تحميل رواية «هل كان حلماً ...؟ (الِعراق_المُصغَر)» PDF

الحلــــــــقه الخامــــــــــــــــسه

رواية... هل كانَ حُلماً...؟

{ العِراق-المُصغَر ... التوباز }

بقلمي ... لؤلؤة_البِحار ...

___________________•

باوعت المكان بعده بناء واكو درج ليفوك ومبين الفوك كامل التفتت داكوله خاف الفوك كامل ملكيته خفت رجعت كعدت بمكاني منتظرته

شويه وحسيت ايد تضغط ع كتفي بقوه

رفعت راسي فتحت عيوني على وسعهن

تجمدت وانصدمت بـ رشاش

... جمدت من الخوف لما شفته كدامي خفت هوايه من ردت فعله قبل لا ااحجي شي جرني من ايدي بقوه باوعت ادور على عمران مشفته انتبهت عليه مركز على ملامحي بدهشه

عيونه حمر كتله

...رشاش  اسمعني...

حط اصبعه على حلگه بمعنى... اششش

جرني وراه اني اتلفت و ادور على عمران ماكو مموجود!

خفت على عمران منه

وخفت على نفسي من رشاش

فتح باب سيارته جرني گال... صعدي

حره... اسمعني

رشاش... كلت ولااا نفس

كعدت سد الباب گمت اطگطگ من الخوف

صعد حرك السياره گتله... باوع انت فهمت غلط يعني هذا...

باوعلي بغضب... انه مو كلت ماااااريد اسمع صووت اسِكتي ولا تعمين على نفسچ... وكمل يسوق

اباوع للشارع ادور على عمران گال :-تخافين من منو وعلى منو؟

درت وجهي عليه باوعتله عاكد حاجبه ويباوعلي كتله

:- مااخاف من احد

هز راسه ودار وجهه يكمل سياقه گلبي حسيته حيطلع من مكانه من الخوف

گتله... رشاش...حجيتها وباوعتله 

ماجاوب گتله... باوع هو اني بس ردت ارتاح شويه

مارد ولا التفت ولا كأني موجوده كل الي انتبهت عليه رجفت إيده وعيونه الصارت حمر

سكتت مااعرف شاحجي اباوع للطريق مااعرفه

خفت اسأله اي شي لوين رايحين او عمران وين مگدرت اسأله من الخوف

اتصلو على موبايله

ماجاوب ولا هتم ولاكأن احد يتصل ضلت الاتصالات ترگع الى ان اخيرا شال الموبايل بهدوء گال

... ها كسار

ذاك مدري شحچه كله... تصرف انت

سكت يسمع گله... افگع راسو.. وسد الموبايل

بلعت ريگ هذا شيقصد شنو يعني باوعتله كتله.   ماراح تحجي شي يعني

رشاش... اسمعي حره روحي هسه واصله لخشمي إسِكتي لمصلحتج

سكتت خايفه

ضليت متوتره مر وقت هوايه تذكرت موبايلي گلت اتصل اسأل على رتيل واگوللها حتى لتخاف

طلعته من بنطلوني ع كيفي بعدني دااشغله مد ايده كال

رشاش... الموبايل

حره... بس اشوفـ...

قبل لااكمل اخذ الموبايل مني فتحه طلع السيم كارت كسره گتله... يا ليش

رشاش... ولا نفس

غلقه وحطه بالجكمجه سكتت خفت احجي الطريق تاه عليه  مااعرف وين ماخذني لبغداد لو وين

حسيت نفسي مضيعه

افكر شلون اعرف مقدام طلع لو لا

زين رتيل شلون بيها

من الحيره گمت ابجي مر الوقت وصار الغروب واحنا بالسياره نزل من السياره وقفلها عليه حيل انقهرت هاي اول مره هيج يتصرف وياي

گعدت ابجي الى ان شفته رجع مسحت دموعي فتح باب السياره حط العلاگه بحضني عرفت اكل  وشغل السياره ومشى

حطيت العلاگه ليكدام

مالي نفس بشي

ضليت اباوع للغروب الجامات مسدوده ردت افتحها مانفتحت باوعتله گتله :-افتحلي الجامه

ماجاوب كتله... شبيك مو دااحاجيك.. ولاكأن احجي بجيت گتله... شبيك رشاش مو دااحجي وياك

هم ماكو رد حيجلطني والله ضربته بكتفه كتله... يا هاي شبيك

ولا يباوعلي سكتت وضليت اباوع للطريق بس بالي مو يمه ضليت

افكر الى ان غفيت

فزيت على گرصه خفيفه بزندي بسرعه باوعتله هو جان يباوعلي دار وجهه وفتح الباب وطلع

فتحت الباب طلعت باوعت الدنيا ليل اباوع للمكان اي اعرفه هذا البيت الصغير

حطيت ايدي ع كلبي فرحانه لان لسه ببغداد سد السياره وطلع الغراض جرني من ايدي ووكفني كدام الباب كتله

