تحميل رواية «جوازه العار» PDF

حسن اللي عمره 20 سنه كان واقف قدام الفيلا الضخمه بتاعة صاحبه مازن وهو باصص حواليه بتوتر شديد وبعدها الباب اتفتح وخرج مازن بسرعه اول ما شافه وراح عليه حضنه وقال

مازن

اخيرا شوفتك في الفيلا عندنا اي يا اخي انا ياما اتحايلت عليك تيجي تشوفني هنا في الفيلا وطول عمرك كنت بترفض

حسن فضل واقف ساكت تماما ولا كأنه سمع حرف من اللي مازن قاله ووشه كان باين عليه الهم والخوف

مازن

هو في ايه يا ابني انت عامل كده ليه انت واكل سد الحنك ولا ايه اوعى تكون واقع في مشكله ومش عايز تقول لي يا حسن

وفجأه صوت الكعب بتاع نعمه هانم ضرب في الارض والكل سكت اول ما نزلت من على السلم بهيبتها وجبروتها لانها كانت كبرت البلد وكل الناس بتخاف منها

وبعدين بصت لمازن وقالت

نعمه

حسن مش جاي علشان خاطرك انت حسن جاي علشان خاطري انا

مازن

قصدي ايه بالكلام ده انا مش فاهم منك حاجه

نعمه رفعت راسها بكبرياء وقالت

نعمه

احنا كتبنا الكتاب النهارده الصبح وهو جاي هنا بصفته جوزي مش بصفته صاحبك

مازن حس ان الدنيا لفت بيه وبعدين صرخ فيها وقال

مازن

حرام عليك ايه اللي انتي بتعمليه فيا ده هو انتي كل شويه تتجوزي ومتجوزه عيل من دور عيالك

وبعدين بص لحسن بغضب شديد وقال

مازن

اه صحيح هو انا مستغرب ليه ما انت طول عمرك حلمك ان يكون معاك فلوس كثيره ولا ناسي كنت بتقول لي ايه

وفجأه نعمه قربت منه وضربته بالقلم قدامهم كلهم وقالت

نعمه

اتكلم مع جوزي باسلوب محترم اكثر من كده علشان ما تعرفش انا ممكن اعمل فيك ايه

مازن حط ايده على وشه وهو مصدوم وبعدها خرج من الفيلا كلها وهو بيجري لحد ما وصل عند الترعه وقعد على الارض ودموعه بتنزل منه بغضب وقهر

وفي الوقت ده رحاب اخت حسن راحت قعدت جنبه بهدوء وبعدها قالت

رحاب

انا عرفت باللي حصل وبجد ما تعرفش انا زعلت ازاي من اخويا بسبب اللي هو عمله ده اوعى تزعل نفسك يا مازن

مازن قام وقال

هو انتي جايه عايزه مني ايه دلوقتي اتفضلي لو سمحتي امشي منين مش عايزه اشوف وشك ولا وش اخوك ثاني

رحاب

اخص عليك يا مازن وانا كان ذنبي ايه يعني في الحوار ده علشان خاطر تكلمني بطريقه ان انت بتتكلم بيها دي

مازن

حرام عليكوا فضلتوا تلعبوا عليا انتي واخوك هو علشان خاطر يعرف يقرب من امي ويتجوزها وانتي علشان خاطر الفلوس اكيد هستنى ايه من عيله فقيره جعانه زيكم

وبعدها قام رحاب وقالت ليه

رحاب

اخص عليك يا مازن انا عمري ما كنت اتوقع ان انت تقولي الكلام الغريب اللي انت بتقوله ده انا مش من عيله جعانه وانت عارف متاكد كويس قوي ان انا بحبك ولا يمكن استغنى عنك بس بعد كلامك ده كل واحد مننا يروح لحاله

وبعدها سابته ومشيت وهي عماله تعيط ومش شايفه قدامها من كتر القهر وفي نص الطريق فجأه حد مسك ايديها بعنف لفت لقيته يوسف ابن عمها وهو بيبصلها بغضب شديد وقال

