تحميل رواية «هدية الشيخ سراج» PDF

الكاتبه دينا الربيعي ❤

مرحبا حبايب قلبي رجعت وياكم بقصه حقيقيه

من نوع أخر النشر راح يكون يوم بيوم اريد من عدكم متابعه وتصويت حته نستمر بالقصه حبايبي 💐

رفعت راسي واني اسمع صوتها العالي نفخت بضجر شلون ياربي ويه هاي البلوه العندي سديت البوري ونفتح باب الحمام وتحجي بصوتها العالي

سرااااج يعني تقبلها كل يوميه اني اغسل مواعين العشه بله انته موقسمت الشغل بيني وبينها ليش هيج

جاوبتها واني انكث اديه من المي

روحي نزلي وانه نازل وراج واشوف شلون بهاي السالفه تفض لو لاااااا

طلعت اركض الهث من الصعده الله لا يطيج نوره ساعه السوده الي اجيت بيها بهذا البيت عود جبيره بت السطل اله اعلمج شلون تتعاملين ويه حوري مو حوري الي تتشرطين عليها

سراج وينننج نوره نوووووره

ها ها شكو

وعلاااا انه مو كتلج تعوفين المشاكل ويه هاي الطفله لو لااا

خوية والله جذابه جذااابه شتگلك تصدگها

ضربها بخدها من قوه الضربه گلت لزكت ايده بوجها

انه چم مره گتلج لا تعلين صوتج علي ادبسزز تعاي علميني اصدگ منو واچذب منووو حيوانه

مشهد قصير من روايتي الجديده اشوف تفاعل انزللكم البارتات

*****

فـاهي اللـيل يمـهم حتـى مابي لـون

ولا بـي طيـف يرهـم عالجـفن رسـمه

ماصـخ مسـتحاهم وآني مالـح طيــب

اليتبده وي غيــري بـروحـي مالمـه

بيها آعــناد روحــي وي الهـوى من يفوت

اذا يثـكل علـيّ لو مــوت مــا شمه

*****

بارت الأول (هديه الشيخ سراج)

شما يخف حمل السفينه 🛳

يسافر براحه الخشب

الدنيا ماتوكف على احد

لاتكثر بالعتب💔

بغداد الساعه السادسة المساء في بيت الشيخ محسن ابو سراج

منتظر يابه خابرني عليوي ابن حجي كاظم عدهم طلابه ويه عشيره ال،،،،، ويردون يحلوها تگدر تروح بيك حيل يابه لو تخلي سراج يروح بمكانك

الشيخ محسن . والله يا ابني اخوك ماقبل اروح يگول انه اتكفل بالسالفه وانه باجر عندي موعد يم الدكتور

منتظر . ي والله يابه احسنلك من هاي الدوخه كلها شيوديك شيجيبك والطريق شطوله

الشيخ محسن . لا والله وكفاتهم ويانه ماتنعد لو بيه حيل گبل اله اروح بس مدام اخوك تكفل ادري بي شهم يحلها ان شاء الله

منتظر . ان شاء الله يابه بس همه شنو طلابتهم عله شنو

الشيخ محسن . طلابتهم علمود بتهم مطيها الواحد من عشير ال..... وهذا واحد ملعب وموراحه حسب حجيهم انه الولد لاشايفه ولا اعرفه وبعدين همه ماخذين منهم مره يعني صايره گصه ب گصه

منتظر . هاااا هنا الحجي لعد وحده بوحده يطگ اختي اطگ اخته

الشيخ محسن . ي هيج صارت بعد حته محد ياخذ كصه ب گصه من هاي السالفه والله همه ناس فقره وولدهم معدلين بس هاي النسوان عله كلشي سويلها زعله وتوصل للكبار وصير مشاكل

جاي نحجي ودخل الشيخ سراج

الشيخ سراج . ها الله يساعدكم

الشيخ محسن منتظر . هله بيك الله يساعدك

الشيخ سراج . شلونك يابه شلون صرت اخذت دواك

الشيخ محسن .ي هسه اخذت العلاج نواره اطتنيا بوكته

الشيخ سراج .ي الحمد لله ان شاء الله تصير احسن

انه صاعد انام باجر وراي گعده علمود البيت حجي كاظم علمود الگعده قبل شويه هم خابرني خطيه والله متورطين ورطه جبيره ابنهم ضارب زوج اخته طلقه وجايه برجله وذولاك ماخذين جهالهم وكاتلين اخته ودازيها الاهلها والرجال حته للمستشفئ مودينه

الشيخ حسن . الله واكبر هيج وصلت بيهم شوف اشسوت بيهم النسوان

منتظر . هههههه حجي شنو چلبت بالنسوان يجوز همه عف....ة مايتحملون

الشيخ سراج . ليش انته متعرف بيت حجي كاظم وزلمهم العشيره كلها تحمد بيهم زلم عليها العتب بس يمكن ذاك خلاهم يفقدون اعصابهم لان ابنهم احمد مره رحنه انه وابوي هم چانت عدهم طلابه ويه نسابتهم نفسهم ذوله اختهم ماصارلها شهر من مزوجه وگلتلهم اريد اروح لهلي كاتلتها حماتها تگللها ماعدنه مره كل شهر تروح لهلها بناتنا وجناينا كل سنه يرحن وحجايه من هاي وحجايه من هاي وكاتلاتها ومودياتها لهلها

منتظر . هههههه ذني مدربات ويه العسكريه يمكن ايدهن والضرب ميتفاهمن

الشيخ سراج . هههه اي شعبالك لعد ذني لو تخلينه نخطبلك وحده منهم دوه

منتظر . لا دخيلك تريد تموتني يوميه تكتلني هاي يمكن نوب كل سنه يله تروح هاي سنه ماطول وياها اخلص من الكتلات

الشيخ محسن . هههههههه خاف چنه نقنعه يتزوج بعد حته الفكره شالها

الشيخ سراج . هههههه ي من هسه نگله لعد شلون

تركتهم وطلعت صعدت فوگ حضرت دشداشتي والغتره واليشماغ والعبايه نوره كاويتهم بس حضرتهم بعد ماذكرت محبوبتي مستحيل يجيني نوم وانام اذا ما اذكرها

نرجع للزمن قبل سنتين خابرت حبيبتي وخطيبتي الي هيه بت عمي ساره

الووو

ساره . الوو ها سراج

ويامن مشغول صار ساعه ادگ عليج مشغول

ساره . اهوووو انته تحاسبني

لعد شلون يابه ما احاسبج غير اريد اعرف خطيبتي ويه منو مشغوله بله

ساره . ويه ايه جنت احجي يله هسه عرفت

اشبيج بت ال... اشو متعرفين تحجين شبيج تنترين نتر شنو جاهل اني امشي ولي يله

ثاني يوم گلت اروح اشوف حبيبتي شبيها صارلها سبوع مو ع بعضها احسها متغيره خاف مزعلها مضوجها وما ادري وياريتني مارحت دخلت الهم

فتحلي الباب ابن اخوها ورحت للديوانيه واشوفها كاعده هيه واختها وزوج اختها وحماها وسوالف وضحك حسيت نفسي غريب بيناتهم من شافتني ارتبكت سلمت عليهم وكتلها تعالي وياي شويه

انت اشلون تگعدين ويه ناس غرب منو سمحلج

ساره . شنو من سمحلي زوج اختي مو غريب

عوفي زوج اختج وحماها مو بعده شاب مامزوج شنو گعتج يمهم هاااا

ساره . سراج عفيه احجيلك ياها من الاخير انه ماريدك انته عصبي وايدك والضرب متتفاهم وانه وياك منتراهم يا ابن عمي

خليتها تكمل كلامها ضربتها بخدها وكتلها اليوم اخلصج مني لتخافين واني ما مجبور اخذ وحده مثلج الحمد الله عرفتج علئ حقيقتج وراح اخلص منج اله اخليج تتندمين علئ كل كلمه حجيتيها وفعلآ بليل رحت العمي وطلگتها يم سيد بالبدايه اهلها ما قبلو بس كتلهم هذا رأينه اثنينه ولازم تحترموا صحيح حبها بكلبي بعده بس شويه شويه جاي اطلعها من بالي كل

ما اتذكر فضلتني علئ غيري اكرها بالزايد من يمها بعد لا زوجت ولا حبيت لان وحده طيتها كل اهتمامي وحبي الها هيج جازتني وبعد فتره سمعت بيها جايين عليها عيال اختها يردون يخطبوها الحماها وصارت اله

وزوجت وكل فتره تجي زعلانه وبيوم الي اسمع بيهم هنا ما اجي للبيت ولا اخطي خطوه منا من تروح

اعرفكم بيه اني الشيخ سراج احنه ناس معروفين من عشيره ال ..... ابوي شيخ أب عن جد طول العمر لبوي من تعب وتمرض خلاني اني بداله اروح للعالم واشوف

شنو يردون واحل طلايبهم صحيح شغله متعبه بس بعد هذا واجبنه عمري 38 سنه اخر حب بحياتي بت عمي الي خلتني اكره البنات ومافكر لا بالزواج ولا افكر ارتبط مره ثانيه مرات ازوج عرفي كم يوم واطلكها ومو اني الاطلب منها هنه يطلبن مني زواج كم يوم

وعوفنه مخلص اداره واقتصاد واشتغل ويه صاحبي شريك بكوفي وشويه شويه فتحنا مطعم والكوفي طورناها وصارت طابق ثاني صاله رياضيه الحمد الله كله بتعبي وكدرت اسند نفسي والشهاده بس سمعه هه بس شغلي والتزاماتي كافيه وهسه عدنه فكره نفتح

مطعم وجبات سريعه وان شاء الله نكمله

اني الابن الاكبر للعائله وبعدين منتظر وبعدين كرار وخواتنا زمن وزينب ونوره زمن وزينب مزوجات بس نوره تدرس

عمامي عمي هاشم عنده رياض وعبدالله وعلي وريام وساره وتقى

عمي حسن . عنده خالد وروائ وسجئ

عماتي اربعه كلهن مزوجات محافظات اقاربنه وننشوفهن بس بالمناسبات اما عمامي يمنه بغداد كل واحده گاعد بمنطقه

مادري شوكت غفيت كعدت عله المنبه سبحت وبدلت نزلت لگيت نوره مسويتلي ريوگ تريكت وطلعت وصلت البيت الحجي

