولا قوة الا بالله

حلالي كله راح بويه... تعب سنيني ماكو والله كل فلس بهالدكان حلال

والله يااخوتي ماسويت غلط

يهدون بيه اخوتي.....العوظ بسلامتك.... وكلشي يتعوظ

شنوو يتعوظ سلطان كولي

ملايين هنا ذاب انا... دم كلبي هنا.... تعبنه كله هنا..

اجت الشرطه .... عمر وين

التفتت عليهم

انا

العوظ بسلامتك

سكتت

احنه راح نعرف شنوو سبب الحريق...ونحاسب الفاعل والمقصر بس ساعدونا وانطونا افاده صحيحه

دوروو شئ دليل......ماكووو

باوعو للكهرباء كلشي تمام...والنقط كلها مطفيها نازله لجووه

سالوني كم سؤال وراحوو

واجوو كم واحد هدوو عليه بالمحل وحملوني اني المسؤؤليه... واشتكو عليه

واخذوني الشرطه

وبقيت بالحجز يومين..... شبعت ضيم ومذله..... وحاولوو كفاله اطلع ماكو

وسلطان ماقصر وياي ابد بس ربي ماضلمني.. لان لكوو دبة بيضه زغيره بيها بانزين ومشموره هناك وره المحلات الي احتركت

وتاكدوو هاي فعلة فاعل

وطلعت..الحمدلله .... والمحل ماوصلت يمه...لان..من اوصل اله امووت

كلشي كان بيه....طفولتي واحلامي ... وتعبي....ورزقي.....وخيري

شلون ادبر نفسي .. شلون اجهز نفسي للعرس بعد

اني محلي كان من اكبر محلات الفرش واجهز لمجموعه محلات مني....بالجمله

شنو ذنب الي رحت محلاتهم

وشلون وصلت الهم الحريق والنار..... بس بعدين عرفوو الشرطه

محلي احترق بفاعل متقصد... وعن طريق وايرت الكهرباء واشتعلت بيهم النار و وصلت النار للمحلات البقيه

بس الكل وكفلي.. وسلطان ماقصر وياي

ولا اخواني قصرو

ونضفولي المحل

وجهزولي بضاعه بسيطه من التجار الي اخذ منهم سابقا

بس نفسيتي مدمره.....ملايين خسرت

وهسه راح اشتغل بكم فرشه وبطانيه هههه والله زمن

مريم ماعرفت عنها شئ ولا سالت ولا دكت ولا راسلت

من هذا الموقف عرفت هيه مابيه حظ ولا عدها كلب ولا مشاعر

خطيبها بهجي حاله....والي جراله ....بالجذب ماتحمدت اليه بالسلامه

ولا تطئمن....اكيد تحب سامر لهسه.... وتعاملها وجفاها وياي هو الدليل

قررت..... بس اخلص مشكلتي اروح الهم

وانهي الموضوع كله

وخل البنت تروح بطريقها... مااضلمها وياي

امي اربعه وعشرين ساعه بس تحجي علئ مريم

وجهه الفكر.....والبومه

يمه شدخلها الخاطر ربج ..

اي هي اول جدم الها....حركت المحل وبس تجي هنا تحرك البيت وتموتني

يمه اسم الله عليج...بس عوفي البنت بحالها الخاطر الله

اي من هسه بعت امك علمودها

سجئ.... اي يمه بعدج اشايفه وشايفه

اش ولج ترئ اكوم اعلمج

اي من هسه خويه... من هس بعت كلش بعت امك واخيتك الي جمعتكم بطن وحده

كافي كافي...خل اكوم

اووف وين اروح

خل اروح لاهل مريم...واكعد وياها.... واحاجيها

سبحت ورتبت نفسي

لبست مرتب... وطلعت..... كشخه

اول ماوصلت.....,دكيت الباب

منوو

انا عمر

لحضه اصيحلك سلطان

هذا صوت مريم.. ياربي ليش ورطتني بحبها ماكوو غيرها ...فدووه لاسمك

اجاني سلطان ودخلني.... وكعدت يمه

وطلبت اشووف. مريم

اي تدلل ابووو علي

ماتقصر ابو السلاطين

وره ربع ساعه اجت

وهم اجت دخلت وسلمت ناصي  كعدت سكته.

شويه وكام سلطان

ساكته ومدنكه

مريم

سكته

مريم باوعيلي وكولي نعم

نعم...

ماردت منج شئ بس كلبج...كنت ناوي اطيج كلشي يخصني من نتزوج

كلبي وحبي وروحي. وحياتي

وعيووني..وثقتي ودلالي....مااستحق هذا منج....مريم

تمنيت منج بس كلمه الحمدلله علئ السلامه اوو اي كلمه   ....حته لو مو من كلبج

كلشي خسرت...وتحملت

بس خسارتج انتي مااعرف شلون اتحملها

رفعت راسها....... .خسارتي ؟؟؟

اي خسارتج

مافهمت

انتي كلبج مو اليه...وشما اسوي ماراح تحبيني مريم

خلص شوفي طريقج ...مااريد اضلمج.... وعرفت مشاعرج

من طحت بهاي الشده والمصيبه وماسالتي عني

كلها سالت واتصلت ..وتحمدتلي

بس كلهم ماصارو بعيني.. تمنيت انتي اولهم

مريم شوفي حياتج وربي يوفقج

فزيت علئ حيلي

كامت هي هم

مريم ربي يوفقج. واتمنالج كل خير وي الي يسعدج ويحبج اكثر مني يابنت الناس... بس ربي ماقاسم اليه اكون الج ...وافرح بحياتي

درت وجهي عليها

تعرفين شئ مريم

سكتت

اني كنتي حلم ... كنتي حلم بالنسبه اليه

اول ماشفتج تولعت بيج...خربطتي كلشي بيه

نسيت كلشي

نسيت حتئ نفسي

نسيت وين حته انا......  كلشي بيه جان يحب مريم

اول مره احس بطعم الحب.. انتي مابادلتيني اي مشاعر ولا نظره ولا كلمه ولا حرف

بس احس نفسي عشت وياج قصه حب

مااريد اطول عليج

روحي خلص الله يهنيج.... وينطيج الي ابالج

وتستاهلين احسن واحلئ مني

ضحكت وعيني غوركت

شسوين بواحد ازرك مثلي ههههه

وانتي جنج كيك.....  😂😂😂

يلا استاذن بعد...واني راح افهم سلطان الوضع واكوله انا فسخت الخطبه وانتي ماراح ادخلج بالموضوع

لاتدخلين بشئ انتي

باوعتلي.... مافهمت عمر..... شقصدك

مريم انتي

لااااا لاتكولها عمر فدووه لا

للحكايه بقيه

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 4

شنوو لا مريم.... عرفتي شنو ردت اكول الج هس

اي فهمتك ....وعرفت من خلاال كلامك

وليش كلتي لا ... وانتي رايده هذا الشئ

بس انا ماطلبته منك...ولا كتلك اريده ولا افكر اكوله

اي صح ماكتيلي ولا طلبتي مني .. بس كلشي بيج يبين ومفهووم ومااريد اضلمج وياي واعرف راح اعذبج وانا اتعذب وياج

لا ماريد هالشئ عمر......  سلطان يذبحني

يعني هذا همج بس سلطان....ما الج علاقه انا احاجيه وافهمه....انتي سوي نفسج ماتدرين

لا عمر لا طلكني لا تسويها

ليش خايفه

اهلي  يحجون عليه... وتصيرلي مشاكل

انا اتصرف.. يلا مع السلامه

سكتت

وطلعت....لكيت.... ام سلطان

سلمت عليها

وطلعت من البيت..... مختنك...ماتمنيت هجي نهايه اليه ولاتمنيت هجي اطلع

كنت اتخيل اطلع...وتتلكاني....  وتعترض طريقي ...وتحاجيني حته ماننفصل اني وياها

طلعت ولا صاحت وراي.... ولا سوت شئ . بقت صنم

ضليت امشي وماعرف روحي وين رايح

رجلي تاخذني وين مااعرف..... صافن بالقدر الي جابني لهيجي قسمه وهجي عشك

ماحسيت نفسي غير بشارع بيت اخووي مرتضئ

دخلت اله ولكيت زوجته منئ وسلمت عليها وصاحتلي رجلها.... ولعبت وي الجهال

اجاني مرتضئ

هلا ابوو علي .منك من غيرك اجيتنه اليوم

والله ياخويه مختنك

خيرك

حجيتله السالفه كلها.... وماقبل علئ قراري

كالي

تذكر انا من تزوجت منئ ... امي فرضتها عليه وحته هي كانت ماقابله.... وشفت بعينك الطلايب الي صارت

وهس مثل ماتشوف شلون صارت علاقتنه

مو صح منئ

باوعت لمرتضئ وضحكت ...وهزت راسها اي

وهسه هي خانكتني خنك بس تسال وتحقق وحسره عليه اخابر او اطلع

هههههه

اي ضحكوو عليه.. تريد اهدك للنسوان

اي الغيره تكتل ...مو صح مناوي...

اي والله الغيره تكتل والحب يجي من خلال العشره.... انطيها فرصه البنت لاتعرفك ولا شايفتك. من سنين

الله يسعدكم ياخوي... ويهدي مريم اليه

انت يا عمر لاتتسرع وتخرب علاقتنه وي اعمامنه بعد مارجعت من سنين

انطيها فرصه... واليوم اهدأ وتغدا عدنه هنا وارتاح ... ومنا الباجر الله كريم

هاك اخذ جهازي ...خلي الرمز مال شبكتكم خل اشوف شكو ماكوو علما يجهز الغدا..

اول مافتحته... اجتني رسائل فايبر خرط

شالقصه اول طيحته

ولك اسكت ... هاي مريم

صدكك افتح افتح شوفها شبيها

اقراا

احجي شكاتبه

اووكف....خل اقرااا

هس غير يحجي

مامصدك مرتضي....مريم تكولي ماريد اطلك واريد ابقه وياك ...بس تحملني واصبر عليه

اي خووش ..مو كتلك اصبر لاتستعجل

هاي تخاف من سلطان تعرفها يبسطها لذلك هجي تكول

بس خل احاجيها واشوف قصتها

علئ الرغم كنت انتظر هاي اللحضه من زمان.... مريم تراسلني....

بس هس مافرحت ولا تفاجات مااعرف ليش

ضلت تراسل هواي

عمر جاوبني اعرف بيك جاي تقراا رسائلي

شجاوبج مريم... انتي خايفه من سلطان وتخافين اعوفج لو شنو قصتج

لا ماااريد انفصل واعرف نفسي ماراح الكه نفسك....ومواصفاتك كل وحده تتمناها بس تحملني عمر .... انطيني فرصه

تعرفين كنت اتمنئ من اول ماخطبتج تراسليني او اي مشاعر منج حته لو بالجذب

صار كم شهر اتمنئ رساله منج... بس ماكوو ...  اعرف انا مو لبالج... طلبت منج فرصه بس

طلبت منج تحاجيني وتتعودين عليه.. مااستاهل كل هذا منج

اعرف عمر .....وغلطت .. بس لاتسوي الي ابالك اني كلت لامي....وضلت تغلط وترزل بيه.. وخوفتني من سلطان ومن الناس

اي اعرف بيج خايفه... وخلص الله كريم

بس مااريد منج شئ.... ولا اريد منج حب ...

