تحميل رواية «حب مبهم .» PDF

" بِسم اِلله الرَحمـن الرَحيـم "

...................................

الإنسان المَر بتجارب قوية بحياته، صعب أحد يلفت عقله بسهولة .

...................................

"كملنا العشاء وجفت احمد علينا"

زهراء: اهو

رقيه: زراب خربت السهرة

"ويه دخلته دخل عمي ناصر

سلم احمد عليهم وكعد جان مصدوم من تواجدي سويت روحي ما اعرفه

كمت سلمت ع عمي ناصر للعلم اشوفه هواي بس بكل مرة يشوفني يبوسني

تباوسنه وضحكنه سوه كعدنه ناكل ف مرة جدي صاحت لـ احمد تفضل رفض لحت علي وماقبل كملنا عشاء وسويت جاي وصبيت لهم وحسبت احسابه انطيته چاي وخزرني عوجت وجهي ووخرت كمل شرب الشاي "

احمد: امشي وياي اوصلج للبيت

سارة: اخوي يوصلني او عمي

احمد: امشي

"حجاها بمعنى ما اعيد كلامي بعد"

سارة: لا تحاول ما اخاف منك وما اروح وياك

ناصر: بقيها انا اوصلها هسه

احمد: لا حبيبي مرتي انا اوصلها

سارة: مو مرتك

احمد: لبسي يلا وامشي وياي

زهراء: اجت هيج

سارة: شلبس لابسه؟؟

"بقه يباوع ويتحلفلي كلت هاي هيه رحت بيها"

احمد: تفضلي كدامي

سارة: اوك

"ودعتهم وركبت وياه بالسيارة"

سارة: شتسوي صاعد بسيارتي

احمد: من شدة شوقي حبيبي

سارة: اي هل اكول وتسوي فضل لو تطلع من بيتي

احمد: هههههه

سارة: حتى ضحكتك تسليك

احمد: بالضبط

"وصلني كبال بيتنه جاي انزل وقفل باب السيارة"

سارة: شتريد؟؟؟؟؟

"بسرعة مشه بينه ورحنناا لنهاية الشقق

بقينه ساعة كاملة كاعدين وانا تعبت من الكعدة"

سارة: وتالي وياك؟

"مارد وبقه يدخن"

احمد: ورثيلي هاي

سارة: خوش

"سحبتها منه ورثتها له انطيتها له وبيها حمرة من حلكي"

احمد: شيصير لو الجكارة ماتخلص

سارة: استغفرلله اشك بيك تتعاطى تصرفاتك ابد ابد مو حلوة

احمد: شكتلج زيتونه

سارة: اسكت بس اسكت

"شغل السيارة توقعت يوديني لبيت اهلي نزلني للبيت مالتنه"

سارة: لمن جبتني هنا شتريد تسوي؟

احمد: شسوي مثلاً نزلي اريد اشوفج شي

سارة: ما اريد وخر نزلني ارجع لبيت اهلي

"فتح باب السيارة ورحت اريد اركض افتر ولزمني"

احمد: منا كامرات امشي

سارة: واذا شنو يعني ما اريد ادخل وياك

احمد: امشششيييي

"حرفياً بنات الكامرات تشهد ع السح لي سحني اياه احمد ودخلني للبيت

عدلت ملابسي"

سارة: غرد يلا

احمد: شغرد حبي انا مو بلبل

سارة: شهل حيوان لطيف تشبه نفسك بي انت ثور حتى الثور بنظري لطيف اله انت عجزت اوصفك اضلم الحيوانات بيك

احمد: جرحتي مشاعري

سارة: ياريت عندك ابو النسوان

"كام تقدم ولزم ايدي قوي موتتني بس بقيت بمظهر ثابت ما كلت شي"

بقيت واكفه بمكاني

سارة: تفضل؟

احمد: صعدي وياي فوك

سارة: السسببب؟

احمد: اشوفج شي

سارة: ما اريد اشوف اي شي يخصك ابتعد عني

احمد: ضروري تشوفينه

سارة: مو مهم عندي

"اجه من وره وصار بالضبط وره ضهري دخل ايده وحاوط خصري وقربني علي اكثر وهمس بأذني"

احمد: اشوفج المكان لي سويته لج

ساره: لا تحاول مستحيل اتأثر بيك

احمد: لهل درجة ووين فضولج القوي؟

سارة: مات

احمد: ماتحسين بيه؟

سارة: ماعندي احساس للأسف

"كل هذه وهوه شابكني بقوة من وره ضهري "

احمد: صعدي فوك لدقايق فقط

سارة: مستحيل اسوي لي تريده بعد راح اشتغل منا وهيج ع نفسي فقط

احمد: ميخالف

"بعدين نزعني حجابي وفتح شعري وكل هذه وانا ما تحركت ابد بس ساكته وعيوني تشاهد شالني وصعدني فوك حطيت ايدي ع رقبته اباوع بعيونه بس ما اشوفه دخلني لغرفته ونزلني كعد ع الكرسي وشغل الايباد جان اتوقع مشتري جديد لان جبير فتح فيديو وجرني وكعدني بحضنه وبده يباوع ع وجهي بس ما سويت شي صامده ولا تحركت وكعدت بحضنه بدون كلام فتح فيديو مال بيت صغير بس مرتب وتقريباً جانت شقة مال نفرين بس جانت صغيرة "

