تحميل رواية «هارون وزبيدة» PDF

بدور بصتلهم بصدمه وقالت….. مين… مين ولدك… ها انتى قصدك على مختار… مختار ولدك..

زبيده… ايوه مختار ولدي انا وهارون كنتى واقفه معاه ليه

بس مختار قال بسرعه… كنت بقولها ايه عمل فى وشها كده ما كنتش اعرف انها

وسكت ما قدرش يكمل… اما بدور كانت بتبصلهم بصدمه وحطة ايديها على بقها وطلعت على فوق بسرعه..

هارون… انت اللي وقعتيها صح ولا ضربيتها انطقى…

مختار وقف قدام امو وقال… لو حد هيتسائل هنا فانت اللي تتسائل يا ابوي… انت صوح اتجوزت على امي… دى عيله يا بوى… كيف عملت حاجه زي كده…

هارون…. فيها ايه يعني… لو على جوازى على امك فده حقي… ربنا قال انى عادى اتجوز واحده واثنين وثلاثه واربعه… وانا راجل اقدر اتجوز مرتين فما عملتش جريمه يعني… كمان اني اتجوز بنت صغيره عادى انا اتجوز براحتى انا كمان لسه صغير ما عجزتش…

زبيده….. صغير ايه يا راجل يا عيب ده انت لسه صابغ شعرك امبارح..

هارون… ما لكيش دعوه يا مره انتي خليكي في حالك على الاقل ببص لشعرى وبهتم بنفسي مش قاعد بشعري الابيض والتوب واللي يشوفني يقول عليا مرت البواب

زبيده بغضب… انا مرت البواب يا هارون

هارون.. ايوه.. وبعدين قاعده بتشكيني لولدى ليه يعني هيعملي ايه…. يمكن مستنياه يضربني

مختار بزعيق… بس انتوا الاتنين.. لجل خاطر النبي طلق البنت دي يا بوى وريحنا..

هارون.. انت بتقول ايه طلاق ايه هو انا لحقت اتجوزها عشان اطلقها

مختار بعصبيه… وما تطلقهاش ليه بقى يا ابوي عشقتها اياك

هارون… انا دافع فيها مليون جنيه.. وبعدين بصراحه ان جيت للحق البت تتعشق… فرسه

مختار بغضب… انت ما هتروحلهاش تانى يا بوى… انت هتبات مع امى سمعت…

هارون… امك خدت معاها ٢٤ سنه وشى فى خلتها.. ادى بدور كدهم الاول وابقى اقسم عليهم الايام..

زبيده… وانت لسه هتعيش ٢٤ سنه تانى يا عجوز يا مكركع..

هارون… انتى ليه جبتى الود من اجازته

مختار بصلهم بضيق وطلع على اوضته بسرعه وقعد على الارض وبقى يبكى بحرقه…

عند بدور كانت قاعده على الارض ودموعها بتنزل وهى بتفكر فلاش باك… كانت راجعه من المدرسه هى وكريمه ومختار مشى وراهم وقال…..

بس بس

كريمه… ووو المز بيبسبس

بدور بضيق.. مين انا ما اعرفوش

كريمه ضحكت وقالت .. اسيبك تتعرفى واسبق انا

ومشيت. مختار وقف قدامها وبقى يرجع لورا وهو وشو ليها وقال…

صباح الخير

بدور… انت مين

مختار ضحك وقال.. على اساس ما تعرفينيش يعنى دى زعله جامده.. عموما انا مختار اللي يخلي العقول تحتار

بدور… انا مش قولتلك امبارح مش عاوزه اشوف خلقتك تانى عايز ايه

مختار.. حضن يكسر الضلوع. ونظره تشفي قلبي الموجوع

وتكون ليه نظره شبع من بعد سنين جوع…

بدور.. انت لو جعان روح لامك خليها تحضرلك وكل انا اكلت سندوتشاتي في المدرسه..

