تحميل رواية «غرام الافاعي» PDF

رواية غرام الافاعي الفصل الاول

علي سفره كبيره كان قاعد المنشاوي معاه مراته

وبنت مراته وزين ابن اخو وبعدها المنشاوي قال

المنشاوي

بجد متعرفش انا فرحان ازاي انك رجعت مصر ومش بس كده لا ناوي كمان انك تستقر

وبعدها درت منيره مرات المنشاوي وقالت

منيره

قولي يا زين عمك كان بيقولي انك دكتور شاطر

اوي واكيد يعني ناوي تفتح عياده هنا

مش كده

زين

بصراحه طموحي اعلي من كده بكتير لا انا مش عايز افتح عياده انا بفكر ان اشتري مستشفي

واكون انا المدير بتاعها

وبعدها رحت نهي بنتها وقالت

نهي

مش شايف موضوع مستشفي ده كبير عليك شويه

انت سنك صغير يعني

زين

مش بالسن بالشاطره والمجهود وانا بصراحه شايف

إن اقدر علي كده

وبعدها خرجت نادين بنت في عمر العشرين وكانت معاها اطباق وحطت طبق قدام منيره اللي زعقت فيها وقالت

منيره

هو انتي اي مش بتفهمي في الأصول خالص هو انتي

مش عارفه المفروض تقدمي للضيف الاول

نادين

انا اسفه بس شوربه حضرتك بيكون فيها التوابل بتاعتك

وبعدين قولت احط الطبق ده

وبعدها قامت منيره من مكانها وبعدين قالت

منيره

هو انتي هتردي عليا الكلمه بكلمتها ولا اي

اخلصي يلا غوري علي المطبخ مش عايزه كلام كتير

كانت ماشيه و المنشاوي عامله

يبص ليها وراحت منيره قالت ليه

منيره

جرا أي مش ناوي تكمل اكلك ولا اي عامر تبص عليها

ولا ناوي تقوم من علي الاكل

المنشاوي

لا هاكل

وفي الوقت ده قام زين من علي الاكل

وهو ساكت ووشه متغير ومنيره بصتله وقالت

منيره

جراي ايه يا زين في ايه اكلك لسه زي ما هو انت مش ناوي تاكل ولا ايه

زين

لا شبعت الحمد لله عن اذنكم انا هخرج اشرب سيجاره برا

وفي الوقت ده المنشاوي حط المعلقه بعصبيه وقال

المنشاوي

بطلي تتكلمي مع نادين بالطريقه دي هي مش شغاله عندك دي بنتي انتي سامعه ولا لا ومهما حصل مش هسمحلك تكسريها بالكلام قدامي بالشكل ده

منيره

انا مش عايزه اسمع الكلمه دي خالص انت سامع ولا لا هو انت مالك فخور بيها ليه كده دي بنت الست اللي اتجوزتها وخانتك المفروض زي ما امها ماتت هي كمان تموت ونخلص منها بدل القرف اللي احنا عايشين فيه بسببها

المنشاوي قام مره واحده من علي السفره ووشه قلب وقال

المنشاوي

بطلي كل شويه تتكلمي معايا في السيره دي انتي سامعه ولا لا انا مش كل ما احاول انسي تفتحيلي الجرح من اول وجديد حرام عليكي كفايه بقي اللي انا عشته بسبب الكلام ده

وبعدها ساب السفره ودخل المكتب بتاعه وقفل الباب بعنف ومنيره بصت لنهي وقالت وهي بتقرب منها

منيره

اسمعي كلامي كويس زين ده فرصه ماتتعوضش الراجل غني ودكتور وشكله هيبقي ليه اسم كبير اوي بعد كام سنه وانا مش هسيب الفرصه دي تضيع من ايدك فاهمه ولا لا

نهي

بس شكله انسان تنك يا ماما وحاسه اني مش هرتاح معاه ده حتي طريقه كلامه تحسسك انه شايف نفسه علي كل اللي حواليه

منيره

والله العظيم ما يهمني ترتاحي ولا لا المهم تضمني مستقبلك والراجل ده لو مسك مستشفي زي ما بيقول هتبقي عايشه ملكه وانتي اصلا محتاجه واحد يصرف عليكي مش يكون بيعملك حلو وبس فكري في كلامي

وفي المكتب كان قاعد المنشاوي وبيفتكر اللي حصل زمان

فلاش باك

المنشاوي واقف في مكتبه وعامل يدور علي الورق وبعدين قال لمنيره اللي كانت واقفه معاه

المنشاوي

هو ازاي الورق ده اختفي انا فاكر كويس اوي اني كنت حاطه هنا بنفسي قبل ما اطلع من المكتب امبارح

منيره

مفيش اي حد بيدخل مكتب حضرتك خالص وطالما الورق مش موجود يبقي اكيد حضرتك نسيت تجيبه من البيت

المنشاوي

طب انا هروح الفيلا دلوقتي اشوف الورق هناك ولو لقيته هرجع بسرعه علشان الاجتماع ده مهم اوي ومينفعش يحصل فيه اي غلط

منيره

طيب انا هاجي مع حضرتك حتي لو حضرتك اتأخرت انا اخد الورق وارجع علي الشركه بسرعه علشان الدنيا ما تبقاش متعطله

وبعدها فعلا ركبوا العربيه ووصلوا الفيلا والمنشاوي دخل المكتب بسرعه وبدأ يدور بعينيه وبعدها وقف مره واحده وهو شايف الملف قدامه علي المكتب

المنشاوي

انا مش فاهم بجد ازاي نسيت اني ما اخدتوش الموضوع ده غريب جدا اصل انا متأكد اني

اخذته معايا قبل ما انزل

اعتماد

مش وقته حضرتك الموضوع ده في اجتماع مهم لازم حضرتك تكون موجود فيه دلوقتي يلا بينا

وبعدها كانوا خارجين من المكتب وكانت سنيه الشغاله واقفه واول لما شافته قال

سنيه

اي ده حضرتك هنا ازاي اقصد يعني هو فيه حاجه حصلت في الشركه ولا ايه

المنشاوي قبل ما يرد وقف مره واحده وهو سامع صوت راجل جاي من اوضه النوم وبعدها جري ناحيه الاوضه وسمع اعتماد مراته وهي بتقول بخوف

اعتما

د الله يخليك يا حلمي بلاش تيجي الفيلا هنا تاني جوزي لو شافك هتحصل مصيبه كبيره خليك في البيت عندك وانا بعد كده هاجي اشوفك

وقبل ما تكمل كلامها الباب اتفتح بعنف واعتماد اول لما شافت المنشاوي وشها قلب وقالت

اعتماد

المنشاوي اسمعني ارجوك الموضوع مش زي ما انت فاهم والله العظيم انا كنت هقولك علي كل حاجه

وفي اللحظه دي حلمي اول لما شاف المنشاوي جري بسرعه ناحيه البلكونه والمنشاوي كان واقف جسمه بيترعش من الصدمه وبعدها فتح الدرج بسرعه وطلع المسدس وهو بيزعق

المنشاوي

يعني بعد العمر ده كله تخونيني في بيتي ومع اقرب الناس ليا والله العظيم ما هرحمك

اعتماد كانت بتعيط وبتقرب منه وهي بتقول

اعتماد

ابوس ايدك اسمعني والله الموضوع اكبر من اللي انت فاهمه وانا كنت غصب عني

لكن المنشاوي كان فقد اعصابه تماما وصوت ضربه النار ملي المكان واعتماد وقعت علي الارض وسط صريخها ومنيره كانت واقفه بره الاوضه مصدومه وحاطه ايدها علي بقها وهي بتقول بصوت واطي

منيره

يا نهار اسود انت قتلها بجد انت ازاي تعمل كده بس

المنشاوي كان قاعد علي الارض وجسمه كله بيترعش وعنيه ثابته علي اعتماد اللي كانت مرميه قدامه ومنيره قربت منه ببطء وقعدت جنبه وقالت

منيره

ما ينفعش اللي حضرتك عملته ده احنا لازم نفكر هنعمل ايه دلوقتي قبل ما حد يعرف اللي حصل فوق هنا

المنشاوي

هنبلغ البوليس وهتقوليلهم الحقيقه كلها هتقولي اني شوفتها مع راجل غريب في اوضتي وما حسيتش بنفسي وقتها

منيره حطت ايديها علي كتفه وقالت بصوت هادي

منيره

طبعا انا مستعده اعمل اي حاجه علشان خاطرك بس فيه مشكله كبيره اوي محدش هيصدق الكلام ده فين عشيقها اللي كان معاها الراجل هرب ومفيش اي دليل عليه