يوسف

انا مش عارف البني ادم ده عاجبك في ايه علشان تخرجي في نص الليل كده وتروحي تقابليه

رحاب شدت ايديها منه بعصبيه وقالت

رحاب

هو انت ماشي ورايا ولا ايه مالكش دعوه بالحوار ده

يوسف قرب منها اكتر وقال بغضب

يوسف

بقى بقى انتي بتقولي لي ما ليش دعوه طب انا هوريكي هعمل فيكي ايه

ومسكها من شعرها بعنف وهي صرخت من الوجع وفضل يجرجرها لحد ما وصل بيت ابوها

وكان ابوها قاعد حاطط ايده على راسه ومكسور بسبب اللي ابنه حسن عمله واتجوز واحده كبيره قد امه اول ما شاف يوسف وهو داخل برحاب بالشكل ده قام مفزوع وقال

سالم

في ايه يا يوسف انت ازاي تمسك بنتي بالطريقه اللي انت ماسك بيها دي

يوسف زقه رحاب قدامه وقال بغضب

يوسف

ابنك جاب لنا العار وبنتك كمان عايزه تعمل فينا كده انا جايب الهانم من حضن مازن

رحاب شهقت وهي عماله تعيط وقالت

رحاب

كذاب يا بابا والله العظيم ما عملت كده انا بس كنت بحاول افهمه اللي حصل واخليه ما يكرهش حسن بالشكل ده

الاب

هو انا ناقص فضايح يا بنتي علشان خاطر تروحي تعملي حاجه زي كده مش كفايه اللي اخوك عملوا فينا وسيرتنا بكره هتبقى على كل لسان

يوسف

عيب تقول الكلام ده يا عمي وانا موجود انا عايزه اقول لك ان انا هكتب على بنتك النهارده هبعت اجيب الماذون وهتكون مراتي

وفي الوقت ده رحاب اتعصبت وقالت

رحاب

انت لو اخر واحد في الدنيا انا لا يمكن اتجوزك ابدا انت سامع ولا لا

يوسف

انا عايزه اسمع الكلام ده منك انت يا عمي اروح اجيب الماذون واتجوزها فعلا ولا البلد كلها هتعرف ان بنتك وابنك ماشيين على حل شعرهم

الاب كان مصدوم من الكلام اللي يوسف بيقوله بس عارف ان يوسف ده مش كويس وفعلا هيطلع سمعه على بنته

سالم

روح يا ابني هات الماذون وانا هخليها تكون مراتك الليله دي يمكن كده نلحق باقي سمعتنا قبل ما البلد كلها تاكل في لحمنا وتفضل تتكلم علينا ليل ونهار بسبب اللي حسن عمله

يوسف ابتسم بخبث وبص لرحاب اللي كانت واقفه مصدومه ودموعها نازله وبعدها خرج من البيت وهو فرحان جدا

ورحاب جريت على ابوها بسرعه ووطت على ايده تبوسها وهي بتعيط بانهيار

رحاب

ارجوك يا بابا اوعى تعمل فيا كده انا لا يمكن اتخيل نفسي ان انا ابقى مرات يوسف انت عارف كويس قوي انه انسان مش كويس وبيكرهني من زمان وعايز يتحكم فيا علشان يكسرني وبعدين انا عمري ما حبيته ولا حتى فكرت فيه بالطريقه دي

سالم دموعه نزلت وهو بيبص لبنته بقهر شديد وبعدها قال

سالم

ما بقاش الامر بايدي خلاص يا بنتي انتي شايفه بنفسك اللي احنا بقينا فيه اخوكي ضيعنا وخلى الناس كلها تتكلم علينا ويوسف لو اتجنن وطلع عليكي كلام مش هنعرف نرفع راسنا في البلد تاني

