تحميل رواية «غزل» PDF

رواية غزل الفصل الثامن والفصل التاسع

منى وهي بتضحك جامد : على يدي مقالتش حاجه

قامت غزل و كانت هتخرج برا الاوضه عشان تروح اوضتها تلبس

وقف مالك قدامها

مالك : ممكن اللبس المرادي يبقى عليا عشان هنحضر حفله في دار الايتام بعد الشغل

غزل بفرحه : ييييي هنحضر حفله بس انا معنديش لبس يا مالك

منى : أحضروا انتو حفلات وانا اقعد في البيت

مالك : انتي كبرتي على الحاجات دي يا منمن وعد الخروجه الجايه ليكي هروح مع الهانم اوريها عندها لبس اد ايه عشان شكلها هبله

زعلت غزل من كلمه هبله و راحت على اوضتها لوحدها وقفلت الباب بالمفتاح

راح مالك خبط عليها : يلا يا غزل

غزل من ورا الباب : لا مش هخرج يا مالك انا هبله

ضحك مالك : انتي اجمل هبله شفتها في حياتي

لفت غزل وهي بتضحك لقت اكياس كتير عالسرير

شهقت : ايدا يا مالك كل اللبس ده لمين

نط مالك من الشباك بتاع منى ل عندها في الأوضه

اتخضت لما لقته قدامها

مالك قعد عالسرير : عايز اتفرج عشان انا اللي هنقي

اتكسفت غزل و فتحت الباب

: يا خالتو ...يا خالتوووو تعالى

دخلت منى

اتعدل مالك في قعدته : احم ...احنا فينا من كده يا غزل ولا ايه

منى : مالك يا غزل

غزل : خدي مالك يا خالتو عشان البس عشان بيدايقني

قام مالك وقف : وعلى ايه الطرد انا هخرج لوحدي

خرج مالك و منى بتضحك و خرجت وراه

اتنفست غزل و ضحكت و بانت غمزاتها

فضل مالك مستني كتير اكتر من ساعه

مالك : اووف ايه الوقت ده كله

خرجت غزل بعد ما صلت العصر كانت لابسه فستان ازرق بلون السما بس كان ضيق شويه و حجاب ابيض

غزل بكسوف : انت جايبه ضيق ليه يا مالك

كان واقف متسمر مكانه مش قادر ينطق

راحت منى عندها لبستها سلسله زرقا

منى : ربنا يحميكي من عين كل حاسد اللهم بارك

اتكسفت اكتر و خدودها احمرت

قرب مالك منها : الصمت في حرم الجمال جمال...انتي كانو بيتوحموا فيكي على ايه قشطه ولا قمر

ضحكت برقه : بس بقى والله محرجه جدا ..انا هطلع انام

شدها مالك و شالها : خلاص مش قادر انسي اني اسيبك

خرج بيها للعربيه وهي مازالت مصدومه من حركته

ركبها جنبه و عينه منزلتش من عليها

عينيها دمعت: انت شلتني ليه كده غلط

ضحك مالك : لو تعرفي اللي في بالي كنتي عذرتيني

غزل : لا انت وحش و مش عايزه اكلمك تاني

وصلوا المينا

نزل من العربيه و فتحلها الباب

مالك : انزلي يا ...يا غزل

نزلت وهي زعلانة و طلعوا المكتب تحت نظرات الجميع

قعدوا في صمت وهو مركز في اللابتوب

دخلت ماريه السكرتيرة القديمه كانت جميلة بطنها منفوخه من الحمل

ماريه : مالك بيه ازيك

قام مالك سلم عليها : ازيك ايه اخبار البيبي ..لو محتاجه حاجه انتي عارفة تاريخك هنا يخليكي تطلبي اللي انتي عايزاه

ضحكت ماريه : افضالك مغرقاني يا مالك بيه انا بس كان ليا طلب عند حضرتك زوجي محتاج شغل لأن الشغل اللي كان فيه وقف ف لو حضرتك تقدر تساعده

مالك : ابعتيهولي بكره يا ماريه وانا باذن الله هساعده

ابتسمت و خرجت

كانت غزل حاسه ب نار في قلبها عشان كلامهم مع بعض لان ماريه جميلة جدا

قعد مالك قصاد غزل

غزل : حلوة

مالك : افندم

غزل : البنت دي حلوة

ضحك مالك : شامم ريحه غيرة في الجو

غزل : ليه انا مش بغير هي احلى مني ؟

مالك وهو بيقرب منها : في الواقع هي حلوه بس انتي ...انتي اللي يتقال فيكي قصايد الغزل و الحب انتي اجمل من الجمال

ضحكت ب كسوف و قامت وقفت : انا هروح اشوف باقي الملفات يا مالك قبل ما نروح الحفله

ابتسملها بهدوء : روحي يلا

خرجت وهي مبسوطه ولكن يشاء القدر تقابل ماضيها قدامها

غزل بخوف : طارق ،الاء

طارق : ازيك يا بنت عمي ...

الاء : العروسه الهربانة كده ينفع تخوفينا عليكي

مسكتها الاء من ايديها و شدتها

صوتت غزل : انتي مجنونة ابعدي عني

فتح مالك الباب و شد غزل في حضنه : انتي ازاي تمسكيها كده انتي اتجننتي

طارق : ابعد عنها يا حيوان انت سيب مراتي ازاي تحضنها كده

مالك : مراتك ..

بسرعة كبيره كانت لكمه قويه في وش طارق خلته يقع على الأرض : لما تتكلم عن غزل السيوفي تتكلم باحترام

بلعت الاء ريقها و هي بتحاول تقوم طارق: غزل مين ...دي غزل الرواي انت اهبل

مالك وهو بيحضن غزل اكتر : زي ما سمعتي غزل زوجتي و اطلعوا بره

الاء : هتندم انت متعرفهاش دي اكبر كدابه في العالم

طارق : ماشي يا غزل

مشيوا هما الاتنين

كانت بتعيط في حضنه وشهد واقفة بتتفرج و انصدمت من كلامه

خدها و دخلوا جوا

مالك : غزل خلاص متعيطيش عشان خاطري

غزل : مكنش لازم تكذب يا مالك اسفة اني خليتك تكذب

مالك : مهو انا مبكذبش انهاردة هيكون فرحنا يا غزل .............

يتبع

البارت التاسع 🖤🌕

غزل : مكنش لازم تكذب يا مالك، اسفة اني خليتك تكذب

مالك : مهو انا مبكذبش انهاردة هيكون فرحنا يا غزل

بعدت غزل عنه مصدومه : ايه ...فرح ..انت وانا ..لا لا مالك انا مش عايزة اتجوز

استغرب مالك من كلامها : غزل انتي بتحبيني باين في عنيكي انا عمري ما هجبرك على الجواز انا كنت عايز احميكي

دمعت عينها وهي بتبصله : لا انا مش بحب حد انت كمان زيهم عايز تجبرني انا مش عايزة اتجوز سيبوني في حالي حرام اهرب اروح فين تاني

سكت و غمض عينه ( يمكن كان بيحاول يداري وجعه ) : مش قولتلك هبله ..جواز ايه بس هههههه كنت بهزر معاكي و بعدين كنت بغيظ الاهبل اللي ضربته بره

حست غزل من كلامه بوجع في قلبها ..هي عايزاه ولكن مين هيصدق انها مش كدابه ..لو وافقت هتضحك عليه

غزل : انا اسفة على كلامي كنت متوترة بسببهم

مالك وهو بيقرب منها : متعتذريش انا فاهمك يلا روحي شوفي شغلك بقى معندناش وقت

خرجت غزل راحت على غرفتها

رن تليفون مالك

عبير : ابني عامل ايه

مالك : الحمدلله يا خالتو

عبير : عملت ايه اتجوزتوا

مالك بحزن وصوت ضعيف : انا مش هقدر أجبرها غزل خايفة مجرد ما قولتلها نتجوز اتجننت و حسيتها ...حسيتها خايفة من حاجه

عبير بصوت باكي ( فهمت تفكير بنتها و خوفها من الكدب عليه ) : اتجوزها غصب عنها انا اللي بقولك ..مالك انت بتحبها ؟

مالك : انا مبحبهاش انا عاشقها بكل معاني الكلمه انتي مش متخيلة انا بيحصلي ايه لما الاقيها فرحانة أو اشوف ابتسامتها الطفوليه

عبير : يبقى تتجوزها يابني انا لو متت ...لو متت هشام هيبهدلها اتجوزها قبل ما اموت يا مالك

مالك بعصبيه : متقوليش اموت دي انتي هتعيشي انا بعتلك دكتور مختص في المستشفى عندك هيتابع حالتك و هتكوني كويسه

عبير : مالك اعتبرني غزل ...ابني انا عارفة تفكير بنتي طلاما انت حاسس انها بتحب اعمل اللي في مصلحتها حتى لو غصب عنها

مالك : وهيكون ايه الفرق بيني و بينهم

عبير : الفرق كبير يا مالك هتعرفه بعدين

قفل مالك معاها وقعد يفكر يقنعها ازاي بالجواز

دخلت غزل : مالك انا عايزة اروح حاسه اني دايخه

قام وقف راح ناحيتها : حصل ايه انتي كويسه

غزل : مش عارفة حاسه نفسي دايخه ممكن اروح

مالك : طيب انا هروحك

ركبوا العربيه و في الطريق بدأت حرارتها تعلى و اغم عليها

وصلوا البيت و جابلها الدكتور

الدكتور : الانسه عندها ضعف لازم تتغذى كويس و ترتاح يومين و دي شويه ادويه هيساعدوها

خرج الدكتور و قعدت منى و مالك

كان زعلان عليها جدا و منى بتعملها كمادات بارده

فجأة ظهرت فكره في دماغه

طلع تليفونة و اتصل على عبير اللي خافت على بنتها بسبب التعب و اقتنعت بفكرته

عبير : طيب وانا هستناك يا مالك بسرعة بس

مالك : منمن انا خارج و ممكن اكمل اليوم في الشغل

منى : طيب يا حبيبي خلى بالك على نفسك

رجع مالك الساعة 12 بليل طلع على اوضه غزل

كانت واقفة بتسرح شعرها ولسه حرارتها عاليه و بتخرف بالكلام

اتحرج لما شافها بشعرها بس مفيش حل تاني أما الليله أو مفيش اخر فرصه ليهم

مالك :غزالتي ...تعالى خدي الدوا و شوفي انا جايبلك ايه

غزل بدوخه : ايه ...جايبلي قلبك

راحت قعدت على السرير و كانت هتنام كانت مولعة درجه الحرارة مش طبيعيه وهي مش مستوعبة وجودة اصلا

خرج مالك من جيبه كتاب مذاكرات و دوا خافض للحرارة

مالك : غزل سجلي اسمك عليه

غزل : الله حلوة اللعبه دي

مسكت القلم و كتبت اسمها

خرج البصامه و خلاها تبصم كمان

نامت و غطاها و خرج وهو زعلان من اللي عمله بس هو لا يمكن هيقولها عليه أو حتى يفكر يستغل الموضوع ده هو بس هيحميها منهم

اتصل على عبير اللي مضت هي كمان ك شاهد على العقد

عبير: انا مش عارفة اشكرك ازاي يابني ربنا يستر لما تعرف خلى بالك منها

مالك : متقوليش كده انتو أهلى انتي تابعي العلاج و بكره تقومي بالسلامه

قفل معاها و دخل ينام

صحيت غزل الصبح مش فاكره حاجه

لبست و صلت الفجر و خرجت قعدت عند البحر

صحى مالك لما سمع صوت من الشباك بص لقاها بتغني بصوت عذب بيطير العقل من مكانه

مالك لنفسه: بقى انا متجوز الغزال و الرقه دي ..لا ده انا أحسد نفسي بقى و أحسد نفسي ليه دي هتبهدلني لما تعرف

بصت غزل ل فوق لقيت مالك

غزل بابتسامة رقيقه : ازيك يا مالك

مالك لنفسه: متغرينيش يخربيتك والله انزل احضنك ........