حره... رشاش لعد شلون واهلي

فتح الباب ودفعني للبيت گتله... شبيك لاتدفع

رجع سد الباب ودخل فتح الاضويه مشيت وراه كتله... وتالي يعني شنو مراح تحاجيني

طبينا للهول شمر الغراض ع التخم و قفل باب الهول بالمفتاح وحطه بجيبه ودخل للمطبخ

مشيت وراه شفت بيه سنگ تفاجئت جان فارغ

فتح الحنفيه دايغسل گتله

حره...رشاش لتسوي هيج احجي شبيك

هم ماجاوب واجه ديطلع فتحت ايديه كدام الباب بمحاولة منعه حتى ميطلع وگف گدامي ركز بعيوني

ارتبكت نزلت عيوني گتله

:-شبيك ليش متحجي

رشاش... وشيفيد الحچي؟

حره... فهمت غلط اني ردت ارتاح فتره يم بيبي وارجع

ابتسم باستهزاء وفرك عيونه بقهر گتله :-شبيك

گال بقهر... دحگي الفرق مابينچ وبيني

انه ارتاح بسماع صوتج وضحكتچ وانتي ترتاحين لما تبعدين عني

حره... لا مو هيج يعني تعرف المشاكل الي حتصير بينك وبين اخوي

رشاش... ماجانت راح تصير اي مشكله لو انج وگفتي وياي!

حره... شلون متصير؟

هز راسه كال... انسي

وجرني من ايدي يبعدني عن الباب ومشى گعد ع التخم

ورث جگاره گتله

حره... رشاش عفيه رجعني لاهلي

رشاش... تحلمين

گعدت كباله... اكيد خايفين عليه هسه رجعني الله يخليك

ركز بعيوني ثواني كال... لما طلعتي للموصل ويا رجال غريب هم فكرتي بيا مثل اخوانج هسه؟

هم كلتي يمكن خاف عليه؟

داحجي سبقني كال... اه صحيح اكيد ماتفكرين وليش حتى تفكرين يعني بالنهايه انه بالنسبه الج واحد اناني ومحتال ما؟

حره... لا والله مو هيج

رشاش... اشش لاتحجين ولا حرف

حره... رشاااش

رشاش... شوفي بالقران گوا لازم روحي حتى مااذيج اسِكتي ولاتخليني ااذيج بكلامي

گام طب للغرفه گمت وراه فتح الضوا باوعت الغرفه فارغه مبيها بس كنتور باب وحده وبصفه ميز

وعليه دوشگ وبطانيه ومخدتين

اخذ الدوشگ شمره وشمر البطانيه عليه والمخده اشرلي گال

رشاش... اگِعدي هنا

حره... ليش

خزرني سكتت گعدت

گال... لاتطلعين كدامي اليوم

حجاها وطلع من الغرفه

گمت وكفت وضليت ابجي اجه جاب العلاگه حطها گدامي دايطلع صار گدامي باوعتله

الجگاره بيده جر نفس وتقرب مني لزمني من كتفي

رشاش ... هاي شلابسه؟

باوعت لملابسي بنطلون وقميص عاديات رجعت باوعتله عاگد حاجبه گتله... شبيهن

رشاش... ضيكات بارزات كِل تفاصيل جسمج شبيهن بعد؟

اختج خايفه عليج مني انه الحميتج طول هالوكت

بس ماخافت عليج من خنازير الشارع؟

حره... اختي شعليها اني الي لبستهن

رشاش... وماشافتج من طلعتي؟

جرني عليه كال... شلون تطلعين ويا رجال غريب بهاللبس

فهميني شلون هنت عليج بهالسهوله

حسيته حيل مقهور حاولت ابرر كتله :-مبيهن شي والله انتَ داتبالغ

رشاش... شو تعاي

وگفني كدام مراية الكنتور وهو واكف وراي لازمني من اكتافي گال... بربج هذا لبس بنيه محتشمه دشوفي خصرج  شوفي شلون مبينه تفاصيل جسمج

شلون هيج تطلعين فهميني لو عندج ذرة احترام الي

ماجان خليتي احد يشوفج

هيج غيري

حره... اني مااحب الحجـ...

قبل لا اكمل كال... اي يابه لاتلبسين حجاب

بس هاللبس مال بنيه محترمه؟

جم كو**د هسه باوع لتفاصيل جسمج؟

حره... اباوع لشكله بالمرايه بقهر معرفت شحجي هاي اول مره يقسى وياي

ابتعد عني فرك وجهه كال

... استغفر الله

باوعتله واني ابجي جر نفس عافني وطلع گعدت بالغرفه وحدي ضليت ابجي لشويه كمت سديت الضوا ونمت بالفراش

تغطيت وضليت ابجي

مر وقت هوايه واني هنا وحدي

لا رتيل ولا حياة ولا حتى هو

حسيت بقهر منه وعليه

الجو بارد حيل بس حسيت حراره بحنجرتي

وخرت البطانيه وگمت فتحت باب الغرفه باوعت بالهول مموجود

طبيت للمطبخ هم ماكو

باوعت باب الهول مفتوح

مديت راسي شفته كاعد برا ع الدرج يدخن وبيده مدري شنو صافن بيها رحت تقربت منه وافرك بايدي الجو ثلج

