تحميل رواية «حكم البشر» PDF

بدون لينك...شيخ العرب اللى اتفاجاءه ليله دخلته ب العروسه السمينه اللى اتبدلت ومن شده جمالها عمل اللى.....

كان شيخ العرب صالح شاب اربعينى عريس زى القمر دخل اوضته ولقى العروسه مستنياه قال..

احم احم يا رب يا ساتر .... بس قال بفرزع.. يا ساتر يا رب ايه ده

قال كده لما شاف وش العروسه وكانت سمينه جدا قال بصدمه..

انتى مين وايه جابك هنه وفين حسنه

قالت بتوتر... اني حسنه

قال بزعر... حسنه كيف وازاي.. فين مرتى اللى انا اتجوزتها انتى حسنه كيف.. انتى بتهزرى انطقى يا بت فين حسنه..

قدام باب الاوضه كانو واقفين راجل في اواخر الستين والست في الخمسين دول عامر ابو صالح... وهدى امو.. كانو حاطين ودانهم على الباب.. وهدى قالت بخوف...

شكلنا ضيعنا البت الواد.. مش هيسكت يا عامر... هيخنقها...

عامر... اش اسكتي ولما يسالنا هتقولى كيف ما انا قلتلك اياكى تقوليله الحقيقه.. ده لو يعرفها مش هيعرفنا تانى...

هدى بخوف.. احنا ضيعنا البت وضيعنا الواد معاها... طب هو لما نكدب عليه دلوك.. ويسكت.... ويعرف الحقيقه بعدين هيسامحنا

عامر... لو اللي في دماغي مشي صح هيسامحنا واقعدي ساكته بقى عشان ما سامعهوش.. انا عايز اعرف بيقول ايه...

بس راحو اوضتهم بسرعه على الاوضه اول ما سمعو صالح بيقول بزعيق.....

ابوي يا ابوي...

وراح اوضة عامر وقال.... يا ابوى مين اللي في الاوضه ها مين... مين دي.. وفين حسنه مرتى..

عامر... هدى يا ولدي هنقولك مين دي يعني اكيد مش هنسيبك كده بس اقعد تعالى استهدى بالله...

صالح... قعدت اهه مين دي جات من فين اصلا.. فين حسنه مرتى ...

هدى... مهو هي دي حسنه يا ولدى

صالح... كيف دى حسنه.. اللى ورتونى صورتها كانت حلوه قوى دى اعوزو بالله قوى

عامر.. طيب اهدي هاقولك حسنه يا ولدي قبل الفرح بكام يوم عملت حادثه ووشها تبدل وجسمها من الادويه يا ولدي زاد وبقت كده.. الادويه والعلاج يكفيك شر المرض

صالح.. انت هتشحت كيف كده.. وليه ما حدش قالى ع الحادثه دى كده تسيبونى على عمايه..

عامر... عشان انت ولدي وعارفك لو قلتلك قبل الفرح بكام يوم على الحادثه كنت هتخلع وتطلع واطي... اتجوزها شهرين تلاته كده وطلقها.. ولا عايز الناس تقول عليك ندل

صالح.. عادي ابقى ندل مش احسن ما لبستوني

عامر.. شوفت كنت متاكد انك هتطلع خسيس.. وما ينفعش تطفش من بنت الناس عشان حادثه عملتها.. مش بالشكل امك ما كنتش حلوه لما اتجوزتها

هدى.. ايه والله العظيم لو ما لميت روحك يا عامر

عامر... اش اصبرى بس.. اع كانت كارته وسمره وتخينه حلت عندى الشكل مش كل حاجه.. مشي روحك يا ولدى.. يلا عاد روح اوضتك دلوك عروستك مستنيه

صالح... طول عمرى فقرى الدهب فى يدى يبقى تراب.. هو سؤال بس.. ما خفتش على مشاعري يعني اما توريتوني صوره دي واجي انا ادخل الاوضه اشيل الطرحه الاقى دى.. بلاش مشاعرى ما خفتش اتسرع.... اتشل اتجلط.. كنت قلتلى كنت عملت حسابي جهزت نفسيتى

هدى.. معلش يا ولدي حقك علينا خفنا تسيب البنيه.. يلا يا ولدي اطلع لعروستك.. بالله عليك ما تكسرش بخاطرها يا ولدي ..

صابر بغضب.. خاطرها ده انا هكسرو مية حته تحت مداسى الفشله دى.. هى مش ما قلتليش عشان خافت الغى جوازى منها اهه اتجوزتها بس هندمها هى ما تعرفش انى هخلي عيشتها كلها سواد تصبر على رزقها بس..

