تحميل رواية «غريب اقتحم حياتي» PDF

ي

"جاهزة أختبرك 10 إختبارات ولو قلتِ آه هنبعد عن بعض بعد ما نخلص ومش هنتكلم تاني مع بعض؟"

دي كانت الرسالة اللي وصلتلي بصيت للموبايل بإستغراب كانت رسالة "ماسينجر" من حساب إسمه "عُمَر عِصَام"

بصيت بفضول ووريت الموبايل لبابا وقُلت

ملك:بابا بُص؟

بابا:عايزة تردي يا بتي؟

ملك بفضول:بصراحة آه بس خايفة يكون حرام

بابا إتوتر فجأة لسبب أنا مش عارفاه لكنه إبتسم وقال بصدق

بابا:لا يحبيبي مش حرام كلميه عاد

ملك بصدمة:وااااه مش حرام ازاي يعني يبوي

بابا ضحك:والله عال مش كتي هتستعري من بلدنا دلوجتي بجى وااه وأبوي؟

ضحكت بأسف

ملك:أنا أسفة بس والله يعني إيه تجوزو البنات صغيرة في سن ال14 دي مش عادات ده تخلف!، المهم مش حرام إزاي يعني؟

بابا بإبتسامة:هو مش الواد دِه جال 10 إختبارات؟

ملك:آه

بابا:خلاص هجاوبك عاد بعد ال10 إختبارات

إبتسمت وهزيت راسي ورديت

"مستعدة"

خليني أعرفكم بنفسي شوية، أنا ملك من عيلة متدينة ومنتقبة عايشة في الصعيد بس لهجتي مش صعيدية لإني مبحبش بلدي،هوصفلكو عيوني لونهم أزرق زي البحر وشعري إسود وطويل وحرير، بشرتي بيضا، شوية صفات فيا

الضحك، ثم الضحك، ثم الضحك

المهم نرجع للأساس

اللي كنت بكلمه ده بقى بابا

مصطفى: متدين ومحترم وكيوت كدهون ومش بخبي عليه حاجة

عايشة معاه، ماما متوفية وهو متجوز

سها:دي مرات بابا، أو خليني أقول بونبونايتي، حرفياً في البيت ده مافي أحن عليا منها

علي:أخويا الكبير، في مشاكل بينا بس ده مش معناه إني مش بحبة أنا بحبة ونفسي علاقتنا ترجع زي زمان

يوسف:توأم علي ونفس الحكاية زعلانين من بعض برضة بنفس الموضوع

نبدأ الرواية بقى 🖤

"الإختبار الأول، وده يعتبر تحدي، هقولك10 معلومات عنك، لو قلت حاجة غلط هتقولي كذاب، لو قلت حاجة صح هتقوليلي تمام ولو طلعت كذاب أكتر من3 مرات تبقى كسبتي، جاهزة؟"

____________________________________

حسيت بتردد بسيط وكتبت

"تمام، خلينا نبدأ إختبر"

رده وصلني بسرعة

"الإختبار الأول، وده يعتبر تحدي، هقولك10 معلومات عنك، لو قلت حاجة غلط هتقولي كذاب، لو قلت حاجة صح هتقوليلي تمام ولو طلعت كداب أكتر من3مرات تبقى كسبتي، جاهزة؟"

كتبت بفضول

"تمام، نبدأ؟"

كتب

"نبدأ"

"بصي، أول حاجة إسمك ملك ومن الصعيد و16 سنة"

كتبت

"دي حاجة سهلة إنك تعرفها، ومع ذلك تمام 1:0"

لقيته كتب

"تمام، تاني حاجة، إنتي متجوزة، أو على الأقل مخطوبة''

كتبت وانا حاسة بإنتصار

"كذاااب1:1"

لقيته عمل إيمو ضحك وقال في ريكورد وهو بيضحك

"تمام ماشي، لعلمك أنا بقى متجوز وهي متعرفش إني جوزها، هكتبلك المعلومة التالتة"

إبتسمت وكتبت

"ماشي"

كتب

"تالت معلومة عنك إنتي بتكرهي الصعيد جداً"

كتبت بإبتسامة

"تمام، 2:1 ليك"

كتب

"نفسك تتجوزي واحد زي فهد السيوفي ومراد الألفي وزين من عشق الزين والناس دي😂"

كتبت وانا بضحك

"طب دي بقى عرفتها منين دا أبويا شخصياً ميعرفهاش؟"

كتب

"ليا أساليبي، 3:1 ليا، بتتعلقي بالناس بسهولة ومبتهتميش بالفراق وانتي أكتر حد بيتإذي منه

بصيت للموبايل بزعل وكتبت بكبر

"لأ كذاب على فكرة"

كتب

"تمام، 3:2 ليكي وفاضل نقطة أطلع كذاب فيها وهتكسبي"

بصيت للموبايل وقاطعته قبل ما يكتب

"لأ إستنى، 4:1 ليك، كمل"

كتب

"مقدرتيش تكذبي عليا؟ 😂"

بصيت للموبايل بكسوف

"كمل"

وصلني رده

"بتحبي الورد الأبيض عن الأحمر عكس كل البنات وبتعشقي الميكأب رغم إن محدش بيشوفك بيه"

إتكسفت وكتبت

"تمام كمل"

كتب

"5:1،بتكرهي الكذب والخيانة"

كتبت

"ناس كتير كدة يا عُمر معلومتك معروفة أوي"

كتب

"تقدري تلغيها"

كتبت

"لأ، كمل"

كتب

"إنتي دلوقت دخلتي اوضتك تقعدي فيها وقاعدة مربعة زي ما بتحبي صح؟"

كتبت

"لأ دانت حاططلي كاميرات بقى!!، علي إخلص وإعترف إنه مقلب سخيف من مقالبك إنت عارف إني مبحبش الحوارات دي"

كتب

"أنا عمر والله مش علي أخوكي😂"

كتبت

"إفتح الكاميرا، أنا هقفلها وإنت إفتحها! "

كتب

" إشطا"

فتح الكاميرا وانا كنت قافلاها ويا الله من الملاك اللي شفته، عيونه لونهم أزرق زي عيوني وأبيض البشرة، لابس جاكيت بامب إسود وشعره إسود ناعم، غضيت بصري بسرعة وقفلت في وشه لقيته بعت

"إتأكدتي إني مش أخوكي؟ ولعلمك بقى عادي تشوفيني 🙂"

حرفياً كان هيغم عليا بس متكلمتش

كتبت

"كمل"

كتب

"تمام 8:1، بصي بتحبي حاجة إسمها مرات أبوكي"

كتبت بإبتسامة

"حصل، ال10 معلومات خلصو وكسبت يا بطل، تصبح على خير بقى لحسن هموووت وأنام والفجر أذن هقوم أصلي"

كتب

"ماشي، تصبحي على خير"

كتبت قبل ما أقفل نت و أقوم للصلاة

"وإنت من أهل الخير"

يتبع

بقلمي

جينفر اغريست

ملك السيوفي

إقتحم حياتي

لو جابت ريتش هكمل وبعتذر عن رواية وصية جدي بس هي واقفة مؤقتاً بسبب قواعد المجتمع

"الإختبار التاني، وده سؤوال، علاقتك عاملة إزاي بإخواتك؟"

_____________________________________

صحيت من النوم على كم رسايل ومكالمات مِن عمر

فتحت

"إصحي يا بنتي"

"يلهوي كل دة نوم؟"

"صحصحييي"

"قومي طب"

"حجةةة"

"ملاااااكك"

"يا بنتي"

"إ"

"ص"

"ح"

"ي"

وتقريباً كدة كان باعت زيادة عن 50 رسالة من دي "."

لقيتة إتصل قفلت ومردتش وكتبت

"إيه يا عم خلاص صحيت، حد يصحي حد كدة؟"

كتب

"طب بصي بصي،عندي خروجة مع مراتي عشان أعرفها إني معجب بيها وكدة، وبما إنك بنت ف أكيد أكيد هتعرفي زوقها في الورد واللبس وكدة"

كتبت بضحك

"بص يا سيدي، أول حاجة بلاش تصنع والبس اللي يريحك يعني البنت مش بتحب اللي يتصنع عشان يلفت نظرها، تاني حاجة الورد أنا كملك بميل للأبيض بس أكيد هي زي أي بنت بتميل للأحمر، أقولك إشتري ورد أحمر وأبيض في نفس البوكيه، لو هي محترمة ف مينفعش تروح من غير حد من أهلك لإنها أكيد هتصدك عشان متعرفش إنك متجوزها، سووو هي دي نصيحتي"

كتب

"ميرسيييي يا ملوك"

كتبت بحدة

"إسمي ملك!"