حجي كاظم . هله والله حياالله من جانه شيخ شلونك

الشيخ سراج . الحمد الله حجي بخير انته شلونك

حجي كاظم . بخير بشوفتك الحمد الله

الشيخ . سراج جوي ولد حجي كاظم معروفين بملكاهم وضيافتهم ناس الهم سمعتهم وطيبين وبشكل گول شيخ شنو السالفه

حجي كاظم . والله يا شيخ السالفه وما بيها تعرف انته احنه ماخذين جنتنه من عشيره ال... واطيناهم بتنه الابنهم بتنه عدها ولد وحامل وجنتنه ماعدها اطفال ونگول الحمد الله صار حجي بين بناتنا ويه الجنه هاي گومي خابري اهلج گليلهم يعيروني لان ماعندي جهال ذاك كاتل بتي شلون خواتج يحجن هيج ويه اختي كتلها وجابها النه راد احمد يودي زوجته كتله لا بابا البنيه بتي ومتطلع زعلانه واحنه عتبه ع زلم من يجون

انه احجي وياهم وره فتره جوي اهله وصار كلام وحجي وابني احمد طلع رشاشه رمه رجل اخته برجله احنه غلطانين وعترفنه هسه يردون يطلگون بتنه ويگولون انتو هم طلگون بتنه احنه كتلك بتي عدها ثنين ولد وتبجي تگول ادر الزوجي وماعوف جهالي رحنه مره ومرتين قافلين گلت ماكو غير الاشيوخ بيت محسن يحلوها الي

الشيخ سراج . محلوله ان شاء الله حجي ومايكون خاطركم اله طيب صدگ اخذنه كم واحد ورحنه عليهم وصار تراضي من الطرفين كتلهم بينكم عشره وجهال

حرامات تروح كلها بساعه عصبيه وصار تدخل بالاول ماقبلو ومصرين طلاگ بس شيخ عشيرتهم ماقبل عليهم وبعدها اقتنعوا المهم الحمد لله تم الصلح بينهم من رجعت حجي كاظم گلي اصعد وياك بسيارتك كتله تفضل

حجي كاظم. شيخ والله ما انسه هاي وگفتكم ويانه وتعبك وعندي الك هديه وهاي الهديه غاليه عليه ناريدك تفشلني وتردها اريدك دير بالك عليها

يتبع......

لتنسون متابعه وتصويت حبايب قلبي حته استمر بالنشر يومين نشر يوم استراحه ❤️

بارت الثاني (هدية الشيخ سراج)

بقلم دينا الربيعي ❤

شيخ سراج . نصدمت من حجه هيج گلت شنو هاي الهديه الهاي الدرجه غاليه عليه

حجي كاظم . بنتي حوري بامانتك شيخ تراها صغيره وهديتها الك لان ماراح الگه غيرك يصونها ويقدرها

شيخ سراج . لا حجي ماگدر اخذ بنتك لان حليت شغله سهله ماكو داعي هيج هديه احنه بخدمتك وتدلل

حجي كاظم. لا شيخ والله مو لان حليت المشكله بس بنتي حوري قررت اهديها الك لان مراح نلگه مثلك بناتي جربتهن كلهن قسمهن شالعه گلبهن قررت حوري اطيها الك اترجاك لتردها

الشيخ سراج . ماعرف شلون سكتت ماحبيت اخجله شفته مثل اليترجاني كتله مقبوله حجي مايكون خاطرك اله طيب الحجي تعبان ويسعل هواي حسيته تخربط

حجي حالتك تعبت اوديك للمستشفئ

حجي كاظم . لا مابيه شي بس اوصل للبيت اخذ علاجي واصير زين

الشيخ سراج . وصلته للبيت ودخل فريت السياره امشي كل سرعتي والضوجه فول عندي احس ورطت نفسي بسكوتي لو گايله ما اگدر اخذها ماعرف ليش سكتت وصلت للبيت گبل للشيخ

الشيخ سراج . السلام عليكم يابه شلونك

الشيخ محسن . هله وعليكم ابني الحمد الله انته بشر شصار ع سالفه حليتوها ان شاء الله

الشيخ سراج . والله حلينها سالفه تعبانه بس اني تورطت شيخ

الشيخ محسن . خير ابني بشنو تورطت شكو

الشيخ سراج . ومن طلعنه من العالم حجي كاظم گال اريد اصعد وياك توصلني گتله تفضل چان يگلي بنتي هديتها الك واريدك تحافظ عليها

الشيخ محسن . اي شكو بيها فخر الك الحجي طاك بنته المفروض تفرح مو تزعل

الشيخ سراج . يابه شلون اني شايل فكره اجيب مره هنا الي مو انوب هديه

الشيخ محسن . وشنو فرقها اذا رحت خطبتها واذا اطوها الك هديه

الشيخ سراج . وشنعرف عنها احنه والله دخت ماعرف شلون اتصرف احسن نفسي عاجز

الشيخ محسن . انته بنفسك تگول خوش ناس ومعروفين وانه اعرفهم لا معرفه يوم ولا يومين عشره عمر انه وياهم ونعم منهم وبخيت اليعاشرهم ابني توكل بالله وهاي هديه من ربك اجتي انته جنت متريد تزوج بس هاي جتي ليعندك انه الباقي عليه راح اروح الهم ونتقدم الخطبتها لان اذا رفضت تعتبر عيبه بحقهم لو البنيه بيها شي وترفضها

الشيخ سراج . ماشي يابه براحتك صاعد انام انه راسي يوجعني حيل

في بيت حجي كاظم

اطياف . جنت اغسل ماعين ودخل ابوي جان يم عيال علياء علمود يرجعوها وشفت ابوي گوه يمشي دخلته للديوانيه وجبت دوامالته شربته جان يگول صيحيلي عمار

اطياف . عمار ابوي يريدك

عمار . ها وصل ابوي اجيت يله

نزلت لگيت ابوي حالته تعبانه ويفرك بصدره ابوي جان عنده ذبحه قلبيه وسكر بس تعبت حالته من صارت مشاكل ويه نسابتنه

عمار . هاي يابه احنه هسه وصلنه قبلك خيرك بيك شي

حجي حسن . لا ما ب بيه ش شي ا ا بني أ أ ن ني أ طيت ح حو حوري جر نفس طويل ورجع كمل حوري للشيخ س سراج مره اله هديتها اله لحد يعارض هاي وصيتي اذا متت حوري تطوها للشيخ هديه يتزوجها وتصير بامانته اذا عزيز عليكم لحد يعارض

عمار . عمرك طويل يابه بس ليش سويت هيج وحوري بعدها طفله وينها وين الزواج

ابوي جان من يتعب دائمآ الحجي گوه يطلع من عنده بس من ننطي العلاج يصير زين تعلمنا علي ونعرف اله شلون لازم نتصرف ويا ماجنه متوقعين ابوي هاي نهايته امن عله عائلته وحل مشكلتنا وأمن علئ حوري ومات اي ابوي مات بعد ما أمن علينه وكأنه اطفال صغار حنيته وحبه وخوفه علينه انتها اليوم

شفت ابوي گام يشوخر عرفت ابوي مات صحت يابه يابه لا حس ولا نفس اطيااااااااف اطيااااااااف

حوري . مرحبا اني حوري عمري 15 سنه احنه ناس عايشين ببساطه ومنحب المشاكل ابد ابوي رجال معروف وخير والناس كلها تعرفه وابوي بكل گعده عشائريه موجود لان الناس تحبه وتحترمه وميقبل بالباطل

احنه خمس خوات وثنين ولد

اختي الجبيره رغد مزوجه ابن عمي عمر وعدها تلاثه ولد

وسها مزوجه جوارينه وعدها بنيه وولد

وعلياء مزوجه غريب اخو مره اخوي عمار وعدها ولد وحامل

واطياف مامزوجه بس ابن خالي يريدها لان دائمآ خالتي تگول لأمي اطياف الأبني

واني اصغر وحده بالولد والبنات حوري مدلله من الكل وكل أوامري ينفذوها بس شي وحيد ماقبلوا بي هيه المدرسه اخوي حيدر جان يگول البنيه من تعرف تكتب وتقره كلش كافي بعد

واحنه ماعدنه بنيه تكمل الحد ثالث متوسط ولازم نبطل بس اني صراحه ماجنت احب المدرسه واكيف امي ماتكعدني حته ابقه نايمه ومرات اسوي نفسي مريضه للخامس ابتدائي وبطلت وبالدفرات يله وصلت للخامس هاي هيه المهم اكتب واقره الحمد لله

والولد اگبرنه كلنه عمار وحيدر وره سها اجه بس اصعب واحد بالبيت هوه حيدر وغيور كلش بحيث بيتنه مغطي من كل الجهات الطرمه مالتنه منگدر نشوف منها شي جاب الحداد ولضمها لضم النه وملابس ماكو شر بالسطح بس بالمنشر وممنوع وحده تروح للسوك جانن خواتي يگولن لأبوي ويرحن بالبوگه من عنده واذا بيوم فلت السانهن گدامه وعرف يگلب الدنيه گلاب علينه ويتعارك ويه ابوي ويطلع

امي جانت تگول من يزوج يتغير بس شيزوجه كل مانگله خلي نشوفلك مره يطلع الف عذر ويخلي امي يطير واهسها وتبطل

نرجع عله تعارف ابوي عنده اخو واحد وثنين خوات راح تگولون ليش خلفتها جددتج قليله جانن النسوان قبل كله درازن يخلفن بس جدتي خطيه جدي الله يرحمه توفه وعمري عمتي الصغيره اربع سنوت يعني جانوا ابوي وعمي وعماتي صغار ومات خطيه

وجتي ربتهم وتعبت عليها وحدها

عمي سلمان . عنده علي وسيف وحسين وهدى وندى

وعماتي سوهن وجميله مزوجات اثنين خوان

عمتي سوهن . عدها مراد ومشتبى وميثم ورقيه

عمتي جميله . عدها عبدالله ريام وهيام غيث

نرجع للحادث مال ابوي اني جنت فوگ اغسل بالزويله بالسطح ماخذه راحتي السطح حته هوه مابي من گد الخنگه البي حيدر سواله سقيفه لا نشوف واحد ولا واحد يشوفنه ومن گدام مشبج مال زرع ومثل البلكونه بيها باب همه الولد يطلعون يشرون اذا نغسل الفراشات الستراه مالتنه عريضه وتاخذ افراشات وبيوم النغسل فراش يتساعدون عليهن حيدر وعمار يشروهن