وطلع من عندهم بغضب... وراح على الاوضه لقى حسنه قاعده على السرير بصلها بغضب....

الفصل الثاني من هنا

لقراءه باقي الفصول من هنا

٢....صابر بغضب.. خاطرها ده انا هكسرو مية حته تحت مداسى الفشله دى.. هى مش ما قلتليش عشان خافت الغى جوازى منها اهه اتجوزتها بس هندمها هى ما تعرفش انى هخلي عيشتها كلها سواد تصبر على رزقها بس..

وطلع من عندهم بغضب... وراح على الاوضه لقى حسنه قاعده على السرير بضيق... مسك المخده من على السرير ورماها على الارض وقال بغل...

شايفه السجاده دى غوري نامي هناك هتنامي ع الارض كيف الخدم... فزى يلا...

حسنه قامت وبصيتله بس قال بزعيق...

بتبحلقى فيا ليه يا بت يلا غوري نامي هناك

حسنه حطت المخده على الارض وممدت عليها وهو نام على السرير... فى صباح يوم جديد قام من النوم على صوت خبط على الباب.. قام وفتح الباب وكان عامر صالح قال...

في ايه يا بوى من الصبح كده...

عامر... الناس تحت جاين يباركوا لكم.. عشان الصباحيه وحريم العيلة تحت عماتك وخالتك وحريم عيالهم جم عايزين يتعرفو على مرتك ويباركولها...

صالح بسخريه... كلهم جاين يباركولي على ايه على خبيتى اكيد.. قصدك جاين يشمتو فيا... روح الله يصلح حالك يا بوى وانا هخليها تنزلهم حاضر..

ودخل وكانت حسنه نايمه على الارض زقها برجلو وقال..

انتى يا حيلتها قومى فزى...

حسنه... فى ايه انا صاحيه من بدري بس مش عاوزه انزل قبل ما اشاورك..

صالح.. لا ما تسالينيش على اى حاجه ولا تعتبريني جوزك اصلا.. يلا الحريم تحت جاين يباركوا لك على الصباحيه حقك دلوك بقيتى مرت شيخ البلد.. بعد ما غفلتينى بس ودينى ما هخليكى تتهنى..

حسنه.... اني مغفلتكش انا كنت قاعده وانتو جيتو اتقدمتولي انا ما قلتلكش تعال اتجوزني...

صالح... انا لما احدتك صوت ينخرص ما يطلعش.. تحطى وشك في الارض وتقعدى ساكته يلا غوري كل اليوم هيتقفل طالما اصطبحت بالخلقه دي

بعد شويه كانت حسنه قاعده تحت مع الستات ونزلت بنت جميله جدا فى العشرين ولابسه ومتهندمه.. دى عدل مرات حسن اخو صالح... وقعدت مع الستات وقالت..

بسم الله ايه ده هى دى العروسه اللى صالح عمل كل ده عشانها ولا ايه... ده كان كل ما يخطب بت حلوه ويلاقى واحده احلى كان يسيب اللى خطبها ويروح للاحلى وبعد ما كسر قلوبهم كلهم خد دى.. هيههي صوح صام صام وفطر على بصله

حسنه بصتلهم بحرج وطلعت فوق... ودخلت اوضتها وبقت تبكى

صالح قال بضيق... فى ايه مالك بتنوحى ليه هى ناقصه فقر..

حسنه... مرت اخوك كسفتنى قدام الحريم وقالت انى

بسصالح قال بمقاطعه... لاه لاه لسالك كتير على ما تاجى تشكى من مرت اخوى مش من اولها كده وخدي بالك عشان ما تفتكريش انك مره شيخ العرب وهتقعدي وترتاحي... امتى ما تعملي مشاكل مع اي حد في البيت سواء مرت اخوي او اخوي ان شاء الله حتى نعيمه الخدامه هتبقى هي جوه وانتى بره... عشان تحطى عقلك في راسك تعرفي خلاصك... ما تساويش روحك بالخدامه حتى... وما تحطيش نفسك مرت شيخ العرب.. كلها شهر واطلقك يلا غوري اعمليلي شاي وما بحبش النواح.... وعلى الله الاقيكى بتنوحي على راسى... كفايه الاصطباحه بخلقتك.... يلا غوري ع المطبخ اعمليلى شاى...

حسنه نزلت المطبخ.. وبقيت تعمل الشاي.. بس جات هدى وقالت....

ايه اللي نزلك يا بتي من الصبح تعملى الشاي ده انتى النهارده صباحيتك خلى نعيمه تعملو..