رفع راسه شافني كال... طبي جوا لاتتمرضين

كعدت بصفه باوع بعيوني حسيته يفكر ورجع باوع ليكدام يدخن

انتبهت ع ايده بيها سلسه شافني سد ايده

لزمتها بايديا اثنينهن اريد افتح ايده سدها يعاند

رفعت راسي عليه يباوعلي كتله... هاي شبيها... مجاوب

فتحت ايده وشفتها كلاده بس مو اي كلاده

اخذتها وعرفت ان كلادة الخنجر جانت اله

دمعت عيوني باوعتله كتله... هاي يعني كلادتك؟

ورجعت باوعتلها كتله... لعد ليش ماكتلي ذاك اليوم؟

ماجاوب كتله... احجي ليش ماگلت من سئلتك؟ 

رشاش... ردتها تصير الج

حره... ليش

سكت نزلت دمعتي ابتسمت كتله... لان كتلك ماعندنا فلوس؟

رشاش... ماردتج تحسين بانج وحدج وادري بيج ماتقبلين مني الفلوس

حره... وشمرتها يم الباب

هز راسه كتله... ليش شمرتها يم الباب؟

رشاش... حتى تحسين ان الله وياج وانت ماوحدج... جر نفس باوع بعيوني گال... وهو فعلا ماتركج ودائما خلاج بنص طريقي

مسحت دموعي گتله... بس اني ماجنت راح ااخذها

رشاش... مافكرت هيج

حره... لعد بشنو فكرت؟

رشاش... فكرتج راح تفرحين وتبيعيها او تلبسيها

حره... بس اجيت وسألتك اكثر من مره

رشاش... صممتها الج ما من طبعي ارجع اخذ الهديه

ابتسمت... يعني هسه هايه هديه الي؟

رشاش... جانت.. وجرها مني لزمتها كال... انطينيها راح تنكسر

حره... عوفها انت لتنكسر

ماتركها عضيت ايده خفيف كال :-اشتعلو اخوتج

ضربته ع كتفه خفيف كتله... لتحجي عليهم

سكت مجاوب كتله... شلون هسه اريد ارجع لاهلي

رشاش... انه اهلج

حره... عفيه رشاش اريد ارجع او ع الاقل خلي اخابرهم اكيد اختي خايفه عليه

رشاش... من اليوم ورايح ماتحجين وياهم ولا تشوفيهم هذا عقابكم

حره... والله يشتكون عليك وتتورط شنو تريد تحبسني هنا

عقج حاجبه باستغراب كال... بشنو اتورط؟

حره... خطف هذا انت خطفتني

رشاش... مرتي انتي لو ناسيه؟

سكتت كتله... رشاش  الله يخليك

رشاش... اسكتي كافي... شمر الجكاره وورث غيرها

حره... كافي عوف التدخين

باوعلي وباوع للجكاره وابتسم بقهر ورجع يدخن ضلينا ساكتين فتره الى ان سمعت صوته يگول

:-  توقعت كلشي من اخوتج بس منج لااا

باوعتله كتله... رشاش انت هم غلط وخوفتنا

باوعلي كال..  كافي كافي تلوميني اكثر كافي

حره... اني قصدي

قبل لا اكمل كال... من تدحكين واحد يحترك يااما تطفيه

يااما تبتعدين عنه

وتتركيه ياكل بروحو بلا لغوه زايده

حره... انت ماتتقبل فكرة انك غلطان

رشاش... شو بلا كليلي بشنو غلطت؟

ارتبكت كتله... احتاليت...

قبل لا اكمل كال... كتلج بسبب شغلي سويت كل هذا شنو المجاي تستوعبيه

حره... لعد ليش مابتعدت عني لما بسبب شغلك

باوع بعيوني كال... حاولت بس انتي جنتي تمنعيني

ارتبكت كال... انتي الجنتي تردين تشوفيني حره كل يوم ولما ابعد كلش اسابيع

انتي الجنتي تتصلين وتسألين ليش ابتعدت انتي

حره... وانت داتعيرني رشاش ؟

رشاش... انه جاي اذكرج باللي صار بس حتى تبطلين تلوميني وتحسين شويه

حره... صح ردت احاجيك دائما بس لاني وثقت بيك شمدريني انت مو مرتضى

رشاش... تصرفاتي وياج جانت كـ رشاش

كلامي وشخصيتي ماجذبت عليج بشي انه

حره... لا تختلف

رشاش... اختلف!

