تحميل رواية «جميلتي المتمردة» PDF

جميله جميله ...الحقي يا جميله مصيبه وطبت على دماغنا رحيم طلع من السجن وجاي على هنا انا مرعوبه عليكي... اهربي امشي قبل ما يرجع

جميله وقفت برعب وقالت...ايه هو مش لسه فاضلو شهر كمان يا زينه خرجوه دلوقت ليه

زينه قالت بخوف.... معرفش معرفش ..كل اللي اعرفه انو لو رجع وانتي هنا مش هيرحمك هتروحي فيها يلا انفدي بجلدك

جميله قالت بقلق... ما انا لو اعرف اهرب كنت عملت كده من يوم ما اتسجن .. بس امك وقفالي حرس ليل نهار علشان مهربش

زينه قالت بتوتر..بعني ايه هتفضلي هنا...رحيم اخويا وانا عرفاه مش هيسكت عن اللي عملتيه ابدا

جميله اخدت نفس وقالت بتوتر..يعمل اللي يعمله بقى..انا مبقتش فارقه معايا

تحت كان الزغاريد والزمر وصوت الدي جي مسمع كل الحاره

نزل رحيم بطلته القويه وجري على والده باس ايده وحضن والدته اللي بقت تبكي بشده

رحيم ابتسم وقال..وحشاني يا اما.. وانت كمان يا ابا وحشتوني قوي

ابوه قال بفرحه...انت اكتر يا قلب ابوك والله

رحيم بص لوالده لقاها لسه بتبكي قال....ما خلاص بقى يا ست الكل ما انا رجعتلك اهوه

امه قالت بفرحه ....الحمد لله يا حبييي دي دموع الفرحه يا ضي عيني

ودخلو كلهم البيت ووالدته قعدت جنبه وقالت بغضب...اسمع بقى يا رحيم اللي حصل ده مش لازم يعدي بالساهل كده...الزفته مراتك فوق انا مخلتهاش تطلع من البيت ابدا حتى اهلها لما جم ياخدوها منعتهم ...علشان لما ترجع تاخد حقك منها على اللي عملتو دول ٥ شهور قضيتهم في السجن وسط ناس متسواش ولازم تطلعهم من حبابي عنيها

رحيم لسه هيرد ابوه قال بتوتر..ما خلاص بقى يا نعمات...اللي حصل حصل وانتهى وربنا رؤف رحيم...ده حتى ابنك اسمو رحيم...يمكن البت مكانتش تقصد او مظلومه ولا....

بس قاطعو رحيم لما وقف بحزم وعيونه متطمنش وقال....روق دماغك وسيبلي انا الموضوع ده يابا...انا عارف هعمل ايه

وطلع على اوضته عند جميله واول ما فتح الباب هيه وزينه انتفضو واقفين بخوف

زينه جريت عليه حضنتو وقالت بتوتر.... حمد الله على السلامه يا رحيم وحشتني

رحيم قال بسخريه...باين اني وحشتك حتى مكنتيش مستنياني تحت

بقلم...زهرة الربيع

زينه قالت بتوتر..ما انا والله كنت فاكره انك هترجع بعد العصر

رحيم ابتسم وقال...ولا يهمك يا قلبي ....يلا انزلي امك عيزاكي وبص لجميله بطريقه تخوف وقال....وسيبيني شويه مع مراتي ...وحشاني...بقالي شهور مشوفتهاش

جميله بلعت ريقها برعب وبقت تبص لزينه مش عيزاها تمشي بس زينه كانت مضطره بعد الكلام اللي قالو

حمحمت بتوتر وقالت..اه..اه طبعا عن اذنكم ومشيت وهيه خايفه جدا على جميله

اول ما خرجت رحيم قفل الباب فورا وبص لجميله بطريقه مش مفهومه ووووو

ايه ما فيش حمد لله على السلامه.... ولا زعلانه على السلامه ومش عايزه تحمدي ربك عليها

جميله بلعت ريقها بالعافيه وقالت بسرعه...انا مليش دخل باللي حصل

رحيم قرب منها وقال بطريقه تخوف ....ما لكيش دخل... سبحان الله هناك قالوا لي مراتك اللي بلغت عنك

جميله قالت بتوتر ......انا ما اعرفش حاجه عن اللي انت بتقولها دي

و لسه هتمشي رحيم مسكها من دراعها وشدها عليه بقوه وبص لعيونها بغضب شديد وقال ...انا عارف ان جوازنا ما كانش على هواكي ....بس عمري ما اتخيلت انها توصل معاكي انك تحطي لي حشيش في عربيتي وتبلغي عني.... ما كانش في خيالي ابدا توصلي للإفترى ده

جميله بلعت ريقها بتوتر شديد وقالت...انا....انا قلت لك ما ليش دعوه و..

بس قاطعها لما مسكها من دراعاتها وقال بغضب شديد .....مش عايز كدب.... متخلنيش اتجنن على اللي خلفوكي على الصبح

جميله غمضت عيونها برعب ونزلت دموعها

وهو سابها ومشى ايده على شعرها بهدوء وقال ... تؤ تؤ بس متعيطيش ....انتي عارفه اني مش بستحمل دموعك ابدا ..خلاص الله يسامحك بقى حصل خير

جميله فتحت عيونها باستغراب وقلق منو وهو قرب منها قوي بطريقه تخوف وقال.... معروفه من زمان من امن العقاب ساء الادب.... وانتي مامنه العقاب ومتاكده اني مش هاذيكي

وبعد عنها وولع سيجاره وقال ببرود.....شوفي يا حلوه انا طول فتره السجن مش هاممني كل اللي عملتيه.. قد ما بفكر في حاجه واحده بس هي دي اللي عايز اعرف اجابتها منك وبعد كده هشوف بقى اتصرف معاكي ازاي..... بس اهم حاجه عندي دلوقتي تجاوبيني على سؤالي من غير كدب..ها من غير كدب

جميله قالت بتوتر .... سؤال ايه

بص لعيونها بطريقه تخوف وهو بينفخ دخان سيجارته في وشها وقال....... مين صاحب الفكره دي .....اللي ادالك الحشيش اللي كان في العربيه