حسنه... لما هو ولدك مش عايزني ليه طلبتينى.. ولما قلتلك شافني قلتيلي شاف صورك وعجبتيه.. شكله ما بيقولش انا شايفني قبل كده ولا عايزنى.. ده مفزوع مني عايزه افهم مفهاش ايه اللي حصل.. مع اني والله العظيم ما قلتلوش حاجه من ساعه ما جيت... طيب انا عارفه اني وحشه وعارفه اني تخينه بس انا ما جيتش قلتله اعمل معروف اتجوزني.. ليه جيه..

هدى... بعدين هتعرفى كل حاجه.. ومعلش يا بتي استحمليه حبه هو شويه وحيهدا....

حسنه... حاضر

هدى.... يحضر لك الخير كله يا حسنه يا بت امنه..

حسنه خدت الشاى وطلعت فوق وهى على السلم لقيت حسن جوز عدل... وقال..

كيفك يا مرت اخوى صبحيه مباركه..

حسنه.. يا مرحب الله يبارك فيك يا اخوى معلش انا هقولك حاجه بس ما عايزكش تزعلها ولا يعني تقولها حاجه هي يمكن ما قصدتش بس انا مرتك من مشويه قالت كلام عني مش حلو قدام الحريم وقالت ان اني عفشه وان صالح يعني سيب بنات كتير حلوين في الاخر ياخدني وقالت يصوم ويفطر على بصله قلها ما تقولش الكلام ده قدام حد تانى

حسن... طب انتى زعلانه ليه انتى فعلا وحشه ما جابتش حاجه من عندها يعني..

طب كده حسن جيه مقاس عدل البس يا سونسون تستاهل عدل والله..

الفصل الثالث من هنا

٣....حسن... طب انتى زعلانه ليه انتى فعلا وحشه ما جابتش حاجه من عندها يعني..

حسنه اتفاجأت بس قالت... ماشى شكرا يا حسن..

ودخلت الاوضه بتاعتها وسندت الشاي على الترابيزه

صالح... سنداه عندك ليه ما تيجي تجيبيهولي ولا مستنيه اقوم اشرب لحالي..

حسنه شالت الشاي ومدته عليه.. صالح قال بسخريه..

قوليلي اطفح بالسم الهاري احسن.. ما تعدلى وشك على الصبح يا بت... حسنه ابتسمت وقالت..

اتفضل تأمر بحاجه تانى يا سيد الناس عايز حاجه تانيه

وسابتها جمبه بضيق وقعدت بعيد على الارض... صالح بقى يشرب الشاى ويقول...

هو انتى ما فكرتيش تخسي ما بعملتيش رجيم كيف البنات

حسنه... والله ما رجيم الا الشيطان.. بقولك ايه انا حلو كده

صالح... حلوه فين انتى مش شايفه وزنك مش شايفه نفسك ما عندكمش مريات

حسنه.... شايفه بس في ناس مش بتاكل قد اكلى وما بتتخنش كدى.... في حاجه جوانا اسمها هورمونات ربنا لما بيخلق جسم قابل ان هو يتخن وجسم لا.. وانا الحمد لله مؤمنه بكل حاجه ربنا بيجيبها ابتلاء بالبلاء بالقضاء بالقدر ما عنديش مشكله فيه.. انت لو عندك مشكله فيه ممكن تعترض انت على انى مرتك وشكلى وتاخد انت ذنوب

صالح... وانا مالى بيكى انا كده كده شكلي جميل وكلها شهرين ثلاثه واطلقك واتجوز واحده جميله كيف ما انا كنت عايز

حسنه.. ماشى براحتك...

بالليل كانت بتجهز العشا ورصه السفره بتاعه العشا وقعدو كلهم ياكلوا وعامر قال...

ايه الاكل الجميل اللي يفتح النفس ده

حسنه.. انا اللي عملت الاكل كله

هدى.... ما شاء الله عليكى نفسك حلو قوى في الطبيخ

عدل.. مش حلوه قوي يا مرت عمى الاكل اللي بتعمله نعيمه احلى بكتير..

صالح اكل منو وقال... لاه وده مش بطال حلو كمان

هدى.. تمام على فكره يا جماعه انا بكره عازمه اخواتي وخوات عامر وحريمه وعيالهم وحريمهم.... تحضرو كلكم وانتى يا حسنه انتى وعدل انتو الاتنين ما تكسلوش...

حسنه.. الله عامله عزومه للعيله...