رحاب فضلت تعيط وهي ماسكه في هدوم ابوها وقالت

رحاب

يعني تضحيني علشان خاطر كلام الناس يا بابا يعني اعيش باقي عمري مع واحد انا بخاف منه ومش طايقاه علشان بس الناس تسكت عننا يومين

سالم قعد على الكرسي وهو حاطط ايده على قلبه من كتر القهر وقال

سالم

والله يا بنتي لو بايدي كنت هخبيكي في عيني وما اخليش حد يزعلك بس انا راجل مكسور ومش قادر احارب الناس والكلام والفضايح

اكثر من كده

رحاب قامت وهي بتشهق من العياط وبعدها دخلت اوضتها وقفلت الباب عليها وفضلت ترمي نفسها على السرير وهي بتعيط بانهيار

وفي نفس الوقت في فيلا نعمه

كانت نعمه قاعده في اوضتها بكل غرور وهي لابسه قميص حرير وشعرها سايب على ضهرها وحسن قاعد قدامها على السرير متوتر ومش قادر يرفع عينه فيها

نعمه

ايه يا عريس هو انت هتفضل قاعد كده ولا ايه مش ناوي تغير هدومك ولا انت ناوي تفضل باصص في الارض طول الليل بالشكل ده

حسن بلع ريقه بالعافيه وبعدين قال

حسن

انا مش قادر استوعب اللي حصل لحد دلوقتي حاسس اني في كابوس ومش عارف اصحى منه وكل حاجه حصلت بسرعه قوي فوق ما عقلي يستحمل

نعمه قربت منه وهي بتبتسم وقالت

نعمه

وانت زعلان ليه دلوقتي انت بقيت في عز ومال وجاه وكل اللي نفسك فيه هيبقى تحت رجليك بدل الفقر والذل اللي كنتوا عايشين فيه

حسن رفع عينه فيها لاول مره وقال بقهر

حسن

انتي عارفه كويس قوي ان انا اتجوزتك ليه ومش متجوزك عشان المال والسلطه زي ما انتي فاكره انا اتجوزتك علشان تقوليلي زينه راحت فين

اول ما سمعته نعمه اتغيرت ملامحها واتعصبت وقالت

نعمه

مش عيب عليك تكون قاعد مع مراتك الليله دخلتكم النهارده وتجيب سيرة واحده ثانيه بالشكل ده هو انت مش حاسس انك جرحتني بكلامك ولا ايه

حسن قام وقف وبصلها بغضب وقال

حسن

هو انتي هتلعبي بيا ولا ايه انتي قلتيلي بنفسك انك هتقوليلي مكان زينه فين مقابل اني اتجوزك وانا مش هقرب منك ولا هعتبر الجواز ده حقيقي غير لما اشوف زينه بعيني واطمن انها كويسه

نعمه ضحكت بسخريه وهي باصه له من فوق لتحت وبعدها قالت

نعمه

واضح ان البنت دي عامله عليك شغل عالي قوي لدرجه انك سايب كل اللي حواليك ومش شايف غيرها حتى بعد ما بقيت جوزي

حسن قرب منها بعصبيه وقال

حسن

ابعدي عن اللعب ده وقوليلي زينه فين بدل ما يحصل حاجه انتي مش هتعجبك

نعمه اتنهدت وبعدها مشت ناحية الباب وقالت وهي ماسكه المقبض

نعمه

وانا مش هقولك مكانها فين الا لما اتأكد بجد انك اتجوزتني عشان خاطري مش علشان خاطر تعرف مكانها وبس

وبعدها خرجت من الاوضه وسابته لوحده

وحسن فضل واقف قدام المرايه يبص لنفسه بكسره وقهر وبعدها ضرب المرايه بايده بعصبيه وبدأ يفتكر اللي حصل زمان

فلاش باك

زينه كانت قاعده مع حسن في الأرض بتاعت ابوها والهواء ساكت حواليهم كأن الدنيا كلها مستنيه لحظه حكم على قلبين بيحبوا بعض

