تحميل رواية «غابة آدم» PDF

part 1

الخاطف.. الحق ياباشا البنت قدرت تهرب مننا ودخلت غابة أدم

المجهول.. ياشوية حيوانات محدش فيكم يرجعلي غير والبنت معاكم

الخاطف.. نرجع بمين ياباشا بنقولك غابة أدم يعني اللي بيدخل فيها مبيطلعش أنسا ان البنت تكون عايشا

المجهول.. قدمكم حالين ياترجعو ليا وهقت، لكم.. ياتروحو ورا البنت وتحاولو تتطلعو بيها من الغابة

الخاطف.. قفل التليفون وقعد يكلم الرجاله اللي معاه وقرارو يدخلو الغابه

أشرف واحد من الرجاله.. احنا بنسمع كلام بخيت لحد دلوقتي ليه احنا كده ريحين للموت برجلينا

عوض انت مسمعتش الرجل الكبير قال اي هيموتنا لو رجعنا من غيرها يعني في الحالتين احنا ميتين يبقي ندور علي البت دي ونخلص

أشرف لما امسك البنت دي في ايدي انا مش هرحمها

في الوقت ده في الغابه

مريم بتجري في الغابة وفجأة بتخبط في راجل كبير في السن مغطي وشه

العجوز انتي اي اللي جابك هنا

مريم ارجوك ساعدني في ناس خطفني وانا ملقتش قدمي غير الغابه دي

العجوز بيمد ايده لمريم

مريم بتلاحظ ان ايد العجوز رفيعه اوي لدرجه ان شكل عضم الايد كان باين جدا

العجوز هتمدي ايدك ولا هتفضلي هنا

مريم بتمسك ايد العجوز وفي ثواني العجوز بيختفي هو ومريم

مريم فجأة بتلاقي نفسها عند شجرة كبيره حواليها بحيره

والشجره في النص

مريم بتبص علي العجوز بتلاقيه اختفي

بترجع تانى تبص علي الشجره بتلاقيها نصها حي بالورود ولأغصان والنص التاني ميت

في الوقت ده في الغابه

بخيت الخاطف ورجلته ماشين في الغابه

وفجأة بيلاقو العجوز قدمهم

بخيت انت مين

العجوز قدركم

بخيت شكلو رجل كبير وبيخرف سيبوكم منو ويلا نكمل

ولسه أشرف بيعدي

بيلاقي العجوز قدمه

أشرف انت ازاي جيت هنا انت كنت لسه وراه

العجوز اطلعو بره الغابه

بخيت ابعد عننا عشان ميبقاش اخر يوم في عمرك

العجوز بيرجع خطوتين لوراه وبيقف قصدهم

وبيروح رافع القناع من علي وشه

بخيت ورجالته اول مبيبصو في عيون العجوز بيتحولو في ثواني لتماثيل وو.....

يتبع

بقلم

ملحوظه الروايه مختلفه عن الروايات المتتدوله حاليا وحاجه جديده بماانها كلها روايات

حبيت اخدكم لعالمي الخاص والمختلف

قولولي رأيكم فيها لو عجبتكم هكملها

شكرا لتفاعلكم حبايبي واسفه والله على التأخير انهارده

part 2

الخاطف ورجالته اول مبيبصو في عيون العجوز بيتحولو في ثواني لتماثيل

وفي لحظه العجوز بيفتح بوابه مليانه ناس جوه كلها تماثيل زي اللي حولهم العجوز وبيروح حطتهم جوه وقافل البوابه وبيرجع لمريم

العجوز.. اي اللي دخلك غابة ادم

مريم.. بخوف انا معرفش اي اللي حصل انا صحيت لقيت نفسي مع اللي خطفوني وفجأة العربيه وقفت هنا ولما حولت أهرب ملقتش غير الغابه دي

مريم لسه بتكلم بتلاقي فجأة العجوز اختفي

مريم بتخاف وبتروح قاعده تحت الشجره بتبكي في مكانها

في مكان تانى فى الغابه

العجوز بيظهر قصاد بحيره المياه بتعتها من ذهب وبيروح داخل فيها لحد ماالمياه بتغطي كله وفي ثواني بيطلع من المياه شاب في الثلاثينات من عمره