الاول

جاهزة يا عروسه فرحك انهاردة

اتراكمت الدموع في عينيها : بس انا مش بنت هتجوز ازاي

بنت عمها: شششش اوعي تقولي لحد هيقتلوكي يا غزل

غزل بعياط : مكانش بأيدي انتي عارفة يا الاء

الاء : متقوليش لحد يا غزل اوعك

_ و ايه ذنبه اخوكي

الاء: مش هيقول حاجه

غزل : و ابويا و امي و تعليمي انا لسه في ثانويه

الاء وهي بتبصلها من تحت ل تحت : سيبي كله عليا يا بنت عمي و تعليم ايه مفيش حد فالح

.....

غزل 18 سنه جميلة عيونها زي الغزلان من عيله ليها مركزها و وحيدة أهلها ملهاش غير اخ و تاه من زمان

في المنصورة خصوصا بيت السيوفي

مالك السيوفي 31سنه قاعد في فيلته اخر يوم ليه في المنصورة في البيت اللي سابهوله أبوه دي إجازته ....

بيجي من وراه ابن عمه و صاحبه سليم : في فرح في بيت الراوي شكل في حد هيتجوز عندهم

مالك وهو بيبص للسما :بيت الراوي يااا من زمان مسمعتش عنهم

سليم :ده غني عن التعريف بيت الراوي اكبر تاجر قماش في المنصورة ده فيه مزز كتير

مالك : لسه لحد دلوقتي مكتسح السوق

سليم : دلوقتي و في كل وقت

مالك : طب يلا يا بتاع البنات جهز الشنط لازم نرجع اسكندريه

سليم : طيب يا تقييل

غزل لبست فستان الفرح ووشها مليان دموع دخلت امها بتزغرط بنتها الوحيدة هتتجوز

عبير : قلب امك اخيرا شوفتك عروسه

غزل وهي بتحاول تمسك نفسها :امي انا عايزة اقولك حاجه

قفلت عبير الباب و مسكت ايد بنتها : قولي يا ست البنات

غزل لفت وشها و عيطت : ماما انا مش بنت

فضلت عبير مبرقه شويه بعدين ضحكت : د كلام يا غزل بتضحكي على امك عايزة تخليني اعيط باي طريقة

سكتت غزل و فضلت تعيط بس

مسكتها عبير من ايديها لفتها ناحيتها : مش بنت ازاي غلطي مع مين يا بت انطقي

غزل وهي بتشهق : والله ما غلطت انتي عارفاني يا امي مستحيل اعمل اللي في دماغك انا دايما في حالي من اسبوع ركبت الفرس بتاعنا فاكره لما وقعت من عليه وقتها حصلي كده معرفش ازاي و رحت لدكتورة منال صاحبه الاء قالتلي أني مبقتش بنت

بدأت نظرات عبير تنزل الأرض و عينيها تتملي دموع : مقولتليش ليه مين هيصدقك دلوقتي ..مين هيصدق كلامك جايه يوم فرحك تقولي كده ابوكي هشام الراوي من كبارات البلد هيصدق كلامك يا غزل ...و ابن عمك هيسكت لما بعد شويه يكتشف كده مهو هيبقى جوزك يا بنتي ينهار اسود ينهار اسود

حضنتها غزل و فضلت تعيط : الاء قالتلي انها هتتصرف أقنعت اخوها

عبير بصوت مكتوم : الاء اللي نظراتها كلها كره ليكي يا غزل مخدتيش تقرير ليه من الدكتورة يا غزل وقتها

غزل : الاء مخبياه عندها انا خايفة اوي يا امي قالتلي هخبيه عشان بابا ميشفهوش

عبير بعياط وهي بتضمها ليها : انا معاكي يا بنتي ..معاكي

في بيت السيوفي

ها يا نيله انت خلصت

سليم : نيله انا نيله طب بزمتك حد بيهتم بيك غيري انا وامك

مالك : امك لا انت خدت عليا اوي اتعدل كده لاما مش هدخلك المينا زي المره اللي فاتت

سليم : اه قول كده بقى هتذلني عشان عندك اكبر ميناء في الشرق الأوسط

ضحك مالك : و مين شريكي

سليم : استنى افكر ...ايدا د انا عمرك شفت شريك حلو زيي كده

مالك : طب يلا حط الحاجه في العربيه عشان زهقت و انا هخلص شويه حاجات فوق و هنزل نمشي علطول

سليم : يااااه لو اخطف مزه معايا وانا راجع

مالك : هجيبلك زينب لو مسكتتش وانت عارف زينب هتعمل فيك ايه

سليم : لا خلاص حرمت

ضحك مالك و طلع على اوضته كان بياخد كام حاجه من الشنط

ركبوا العربيه متجهين لاسكندريه

وصلوا بعد ساعة و نص نزل مالك كان سليم نام من التعب لانه جهز كل حاجه

سمع صوت خربشه في العربيه من ورا

راح بكل هدوء فتح شنطه العربيه وجريت فعلا قطه بيضه جدا بس ورا القطه كان في قطه اكبر أو يمكن مش قطه دي ...دي غزل

برقت غزل لما شافته و نزلت من العربيه بسرعة كانت لابسه من لبس ابوها اللي لقيته قدامها بعد ما قلعت فستان الفرح و لابسه حجاب ..خافت غزل من نظراتة

مالك بصوت خشن : انتي مين ..بتعملي ايه في عربيتي

منى ام مالك من وراه : دي غزل يا مالك بنت خالتك عبير سلمى على ابن خالتك يا غزل

مالك : خالتي اللي انتي مبتكلميهاش من سنين ...و هي بتعمل ايه في عربيتي

غزل : ازيك يا أبيه ..نطت من العربيه و راحت ناحيه خالتها وقفت جنبها

مالك : أبيه !! ......

يتبع

البارت التاني 🖤

مالك : أبيه !!

منى وهي بتضحك : و مالو يا مالك مهي غزل صغيره خالص

مالك بجفاء : انا لازم اروح المينا سلام

اتكسفت غزل و زعلت من طريقة كلامه

منى : طيب يا حبيبي

خدت غزل و طلعوا اوضتها

منى : كبرتي يا غزل و بقيتي جميلة

غزل : شكرا يا خالتو

منى : انا مفهمتش من عبير حاجه هو في ايه يا حبيبتي ليه مش عاوزاني اقول لهشام انك جيتي اسكندريه

غزل بتوتر : لانه كان عاوز يجوزني غصب عني ارجوكي يا خالتو متقوليلهوش اني هنا

منى: هشام الراوي هيقلب الدنيا عليكي

غزل : مش هيتوقع اني هنا

منى : يعني مفيش سبب تاني

اتوترت اكتر : لا ...لا مفيش

مالك : انت يا زفت اصحى

سليم : زفت ايه بس عايز انام شويه لما نوصل اسكندريه قولي

مالك : أه اسكندريه

بيمسك مالك الميه و يغرق سليم بيها

سليم : يخربيتك

سابه و ركب عربيه تانيه

سليم بنرفزة : ماشي يا ابن عمي هنتقابل

وصل مالك المينا نزل من العربيه بعد ما غير لبسه فيها و لبس بدله سوده و نضاره سوده

ماريه : مالك بيه ازيك نورت اسكندريه

مالك : جهزيلي كل الاتفاقيات القديمه عايز اراجعها و اعملي اعلان مطلوب سكرتيرة اضافيه شرط تكون معاها 4 لغات

ماريه : حاضر و القهوه بتاعت حضرتك هتكون في المكتب حالا و اجهز ل سليم بيه قهوته

مالك : لما تشوفي سليم بيه اساليه

ماريه : حاضر اسفة ..منصور بيه مستنيك جوا صمم أنه يستناك بقاله 4 ساعات قاعد

مالك وهو بيضحك : اما نشوف

دخل بكل هيبته مكتبه و قعد على الكرسي بتاعة من غير اي كلام

منصور : يا مالك بيه براحه علينا مش كده

مالك : براحه على مين انت حرامي يا منصور عارف يعني ايه حرامي يعني انا مش هرحمك كذبت عليا في الصفقه الاخيره و نصبت و كان جزائك غرق السفن بتاعتك منصور : طب كفايه بقى انت خدت حقك و زيادة

مالك : مش مالك السيوفي اللي يتقاله كفايه انت لسه في بدايه العذاب استحمل اللي هيجرالك و اتفضل اطلع بره مش فاضيلك

منصور بعصبيه : انت هتشوف انا هندمك ازاي

سليم وهو شعره مبلول : طب شوف بره عشان مندمكش انك جيت هنا.

خرج منصور وهو بيطلع شرار من عينه

مالك بتريقة : ايدا انت كنت بتستحمى ولا ايه ههههه

سليم : اه طب ماشي هردهالك يا كبير

مالك وهو بيضحك :هههههه طيب يا صغير هبقى اجيبلك حاجه حلوه متعيطش

سليم : ماشي ماشي

منى : غزل دي اوضتك جنب اوضتي عشان لو احتاجتي حاجه و ممنوع انك تطلعي الجناح اللي فوق ده كله خاص ب مالك

غزل : حاضر انا مش هختلط بيه

منى : لا يا حبيبتي مش قصدي بس أصل مالك كلامه بيوجع اللي قدامه وانا مش عايزاه يدايقك و بعدين ده بيتك

غزل : شكرا يا خالتو

دخلت اوضتها و واترمت عالسرير تفتكر اللي حصل ( طارق : حاسس انك هتلبسينا في حيط انتي متاكده أن الاثبات معاكي

الاء : يا غبي د انت هتتجوز بنت هشام الراوي يعني هتتدلع اخر دلع فلوس و عربيات و هتاخد كل حاجه لينا

طارق : ممكن غزل تغير كلامها وانا بحبها مش عايز اخسرها

الاء : بقولك انا خلاص ظبطت كل حاجه اهم حاجه بعد الفرح مضيها على كذا و كذا و كذا و ده اقل حاجه تعملها عشان تتستر على فضيحتها

طارق : فضيحه ايه يا غبيه انتي مهي وقعت من عالحصان حقيقي

الاء بعصبية: يوووه بقى قولنا عشان لو حصل حاجه غير خطتنا نفضحها انها غلطت مع حد اسكت بقى عشان محدش يسمعنا و نبوظ كل حاجه

)

كانت أم غزل ورا الباب و سمعت كل حاجه و عيطت و راحت حكت ل بنتها وقالتلها أنها تهرب بعيد بس خافت عليها و افتكرت اختها منى و اتصلت عليها