جميله لسه هتتكلم قاطعها وقال بسرعه..... قبل ما تكدبي وتقولي ان انتي اللي عملتي كده مش هصدقك فمتتعبيش نفسك..... انا عارف ان انتي ولا يخطر في بالك اللي حصل مش لاني هصعب عليكي مثلا.... بس لانك جبانه وميجيش في بالك اصلا تعملي كده....ها مين بقى ابن الحرام اللي اقترح الفكره دي وادالك البضاعه

وبصلها بطريقه مريبه وقال....خليني اخمن انا ...احمد ابن خالك ...صح ولا صح

جميله ارتبكت جدا وقالت بدموع..... ايا كان اللي عمل كده الموضوع مش ذنبه اصلا.... انا اللي كنت عايزه... كنت عايزه اخلص منك وخلاص

رحيم ضحك بخفه وفجأه ضرب الحيطه وراها بغضب وقال .....مش دي اجابة سؤالي... مين اللي ساعدك اتكلمي لاني كده كده هعرفه واساسا عرفته

جميله زعقت فيه بغضب وانفعال وقالت..... عرفت ايه..ها عرفت ايه.. المشكله بينا احنا الاثنين ما تدخلش فيها طرف تالت .... انا اللي مش عايزاك وعايزه اطلق منك ولسه هفضل احاول ومش هسيبك في حالك لو عايز تعيش مرتاح طلقني بقى وسيبني في حالي

رحيم حاول يسيطر على غضبه وقال....كده... ماشي براحتك خالص متتكلميش بس ما تزعليش بقى من اللي هعمله لانه هيبقى يزعل حبتين

ولسه هيروح ناحيه الحمام وقفته و قالت بدموع و خوف.... ناوي على ايه.... هو ملوش دعوه.... انا قلت لك ان انا ....

بس قاطعها بغضب وقال ....وقتك معايا خلص يا جميله... تبريرك دفاعك كله خلص ...دلوقت اتفرجي وبس...مشاهده ممتعه

قال كده وراح على الحمام وهيه قعدت على السرير بخوف شديد وبقت تبكي وهيه مش عارفه تتصرف ازاي

اما تحت كان والد رحيم متضايق جدا وقال بحزن ....ليه كده يا نعمات.... ليه تسلطيه وتحرضيه على البنت كده ...دي بنت غلبانه ومسكينه ولا لازم تشيلينا ذنبها

نعمات بصتلو بذهول وقالت ....غلبانه ومسكينه... يا راجل يا راجل دي بلغت عن ابنك وحبسته تاني يوم جوازه ...خمس شهور ما شفناهوش بسببها وتقولي غلبانه يا سالم

سالم اتنهد بضيق وقال .....لان ابنك السبب في كل ده من الاول.... كلنا عارفين ان البنت مغصوبه على الجوازه... راح اشتراها من اهلها زيها زي اي سلعه...اللي حصل منها ده حاجه مش غريبه

نعمات قالت بغضب.... اديك قولت بنفسك انو اشتراها من اهلها ...يعني هم اللي باعوها.... تحمد ربها بقى اللي لقت اللي يشتريها

قالت كده وراحت على اوضتها بغضب وسالم بس لطيفها بحزن وبقى يدعي يحنن قلب رحيم على مراته

عند رحيم خرج من الحمام لابس بنطلون قطني وبس وبينشف شعره

بص بطرف عينه لجميله كانت قاعده على السرير بقلق ولابسه عبايه ببتي مقفوله قال بامر ....قومي استحمي والبسي لك حاجه تفتح النفس بدل الخيمه اللي انتي لابساها دي

جميله بصتلو بتوتر وقالت..... انا كويسه كده.... الجو مش حر قوي يعني

رحيم ابتسم ابتسامه جانبيه وقرب منها وقال.... انا مش خايف على جمالك من الحر ....شكلك كده سادد نفسي... مش عاجبني .. الليله دي ....واكثر من اللي يجي في مزاجي وتوقعاتي كمان... عشان احاول انسى اللي عملتيه واقدر ابص في خلقتك

جميله بلعت ريقها بخوف وقالت.....بس.. بس انت يوم جوازنا قلت لي انك هتسيبني لحد ما اطمن لك ومش هتجبرني على حاجه

رحيم بصلها وقال بسخريه...... ايه ده انا قلت كده ....بجد امتى فكريني ...اه افتكرت يوم دخلتنا ....يوم ما استغنيت عن كل حقوقي علشان اطمنك ... وانتي كنتي بتخططي ازاي تخلصي مني...لا ما اعتقدش اني هفضل فاكر الكلام ده خمس شهور

ورمى قميص نوم في وشها و قالت ....قومي البسي ده يلااا

جميله بصتلو بخوف اكبر وقالت...انت...انت اكيد مش هتنتقم مني بالطريقه دي يا رحيم

رحيم ضحك بخفه وقال.... لا طبعا يا حياتي... اكيد مش هنتقم منك بالطريقه دي ....لان ده مش انتقام ده حقي والمفروض انو مكافاه لواحده زيك

جميله رمت القميص في الارض وقالت بغضب..... بس انا قلت لك قبل كده اني مش طايقاك..... ومش قابله انك تقرب لي ومش هلبس حاجه

رحيم مسكها من فكها بغضب شديد وقال .....مش بمزاجك يا حلوه.... من النهارده كل حاجه بمزاجي انا وبس

جميله بقت تضربه في صدره بقوه وهي بتقول.... لا لا ابعد عني.... انا بكرهك بكرهك يا اخي سيبني حرام عليك و...