عمل إيمو ضحك وكتب

"أنا أسف"

إتنهدت

"طيب ولا يهمك، إتفضل إخرج دلوقت عشان متتأخرش وانا هروح أشوف اللي ورايا ونتكلم لما ترجع"

كتب

"ماشي يا ستي"

قفلت الشات وقمت إتوضيت وصليت الضهر بعدين خرجت أساعد في البيت

مرات بابا:شفتي أخوكي عاد يا بت يا ملاك!

ملك:خير يا مرت أبوي؟

مرات بابا:يا بت رايح يتجدم لواحدة من البنات اللي عندينا في الصعيد وهيجول إنه عيحبها جوي

ضحكت

ملك:تعرفي يا مرت أبوي إن..

قاطعتني

مرات ابويا:ما بلاش مرت أبوي دِه يا بتي الفرج بيني وبينك 7 سنين خليها سها

إبتسمت

ملك:والله صعب خالص يا سها بس هحاول

سها:كملي يا بتي سمعاكي

ملك:عُمر كمان كان رايح يقابل مراتة بس هي متعرفش وكان بياخد رأيي في الورد واللبس، والله بدأت أشك إن عمر هو علي

سها:وه وه وه! عمر هو علي إزاي يعني يا بتي! انتي تعرفي عن علي إنه تافه إكدة؟

ملك:مهو المشكلة يا سها إنه مبيعرفش يتكلم مصري فإزاي؟

سها:لا لا محساش إنه هو، يلا يلا جومي ساعديني وتعالي جطعي الجوطة

ضحكت وقمت أقطع الطماطم وبعدين حضرنا الأكل وخرجنا نفطر زي عوايدنا وكان علي مش في البيت

رتبت البيت أنا ومرات بابا وقعدت لقيت عمر بيكلمني إبتسمت

عمر في ريكورد:جيييت

إبتسمت وكتبت

"نورت البيت، عملت إيه؟ "

كتب

"مبسووط البنت كانت لطيفة خالص"

إبتسمت وكتبت

"حلو ده يعني إتقدمتلها تاني ووافقت؟"

كتب

"تقريباً كدة"

كتبت

"تمااام يلا إختبر"

كتب

"تمام، الإختبار التاني، وده سؤوال، علاقتك عاملة إزاي بإخواتك؟"

سكتت شوية وأنا بحاول أفتكر موقف حلو أحكيه

علي:يا بوي جوزها مافيش بت هتتعلم بعد 6 إبتدائي

رديت بعصبية

ملك:والله حقي زي أي بنت إني أكمل تعليمي

علي:شوف عتتكلم ازاي

رديت بزعيق

ملك:دي حاجة متخصكش يا علي وأخرج انت منها وجواز مش هتجوز

أبويا:ملك إتحدتي مع أخوكي الكبير بإحترام، وإنت يا علي اختك مهتتجوزش غير لما تكمل تعليمها أنا جلت اللي حدي

يوسف:والله يبوي أنا من رأيي نجوزها للعريس إياه دِه هيدفع كتير جوي

أبويا:أنا قلت اللي حدي والكلام خلص

عيوني دمعت لما إفتكرت كلمة يوسف لكني مسحت دموعي بسرعة وكتبت

"أظن دي حاجة متخصكش"

كتب

"ليه؟ ده ضمن التحدي"

كتبت

"عايز تعرف علاقتنا عاملة ازاي؟، تمام، أنا بالنسبة ليهم سلعة، عايزين يجوزوها عشان يقبضو، لأ ومش بس كدة، كمان مبيحبونيش، عمري ما فكرت أحكي لحد فيهم حاجة وسمعني، مفيش غير أبويا ومراته هما اللي بيدعموني، ماما إتوفت يوم ما إتولدت، وعيلة ماما معرفش عنهم حاجة، انا فاكرة يوم ما روحت أحكي لحد فيهم عن صاحبتي وأسألة أعمل إيه إتهزقت وكل ده ليه؟ عشان كانت بتكلم ولاد وقلتله عنها راح قايلي كلمة عمري ما هقدر أنساها "إنتِ واحدة مش محترمة وبتكلمي ولاد زيها" ومن يومها مبتكلمش معاهم خالص، وجودهم زي عدمة يا عمر، وبعد إذنك إقفل الموضوع عشان مبحبش أتكلم عنهم"

كتبت كلامي وانا بحاول أمسح دموعي اللي عمالة تنزل لحد ما قدرت أمسحها وهو إتأخر في الرد لكن كتب في النهاية

"حقك عليا أنا، طب إيه رأيك الفترة دي تعتبريني أخوكي؟"

كتبت

"هتخذلني زيهم"

كتب بسرعة

"لأ"

إبتسمت وكتبت

"هنشوف"

كتب

"هقولك سر في نهاية اللعبة"

كتبت بإبتسامة

"موافقة"

كتب

"تصبحي على خير بقى"

يتبع

اقتحم حياتي

بقلمي

جينفر اغريست

ملك السيوفي

"الإختبار التالت يا ملك، وده هختبر ثقتك فيا عاملة ازاي، إحكيلي سر محدش يعرفة غيرك، أو على الأقل غيرك إنتي وشخصك المفضل"

___________________________________

صحيت من النوم قبل الضهر بساعة والفجر كان فاتني وقايمة مش طايقة دبان وشي، دخلت الحمام وغيرت هدومي وإتوضيت وصليت بعدين روحت المطبخ أساعد مرات بابا في الفطار

ملك:ممكن تفهميني يا مرت أبوي مصحيتونيش للفجر ليه؟

سها:والله فضلنا نصحيكي عاد وانتي في سابع نومة

ملك:يا خبر!، طيب الحمد لله، المهم هساعدك دلوقت في الفطار

سها:تمام يا حبيبي روحي هاتي الجبنة من الصفيحة

ملك:تمام

خرجت وجبت الجبنة وجيت بس علي وقفني

علي:هجولك إيه عاد يا ملك

ملك بهدوء:نعم يخوي؟

علي:يعني مسألتيش على موضوع البت إياها ولا جلتيلي مبروك

ملك بهدوء:مليون مبروك ياخوي، عن اذنك

كنت همشي وقف قدامي

علي:ملك!

همهمت بالراحة وانا ببصله عشان يقول عايز إيه

علي بنكش:اعمليلي شاي

ملك:حاضر، حاجة تاني؟

علي:اه اعمليلي عيش وجبنة

ملك:الوكل هيتحط دلوجت، هعمل الشاي على ما والوكل يتحط

علي:ماشي يا ملاكي

إتضايقت من دلعه ليا مبحبوش يدلعني أصلاً

دخلت المطبخ أحط الصفيحة عشان نطلع منها الجبنة

ملك:الجبنة أهه، هعمل شاي لأخوي على ما تحطيها في الطبج

سها:ماشي، كلتها إسبوعين وترجعي مصر يا بتي، هتوحشك جوي

إبتسمت وأنا بحضنها

ملك:هنكون على تواصل يا مرت أبوي

سها: بجولك عاد عمك جاي يشوفك ويجعد معاكي العصرية

ملك:اممم ماشي وماله، ينور عمي عُمر دِه واحشني جوي

سها:أموت وأفهم ليه هتجوليله عمي وهو 20 سنة؟

ملك:لإنه مهماً كان عمي يا مرت أبوي

سها:برضة هتجولي مرت أبوي يا بتي أنا طلعالك في البخت الإسود؟

ملك:اعوذ بالله هتجولي إكده ليه يا سها

سها:ايوا إكده جوليها سها

ضحكت وعملنا الفطار والشاي وخرجت وكلنا كنا قاعدين على الأكل بنفطر

خلصنا الفطار وقومت أساعد بعدين خرجت لما عمي عُمر جه لقيته بيقولنا

عُمر:طيب يا جماعة بما إن كلتنا متجمعين إنهاردة ف هتشرفوني في فرحي بعد إسبوع

بابا:وافجت البنت؟ يا الف نهار أبيض مبرووك

إبتسمت

ملك:مبروك يا عمي

عمي عمر:خليها عُمر

إبتسمت

ملك:حاضر يا عمر، بس جولي بجى تحب واحدة وتتجوزها وأكون أخر من يعلم؟

عمر:معلش والله يا ملوك بس مكانش حد يعرف غير أبوكِ وانا

ملك:يا سيدي ماشي هعديها بمزاجي، تشربو إيه؟

عمر بنكشة:شربات فرحك إن شاء الله

ملك بهزار:نينيني افتح مشمشة هتلاجيني متجوزة إن شاء الله

علي بهزار:ولا حتى في المشمش والله

كلهم ضحكو وأنا إبتسمت بمجاملة

ملك:هجولكم إيه عاد، أنا هعمل شاي، اللي عايز يغير يجول

علي بنكش:أنا عايز نسكافيه

ملك:تمام

علي:لأ شاي

بصيت اللي هو إنجز شاي ولا نسكافيه فإبتسم وقال

علي:شاي خلاص امشي

دخلت المطبخ عملت الشاي وخرجت برة البيت، بيتنا زي أي بيت ريفي بيطل على مزارع أبويا وأخواتي وحرفياً دي الحاجة الحلوة في الصعيد