واول ما رجله بتخرج من المياه وتلمس الارض الغابه كلها بتحيا تاني والورود بتتفتح وبيجي رجل كبير في السن بيكون الحكيم وبيقدر يفهم ويعرف كل حاجه

الحكيم.. بيروح مدد ايده للشاب اللي طلع من المياه

الحكيم.. أدم

أدم في بنت في الغابه

الحكيم..عارف

أدم قصدك اي

الحكيم.. الزمن رجع يعيد نفسه من تاني ياأدم

أدم..قصدك ان البنت دي

الحكيم.. الأميره نادرة حبك الأبدي

أدم بس دي مش هي ولا حتي عرفتني لو كانت نادره كانت اكيد هتعرفني

الحكيم.. الزمن اتغير لكن الروح لا مريم تبقي نادرة ياادم

وهي اللي هتقدر تفك اللعنه اللي انت فيها

أدم.. بس ازاي جت هنا

الحكيم.. الموضوع دلوقتي مش ازاي طالما نادرة رجعت اتولدت تاني ووبقيت هنا يبقي اكيد كل الاشرار اتولدو

أدم.. انا جاهز لكل حاجه زمان كان زمن السحر وقدرو يلعنوني لكن دلوقتي هما اتولد كا بشر عادي وانا اللي معايا القوه

الحكيم.. الشرير يابني غير الطيب

أدم..انا مش فهمك ياحكيم

الحكيم..نادرة عشان قلبها نقي لازم تشرب من ماء الذهب وساعتها هتفتكر كل حاجه

لكن الشرير مهما اختلف الزمان شره ديما بيتغلب عليه ويفكره

الحكيم..المفروض دلوقتي نخلي مريم تشرب من المياه قبل ماالشر يفتكر كل حاجه

أدم.. انا مش فاهم ازاي هي وصلت لهنا

الحكيم.. انا لازم المس ايد البنت دي

أدم.. بيمسك ايد الحكيم وفي ثواني بيتنقلو وبيكونو عند مريم

الحكيم بيبص علي مريم اللي بتبقي نايمه تحت الشجره وبيروح مقرب منها ولمس شعرها

الحكيم اول مابيلمس شعر مريم عيونه بتبرأ وبيرجع كام خطوه لوره

أدم.. حكيم انت كويس حكيم في اي

الحكيم.. هي هي ببرأتها بكل تفاصيله فيها بــــــــــس

أدم..بس اي ياحكيم

الحكيم.. الشر حوليها هو اللي جبها هنا احنا لازم نعمل تقوس رجوعها بسرعه

قبل ماالشر ذاكرته تتكتمل وترجع وو.....

يتبع..

ملحوظه الشر ده بني ادم عشان تبقو فهمين وهنعرف هو مين في البارت الجاي

تاني حاجه انا عارفه ان البارت صغير بس دي تعتبر اخر تجربه للروايه لو مش عجبكم قولولي وقفيها

part 3

الحكيم.. الشر حوليها هو اللي جبها هنا احنا لازم نعمل طقوس رجوعها بسرعه

قبل ماالشر ذاكرته تتكتمل وترجع..

الحكيم لسه بيتكلم بيلاقي مريم ابتديت تصحا

مريم.. انتو مين ممكن تساعدوني اطلع من هنا

الحكيم كان بيكلم مريم وأدم واقف وراه لسه مشفتهوش

الحكيم.. انتي مين يابنتي وأهلك فين

مريم انا عيشا مع عمي ومرات عمي في ڤيلا فاروق القاضي

الحكيم..أدم......أدم بيدور وشه ومريم بتشوفه وأدم بتبقي عنيه في عين مريم

مريم...انا شوفتك فين قبل كده انت تعرفني

أدم..من زمان

في ڤيلا فاروق القاضي

مريهان مرات فاروق..هنعمل اي دلوقتي يعني كان لازم تخطفها اهو الزمن بيعيد نفسه تاني ومريم دخلت غابة أدم

عاصم محدش هياخد نادره مني ولا هيقرب ليها

مريهان.. انت غبي وهتفضل طول عمرك غبي ضيعتها منك في الماضي وخليتها تروح لي برجليها في المستقبل