جنت اغسل ومندمجه هسه بديت اشطف بالزوليه واسمع اطياف تصرخ انكمش گلبي گلت ياستار ياربي ذبيت الصونده من ايدي ونزلت ارگض من سمعت طاري ابوي تخبلت

دخلت للأستقبال واشوفهم يگعدون ابوي مجاي يگعد هنا حيلي نهد عرفت نفسي خسرت شي عزيز عليه لابيه اگعد بعد ولا بيه اگوم ماعرف شنو اريد اسوي احس صوتي راح اريد احجي ميطلع صوتي صارت رجفه بجسمي واسنوني طگطگ مادري خوف لو نقهرت لو شنو ماعرف صافنه ع ابوي فقدت ماعرف شنو الصار بس العرفته فقدت الوعي وبعدين گعدت عله صوت

ناس عرفت ابوي مات تمنيت جنت بحلم ومصار الصار بس موبيدي شي هذا قدر ومكتوب گعدت لگيت عماتي يملخن بروحهن وبنات عمي وبنات عمتي وبيت جدي اهل امي وهواي عالم شوكت جوي ذول كلهم حته عماتي بعيدات بالمحافظه شجابهن بهاي السرعه ما ادري ادي توجعني نتبهت عليها معلگيلي كانونه ومادري بنفسي الكانونه بعدها بأيدي رحت يم امي وخواتي ماگدر اشرح حالهن كل وحده صايره بصفحه عله منو اروح عله منو ابجي ماعرف الله لا يفجعكم بعزيز ولا يراويكم هيج يوم بعدها بدت مراسم الفاتحه وجابوا ابوي حبيبي للبيت شويه واخذوا بعد ماگطعنه نفسنه علي بس كل هذا ميفيد بعد راح العزيز

الفاتحه بقت تلاثه ايام ناس كومه تروح وتجي وناس بقت يمنه البيت نترس ترس مالنه مكان نگعد بي من العالم الله يرحمه شگد الناس جانت تحبه وتقدره وهيج كلهم لتموا بفاتحته الله يرحمك حبيبي الغالي

خلصت الفاتحه وراها طلع السابع مشت ايام وراحت ايام البيت كله حزن وكئابه اجه الأربعين مال ابوي الله يرحمه رحنه كم سياره عمي وعماتي واحنه وخواتي وحته اختي علياء هيه وزوجها وامه هم اجوي ويانه

رحنه لأبوي كل واحد حجه البگلبه ومگدر يرتاح لكن مابدينه شي وميجوزله بعد غير الرحمه قريناله قرأن ورحنه للأمام علي عليه السلام صلينه ودعينه ورجعنه للبيت كل واحد راح البيته

وراها بيومين اندگت الباب بس شفت اخواني حيدر وعمار كأنهم متحضرين لجيه خطار النه اخذني الفضول اريد اعرف منو اجانه لأن شفت عمار فتح الديوانيه ودخلوا تلاثه زلم ثنين معگلين وواحد وياهم

رحت يم الصاله ردت اشوف بس ماشفت شي رحت يم امي

يمه منو ذول العالم لأجتي علينه

ام عمار . مادري والله بس عمار گال راح يجينه خطار

يمكن نص ساعه وراحوا اجه عمار امي سألته

ام عمار . منو ذول يمه خير ضل بالي خوما اكو شي

عمار . اباوع الحوري طفله بعدها بس هاي وصيه ابوي لازم انفذها

يمه ماكو شي بس جوي خطابه الحوري

حوري . اتسعت عيوني من الصدمه

يتبع......

مرحبآ بالجميع ❤️

البارت الثالث (هديه الشيخ سراج) بقلم دينا الربيعي

تعلمت القوة بنفسي وسندت نفسي بنفسي فلا حب يغريني ولاعشق ينهيني 👌🏻💔 بقلم دينا الربيعي

حوري . انصدمتتتتت صدمه لأن اني اصغر وحده بالولد وبالبنات واخوي بعده ممزوج واختي اطياف اكبر مني ولسه ممزوجه يعني جنت طفله تفكيري كله شوكت اكل شوكت اتفرج مسلسلتي وحته ماجنت افكر انو يجي يوم وازوج احلامي جانت عله گد عمري

ام عمار . عزا العزاني منو هذا قليل تربيه يجي يخطب اختك ويدري ابوها ترابه مانشف منووو

عمار . حوري روحي شويه يم البنات حبيبتي اريد احجي ويه امي

حوري . بقيت ارجف مدري من الخوف مدري بردت حته الجو جان شهر العاشر موبارده بس بعد صدمه غيرت كل كياني

عمار . يمه حوري بيوم الرحنه لنسابتي علمود مشكلتنه من رجعنه ابوي الله يرحمه گال انه رايح ويه الشيخ سراج يوصلني گتله ليش احنه نرجع بسيارتنا گال لا عندي سالفه ويا طلع گايل للشيخ اهديك حوري

ام عمار . يمه صخام الصخمني البنيه صغيره وينها وين هاي السالفه

عمار . ومن رجعنه هوه وصل ورانه اجتي اطياف گالت ابوي يريدك من نزلت علي گلي ابني وصيتي خاف اموت حوري اطيتها للشيخ لحد يعارض بتي حوري هديتها للشيخ اذا تردوني ارتاح اطوها اله

ام عمار . الله يرحمه بس ليش سوه هيج كلها لان حل المشكله حته ميستوجب ينطي بته هديه

عمار . لا يمه مو لان حل المشكله يگول اطياف مأمن عليها عد خالتها بس حوري صغيره وماكو واحد يستاهلها غير الشيخ

ام عمار . تتذكرون لمن جان يهوسلها بت الشيخ لأبن الشيخ وهيه تضحك وصفگ بديها جان الله يرحمه يگول حوري اطيها الواحد يستاهلها

عمار . ي الله يرحمه جان يگول عزيزه گلبي حوري

......

الشيخ سراج . طول الفاتحه تلاثه ايام احنه بيت حجي كاظم الله يرحمه ماعفناهم حته ابوي رغم تعبه اجه گال جان اقرب واحد الي وبكل مشكله يحضر وياي ماعوفه بفاتحته

بعد ماخلصت الفاتحه وجتي الاربيعين مالته هم رحنه وياهم من رجعنه وره كم يوم ابوي گال لازم نروح نخطب البنيه واهلها يدرون ابوها حجه وياك

سراج . ي يابه الله كريم هسه بعدهم العالم حزنانين بعدين نروحلهم

شيخ محسن . لا ابني مابيها تأجيل هاي السالفه المرحوم راح يرتاح بگبره اذا نفذنه وصيته هسه منسوي شي بس نعقد الكم ومن تطلع السنه الله كريم

سراج . ماشي يابه براحتك والله وره يومين رحنه للعالم وگنالهم وعمار گال ابوي وصاني هم قبل ليتوفه وگلي بنتي للشيخ ولحد يعارض بس گال خلي تطلع السنه وخذوها احنه من شفناهم حزنانين هم اشرت لبوي بمعناه اتركها سالفه العقد هسه شويه وطلعنا بما انه البنيه نحجزت بعد الله كريم منا لمن تطلع السنه

حوري . اجتي امي يم البنات گاعدين نشرب عصير واطياف مسويه كيك بحيث هنه يسولفن واني صافنه شلون نخطبت والمن وليش الف فكره براسي واگول ماريد اهلي يقبلون ماريد اعوفهم من هسه گمت هيج افكر امي بس شافتني گالتلي تعالي وياي اريد احجي وياج رحت وراها

ام عمار . شوفي بتي انت اكيد سامعه بالشيخ سراج

حوري . ي مرات جنت اسمع ابوي لو اخواني يحجون بي بس ماعرفه منو

ام عمار . ماما هذا شيخ عشيرتنا شيخ ونعم منهم من راحو ويه ابوج ابوج گايله عندي الك مره ازوجها الك وعمار اخوج يدري بالسالفه وهسه جوي علينه علمود هذا الموضوع واخوج گللهم تطلع السنه ويصير خير ان شاء الله

حوري . يمه ليش ابوي اطاني الهم ماريد ازوج هسه اني ماريد اتحمل مسؤليه واني صغيره

ام عمار . حبيبتي بنيتي قابل زايده عندي ابوج لو موخوش قسمه يطيج الهم وبعدين هاي سنه الحياه لازم كل بنيه من تبلغ وتكبر تجي قسمتها وتتزوج اني ازوجت ابوج عمري 17 سنه يعني اكبر منج بسنتين ومنا من تطلع السنه مال ابوج الله كريم ياعمري هاي وصيه ابوج وحته يرتاح لازم نفذ وصيته حته يأمن عليج قابل انت مثگله عليه واريد اخلص منج

حوري . اسمع كلام امي وابجي بس افتهمت انو لازم اقبل وميصير ارفض نمت واني كومه افكار متجمعه براسي منو هذا وشلون شكله وراح احبه لو لا وووووووو اخر شي مدري شوكت نمت صرت يوميه شاغلي وفكري كله هوه سراااج الي

لحد هسه ماشايفته ياترئ هو هم يفكر بيه هم يسأل عليه وصار كل شهر يدزلي مبلغ مال شهر بيد عمار اگله عمار ماريدهم يگلي واني هم ماقبل بيهم بس يگلي بعد هيه صارت محسوبه عليه ومصروفها عليه اهلي مامقصرين مني بس اهلي

يستحون منه بما انو هو شيخ ويعرف بهيج سوالف اخوي ياخذهم يطينياهم امي سوتلي جهاز كامل منهم كل شهر تشتريلي كم شغله الى ان جتي دوره السنه مال بابا بيومها عزمنه الكل وعمار جاب طباخ وعمامي وعماتي وهواي ناس جتي ومن ضمنهم الشيخ سراج بس ماشفتهم لأن النسوان

راحت وبعدين الزلم يعني همه راحوا زارو الأمام علي عليه السلام احنه رحنه لبوي وبعدين رحنه زرنه وماشفته التهينه بأبوي الله يرحمه غسلت القبر بيدي ومسحت الصوره وحجيت ويا حبيبي فراگه صعبببب حييل رجعته للبيت هلكانين تعب گبل صعدت نمت ماگعدت منا الثاني يوم

وره شهر تقريبآ اجه عمار جان يگول حضري نفسج الاسبوع الخ خطوبتج راح يجون علينه الناس وگام يحجي ويه أمي ويگللها منريد هوسه واغاني شي هادء أمي گلتله اكيد