المنشاوي

طب هنعمل ايه دلوقتي انا حاسس ان دماغي هتنفجر ومش قادر افكر

منيره

انا هقدر اخلصك من الحوار ده كله بس المشكله الوحيده في سنيه الشغاله اللي تحت دي لو فتحت بقها بكلمه الدنيا كلها هتبوظ علينا بس متقلقش طول ما انا جنبك محدش هيقدر يوصلك لحاجه

المنشاوي فضل باصص ليها وهو ساكت تماما ومنيره قامت بسرعه ونزلت علي المطبخ وكان وش سنيه باين عليه الخوف اول لما شافتها وقالت

سنيه

هو اي اللي بيحصل فوق يا استاذه منيره انا سمعت صوت ضرب نار وقلبي وقع من الرعب

منيره

مش عايزه كلام كتير اعتماد هربت مع عشيقها وكان المنشاوي بيه بيحاول يخوفهم بس هما جريوا قبل ما يمسكهم

سنيه

ازاي الكلام ده انا والله ما شوفت حد نزل من فوق ولا حتي باب الفيلا اتفتح

منيره قربت منها وبصت في عينيها جامد وقالت

منيره

قولتلك مش عايزه رغي كتير انتي فاهمه ولا لا واللي سمعتيه تنسيه خالص كأنه ما حصلش

وبعدها فتحت شنطتها وطلعت رزم فلوس كتير وحطتها قدام سنيه وقالت

منيره

خدي الفلوس دي واعتبريها نهايه الخدمه من النهارده انتي مش هتشتغلي هنا تاني وهتمشي دلوقتي حالا ومش عايزه اشوف وشك هنا مره تانيه

سنيه بصتلها بذهول وقالت

سنيه

هو اي اللي بيحصل بالظبط يا استاذه منيره انا حاسه ان فيه حاجه كبيره مستخبيه وانتم خايفين اقولها

منيره مسكت دراعها بعنف وقالت

منيره

اسمعيني كويس لو بتحبي نفسك هتاخدي الفلوس دي وتمشي وتنسي انك اشتغلتي هنا اصلا غير كده انتي اللي هتلبسي كل حاجه والبوليس اول ناس هيشك فيها هي الخدامه اللي كانت موجوده وقت الجريمه فاهمه ولا لا

سنيه اول لما سمعت كلمه جريمه وشها اصفر وقالت بخوف

سنيه جريمه ايه يا ساتر يارب هو الست اعتماد حصلها حاجه

منيره سكتت لحظه وبعدها قالت ببرود

منيره

قولتلك ملكيش دعوه بحاجه خدي الفلوس وامشي من هنا حلا

وسنيه كانت مرعوبه ودموعها نازله من الخوف واخدت الفلوس ومشيت بسرعه وهي مش قادره حتي تبص وراها ومنيره فضلت واقفه شويه وبعدين طلعت تليفونها واتصلت بحد وقالت بصوت واطي

منيره

عايزاكم تيجوا الفيلا حالا وفي شغل مهم جدا لازم يخلص الليله دي ومحدش يعرف عنه حاجه

وبعد حوالي ساعه دخل اتنين رجاله الفيلا ومنيره طلعت بيهم علي فوق ولما دخلوا الاوضه لقوا المنشاوي لسه قاعد جنب اعتماد وعنيه كلها دموع ووشه شاحب ومنيره قربت منه وقالت

منيره

ما ينفعش حضرتك تكون قاعد كده احنا لازم نتصرف دلوقتي قبل ما الدنيا تبوظ فوق دماغنا كلنا

المنشاوي

انا مش قادر استوعب اللي حصل دي كانت مراتي وعشت معاها عمر كامل ازاي كل حاجه انتهت في لحظه كده

منيره

الندم دلوقتي مش هيفيد بحاجه احنا لازم ندفنها الليله دي حالا وبعدها تعمل محضر اختفاء علشان محدش يشك فيك ولا في اي حاجه

المنشاوي فضل ساكت وهو مش قادر يفكر ومنيره مسكت ايده وقومته من مكانه وبعدها الرجاله شالوا جثه اعتماد ونزلوا بيها الجنينه الخلفيه للفيلا وفي نص الليل كانوا بيدفنوها والمنشاوي كان واقف يبص للتراب وهو حاسس ان روحه بتتدفن معاها

وبعدها بكام يوم كان المنشاوي قافل علي نفسه الاوضه ومبقاش بيخرج خالص ومنيره دخلت عليه وهي شايله صينيه اكل وقالت

منيره

انا اسفه اني جيتلك كده بس بجد مش عاجبني الوضع اللي حضرتك فيه ده اي حد مكانك كان هيعمل اللي انت عملته

المنشاوي

بس انا لازم كنت اسمعها لازم كنت اعرف انا عملت فيها ايه علشان تخوني بالطريقه دي بجد انا مش قادر افكر في حاجه غير اللي حصل

منيره

انت ما لكش ذنب في حاجه هي اللي خانت العشره وخانت ثقتك فيها وانت انسان مكسور ومجروح ومحتاج حد يقف جنبك

المنشاوي

وكمان نادين راجعه من المدرسه الداخليه النهارده وانا مش عارف هقولها ايه لما تسألني علي امها

منيره

السر ده ما ينفعش حد يعرفه غيري وغيرك ولازم تفكر بعقلك شويه وتقولها ان امها سابت البيت ومشيت وخلاص

وبعدها قامت من مكانها وحاولت تهديه وبعد كام ساعه كان المنشاوي قاعد في الجنينه سرحان وفجأه سمع صوت نادين وهي بتجري عليه وتحضنه

نادين

ازيك يا بابا عامل ايه ما تعرفش انت واحشني ازاي وماما عامله ايه بجد موضوع المدرسه الداخلي ده مضايقني جدا

المنشاوي حضنها ودموعه كانت هتنزل بالعافيه وقال

المنشاوي

حصل مشاكل بيني وبين ماما وهي سابت البيت ومشيت وانتي دلوقتي كبيره ولازم تقدري الموقف

نادين كانت بتحاول تمسك دموعها وقالت

نادين

بس راحت فين يعني وماما بتحبك اوي ويستحيل تعمل حاجه تزعلك بالشكل ده

المنشاوي

مش كل اللي بنشوفه بيكون حقيقي المهم اطلعي غيري هدومك وارتاحي من السفر

نادين

طلعت وهي مخنوقه ومش فاهمه حاجه ومنيره قربت من المنشاوي وقعدت جنبه وقالت

منيره

انا مش هسمحلك تأذي نفسك اكتر من كده انا لازم افضل جنبك ومعاك لحد ما تقوم من اللي انت فيه

المنشاوي بص لها وقال

المنشاوي

هو انتي ليه بتساعديني اوي كده رغم كل اللي حصل

منيره بصت في عينيه وقالت بهدوء

منيره

ما تعرفش انا بحبك ازاي وبجد زعلانه عليك من قلبي وانت لازم تفوق لنفسك وتعرف انك ضحيه مش مجرم

ومع الوقت المنشاوي بدأ يتعلق بيها ويحس انها الوحيده اللي واقفه جنبه وبعد شهور اتجوزها وعاشت هي ونهي في الفيلا الكبيره ومن يومها بدأت منيره تظهر وشها الحقيقي مع نادين وكانت كل يوم تعذبها بطريقه جديده وتحسسها انها غريبه في بيت ابوها

باك

وفي الجنينه كانت نادين ماسكه كتاب وبعدها راح زين جنبها ومسك الكتاب وقال

زين

اممم من كتاب في علم النفس شكلك مثقفه اوي

مش كده

نادين قربت منه وبعدها قالت

نادين

لو سمحت هات الكتاب وبعدين وانت مالك انت

زين

شكلك بجد متعلمه طب ايه اللي خلاك تشتغلي شغلنا اللي انت شغلاها دي وازاي تسمحي اصلا لمنيره انها تتكلم معاكي بالطريقه دي

نادين

هو انت على طول كنت عايش بره ليه وسافرت امتى يعني شكلك صغير مش كبير يعني اكيد عارف عمك كويس وفاكرو على العموم لو انت مش عارف انا مين انا هقول لك انا بنت المنشاوي مش شغاله عنده

وبعدها زين هيتصدم الكلام اللي سمعه وبعدين هيقول ليها

زين

معقول الكلام ده ازاي يعني وبعدين انا سافرت مع بابا وانا عمري كان 13 سنه كانت مامتك حامل فيكي صحيح هي فين مامتك انا كنت عارف ان عمي متجوز واحده غير العقربه اللي جوه دي

