الفصل الخامس

رواية حبشتكا الجزء الخامس 5 بقلم حياة محمد حبشتكارواية حبشتكا الحلقة الخامسة أمل: مالكش فيه إنت لك إن البلد دى كلها والبلاد إللى حوليها ليل نهار ملهمش سيره غير سيدى حبشتكا وكرمات سيدى حبشتكا ودى سهله بس قبلها لازم اخوك الحلو الأمور ده يعمل حاجه واحده أحمد: واعمل إيه إن شاء الله أمل: تتجوزنى أحمد: ناااااااااااااااعم اتجوز مين!!! وليد: استنى بس يا أحمد نفهم منها الأول أحمد’ تفهم إيه ؟ أه يا أنا يا أمه وليد

عايز يستفهم يا أمه وليد: بس بقى خلينا نسمع منها ! ( سأل أمل ) إيه علاقة الجواز بموضوعنا أمل: الجواز هو أساس الموضوع بص أنا مش هكدب عليك أنا عندى ٢٩ سنه وزى مانت شايف غلبانه وعلى قدى لاعندى شهادة ولا وظيفه عشان الناس تيجى لى عشانها وكمان يتيمه ومقطوعه من شجره ماليش غير خالى وهو عنده كوم لحم يعنى محدش فاضى لى أحمد بتريقه : يا ضنايا ياختى وليد:بس يا أحمد مش فاهم إيه العلاقه

أمل: ماهو لما شاب حلو وأمور وباين عليهم متعلم ومعاه فلوس يسيب كل بنات البلد المتعلمين الحلوين ويجى يتحوزنى أنا كل البلد هتستغرب وهيجوا يسألونى إزاى ساب الكل وبص لك أنا هرد عليهم وأقول كمل عنها وليد بإنبهار: بركات سيدى حبشتكا.يا أمل إنتى عبقريه أمل: وبعدها لو قلت أى حاجه عن سيدى حبشتكا الناس كلها هتصدقها فهمت بقى وليد بإنبهار: إنتى دماغك ألماظ تعرفى لو ماكانش أحمد هيتجوزك كنت إنجوزتك أنا أحمد: حلو اتفضلها حلال عليك

وليد بتراجع: لا ماهى خلاص اختارتك وبعدين ماينفعش اخد واحده عينها على اخويا .المهم إحنا هنيجى إمتى أنا عايز الموضوع يخلص في اسرع وقت المولد قرب ولازم الناس كلها تتكلم عن حبشتكا أمل: من النهارده لو حابين بس تتقلوا جيبكم وإنتوا جايين أحمد: يعنى إيه قسمتونى على بعض اتفقت معاها عليا يا وليد أمل: أنا مش عارفه إنت متضايق من إيه ده أنا كلى فوايد وهنفعك أحمد: ليه كنتى بنك وليد: سيبك منه إحنا جايين بالليل &&&&&&&&&&&&&&&&&&&&&

بعد مرور أسبوع اتحول المكان من عشش مهجوره لساحه كبيرة والأنوار معلقه في كل مكان كان وليد مشغول جدا وهو بيرتب في الناس وفيه صوت موسيقى عاليه جدا أحمد: بتعمل ايه يا وليد وليد وهو مشغول: استنى بس يا أحمد ( وبدأ يزعق ويشخط) : إنتى أقفى كده وإللى جنبك تحازى عليكى والكل يرقص كده يالا ١ وبدأ الكل يرقص ويهز كل جسمه بحركات غريبه احمد بضحك: إيه ده هما بيعملوا ايه وليد: استمروا في التمرين يالا وأخد اخوه بعيد عن الصوت العالى

أحمد: بجد إنتوا بتعملوا إيه ومين دول وليد: دى فرقه غلبانه بتاخد ٣٠٠ جنيه في الليلة أحمد بصدمه: إنتوا حددتوا معاد الفرح وجايب الفرقه الخيبانه دى عشان ترقص فيه للدرجه دى أنا رخيص عندك وليد: بطل اڤوره وماتنكرش أن أمل دى دماغها شغاله وبسببها البلد كلها بتتكلم عن حبشتكا وكرمات حبشتكا وغير كده مركزه معانا أوى وواخده بالها شفت صندوق النذور إللى حطته هنا وبسببه بنلاقى فلوس كل يوم