ومشيت بضيق… مختار.. يا ابويا على التقل احبك وانت تقلان عليا بس مش كده طيب.. طب كلمه

بدور.. انا مش قلتلك ما تقفليش قدام المدرسه

مختار… بتصل عليكى ما بترديش انتى زعلانه منى

بدور… هزعل ليه انت عملت حاجه تزعل

مختار… والله انا غبي وبعمل حاجات كتير تزعل بس تقولي انهو اللي زعلك وانا احله على طول انا ما اقدرش على زعلك ما يهونش عليا

بدور بصتلو وقالت…. مين اللي كنت بتتكلم وياها امبارح الصبح على الكوبرى وكنت وعماله تتمرقع معاها

مختار… بنت عند الكوبري وكنت بتكلم معاها امبارح لا مالكيش حق تزعلى دي بت خالتي كيف اختى

بدور… جد انا عندى ولد خالتي وميت واتجوزو مش كيف اخوى

مختار مسك دراعه وقال بغضب… مين اللي يتجوزك غيرى يابت ده انا اقطع خبرو وخبرك

بدور… انا ما قلتش انا قلت اهو

مختار… ولا حد يعوز انتى محجوزه اخرك السنه دى بس وهجيب ابويا وامي واجي اتقدم بالحلال

بدور…. صح انت عمرك ما عرفتنى على ابوك وامك عرفني عليهم

مختار بحزن… مش لما اتعرف عليهم انا الاول.. مش فاضين من الشكل… العيال كلها تقول الحمد لله على عيلتها وتحب عيلتها انا كنت بتمنى لو اني اتخلقت في حته تانيه.. صح مش ناقصنى فلوس بس ناقصنى خوف الاب وحنان الام.. ما تجيبي حبه حنان من بتاع زمان

بدور.. حنان دى تبقى خالتك..

قالتها بغيظ وضربته بشنطتها على دماغو ومشيت…

مختار… بحبك ياقسى .. حتى لو اتضربت على راسي… يا بنت انتى ما تروحيش عند عيال خالتك عشان بغير

كانت بتضحك عليه وتبصلو وترجع تكمل طريقها بس فاقت من شرودها وقالت…

يامرك يا بدور يا مرك طب اعمل ايه دلوك اهرب من هنه ولا اولع فى روحى

بس دخل هارون وقال…

مالك يا بت طلعتي طوالي على فوق ليه.. وايه اللى عمل في وشك كده..

بدور.. انا زينه ما فياش حاجه

هارون… انت وقعتي ولا اتشاكلتى مع زبيده

بدور.. لا وقعت من على السلم

هارون.. ماشي تعالي

بدور قعدت جنبو.. وهارون بقى يحطلها حاجات على وشها..

وطلع سلسله وخاتم وغوايش كتير وقال….

البسى الحجات دى وجبتلك هدوم كمان كتير انتى مرت العمده ولازم تلبسى احسن حاجه..

وقرب منها وهى كانت دموعها بتنزل بصمت.. عند زبيده كانت قاعده مع مختار وبتقول…

شفت البنت اللي اتجوزها

مختار بضيق… خلاص صدعتينى ياما قلتلك شفتها ما شيفاش حالتى…

زبيده… مش انيل من حالتى.. دى هتبقى وقعه مربربه يا ولدي لو قعدت اكتر من كده هتطلعنا احنا الاتنين بره.. البنت صبيه وحلوه وامها واقفه وراها ما هتخليهوش يطلقها.. وما ينفعش يقعد معاها اكتر من كده..

مختار.. اعمل ايه ما انتى شايفه انا واقف عاجز

زبيده… اعمل اى حاجه… بص انت تعمل حاجه حلوه اعمل انك بتحبها وخليها تحبك…. هي اول ما تحبك هتكره هارون وفلوسو وهتعوز تطلق منه.. وهو لما يلاقيها مكشره فيه هيكرها.. انت تقدر تعمل كده عشان امك يا حبيبي… او يشوفها معاك ويرميها بره..

مختار لسه هيرفض بس ضم اديه بغضب لما زبيده قالت…

دى لوجابت عيل واحد من هارون هتخليه يكتبله فلوسه كلها وما هتخليهوش يديك منها جنيه..

مختار كانت فكره انها هتخلف من حد غيره بتخنقه.. قال بغضب…

لاه هى عمرها ما هتخلف من ابوي..

زبيده.. بردو يا ولدي لازم نعمله حاجه.. ولا اقولك خلاص انا هقتلها وارتاح…. هأجر واحد يقتلها او اسمها

زبيده.. بردو يا ولدي لازم نعمله حاجه.. ولا اقولك خلاص انا هقتلها وارتاح…. هأجر واحد يقتلها او اسمها..

مختار بسرعه… لاه لاه يا اما اوعى..

زبيده.. خلاص لو ما عايزنيش اقتلها خلي ابوك يطلقها ما هو انا ما هسيبهاش تاخد بيتي وفلوس ولدى واقف اتفرج

مختار… خلاص هعمل اللي قلتى عليه بس انتى ما تعمليش اى حاجه..