نادين ضحكت وقالت

معقول الكلام ده انت اقعدت معاها ساعه عرفت انها عقربه لا شكلك شاطر اوي

زين

مش رديتي على سؤالي يعني انا بسالك مامتك راحت فين وازاي عمي يتجوز واحده زي دي

نادين

غير الحوار ده انا مش بحب اتكلم في الموضوع ده خالص

بعدها قربت عليهم نهى وقالت

نهي

هي مش ماما قالت لك بلاش موضوع الكتب والقرايه دي انت ما بتسمعيش الكلام ليه انت غاويه كل شويه انها تبهدلك يعني

نادين

انتي ايه إللي بتعملي ده انتي مالك انتي اقرأ ولا ماقراش

نهي

انتي بقا اللي عايزة تجيبي لنفسك الكلام انا هخلي ماما تيجي لك بقا وهي اللي تتصرف معاكي

زين

في ايه يا نهي هو ايه إللي حصل لده كله نادين معملتش حاجة غلط عشان تاخدي منها الكتاب بالطريقة دي

نهي بتزعق

انت بتدافع عنها كمان يا زبن دي واحده معندهاش كرامه وعامله نفسها هانم وهي ولا حاجه

نادين

هي مين دي اللي ولا حاجة انتي ناسيه انكم هنا في أبويا وانتو اللي هنا قاعدين عندنا

وخرجت منيرة من جوه وقالت

منيرة

هو ايه يا نهي انتو مالكم بتزعقوا ليه كده

نهي

تعالي ياماما شوفي الخدامه دي بتقول إيه عني انا وأنتي قال ايه ده بيتها واحنا قاعدين عندها هي اصلا اول لما شافتني اتخانقت معايا يا ماما

زين

انتي كدابه يا نهي علي فكرة عشان انتي اللي بدأتي الأول نادين كانت قاعده في حالها وانتي اللي جيتي وجريتي شكلها

نهي

بقا انا كدابه يا زين شوفتي يا ماما هما الاتنين متفقين عليا اكيد الهانم هي اللي قالت له يقول

زين

وهي هتقولي فين وأنتي لسه واقفه قدامنا متحركناش اهو

منيرة

بااااس خلاص اسمعي يا بت انتي موضوع الكتب والقرايه اللي انتي عماله شغاله فيه ده تنسيه خالص انتي سامعه ولا لأ

نادين

وهي القرايه اللي انا بقراها مضيقاكي في ايه مش فاهمة انا وبعدين انا بذاكر مش بقرا كده وخلاص

منيرة

والله يعني انتي بتذاكرى طيب اهوووو وادي الكتاب اللي انتي بتذاكري منه

ومسكت الكتاب وقطعته نصين ونادين عيطت وقالت

نادين

حرام عليكي انتي عملت كده ليه انتي مش عارفه المادة دي صعبه اد إيه

زين

انتي ليه عملتي كده علي فكرة مكانش ينفع ابدا اللي حصل ده

منيرة

انا بقا مزاجي كده وعملت اللي علي مزاجي وانتي بقا يا حلوه قابلي اللي جاي يلا بينا يا نهي ندخل جوه

وسابت نادين منهارة وخدت نهي ودخلت جوه وزين قالها

زين

متزعليش نفسك يا نادين انا لما عمي يرجع هحكي له كل حاجه حصلت وهخليه يحط حد للحكايه اللي حصلت دي

نادين بدموع

وانت فكرك يعني يا زين بابا هيعملها ايه ده ولا كأنه هيسمع حاجة ويمكن يجي عليا انا أنا عارفة كويس اللي هيحصل ايه

زين

طيب شوفي الكتاب ده ممكن نجيب غيره منين وانا اجيب لك واحد غيره

نادين

ده لازم يتجاب من الجامعة ومش عارفه هل هيرضوا يدوني واحد غيرة ولا لأ ممكن دكتور المادة مايرضاش

زين

متقلقيش انا هتصرف ومش عايزة تزعلي أبدا

وقعد زين يبص لها بحزن وجوه عند منيرة كانت في اوضتها وعماله بتتمشي بعصبيه وهي ماسكه التليفون وبعدها اتصلت بالمنشاوي واول لما رد قالت بصوت كله غضب

منيره

تعالي بقا دلوقتي الحق بقي وشوف بنتك اللي مش عارف تربيها دي عملت ايه النهارده

المنشاوي

في ايه يا منيره اهدي وفهميني ايه إللي حصل

منيره

بنتك اتخانقت مع نهي وقالت لها ده بيت ابويا وانتو قاعدين فيه وكانت عايزه تطردنا من البيت كمان قدام زين ابن اخوك

المنشاوي سكت لحظه وبعدها قال بعصبيه

المنشاوي

ازاي تعمل كده هي اتجننت ولا ايه معقوله نادين تعمل كده

منيره

واكتر من كده كمان يا حبيبي دي بقت تتكلم معايا بطريقه وقحه وكل شويه ماسكه كتب وقاعده تقرا وكأنها دكتوره الجامعه مش بنت عايشه في خير ابوها دي طولت لسانها عليا انا وبنتي

المنشاوي

موضوع القرايه ده سيبيه دلوقتي يا منيرة وبعدين انتي عارفه انها بتحب المذاكرة أوي

منيره

لا مش هسيبه يا منشاوي انا من زمان بقولك التعليم ده مش هيعملها حاجه غير انها هاتشوف نفسها علينا البنت دي لازم تطلعها من التعليم وتخليها تقعد في البيت احسن لها انت سامع ولا لأ

المنشاوي

مش هينفع يا منيره دي وصلت سنه مهمه ومينفعش اقطع تعليمها بالشكل ده انتي بتقولي ايه بس

منيره ضحكت بسخريه وقالت

منيره

وليه يعني هي هتبقي دكتوره ذره مثلا دي واحده طول النهار قاعده سرحانه في الكتب ومش نافعه في حاجه تانيه وبعدين انت مش شايف انها بقت تتحداني في كل حاجه وكمان حطت بنتي في دماغها

المنشاوي

يمكن انتي بتشدي معاها زياده يا منيره ما انا عارف اسلوبك معاها عامل إزاي

منيره

انا لو بشد معاها فانا بشد معاها عشان مصلحتها لكن انت عمرك ما بتشوف غير انها ملاك مع انها بتكرهني انا وبنتي وبتستني اي فرصه عشان توقع بينا وبينك انت لازم تتصرف

المنشاوي اتنهد وقال

خلاص لما ارجع هفهم منها ايه اللي حصل ونشوف هنعمل ايه

منيره

لا يا حبيبي المره دي مينفعش تعدي بالساهل كده دي لازم تحط حد للبجاحه بتاعتها دي قبل ما تتكبر اكتر من كده علينا

المنشاوي

طيب يا منيره لما ارجع هاشوف الحكايه دي بنفسي خلاص بقا انا عندي شغل دلوقتي وفي اجتماع مهم كمان شويه يلا سلام

وقفل معاها وهو حاسس بصداع شديد اما منيره فابتسمت بخبث وهي بتحط التليفون وقالت لنفسها

منيره

كده اللعبه ابتدت يا نادين وشوفي بقي هتعملي ايه لما ابوكي يقف ضدك ااه ما هو انا لازم اعمل اللي في دماغي

وفي الجنينه كان زين لسه واقف مع نادين اللي كانت بتحاول تمسح دموعها وبعدها قالها

زين

بصي انا هجيبلك الكتاب ده مهما حصل ومش عايزك تشيلي هم حاجه ابدا يا نادين ماشي

نادين

ليه مهتم اوي كده دي مش مشكلتك اصلا دي مشكلتي انا يا زين ولما بابا يرجع لازم يحط لي حد بقا لاني تعبت

زين

انا بعمل كده عشان اللي بيحصل معاكي ده غلط وواضح انك مستحمله فوق طاقتك كمان وملاحظ كده من اول لما رجعت

نادين بصت بعيد وقالت

نادين

انا اتعودت خلاص يا زين ومبقاش فارق معايا اهم حاجة اخد شهادتي وبعدين ربنا يحلها من عنده

زين حس بحزن جواه وهو شايف الوجع في عينيها وبعدها قال

زين

طيب انا هخرج شويه ولما ارجع هكون لقيت حل للكتاب

نادين هزت راسها وسابت المكان وهي مخنوقه اما زين فركب عربيته وراح عند صاحبه كريم اللي كان قاعد في الشقه اول لما دخل قال

كريم

يا اهلا بالدكتور العالمي تعالي اتفضل ليك وحشه والله ايه يا عم شكلك داخل متعصب كده ليه خير

زين رمي المفاتيح علي الترابيزه وقال

زين

مش قادر استوعب اللي شوفته في البيت عند عمي ده يا كريم معقوله اللي بيحصل ده

كريم

هو ايه ده اللي معقوله هو في ايه حصل عند عمك

زين قعدوقال

مرات عمي وبنتها بيعاملوا بنت عمي معامله صعبه اوي والبنت ساكته ومكسوره بشكل يوجع القلب لا وكل ده ومستحمله اللي محدش يستحمله