أحمد: يا ماشاء الله شفتوا العبقرية عملت صندوق الناس بتحط فيه ١٥٠ جنيه ولا٢٠٠ في اليوم وفى المقابل إحنا جبنا لها موبايل ب١٥ ألف جنيه يعنى لو حسبناها هى كسبت من ورانا . وليد: والله العظيم أنا غبى ومابتفهمش عمال تبكى و تنوح زى الحريم ومش عارف تشغل مخك يا غبى إحنا إللى أمل إحنا محتاجنها البت من أهل البلد ومخها نضيف وشكلها واقعه فيك على الأخر يبقى العقل بيقول إننا نستغلها. أحمد: أستغلها إنى اتجوزت أمل أبقى أستغلها

وليد: أيوه يا غبى إحنا كل إللى ربطنا بها حتى ورقه كتبناها عند المأذون وبسببها البت واقفه لنا واقفه جامده إيه يعنى حتى موبايل ب١٥ ألف جنيه فرحناها به اعتبره أجرتها على الشغل إللى بتشتغله هنا فى نفس الوقت ظهرت أمل وهى بتكلم بعصبية: إنتوا قاعدين كده وسايبين الناس تخش وتخرج كده وليد: حصل إيه يعنى أمل: حصل أن راجل كان بيحط مرجيحه. هنا أحمد: وإيه يعنى ده مولد يعنى طبيعي بتوع المراجيح يجوا هنا

أمل: يجوا يا عم أنا مااعترضتش بس إللى يجى يدفع ارضيه وليد: إيه إزاى أمل: أيوه كل إللى هيشتغل في المولد لازم يدفع لنا ارضيه بياع بتاع مراجيح طراطير أى حاجه حتى لو شحات هيدينا ارضيه اقول اكوا سيبوا الموضوع ده عليا وليد: شفت إحنا لو كنت قعدنا ١٠٠ سنه عمرنا ما كنا عرفنا الأرضية دى عرفت بقى فايدتها وبعد ما المولد ما ينفض ونلم فلوسنا ونسيب البلد دى ابقى طلقها وابعت لها ورقتها عن طريق المحكمه وأهى ورقه وانقطعت

أحمد: يابن الإيه هو ده تفكيرك اتجوزها وبعد المولد أطلقها طب ما قلتش ليه بدل ما أنا عمال تعيط ليل ونهار وليد: إفرد بقى وشك وياريت تعامل البت حلو عشان تدنها تشتغل. تساعدنا وماتزهقش أحمد: طب والفرقه دى جايبها ليه وليد: دى عشان ترقص في المولد رقصة سيدى حبشتكا ضحك احمد وقال: رقصة سيدى حبشتكا ده إنت واخد الموضوع ده بجديه بس جايب فرقه ترقص ليه ما احنا اتعودنا من زمان المداح بيغنى والناس بتطوح يمين وشمال لحد مايدوخوا

ولا يقعوا من طولهم وليد:ده كان زمان الناس تطوح يمين وشمال كانت موضه في الثمانينات التسعينات بس احنا دلوقتي ٢٠٢٦ الجيل بتاع يمين وشمال عجز والواحد منهم بيمشى بالعافيه ولو وقفوا عشر دقايق بيحتاجوا كيس محاليل يبقى الحل إيه أحمد: إيه وليد: نخرج بره الصندوق ونعمل حاجه تشد الشباب إللى فى العشرين والثلاثين أحمد: والفرقه الخيبانه دى هى اللى هتشدهم

وليد: لا دى السكه بس شباب اليومين دول كلهم طاقه عايزين حاجه تهدهم ومفيش إلا اغاني المهرجانات اللى كلها خبط ورزع أحمد: إنت مجنون هتعمل اغنيه لحبشتكا عشان الشباب يرقص عليها هو احنا ناقصين مصاريف وليد: مصاريف إيه يا أهبل البركه في الذكاء الاصطناعي كتبت اى كلام كده وهو عمله اغنيه مهرجانات جامده وأنا اخترعت رقصه تبقى خاصه لحبشتكا وعمال أحفظها للفرقه عشان الشباب يقلدها