عاصم.. نادره ليا وهخدها منه حتي لو هدخل الغابه

مريهان..انت عارف ان غابة أدم اللي بيدخلها مبيطلعهاش

ودخولك دلوقتي وانت من غير قوتك معناه موتك

فاروق..ميريهان معاها حق الغابه اللي بيدخلها مش بيطلع

وأدم هيبقي سهل عليه جدا انو يقتلك

عاصم بعصبيه اومال عايزني افضل مكاني لحد ما نادره تفتكر

فاروق.. مفيش غير حل واحد عشان مريم تفتكر الماضي وبأنها الأميره نادرة

والحل هو ماء الذهب

عاصم... اكيد عامر عنده بحيرة الذهب

فاروق..عنده البحيره بس معندوش القمر

عاصم..قمر

فاروق..البحيره عمرها ما هتخلي مريم تفتكر غير لما القمر يبقي بدر

ومهما حاول أدم يدخلها البحيره مش هتفتكر

عاصم.. وده هيفدني بأي

فاروق.. أدم ميعرفش المعلومه دي وهيخلي مريم تدخل البحيره اكتر من مره لكن هي مش هتفتكر حاجه

لازم عشان مريم تعرف انها نادره تدخل البحيره بعد 4ايام في ليلة اكتمال القمر وأدم طبعا مش عارف بكده

عاصم.. وانا هستفاد اي

فاروق.. نفس الليله اللي فيها اكتمال القمر هي نفس الليله اللي هيكتمل فيها شرك وساعتها هترجع الملك تاني وقوتك هترجعلك

بس لازم كل ده يحصل في نفس الليله وقبل ما أدم يكتشف سر القمر

لازم تكون جوه الغابه

فاروق..لما هتتحول لملك هتقدر تدخل وتخرج من الغابه لكن لو رحت دلوقتي هتفضل محبوس

في الوقت ده في الغابه

مريم.. انا شوفتك فين قبل كده انت تعرفني

أدم.. من زمان

مريم.. طب ممكن تخرجني من هنا

أدم.. ممنوع اللي بيدخل مبيطلعش

مريم.. يعني اي انا هفضل محبوسه هنا طول عمري

أدم..احتمال

مريم.. انت اكيد مجنون انا مش هقعد في الغابه دي دقيقه واحده

أدم.. كل الطرق قدمك الطريق اللي يريحك أمشي فيه

مريم بتسيب أدم وبتمشي

الحكيم.. انت اي اللي انت عملته ده انت اه بقالك ألاف السنين في الغابه دي بس لازم تعرف ان نص الغابه لعنه والنص التاني تحت أمرك