بس قطع كلامها بين شفايفه لما اقرب منها بقوه وجنون كان بيحاول يعاقبها ويعذبها بقربه منها... بس ما فيش ثواني ولقى نفسه هو اللي بيتعذب بقربها واتحولت قوته وغضبه لحب واشتياق كبير هز كيانه

شويه وبعد عنها و كانت مغمضه عينها وبتكي بصمت بص لملامحها اللي اشتاق لها بجنون و قال بوجع بيحاول يخبيه...للدرجادي مش طيقاني ...معقوله بتحبيه للدرجه دي

جميله فتحت عيونها باستغراب شديد ودموع وقالت ..بحبه....هو..هو مين

رحيم ابتسم بسخريه ووجع وقال ...انا وانتي عارفين هو مين..حبيب القلب اللي رفضتي تتجوزيني علشانه...واتفقتي معاه علشان تسجني جوزك ويخلالكم الجو سوا

جميله اتسعت عيونها بصدمه من كلامه و قالت بتوتر...انت فاهم غلط...انا مش بحب حد ...انا موافقتش عليك لاني مش بحبك يارحيم ..دي حاجه مش بايدي اغيرها

رحيم حاول يسيطر على غضيه وقال....لو كان قلبك خالي ...كنت اكيد هقدر الاقي مكان جواه بسهوله ...لكن كل الفكره انك مش قادره تنسيه

ومسكها من فكها بغضب رهيب وقال بطريقه تخوف....انا بعدت عنك خمس شهور....ياترى زي ما قدر ياخد قلبك قدر ياخد شرفك ولا لسه صاينه عرضي

جميله كانت هتقع من طولها لما قال كده وقالت بصدمه..انت...انت قصدك ايه

رحيم دفعها على السرير وقال بغضب...قصدي هتأكد منه حالا لان ممكن تجرالي حاجه من التفكير

جميله بقت ترجع لورا على السرير وقالت بدموع..لا والنبي يارحيم..... وانبي ما تقرب حرام عليك

رحيم كانو مش سامعها وقرب منها بقوه وبقى يتهجم عليها بغضب

بس اول ما لقاها بتبكي جامد مقدرش قام بسرعه وبقى يكسر كل حاجه قدامه وهو بيقول بغضب...هقتله ...هقتله يا جميله ....مش قادر فيه نار جوايا مش هتطفى غير بدمه

ولسه هيمشي قامت وجريت عليه وقفت قدامه وقالت بسرعه ودموع...والله والله يا رحيم هو ما له دخل ...انا..انا طلبت منه يجبلي البدره ...انا اللي كنت عايزه اعمل كده هو ملوش ذنب ...والله ما فيه اي حاجه بنا

رحيم مسكها من درعاتها وقال بزعيق...ليه رافضه اني اقربلك ...لو مفيش حاجه بينكم ليه رفضاني

جميله قالت بغضب وانفعال....قولتلك لاني كرهاك... هو ده مش سبب كفايه

رحيم سابها وحاول ياخد نفسه وقال ...لا كفايه...وكفايه بجد يا جميله ...انا مش هشحت منك المحبه ...ولا هرخص نفسي اكتر من كده...وهعرف اخد حقي منك ومنه وحق الخمس شهور اللي ضاعو من عمري هاخدهم من عنيكم

قال كده ونزل وسابها وهيه قعدت على السرير بانهيار وهيه خايفه جدا وبقت تتصل على رقم واول ما رد قالت بسرعه وخوف....احمد ...رحيم خرج من السجن ....هو متاكد ان لك ايد في سجنه حاول تبعد ..شكله ميبشرش بالخير

جالها صوته بيقول بغضب....يبقى جيه لقضاه انا مستنيه

وقفل منها

جميله قالت بتوتر....لا لا يا احمد..احمد الو..الو

بس الخط فصل وهيه رمت التليفون على السرير بغضب وخوف وقالت ....يارب استر يارب

عند رحيم نزل ومشي من البيت وهو مش شايف قدامه من غير ما يرد على ابوه اللي كان بيناديه بقلق

على قهوه صغيره في الحي متجمعين الشباب وبيلعبو شطرنج وواحد منهم قال بسخريه...رحيم طلع انهارده يا ابو احميد مش هتشربنا قهوه على حسابك ولا ايه

بقلم ....زهرة الربيع

احمد بصلو بخنقه وقال...مسعد مش وقت استظرافك ابدا ...انا مش طايق نفسي السعادي

مسعد ضحك وقال...ليه بس روق روق

وميل عليه وقال...اللي عملناه مره نقدر نعمله تاني ونرجعه مكان ما كان ..بس انت شخلل جيبك

احمد قال بضيق....لا يا عم...الحاجات دي غاليه... وانا مش هدفع حاجه تاني كفايه كده...اصلا لازم يطلقها هيه مش طيقاه مش بالعافيه يعني

مسعد ابتسم بسخريه وقال....طالما مش هتدفع تاني يبقى مقدرش اساعدك يا صاحبي شيلتك وتشيلها

ولسه هيقوم اتفاجأو برحيم نزل من عربيته بغضب وقرب منهم وبص لمسعد بسخريه وقال...شكلنا هنشرب الشاب محوج انهارده...ازيك يا مسعد وايه اخبار سوقك

مسعد اتوتر جدا وقال..اهلا يا رحيم ..كفاره يا حبيب اخوك

رحيم بص لاحمد بغضب شديد وقال....ايه مش هتقول كفاره انت كمان

احمد قال بغضب....عايز ايه يارحيم...اذا جاي علشان فاكر اني ليا دخل بسجنك فانت غلطان.... انا مليش دخل مراتك اللي مكانتش طايقه خلقتك وعايزه توزعك..روح اتكلم معاها وشوف عملت كده ليه..الله اعلم يمكن في حياتها حد تاني

هنا رحيم قرب عليه بطريقه تخوف واحمد اتوتر جدا من نظراته ولسه هينطق بس رحيم ضربه بوكس قوي وقعه على الارض وبقى ينزف من بقو وهجم عليه ونزل فيه ضرب بطريقه وحشيه

الكل اتجمعو وبقم يحاولو يبعدوه عنه بس رحيم كان هيتجنن من كلامه ومش شايف قدامه وبيدفع الرجاله بغضب ويرجع يضربه لحد ما احمد بقى شبه جثه على الارض

الكل خافو يموت فمسكو فيه سوا ومنعوه بقوه ورحيم بقى يحاول يفلت منهم وهو بيقول بزعيق.....اوعى انت وهو سيبوني اوعو