احمد: شفتي

سارة: الزبده ما فارغه لك

احمد: راح يجي يوم وتجين بيها

سارة: بيتي احلى

احمد: بهل شقه راح تشوفين شخص ثاني

سارة: زين هل شخص مؤذي لو سليم

احمد: مؤذي كلش

سارة: شوكت اشوفه متحمسه هواي

احمد: سارة برودج موتني

سارة: وصلت لشي لي اريده

احمد: وهوه

سارة: اموتك مثل ما موتتني

احمد: وين ايجابيتج شدعوة هيج سلبيه؟

سارة: يعجبني انُ ارجع رسلان لان شخصيه الدلوعه والميكب بدة تلعب نفسي منها

احمد: والنوب

سارة: ماكو والنوب لان انت بكل حالاتي تحبني ف حبك لي راح يدمرك او بالاساس انت متدمر وراح تشوف هواي وهواي مني

احمد: هذه حب مو حرب

سارة: ما اريد الحب كل الحب مقرف بالنسبه لي وانت اقرف منهن

احمد: ما خنتج انا

سارة: ميخالف روح خون براحتك مايهمني

احمد: وحبج لي

سارة: تمثيل

"بعدها ضحكت وبدة يتضجور مني اسلوبي البارد والمستفز"

سارة: شنو رئيك اكوم من حضنك لان بصراحه ما يلوكلي ولا يرهملي

احمد: جاي تلعبين وتعرفين راح ااذيج

سارة: مايهمني مثلاً مثلاً شرايح يصير اموت

هههههههه اول وتالي راح اموت اليوم او باجر والصراحة انا مستعدة واتمنى هل شي واخلص من الكل

"جان ساكت وماحجه شي بعدها كتله "

سارة: هل شقه وين مكانها

احمد: شتكولين انت

سارة: مكان بعيد

احمد: وكلش

سارة: راح يصير كبر لواحد من عدنه

احمد: قصدج تولدين ابني بيها

سارة: ههههههههههه

"وكفت بصفه كام وجرني ورجعني بحضنه

ورجع شغل الفيديو"

احمد: ركزي زين

سارة: ماكو شي مهم صوري بالشقه متروسه ترس ليش؟ لان انت واحد مريض ومهوس

احمد: شوكت يصير دورج

سارة: هذه مرض مو وراثه تعالج بلكت تحس ع نفسك وتطلكني

احمد: لو تموتين

"بعدها درت وجهي علي وحطيت جف ايدي ع وجه نزلت اباوع ع شفايفه وحطيت عيوني بعيونه وكتله"

سارة: حبيبي كوم وصلني للبيت

احمد: مستحيل

سارة: واضح تريد تخسر راسك

احمد: مايهمني الصراحه

سارة: اوكي

"كمت من حضنه وهوه يباوع ع خطواتي نزلت جوه لبست حجابي وجاي اطلع وسحبني لزك جسمي ع الحايط"

احمد: وين رايحه

سارة: للبيت

احمد: كافي شهل تصرفات هاي بديتي تلعبين نفسي مرة ترديني ومرة ما ترديني شنو تضحكين عليَ انا هم بشر من لحم ودم مو جاهل كدامج انا تعبت ودست ع كرامتي علمود احصلج تالي تعامليني بهل برود افتهمي انت مرتي مو صاحبتي حتى لو اطلكج تبقين بنت عمي وغصباً ماعليج حتى لو اطلك تبقين لي فهمتي لولا

سارة: لا

احمد: ههههههههههه حلو حلو بديتي تلعبين وويامن؟ وياي انهيج وحق الله دير بالج لي بالي يطلع صح والله انهيج افتهمتي لولا

انا احمد ساره مسودن انا مسودن

سارة: ع روحك

"هنا لزم فكي حيل وجان عصبي ع لعبان نفسه مني ويتمنى ينهيني"

احمد: كتلج وستر امي وداعتها وشرفها لأمي ما خنتج ولا تقربت لوحده غيرج من شفتج لحد الان وانا عيوني ما تشوف غيرج

سارة: اريد اروح لهلي

احمد: لا تكولين اهل ماعندج اهل انتِ انا اهلج فهمتي لولا محد يحبج ويريدج مثلي لا تدوخيني

سارة: غلطان عندي اهل واخوان

احمد: اي عندج عندج بس محد يحبج كثرري ولي يحبج غيري اسوي بي كارثه لا تحاولين تستفزيني راح تندمين

سارة: مايهمني

احمد: شتردين بالضبط شتردين برودج وكلامج وين نبلع لسانج

ساره: مابيه حيل وخر عني وجهي كام يأذيني

احمد: باوعيلي زين

سارة: نعم

احمد: اريدج لا تسوين هيج معقوله ما تثقين بيه أحبج انه صعبه اشوفج بعيدة عني تدرين كمت قبل لا انام اشوف صورج وفيديوهاتج وانام ومن اكعد نفس الوضع اتعشى بصورج واتريك بيهم

سارة: وبالغدى؟

احمد: انتهي

سارة: وديني لهلي

احمد: امشي

"وفعلاً وصلني للبيت بس جان ضايج ووجهه احمر ع ازرك ماعرف هيج جان كلش مثل المريض نزلت من السيارة وكلي سهله كتله تكضي