زبيده.. طيب ماشي بس بسرعه قبل ما تحبل

وسابته وطلعت بره الاوضه.. قال بضيق… ما لقيتش غير بدور يا ابوي… ما لقيتش غيرها..

ومسك تليفونو وبقى يكسر فيه بغضب ويضربو على الارض ويقول…

ناصح انا قفلت التلفون عشان محدش يضايقني.. اهو خنقونى خنق مش ضايقونى.. انا ضيعتها انا عارف انها ما بتقدرش تقول لامها لاه… يا ريتني كنت قلتلها هارون ابوى… كلو بسبب غبائى

وحط اديه على دماغو بحسره… بعد شويه كانوا قاعدين وكلهم بيتغدو… وبدور جمب هارون بس مختار مقابيلها وهارون حط ايده على كتف بدور.. وهى بعدت كتفها قال…

ايه يا بنت مالك متنحه كده من الصبح ما بتاكليش ليه..

بدور…. باكل اهه

مختار كان بيبص لايد ابوه اللى حطها ع كتفها ومضايق جدا… بس في الوقت ده دخلت فردوس وهي بتقول

كيفكم يا جماعه بالهنا ده انا طلعت حماتى بتحبني

هارون…. تعالى يا فردوس اقعدي كلي معانا يلا سمى الله

بس بدور وقفت بضيق وقالت…

وانت من ميتى بتقعد الخدم ويانا يا هارون…

هارون….. مش بقعد الخدم بس دي امك يا حبيبتي

فردوس كانت بتبصلها بذهول من كلامها بس بدور قالت…

دى ما عادتش امى… ما بقلهاش غير صفه واحده فى السرايا وهى انها خدامه حداكم.. وانا ما بقعدش اكل مع الخدم على سفره واحده.. لو قعدت وياك هقوم انا

فردوس… ايه اللي بتقوليه ده يا بدور مين دي اللي خدامه… انا جايه اشقر عليكى… مال راسك

بدور بصت لهارون وقالت… ليه جايه تتطمنى عليا انتى مش خلاص جوزتينى لكبير البلد كلها اللى هيلبسنى الدهب ويوكلنى الغالى كلو مش انتى متاكده انى كده هكون مرتاحه خلاص قلقانه ليه عاد… ولا صرفتى الفلوس اللى دفعها فيا هارون ومزنوقه فى قرشين وجايه عايزه فلوس

فردوس بغضب… اتحشمى يا بدور انا غلطانه اني جيتك اصلا.. كيف تكلمي امك بالطريقه دي يا بت…

بدور.. السمع بعافيه اياك قولتلك انتى ما عودتيش امى خلصنا

زبيده كانت هتموت من الشماته فى فردوس… بس كمان مش فاهمه سبب تصرف بدور كانت قاعده بين الفرح والقلق لحد ما خلصوا الاكل.. وطلعوا كل واحد على أوضته بالليل كان هارون نايم.. وبدور ممده جمبه بحزن بس حست بباب الاوضه بيتفتح لسه هتقوم بس لقيته مختار.. وقفت بسرعه وطلعته بره الاوضه وقفلت الباب وقالت…

يخرب بيتك هتبلينا انت ايه اللي جابك هنه عايز تفضحنا عايز تجبلى مصيبه

مختار شدها من ايدها ونزل بيها المطبخ وقال…

هنا نقدر نتكلم براحتنا ولو صحى قوليله انك نزلتى تشربي ليه لما فتحت الباب كنتى نايمه جاره..

بدور بصت في الارض بحرج وقالت…

شوف يا مختار انسى… انسى كل اللى كان قبل كدا.. انا كل مره كنت بسالك عن اهلك وعن ناسك وبقولك عرفني عليهم.. وانت ما كنتش بتقولي حاجه عنيهم ما كنتش عارفه انك ولدو… لو كنت عارفه كنت قلتلو ولدك عاشقنى والله العظيم كنت قتلت نفسي ولا اتجوزتو ى انا كنت فاكراه واحد عادي قلت هتجوزو وانت هتطلعني من هنه كنت قاعده مستنياك تيجي تطلعني

مختار…. انا ما قلتلكش عشان سمعته وحشه في البلد وانا عارفه انك بتكرهيهم هو وامي… وعارف ان امي بتكرهكم فقلت لما امهد الدنيا شويه ما كنتش اعرف انو هيتجوز من اساسو كنت

بدور…. خلاص اتجوزنا واللي حصل حصل ده نصيب الكلام اللي قلتهولك تحت بتاع يلا نهرب عايزاك تشيله كله من راسك ده ابوك وانا