هذا السبوع كله دخت بي امي خطيه تعبت وياي ودتني للصالون حفتلي وجهي بس بجيت بجي يمكن عله ابوي مابجيت هيج من الألم عبالك تشيل الجلد مو الشعر وهيه ماشاء الله سريعه ومتنطيني مجال اتحرك وبعد ماخلصت خلت خلطات اشكال الوان بوجهي وتفرك بي وخلته بعدين بخار

واقنعه اشكال اول مره احف وگلت بعد توبه اذا حفيت وقصتلي اطراف شعري بس گمت اعدل شالي شفت نفسي متغيرررررره حيل احس عيوني كبرن ووجهي احمررررر طلعنه شفت اخوي حيدر منتضرنه رجعنه للبيت ثاني يوم رحنه للسوگ اشتريت فستان نيلي امي گوه نزعتني الأسود بليل لان نيشاني ثاني يوم گالت ذبي بعد خلي نفرح بيج وميجوز بعد تبقين بالأسود ومن رحت اشتريت فستان ردته غامق اللون

ماحبيت يكون فاتح لونه اختاريته لونه نيلي قصير فوگ الرگبه ومخصر عله الجسم ومن يم الصدر والضهر تور عجبني نازك حيل واشتريت ويا حذاء عاليه هم نيلي بس حلوه ونازكه ورجعنه للبيت وامي اتفقت ويه ام الصالون نفسها تسويلي مكياج خفيف وبدون تسريحه بس تسويلي كم خصله ويفي عله طوله شعري اسود وطويل جوه الورك بس من قصت من اطرافه صار نهايه ضهري كولش لان حبيت اخذ من طوله شويه

اطياف . حوري تعالي سويت ماسك مدام حافه جديد خلي بوجهج قبل المكياج يطلع حلو وصافي

ريهام زوجه عمار . ي والله جيبي اني هم اخلي وياكم عله الواهس

حوري . خلينه ماسكات كلنه وناكل شاميه ههههه شلون توقيت اخر شي دخلت للحمام لان باجر الصبح اروح للصالون طلعت جففت شعري نزلت تعشيت ونمت گعدت الصبح راحت اطياف وياي للصالون لبست فستاني وخليت مكياج خفيف مثل ما امي وصتها برزت عيوني والباقي كله خفيف شعري عله طوله بس كم خصله برمتها طلع يجنن اطياف تقره ايات عليه والبنات يگلولي بعدج صغيره ماعرفت اجاوبهم اكتفيت بأبتسامه بعدين اجه حيدر تلفلفت وطلعنه

وصلت للبيت مثل ماگال عمار ممنوع اغاني بقينه نسولف منا من اجوي همه

......

الشيخ سراج . اليوم العقد مالتي قبل اسبوعين متفق ويه عمار وحددنه الموعد وابوي ومنتظر عازمين الدنيا كلها ناس هواي جتي وشيوخ واگف البس بالرباط اجتي بالي البنيه الراح تكون زوجتي المستقبليه شلون راح تكون هادئه عصبيه حلوه كل هاي الأفكار جتي براسي تخيلتها تشبه سوسو المخبله بفرعنه ابتسمت ونزلت تلگوني بالهلاهل والاغاني بعد محتفلين ههه صارت وكت طلعتنا البيت العروس هواي ناس راحت ويانا دخلنه جان عمها وخوالها وعمار وحيدر والشيخ اليعقد النه من شيوخنه مو غريب

اتفقنه عله كلشي والشيخ گال يله نقد بعد ماقرينه الفاتحه

اخوها راح سوالنه مكان بالغرفه حته نعقد

شويه وگال تفضلوا رحنه انه والشيخ ماشفتها اول مادخلت جانو مغطيها بشرشف ابيض بس اسمع صوتها هادء وناصي حيل گوه ينسمع گلت هذا صوتها يبقه هيج لو بعدين تطرشني هه

خلصنه وتباركولنه واطلعوا گالت امها تعرف عليها الحد هسه محد شايف الخ

اشوفها تتحرك بس الحد هسه ماوخرت الغطه من وجها تقدمت بقيت واكف بدون اي رده فعل گلت اشوفها شوكت تكشف عله وجها اخر شي جريت الغطه من عدها

تهت عله شنو اباوع جمالها موطبيعي وترجف العيون سحرن گلبي الرموش طولها الحد صدري ونااااعمه حبيتها وحبيت كلشي بيهاااا والحمد لله ملكتها هديه گلبي

يتبع .. لتنسون المتابعه بحسابي والتصويت

اهلآ وسهلآ شلونكم

ليش ماكو تفاعل على القصص لا مأساه عسكري ولا هاي بنات اهم شي ارأكم عندي حته اعرف حبيتي القصه لااا والنجمه هم ضروري حته تصعد القصه حبايب قلبي ❤️

البارت الرابع (هديه الشيخ سراج ) بقلم دينا الربيعي

-

يلقون عليك كلماتهم السيئة إذا

لم يتمكنوا من الوصول إليك."

#❤️

الشيخ سراج . تعالي قربي عليه ليش شارده اباوع عليها ترجف عيونها ناعسات تخلي الواحد اجباري يشوف الجمال بيهن قربتها عليه ومدنگه راسها رفعت وجها بثين اديه وبستها براسها

صرتي مره الشيخ سراج الف مبروك النه

حوري . كل الگعده والعقد مالنه كلشي مافتهمت منه بقيت خجلانه وخوفه من شنو ما اعرف كل الأعرفه اني دخلت بمتاها ماعرف شلون اصرف ماعرف شلون لازم اتعامل ويه رجال اكبر مني ب16 سنه اول مره اسمع صوته من عقدنا تملكني شعور ماعرف شلون اوصفه صوته بي بحه وعالي مو مثلي گوه تطلع الحجايه مني ومرتين يله وصلتلهم هه وبعدين من طلعوا اهلي خفت حيل ردت واحد يبقه ويانه بس گالت امي خلي يتعرفون تقدم بأتجاهي وخر عبايه الصلاه بس حته وجهي مغطيته جنت اول مره اشوفه جتي عيني بعينه من شفته مركز بيه نزلت عيني لان حسيته يفتش بيه مو يباوع تقدم اكثر ورفع وجهي بأثنين اديه باسني بگصتي ورجع باسني بخدي گلت بگلبي شنو حلاله الجوه اشو گام يوزع بوسات

الله يبارك بيك

هذا صوتج هيج ناصي متعلي شويه

بقيت ساكته حته بدون ضحكه اني طبعي ابد ماجامل بحيث هوه حجه وضحك وحده واني مثل الثوله ارفع راسي وارجع انزله

اممم لتزعلين يابه وتگولين هاي اول يوم وبده يعيب عليه

لا عادي گلتها ونسيت اني شنو لابسه وحته نسيت احنه ليش هنا شايفين هيج ثول بعد رفعت العبايه مال الصلاه وشلتها ع سريع بقه مركز بجسمي ماجان منتبه واني مثل الوحده تجي وتنزع عباتها وتگله شوف جسمي هيج صار بوكتها حسيت عيونه تتجول براحتها احس نفسي صخنت وحراره تطلع من جسمي خله ايده عله خصري وقدمني بأتجاها

شيخ . لتلعبين وياي ياصغيرونه انت مو گد اللعب

ش شنو سسويت

الشيخ . امممم انه اگلج اسويتي طبعت بوسه برگبتها ورجعت باوعت بعيونها

تقيدت واحس نفسي راح اوگع من طولي والله اريد ابعده عني ميخليني

الشيخ . وين ياحلوه انت الجنيتي عله نفسج هه

مقرب راسه من شعري ويشم بي لمن صارت حركه يم الباب وخر بسرعه ودار وجها للباب سوه روحه يريد يطلع ومن شاف محد اجه رجع گال

الشيخ . ممنوع طلعين بذني ملابسج گدام اي مخلوق ماشي يابه بعد صرتي بذمتي ماريد اي واحد يلمحج بذني الملابس

هزيت راسي وطلع هو واني رجعت خليت العبايه عله كتفي ورحت عدلت شعري والرجفه بعدها بجسمي اخذت نفس وطلعت رجعنه رحت يم البنات جني اخواته طبعآ همه محتفلين لان مبين من بناتهم ولبسهم ومكياجهم اخذن وياي صور وشويه وطلعوا وراها رحت اني بدلت لبست تراك اسود ونزلت خواتي كلهن ينظفون البيت

ام عمار . يا ياااا ولج حويره من وذبيت الاسود منج ليش رجعتي عليييي امشي نزعي فال موزين عليج امشيي

حوري . يي يمه شكو صيحين موكلجن لابساته بس اني ما مانزعه

اطياف . شنو حوري ميصير بعد نزعتي وكلها شافتج نزعتي عله شنو رجعتي علي بعد

من شفتهم كلهم مصرين انزعه رحت نزعته لبست تراك ثاني لون جوزي بس دخلت للحمام وغسلت شعري لان طويل يتعبني وبي سبري هواي تعبني بالتمشيط رجعنا گعدنه باركولي خواتي

سهى . حبيبتي بعد صرتي عله ذمه رجال ورجلج شيخ لازم بعد بكلشي تاخذين رأيه ومتخلفين حجايته وتحترمي وتقدري

اسمعهم واني ساكته ماكو مني اي حجايه بس اهز براسي

علياء . والله هنيالج خوش ناس حسين يحمد بيهم يگول شيوخ معروفين وناس خيره ماكو مشكله اذا مو همه حاضرين بيها وابوهم رجال خير الله يسعدج ان شاء الله حبيبتي

جاي نحجي ودخل حيدر اخوي

حيدر . هااا حبيبتي حوري على الخير ياروحي ان شاء الله تتهنين

مشكور يوم الك نفرح بيك ان شاء الله

حيدر . يله بلكي من ترحين للشيوخ شوفيلي شيخه وياج

كلنه ضحكنه عله حجيه والله ميهمه البنات بس هو يشرد ميريد يزوج نعرف بي يتحجج

......