زينه

انا مش قادره اصدق الكلام اللي انت بتقوله ده يعني خلاص كلها النهارده وهتيجي بكره تتقدم لابويا وتثبت قدام الكل انك جاد في موضوعنا

حسن

انا بجد خايف قوي حاسس ان ابوكي مش هيوافق عليا انتي عارفه ظروفي عامله ازاي ومش عارف انا داخل على ايه بس انا مش قادر اسيبك مهما حصل

زينه قامت وقفت قدامه وبصت له بعناد وحب في نفس الوقت وقالت

زينه

هو انت مش واثق في حبك ولا ايه انا هقف قدام العالم كله واقول ان انا بحبك ومش هخاف من حد ولا من كلام الناس

وفجأه صوت نعمه جه من بعيد وهي معديه بالعربيه بتاعتها وقفت قدامهم ونزلت وقالت

نعمه

ايه يا حسن اللي انت بتعمله في الضلمه ده مش عيب ولا انت فاكر نفسك بعيد عن عيون الناس

حسن قام وقف بسرعه وقال

حسن

هو احنا كنا بنعمل ايه احنا قاعدين محترمين اهو ومفيش حاجه غلط بتحصل

زينه بصت لنعمه وقالت بعصبيه

زينه

مش تباركي ليا يا كبيره حسن بكره هييجي يتقدم لي وهتجوز واحد من سني مش عيل صغير لسه في ابتدائي

ساعتها نعمه نزلت من العربيه بسرعه وقربت من زينه وضربتهاا بالقلم قدام حسن والشارع كله وقالت بغضب

نعمه

انا هندمك على الكلام اللي قولتيه ده وهخليكي تعرفي ان اللي يتحداني لازم يدفع التمن

زينه مسكت وشها بس بسرعه رجعت بصت لنعمه بكبرياء وقالت

زينه

انا اللي هندمك على القلم ده وبكره تشوفي انا هعمل ايه فيكي لما يجي وقت الحساب

حسن وقف بينهم مش قادر يتكلم ومش قادر يستوعب اللي بيحصل وقال بصوت متوتر

حسن

ما كانش لازم تقفي قدامها وتقولي لها الكلام ده انتي عارفه ان هي ام صاحبي ومش سهل نفتح معاها مشاكل بالشكل ده

زينه بصت له بحزن وقالت

زينه

انا مش بخاف من حد يا حسن وبعدين هو انت راضي علي الكلام اللي قالتو ليا يعني علي العموم يا سيدي انا غلطانه

وبعدها زينه مشيت وهي غضبانة وسايبه الجو كله نار وراها

وثاني يوم حسن كان رايح بيت زينه علشان خاطر يتقدم ليها وكان ابوها قاعد وامها وبعدين ابوها فال

الاب

الحقني يا حسن يا ابني انا صحيت ما اعرفش بنتي راحت فين وعماله ادور عليها في البلد كلها ومش لاقيها

حسن

ايه الكلام الغريب اللي انت بتقول عليه ده هكون راحت فين يعني انت دورت عليها كويس اوي

الاب

اكيد يا ابني عملت الكلام ده ارجوك تدور معايا عليها

بعدها البلد كلها فضلت تدور عليها وفي يوم كان حسن قاعد عند الترعه وراحت عنده نعمه

نعمه

وقوم يا حسن الوقت اتاخر وهي مش هتجيلك شكلها كده لقيت واحد اغنى منك او واحد احسن منك

وبعدها حسن قام من المكان اللي هو كان قاعد فيه وبعدها قال ليها

حسن

ايه الكلام الغريب اللي انت بتقولي عليه ده انا مش فاهم منك حاجه وبعدين هو انت عرفتي منين ان زينه اختفت احنا مش جايبين سيره لحد

نعمه

ما هو انا لازم اكون عارفه علشان انا اللي عملت فيها كده ومش ناويه ارجعها ليك الا بشرط واحد

حسن مسكها جامد وقال

حسن

كل الا زينه انتي ما تعرفيش انا ممكن اعمل فيكي ايه انت سامعه ولا لا قولي لي دلوقتي حالا زينه راحت فين