يعني شنوو

يعني مااعرف مريم

براحتك... شوكت ماتحب تحجي وياي انا موجوده

فرحتي ماتوصف بهاي اللحضه...ماتوقعت مريم .... هجي تراسلني وتقنعني وتطلب مني اراسلها

رجعت للبيت... ورحت للمحل...وشفت العامل ...وحجيت وياه.. جاي يصبغ.... بالمحل ورحت للبيت ارتاح..

بليل...لكيت مريم متصله بالانترنت ومخليه صورة ورده حلوووه ....علئ فايبرها

حتئ ذوقها حلووو نفس جمالها

بديت وياها..... انا....وسلمت عليها..... وسالتها عن البيت والاهل

تجاوبت وياي....وتحجي عادي

بس بخجل وبحدود

مريم ليش هجي مسويه حواجز بينه

مامتعوده عليك....

اي حقج.....بس بعد كم شهر لزواجنه.... وراح تتعودين عليه ...

ان شاءالله

بقينه شهرين نحجي انا ومريم...ونحجي عالمستقبل

بس دائما كنت اعرف بيها مجبوره تحجي وياي ولا سمعتني كلمه حلووه

ولا حسيت بيها بأي شعور .....مجرد نحجي كلام عادي

بعد مرور اشهر

دارت سنه عمي... وسوينه عشا وقرايات

بقت بس شهر لعرسنه...اخذت غرفه عدنه كانت مخزن وصبغتها وسويت الها ديكورات راقيه

وجانت كلش جبيره

واشتريت غرفه جاهزه....ايطالي..... كانت ضخمه وراقيه

احمر ومطعمه ابيض....  واشتريت كل الاحتياجات...وشما اشتري اصور الها واخذ رأيها.... وذوقها

بس ماحسيت عدها لهفه.... ولا حسيتها فرحانه

امي وسجئ...نفس الشئ... مافرحني ولا ساعدني ولا اختارن وياي بشئ

بس مرتضئ وزوجته ماقصرو وياي.... مرت الايام وبعد ايام الزواجنه

وانطيت مريم فلووسها... وفوكهم بعد مني

وانطيتها مبلغ للصالون.....اعرفها تطلع حلووه لو كانت باقل صالون بس ردت ارفع راسها يم اهلها واخوالها

وتقرب موعد العرس....وجماعتي سوولي حنه جبيره وجابولي رادود قريب علينه.... صادف زواجنه بيوم الغدير

ويوم الزواج.... اجتني هواي هدايا... وكل ناسي وكفولي وصارت حفلتي جبيره.... والعشا جبير كلش

وره ماخلصنه.... العشا والهوسه... اخذنه زفه كم سياره وزيناهم بالورد

وصلنه لبيت عمي ابو سلطان... ودخلنه جوه ...وجماعتي ضلوو يهوسون بالباب... دخلت لكيت ملبسنها عباة ومتغشايه بابيض

تمنيت اشوفها..... رحت يمها بوستها من راسها وكومتها ...ولزمت ايدها

وطلعنه من البيت... ودك هورنات وهوسات

والولد مشغلين اغاني عاليه ومامقصرين

وصعدنه سيارتنه وافترينه الاسواق والشوارع العامه...لان بيتهم قريب علينه كلش ردت اطول الزفه

وصلنه البيت..... والجوو مخبوص هناك ... وكولها متجمعه ... وهووسه .... ودخلنه البيت وهلاهل....كعدنه بالاستقبال والكل يركص وفرحان.... اخواتي وزوجات اخواني....  وكانت عذراء موجوده..

نزعت الها العبايه والطرحه

كنت كاعد يمها.... والبنات يركصن .. اباوع علئ امي تركص نفس عجايز قبل

متت من الضحك عليها....متكابلات هي واخواتها ويركصن

التفتت علئ مريم

مااوصف شنو شفت.... مااعرف اوصف شطالعه.... معقوله ياربي هذا الكمر اليه....  ضليت صافن عليها.....باوعتلي ودنكت..... الكل متعجب من الجمال الي عليها

وهي منا ماناقصه ومخليه مكياج وسوالف بنات

ماتحمل شوكت اكعد وياها واباوع بيها بس الليل كله

طلعت الجماعتي....وهي دخلت لغرفتنه

وره ساعتين رجعت

الكل ضل يهوس ويركص... وفرحان.... دخلت وسديت الباب

تقربت منها .... بستها براسها.... شطالعه الكمر

الليله حته الجوو مغيم والكمر ضايع ....ماكدر يشوف كمر ثاني نفسه

شسويتي بيه يامريم صارلي 9 اشهر انتظر هذا اليوم.... انتظرته يوم يوم مريومه..... انتي احلئ هديه....احس نفسي بحلم. وخايف اكعد منه

انتي حلمي مريومه...واطلب من ربي يخليج طول العمر اليه

تقربت منها..... مريم احبج

لاتخلين حواجز بينه..... ثقي بيه وتعودي عليه

تقربت اليه وشميتها كل قووتي

اه من عطرج....ممنوع تخلين اي عطر بعد....اريد عطرج انتي وبس مريم..... ومااريد مكياج اريد وجهج الي شفتج بيه اول مره

اليوم احلئ يوم بحياتي

لزمت ايدها..... كومتها

وصارت جواي.....  ضميتها كل قوتي علئ صدري بس ماحسيت وياها باي ردة فعل

مريم احسج مو وياي شبيج

لا بس مرتبكه......

.حقج حبيبتي

يلا حبيبتي ..... ارتاحي ونزعي بدلتج

اطلع بره خل انزع

شنووو اطلع برره هههه....والناس الي بره شكول الهم....تريد تبدل وطلعت ههه والله عقلج عقل طفل

خلص ماابدل ابقه ابدلتي

شنوو يعني ... ماكوو امل منج اليوم 😉

لا ومااسمحلك تلمسني ولا تتقربلي

شبيج مريم.......انكلبتي

اي ممنوع تتقربلي اوو اكتل نفسي والله

للحكايه بقيه

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 5

شبيج مريم.... توج جنتي شحلاتج... شصار وياج

ماصار شئ. بس انا ماردتك من البدايه...  وانت خربت حياتي يلا تزوجتك شتريد مني بعد

انتي صدك تحجين لو تشاقين مريم احجي

اي صدك ..وانت مااريدك ومااطيق حته من تكتبلي حرف برساله...بالكووه اجاوب عليك

كنت مجبوره اجاملك

تقربت منها مو ردت اطلكج ولج ليش رجعتي تتوسلين بيه شسويت الج ...

سلطان سمع بسالفتك من امي .... وهددني وشبعني كتل وانت ماتدري....

وحرمني حته من الاكل والطلعه من الغرفه وجبرني اراسلك واقنعك

شجاي تحجين ..... لاتخبليني

لا عمر...انت دمرت كلشي بيه....حرمتني من كلشي حته فرحتي راحت مني ....

تمنيت هاي البدله وهذا اليوم  مو الك عمر

مو انت الي ردته... كنت مرتاحه... دخلت حياتي وخربت كلشي بيها....

ساعة السوده الي رحت بيها للاربعينيه وشفتني بيها

لو ادري تشوفني جان ما رحت للاربعينيه وي اهلي ولا خليتك تشوفني.....  وكبر ابوي ماطاير..... باقي بمكانه

كاااااافي...... صرخت عليها بصوت عالي

كافي انتي شنوو من بشر انتي بس شكل لا كلب ولا اخلاق ولا ذره اسلوب عندج

ولج انا تحديت امي واخواتي واخذتج

انا حملت روحي دين.... وملايين وسويت كلشي من اجلج واسعدج

انا تحملت جفاج وبرودج وياي.... هجي تجافيني تعوفيني علمود منو ....ترفضيني علموود منو

علموود سامر ابن خالتج موو

سامر الي خطب وحده وياه بالكليه وتزوجها وراحو لايران هسه

شجاي تحجي...انت ... سامر ماتزوج ولا راح يتزوج غيري

هههه يعني محد كالج.....

سامر صار شهر تزوج.... ويمكن هسه مرته حملت... وانتي منتظره منه يجيج

لااا ضلت تصرخ وتبجي.....بعلو صوتها..... وامي تسمعها وتهلهل عبالها كملت شغلتي

شفتي امي تهلهل عبالها تزوجتج...  وشفتي انتي شسويتي بيه مريم...

ماعندج اخلاق كاعده ابدلتج وزافينج علئ رجلج وكاعده بغرفتي وعلئ ذمتي ..... ولابستلي بدله وتحجين بواحد ثاني

بس انتي دواج سلطان..... هسه راح اخابره واحجي كدامه هالحجي .....ورجعي وياه لبيتكم

لاااااا لاتخابره عمر والله يذبحني

انتظرت.... تخف العالم..... وشربتلي كم باكيت جكاير مااحس بنفسي..فقدت كلشي

بس كلشي طار من بالي...مخنوك وبيه صدمه وجرح .. وهي بالبدله كاعده علئ طرف الجربايه وتبجي

اسمعي

راح اسوي نفسي اغسل...وانتي نزعي بدلتج فهمتي

طلعت وسديت وراي الباب.... ولاكني اخواتي ويهلهلن......غسلت ورجعت

لكيتها مبدله ولابسه ثوب عادي..... مالت بيت.....وكاعده بالكاع وتبجي..... دكيت علئ سلطان

سلطان تعال بساع هسه

شكوو عمر ...مريم بيها شئ

لا تعال بسرعه

بيه شئ اختي كوول.... طلع بيها شئ

لا شنو هالحجي تعال وافهمك

عمر لاتكوله والله يذبحني......  دخيله عندك ..   لاتفضحني اعتبرني اي شئ واسكت ....والله حجيتلك حته ماتعيش بوهم وياي

وانا كلبي عند غيرك.. ...

دقائق واجوو سلطان وامها..... ودكوو الباب

ودخلتهم بالغرفه....وصحت امي ويانه...

سلطان...... شكو عمر شبيكم ولج شسويتي مريم بس لا نزلتي روسنه بالكاع ....احطي اختي عايبه

اسكت سلطان....بس اختك تكول اريد ارجع لاهلي..

امي..... شبيها ترجع يم بنيتي شبيج بعد هذا بيتج واحنه اهلج

ام مريم....... شبيها بنتي يمه عمررر شسويت الها

بنتج تريد عشيكها خاله ام سلطان

عمرررر ...... سلطان صرخ عليه بصوت عالي

اي هاي يمك واسالها..... واخذها بعد سلطان ما الها مكان ابيتي بعد.... وبيتي وغرفتي يتعذرنها

يمه صدك سامر تزوج فدوه كوليلي

اشش ولج شعليج بيه

ها سمعت سلطان بغرفتي وتسال عن عشيكها وبعرسها وتكول لزوجها لاتلمسني وانا ماردت تكون هاي الليله الك

راحت ركض ولبدت وره امها .....

سلطان ركض وراها

وضل يسحلها من شعرها كل قوته.... وامي وامها بس يصرخن.... وانا حاولت اهدها من سلطام ماكدرت

وطلع بيها لصاله .....كدام اخواتي والنسوان......وكلها ضلت تصرخ وعبالهم طلعت عايبه ومو بنت بيوت

والي تدك علئ وجها والي تحاول تبعده عنها... تندمت لان دكيت عليه.... وضليت اصرخ علئ سلطان..... الا هدها

وخليتها وراي

هذا هوو روح سلطان انا مسامحها وراح ابقيها عندي شهر

عمتي.. يمه شسوت بس لا .....

