تحميل رواية «جبروتي علي امي» PDF

جبروتي علي امي

الحلقه الاولي

بقلم هويدا زغلول

الام

بقي انهارده بدل ما تخليني اتشرف بيكي

واقول اللي انتو فرحانين بيها دي تبقي بنتي

تقولي للناس أن أنا الست اللي بمسح ليكي

السلم

نورا

امال عايزني أنا اشرفك بيا وانتي تعملي فيا

كده قدام صاحبي شغاله خادمه في البيوت

يا ماما

وقبل ما نبدا الحكايه اعرفكم بنفسي أنا نورا

اللي قسيت علي امي ودائما كنت بجرحها

بالكلام وفاكره يوم ما ماما دخلت عليا اول

يوم رمضان وقالت

الام

كل سنه وانتي طيبه يا قلبي ورمضان كريم

عليكي يارب معلش بقي بكره هتروحي

تكلي عند عمتك

نورا

اي مش عارفه تخدي اجازه اول يوم رمضان

يا ماما حتي وتقعدي معايا

الام

معلش يا بنتي انتي عارفه امك ممرضه

في مستشفي والإجازات دي مش بمزاجي

حقك عليا بس اوعدك تاني يوم رمضان

هكون معاكي

نورا

مش مهم برحتك بقي المهم انا عايزه

فلوس لان المفروض أنا واصاحبي رايحين

خيمه رمضانيه ولازم اكون زي زيهم

الام

واحسن منهم كمان هو انا عندي كام نورا

اوعدك يا حبيبي بكره الفلوس تكون معاكي

تعالي بقي جايبه ليكي اكل معايا من المستشفي انما اي مكرونه بالبشاميل وفراخ مشويه

نورا

اتحجزت كام مره في المستشفى وعمري ما شوفت مستشفى بتعمل الاكل ده يا ماما

الام

ده يا حبيبتي مش من المستشفى دي واحده زميلتي هي اللي كانت عاملاها وجايبه لنا تعالي تعالي كلي معايا اكل طعمه حلو اوي

نورا

لا انا هطلب دليفري مش عايزه اكل شحاتين انا

وبطلي بقي تخدي اكل من الناس تعالي

بيتك واعملي الاكل اللي علي مزاجك

الام

اخص عليكي يا نورا دي كلمه تقوليها ليا برده يا بنتي ما انتي عارفه ان انا باجي متاخره هاجي اقفل المطبخ هنا كمان

نورا

بقولك يا ماما انا ورايا مذاكره كثير وبصراحه عايزه اكل من بره روحي بقى اعملي حاجه اشربها وهاتيها هنا عشان اعرف اذاكر عقبال ما اطلب الاكل والاكل يجي

الام

حاضر يا بنتي تحت امرك ، وبعدها خرجت ماما

ولقيت مريم بترن عليا

مريم

هو انتي فين يا نورا انا عمال ارن عليكي من بدري بقولك ايه انا عايزه اجيلك معلش لان في حاجات كثيره مش فاهماها

نورا

تيجيلي فين اقصدك البيت لا لا مش هينفع اصل عمتي وعيالها هنا وكلهم عاملين دوشه جامده اوي خليكي انتي وانا هاجيلك

مريم

والله العظيم انا كنت عايزه اقولك كده بس كنت محرجه لاني انا اللي محتاجاكي خالص هستناكي يا حبيبتي

نورا

اخص عليك يا مريم هو في بيننا كده برده

خلاص انا جايلك وبعدها روحت ليها وماما

لما لقت نفسها قاعده لوحدها قامت نامت

وتاني يوم راحت شغلها في بيت مريم صاحبتي

مش المستشفي اللي بتقول عليها ودخلت

اوضه مريم

الام

اخص عليكي يا مريم انتي على طول كده مرميه هدومك في كل حته قومي يا بنتي بقى وراكي جامعه يا حبيبتي

مريم

صباح العسل على احلى ماما نجوى في الدنيا ازيك يا حبيبتي عامله ايه رمضان كريم عليكي يا حبيبتي

الام

ما باخدش منك غير بكش وبس ينفع منظر اوضتك ده مش قولتلك كام مره تعلقي هدومك

مريم

لو ما كنتش بدلع عليكي انت هتدلع على مين يا عسل وبعدين انتي قةلتي انك عندك بنت زي كده بالضبط بترمي لك هدومهم في كل حته

اعتبرني بنتك بقي

الام

والله ربنا يعلم بحبك زيها ازاي ربنا يخليكي ليا يا بنتي ده انا بنتي بكره هتبقى دكتوره قد الدنيا

مريم

طيب ما انا نفسي اتعرف عليها ما تجيبيها مره هنا معاكي علشان نشوفها

الام

لا لا مش هينفع اصل هي وراها مذاكره كثير ربنا معاها بقى يلا بسرعه علشان تلحقي تيجي

قبل المغرب

مريم

حاضر يا حبيبتي انا داخله اخد شاور وهنزل على الكليه على طول ، وبعدها خرجت وبدأت ماما

تلم الهدوم ودخلت ام مريم وقالت

ثريا

كويس يا نجوي انت جيتي بدري المفروض النهارده هنعمل اكل كثير قوي عازمه اخواتي كلهم يا ستي