وبص لاحمد وقال بغل وتهديد .....عارف لو اتدخلت في حياتي تاني مش بس هساويك بالارض ده انا هدفنك تحتها عايش سامع يلا ...سامعني

احمد هز راسو بالموافقه بسرعه من الخوف والالم ورحيم قال بغضب...بس سيبوني...بقولكم سيبوني انا ماشي

الكل سابوه وهو مشي ناحية عربيته بغضب شديد

ولسه هيركب وقفه صوت مسعد لما قال....احمد بيكدب عليك....والحقيقه عندي

رحيم بصلو باستغراب وقال...قصدك ايه

مسعد قال ....قصدي انو كدب عليك ....مراتك ملهاش دعوه ..فيه حاجه حصلت لازم تعرفها ووووو

قصدي انو كدب عليك ....مراتك ملهاش دعوه ..فيه حاجه حصلت لازم تعرفها

رحيم قال باستغراب...بتتكلم بالالغاز ليه... ما تنطق زي الخلق

مسعد ضحك وقال..اصل انا كلامي زي الكيف اللي ببيعه ..مبيطلعش غير للغالين وطبعا مبيطلعش ببلاش

رحيم قال ..اااه....شكلو صاحبك فلس

مسعد ضحك وقال...انا مليش صحاب...اناخدام مصلحتي

رحيم ابتسم بسخريه وطلع فلوس كتير ادهاله وقال...لو اللي هتقوله مهم هديلك قدهم

مسعد بص للفلوس بطمع وقال بسرعه....احمد فضل يزن على مراتك علشان تحطلك البدره في العربيه ويحبسك واتفقو على كده..وانا اتصرفت في كميه كبيره علشان تتمسك تجاره مش تعاطي ومدتك تطول ... وسلمنا الحاجه لمراتك قبل الفرح وكانت هيه هتحطها في عربيتك علشان هيه هتبقى في بيتكم وهتعرف توصل للعربيه اسرع مننا

رحيم قال بضيق..وايه الجديد

مسعد قال.....الجديد بقى ان مراتك حنت ليك واتصلت على احمد وقالتله هترجعلي الحاجه لان انت عاملتها كويس ومبقتش خايفه منك ومش عايزه تأذيك

احمد وقتها اتجنن وطلب مني نجيب كميه قدها ونحطها في العربيه من ورا مراتك

بس انا مكانش عندي غير كسين صغيرين كنت شايلهم للحبايب لاني مش شغال تقيل ومعنديش كل الكميات دي...المهم خدناهم وخلاص وحطناهم في عربيتك وخلينا البت ميار قريبتي تكلم الظابط على انها مراتك علشان تطلقها...انا قولتلك كل حاجه اهوه ...وطبعا انت عارف انا كل همي الفلوس ومليش دعوه بالحوار ده

رحيم اتفاجأ جدا بس كان مبسوط جدا جدا ومش مصدق ان جميله رفضت تبيعه

طلع فلوس اداها لمسعد بتوهان وهدوء وركب عربيته وطلع بسرعه من غير ولا كلمه

عند جميله كانت قاعده في الاوضه بخوف على ابن خالها الللي فاكره ان كان كل همه يساعدها

في الوقت ده دخلت والدة رحيم وقالت بغضب...انتي لسه قاعده قومي فزي انا كنت مخلياكي هنا مش علشان استتك يا اختي انا كنت حبساكي لتهربي.... انما دلوقت راجلك جيه ولو هربتي يروح يجيبك من شعرك.... يلا قومي معايا علشان تنضفي البيت وتعملي لقمه لجوزك اللي طفشتيه من اول يوم

جميله قالت بضيق....انا مش نازله ومش هروح اي حته ...ولو انتي عايزه واحده تخدم ابنك وتنضفله وتبقى زوجه ليه جوزيه ..جيبيله واحده تعمله كل ده وحلو عن سمايا

نعمات قالت بسخريه...دي امنية قلبي يا اختي ....بس اعمل ايه مراية الحب عميه مش عارفه عاجبه ايه فيكي

جميله قالت بضيق...استغفر الله يا رب..يارب الصبر من عندك

حماتها قالت ...بتتأففي يا بت بياع الجزم يا.....

بس قاطعها رحيم لما دخل وقال بسرعه..اما....فيه ايه

نعمات قالت بضيق..بقول للشملوله تنزل تشوفلها شغله معايا بدل ما اهي زي قلتها

رحيم ابتسم لامه وقال..زي قلتها ازاي بس يا ست الكل...مش انا رجعت ..وعايز مراتي معايا حتى يوم او اتنين..ده انت طول عمرك تفهميها وهيه طايره

امه ضحكت وقالت....طيب ياخويا ...خد راحتك انا لقيتك نزلت قولت انزلها تعمل بلقمة عيشها

رحيم بص لجميله اللي كانت هتفرقع من الغيظ وقال بمشاكسه...وهيه دي بتاكل عيش زينا....د انا فاكرها عايشه على الكحك الطري...اصل العود جامد ومفتري

جميله بصتلو بدهشه شديده

وامه استغربت وقالت...... ايه اللي قلب حالك كده يا واد

جبت ورا اول ما شوفتها

رحيم ابتسم وبص لامه وقال..هو انتي مش عيزاني مبسوط

امه قالت باستغراب..طبعا هو انا حيلتي غيرك انت واختك

رحيم قال بابتسامه جميله ...خلاص يبقى لو بتحبيني تعتبري جميله زي بنتك زينه

جميله كانت مصدومه من كلامه ونعمات كمان اتفاجأت وقالت...انت بتقول ايه.... زي بنتي ازاي بعد اللي عملتو فيك و...

رحيم قاطعها وقال...خلاص بقى يا نعناعه يا قمر ... المسامح كريم ...علشان خاطر رحيم حبيبك انسي اللي حصل ..وانا هبقى اشرحلك كل حاجه

امه اتنهدت وقالت...طالما انت عايز كده انا مش عايزه غير رضاك...اسيبكم دلوقت

قالت كده ونزلت وهيه مستغربه جدا

جمبله كمان كانت بتبصلو بدهشه وبلعت ريقها بتوتر لما شافتة بيقرب عليها وبيبصلها بنظرات وترتها جدا قالت بارتباك..هو...هو فيه ايه...انت....انت قابلت احمد...قالك ايه

رحيم قرب منها قوي وحاصرها عند الحيط وقال....