هدى.. اه عاملين عزومه وانتم يا عيال كمان كل واحد هيقعد مع مرته اصل انا كده معوده كل اخر شهر شعبان بعمل عذومه حلوه قبل رمضان

صالح... ينعاد علينا بالخير ان شاء الله

هدى.. يا رب يا ولدي ان شاء الله

عدل بضيق... انا من رايي يعني ما تنزليش تعملي اكل وتلبسى كويس وتحطيلك حاجه في وشك.. حاجه تخليكى حلوه ما تشمتيش الناس في صالح.. حكم صالح ده بنات كتير قوي من بنات العيله كانوا عايزين ياخدوه بس هو خدك انتى ما ينفعش تخليهم يقولوا عليه ان هو واخدك انتى بعد ما ساب كل دول..

حسنه... انا ما بحطش حاجه في وشي كيف اللي انتى حاطاه ده... اصلا حرام يمكن يكون في رجاله جايه معاهم مش هحط حاجه انا واه ما تشغليش روحك انتى بصالح هو راضى بيا... يلا الحمد لله انا شبعت

وطلعت فوق.. وهدى قالت بغضب..

عدل ايه اللي انتى قلتيه ده

عدل... في ايه مرت عمي اني كنت بنصحها بس حكم انا في كل قعده الناس بتحكي على جمالى.. كنت بقولها تبقى زى عشان الناس ما تتريقش عليها هي بقت على اسم ولدك يعني مش حته واحده معديه وخلاص دى مرت صالح العامرى شيخ العرب كلهم..

صالح قام من على السفره ومشي من البيت كله... وهما قاموا كمان وطلعوا على اوضهم...

وتاني يوم كانوا عاملين عزومه كبيره قوي فيها كل افراد العيله.. وحسنه اتعرفت ع الكل وكانت روحها جميله جدا والكل حبوها ومدحو اكلها وكل حاجه عملتها حتى صالح كان قاعد مع اصحابو ومبسوط من كلامهم عنها وهدى قالت....

ما تروحي تجيبي الحلويات اللى عملتيها يا حسنه....

حسنه حاضر يا حماتي طوالى اهه

وقامت تجيب الحلويات... وكانت عامله كذا صنف بقت ترصهم على الصينيه... بس عدل راحت جابت صابون سايل من على الحوض وحطت حته على الارضيه قدام المطبخ شويه... وحسنه كانت طالعه بالصينيه ورايحه توديها بس وقعت على الارض والصنيه كلها اكبت عليها..

هدى وصالح والضيوف جريو كلهم يشوفوها.. صالح قال...

ايه اللى حصل قومي هاتى يدك..

حسنه... رجلي جات تحتي وما قدراش اقف عليها

عدل... جيب الونش بتاعك يا حسن وتعالى دخله من الباب الوراني خلينا نشيلها..

بس صالح بصلها بحده وقالت.. انا اسفه ما اقصدش بس اقصد يعني ان الوزن ده ما حدش هيقدر يشيله.. خلى حسن وحد من صحابك يساعدك طيب...

حسنه نزلت عيونها بحرج.. صالح قال بحده....

ما فيش داعي مش للدرجه دى يعنى هى قد مين..

وحط ايدها ورا رقبته وشالها وطلع بيها فوق وهى قالت بهمس موجوع...

نزلني يا صالح انا ثقيله عليك ضهرك يوجعك

صالح... لا ما تخافيش ما فيش حاجه... هجيب الدكتوره تشوفك..

واتصل بالدكتوره وجات وقالت.. بسيطه هي بس علشان جات عليها.. دلوقتي هتبقى كويسه ان شاء الله

ومشيت وحسنه قالت... انا اسفه قوى حقك عليا والله ما عارفه وقعت كيف... اكيد ضهرك وجعك ليه ما قولتش للدكتوره تكتبلك حاجه...

صالح... لا عادي ولا يهمك بسيطه انتى تلاقيكى تعبتى بس لفيتى كتير رغم اللي انا قلته كله نزلتى تحت وبقيتي تعملي الاكل والحلويات لاصحابي بصراحه كلو شكر فيكى...

حسنه... انا براعي ربنا فيك وبعاملك كيف ما ربنا امرني لو انت ما عملتش الى ربنا امرك بيه انت حر...

صالح مسك ضهرو وقال... اه ما عملتش فعلا

وراح نام على الكنبه.... في صباح يوم جديد قام من النوم لقاها قاعده على المصله بتقرا قران..