أدم.. مش نادره لو كانت نادره كانت عرفتني

الحكيم... الزمن اتغير انت عارف بقالك قد اي مسجون في الغابه

أدم...حتي لو ميت سنه وحتي رغم ان الزمن عاد نفسه بس كان لازم تعرفني

الحكيم.. نادره عمرها مانسيتك يابني اوعي تفتكر ان وجودها هنا صدفه

كله كان متقدر اعتبرها فرصه جديده وخليها تحبك من جديد

أدم بيسمع كلام الحكيم وبيروح وره مريم

أدم.. رحت فين رحت فين

وفي ثواني أدم بيلاحظ ان مريم عدت حدود الغابه وبقت في نص الظلام

أدم بيدخل برجله النص التاني من الغابه وبيدور علي نادره

وفي ثواني مريم بتشد أدم ليها وبتحط ايديها علي بقه

وبتروح مشاوره لأقدام

مريم متتحركش دي الأفعي السوده اللسعه والوحده منها هتموتك في خلال دقايق

أدم بقي منزهل ازاي مريم قدرت تعرف الأفعي وتعرف انها سامه

مريم في ثواني بعد مابتكلم أدم بتسأل نفسها

مريم انا اذاي فاكره كل ده

أدم في اللحظه دي بيمسك الأفعي السوده وبيموتها

ولسه بيبص علي مريم بيلاقي مريم واقفه في مكانها وقصادها أفعي انكوندا كبيره

أدم لسه رايح ينقذ مريم فجأة الساعه بدق 12وبيختفي

يتبع

بقلم

No promises

part 4

أدم لسه رايح ينقذ مريم فجأة الساعه بدق 12وبيختفي

مريم.. واقفه مكانها مبتتحركش قصاد الأفعي

وفجأة الأفعي ببتحرك وبتجري قصاد مريم ومريم لسه واقفه مكانها مبتتحركش من الصدمه

ولسه الأفعي هتلف علي مريم العجوز بيقف قصدها وبيقسم الأفعي اتنين بسيفه

ومريم بيروح مغمي عليها وبتقع في علي ايد العجوز

العجوز.. لو تعرفي إستنيتك قد اي صحيح شكلك إتغير

بس هتفضلي ديما نادره اللي حبيتها

العجوز بياخد مريم وبيطلعو بره نص الغابه الشرير

وبيرجع بيها عن الشجره

مريم بتفوق بتلاقي نفسها في حضن رجل عجوز ومغطي وشه

مريم وهي بتبعد عنه بخوف.. إنت تاني إنت عايز مني اي

العجوز.. متخافيش انا مش هأذيكي بس لازم تسمعي كلامي احنا لازم نمشي من هنا

مريم.. كأني سمعت الصوت ده قبل كده انت مين بعدين اجي معاك ليه انا لازم اخرج من الغابه دي بأي طريقه

العجوز.. انا اعرف مكان الخروج لو عايز تطلعي من الغابه لازم تيجي معايا

مريم.. اجي معاك ازاي انا حتي معرفش انت مين ولحد دلوقتي مش هعارفه اخرج من الغابه دي والشاب اللي كان معايا راح فين

العجوز.. أسمعي احنا لازم نمشي من هنا

مريم.. انا مش ماشيا من هنا غير لما اعرف انت مين انا عايزه اشوف وشك

العجوز وهو بيكلم نفسه.. مينفعش اكشف عن وشي اقولها ازاي اني أدم وان اللعنه خلتني الصبح أدم وبليل بتحول لعجوز كل اللي يبص في عينه بيتحول لتمثال

مريم ها هتخليني أشوفك ولا افضل قاعده هنا

العجوز.. انتي شكلك مش هتيجي بالزوق

مريم.. قصدك اي انت متعرفش تعمل معايا حاجه انت مجرد رجل عجوز ولولا انك كبير انا كنت اتصرفت معاك تصرف تاني

العجوز بيديق اكتر.. انتي قد كلامك ده

مريم انا مش فهما ازاي عجوز وصوتك شاب في الثلاثينات علي مااعتقد

مريم لسه بتقرب وهترفع الغطاء اللي علي راس العجوز

العجوز.. لو كنت مكانك مكنتش هعمل كده

مريم خلاص ايديها قريبه

في ثواني العجوز بيرفع ايده لفوق وبيحبس مريم في قفص وبيخليه طاير وبيبقي ماشي جمبه

وبيمشي العجوز ومريم اللي في القفص جمبيه

مريم.. ده مش عدل انت عشان عندك قوه قادر تتحكم فيا

وعشان انا بريئه هتطر اسكتلك

العجوز بضحك بريئه جدا يعني مش عايزا اقولك

مريم..انت

العجوز..ايوه

مريم..انا جعانه

العجوز..طب ماتكلي

مريم..أكل نفسي يعني ولا اي هاتلي اكل

العجوز..في سره ياريت والله وتخلصيني منك

مريم..سمعتك علي فكره

العجوز.. عاوزه اي

مريم.. أكل

العجوز.. حولي تستني لحد الصبح

مريم انا مش فاهمه حاجه

العجوز الغابه دي فيها كل حاجه بتتمنيها في النهار والليل كل حاجه بتختفي وبتبقي ضلمه زي ماانتي شايفه كده

مريم.. انا اول مره اسمع عن غابة أدم اول مره اعرف ان في غابه هنا

مريم.. بعدين ازاي مسحورا وعمرنا ماسمعنا عنها

العجوز.. عشان الزمن اختلف

أدم.. كان نفسه يحكيلها كل حاجه وان الغابه ملهاش أثر بره وان هي وكل اللي كانو في الماضي هما بس اللي يقدرو يشفهوها ويدخلوها