حره... اي

رشاش... شلون بلا؟

حره... رشاش مستفز

رفع حواجبه كتله... اي غير هذا الصدك

رشاش... اي كملي

حره... وتخوف هم

رشاش... ليش اخوف دحكتيني حاط سچينه إعلى رگبتچ؟

حره... لا مو هيج بس تصرفاتك تأذي

رشاش... لو تدرين بكلشي جاي يصير مجان كلتي هيج

حره... شدايصير

رشاش... اي بلا كوليلي شلون اذيتج

حره... صدمتني حيل من عرفت انت مو مرتضى

حيل تأذيت وفوگاها ضليت تهدد بدل ماتجي بهدوء

ضحك كال... ياهدوء وهو اخوج اول ماعرف احنا استخبارات راد يطلعكم من بغداد؟

حره... شمدريك

رشاش... بكلشي ادري انه

حره... بس اكو طرق ثانيه

رشاش... بلا كوليلي طريقه يمكن انه غبي ومااعرف اتصرف

حره... يعني تحجون بتفاهم

رشاش... گلبي وتيني بنتي انتِ افهمي... واندار عليه صار مقابيلي كال :-فتحي دماغج وركزي حجيت وارجع احجي

اخوج اجيت وياه بالحسنى رفض

حره... بس ميدري بيك صاحي عباله مخبل

رشاش... عثمان كله اخوي تعالج نفسيا وحدبته راح تروح بالعمليه وهم رفض

حره... مو يمكن..

رشاش... لاتضلين تطلعيلو اعذار

حره... وهو لو وافق مثلا وانت مرتضى شلون

رشاش... لو وافق بيا وانه مرتضى جنت كعدت وياه وحجيتلو كلشي وفهمتو

حره... وليش ماحجيت وياه وبعدين طلبتني منه

رشاش... عثمان رفض كال احتمال يعاند وما ينطيك حره ويطلك سالي مني... جر نفس كال... ماردت اصير عثره بطريق صديقي

گال... كثير حاولت ابعد عنج بس ماكدرت..  باوع بعيوني كال... ولا انتي خليتيني اكدر

سكتت كتله... تمام واني هم فاهمتك ومقدره انو هذا شغلك بس اخواني... جريت نفس... خلي نروحلهم باجر عفيه ونفهمهم

رشاش... مستحيل

حره... ليش

رشاش... لان ذلوني بما فيه الكفايه

حره ... انتَ الي ذليتهم مو هم

رشاش... وشلون ذليتهم

حره... غير هددتنا بالعقد المزور

رشاش... وانتي شفتي اكو عقد؟

حره... شمدرينا ماجان اكو عقد جمعنالك فلوس وتالي بگتهن

رشاش... ماابوگ شي ما من حقي انه

حره... احنا اتفقنا ويا عثمان  نقسط فلوس السلفه كل شهر

رشاش... الفلوس ماتهمني تولي

حره... وهددت باخويه هم

رشاش... واخوج هسه ماطلع؟

حره... اي بس هددت

رشاش... بس ما انسجن بالعكس كثير ساعدتو لخاطر عيونج

... جر نفس كال... ماتركت شي ماسويتو علمود عيونج انتي شسويتي علمودي بلا؟

سكتت كتله... بس اخويه بريئ ماله شغل بالارهاب وهالسوالف

رشاش... المهم انو التقى بارهابي واتواصل وياه منو يصدگ ماعندو شي؟

سكتت جر نفس كال... اريد اسألج سؤال وكولي الصدگ

حره... شنو

رشاش... انتي حبيتيني لو ردتي تعوضين النقص الي تركته حياة بداخلج؟

بجيت كال... ليش تبجين... مسحت دمعتي گال... حياة تركت اثر بملامحج

حره... شلون يعني

سكت وضل يباوع لملامحي گال... هم يجي يوم واشوف نفسي بعيونج؟

مسحت دموعي وسكتت كتله... رشاش خايفه

مد اديه لـ اديناتي اللازمه بيهم الگلاده و لزمهم و كال... ايدي هاي اذا ماسندتج مامنها فايده

قرب وجهه مني لدرجة حسيت بانفاسه كال... لو بيوم عيني دحگت لغيرج احب أعميها

انه مو رجال وماعلي شارب لو اذيتج امشي بطريقي وماتندمين

باوعتله وابتسمت كتله..  واهلي

رشاش... انسي كِلشي يمي

وتقرب باسني بعيني گتله... يگولون فراق

رشاش... انه اتحدى كِلشي وياچ حسي بيا وثقي ماكو شي يفرقنا غير الموت انتِ بس حبيني

ابتسمت ونسيت كلشي بهاللحظه تقرب مني جرني من خصري عليه وباسني بشفايفي ضعت وياه محسيت غير لما دفعني

گال وهو يمسح خدي... روحي لغرفتج الشيطان تربع براسي

حره... هاا

ضحك باس راسي كال... اذا ضليتي هنا دقيقه يصير شي يمكن ماترديه يصير هسه

كمت عنه بسرعه عدلت شعري ضحك كام يمي كال وهو يمسح خدي... ماالمس شعره منج غير لما تتاكدين من حبج الي

باس راسي وابتعد عني خطوات كال :-تصبحين على خير

حره... وانت هم تبصح على خير

ضحك بصوت عالي ضربت راسي كتله :-تصبح على خير

وركضت طبيت للغرفه سديت الباب وكلبي ينبض

باوعت بايدي الكلاده بستها وعيوني من الفرح مدمعه كعدت ع الفراش افكر وابتسم وبداخلي اكول