الو

_ ايوه مين

انا عبير يا منى

_ عبير وحشتيني اوي ياااه اخيرا سمعت صوتك بعد المده دي كلها

منى انا محتاجاكي اوي ...غزل بنتي خليها عندك انتي لسه قاعدة في اسكندريه ولا فين

_ اه في اسكندريه بس في ايه خضتيني

ابوها عايز يجوزها غصب عنها وهي منهارة انهاردة فرحها بس انا كمان مش موافقة ههربها

_ يا ساتر هو هشام دايما كده طب خليها تجيلي هبعتلك العنوان

لا لا يا منى غزل ما بتخرجش خالص مش هتعرف توصل

منى وهي بتقاطعها : طب ابني في المنصورة مالك خليها تروح على الفيلا القديمه بتاعتنا و ترجع معاه بس تلحقه لانه هيتحرك

عبير : طيب سلام

قفلت عبير معاها و لفت ل بنتها : اقلعي فستانك بسرعة

غزل وهي بتعيط : مش متخيلة ازاي الاء تعمل فيا كده تفتكري هي ورا اللي حصلي

عبير : مش وقته يا بنتي البسي البنطلون و الجاكت بتاع ابوكي وخدي دي الفيزا بتاعتي جيبي اللي انتي عايزاه و لما الأمور تهدا انا هجيلك

غزل : طب و بابا

عبير وهي بتنزل رأسها للأرض : مش هيصدق حكايه الحصان و الاء ممكن تخليه يقتلك لو مخدناش منها التقرير

عيطت اكتر و حضنت امها و نطت من الشباك و راحت مطرح ما امها قالتلها شافت شاب و عربيه سالت البواب : لو سمحت هو مين فيهم مالك

البواب : مالك بيه لسه منزلش بس هو جهز العربيه و سليم بيه جواها هيرجعوا اسكندريه عايزة ايه يا بنتي

مشيت غزل بسرعة من غير ما ترد لفت من ورا الشجر و ركبت في الشنطه من غير ما تتكلم )

معرفتش غزل تنام و فضل قبلها قلقان خايفة على امها و ايه اللي حصل بعد ما مشيت كانت الساعة 2 الفجر و كانت لابسه بجامه خالتها جابتهالها و شعرها البني سايب القصه اللي نازله عند عينيها

فتحت الباب و فضلت تبص حوليها تشوف الفيلا و تتفرج عليها و نسيت الحجاب نزلت عالسلالم شافت حد طالع بس النور كان مطفي حاولت تجري راح ماسكها من ايديها حاصرها عند الحيطه

مالك : انت مين حرااامي

كان حاطت أيده على بوقها مش عارفة تتكلم ف عيطت

مالك بصريخ : يا فتحي اطلب البوليس لقيت حيوان حرامي

سمعت منى و خرجت و جه فتحي و المسدس في أيده شغل النور

كانت عينيهم في عين بعض نظره الشر اللي كانت في عينه اتبدلت مع عيونها الرقيقه بس هي دموعها كانت نازله شلال و محاولتش تقاوم من خوفها منه لأنه ماسكها جامد من ايديها فضل ل دقيقه مركز في عينيها بعد ما نزل أيده من على بقها .....

يتبع

البارت التالت

كانت عينيهم في عين بعض نظره الشر اللي كانت في عينه اتبدلت مع عيونها الرقيقه بس هي دموعها كانت نازله شلال و محاولتش تقاوم من خوفها منه لأنه ماسكها جامد من ايديها فضل ل دقيقه مركز في عينيها بعد ما نزل أيده من على بقها

قطع صمتهم و نظراتهم لبعض أمه

منى : مالك انت ماسك غزل كده ليه و فين الحرامي

فتحي : مالك بيه فين الحرامي

مكنش سامع حد منهم قصاد نظره من عينيها كأنه متخدر

اتحرجت غزل و انسحبت من جنبه و جريت على اوضتها لما لقت نفسها من غير حجاب

رجع مالك لوعيه

مالك : اه انا ...داخل اوضتي ..مفيش حرامي اطلع انت يا فتحي

منى وهي بتضحك : سحر غزل وقع عليك ولا ايه

مالك : روحي نامي يا منى وخلي الليله تعدى

منى : طيب يا روحي تصبح على خير

دخلت منى على غزل لقيتها بتعيط وهي ماسكه ايديها اللي احمرت بسبب مسكته

منى : يخربيتك يا مالك ،حبيبتي وريني ايدك كده

غزل : لا خلاص يا خالتو انا كويسه انا اسفة اني خرجت بليل بدون اذنك كنت عايزة اتصل على ماما

منى : لا يا حبيبتي ده بيتك انتي هنا مش ضيفه و بلاش تتصلي على عبير دلوقتي الوضع تلاقيه ملغبط

.

هشام بعصبيه : غزل هربت ...هربت ليه لو كانت قالتلي في اخر دقيقه مش عايزة اتجوز كنت وقفت كل حاجه

عبير بتمثيل : يا حبيبتي يا بنتي ليه كده يا غزل ليه

الاء بغيظ : هربت مع حبيبه يا عمو ...عشان ..عشان غلطت معاه

راح هشام ناحيه الاء و ضربها بالقلم : انتي اتجننتي انتي عارفة انتي بتتكلمي عن مين دي غزل الراوي

اتغاظت الاء اكتر و طلعت ورقة من جيبها : و حامل كمان منه اتفضل شوف غزل الرواي و اخويا كان عايز يتجوزها يتستر عليها عشان بيحبها

طارق : آخره اللي يعمل معروف أنه يتاخد على قفاه ..بص يا عمي انا لسه بحبها و باقي عليها نرجعها سوا و نكتب الكتاب من غير فرح ولا الكلام ده

عبير : متصدقهمش يا هشام انت عارف غزل مستحيل تعمل كده

الاء : وانا هكذب ليه غزل صاحبتي ولما قالتلي محنتها قولت اساعدها و خليت طارق يتنازل و يقبل يتجوزها

عبير : اطلعي برا لما غزل ترجع هنسمع منها

الاء : يلا يا طارق احنا غلطانين الست غزل تلعب و تنبسط واحنا نتبهدل

طارق :لا يا الاء امشي انتي انا هستنى مع عمي نشوف هنعمل ايه

عبير : لا امشي انت كمان

هشام بعصبيه: عبير اسكتي

عبير : انت صدقتهم ..صدقت أن غزل تعمل كده

هشام : لو معملتش كده هربت ليه يا عبير

سابته و دخلت اوضتها و قفلت الباب

ضحكت الاء و مشيت

الاء لنفسها : كده يا طنط فاكره هتضحكي عليا انتي و بنتك المسهوكه د انا اللي خليتك تسمعيني انا و طارق و تخليها تهرب هههههه خطتي بدأت تنجح و دي يدوب البدايه

هشام : طارق هيكون معاك عشر رجاله تحت امرك عايز غزل ترجع يا طارق هي والحيوان لازم اقتله اللي ضحك عليها

طارق : حاضر يا عمي طب مفيش حد من قرايبكم ممكن تكون راحتله

هشام: لا مفيش و اتصل بيا أول ب اول

صحيت غزل الصبح الساعة 6 اتوضت لبست فستان مووڤ و حجاب ابيض مع بشرتها البيضه و خدودها الحمر كانت ملكه صلت الفجر و قعدت تقرا قران شويه و رفعت ايديها للسما : يارب انت في ايدك كل حاجه

خرجت برا الاوضه خبطت على اوضه خالتها

اتفتح الباب كانت غزل بتضحك بس راحت الابتسامه لما شافت مالك هو اللي فتح الباب

غزل باحراج : خالتو ..

مالك : خرجت

خرج و قفل الباب

غزل بتوتر : ليه هو في حاجه حصل حاجه

مالك :لا هي خرجت تجري عالبحر

لاحظ أنها مخبيه ايديها

بدون اي مقدمات مد أيده مسك ايديها اتخضت هي و رجعت لورا

مالك : ايدك حمرا بسببي ؟

غزل بتوتر و كسوف : لا يا أبية

مالك : امال من ايه

سحبت غزل ايديها و رجعت لورا : من...مش عارفة

ضحك مالك : شكلك مبتعرفيش تكدبي ،اسف على امبارح

غزل :ولا يهمك يا أبيه انا اللي اسفة ...هو ممكن توصفلي البحر فين انزل عنده

مالك : انتي شكلك مبصتيش من الشباك احنا عالبحر

غزل :شكرا هنزل

كانت ماسكه مذاكراتها في ايديها و طلبت من الخدامه فنجان قهوه

مالك : هتنزلي كده

غزل : مالى ..

مالك : حلوة ...قصدي من غير الشوز بتاعك

غزل : اه هلبسه شكرا

لبست غزل و نزلت راحت قعدت على كرسي عالبحر

كان مالك بيبص عليها من فوق

: انتي ايه حكايتك الحكايه اللي سمعتها عنك مش مقنعاني ابدا بس هعرف ايه اللي وراكي

رجعت منى و قعدت جنبها وهي بتنهج من الجري

منى : حبيبتي صحيتي بدري ليه

غزل : انا متعوده انا و بابا نصحى بدري هو يروح شغله و انا اذاكر

منى : اه صح انتي عندك كام سنه

غزل : 18

منى : يااه صغيره خالص طب ليه كانو هيجوزوكي غصب عنك

اتوترت غزل و كان مالك متابع من فوق

غزل : مش عارفة ...اااه بطني معلش هطلع ارتاح

قامت غزل و جريت دخلت بسرعة و راحت على اوضتها وهي خايفة

مالك : خلاص دي وراها حاجه و لازم اعرفها

فات يومين و مكنش في اي اخبار عن غزل و هشام هيتجنن و عبير مبتتكلمش معاه

منى : و بعدين يا مالك هتعمل ايه لازم تنزل اعلان عن سكرتيرة أو مساعدة انت كده الضغط عليك كبير و سليم سافر يعالم هيرجع امتى

مالك بخبث : امتحانات غزل لسه بعيدة هي ممكن تساعدني لحد ما الاقي واحده

كانت غزل قاعدة و تفكيرها شارد بعيد

منى : ايه رايك يا غزل

غزل : في ايه يا خالتو

منى : تساعدي مالك في المينا

غزل : بس انا مبفهمش في الامور دي

مالك :دي امور تافهه وانتي شكلك ذكيه

غزل : خلاص تمام زي ما حضرتك حابب

قام مالك وقف : يلا قومي لازم نروح المينا

غزل : بسرعة كده

قرب مالك منها و قرب ودنها : الحياة سريعة يا تخطفيها يا اخطفك انا ....

غزل بصدمه 😳: أبيه انت بتقول ايه ...

مالك : أبية ايه بس بعيونك دي

غزل : مالها عيوني

ضحكت منى : يا بكاش

مالك : بهزر تعالى يلا

مشي هو وهي مشيت وراه وهي مكسوفة .....

يتبع

ر

التفاعل ي صبايا

البارت الرابع

قرب مالك منها و قرب من ودنها : الحياة سريعة يا تخطفيها يا اخطفك انا

غزل بصدمه 😳: أبيه انت بتقول ايه...

