تحميل رواية «هل يحبني» PDF

بتول//انا راضيه ذمتك ده شكل خياره؟؟؟؟

عمران//فين المشكلة مش فاهم….خلقه ربنا

بتول//بلاش الخيار تقدر تفهمني ايه ده!!!!….انا مش فهمالها نوع بصراحة

عمران//……بدل ما تقولي سبحان الله

بتول//مره ياعمران….تنزل مره تجبلي عجائب الدنيا السبعه؟؟؟؟

عمران//لو سمحت بلاش تحسسيني اني فاشل انا مهندس

بنتفرج عليهم…..مع تنهيده….وانتظار لنهاية الجدال لعل احدهم يفتكر اننا جعانين!!!……بيقف رحيم وهو ساند كتفه علي الباب…ايده علي خده….في قائمه الانتظار معانا…..ولكن بيقرر يتكلم هو بأسم الحزب

رحيم//بعد إذن الدنيا انا همووووت من الجوع

بتول//اقعد علي جمب

بحط المخده علي وشي وانا بداري ضحكتي عليهم…. وتعبيرات رحيم اللي حاسس بالظلم دايما والعنصريه في التعامل بينا وبين عمران……..!!!!

رحيم//ناس ليها الصوت الشتوي وناس ليها الصوت الرعدي….

نديم//تعاله تعاله جمبنا هناا…..انضم لحزب الجعانين

موسي//المكسرات دي بتجوع أكتر

زمزم//ما احنا لو عمران كان الاكل جهز من الفجر

بتكلم وانا مغطيه وشي بالمخده…..وقدامي موسي اللي ماسك طبق المكسرات بنظرات يائسه من الجوع….. ورحيم اللي بيقرب ويقعد جمبه…..وهو بيشارك موسي نظرات البؤس وطبق المكسرات……نديم….الرايق بتاعنا….اللي ساند راسه علي كتفي وقرر ينام وميسألش عن اكل

بتول//عقاب ليك تعاله بقي ساعدني

ابتسامه سخرية بتترسم علي ملامح الجميع…بحمد ربنا ان المخده علي وشي…..علاقتهم اقرب لعلاقة توم وجيري…..رغم اننا الاولاد في البيت إلا اننا بنقعد عشان نتفرج علي نكشهم في بعض…..

زمزم//بطني جعااااانه اووووي

موسي//تجربي مال اليتيم…..علي هيئه مكسرات بس نفس الطعم

رحيم//اكيد عمران اللي جابهااا

زمزم//يابني خلينا جمب الحيط….ده واحد معاه منصب…احنا ممكن نطرد عادي

موسي//مش لو كان عندي كتكوته زمانها بتغنيلي ابو العناكيب الحبيب….

رحيم//انا حرفيا باكل المرار…….طبقتها قولا وفعلا المكسرات دي وحشه اووي

موسي//انا عاوز اتجوز واحده تعملي فراخ الصبح ورق عنب نص اليوم وكبدة اسكندراني بليل

رحيم//احلام العصر دي صح……ده تاثير الجوع لما تاكل متقلقش الاعراض دي هتروح لحالها

موسي//طيب خلاص انا عاوز اتجوز…….وبس كده نقطه……زهقت من العيشه معاكم…..ومن اشكالكم بجد نفسي اكتشف عالم زمرده اللي علي الجانب الاخر هفضل قاعد في المريخ ده كتير……

عمران//انت بتصيح ليه……ما تسكت شويه

موسي//عاوز اتجوز……خلي مراتك تشوفلي عروسة تكون بتعرف تطبخ…..

عمران//انا هسكت عشان لو قومت مش هقوم إلا بالحزام

رحيم//……انت بتناشد مين ياحبيبي ده واحد متجوز واحده شايفه كل الرجاله سمجه…..ولا تطاق إلا هو….. انت متخيل؟؟؟؟؟……

موسي//…ابغي من هذا……

رحيم//انت عاوزها بتعرف تطبخ ولا بتحبك ولا عاوز ايه بظبط

موسي//هو مينفعش احدد اكتر من صفه؟؟؟

رحيم//لا ده انت كده عميل مميز اتفضل قولي مواصفات اللي عاوزها واقولك البكدچ يكلفك قد ايه

موسي//هتعملي عرض؟

عمران//ربنا يشفي….مخلف شوية مجانين

موسي//قصدك شوية عوزاااااب…..جمع اعزب يعني ده انا ام محمد بتقولي يا راجل من غير ست بقيت اتعاير بيها…..ودلوقتي بقيت جعان كمان يعني اعزب وجعان

باخد الريمود من علي الطربيزة……وانا بحاول اتأثر بمشكلته……وصراع بين الضحكه….والتمثيل مستحيل اخلي يقول عني ممثله فاشلة!!!!…….