نعمه شدت ايديها من ايده وقالت

نعمه

جرى ايه حصل في ايه اهدى كده وخلينا نتكلم بهدوء علشان خاطر اي حركه تهور هتحصل منك انت اللي هتخسر زينه انا ممكن اقتلها بايديا دول

حسن

والله العظيم انا مستعد اعمل اي حاجه انتي عايزاها بس ارجوكي قولي ليا مكان زينه فين

نعمه

هعمل كده بس بشرط واحد انك تيجي لحد الفيلا بتاعتي وتقولي ان انت عايز تتجوزني وساعتها اشوف انا هوافق ولا لا

مازن

متقلقيش يا نعمه بلاش ماما اصل انا عارف كويس ان انت ما بتحبيش كلمه ماما مش صح الكلام ده انا عارف هعمل ايه كويس بس والله الموضوع ده نهايته مش مريحاني وبالذات بعد اللي حصل من حسن لما عرفت بجوازك منه

نعمه

بقول لك ايه يا مازن قفل على موضوع حسن دا خالص واشمعنى حسن اللي انت زعلان قووي منو ما انا كل يوم والثاني بتجوز وانت ما بتعملش اللي انت بتعمله ده

مازن

هو انت ليه مش عايزه تفهمي ان اللي مزعلني ان حسن ده صاحبي بقول لك ايه يا ماما هاتي لي على الموضوع ده علشان انا مش طايق نفسي خلصي قولي لي عاوزاني في ايه خليني اخلص واعمل

وبعدها بيقعدوا بيفضلوا يتكلموا مع بعض ازاي يتصرفوا البضاعه

وفي الوقت ده عند رحاب بتكون نامت وساعتها بيدخل عندها يوسف وبيفضل يبص ليها جامد

وساعات على رحاب بتحس بيه وبتروح قايمه مخضوضه وبتقول

رحاب

هو في اي يا يوسف وداخل عليا بتعمل ايه

يوسف

هو في ايه يا بنت عمي مالك اتخضيتي قوي كده هو انتي نسيتي ان انا خلاص بقيت جوزك وده امر طبيعي المفروض تاخدي عليه

رحاب

وانت عارف كويس يا يوسف انت بالنسبه ليا ايه فيا ريت تريح نفسك وتريحني معاك من كل ده

يوسف

حرام عليك هو انت مالك بتعملي ايه ليه كده وليه القسوه دي كلها وليه مش شايفه حبي ليكي ومازن ان انت بتحبيه وفرحانه بحبه ده حد مش كويس هو بس مبين الطيبه بس هو جواه شيطان

رحاب

اسكت بقى مازن ان انت بتتكلم عنه ده ما فكرش ياذيني زي ما انت فكرت ولا انت ناسي عملت ايه علشان خاطر تخلي ابويا يوافق بيجوزنا

يوسف

تمام يا رحاب وانتي هتشوفي بنفسك والايام هتثبت ان انا مش بقول اي

كلام وخلاص وخليكي فاكر لو انا عاوز المسك برضاك او غصب عني هعمل كده بس يوسف مش كده

هو بيروح سايبها وخارج وبيقعد في اوضه ثانيه وهو متعصب

وعند حسن بيكون قاعد ومستني نعمه الاول لما بتيجي بتقول

نعمه

ها عملت ايه فكرت في الكلام اللي انا قولتلك عليه ولا انت ناوي تخسر زينه حبيبه القلب

حسن

حرام عليكي يا نعمه هو انت ليه عاوزاني اعمل حاجه انا مش راضي عنها

نعمه

بقول لك ايه انا مش عاوزه كلام كثير هو انت مالك بتتكلم كده ليه كانك جايبني من الشارع وانت ناسي اللي انا مراتك وانت جوزي وانا لي حقوق عليك انا هدخل اغير هدومي لحد ما تستعد سمعت