حرك السيارة وطلع كبل

دخلت جوه وبوجهي للنوم بدون تفكير رحت بالاحلام"

"فزيت ب3 عجيب شكد احلامي مو حلوة استغفرت وقريت سورة الكرسي وحاولت انام بكل مرة اغفى احلم بي كضيت ايام وايام وانا احلم بي اكعد سوالفهم بي انامن احلم بي وصلت لمرحله تعبت كلش حرزي لابسته مرة احلم بي زين وحلو ومرة تعبان ومره يموت ومره سكران بكل حالات شفته وبكل مره احلم بي كلبي يضل يوجعني سككتتت ولا حجيت ولا فسرت بس أيقنت انُ مستحيل وثم مستحيل يطلع من راسي

ف كعدت بالمرجوحه بيومها عصر والجو حلو وصوت طلاب وهمه يحلون لان جان بيتنه بصف مدرسة اهليه حتى الجرس نسمعه اجت لجين وكعدت يمي وبديت اسئلها عن حيدر"

لجين: زينين وخوش ولد وهل فتره

"بعدها سكتتت ودريت انُ يحجون بس بينه"

سارة: فتره شنو

لجين: نحجي بس بيكم يعني صايرين محتوى بخاصنه

سارة: مفيد سلبي

لجين: حزين

سارة: ركبيلها نغمة ابو الغاز

لجين: قنعتيني والله

سارة: شتسولفون بالضبط

لجين: اااااء مثلاً حيدر يكول احمد تعبان ومرتين بچه وانو حيدر هون علي ويصبر بي

ساره: اوك مو مهم

لجين: صدك

سارة: اي

"ف خليت وكمت منها ودخلت نمت بديت الايام تمشي والساعات تمر وانا بس نايمة واكل بعدها طلعت من هل جو وكمت انضف واشتغل وكلشي صار عليه ف كلت لـ لجين انُ ترتاح لوقت العرس"

حسين: سارة سويلي ريوك

سارة: صار

"سويت الريوك واكلنا انا وحسين"

حسين: حسن وين

سارة: هوه وعلي بالشغل شعجب ما طلعت انت؟

حسين: ضهري اموتني ماكدر اخذت اجازه يومين

سارة: اخذ من علاجي بلكت تصير زين

حسين: لا العصر اروح لدكتور واشوف شنو وضعه

سارة: اي افضل

"كملنا ريوك وغسلت الماعين وهيج صارت ايامي ما اسولف هواي وبس اشتغل حتى اتعب وانام شوكت احط راسي وانام بس هذه شاغل بالي بس مرات اخذ منوم بدون علم احد واسرح بفراشي اشبع نوم واكعد"

لجين: اكلج حيدر يكول خل نطلع نغير جو

سارة: كليله ما كاعدين بتركيا ونغير جو

لجين: نتونس شبيج

سارة: انتم مخطوبين طلعو سوه شكو انا طرف ثالث

لجين: احلى طرف

سارة: سكتي ما احب اكون طرف ثالث حتى لو جانت هل طلعه تخصني ولي

لجين: هوه علمودج لان ما عاجبني وضعج هل ايام

ساره: شمالني جاي اكل واشرب واتنفس واشتغل وانام وصحتي تمام

لجين: والهالاتتتتتت

سارة: صدكيني ما جاي افكر بشي غير صلاتي ونضافتي وبر الوالدين

لجين: واحمد

سارة: منو هذه انوب؟

لجين: جاي تمثلين يعني وعليمن عليَ؟

سارة: سدي الموضوع تخطيته شكو كلساع ينذكر اسمه جاي تذكرون اسم احمد اكثر من رب العالمين الناس المتدينه يكولون ياعلي يالله

اله بيت ابوج يا احمد شكوووو

لجين: اوك كومي بدلي خل نطلع

سارة: ماشي

لجين: ماشي لو راشي

سارة: لا تمضرطين تره انام

لجين: لا بداعة شواربج

سارة: ع الاقل انا عندي مو مثلج

لجين: بس هل طلعه واربيهن

سارة': احسن حتى احلف بيهن منا وهيج

لجين: تم

"بدلت لجين وانا كذلك"

لجين: شكو لابسه ملابس رياضيه لبسي فستان او لبس خليجي ليش هيج ساد كلش

سارة: شمالهن يخبلن

لجين: صدك تحجين

سارة: والله وين ماخذيني انتم غير حتى تقنعوني ارجع لـ احمد بعدين انا راح اسلك لكم وما ارجع

لجين: منو كلج علموده نريد نتونس شبيج وناس وين رايحه تلعبين رياضه

ساره: شبيج تره هوه تراك وحذاء رياضي

"لبست تراك رياضي اسود عريض بحيث كلش عريض وحذاء رياضي ابيض وحجاب ابيض مكياج خفيف كلش اكتفيت بس برسم عيوني ودمجهن بالون الاسود وحمره بالون الاحمر مات"

لجين: براحتج بس حلوات

سارة: غلطانه انا الحلوه

لجين: اكيد

"اما لجين لبست زي قريب للبس الخليج ومكياج طوخ جان مكياجها ع الترابي وبكثرة حطت جوزي وعدساتها عسلي"