كريم

طب وعمك عمل ايه في الحكاية دي

زين

ولا حاجه تقريبا مش شايف حاجه او يمكن شايف وساكت وده الاسوأ كمان

كريم

غريبه اوي منك يا زين ده انت عمرك ما اهتميت بمشاكل حد بالطريقه دي ايه يا دكتور خلاص بقيت بجد بجد ولا ايه هههههه

زين سكت لحظه وبعدها قال

زين

بص يا كريم هو انا مش عارف انا ليه مهتم بيها كده بس يمكن عشان البنت رقيقه زياده عن اللزوم تحس انها لو اتكلمت جامد هتتكسر كده بنت كده غير اللي اي بنت انا شوفتها

كريم ضحك وقال

اوبااا الدكتور وقع ولا ايه يا جدعااان هههههه

زين بصلو بغيظ وقال

زين

متخليش دماغك تروح لحاجه تانيه انا بس متضايق من الظلم اللي شوفته واقع عليها وخلاص

كريم

طيب سيبك من كل ده وقولي مشروع المستشفي وصل لفين دلوقتي وناوي تعمل ايه

زين

اهو اديني بدور علي مستشفي تكون حالتها كويسه واقدر اشتريها واعملها بشكل مختلف انا مش عايز مجرد مستشفي وخلاص انا عايز مكان يبقي معروف في مصر كلها واكتب اسمي عليها من برة

كريم

وانت معاك فلوس بقا للخطوه الكبيره دي يا معلم ولا إيه

زين

ايوه الحمد لله انا اصلا كنت بحوش طول السنين اللي فاتت وبابا سايب لي جزء كبير من شغله بره وكمان عندي خطه استثمار قويه وربنا يسهل وانجح

كريم

واضح انك ناوي علي حاجه تقيله اوي يا زين

زين

انت عارفني يا كريم انا طول عمري بكره الفشل ومش هرجع مصر عشان افتح عياده صغيره واقعد مستني العيانين انا عايز اسم يبقي ليه قيمه كبيرة

كريم

بس خلي بالك النجاح مش كله شغل وفلوس وان لبدنك عليك حقا برضوا

زين رفع حاجبه وقال

تقصد ايه

كريم

اقصد انك اول مره من زمان تتكلم معايا عن بنت بالشكل ده يبقا تبدأ تفكر فيها كده وتفكر في ارتباط

زين سكت شويه وبعدها قال

زين

يا كريم انا الفكرة عندي من ناحية نادين انها مختلفه عن اي حد شوفته تحس انها عايشه وسط افاعي فعلا وكل واحد مستني يلدغها

كريم

خلاص تبقي حاول تساعدها بدل ما تقف تتفرج عليها واقف جنبها

زين بص قدامه بشرود

زين

وده اللي بفكر فيه يا كريم انا ناوي اعمل كده فعلا

وفي الليل رجع المنشاوي البيت وكان وشه متغير اول لما دخل لقي منيره ونهي قاعدين ولما شاف نادين نازله من علي السلم قال بصوت عالي

المنشاوي

تعالي هنا يا نادين

نادين وقفت وهي متوتره وقالت

نادين

في ايه يا بابا

المنشاوي

انتي ايه اللي عملتيه في نهي النهارده ده يا بنت

نادين اتصدمت وقالت

زهو انا عملت ايه انا معملتش حاجه دي هي اللي جات تتخانق معايا وطنط منيرة قطعت لي الكتاب اللي كنت بذاكر فيه

نهي قامت بسرعه وقالت بتمثيل

نهي

شوفت يا ماما اهي بتكدب اهو قدام عمو عشان هو يزعق معايا انا

منيره قربت من المنشاوي وقالت

منيره

انا قولت لك البنت دي بقت بتتجرأ علينا بشكل كبير اوي يا منشاوي وانت لازم تحد لها حد

نادين بصتلهم بوجع وقالت

نادين

انتو ليه بتكدبوا عليه كده انا كنت قاعده بذاكر في حالي وهي اللي جت واخدت الكتاب من ايدي وفضلت كمان تزعق معايا

المنشاوي

والله طيب لما عملت كده انتي بقا جالك الجراءة انك كنتي عايزة تطرديهم من البيت كمان انتي اتجننتي في عقلك يا بنت

نادين باستغراب

لا لا طبعا انا مقولتش كده خالص ومحصلش والله ده هي اهانتني وقالت لي اني ولا حاجه

منيره

يا سلام بقي يعني بنتي هي اللي غلطانه وانتي البريئه المكسوره يا حبيبتي شوف البنت وكهنها عامل إزاي

نادين

ايوه يا طنط منيرة عشان ده اللي حصل فعلا من نهي بنتك ومن حضرتك انتي كمان

منيره بصت للمنشاوي وقالت

منيره

شايف بترد عليا كلمه بكلمه ازاي دي لو اتسابت كده هتركبنا كلنا ومحدش هيقدر عليها انت لازم تتصرف دلوقتي حالا

المنشاوي بغضب

وانتيبقا طبعا عملتي كل ده وزين كان موجود وكمان كان بيدافع عنك صح

نهي

اه طبعا يا حبيبي اصلها لعبت عليه وعملت فيها دور الضحية الغلبانه المسكينة

نادين علت صوتها

انتي بجد إزاي انسانه كدابه اوي كده حرام عليكي علي فكرة

المنشاوي ضرب الترابيزه بايده وقال

المنشاوي

باااس صوتك ما يعلاش هنا يا نادين انتي سامعه ولا لأ

نادين عيونها اتملت دموع

انا كنت متوقعه انك هتعمل كده برضو وتسمع لها هي وبنتها لانك حضرتك عمرك ما سمعتني اصلا مهما قولت انت هتصدقهم هما وتكدبني انا

المنشاوي اتضايق من كلامها لكنه حاول يداري وقال

المنشاوي

انا مش عايز مشاكل في البيت ده مفهوم ولا لأ انتي تقعدي هنا بأدب وتلزمي حدودك في التعامل مع طنط منيرة ونهي

منيره استغلت اللحظه وقالت

منيره

وعلشان المشاكل تخلص لازم البنت دي تبعد عن التعليم وتسيب الجامعه دي خالص وتقعد تهتم ببيتها احسن واهو تتعلم لها حاجة للزمن تنفعها لما تتجوز

نادين بصتلها بصدمه

يعني ايه اسيب تعليمي ده اللي هو ازاي يعني

منيره

يعني اللي سمعتيه انتي من هنا ورايح مش هتروحي الجامعه دي وتنسيها خالص وتقعدي في البيت وبس

نادين جريت عند ابوها وقالت بدموع

نادين

لا لا بابا بالله عليك متعملش فيا كده وتسمع كلامها انا مليش غير دراستي ارجوك يا بابا بلاش دي خالص انا نفسي أكمل

المنشاوي سكت وهو باصص لدموعها ومنيره قالت بعصبيه

منيره

شوف اهو الدلع ده اللي بوظها طبعا بعد الدمعتين دول هتصعب عليك مش كده برضو

نادين

انا مش مدلعه انا بس عايزه اكمل حياتي ودراستي زي اي واحدة في الدنيا

المنشاوي اخد نفس طويل وقال

المنشاوي

خلاص يا نادين محدش هياخد قرار دلوقتي سيبكم من الحكايه دي دلوقتي هنبقا نشوفها بعدين

منيره

يعني ايه يا منشاوي الكلام ده

المنشاوي

يعني قولت خلاص لما افكر كويس هبقي اشوف الموضوع ده يا منيرة واشوف هل هي فعلا تستحق تكمل ولا لأ

نادين بصتله بخوف وهي مش مطمنه اما منيره فكانت بتضغط علي اسنانها بغيظ وبعدها قالت

منيره

براحتك بس متجيش بعد كده تندم لما البنت دي تقلب البيت فوق دماغنا كلنا لما تفضل تخرج كده رايحه جايه وكمان تتفرعن علينا

وبعدها منيرة سابتهم واخدت نهي معاها وطلعوا فوق ونادين فضلت واقفه تبص لابوها بحزن شديد وقالت له

نادين

يعني انت برضو ناوي علي ايه يا بابا انا معرفتش

المنشاوي

انا قولت مش هتكلم في حاجة دلوقتي أنا طالع ارتاح

وسابها وطلع وهو تايه ومحتار بين كلام منيره ونظره بنته اللي مليانه وجع وخوف ومش عارف يعمل إيه

رواية غرام الافاعي الفصل الثاني والاخير

وفي اوضه نهي كانت نهي واقفه قدام المرايه بعصبيه وهي بتمشط شعرها بعنف وبعدها بصت لامها وقالت بغيظ