.. اني هم احبه خليني انطيه فرصه ليش اعذبه واعذب نفسي

تذكرت اخوتي حسيت باشتياق كبير الهم كلت لازم باجر اقنعه نروحلهم ونفهمهم كلشي

ولو رتيل قافله

ان شاء الله يقتنع وياخذني

ضليت افكر الى ان غفيت لثاني يوم فزيت الصبح كمت فتحت الباب باوعت بالهول والمطبخ مموجود رحت افتح الباب مال الهول مقفول

خفت عزا هذا وين راح وتاركني هنا كعدت ع التخم ضجت منه حيل عود ليش هيج حابسني

حسيت بذل

ضليت نص ساعه تقريبا وسمعت صوت برا

رحت وكفت كدام باب الهول تخصرتله

فتح الباب شافني كدامه طب بيده علاليك

انتبهت لابس تيشيرت اسود وبنطلون عسكري وشفقه باوعلي من فوگ ليجوا وابتسم

رشاش... بالله عليچ ماناقصني اغراءات

حره... ليش قافل الباب

طب وگال... رحت اجيب اكل

حره... حتلو ليش تسدها

رشاش... لان مااثق بيج

حره... وليش بلا

رشاش... عندج فقدان للذاكره؟

اذكرج شسويتي البارحه؟

سكتت كتله... حتلو بعد لتقفل عليه

هز راسه كال... ماشي جبت ريوگ... وطلع الاكل

حره... اترك اني اسوي

رشاش... ماشي

حره... رحت اسوي جاي

وهو يخابر برا كملت وحضرت كلشي وصبيت حطيته بالكاع

تلمست الكاشي بارد

طلعت دااصيحه اسمعه يخابر ويگول

رشاش... بالله الكريم مال ازتكم بالشوارع واخلص

باوعلي واشرلي بمعنى انتظري سكت شويه كال... اروح اتزقنب ولوو عني انتو الاثنين شيبتو راسي وانه بعيد

سكت شويه گال... اگِلك حازم انه اتذكر عندك اب وام

انه شذنبي خلفوك وزتوك

حمضت على گلبي

كافي شني هي وليه؟

سكت شويه ضحك كله... يلا ولي.. وسده

اجه باتجاهي كال... ها مرتي

ابتسمت كتله... تعال نتريك

رشاش... اوكي

مشى كدامي كعدنا صبيت جاي كتله :-ويامن جنت تحجي

رشاش... ابتدا التحقيق

باوعتله بخزره كال وهو يسوي نفسه مرتبك... ااا اسف سيدي صدكني ما قصدي

حره... انتبه عدل حجيك مره اخرى

رشاش... حددي موقعج بالجيش لو بداعش

ضحكت كتله... تذكرت هذا الكلب

رشاش... ياهو منهم

حره... مشعل ابو المرحومه حياة هم يحجي نص فصحى ونص جلفي الله لايوفقه

رشاش... اكيد ديحترگ بجهنم

حره... اي والله... لهنا صفنت... لحظه انت شمدريك هو مات؟

ابتسم كتله... عزا بعينك جنك رغوده من تلم الاخبار

طكها ضحكه ورفع راسه ليفوك ورجع باوعلي حجه بجديه وكال  ... يولو احترمي نفسج انطيتج مجال لاتتجاوزين جني رغوده شني