زمزم//النهاردة معانا حالة مأساوية فكرت كتير قبل ما اعرضها لحضراتكم…..اتفضل احكي مشكلتك مش قادره اتكلم……لالا احكي انت

بياخد مني الريمود……ورحيم في الخلفيه ماسك بطنه وبيضحك……وعمران بيضرب كف علي كف وهو بيستغفر……لكن برضو شوفت محاولاته لكتم ضحكته

نديم//اقولك انا قصة مأساويه اكتر؟؟؟؟

زمزم//لا وقف تصوير يابني….مأساوي ايه اللي في حياتك وانت كاتب كتاب؟؟؟؟؟؟؟ ده انت حتي ملحقتش تدخل حلاوة البدايات عشان تخلص

نديم//ما ده المأساوي……تخيلي تبقي نازله الشغل في امان الله……محمد النجار….سيد الكهربائي…..علي النقاش…..احمد مفروشات…..كلهم عندك في الواتس هشتاج حولي الفلوس ياهندسة

متخيله شخصية واحده كلفتني كام؟؟؟؟؟؟ وبليل تقولي انت مش مهتم بيا!!!!!!!!!!!!!!!

زمزم//صعبت عليا…..مش اوي….لكن كمل تصوير يابني…..مش حابب تقول حاجة يا رحيم

رحيم//جعان

زمزم//كفيت ووفيت يابني والله قنوع

نديم//……قلبتوا عليا المواجع جتكم القرف انا نازل

زمزم//نازل فيييييين خدني معاك

نديم//ربنا اللي بياخد ياحبيبتي…

زمزم//قد ايه رومانسي…..وانا اقول البت عفراء بتكلمني عنك ولا كأنها بتتكلم عن توم كروز ليه

نديم//احم…احم…..تقول ايه

زمزم//دلوقتي رجعت…..مع الاسف معنديش خدمة افشاء اسرار العملاء بتوعي دور علي غيري تشتري بفلوسك يا استاذ

نديم//مين قالك ان كنت هديكي فلوس اصلا…احسن وفرتي وقت….هسألها هي

بينزل بجد؟…….مش المفروض يتحايل عليا؟؟؟؟…. هي البنت دي بوظت سمعتنا وبتحكيله كل حاجة بجد ولا ايه؟!!!!!!…..

♡_♡_♡_♡_♡_♡_♡_♡_♡_♡_♡_♡_♡_♡_♡_♡

سُدى//عملتي ايه؟؟

مسرة//….الفلوس اهي……بكرة اصحي بدري وانزلي ادفعيهم

سُدى//جمعتيهم ازاي

مسرة//خدت سُلفة من الشغل هيكون ازاي يعني

سُدى//حقك عليا انا عارفه اني تقلت عليكي هعمل حسابي واشتغل في الاجازة وهبقي ادفع السنه الجديده

مسرة//خلصتي؟؟؟…..بطلي غباء بقي وركزي في دراستك وانتي ساكته…..عشان معنديش طاقه للجدال معاكي…..

سُدى//بابا سأل عليكي……

مسرة//تصبحي على خير

بتخرج من الأوضة في صمت…..كالعاده….صمت مطفي…..تجاهل لاي وضع عابر……مسؤليه مش بتاعتها…..معافرة الانسان ورفضه انه يكون ضعيف قدام اللي حاول يكسره……بتخلي واقف….لكن بتكسره من جوه……لما بتكون المحاولة من اللي المفروض يسند!!!!!…….ارهاق بلا نهاية……

مشاعر الغضب جوايا من بابا كانت بشكل بشع….كأنها نار وبتحرقني….بحط مخده علي وشي….وانا منهارة بحاول اخرج الطاقة اللي جوايا مش عارفة!!!

شعوري بالضعف….او….ان مفيش حاجة اعملها كان اصعب من احتياجي لفلوس الجامعه!!!!!!!!