بس بقت تبكي بقهر وقالت….. وخلاص يعني انا بقيت مرته انت مش هينفع تتجوزنى

مختار…. هيطلقك وانا هتجوزك مش بكيفه انتى حبيبتي انا… وانا مش هتخلي عنك لو حصل ايه… تعالي نهرب ونسيبلهم الصعيد باللى فيه انا هسيب كل حاجه هنا بس تكونى معايا

بدور… نهرب نروح فين… ونهرب من مين .. تهرب من ناسك امك وابوك… انا مرته مش هينفع خلاص يا مختار.. ضعت وضيعتنى عشان تتبسطلك يومين بعيد من زنهم وتهيص وتقفل تلفونك.. انا عايزه منك طلب هو صعب انا مش عارفه اطلبو منك كيف بس ما عنديش غيرك

مختار…. ما تقوليش انساكى لاني مش هقدر انساكى

بدور…. ولا انا هقدر انساك ما تفكرش بقولك هقعد مع هارون وهنسى.. انا عمري ما هنساك.. بس ماعوزالكش مشاكل مع اهلك.. انت لسه صغير صبيا كتير تتمناك خلاص انا ما بقيتش بدور اللي انت تعرفها قتلونى بدم بارد… عايزاك تروح الصيدليه تجيبلي مانع حمل قالتلى عليه كريمه و

بس قطعت كلامها لما رفع ايدو يضربها على الترابيزه بغضب بس حطيت ايدها تحتها..

مختار مسك ايدها بخضه وقال.. بدوره يدك زينه ليه كدا

بدور… عشان خاطر النبي. تهدا انا ما عنديش غيرك مش عايزه ولدي انا يبقى اخوك..

وطلعت على فوق بسرعه ومختار قعد على ارضيه المطبخ بيأس تاني يوم الصبح بدور كانت قاعده بتمشط شعرها على المرايه بس مختار دخل وقفل الباب

بدور.. يامرارك الطافح يا بدور.. مش قيلالك ما تدخلش الاوضه احسن ابوك يشوفك في ايه

مختار… اهدى جبتلك الحاجه اللي كنتى عايزاها اهى

بدور اخدتها منو وقالت… هات وما تدخلش عندى تانى انا هبقى اجيلك بالليل في المطبخ ما تدخلش هنا تانى

مختار….. ما انتى بتنزلي بعد ما ينامو يا ناصحه… بعدين هو قاعد مع امي ما تقلقيش لسه دابين الشكله تحت مش هيطلع دلوقتي يعني

بدور بخوف… لجل خاطر النبي انا مش عايزه مشاكل مش عايزه فضايح

مختار… بتسرحى شعرك ليه بتتزوقى لهارون بيه

بدور .. انا مش بسرح شعرى لهارون انا ستحميت عادى وبسرح شعري… لو على هارون انا عايزه اولع في نفسي مش اسرحله

مختار.. ما تخافيش هلاقى طريقه اخليه يطلقك بيها.. انا بدور على حل وهلاقي ان شاء الله سعيتها هاخدك من يدك واتجوزك واسافر بيكي بعيد عنهم

بدور…. صوح يا مختار

مختار… صوح يا قلب مختار ربنا يخليكى ليا

بدور… ويخليك انت كمان ليا يا مخه وما يحرمنيش منك ابدا…

نزل مختار من عندها…. عند فردوس كانت قاعده مع اختها وقالت…

شفتى البت الناقصه قالتلي ايه قدامهم.. قالت عليا انا خدامه بعد ما جوزتها سيد الناس ووديتها على السرايا

كريمه بغيظ… وممكن تكون زعلانه منك يا خالتي عشان وديتيها السرايا.. بعدين مش هي قالتلك لو جوزتيني انسي انك عندك بنت خلاص

ريحالها ليه مش بعتيها وقبضتى التمن رايحه تسالى عليها ليه

فردوس… سكتى بتك يا نعمات حكم اني واصله معايا لاخرى منها

نعمات… بس يا كريمه ما تتكلميش قلتلك ما لكيش صالح

فردوس… انتى يا اختي ما شفتيهاش وهي نازله فيا تهزيق قدام اللي اسمها زبيده خلتها شمتانه فيا.. انا شفتها