سكتت ابتسم كال... رغوده محد يلحكها بالاخبار

ضحكت كتله... شمدريك

رشاش... ومنو مايعرفها ذاك اليوم واكفين انه و واحد من منطقتكم مرت رغد من يمنا

كالي اسكت هاي دلالة المنطقه اذا تريد تنشر خبر احجيه كدامها

ضحكت كتله... ومكتلي ويامن جنت تحجي

رشاش... اخوي حازم

ابتسمت كتله... اها

كملنا وغسلت هو طلع بالهول يلعب بالموبايل كتله... شوكت ترجعني لاهلي

رشاش... ماترجعين

حره... لا عليك الله اريد اشوفهم

رشاش... مستحيل

حره... شنو مستحيل اهلي ذوله

رشاش... حتى تتوبين

حره... عليك الله مشتاقه لاخوي حباب

رشاش... انه حلفت ماارجعج الهم دام هيج غدرتوني

حره... لا حباب والله مااكدر بدونهم

كام كال... تكدرين

كمت كتله... ترا مو بكيفك

باوعلي كال... عجل بكيف منو

حره... بكيفي اني اريد ارجع لاهلي

رشاش... وانه دااكول ماترجعين 

حره... اذاً طلكني

صفن عليه كتله... شبيك طلكني مو كتلي اذا ماتفاهمنا اطلكج وهسه اني دااكولك طلكني

رشاش... اي هاي قبل لاتنهزمين اما هسه تحلمين

حره... ما والله ترجعني وغصبا عليك خوش

تقدم عليه رجعت ليوره كال... حره... الزمي حدودج واحجي عدل ولاتختبرين صبري

بجيت كتله... لو ترجعني لو تطلكني ماابقى هيج اني

رشاش... سيرة الطلاك شيليها من لسانج ولاتفكرين بالموضوع اصلا

بجيت بصوت عالي كتله... حرام عليك

رشاش... لاتحاولين رجعه لاهلج ماكو

كعدت ع التخم كتله... عليك الله رجعني والله مااتحمل بدونهم

رشاش... هذا عقابج حتى مره ثانيه تفكرين الف مره يلا تخطين خطوه بدون ماادري

لو تلعبين عليه

كعدت ابجي اندكت الباب كال... كومي طبي جوا ولاتطلعين

حره... وليش بلا

رشاش... اكيد واحد من اصدقائي

حره... اي خيجون يشوفون شداتسوي بيا

رشاش... وشمسوي اليسمعج يكول منزعج... دار وجهه كال... استغفر الله الا تطلع لساني شو دكومي 