مريم وهما ماشين في الغابه

انت بتسكت كل مابسألك عن حاجه ليه

العجوز.. حولي تنامي شويه تعرفي

في الوقت ده عند عاصم

عاصم بينادي علي الغراب بتاعه وفي ثواني بيكون موجود

عاصم بيبص في عيون الغراب وبيعرف ان أدم ونادره قربو من الماء الذهب

عاصم بيروح صارخ

ميريهان.. اي ياعاصم مالك

عاصم انا لازم ادخل الغابه بأي طريقه ولسه بيقوم عشان يمشي

فاروق.. مش هينفع تدخل الغابه غير في اليوم الرابع

عاصم.. دول قربو من ماء الذهب

فاروق حتي لو قربو مش هيعرفو يعملو حاجه أدم ميعرفش ان لازم القمر يبقي بدر عشان لما مريم تنزل في المياه تفتكر وترجع أميره تاني

عاصم.. انا مش هفضل مكاني كده لحد مااليوم الرابع يجي

فاروق انا ممكن اعملك حاجه تانيه بس دي فيها موت حاجه بتحبها

عاصم.. اعمل اي حاجه بس ادخل الغابه قبل مانادرة تقرب منه او تحبه تاني

فاروق.. غرابك

عاصم.. انت عارف ان حتي الغرب مش بيدخل الغابه بس بيطير فوقيها وبقدر اعرف اي اللي بيحصل

فاروق.. غرابك هيدخل الغابه بس قصاد دخوله هيكون موته

عاصم.. مش مهم المهم اعمل حاجه تعطلهم او. اق، تل فيها أدم

فاروق انا هعمل دلوقتي تعويذه تخلي الغراب يدخل الغابه

واول مايدخل تقدر تخليه يتحول لأي حاجه انت عايزها

بس لازم تعرف ان الغراب لو دخل مش هيطلع

عاصم..بضحكه شريره نفذ وانا عارف انا هبعت اي لأدم

يتبع...

بقلم

No promises

رواية غابة آدم الفصل الخامس 5 بقلم no promises

ال5☺️

عاصم..بضحكه شريره نفذ وانا عارف انا هبعت اي لأدم

فاروق.. هتعمل اي

عاصم الجانب الميت من الغابه عايزه يدخل على الجانب الحي

فاروق.. بس ده مستحيل

عاصم.. مفيش حاجه اسمها مستحيل انا عايزك تنفذ وبس ولا عايز سرك الحلو ينكشف قصاد مريم لما ترجع تفتكر كل حاجه

فاروق.. انت وعدتني انك تاخد مريم وانا اخذ العرش

عاصم.. الوعد ده قبل مانادرة....

فاروق قبل مانادرة اي

عاصم.. اللي انت متعرفهوش ان نادره هي صاحبت اللعنه وهي اللي تقدر تنهيها

فاروق.. قصدك اي

عاصم قصدي ان الليله اللي قرارتو تقتلو فيها أدم نادره سمعتكو وفي نفس اللحظه اللي كنت هتنزل سيفك علي أدم

هي نفس اللحظه اللي أدم اختفي فيها

فاروق.. طب وأدم

عاصم.. متخافش أدم ميعرفش ان سبب اللعنه دي تبقي نادره

ونادره مش لازم تنزل على بحيرة ماء الذهب ابدا

فاروق.. استنا وشوف انا هعمل اي

عاصم.. ايا كان اللي هتعمله لازم علي الاقل ياخد يومين تاني يوم يعتبر عد وفاضل يومين وساعتها هقدر ادخل الغابه

في الوقت ده في الغابه

العجوز ومريم نايمين وفجأة الأرض بتتشق والقفص اللي فيه مريم بيقع

العجوز... بصوت عالي نااااااااادره

مريم وهي متعلقه في حجر... طلعني من هنا ارجوك ساعدني

العجوز... ايا كان اللي هيحصل دلوقتي انا عايزك تغمضي عينك

العجوز بيشيل الغطاء من عليه وبيركز بعينه علي القفص وبيفتحه وبيخرج مريم اللي بتبقي طالعه طايره من تحت الارض

العجوز لسه مفتح عنيه ومريم مغمضه وفي ثواني مريم بتروح مفتحه عنيها

بـــــــــــــس اي ده مريم متحولتش بس اللي شفيته مريم ساعتها كان اوحش من انها تتحول لتمثال

يتبع...

part 6

مريم بتبص بتلاقي العجوز و أدم واحد الوش مقسوم اتنين نص لعجوز ونص تاني للشاب اللي شفته امبارح