وبتروح سايباه وبتدخل على جوه وبعد شويه بتخرج وهي لابسه قميص نوم فرده شعرها وحاطه مكياج كتير وبتروح مقربه من حسن

نعمه

انا مش فاهمه معقول شايف الجمال ده كله ما بتفكرش الا في اسمها زينه دي فيها ايه

زياده عني

ساعتها حسن مش بيحاول يقرب منها واول لما نعمه بتلاقي كده بتروح مقربه منو

مفاجاه بتلاقي حسن زقها وبيروح داخل على الحمام وبيفضل يرجع

لما نعمه بتلاقي كده بتتصدم وبتفضل تزعق وبتقول

نعمه

إيه اللي إنت عملته دا هو أنا للدرجة دي وحشة في عينك هو ايه اللي حصل في دماغك هو إنت ناسي إني ستك وتاج راسك والكل بيتمنى نظرة مني تقوم وتعمل الحركات دي انت شكلك اتجننت خالص

حسن وهو طالع وتعبان وباين على وشه القرف

حسن

الموضوع مش جمال ولا لبس يا نعمه الموضوع إن القلوب مش صافية وإنتي عارفة كويس إني اتجوزتك ليه وعارفة إن قلبي مش معاكي فيا ريت تبعدي عني دلوقتي وتسيبي الليلة دي تعدي على خير بدل ما أعمل حاجة تندمي عليها

نعمه

تندم مين يا حسن إنت شكلك نسيت نفسك خالص ونسيت إن لو لا ليا كان زمان حبيبه القلب تقرا عليها الفاتحه دلوقتي فوق يا حبيبي واعرف بتكلم مين وأنا مش هسيبك النهاردة غير لما آخد حقي منك تالت ومتلت والجمال اللي إنت مش شايفه ده غيرك بيبوس التراب اللي بمشي عليه

حسن

حرام عليكي يا نعمه اللي انتي بتعمليه ده ويا ريت تقفلي على السيرة دي أنا مش قادر أسمع صوتك ولا طايق أشوفك قدامي اطلعي بره الأوضة وسبيني في حالي وإلا والله هقوم أسيب البيت كله وأمشي

نعمه بفيظ

ماشي يا حسن بس والله العظيم لو ما اتظبطت انا هندمك على كل اللي انت بتعمله وبتروح لابسه هدومها وبتروح خارجه بره الاوضه

وفي الوقت ده كان مازن قاعد مع واحده من بنات الليل الي قالت

سهير

والله العظيم انا ما مصدقه نفسي معقول مازن هنا ده البلد كلها مش بتتحاكى الا على سيرتك وقد ايه ان انت ما بتعملش الغلط امال لو شافوك وانت هنا معايا هيعملوا ايه

مازن

بقول لك إيه يا سهير فكك من السيرة دي خالص أنا مش جاي هنا عشان أسمع كلمتين عن الأخلاق والبلد أنا جاي عشان أنسى الدنيا كلها وعاوزك النهاردة تنسيني كل اللي حصل وكل الهم اللي فوق دماغي وبعدين اللي في البلد يقولوا اللي هما عاوزينه أنا مازن ومحدش يقدر يفتح بوقه معايا بكلمة ولا انت ناسيه انا ابن مين

سهير

ي ايه ده بس يا مازن انا مش قصدي حاجه وغير كده وكده هو انا كنت اطول تبقي هنا دا إنت تنورنا في أي وقت بس أنا مستغربة إيه اللي جابك عندي دلوقت وإنت معروف عنك إنك مش بتاع السهرات دي خالص هو في حاجة مزعلاك ولا إيه

مازن

بقول لك ايه يا سهير انا زهقت وشكلك كده عاوزاني امشي من هنا

وبعدها مسكته سهير من ايدو وبعدها قالت

سهير

يا خبر هو انا اقدر انا كل الحكايه اللي انا خايفه ان الست نعمه تعرف وساعتها تعمل ليا مشكله كل الحكايه مش اكتر وبالذات