صالح... انتى قمتى ليه مش رجلك وجعاكى

حسنه.. صليت الفجر وبقرا.. الصلاه لازم دي اهم حاجه بعدين انا لقيت روحي قلقانه كده فقعدت اصلي واقرا حكم انا لما بحس ان انا مخنوقه كده افضل اصلي واقرا..

صالح.. بترتاحى..

حسنه قوى.. إذا ضاقت بك الدنيا ففكر في ألم نشرح .. فعسرٌ بين يسرينِ متى تذكرهما تفرح"،

صالح بصلها وقال... احم غريبه يعني البنات اللى تحس انها مش حلوه تلبس كده وتحاول تغير من شكلها... طالما كلام عدل امبارح زعلك لما قالت تخينه ليه ما تغيريش شكلك وتخسى..

حسنه... ابويا الله يرحمه كان يقولى يا بنت يا حسنه الراجل التافه هو اللي بيدور على الشكل لان ربنا بعزتو وجلاله ما بيبصش للشكل وبيبص للقلب وده مش كلامى ده حديث عن رسولنا الكريم صلى الله عليه وسلم قال..

إِنَّ اللهَ تعالى لَا ينظرُ إلى صُوَرِكُمْ وَأمْوالِكُمْ ، ولكنْ إِنَّما ينظرُ إلى قلوبِكم وأعمالِكم : صدق فى كل ما قال ..

اهم حاجه الروح الحلوه والقلب الطيب والنيه الصافيه والعمل الصالح... كان ابوى يقولى اللى هيحبك هيقبلك كيف ما انتى.. بس امي كانت بتقولي هملك منه ده كلام فاضي ما حدش بيهتم بالروح غير عزرائيل

صالح... هو انتى عايزه تقولي اني تافه

حسنه.. من وجهه نظر امي لاه.. من وجهه نظر ابوى اه

صالح.. امم وانتى عتبانه عليا كيف ابوكي الله يرحمه

حسنه.. لاه عمرى ما اعتب عليك

صالح.. ايوه عشان كنت فى حالى قاعده ولبستك اتصدمت صوح

حسنه... لاه عشان كيف ما بيقولوا ما لوش عتاب الصنف الواطي وانت اوطى ما خلق الله عذرك معاك

صالح مسكها من شعرها وقال بغيظ.. مين اللي واطي يا بت ها مين

حسنه... شعرى وحياه ابوك ده الحاجه الوحيده اللي حلوه فيا..

صالح سابها بس هى قالت.. اتجوزتنى ليه اما انا تلبيسه.. امك قالت انك شوفت صورتى وعجبتك انا مصدقتهاش بس لان الجعان يحلم بسوق العيش اتمنيت تكون بتتكلم جد ووافقت بغبائى...

صالح.. انا شوفت صورتك عند امى قبل ما تعملى الحادثه وعجبتينى قوى.. وسبت خطيبتى عشان اتجوزك.. وانتى لما عملتى الحادثه ما جيتيش قولتيلى عشان خفتى اسيبك.. بت كدابه

حسنه.. ايه حادثه ايه دى وصورة ايه اللى شوفتها انا ما عملتش حوادث..

صالح جاب صورة بنت جميله وقال... صورتك دى شفتها مع امى وكنت هموت عليكى بس روحت للبخت اقعد عندو.. جيه النحس وقال اشتريت البيت منو..

حسنه.. وهى الحادثه بتخن يا اذكى ما ربنا خلق.. دى مش انا انا كيف ما انا من يوم ما اتولدت من قلل ابويا ما يموت.. وانا لو عملت حادثه للدرجه دى من اسبوع مش زمانى فى المستشفى رجلى مجزوعه رقبتى مكسوره هتخن بس

صالح.. ايه يعنى انا اتضحك عليا طب كيف

حسنه.. اسالهم عاد انا مالى ده انت لو عيل مش هتصدق الهطل ده...

صالح سابها بسرعه وراح عند امو وابوه وقفل الباب.. وحسنه راحت عندهم وحطت ودنها ع الباب وقالت.. استغفر الله العظيم يا رب سامحني اول مره اعملها

صالح.. انا عرفت انها مش هي نفسها اللي انتو وريتولي صورتها.. وعرفت انها ما عملتش حادثه لو دى حسنه مين دكى.. ومين دى وليه عملتو كدا..

الفصل الرابع من هنا

الاخير.....صالح.. انا عرفت انها مش هي نفسها اللي انتو وريتولي صورتها.. وعرفت انها ما عملتش حادثه لو دى حسنه مين دكى.. ومين دى وليه عملتو كدا..