كل خير.... قال لي كل خير

جميله بلعت ريقها بارتباك وقالت ....مش فاهمه .. في ايه... وانت بتقرب كده ليه اصلا ابعد لو سمحت

رحيم بص لعيونها جامد وقال .... هو انا قلت لك قبل كده اني بعشق لون عينيك قوي

جميله اتسعت عينيها بدهشه وهزت راسها بالرفض بتوهان وىحيم قرب من شفايفها قوي بس قبل ما يلمسهم دفعته وبعدت وقالت بذهول..... ايه التصرفات دي ...انت ملبوس من شويه زعيق وقلة ادب وشويه محن وسفاله ..ايه ده

رحيم ضحك بخفه وقال ....محن.... هو انا لما اظهر حبي لمراتي يبقى ده محن

جميله اتنهدت بضيق وقالت..... ايه اللي قلب حالك للدرجه دي ممكن افهم...احمد قالك ايه

رحيم اتنهد وقال .....عرفت انك ملكيش دخل باللي حصل ...ةانك ما قبلتيش تبيعيني

جميله قالت باستغراب...مين قالك...معقول احمد قالك كده...عملت ايه فيه علشان يحكيلك

رحيم ضحك وقال...لا مش هو اللي حكالي هو مكانش قادر ينطق

جميله بلعت ريقها بخوف وقالت ....عملت فيه ايه

رحيم ابتسم وقال...ابدا اخدتو بالحضن بس الظاهر كان واحشني ذياده لان الحضن تقل عليه حبتين

جميله لمعت عيونها بالدموع وقالت...انت ...انت اذيتو يا رحيم ..قت..قتلتو

رحيم قال بسرعه...اهدي ضربته وبس ...كنت متغاظ وقال كلام معجبنيش وضربته....متقلقيش مستحيل اقتله ...مش علشانه بس علشانك ...علشان متحسيش بذنب مش ذنبك

جميله حطت ايدها على قلبها واتنهدت بارتياح وقالت بتوتر...شكرا

رحيم قرب منها وقال بحب.... انا مش محتاج شكر دلوقت صدقيني انا ممكن ابيع ست شهور تانيين من عمري فدا الاحساس اللي حسيته النهارده.....صحيح انتي فكرتي تسجنيني ... بس في النهايه ما هونتش عليك ...ويمكن في حاجه في قلبك ليا علشان كده.....

جميله قاطعته وقالت بسرعه..... ما تحلمش للدرجه دي يا رحيم .....كل الفكره اني ما حبتش اصلح غلط بغلط اكبر منه مش اكتر

رحيم ابتسم وقال..... ماشي مش مشكله ...اهي خطوه حلوه وانا مش مستعجل.... كده كده مسيرك هتحبيني

جميله كتفت ايديها وقالت...يا سلام ..و جايب الثقه دي منين بقى

رحيم ابتسم وقال..... ده لان ثقتي في ربنا كبيره.... انا طلبتك منه كتير واترجيته انك تكوني لي ورغم انك رفضتي كتير..بس في النهايه ربنا ما كسفنيش وبقيتي مراتي

جميله قالت بضيق...... ربنا ما قالش تتجوزني غصب ما تفسرش اللي حصل على هواك علشان تريح ضميرك

رحيم قال بسرعه ....لا انا ضميري مرتاح قوي من الناحيه دي ما تقلقيش ......ضميري ما كانش هيرتاح لو كنت سبتك لحد غيري

وبص لعيونها بقوه وقال بصدق واضح في عيونه..... انا بحبك يا جميله .....بعشقك ...ومش عايز من الدنيا دي كلها غيرك ....اديني فرصه هو لدرجادي انا ما استاهلش

جميله اتوترت جدا وقالت....احم... يا رحيم في مواضيع مش بايدينا انا مقدره مشاعرك بس انت ما قدرتش مشاعري ابدا ورحت اتفقت مع ابويا واللي عملتوه كان قذر انا مش بهيمه علشان هو يبيعني وانت تشتريني

رحيم قال بسرعه ....ليه بتاخديها كده ....اي واحده بتيجي تتجوز بيتدفع لها مهر اعتبري اللي دفعته مهرك... انا مستعد اشتريكي بكنوز الدنيا كلها ...وبعدين هو في بهيمه اصلا بالمبلغ اللي انا دفعته ده .....ليه هتحلب دهب

جميله بصتلو بضيق و لسه هتمشي مسك ايدها وقال بحب....طب سيبك من اللي عدى.... انا لو عايز اشتري رضا ادفع ايه

رغم ان لمعة عيونه وكلامه كانوا بيحركوا قلبها بطريقه جميله لكن كانت متضايقه منه ومن اللي حصل قالت بغضب مصطنع .....ده اللي لا يمكن تشتريه..... جايز تكون قدرت تحجزني عندك هنا غصب...... لكن قلبي مش للبيع مش هتقدر عليه

قالت كده وراحت على الحمام وهو قال بزهق وصوت عالي.... انا مش عارف يعني انا مش عاجبك في ايه .....يا بت ده انا فتى احلام بنات الحته كلهم

جميله ابتسمت بسخريه وقالت بصوت عالي من جوه....و هم مين بقى بنات الحته دول..... سعاد شبابيك اللي بتتمايع معاها في النزله والطلعه بقت بنات الحته

رحيم ضحك جامد وقال...... سعاد شبابيك طب ما انت مركزه اهو .....دي غيره دي ولا ايه ....بس الصراحه حتى لو غيره معاكي حق ده عليها شبابيك.... تجيب اللوز

جميله غيرت هدومها وخرجت وقالت بضيق.....اغير....اغير من مين ....ده انا ملبسهاش في رجلي اللي اتوسخها