خرجت وكانو كلهم ماسكين موبايلاتهم فطلعت موبايلي أمسكة

لقيت رسالة من عمر

"ملك إنتي بخير؟ قافلة ليه اليوم كله؟"

كتبت بإبتسامة

"والله حقك عليا بس عمي عندنا إنهاردة وكان واحشني خالص ف قاعدين سوا"

لقيته كتب

"نينيني وعمك عندك أغلا من أخوكي الكبير"

ضحكت وكلهم لاحظو وعمر عمي بصلي برفعة حاجب لقيت عمر باعتلي

"ضحكتك اللي رقعت دي إيه؟ 😂"

عيوني وقعت على عمي عمر أول حاجة وبصيت للموبايل وكتبت

"همممم قلتلي بقى، حلوة😂"

كتب

"أفندم؟"

كتبت

"يعني تطلع عمي؟ اتاارييك بتقول متجوز وهي متعرفش حلو ده، إتفقست يا عمر😂"

كتب

"ملك بتقولي إيه مش فاهمك؟"

كتبت

"نينينين، على فكرة بقى خلاص بطل حوارات يا عمر"

رفعت حاجبي لما كتب

"حقيقي مش فاهم؟"

كتبت

"يعني إنت عمي وبتعمل مقلب سخيف من مقالبك"

أخويا علي ضحك فبصينا كلنا بإستغراب

عمي عمر بضحك:اوبا قالتلك معدناش اخوات ولا ايه؟

علي ضحك:اه

بصيت للموبايل لقيت عمر رد

"لأ يختي مش عمك😂"

كتبت بإبتسامة

"تعرف إنك شبهه؟ يعني هو إسمه عُمر وانت زيه وكمان ظروفه تقريباً زيك،وعارف كمان؟ في شبه صغنن بينكم"

كتب

"طب داري الإبتسامة عشان فضحتينا"

بصيت حواليا بخضة لقيت كله ماسك الموبايل

ملك:انا... أنا هدخل أعمل النقاب عشان حاساه مش مظبوط

طلعت أجري على الأوضة وحاسة إني بترعش، أنا بدأت أخاف، شربت ماية وفكيت نقابي وعدلته ولبسته تاني وكتبت قبل ما أخرج

"عمر، أنا بدأت أخاف منك، إنت إزاي عارف كل تحركاتي؟"

كتب

"تعالي ندخل على الإختبار التالت، هتعرفي كل حاجة في العاشر"

كتبت بتنهيدة

"تمام"

خرجت وقعدت لقيت الكل قاعدين زي ما هما ماسكين موبايلاتهم لقيت عمر كتب

"الإختبار التالت يا ملك، وده هختبر ثقتك فيا عاملة ازاي، إحكيلي سر محدش يعرفة غيرك، أو على الأقل غيرك إنتي وشخصك المفضل"

إبتسمت وأنا ببص حواليا وكتبت

"تمام، ده محدش يعرفه خالص، حتى بابا، إوعدني يفضل سر بينا"

كتب

"أوعدك يا ستي"

كتبت بإبتسامة

"السر اللي مخليني مش عايزة أتجوز بعيداً عن تعليمي وسني الصغير، إني مش عايزة أفارق عيلتي"

لقيت عمر عمل إيمو قلب وده نرفزني

"إحترم نفسك يا عمر!"

كتب

"أسف والله، دبش دبشش😂"

كتبت وتعابير الغضب كانت باينة على وشي اللي مداريه النقاب

"مبحبش كدة!"

كتب

"خلاص يا ستي إهدي😂، روحي يلا إقعدي مع عمك وهخش أقعد مع الضيوف اللي عندنا"

كتبت

"ماشي، القاك في الفجر يا صديقي هصحيك"

كتب

"ماشي"

قفلت وببص حواليا ومفيش ثواني لقيت أخويا بيبتسم

عمر عمي بهزار:وجعت في دباديبك؟

ضحكت بخفوت ومتكلمتش

يتبع

إقتحم حياتي

بقلمي

جينفر أغريست

ملك السيوفي

شكراً على التفاعل وبعتذر على عدم إستطاعتي إني ارد على الكل، بس التعليقات كتيرة جداً ومش بيجيلي اشعار بكل تعليق

دمتم سالمين🖤

بعتذر عن التأخير

الرابع

"الإختبار الرابع، ده هيكون له علاقة بفضولي بصراحة، قوليلي أمنية نفسك من كل قلبك إنها تتحقق"

______________________________________

لقيت أخويا بيبتسم عمي عمر قال

عمر: وِجّعِت في دباديبك؟

ضحكت بخفوت ومتكلمتش وأخويا علي هز راسة

كلنا سيبنا الموبايل وأنا إبتسمت

ملك:أجولكم إيه عاد، تعالو ندخل البيت عشان زهجت ونفسي إنكتم وعايزة أجلع النقاب

عمر عمي:جومي يختي خشي جوة

قمت بهزار وبصيتله

ملك بغيظ وهزار:كدهو؟ طب مش هقوم

عمر عمي:قومي يا بت إنجري

ملك:طب مانت بتعرف تتحدت مصري أهو امال ليه بتتحددت صعيدي عاد

عمر:لإني بحب بلدي عكسك

ملك:نينينين، على فكرة أنا مكرهتش في حياتي جد الصعيد، تصبح على خير يا عريسنا، صحوني للفجر يابوي، تصبحو على خير كلكم

أبويا:وانتي من أهل الخير يا بتي

سها:وانتي من أهل الخير يا بتي

دخلت وظبطت كل منبهاتي وصحيت على الفجر وصليت

بعدين بدأت أتصل بعمر عشان أصحيه

كتبت

"صحصح يا عُمر الفجر أذن"

"عوماااااااااار"

"يابني!"

فضلت كدة حوالي ربع ساعة لحد ما صحيته أخيراً

كتب

"إيييههه"

كتبت

"قوم صلي الفجر يا بابا أذن وبقالي ربع ساعة بصحيك😡"

لقيته كتب

"ماشي خلاص قمت، متناميش عشان هصلي وأرجع نتكلم"

كتبت

"ماشي"

كتب

"إستأذني والدك نتكلم فيديو"

كتبت بعصبية

"إنت عبيط ولا بتستعبط؟، عمر قلتلك مبحبش كدة!، ولو فضلت على الحال ده والله أقطع علاقتي بيك!"

كتب

"كنت عارف، دانا هنفخك بعد السؤوال العاشر 😂♥️"

كتبت بضيق

"لما يبقى فيه سؤوال عاشر أصلاً، مش معنى إني إعتبرتك أخويا إنك تتخطى حدودك في الكلام"

بعتت الرسالة وعملت حظر، هو ده اللي المفروض يحصل مكانش ينفع أثق في كلام بابا اصلاً، خلينا نقول إن مش ده السبب الوحيد، لإني بثق في بابا أكتر من نفسي وعارفة إنه أكيد في سبب يحللي الكلام معاه، يكونش أخويا في الرضاعة؟ إفتكرت الموقف اللي حصل وعصبني وخلاني أطلع عصبيتي كلها على عمر

يوسف:بت جومي بدل مانتي جاعدة إعملي حاجة

ملك:الفجرية؟

يوسف:البنات اللي زيك متجوزة ومخلفة دلوجت!!