مازن

نعمة في حالها وأنا في حالي وما تفتحيش سيرة نعمة هنا خالص فاهمة ولا لاء وخشي اعملي لك همه وغيري القرف اللي انت لابساه ده والبسي حاجه عدله

واول لما مازن بيقول كده سهير بتروح داخله وساعتها مازن بيكلم نفسه وبيقول بسخريه

مازن

كلو مفكرين اني الملاك بس مفيش حد يعرف ان انتي السبب في كل اللي انا فيه بسبب خيانتك

وبيبدا مازن يفتكر الي حصل زمان

باك

نعمه واقفه مع صلاح جوزها الي قال بخوف

صلاح

اشمعنا المره دي انت اللي عاوزاني اروح ما انت كل مره انت اللي بتروحي تستلمي البضاعه بنفسك

نعمه

هو في ايه يا صلاح من امتى بتقول ليا علي حاجه وانا قلت لك ان انا مظبطه كل حاجه يا دوبك على

التسليم حتي دي انت مش عاوز تعملها

صلاح

خلاص يا نعمه ما تزعليش نفسك حاضر انا هعمل لك كل اللي انت عاوزاه وربنا يسترها بقى

فعلا بعدها بيسيبها وبيروح ماشي واول لما بيمشي تروح نعمه ماسك الموبايل وبيتكلم محمود دراعها اليمين وقالت

نعمه

يلا بقى ما تتاخرش عليا صلاح مشي وانا مستنياك هجهز نفسي علي بال ما تيجي

وبتروح قافله معاه

في الوقت ده بيكون مازن اللي كان وقتها عنده 12 سنه واقف وبيعمل كل حاجه واول لما بتشوفه نعمه بتقول بحده

نعمه

هو انت ايه اللي مصحيك لحد دلوقتي يا ولد اطلع يلا نام

هو انت ناسي ان انت وراك مدرسه بكره بدري ولا ايه

اول لما مازن بيلاقيها زعق ت يروح داخل بسرعه وهو خايف

وبعد شويه بيجي محمود واللي بتروح واخده نعمه وبتروح داخله بيه على اوضه النوم

الوقت ده عند صلاح بيكون واقف علشان يستلم البضاعه وساعتها بيلاقي واحد من رجالتو جاي

مصطفي

الحق يا صلاح بيه الحكومه شكلها هيتكبس انت لازم تمشي من هنا لو فضلت اكتر من كده

صلاح

الكلام اللي انت بتقوله ده يا مصطفى طب والبضاعه هنعمل فيها اي انت عارف كويس ان البضاعه بفاوس كتيره

مصطفي

الفلوس ولا حياتنا سيب كل حاجه وخلينا نمشي لو فضلنا اكتر من كده هنروح في ابو نكله

واول لما صلاح بيلاقي كده بيروح ماشي وبالذات لما بيلاقي عربيات البوليس قربت منهم

بيروح جاي على البيت بسرعه وهو خايف واول لما بيوصل بيروح داخل اوضه النوم بسرعه وهو بيقول

صلاح

الحقي يا نعمه الحكومه كبست وقبل ما يكمل كلامه بيتصدم لما بيلاقي نعمه في حضن محمود

صلاح

اي اللي انتي بتعمليه ده معقول انتي يا نعمه بتعملي فيا كده وبتخونيني طب انا عملت لك علشان تعملي كده ده انا ما كنتيش بتقولي لي على حاجه الا لما قلت لك عليها حاضر

نعمه

بقول لك ايه يا صلاح امشي واطلع بره بطل والله العظيم هعرفك مقامك

صلاح

هو انت مفكره ان انا هسكتلك بعد اللي انا شفته ده انا هموتك دلوقتي وعندي استعداد اقضي عمري في السجن ولا اني اعيش مع واحده خاينه زي

ويروح مقرب منها وهو بيفضل يخنوا فيها وساعتها بيجي محمود وبيروح خبطه على راسه جاب خبطه لحد ما بيروح واقع قاطع النفس