أحمد. : طب. افرض الشباب ما رقصوش ومااهتموش بفرقتك الخايبه طلع وليد من جيبه ورقه سلفان حمراء وقال: يبقى نلجأ للخطه ب أحمد: حشيش &&&&&&&&&&&&&&&&&&&

عدت ٣أيام المولد وكانت ايام دمار تقريبا كل شباب البلد والبلاد إللى حولهم كانو موجودين والفرقه كانت عامله احلى شغل تقريبا كانت مش بتبطل رقص وطبعا تأثير المذاج الكل كان بيرقص بطريقه هستيرية أما الفلوس كانت بتطلع ماتعرفش إزاى بس الكل كان بينقط والكل بيدفع ومادام الكل فرحان فخلاص مفيش اعتراض فى اليوم الرابع الساعه ١٠ الصبح كان احمد بيصحى وليد وهو بيلم هدومه وبيحطها في الشنط وليد

بكسل وهو بيبص على الساعه : يابنى حرام عليك بتصحينى دلوقتي ليه ده احنا كنا سهرانين للفجر وملحقتش أنام أحمد: معلش هنام في بيتنا لما نروح يالا قبل ما الناس تصحى خلينا ناخد الفلوس ونهرب وليد: طب استنى شويه خلينا تفوق ناكل لقمه ولا تشرب قهوه أنا دماغى هتنفجر أحمد: أنا دماغى هتنفجر أكتر منك بس يالا هنفطر في الطريق ونشرب كل إللى إحنا عايزينه بس يالا لم هدومك بسرعه قام وليد وقال: حاضر إدينى عشر دقايق بس

وفجأه سمعوا صوت خبط على الباب فتح وليد واتفاجأ بأمل داخله وهى شايله الفطار أمل: صباح الخير يا حلوين يالا بسرعه قوموا إفطروا عشان ورانا النهارده شغل كتير أحمد: إيه إللى جابك وبعدين شغل إيه هو مش المولد إنفض ضحكت أمل وقالت: أنا مش عارفه كنتوا هتعيشوا إزاى من غيرى كنتوا أكيد خسرتوا كتير أوى وليد: خسرنا إيه مش امبارح كان آخر يوم في المولد أمل: اخر ليله بس لسه الزفه بتبقى اليوم الرابع وليد: زفه إيه

أمل: دى بقى بتبقى ختام المولد وفيه هتركبوا عربيه ربع نقل وهتلفوا البلد كلها أحمد: وإيه بقى فائدتها أمل: فلوس كتيره أصل الناس هتنقطكم ٢٠ -٥٠ ٢٠٠ وكل واحد ومقدراته والموضوع كله الفاتحه على روح فلان و الفاتحه على روح علان وأنا جهزت كل حاجه العربية وفرقة حبشتكا وكل حاجه يالا تعالوا إفطروا وأنا هخش أعمل لكم قهوه عشان تفوقوا وسابتهم ودخلت المطبخ وليد: شفت اهو أنا عمرى ما كنت هفكر في الزفه ولو بعد ١٠٠ سنه مش قلت لك

البنت دى كلها فوايد احمد: عندك حق بس برضوا مش نازله لى من زور يالا هصبر لحد بعد الزفه وبعدها هخلع على طول قدمت أمل لهم القهوه وهما بيفطروا وبعدها قالت: بصوا الموضوع هيكون متعب شويه بس فلوسه حلوه وليد: أنا مش متحمس اصل احنا اخدنا فلوس كتيره الأيام إللى فاتت لسه الناس معاها فلوس أمل: الناس بتحب إللى يضحك عليها بس بالطريقة المهم خد إللى فى الكيس ده وإلبسه وليد: إيه ده أمل: جلابيه بيضا وعمه خضراء أحمد: طب وانا هلبس إيه