ملك:اااه إبتدينا، وانا مش هتجوز دلوجت يا يوسف وهكمل تعليمي وغصب عن أي حد! عن إذنك

دخلت الأوضة أصحي عمر وحصل كدة

لقيت حساب غريب بيبعتلي وسط دموعي، بصراحة بقى أنا إتعلقت بعُمر جداً وفُراقه شيء صعب على قلبي

فتحت لقيته كاتب

"أنا عمر، فكي الحظر نتكلم، مكانش قصدي والله بس إني أتغزل بيكي أو أشوفك من غير نقاب ده حلال لإني قريب منك، بصي مش هقدر أقولك أنا مين بالظبت بس انا أعرفك أكتر من نفسك وإنتي تعرفيني كمان، هقولك كل حاجة في السؤوال العاشر، وعد"

مسحت دموعي وبصيت للموبايل ولغيت الحظر وكتبت

"ممكن أحكيلك حاجة مضايقاني؟"

كتب

"إحكي"

كتبت وبدأت أعيط

"أنا أسفة إني طلعت عصبيتي عليك، بس أنا أصلاً كنت متعصبة بسبب أخويا وحقك عليا والله مقدرش أخسرك بس يا عمر أنا خايفة يكون حرام، خايفة أمشي ورا كلامك وكلام بابا وربنا يزعل مني"

لقيته كتب

"هشش متفكريش كدة، مش حرام، أكيد مش هضرك صح؟، إنتِ كمان غالية أوي على قلبي يا ملك"

قلبي دق، دقة غريبة،بس لذيذة، لأ ملك فوقي ده راجل متجوز مينفعش تحسي كدة مينفعش فوقي!

لقيته كتب تاني

"شاركيني بكل حاجة في يومك، وانا هعمل كدة إيه رأيك؟"

إبتسمت، إستسلمت لكل مشاعري وكتبت

"بحبك"

قبل ما أبعت مسحت بسرعة

كتبت بتردد

"تايهة"

بعتتها وأنا معرفش، معرفش ده حُب ولا إعجاب ولا صداقة ولا أخوة! معرفش حقيقي! بس أنا مش بكره مراته أنا عادي بالنسبة ليا، بس عايزاه معايا دايماً؟ إحساس غريب ومتشابك مش عارفة أوصفة، مشاعري متلغبطة

لقيته كتب

"غمضي عينك، إستعيذي من الشيطان، فكري في حد بتحبيه وهتروقي"

غمضت عيني

إستعذت بالله

أول حد جه في بالي أخويا علي عيوني دمعت غصب عني، نفسي أدخل أحضنه وأقوله كفاية بُعد، بس فات الأوان

إتخيلت إني حضنته وإشتكيتله من كل همومي

حقيقي إحساس لَطِيف سيطر على كياني ساعتها، ياااه لو كان حقيقي، دموعي نشفت وإبتسمت وأنا بتخيل لحد ما فتحت عيوني على صوت رسالة عُمر اللي فوقتني

"أحسن؟"

كتبت

"أه"

كتب

"إبعتي رقمك"

لقيت إيدي بتتحرك على الكيبورد وغصب عني كتبت رقمي وبعتته.

مفيش دقايق لقيته باعتلي على الواتس

كتبت بإبتسامة

"الإختبار الرابع إيه يا عمر؟"

كتب

"الإختبار الرابع، ده هيكون له علاقة بفضولي إصراحة، قوليلي أمنية نفسك من كل قلبك إنها تتحقق"

غمضت عيني وإبتسمت وكتبت

"سر بينا؟"

كتب

"سر بينا"

كتبت بإبتسامة وتلقائية

"إنك تكون يوسف أو علي"

كتب بفرحة حسيتها من طريقته

"بجد؟"

كتبت بحنية

"والله بجد، يلا بقى هنام عشان هتنفخ لو صحيت متأخر، أستودعك الله يا عُمر"

كتب

"خير مَن إستودعتِ يا جميلة"

كنت هتعصب بس إتنهدت بهدوء، هو ده إسلوبة، وأكيد بابا مش بيكذب عليا

قفلت نت ونمت كتير لحد الضهر

يتبع

اقتحم حياتي

بقلمي

ملك السيوفي

جينفر اغريست

"هسألك سؤوال وإعتبريه الإختبار الخامس وحشتك أوي؟ بدأ قلبك يلين يا ملك؟ هتسامحيني؟"

_____________________________________

عدى إسبوع بعد أخر كلام بينا أنا وعُمر، قافل نت ومش بيرد، إكتأبت، وحشني بشكل رهيب، مكنتش بعمل حاجة ف يومي غير إني بدعيله وبحاول أوصله بأي طريقة كانت، بطلت أكل وأشرب بسبب خوفي عليه، فقدت الأمل وبدأت أفكر إنه مات، حاسة إني خسرت أخ، ضهر، سند، حاجة كبيرة أوي، نفسي يرجع

لقيتني قاعدة بعيط وبحاول أبعتله وأخيراً فتح نت

فضلت أبعت وعياطي بيزيد

"عمر!"

"إنت بخير؟"

"كنت فين؟"

"عمر رد عليا!"

"بتكلم مين؟"

"عايزة أحكيلك على حاجة"

قفل نت تاني، عياطي ذاد حاولت اكلمه الموبايل مغلق

مسحت دموعي وحطيت الموبايل على السرير وسندت براسي عليه، قررت مش هتكلم تاني معاه

لقيت سها جاية وماسكة الأكل

ملك بدموع خفية:سها، عشان خاطري مش جعانة، مش هاكل ومش جادرة أتناجش إخرجي، أنا مش بخير، لما أبجى بخير هكلمك وعد

سها:بجالك إسبوع مش بتاكلي!

ملك:أرجوكي إخرجي

بصيتلي وخرجت، حسيت بقلقها عليا بس انا مش قادرة أتكلم مع حد، مش عايزة حاجة غير عُمَر، لقيت موبايلي بيرن وكان عمر

رغم إني مبتكلمش معاه صوت خالص لكني رديت من قلقي وخوفي عليه

متكلمتش كنت بعيط بس

سمعت نبرة صوته كان بخير تماماً بل وكان سعيد، يبدو إني الوحيدة اللي كُنت حزينة على الفراق، صدقت يا عُمر في الإختبار الأول

عُمر:عاملة إيه؟

مردتش عليه وحاولت أمسح دموعي وقفلت المايك من عندي وبدأت أتحمحم عشان صوتي يبان إني بخير وقلت بعد ما فتحت المايك

"بخير، أنا تمام، وإنت؟"

رد

"بخير جداً، بس اللي وصلي إنك مش بخير! مش بتاكلي، مش بتتعاملي مع حد من عيلتك، ممكن أفهم السبب؟''

كياني إتهز وقلت بتوتر بان في صوتي

"خليك معايا يا عمر"

شربت ماية عشان أهدا وأعرف أتكلم وقلت بهدوء

ملك:أنا بخير، إنت بخير أكيد؟

عمر:كله تمام

ملك:تمام، سلام

قلتها وقفلت الموبايل بدون ما أسمع رده،فصلت موبايلي وخرجت أغسل وشي بإبتسامة مسطنعة، دخلت المطبخ أرتب مع سها والحقيقة كانت مستغرباني، علي دخل بعد فترة كنت بحط الأكل قعدنا كلنا على الأكل وكانو كلهم باصينلي بإستغراب

قلت بهزار

ملك:إيه يا جدعان انا عارفة إني حلوة بس فيه إيه؟

أبويا:حلوة جوي يا بتي، كلي يا حبيبتي ربنا يحرسك

بدأت أكل، رغم إني مكنتش عايزة بس أنا مش لازم أتأثر بفراق عمر

فضلت قافلة الموبايل اليوم كله وفتحت الفجرية

لقيت عمر باعتلي كتير أوي، من ضمن اللي باعته

"أسف حقك عليا، بس مكنتش هقدر أكلمك خالص الفترة اللي فاتت، عرفت إنك مش بتاكلي ولا بتشربي عشان كدة فتحت نت أكلمك بس الموبايل علق بسبب رسايلك فقفلت وبعدين قررت أكلمك صوت، إنتِ بخير صح؟"

بدأت أعيط وكتبت

"أنا مش بخير، مش بخير إطلاقاً، إنت مين عشان تسمح لنفسك بالبُعد؟ إنت عارف أنا كنت عايشة ازاي يا غبي؟ أنا فكرتك مت! أنا مكنتش بعمل حاجة غير إني بصلي وادعيلك وأكلمك! عمر أنا كنت زيي زي الميتين، وتقولي بخير؟ دي إجابتي اللي فقلبي، لكن لو ده اللي عايز تسمعة فتمام أنا بخير، أنا على أحسن حال من غيرك، متتواصلش معايا تاني، ومش مهم أعرف كنت فين"

كتب

"هسألك سؤوال وإعتبريه الإختبار الخامس وحشتك أوي؟ بدأ قلبك يلين يا ملك؟ هتسامحيني؟"

مسحت دموعي بإستغراب وكتبت

"أسامحك ليه؟"

كتب

"هتعرفي كل حاجة بعدين، بس وحشتك؟ "

كتبت بصدق

"أوي أوي أوي أوي أوي، ولو عملتها تاني والله ما هكلمك يا عُمر!، كنت فين أصلاً"

كتب

"لو قلتلك هتزعلي مني"

كتبت

"ليه!!!"