سارة: مو كأنو مبالغه عدسات وشوي ويصير ليل

لجين: حتى مايشوف غيري

سارة: ايع ما اريد اروح وياكم

لجين: كعدي زيتونه شني ماترحين بكيفج وع منو اضحك انا

سارة: سهله حيدر متوفر

لجين: لا هذه اتغزل بي

شوي تعلمي من اختج

سارة: اوفر علاقتكم هواي بيها حب

لجين: احنا الحب وانتم الحرب اوف

لو مسميه قصتج الحب ونحنُ الحرب

سارة: طيط

لجين: تعفطين لملكة جمال البصرة

سارة: غير تكعد زينه الراوي

لجين: ها ام للول

سارة: ديلا خابري حيادرج المنغولي

لجين: لا تطكين ع زوجي

سارة: ليش احسج تضحكين علي

لجين: عليج حبي

سارة: شكراً

"خابرت له وتقريباً ربع ساعة ووصل

طلعنه وسلمت عليَ وكعدت وره ولجين بالصدر"

سارة: تموتين ع الكشن

لجين: مضغوطة هاي من عدنه حبي

حيدر: تروحلج فدوه

ساره: عيد ما سمعت

حيدر: عيد سعيد اختي

سارة: منين اجه سعيد من جهرتكم لي ماتبشر بالخير

حيدر: مشكورة خويه

سارة: تدلل

"كمل طريقه ومشى ونزلنا بمزرعه جان بيها اضويه ومفروشه وناركيله وفواكه وحلويات تقريباً سهره والاحتمال الاكيد يباتون

افتريت بالمكان ماكو شي يلفت النظر بس للعلم مكان حلو بي اخضر وزرع هواي"

سارة: حلو هذه المكان

حيدر: اي حبيت نبقى هنا اليوم مكان بعيد وبس احنا والجلاب

لجين: سد الباب مال المزرعه زين خاف نصير فريسه لهن

حيدر: يخسن وانتِ بحضني

سارة: سلامات وردة انا هنا

حيدر: مرتيي والله مرتي

لجين: هاي مو طاكها الجفاف صايرة تلعب نفسها هواي

حيدر: ييالله يمتى

سارة: شنو يمتى

حيدر: اشوف ابن اخوي

لجين: بحلمك

سارة: مثل ما كالت مرتك

حيدر: ماكو شي مستحيل يم اخوي

سارة: اكو

حيدر: وهوه

لجين: سارة

سارة: عفيه

احمد: حتى وانت بعيده اكدر اوصل لج ماكو شي صعب عليَ

لجين: منين هذه طلع

سارة: جبتيني تضحكين عليَ؟

لجين: ولج والقرآن ما ادري بي كال حيدر فقط 3 والله كال نغير نفسيتها

سارة: تتغير وابن عمج هنااااااا

حيدر: شسالفه غير رجلج

سارة: لا تتدخخللل منو كلكك تتدخل بحياتي قبلت اجي وما رديتك احتراماً لك انا لو اختي طالبه اركعها بالنعال وما اجي بس كلت خطية اول مرة يطلب هل طلب ما ارده

حيدر: شكراً لج بس تفاهمي لأخر مرة ويا

سارة: ماكو شي اسمه تفاهم بيني وبين اخوك لا تعيدها وهاي صارت وحده وياك

"كمت اريد اطلع من المزرعة كلها ولزم ايدي حيل"

احمد: وين طالعه

سارة: للموت شعليك وخر

"وخرت ايدي منه وتوجهت للباب

بس جان مقفول"

سارة: ولك حيدرررررررر الباب ليش مقفول

حيدر: من الجلاب

سارة: والله احسن منكم بهواي

لجين: نعم الله عليج

سارة: بالبيت حسابج لجين

لجين: والله مادري بخطة الجلب هاي

سارة: النغل تعرفين ياهو ابو ماتمشي عليَ سوالفج صايرين طبابين خير

حيدر: تعاي نتفاهم خويه

سارة: معليك بديت تنرفزني حيدرررررر

احمد: صوتج لا تتجاوزين

سارة: اسكت لك

احمد: عليمن هاي

سارة: عليك شتسوي تكتلني؟

"جرني من البدي مالتي ودخلني بوحده من الغرف جان مبني بيها شلون البيت بس ع النص والحديقه هيه المزرعه

قفل الباب علي وطلع

كعدت وحدي وشوي وكمت رفست الباب حيل اجه احمد وفتحه وكال طلعي مادام رستتي طلعت بدون صوت كعدت يم لجين وحيدر واجه كعد بصفي"

حيدر: خل نسولف هسه

لجين: شسولف وانت سالفتي

حيدر: اروحلج فدوه

سارة: تسكتين لا اكوم اكطع النعال ع راسج ام الوصخ صايره رومنسيه وتطكين عليَ قبل شوي تكولين اضحك عليَ

حيدر: جرحتيني

احمد: ههههههههههه

مو كتلك ناصبه عليك

لجين: حبيبي جذابه مو كتلك تغار من عدنه

سارة: عليمن ع الوصخ

لجين: سكتي فضحتينه شوي صيري انثى

احمد: لا تسبينها

حيدر: كالت انثى مو سبتها

احمد: الانثى بالنسبه لمرتي قلة ادب ومسبه

سارة: لا تكول مرتتي ابو النسوان

حيدر: شوكت تردين اطلكج منه بس اشري بأيدج

سارة: باجر

حيدر: باجر ماكو محاميينن حتى القاضي معزل

لجين: ليش حبي

حيدر: عدهم موعد طالعين طلعه عائليه

سارة: اي مو فارغين مثلك

احمد: يهون عليك تكسرني

حيدر: ميخالف هسه اكسرك تكسر ولك شنو شفت بيها جنها زلمه

لجين: شمالها جنها ام للول

سارة: نجبي وانت حيدر اتجاوزك باخلاقي

حيدر: ولج منيلج اخلاق دسكتي المهم خويه متأكد انت هاي بنيه لو متحول

احمد: متحوله

"كعدو يضحكون عليَ ولجين تكسر وتجبر وياهم"