عمه شنو هالحجي اذا بيها شئ ماخليتها عايشه هسه بس البنت لسانها طويل وتريد ترجع لاهلها

عوجت حلكها وهزت ايدها .... بس هذا الضرب مال وحده .......؟؟؟ مو مال تريد اهلها

كلها واكفه البنات والنسوان ..اسمعن الكاعدات اذا طلع حجي باجر لباب الصاله او بعد سنه

كلجن تتحاسبن وماارحم بيجن ..... وحته اطلكجن من زلمجن وقد اعذر من انذر... وانتن تعرفن وعدي وعهدي

سكتو ودنكوو

ورجعن مريم لغرفتها....وامها بقت وياها..... واني نمت بالاستقبال

وكل البيت عرف بالسالفه..... وبس تبقئ شهر يمنه علمود حجي الناس وترجع لبيتهم

مرو يومين ومحد سمع خارج بيتنه... والعرس كملناه....وهي لا شفتها ولا دخلا البيت ....كلها كاعد بالاستقبال

اخ ياحالتي.... كلشي بيه تحطم

كنت اتمنئ انجمع وياها وياريت مانجمعت وياها... وياريت ماعرفتها ولا شفتها

شسوي

شسوي ياربي شكول لناس ....افضح بنت عمي وعرضي

شكول لسلطان مااريد اختك بعد ....وهو جبرها تزوجني وضحئ بأخته علمودي

اتمنئ يكون هذا كله كابوس.... محتار شسوي و وين انطي وجهي

ماعندي غير الصلاة والمناجاة لربي.....

خلص العرس...... ومرت شهر.....ومريم عدنه .....وامي وسجئ وبتول ماقصرن ذبن شغل البيت كله عليها

وكنت لا احجي وياها ولا اعتبرها موجوده... كنت اشوف بيها التعب .....بس الي محيرني ليش ساكته بس اكيد سلطان مهددها

كنت انقهر من اشوفها تشتغل وحدها ويتأمرن عليها بس كنت اقسي عليها .... واكول تستاهل هي ماقدرت حبي ولا قدرت تضحيتي

وتستاهل عذاب نفس ماعذبتني

بس اشوف شكلها وبرائتها واتمنئ اخليها بنص بحضني انقهر اشوف بتول وسجئ كاعدات وهي تشتغل الهن

بس خليها تحس بلي حسيت بيه انا

وسلطان هو الي طلب مني هالشئ..... دائمت اسمعها بليل تبجي وتطلب من ربي تتخلص مني

شسوي الها يارب كل هذا وبعدهي عنيده. 

دخلا عليها......فزت من مكانها..... عمر

تردين ربج يخلصج مني موو ..... خلص ربج استجاب دعائج مريم

شلون استجابه وانا محبوسه هنا وخدامه لاهلك عمر

بعد شتريد مني اكثر... تريد جسدي موو تعال اخذه وشبع غريزتك وحبك لجمالي

يلا تعال هياتني كلي الك

لاماريد جمالج ولا شكلج..... واصلا انتي كلج مااريدج مريم

يلا خلص الشهر

وانتي طالق...... وهس اخابر اخوط ياخذج

لااا شسويت عمر .....شسويت بيه

سلطان يذبحني اليوم

ضلت تصرخ.....وتبجي والبيت كله التم علينه

شكوو شصار

تعالو اخذوها طلكتها..ودوها لاهلها هسه....

اي طلكتها .... طلكت الي كانت اليه حلم ...كنت اتمنه مااشيل راسي منها وبس اباوع بيها حلمي راح وكعدت منه بس ما شفت منه شئ

للحكايه بقيه

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 6

يمه شسويت ..طلكت بت عمك عزه بعينك شسويت...اجه ابوي يركض ....وضل يصرخ عليه..مو لخاطرنه مخليها جان خليتها لخاطر عرضك وابن عمك ....

شراح تكول علينه الناس

مريم نزلت للكاع وضلت تبجي..وتلطم علئ وجها ....وتكول سلطان راح يذبحني

ليش طلكتها خويه جان مخليها فايدتنه

اسكتي سجئ ..اسكتي واطلعي منا لا ادممج هسه

اووي شنو كلت اني ...كدرتك بس عليه.. وطلعت

ركضت الها... ولزمتها من شعرها...منو الي كدرته بس عليج منوو *احجي

اسفه خوويه مو قصدي ... ضربته علئ ضهرها وراحت تركض لغرفة امي وقفلت الباب

وانتي يمه ....اخذيها منا ....وخليلها غراضها و وديها لاهلها

يمه شوديها شكول للناس.....

شتكولين مو زين تحملتها شهر.. بالكوه صبرت يمه ماكنت ناوي اسويلها هجي ...

ولا كنت ناوي افضحها. ...

هيه جبرتني هجي اسوي ..بغرفتي ولابسه بدله وزافيني عليها وتكول مااريدك وتمنيت الزفه هاي مو الك لابن خالتي

اكو وحده هجي تسوي...

لو ساكته وكايله ماكدر هسه ... لو كايله خليني اتعود عليك لو كايله اي شئ ثاني

والله جان تحملتها يابويه... جان انتظرتها لمن تتعود عليه

والله اصبر عليها سنين مو ايام. بس اشوفها مرتاحه وقريبه عليه

كلش كافي

جرحتني ومااحترمتني ولا قدرت الحب الي انطيته الها ابد..... هزت رجولتي وحسستني ماعندي اي كرامه

استغلت ضعفي وحبي كدامها...

وسمعتي كلام ماكنت متوقع ولا اتوقع وحده تحجيه لزوجها بيوم دخلتها

ابوي باوع الها ....وكال الها

مع الاسف عليج عمي.... ماكنت اتوقع المرحوم قصر وياكم لا بتربيه ولا بشئ

عمي انا غلطانه سامحوني....انطوني فرصه الله يخليكم

نفس الفرصه من كنه مخطوبين واجيتي تتوسلين بيه ماننفصل وهسه هم رجعتي

ماكو فرصه....روحي لاهلح بعد

كاللها ابوي

بعديش عمي... وانت ياوليدي انسه الي صار واعتبرها عصبيه وخوف وحجت الي حجته

عصبيه ..تكولي اخاف .. لا تتقرب مني ....تكولي اي شئ ..بس مو احب غيرك

اني كنت احاسبها ويم اهلها ...وهي تكول لامها يمه صحيح سامر تزوج

هاي شنو تترجئ منها بعد.... روحي ..طلعي من حياتي

بويه هسه اخذها.... واذا ماطلعت انا اطلع من كل البيت

يمه وليدي لاتنقهر هسه اخابر امها تجيها وتاخذها

طلعت من البيت...وخليتها تبجي وبتول تهدي بيها ..... وكومتها اخذتها الغرفتها

جهزت غراضها ... واجت امها وسمعت صايره مشكله.... وراحت الاهلها

قابلت صديقي....بالسوك ..وكالي باجر اكو سفره لاثار اور...  وسفره شبابيه بس

وقبلت اروح وياهم..... رحت لبيت مرتضئ....واخذت مبلغ وملابس منه.....وبليل نمت عدهم

والفجر طلعنه للسفره... وغلقت موبايلي.. وبقينه يومين هناك بين الاثار والحدائق والمتنزهات

شفت اشكال البنات والشخصيات وكانو هناك هواي طالبات كليات وجامعات بالعراق

شفت الي احلئ من مريم.... بس تاكدت الجمال لا بالشكل ولا بالوجه

مريم.....كانت جميله بس شحصلت منها

امشي واضحك وي جماعتي ....واباوع عالبنات بس كلبي مجروح

وماانسه الي صار وياي.... كلما اصفن اتذكر وجها وملامحها

ماكدر انساها مو بيدي...عقلي يكولي ماتستاهل محبتي الها ولا تقديري

بس كلبي يحن الها ويشتاق لشوفتها

خلصنه يومين هناك...صح كانت سفره حلووه وممتعه..... وجماعتي كلهم كبلوو هناك....  بس ماكانت سفرتي بوقتها اجت بوقت غلط

رجعت للبيت....لكيت الجوو محترك هناك امي واكعه عبالهم بيه شئ

واالوالد يسال مامخلي مكان ...بس مرتضئ كايل الهم اني بسفره بس عبالهم جذب .... ويتصورون اني سافرت لجوء وبعد ماارجع

وسلطان ضارب مريم.وساجنها بغرفه.... وامها هم متخربطه...

ذني اليومين كلشي صار بيهم.....  رجعت مدمر

دخلت البيت بس مشاكل ...ادور بالبيت اكو شئ اكوو نقص بيه

سجئ وبتول يشتغلن وهوسه ويتعاركن بيناتهم اتذكر ايام مريم

كانت تشتغل سكته....كانت مسويه لمسه بالبيت... ادور عليها بالوجوه ما الكاها...  كلشي وحشه عليها

سبحت ودخلت للغرفه....الي شهر ماداخل الها بس اول يوم عرسي دخلت الها اخر مره

افتح بالخانات ملابسها عطورها

ضليت اشمر بكلشي ...كسرت كل عطورها مكياجها علبها

ملابسها ضليت اشمر بيهن مااريدهن

بتول سجئ. تعالوو بساع بصوت عالي

اجن ركض..... عززه شكوو شمسوي بالغرفه

طلعوو شكو زباله الها هنا

ضلن يباوعن عالاغراض سكته... صرخت عليهن يلااا شمنتظرات

فزن اي اي هسه

جمهن كل اغراضها بالجنط... دزوهن وراها ....سجئ كالت

ماتستاهل اندزهن الها.... خليهن النه احسن منها

سجئ من شوكت تحجين بكيفج بعدين انتي شنو محتاجه ملابس لو ماعندج لو عاريه وديهن ولا تناقشين

هزت راسها اي

واخذن الجنط ...وطلعن من الغرفه....

رجعت ... للغرفه... كسرت كل التحفيات.. ذبيت كلشي بالصاله.... اجه ابوي.. بويه استهدي بالله... كافي شبيك تخبلت علينه

خليني يابويه...خليني ولحد يدخل بيه وانتن البنات تشتغلن سكته اي حرف كلمه اندمجن والله فهمتو  لولا

اي...