كتب

"هتعرفي برضة، يلا أستودعكِ الله♥️"

كتبت بشوق

"لأ إستنى خلينا نتكلم شوية!"

كتب

"تعبان وعايز أنام بجد"

بصيت للموبايل وكتبت بصدق

"هتوحشني"

كتب

"إنتِ أكتر"

قفلت الموبايل وحضنته وأنا ببتسم ونمت

تاني يوم

يتبع

غريب اقتحم حياتي

بقلمي

ملك السيوفي

جينفر أغريست

"

____________________________________

صحيت من النوم وعلى عكس العادة قومت بكل نشاط رتبت سريري ودخلت الحمام بعدين إتوضيت وصليت ودخلت أرتب، سها وبابا مش في البيت وفي الوقت دا أنا واخواتي بنستسهل نجيب أكل من برة، دخلت المطبخ أرتب ودخلت أوضة علي عشان ارتبها، الجاكيت البامب الإسود بتاعه كان موجود فإبتسمت وعلقته، حقيقي بعشق الجاكيت ده، عيوني وقعت على الحيطة لقيته حافر "A m y" على الحيطة وكاتب تحتيهم

"the brothers"

(*الأخوة*)

إبتسمت وأنا بلمس الحيطة وبفتكر الزكرى من 10 سنين

ملك:علي يا علي

علي:عيونه

ملك:إنده يوسف عشان هنتكلم

علي:يوسف، يا وااد تعالى

جه طفل توأم لعلي شكله يوحي إنه 10 سنين

يوسف:نعم يخوي؟

علي:مضايق البت ملك ليه ياض

يوسف:يرضيك ياخوي توجع الماية عليا؟

ملك بدموع:مكنتش أجصد يخوي والله

علي بص ليوسف بحزم:إحضن أختك عاد معندناش إخوات تتخانج أنا هجولكم أهه

يوسف بصلي وحضني وإبتسمت وبادلته

ملك:أنا أسفة

يوسف إبتسم:ولا يهمك يا جلب أخوكِ

علي:طب عجولك إيه يا يوسف، جيب حاجة مسنونه

يوسف:وه؟ ليه يخوي؟

علي:جيب بس

يوسف جاب حاجة عاملة زي مسمار وعلي مسكها وبدأ يكتب بيها على الحيطة

"A m y"

"the brothers"

إبتسمت وانا بصاله

ملك:إيه الحلاوة دِه يخوي

علي إبتسم:مهنتفرجش أبداً ياختي

إبتسمنا كلنا وفضلنا نلعب

طلعت موبايلي وأنا بتلفت حواليا عشان أتأكد إن علي مش شايفني وصورت الحيطة وأنا ببتسم عشان أبعتها لعُمر

رتبت السرير بصيت لصورة متعلقة على الحيطة بتجمعنا كلنا وإبتسمت لما إفتكرت من 9 سنين

سها:يلا يا عيال عاد عشان هنتصور

علي:لع مهتصورش معاها

بصيتله بطرف عيني ووقفت قدامه

ملك:طب وأخوي حبيب جلبي هيزعل مني كَتير؟

علي بصلي بطرف عينه وعدى من جمبي فمشيت وراه ووقفت قدامه

ملك:عحبك والله يخوي جلبك ميكونشِ إسود إكده

علي:إبعدي عني

بصيت له بزعل وحضنته

ملك:لو مهتتصورش مش هتصور

علي:اعملي اللي هتعوزيه يا بت أبوي

ملك:حجك على جلبي

يوسف:ما خلاص عاد ياض منك ليها معنديناش إخوات بيتخانجو

بصيت لعلي برجاء لقيته بصلي بجمود بس نظرته إتحولت لحنان وحضني

علي:إياكِ يا بت أبوي ترفعي صوتك عليا تاني أنا هجولك اهه

حضنته أكتر

ملك:حجك عليا والله مهعملهاش تاني

يوسف:يلا عاد منك ليها عشان نتصور

خرجنا وإتصورنا كلنا صورة لطيفة

لمست وش علي ويوسف من الصورة ودموعي كانت بتكافح عشان متنزلش، حقيقي وحشوني، إزاي بقو بيكرهوني كدة؟

مسكت المقشة وكنست الأرضية وعيوني وقعت على حاجة المسرحية بتاعة علي، مهو خلص تعليمه في مصر والمفروض إن مشروع التخرج بتاعه كان مسرحية

لسة هقرب لقيت علي دخل

علي:بتعملي إيه؟

إتخضيت وإتوترت وبصيت لصوته

علي بغضب وتوتر:حاجتك عشان تفتشي فيها؟!

بصيتله وعيونا إتلاقت، أول مرة أركز إن علي عيونة زي عيوني، نطقت بتوتر

ملك:أنا، أنا أسفة كت... كت عحاول أرتب الجاعة (*الأوضة*)

لقيته زعق

علي:متدخليش الجاعة دِه تاني من غير إذن

عيوني دمعت وبصيتله وخرجت

دخلت أوضة يوسف بدأت أرتب، خرجت ودخلت اوضتي أرتبها لحد ما خلصت، مسكت موبايلي وانا قاعدة عشان أرتاح وكلمت عمر مكالمة صوت

مكانش بيرد لقيت أخويا علي ويوسف خرجو يقعدو قدام المزارع وعمر رد عليا

ملك:مشغول في إيه؟ إتأخرت في الرد؟

عمر إتكلم بإبتسامة:وحشتك ولا إيه؟

إتلكمت بصدق وأنا بقوم عشان أعمل المطبخ

ملك:أوي أوي، عملت إيه في يومك؟

إبتسم وحسيت بده في صوته

عمر:صحيت من النوم صليت وكنت قاعد باكل وبعدين خرجت أتمشى وإنتِ إتصلتي

إبتسمت

ملك:اها، أنا بقى صحيت من النوم، صليت ورتبت البيت وحالياً برتب المطبخ وهكلم الدليفري عشان أطلب ليا أنا وعلي ويوسف أكل، شوفت إنهاردة حجات في اوضة علي حقيقي كنت عايزة أعيط، عارف ياض يا عمر؟ وحشتني لمة زمان، فاكرة زمان لما كنا بنتخانق أنا وواحد فيهم كان التاني يقولنا الإخوات عندينا مهيتخانجوش أنا هجولكم أهه، كنا بعدها نحضن بعض كلنا ونتصالح، أنا كرهت بلدي يا عمر من ساعة ما إتخانقنا بسبب عاداتنا، عمر أنا نفسي نرجع زي زمان، نفسي أقدر أحضنهم وأطمن في وسطهم بجد، نفسي لما أخاف أجري على علي أستخبى فيه

حسيت عمر عيونه دمعت من نبره صوته وكان بيحاول يداري ده

عمر:إفتحي ماسينجر وردي عليا وبعدين نكمل كلام

إبتسمت وفتحت لقيته باعت

"السؤوال السادس، وده هختبر ثقتك فيا تاني، إحكيلي كذبة كذبتيها على حد قريب منك، أو كذبتي عمتاً"

كتبت

"لما قلت لعلي ويوسف إني بكرهم أكتر من كل حاجة وحشة، كنت بكذب من زعلي"

لقيته بعتلي

"هما بيتلاشوكِ دلوقت؟"

إتنهدت

ملك:ده أعتبره سؤوال ولا إختبار؟

عمر:........

يتبع

اقتحم حياتي

بقلمي

ملك السيوفي

جينفر اغريست

"مممم لأ إعتبريه من ضمن الإختبارات، إخواتك بيتلاشوكي دلوقت؟؟"

_________________________________

عمر:هكتبلك ثواني

لقيته كتب

"مممم لأ إعتبريه من ضمن الإختبارات، إخواتك بيتلاشوكي دلوقت؟؟"

كتبت

"لأ، أو أه، بص هو أنا مش عارفة يعني، أحياناً بحس إنهم بينكشوني وأحياناً بحس إنهم مش فاهميني، بقولك يا عمر، ممكن نتكلم صوت ونأجل اللعبة؟"

كتب

"هرنلك"

رنلي بدوره فرديت

ملك:سلام عليكم

عمر بهزار:عليكم السلام ورحمة الله وبركاته، خلاص يا ستي كلها 3 إختبارات وتخلصي من زني

عيوني دمعت

ملك:ممكن منكملش؟

عمر بإستغراب:هتنسحبي؟

ملك بدموع:أه، ومش عايزة أعرف السر كمان، بس مش عايزة نحظر بعض، بلاش نبعد عن بعض، خلينا نتكلم، أقولك إلغي الإختبارات دي إمسحها من دماغك مش هكمل

عمر:خلاص عاد يا ملاكي

تنحت فجأة، ملاكي؟، مفيش غير على وبابا ويوسف اللي كانو بيقولولي كدة!، وبعدين ده معناه إن عمر من الصعيد!