مالك : أبيه ايه بس بعيونك دي د انتي اللي أبيه

غزل بكسوف : مالها عيوني

ضحكت منى ( اول مره تشوف ابنها بيعاكس بنت و بالطريقة المضحكه دي ) : بس يا مالك يا بكاش

مالك : بهزر يلا يا غزل تعالي

مشي قدامها وهي مشيت وراه وهي مكسوفة

ركب العربيه و ركبت هي من الناحيه التانيه ورا

(سمية عامر )

مالك : مش هتركبي جنبي

غزل : عيب اركب جنب حضرتك ماما و بابا بس اللي بيقعدوا جنب بعض قدام انا كنت بقعد ورا دايما

ضحك مالك : حضرتي مش هيقول حاجه تعالي يلا هيفتكروني السواق بتاعك

غزل : لا لا متقولش كده يا أبية السواق بتاعي شكله وحش و تخين وانت ....

نزل مالك فتح الباب من ناحيتها واتكأ عليه و ركز في عينيها : انا ايه

غزل وهي مركزة في عينه من غير ما تحس : انت عينك ملونه حلوه ،....( انتبهت لكلامها ) لا انا مش قصدي يعني أنا

كان مالك بيضحك: يلا انزلي اركبي جنبي

نزلت وهي بتحاول متبصلوش و ركبت قدام وهو لبس نضارته و ركب جنبها

حطت ايديها كانت بتشغل حاجه في كاست العربيه

مالك : بلاش اغاني على الصبح

غزل : بس انا مكنتش هشغل اغاني ...

اشتغلت فجأة سورة يوسف اللي خلت مالك ينبهر منها رغم الثراء و الغنى اللي ابوها معيشها فيه إلا أنها لابسه الحجاب الشرعي و غالبا بتصلى و بتسمع قران

غزل: اممم لو مش حابب اشغله أطفيه مدت ايديها تطفيه بس مالك مسك ايديها : لا سيبيه يا غزل سورة يوسف من الأقرب الي قلبي

غزل بعد ما شدت ايديها باحراج : و ...وانا كمان بسمعها لما اكون في ضيق و مشكله و بتريحني جدا

مالك : غزل انتي ليه سبتي الفرح

اتوترت و خافت : ...مم .انا ..ماما قالتلي سيبيه

مالك : وليه قالتلك سيبيه

غزل : لاني لسه صغيرة

مالك : هي لسه مكتشفة يوم الفرح انك صغيرة

غزل : لا يا أبية ...لاني ..لان

مالك : خلاص اهدي انا مش بستجوبك انتي بنت خالتي

غزل : انا مكنتش اعرف ان ليا خاله

مالك : كنتي طفله صغيرة انا شيلتك مرتين كنتي حلوة اوي و كان اي حد ياخدك مني كنت بكسر الدنيا و اعيط هههههه ايام بقى

غزل ضحكت : طب ليه بعدتوا عننا

مالك :التجارة شطارة بس للاسف خسرت العائلتين بعض

غزل : مش فاهمة

مالك : هشام الرواي مكنش بيرحم اي حد يجي قدامه في السوق و حامد السيوفي نفس الكلام الاتنين اعند من بعض صفقه ورا التانيه عملوا خناقات و الضحيه كانت امي و امك بعدوهم عن بعض

زعلت غزل و ملامحها اتحولت لحزن: مكنتش اتمنى يحصل كده انا حبيت خالتو منى اوي

مالك بصوت خافت: وانا شكلي هحب بنت خالتو عبير اوي

غزل بصدمه : ها ....بتقول ايه

ضحك مالك :لا ولا حاجه يلا انزلي وصلنا

نزلت غزل و مالك قدامها طلعوا في الاسانسير كان المبنى كله عالبحر و قدامهم سفن و منظر مبدع دخل مكتبه وهي استأذنت تروح تظبط حجابها في الحمام راحت و رجعت لسه هتدخل

السكرتيرة : يا انسه حضرتك رايحه فين

غزل بصوت رقيق : عند أب...احم عند استاذ مالك

السكرتيرة : هو اي هبل و خلاص لازم حضرتك تاخدي معاد مش اي حد بيدخل ل مالك بيه

غزل بعصبية بس طبيعه صوتها أنه هادي : انا كنت جوا هو يبقى ...قريبي

فتح مالك الباب : ايه في ايه

السكرتيرة ؛: مالك بيه الانسه كانت عايزة تدخل كده من غير معاد بتقولي قريبى فكراني هبله

مالك : طب ما تدخل ...انا سامعها بتقولك انا كنت.جوا و بعدين انتي مالك قريبها اخوها خطيبها جوزها ابوها ان شالله حتى اكون امها غزل اول ما تيجي تدخل من غير مقدمات و كلمه كمان هفصلك يا شهد

اتحرجت السكرتيرة و قعدت مكانها وهو خد غزل و دخل قفل الباب

غزل باحراج وصوتها الطفولي : حضرتك زعقتلها ليه انا اتعصبت عليها و خلاص يعني زودناها معاها اوي

فضل مالك يضحك : انتي كده اتعصبتي عليها طب حاسبي عشان لحسن شهد تاكلك وانتي قمر كده

سكتت غزل و اتكسفت : طب انا اسفة على سوء الفهم ده

مالك قعد : تعالى اقعدي يا غزل

قعدت قدامه

مالك : انا ايه !!

غزل :انت أبية

مالك : لا انا ابن خالتو يعني اخو...احم لا مش هقول اخوكي اعتبريني قريب منك جدا انتي هنا شغاله معايا بس و محدش يقدر يقولك بم

غزل : تمام شكرا يا أبية

مالك : يادي أبية طيب يلا الملفات دي عايزها مترتبه و جهزيلي كل اوراق الصفقه الاخيرة

غزل بتوتر : بس انا مش هعرف من غير ما اصلي ممكن اصلي الضهر و ابدء

ضحك مالك : انتي بتصلى من امتى يا غزل

غزل : من زمان كنت بشوف ماما بتصلي بقيت اصلى وانت مش بتصلى

مالك : لا بصلى و يلا تعالى اصلى بيكي جماعة انا دايما متوضي

ضحكت من قلبها و قفل باب الاوضه عليهم ووقف هو قدامه و صلوا سوا خلص مالك و بصلها : ربنا يتقبل منك يا اجمل غزل

غزل : و منك يا أبية

خبطت السكرتيرة و حاولت تفتح الباب كان مقفول

قام مالك راح و فتحه و دخل قعد مكانه

شافت السكرتيرة غزل بتعدل هدومها و حجابها ضحكت في سرها ( اه انتي طلعتي منهم اللي بيتاجرو باليوم )

مالك : يلا يا غزل اقعد في المكتب اللي جنبي عشان تخلصي اللي قولتلك عليه

سمعت غزل كلامه و السكرتيرة سابت الاوراق و خرجت

فضلوا لحد الساعة 7 بليل و غزل تعبت خلاص الشغل كتير وهي بتنام بدري

دخل عليها مالك لقاها حاطه راسها عالمكتب

مالك بابتسامه خفيفه : الأميرة النائمه تعبت

انتفضت من مكانها : ها ...أبيه انا ..معرفتش اخلصهم كلهم تعبت ممكن اكمل بكره عشان عايزة انام

مالك : يلا بينا أنا كده كده كنت جاي اخدك و نروح

قامت غزل و مشيت وراه تحت نظرات السكرتيرة ( اه مروحه البيت معاه كمان د انا هفضحك يا بتاعه الرجالة انتي )

( شايفاكي ياللي بتسرقي الروايه اكتبي اسمي يا مهزقه ايون انتي )

وصلوا البيت

منى :يلا يا غزالتي الاكل جاهز

مالك : ايه غزالتك دي و انا مليش ملوكتي

ضحكت غزل : انت ملوكتي يا أبية

قرب منها : يعني انتي اللي غزالتي

اتوترت : اممم انا ..

شدتهم منى عشان ياكلو كان بيبصلها كأنها حاجه ثمينه عنده قطعة الماس خايف تتكسر

فجأة سمعوا صوت عربيه بره و صوت مالؤف ......

يتبع

البارت الخامس 🖤

شدتهم منى عشان ياكلو كان بيبصلها كأنها حاجه ثمينه عنده قطعة الماس خايف تتكسر

قطع نظراته صوت عربيه بره و صوت مالؤف دخل من الباب

سليم : خالتووووووو منى وحشاني

جري سليم عليها حضنها

منى وهي بتضحك : بس يا بكاش انت كمان وانت وحشتني اكتر يا سليم

لف سليم عينه لقى غزل قاعدة جنب منى

سليم : ايدا عندنا ضيوف ولا ايه ايه الضيوف القمر دي

مالك شده عشان يحضنه و ضغط عليه جامد بايده لانه بيعاكس غزل

مالك بصوت واطي في ودن سليم : اياك تعاكسها تاني ليلتك هتبقى اسود من جزمتك

سليم : فينا من كده يا ابن عمي .د انا حتى بحب الجمال و ...

غزل قامت وقفت قاطعت كلامهم : أبيه انا هطلع انام بكره هصحى من 6 عشان الشغل

مالك : طيب يا غزل تصبحى على يوم جميل شبهك

اتكسفت غزل : تصبحى على خير يا خالتو

منى : استنى يا حبيبتي ...لازم تجهزي نفسك للامتحانات انا هجيبلك مدرسين هنا

غزل باحراج : لا يا خالتو انا مش عايزة اتعبك

سليم : و مدرسين ليه انا روحت فين

داس مالك على رجله :اخرس

سليم : قصدي انا هدور على مدرسين و مدرسين ليه د حتى مالك بيشرح كويس

اتصدم مالك منه هو ولا بيعرف يشرح ولا بتاع

غزل : بجد يا أبية ...هتذاكرلي

انفجر سليم ضحك : مش قادر بصراحه انا هروح انا كمان يا أبية

ضربه مالك و جري سليم ناحيه الباب و مشي

مالك : حاضر يا غزل هشرحلك بس بعد ما نخلص شغل بكره

غزل : شكرا يا أبية

طلعت غزل أوضاعا قلعت حجابها لتطلق العنان لحريه شعرها الناعم الطويل اترمت على سريرها و فجأة افتكرت أنها و ابوها مسكت التليفون اللي خالتها ادتهولها و اتصلت على رقم امها

الو ....مينغزل بصوت ضعيف : انا يا ماما وحشتيني اوي

عبير بصوت واطي جدا : يا حبيبتي يا بنتي انتي كمان وحشاني اوي قوليلي عامله ايه عند خالتك

غزل : الحمدلله بخير و خالتو طيبه اوي هي و ...و مالك ابنها

بس مال صوتك يا ماما انتي تعبانة

عبير : لا يا حبيبتي انا بخير اهم حاجه انتي

غزل وهي بتعيط : بابا عامل ايه انا مشتاقاله اوي

عبير بحزن : حزين عليكي و على نفسه بنت عمك قالتله كلام غلط عليكي وهو صدقها بتقوله انك حامل

شهقت غزل و عيطت بصوت عالي : ماما انتي عارفة اني عمري ما اعمل كده انا معرفش هي ليه بتكرهني

عبير : هي من زمان وهي بتحقد عليكي دي حتى زورت نتيجه تحاليل تثبت انك حامل كل ده عشان انتي قلبك طيب و على نياتك دلوقتي ابوكي حالف اول ما يلاقيكي في نفس اليوم تبقى كتب كتابك و دخلتك على اللي ما يسمى اخو العقربه طارق بس انا عمري ما هوافق انا معاكي يا غزل امك جنبك يا بنتي متخافيش من حاجه هي فترة وحشه و هتعدي

عيطت اكتر : ربنا يخليكي ليا يا امي و خلى بالك من صحتك

قفلت غزل و نامت و عينيها مليانة دموع

صحيت تاني يوم اتوضت و صلت الفجر و قعدت تدعى فترة طويلة لحد ما نسيت نفسها و فتح مالك الباب كانت قاعدة على سجادة الصلاه و مغمضه عينيها

ابتسم بهدوء و قفل الباب تاني و نزل تحت

قامت غزل لبست فستان اسود فضفاض و حجاب خمري و فتحت الباب و اخدت شنطتها و نزلت تحت لقيت مالك قاعد

غزل : اسفة يا أبية اتاخرت عليك

قام مالك من مكانه و قعدها عالكرسي و ركز في عيونها : اولا مبحبش كلمه أبيه

ثانيا والأهم : اتاخري براحتك وانا دايما هستناكي

اتكسفت غزل : طب اقول ايه ...