وماينذكر اسم مريم.... ولا طاريها .. والي يكسر كلامي ما يلوم الا نفسه

سديت الباب عليه.... وكعدت علئ الجربايه... اباوع كلشي جبته الها...كلشي جبته بهاي الغرفه هي شافته واختارته وياي

يعني اذا اريد انساها لازم كلشي اذبه

وحته لون الصبغ الي اختارته وياي

هم اغيره

بس وكلبي الي اختارها هم اغيره لولا... فتحت مجر صاير براس الجربايه مالتنه

البوم صور

فتحته... البوم صور حنتنه والعرس

بس منو الي جايبه.... وماكنت اعرف بيه جايبينه

فتحته اول صوره كنت شابك مريم ولازمها من خصرها ومتكابلين وهي مخليه ايديها علئ ركبتي

ضلت اكلب بالصور.. اني وياها واخواتها وبيهن هي وامها وخالاتها

بس ولا صوره مبتسمه بيها

ركزت عليها... معقوله هاي البرائه والجمال هجي عدها اسلوب وهجي سوت بينه ... حته علاقتنه وي اعمامي خربت نفس قبل

اباوع لجسمها معانيها.... دمعت عيني ...ليش مريم هجي...ماستحق هذا منج

شيصير لو تحملتيني وانطيتيني فرصه وانتظرتي الايام الجايه يمكن حابتني.... يمكن شايفتني وشايفه تعاملي وياج ومغيره نضرتج عني

مرت شهر واني من اسؤء الئ اسبوع .. اروح لمحلي وتوسع محلي ورجع اقل بشويه من قبل

ورجعو زبائني... بعدني ادور مريم بالبيت وبعدني احن الها ولطبخها ووجها

مانسيتها لحضه...انام واتذكر كلشي بيها .. كل هذا جفاها وبعدها عني بس كلبي يدك بس الها مو بيدي....

سلطان علاقتي رجعت وياه...بس مااروح الهم ولا يجينه

نلتقي بالمحل او بالاسواق

سجئ انخطبت...وقريب تزوج.. لاخو صديقتها

وطبعا حاولت وياي اخذ صديقاتها الي هي اخت خطيبها

وكنت ارفض دائما.... بس طلبت مني اشوفها واقرر

وفعلا اجتنه وشفتها... والبنيه حليووه وماناقصها شئ... وطبعا تاكدت الجمال مايفيد وكم مره اتاكدت وحسيت بيها ومن نضراتها اليه....

بس ماكدرت .. لحد الان مريم وحدها بعقلي وبكلبي....وماانام ليلي الا اشوف صورنه مال العرس

قبل لا انام...اتمنئ يرجع حلمي... اتمنئ احلم بيها واشوفها..... واتمنئ تجيني وتسولف وياي بحلمي.... ( بيها... بس شوفتها تكفي

هي حلمي ...اي ماانكر حلمي

اتمنئ اشوفج مريم ...حته لو من بعيد... ليش هجي متعلق بيج واحبج بعد كل الي سويتيه اليه

عشت اشهر بذكراها ومانسيتها ابد احن الها واصنع لنفسي حلم... حلم ان انا اشوفها واحجي وياها

ونسولف... كل يوم انتظر الليل حته يجي واشوفها بحلمي

مرت سنه كامله....

ومريم لا شفتها ولا شافتني ولا اعرف شئ عنها

مجرد اشوف ولد عمي واسلم عليهم

مانقص شوقي لمريم بالعكس يزيد ولا ينقص وكل يوم احن الها اكثر

واتمنئ اعرف اذا اتقدملها مره ثانيه تقبل لولا

مرت سنه علئ فراكي لمريم.... سنه ماشفت بيها وجها

ياترئ سمنت ضعفت تغيرت لو نفس جمالها بعدهي

حنت اليه لولا ..... هذا السؤال ابالي صارله سنه.... شسوي حته اوصل الها

مريم**

انا مريم ..... اني الي حرموني من حب طفولتي وجبروني علئ شخص مااطيق اسمه ... ملجووني اله... وهددوني الا اخذه

وماكدرت غير انو اسمع كلام اهلي

وصار زواجنه وكان اسؤء يوم بعمري... يوم قررت بيه الانتحار وفعلت سويتها

بس لحكوني اخر لحضه ونقذوني

يوم ماحسيت بيه بشئ.. ولا بفرحه نفس كل بنت .....كنت احس نفسي رايحه للاعدام مارايحه عروس....حسيت جفن لابسه مو ابيض

اباوع لنفسي بالمرايه....ماتخيلت نفسي اطله بهذا الشكل والجمال

بس ماردت يومي هذا اله .... ردته لسامر ... اه ياسامر الا ماسمعت شئ عنه صار هووواي

النسوان تركصلي واني دمعتي علئ خدي ... الي يشوفني يكول علمود تفارك اهلها

لا موو اهلي...انا مفاركه ولهف وحلم....اباوع علئ نفسي ... مااكدر اسوي شئ ما احس بشئ ...ليش ربي بلاني بيه

بيوم عرسي ،،،،

كنت شبه فاقده.... ماحسيت بنفسي الا لمن زفوو عمر عليه وبغرفه وحدنه

شفته انصدمت....طلعت كل الي بكلبي... كتله تمنيت مو الك هذا اليوم ولا هاي البدله الك....تمنيته لواحد غيرك

حسيته انفجر وخابر اخوي واجه سلطان بدقائق وحجاله الساالفه وشبعت كتل بهذا اليوم الي كان حلم اي بنيه تكون بحضن حبيبها وزوجها

اني كنت بحضن بس الكتل ..... عمر متاكده من حبه بس بنفس الوق ماتقبلته ولا تقبلت حبه وتضحيته علمودي

مو بيدي مااكدر

ولا اكدر احبه.... مااطيقه.... احسه كابوس شبح ....كدامي مو بني آدم

يومي خلص ..بضرب خلاني افقد حتئ حاسة اللمس....

فقدت حته كلشي من سمعت سامر تزوج ومسافر شهر عسب لايران

ومتزوج البنت االي جان يكولي هي معجبه بيه وتريدني.....وجانت تصارحه بس كان يرفض حبها

بس من انخطبت راح لنفس لبنيه وتزوجها كانت اكبر صدمه بحياتي

ومن هاي قررت انسه كلشي... وماقبلت ارجع لاهلي وهمه هم اتفقو اكمل وياهم فتره ..علمود حجي الناس... وبقيت عدهم واستقريت

بقيت شهر ....بس غرفتي وحدي انام بيها... عمر...ما اجه يمي ولا حاجاني

ولا صد عينه عليه

كنت احس بنضراته اليه وانكسراه.. ومن انتبه اله ...يسوي نفسه لا مبالاه ولا مهتم ويزمخ علئ الكل.... حسيت بنفسي غلطت وحسيت بغلطي....

وقدرت هو شكد ضحئ علمودي

صرت خدامه للبيت ونسوان اخوته وامه واخته.. ماساعدني بأي شغل بالبيت.... وماخلن احد يساعدني....عقابأ اليه

شهر وانا وحدي بالبيت بس ماحجيت ولا اشتكيت...  ولا عاتبت

كنت اكعد اول الناس... وانام اخر الناس

تمنيت اصلح غلطي.. ويسامحوني ....وماكو انسان مايغلط

اشوف عمر من يروح للمحل كنت اكعد قبل الكل اعرفه يطلع من وكت واجهز ريوكه

وانتظر شوكت يجي لضهر حتخ اجهز حمامه وغداه.... بس هو ماكان يشوفني بعينه ..يعتبرني كأنما ماموجوده كدامه....  كعدنه يوم كالعاده.... كملت كل شغلي ورحت اتمدد ....دخلت عليه سجئ تصرخ وتعيط عليه

كومي عندج غسل ملابس كومه.....كتلها

ملابس منو ....

امي واخواني....

بس هذا مو شغلي اني عليه بس عمر..... واخوج علئ مرته بتول.... وامج عليج. شناقصج انتي

وبعد تعلين صوتج يالعايبه

احترمي نفسج.. ماكو انسان ماحب ...مو انتي حبيتي اخو صديقتج واعرفج يجيج للكليه وتتقابلون وتتخابرون

لا تجذبين ... منين سمعتي

اعرف وسمعت....

محد يصدكج ولي منا...ودفعتني كل قوتها

لا بس من اكوول لعمر واخوانج اكيد يصدكون وخري عني وابتعدي عن طريقي. ولا تضايقيني كافي الي بيه يابنت عمي

باوعتلي وراحت..ماحجت شئ يمكن خافت من كلامي..واني رجعت فتحت مصلاتي وضليت اصلي وابجي..

.. وادعي من ربي اتخلص منهم ومن مشاكلهم وارجع الاهلي

وما احس الا دخل عليه عمر....

وضل يصرخ عليه ويعيط ....

وانا هم عيطت وكتله تعال اخذ جسدي مو هذا الي تريده جمالي تعال اخذه وصارت مشكله وطلكني

طلكني عمر... ورحت لاهلي... وشبعت ضرب من سلطان وهم صرت خادمه اله والجهاله... ومرت ايام ... وسنه كامله

ولا شفت عمر ولا شافني

بس مااعرف السبب الي يخليه دوم يجيني بالحلم.... ويحجي وياي

عبالك حقيقه... ضليت انتظر شوكت يجي الليل حته انام ويجيني عمر بالحلم ويحجي وياي

يعني بديت اتمنئ احلم بيه....حس حلمي حقيقي

ومرات انا اصطنع الحلم بنفسي...واكعد فرحانه

وطايره من الفرح ... واشتغل بواهس

سنه مرت عليه ... نصها سوده..... ونص الثاني حنيني وحلم صار بس العمر

اتذكر كلشي سواه اليه... وشكد عانه علمودي

وكانت عذراء تحجيلي. وتكولي

سلطان يكول عمر تعبان وحزين ومجروح....واعرفه يريد مريم بس كبريائه يرفض وكرامته مايقبل... دائما كنت اسالها اذا سلطان شاف عمر اليوم او لا... وتحجيلي شنو حجوو وكالوو.....ووين راحوو ...

وكانت يوميه تجيبلي نشره

وكنت افرح من تكولي ضايج ومهموم وحزين عليج.. سلطان كان يحس بيه ويعرف...

وسمعت سجئ تزوجت الي تحبه

وكنت احسدها لان اخذته....احلئ شعور ربي يسعدها..

.. وبيوم اخذت موبايل سلطان ودورت رقم عمر...

.واخذته. وحفضته بجهازي وضليت اتابع شوكت يتصل بالانترنت وشوكت يطلع....

واشوف صوره عالفايبر ....

واضل اتباوع بيه... واصفن بيه وبأناقته.....,اضل اراقب كل فتره يخلي صوره اله عالفايبر

واحتفظ بالصور واكبر بيهن واباوع الهن لصبح لحد مااغفه.... واتخيله واحلم بيه.. احلاك عبالك افلام هنديه

اذكر مره تحلمت بيه ميت

وهو كدامي بالجنازه ضليت اصرخ بالحلم بعلوو صوتي...   وكأنما محد يسمعني وصوتي ضايع.

بحيث كعدت من النوم اصرخ عمر عمر لاتموت والله احبك عمرر مااكدر بدونك لاتموووت

والكل فزعو اليه....وضلو يضحكون...خاصه سلطان

للحكايه بقيه

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 7

كعدت وانا احس بنفسي اصرخ وابجي والكل ملتمين عليه

وسلطان يضحك.... واني ابجي...كعدت حته دموعي تصب

شبيك تضحك عليه ماتشووف حالتي... والي بيه انا

اضحك عليكم.... وطلع

باوعت لامي علينه منو يمه...اني حلمانه وخايفه واصرخ وهو يضحك اعرف بيه يشمت بيه ويكرهني

اشش اسكتي لا يسمعج ... ماتعرفين نفسج شنو حجيتي...وعليمن تبجين

عذراء....اي ولج ماتدرين خطيه 😂😂😂

يمه عذراء احجوو شكو ....شنوو حجيت

كلتي احبك عمر احبك

لا تجذبين عذراء... مااحجي هجي وشنو احب عمر ...شتحجين سكرانه انتي

اي خووش سكرانه وامج وسلطان شبيهم هم شاربين

رجعت لمخدتي.... وتذكرت حلمي... تمنيت بهاي اللحضه اشوف شنو اخباره ومن كعدت وشفت حلم

تمنيته يمي واحضنه

اي احضنه...  فتحت موبايلي طلعت رقمه...بالفايبر... شفت صورته...كبرته واباوع بيه .. اصفن بيه...