مفيش في ايدي حاجة تغير الواقع؟؟!!!!……..خليط بين الغضب والقهر….والحزن….والحنية…ورغبة مساعدة لمسرة….اللي واقفه قدامه لوحدها؟؟؟؟…..نيابة عننا

سدرة//سُدي…انتي بتعيطي!!!!

بتفوق علي صوتي…..بتقرب علي سريري….وهي بتقعد جمبي بقلق…..بتحضني وهي بتمشي ايدها علي شعري بتسم الله…….وبتحاول تهدى فيها……واضح ان حالتي كانت سيئه!!!!……

سدرة//هي مسرة جابتلك الفلوس؟؟؟

بتفهم وقتها…الحالة لكل سنة جديدة بتبدا…ومشكلتنا مع الفلوس….اللي كل مره هي بتتصرف فيها!!!….كل مره بتقرر تبقي سند لينا…… قبل ما تلاقي سند لنفسها بتعوض مكان مش مكانها…….

سُدي//هو احنا هنفضل ساكتين علي طول؟؟؟….

♡_♡_♡_♡_♡_♡_♡_♡_♡_♡_♡_♡_♡_♡_♡_♡

نديم//اول مره تقوليلي عوزة اقابلك وتيجي في معادك

عفراء//عشان جبتلك ده…..جربه وقولي رأيك….ومش محتاجه اقولك في جميع الاحوال هتنبهر

نديم//ده ورق عنب؟؟؟؟؟؟

عفراء//ايوه اول مره اعمله اصلا ربنا يستر بقي

نديم//وبتجربي فيا؟؟

عفراء//اه….لو محصلكش حاجة هاكل معاك…

نديم//انتي مكالتيش منه؟؟؟؟؟؟؟

عفراء//يانديم بقولك انا اللي عملاه….

نديم//!!!!!!!!!!!

بقعد جمبه…..شنطة العربية اللي شاهده علي كل حاجة من اول ما كتبنا الكتاب!…..خناق….هزار….اكله جربتها ووجعت بطنه…..شاي سكر زياده….وقهوة ساده….وهو في كل الاحوال فار التجارب بتاعتي

عفراء//مالك؟؟

نديم//لسه بدوق….هقيم بعد نص الطبق

عفراء//بالهناء والشفاء

نديم//عملتي ايه في الماده اللي مكنتيش فهماها؟؟

عفراء//عملت ورق عنب…..من غير نظراتك دي…عملت ورق عنب بجد

نديم//امتحانك بكرة

عفراء//الماده صعبة اوي ياانديم جابتلي اكتئا ب

نديم//ياحبيبتي انتي فاهمه غلط بقولك الإمتحان بكره خلاص الوقت كالسيف ان لم تقطعه طلع البدر علينا

عفراء//اعيط طيب دلوقتي ولا اعمل ايه!!!!!

نديم//لا ياحبيبتي ازاي متعيطيش…..مش مهم الماده اهم حاجة نفسيتك

أحياناً الزمن بيخلينا نقابل اشخاص….نكون معاهم بشكل مختلف…..هيئه وطبع طفولي…..شخصية عفويه بنتكلم من غير ما نفكر ونحلل…..ويمكن الشخص ده كان نديم…..الطرف المستمع الحنون….وعلي عكس الحياة….ولاول مره…..اكون انا الطرف….المتحدث العيوطه…..

نديم//اخلص ورق العنب….ونشوف الماده دي بتقول ايه ياهانم….

♡_♡_♡_♡_♡_♡_♡_♡_♡_♡_♡_♡_♡_♡_♡_♡

بنسمع صوت الباب……وكل واحد نظراته للتاني…. محدش فينا مستعد يقوم…..لكن خبطه الباب بتزيد بشكل غريب…..وقتها بنتحرك بقلق….لكن بيوقفنا عمران وهو بيقرب من الباب

بتول//مهدي……يابني….اي اللي

في ايدك ده

كلنا بنكون قلقانين……مش فاهمين بيحصل ايه؟؟…. وليه متعور في ايده كده!!!!…..رحيم وموسي بيقربوا منه….وكل واحد في باله سيناريوا مختلف….لكن النتيجة بأن مين عمل فيه كده!!!…..