مالك : قولي مالك لو قولتي أبيه هعاقبك يا غزل

غزل : لا لا عقاب لا هقولك يا مالك خلاص

ضحك و مشي وهي قامت وراه وهي حاسه قلبها بدأ يدق ايه الأحساس ده انا ليه بضحك لوحدي كده

ركبوا العربيه وصلوا الشركه كان سليم هناك بيتكلم في التليفون عند المينا

دخل مالك و غزل وراه لاحظ الرجالة بيبصولها ب اعجاب شدها قدامه و دخلوا الاسنسير

غزل : أبيه هو احنا هنشتغل لحد بليل بردوا

وقف مالك الاسنسير و قرب عليها : انتي قولتي أبية

غزل وهي بتبرق : لا لا قصدى

قبل ما تتكلم قرب اكتر غمضت هي عينيها من الخوف بس اتفاجئت ب بوسه خفيفه على جبينها بعد مالك وكان شيئا لم يكن

مالك وهو مديها ضهره : ده عشان غلطتي و قولتي أبية بس عقاب خفيف لانك نسيتي

فضلت غزل مبرقه ووشها احمر ..و ضربات قلبها زادت

شغل مالك الاسنسير ووصلوا جريت هي على اوضتها و ضحك هو عليها بعد ما شاف وشها الاحمر

شهد : مالك بيه استاذ كريس جاي انهاردة عشان الاتفاقية

مالك : اول ما يوصل دخليه و حاجه كمان دخلى للانسه غزل بوكيه ورد احمر و علبه شكولاتة

شهد : ليه يا فندم

مالك بعصبيه : وانتي مالك اعملي اللي قولتلك عليه

اتغاظت شهد و راحت طلبت بوكيه ورد و شكولاتة

كانت غزل خلصت كل الملفات و قامت وقفت قدام الازاز الشفاف المطل على بحر اسكندرية غمضت عينيها بهدوء و بدأت تغني بصوت ملائكي اندمجت اكتر لحد ما سمعت الباب بيتفتح

التفتت لقيت مالك قدامها : غزل انتي اللي كنتي بتغني

غزل باحراج : اه يا أبية صوتي وحش صح

قرب منها كان عايز يحضنها بس ...مينفعش كفايه اللي عمله الصبح

رجعت غزل لورا شويه بكسوف : أبيه الملفات كلها جاهزة

مالك : طب تعالى اقعدى عندي في المكتب

دخل سليم عليهم : غزولة ازيك ..ازيك يا أبية عامل ايه

شوفي بقى يا غزل انا جايبلك شويه سمك مشوي حاجه كده قمر ..زي...احم زي مالك كده

خدها مالك ل مكتبهُ و قعد و ساب سليم يكلم نفسه

دخل سليم تاني : بهزر يا جدع جايب لينا احنا التلاته و بعتت ل منى زيهم

خد مالك غزل جنبه و بالفعل قعدوا ياكلو و خلصوا

شهد بحقد : غزل ده طرد جايلك

قامت غزل بخوف : ليا انا من مين انا معرفش حد

ضحك مالك وعمل نفسه مش شايف ( من بنها زي ما بيقولوا و دول احسن ناس طبعا 😅)

فهم سليم من خبرته أن مالك هو اللي جايبه

سليم : اصلى نسيت اقولك يا غزل انا اللي جايبهم

غزل : لا اسفة مش هقدر اقبلهم

ضحك مالك اكترررر

بص سليم ل مالك : طب علفكره بقى مالك اللي جايبهم عشانك

بصت غزل ل مالك اللي عيونه كانت ناقص تطلع قلوب ضحكت و اتكسفت : ليه يا ابي...احم قصدي ليه يا مالك

قام مالك وقف جنبها : عشان انتي تعبتي معايا الفترة دي خديهم

ضحكت و جريت عليهم خدت الورد و مسكت وردايه ادتها ل شهد خدتها و خرجت رمتها في الزبالة

رجعت غزل ل مالك وهي مبسوطة : الورد حلو اوي

سليم :اه يانا راحت عليك يا سولم اقولها انا جايبهم تقولي لا اقولها مالك تقوله حلو اوي يا ابن المحظوظه

ضحك مالك و اتكسفت غزل

مالك: اتفضل بقى عشان هذاكر ل غزل

سليم : طب ما تذاكرلي معاكو و اكسب فيا ثواب

خرجه مالك و رجع وهو بيضحك لقاها فتحت الشكولاتة و كلت منها كتير

مالك : ايدا يا غزل هتتخني

غزل وهي بتمد ايديها و بتضحك 😁: ما تاخد حته .......

يتبع

خرجوا مالك و رجع وهو بيضحك لقاها فتحت الشكولاتة و كلت منها كتير

مالك : ايدا يا غزل هتتخني

غزل وهي بتمد ايديها و بتضحك : ما تاخد حته

مالك : هههههههه حقيقي انتي طفله فعلا مش هزار

اتكسفت جدا و سابت الشكولاتة : أبية انا متشكره اوي عالشكولاتة بس انا بحبها جدا و ببهدل نفسي بسببها

قرب مالك منها و حط أيده عند دقنها مسح حته شكولاتة

فضلت عيونهم متقاربه جدا

مالك : كنتي فين من زمان يا بنت الراوي

غزل : عند بابا يا مالك هكون فين

مالك : لو كنت اعرف انك لما تكبري كده هتحلوي كنت خطفتك يا غزل

ضحكت بكسوف : بابا قالي في مره وانا صغيرة لو مكنتش متجوز امك وكنت شاب و لاقيتك قدامي كنت هخطفك و اتجوزك

مسك مالك ايديها خلاها تتوتر و ترتبك

مالك : غزل اللي انا فيه مش اعجاب

غزل بتوتر : انا ...مش ....انت ...

ضحك و باس ايديها الصغيرة اللي سحبتها بسرعة و خافت

غزل بارتباك : انا هروح البيت

مالك : هنروح سوا يا غزل

غزل : لا لا هخلي عمو محسن يوصلني

جريت على تحت قبل ما يتكلم وراحت عالبيت و مجرد ما دخلت اوضتها سمعت صوت منى

منى : مالك حبيبي راجع بدري ليه

مالك : أصل اتفقت انا وغزل هنذاكر هنا قصدي هذاكرلها

طلع مالك فوق و منى بتضحك : يا خلبوص

خبط عالباب و دخل لقاها في البلكونة

مالك : غزل

لفت وهي بتعيط

قرب منها مسكها من كتفها : مالك يا غزل حصل ايه مين زعلك

غزل : مالك انا خايفة اول مره احس بالشعور ده قلبي بيدق بسرعة و خفت لما بوستني من جبيني و وأيدي بابا هيزعل مني جدا انا متعودتش اعمل الأخطاء الكبيرة دي

ضحك مالك : طب ممكن متعيطيش خلاص مش هعمل كده تاني

نزل أيده من كتافها

غزل : توعدني

مالك : وعد و متعيطيش عشان والله مش مستحمل هتلاقيني حضنت....احم حضنت المخده المخده يا غزل

انا جيت عشان اذاكرلك

غزل وهي بتنزل رأسها للأرض : يعني مش زعلان مني

مالك وهو بينزل لمستواها : لا مش زعلان و ارفعي راسك الحلوه دي عشان نذاكر يلا

ابتسمت بكل رقه ونزلت معاه تحت كان بيشرح الفيزيا بكل براعة وغزل مركزه في شرحه بس مش اوي تأثيرة عليها خلاها تتوتر من قربه ليها

حضرتك منى كيكه و راحتلهم حطتها بس وقفت لما سمعوا الباب اتفتح و دخلت عبير

جريت غزل على امها حضنتها

ماما وحشتيني اوي

عبير : انتي وحشتيني اكتر يا بنتي

سلمت على منى و على مالك

عبير : معلش يا منى هاخد غزل اقولها حاجه بس عشان لازم امشي

منى : و ده ينفع يا عبير ده بيتك ازاي تيجي و تمشي كده

عبير : معلش يا منى هنعوضها بس ضروري حقيقي

كان مالك حاسس ان في حاجه

طلعت غزل و عبير اوضه غزل

عبير : غزل لازم تسافري

غزل بخوف : ليه يا ماما

عبير : طارق سمعني وانا بكلمك وراح قال ل هشام انتي قولتي ل منى يا غزل

غزل : على ايه

عبير : انك مش بنت

عيطت غزل : لا يا امي ازاي هيجيلي عين اتكلم من غير إثبات

قامت عبير شدت بنتها وراها ونزلت تاني كان مالك شايف ملامحها الحزينه و ان اكيد في شئ كبير غير اللي قالوه لهم

عبير : منى خدي غزل وانت يا مالك تعالى

دخلوا و قالوا الباب

عبير : مالك انا مريضه سرطان ...

برق مالك و عينه دمعت : طب المرض ده اكيد هنلاقيله علاج

عبير : غزل متعرفش ...مالك انا في مرحلته الأخيرة ...غزل امانه عندك بنتي امانتك انت بس

مالك : انا دايما حاسس ان في حاجه مستخبية احكيلي

عبير : ابني انا مقدرش اتكلم كل اللي اقدر اقولهولك صدقها لما تحكيلك و متضغطش عليها

مالك بحزن : ايه سبب هروبها من الفرح

عبير : ابوها مغيب نسي مين غزل نسي مين بنت الراوي نسي المبادئ والاخلاق اللي علمهالها حتى نسي بنته

هما عرفوا مكانها يا مالك اوعى تديهالهم يابني و خلى بالك منها

عيطت عبير وهي بتتكلم ف حضنها حس أن في حاجه كبيره جدا تخلي اب يسعى أنه يجبر بنته للجواز

خرجت عبير حضنت غزل و فضلت تبوس فيها

غزل : ماما مترجعيش خليكي معايا

بصت عبير ل مالك وعيونها بتأكد عليه

عبير وهي بتضحك : هنتقابل تاني يا بنتي يا احلى بنت في الكون

( لعل بقاؤنا سويا لم يكن في هذا العالم اللي اللقاء ..الي لقاء ليس بقريب )

خرجت عبير راحت المستشفى و اتصلت على هشام

هشام : عايزة ايه يا عبير انتي اللي تهربي غزل يا عبير لييييه بتضيعي شرفنا عشان مين

عبير : غزل مظلومه يا هشام

حكتله كل حاجه من اول الفرس لحد ورقه الحمل المزورة

هشام : كدب كلامك كدب زي ما كدبتي عليها و هربتيها

عبير : انا مريضه كانسر لو عايز تريحني متقربش منها طول ما انا عايشه يا هشام

اتصدم من كلامها قلبه وجعه

هشام : انتي فين انا جايلك

طلعت غزل اوضتها و طلع مالك وراها

قعد عالسرير جنبها من غير ما يلمسها

مالك : غزل ...