كريمه.. زعلك على شماتت زبيده.. ومش زعلانه ع بتك اللى خسرتيها

نعمات.. خشى جوه يا كريمه…

بالليل فى السرايا كانوا قاعدين سوا بيتفرجوا على مسلسل

هارون قعد جنب بدور وحط ايده على كتفها وقال…

ما تيلا بينا نطلع اوضتنا احنا يا حبيبتي وسيبك من التمثيليه دى

بدور بعدت شويه وقالت… لاه لما يخلص المسلسل انا متبعاه

مختار… بقول يا ابوي

هارون… قول يا عيون ابوك

مختار.. معلش تخلي المحيك ده لما تطلع اوضتكم حكم انت كده بتفتح نفسي ع الجواز

هارون عدل قعدتو وحمحم وقال… ايوه صوح انت كنت قبل ما تسافر قلتلى ان فى صبيه انت بتحبها بس امك ما بتحبهاش.. وما بتحبش ناسها.. وانا قلتلك سيبك من امك هديها على راسها واجوزهالك مين صوح انت قلتلي هقولك لما ارجع من السفر ومشيت ولما جيت ما لحقناش نتكلمو ..

زبيده… كيف يعني امو يسيبو منها لو انا ما عايزاهاش خلاص ولا عاوزه يتجوز من غير رضي امه ده ولدي انا… وانا بس اللي من حقي انقيله عروسه على كيفى

مختار… اتطمنو انتم الاتنين خلاص انا مش هتجوزها اصلا ارتاحو وبطلوا كل ما دقته الكوبايه على الترابيزه تمسكو ف خوانيق بعض

هارون.. ياض انت بقيت عصبي كده ليه مش طايق لنا كلمه كننا جدينا عليك..

وبص لبدور وقال.. ما تشاركينا في الكلام يا بدور ما فيش واحده صاحبتك نجوزوها للود ده..

بدور بغيره… انا ما عنديش اصحاب صاحبى كلهم ماتو

مختار ابتسم على شكلها وبصلها وقال… ما تقلقيش مش هاخد حد من صحابك انا عندي حبيبه ساكنه القلب عمره ما حب غيرها

امو… عوافي انت مش لسه قايل مش هينفع تتجوزها خلاص..

مختار.. اها بعدين لما اتجوز يعنى هتجوز عن حب واحده معرفه انا مش هتجوز بالطريقه دي

زبيده.. ماشي سيبك من الجواز دلوك وركز على الموضوع اللي قلتلك عليه

مختار… ماشي ياما هركز حاضر

هارون .. موضوع ايه..

زبيده… انت مالك موضوع بيني وبين ولدي هو انا بسالك بتوشوش السنيوره كل دقيقه تقولها ايه

هارون.. مختار ولدي انما انتى ما لكيش حاجه عندها

مختار….. بس انتوا الاتنين خلاص فضوها..

وطلعوا ناموا فى صباح يوم جديد كانت بدور بتجهز الاكل فى المطبخ وجيه مختار حط ايدو على كتفها وقال… عيونى انا

بدور بعدت وقالت.. تانى وبعدين فيك ماهترتاحش غير لبما تجيبهالنا سايقه

مختار.. ايه يا بنت مالك كل ما حد كلمك كده تخزى عارف انك ما طايقاش يد ابويا عليكى.. بس دى يدى انا

بدور.. مين قالك اني حابه يدك… انا اليومين دول مش حابه اى يدى اصلا جتتى متلبشه

مختار… لقيتلك حته فكره عجب

بدور… جد هي ايه

مختار… لا فاضلها تكه واول ما تظبط هقولك عليها وهاخدك على طول من هنا

بدور… جد يا مختار هتخلصنى

مختار… ايوه يا بت امال ايه انتى قلب مختار من جوه هطلع اكلم الواد عمر قبل الفطور هو مستنى فى الجنينه اصلا.. خمسه واجى خليلى الطبق ده قدامى اخيرا هاكل من يدك

.

بدور… طيب خلاص بقى روح كلمو..

وطلع مختار بره وبقى يكلم صاحبه… وبدور بقت تحضر بفرحه بس جات زبيده خبطت دماغها فى رخامة المطبخ فتحتها تانى وقالت بغضب…

فلتى من يدك ما تلمسيش حاجتي تانى كيف تلمسي الحاجات اللي في المطبخ دى يا جزمه من غير ما تشاورينى اياك انتى اللى جيباهم

بدور… مش انتى اللى قولتيلى اعمل بلقمتى وماقعدش نايمه وتجيبولى الاكل لحد عندى اديني نزلت اعمل الاكل لحالى.