مريم اول مابتبص بتروح صارخه بأسم أدم ومغمي عليها

العجوز بيشيلها وبيطلع من الأرض وبيكمل مشي

وفجأة بيقف في مكان وبينزل مريم علي الأرض وبيفضل جمبها

العجوز وهو بيكلم نفسه.. ازاي متحولتش لتمثال

فجأة مريم بتصحا

مريم... أدم

العجوز.. انتي عرفتي اسمي ازاي

مريم.. من زمان كان في أميره حبت في مره تخرج بره القصر وراحت علي حدائق الورد

العجوز.. لسه هينطق مريم بتحط ايديها علي بقه

مريم.. وفي عز ماهي فرحانه بلون الورود بتشوف المزارع بيزرع ورده هناك

ساعتها علمها وهو ميعرفش انها الأميره ومع الوقت فضلت تروحلو لحد مااعترفت بحبها لي

وهو عرف انها الأميره

لكن اهل الأميره خطبوها بالعافيه ولما قرارت انها تهرب وترحلو

عرفو كل حاجه وقرارو انهم يقتلو

وعشان الأميره تنقذه ضحت بنفسها وقتلت نفسها عشانه

والمزارع كان فاكر ان الأميره اتخلت عنه

أدم.. نادره

نادره.. ايوه أميرتك نادره.. نادره اللي مخلفتش بوعدها يوم

أدم.. لكن انتي سبتيني

نادره... انا عمري ماسبتك وعمري ما كنت هخليك تعرض حياتك للموت عشاني

نادره... انا اللي قتلت نفسي كنت عارفه اننا هنتقابل تاني في عالم تاني

بس مكنتش أعرف ان عاصم هيلحقنا لحد هنا

أدم.. بيلمس ايد نادره وفي ثواني مريم بتتغير ولبسها بيتغير والتاج بينزل يزين راسها وفستانها الملكي

أدم... نادره

نادره.. بتقرب علي أدم وبترفع الغطاء عنه

أدم.. بلاش يانادره انا دلوقتي مش أدم اللي انتي تعرفيه

نادره.. حتي لو كنت اي او اتحولت لأي هتفضل في قبلي وروحي أدم اللي حبيته

نادره بتقرب وبتروح شايله الغطاء ولمسه بأديها وش أدم

نادره.. احنا لازم نروح بحيرة ماء الذهب بسرعه

أدم.. استني انتي ازاي عرفتي بالبحيره

نادره.. عشان انا اللي حبستك في الغابه ياأدم وبعدتك عنهم

في الوقت ده

عاصم.. بشر بغضب أدااااااااااام

فاروق... بيجي وعاصم بيروح ماسكه من رقبته خنقه

عاصم.. كل حاجه فشلت مريم عرفت انها نادره ومن قبل ماتدخل الماء الذهب كمان

فاروق وهو مش عارف ياخد نفسه... ارجوك متقتلنيش انا عندي حل أخير

عاصم.. أنطق

فاروق.. ممكن اخليك تتدخل الغابه قبل ماتيجي ليلة القمر

عاصم.. ازاي

فاروق.. هتدخل بس هتبقي انسان عادي من غير قوه

عاصم... نفذ دلوقتي

وفي ثواني عاصم بيسيب فاروق

وفاروق بيروح واخد نقطة دم من عاصم وبتتفتح بوابه بتودي علي الغابه

عاصم بيدخل الغابه والبوابه بتبقي هتتقفل

فاروق لازم تفضل عايش لحد ليلة القمر وترجعلك قوتك والا هتموت زي اي إنسان عادي

يتبع

بقلم No promises

ملحوظه الروايه تجربه وقربت تخلص وبعديها هبدء روايه واقعيه

ياريت تقولو رأيكم في الروايات الخياليه وهل بتحبوها ولا بتفضلو الوقع احسن

عاصم بيدخل الغابه والبوابه بتبقي هتتقفل

فاروق لازم تفضل عايش لحد ليلة القمر وترجعلك قوتك والا هتموت زي اي إنسان عادي

وفي ثواني البوابه بتتقفل وعاصم بيكون جوه الغابه

في الوقت ده

نادره وأدم بيكملو مشي

نادره.. احنا ريحين علي فين

أدم.. بحيرة ماء الذهب

نادره.. انا مش محتاجه بحيرة الذهب انا افتكرت كل حاجه

أدم.. بحزن بس انا محتاجها عشان ارجع بني ادم تاني

نادره قصدك اي

أدم.. كل يوم ساعه شروق الشمس برجع بهيئتي كابني أدم عادي واول مانص الليل بيجي انا بتحول للعجوز