من قبل ما يتكلم حضنته و فضلت تعيط .....

رواية غزل الفصل السابع

مالك : غزل

من قبل ما يتكلم حضنته و فضلت تعيط

كانت بتشهق و مش قادرة تاخد نفسها

غزل : انا خايفة يا مالك حاسه بخوف وحش

مالك بعد عنها شويه و بص في عنيها: انا معاكي ..تفتكري حد يقدر يقربلك وانا معاكي د انا كنت اقطعهم بسناني زي زمان

ضحكت وسط دموعها و هديت شويه

مالك وهو بيضحك : اهو مين بقى اللي بيقرب للتاني

غزل : اسفة يا مالك متزعلش

مالك : ششش مش عايز اسمع كلمه اسف منك تاني يا غزالتي

غزل بكسوف وهي بتبصله : انا غزالتك

مالك : انتي غزالتي لوحدي

دخلت منى عليهم

منى : احم احم المذاكره فين يا مالك باشا

ضحكت غزل خجلا : مبيعرفش يشرح يا خالتو ده بتاع سفن و مراكب و بس

سليم من ورا منى : اخيرا ظهر الحق ده بتاع سفن و بس انا بقى بتاع كله

ضربته منى على صدرة : بس يا سليم

قام مالك وقف قرب منها قدامهم : انا مبعرفش اشرح يا غزل

غزل وهي مركزة في عينه : لا بتعرف بس ..بس انا مش بركز

ضحكت منى و شدت سليم من قفاه و خرجوا

مالك : مش بتركزي ليه ...

غزل بتلقائية : لان ..لان عيونك بتكون حلوة

ضحك مالك و حط أيده على شعره

برقت غزل و ضحكت على ضحكته و سابته و جريت برا

..

في المستشفى

وصل هشام و دخل اوضه عبير

كانت قاعدة قدام الشباك بتغمض عينيها بزعل :..ليه القسوه دي مين هيفضل مع بنتي و يقولها انا معاكي مين هيحبها اد حبي ليها ..عارفة أن هشام بيحبها بس. قلبه قاسي ..يارب انا راضيه باللي مكتوبلي بس بنتي امانتك

هشام من وراها : عبير

لفت عبير كانت ملامحها كلها حزن

قرب منها بسرعة و حضنها جامد

هشام : هتخفى يا عبير ..انا جنبك

عبير : هشام انا مش مهم دلوقتي بالله عليك ما تكسرها ..هو انا اللي هقولك على بنتك يا هشام دي غزل

باس هشام ايديها : بلاش نتخانق يا عبير خلينا فيكي انتي انا لا يمكن اسيبك انتي حبي الاول والاخير لا يمكن اسيبك كده فين الدكتور اللي بتتابعي معاه

حضنته اكتر : انت لسه فاكر يا هشام بقالك كتير مقولتليش حاجه حلوه كده

ضحك : انا دايما بقول كلام حلو

عبير : بس لسه قلبك قاسي يا هشام

بعد عنها شويه دخل الدكتور

الدكتور : جاهزة يا مدام

عبير بخوف : اه جاهزة

هشام : خليني ادخل معاها

الدكتور : اسف مش هينفع جلسات الكيماوي مينفعش حد يدخلها

حضنتها جامد و بصوت واطي : افتكري اني موجود جنبك و انتي هترجعيلي بالسلامه

ضحكت عبير و مشيت مع الدكتور و قعد هو على الكرسي و عينه دمعت حاول على اد ما يقدر يخفي حزنه بس مش قادر خلاص انهزم قدامه

..

في بيت السيوفي

غزل : خالتو انا بحبك جدا

منى : يا قلب خالتك يا قمر

غزل : خالتو هو في حاجه عايزة اقولك عليها

منى : قولي يا حبيبتى

غزل : انا لما بشوف مالك بحس أن ....

منى : ب ايه يا حبيبتي قولي

غزل بخجل : بحس أن قلبي هيطلع من مكانه مش عارفة أفسر ده ايه خوف ولا توتر تعرفي د ايه يا خالتو لاني خايفة بسبب الشعور ده

ضحكت منى و حضنتها : و بتحسي انك فرحانة لما تشوفيه

غزل وهي بتضحك : بصراحه اوقات بحس اني فرحانة و اوقات قلبي بيدق بسرعة

منى : ده اللي بيسموه كده ...

فتح مالك الباب فجأة

قربت غزل على منى بسرعة من ودنها بصوت ضعيف يكاد يسمع : اهو دلوقتي يا خالتو حاسه نفس الشعور

قربت منى من ودنها : د الحب يا غزل

شهقت غزل وهي بتبص ل مالك

مالك : في ايه مالكم ،يلا يا غزل هنروح المينا

غزل بتوتر و ارتباك :انت ...الحب ..

مالك وهو بيضحك : انتي بتقولي ايه

غزل : ها ...لا انا مقولتش .....

منى وهي بتضحك جامد من قلبها : على يدي مقالتش حاجه ............

رواية غزل الفصل العاشر والفصل الحادي عشر

بصت غزل ل فوق لقيت مالك

غزل بابتسامه رقيقه : ازيك يا مالك

مالك لنفسه : متغرينيش يخربيتك والله انزل احضنك

مالك : ازيك يا غزل عامله ايه انهاردة

غزل باحراج : الحمدلله بقيت احسن

مالك : دقيقه نازلك

ظبط نفسه و لبس طقم اسود

منى : حبيبي على فين

مالك : على غزل ...قاعدة تحت

منى مسكت أيده : ابني انت بتحبها

مالك : ايه لازمته الكلام ده

منى : غزل بتحبك

مالك : لا هي قالت عكس كلامك وبعدين انتي شكلك عايزة تخلصي مني وانا قاعد لك اهو

ضحكت منى و هو باس ايديها و خرج قعد جنب غزل

غزل : مالك امبارح ...

اتوتر مالك : امبارح ايه

غزل : امبارح تعبتكم معايا انا اسفه

مسك ايديها الصغيرة بالنسبه لايده خلاها تتوتر : انتي تعبك بالنسبالي اكبر راحه يا غزل انا مش عايز حاجه غير انك تتعبيني بس

سحبت ايديها ببطء و ضحكت بخجل

ضحك مالك هو كمان : ممكن اطلب طلب

غزل : امممم طبعا اطلب

مالك : غنيلي يا غزل

احمرت خدودها : اغني ايه

مالك : انا لك على طول

فضلت غزل مركزة في عينه و تاهت وهي حاسه جواهم بأمان

لفت عيونها للبحر و بدأت تغني

(انا لك على طوووول خليك لياااا

خد عين مني و طل عليا و خد الاتنين و اسال فياااا

من اول يوم راح مني النوم

ابعتلي سلام قول اي كلام من قلبك أو من ورا قلللبك ،مش يبقى حرام أسهر وتنام و تفوتني اقاسي نارر حبك )

مالك : مش يبقى حرام اقاسي نار حبك

غزل بخجل شديد : ها ... ده عبد الحليم اللي بيقول كده

مالك : لا ده قلبي اللي بيقول كده

قامت غزل وقفت كانت ايديها بتترعش

قام وقف وراها قرب منها : بتهربي ليه يا غزل بتعاندي مين

لفت غزل لتتقابل عيونهم

غزل : لان ..لانك تستحق الاحسن مني

مالك : مفيش الاحسن منك

اتكسفت و كانت هتمشي وقفها كلمته : انتي بتحبي حد تاني

غزل : انا عمري ما حبيت غير ...

مالك : غير ايه

غزل : غيرك انت

قالت الجمله و جريت بسرعة

مالك : غيري انا ازاي فهمت انا ايه كده استني يا غزل

جري وراها بس قفلت الباب بسرعة

مالك : غزل انا بحبك

عينيها برقت معرفتش تتكلم نطت على السرير و هي بتضحك

سمع مالك صوت ضحكتها من بره ضحك و مشي

هشام : مرات مين يا طارق انت عبيط ...مالك السيوفي اتجوز بنتي و بدون علمي

طارق : هو نفسه قالي كده تلاقيه هو اللي غواها يا عمي و ...و بطنها كبيره غزل حامل

هشام : والله لاموته كده يابن السيوفي جبت اخرك معايا

ضحك طارق و لف وشه و خرج

وصل مالك الشركه كل تفكيره كان في غزل

سليم : يا هووو ..ايه اصحى

مالك : عايز ايه

سليم : سرحان في مين ،اكيد فيا

مالك : في خيبتك

سليم : خليني افكر غزل مجاتش

مالك : بقولك ايه متجيبش سيرتها على لسانك بقى خلاص بقت حرم مالك السيوفي

سليم بزعل : احلف اتجوزت من غير ما تقولي

مالك : انا بقى اتجوزت من غير ما اقول للعروسه نفسها

سليم وهو بيضحك : ايييه انت بتهزر

مالك :و الله ابدا انا اتجوزتها من غير ما تعرف عشان احميها و ...

SomayaAmer

سليم : و ايه

مالك : و عشان بحبها مش عايزها تضيع مني

سليم : وايه كمان قول يا فنان امتى هحب انا كمان

مالك وهو بيضحك : لا انت مش هتحب انت هتفضل بتاع بنات بس د انت كانت أول علاقه حب ليك مع بت في اولى ابتدائي

سليم وهو بيحط أيده على شعره باحراج :يا عم كل البنات حلوه اسيبهم كلهم واخد واحده بس طب والله حرام

لبست غزل فستان ابيض واسع جدا و حجاب ابيض

خالتو انا هروح ل مالك عشان نسيت الكتب بتاعتي هناك

منى وهى بتغمزلها : الكتب برضوا يعني موحشكيش

غزل بخجل : مين ده يا خالتو

منى وهي بتضحك : الكتاب يا عين خالتك

اتكسفت و خرجت بسرعة ركبت مع السواق

وقفوا في إشارة مرور كانت غزل قاعدة في هدوء لحد ما لقيت طارق بيحاول يفتح الباب

قفل السواق الباب من جوا مسك طارق حديده و كسر الازاز وهي بتعيط و تصرخ مسك ايديها و فضل يشد فيها بس السواق طلع بالعربيه بسرعة و هرب منه بس بعلامه زرقه في ايديها

وصل السواق و صوت الناس كان عالي

قام مالك وقف و نزل على تحت هو وسليم

لقى غزل منكمشه في العربيه بتعيط و حجابها متبهدل و الناس بيبصوا على الازاز المكسور

برق مالك و جري فتحلها اول ما شافته انهارت و حضنته : كان هياخدني يا مالك انا كنت خايفة اوي

كان سليم بيسمع من السواق اللي حصل و مالك سامع كلامهم

شالها في حضنه : انا معاكي يا غزل اهدى هتشوفي انا هعمل فيه ايه

طلع بيها على اوضته و قفل الباب

مالك : خلاص يا غزل العياط هيكون على اللي هيحصل فيه عشان يعرف ازاي يقرب من مرا...من حبيبتي

بصتله غزل : انا حبيبتك

مالك : انتي اكتر من حبيبتي انتي ...