هدى بدموع... حسنه مش البت اللى فى الصوره حسنه امها صاحبتي وابوها صاحب ابوك الله يرحمهم ماتو وسابوها لوحدها ووصونا عليها..

والبت اللى كانت فى الصوره واحده كانت عدل بتوريهانى هتعمل شعرها زيها... انت لما دخلت وشفت الصوره وشبطت فيها انا لقيت الفكره دي قولت اقولك انها حسنه عشان انت توافق تتجوز حسنه.. ولما تتجوزها هتحبها وهتعرف ان الشكل مش كل حاجه.. واجيب البت هنه لانها غلبانه ومالهاش حد .. وقلت اقولك انها عملت حادثه ما انت ممكن تكون حلوه وتوحش بعدين.. اديك شفت النهارده كل الضيوف شكروها...

صالح.. ايوه ووقعت وما قدرتش اشيلها قدام الناس وبالعافيه شلتها وكسرت ضهري ومنظرنا بقى زباله جدعه ياما انتى وافكارك ليه تلبسيني كده طيب تعالي قوليلي وانا حر

هدى... ما كنتش هتوافق انا عرفاك انت اهم حاجه عندك تاخد واحده حلوه بس مش بالشكل..

صالح.. حقى اختار البنت اللي انا عايزها عجبك شكلي من شويه عشان تراضي صاحبتك الله يرحمها

عامر... انت فهمت احنا بنقول ايه

صالح.. لاه يا ابوى انتز اهلها صحابكم وعاوزين ترضوهم وهى يتيمه انا مالى وكمان سايبينى ابهدلها معايا الله يسامحكم جد يعنى...

حسنه راحت على اوضتها بدموع.. فى يوم جديد بالليل لقت صالح بيلبس قالت..

انت رايح فين...

صالح... صحابى جاين من البندر وعاملين حفله ليا عشان اتجوزت

حسنه.. وانت ما هتاخدنيش معاك

صالح.... لاه مش هاخدك معايا هاخدك معايا ليه بنت اختي

حسنه. انا مراتك وهم عاملينلك الحفله عشان تتجوزت ولا شكلى ما يشرفش

صالح... مش مسالت شكلك ما يشرفش مساله ان انا ما بحبش امشى ويا حريم يلا سلام عاد الناس مستنينى

ومشى وهى قعدت بضيق.. بس جات عدل وقالت..

جيت اقعد وياكى بما ان جوزك ما اخدكش معاه الحفله ياخدك انتى فين وسط الناس اللي هناك اصل انتى ما شفتيش النساوين اللي بيعرفها صالح تعالي اما اوريكي

وطلعت الفون وبقت توريها صور البنات اللي خطبهم قبلها وقالت....

شوفي ملكات جمال بس اخدك انتى نصيبو عاد..

حسنه.. انتى بتعملي كده ليه يعني من ساعة ما جيت شغاله تهزيئ فيا لما ربنا كرمني وحماتي طلعت ست طيبه وما لهاش في ده ولا في ده طلعتيلى انتى ليه اكونش ضرتك

عدل.... لا انا بفك معاكي بكلمتين الغريب انهم بيقولوا رايح فين يا بخت قالوا للعفشه.. قالو طب والحلوه يا بخت.. قالو كفايه عليها حلاوتها... وانتى عفشه وما عندكش بخت متجوزه شيخ العرب كل حاجه على كوم كوم ومش متهنيه وياه وقاعده اقل من الخدامه..

حسنه.. امشى يا عدل وما تخلينيش اشوفك تانى لانى لوشفتك هزعلك جد يلا روحي من هنا

عدل مشيت بسرعه من قدامها وهي قعدت وقالت بضيق

يا ترى صالح بيعمل ايه دلوقتي يا ترى صح في بنات حلوين هناك وصح ما اخدنيش عشان انا هكسفوا قدام صحابه

وطلعت التليفون واتصلت على رقمو وقال...

ايوه بتتصلي ليه مش قلتلك معايا ناس

حسنه.. انا بتطمن عليك بس لانك اتاخرت

صالح.. لا انا كويسط يلا نامى انتى ما تستنينيش تصبحى على خير

وقفل وحسنه كانت قاعده مستنيه.. بس وقفت عربيه قدام البيت وجريت بصت من البلكونه وكانوا كذا راجل في العربيه ومعاهم كذا بنت وصالح نزل.... وحسنه بصت للبنات وكانوا حلوين قوي ولابسين لبس غالي.. صالح دخل وقال...