نجوي

مش انتي اختهم الكبيره ولازم تعملي كده

ربنا يخليهم ليكي يارب

ثريا

ما تخلي بنتك تيجي هنا بدل ما هي تقعد

لوحدها

نجوي

لا هي هتاكل مع عمتها احسن يلا بقي بينا

علي المطبخ علشان الحق اخلص اللي ورايا وبعدها جت مريم من الكليه ودخلت اوضتها

وشويه و خرجت ودخلت المطبخ وقالت

مريم

بصراحه مش بحب بنات خالتي دول بحس

ان مناخيرهم في السما

ثريا

يوووو. بقولك اي اهو يوم ويعدي بقي يا مريم

واخرجي برا علشان المغرب قرب يأذن

وعايزه اخلص اللي ورايا

مريم

بقولك اي يا ماما انا هتصل بوحده صحبتي

اخليها تيجي ونفطر جوا انا وهي

ثريا

روحي اعملي اللي انتي عايزه وابعدي عني بقي

خليني اخلص ، وخرجت مريم ودخلت ماما

نجوي

خلاص انا عملت العصائر كلها وفي التلاجه

ها ابدا اجهز السفره ، وفي اوضه مريم

كانت بتكلمني

مريم

بقولك اي مش انتي قولتي أن مامتك في

المستشفى انهارده

نورا

اه طبعا يا بنتي انا ماما دكتوره مشهوره اوي

وعندها عمليات انهارده

مريم

طيب بليز تعالي افطري معايا ارجوكي

وبعدها أنا قولت

ولحد هنا تكون خلصت حلقتنا

جبروتي علي امي

الحلقه الثانيه

بقلم هويدا زغلول

وفي الوقت ده نورا قالت ليها

نورا

لا معلش يا مريم مش هقدر بصراحه الجوحر ومش هقدر انزل تاني ابقي اشوفك بعد المغرب بقي

مريم

تمام هخدي بالك من نفسك يا حبيبي

وبعد الفطار كانت ماما وافقه في المطبخ

بتغسل المواعين ومريم دخلت ليها

مريم

اي ده يا ست الكل معقول لسه مش خلصتي

لحد دلوقتي

الام

اعمل اي يا حبيبتي المواعين كتير خلاص

قربت اخلص اهو عايزه حاجه اعملها ليكي

مريم

لا عايزه اقولك حاجه بس خايفه تزعلي

مني وراحت مطلعه كذه دريس من شنتطها

وقالت لها

مريم

انا كنت جايبه دول علشان البسهم

في رمضان بس بصراحه كده مش هعرف

البس غير بناطيل ممكن تخديهم لبنتك

الام

لا بنتي لازم تنزل تنقي الهدوم اللي هي

عايزها بنفسها دي بكره تبقي دكتوره

مريم

والله انا حبيتها من كلامك عنها ارجوكي

خديهم دول بالتكت بتعاهم انا مش لبستهم

خالص والله

الام

ماشي يا حبيبتي هديه مقبوله منك ربنا

يخليكي وبعدها ما خلصت ماما شغل المطبخ

راحت لام مريم وقالت ليها

الام

عايزه مني حاجه تانيه المطبخ اي منور والله

مافيش فيه اي حاجه يا ست ثريا

ثريا

اه يا نجوي خدي اخواتي سايبين ليكي

الفلوس دي خليهم معاكي واختي ناديه

عندها عزومه يوم 10رمضان لو ينفع تروحي

تسعديها

الام

باذن الله انتي تؤمري وماما كانت فرحانه اوي

علشان جابت ليا الفلوس وبعدها جت البيت

وانا فتحت ليها

الام

حبيبتي يا نورا وحشتني يا بت

نورا

هو انا قولتلك ايه مره بطلي تقولي ليا كلمه بنت دي انا ما بقتش بنت

الام

ايه يا دكتوره نورا كبرتي عن امك ولا ايه ماشي يا ستي خدي اشتريتلك الهدوم دي وانا جايه وخدي الفلوس دي كمان اللي انتي

كنتي عايزاه

نورا

والله يا ماما ده الهدوم دي شكلها غاليه قوي وشكلها شيك جدا ربنا يخليكي ليا يا رب

الام

هو انا ليه بركه غيرك يا بنتي ربنا يخليك ليا يلا هروح اجهز السحور

نورا

وانتي ناويه تتسحري ايه فول والكلام ده انا مش هاكل الكلام ده ابقي هاتي ليا علبه الزبادي بتاعتي على السرير وخلاص

الام

يا بنتي نفسي في مره تأكلي لقمه معايا

مينفعش كده

نورا

يووووو بطلي بقي تنكدي عليا حرام

عليكي انا داخله اقيس الهدوم وبعدها

دخلت الاوضه وماما اقعدت كلت لوحدها

وتاني يوم راحت نورا الكليه وكانت مريم وافقه

مع بنت خالتها ندي

مريم

ايه ده نورا صباح الخير كده غريبه ده انا كنت شاريه نفس الدريس ده بالظبط مش قولتك

في حاجه بينا مشتركه

نورا

والله طيب ليه مش جيتي بيه انهارده

حتي كنت نبقي لابسين زي بعض

مريم

لا اصل انا حسيت ان شكلي في الدريسات مش هيكون قد كده ، ولقيت ندي قالت

ندي

مش انت امبارح اديتي ليا شغاله اللي بتشتغل عندكم انا كنت قاعده وشايفاكي وانتي داخله المطبخ بيهم وخرجتي من غيرهم

مريم

اياك تقولي عليها كلام ده تاني اسمها الست اللي بتساعد ماما مش هي شغاله عندنا انا بكره الكلمه دي على فكره

ندي

هههههههههههه طيب وانتي بقى يا نورا جبتي الطقم ده منين

نورا

بقولك يا مريم احنا كده هنتاخر على المحاضره يلا بينا علشان نطلع نحضر المحاضره اه نسيت اقولك حاجه يا ندى كل شويه لما تفكري تطلعي كلام من بقك قولي اللهم اني صايمه