رحيم ضحك وقال....و في دي كمان معاكي حق

وحط ايده على رجلها وقال....اصل دول مش رجلين ....دول رصاصتين

جميله بعدت ايده بضيق انت وراحت قعدت على السرير وهو قرب منها بسرعه وقال.... يا جوجو حرام عليكي بقى خلاص.... ما انت كمان اتامرتي عليا وكنت ناويه تاذيني ....و لو كنت حذرتيني من اللي كنتو هتعملوا ما كانش زماني اتحبست كل ده ومع ذلك عدتها وسامحتك.... انت كمان بقى سامحيني على اللي عملته خلينا نعيش مبسوطين زي اي اتنين متجوزين

جميله اتنهدت وقالت بجديه...... ومين قال لك ان انا مش مسامحاك..... انا مسامحاك يا رحيم ومش زعلانه منك.. بس كمان مش هقدر اعيش معاك زي اي اتنين متجوزين ....لاني مش قابله بجوازتنا اصلا.... انتم كلكم ضحكتوا عليا فجاه لقيتهم بيجوزوني ليك في حاجات كتير اتحرمت منها زي اني احب واتحب واتعرف على الراجل اللي هتجوزه ونتكلم ونتفاهم نعمل فتره خطوبه في حاجات كتير انا ما عملتهاش زي البنات اللي عملته معايا كان في اهانه ليا انا مش قادره انساها

رحيم قال بسرعه...... طب لو عملنا كل ده دلوقت تديني فرصه

جميله بصتلو باستغراب وقالت....ازاي يعني

رحيم قال بابتسامه وحماس...... هنعمل فتره خطوبه وانت معايا هنا .....هنتكلم وهنتفاهم وهكلمك في التليفون...و حتى هنخرج وهنتعرف...و مش هعمل اي حاجه تضايقك هتفضلي خطيبتي لحد ما انت تقرري نعمل فرحنا

جميله ضحكه وقالت..... ايه الجنان ده

رحيم قال بصدق .....انا مجنون بيكي فعلا وما عنديش مشكله ابقى مجنون لو ده هيخليك تحبيني

جميله حست بسعاده شديده من جواها بسبب كلامه واصراره عليها وقالت...... ماشي موافقه.... هدي لك فرصه بس افرض بعد كل ده انا ما حبيتكش وحبيت نفسخ خطوبتنا

رحيم ضحك وقال .....لا ما تقلقيش هتحبيني ....مش هنفسخها ان شاء الله

وقرب منها قوي وقال قدام شفايفها ......هو في حد يكون معاه القمر ده ويستغنى عنه

جميله تاهت في عيونه شويه واتوترت قوي من قربه فبعدت بسرعه وقالت...... على اساس احنا مخطوبين دلوقت.... يعني تشوف لك حته تقعد فيها غير السرير ده...و احمد ربنا اني هسيبك في الاوضه

رحيم قال باستغراب...... طب وانا ممكن انام فين

جميله ضحكت وشاورت على الكنبه بعيد وقالت .....على الكنبه اللي هناك دي

رحيم اتنهد بقلة حيله وقال ....يعني من نومة البورش للكنبه يا قلبي لا تحزن..... ماشي الصبر طيب برده

وكمل بغيظ وقال.....بس انا مش طيب..... وكل ده بسجله

جميله ضحكت وحذفته بالمخده وقالت.... سجل سجل يلا روح اقعد على كنبتك وسجل .... خليني انام انا اتوترت قوي النهارده

قالت كده ونامت باريحيه وهي مش مصدقه ان ممكن الحياه اللي كانت بتكرهها ومش طايقاها تبقى فعلا فيها خير ليها ويبقى هو نصيبها اللي حلمت بيه

رحيم كمان راح نام على الكنبه وهو بيبص عليها ومبسوط جدا انه قدر يطمنها ليه و فضل يفكر فيها لحد ما راح في النوم

من بعد اليوم ده بداوا فعلا يعملوا كل اللي قال عليه رحيم

كان بيخرج يروح شغله ويكلمها بالساعات

..ويسالها عن الحاجات اللي بتحبها ويعملها كل يزم مفاجئها جديده من اختياره

كمان خصص يوم في الاسبوع علشان يخرجوا فيه وبقى ياخدها مكان ما تحب

وما كانش بيعدي اي فرصه الا لما يظهر لها حبه ويقول لها قد ايه بيعشقها وانها كانت عشقه الوحيد من اول ما عرف يعني ايه حب

اما جميله فكانت هيه كمان طايره فوق السحاب بكلامه واهتمامه وبالجانب التاني اللي ما كانتش عمرها شافته فيه كانت طول عمرها شايفاه قاسي معندوش رحمه ولا قلب... بس بعد كل اللي بيعمله معاها كسر كل الحواجز اللي بينهم وبقت تستنى الوقت اللي يجي فيها علشان تشوفه بفارغ الصبر واتحسنت علاقتها مع والدته بعد ما رحيم فهمها انها ملهاش اي دخل سجنه

وكانوا عايشين حياه هاديه مستقره جدا سوا

بعد مرور شهر كانت جميله قاعده في الاوضه لابسه ومتزينه و زي القمر و بتقول بتوتر قدام مرايتها .... رحيم انا انا خلاص شايفه اننا نتجوز بقى

وهزت راسها بضيق وقالت...... ايه الهبل ده .....ما احنا متجوزين اصلا ايه ده

ورجعت عادت وقالت ...رحيم انا خلاص عايزه يعني نبقى اتنين متجوزين عادي

زرجعت اتنهدت بعدم رضا وقالت ....ايه الكلام ده يعني هو انا معقول هقول له كده

وغمضت عينيها واخدت نفس عميق وقالت..... رحيم.. انا ...انا بس اتفاجئت بصوته في ودنها بيقول بهمس ...رحيم انا بحبك وضمها بقوه وقال ....سهله قوي على فكره

جميله اتفزعت وفتحت عيونها بكسوف وقالت.... انت..انت هنا من امتى

رحيم ابتسم بحنيه وقال....من وقت ما كنتي عايزه نتجوز

جميله عضت على شفتها بكسوف شديد وقالت.... يعني انا اقصد ان...احم انو كفايه عليك كده انا شايفه يعني....

