أنا للاسف لسه بحبها …مش قادرة انساها !
اتصدمت وانا ببص لهادي …كنت لسه لابسة فستان الفرح …كان قاعد في الصالة مش قادر حتى يدخل الاوضة….
-أنت بتقول انك لسه بتحب منة وفي ليلة فرحنا…انت واعي لنفسك …
قولتها وانا بصرخ فيه حاول يمسك ايدي بس انا زقيته ودموعي بتنزل وقولت :
-أنت بتكـ.سر فرحتي …عارف يعني ايه …النهاردة مفروض اكون أسعد واحدة في العالم كله عشان موجودة مع جوزي حبيبي اخيرا وجوزي جاي يقـ.تلني ويقولي بيحب واحدة تانية …
-حبيبة أنا .
-اسكت ..اسكت متتكلمش …تسكت خالص …
قولتها وانا بعيط وبلف حوالين نفسي …طيب ألوم مين …ألوم نفسي لما صدقته لما قال إنه بطل يحبها …ولا ألوم اني تقبلت أنه مبيحبنيش بس بالنسبالي أن يكون قلبه فاضي اهون ما يكون فيه حد تاني فيه …أنا أقدر اخليه يحبني لكن مقدرش احارب حبه لواحدة تانية …فضلت أعيط وانا ماسكة الفستان حاسة الدنيا بتلف بيا أنا مش عارفة دلوقتي اعمل ايه …مش هقدر ارجع بيت اهلي ليلة دخلتي. ..الناس مش هتر.حمني …بس مش هقدر اعيش معاه…مش طا يقاه …
-حبيبة أنا عمري ما قولت اني بحبك …
همس بيها وهو حاسس بتأ.نيب الضمير فز.عقت فيه وانا بضر.به على صدره :
-بس قولتلي انك بطلت تحب منة …قولت أنك نسيتها عشان كده أنا قبلت اتجوزك …قولت عادي مع الايام هتحبني بس انت قتـ.لتني يا هادي …أنا دلوقتي بكر .هك …ومش هكمل معاك
كان بيبصلي بحزن …كان واضح أنه ندم أنه قالي …فضلت أعيط وانا بقول:
-ياريتني ما اتجوزتك …ياريتني …اسوأ حاجة عملتها ….أنا …أنا ….
محستش بنفسي الا وانا واقعة على الأرض ومُغمى عليا …
اتصدم وحس بالفزع وهو شايفها على الأرض..شالها بسرعة وهو بيقول بصوت حزين :
-أسف يا حبيبة حقك عليا ….
وبعدين راح اوضة النوم وحطها على السرير وجاب بيرفيوم وبدأ يرش عليها عليا. ..فتحت عيني بتعب ولقيته قدامي …عينيه الخضرا باين فيهم الخوف …
-اطلع…اطلع برا وابعد عني …
-حبيبة ..
قالها بتوتر فصرخت:
-أبعد عن وشي …واطلع …أنا بكرهك …بكر.هك ….
ساب البيرفيوم على جنب وخرج وانا غطيت وشي وانا بعيط ….مكنتش عارفة اعمل ايه ..مقهو.رة اووي على سعادتي اللي اتكـ.سرت ..بس انا غلط انة …أنا لاحظت اختلافه لما منة فـ.سخت خطوبتها مع احمد بس تجاهلت كل حاجة واتجوزته….ولازم اصلح الغلـ.ط ده …أنا مش ضعيفة ولا هكون بديل لحد …
قومت من السرير وغيرت هدومي …مسحت. الميكب وفردت شعري الاسود الطويل …بصيت لنفسي أنا حلوة …حلوة أوووي…عينيا بنية وواسعة …شعري اسود طويل …ناس كتير اتقدمتلي بس قلبي الغـ.بي اختاره هو …هو وبس …بس خلاص هو بيحب غيري …ميتساهلش اني احبه ..ميستاهلش حبي …
…
طلعت من الاوضة …
كان قاعد على الانتريه …دافن وشه في أيديه…بس رفع رأسه لما حس بيا …بصلي بتوتر فقولت بقوة :
-أنا مش هكمل معاك …هقضي معاك سنة واحدة وبعدها تطلقني وتديني حقوقي كلها …أما عن حقوقك كزوج ..أنت ملكش عندي اي حقوق !