نهي

يعني كده البت دي اتغلبت علينا وهو مش هيطلعاها من التعليم برضو انا مش فاهمه هو ليه بيضعف قدامها بالشكل ده

منيره بصت لها بسرعه وقالت وهي موطيه صوتها

منيره

وطي صوتك يا نهي بدل ما يسمعك وبعدين انتي مستعجله ليه ما انا قولت لك هفضل وراه لحد ما يوافق ويطلعها من الجامعه غصب عنه وهعمل كل ما في وسعي متقلقيش

نهي

بس انا بكرهها اوي يا ماما كل ما اشوفها بحس انها واخده كل الاهتمام مننا حتي زين اول ما جه بقي يدافع عنها ويقف في صفها انا حاسه انها هتضحك عليه وتاكل عقله هو كمان

منيره ضيقت عينيها وقالت بخبث

منيره

وده اللي مخوفني يا نهي زين ده لو قرب منها اكتر هيبقي ويفضل مش شايفك قدامه كده هتبقي مصيبه انا شوفته ازاي كان بيبص لها طول الوقت وكأنه متأثر بيها أوي كده هنخسر ملاين زين

نهي

يادي المصيبة يعني انتي شايفه انه ممكن يعجب بيها ويحبها ويسبني كده وميعبرنيش

منيره

هما الرجاله يا بنتي لما يلاقوا واحده ضعيفه ومكسوره بيفكروا انهم يقدروا ينقذوها وده اللي بيحصل مع زين بالظبط بس انا مش هسمح بده ابدا وهتشوفي انا هعمل إيه

نهي قعدت علي السرير وقالت بعصبيه

نهي

طيب والله انا ما هسيب الموضوع يعدي كده بالساهل يا ماما والبت دي لازم تتربي وتعرف حجمها كويس اوي عشان زين ده ليا أنا

منيره

سيبي كل حاجه عليا بس انتي خليكي هاديه ومتعمليش حاجه من دماغك علشان ما تبوظيش اللي انا بخطط له انتي سامعه ولا لأ

وفي اوضتة نادين كانت قاعده علي السرير ودموعها بتنزل وبعدها قامت مره واحده وفتحت الدولاب وبدأت تحط هدومها في شنطه كبيره وهي بتحاول تمسك نفسها بالعافيه

وتاني يوم الصبح نزلت نادين وهي شايله الشنطه وكلهم قاعدين علي السفره بيفطروا واول لما شافتها منيره وقالت باستغراب

منيره

ايه ده انتي رايحه فين بالشنطه دي علي الصبح كده

نادين

انا هروح اقعد عند واحده صاحبتي كام يوم لاني نفسيتي تعبانه اوي

المنشاوي بصدمه

يعني ايه هتروحي تقعدي عند صاحبتك انتي اتجننتي يا بنت انتي إزاي عايزة تخرجي من تلبيت كده انتي فاكرة نفسك عايشه في فندق ولا إيه

نادين

يا بابا انا مخنوقة ومش قادره اقعد هنا اكتر من كده قولت هاروح بس اغير جو يومين عند صاحبتي

منيره ضحكت بسخريه وقالت

منيره

يا سلام بقي دي كمان قلبتها دراما كمان وانتي بقا عايزة تروحي تغيري جو ليه هو احنا بنعمل فيكي ايه لكل ده

نادين بصت لها بحزن

نادين

حضرتك عارفة كويس اوي بتعملي فيا ايه كل يوم يا طنط منيرة ومش عايزة اعيد الموضوع تاني كفاية اللي حصل بس

المنشاوي قام من مكانه وقال بعصبيه

المنشاوي

مفيش خروج من البيت بالشكل ده يا نادين وبعدين تقعدي عند صاحبتك ازاي من غير حتي ما افهم ايه اللي في دماغك

نادين

هاروح لاني بس محتاجه ابعد شويه يا بابا أرجوك سبني اروح انا تعبانه اوي

منيره

وانتي بقا عايزة تمشي ليه يا حبيبتي هو أنتي فاكرة البيت ده بقي فندق عشان تدخلي وتخرجي وقت ما انتي عايزه

وفجأة نهي قالت وهي بتبص للمنشاوي

نهي

خلاص خلاص سيبها براحتها يا عمو طالما هي عايزه تمشي تبقي تمشي يمكن لما تبعد عن هنا تهدي شويه اصل احنا بناكلها باين

المنشاوي باستغراب

انتي بتقولي ايه يا نهي ازاي اسيبها تمشي من هنا

منيره بصت لنهي بسرعه وفهمت قصدها وبعدها قالت

منيره

بصراحه نهي عندها حق يا منشاوي يمكن نادين لما تبعد يومين ده يخليها تراجع نفسها وتفكر في تصرفاتها وتبقي كويسة

نادين بصتلهم بعدم فهم وهي حاسه ان في حاجه غلط لكن كانت مخنوقه اكتر من انها تفكر وبعدها قالت

نادين

انا همشي كام يوم بس وهرجع

المنشاوي اتنهد وقال بتردد

ماشي بس خليكي علي تواصل معايا ولو احتجتي اي حاجه كلميني علطول وياريت تعرفيني عنوان صاحبتك دي فين وهي تبقي مين

نادين

انا هاروح عند ملك صاحبتي

وقالت له علي عنوانها ومنيره ابتسمت بخبث وهي بتبص لنادين وقالت

منيره

روحي يا حبيبتي وغيري جو يمكن ترتاحي

نادين اخدت شنطتها ومشيت وهي حاسه ان قلبها واجعها قوي وكأنها بتسيب بيتها الحقيقي لناس غرب عنها

وبعدها وصلت عند ملك اللي اول لما شافتها بالحاله دي حضنتها وقالت بخضه

ملك

يا نهار ابيض مالك يا نادين ايه اللي حصل انتي شكلك عامل كده ليه يا حبيبتي اتكلمي ايه اللي حصل

نادين مقدرتش تمسك دموعها اكتر من كده وانهارت في العياط وقالت

نادين

انا تعبت يا ملك والله تعبت اوي مش قادره استحمل اللي بيحصلي هناك ده انا كنت لفكر انهي حياتي خالص

ملك

اهدي بس وفهميني حصل ايه ومين اللي عمل كده فيكي

نادين بدأت تحكيلها كل حاجه من اول معامله منيره ليها لحد موضوع الكتاب والتعليم وهي بتتكلم بصوت مكسور

نادين

انا حاسه انهم عايزين يدمروني يا ملك ويخلوني اعيش خدامه طول عمري وبابا كل مره يصدقهم هما لما يتبلو عليا

ملك مسكت ايديها وقالت بحزن

ملك

بس انتي ليه ساكته لكل ده يا نادين ما انتي كان لازم تدافعي عن نفسك قدامهم

نادين

تعبت من الدفاع عن نفسي والله كل مره بحاول اتكلم بلاقي نفسي انا الغلطانه في الاخر

ملك

اهدي يا نادين وبعدين انتي مش لوحدك ما هو زين ده شكله واقف جنبك اهو وبيدافع عنك

نادين

بصراحه يا ملك مش عارفه ليه حاسه ان زين ده مختلف عنهم كلهم بس برضو هو مالوش دعوه بيا برضو

ملك

لا لا بس هو شكله مهتم بيكي اهو يا بنتي من كلامك عنه

نادين بصتلها بتوتر وقالت

لا طبعا مفيش حاجه خالص متقعديش تألفي واسكتي بقا

وفي الفيلا كانت منيره ماسكه تليفونها وبتتصل بزين وبعد شوية رد عليها

زين

الو ايوه

منيره

ازيك يا زين يا حبيبي عامل ايه

زين

انا الحمد لله بخير يا طنط منيرة

منيره

انا قولت أكلمك عشان اعزمك علي الغدا النهارده بما انك بقيت هنا في مصر ومش هينفع متجيش عندنا

زين فكر ثواني وبعدها قال

تمام يا طنط منيرة خلاص ماشي انا جاي

وبعدها قفل معاها وكريم قاله

كريم

خير يا معلم مين اللي بيكلمك

زين

دي منيرة مرات عمي بتعزمني علي الغدا وانا بصراحة مكنتش عايزة بس افتكرت اني اصلا نفسي اروح عشان اشوف نادين واطمن عليها من بعد اللي حصل

كريم

ماشي يا زين روح واطمن عليها

وبعدها وصل زين الفيلا ودخل وهو بيدور بعينيه عليها لكن ملقهاش وبعدها دخل وسلم علي المنشاوي وعليهم كلهم وقعدوا والمنشاوي قاله

المنشاوي

جرا ايه يا زين هو انت محتاج عزومه ولا إيه هو مش البيت ده بيتك برضو

منيرة بخبث

انا مش عارفة والله هو فاكر نفسه غريب عننا وبيتكسف يجي هنا

زين

لا ابدا الحكايه مش كده خالص انا بس مش فاضي اليومين دول لاني بجهز للمستشفى بتاعتي أومال نادين فين