نادره.. بحزن وراحت واقفه شويه

أدم.. مالك وقفتي ليه

نادره.. عشان انا السبب في اللي انت فيه

أدم.. انا كل اللي هممني دلوقتي انك رجعتيلي وبقيتي معايا

نادره.. وهفضل طول عمري معاك انا هروح معاك للبحيره انا كمان

أدم.. ليه غيرتي رأيك

نادره.. طالما البحيره قادره تغير شكلك يبقي اكيد تقدر تكسر اللعنه

أدم.. وهتعرفي ازاي

نادره.. هدخل معاك المياه انا ذاكرتي فعلا رجعتلي بس فيه حاجات انا مش فهمها زي اني مش فاكره اي اللي يبطل مفعول اللعنه

أدم بيمسك ايد نادره وبيكملو مشي لحد مابيوصلو للبحيره

أدم.. لسه الشروق مطلعش وهنتطرنستني شويه

نادره.. بتقرب منه وبتقعد جمبه قصاد البحيره وبتبقي عايزه تشيل الغطاء تاني من عليه لكن أدم بيوقفها

أدم.. عشان خطرى استني شويه وبعدين هتغير وتقدري تشوفيني براحتك

نادره.. بتحط ايديها علي بق أدم وبتمنعه يتكلم

نادره.. انا بحبك بكل حالاتك ياأدم ولو اي حصل فيك انا متقبلاه

نادره بتقرب من أدم وبتروح طبعه بوسه علي شفايف أدم

وفي نفس اللحظه أدم بتحول لأنسان وبيرجع زي ماكان

نادره.. بزهول أدم انت رجعت زي ماكنت

أدم.. انتي بتقولي اي

نادره.. بقولك انك رجعت لشكلك الطبيعي

أدم بيسيب نادره وبيجري علي البحيره يشوف نفسه بيلاقي نفسه أدم الانسان الثلاثيني والعجوز مش موجود ورجع لطبيعته

أدم بس ازاي

نادره..المهم انك معايا

أدم..احنا لازم نطلع من هنا

نادره..هنحتاج اي من بره لا هو زمنا ولا هو وقتنا خلينا انا وانت هنا اي رأيك

أدم.. الرأي رأي الحكيم

نادره..قصدك اي

أدم..بياخد نادره وبيروحو عند الحكيم

أدم.. جاهز ياحكيم

الحكيم..فاضل 4ساعات علي رجوع كل حاجه لطبيعتها

أدم..ياحكيم انا قصدي علي جوازي من نادره

الحكيم..وانا قصدي علي الحياه الأبديه

نادره..حياه ابديه

الحكيم..ايوه يابنتي انهارده الغابه اتحرارت من اللعنه وكل الناس اللي اتحولو تماثيل بعد 4ساعات هيرجعو طبيعين

والغابه هترجع تاني ارض عاديه

وانتي وأدم هترجعو لعالمكم تاني

أدم..قبل مانرجع انا حابب الغابه تشهد علي جوازي منها

الحكيم..بيجوز أدم ونادره

وأدم بياخد نادره وبيرجعو تاني عند البحيره

أدم بيشيل نادره وبينزل بيها البحيره

واول ما بينزلو البحيره بتتحول لماء عذب بالون الازرق

أدم بيلمس نادره وبيفضلو شويه في المياه وبعدين أدم بيشيل نادره وبيطلع بيها واول مارجله بتلمس بره البحيره

بيلاقي قصاده عاصم واقفله

نادره اول مابتشوف عاصم بتفكر كل حاجه وان عمها فاروق هو ومراته هما اللي كانو بيحاول يقتلو أدم بأمر من عاصم

أدم بيبقي لسه شايل نادره وبيبص لعاصم بغضب

عاصم..الأميرة نادره رجعتلها الذاكره معقول

نادره..رجعتلي وافتكرت كل حاجه وكل مؤمراتك انت وعمي وازي كدبت عليه وقولتله هتسلمه العرش وانت في الاساس عايز تتجوزني عشان تستلمه انت