اتفتح الباب

هشام : هي ايه يابن السيوفي .......

البارت الحادي عشر 🖤🌕

مالك : انتي اكتر من حبيبتي انتي ..

اتفتح الباب بقوه

هشام : هي ايه يابن السيوفي

اتخضت غزل و انتفضت من مكانها بعدت عن مالك لوهله كان هشام عايز يحضنها عيونهم كانت بتعاتب بعض مين غلطان مين بيكذب مين خذل التاني بتصرفه

مالك بكل هدوء قام وقف و قرب من هشام مدله أيده : ازيك يا عمي

هشام بكل برود : انا مش عمك انا جحيمك

رفع هشام أيده و ضربه لكمه على وشه قويه

اتعصب مالك بس فضل متماسك

مالك : اقعد ونتكلم

ضربه هشام مره تانيه

صوتت غزل وهي بتعيط : كفايه يا بابا ارجوك مالك معمليش حاجه وحشه

وقف هشام ضرب و قرب منها مسكها من ايديها جامد و زعق : بتهربي معاه يا غزل في الحررررررام ده اللي علمتهولك يا بنت الراوي ده الدين اللي حفظتهولك من صغرك دي تربيتي

اكتفت غزل بأنها تعيط هي عمرها ما ردت على ابوها ولا حتى رفعت عينها فيه

رفع هشام أيده يضربها

مسك مالك أيده

مالك : انا سمحتلك انك تضربني لاني عادي انت زي والدي لكن عمري ما هسمحلك تمد ايدك على مراتي حتى لو كانت بنتك وانت ابوها

اتصدمت غزل وعيطت اكتر : مالك انت بتقول ايه

هشام : انت فاكر لما تتجوزها بدون علمي يبقى جواز شرعي انا بنتي قاصر وانت هتدخل السجن في اقل من دقيقه

مالك وهو بيضحك : بدون علمك ازاي انا هتجوز غزل من غير علمك مش معقول هو انا مجنون

راح مالك طلع نسخه من عقد الجواز و حطها قدام هشام

مالك : امضتك منورة يا عمي و حتى بصمتك

ركز هشام و عينه برقت : دي امضته فعلا و دي كمان ...بصمته

هشام : انت مزور نصاب اقسم بالله يابن السيوفي ما هرحمك و دي الورقه اللي انت فرحان بيها

مسكها و قطعها الف حته

مالك : ده مش الحل و دي مش الأصل انا بحب بنتك

هشام بعصبيه : بتحبها تاخدها و تهربها من فرحها

استغرب مالك ازاي هو بيقول كده و غزل و عبير بيقولوا أنه غاصبها على الجواز يعني هي هربت مع حد لا لا شيل الفكره دي من راسك

مالك وهو بيحاول يحتوي الموقف : لانك مكنتش هتقبل ابن عدوك يتجوز بنتك

هشام: بص يابن السيوفي بنتي انا هجوزها لابن عمها طلقها بالذوق بدل ما هتروح لابوك

مالك : تجوزها لابن عمها ليه وانا جوز ارانب ولا ايه بص يا عمي غزل بنتك و مراتي وقت ما تحب تشوفها هنيجي نزورك

هشام: انت اللي جبته لنفسك ،

لف هشام عشان يمشي

غزل بصوت باكي ضعيف : بابا ارجوك اسمعني انت عمرك ما سمعتني

هشام وهو بيبصلها بحسره: ياريتني ما سمعت صوتك طول العمر ولا جبتيلي العار ده

مشي هشام وهو غضبان و حزين جدا

قفل مالك الباب و قعدت هي تعيط

مالك وهو بيقفل الباب افتكر ازاي خلاه يمضي

( مالك : و بعدين يا خالتي الجواز هيبقى باطل لو عمي ممضاش

عبير : يابني انا همضي

مالك : لا مينفعش يا خالتي انا عندي فكره

عبير : قول

مالك : انتي بتقولي أنه هيجيلك بعد شويه

عبير : اه يابني ولازم تمشي قبل ما يجي

مالك : خلي الممرضه تقوله أنها مصاريف المستشفى

عبير وهي بتضحك : يابن اللئيمه طالع لخالتك طب سيب الورق و اطلع انت وانا هرن عليك

خرج مالك و قعد في العربيه

وصل هشام دخل عندها قعد جنبها

هشام : عامله ايه انهاردة

عبير : زعلانة انت ليه سايبني طول اليوم لوحدي

هشام : م انا معاكي اهو

عبير : لا معايا فين ناسيني اصلا ولا كأن كان في بيننا قصه حب

ضحك هشام و باس ايديها :حقك عليا

جاله تليفون قام يرد

قامت عبير بسرعة مسكت الورقه وهي بتترعش و خدت القلم

عبير : هشام امضي على الورقة دي بتاعت مصاريف المستشفى

كان بيتكلم مش واخد باله خد القلم و مضى

عبير : و ابصم معلش

حط صباعه في البصامه و بصم

مسكت عبير الورقه و نادت للممرضه بسرعة

عبير : روحي وصلي الورقة دي ل مالك قاعد في العربيه تحت

مشي هشام من المستشفى

اتصلت عبير على مالك

عبير وهي بتضحك : ها يا لئيم خليته يبصم كمان

مالك : والله الواحد مش عارف يقولك ايه بكره احلى هديه هتوصلك يا خالتو يا قمر

عبير وهي فرحانة : هديتي انت و غزل تكونوا سوا عليك امضه غزل بقى و اتنين شهود

ابتسم مالك و قفل معاها الخط )

لف مالك لغزل اللي كانت منهارة

غزل : ايه الورقه دي ازاي اتجوزتني

مالك : كان لازم اعمل كده امال ياخدوكي مني

غزل : انت دمرت اخر فرصه أن بابا يسامحني

مالك بعصبية: يسامحك على ايه انتي عملتي ايه عشان يسامحك انا صريح معاكي لاخر لحظه و إن كنت خبيت عليكي الجواز ده عشان مصلحتك

قامت غزل وقفت : يسامحني اني هربت و انت ..انا مش عايزة اكلمك تاني انت اتجوزتني و خدعتني

مالك ببرود : على الورق بس انا عمري ما هلمسك انتي فعلا مبتحبنيش وانا مش هجبرك على حاجه لما تصلحى علاقتك ب ابوكي هطلقك

كلامه رد في قلبها قتلها هي بتقوله كده من خوفها انه يكتشف الحقيقه

" كنُت انت الأمنية الوحيدة التي تحققت لي التي طلاما دعيت الله بها في كل حين و بيقين ،انا لا اريد فقدانك، لا اريد أن اخذلك انت مالكي و كل ما املك "

خدها مالك و روحوا مكانش بيتكلم معاها هي هي مازلت مش صادقه معاه ايه السبب أنها ترفض جوازهم مع انها بتحبه

فات اسبوع و كل ما بتحاول تكلمه مبيرداش كل معاملاته جافه حتى أنه بيحاول يبعد عن نظراتها بيصحى وقت ما تنام و ينام وقت ما تصحى

منى : مالك في ايه

مالك : في ايه يا امي حصل حاجه

منى : انتو مالكم انت وغزل البنت طول اليوم بتدور عليك

مالك : منى انا اتجوزت غزل ..من قبل ما تتكلمي عشان احميها من ابوها و خالتي عارفة

منى بخبث : مهو انا كمان عارفة عبير حكتلي تصلنا بنتكلم كتير الفترة دي ..دي احسن فكره انت عملتها واحسن قرار صح خدته غزل مفيش منها اتنين

خبطت غزل على باب اوضه مالك كانت أول مره تطلعله في جناحه الكامل

قام مالك فتح لقاها واقفه منزله راسها في الأرض وفي ايديها كتاب

غزل : ممكن تشرحلي الجزء ده

قامت منى وقفت : احم ...طيب يا حبيبي اسيبك تشرح لها بقى ( غمزتله ) وانزل اتمرن شويه

خرجت منى و دخلت غزل وقفل هو الباب

منى لنفسها : ايدا هو هيشرحلها بجد ولا ايه هما مش متجوزين

ضحكت و مشيت : فينك يا حامد وحشتني دروسك

دخل مالك قعد على سريرة

مالك : انا هجيبلك مدرس يشرحلك

غزل بسرعة : بس انا مش بفهم غير منك

مالك : انا مشغول

غزل : طيب انا ..انا همشي

لفت عشان تخرج

مالك : هاتي اللي انتي عايزة تفهميه

ضحكت بهدوء و راحت قعدت جنبه وبينهم مسافة

بدأ يشرح لها وفي وسط الشرح قاطعته

غزل : انا اسفة

بصلها بعتاب : على ايه

غزل : اسفة على ...على اني كدبت ايوه يا مالك في حاجه غير اللي ماما قالتهولك بس انا خفت ..خفت من حاجات كتير ...مالك انا مش مستعده اني احكي ارجوك ممكن تديني وقت

مسك ايديها و باسها : انا عايزك تعرفي حاجه واحده انا معاكي حتى لو انتي غلطانة

ضحكت بحزن : طب هو احنا كده متجوزين صح

مالك وهو بيضحك : المفروض

غزل : طب هنعمل ايه دلوقتي

مالك وهو بيبص بخبث و بيقرب منها : انتي لو عايزانا نعمل نعمل

برقت و قامت وقفت جريت على الباب : لا انت فهمت غلط

ضحك و قام قرب منها حط أيده على حجابها شاله من عليها : بما انك بقيتي مراتي انا بحب اشوف شعرك متلبسيش حجاب في البيت

اتكسفت و خدودها احمرت بصتله تاني حطت ايديها قرب عينه

غزل : لسه بيوجعوك

مالك : ايد عمي مرزبه

ضحكت غزل : حقك عليا متزعلش

نزل لمستواها : ممكن تصالحيني بطريقة تانيه انا بحبها

غزل بصوت رقيق : ايه هي

قرب منها و باسها ( من خدها الله يكرمكم احنا في رمضان )

بعد شويه عنها : دورك

غزل بخجل و ارتباك : لا مش هعرف

قرب هو منها اكتر و باسها تاني .... ( دي بقى مش من خدها احنا بقينا في العيد )

شهقت و بعدته عنها و جريت على اوضتها ........