منيره بصت لنهي وبعدها قالت بتمثيل

منيره

نادين سيبت البيت ومشيت يا زين

زين اتصدم

يعني ايه سابت البيت وازاي تسيب بيتها

المنشاوي

دي قالت انها هتروح تقعد عند صاحبتها كام يوم وترجع

زين

وليه يعني تمشي هو حصل ايه لكل ده

منيره تنهدت وقالت

اصل البنت دي بقت متعبه اوي يا زين وكل يوم عامله مشاكل وصوت عالي ومبقناش عارفين نتعامل معاها

زين

بصراحه انا مشوفتش منها اي حاجه وحشه بالعكس انا شوفت انها هاديه جدا

نهي بغيظ

اه طبعا اصل الهانم عرفت تضحك عليك

زين

تضحك عليا ازاي يعني انا مش طفل صغير علي فكرة يا نهي

منيره

يا حبيبي انت لسه مشوفتش كل حاجه البنت دي عنيده جدا ومش بتسمع الكلام خالص

زين

ولو عنيده ده ما يديش حد الحق يضغط عليها بالشكل ده ويخليها تمشي

المنشاوي بصل لزين وقال بضيق

انت متعرفش كل الظروف يا زين

زين

اللي اعرفه ان نادين شكلها مكسور ومحتاجه حد يحتويها مش يحاربها ياعمي

منيره اتعصبت

يعني ايه كلامك ده هو احنا بنحاربها ولة ايه

زين

انا مقولتش كده بس واضح ان فيه ضغط عليها جامد

نهي بعصبية

خلاص بقي يا ماما واضح اننا بقينا وحشين اوي في نظر الدكتور

زين

انا بتكلم باللي شوفته بعيني وبس يا نهي

المنشاوي

خلاص يا جماعه اقفلوا الموضوع ده بقا ويلا خلونا ناكل

لكن زين كان مضايق جدا وبعدها قام من مكانه وقال

زين

معلش يا عمي انا اسف انا لازم امشي دلوقتي

منيره حاولت توقفه وقالت

منيره

ده انت لسه ماكلتش حاجه

زين

مليش نفس بصراحه وافتكرت اني عندي ميعاد

وبعدين خرج من الفيلا وهو حاسس بغضب جواه وفضل يفكر في نادين وكلام منيره عنها ومكنش قادر يصدق ولا كلمه وبعدها نهي متعصبة وقالت لامها

نهي

شوفتي يا ماما شوفتي البيه اتعصب لما عرف انها مشيت وسابت البيت ااه ماهي بقا بتهمه جدا طبعا

منيرة

اهدي واسكتي وخليني افكر اعمل ايه عشان اخليها تنزل من نظرة ويشوفها بطريقة تانيه

نهي

اديني هاديه اهو لما اشوفك ناويه تعملي إيه

وبعدها زين كان ماسك تليفونه بتردد وبعدها اخد نفس طويل واتصل بنادين

وهي كانت قاعده في اوضة ملك وسرحانه ولما لقت رقمه استغربت وردت بسرعه

نادين

الوووو

زين

ايوه يا نادين عامله ايه طمنيني عليكي

نادين اتوترت اول لما سمعت صوته وقالت نادين

اااا انا ااا الحمد لله بخير انت اخبارك ايه

زين

انا تمام انتي ليه سبتي البيت ومشيتي

نادين

انت عرفت

زين

ايوه طبعا عرفت وبصراحه انا مش مقتنع بكلامهم خالص وحاسس انك كنتي مضغوطه اوي هناك

نادين سكتت شويه وقالت

انا كنت مخنوقه بس يا زين ومكنتش قادره استحمل اكتر من كده

زين

طب ينفع اقابلك نتكلم شويه لو انتي معندكيش مانع واطمني ده هيبقى مجرد كلام بس انا لاني حاسس انك محتاجه حد يسمعك

نادين فضلت ساكته ثواني وبعدها قالت نادين

خلاص ماشي انا موافقه

وبعد ساعه كانت نادين قاعده قدامه في كافيه بتوتر وزين كان مركز معاها اوي

زين

نادين ممكن تبصيلي كده

نادين رفعت عينيها وهو كمل كلامه

زين

انتي ليه ساكته كده طول الوقت كأنك شايله الدنيا فوق كتفك

نادين ابتسمت بحزن

اصل انا كل لما احاول اتكلم محدش بيسمعني خالص يا زين

زين

بس انا سامعك اهو

نادين حست بدفا غريب في كلامه قالت

نادين

انا اول مره الاقي ان في حد ممكن يسمعني لما اتكلم في حاجة من غير ما يلومني علي حاجه

زين ابتسم

عشان واضح عليكي انك طيبه اوي يا نادين ومش شبه اي حد

نادين

وانت بقا ليه بتقول كده

زين

عشان يمكن انا بعرف اقرا الناس كويس اوي

وبعدها قرب منها شويه وقال

زين

وعارف الي جواكي وانك مخنوقه

نادين دموعها لمعت

انا تعبت اوي يا زين بجد

زين مد ايده وحطها فوق ايديها

زين

بس انا بقا جاي اطمنك واقولك متخافيش طول ما انا موجود محدش هيكسرك ابدا

نادين قلبها دق بسرعه وبصت له بتوتر وهو كان باصصلها بطريقه خلتها تحس باحساس غريب جواها

زين

انتي تستحقي تعيشي مبسوطه مش طول الوقت خايفه يا نادين عشان كده عايزة تبقي قويه

نادين ابتسمت لاول مره

حاضر وشكرا علي النصيحة

زين ضحك

انا اول مره اشوفك بتضحكي

نادين

يمكن عشان اول مره احس اني مرتاحه بس عشان كده ضحكت

زين

طيب وانتي هتفضلي قاعده عند صاحبتك كتير ولا ايه

نادين

يعني لما احس اني بقيت كويسه هرجع الفيلا تاني

زين

طيب ياريت تبقي تطمنيني عليكي ماشي

نادين

حاضر يا زين

وبعد وقت رجعها عند بيت ملك وقبل ما تنزل قالها

زين

نادين لو احتجتي اي حاجه كلميني في اي وقت

نادين هزت راسها بابتسامه صغيره ونزلت

ولما دخلت الشقه كانت شكلها مبسوطه اوي وملك جريت عليها بسرعه

ملك

ها احكيلي بسرعه حصل ايه بقا بينكم انتي وزين

نادين اتكسفت

مفيش يا ملك احنا قعدنا نتكلم وبس

ملك ضحكت بخبث

اه طبعا اتكلمتوا بس وشك بيقول حاجه تانيه خالص يا نادين وواضح ان الصنارة غمزت

نادين

بس يا بنت انتي اسكتي بقا

ملك

واضح اوي انه معجب بيكي

نادين ابتسمت

مش عارفه بس هو مختلف فعلا وحساه طيب وحنين كده

ملك

ماشي يا يت الحنينه لما اعملنا اتنين نسكافيه بقا

وبعدها بيومين كانت ملك بتلبس وهي ماسكه شنطتها وقالت

ملك

بقولك يا نادين انا عملتةلك عصير انما ايه لذيذ اوي خودي بقا اشربيه وانا نازله اجيب شوية حاجات من تحت وهتأخر شويه

نادين

طيب ماشي وتسلم إيدك يا حبيبتي

وبعدها ملك سابتها وخرجت

ونادين اخدت الكوباية وشربتها بعد نص ساعه نادين بدأت تحس بدوخه شديده وعينيها تقفل بالعافيه وبعدها نامت

وبعد وقت فتحت عينيها بتعب وحست ان في حد جنبها وبصت بخضه ولقت راجل نايم جنبها فقامت مره واحده تصرخ برعب

نادين

ابه ده انت مين وبتعمل ايه هنا انطق بدال ما اصوت والم عليك الناس

الراجل قام يمثل انه مصدوم

اهدي انتي اللي دخلتيني هنا لحد السرير ده

نادين فضلت تصرخ وتعيط

اخرص يا حيوان انت بتقول ايه انامعرفكش واول مرة اشوفك

الراجل

انتي هتمثلي ولا ايه اوعي كده من قدامي

واخد بعضه وجري ونادين كانت منهاره ومش فاهمه اي حاجه

وفي نفس الوقت وصل فيديو لزين وهو قاعد في مكتبه

فتح الفيديو واتصدم لما شاف نادين مع راجل علي السرير

زين وقف مره واحده وهو مش مصدق وقال

زين

لا لا مستحيل نادين طب ازاي الكلام ده

فضل يعيد الفيديو وهو مصدوم

وعند المنشاوي راح برضو نفس الفيديو ونزل بغضب وراح لنادين عند ملك وهي كانت منهاره وبتعيط وقالت