سارة: المطلوب شنو

لجين: بس اتربعي مثلي

سارة: شعليج بابا

حيدر: الله يساعدك

سارة: عليمن شايفني سجينتي بخاصرتي واخوك يدفع فصول

حيدر: مو بعيدة

سارة: ان شاءالله اجربها بيك

حيدر: وتخلين اختج ارمله

سارة: تشوف لها جلب ابن جلب ياخذها

حيدر: لجين تتزوجين من اموت

لجين: اذا حلو اقبل ابريلي الذمه

حيدر: تدورين حلوين

لجين: يرحون فدوه لك من عمري ع عمرك

سارة: ايع

حيدر: شبيج مرة اخوي

سارة: صايرين تلعبون النفس ولا تكلي مرة اخوي

حيدر: جا شكلج

لجين: سوسو

سارة: نجبي صدك جذب

لجين: احمد شعجب ساكت

احمد: ابتعدي عني

حيدر: شسوتلك حمد

احمد: ما اريد اجرحها

سارة: جرب وشوف

احمد: حيدر كلها لا تتدخل

حيدر: يكول لا تتدخلين انا وبنت عمي انتِ شكو حاطة خشمج

سارة: كمل ليش توقفت

حيدر: احمد كمل ليش وكفت

لجين: يمههههههه متتتتت هههههههههه

حيدر: ضحكي جعل محد غيرج يضحك ويروحلج فدوه احمد

احمد: مو اكوملك

ساره: بس حجي

حيدر: شوف مرتك تطك عليك شلون تقبلها كوم اخبزها

لجين: سكتو سكتو خل نغير الموضوع خوما نبقى هيج نعتبر نفسنه كبلز وكذا

سارة: كلش ايع اريد انام افتحولي باب السيارة انام بيها

احمد: نامي جوه

لجين: بعد وكت تره

سارة: معليج

"كمت ورحت للغرفه جان اكو فراش تمددتت بي وشوي واجه وراي احمد هم نام بصفي وشبكني"

سارة: شتحس كافي تره لعبتها لنفسي

احمد: اششششش

سارة: ما تخوفني تره

احمد: اسكتي اريد انام

سارة: نومتهم

"خليت وكمت سديت الباب وشفت حيدر حاط لجين بحضنه جان ضهرها ع بطنه ومتغطين ويضحكون تقربت عليهم"

لجين: لا تغني فشلتنه

حيدر: فوكاها يعني

"كعدت يمهم بدون صوت"

سارة: حيدر شغل لنا نار هنا

حيدر: مو تردين تنامين

سارة: مانعسانه

حيدر: تلعبين علينا

سارة: اي

"كام حيدر وشغل نار بتنكه"

سارة: رجعو تخيلو اعتبروني ماموجوده

حيدر: وجودج وعدمه واحد

سارة: هسه عود قصفتني

حيدر: بدون احساس

لجين: صاير اسلوبك مو حلو بدله مايعجبني

سارة: بدلي كله تره كلش اوفر

لجين: اي صح والله صحيح

حيدر: نجبن وين احمد

سارة: نايم

حيدر: ليش عفتي؟

سارة: شعليك انت

لجين: شعليك لو شعريه

سارة: تافه هسه عود نخيم احنا لو شنو بس تره الجو جاي يبرد

حيدر: اي صح روحي جيبي غطه من السيارة مالتي وجيبي الحلويات هم

"رحت طلعتهن وجبتلي جرجف شوي ثخين واجيت كعدت يمهم"

حيدر: راح اشغل اغنيه

لجين: علي صوت المسجل

حيدر: صار

"طلع حيدر اغنيه ولجين كلتله هاي اغنية ساره واحمد"

حيدر: اريد اهيج المشاعر لجيني

لجين: اختي بدون احساس

ساره:اتوقع دتحجون عليَ لو غلطانه

حيدر: لا غلطانه خويه

ساره: شنو غايتك خويه

حيدر: اخوي تعبان جبته يتونس

ساره: واحنا شكو

حيدر :اريد الكل يتونس انستي

"بدو يغنون سوه ويا الاغنيه"

لجين: قلبي بيشتئلك بجنون مابعرف ماغيرك كون ولا بقدر مع غيرك احكي

حيدر: من اول مره تلاقينا احساسي من جوه تغير

ساره لجين: حبيتك ما بقدر أقلك لو بعرف بوصفلك اكثر انت مش بس بتعجبني نظرة منك بتذوبنييييييييي

حيدر: اللهههه

"نصه صوتها وكلساع تنعاد وتنعاد بعدين طلع احمد وراح لسياره بقه حيدر يباوعله مثل القلق علي وجانت نضراته واضحه انُ خايف عليَ غلست وهوه دار انضاره علي حسيته يعاتبني وليش ومن هل حجي كمت اخبط بين افكاري"