بس رحيم لفاها لي ورفع وشها بصوابعه وقلبي ابتسامه جميله .....انا كمان شايف انه كفايه قوي كده .....بحبك يا جميله بعشقك .....تقبلي نكون سوا العمر كله .....تقبلي بيا جوزك وحبيبك .....لو لسه خايفه من حاجه انا...

جميله قاطعته وحطت ايدها على شفايفه وقالت ابتسامه .... انا عمري ما كنت هتمنى اكتر من كده..... بصراحه يوم ما قلتلي على اتفاقنا فكرت من جوايا انك مش هتكمل يومين وهترجع في كلامك ......بس انت صبرت عليا وطمنتني وخلتني احس قد ايه انا مهمه عندك.....انا...انا بحبك يا رحيم

رحيم ابتسم بسعاده ما كانش متخيل ان ممكن يسمع الكلمه دي منها شالها وبقى يلف بيها بفرحه ما تتوصفش وقال....اخيرا...اخيرا بقى

جميله ضحكت على فرحته

وهو شالها وقرب على السرير وهو بيقول....استعدي بقى اللي فات اختبار.... واللي جاي اعصاااار

جميله ضحكت وهيه في حضنه ومطمنه جدا بين اديه

عند احمد كان قاعد مستني حد وبيشرب سيجاره بغضب

وصل مسعد وقعد قصاده وقال...... تم يا برنس..... ايدك على الفلوس بقى

احمد بص له بضيق وقال .....مش نستنى البشاره الاول وبعد كده تاخد فلوسك

مسعد قال بسرعه .....لا يا حبيبي ما ليش فيه..... انت طلبت وانا نفذت

احمد اتنهت بضيق وطلع فلوس ادها له وقال بخنقه .....انا دفعت في الحوار ده دم قلبي لو ما ظبطش هيبقى راحت عليا وطلعت من المولد بلا حمص

مسعد مسك الفلوس بطمع وقال...... لا ما تخافش هتظبط ان شاء الله المره دي

عند رحيم كان بيشرب سيجاره بارتياح وجميله في حضنه بص لها وقال بغمز...... عجبتيني على فكره

جميله بصت له بدهشه من غروره وقالت..... لا والله..... انا اعجب اي حد على فكره

رحيم بصلها بغيره وقال.... ايه اعجب اي حد دي...اي حد زي مين يعني

جميله قالت ..... في ايه يا رحيم هي بتتقال كده

رحيم قال بسرعه..... لا ما تتقالش كده... انتي ممنوع تعجبي حد غيري...و لو عجبتي حد تاني اخزق عينيه... انتي بتاعه رحيم وبس

جميله ابتسمت بحب و قالت....و انا مش عايزه غير رحيم وبس

رحيم ابتسم وحط ايده عليها بوقاحه وقال.....وانا مش عايز غيرك يا سكره ....يا حتت لحمه طازه ومحمره

جميله ضحكت جامد وضربته على ايده وقالت ....لحمه..حد يغازل مراته يقلها لحمه محمره ....شكلك جعان ..انا هقوم استحمى واخلي زينه تطلع لنا الاكل هنا هدلعك يعني بما ان النهارده على اساس صباحيتك وكده

رحيم اتنهد وقال..... والله كان على عيني..... بس انتي فاجئتيني يعني باللي حصل ده....ومضطر ارجع الشغل قلت لهم نصايه وراجع و بقى لي ساعتين هنا ...بس هوصل اعرف العمال هيعله ايه بالظبط واخد اسبوعين اجازه نيجي نصيع براحتنا

جميله ضحكت بخفه وقالت .....خلاص مش مشكله نتعشى سوا بالليل .....انا هروح استحمى واغير وتاخدني معاك في طريقك

رحيم قال باستغراب.... هتروحي فين

جميله ابتسمت وقالت....... هروح لابويا ....من وقت ما اتجوزت وانا ما شفتهوش ولا مره

رحيم اتفاجئ وقال..... بجد انتي عايزه تروحي له

جميله اتنهدت وقالت.....يوم كتب الكتاب سألته ازاي تعمل فيا كده ....هو انا مش بنتك مش بصعب عليك .....كانت اول مره يطبطب عليا وقال لي بكره تعرفي ان ده احسن حاجه ليكي النهارده بعد ما خلاص قررنا نبقى سوا انا وانت ....يبقى لازم اسامحه هو كمان

رحيم باس دماغها وقال بابتسامه.....انا عمري ما هخليكي تندمي ...وحياة عيونك هعيش عشان ضحكة عيونك

جميله ابتسمت بحب شديد وقالت...... انا بجد مبسوطه بيك قوي يا رحيم .....ربنا يخليك ليا

رحيم ضمها بقوه وطول في حضنه ليها وقال.... هو انا ليه مش عارف ابعد

جميله دفعته وضحكت وقالت.... تموت انت في التلزيق...قوم يلا بطل لكاعه

وراحت تستحمى وهيه مبسوطه جدا

رحيم اتنهد بارتياح وهو بيحمد ربه على حلمه اللي اخيرا اتحقق

وقام هو كمان جهز هدومه ودخل استحمى بعد جميله وجهزوا هم الاثنين ونزلوا سوا وكانو مبسوطين جدا ومش واخدين بالهم للعيون اللي كانت بتراقبهم بخبث وكان مسعد اللي فضل متابعهم بعيونه لحد ما ركبوا سوا العربيه ومشيوا

اول ما اختفه عن انظاره اتصل على احمد وهو متوتر جدا وقال بذهول.... الحق يا احمد حصلت مصيبه

احمد قال باستغراب .....مصيبه ايه... في ايه

مسعد قال بتوتر...... بنت خالك ركبت معاها في العربيه

احمد وقف بصدمه شديده وقال..... يا نهار اسود انت بتقول ايه ....وما منعتهاش ليه يا حيوان

مسعد قال بذهول....... امنعها ازاي يعني .....هقول لها قدامه متركبيش احنا بوظنا العربيه

احمد قفل معاه فورا من غير ما يرد عليه وبقى يتصل على جميله بخوف شديد

في العربيه رحيم كان كل شويه يبص لجميله وهي قالت بتوتر ....بتبص لي كده ليه كل شويه .....ما تركز في الطريق وترتني على فكره