نادين

بابا شوفت اللي حصلي

ضربها بالقلم وقالها

المنشاوي

قدامي علي البيت يا فاجرة

ونزلت معاه وطول الطريق كانت منهارة

ولما دخلت الفيلا منيره بصتلها بقرف هي ونهي اللي كانت مبتسمه بخبث

المنشاوي زعق بغضب وقال

المنشاوي

انطقي ايه اللي انتي عملتي ده ومين الراجل اللي معاكي في الفيديو ده اتكلمي لاخلص عليكي

نادين كانت بتعيط بهستيريا

والله يا بابا ما اعرف الراجل ده ودخل شقة ازاي والله العظيم معرفوش

المنشاوي فقد اعصابه وضربها جامد وهو بيقول

كدابه

نادين صرخت وهي بتمسك وشها

والله انا مظلومه حرام عليك

منيره

يا خساره تربيتنا فيكي بقا انتي تعملي كده

نهي

انا كنت حاسه انها مش محترمه من الاول يا ماما

نادين بصتلهم بصدمة

حرام عليكم حرام انا معملتش حاجة

المنشاوي

وكمان ليكي عين تتكلمي انا اتفضحت خلاص

نادين

متفبرك والله العظيم انا كنت نايمه وفوقت لقيته جنبي انا معرفش هو دخل إزاي

منيره

ده هو ازاي يعني كنتي نايمه وصحيتي لقيتي راجل جنبك عادي كده

نادين

والله انا مظلومه طيب هاتوا ملك واسألوها هي كانت نزلت يمكن هو تبعها هي

وفعلا اتصلوا بملك وجت وهي عامله نفسها مصدومه

المنشاوي

قولي لي يا ملك ايه اللي حصل

ملك بصت لنادين بحزن كانت بتمثل وقالت

ملك

والله يا عمو انا كنت تحت ومعرفش حاجه وبصراحه انا كنت فاكره نادين كويسه والله بس هي اللي جابت الراجل الشقه

نادين شهقت بصدمة

حرام عليكي انتي بتكدبي ليه يا ملك

ملك

ايوه يا نادين انا سبتك ونزلت

نادين انهارت في العياط

ليه بتعملي فيا كده يا ملك ليه ده انتي كمتي صاحبة عمري

وبعدها محدش صدقها وفي اوضتها قعدت نادين علي الارض وهي بتعيط بانهيار وبعدها تليفونها رن ولما بصت لقت زين

ردت بسرعه وهي بتبكي

نادين

زين والله العظيم انا مظلومه انا معرفش ايه اللي حصل

زين سكت شويه وقال

اهدي يا نادين ارجوكي

نادين

يعني كمان انت مصدقهم

زين

اصل الفيديو صعب أوي بس قلبي مش مرتاح للحكايه دي يا نادين

نادين شهقت براحه

يعني انت مصدقني انا يا زين

زين

انا حاسس ان في حاجه غلط ومش منطقي ابدا اللي حصل ده

نادين

والله ما اعرف الراجل ده

زين

اسمعي انا عايزك تحكي لي ايه اللي حصل في اليوم ده بالظبط

نادين

ملك ادتني عصير انا شربته وبعده نمت علطول وهي نزلت

زين

اااه طيب تمام يا نادين متقلقيش انا لازم اعرف ايه إللي حصل

وبعدها ملك رجعت بيتها وابتسامه خبيثه علي وشها ولما دخلت اوضتها تليفونها رن

ملك

ايوه يا طنط منيره

منيره ضحكت بخبث

برافو عليكي يا بت شاطره لعبتيها صح اوي انا مبسوطه منك

ملك

انا تحت امرك المهم بقيت المبلغ اللي اتفقنا عليه

منيرة

هيكون عندك الصبح يا قمر متقلقيش

وقفلت معاها وملك افتكرت

باااااك

منيره كانت قاعده مع ملك في كافيه وهي بتقولها

منيرة

انتي كل اللي عليكي تسيبي باب الشقه مفتوح والرجل يدخل ويعملها فيديو معتبر والباقي علينا

ملك بتوتر

بس انا خايفه اوي من الحكايه دي

منيره طلعت ظرف فلوس كبير وحطته قدامها وقالت

منيرة

متقلقيش محدش هيعرف حاجه

ملك بصت للفلوس وعيونها لمعت وقالت

ملك

طيب انا موافقه بس بشرط الراجل اللي هيجي ده مايلمسهاش

منيرة

متقلقيش انا عمري ما اعمل فيها كده

رجعت من تفكيرها وقالت

معلش بقا يانادين سامحيني ياحبيبتي اصل الفلوس حلوه برضو

بعدها تاني يوم زين راح لملك ملقهاش في البيت وبعدها راح لعمه المكتب وقاله

زين

ياعمي صدقني نادين عمرها ما تعمل كده اكيد انت عارفها كويس

المنشاوي

انا كنت فاكر كده يا زين بس الحكايه انها عملت وخلاص حطت راسي في الطين

زين

انا مش هسكت غير لما اعرف الحقيقة كلها ايه

المنشاوي

وانت بقا هتعرف الحقيقة دي ازاي

زين

لازم الاقي اللي اسمها ملك دي واعرف منها هي عملت في نادين كده ليه انا عايز اطلب منك طلب انا عايز نادين تيجي نتمسك معايا المستشفى بتاعتي

المنشاوي

بقولك ايه يازين

انا مش طايق اسمع اسمعا البنت دي اصلا هي ماتت في نظرى خلاص

زين

أرجوك يا عمي متقولش كده وانا عندي يقين انها مظلومه وفي حاجة غلط حصلت وانا لازم أعرفها

وبعدها فعلا زين اخد نادين عنده المستشفى وقالها

زين

ايه رايك في المستشفى يانادين

نادين بحزن

حلوه اوي يازين ربنا يوفقك وتبقي احسن دكتور في مصر

زين

ماهو انا مش هبقا لوحدي النجاح وانتي معايا

نادين

انا عايزة اعرف انت ليه بتعمل معايا يعني انت مصدقني اوي كده

زين قرب منها وهو بيقول

ايوه انا مصدقك يا نادين عشان انتي مش كده وبعدين انا قولت لك اني ليا نظرة في الناس وانا عرفتك من اول نظرة ودلوقتي بقا انتي هتبقي مديرة المستشفى دي

نادين

ربنا يخليك يازين

وفي الفيلا عند نهي كانت عماله تشد في شعرها وتقول

نهي

يعني بعد كل اللي رسمناه وعملناه ميصدقش عليها حاجة وكمان ياخدها المستشفى معاه انا هتجنن ياماما

منيرة

أهدي وخليني افكر انا هعمل معاهم ابه تاني عشان كده بقا الحكاية بوخت أوي

ودخلت للمنشاوي وقالت له

منيرة

انت إزاي توافق ان البنت دي تفضل كده وتروح تشتغل وتكمل دراستها بعد اللي عملته ده كله

المنشاوي

عشان انا قلبي بيقولي ان نادين بنتي متربيه ومتعملش كده أبدا

منيرة

وهي هتطلع متربيه لمين يا منشاوي هو انت ناسي مراتك عملت فيك ايه الخاينه دي ماهي البنت بتطلع لامها ياحبيبي

المنشاوي زعق بغضب وقال

اسكتي يامنيرة انا مش عايز نفتح في اللي فات اسكتي

وسابها ومشي من قدامها وعدت الايام وزين فضل ورا ملك لحد لما وصلها وحكت له كل اللي حصل ونادين بتشتغل في المستشفى وشافت سنيه جايه تكشف ونادين شافتها وقالت

نادين

مين دادة سنيه انتي كنتي فين انا من زمان اوي معرفش عنك حاجة

سنيه بصت لها باستغراب وقالت

سنيه

انتي مين يابنتي

نادين

انا نادين المنشاوي بنت المنشاوي بيه واعتماد هانم انتي نسيتي ولا إيه

سنيه حضنتها وعيطت وقالت

ياحبيبتي يا نادين انتي وحشتيني اوي والله يابنتي

وجه زين ونادين عرفته بسنيه ونادين قالت لها

نادين

هو انتي سبتي البيت ورحتي فين انا سألت عليكي بابا قالي انك مشيتي

سنيه

اعمل ايه ما هو انا كان امشي منها لله اللي كانت السبب يا بنتي

نادين

هي مين يا داده

سنيه

اللي اسمها منيرة هي اللي خلتني أمشي من الفيلا وو ووو ....