حيدر: ست سارة

ساره: نعم استاذ

حيدر: خلينا نسولف شوي

سارة: سولف

حيدر: الي صار مو مثل ما انتِ مفكره انُ هوه خانج ويا نسوان لا عزيزتي بس جان علمود شغلنا لا اكثر ولا أقل جان لازم يمشي ع الخطة

سارة: خطتيش وشغليش؟

حيدر: ماكدر اتعمقلج بالسالفه بس الشخص الي طلع ويا احمد للملاهي هذه تاجر مخدرات وعلمود يصعد نشاطنه اطر لهل امر

لجين: حتى انت ويا

حيدر: اي ويا انه

لجين: وويا نسوان وصورت

حيدر: لا استوب بس احمد سوه هيج طاحت براسه مسكين

ساره: لزمتو لو لا

حيدر: اكيد يعني شنو عبالج كل هل لعب وما نلزمه حتى صعدو نشاطنه بالشغل وان شاءالله ما بقه شي ونترقى احلى ترقايه

ساره: تمام

لجين: احجي ويا

ساره: مستحيلل سدو السالفه

حيدر: كافييييييييي

"صاح بصوت كمزني وكمز لجين من حضنه"

ساره: شبيكككككككك شكو تصيح

"حسيته فول دمي شنو يصيحح ويصيح علي منو هوه ويصيح"

حيدر: اسف بس نفعلت شوي تره خطيه اخوي والله طلع يمكن يشرب

ساره: وفوكاها يشربببببببب دتشوف حضي حيدرررررر

حيدر: كله منج بطول زري ومشيبه زلمتي

لجين: زلمتك؟

حيدر: اي سبعي اوف احبه

ساره: حيدر صاير مقرف لو انا اتخيل

حيدر: شنو بس لا حامل شو تلعب نفسج من البشريه

ساره: يمكن لان ماجاي اطيقكم والله كلش

حيدر: شكراً

"دخل احمد وكله لحيدر"

احمد: راح اروح لعبت نفسي

حيدر: ماتروح وانت شارب

احمد: ما شربت

حيدر: لا تجذب عليَ

احمد: ما مجذب حيدره رايحح

حيدر: اوكف اوكف

احمد: ها

حيدر: تعال وياي بره خل احجي وياك

"كام حيدر وطلعو ثنينهم بره كمنه انا ولجين وحده تباوع بوجه الثانيه"

لجين: شكو

ساره: مادري

"ربع ساعه ودخلو سوه"

حيدر: كومي ساره

ساره':وين

احمد: وياي

ساره: تحلم والله

"ماحسيت غير بأيد تجرني بسرعة من ايدي عت ايدي عت"

ساره: شبيكككككك مريض انت مريض

احمد بعصبيه: اي مريض انه مريض

ساره: عساك وخر ايدك اذيتني

حيدر بهدوء : شبيك

احمد: لا تتدخل حيدر

حيدر: استغفرلله

احمد: امشي وياي نحجي

ساره: ما اروح وياك وخر ايدك

احمد: ما اوخر وهسه ترحين وياي

ساره: والله ما اروح

"شالني ودخلني بالسياره وحيدر ولجين بقو واكفين ولجين ماقابله بس حيدر لازمها"

حيدر: خل يحجون لعبت نفسي منهم

لجين: كوه هيه

حيدر: اي

سارة: احمد عوفني افتح القفل

احمد: خلينا نحجي ساره تعبتيني والله

سارة: ماكو شي نحجي بي بعد احمد

احمد: لا اكو هواي

سارة: احجي اسمعك

احمد: باعي تره ما خنتج

ساره: وشنو الجديد احمد كلساع وعدتها خوش ماخنتني وبعد وبعد والنسوان والصور

احمد: علمود شغلي والله عذريني والي يريد شي يعوف شي وانا ماخنتج ولا غلطت والله

سارة: ما اثق بيك احمد ولا راح اثق

"لزم وجهي بثنين اديي وكال"

احمد: معقوله كل هذه وماتصدكين تردين نروح واحلفلج

ساره: ما اصدك بيككك والله وخر ايدك عن وجهي

"بقه ضاغط ع وجهي حيل وهوه سكران وريحته مو حلوه"

سارة: وخر ريحتك كريهه احمد فوكاها تسكر تسكر وخر اكرهك

"بقه يضغط ع وجهي حيل ضجت واحس حراره صارت بوجهي من قربه مني قرب وجهي له اكثر وباسني بقوه لعبت نفسي منه اكثر ونزلت دموعي وخر مني تعبان وفريت وجه براشدي قوي فر وجه فر رجعلي الراشدي اقوه ورجعته اله اضعافه ورجعه الي كمت وتفلت علي رجع باسني اقوه

فلتتت نفسي منه ومسحت حلكي حيل"

احمد: تلعب نفسج مني ساره؟

ساره: لا بس وخر مني فدوه

احمد: جاوبينيييييييي

ساره: لا تصيح علي انت سكران واحنا بمكان بعيد الله يخليك خليني انزل افتح السيارة

احمد: خوش تدللين

" حجاها ونزل من السياره فرحت كلت صاير حباب شوي وركب بالصدر جاي انزل وقفلها بسرعه"