زمزم//شكلنا مش هناكل النهاردة……

بتكلم في سري……وانا فعليا تفكيري في الاكل…..بقعد علي الكرسي ونظراتي عليهم…..وعلي حجم جرح ايده!!!…….وانه بسيط لكل ده!؟؟

موسي//انا عاوز افهم دلوقتي مين عمل فيك كده وازاي متكلمناش

رحيم//تنزل دلوقتي قدامنا….وبعدها تبقي تحكي اللي حصل

مهدي//اكيد يعني مش هيكونو موجودين

موسي//احنا نجيبهم بطريقتنا هيروحوا فين يعني

زمزم//انت ضربتهم ولا اضربت بس؟؟

مهدي//هجيبلك من شعرك وربنا ايه اضربت دي

زمزم//يابني انت متعلم عليك….احمد ربنا انها مش في وشك

مهدي//حد يرمي البت دي في الزباله……قبل ما افطسها

…..دقيقة….بيقرب رحيم وموسي وبيقعدوا وهما متعصبين من مهدي……اللي بيكون مش مهتم لكل ده وبدأ يسأل عن الاكل…..لحد ما بتخرج ماما بنظراتها عليه…..وبتتجاهل سؤاله

بتول//مهدي تعاله….وريني ايدك

مهدي//يا ماما متقلقيش مفيش حاجة

بتول//انجز بقولك…

بتقعد علي الكرسي….ومهدي قدامها…قاعد علي ركبته.. وهي بتشوف جرح ايده….ونظراتها عليه….اعتقد عوزة تعضه!!!؟؟؟؟؟…..بتنضف ايده…وبتبدا تلفها وهي بتستغفر….

زمزم//هاا يا موسي…هتتعور لاجل عيون الغزال امتي؟؟؟؟

مهدي//ولما ارميكي من الشباك هترتاحي؟؟؟؟؟….. ايه جاب سيرة البنات دلوقتي اصلا

زمزم//متقولش ان الاكشن ده كان علي الفاضي

رحيم//جعااااااااااااان…..ياجدعان والله بطني بدأت توجعنييييييي

موسي//انا دوخت هاتوا قرة عيني تعملي مياة بسكر

بتول//عيال هم…..اقعدوا الاكل خلص اصلا

رحيم//وداني سمعت صح؟؟؟؟؟؟…..واد يا موسي الحقني

موسي//موسي مصدوم دلوقتي استني

زمزم//عوزاكم تفضلوا كده بقي لحد ما اكل انا

مهدي//تعالي بقي انا ساكتلك من الصبح وانتي ست قليلة الادب اصلا……..

♡_♡_♡_♡_♡_♡_♡_♡_♡_♡_♡_♡_♡_♡_♡_♡

عفراء//نديم بجد الموضوع شاق……تعاله نشرب شاي اسهل

نديم//عارفة انتي هقوم واقفل عليكي شنطة العربية واسيبك في الصحراء

عفراء//سبب يستحق النكد…….ابعد عني بقي عشان هنكد عليك دلوقتي

نديم//ياحبيبتي ركزي…..ده مستقبلك يا ماما ابوس راسك ركزي

عفراء//اتفضل……..

بقرب راسي بجد……والغريب إني ما حسبتهاش اتصرفت على طبيعتي……..يمكن عشان بحس معاه بالأمان……او اني مش مضطرة بشكل عام اعمل حاجة معينه……فببقى مش واخدة بالي من نفسي…….اللحظة كانت بسيطة، بس سابت جوايا إحساس دافي….كأني في مكان آمن…..

يمكن بعدهاا اتفاجئت من نفسي…. عملتها من غير ما أحسبها…….يمكن عشان بثق فيه……ببقى مرتاحة معاه زيادة…….اعتقد من بعد ما كتبنا الكتاب……والمسافة بينا بدأت تتشال من غير ما حد فينا يحس!!!!…..رغم ان مازل بينا حدود……لكن اعتقد روحي بدأت تحس بيه….

عفراء//محسسني انه امتحانك انت يا نديم…..اتفضل اشرح…..