الشيخ سراج . رجعنا وكلها تگلي اخذت لعابه وحلوه واحله منك بصراحه مال لعابه لعابه ابتسم ماريد احجي بيها كلها موجوده اخوي وولدنا اكتفيت بابتسامه

ام سراج . يمه عشت وشفت هذا اليوم الف الحمد لله الك ياربي من خليتني اعقد السراج يمه يوم المنتظر بحق الحبيب المصطفئ ويم الأزوجكم سوه وافرح بيكم

الشيخ . بستها براسها ان شاء الله يمه ربي يخليج خيمه النه وتشوفين جهال جهالنه

منتظر . يمه ماكو عدهم بنيه منا منا

ام سراج . لا ولك منين سوده عليه هيه الخذاها سراج عمرها 16 سنه مدري اصغر گالن البنات بعدها صغيره خطيه

الشيخ . ماعرف ليش احس بشي بداخلي من يحجون بيها ومن ذكروا عمرها بتسمت بعدها صغيره وناعمه وحلوه هم دعيت ربي تكون من المواصفات الردتها اهم شي عندي اخلاق البنيه قبل جمالها وقبل كلشي ورجعت الحلفه من جديد هلاهل ورگص ولليل كلش يله تركتهم وصعدت اخذت منشفه ودخلت للحمام طلعت گبل نمت بعد من التعب ماگعدت غير للصبح

نزلت لگيتهم گاعدين يتريگون

الشيخ محسن . صباح الخير وليدي

سراج . صباح النور يابه شلونك اليوم

الشيخ محسن . بخير مادام زوجناك

سراج . هههه لعد من اجيبها هنا شراح سوون

الشيخ محسن . ي ان شاء الله تكمل فرحتنه بجيتها هنا واحسب حسابك قبل ليصير شهر تتزوج

سراج . شنو السالفه يابه مو الهاي الدرجه عله شنو هالاستعجال عله كيفنه خلي نتعرف عله الابنيه وتاخذ عليه شويه

الشيخ محسن . لا ابني كل ما تتزوج من وكت احسن الك لا استعجال ولا ابد والبنيه هنا ابيتها تاخذ عليك عله شنو مطوليها بعد

سراج . اكلت كم لگمه وطلعت للمحلات وهم تبريكات وجكليت وجماعتي بيهم حته هلاهل هلهلوا ههههه لان جنت داقهم اگللهم ما ازوج بقيت نفس الروتين يوميه بس حوري ابالي اخر شي طگ گلبي ردت اشوفها يمكن خمسه ايام ورحت عليهم

......

حوري . كل يوم اباوع للحلقه واگول بعد ارتبطت هواي امور راح تتغير مسلسلات يمكن بعد ماشوفهم وارجع اگول قابل ماعدهم تلفزيون وارجع اگول ي اكيد راح التهي بالبيت ومالحگ اشوف شي يوم وره يوم وبعد خطوبتنه بخمس ايام جنت انزل شعري بالكاويه واطياف صعدتلي

حوري تعالي نزلي اجه خطيبج

بس سمعتها احترگ اصبعي بالكاويه وشمرتها ليغاد

يييي ديري بالج شبيج بس سمعتي بي حرگتي نفسج

هاااا لاااا بس گمزتيني ي هسه بس اكمل وانزل وراج

خلي شي بوجهج مو تنزلين هيج

ي كملت شعري وخليت عطري المفضل وخليت مرطب شفه وكحل خفيف يادوب مبين لان عيوني مكحلات رموش كثيفات عبالك بيهم كحل ورفعت حاجبي بيدي ونزلت دخلت للديوانيه موجودين يمه عمار وحيدر يسولفون عله واحد بالعشيره

حوري . سلام عليكم

وعليكم السلام

شويه وحيدر طلع وبعدها عمار

الشيخ . شلونج حور شخبارج

حوري . تفاجئت بأسمي عبالي ميعرف اسمي حوري گتله اسمي حوري

سراج . ي ميصير اگلج حور

حوري . لا عادي

سراج . تعالي هنا يمي

حوري . يأشر بصفه مسويلي مكان تقدمت بتجاها سحبني اله من ايدي وخله ايد وراي مثل الحاضني بيها وايد الثانيه اخد ايدي ويتلمس بيها

يتبع...

هديه الشيخ سراج ) بقلم دينا الربيعي

أنتِ بريئة ونقيّة جداً

أنتِ فاتنتي

أنتِ الأعلى فتنة من النساء

ومن ملائكة السماء حتى ،

وحيثُ كلما وضعت حداً للجمال

تأتين أنتِ وتكسرينهُ ♥️!

حوري . يتلمس بأيدي وتقرب خله بوسه بخدي قريبه عله شفتي اول مره رجال يتقرب مني بهاي الدرجه ويبوسني شعور ماعرف شلون اوصفه دخت عطره يجنن وريحه جگاير من قرب وباسني لابس بنطرون نيلي وقميص بيجي اول دگمه مفتوحه من القميص مبين شعر صدره أباوع بشكله وهو مركز بيه

سراج . احم يي شنو رأيج عجبتج لااا

هنا حسيت عله نفسي وهسه تأكدت من نفسي صدگ ثوله شلون هيج ضاربه صفنه صار ساعه لا وكل هذا گاعده بحضن الرجال واباوع الشكله شنو هالثقه هاي

شنو يعني مافتهمت عليك ودنگت لان حسيت بفشله مو طبيعيه

سراج . ههههه صارلج ساعه تباوعين عليه شنو مافتهمتي غير تطيني رأيج عجبتج لاااا

بتسمت وباوعت بعيونه وهو هم اختفت ابتسامته وصار يمشي اصبعه عله خدي وقرب عله الشامه البخدي وبقه يتلمس بيها غمضت عيني

سراج . حوري

هااا عدلت گعدتي واخذت گلاص مي شربت وبتعدت عنه گلت هسه يگول ماصدگت ولو اني صافنه عله الرجال بس ميخالف ابقي اخر ذره من كرامتي

سراج . جبتلج وياي تلفون اريد اتعرف عليج زين لان نهايه الشهر نزوج

حوري .ششنووو ليش هيج سرااج عفيه بعد وكت

سراج . اول مره تنطق اسمي حبيته بحلگها بفهاوه تحجي ههه بتسمت گتلها اني هم ماردت بعد هاي اوامر الشيخ ولازم تتنفذ

حوري . ماگدرت احجي بعد لان ادري بيهم قرارهم واحد ومراح يتغير بقينه شويه گاعدين وبعدين گال الاهلي زواجنه نهايه الشهر وخله فلوس الجهاز وراح وهنا بدت التحضيرات وهم كل يوميه نروح نشتري الاغراض بقيت سبوع اجهز وبعد عندي شغلات وسراج يوميه نتصل وكل واحد يحجي عله طبعه وشنو

يحب وشنو يكره گمت اباوع للتلفون شوكت يتصل وهو يوصيني من افرغ اني اتصل بي بس ماعرف ليش احبه هو يتصل افرع باتصاله ومرات يحجي عليه يگلي ماكو هيج مشغوله طول الوقت هم گولي اتصل بخطيبي اشوفه شلونه شنو سوه بس اني هم ما اتصل وينسه ومرات احسه ثگيل بس عله گد السلام ويروح

......

سراج . حبيتها بفتره صغيره ماعدها سوالف البنات الي يتصنعن عله طبيعتها وهذا الشي الي خلاني احبها وهواي تعرفت عليها بهاي الفتره بس اله اني اتصل عليها اضوج هواي لان احسها بعدها متحبني ومرات اگول مابقه غير كم يوم تجي يمي واني اخليها تحبني بس من اتصل بيها كلشي يتغير وانسه ونبقه نسولف وحته مندري بالوقت يمر بسرعه وياها جهزت هواي شغلات والغرفه واجه يوم المحكمه وأخيرآ گلت اتصل بيها واخبرها باجر نروح نعقد محكمه

دگيت مرتين ماكو جواب اخر شي دزيت الها رساله عله الواتساب

ها حبيبتي شلونج من تشوفين رسالتي خابري

بسرعه شافتها واتصلت

حوري . ها سراج شلونك

ها حبيبتي الحمد لله انت شلونج

تمام الحمد لله جنت جوه هسه صعدت وشفتك متصل

ها بس ردت اگلج باجر نعقد محكمه امر عليج الصبح حضري نفسج

تمام اني راح اسوي المنبه حته اگعد من وقت

ي شنو سويتو اليوم كملتي جهازج

ي تقريبآ وانته اسويت

كلشي كملت بس بقيت اجيب مرتي يمي

بتسمت گتله سراج تحبني

اي اكيد احبج وانت

ي احبك هو مو حب بس ماعرف اشو اذا تتأخر متتصل يبقه بالي يمك يعني ماعرف شلون اوصف شعوري الك بكل ثول وثقه احجي منطلقه وهو ساكت يستمع الي

ي اني من البدايه اعرف انت تحبيت اهتمامي بيج مو حب المهم مثل ماگتلج حضري نفسج باجر موتأخريني

سده التلفون بوجهي وراح ياربي اني شلون أگله هيج حته لو ما احبه المفروض ماگله هيج ياربي أخر شي گلت اصالحه رحت للحمام سبحت واخذت دشداشه برموده قصيره للركبه توصل لونها ماروني وفتحت شعري نشفته وسحبته بالكاويه عله

طوله وخليت كحل ومرطب طلعت توووب واخذت التلفون ورحت عله الواتساب ودست گبل اتصال فديوا وهاي اول مره اني اتصل بسرااج وگلبي يدگ سريع گلت زعلان مراح يفتح خط بس اول دگتيت جاوب وهنا لا اني احجي ولا هوه بقه مخلي ادي عله خده وصافن بيه واني صافنه عله ومسويه حركه بوجهي مثل وحده زعلانه ابتسم هو وحجه

سراج . وهاي شنو معناها تصالحيني

احبك والله ماگدرت اعوفك زعلان مني سراج افهمني حبيبي لو ما احبك ابقه افكر بيك اليوم كله لو هسه اروح ارتب نفسي واتصل بيك هاااا

احجي ليش ساكت سرااج

سراج . يله ماصار شي واني هم احبج بس مره ثانيه عرفي الحجايه قبل لطلعيها

حوري . يييي حبيبي بداعتي كافي لتزعل والله احبك

سراج . گلت اتركها وحدها بدون ما اتصل ولا اراسلها واشوفها شنو تسوي واكيد رده فعلها هيه الي راح تثبتلي هيه تحبني لو لا وره شويه تصلت بيه وشكلها الي بهرني بيها وبرئتها كلشي بيها جذبني الها وخلاني احبها بس ابدآ مابين الها متلهف يعني طبيعه علاقتنه بهاي الفتره حبيتها تكون لا متكبر ولاقاسي عليها هواي وضحت الها شنو احب وشنو اكره من اطباع وهيه عرفت شنو طبعي بهاي الفتره

يله حبيبي مصار شي المهم عرفتي غلطج وهذا يكفيني

حوري . حبيبي ليش احسك مغرور

خلف الله عليج سويتيني مغرور

انه مو مغرور بس احبج من تعترفين بالغلط يعني لو انه كايلج ما احبج وكل هذا حته انفذ وصيه والدج الله يرحمه تقبلين

حوري . مجرد ماتخيلت الفكره تخبلت گتله لا لا اكيد اضوج

ي شوفي شلون تردين انه ما اضوج المهم باجر ورانه عقد روحي نامي اجي من وكت ماريد نتأخر

حوري . ي الله وياك حبيبي

......