وبعدها طلعنا المحاضره وبعد ما خلصت

مريم

ما لكيش حجه بقى هتيجي تفطري معايا النهارده مش هسيبك تروحي

نورا

والله يا مريم مش هينفع ماما امبارح فطرت في الشغل بتاعها والنهارده هتيجي تفطر في البيت فلازم اكون معاها

مريم

طيب اوعديني انك تيجي في يوم تفطري معايا

نورا

والله يا حبيبتي لما اكون ماما فطرانه في الشغل هاجي افطر معاكي وفي الوقت ده جت ندي

وقالت

ندي

بقولك ايه صحيح يا مريم انتي عارفه ان ماما عازماكي على الفطار الاسبوع الجاي انتي ومامتك ما تخلي نورا تيجي هي كمان

مريم

اول نبي يا ريت يا نورا توافقي

نورا

والله هشوف ماما وكده لو تمام هبقى اجي افطر معاكم ، وبعدها مشيت

وروحت البيت ولقيت ماما بتعمل الاكل

الام

تعالي تعالي يا ست العرايس ده انا عامله ليكي اكل النهارده انما ايه كل اللي نفسك فيه

نورا

هو انتي من امتى يا ماما بتعرفي تروحي تجيبي لبس وتشتري ليا هدوم انتي جبتي الهدوم دي منين

الام

دي كلمه سلام عليكم يا بنتي اللي انتي جايه تقوليها ليا على العموم كنت بتمشى في وسط البلد وبعدين شفتهم عجبوني قلت لازم اجيبهم ليكي ، وفعلا كانت الشنط مكتوب عليها

اسم محلات في وسط البلد

نورا

تمام يا ماما انا داخله انام شويه ولما المغرب يأذن ابقي صحيني

الام

خلاص يا حبيبتي روحي

نورا

صحيح يا ماما انا معزومه على الفطار الاسبوع الجاي عند واحده صاحبتي انتي هتكوني موجوده هنا ولا هتفطري في الشغل

الام

والنبي يا بنتي ما انا عارفه بس حتى لو هفطر هنا روحي خليكي مع اصحابك خليكي افرحي وبسطي معاهم

نورا

خلاص تمام انا داخله انام وجت يوم العزومه

وروحت انا ومريم وفتحت ندي

ندي

والله ينفع كده تيجوا قرب المغرب على طول ده انا قلت هتيجي تقعدوا معايا شويه

مريم

معلش والله عقبال ما نورا جت وجينالك على طول هنقعد مع بعض بعد الفطار باذن الله

ندي

طيب تعالو تعالو نقعد علي السفره

وبعدها قعدنا وفي المطبخ كانت ماما واقفه

عامله تجهز الاكل ودخلت ثريا وقالت ليها

ثريا

تسلم ايدك يا حبيبتي روحي بقى خرجي العصاير على السفره عقبال ما اجي

نجوي

والله ما هيحصل انا اللي هفرغ الاكل كله روحي حضرتك وانا هجيب الاكل واجي وبعدها

فعلا خرجوا وماما كانت بتخرج الاكل ولما

شافتني طبق الشربه وقع من ايديها وانا قومت

وقفت وندي قالت

ندي

ايه اللي انتي عملتيه ده مش تفتحي يا عميا

انتي ، وماما فضلت بصا ليا ومريم قالت

مريم

مالك يا نور عماله تبصي بيها كده ليه هو انتي تعرفيها ، وماما بصت ليا وضحكت وانا قولت