كتبت اله مشتاقه الك عمر. وبسرعه مسحتها.. بس اكيد ماراح ادزه بس هجي كمت اكتب وامسح.... كتبت تحلمت بيك عمر وشصار بيه بالبجي ومسحته

كتبت ((حنيت الك عمر ....اسفه علئ كلشي سويته الك سامحني جذب الاكي نفسك))

دخلت امي... يمه نامي شعندج بهالموبايل نص الليل

باوعت عالرساله ردت انطيها مسح ودست سهم االارسال..... وراحت الرساله

لااا يمه لااا شسويت

كمزت من مكاني وكمت علئ حيلي

شبيج مريم شكوو

يمه دزيت رساله لعمر بالغلط

يمه شبيها الرساله بس لا شئ مو زين....

لا يمه كتله حنيت الك... واسفه

اي خووش يمه بلكي يقبل ويرجعج

يمه شتحجين.. يمه شسويت عزه بعيني وضليت ادك علئ وجهي.... اباوع عالرساله تم الارسال

ضلين اباوع وكلساع اعيد اقرأ الرساله... فجاة صارت مرئي

لاااا مستحيل شافها عمرر....

عمر***

رجعت للبيت بليل تعبان وكلشي بيه يوجعني..  ماتعشيت... ضليت اتابع فيس ومقاطع مااحسها الا بالوحده

رحت للمطبخ ..ادور شئ اكله لان جعت فتحت الثلاجه لكيت فاكهه اخذت تفاحه ورجعت لغرفتي

لكيت رسائل علئ الفايبر

فتحتهم ...  قريت الاسم ماصدكت

رسائل من مريم.... اباوع علئ الاسم مامصدك

قريت الرساله

مره ...مرتين .....عشره...... مريم هجي ترسلي ليش

مامعقوله لازم اكو شئ

مريم سوتها بيه قبل ...لان خافت من حجي الناس... ومن اخوها

هالمره هم لازم نفس الشئ

ماجاوبت عليها.... ولا فكرت اجاوب

لازم اكو شئ ابالها...اكيد سمعت كلام من الناس وتريد ترجعلي حته تسكت العالم

لاا معقووله تريد ترسلها لغيري ودزتها اليه.. لاا هي كاتبه عمر

ماكدرت انام ليلي....يمكن قريت الرساله الف مره....

مريم

اني هم مانمت....ضليت ليلي كله اتكلب واقراا بالرساله

شكوله اكيد مايصدكني

ويتصورني اريد ارجعله لان خايفه من الناس او من سلطان....

شسوي يارب...اروح اكول لسلطان ويكووله اختي غلطت برساله

لاا شلون غلطت هس يكول مصادقه واحد هم اسمه عمر

صار الصبح وحجيت العذراء

اي خووش ...همزين راحت يمكن ربج قاسملج ترجعيله

لا يختي هوو بعد نساني وطلكني .. شيسوي بيه بعد

لا يحبج سلطان كالي البارحه

صدك عذراء

اي والله....وانتي هم حبيتيه شوفي شكلج شصاير بيج اليوم وعود هذا كله حلم

باعي شلون خفتي عليه...وعينج مورمه بجي هههههه

اسكتي عذوره مو وكتها كوليلي شسوي هسه...

اسكتي لمن يراسلج هو

اكلج خاف مايعرفني ومايعرف هذا رقمج

لا يعرفج.... اذا مايعرفج جان سال منو انتم

بس اكيد عرفج لذلك سكت......انطيه صبر.... مر شهر وعمر لا جاوب ولا شئ ... بس هو جاوبني بالصور الي كان يخليهن عالفايبر واعرف بيه متقصد

كانت صوره كلها عتاب وحزن.... يوميه بليل كان يخلي صوره

كنت يوميه انتظر يجي الليل واشوف شنو عبارته اليوم

مرت شهرين وانا نفس الحاله

بس اتابع الصور... ,وهو ماخله صوره بالكوكل ماخلاها اليه

بس ماكنت اعرف اجاوبه

ولا اكدر اراسله... بس سويت نفسه شما يخلي عتاب ..اخلي نفسه اعتذار او ندم

الشهرين صارو ست اشهر

واحنه بس هو يخلي عتاب واني اخلي اسف وندم

عمر**

صادف اليوم عيد رمضان

بليل ب12 خليت معايده .. وكنت متقصد حته تشوفها

وره دقائق هي خلت صوره بيها ورده حمره.. ومكتوب عليها ((عيدي لا يحلئ الا بشوفتك))

شفتها...معقووله خلتها علمودي....

معقووله تكوون صدفه تغير الصور

معقووله مريم ..تغيرت وحبتني

لا مستحيل ... هاي نفسها الي ضلت تراسلني بالخطوبه ست اشهر وهي تجاملني بس حته مااطلكها

اول يوم العيد.....بدلت ورحت اعايد بيت عمي كنت متاكد ماراح تطلعلي ردت اعايد ام سلطان واشوف الولد واخذهم بسيارتي ونطلع نعايد الاقارب

نزلت من سيارتي .. دكيت الباب... اول دكه دكيته انفتح...ودرت وجهي واحد سلم عليه وعايدني من شارعنه

عمر

درت وجهي مريم

دنكت.... ضاع مني الحجي...  ماعرفت شكول...

عمر. كنت متاكده راح تجي....كل عام وانت بخير

وانتي بخير.. اريد سلطان...

سلطان طلع

كنت مدنك....

شلون طلع... هو توه كالي مر علينه نروح سوه

مااعرف

سلميلي علئ الحجيه وعايديها

عمر

نعم .....باوعت الها...كانت لابسه ثوب بيت عادي بنفسجي..وشال لافته لفه عاديه هم بنفسجي والله شما اوصف جمالها مااكدر اعبر ابد

كتلها نعم

اريد احجي وياك....

ماعدنه حجي خويه... وانسي الي صار

لمن كالي عمر خويه...  ياريت الكاع تبلعني واخلص... لمن بديت احبه هوو هجي عاملني ببرود ...اكيد نساني واكيد حب وحده ثانيه واكيد راح يستقر واني شنوو

ضيعت مني شخص مايتعوض اني خسرت انسان ماينوصف

شكد صبر عليه...وشكد وشكد

بس انا صدك مااستاهله.. واستاهل الي صار وياي

هو ضحئ علمودي وسامر عافني باول فرصه وراح تزوج

وانتقلوو بكركوك يم اهل زوجته

عمر راح...وانا سديت الباب....لاكتني عذراء بشري

وكعت دمعتي .....عذراء يكولي خويه

ههههه ولج من الارتباك كالج هجي

سلطان ليش كاله تعال اليه للبيت وطلع

متقصد سلطان حته يشوفج ويكعد يمج وبلكي كال يحنون البعض ويرجعون

لا عذراء بس اعرف بيه بالبيت ....اراسله واحاول وياه بكل طرق اني اعترف غلطت و ولازم مني اعتذر واسوي كلشي يطلع بيدي

اي مريم... رجعي عمر الج ماتلكين نفسه والله انا حبج ماكرهج واتمنالج السعاده ويارب ترجعون لبعض

امين عذراء.... امين

صار الضهر....بالكوه مر الوقت...  لكيته متصل توني ردت اراسله..طفت الكهرباء عدنه ...لااا

المولد مال الشارع عاطل

اووف ضليت اكل بروحي... اشتغلت العصر

لكيته العصر مامتصل....

نار داخل كلبي... لحد الساعه 11 هو مامتصل نمت بفراشي.... ضليت اكلب بالموبايل... اجتني رساله فايبر

من عمر... فتحتها بساع...  مكتوب بس الوو

جاوبته

عمر شلونك

الحمدلله زين

عمر... مساع ردت احجي وياك.. بس ماإنطيتني فرصه

اجيت علمود سلطان بس عرفت هو مسوي هاي السالفه علمود اشوفج

عمر

نعم

عمر انا غلطت وياك... كنت مااعرف حياتي ولا مصلحتي ... مااعرف شلون اتعذر منك ..عمر صح انا غلطت قبل وانطيتني فرصه.. انطيني فرصه ثانيه ...والله متندمه

خايفه من شنو هالمره

وروح ابوي ماخايفه من شئ ولا خايفه من حجي الناس... واذا اريد اسكتهم جان وافقت علئ كم شخص تقدمولي بهاي الفتره

منوو تقدملج ...

مو مهم تعرف منوو عمر...بس اعرف اني رايده ارجعلك عمر...واريد ابدي وياك حياة جديده...

مريم سلطان جبرج تراسليني مو

لا والله والله مو سلطان ولا يعرف بيه بس هو يريد نرجع لبعض

مريم مااصدكج اعذريني ...وانا بالكوه جاي اجبر نفسي حته انساج واتعود علئ غيابج بحياتي

لاتدخلين بحياتي مره ثانيه... وابتعدي عن طريقي وشوفي حياتج

وانا خلص شفت حياتي ..وراح اخطب بنت عمتي جنان..

تخطب بنت عمي جنان...  ليش مالكيت غيرها

ليش مالكيت غيرها ...شبيها هي

مابيه شئ بس لان بنت عمتنه ... واجيتك عمر ادري بيك تحبني لهسه...

لااا مااحبج...حبي مات من يوم عرسنه ويوم جرحج اليه...لو نسيتي

لا تحبني ...واحلفلك تحبني

اخذي راحتج.....

عمر ... لحضه.....

كتله عمر لحضه بس ماجاوبني....سكتت وماجاوبته بعد

ماانطاني فرصه..والله انا تندمت... اريدك عمر ..ضليت ابجي ليلي كله...شسوي حته يصدكني

والله اريده وافكر بيه كل وقت.....حسيت بغلطي....ندمانه....كان حب مراهقه ومااعرف شئ...

عمر ارجووك انطيني فرصه.... والله حبيتك .اتذكر بيومها مانمت ...

واليوم الثاني تعارضت كلش.... واخذوني للمستشفئ بس ماطلع بيه شئ ...وبقيت شهر تعبانه

ومرت ست اشهر واني من اسؤء الئ اسوء وعلاقتنه وي بيت عمي اهل مرتضئ رجعت احسن من قبل

وامه ضلت تروح وترجع علينه.....  مرت سنتين من طلكني عمر ...واني احس نفسي صرت اكبر من عمري

ربي عاقبني ....وخلاني اتعذب بحب عمر.. سنتين مرن عليه بأصعب ايام

مره كل احنه كاعدين بالصاله واخواتي كلهم عدنه.... وعمر كان عدنه بيومها واجت بنت اختي الزغيره ....خاله خاله ...