ملك:عمر؟

عمر بتوتر لاحظته بس كان بيخفيه:عيونه

ضحكت وإتكسفت

ملك:مش خايف مراتك تسمعك؟

عمر:تؤ

ضحكت، كان نفسي أقوله بقى أنا، بحبك، يا، عمر... بس، بس أنا مش شُجاعة كفاية إني أعترف بمشاعري لشخص عارفها! ما بالك مش عارفها! لأ وكمان عمر! يعني لو خسرته بسبب مشاعري دي أموت!!! وكمان متجوز!!

حسيت بضعف لما إفتكرت كونه متجوز ومسحت دموعي اللي نزلت بدون ما أحس وإتكلمت

ملك:ممم طب ما تحكيلي شوية عنها؟

عمر:هتعرفي بعد الإختبارات، وياستي مش هنبلك بعض

ملك:ماشي، يبقى نكمل التحدي

عمر:ماشي

ملك:هي شكلها حلو؟

عمر:مين دي؟

ملك:مراتك!

عمر بضحك:وهو مال كل كلامك على مراتي مراتي في إيه!

إتوترت

ملك:ولـ.... ولا حاجة

شهقت بفزع لما لقيت خبطة باب التلاجة اللي خرجتني من سرحاني واللي كان يوسف عملها

يوسف:هجولك عاد يا چموسة، إعملي شاي وهاتيه

بصيت بطرف عيني ليه من فوق لتحت ومردتش، مهو أنا مش جموسة فطبيعي إني مردش

يوسف:إنتي إطرشيتي يا به؟ هجولك إعمليلنا شاي

ملك:اعتقد ياخوي إني مش چموسة عشان أرد عليك عاد

يوسف:وكمان عتردي؟ إخلصي يا به

إتنهدت بألم وبصيت للموبايل اللي كان مفتوح وعمر سامع كل حاجة وقولت

ملك:طويب يبن أبوي، ممكن تخرچ عشان انا عتكلم في التلفون؟

لقيته بصلي وخرج

مسحت دموعي اللي نزلت وحاولت اكتم شهقاتي عن عمر عشان ميسمعش

ملك:سلام

قلتها ومقدرتش أستنى رده وقفلت، عملت الشاي ولبست نقابي وخرجت

قبل ما أخرج كنت واقفة قدام للمزارع وبما إن كنا في موسم الزراعة فكان الزرع طويل وسمعت كلمة خلتني أتجمد مكاني من الصدمة

"ملك بدإت تتعلج بعمر يا يوسف وشكلها عتحبه"

كانت كلمة من أخويا علي لقيت يوسف رد وحسيته إتوتر

يوسف:عمر مين يا علي؟ عمك تجصد؟ مهي طول عمرها هتحبه يابني إيه الچديد

علي بص وراه بعد كلمة يوسف وقام لما شافني وأخد الشاي

علي:إنچري على جاعتك ومشوفش وشك لحد ما أبوكي يرچع

مردتش عليه ودخلت أوضتي، بدأت أدور في أوضة علي، بصراحة مش هيهدالي بال غير لما أفهم لي مش عايزني اشوف المسرحية، بدأت أمشي ببطئ وأكني بحارب نفسي و

يتبع

اقتحم حياتي

بقلمي

ملك السيوفي

جينفر اغريست

"الإختبار التامن، الخوف، إحكيلي أكتر حاجة ممكن ترعبك"

______________________________________

قربت من الأوضة ببطء وأكني بكافح نفسي، مشيت لحد ما وصلت لحد حاجة المسرحية وجيت أقرب عشان أمسكها الباب خبط فبعدت، كان اللي بيخبط بابا ومراته على عكس العادة

ملك:يا مرحب يا مرحب الدار نور ليليليلي

سها:كني يا به وإكتمي معنديناش بنات تزغرد

ضحكت وحضنتها

ملك:مالك يا سوسو شكلك زعلانة

بصت لبابا بطرف عينها

سها:والله يا بتي مش زعلانة هزعل ليه يعني كان في حد ضايجني مثلاً؟

ضحكت وبصيت لبابا بحدة

ملك:إظاهر كدة إن حضرتك مزعل سوسو

بابا بص بغضب:وه وهو أنا اللي أبوكي ولا هي اللي أمك يا به!

ملك:وااه هتدخلنا فمواضيع تانية ليه ياحاچ؟ مضايج سها ليه؟ وبعدين مسافرتوش ليه لأهل مراتك يا حاج؟

بابا بغيرة طفولية:والله إسأليها يا بتي

ملك:وااه هتجعدو تحدفوني لبعض إكده؟ خلصو

سها:والله أبوكي اللي هيغير زيادة يا بتي

ملك:وااه؟ ليه؟

بابا بنفس نبرته:يعني يرضيكِ يا ملاكي تكون ماشية معاي وواحد يجولها يا مز إنت أموت فيك ياعود ملبن؟

سها بمقاطعة:راضية زمتك يا شيخة، دِه تنفع معاكسة؟ وبعدين دِه عود ملبن؟

ضحكت غصب عني وإتكلمت

ملك:بصراحة يا سوسو من غير زعل؟ ولا ملبن ولا بتاع

سها بصت لبابا وهي بتشاور عليا:شفت يا حاچ؟ جلتلك والله هيعاكس البت التانية اللي ماشية حدي مصدجتنيش وفوج كل دِه زعجتلي في الشارع

ملك بضحك:لاااه داحنا لو فضلنا إكده مهنخلصش، يلا يا سوسو نعمل الوكل

بابا إتنهد:هغير عليكي يا ولية

حسيت غضب سها هدي وحاولت تداري كسوفها وإتكلمت أكنها مراهقة في سن ال15

سها: وإنت غيرتك أوفر يا حاچ، وزعلانة منيك، بجى يا راچل فيه واحد عاجل يعاكس منقبة؟ وجدام راچل ماشي حديها؟ ضحكت وزقيت سها وقعتها على بابا والإتنين وقعو على الأرض وطلعت أجري على الأوضة أسيبهم لوحدهم عشان يتصالحو وأنا بزعق

ملك:أنا عايزة راچل يكون أخوي منيكِ يا سها

سها بكسوف شديد:وااه إحترمي نفسك عاد يا به

ضحكت ووصلت لحد المطبخ ومسكت موبايلي وإتكلمت وخرجت لحد اوضتي بما إنها جمب المطبخ

ملك:حقك عليا متزعلش بس كنت مخنوقة عشان كدة قفلت في وشك

إتكلم

عمر:ولا يهمك عادي

ملك بإبتسامة:تمام، نخش على السؤوال اللي بعده؟

عمر:إشطا

قفلت المكالمة وفتحت ماسينجر لقيته كاتب

"الإختبار التامن، الخوف، إحكيلي أكتر حاجة ممكن تخوفك"

رديت

"المرتفعات، مع إني مرة حاولت أنتحر من مكان عالي بس مقدرتش"

كتب

"ليه؟"

كنت لسة هرد سمعت بابا بيندهلي فكتبت وأنا بخرج

"طب بص يا عمر ثواني وجاية عشان بابا بيندهلي"

كتب

"ماشي "

قفلت الموبايل وخرجت قعدت جمب بابا

ملك:همم؟

بابا:فيه عريس متجدملك، وجبل ما ترفضي هو هيكون خطوبة مش أكتر، وكتب الكتاب هيكون بعد ما تخلصي تعليمك كاامل

إبتسمت وأنا بتكلم بشر وبصوت سكار قولت

ملك:ينورنا يبوي

سها ضحكت:أنا هجول مايچيش، لو مش عايز يموت مايچيش

ضحكت وبابا إتكلم

بابا:معايزاشي تعرفي إسمه؟

ملك بسخرية:إسمه إيه يعني فهد السيوفي ولا مراد الألفي يكونش أدهم الساجي وأنا معرفش؟