نورا

اه اعرفها هي دي الست اللي بتيجي تمسح لينا السلم، وبعدها حصل

لحد هنا تكون خلصت حلقتنا

جبروتي علي امي

الحلقه الثالثه

بقلم هويدا زغلول

وبعدها ماما بصت ليا.وقالت

الام _اه اه ازيك يا انسه نورا. ومعلش يا انسه

ندي أنا اسفه

ندي _خلاص يلا روحي علي المطبخ وبعدها دخلت وسمعت مريم بتقول

مريم _بقولك اي يا ندي أنا أخر مره اسمح

ليكي بتكلمي نجوي بالطريقه دي هي

جايه تساعد مامتك في المطبخ مش شغاله

عندك

ندي _وهي جايه ببلاش يعني مهي هتاخد

فلوس وبعدين هتاخد فطارها هي وعيالها

وهي ماشيه

ثريا _بس بس خلينا نفطر بقي ودي اخر

مره ابعت فيها نجوي هنا تاني وبعدها ما خلصنا

فطار ماما كانت في المطبخ عامله تعيط

ودخلت مريم

مريم _حقك عليا أنا والله واخر مره هتيجي

فيها هنا تاني

نجوي _ربنا يجبر بخاطرك يا بنتي ويخليكي

ليا متعرفيش أنا بحبك ازاي يا مريم

مريم _والله وانا كمان يا حبيبتي بلاش تزعلي

نفسك

نجوي _بقولك اي يا مريم هو يعني لو بعد

الشر بعد الشر مامتك كانت ظروفها

وحشه وشغاله في البيوت كنتي هتعملي اي

مريم _امممم مش عارفه والله بس لسه السؤال

ده

نجوي_يعني كنتي ممكن تيجي في يوم

تتكسفي تقولي انها مامتك

مريم _انا والله ابدا ده انا أحد جزمتها فوق

راسي ده كافيه انها صرفت عليها ومش

عملت حاجه حرام

نجوي _ تعرفي أن كنت طول عمري بتمنا

انك تكوني بنتي ، وبعدها أنا دخلت

نورا _انا ماشيه يا مريم عايزه حاجه

مريم _اصبري هوصلك طيب مالك اوعي

تكوني لسه زعلانه من كلام ندي

نورا _لا لا ابدا مافيش حاجه بس ماما

رنت عليا وقالتلي لازم اجي

مريم _ربنا يخليها ليكي يارب خلاص تمام ماشي

وبعدها مشيت وبعد ما ماما خلصت المواعين

مريم قالت ليها

مريم _يلا يا طنط نجوي علشان اوصلك

الوقت اتاخر ومينفعش تمشي لوحدك

نجوي _مش عايزه اتعبك معايا يا بنتي

مريم _ مافيش تعب ولا حاجه وبعدها ماما

روحت البيت وكان مقفول بالمفتاح

وبعدها فتحت

الام _هو انتي قافله بالمفتاح ليه

نورا _من هنا ورأيك هقفل بالمفتاح

اخرك برا الساعه 8لو اتاخرتي عن كده

لاني عالسلم بقي

الام _هو انتي بتتكلمي كده ليه

نورا _ابدا ولا حاجه مكسوفه منك بس

ومش عارفه ابص في وشك

الام

بقي انهارده بدل ما تخليني اتشرف بيكي

واقول اللي انتو فرحانين بيها دي تبقي بنتي

تقولي للناس أن أنا الست اللي بمسح ليكي

السلم

نورا

امال عايزني أنا اشرفك بيا وانتي تعملي فيا

كده قدام صاحبي شغاله خادمه في البيوت

يا ماما

الام _الخدامه دي اللي

خليتك دكتوره هي اللي علمتك وخليتك

تقدري تقفي قدامي كده

نورا _بقولك اي مريم دي صحبتي واياك

تروحي عندها تاني انتي سامعه ولا لا

الام _حرام عليكي والله اللي بتعملي فيا

ده

نورا _هو انتي بجد مصدقه نفسك حاسه

انك مش عملتي حاجه غلط أنا متعرفيش

في الكليه فاكرين امي عامله ازاي يعرفوا

ان امي بتخدم في البيوت

الام _خلاص يا حبيبتي خلي اصاحبك بقي

هما اللي يصرفوا عليكي بعد كده

نورا _مش بمزاجك مصاريفي عليكي

مهما أن حصل ، وبعدها سبتها ودخلت الاوضه

وفي بيت مريم روحت وامها قالت

الام _كويس انك جيتي وانا صاحيه هو فيه

اي بقي اي حكايتك مع نجوي

مريم_مش فاهمه كلامك يا ماما

الام _ ساعات بحس ان هي امك من طريقه كلامك معاها انتي شايفه بتتكلمي

معاها ازاي

مريم _فيها ايه يا امي انا حاسه ان انا ما غلطتش في طريقه كلامي معاها

الام _وانا عايزه اسالك سؤال مش اللبس اللي كانت لابساه نورا النهارده ده اللي كنت جايباه الشيء الفلاني وكنتي هتموتي وتجبي

مريم _ماما انا داخله انام لاني تعبانه جدا بصراحه

وعايزه اقولك على حاجه انت واختك عزمتك تاني ابقي روحي

لوحدك انا مش هروح معاكي تاني

الام _ماشي يا مريم لما اشوف اخرتها معاكي

وبعدها دخلت مريم وتاني يوم صحيت

ودخلت عند ماما

نورا _كويس ان انتي صاحيه يا ماما كنت محتاجه فلوس علشان خاطر رايحه الكليه

الام _ما بقاش فيه يا حبيبتي خلاص اصل انا قررت ان انا اسيب الشغل اللي اعملك مشكله ده وهقعد في البيت

ومن هنا ورايح ما فيش فلوس

نورا _ايه ده مش فاهمه كلامك امال انا هصرف منين من هنا ورايح

الام _منك يا حبيبتي انزلي اشتغلي واتعبي واصرفي على نفسك

نورا _انتي اكيد بتهزري لا طبعا انا مش هشتغل الا لما اخلص دراسه وابقى دكتوره

الام _وانا بصراحه تعبت من خدمه البيوت ومعيش هتصرف ازاي يعني

نورا _فاكره انك انتي بتروي دراعي بكلامك ده انا ما بيتلوش دراعي يا ماما

الام _عارفه يا حبيبتي امك انك ما بيتلوش دراعك

بس انا خلاص من هنا ورايح مش هتصرف

نورا _طيب ارجوكي والنبي نكمل كلامنا بعدين انا ورايا محاضره مهمه جدا النهارده

الام _خلاص يا حبيبتي خديها مشي او اركبي الاتوبيس عارفه الاتوبيس يا ماما بالناس بيركبوا مش لازم اوبر يعني

نورا _ماشي يا ماما حاضر،. عدا يومين

وماما مكنتش بتروح الشغل وفي بيت مريم

امها دخلت وقالت

الام _بقولك ايه يوم عزومه خالتك انتي وصلتي نجوى اكيد عارفه بيتها صح

مريم _اه يعتبر فكره بيتها فين اشمعنا يعني

الام _معلش قومي روحي دي علشان عماله اتصل بيها تليفونها مقفول وبقى لها يومين مجتش والشقه مبهدله جدا

مريم _كنت متوقعه ان هي هتعمل كده بعد كلام بنت اختك

الام _ارجوك يا مريم مش وقت الكلام ده خالك معزوم عندنا النهارده على الفطار وانا مش عارفه اتصرف ازاي