نمت گعدت الصبح حضرت نفسي لبست فستان زيتوني بينصل وفوكو ستره ذهبي وشال مشجر ذهبي وزيتوني وحذء ذهبي وجنطه ومكياج خفيف بس لاينر ومسكاره وحمره خفيفه اباوع النفسي شوكت كبرت بتسمت واني اشوف معالم جسمي ووجهي خدودي سمنانه لان اخابر سراج وابقه اجرش الليل كله ههه قبل ليدك المنبه گعدت وحضرت نفسي هسه كملت ودگ المنبه نزلت لگيت ماما جوه

ام عمار . اللهم صل على محمد وأل محمد بتي عين الحاره بارده عليج

حوري . هههه حلوه ماما موو

ام عمار . تخبلين بتي مهله ان شاء الله يله تعالي تريگي قبل لترحين

حوري . تريگت وخلصت حسيت الحمره راحت رجعت طوختها وسمعت سراج يحجي ويه عمار بالباب وصاح عمار عليه وماقبل عمار واحد يروح ويانه لان يگول الشيخ سراج نعرفه فه ماكو داعي واحد يروح وياكم

صباح الخير

سراج . صباح النور

صعدت بالسياره بس بتعدنه شويه عن البيت لزم ايدي

سراج . شنو هاي اليوم شنو هذا الجمال لج لتخليني هسه اطلع بيج گبل للبيت

حوري . والله راح گلبي سراج

سراج . لا اني راح گلبي انيييي

حوري . كامش ايدي ومبتسم ويحجي بصوت عالي ويمشي سريع ونضحك ثنينه

لج اني الشيخ سرررراج هيج يصير بيه حوووري احببببج

اضحك بصوت عالي واااااني احبك حبيبي

اخذ ايدي ويبوس بيها

.....

الشيخ محسن . وين سرراج سراج

ها يابه شنو متحلم بيه اليوم

الشيخ . لا ابني بس لتعقد اليوم اجلها عله غير يوم احسن

ليش يابه مو حجزت وكمل كلشي باقي بس نروح للقاضي حته تحاليل كملت

الشيخ محسن . هاا اشو كلت تأجلوها احسن مو بعد وكت

منتظر . ليش شيخ جنك غرت من سراج يله اذا تريد تزوج عادي اني اروح اكللهم الشيخ محسن يريد هديه

الشيخ . وهو يتقدم من منتظر نجب لك شلون تحجي وياي هيج واصبرلي ازوجك وره سراج لا عبالك ناسيك

منتظر . لا شيخ رحمه الولديك خليني مرتاح بروح حبوبتك

سراج . هههههه يله انه رايح راح تأخروني

ام سراج . الله وياك يمه ومحمد وعلي ومن تعقدون جيب مرتك وتعال يمنه تتغده هاي اول جيه الها علينه

سراج . ان شاء الله يمه بستها براسها وبست ابوي وطلعت

... ..

حوري . سرررررررراججججججج

سراج . خليييييي ايدجججج حوررري ع وجهججججج

يتبع...

لتنسون التعليق والنجمه حبايبي واني تأخرت متقصده بلكي تحسون بيه ويزيد تفلعلكم ع قصه 😒

شنو توقعاتكم عله سراج وحوري شراح يصير كتبولي بالتعليقات واذا اشوف تصويت عالي راح انزل بارت هديه الكم

لا يمكنك أن ترى صورتك في الماء وهو يغلي ..

كذلك لا يمكنك أن ترى الحقائق وأنت غاضب

انتظر حتى تهدأ ثم أعط قرارك كي لا تندم .💔

بنات اكو نقطه مهمه بالقصه ولازم اوضحها الكم مثل ما گتلكم القصه حقيقيه بس من اطتني البطله تعريف الابطال ما ذكرتلي الشيخ محسن مزوج اثنين بس ذكرتي اهل سراج ماذكرت اهل حكيم الي يصيرون اخوانه من ابوه وهنا نقطه مهمه والكتابه يوم بيومه فه بالصدفه اليوم ذكرت حكيم بكم موقف گتلها منو هذا گالت اخو زوجي من ابوه گتلها يعني الشيخ مزوج ثنين گالت گتلها لعد غير تحجين من البدايه حته نذكرهم بالبارتات الاولئ المهم هذا البارت بخصوص بيت الشيخ محسن الثاني

حكيم . گعدت من النوم من صوت الجهال هارجين البيت هرج يوميه نفس الشي مع العلم احذرهم بس ماشاء الله كل وحده مخلفه درزنين جهال منو يسمع ومنو يهتم كل واحد حاير بروحه طلعت للباب واشوف بنيه تبجي ودگ بالباب حييل بكل قوتها بس العبايه واگعه من جتفها والدموع تلالي وتنزل والشعر نصه طالع واكفه اباب بيت ام خالد مقابيلنه عدل اعرف ولدهم كبار كلهم ومزوجين بس ماعرف عدهم هيج بنيه تجي تبجي بابهم ناس مستورين وجماعتنه تفاجئت منها الصراحه رجعت دخلت للبيت والبنيه بعدها ابالي

حكيم . غفرررررران چاي چاي بسرعه يله

غفران . ي ي حكيم فدوه اصبرلي بس خلي انيم الولد

حكيم . لججججج راسييي يوجعني لعد امه ويييييين

غفران . امه راحت للسوك هسه عله جيه

حكيم . رگعت الباب بقوه ورحت للمطبخ شغلت الطباخ

واني اتوعد الهم يشوفون حل الهاي الهوسه يعني انزل للبيت غيرررر ارتاااح يا امه الاسلام اجي للبيت تتلگاني الهوسه مال الجنايييين

اعرفكم بنفسي اسمي حكيم عمري32 اني اصغر واحد بالولد وساهره اكبر مني ونوب اني ووراي ساره اني عصببببي بشكل واكره هاي الصفه بيه مرات احاول ما اصير اعصاب بس مو بيدي اني ابن الشيخ محسن من زوجته الثانيه امي الزوجه الأولى للشيخ محسن عندي اخوان

اتلاثه من غير سراج ومنتظر وكرار من امي عندي عدنان وساركان واياد كلهم اخوتي مزوجين اكبر واحد بينه عدنان وخواتي ثنين ساره وساهره مزوجات اني مامزوج ومتعين بالحشد واحب حياتي الحمد لله واكره الزواج من اخوتي كل ما انزل هوسه وجهال ما شاء الله اتگول بزازين مو نسوان هه الله يحفظهم بس اذا صرت عصبي ادعي كون محد منهم موجود گدامي لان اشمره فوگ الكنتور هه

ام عدنان . اني الزوجه الثانيه للشيخ انه من العماره من الريف بذاك الزمن صارت عدنه مشكله وابوي وجدي

الله يرحمهم دزو عله الشيخ مالتنه البغداد ابوي الله يرحمه جان رأيس فخذ بعشيرتنه من جوي علينه شيوخ بغداد وحلو مشكلتنه ابوي كللهم هديتكم بتي رسميه انه جنت صغيره وحلوه جان شعري طويل واصفر وعيوني عسليات وحمره جنن

خواتي كلهن مزوجات وانه جنت ايد امي وابوي الشيخ ابو الشيخ محسن ماگال لا گله يوم المنه اذا اناسبكم جدي جان شيخ معروف بالعماره وحگاني فه صارت القسمه وصرت هديه للشيخ محسن زوجته الاولى جان الشيخ محسن مكيف بيه

عبني حلوه صرت اني ايده واني رجله واني ماصدگت اروحن زوجه الأبن بغداد بالبدايه جنت ابجي ماريد ازوج بس خواتي گللي بغداد حلوه وجبيره واحسلج تخلصين من نسوان اخوتي صگد عاد قبلت ورحت عروس البغداد وره العرس بشهر گمت اتنسه اثاري طلعت حامل بعدان بس انه اتنسه اربعه اشهر

مادري بنفسي وانه حامل وجبت عدنان ووراها ساركان ووراها اياد وهنا الشيخ حب وحده شافها تسگي الزرع وشاف گصايبها اجه وحجالي عنها انه صگد من شفته هيج حبها مارديتله خاطره گتله ازوجها وصگد ازوجها غرت منها عبنها اصغر مني وحليوه بس انه احبنه والشيخ محسن حجايته وحده اذا گتله

متزوجها ماراح يگعد لا اكيد يزوجها فه من البدايه قويت گلبي وگتله اخذها خذاها وجت للبيت وانه ميته قهر عليه وابجي بغرفتي واطلع ماجن اكو شي ماريدها تگول تبجي لان خذيت رجلها وهنا هيه هم شهر وطلعت حامل بأبنها سراج وبعدين انه وياها گمنه نحبل سوه ونجيب والشيخ فرحان بجهاله وبعدين من صارت هوسه وكثر الجهال وجهال حموينه قرر الشيخ

محسن يخلينه كل وحده ابيت صگد عزلت من عيالي وخفت الهوسه علينه وبعدين من كبروا ولدي عدنان شغله صار بمنطقه ال...... وانه هذا بجري خفت علي وشغله بعيد علينه حجيت ويه الشيخ محسن گتله

خلي نبيع بيتنه ونشتري بيت قريب عله شغل عدنان بالبدايه ماقبل گال ماگدر اخليكم بعيدين علينه بس بعدين قبل وهو اشتره البيت وگام يجينه كل يوم لو يومين يمنه وباقي الاسبوع يم اهله كبروا ولدي وزوجتهم وزوجت بناتي الحمد لله بس حكيم مازوج شگد حجيت ويا وشگد گتله عله بنات بس قافل مايريد يزوج وتعين بالحشد وصار مشدد اكثر كل ما اگله يگلي خليني مرتاح هيج اكثر

عدنان . اني الأبن الأكبر للشيخ محسن ابوي شيخ أبن عن جد بس اني وخواني مبتعدين كل البعد عن هاي السالفه ابدآ ماحب هاي السالفه مال شيخه ولا خواني هم يحبوها من كبرت التهيت بشغلي جنت اشتغل بشركه مال سفر والحمد لله مرتاح بشغلي مزوج وعندي خمس جهال

ساركان . اني الابن الثاني للشيخ محسن مزوج وعندي سته جهال اخر العنقود توم بنات

اياد . اني الأبن الثالث للشيخ محسن مزوج وعندي ثنين ولد واربع بنات

هاي عائله الشيخ محسن من زوجته الأولى وراح يكونون الهم دور مهم بالقصه

......