عاصم..ولسه لحد دلوقتي برضو هاخدك وهنرجع والمملكه هتبقي ليا وتحت أمري

عاصم..بيطلع سيفه وبيبتدي يجري علي أدم

أدم بيرمي نادره علي جنب وبيروح رايح لعاصم

عاصم عمال يضرب أدم بالسيف لكن أدم بيفلت منه في كل مره

لكن عاصم بيروح نازل بالسيف علي صدر أدم بيجرحه

نادره..بتبقي واقفه وفجأة بتصرخ

عاصم..قولتلك انك ليا ومش لحد غيري وهخدك يعني هخدك في وجود أدم او علي جثته

نادره..بتروح واقفه قصاد عاصم لما بتلاقيه عمال يجرح في أدم وأدم خلاص رجع انسان فا مبقاش معاه قوه

نادره.. انا هرجع معاك بس سيبه يعيش

عاصم.. واعرف منين انك مش هتعملي حيله تاني

نادره..معتش في حيل تاني

عاصم بيمسك نادره من ايديها وبياخدها ويمشي من قصاد أدم

وفي نفس اللحظه أدم بينط علي عاصم وبيروح داخل بيه في البحيره

ال4ساعات بيعدو والغابه بتبتدي كل حاجه فيها تختفي

حتي البحيره اللي أدم وعاصم نزلو فيها وبتبتدي تسحبهم معاها

أدم..أوعي تفكري تقربي انقذي نفسك وامشي من هنا دلوقتي يلا يانادره

نادره مبتسمعش كلام أدم وبتروح رميه اغصان لأدم وبتبتدي تشده...لكن عاصم بيبقي ماسك في رجل أدم

عاصم لو مت هتموت معايا

نادره بتحاول تشد أدم جدااا وادم بيروح ضارب عاصم برجله وبيروح طالع من المياه

أدم ونادره بيحاولو يطلعو من الغابه اللي بيبقي كل حاجه فيها بتنسحب وفي نفس اللحظه أدم ونادره بيلاقو ناس كتير بتجري معاهم بيكونو هما نفس الناس اللي اتحولت لتماثيل

كلهم بيحاولو يطلعو بره الغابه وفعلا الكل بيطلع لكن بيجي يطلع أدم ونادره بيقابلهم فاروق ومراته

أدم..خدها هي وانا مش مهم

نادره.. انا مش هطلع واسيبك يانعيش سوا يانموت سوا

فاروق.. ها يانادره اختاري ترجعي معايا وتتخلي عن العرش او تموتي مع حبيبك هنا وبرضو هاخد العرش

نادره طلعنا وانا هتنزلك ومش عايز عرش العرش ليك

فاروق واضمن منين انك مش هترجعي تاني

نادره انا مش هرجع اصلا قولهم اني موت وهتبقي انت الملك

فاروق بيسمع كلام نادره وبيتحمس وفي نفس اللحظه نادره بتروح شده فاروق وبيقع جمب أدم وبتبقي الغابه بتسحبهم

نادره بتطلع وبتحاول تشد أدم من ايده لكن مفيش فايده

فاروق.. بصوت عالي ميريهان ساعديني ميريهان

ميريهان بتشوف قصادها منظر الغابه وهي بتسحبهم بتخاف وتجري وفارق بيبقي مصدم في شريكة عمره اللي سبته

نادره..بتطلع أدم والغابه بتروح سحبه فاروق معاها وبترجع لأرض فاضيه تاني وبتنتهي اللعنه وفي اللحظه دي أدم ونادره بيرجعو للعالم بتاعهم بعد زوال اللعنه وبترجع معاهم ميريهان وبتبقي خدامه عند الأميره نادره والملك أدم

أدم..كنت فاكر ان دي النهايه وهفضل طول عمري أسير لعنتك

نادره..هتفضل طول عمرك أسير لعنتي لكن لعنه حبي ليك

النهايه....(عارفه انها خلصت بسرعه بس صدقوني دي كانت تجربه خياليه اتمني تكون عجبتكم)

متنسوش هنرجع لأرض الواقع تاني بكره بأمر الله

مع رواية جديده