لقيته رد خلاني كنت هتجمد في مكاني

بابا:عُمر، إسمه عمر

يتبع

اقتحم حياتي

بقلمي

ملك السيوفي

جينفر اغريست

فاضل بارتين يا حلوين🖤

التاسع

"هقولك الإختبارين، وهتعرفي كل حاجة، الإختبار الأول، لو رجعتي بالزمن هيكون إيه اللي ممكن تغيريه؟"

"الإختبار العاشر والأخير، لو حد حبك بصدق وقدر يديكِ الحب والأمان والإهتمام والثقة اللي نفسك فيها، هتوافقي تكملي حياتك معاه؟" مصطفى(بابا): عُمر، إسمه عُمر

قلبي دق بسرعة وحسيت إحساس غريب، توتر، دقة غريبة بس لطيفة فرحة، إحساس جميل بالأمان، راحة، مقدرتش أرد،ده، ده عمر اللي قلبي دق ليه أول دقة، بس ازاي!! عمر متجوز!، ده غير إنه راح قابلها!، لا يمكن، لا يمكن عمر اللي بحبه يكون هو العريس

ملك:أنا تعبانة ومجدراشِ أتكلم واصل يبوي، هريح شوي وبعدين نتكلم

مصطفى:زي ما هتحبي يا بتي

طلعت أوضتي بتنهيدة، قبل ما أوصل لفت إنتباهي الأوضة بتاعة علي، هالة غريبة بتشدني عشان أقرأ محتوى المسرحية

قربت على الورق وبدأت أفتحة

"ولد وسيم وبنت مجنونة ولطيفة ومتدينة، هيتكلم مع صاحبة في يوم وإتحدى صاحبة إنه هيقرب من البنت دي، دخلها بدور اللطيف الجميل الوسيم، تحدي، بقى يقولها معلومات عنها وعن عيلتها لحد ما البنت بقت متعلقة بيه وبتشاركة تفاصيل يومها، وبعد التحدي قالها سر، ده كان رهان، وسابها لمجرد إنه كسب الرهان"

عيوني دمعت لما قرأت الإسكريبت بتاع المسرحية وجيت ألف وأنا برمي الورقة بقوة على المكتب لقيت علي داخل الأوضة

علي بتوتر:هتعملي إيه في الجاعة هو انا مش جولت مهتدخليش الجاعة دي واصل؟

ملك بزعيق ودموع: غور من وشي يا علي مكرهتش حد واصل ف حياتي جد ما كرهتك غور غووور

قلتها وزقيته وجريت على أوضتي

مسحت دموعي و مسكت موبايلي بطلع رقم عمر

وأول ما رد

ملك بهدوء وبرود:عامل إيه؟

عمر بإبتسامة:حبيب قلبي الحمد لله، وانتي أخبارك إيه؟

ضحكت بسخرية وإتكلمت

ملك:بخير، بخير أوي، معلش بقى بوظتلك الرهان، بس هتقول إيه أدي الله وأدي حكمتة

عمر:انتي بتقولي إيه أنا مش فاهـ....

ملك بمقاطعة وزعيق:مش عايزة أسمع حسك يا عمر، سيبني أخلص كلامي بعدين إبقى إرغي، مش عايزة أعرف أشكالك الزبالة تاني، كون بقى رهانك إنت وصاحبك هيفشل ف معلش تتعوض، وحاجة كمان، بكرهك

قلتها بإنفعال وزعيق ودموعي فلتت وقفلت الموبايل في وشة

عملت بلوك من كل مواقع السوشيال ميديا ليه وعملت بلوك لرقمه، ومسكتش عشان عارفة إنه أكيد هيحاول يوصلي عن طريق أرقام تانية وأكونتس فيك كتير فمسحت فيس وماسينجر وواتس أب

سيبت موبايلي وإنهارت ساعتها

الباب بتاع أوضتي خبط فمسحت دموعي وفتحت لقيت أبويا بصيت للأرض

ملك بهدوء:مجادراش أتكلم واصل يبوي

مصطفى: ملاكِ يا حبيبي عايز أوضحلك حاچة

ملك بدموع وإنفعال:مفيش حاچة تتوضح يبوي، إبعد عني

بصلي وخرج

قفلت الأوضة على نفسي ونمت على السرير، كدة يا عُمر؟ طب بلاش إنت يا غريب، علي أخويا يعمل كدة فيا؟؟؟ ويوسف كمان!!! وأكيد أبويا كان عارف، أنا كلها كام يوم وهرجع مصر، ومش راجعة الصعيد تاني، أبداً

عدى تلت أيام ورا بعض وأنا في أوضتي، بتلاشى التعامل مع بابا وعلي ويوسف ومش بخرج من أوضتي، قمت في اليوم الرابع لإن كنت هسافر مصر بكرا فجهزت هدومي، لأول مرة أكون هسافر ومودعش بابا وسها، ولأول مرة أبص لعلي ويوسف وكأني مش طايقة وجودهم كانت في الأيام اللي فاتت، حقيقي مش قادرة أوصف زعلي منهم، فتحت موبايلي بعد ما مسحت دموعي ومسكت موبايلي لقيت رسالة مبعوتة على sms

"هقولك الإختبارين بس من غير ما تظلميني، وهتعرفي كل حاجة، الإختبار التاسع، لو رجعتي بالزمن هيكون إيه اللي ممكن تغيريه؟"

إتنهدت ومسكت موبايلي وكتبت

"عشان أخلص هرد، وهقدر أنفذ الأتفاق وتشيلني من حياتك، هغير علاقتي مع إخواتي والسبب اللي خلانا نتفرق كنت هلغيه عشان منتخانقش"

كتب بسرعة

"هقولك أخر إختبار"

"الإختبار العاشر والأخير، لو راجل حبك بصدق وقدر يديكِ الحب والأمان والإهتمام والثقة اللي نفسك فيها، هتوافقي تكملي حياتك معاه؟"

كتبت

"مفيش راجل كويس!، كلكم زبالة، كلكم بتلعبو عشان مصالحكم الشخصية، كلكم مش كويسين، مفيش راجل في الدنيا مبيكذبش، وبعد إذنك أنا جاوبت على الإختبارات، إخرج من حياتي"

كتب

"تمام، إنزلي تحت عند الزرع اللي إخواتك وأبوكي بيزرعوه''

يتبع

اقتحم حياتي

بقلمي

ملك السيوفي

جينفر أغريست

ل

اتمنى يعجبكم وبجد هتوحشوني خالص

تنهيدة خرجت من بقي وأنا بلبس خماري ونقابي على الجلباب اللي كنت لابساه في البيت وداريت إيدي في خماري وأنا بخرج من أوضتي، بابا كان واقف حاول يكلمني بس حقيقي مقدرتش أرد عليه بصيتله لما سألني

مصطفى:راحة فين يابتي؟

تنهيدة صغننه خرجت من بقي وأنا بكافح عشان أرد

ملك:خارچة لبرة شوي يبوي

مصطفى: روحي يا بتي، حجك عليا

بصيت بطرف عيني لعيونه ومقدرتش أرد، سيبته وخرجت متجهة لتحت لقيت عمر قدامي

فرحة، عتاب، زعل، حُب، كل ده كان في قلبي تجاهة

ملك:عايز حد إهني؟

قرب مني ووقف قدامي وفجأة حضني خلاني كنت هعيط من العصبية

عمر:ملك!!

زقيته بعيد عني وضربته بالقلم

ملك بحدة:يظهر إنك نسيت نفسك!! جاي ليه!

عمر بص لعيوني وشدني غصب عني للبيت: هقولك كل حاجة

ملك بحدة وزعيق:إبعد عني!

دخلنا البيت وقفل الباب وكان بابا وإخواتي واقفين، مد إيده وشال نقابي بعدين ضحك

كحركة لا ارادية مني شديت نقابي علي وشي وضربته بالقلم تاني وزعقت

ملك بزعيق:لا دانت إتجننت بقى!!

مشيت للأوضة بتاعتي قاطعني صوته

عمر:مجنون عشان عايز أشوف وش مراتي وحبيبتي وكل حياتي؟

لوهلة ركزت على بوكيه الورد الأبيض في أحمر اللي كان في إيده، ولبسة اللي باين منه إنه غير مسطنع بصيت لبابا لقيته إتكلم

مصطفى:ده عمر العريس اللي كان چاي ليكي يا بتي

زعقت

ملك:چاي ليا يتچوز وياقبل يا ارفض ولا چاي يحطني جدام الأمر الواجع ويجولي أنا چوزك؟ ومين إداكو الحج إنكو تچوزوني وأنا لسة جاسر الزواچ دِه باطل!!