نعمه

الله يخربيتكم هنعمل اي دلوقتي الراجل راح اتصرف ازاي دلوقتي

لما بتبص وراها بتصدم لما بتلاقي مازن

اللي بيجري على ابوه وبيفضل يعيط وبيقول

مازن

قوم يا بابا هم عملو فيك اي هو انتم قتلتو بابا

نعمه

الله يخرب بيتك وطي صوتك هتودينا في داهيه تعالى جوه بدل والله العظيم ما تعرف انا هعمل فيك اي ولو فتحت بقك ولا اتكلمت هتموت زيه سمعت

وبتروح واخداه ومداخلاه على جوه وبتروح قافله الباب عليع

محمود

بقول لك يا نعمه اجمدي كده انا كلمه عشان يجي يدفنوه وما تقلقش انا هظبط كل حاجه هو مش قال ان البضاعه بوليس هجم عليها احنا نستغل النقطه دي ونقول ان هو هرب لما خاف من الخكومه ونشيلز الليه وتتفاجئ ان بتاجر في الممنوع

نعمه

طب خلص خليني انضف الدم اللي غرق المكان ده

وفعلا بعدها بيعملوا كده ونعمه بتنظف المكان وطول الوقت ده بتحاول تنسي مازن اللي حصل واللي شافه

وثاني يوم عند رحاب بتصحي من النوم مش بتلاقي يوسف مش موجود والبيت هادي وساعتها بتستغرب

بس ما تشغلش بالها كتير وبتبدا تتوضب في البيت

بعدها بيدخل يوسف وهو شايل في اكياس كثيره وبروح مقرب من رحاب وقال

يوسف

انا ما رضيتش ازعجك وانا نازل وقلت اخليك تتصحي على راحتك وبصراحه كده ان نزلت اجيبلك شويه حاجات وهدوم يارب يعجبوكي

رحاب بضيق

وانا ما طلبتش منك حاجه ولو سمحت ياريت بعد كده ملكش دعوه بيا

يوسف

يا رحاب انا مقدر زعلك مني بس والله العظيم ما كان في الا الحل ده علشان اتجوزك انا عارف ان انا كنت غلطت بس انا حبي ليكي كان اكبر مش كنت هتشوفيني الا كده

اديني فرصه وافتحي قلبك ليا وهتعرفي اللي انا مش وحش زي ما انت مفكره

رحاب

ابقي عبيطه لو عملت الكلام اللي انت بتقول عليه ولو سمحت مش عاوزه اكرهك اكتر من كده يا ريت تبعد بعيد عني خالص

يوسف

هو انتي اي يا شيخه مبتحسيش خليكي فاكره يا رحاب انا الي بحاول اقرب وانتي الي كل مره تبعدي

وانا مش هسكت علي الكلام دا كتير

وبيروح سايبها وهو بيمشي وراحاب بتقعد مكانها وهي متضايقه

وبتروح مقربه من الحاجات الي جبها يوسف ليها وبتبدا تشوفها وبتفاجا ان جاب ليها كل الي بتحبو

وبتكلم نفسها وبتقول

رحاب

وبعدهالك يا يوسف معقول كنت ظلماك

وفي الوقت دا عند نعمه بتروح لزينه واول لما بتدخل ليها بتروح شداها من شعرها جامد وبتقول

نعمه

انتي ما تعرفش انا بكرهك ازاي وانت السبب ان حسن يفضل بعيد عني ومش هرتاح الا لما اقتلك بايدي علشان حسن يبقى ليا انا في الاخر

وساعتها زينه بتضحك جامد وبتقول

زينه

هو انت مفكره ان انا هخاف من الكلام العبيط اللي انت بتقوليه ده تبقى عبيطه دا انت ما تعرفيش انا مبسوطه قد ايه لما قلت كده

وساعتها نعمه ما بتحسش بنفسها وبتروح مطلعه مسدس اللي في شنطتها وبتروح ضربه زينه اللي بتروح واقعه ميته في ساعتها