ايه انتى لساكي صاحيه

حسنه... ايوه عشان اعشيك

صالح.. لا انا تعشيت بره ويا صحابي

حسنه.. دول معاهم حريم

صالح.. ايوه متجوزين دول حريمهم

حسنه... وانت ما اخذتنيش معاك ليه عشان مش حلوه كيف حريمهم..

صالح.. ما اخدتكش عادي يعني ما لوش لزوم اخدك انا اصلا ما بحبش امشي مع حريم ما تعودتش

ونام فى صباح يوم جديد كانت واقفه في الصاله وهدى بتقول...

يا بنتى استهدي بالله بس هتمشي ليه

حسنه... ولدك ملوش ذنب يا حجه انا شكلي اكبر من سني هو لا عارف ياخدني معاه مكان ولا عايز يعرفني على اصحابه.. ولا يقول ان انا مرته قدام الناس ما تزعليش عليا ولو على وصيه امي تعالي شقي عليا كل مره وانا هقابلك انتى من ريحه الغاليه... ربنا ما يحرمناش منك وقدام ربنا انتى عملتى اللي عليكى بس انا قعدت هناك كتير عمرى ما زعلت من البهدله قد البهدله اللي شفتها هنا انا كمان ما يرضينيش انك تاجي على ولدك علشانى... ولما يصحى قوليلو انى مش زعلانه منو وشوفو هيطلقنى ميتى وكلمينى هاجيكم عند الماذون

عدل.. خير ما عملتى والله..

حسنه.. نفسي اعرف انتى مال امك والله دخلك ايه حاشره روحك كيف البصله كده في الموضوع

هدى.. ما هو صالح كان خاطب اختها قبل ما يخطبك

حسنه.. اه طب مش تقولي يلا اهينى فايتها لك

ومشيت بدموع.. ونزل صالح وهو بيقول..

حسنه.. انتى يا بت.. اما فين حسنه عمال انادى عليها ما بتردش ليه.. بالعاده قبل ما اخلص اسمها بلاقيها على راسى كيف العفاريت

هدى... هملتها لك مخدره ومشت

صالح بغضب... ليه مين زعلها

هدى... ماعرفش مين مزعلها اللى استعر منها امبارح وما رضاش ياخدها معاه.. واللي سايب الناس تتمقلس عليها وما حطلهمش حد.. وسايب اللى يسوى واللى ما يسواش يهينها.. وحتى كلمت جوزى مش بتقولها تفضل ليه... ابقى شوف معاد للطلاق وهى جاهزه

وطلعت فوق وصالح قعد على الكنبه بضيق... وفضل طول اليوم قاعد بس كان حاسس انه مخنوق ومتضايق حاول يكلمها بس كان تليفونها مقفول بعد شويه سمع اذان العشاء افتكر لما قالتلو انها كل ما تكون مخنوقه بتصلي وراح يصلي العشاء... والامام كان بيقرا الايه دي بسم الله الرحمن الرحيم

: يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون

صدق الله العظيم

صالح طلع من الجامعه وراح عند امه وقال....

اما

هدى... ايه بتخبط على الباب كده ليه

صالح... عايز عنوانها

هدى.. هى مين

صالح.. هكون عاوز عنوان مين ياما مرتى

هدى... مالك بيها تانى مش هملتهالك

صالح... طلعت واطي قوي ياما

هدى... الحمد لله انك عرفت

صالح.. طب هتقوليلي على العنوان ولا هتقعدى تديني في محاضرات وخلاص

هدى.. ادي العنوان

صالح اخدو ومشى بسرعه. وراح بيت قديم كدا وبقى يخبط على الباب... وحسنه قالت من ورا الباب..

مين..

صالح.. ده انا افتحى.

حسنه فتحت الباب وقالت... ايه اللى جابك

صالح... على الاساس عندك دين واخلاق وبتراعي ربنا فيا فى واحده تمشي من البيت من غير ما تقول لجوزها

حسنه... انا مشيت من الصبح البدري ولا دلوقت اللي عرفت اني مشيت.. وانت اللى قولتلى ما تسالينيش وانت مش معتبرني مرتك خلاص تبقى مسامح فى طلعتى انت اللي قلت ما تشاورينيش على اي حاجه انت ولا مش انت

صالح... انا قلت صوح بس فى الاول

حسنه... هو في اول واخر... انت يا ولد الناس اتظلمت في الجواز دى من اولها لاخرها حتى ليك رؤيه شرعيه قولت تشوفها قالولى شافك.. بص انا خلاص ما زعلناش منك والبيت ما هملتوش عشان زعلانه منك ما تقلقش ولا ليكي ذنب ولا اي حاجه خالص بس انت حقك تشوف حياتك تشوفلك واحده كيف اللي كانوا مع اصحابك في العربيه امبارح تقدر تاخدها معاك من غير ما تتكسف

صالح... على فكره انا مش ما اخدتكش علشان شكلك واصل والله انا بس ما تعودتش كيف ناس البندر اخد مرتى فى دراعى ما تعودتش بس بدام زعلتى هاخدك معايا الحفله الجايه لاه انا بكره اخدك معايا شغل كمان لو عايزه..