سراج . جنت اسولف ويه حوري وبالحضه حسيت السياره نرفعت ونضربنه بشي بعد ماحسيت گعدت واني بالمستشفى الممممم برجلي مو طبيعي گمت اصيح

حوررري وين حووووري عله صوتي اجتي الممرضه وابوي وراها

الشيخ محسن . ها ابني لتخاف مرتك مابيها شي بالغرفه الثانيه بس تصحه اخليك تشوفهاا

سراج . لا لا يابه اخذني الها اريد اشوفها هسسسه

الشيخ محسن . والله ابني مابيها شي بس تصحى اني اخذك بيدي وتشوفها

سراج . من شفت ابوي يگلي من تصحه اخذك الها ومصر ميريد يودبني الها شلعت الكانونه من ايدي اشوف رجلي وايدي ملفوفات جتي الممرضه ساعدتني گعدت بالعربانه متأذي حيل بس كل همي اروح اشوف حوري رحت الممرضه تمشي وتمشي وگفنه يم صاله العمليات واشوف امها وخوانها يبجون ومنتضرين حوري تطلع سألت شبيهااا حوري

عمار . حوري سراج حووووري ادعيلها تطلع النه بالسلامه

سراج . شبيها حوريتي شگللكم الدكتور ليش بصاله العمليات

عمار . عدها نزيف داخلي بمعدتها

سراج . حسيت ايدي تنزف افتح عيني وارجع اسدها مغوشات يمكن فقدت دم هواي ماعرف بيش ساعه ولا اعرف كم ساعه صار النه هنا رجعت راسي للعربانه وحسيت الممرضه رجعتني للغرفه ومادري بعد شصار

ﺳﺄﺣﺘﻮﻳـك ﺑﻘﻠﺒـﻲ وﻋﻄﻔــﻲ وحناﻧــﻲ

ﻷﻧﻚ ﻋﺸﻖ روووﺣـﻲ وﻧﺒﺾ ﺷﺮياﻧــﻲ

ﻷﻧﻚ أﻧﺖ ﻣﻦ زرﻋﺖ اﻟﻮروود ببستاﻧـﻲ

وأﺳﻘﻴﺘﻬﺎ ﺑﻌﻄﺮك ﻓﺘﻠﻮﻧﺖ ﺑﺄﺟﻤﻞ اﻷﻟﻮاﻧﻲ

ﻷﻧﻚ اﻟﻨﺴﻴـﻢ اﻟﻌﻠﻴـﻞ اﻟﺬي ﻳﺪاﻋﺐ ﻛﻴﺎﻧـﻲ

وﺑﻌﻄﺮه ﻳﻨﻌﺶ ﻗﻠﺒـﻲ و روﺣﻲ ووﺟﺪاﻧـﻲ

ﻷﻧﻚ ﻣﻦ زرﻋﺖ اﻟﺒﺴﻤﺔ ﻋﻠــــﻰ ﺷﻔﺎﻫـﻲ

وأﺳﻜﻨﺖ اﻟﻀﺤﻜﺔ واﻟﺒﺮﻳـﻖ ﻓـﻲ عيناي

ﻷﻧﻚ اﻟﺤﻠﻢ اﻟﺬي طارر و ﺣﻠﻖ ﺑﻪ خياﻟـﻲ

وأسكننى ﻓـﻲ عالم ﺑﻌﻴـﺪ ﻋﻦ اﻷﺣﺰاﻧــﻲ

يتبع...

بارت ممتع للجميع ولتنسون المتابعه والتصويت وكتبوا ارأكم بالتعليقات ❤️

شلونكم حبيباتي شخباركم ❤️

بخصوص البارت قصيررررر والله العظيم اعرف البارت قصير بس ماكو واهس حته اكتب اكثر التفاعل قليل ساعدوني برفع القصه بهاي ⭐ حبايب

هههههههههه ان شاء الله اسوي تلاثه اكس لارج ادللي حبيبتي

أكثر متفاعله بكل البارتات ❤️

المتفاعله الثانيه فديتكم حبايب قلبي ❤️

بكل بارت انزل المتفاعلات ابارت ثاني ❤️

هديه الشيخ سراج بقلم ✍ دينا الربيعي ❤️

"الطيبون ﻻ تتغير صفاتهم حتى لو تغيرت أحوالهم، فالكريم يظل كريماً حتى لو أفتقر، والمتسامح يظل متسامحاً حتى لو ظُلِم"

ببساطة ؛ تنتظر احد یکملك ؟ محد راح يكملك بتم طول عمرك ناقص بعين نفسك ومحتاج وقاعد تحت رحمة الطرف الآخر عشان يتكرّم عليك ويكملك ، نظرتك الناقصة لنفسك إنه لازم

المغزى من العلاقة والحب انك تشبع " احتياجك " يخليك للأبد تحت رحمة الإحتياج ، الأصل بالعلاقات العاطفية الصحية انك تكون (مكتفي) مسألة انك تنتظر معجزة وشخص يدخل حياتك

ويصلح انكساراتك وحروبك السابقة النفسية والحياتية بتخليك تدخل بدوامّة لا متناهية من الحاجة والتعلق والضعف ، محد راح يصلحك الا نفسك ، التسوّل المشاعري من الآخرين لا نهاية له .. جرب اوقف على رجلك واستوعب انك الوحيد " المسؤول

نرجس . اني عمري 17 سنه ماراح اذكر الكم تفاصيل لان اني بس راح يكون الي دور بالقصه وشكلي بعدين اشوفكم صوره بيها شبه الي اني حالي حال اي أبنيه انظلمت بالزواج المبكر وراح اوضح الكم اهم نقطه او اهم غلطه واختيار بحياتي

صحيح مرات اسمع انو بنات يزوجون وعمرها كولش صغير بس بعد كل وحده وقناعتها حتى اذا بعدين تريد تلوم أحد فامتلوم اله نفسها لان هذا ختيارها هيه الي اختارت انو تتزوج محد

جبرها اما دور الأهل لحد يگولي اختيارنا واحنه اختارينا نزوج بعمر مبكر وتركنا احلى ايام عمرنا ودراستنا حتى نزوج لو ماكانوا الأهل موافقين على زواج بهيج عمر ماكانه اختارينا نزوج واحنه صغار

كل بناتنا وبنات عمامي زوجوا وهمه صغار اني صار عمري 17 سنه بحفله عيد ميلادي جتي خالتي وگالت صديقتي تريد تزوج ابنها وگتلها المره يمي وهذا ابنها عله 4 بنات يعني هو

اصغر واحد ومن كلام خالتي مدلل ومسويله سويت فوگ اله وشنو يريد يصير وخالتي سوته بشر ماكو مثله الصراحه اني

ماجنت مقتنعه ولا جنت مفكره بالزواج بس بما أنو خواتي اكبر

مني زوجوا واني اخر بنيه كلهم ايدوني ازوجي وخوش قسمه اما اني فاماجنت مقتنعه ابدآ بابا وعمامي سمعوا ومن كلام ماما وخالتي اقتنعوا مليون بالميه واني جنت مثل الاطرش

بالزفه لا احجي ولا اعارض نوعآ ما اقتعت بعد كلام بنات عمي وخواتي فافظلت السكوت لان ماجنت اعرف شنو اسوي لا دراسه وبس گاعده بالبيت جنت خايفه من اختياري خاف اقبل

وخاف ارفظ وبعد اسبوع جتي خالتي وصديقتها والولد حته يشوفوني شفت الولد حلو ومرتب وكل من يشوفه يگول حلوو واحسن الج بس هو لهله وحته لتتقيدين اقتنعت وباليل

سألوني گتلهم موافقه بابا گلي بنتي ماجبرج وعشره عمر هاي شتگولين الاختيار الج جان ردي البابا اي بابا موافقه وبعد انته بكيفك

رجع بابا خبر الأمي گللها موافقين اجوي وره كم يوم

وصار العقد مالنه وره اربع اشهر ازوجت لان همه من البدايه گالو كلشي مكملين ومن طول بهاي الاربع اشهر ماشفت شي مو زين علي جان حباب وتعامله حلو وياي اسلوبه حلو حبيته

بفتره قصيره وتعلقت بي من ازوجنه اكتشفت انو تجي حاله ويصير عصبي ويبقه يضرب ويكسر كلشي گدامه جنت اخاف واسمع امه وابوه يگلوله زوجناك حته تعقل وتبطل سوالفك

التعبانه مو حته تعوف زوجتك وتنزل يمنه اول شهر من زواجنا يمكن تقربلي بس اربع مرات تغير تغيير جذري مو سالم الي اعرفه لا شخص ثاني مرات اشم بي ريحه مطيبه بس اكثر شي

اشوفه مثل الدايخ مسطور شنو اللغز ما اعرف صارت تجي ايام يتعارك وياي ويضربني ويعوف الغرفه وينزل جوه مرات يصعد بليل يعتذر مني ويصالحني ونرجع نفس الشي من جديد بعدين

بالصدفه جنت امسح اجيت حته ادخل للغرفه مال عمتي امسحها واسمعها تحجي ويه خالتي اخت امي تگللها والله نفس حالته ونفس طبعه والله زاد مانقص والبارحه ابوه هدده گله اذا

تاخذ حبوب بعد اخبر الشرطه عليك واله اخيسك بالسجون انته متعرف النعمه الانته بيها ولك شتريد جبت وسويت ومامخليك بعازت شي ليش تسوي هيج شنو استفاديت من كبسلت الى