مريم _حاضر يا حبيبتي هروح لها وفعلا مريم جت وخبطت على الباب وانا فتحت ليها

نورا _مريم

مريم _نورا هو انت بتعملي ايه هنا

لحد هنا تكون خلصت حلقتنا

جبروتي علي امي

الحلقه الرابعه

بقلم هويدا زغلول

وفي الوقت ده انا كنت وافقه ومش

عارفه ارد ولقيت ماما خارجه تقولي

الام _شكرا يا استاذه نورا والله ما عارفه اشكرك

ازاي اي ده مريم انتي كمان هنا ربنا يخليكم

يا عيالي

مريم _هو فيه بالظبط انا مش فاهمه

حاجه وبعدين يا نورا انتي هنا بتعملي اي

الام _ابدا يا بنتي هي كانت ادتني رقمها

وقالت لو عوزتي اي حاجه انا تحت

امرك كلمتها لأن كنت تعبانه وجابت ليا العلاج

مريم _اخس عليكي يا ماما نجوي هو ينفع

الكلام ده برضه منا قولتك لو عايزه .حاجه انا

تحت امرك

الام _ربنا يخليكم ليا يا عيالي تعالي يا بنتي

ادخلي مالك وافقه ليه كده

مريم _ماما عايزكي دلوقتي ضروري ارجوكي

تعالي معايا ، وبعدها بصت ليا وقالت

مالك يا نورا شكلك عامل ليه كده

نورا _اي ابدا مافيش طيب انا هامشي

انا بقي وبعدين نتكلم

مريم _ريحه فين وبعدين هو انتي

جايه كده من غير شنطه ولا موبيل

الام _ حاجتك جوا في الأوضه دي ادخلي

خديها يا بنتي ،وماما كانت عامله تبص ليا

علي اساس ان هقول أن بنتها بس

للاسف أن اخدت الشنطه ومشيت ومريم

دخلت اقعدت وقالت

مريم _ليه عملتي كده

الام _معلش يا بنتي قولتك كنت محرجه

أكلم مامتك أنها تجيب ليا العلاج

مريم _انا مش بتكلم عن كده انا بتكلم انتي

ليه مقولتيش ان نورا بنتك

الام _اي الكلام ده هو انتي بتقولي اي

مريم _انا كنت شاكه في كده بس اتاكد لما

نورا دخلت الاوضه وفتحت بابها ولقيت

برواز كبير ليها

الام بعياط _ارجوكي يا بنتي اوعي طريقه كلامك تتغير معايا او توضحي ليها انك عرفتي حاجه لو بتحبيني بجد تعملي كده

مريم _على فكره انتي تشرفي اي حد وانا مش معاكي في اللي انتي بتعمليه ده انتي اللي خليتي نورا غلط

الام _عندك حق يا بنتي بس الغلط من البدايه ان انا قولت ليها انا بشتغل ممرضه انا اللي كدبت في الاول بعد كده علمتها هتكذب

مريم _بس انتي لازم تعرفيها ان مش عيب انك تكوني بتشتغلي انك بتساعدي الناس كفايه ان انت خليتيها دكتوره كبيره

الام_بلاش كلام في الموضوع ده دلوقتي بس ارجوكي ما تعرفيهاش انك عرفتي حاجه

مريم _طب يلا بينا علشان ماما عايزاكي ضروري بجد ، وفي الكليه كنت ماشيه سرحانه

وخبط في ولد

نورا _مش تفتح ايه مش شايف قدامك

احمد _انا اسف يا نور والله ما كانش قصدي

نورا _ايه ده هو انت عرفت اسمي منين هو انت تعرفني

احمد _ايوه اعرفك انا احمد اخو ندي انتي

كنتي معزومه عندنا علي الفطار وشوفتك

بس للاسف معرفتش اتكلم معاكي

نورا _اه ازيك عامل اي يا احمد سمعت

عنك كتير من مريم

احمد _طيب لو خلصتي اللي وراكي أنا ممكن

اروحك ولا معاكي عربيه

نورا _لا مش معايا اقصد يعني عندنا

اه عربيه بس ماما بتخاف عليا من السواقه

احمد _عندها حق انها تخاف عليكي طيب

يلا بينا وبعدها مشينا ، وفي بيت مريم ثريا كانت قاعده في الصاله وماما خرجت

نجوي _خلاص الصواني كلها في الفرن بس

معلش لو ينفع امشي أنا علشان الحلق اروح

اعمل فطار

ثريا _ما تخليكي تفطري هنا معانا

نجوي _لامعلش خليني اروح افطر في بيتي

مع بنتي

ثريا _اللي يريحك هستناكي بكره بدري باذن الله

وبعدها ماما مشيت وخرجت مريم وقالت

مريم _والله يا ماما صعبانه عليا جدا هو انت تعرفي دي تبقى امك مين

ثريا_هو انتي ممكن تكوني عارفه بنتها

طيب منين

مريم _اه ام نورا صحبتي وبجد زعلانه عليها

اوي من اللي نورا بتعمله معاها

ثريا _عندها حق انتي هتكوني مبسوطه لو

انا بشتغل في البيوت

مريم _والله مش عيب مش احسن ما تسرق

ولا تعمل حاجه حرام

ثريا _بقول ايه انا عارفه مش هخلص

منك ادخلي اوضتك ذكري احسن وعدا

كام يوم وماما مكنتش بتتكلم معايا ولا بتاكل

معايا خالص وفي يوم دخلت الاوضه عندها

وقولت

نورا _هو انا ممكن اعرف انتي زعلانه مني ليه

الام

ملكيش دعوه بيا يا نورا مش انتي كل اللي يهمك شكلك قدام صحابك وبس وانا اوعدك يا ستي مش هعرف حد ان انا مامتك

نورا _والله يا ماما انا ما اقصدش بس انتي ما تعرفيش في الكليه هما فاكرني ايه وبعدين تطلعي بتشتغلي عند زملتي