ها يروحي

هاج هاي الورقه

منين ....وخلت وراحت تركض وي جهال اخواتي

فتحتها ..... بيها...... 👇👇

أشتاگيتلك رد .....لو حلم

بغيابك أستنشگ..... قهر

بجفاك كاسرلي .....گلب

یاریت کاسرلي... ظهر

بغيابك بگد ما أون

مو گلبي گلب أمي أنفطر

قريته شبعت بجي....بجيت بكل قهر والم

كلهن اخواتي اجن يمي وعذوره وامي.... وعرفن هاي من سلطان

دزيتله ورقه..... بيد بنت اختي نفسها

كتبت اله

#معروف لو صب الدمع

# ينشاف بس ماينسمع

##ليش انه دمعي بغيبتك

##فزز الناس الغافيه

دزلي

#المطر مثل

#اليحب

#شيوكفه لو #يشتاك

رديتله

#تانيتكم

#حد ما خلص شوف #العگل

#واتسودنت

#طگن سواديني (وأهذري) #شلونكم ....

#تانيتكم جلمة #عشگ

#بشفايف اخرس #مختنگ

ماترضه تطلع #ويييينكم

ردلي... تقبلين مني من اتقدملج ياحلم دنياي

شفت هاي رسالته.... فزيت علئ حيلي وضليت اكمز من الفرح

والجهال تكمز وياي... والبنات شكوو شبيج تخبلتي

عمر تقدملي

صدك تحجين ....امي ضلت تهلهل واخواتي يباركولي

اجه سلطان يركض شكوو منوو عرس بيكم

يووو خويه كل احنه معرسين ....بقت بس مريومه وخطبوها

منو

عمرر....

اعرف .....ووافقت.

اناا ابتسمت ودنكت.. واجت امه النه وزوجات اخووه.... وسجئ وخطبوني رسمي

وقبلنه..... ورجعنه شيخ من جديد.....

وبعد اسبوع للعرس....طبعا العرس سكته وقررو نروح الايران

للحكايه بقيه

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 8

اليوم سفرنه.. اني وعمر....دزلي مبلغ جبير واشتريت اغراض نيشان كلها جديده

كإنما توني راح ازوج لان بذاك زواجنه... صح اشتريت هوايه بس مالي واهس بأي شئ وكانت امي تختارلي

بس هالمره لا اشتريت كولشي علئ ذوقي وماخليت شئ بنفسي...

كمل عمر جوازاتنه..... وب9 لنروح للمطار

كعدت من الصبح رتبت نفسي.... وسويت نفسي اوك 😉

مكياج خفيف.... ولبست ملابس وكشخت كلش

ب10 اجاني عمر ...وطبعا اخواتي واقاربنه كلهم مجمعين عدنه

وصارت هلاهل....اخذت وياي جنطه سفر وخليت بيهن الشغلات والملابس الي احتاجهن.

ولاكيت عمر ....واني سعادتي لاتوصف سبحان ربي عز وجل...عمر زفوني اله قبل سنتين وانا الموت بداخلي تمنيت الكبر ولا يلزم ايدي وياخذني....

اليوم كنت شخص ثاني

لاكيته بلهفه.....وتقرب مني وباس راسي

هههه بس مو نفس ذيج بوسته الي بالعرس كنت اتمنئ اضربه.... بس هسه لا تمنيت انا هم ابووسه .... 😍😍

طلعنه لبره و ودعنه اهله

عمر***

طلعنه من بيتهم ولازم ايد مريم وهي كانت هم لازمتني عكس لزمتها ذيج الايام

حسيت بدفؤ ولهفه بيها

صعدنه سياره سلطان... ورحنه للمطار ومناك وصلنه لايران

شنوو الاجواء.. شنو الجوو

كلشي بيها حلوو

حجزت فندق قبل يومين كان اسمه فندق ارمان كلش راقي بمدينه مشهد

من وصلنه ...رأسأ طلعنه للفندق..واخذنه غرفه جبيره ....واطلاله خلابه

مريم**

كنت تعبانه كلش .....اول مره اصعد طياره والدنيا تفتر بيه.... لمن وصلت للفندق اني منتهيه

عمر.....حبيبتي اخذي راحتج واسبحي وارتاحي.. راح اروح اطلب غده النه ميت جووع

ماشي ....براحتك.....باوعتله وابتسمت

فدووه لهالضحكه

اول ماطلع....قفلت الباب وراه

ودخلت سبحت عالسريع.... فتحت شعري لبست بدله نووم لونها ابسض ستن قماشتها طويله كلوشه من جووه ... مخصره كلش حلووه

وخليت مكياج ..... عالسريع

رحت فتحت باب الغرفه... ودخلت للحمام عالسريع وسديته عليه

دخل هووو ....مريم وينج

هنا عمر جاي اغسل

يلا شويه وهم يجييون طلبنه هنا... واحنه صدك مانفتهم كالولي بعد اتصل من خط الارضي واحنه نجيبه الك للغرفه والله تفشلت هههههه

عمر......طفي لكلووبات

ليش نعسانه شنوو

لا بس طفيهن...

امري الله... اها طفيتهن

كنت خجلانه كلش من لبسي لان خلع ورومانس كلش.... فتحت الباب وطلعت..... وهو انتبه اليه

كام علئ حيله.....مريم

ابتسمت ودنكت.... عيون مريم

عمر**

شفت مريم ....طلعت من الحمام ...مااعرف شصار بيه....أخذت عقلي وكلبي بجمالها

كنت كاعد علئ طرف الجربايه.... واكلب بالقنوات مال التفلزيون .... اول مافتحت الباب درت وجهي عليها

كمت علئ حيلي...

شطالعه مريم....

حسيته خجلانه ومامتعوده عليه..... تقربت منها... مريم مامصدك الي اني بيه ...احس نفسي بحلم

انتي حلمي الوحيد مريم....حبيتج من اول يوم شفتج بيه

وذني السنتين الي راحن ... عشت بيهن مأساة بس الله يعلم بيها

خلت ايدها علئ حلكي

اشش عمر انسه كلشئ..  انت صرت كلشي بحياتي..حسيت بحبك لمن فقدتك

حبيتك عمر .....,وماتعرف شكد تعذبت ...

لزمتها من ايدها واخذتها عالسرير وكعدنه عالطرف ... خليت ايدي علئ شعرها وضليت العب بيه

كان كلش طويل... وصابغته اشقر

اخذت خصل منه... وشميته كل قوتي

افيشش يامريم.....احبج ... دنكت... رفعت راسها بيدي... مريم احبج...

احبك عمر ...واسفه علئ كل لحضه ضوجتك بيها ومتندمه علئ ايامي الي راحت بدونك

انسي اريدج اليه دوم.... اريد اضمج بصدري مريم

اريد بس اغفه علئ عطرج

تقربت منها حيل.. وضليت ابوس بيها بخدها وكصتها وعلئ عيونها وخشمها

بوسات خفيه

وصلت لشفتها.....فقدت

جوعان عطشان...اريد ارتوي مااشبع.... اول شئ كانت خجلانه ...وره دقائق تجاوبت وياي

بقيت نص ساعه اكل بشفتها ولا اشبع منها

حسيت نفسي بغير عالم

مااعرف شصار بيه...عرفت بنفسي ضايقتها وخرت عنها

اخ عمر اذيتني ....,

اسف يروحي والله فقدت

كمت علئ حيلي وكومته وياي

حضنتها كل قوتي.... شميتها من ركبتها كل قوتي.... ورجعت عليها بس بوس

اندك الباب.... اهووو وكتك هذاا الله يطيح حضك كون

هههه يلا مو جوعان استلم

رحت فتحت الباب.... وصل الاكل...اخذت العربه...ودخلتها جووه

ورحت لمريم..... تعالي وين رايحه...اجهزلك اكل

ولج هو جاهز فشلتينه ههههه

اشوو تعالي....مااريد اكل اريدج انتي..... وبوقتها نسيت كلش... وتزوجت مريم....وكملنه.... اعرفها تأذت كلش... وره ساعه ....دخلت سبحت وسبحت وراها.....ولبست برمودا لونها ليومي

اشتعلوو اهلج .... اشتردين اسوين بيه....

@شبيها حبيبي مو حلوه

ولج تجنن عليج.... هسه ترئ اجيج واعصرج نفس الليمونه

هههههه

تغدينه وكملنه.. ونمنه..... ماكعدنه الا ب9 بليل

فزيت.....

. شفتها نايمه يمي ومخليه ايدها علئ صدري ..عبالك ملاك ونايم... بوستها من خدودها ... كعدت هي

فدوه لهذا الوجه ياروحي.... يلا كعدي وجهزي نفسج ياكلبي... راح اخذج ...وانسيج الدنيا

بدلنه ونزلنه .... وبيومها اجرت تكسي اجرة واخذنه لأماكن سياحيه..  بوجه الصبح الا رجعنه...

يوم الثاني رحنه لبحر قزوين... اول مره اشوف ابتسامه مريم هجي وشفت االسعاده بعيونها..وسط الماي ويم لبحر تونسنه كلش...مكان صدك الواحد ينسئ بيه همه... 

وإجه الضهر الا رجعنه....للفندق.. تغدينه بالمطعم مالت الفندق..... وصعدنه لفوك...

دخلت للحمام مريم وره ربع ساعه طلعلي ملاك...

مكياج وبدله لونها احمر وهيه بيضه طالعه كمر

لاكيتها ركض ..شبكتها كل قوتي وشلتها وضليت افتر بيها بالغرفه

عمر راح اووكع...نزلني

ماانزلج

نززلني

لمن تكولين كلمه السر الا انزل

فددووه نزلي

امممم لااا

اخ دخت عمر بداعتي

لااا ماانزلج

احبككككك عمر....

اي هسه حنزلج.... نزلتها...وضليت ابوس بيها شلتها عالجربايه وصار الي صار

نمنه .. وماكعدنه الا ب7 بليل....صلينه وطلعنه للمطعم...تعشينه بيه

وهم اخذنه تكسي وطلبت منه ياخذنه للامام الرضا....عليه السلام

وبقينه بيه كل الليل...صلينه الفجر...بالحضره ورجعنه للفندق ....نمنه من التعب والازدحام...

. وكتلها كعديني ب8 عندي الج مفاجاه..  نروح لمكان يعجبج

وكعدنه الصبح ورحنه... لمدينه اخلمند منطقه سياحيه.. وبيها مناظر خلابه وشلالات... دائما كنت اروح الها من اروح وي جماعتي

ورحنه لاسواق قم ... اشتريت الها كل الملابس االايرانيه والزي الايراني....

واخذنه هدايا للاهل والبنات

والايام الباقيه أخذتها لشمال ايران المدينه الصينيه...منطقه مثل الحلم. رحنه اماكن هواي...كانت احلئ سفره بحياتي كنت دائما اتردد الايران بس هالمره وي حلمي 

مرت اسبوع واحنه بإيران عشنه بيه احلئ ايام العمر

وسعادتي لا توصف.... ومريم تاكدت من حبها ومشاعرها اليه....  ماتنام الليل الا علئ صدري.... عشت اسبوع مثل الحلم

تعرفين مريم

كولي عيوني

اتمنئ اسميج حلم ... واغير اسم مريم

لا حبيبي شنو رايك نسمي بتنه حلم

اي والله خوش اسم..  بس غريب عالناس..