رحيم ضحك وقال ......تعرفي بفكر نرجع البيت تاني.... كان فين عقلي بس نطلع دلوقتي في ساعه مفترجه زي دي

جميله ضحكت و ضربته في كتفه وقالت....قولتلك اتلم وبص

للطريق

جميله كانت بتحاول تضحك معاه وهيه متوتره جدا لان احمد كل شويه يرن وكانت بتكنسله

رحيم خد باله وبصلها باستغراب و قال .....مين اللي بيتصل كل شويه ده .....وبتفصلي عليه ليه

جميله رغم انها كانت خايفه من رد فعله لكن ما حبتش تخبي عليه قالت بتوتر .....بصراحه ده احمد.... بس انا هو مش برد عليه يعني

رحيم اتجنن من اول ما سمع اسمه بس حاول يكتم غضبه علشان يفهم بيتصل عليها ليه وقال...... ليه ردي خلينا نشوفه عايز ايه

جميله قالت بتوتر..... بجد عادي ارد

رحيم حاول يبتسم بالعافيه وقال....... اه طبعا...ده ابن خالك برده

جميله قالت ...تمام انا هفتح لاسبيكر

وفتحته وردت بتوتر وقالت.....ايوه يا احمد

بس احمد قال بسرعه ورعب..... انزلي من العربيه بسرعه يا جميله ...بسرعه

جميله استغربت وقالت.... في ايه يا احمد

بس رحيم فهم ان في مشكله وبقى يحاول يوقف العربيه بس ما كانتش بتقف بصلها وقال بذهول...... العربيه مش بتقف

....مفيش فرامل

جميله وقع التليفون من ايدها وحطت ايدها على بقها بذهول ورعب حقيقي

رحيم بقى يسوق بسرعه ناحيه مكان فاضي بعيد عن العربيات واول ما بقو في مكان امان بعيد عن الطريق قال بخوف شديد .....حبيبتي افتحي الباب ونطي

جميله بصت له بذهول وقالت.... انت...انت بتقول ايه انط ازاي والعربيه بتمشي

رحيم بصلها وقال.... خليك واثقه فيها .....واسمعي الكلام افتحي الباب ونطي...ارجوك يا جميله

جميله بقت تهز راسها بخوف وقالت .....لا لا مش هنط مش هنط و اسيبك.... انت هتعمل ايه

رحيم قال بسرعه وقلق.....انا هحصلك ما تخافيش ....يلا اسمعي الكلام

بس جميله كانت مرعوبه و بقت تهز راسها بالرفض وتقول.... لا مش هنزل واسيبك ....لا لا مستحيل لا

رحيم شاف البحر قدامه و العربيه كانت هتنزل من المنحدر زعق فيها جامد وفتح الباب وقال بغضب .....بقول لك انزلي

بس جميله زعقت وقالت برعب..... مش هنزل يا رحيم مش هنزل من غيرك

رحيم شاف مفيش اي فايده وكان خلاص مفيش وقت فدفعها بقوه وقعت الارض وبقت تدحرج مسافه وتتخبط في الصخور

وحست بدوخه والم وفضلت نايمه مكانها لحد ما سمعت صوت انفجار العربيه التفتت وراها لقت العربيه نزلت من المنحدر وانفجرت

وقفت بالعافيه من كتر الالم واول وصرخت بقوه وجريت ناحيه المنحدر وهي بتقع ورجليها مش شيلها وبتصرخ و بتقول رحيم...رحيم

و كانت مكمله جري لحد مكانت هتنط ورا العربيه بس رحيم مسكها من وسطها وقال بذهول .....بتعملي ايه يا مجنونه انت

جميله بصت له بصدمه وقالت.... انت ...انتنزلت نزلت....الحمد لله يا رب ....الحمد لله

وضمته بقوه وبقت تبكي جامد

رحيم كمان بقى يضمها بكل قوته وهو مش مصدق ان ربنا نجاهم وبقم يحمدو ربنا انه لحقهم وقعدوا على الارض هم الاثنين بتعب في احضان بعض

رحيم قال بتعب...... حاسه بايه دلوقت

وبقى يبص على كل حته فيها وكان ذراعها متعور جامد من الوقعه ودماغها كمان قال بخوف..... انا هاخدك على المستشفى حالا ....ما تقلقيش ...قومي معايا يلااا

جميله بقت تضمه وقالت.... انا كويسه ما تخافش ....المهم انك لسه معايا ....انت بخير مش كده

رحيم كمان كان متعور كتير وفي كدمات في كل جسمه بس كان كل همه يطمن عليها قال بسرعه ....انا كويس ....بس مش هطمن غير لما يشوفك دكتور يلا بينا اسمعي الكلام

جميله منعته ومسكت ايديه وقالت بحب شديد ....خليك جنبي شويه ....انا مش عايزه غيى كده

ونزلت دموعها وقالت بوجع..... قلبي لسه ولجعني كنت فاكره اني خسرتك وانا صدقت ما لقيتك يارحيم

رحيم ضمها لقلبه وقال .... انا معاكي يا حبيبتي..... ربنا مش هيسيبنا

وبص قدامه بغضب شديد وقال .....انا هعرف احاسبه على العمله دي...وعلى خوفك ودموعك ...وعلى حرقة قلبي كل ما افكر ان كانت هتجارلك حاجه

جميله قالت بغضب شديد .....محدش هيحاسبه غيري لانه كان قصدي ياذيك انت

رحيم ابتسم لها بحب واحتضن وشها بايديه وقال..... تعرفي اني مبسوط لانك خفت عليا وشوفت كل الحب ده

جميله ابتسمت بحبه و قالت....... لو مش هخاف عليك هخاف على مين يعني..... انا بحبك يا رحيم ......ربنا ما يفرقنا ابدا

رحيم ابتسم بحب شديد وقال..... ربنا ما يبعدك عن عيوني يا جميلتي ...ولا يكتب لي حياه من بعدك ابدا يا قلب رحيم ونور عيونه 💖🥰🥰🥰🥰