زبيده… ما تلمسيش حاجتي مش كفايه انتى كحيانه جيتي بالفستان اللي عليكى كمان تمسكي حاجات ستك يا كلبه..

هارون جيه ع الصوت وقال…. في ايه يا جماعه بتتشاكلوا ليه صوتكم طالع على وش الصبح ليه..

زبيده… البت دى دخلت المطبخ لقيتها ماسكه حاجاتي وعماله تلعب بيها همسكها انا كيف بعد ما هي مسكتها ولا هتساوي الهانم بالخادمه…

بدور.. انا ما كنتش بلعب انا كنت بعمل اكل

هارون… وبعد هالك يا زبيده.. انا مش قايلك تقعدى ساكته وما لكيش صالح بيها… وبعدين الحاجات دي كلها انا اللي مشتريها تضربيها ليه

زبيده….. انت بتزعقلي عشانها

هارون… اه بزعق عشانها وهضربك عشانها كمان لو طلبت يلا غورى اخفي من قدامي..

وبص لبدور وقال… خلاص يا بدور يلا كملى تحضير انتى وما تزعليش روحك..

بدور قالت… لاه ما عوزاش اكل خلاص

وطلعت على اوضتها… وهارون طلع ياكل بره .. عند مختار كان قاعد مع عمر وبيقول..

ايه اللى انت بتقولو ده ما قدرش اعمل كدا

عمر… لا تقدر ده ابوك وهو عمرو ما هيخسرك لجل بت.. هو اصلا جابها عشان عجبتو.. وخلاص ماتزعلش منى يا صاحبى بس خلاص خد معاها ليلتين تلاته يعنى خلاص ما هيتبتش فيها.. لو قلتلو انك عاشقها هو هيطلقها ساعتها انت لو رضيو تتجوزها.. ولو عارضو تهربو سوا..

مختار.. اخاف يا عمر من ردة فعل ابوى.

عمر… لو عرف لحالو هيقتلكم انتو الاتنين… اسمع منى انا لو ماكنتش خوفت وقلتلها على عيلتك ما كانتش اتجوزت ابوك.. ولو كنت قولت لامك من الاول عليها وانك بتحبها ما كانتش سابتو اتجوزها.. ولو ما هربتش وقفلت تلفونك كانت بدور وصلتلك .. بطل تهرب واجه مره واحده يا اخى…. يلا سلام انا وبقى كلمنى ع اى حال

ومشى مختار طلع فوق عند بدور ودخل وقفل الباب

بدور.. يا مري بردك جاى تاني يا حزين وبعد هالك هتقصف عمرنا…

مختار… بس يا بت جيتلك بفكرتين الاولى نطفش

بدور… قلتلك اني مرت ابوك مرت ابوك انت مش فاهم يعنى ايه

مختار.. انتى ما كتبتيش كتاب اصلا انتى صغيره يعني مش جواز… السنه ده مش جواز

بدور… الناس كلها كانت بتتجوز كده زمان

مختار.. لاه ما حدش كان بيتجوز كده زمان كان في اشهار واعلام وكان في قبول بين الطرفين اهم حاجه وانتى مش قبلاه خلاص قطعوها الورقه… وتبقي مرتي انا ونهرب ونتجوز

بدور… يخربيتك.. ده ابوك.. ودول ناسك ناسك

مختار.. انا مش عايز ناسي انا عايزك انتى.. اقولك خلاص انا هواجه بقى هنقولو ان احنا عاشقين بعض واللى فيها تجيبو..

زبيده كانت متبعاهم من بعيد.. وقالت…

والله جدع يا ولدي عملتها.. اسد يا ولدي اسد دلوقتي يرميها رميت الكلاب

لقت هارون جايب اكل لبدور بس بيتكلم فى الفون فى الصاله بصتلو بضيق ونزلت قالت….

ما تطلعش فوق دلوك يا هارون تعال عوزاك

هارون قفل الفون وقال.. ليه يا بومه

زبيده..

عشان ما تصورش قتيل مرتك السنيوره اللى خليتها ست الدار عملت روحها وقعت وولدك راح يقومها وانا رحت اشوفها جيت ادخل لقيتها محاوطه رقبته وعم تقولو كلام كتير.. انت احلى من ابوك وانا بكره ابوك واتجبرت عليه وعوزاك انت وبالليل هخليه ينام واجيلك..

خيفاك تموتها ما تطلعش دلوك

هارون بعد زبيده وطلع بضيق… لقى مختار واقف قصادها وقريب منها….. نستعنستعد للنهايه