احسن ماتغير اسمي وتسميني اني حلم تالي عمري

مريم انتي حلمي .. ثلاث سنوات تمنيت تجي هاللحضه... خايف يكون هذا الحلم. واصحئ منه....شيصير بيه مريم امووت

لا يكلبي هاي حقيقه مو حلم.... حبيبي اخذنه للامام مره ثانيه....نزور الامام ....واشبع منه قبل لا نروح

ضلينه كلساع نروح نزور وشبعتها.....زياره

اخر يوم رحنه

جوله بكيلان.... هم منطقه سياحيه..

واليوم الاخيرر... ارتاحينه تغدينه بالمطعم مالت الفندق

وصلينه وطلعنه للمطار... ورجعنه للبيت بعد مرور اسبوعين كانو احلئ شهر عسل بحياتنه وايام ماتنسئ

رجعت للبيت....لكيت اهلي مسويت حفله زغيره بينه ... اول مادخلنه ذبحوو خروف علينه.....

والبنات كلها امبدله وكاشخه.. والجهال تركص....دخلنه لغرفتنه...لكيتها مثل غرفة العروس ومزينه كلها ابيض النزله والبرده... وحته الورد ابيض

وبناتنه جايبات هدايا واخواني..وولد عمي... وزعنه الهدايا عليهم

وكل اجه يتبارك النه.....ونورت البيت ...بنضراتنه. بحبنه بغزلنه .....من بعيد اشوفها واحاجيها بنظرات عيني وهي تفهمني بساع... كلشي خلاني انتظرك شوكت اخلص شغلي وارجع للبيت..

احسي الوقت ساعه ساعه.. حته تصير ب12 وارجع للبيت واشوف ملاكي....

صارت ب11 ونص... ماصدكت عزلت المحل ورجعت للبيت بساع... نزلت من سيارتي دخلت للبيت

امي تصرخ هي وبتول...

رحت اركض الهن.. اصراخ امي بغرفتنه....اريد رجلي تاخذني للغرفه مااكدر

اجوني الجهال عمو عموو .... تعال شوف تعال بساع

احس الكاع صارت شثكلها عليه... والصاله صارت شطولها عليه منا للغرفه

للحكايه بقيه.....

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗہرآء

جۣۗـۙزۣء 9

دخلت الغرفه.. امي وبتول بيها ومريم وين.... لكيت مريم متمدده علئ الارض وامي تكعد بيها وماتكعد

وبتول ترش عليها ماي... رحت يمها ركض.. خليتها بحضني

مريم ياروحي اكعدي.... شبيها يمه شصار وياها صرخت بصوت عالي

والله يمه كاعدين نحضر غده... وهي داخت وطاحت للكاع

مريم حبيبتي اكعدي.... فتحت عينها شويه

اريد ماي

شربتها بيدي....  شجرالج يارويحتي.....

مابيه شئ ...بس دخت ولعبت نفسي كلش

اي وين ربي صلوات

بلكي مريتك حبله يمه..

لا عمه بس لان ماتريكت ودخت شويه..

خلص عمري اخذج العصر للطبيب خاف فق دم شئ...

كومتها ونومتها علئ السرير... وجبنالها غده .. والعصر رحنه للطبيب

وطلب منه تحاليل.... فقر دم...وسكر وضغط

كملنه طلع مابيها اي شئ

سالها خاف حمل شئ

دكتور مااعرف....بس صارلي40 يوم

اخذي حللي دم اختبار حمل

رجعنه للمختبر وسحب دم.... وكال انتظرو اصيح بإسمكم

وره عشر دقائق... رجعناله

وكال النه علئ الخير حامل

ماتنوصف سعادتي... بهذا اليوم...

رحنه تعشينا مطعم.. وافترينه اسواق واخذتها متنزه

  رجعنه للبيت .... وبشرنا الكل

وطلبت منها تكعد وماتتعب نفسها ابد... ومرت الاشهر وعرفنا بيها ولد

كل ثانيه تمر وانا حبي لمريم يصير جنون.... مااكدر انام بدونها

ولا اكدر اكل بدونها... مرات تروح لاهلها.... احس نفسي يتيم...لا اكل ولا انام...  يضيع عليه حتئ الهوئ بغيابها

تصير حياتي ضلمه..... اتكلب ليلي كله...  شنو هالعشق الي عشقته المريم

تروح لاهلها يومين.. بس يمكن اخلص 100 الف بس رصيد....  ومن غير اخذلي فره عليهم بعذر واروح اشوفها

تروح روحي تروح وياها

اضل مثل طفل مفارك امه....متعود علئ كلشي بيها ... ضحكتها....كلماتها .....وصوتها

مريم*

اني حامل بأبنه هسه.. الدنيا كلها حلووه بعيني حبي العمر كل يوم اكثر من الي قبله

هو سعادتي.... وفرحتي.... مرات من اشتاق الامي اروح الها

بس يبقئ كلبي وعقلي وي عمر

اضل عدهم يوم ونص عبالك سنه....اضل اتحجج واكول الهم اريد شغله اوو ملابس او شئ

بس حته يجيني..... واشوفه.. كان الكل ناصب علينه ويعرفون بيه جذب هههه

مره بليل خابرته ب9 كدام اهلي

الوو عمر اكو فيتامينات اليه ...نسيتهن اريد جيبهن هسه

سلطان جان كاعد...كالي لا عليمن يجي انا طالع هسه واجيبهن وياي

وراح ركض

لاا لاا تعال.... هسه يجيبهن عمر

لا انا اروح شعندي غير ام علوش.... 

اووف هسه المن راح يمه....خلي عمر يجيبهن ...مو هستوني خابرته وكال جاي الج بعد عليمن راح سلطان

الكل ضل يضحك وميت عليه ضحك

علينه مريوم ....خوش كبسج سلطان هههه .... دخل سلطان

جبتهن خويه الفيتامينات...يمكن انتي من تجينه تخلين كل حبايتين بعلبه وكلساع جايبلج علبه عمر

تعال تعال عمر ادخل واخذ مرتك...ملينه يارايح ياجاي..لشارع صار بس الكم.... وانتي بعد لاتجين ..... شلعتوو كلوبنه ...هاي فلوس الارصده .... انطوني اياها اوله بيها اخيكم

ههههه

وبقينه سهرانين لل1 عند اهلي... ورحنه للبيت

دخلنه للغرفه

تشابكنه حيل ....عبالك كان مسافر 10سنوات ضلينه ساعات احنه مشابك وبوس

احنه كل ليله بعمرنه نعتبرها ليله عرس....  بطني واصله لخشمي...وبالكوه اتحرك

كان مساعدني بكلشي.... يمسك ايدي ويمشيني وحته الاكل هو يطعمني بأيده..  ملكه وياه...وطفلته لمدلله بحضنه...ويتيمه بفراكه...

حلمي وتحقق عمر.....

عمر... خاف اولد وامون تزوج مو

اسم الله شنو هالحجي

لا احس نفسي موتي قريب وماراح اكبر اولادي...  امانه ابني علي عندك حبيبي

ولا تزوج وحده ضالمه وتعذبه

اشش شنو هالحجي الي يسم البدن بتالي الليب

تعالي لحضيني ياعمري تعالي.... رحت يمه ونسيت كل المي وتعبي بحضني

نسيت كل دنيا..... نسيت حته نفسي

ضليت اشم بيه منا ومنا..   اريد اشبع منه ماكوو ...

دفيت نفسي بحضنه .... شميته بكل قوتي

وضعت بين ضلوعه وغفيت

كعدت الفجر... وجع عندي قووي كلش...كمت علئ حيلي متعوده هجي يصير عندي تقلصات تحركت منا ومنا بالغرفه...جاي تزيد وماتنقص

طلعت لبره...هم نفس لشئ

حسيت شئ يوكع عليه

رحت لعمر...عمر عمر اكعد عندي الم قوي اكعد بساع

فز من نومته.... ضليت اصرخ...كل قوتي

كلهم كعدوو... واخذوني باسرع وقت للمستشفئ

عمر**

كعدتني مريم وكالتلي عدها الم ..هي بعدهي بشهر الثامن...مامعقووله ولاده

بس سمعت زاد صراخها وكل البيت كعد.. رأسا اخذناها للمستشفئ الولاده

حاولو تولد طبيعي ماكدروو.... بقينه لحد يوم الثاني العصر تطلك وماكوو امل

دزو عليه بليل...وطلبو مني اوقع علئ عمليه

والطفل حالته خطره.. لكون يابس الماي مالته وكوله واكع

ماكدرت اوقع....لان حسب ماسمعت كبرئ.... بس جبروني اهلنه اوقع

ودخلوها عمليه وهي تصرخ وتبجي .. عمر خاف اموت لاتنساني ودير بالك علئ علووش

عمرر احبك

شبيج ياكلبي راح تكومين النه انتي وعلوش واخليكم بحضيني ياروحي

لازم ايدها وهم يسحبون بالسديه ... ودخلوها للغرفه

ضليت ابجي ليلي كله عليها.... وفقدت دم هواي....  وضغطها صعد عالي

حالتها ضعفت.....واخواتها وامها اجوو للمستشفئ وكولها تبجي... عشت اسوء يوم واسؤء ليله

كنت ضايع ...مدمر.... اروح اجيب دم من المصرف....ارجع...بعدني مامسلم الدم الهم

طلبو غيره.. وهم رحت اركض اجيبه

كعدت انتظر علئ جهه.... دمعتي تنزل وحدها الكل يباوع الحالتي.... ب1 بليل طلعت النه ممرضه. رحت الها ركض بشرينه اخيتي شخبار مريم

اجاكم ولد.... وخليناه بالخدج حاليا...

مريم شلونها فدوه لعينج طمنينا

مريم حاليا بالعمليات ...تحت المراقبه حته نشوفها تنزف اولا

يعني استقرت

الله كريم..... والطفل تلكوه بلخدج....وتعال ويانه ناخذ منك معلوماات

دزيت اخوي وياها.... واني بقيت انتظر

واباوع عاالباب..... الكل يباوع علئ حالتي...كلهم عدهم عمليات بس مو نفسي ولا مثل دمعتي وكلبي المكسور

اجتني امي

يمه شبيك.....هسه تكوملك بالسلامه لاتخاف

يمه وصتني البارحه وصتني علئ ابنها عبالك تدري بلي راح يصير

يمه شسوي.... خليت ايدي علئ راسي وضليت انحب مثل الطفل

فتحوو باب الصاله..... فزيت علئ حيلي

منوو وي مريم

رحنه انا وسلطان ركض...

انا انا وياها شبيها

هاك هاي ورقه جيب 5 بطاله دم و3بلازما باقرب وقت حالة المريضه خطره

للحكايه بقيه

حۣۗـۙلَمۣۗـۙ

آلَكۣۗـۙآتۣۗـۙبۣۗـۙهۣۗہ آمۣۗـۙ زۣهۣۗرآء

جۣۗـۙزء10

رحت ركض للمصرف اني ومرتضئ....الطريق صار شطوله..كلبي يخفق بسرعه ..ضاع عليه حتئ الهوئ...

انطوني دم.. ,ورجعنه... لكينه امي وامها يبجون... واخواتها يصرخن

شكو شبيكم...

حالتها تعبانه نازفه هواي... انطيتهم الدم....