جرني للغرفه كتله... ابقى هنا بس ترجعني لاهلي حباب مو؟

رشاش... لا ماارجعج واكعدي هنا

حره... والله افضحك كدامهم

ضحك كال... هم الشهدو على زواجنا بس اذا تحبين جربي طلعي صوت ودحكي شاسوي بيج

الا اني*** عرضج

استغفر الله كوا تحجيني

طلع و سد الباب فتحت شويه منها وحطيت عيني اشوف

سمعت اصوات برا وشفت واحد طب دفر باب الهول وگال

... هلا ببيت اخوي

طب وراه رشاش گال... لاهلا بيكم كوا***يد العشيره

باوعت انشمر حذاء ع باب الغرفه والثاني مشفت وين صاح رشاش

... گو***د تشيلهن لا احطهن بحلگك

الاول ضحك بصوت عالي گله... اي عفيه حطهن بحلكو نفس القياس

الثاني كال... حبيبي حازم صاير تتوهم بين قياس حلكي وحلكك

الاول كله... انجب اوس انه اخوك الجبير احترم

اوس گله... هاي عليمن انجب ابن الكواد

حازم كله... لاتغلط على ابوي حمار طاحظ تربيتك

اوس كال... اشرفك واشرف عشيرتك خوش

حازم كله... تحجي على عشيرتي الا اشعلكم

قبل ليكمل صاح رشاش... كافي سكتووو شلون افهمكم انتووو من نفس العشيره؟

اوس... ها تذكرت هذا اخوي

حازم  كله... شني هاي المشاكل نستنا

ضحك رشاش كال... اكعدو وانجبو

حره... اليقهر صرت بس اسمع صوت مااشوف شي سمعت رشاش كال

... شني شعدكم ببغداد

اوس كال... افا عليك اخوي غير اجينا نشوفك

حازم كال... عبالك جايين ع الـ money (الفلوس) لان احنا فلسنا؟

اوس كال... لا ابد خويه لا تفهمنا غلط

رشاش كللهم... ليش ورواتبكم وين

حازم كال... انه اخذتهن مرتي واخاف احاجيها

رشاش... انجب ما هي تكدرلك

اوس كله... انه صرفتهن بتركيا احلى صرفه

رشاش... مال انزع الي برجلي وعلى روسكم

اوس كال... انه الابن المدلل شيخلصك من ابوي

حازم كال... على طاري ابوي كلش معصب منك البارحه

رشاش كله... تعودنا

اوس... كال رشاش يلعب عليا ويتصرف من كيفو وضل يحجي اعليك

سكت رشاش سمعتهم حجو بهدوء

... عجل ليش رجعت المشيه؟

رشاش... لان بعد مايحتاج

حازم ... ليش؟

اهلها رفضو؟

رشاش... بعدين نحجي بهالموضوع

اوس... ترا جذب لا محتاجين money ولا شي اجينا علمود ندحكك اشتاقينالك

رشاش... مابقى شي وارجع للبيت

حازم كله... وحدك؟

جاوبه رشاش... طبعا لا

اوس كله... نروح انه وحازم نحجي ويا اهلها؟

رشاش... لا مايحتاج شبيكم

حازم كال بصوت عالي... جاي يكولك لا لتلح

ذاك كله... يولو احترم و لتعلي صوتك

سمعت رشاش كال... اهووو 

اوس... رشاش بالله عليك منو العايل بمنو؟

حازم جاوبه... انت شفتني وحدي

گللهم رشاش... كافي لا اا... اخ منك يلساني مااريد افشر

سكتو ثنينهم سمعت حازم كال بصوت ناصي... شني مسحور وماتريد تفشر؟

اوس كال... ذكرتوني بالمشروع الي ردت اسويه واحصل منو هوايه فلوس خلي اشرحلكم

رشاش گله... اي شنو؟

اوس... اسوي نفسي ساحر واقفص ع الناس

الثاني بسرعه كال... حبيبي انه وياك بالنص وشارب الفاره ورمش الضفدع عليه

اوس كال... وسن العصفور والاجار عليه

حازم كله... عفيه هسه اثبتت انك الكو**د اخو الكو**د

حره... ضحكت عليهم شبيهم يتصالحون بلحظه ويتعاركون صدك علاقتهم غريبه

ماجذب رشاش من كال النعل تتطافر

سمعت حازم كال... يلا كوم اوس

رشاش كال... ها وين

اوس كال... نقفص ع العالم

رشاش... انجب واحجي وين رايحين

حازم كله... مامحترم اوس طول عمرك تجذب

ديجاوب اوس رشاش كللهم... يابه طلعتو شيب براسي

اوس كله... نفرفر ببغداد ونرجع مقدم كسار كال اغديكم وضربنا بوري

رشاش... عندو شغل وينو وينكم

حازم كله... ما مشكله نتغدا يمو بشغلو

رشاش كال... بكر ليش مااجه

جاوبه اوس... ملتحق

حره... اجه واحد قريب  عالباب داياخذ حذائه

شفت رشاش سد الباب وطلعو برا يحجون اصواتهم عاليه الى ان صار هدوء

اجه فتح الباب درت وجهي عنه زعلانه كال

رشاش... حضري نفسج

حره... شنو

رشاش... رايحين لتكريت

فتحت عيوني كتله... مستحيل

رشاش... مجاي اخذ رأييج جاي ابلغج

حره... ما والله مااروح رجعني لاهلي ... ديطلع جريته من قميصه كتله... وين رايح دحجي وياك

رشاش... حره اسمعي الكلام ولاتخليني اقسى عليج

بجيت كتله... والله مااكدر بدونهم شبيك

رشاش... تعلمي

حره... ودراستي شلون

رشاش... ما بكل الاحوال جنتي راح تبقين يم بيبتج مافكرتي بدراستج

حره... جنت ناويه ارجع فاخذت اجازه

رشاش... حلو يعني غيابج مايفرق

حره... يعني ترجعني لاهلي مو؟

رشاش... لااا

حره... شنو لاا وين تريد تاخذني رشاش داكولك مشتاقه لاهلي حيل

رشاش... ادري.. ومشى

حره... والله اذا مارجعتني احرك روحي

رشاش... اوكي وترحين لجهنم  وماتشوفين اهلج نهائيا تمام احركي روحج

بجيت وضربت رجلي بالكاع كتله... زين هاي تكريت وين صايره

رشاش... اخذج وتعرفين

حره... هي نفسها الانبار

رشاش... لا

بجيت كتله... وشنو مترجعني لبيتنا بعد؟

رشاش... بيتج يمي وين مااروح انه تجين وياي

حره... ماريد والله

رشاش... بس انه اريد

كعدت ابجي بزاوية الغرفه كال... اذا ضليتي هيج معانده حتى دراستج تحلمين بيها

صيري حبابه واسمعي الكلمه... وطلع من الغرفه

مجرد التفكير اني رايحه لمكان مااعرفه وابتعد عن اخوتي صابتني رجفه مو طبيعيه بجسمي كلت مستحيل اروح وياه ضليت بمكاني ماتحركت الجو بارد صابتني بروده بجسمي شويه وطب

بيده ملابس حطهن كدامي وكعد كال

رشاش... كافي يولو لتكبريها بكل الاحوال جنتي راح تجين وياي رجلج انه

كتله واني ابجي... رجعني لاهلي

رشاش... سالفه انسيها

حره... واني مااطلع منا لو اموت

رشاش... استغفر الله بطلي عناد حره

كتله واني اشهك... رشاش شبيك كتلك مااعيدها والله ولا اطلع بدون اذنك رجعني حباب

كام كال... لبسي هذول يلا ورانا طريق

شمرتهن عليه كتله بصياح... والله مااجي مو بكيفك هي

كعد كدامي كال بحده... تلبسين الملابس بدون صوت لاتخبليني

حره... مااروح والله شبيك

جرني بقوه وكفني كال... دحكي الج دقيقتين تغيرين ملابسج واذا تعبانه انه اغيرهن الج ما مشكله

ضربت رجلي بالكاع كتله... مااريد اروح شبيك

لزم دكمة قميصي ديفتحها دفعته وابتعدت كتله... هاي شدتسوي وخر

رشاش... تلبسين لو البسج انه؟

حره... تمام البس بس مااجي وياك

رشاش... الج دقيقتين

اخذتهن جايبلي صايه وحجاب شمرت الحجاب ع ااباب صحت كتله... ماالبسه

اسمعه يكول من ورا الباب... شلون تريدني اطحنها هسه

لبست الصايه وفتحت الباب كتله :-حجاب مالبس

رشاش... حرره

حره... والله لو شما تسوي مالبس مو بكيفك هي تتحكم بيا

رشاش... استغفر الله يابه ماجاي اتحكم بيج جاي اكلج بهدوء لبسي وخلي نروح ترا وصلت لخشمي

كعدت ع التخم كتله... مااتحرك منا

اخذ الجنطه وطلع شويه ورجع طب للغرفه طلع وهو يحط الكلاده بجيبه وشال الحجاب من الكاع واجه باتجاهي رفعت راسي اباوعله