نادين

وايه يا دادة كملي هو انتي عايزة تقولي حاجة دي منيرة اتجوزت بابا وعملت فيا عمايل سودة

سنيه بصدمه

طيب وهي ليه تعمل كده مش كفايه اللي عملته في امك

زين ونادين باستغراب

زين

ليه هي عملت ايه بالظبط في امها

نادين

عملت ايه يا داده اصل بابا قالي ان ماما سابت البيت ومشيت

سنيه

لا محصلش اللي اتقال ده الست دي شيطانه وهي اللي وقعت ابوكي في امك وخلت ابوكي يقتل امك

نادين بصدمه

انتي بتقولي ايييه بابا قتل ماما إزاي الكلام ده

سنيه

انا هاقولك بقا يا بنتي ورزقي علي الله عشان انا خلاص مبقاش في عمري كتير ومش هقدر افضل ساكته اصل خالك كان عليه احكام وكان في السجن بس المنشاوي بيه مكانش يعرف انه كان بيجي الفيلا لحد في يوم

سنيه بدأت تحكي

باااااك

في يوم كانت اعتماد قاعده في الفيلا لوحدها وفجأة الباب خبط ولما فتحت اتصدمت

اعتماد

فتحي انت ايه اللي جابك تاني يا فتحي انت عايز تعملي مشكله

فتحي

انتي عارفه اني مليش غيرك يااعتماد

اعتماد بقلق

بس لو المنشاوي شافك هتبقي مصيبة انت عارف انه ميعرفش انك كنت في السجن

وفجأة دخلت منيره الفيلا وكانت جايه تاخد ورق مهم ولما شافت فتحي اتصدمت وقالت

منيره

ايه ده مين الراجل ده يا اعتماد هانم

اعتماد اتوترت وقالت

ده ده اخويا يا منيره بس بالله عليكي متقوليش للمنشاوي هو ميعرفش ان فتحي اخويا كان في السجن ولو عرف هيطلقني

منيره ابتسمت بخبث وقالت

متقلقيش يا حبيبتي انا عمري ما اقوله حاجه

لكن من جواها كانت فرحانة وفضلت تخطط ازاي توقع بين اعتماد والمنشاوي

وعدت الايام ومنيره فضلت تراقب اعتماد لحد ما جه اليوم اللي خططتله وعرفت ان فتحي عندها

زاتصلت بسنيه وقالت لها

منيره

يا سنيه في سواق جايب ورق مهم حطيه علي مكتب المنشاوي بيه بسرعه

وفعلا سنيه عملت كده من غير ما تفهم حاجه وبعدها منيره راحت للمنشاوي وقالها

المنشاوي

انا شكلي نسيت الورق في الفيلا

منيرة

طيب يلا نروح نجيبه

ودخل المنشاوي الفيلا ومنيرة معاه واتصدم لما شاف فتحي مع اعتماد

المنشاوي فقد اعصابه وزعق بغضب

المنشاوي

مين ده يا اعتماد وايه اللي جابه هنا

اعتماد بخوف

اسمعني بس هفهمك

منيره بخبث

اخص عليكي يا اعتماد هانم بفا انتي بتخوني المنشاوي بيه

المنشاوي بص لها بغضب ومدهاش فرصه تتكلم وطلع مسدسه وضرب بيه اعتماد وماتت وفتحي هرب بسرعه

المنشاوي وقف مصدوم وهو بيبص لها ومنيره قربت منها وبعدها بصت له وقالت بخبث

منيره

متقلقش يا منشاوي بيه انت كنت بتدافع عن شرفك

المنشاوي وقع علي الارض من الصدمة وهو بيقول

المنشاوي

بس كده هاروح في داهيه

منيرة

متقلقش انا هخلصك من الجثه

ومنيره بصت لسنيه اللي كانت واقفة مرعوبة وقالت بتهديد

منيره

انتي لو نطقك بحرف هخليكي تتدفني معاها انتي سامعه

نادين كانت بتعيط بانهيار وزين مسك ايديها بصدمة وقال

زين

يعني كل السنين دي وهو فاكر انها خانته

سنيه هزت راسها وقالت

منيره لعبت بعقله ودمرت البيت كله ودفنت امك في الجنينه

وفي دخل فتحي وهو باين عليه التعب ولما المنشاوي شافه قال بغضب

المنشاوي

انت ايه اللي جابك هنا يا حيوان كويس انك جيت هنا عشان اخلص عليك

فتحي

اهدي انا جاي اعرفك الحقيقة اللي انت كنت معمي عنها انا لوما دخلت السجن السنين دي كلها كان زماني قايلك علي كل حاجه من وقتها انا اخو اعتماد بس السجن هو اللي خلاها تخا تقولك اني اخوها

المنشاوي بصدمه

انت بتقول ايه انت اخوها فعلا يعني اعتماد كانت بريئة

وفي اللحظه دي دخلت نادين ومعاها سنيه وملك وزبن وبصت لابوها بدموع وقالت

نادين

انت ظلمت ماما يا بابا ظلمتها وظلمتني انا كمان

وحكوا له علي كل حاجه والمنشاوي وقع علي الكرسي وهو بيعيط لأول مرة وقال

المنشاوي

انا قتلتها بإيديا انا ضيعت عمري كله عشان واحده افعي زي منيرة

فتحي

بعد كل السنين دي عرفت الحقيقة اخيرا

المنشاوي رفع عينيه وقال بندم

سامحني يا فتحي انا كنت اعمي والله واعتماد هي اللي خبت عليا

وفي اللحظة دي دخلت منيره الفيلا من برة هي وبنتها ولما شافتهم كلهم واقفين اتصدمت

منيره

ايه ده في ايه وانتو ايه اللي مجمعكم كده والراجل ده مش ده اللي مراتك خانتك معاه مقتلتوش ليه يا منشاوى

نادين بصتلها بكره وقالت

انتي جايه تكدبي تاني خلاص الحقيقة بانت وعرفنا انك انتي السبب في موت امي

منيره اتوترت وقالت

ااا ان انتي اتهبلتي ولا ايه

سنيه صرخت فيها

كفاية كدب بقي انتي شيطانة واعفي كبيرة

زين

وملك اعترفت بكل حاجه وكمان قالت انك انتي اللي خططتي لفضيحة نادين

منيره بدأت تتراجع بخوف وقالت

كدب كله كدب والله متصدقش يا منشاوي

لكن المنشاوي قام وهو بيبصلها بوجع وقال

يعني انتي دمرتي حياتي وقتلتي مراتي وخلتيني اظلم بنتي ولسه بتكابري كمان

منيره بدأت تصرخ بهستيريا

ايوه عملت كده عشان كنت بحبك وعايزاك ليا لوحدي وهي كان عندها كل حاجه وانا كان لازم افوز بيك

نادين بصتلها بصدمة وقالت

انتي فعلا شيطانه بجد

وفجأة المنشاوي طلع مسدسه من درج مكتبه وكلهم اتصدموا

نادين جريت عليه وهي بتعيط

نادين

لا يا بابا ارجوك

لكن المنشاوي كان منهار وقال

المنشاوي بعد اللي عملته انا مستحقش اني اعيش يانادين

وزين حاول يقرب منه

اهدي يا عمي وفكر في نادين أرجوك

المنشاوي بص لنادين بدموع وقال

سامحيني يا بنتي

وفجأة ضرب النار علي نفسه

نادين صرخت بانهيار وجريت عليه وهي بتعيط

نادين بابااااا

وزين حضنها بسرعة وهي بتنهار بين ايديه وسنيه كانت بتعيط بحرقة

وبعدها الشرطة جت وقبضوا علي منيره ونهي وهي كانت بتصرخ بانهيار

وخرجوا جثة اعتماد من الجنينه واتدفنت في المقابر وسط دموع نادين اللي كانت واقفة قدام قبرها بتعيط

نادين

سامحيني يا ماما حقك رجع اهو

وزين كان واقف جنبها وسندها وبعد ما الناس مشيت قرب منها وقال بهدوء

زين

عارفة ان كل اللي مريتي بيه كان صعب اوي بس انا اوعدك اني عمري مش هسيبك أبدا

نادين بصت له بدموع وقالت

انت الوحيد اللي كنتي دايما في ضهري يا زين

زين ابتسم ومسح دموعها وقال

زين

لاني بحبك يا نادين من اول يوم شوفتك فيه

نادين قلبها دق بسرعة وبصت له بتوتر

زين قرب منها وقال

تتجوزيني يا نادين

نادين ابتسمت وسط دموعها وهزت راسها بالموافقة

وبعد سنه عملوا فرح كبير وزين واقف جنب نادين وهو ماسك ايديها بحب وهي لأول مرة تحس بالأمان الحقيقي وبعد كل الوجع اللي عاشته قدرت تبدأ حياة جديدة مع الشخص اللي اختاره قلبها