ودخلوو جوه

طلعوو وره ساعه...فدووه طمنوني شنو حالتها

والله جاي تنزف ومانعرف شنو سبب نزفها.... عشنه ليله صعبه... اسؤء من ليلة عرسي بذيج الايام

بوقتها كل الي وياها طلعن... من العمليات... اشوف سديات تطلع... وكلها تلكتها الي وياها

اروح الهن اركض... بس مو هيه

صرت مثل المخبل... اركض منا اروح منا

شبيك عمر اصحئ علئ نفسك

سلطان راح اموت ...سلطان مريم تعبانه...

تكوم والله وترجعلك بس ادعيلها شبيك تخبلت

موبيدي سلطان مو بيدي

ضليت ابجي مثل الطفل.... اجتني ام مريم

كابلتني وتبجي وياي

يمه منو للطفل منوو ...راح يتيتم كبل لا يشوف امه

سلطان كال....حجيه شنو هالحجي... تعوذي من الشيطان

اي عمه ام سلطان...راح تروح من ايدي هي وصتني علئ ولدها امس

عزززه يمه بنيتي ...وضلت تصرخ وتلطم علئ وجها

سلطان ضل يصرخ عليها. ..  واخواتها يتباجون

اجت امي تسكت بإمها

طلعت لبره... هواي ناس كاعده... اكوو حديقه هناك

بس هم بيها ناس كاعده تنتظر مرضاها.... رحت اهناك

نزلت للكاع..... رفعت ايدي للسمه... دموعي تنزل لا اراديا

ربي.. لاتاخذها مني.... ربي ما الي غيرها .. والله اموت بدونها..  نزلت عالكاع

صرخت بعلو صوتي....ربي هسه رجعها اليه ولكليبي.... شلون اعيش شلون اتنفس بفراكها

ما اليه غيرها

اه مريم لاتعوفيني اذا تحبيني رجعي لحضني... ربي لا تحرمني منها ...

رجعت ركض يم باب العمليات

مريم ارجعيلي .... مريم ما اكدر اعيش بدونج

تعذبت هواي علمودج ارجعيلي لا تفاركيني اتيتم بدونج يارويحتي..... طلعلوو الاطباء علئ صراخي

رحت اله ركض...اترجاكم رجعوها اليه هاي حبيبه كلبي

هاي تعذبت حته خليتها تحبنب شلون اروح للبيت ولغرفتي وهي مابيه

رجعوها اليه الله يخليكم

نزلت للكاع .... لازمني سلطان.... يضرب بيه كل قوته

مااحس لا بصوت ولا بضرب

مااحس احد يمي ولا احد كبالي.... دموعي وحدهن الي احس بحرارتهن علئ خذي

كعدت بزاويه....

وتثگل الدنيا وتچي اَبالـي السوالف

وأخَ من #گلبي

شكثر حطني بـ مواقف

صار الصبح واني بنفس كعدتي....وهي تحت المراقبه... ب7 بليل الا استقرت حالتها وخلوها بالعنايه...

مايخلوني اروح اشوفها كلبي مفرفح عليها.... اتوسل بالكل حته ادخل عليها. وبس اشوفها...  بالكوه خلوني ادخل الها ب1 بليل

دخت الها ...كانت نايمه والوجه اصفر.... كعدت يمها لزمت ايدها واحبها منا ومنا

واحبها بخدودها....احجي وياها ودموعي تطيح علئ وجها ... واشم بيها... كعديلي مريم لا تتاخرين عليه

مريم كلشي مااشوف بدونج

رحمي بحالي ياروحي.... وحسي بكلبي نار عليج.... نمت علئ صدرها.... مريم اموت وراج منو اليه غيرج

كعدي مو كتيلي ماعرفك للابد وراح اعوضك كل يوم عشناه بعيدين عن بعض

مريم اكعديلي

نزلت للكاع وخليت راسي علئ طرف الجربايه لزمت ايد مريم وخليتها علئ كلبي واشتم بيها ....

مريم ماعوفج واذا رحتي اروح وراج.... انا مجنون بيط وبفراكج اصير مو بس مجنون مريم يلا رحمي بحالي

راح انتظرج  تكعدين اليه وترجعين لغرفتج ولبيتج

مريم ....مريم

حنيت الج وحنيت الضحكتج

مكسور بغيابج.... مابيه دموع بعد.. عيوني تعبت مريم

ارحمي بحالي... ذبلت روحي بغيابج نفس ورقه الشجر

صرت مثل التراب الغريب داخل بلد غريب

صرت غريب حته علئ اهلسي

حمل ثكيل علئ كتفي...  مجروح بنص كلبي

حني علئ حبيبج ....ولا تعذبيني مريم

نمت علئ ايدها وضليت انحب مثل الطفل

اجاني الولد ابو استعلامات وكالي اطلع بسرعه بس يشوفنك اتعاقب بسببك

ودعتها وطلعت.... وروحي بقت يمها

اجه يوم الثاني...  وهم دخلت عليها... وشفتها كعدت... توها رجعتلي روحي

وصار يومين لا رحت للطفل ولا شفته...  وبقت 4 ايام بالمستشفئ...وطلعناها وتحسنت حالتها...بس شفت الضيم بفراكها....حته بيت اهلي مادخلته....

كنت كاعد بالحديقه مالت المستشفئ... كلشي بيه تعبان....

لمن طلعناها... خلصت روحي... وشفت رويحتي وحلمي مريم... وكانت تعبانه ومااكدر اعوفها ....لمن تجي النسوان.. واكوم عنها اضل اكل بروحي ...

تروح منها...اروحلها اركض.. ناسي ابنه علوش ومااشوفه

ملتهي بمريم.... حته من اشوفه بحضن امه اغار منه.... بس هو طلع علئ امه نسخها منها...مثل الكمر... اخذ كل معاني امه وجمالها

الليل كله يبجي...وامي هي الي اداري بيه.... لان مريم عمليه وماتكدر تكوم.... وامها هم عدنه...وبتول هم ايدها وياها

بعد مرور كم اسبوع رجعت مريم لصحتها بعد ماوصلت الموت....

ورجعنه لايامنه الحلووه...ايام الحب والغزل.... كل يوم يمر علينه احلئ من الي قبله

شوفتها وحبها وحنانها... مخليتني مااشوف بالدنيا سواها..

اروح للمحل... طفل ومفارك امه... اريد بس اوصل للبيت واشوفها ....وتلاكيني بضحكتها والوجه الي من اشوفه.. انسه كل همومي...  احجي واصير عصبي ماتحجي ولا ترفع صوتها ولاتخلي عينها بعيني

احب هدوئها وحنيتها... وماضوجتني بكلمه... ولا راددت... كلشي بيها كامل

كلشي احبه بيها... حبها يقووه بكلبي بزايد..

  مرت اشهر وابنه علي كبر... وصار يمشي ... ومريم هم صار عدها حمل

وبيها بنيه.... ولمن جابت هم نفس حالتها بطفلنه الاول

وهم عشت نفس المأساة...  ونفس الحاله الصعبه.. وعشت اسؤء ايام بحياتي....  وهم شبعت قهر وبجي

وبالدعاء وبفضل ربي رجعت النه بالسلامه

وكامت النه بالسلامه.... وجابتلي بنوته مثل الكمر احلئ اخوها

كبرو جهالنه.... وواحد احلئ من الثاني... حته اخاف ماطلعهم بره

سمعت هواي حب وقصص حب بس قصة عمر ومريم

صارت اشهر قصه عند اقاربنه ومعارفنه والجيران.... حب عمر الي حب بنت عمه بس هي رفضتها وتزوجها غصب وطلكها ثاني يوم وخلال هاي السنتين حبو بعض ... وتزوجو من جديد

حبي لمريم احسه داء بيه ودوائه بس هي .  حبي لمريم ...خلاني اشوف دنيتي بس مريم مريم

اكل اشرب انام اطلع بس مريم

هي نفس الشئ بادلتني نفس الشعور..  وحسيت بحبها اليه...اقراه بعيونها

ولهفتها اليه وحضنها.... كنت خايف ماتحبني اول ماتزوجنه بس تاكدت من حبها ... ومشاعرها المتبادله..الايام كانت هي الدليل والاثبات.....

مريم

عيون مريم ... آمر

تعرفين من شنو خايف....,وصفن

منين حبيبي

خايف اموت واني ماشابع من حضنج ولا من عطرج

هذا كله وماشبعت وصارلك 3سنوات مكابلني 24ساعه....

مريم مو بيدي مااشبع منج ولا امل ..مجنون بيج مريم....مجنون

ادري بيك ويمكن انا اكثر منك بس ماكدر اعبر الي تعبره اليه انت

مااصدكج

يااا ليش عمري . والله مرات اصفن واكول خاف اموت وافاركه شلوون بيه والله اموت من فراكك حبيبي

ههههه ولج ثووله

ليش اشسويت حتئ ثووله😨😨

مو انتي ميته بعد شلون اذا متي تموتين من الفركه هههههه

اسكت لاتضحك عليه....

ههههه

عمر اسكت ترئ اضربك بالمخده

لا اسكتي خاف تموتين من فراكي وانتي ميته هههههه

ضربتني بالمخده ..  اخ ولج تعالي اجيتج

رحت وراها ركض وهي تركض ..والجهال يركضون ورانه مايعرفون شنو السالفه بس عالواهس ههههه

لزمتها...وشلتها وخليتها علئ الجربايه.   شميتها وعضيتها من خدها

خدج هذا احب اكله....بس فهميني ليش هجي متفح و وردي

لان مرتاحه وحبيبي مدللني...  

منوو حبيبج ها 😉

ابوو علووش...حبيبي وروحي وكلبي (وحلمي).... اكول حبيبي

كولي

اذا متت سويلي كبر حلوو وبيه ورد وتعال دوم يمي ترئ اخاف وحدي... ولا تتاخر عليه

وتزوج وحده زينه لجهالي

اشش شنو هالكلام السخيف صحت عليها بأعلئ صوتي

شبيك جاي اكول اذا متت

اشش لا تعيدين هالحجي والا صدك ازعل منج ولج روحي فدووه لروحج غير اندفن كبلج

لا حبي اسم الله عليك

احبج... اني من اروح للمحل اتسودن واضل بس احوس وافتر..  ومرات اشتري كارت ابو 10 واخابرج بيه كلساع شنو غداكم شنو محتاجين بس حته اتحجج

اعرفك....شنو عبالك غشيمه ههههه

😨😨منو كالج

كلبي ههههه

اخ من كلبج كون الزمه واعضه حيل

لا حبيبي خطيه مايتحمل

مو شالع كلبي

صدك حبي ...رمضان قرب ..خل نروح لمجمع شئ نجيب حاجات رمضان

اشش اكتبيلي واجيبهن

لا عمري اريد اروح انا فدووه الكلبك..

منوووع ... اسكتي

شنو مسجونه خوو مو سجن. اريد اشتري حاجات البيت شبيك لازم انا اختار علئ ذوقي يمكن الكه اشياء جديده نازله

اكتبي االي ابالج طلعه سووك ماكوو

اوووف عمر شلعت كلبي والله هسه احرك وجهي حته يتشوه وتخليني اطلع براحتي

صرخت عليها...  علمود طلعه هجي تسوين مع الاسف عليج وطلعت للشارع

ومارجعت بيومها للبيت وطفيت موبايلي

ورحت يم مرتضئ...  ووصيته لا يكول لاحد

للحكايه بقيه