قلتها بكل الزعيق اللي جوايا وطلعت أجرى على الأوضة بتاعتي لقيت سها جت

سها:ممكن نتحدت يا بتي!؟

ملك بهدوء ودموع:هنتحدت ف إيه عاد يا سها؟ مشوفتيش بعنيكي اللي حصل؟

سها:الواد هيحبك جوي يا بتي

ملك بمقاطعة وعياط:الواد هيحبني جوي؟ لع يا سها، هجولك حكاية الواد، الواد حب ينفذ مسرحية اخوي، الواد كان عيتراهن عليا هو وأخوي عشان عحبه، أنا جريت المسرحية، وسمعت أخواني وهما هيتحدتو علينا

سها:أنا جريت المسرحية، وكنت عارفة كل حاچة

ملك:كدة يا سها؟

سها:مكانش فيه حاچة تخليكي تحدتي الواد دِه واصل غير فضولك يا بتي، هو إتچوزك بعقد شرعي وچوازكم شرعاً غير باطل

ملك بمقاطعة:والزواچ جبول ورفض من الطرفين، وانا مش موافجة

سمعت صوت عمر بيقول

عمر:ممكن نتكلم لوحدنا شوية؟

سها إبتسمت وخرجت جيت أخرج لقيته مسكني

عمر:بحبك

بصيت ولقيتني برد عليه بزعل إتضح في نبرة صوتي

ملك:ربنا يجبر بخاطرك، إبعد عشان عايزة أنزل

عمر بغمزة: وإن مبعدتش؟

ملك بزعيق:هزعج إكده وأجول بيحاول يخطوفني ويعتدي عليا

حط إيده على بقي من فوق النقاب

عمر:هششش هشش إسكتي يا شيخة دانتي فضيحة

ملك:تشكر، إمشي بجى عشان عايزة أنام وعندي سفر بكرا

لقيته قرب مني وقال بهدوء

عمر:ممكن نتكلم طيب؟

إتنهدت وأنا باصة للأرض

ملك:قول

عمر:حبيتك، من أول مرة شوفتك فيها لما كنتي في المدرسة الثانوي، كنت بشوفك كل يوم وانتي داخلة وخارجة، كنتي الوحيدة المنتقبة في المدرسة ف سهل إني أعرفك، حبيت تلقائيتك، حبيت عيونك لما بتتقفل وانتي بتضحكي، حبيت إسلوبك صحابك، حبيت ضحكك حتى لما المُدرسة تزعقلك وتريقتك انتي وصحابك على زعيقها، حبيت حيويتك

وطاقتك، لحد ما وصل بيا الحال إني كنت بمشي وراكي، وعرفت ساعتها عنوان بيتك في القاهرة وعرفت كمان إنك مش عايشة هناك وإنك هناك في فترة مؤقتة لحد ما إمتحاناتك تخلص وتاخدي الأجازة، وأول ما أخدتي الأجازة كنت في أخر إسبوع بايت قدام العمارة اللي كنتي ساكنه فيها، كنت بشوف عمك عمر لحد ما لاحظني وحس إن في حاجة غريبة، ومن ساعتها وأنا وهو صحاب، بعدين جابني الصعيد عشان أكلم والدك وأتقدم، وكنت كل يوم بطلبك من ربنا لحد ما والدك وافق، عقدت عليكي من وليك اللي هو والدك، وإداني مُهلة محددة، وساعتها قالي إني لو مكسبتش قلبك خلال المدة دي هيطلب مني أطلقك، إخواتك كانو عارفين بحكايتي وحكولي اللي حاصل بنكم وطلبو مني لما عرفو موضوع الإختبارات إني أحط كام إختبار ليهم علاقة بيهم عشان علاقتكم ترجع زي الأول، وقولتلك إني متجوز عشان أعرف زوقك، وأه حاجة أخيرة، لما بعدت كان لازم أبعد عشان أعرف غلاوتي عندك، عشان كنت عايز أعرف هوحشك ولا لأ، بعدت إسبوع وإخواتك بنفسهم جم قالولي كفاية بُعد، إنتي كنتي متدمرة نفسياً ومكنتيش بتاكلي، كمان قالولي اليوم اللي كلمتك فيه وإتطمنتي إني بخير إيه حصلك وإنك فرحتي بس زعلتي مني، وحقيقي مهما فضلت أوصفلك حبي ليكي مش هقدر أوصف، أنا بجد بحبك، أه صحيح، المسرحية ملهاش أي علاقة بيا أنا وانتي دي جت صدفة والله

حسيت إني هقع من كمية الصدمات اللي جت فوق راسي دي فإبتسم وقال جمب ودني

عمر:يعني يرضيكي أفضل سنة بحالها بطلبك من ربنا وسنة تانية بحاول أنول الرضا من أهلك وفي الأخر ترفضي؟ طب دانا حتى مز وحليوة

ضحكت غصب عني، يمكن مضحكتش فرحة ضحكت صدمة

لقيت علي ويوسف جايين وعلي حضني وهو بيقول

علي:معنديناش أخت تزعل من إخواتها عاد

إبتسمت غصب عني لما إفتكرت الكلمة وإنه غير منها

شديت على حضنه لا ارادياً مني، كان واحشني بشكل رهيب، على الرغم من زعلي منه بس حقيقي كان واحشني

يوسف:وه وه وه وأنا مليش من الأحضان حاچة ولا من لجي حبابه نسي صحابه؟

إبتسمت وأنا بصالهم وعلي بعد عن حضني جريت حضنت يوسف وفضلت أعيط

ملك بعياط:هونت عليك يا يوسف تزعلني منيك كل الفترة دِه؟

حضني هو كمان وقال بإبتسامة

يوسف:حجك على جلبي يا جلب يوسف

علي بغيرة أخوية مضحكة: أچيبلكم شچرة وتنين لمون عاد؟

ضحكت وسط دموعي وبصيت ليهم هما الإتنين

ملك بهزار:عحبكم جوي جوي يا عيال

علي بصدمة مضحكة:عيال؟ أنا يتجالي عيال؟

يوسف بصدمة اكبر وهزار:وه؟ يعني هو عشان الفرج بينا دجيجة هيبجى ميتجالكش عيال وأنا يتجالي؟

ضحكت وأنا بصالهم وبمسح دموعي

يوسف بمشاكسة:إخلعي حچابك معنديناش رچالة غريبة دِه چوزك

بصيت لعمر وحسيت إن وشي كله بقى أحمر وقولت

ملك:لالالا مفيش داعي يخوي

عمر بمشاكسة: طب أنا عايز مكافأة مش أنا رچعتكم تتحدتو مع بعض تاني وفهمتكم سبب زعلها؟

يوسف:جول جول

عمر بإبتسامة وغمزة:عايز أتچوز

ملك بعند:مش موافجة

يوسف:إتنيلي أبوس يدك

ضحكت

ملك بهزار:عجولك إيه يا يوسف إنت وعلي عايزين تچوزوني عشان تبيعو جاعتي مش إكده؟

علي بضحك:إهيييه عايزين بت ابونا تبجى مبسوطة فيها حاچة دِه؟

إبتسمت بفرحة وبصيت عليهم

ملك: شوف يا عُمر عجولك حاچة، إديني فرصة سنة سنتين أفكر وعجولك

عمر:وه؟ والله سنة سنتين أكون فكرت أتچوز عليكي انا هجولك أهه

ملك:ناااااعاااااامم!

وهنا أعزائي القراء والقارئات طلعت الشرشوحة اللي جوايا

ملك:تتجوز على مين يا فنلة دايبة ماسكاها شايبة يا جزمة عرة لابساها هِرة يا كلب بحر ماسك في صخر يا موتااااخاااليييف

عمر بصدمة:مين معايا؟

ملك بحدة:برة

عمر:طب وافقي وهجيبلك مُراد الألفي تتصوري معاه

ملك:وهتجيبلي أدهم الساجي؟

عمر:وفهد السيوفي والله

ملك:وأسد الأسيوطي!؟

عمر:وزين كمان بس وافقي بقى

ملك:ممم هفكر، لأ أنا مش موافقة

وهنا أعزائي القراء والقارئات أنا في الثبات على موقفي معنديش يما إرحميني وحالياً بكتبلكم حكايتي وكملت تعليمي وبقيت دكتورة وطبعاً متجوزتش عمر إطلاقاً عشان أنا في الثبات على موقفي معنديش يما ارحميني

عمر بضحك:امال فهد وزين دول جم منين

ملك بضحك:بحبك

النهاية