نديم//لو نجحتي فيها هجبلك هدية…..بس تنجحي بتقدير عدل مش تجيبي مقبول وتستني هدية

عفراء//احنا فين والمقبول فين…..بس هو يجي

الطرف الوحيد اللي بعيش لحظاتي كطالبة فاشلة معاااه………بيحسسني انها دراسته هو…..علي رغم من عدم اقتناعي بالنظرية دي من زمان…….إلا اني بقيت اشوف نجاحي في اي حاجة بشكل مختلف في وجوده…….يمكن لاني بشوفو في عنيه قبل ما يتحقق اصلا!!!!!…….بعيدا عن الحول في المشاعر عنده وانه رافض اشتغل……؟؟؟؟؟!!!!!

نديم//لحد هنا فاهمه؟؟؟

عفراء//استحي اقولك اااه…..

نديم//تستحي!!

بيكمل شرح…….وانا ببدا افهم بجد……واحل الاسئلة اللي كنت شيفاها للعباقرة؟؟…….قد ايه زوج صالح

عفراء//لما تبدأ شغلك الخاص هردهالك واشجعك

نديم//لا كتر خيرك والله

عفراء//بريك بقي ونشرب نعناع

♡_♡_♡_♡_♡_♡_♡_♡_♡_♡_♡_♡_♡_♡_♡_♡

عمران//احكيلي بقي حصل معاك ايه؟؟

مهدي//كنت راجع من الشغل…..وخدت بالي ان في شباب ماشين وراء بنت….كملت وراهم…..اتخانقنا

عمران//اتخانقنا…..عادي كأنك كنت بتلعب كورة

مهدي//ما طبيعي كنت عارف ان ده هيحصل اومال مشيت وراها اشرب شاي

عمران//عشان كده اتاخرت

مهدي//عشان وصلتها…..طريقها كان غير طريقي خالص……

عمران//كنت لوحدك ولا معاك حد من صحابك

مهدي//لا لوحدي ليه؟؟

عمران//بسأل…….عادي

مهدي//طيب انا هدخل انام

عمران//تصبح على خير

بخرج من الأوضة بتاعته……وانا نعسان….شغل مرهق واللي حصل ارهقني فعلا……يمكن مش جسديا علي قد ما قلقني نفسيا!!!……قبل ما ادخل اوضتي بقف علي صوتها…..

زمزم//رايح فين

مهدي//الساحل…….

زمزم//ياخفه

مهدي//سؤال غبي اوي بجد

بدخل وبسيبها…..بقفل الباب قبل ما تدخل…..بتعامل معاها معاملة اخويا الولد الرابع….اخر العنقود..صاحبنا الجدع…….بقفل النور…..بفتح الشباك….عشان يدخل إضاءه خفيفة للاوضة…..رغم ان كان ممكن اشتري إضاءة للنوم…..لكن حبي للنور الطبيعي لليل غريب!! شكل السماء…..بيخطف عنيا…..

بتول//مهدي…..نمت؟؟

مهدي//لسه…..اتفضلي

كنت متاكد انها هتيجي……مش بتحب النهاية الظاهرية….. دايما بتسألني عن الكواليس…..بتدخل من غير ما تفتح النور…..بتقفل الباب……الشخص الوحيد اللي بيدخل اوضتي وبيكتفي بنور الشباك!!!

بتقرب وبتقف جمبي……..وهي بتحط كوباية عصير بين ايدياا الاتنين!!!…..مع ابتسامة هادية

بتول//ايدك بتوجعك؟؟

مهدي//لا الحمدلله

بتول//اشرب العصير

بطبطب علي كتفي وهي مبتسمه……أحياناً بحس انها الطرف الوحيد اللي قادر يفهمني…..لكن مش من كلامي عني……بتفهم اللي انا فيه…..ومش بتواجهني بشيء …..بسيطة……ابسط من كل حاجة في الدنيا مهما تكبر قادره تخلي نورها….وبساطتها في كل الامور تحسن نفسيتنا……عادتا مش بستغرب حب عمران ليها……اتمنيت يكون عندي شريكه زيها.

بتول//بالهناء والشفاء

مهدي//تسلم ايدك….تعبتك

بتول//انت قلقتني عليك….مش تعبتني

مهدي//انا كويس……متقلقيش

بتول//اي ام عندها ابن زيك مش هتقلق….انا عارفة انك راجل ميتخافش عليه……لكن انا امك مهما تعمل هقلق عليك من اي حاجة لان مش كل حاجة بتعتمد علي القوة

مهدي//هبقي اخد بالي كويس

بتول//…..يانور عيني مهما تعمل قدر الله نافذ…..وكده كده مش هيحصل حاجه إلا اللي ربنا عاوزها….ولا حد يقدر يضرك او ينفعك….كلها بتكون بامر الله او بذنوبنا وفي جميع الاحوال انا بستودعك الله…..