الام _الشغل مش عيب بس عارفه أن

العيب عندي أنا لان قولتك أن بشتغل ممرضه

مش قولتك الحقيقه

نورا _طيب مش وقته الكلام ده هو انتي

رايحه عند ندي انهارده لأنهم عزمني علي الفطار

الام _قولي كده بقي انتي جايه تعرفي

انا رايحه ولا لا اطمني مش هروح عندهم تاني

نورا _طيب انا بعرفك أن رايحه عندها لأن هي

عزماني علي الفطار

الام _بلاش تستعري من اصلك يا نورا

احسنلك يا بنتي ، وفي شقه ندي كان قاعد

احمد وندي وأمه وندي قالت

ندى _نورا مين دي اللي انت عايز تتجوزها البنت دي انا مش مرتاحه لها اصلا

احمد _وهو انا قولتلك انت تجوزيها وانت مالك ومالها اساسا

الام _بلاش طريقه كلامكم دي احسن

احمد _انا عزمتها على الفطار عندنا يا ماما وهكلمها النهارده انا عايزه اروح اتقدم لباباها ومامتها

ندي _وهو انت تعرف ايه عنها علشان خاطر تروح تخطبها

احمد _يوووو طلعي نفسك انتي بقي من الحوار

ده

ندي _ ماشي يا احمد برحتك وأحمد عزم

خالتو ومريم وبعد الفطار ندي نزلت خرجت وشويه و لقيت احمد بيقولي

احمد _تتجوزيني يا نورا

نورا _احمد انت بتقول اي أنت فجاتني وبعدها

الباب اتفتح ودخلت ندى وماما وندي قالت

ندي _الصح انك تخطبها من امها تعالي

يا طنط نجوي

وبعدها حصل

ولحد هنا تكون خلصت حلقتنا

♥️♥️♥️♥️

جبروتي علي امي

الحلقه الخامسه

بقلم هويدا زغلول

وفي الوقت ده ماما دخلت عليا وقالت

الام _نورا بنتي مالك را حبيبتي فيكي ايه طمنيني عليكي وانا كنت وافقه ساكته ومش عارفه ارد

احمد _بنتك مين هو انتي تبقي ام نورا طيب ازاي

وندي جت جمبي وقالت

ندي _ما بني علي باطل فهو باطل ولا اي

يا استاذه نورا مش لازم تعرفي عريسك ب امك

برضه ولا اي

الام _هو فيه اي بالظبط أنا مش فاهمه حاجه

نورا كويسه اهو امال ليه جيتي وقولتي ليا

انها عملت حادثه

ندي _مهي فعلا هتعمل حادثه وهتقع من سابع دور علشان بصت للي أعلي منها

نورا _بس بقي كفايه حرام عليكم وبعدها مشيت

من البيت جري ونزلت ورايا ماما ومريم راحت

قالت ليها

مريم _بجد انتي مريضه نفسيا حرام عليكي اللي عملتي ده

ندي _محدش قالها تبص للي أعلي منها كان

لازم يحصلها كده

احمد _هو انتي ليه كده حرام عليكي يا شيخه

ندي _برضه بتقول ليا الكلام ده بعد ما عرفتك

حقيقه الانسانه اللي انت كنت عايز تتجوزها

احمد _هو انتي فاكره أن انا كده هبعد نورا

ابدا بالعكس انا هفضل جمبها ،وبعدها روحت

نورا وامها البيت وامها قالت

الام _هو انا ممكن اعرف ايه مالك ماشيه طول الطريق ساكته ومش عايزه تردي عليا

مريم _هي ندى عرفت منين يا ماما ان طنط نجوى تبقى ام نورا وعرفت عنوانها منين

الام _ايوه عرفت مني انا الجوازه دي ما كانتش ينفع تتم وأنا كمان اللي قولت ليها روحي

ولازم تخليها تيجي معاكي

مريم _نفسي افهم ليه مش عيبه ان هي ست فقيره

الام _هو الفقر مش عيب بس ما ينفعش ان هي تبوص الي اعلى منها

مريم _مافيش فايده فيكم يا ماما انا لازم

اروح لنورا دلوقتي لازم اطمن عليها

الام _مش هتروحي هناك تاني يا مريم وانا مش هخلي نجوي دي تيجي هنا تاني

مريم _حرام يا ماما نكسر بخاطرهم بعد اذنك يا ماما سيبيني اروح لازم اطمن عليهم افتكري

يا ماما يوم ما وقعت وانا صغيره

وطنط نجوي الوحيده اللي اتبرعت ليا

بدمها

الام _اتحايلت عليها قد كده علشان تاخد فلوس وهي ما رضيتش

مريم _مش كل حاجه يا ماما بالفلوس ارجوكي سيبيني لازم اروح اطمن عليهم ، وفعلا راحت

وكانت ماما قاعده في البيت وفتحت بسرعه

وقالت

الام _مريم انا كنت فاكراكي يا نورا مش عارفه بنتي راحت فين انا هتجنن عشان

مريم _ايه ده معقول هي لسه ما جتش لحد دلوقتي وكمان عمال اتصل بيا مش راضيه ترد عليا وفي الاخر قفلت تليفونها

الام _انا السبب في كل ده انا السبب بس والله نزل اللي قالت لي ان بنتي تعبانه علشان كده

جيت

مريم _ما تخافيش انا والله مش هسيبها

وبعدها احمد رن علي مريم

.مريم _الو ايوه يا احمد خير في حاجه

احمد _معلش يا مريم بس انا كنت عايزه عنوان نورا انا لازم اروح ليهم دلوقتي عايزه اطمن عليها لان عماله اتصل بيها تليفونها مقفول