حطه ع راسي شمرته

باوعلي بحده ورجع شاله حطه ع راسي شلت ايدي داشمره كال وهو يباوع بوجهي ... اذا تردين اطحنج شيليه عن راسج

خفت نزلت ايدي كال... يلا كدامي

هزيت راسي ب لا جرني كتله... مااروح

ماحجه جرني كتله... والله اصرخ والم الناس عليك

رشاش... سباعيه سويها

فتح باب السياره ودخلني بيها فرفحت من البجي وارجف خايفه فتح السياره صعد حرك السياره كال

:- ترا ماموديج لمنصة الاعدام شبيج

حره... رشاش اذا تحبني رجعني لاهلي والله مااكدر بدون اهلي

رشاش... واهلج مايكدرون يكعدون بلا مشاكل وتخطيطات

حره... لا والله مااطلع بعد بدون علمك

ماجاوب ضل يمشي الرجفه لزمتني لزم ايدي باسها كال... لاتخافين راح نروح هسه لخالتي كلش حبابه راح تحبيها

جريت ايدي منه ضليت ابجي واشهك صار الظهر واني على نفس وضعي كال :-يلا ننزل نتغدا

مجاوبته سكت اشترى اكل وخلاه يمي كلشي مااكلت كال... حره كافي شبيج

كتله واني ابجي... اريد ارجع مااريدك

رشاش... ليش ماتريديني؟

حره... شو طلعت مدري شلونك وتريد بس تتحكم بيا اني ماتحمل هيج انفجر

رشاش... هذا كله لان كتلج لبسي حجاب!

حره... مااريده

رشاش... الحجاب هذا لمصلحتج ترا انه رجلج ما عدوج من اكلج لبسي يعني ضروري واصلا حرام انتي بالغه شلون ماتلبسين حجاب؟

حره... اريد اهلي

رشاش... ماشتاقيتي لسالي

باوعتله مسحت دموعي هزيت راسي باي كال... راح اخذج تشوفيها

حره... والله

رشاش... اي

حره... واخواني خطيه اكيد يدورون عليه

رشاش... لا بلغتهم انتي وياي

حره... ليش هيج اكيد استفزيتهم وانقهرو

سكت مشى مسافه كتله... زين خلي اخابرهم

رشاش... نوصل لتكريت وتدللي

مشى الوقت واني مماكله كال... اكلي ولاتضلين ع كلشي تبجين

حره... غير انت تقهرني

كرصني من خدي ضربت ايده كال :-اكلي يلا

حره... رشاش راح تخليني اشوف سالي صدك مداتجذب عليه مو؟

رشاش... وداعت عيونج اخليج تشوفيها

حره... واخواني شلون مشتاقتلهم

رشاش... بعدين اقرر

شفت الاكل كتله... اريد كيك بالكاكو مااريد هذا

رشاش... شيشبعج

حره... اشبع عادي

صف يم سوبر ماركت كال... عدلي شالج ونزلي

حره ... خلي انزعه

رشاش... انجبي... وفتح الباب

طلعت سديت الباب قفل السياره واجه يمي رفع حجابي عدله وكال... تعاي

دخلنا السوبر ماركت اشتريت كيك وعصاير واندومي وهالسوالف ورجعت للسياره كعدت اكل اتصل عليه كسار سولفو شويه وسده

دااكل وشفت بالطريق دولاب الهوا كتله

... الله مدينة العاب متاخذني لهناك

رشاش... اشتعلو اهلج ذكرتيني بفستانج الاسود المخصر

حره... احترك

رشاش... ما مشكله اجيبلج مثله باوعلي كال... تلبسيه الي ما بالشارع

سكتت وكملت اكل كتله... شوف لهيتني ومااخذتني للمدينه

رشاش... مانلحك ع غير يوم

مر وقت ودانمشي طبينا لمكان حلو تقريبا بيه بساتين وماحسيت غير سياره سوده شخطت كدامنا... يتبع...

_______________________

شلونكم فراشاتي

قبل فتره نزلت شبيه لـ عثمان ع الانستا ونسيت انزله هنا

عثمان كلش يشبهه الممثل اسر ويست

(الممثل امير مثل بهوى بغداد)

بقية الابطال داابحثلهم عن شبهه اول ماالگى انزله الكم تدللو

اكو بنات هوايه يسألن عن موعد النشر

موعد النشر بين يوم ويوم

واذا گدرنا وصار عندنا مجال اني وحره ننزللكم بارتات هديه

بس الوقت دايركض ويتسابق فمدا نلحگ شي

وبالذات عندنا مسؤوليات هوايه علينا 🥲💔

يلا فراشاتي صوتو وعلقو وتابعوني لا اصيح رشاش يقسم عليكم

حساب الفيس بوك

Nawras qasim

حساب الانستا

Nawras_qasim_22

بنات انضمو لگروبي ع الفيس بوك

گروب فراشات العراق _Iraq butterflies

تصبحون على الف خير 🦋

احبكم♡