مهدي//اعتقد للسبب ده رجعت حته واحده النهاردة

بتول//واعتقد للسبب ده انا محتاجة احضنك

كان باين اووي بالنسبالي انها بتحضني عشاني انا!!…… اعتقد كل محاولات كذبي عليها تمر بالفشل!!!؟؟…… بتحضني وهي بطبطب علي كتفي…..لثواني بحس ان سني وحجمي اللي بقي اكبر بالنسبالها مجرد رقم وشكليات…..لكن انا هو أنا…..نفس الطفل الصغير اللي علمته يمشي ازاي؟؟؟؟……

بتول//مهدي…..دي البنت اللي قولتلي عليها صح؟؟

ببعد عنها بهدوء…..وهي بتسند ايدها علي الشباك وعيونها علي السماء……دايما بكابر واعند……مبحبش يظهر مني الجانب القلقان……اللي فجاة خاف بعد ما كان بايعها!!!!!…….اعتقد للسبب ده مش بتحب تخلي عيونها تقابلني…..معقول بتاخدني علي قد عقلي!!!!!

مهدي//إحساسك برضو اللي قالك

بتول//تبقي هي….يعني انت مشوفتهاش صدفة…انت كنت ماشي وراها

مهدي//يعني بصراحة ايوه……اول مره تشتغل معانا شيفت بليل ده……قولت همشي لحد ما تركب مواصلات بس…..وخدت بالي وقتها ان في حد ماشي وراها

بتول//واتخانقت…….

مهدي//لو كانت اي بنت مكانها كنت هعمل نفس الحاجه……اكيد مكنتش هسيبها

بتول//الفرق معاها انك كنت بتعمل ده وجواك خوف

مهدي//خوف!!!!!!!!……هخاف ليه انا كنت بعمل الطبيعي اصلها بجد عنيده اوي…. دي لو ملقيتش حد تعند معااه هتقف قدام المرايا تعند وتتخانق مع نفسها مستحيل لو كنت قولتلها هوصلك للطريق بس ترد عليا اصلاا

بتول//طيب ما عندها حق…..

مهدي//هو انا همشي معاها…..عادي ممكن امشي وراها او قدامها وخلاص من غير فرهده……

بتول//طيب وبعدين حصل ايه؟؟

مهدي//هي اصلا مش تعمل فيها بنت…..وزي اي انثي تاخد جمب وانا كده كده موجود خلاص……..لا ازاي.. متبقاش الصاحب الرجولة…..كانت بتضربهم معايا انتي متخيله!!!!!!!!! وانا طموحاتي كانت في انثي بريحة الفراولة

بتول//شكلها عنيفه

مهدي//رغم ان شكلها…..ملامح بنت يعني لو جربت تبقي كيوت هيجي منها والله

بتول//شكلك حافظ ملامحها

مهدي//لا لو سمحت…..انا بغض بصري بس عارف شكلها ما بنشتغل مع بعض…..بتستفزني….بتعصبني… بتنرفزني….ببصلها بقرف…بس والله هي كويسه فهماني!!

بتول//انت بدافع عنها

مهدي//….احم

ايوه بصراحة…….اصلها بجد كويسة هي التعامل معاها صعب شوية بس طبيعي……ده شغل وفي رجاله مش كلهم بنات المفروض تتعامل ازاي

بتول//من غير شرح يا مهدي فاهمه قصدك…..بس انت برضو كنت خايف……متكابرش مع نفسك…..دي مشاعرك اتجاها…..

مهدي//انا كنت قلقان عليها……

بتول//كنت خايف عليها……الخوف حاجة والقلق حاجة تانية خاالص…..وانت مكنتش قلقان

مهدي//…………….هتفرق ايه المهم انها كويسة وخلاص واللي حصل حصل

♡_♡_♡_♡_♡_♡_♡_♡_♡_♡_♡_♡_♡_♡_♡_♡

عامر//مسرة……

بنفوق من النوم علي صوته……بتحرك بقلق اتجااه اوضة مسرة…..وانا طاقة صبري انتهت……ومش فاهمه في ايه تاني لسه معملوش؟؟؟؟؟

عامر//………