مريم _والله يا احمد انا عند مامتها وهي مش موجوده في البيت واحنا خايفين عليها جدا

احمد _طيب قوليلي العنوان انا لازم اجيلك دلوقتي ، وفعلا راح احمد وانا كنت ماشيه

واغم عليا ولما فوقت لقيت نفسي في اوضه

صغيره

نورا _ايه ده انا فين ومين اللي جابني هنا

الست _يا بنتي ان انتي فوقتي انا بنتي كانت خارجه تجيب سحور ولقيتك واقعه في الشارع ما كناش نعرف عنك اي حاجه

نورا _انا مش فاكره اي حاجه خالص مش فاكره اسمي ولا فاكره اي حاجه عني

الست _طيب اهدي يا حبيبتي كده اهدي انت مش من المنطقه من هنا احنا عارفين كل اهل المنطقه طيب انت ايه اللي جابك هنا اه صحيح ده انتي بتقولي مش فاكره حاجه

نورا _انا تعبانه قوي مش قادره

الست _حقك عليا يا بنتي والله نعيم بصيره ولقيده قصيره لو كانت ظروفنا كويسه كنت جبتلك دكتور ، وفي الوقت ده دخلت مياده

وقالت

مياده _ومالها ظروفنا باي ست الكل الحمد لله احنا احسن من غيرنا بكثير طيب شنتطك مفيهاش اي حاجه تدل عليكي

نورا _مش عارفه وبعدين فتحت الشنطه لا ما فيش حاجه انا اسفه بس ينفع اقعد انهارده بس

عندكم لحد بكره واشوف هروح فين

مياده _ما فيش مشكله حاضر انا هروح يا ماما احضر السحور علشان خاطر نتسحر قبل الفجر ما يأذن

الام _خديني معاكي يا حبيبتي وبعدها خرجت وكانوا حاطين المطبخ في الصاله علشان ما فيش مكان للمطبخ وسمعت مياده وهي بتقول

مياده _انا جبت كيس فول وفي بان عجينه طعميه هقليها جنب الفول ما فيش بيضتين يا ماما نعملهم كمان

الام _خدي يا بنتي روحي هاتي ما ينفعش نكون عندنا حد وما يكونش في سحور

مياده _هاتي وانا حاسه ان ربنا هيفرجها

باذن الله وراحت مياده وجت حضرت السحور

وبعدها انا خرجت وقولت

نورا _هو انتي مش معاكي شاحن انا عايزه اشحن تليفوني

مياده _انا اسفه والله بس انا اصلا معيش موبايل تعالي بس اتسحري والصبح هروح السنترال واجيب ليكي شاحن

نورا _بجد متشكره ليكم قوي على اللي انتم بتعملوه معايا ده

مياده _وهو احنا عملنا ايه يلا بس تعالي عشان تلحقي تكلي لقمه قبل الفجر ،. بعدها قعدت وقولت

نورا _ياه رغم ان عيشتها اقل من عيشتنا بكتير بس هي راضيه بحالها هو انا كنت غلط على اللي انا كنت بعمله بس ما ينفعش اقولهم ان انا فاكره اي حاجه علشان ما يخلونيش امشي من عندهم لحد ما اشوف هعمل ايه

ولحد هنا تكون خلصت حلقتنا

جبروتي علي امي

الحلقه الاخيره

بقلم هويدا زغلول

وفي الوقت ده بصت مياده وقالت

مياده _اي مالك فيه اي أنا عارفه أن الاكل مش قد كده بس معلش علي قد ظروفنا

نورا_لا لا خالص مافيش حاجه والله كتر خيركم

علي اللي بتعملوا معايا

مياده _طيب هو انتي وقعتي اتخبطتي ازاي مش فاكره اي حاجه

الام _مش وقته يا مياده الكلام ده سيبيها تتسحر كلي يا حبيبتي انا بس اللي خايفه عليه امك يا عيني تلاقي قلبها بيتقطع عشانك دلوقتي واكيد ابوكي كمان ربنا يسترها عليهم

نورا _لا ما هو انا اصلا بابا متوفي ما عنديش الا ايه اللي انا قولته ده

مياده _هو فيه ايه بالظبط مانتي شكلك

فاكره كل حاجه اهو

نورا_معلس حقكم عليا والله بس انا مش

عايزه ارجع بيتي دلوقتي ، وبعدها دخلت

الاوضه ، ومياده قالت

مياده _الحقي ماما دي شكلها كانت بتكذب علينا وفاكره كل حاجه

الام _سيبيها النهارده يا مياده بكره باذن الله نعرف حكايتها ايه وبعدها أنا دخلت وفضلت

قاعده لوحدي وتاني يوم دخلت ام مياده

الام _مياده راحت شغلها وانا قولت ادخل اتكلم معاكي شويه ممكن اعرف بقى

حكايتك ايه

نورا _انا عارفه والله ان زمانك زعلانه مني علشان انا كدبت عليكي بس بجد انا مش هينفع اروح بيتي دلوقتي

الام _طيب يا حبيبتي قوليلي بس مالك فيك ايه وايه موضوعك

نورا _انا هقولك علي كل حاجه ولقيتها بعدها

بتقولي

الام _اخس عليكي ازاي تعملي كده في امك وكمان سبت البيت ومشيتي دي زمانها طول الليل قاعده قلقانه عليكي

نورا _بس الغلط عندها هي الاول اللي فهمتني ان هي ممرضه وفي الاخر طلعت شغاله في البيوت

الام _مهما عملت ما ينفعش اللي انتي عملتي ده وكمان تسيبي البيت وتمشي وبعدين هي عملت كده كانت خايفه على شعورك