أمل لا إنت عادى أحمد: ياسلام ليه هو يلبس جلابيه وعمه وأنا لأ أمل: عشان هو خليفه سيدى حبشتكا إللى الناس هتنقط على حسه أما إنت هتبقى النباطشى إللى هتلوش وتحيي الناس فهمت أنا اساسا مش عارفه من غيرى كنتوا عملتوا إيه يالا إجهزوا وأنا هتأكد إن كل حاجه تمام بعد اكتر من خمس ساعات لفت فيهم الزفه من بلد لبلد رجعوا البيت وهما متكسرين أحمد : أه يا ظهرى ده هيتكسر وليد: أنا كمان تعبت اوى

أحمد: تعبت في إيه إنت طول الوقت قاعد على الكرسى ومغطى وشك بالشال الاخضر أنا إللى هلكت بس يالا عشان نمشى قبل ما المغرب يأذن وليد: طب نبات النهارده نمشى الصبح نمشى أحمد: لأ مش هنقعد ولا ثانيه واحده أنا عايز اركب العربية أهرب بسرعه وليد: أصل…. أصل أحمد: أصل إيه وليد: أ…..أ…… أحمد: مالك بتهته ليه وليد.: أصل …يعنى لازم نستنى أمل أحمد بصدمه وبصوت عالي: إيه ….. ليه نستناها ليه وليد: أص…..أصص… أحمد: من غير ما تهته قول

وليد: بصراحه يعنى عشان الفلوس معاها صرخ أحمد: إيه معاها طب لو فلوس الزفه خليها لها وإحنا ناخد فلوس المولد حلوين وليد: بصراحه يعنى هى معاها الفلوس كلها أحمد: كلها كلها المولد والزفه وكله وليد: أيوه عرفت ليه لازم نستناها هى قالت هتحاسب الناس وتجيب الفلوس عشان نفسم دخلت أمل وهى شايله شنطة سفر كبيرة وقالت أنا جيت أحمد: حلو أوى كنا مستنينك هاتى الفلوس أمل: ماتخافش الفلوس في الحفظ والصون بس عايزه اعرف موضوعنا هتعمل فيه إيه

أحمد: طول عمرك جدعه هاتى الفلوس وبالنسبة لموضوعنا يعنى الفرح وكده هنعمله مع المولد السنه الجايه وعليكى خير هى الفلوس فين فى الشنطه دى صح واخد الشنطه عشان ياخد الفلوس فقعدت أمل وقالت: أنا مش عارفه من غيرى كنتوا عملتوا إيه والله العظيم كنتوا ضعتوا يعنى المولد كله حراميه ونشالين وإنتوا كنتوا محششين ودماغكوا عاليه يعنى من غيرى كان زمانكوا إتسرقتوا من زمان وراح كل تعبكم ده في الهوا احمدوا ربنا إنى معاكوا وليد: الحمدلله

بس فين الفلوس أمل: يعنى متوقع همشى كده بالفلوس عادى ده أنا كنت اتسبت واتسرقت منى في لحظه أحمد: يعنى إيه ترجمى لى أمل: الفلوس كل يوم كنت بحطها في كيس زباله وعلى البنك أول بأول أحمد: ناااااااااااااااعم أمل: عشان النهارده الجمعه ومفيش بنك فافلوس إمبارح وفلوس الزفه هحولتهم على المحفظة بتاعتى. ها قلت إيه يا أحمد نسافر سوا ونستفيد بالفلوس مع بعض ولا نستنى للمولد السنه الجايه وساعتها ابقى تعال خد فلوسك وبالمره

لها احمد ووليد بصدمه أمل: فاكرين إنى غبيه هديكوا الفلوس وتخلعوا وتسيبونى .عيب عليكوا هو أنا مش قلت لكم من زمان أنا بفهم إللى قدامى من اول نظره . يالا أنا هسبقكم على العربية بص أحمد لوليد وقال: حسبى الله ونعم الوكيل فيك إنت وسيدى حبشتكا في يوم واحد أقول لكم إيه هى الدنيا كده نصابين بيضحكوا على نصابين وعلى رأى الأستاذ أحمد زكي لما قال فى فيلم البيضه والحجر ( لو لم اكن سباغا لوددت أن أكون سباغا)

بس انا هقول لو لم اكن حبشتكا لوددت أن أكون حبشتكا. وكلنا حبشتكا ولا أستثنى منا أحد وإرفع راسك يا اخى فأنت في زمن الحبشتكا وسلم لى على البتنجان النهايه