سارة: افتححححح الباب

"حرك السيارة وطلع والوقت هستوه صبح ومكانه هيمه محد بي ابد بس الجلاب وهم كلش قليل 3 ' 4 ينحسبن ع الاصابع وبطالت العرك بالسياره نزل الجامه وشمرهن بعيد بقيت ساكته لحد ما وصلنه لمكان بس تراب جنه صحراء نزل وصعد يمي وره"

سارة: شتريد احمد

" جانت السياره مشتغله وقفل البيبان هم لمن قفلهن مادري بصراحه لو اموت ع ايده ما انزل بهل مكان يخوف هيمه"

احمد: تلعب نفسج مني انا تلعب نفسج منييييييي

"يصيح وعصبي عيونه حمر"

سارة: اي تلعب نفسي وشتريد؟

احمد: شريد مووووو

سارة: لا تصيح دوختني تره رجعني للبيت يلا

احمد: ما ارجعج لو تموتين

"طلع سلاحه من وره ضهره وحطه براسي خايفه ومادري شسوي كلت هوه سكران يكتلني ويشمرني هنا محد يلكه اثر مني اصلاً منو يهتم بقت عيوني تباوعله بس ما بجيت ولا رديت ولا حجيت حرف ضل بس هوه يحجي ويضغط ع المسدس حيل بكصتي"

احمد: اكتلج والله تعبتيني اجي منا ترحين منا اروح منا تجين منا شتردين انت شتردين

_انت تضحكين عليَ ادري بيج تضحكين عليَ انتِ واضح تردين تدمريني مثل ما دمرتج

_ اعتذرت منج انا اعتذرت منج وجانت تصرفاتي مو حلوه بس والله جنت اغار والله اغار

_ولج كلبي يوجعني والله تعبت انا تعبت

_ كتلج انا ارتاح بس يمج ليش تردين تحرميني الراحه معقوله لهل درجة حقيره

_ انت استوعبيها معقوله واحد يحب ويبجي ويتمرض ويضعف وينقهر يخوووون بس كليلي معقوله تصدكين انا اخونج

_ولج انا عيوني ماتحب تشوف غير عيونج

_ شوكت تحسين لخاطر محمد شوكت

_ شوكت تكولين هل ساقط ابن الساقط يحبني ويريدني

_ ولج انا حتى اعتديت عليج علمود تبقين الي لعبت بيج لعب بس حتى ماترحين لغيري

_ ولج سويت بيج العمايل حتى تنجبرين تبقين وياي بس انتِ صلفه صلفه حتى وانا معتدي عليج عادي كله عادي

ساره: ماكو شي عادي انا جنت امثل بس بليل اتعب وابجي والصبح ارجع اقوه بكل موقف وبكل سالفه تسويها وياي اتعلم منها صرت ما اهتم هسه انت حاط سلاح براسي وسكران صدكني خفت بس هسسه ما خايفه عادي ترميني ارمي اول وتالي انا راح اموت هسه او باجر او بعد سنه مايهمني صدكني مايهمني خسرت هواي انا هواي خسرت اهلي نفسي طفلي كلهن خسرتهن صدكني ما متندمه

"نزل السلاح من راسي وشمره جوه رجله سحبني له حيل وحطني بحضنه دفن وجه بركبتي سحب حجابي من راسي فلت قراصة شعري نزل شعري ضل يلعب بي بعدها رجع حط راسه ع صدري محاوطني بقوه بقيت ساكته لا كلت اي ولا كلت لا كمت اسمع بس صوت البجي مالته"

سارة: جاي تبجي؟؟؟

"سكت وماحجه شي ابد بقه يبجي ويبجي حسيت كلبي ضل يوجعني صح هوه سكران ومن يصحى مايتذكر شي بس كلبي ضل يوجعني من اشوف شخص يبجي كدامي ابجي قبله حتى لو جنت ما اعرفه مو انوب احمد يبجي ماتحملت رفعت راسه وجه وعيونه نفس اللون"

ساره: تبجي احمد

احمد: كلبي يوجعني

ساره: من الشرب اكيد

احمد: لا منج

ساره: من الشرب

احمد: ههههههههههه

"بعدها ضل ينزل دموعه ع الساكت ولا نطق شي كمل ومسحت عيوني كام مني ومسح وجهه بدون صوت شغل السيارة واتجه للمزرعه نزلنا مالكينه حيدر ولجين وحتى الغراض ماكو دورنه بالغرف كذلك شوي واتصل احمد بيهم وماسمعت شنو كله بس اي وسد الاتصال"

سارة: شنو كلك وينهم؟

" نطقتها بهدوء"

احمد: كال رحنه لفندق

سارة: وين اكو فنادق بالبصرة شنو تضحك علي

احمد: اي راحو للفندق

سارة: شد كرون صاحبك حصر بنت عمك

احمد: رجلها كوه تسويني مركب كرون

سارة: وينهممممممم

احمد: وكرص وداها للبيت لان نعسانه

سارة: انا هم نعسانه رجعني للبيت

احمد: شعلي بيج انا شلون اجيتي ترجعين انا راح انام اليوم هنا ذاك الباب الله ومحمد وعلي وياج

سارة: احمد اخااف ماكو احد هنا تحجي صدك

احمد: بس سؤال؟

سارة: جواب

احمد: جبتج انا

سارة: لا حيدر جابني

احمد: خوش خلي حيدر يجي يردج

"عافني ودخل للغرفه نام ع الفراش وتغطى وانطاني ضهره جنت اشوفه من باب الغرفه"