نورا _طيب انا مش عارفه اعمل ايه دلوقتي انا خايفه ارجع البيت علشان واثقه ان احمد هيجيلي على هناك وانا مش قادره

احط وشي في وشه

الام _سيبك من احمد ودنيا كلها روحي لامك اللي ملهاش غيرك

نورا _بصراحه انا خايفه اروحلها بعد ما انا بايت بره البيت يوم مش عارفه ارد فعلها معايا هيكون عامل ازاي

الام _هاتي عنوانك وسيبي الموضوع ده عليا انا

وبعدها راحت ام مياده البيت عندنا وفتحت

ماما

الام _خير مين حضرتك

ام مياده _ممكن تخليني ادخل عايزه اتكلم معاكي شويه

نجوي _اه اتفضلي تعالي وبعدها دخلت ام مياده قالت ليها علي اللي حصل

نجوي _ايه يعني انتي عارفه مكان بنتي فين ارجوكي تعالي وريها لي انا طول الليل ما عرفتش انام

الام _اسمعيني كويس قبل ما نروحلها ما ينفعش الدلع الزياده اللي انتي دلعتيه لبنتك طلعتيها انانيه ما بتفكرش الا في نفسها وبس ويوم ما جت عليك انتي

نجوي _اعمل ايه بس هي اتحرمت من ابوها وهي صغيره وانا كنت عايزاه اكون احسن واحده في الدنيا

الام _ما ينفعش نشد على عيالنا او نرخي قوي لازم نخلي كل حاجه في المعقول

نجوي _عندك حق بس ارجوكي انا عايزه اشوف بنتي

الام _تعالي معايا وبعدها ماما جت واول لما دخلت الشقه جريت عليها وقولت

نورا _حقك عليا يا ماما انا اسفه.والله في

اللي انا عملته والله ما كان اقصدي ازعلك مني

نجوي _وهان عليكي يا نورا تسيبيني طول الليل كده قلقانه عليكي

نورا_حقك عليا اوعدك يا ا ماما من هنا ورايح

عمري ما هزعلك مني ابدا والله

الام _امك دي ما لكيش غيرها يا نورا المفروض تشيليها فوق عينيكي وهي علمتك واستخسرت في نفسها كل حاجه علشان خاطر تجيبهالك انتي

نورا _عندك حق والله ومن هنا ورايح مش هيكون عندي اغلي منك والله ، وبعدها رجعت

البيت وغيرت رقم موبايلي وفي يوم لقيت

الباب بيخبط وفتحت

احمد _ممكن اعرف انا ذنبي ايه بالظبط في اللي انتي بتعمليه معايا ده انا بحبك يا نورا وموافق اتجوزك علي اي وضع

نورا _ارجوك ابعد عني يا احمد مش عايزه

يكون واريا غير مذاكرتي وبس

احمد _طيب وحبي ليكي أنا مستعد اخدك

ونمشي من هنا خالص

نورا _وانا مش عامله عامله علشان اهرب

من هنا ومينفعش أن اتجوزك من غير أهلك

هتوافق ان الست الولاده تيجي وتطلب

ايدي من امي ويا امي توافق يا لا

احمد _طيب هي مش عايزه انا ذنبي اي

نورا _وده الحل الوحيد اللي ممكن اوافق

عليك ليه وبعد اذنك ورايا مذاكره وبعدها مشي

وقفلت الباب وفضلت اعيط وماما خرجت

وقالت

الام _طيب ليه عملتي كده طلما ببتجبي

يا بنتي

نورا _ مينفعش ابص للي أعلي مني يا امي

خليني كده مرتاحه اكتر وخلصت امتحانات يوم

حفله تكريمي طلبت اقول كلمه

نورا _طبعا انا فرحانه جدا انك النهارده يوم تخرجي بس يرجع لفضل لربنا ثم امي الغاليه لتعبت معايا كانت بتشتغل ليل نهار

علشان تقدر تعلمني بجد هي اللي سبب

النجاح اللي انا فيه ، والكل كان بيسقف

وامي كانت فرحانه بيا اوي

وبعد ما خلصت كنت. وافقه مع اصاحبي ولقيت

ندي جايه وبتقولي

ندي _حقك عليا يا نورا انا اسفه انا عارفه ان انا غلطت ف حقك

نورا _ما بقاش ليه لازمه الكلام ده دلوقتي مبروك لنجاحك

ندي _لا دي لازمه لانك من هنا ورايح هتكوني زي اختي مش مرات اخويا وبس

نورا _ايه مرات اخوك ايه الكلام اللي انتي بتقوليه ده ،. لقيت احمد ورايا. بيقول

احمد _كانت حجتك ان امي لازم تطلبك من امك واديك شايفه بعينك اهو امي واقفه مع امك وبتطلب بايدك منها ،وفعلا بصيت لقيت

ماما وافقه مع ام احمد

نورا _انت بتقول اي يا احمد ، ولقيت مريم

جايه وبتقولي

مريم _الف مبروك يا نورا والله انتي تستاهلي اكتر من كده

نورا _حقك عليا يا مريم اني كذبت عليك وخبيت عليكي حياتي

مريم _مش عيب والله ان احنا نقول ان احنا ما معناش بس العيب ان احنا نرسم حياه وهميه ونعيش فيها كمان

نورا _عندك حق والله وبعدها أما اتخرجت. بقيت

دكتوره وماما كانت فخوره بيا اوي واتجوزت

احمد واخذت ماما تعيش معايا لانها كانت لازم ترتاح بقى

ولحد هنا تكون خلصت قصتنا