متى تبقه هيج اني هنا تخبلت عرفت سالم يكبسل ياخذ حبوب وتورطت ويا مره على زواجنا شهرين وبدت عندي اعراض بس ماجنت اعرف شي گلت يمكن لان اتعب اشتغل فوگ بيتي

ميتين متر كله الي الفوگ وبعدين انزل جوه ماجنت مخليه ابالي سالفه الحمل حتى امي من تخابرني ماجنت اگللها عله علاقتي بسالم ولا عله الاعراض التصير عندي بقه تفكيري بي

وشلون اخلي يعوف هاي السالفه بليل حضرت نفسي وسبحت ومن صعد حجيت ويا بأسلوب حلو اشو هذا انگلب وحش عليه صار يتفنن بالضرب والاهانه عليه والشتم وانواع الغلط عمري

كله ماسامعه هيج غلط صعدوا عمتي وعمي عليه من شافوا هاي حالتي گلي عمي حضري نفسج اوديج الاهلج اذا تبقين هنا بعد هذا يموتج روحي بابا وبعدين يتندم ويعرف النعمه الجانت

عنده لميت غراضي كلها قررت كلشي احجي الاهلي وعله سوالفه وهو وجهي وجسمي كفيلات يشرحن حالتي بدون كلام ورحت لهلي اخذني عمي من دخلت

عمي ماقبل يدخل گال غير مره نجي اني ويا وسلميلي عله اهلج نزلت والدمو تصب وادگ بالباب بعدين بليل بابا خابره وتعارك وياهم

عمي حجه كلشي الباب وعتذر منهم بس ماذكر الهم انو سالم يكبسل بس گللهم طايش وزوجته عبالي يعقل وراح يتندم وخلوها كم يوم تهداء الاوضاع بينهم ويرجع عليها بس اني كل الم بيه ووجع خلني

احقد علي وگعدت حجيت كلشي الاهلي وگالو بس يجون ننهي كلشي بليل امي سوت نواشف واني شفت البذنجان واني ماصبرت اخذ واكل منا لمن خلص الماعون واني واكفه امي

عبالها جوعانه بس گتلها لا موجوعانه بس ريحته طيبه امي گلتلي ولج بس لا حامل شوكت شهريتج اذكرت قبل اسبوع موعدها لمن حسبنه اني وامي ماصدگت بس عندي برنامج

بتلفوني كاتبه شوكت اخر شهريه بي وصدگ مكتوب مره اسبوع عله اخر دوره شهريه راحت جابت تحليل منزلي وعلمتني شلون اسوي واول ماخليت الادراد بي طلعن خطين

حمر طووخ عرفت نفسي حامل بس خلصتها بجي وخوف من الايام الجايه بليل اللويه لزمتني ومغص ذبحني كلهم نايمين اهلي نزلت اخذت حبايتين حبوب مال مغص واحس معتي

تحركني من البذنجان اخذت حبايه مال معده گعدت الصبح نفس المغص واللويه ولعبت نفسي العصر امي گالت اخذج للدكتوره واشوف شبيج ماتحملت للضهر من شافتني ابجي من

بطني اخذتني للمظمد يمنه من طلعنه اني وبيبيتي راحت وياي شفنه ام عدنان جوارينا وسولفت بيبي كلشي وتعرف اكثر مني هه وبعدها رحنه للمضمد گال يمكن ماكله اكل مأثر عله معدتها

اطاني علاج ورجعنه والعصر امي گالت امشي اوديج للدكتوره رحنه وصلي السره دخلت وامي دخلت وياي گالت صعدي ماما اسويلج سونار امي كلشي گلتلها عليه اول ما خلت الجهاز عله

بطني بقت تودي منا وتجيبه منا گالت حامل بس مهدد بالاسقاط باوعت بوجهي گالت متعرضه للضرب مو دنگت راسي وتجمعت الدموع بعيوني نقهرت من گالت مهدد بالاسقاط

الطفل گالت حته الكيس اكبر بهواي من حجم الطفل حملج صايره وره الدوره مباشرتآ بس ماكو مامبين هواي راح انطيج ابر مثبته ونشوف اسبوع ورجعيلي اذا بين اوضح اوكبر معناها

مابي شي وجاي ينمو بس اذا بقه عله حاله انصحج تذبي لان اذا كبر بس الكيس يصعب عليج تنزلي بالحبوب اله تدخل جراحي امي خافت ومن رجعنه سولفنه البيبتي ونسوان

عمامي گالن خلي تولي بعدج مصار شهرين حته نبض ميبين هسه بليل امي گالت روحي الاجنه بيت ام عدنان خلي تضربج الابره دائمآ اهلي يضربون يمها ايدها خفيفه واذا ما موجوده ام

عدنان هم تعرف خلي تضربج الابره صدگ رحت عليهم دگيت الباب طلعت جنتهم سلمت عليها لان اعرف جناينهم گتلها زهراء موجوده اريد اضرب ابره يمها گالت ايي تفضلي حبيبتي دخلت وصاحت عمتها اجتي

ام عدنان . هله بيج خاله حبيبتي تفضلي

نرجس . شلونج خاله بس اجيت اضرب ابره زهراء موجوده

ام عدنان . زهراء هسه صعدت تنيم بتها تعالي اني اضربج

نرجس . تقدمت اطيتها الابره والاسرنجه دخلنه جوه عدها هيج مثل البرده عدها سدتها وخبطت الابره

ام عدنان . هاي الابره مثبت موو

نرجس . ي خاله الدكتوره گالت الطفل مهدد بالاسقاط اطتني مثبت والاسبوع الخ ارجع الها تشوفه

ام عدنان . ي حبيبتي الله كريم اذا مقسوملج يثبت ان شاء الله بس لتحركين نفسج ونامي عله ضهرج بالعافيه بنيتي

نرجس . ام عدنان اديها خفيفه ضربتني واني احجي وياها فعلآ ماحسيت بيها وتعرف بالأبر لأن هواي تضرب بنات من منطقتنه هيه وجنتها وياها طلعت بعد

ما سولفت الها حالتي واشوف ولد نزل من فوگ عرفته ابنهم حكيم صديق عمو علاوي لان اكثر من مره شفتهم سوه بس باوعلي دار وجهه وراح يمكن سابح بالعطر

قوي حيييل حبيت عطره بس ما اعرف ليش شكله عصبي الحواجب مطبوگه يمكن مايعرف الفرح طلعت والمره وصلتلني للباب رحت وشفت حكيم صعد بسيارته شخطها وراح شبي هذا والله ياالله

......

حوري . مرن كم يوم وصار لازم اروح افتح اخياط العمليه رحت للدكتوره العصر اني وماما حيدر ودانه حجزت من الصبح يمها شافت العمليه گالت زينه وخلت

معقم عله العمليه وبدت تفتح بيها ماحسيت بشي بس هيج مثل الحكه وكتبتلي علاج وطلعنا حيدر راح للصيدليه جاب العلاج ورجعنا للبيت شفت رسائل من سراج

سراج . ها حياتي شلونج رحتي للدكتور

كتبتله ي رحنه وقبل شويه رجعت فتحت الخياط وكتبتلي علاج

سراج . اي تمام اخذي علاجج بأنتظام مو تنسي

ي لا ما انسه انته شلونك شوكت تفتح رجلك

سراج . الدكتور گال لازم تلاثه اشهر يله افتحها

يله حبيبي هانت ان شاء الله

ان شاء الله المهم انت بخير كلشي سهل عندي

نقهرت علي حيل نهينه المحادثه قررت اروح علي شتاقيتله نزلت حجيت ويه امي تگول العمار يوديني لو حيدر لان استحي اگللهم اني گتلها ورحت انتضرها

بالمطبخ جتي گلتلي يگول حيدر اني اوديها خلي تحضر نفسها رحت حضرت نفسي لبست بنطرون اوڤ وايت وقميص وردي شويه طويل وشال وردي مشجر وحذاء وجنطه بلون البنطرون ومكياج خفيف ونزلت

حيدر . يله طالع اني

يي اجيت رحت صعدت بالسياره وبسرعه وصلنه نزلنه اثنينه اني وحيدر دگينه الباب طلع منتظر بس انصدم من شافنه عاد هو انتبه دخلنه گال فوتوا جوه بس مثل

المرتبك دخلنه وهو راح گال راح اجيب سراج بالعربانه لان ميگدر يدفعها وحده اسمع صوت سراج يصيح وصوت تكسير خفت اكو شي شويه ودخلوا ابو سراج وامه

يتبع ....

بارت ممتع للجميع ❤️

مرحبآ للجميع بنات عندي كم نقطه لازم اوضحها الكم

حته تتوضح عدكم من بدايه القصه

اولآ سؤال عفيه القصه حقيقيه

اي نعم القصه حقيقيه ما مجبوره اترك شغلي وبناتي ومتعبه نفسي حته اگعد اكتب قصه خياليه واذا اريد اكتب قصه خياليه راح اگللكم من البدايه

ثانيآ هاي صفات الابطأل حقيقيه اي نعم حقيقيه وراح انزل صور تشبه الابطال وشبيه سراج وحوري نزلتهم بالغلاف بس باقي الاشخاص من دزهم البطله راح انشرهم ابارت وحدهم

ثألثآ ماغيرت شي بالقصه حته الاسماء مو كلها غيرتها كم شخص غيرت اسمه عن طلب البطله غيرت بس الشخصيات نفسها لا ضفت شي ولا اخذت شي

رابعآ لتتأخرين بالتنزيل اني احب اكتب بس ما كو تفاعل قوي اتمنا منكم ترفعون الروايه حته الكل يشوفها وراح تشوفون بالبارتات القادمه اشياء توگف

العقل راح نشارك حوري همومها ولازالت مستمره بس اريد منكم تعليقات حلوه لان الاثنين متابعين ويانه بدون تجاوز وسرد حلو وبارت طويل بس الاريده منكم تنشرون الروايه بغير گروبات بس غير مبريه الذمه اذا تنشروها بدون ذكر اسمي 

ان شاء الله اليوم ينزل بارت بس ما اگدر احدد الوقت لان مشغووووله عيال وبنات اريد منكم تشجيع حته استمر

واليوم البارت اله بشده 😁

ولتنسون تروحون تصوتون البارتات الأولى والمشهد حبابات حبابات بنياتي حته انزل البارت من وقت اليوم ❤️ يله روحوا فجرو البارتات الاولى والكم بارررت طويل اليوم