حسنه... لاه انت هتطلقنى خلاص..

صالح.. طيب انا مش عايز اطلقك.. عايز افضل معاكى

حسنه.... جد اديك شايفني ولا متاخد على اخوانه ولا غيرو عشان لو رجعت ما تقولش حاجه...

صالح.. خلاص عاد ما يبقاش قلبك اسود كلمه قلتها في ساعه غضب لاه كلمتين ثلاثه زباله عادي عديهالى

حسنه... تؤ شوفلك واحده حلوه انا لو شلتنى تانى هجبلك الغضروف..

صالح... لا مش عايز واحده حلوه انا عايزك انتى انا طلعت غبي ابوكي معاه حق لو واحد حب حد يحبه زي ما هو مش هيفرق معاه شكله انا مش فارق معايا شكلك انتى قمر اصلا

حسنه.. يعني لما ارجع البيت هرجع بصفتى مرت شيخ العرب صالح ولد عامر وهتاخدني معاك البيت مرتك بكيفك واعمل اللي انا عايزاها وكلمتي تبقي مسموعه في الدار وبراه كمان

صالح... ماشى انتى ناويه على ايه

حسنه... فى حاجه هموت واعملها من ساعه ما دخلت بيتكم

صالح.. حاجه ايه

حسنه... المهم رد عليا

صالح.. هترجعى ست الدار وست البلد كلها... وانا اولهم كمان..... يلا بينا

حسنه.. يلا بينا

ورجعوا البيت فى يوم جديد كانت حسنه واقفه مع كام غفير فى الصاله وبتقول... يلا وزعوا اللحم ده على كل الناس الغلابه اللي في البلد

الغفير.... احنا دبحنا ال ٣ عجول من غير ما ناخد راى شيخ العرب

حسنه.. مش انا مرته يا اخ يبقى كلمتى تتسمع يلا وزع

نزلت عدل وقالت... انتى بتهبي ايه انتى عشان رجعك فاكره هتبقى صاحبت مكان...

حسنه جابتها من شعرها رميتها على الارض وقعدت على ظهرها وقالت للغفير.. كملوا انتو يلا

الغفير اخد الاكياس ومشى... البيت كلو اتلم على صراخ عدل وحسن قال..

انتى بتعملى ايه سيبى مرتى

حسنه.. لو راجل قومني..

نزل صالح وقال.... يخرب بيتك بتعملى ايه قومي هتموتى البنت سيبيها

حسنه.. مرت اخوك دى ناقصه ربايه خلينى حبه

صالح كان بيضحك على شكلهم بس شدها عليه وقال..

بس عاد ايه ده هتفطسيها

عدل قامت وهي بتاخد نفسها بصعوبه وقالت...

الحقوني ظهرى راح هموت

صالح.. انتى عملتى ايه يا مجنونه كنتى هتموتيها

حسنه.. سكتنالو دخل بحمارو.. دحبت ٣ عجول من اللي عندكم قولت للغفير يوزع لحمهم ع الغلابه خلي الناس تاكل وتدعيلك وكل ما الناس تدعيلك انت تتوافق في حياتك.. هى تتدخل ليه وتقولى لاه هو كان مال ابوها

صالح.. طيب ماشي وزعى براحتك بس مش تقعدي فوقها كده تموتيها

حسنه.. من ساعه ما جيت غيظاني بصراحه

صالح.. ان كيدهن عظيم.. ده اللي كان نفسك تعمليه من ساعه ما جيتي

حسنه... ايوه بس انت ما كنتش مديلي حقى من اول ما جيت وقلتلي كيفك كيه الخدامه اول ما قلتلى انى بقيت مرت شيخ العرب جيت على طول اخد حقى هى بس لو لا عملت كيف العرسه ولمت الناس علينا.. كنت وريتها ان الله حق

صالح بضحك.. لاه قلبك ابيض خلاص حقك عليا انا... انا من هنه ورايح اللى هيكلمك هموتهولك..

وحط ايدو على كتفها ومش بيها

لقراءه باقي الفصول من هنا