"زين شلون حتى تلفوني عدها وحتى لو عندي لا بي رصيد ولا بي نت ولا اكو محل هنا

فتحت باب المزرعه وطلعت باوعت محد ولا جلب حتى جلب ماكو سديت الباب عدل جان اكو سرگي جبير سديته زين وسيارة احمد جوه بالمزرعه ومقفوله ماكدر انام بيها وانا صار وجهي اخضر طفيت كلش باب الغرفه الثانيه مقفول"

سارة: طركاعه كون تلفك ياحيدر وين انطي وجهي حاط قفل اكبر من راس ابوك

"رجعت بالغرفه لبيها احمد وجان بسابع نومه حركته ردت ماكو عبالك ميت بعدها استوعبت هوه سكران ونايم مايدري

وبديت اتخيل يدخلون علينا ويكتلونه ويعتدون عليه من كد ما تخيلت وفكرت بجيت كمت كوه اكتم شهكتي انوب اجتني لحضة ادراك انا شمالني ابجي بعدين مو هذه الثور نايم يمي

ولو جنه ميت يرمونه بطلقه وبعدين يعتدون عليه يبووووو تعبت والله تعبت من التخيل"

سارة: احمد حموديي حمدمد اكعد وديني للبيت

احمد: ولي

سارة: فدوه احمد كوم نعسانه

احمد: بيش مقصر وياج حضني

سارة: ريحتك كريها وانا تلعب نفسي احمد يمكن انا حامل لخاطر الطفل الي بطني كوم

احمد: صدك

"كالها وفز من نومه كمزني"

سارة: شبيك وسم

احمد: عليج الزهره حامل

سارة: اي حمودي يمكن شو جاي تلعب نفسي

احمد: باوعيلي عدل

باوعت بوجه وحطيت عيوني بعيونه حسيتهن مورمات

احمد: لا وين مو حامل بعدج

سارة: شنو سونار

احمد: جذب لا تجذبين وتعاي نامي بحضني

سارة: لو تموت

احمد: ولي من وجهي وروحي ابجي هناك بعيد خليني نايم جنت بحلم وردي

سارة: هههههه اكيد انا بي

احمد: ههههههه لا

سارة: وجع

احمد: توجعج

"بعدها نام ونزعت حجابي ونزعت تراكي بقيت بملابسي الداخليات وجان اكو بس بطانيه وحده دحست روحي بضهره وبس حطيت راسي ع المخده نمت ولا ادري كعدت لكيت روحي نايمه بحضنه وهوه نايم وشابكني بحيث ماكدر اكوم من يمه دفعته وبعده مجلب بيه"

سارة: وخر جعصتني

احمد كوم اكعد كافي نوم وديني لهلي

احمد: ها

سارة: كوووومممممم

احمد: كايم

"كام لبس ملابسه واجتني لحضه ادراك متأخره"

سارة: شوكت نزعت انتتتتت

احمد: من نزعتي

سارة: شعليك بيه انت انا عندي حراره داخليه انت شعليك

احمد: وانا عندي حراره من العرك ماتحملت الجو حار

سارة: اي صح صدكتك

احمد: يلا كومي

سارة: كايمه

"كمت وبدلت ملابسي كدامه وهوه يدخن ويباوع"

احمد: شنو رئيج نضل هنا

سارة: لا

احمد: فكري بالموضوع

سارة: لا

احمد: تخيلي هنا مثل التخيم

سارة: لا

احمد: ونفس الفراش حضن بحضن

سارة: لا

احمد: شنو شكلتي

سارة: لا

احمد: شبيج هسه لو اكو نت هنا جا كلت فصلت بس ماكو نت

سارة: رجعني للبيت جوعانه وشوف بيش الساعه

احمد: 7:33

سارة: تحجي صدك

احمد: Yes my love

سارة: تأخرنه

احمد: ع شنو

سارة: شنو زعلان وعزه مستطلح

احمد: هم صح

سارة: وديني للبيت

احمد: لبيتنه

"كالها وضحك"

سارة: لااااااااا لهلي يلا استعجل

"طلعنا سوه وقفلنا الباب وقفل المزرعه صعدت بالسيارة وره"

احمد: صعدي يمي

سارة: لا تصير براسي كلش يلا تحرك

احمد: كلت يمي اذا ماتجين ما اتحرك

سارة: لا تتحرك كلامك مايمشي علي فهمت لولا

احمد: لا

سارة: حلو

احمد: انتِ

سارة: اكيد

"بقينه بالسيارة ساعة كاملة هوه يكول يمي وانا اكله حاسبتك مثل اخوي ويشيل روحه ويركعها بالكاع"

احمد: اخر مره والله هسه اجي يمج واسوي شي انت ما يعجبج وتدرين بيه تردين تصرخين صرخي محد يسمعج اصلاً

سارة: شدعوة عيني اجيت يمك

"نزلت وصعدت يمه بالصدر"

احمد: يالله

سارة: لا شافك كون

"سكت وكمل طريقه لحد ما وصلنا للبييت وياريتني ما وصلت "

...................................

يتبعععععععععععع

1. تعليق بين الفقرات

٢. تصويت حبايبي

وبس