رواية غزل الفصل الثاني عشر والفصل الثالث عشر

جريت غزل على غرفتها و قفلت الباب و قلبها بيدق جامد

فضلت مستخبية في الأوضه طول اليوم

قام مالك اتحمم و لبس بدله زرقا و خرج

مالك : غزل افتحي الباب انا رايح الشركه

غزل بصوت ضعيف : روح

مالك وهو بيضحك : مش هتودعي جوزك ولا ايه

غزل بخجل شديد : لا لا لا

ضحك اكتر و مشي

قامت هي فتحت الباب براحه بصت لبرا بشعرها الطويل لقيته قدامها اتخضت و كانت هتقفل الباب بس هو لحقها و دخل

غزل : انت غشاش المفروض انك مشيت

قرب منها : لازم اشوفك كل يوم

اتكسفت و ارتبكت اكتر : ليه لازم تشوفني

مسك ايديها و باسها : يومي بيبقى ناعم زيك لما اشوفك

شدت ايديها و احرجت : بس ...بس انا كنت نايمه روح شركتك بقى عايزة انام

ضحك مالك و خرج :لما ارجع هشرحلك زي امبارح

غزل : لا هشوف مدرس تاني انت بتضحك عليا

نزل مالك ركب عربيته بس مراحش على الشركه وصل على بيت تاني

نزل من العربيه و دخل بكل شموخ كان طارق مربوط و سليم واقف جنبه

مالك : كده برضوا يا سليم بتربط حريم ليه

سليم : كان عمال يصوت قولت اربطه

شال مالك الرباط من عليه

طارق بخوف : انت هتندم على اللي انت بتعملوا ده عمي هشام مش هيسيبك

قام مالك ضربه لكمه على وشه : دي عشان انت فكرت في مراتي مجرد تفكير

مسك سليم سيخ من على النار و اداه ل مالك

حطه مالك على ايد طارق اللي صرخ جامد

مالك بعصبييه : و ده بقا عشان الزرقان اللي في ايد مراتي

قام من مكانه و فضل يضرب فيه بقوه : كنت عايز تتجوزها د انا اللي هتجوزك هنا وهخليك تخلف كمان خليتها مرعوبه من ابوها و الدنيا يابن ال *****

ضحك سليم : ايدا يا صاحبي هتخلف من سوسن

طارق بصوت ضعيف : خلاص ارجوك مش قادر هموت

وقف مالك ضرب و عدل هدومه و مشي

مالك : ميتحطلوش اكل ولا ميه لحد ما ارجعله

سليم : سمعت يا ابو بطه كلام مالك بيه يتنفذ

خرج سليم وراه و ركبوا سوا و طلعوا على الشركه

اول ما دخلوا كان كل التجار و العملا اللي بيتعاملوا معاهم جوا مكتب مالك

مالك بعصبية : يا زفته يا شهد ايه كل ده

شهد : مالك بيه هما اللي دخلوا والله

قام عصام وقف : معلش يا مالك بيه احنا عايزين نسحب اتفاقيتنا الضرايب اللي بتاخدها مننا كبيره اوي و بأمانة هشام الراوي صاحب المينا الجديد منزل السعر اوي

ضحك مالك : هشام الراوي دخل في السفن طيب اللي عايز ينسحب ينسحب بس اللي هياخد اتفاقيته مش هيجي يعيط زي الحريم و يقولي رجعني اشتغل معاك و انا سمعتي معروفة و هشام الراوي كلها يومين و يرجع ل تجارة القماش بس انتو ...انتو بيوتكم هتتخرب على أيدي و اطلعوا بره اللي هيشتغل معايا بس اللي يقعد

متحركش حد من مكانه

اتوتر كل اللي في الأوض

مالك : شطار اتفرجوا هعمل ايه في عدوي الجديد

قامت غزل لبست فستان صيفي خفيف نبيتي و حجاب اسود

غزل : خالتو انا هروح اشتري شويه لبس عشان معنديش صيفي

منى : ماشي يا حبيبتي انزلي بس خلي السواق يكون معاكي و متتاخريش

خرجت غزل مع السواق وصلوا مول كبير كانت بتختار الوان الكافيه الهادي و الابيض

الاء من وراها : لسه ذوقك عالي يا بنت عمي

لفت غزل لقيتها واقفة لوحدها

غزل : انتي ماشيه ورايا

الاء : مش مهم كلامك ده قوليلي وقعتي ابن السيوفي ازاي بكل فلوسه دي

غزل : انتي مش محترمة و ناقصه تربيه و عينك فارغة فلوس ايه يا جاهله هو انا زيك اعمل كده في صاحبتي و بنت عمي عشان خاطر قرشين بس اظاهر نسيتي انا مين يا الاء و بنت مين انا غزل الرواي اللي لحد دلوقتي بيصرف عليكي انتي واخوكي

اتغاظت الاء و بخبث : اه بنت الراوي اللي فقدت شرفها و هربت عشان الفضيحه خدت بالي هههههه

دمعت عين غزل : انتي عارفة انه مش بايدي كان غصب عني

الاء : مفيش حد يعرف الحقيقه دي غيري انا بس ممكن نعمل اتفاق ....تديني 4 مليون دولار من فلوس جوزك و اديكي التقرير

غزل :عارفة البحر ...روحي اشربيه كله انا لو هعيش لوحدي طول عمري لا يمكن اخدع مالك

السواق : في حاجه يا ست هانم

بصت غزل على الاء وهي ماشيه : سلام يا بنت عمي

ضحكت الاء وخرجت تليفونها : اما نشوف جوزك المصون عارف انك مش بنت ولا لازم نعرفه

السواق : هنروح البيت يا غزل هانم

غزل بصوت مخنوق: لا روح عند مالك

وصلوا الشركة كانت حزينه نفسها تثبت برائتها

دخلت اوضته

قام مالك وقف : ايدا القمر طلع عندي في المكتب

ضحكت غزل : انا اشتريت حاجات كتير اوي احم. ..و جبتلك معايا حاجات

قرب مالك منها و حضنها :كفايه وجودك انتي

اتوترت غزل بس في الاخر حضنته : خليك معايا دايما

مالك بفرحه : انا معاكي طول العمر

وصلتله رساله على تليفونة بعد عن غزل و قعدت هي

ده رقم غريب فتح الرساله وهو لابس السماعات

الاء :انتي فخورة بنفسك اه بنت الرواي اللي فقدت شرفها و هربت هههههه ضحكتيني

بصوت غزل : ملكيش دعوه عادي غلطت و اديني صلحت غلطتي

الاء : بجوازك من واحد تاني

غزل : واحد تاني تالت المهم اني صلحت غلطتي و مالك السيوفي هيعيشني احسن عيشه

الاء : حقيقي صعبان عليا أنه اتخدع في واحده زيك ده طيب جدا

اتقفلت الرساله على كده

لف و بص ل غزل غمض عينه

قامت غزل مسكت أيده : مالك حصل ايه انت كويس

مالك بصوت هادي يسبق العاصفة : انتي هربتي من بيتكم ليه يا غزل

غزل بخوف : قولتلك انا مش جاهزة هقولك لما اطمن

مالك : انتي عذراء ؟

احمرت خدودها ووشها كله بقى الوان

غزل بعياط و صوت طفولي بريئ: انا ....انا ...كنت هقولك والله كنت هقولك ......

يتبع

البارت ال 13

مالك : انتي عذراء ؟

احمرت خدودها و وشها كله بقى الوان

غزل بعياط و صوت طفولي بريئ: انا ...انا كنت هقولك والله كنت هقولك

كانت بتترعش وهي بتنطق الكلام

مالك بكل هدوء مسك ايديها : غزل اهدي و احكيلي

غزل وهي بتعيط جامد برعشه في صوتها : بس بس انا خايفة تسيبني

مالك وهو بيحاول يتمالك نفسه : احكي يا غزل ارجوكي احكي انا مش هقدر اتمالك نفسي اكتر من كده

غزل بصوت ضعيف متقطع : انا بحب ال ...الخيل من زمان و بابا علمني اركب ازاي بس قبل ما طارق يتقدملي كنت بلعب مع الحصان بس هو جري بيا بسرعة و خبطني جامد وقعني على الأرض و ...و لقيت نزيف رحت للدكتورة قالتلي ....أن انا ...

مالك بحزن وهو ماسك ايديها : شششش بس يا غزل متكمليش

غزل وهي بتبص في عينه : مالك والله دي الحقيقه و ماما عارفة و الاء قالت لبابا اني هربت مع واحد واني ...حامل منه كانت اعز صديقة عندي عمري ما كنت اتخيل تعمل معايا كده

حضنها جامد : كل واحد هيشوف حجمه انتي مقامك عندي عالي وانا مقدرش اشك فيكي لثانيه

( مازلتِ عذرائي حتى وإن تركك العالم اجمع انتِ قمراً لامع بعيني انتِ غزالتي التي غزت قلبي بنقائها أنتِ عذرائي )

حضنته بقوه و فضلت تعيط : مالك انا بحبك

ضحك ضحكه خفيفه و ضمها اكتر : يعني ينفع يعني تقوليها وانتي في حضني كده ابلعك دلوقتي ولا اعمل ايه

ضحكت غزل بخجل : ممكن نروح

مالك وهو بيبص في عينيها : يلا عشان محضرلك مفاجأة

غزل : ايه هي

مالك : لما نروح هتشوفيها

خرجوا سوا

كانت الاء قاعدة بتضحك مع صاحبتها : بس يا ستي و بعتله الفويس المفبرك وتلاقيه قتلها دلوقتي

صاحبتها : ياربي عليكي شيطانه دي تلاقي حياتها اتحولت جحيم ( يارب نفس جحيم غزل 🥺)

الاء بخبث : و لسه انا قررت مش عايزة فلوس الراوي ،انا عايزة ابن السيوفي يكون ليا

صاحبتها : يا لئيمة هتوقعيه ازاي

الاء : لسه بخططله أصل هو لازم يلاقي حد يواسية هههههههه

وصلوا الفيلا دخلت غزل اوضتها وفضل مالك برا بيتكلم في التليفون

عبير بصوت باكي : هي حكتلك يا حبيبتي يا بنتي

مالك : ازاي فكرتي اني ممكن اسيبها عشان حاجه زي دي خالتي انا بعشق غزل و مصدقها للصميم

عبير : مصدقاك يابني خلي بالك منها

قفل مالك معاها و اتنفس و دخل

غزل : مالك فين حاجاتي و لبسي انا مش لاقيه حاجه

قرب منها باسها من خدها : حاجاتك في اوضتنا

غزل بتوتر و خوف : ليه ...دي اوضتك

مالك بابتسامه خبيثه : دي اوضتنا انتي زوجتي العزيزة

غزل : بس ..بس انا ...مش يعني

مالك : ششش هبقى مؤدب بس الناس هتاكل وشنا يعني نتجوز و نقعد كل واحد في اوضه

غزل : بس .......

قبل ما تكمل كلامها شالها و طلع بيها على فوق

غزل بخجل : لا نزلني انا هطلع لوحدي

مالك : في عروسه تطلع لوحدها وانا حضني فين

اتكسفت اكتر و خبت وشها في قميصه

نزلها عند الباب و قرب اكتر منها كان لسه هيبوسها بس ..

منى : ايدا انتو بتعملوا ايه

شهقت غزل : انا مبعملش والله هو اللي بيعمل

جريت غزل على جوا بسرعة وهي محرجه

مالك : كده يا منى فينا من الحركات دي د انا ما بصدق بنت اختك تفك معايا

منى وهي بتضحك : بس يا قليل الادب ادخل ادخل

مالك خرج و قفل الباب : ادخل ايه بقى دي عايزالها يومين لحد ما تفك تاني .......