تحميل رواية «جبروت جد الصعيد» PDF

تبدأ حكايتنا في صعيد مصر ..

بيت عائله القاضي …

وقف راجل كبير في السن وماسك عكاز وسط عائلته خبط علي الارض خبطتين علشان يجذب انتباه عائلته لكلامه …

الجد بقوه : انا حكمي اللي هيتنفذ ، معنديش بنته تتجوز من برات العيله والكلام ليكم كلتكم .. اللي هيتجوز بنت عمه هقسم الورث بيناتكم بشرع الله . أما بق اللي هيرفض ملوش عندي حاجه .. مش كفايه عددكم قليل كمان عايزين تتجوزو من بره وفلوسي تطلع للغريب .. بعينكم كلامي هيمشي علي الكبير قبل الصغير . والعصا لمن عصا

وقف واحد من الاحفاد ( وده كان حامد ) : يا جدي ، كلامك اوامر ، احنا منقدرش. معصب اؤمرك .

وقف الحفيد الأكبر ( علي) : كيف يعني يا جدي من حقنا نقبل أو نرفض . ده جواز وحياه كامله هتتبني . من حقي كراجل اختار شريكه حياتي ، ومن حق بنات عمي واختي كمان تختار شريك حياتها

الجد : الكلام الماسخ ده ميلزمنيش انا قولت اللي عندي ، وكلمتي هي اللي هتمشي … انا وهدان القاضي كلمتي كيف السيف يسير علي رقبتكم واللي يفكر بس يعصي اؤمري يا ويله مني ..

خرج الجد وساب العائله في فوضي.

استوب هنا نحب نتعرف علي أول شخصيه

… الجد وهدان القاضي عنده ٧٠ سنه كلمته بتتسمع في كل قري الصعيد . جبروت بمعني الكلمه رغم سنه الكبير إلا أنه جبروته بيزيد وقسوته مش بتهدا

….

في البيت الكبير وهو بيت العائله.. كل عيله ليها دور ليها … وبتتقسم لغرف …

حنين دي اول حفيده بنت عندها ٢٢ سنه جدها رفض تكمل تعليمها الجامعي علشان عيب البنت تروح تختلط في الجامعه

حنين : انا مش هتجوز من ولاد عمي . هو كل حاجه يدخل فيها أكده . اعيش حياتي مع واحد مطقهوش ليه

الام : يا بتي حكم القوي. وانتي خابره زين أن ابوكي ميقدرش يرفض طلب لجدك

حنين : اتحرق انا يعني .. مش عايزه اتجوز

الام : اسمعي الكلام يا بتي . ده قدرك والزمن تردي

حنين : يارب يموت بقي ويريحنا من تحكماته الزفت دي . كل حاجه متحكم فيها حتي وقت الوكيل .. راجل مفتري

…….

في غرفه تانيه

علي ده الحفيد الاول للعائله وهو دكتور في الجامعه : انا مستواي العلمي ميسمحش اتجوز واحده أقل مني .

الام : بلا مستواك بلا زفت . جدك هو اللي حكم وانت خابر زين يعني ايه

علي : يحكم علي اي حد غيري .

الام : خليك ناصح زي حامد ولد عمك ، شوفت وقف كيف يطبل لجدك

علي : مليش صالح بحد .. انا مش هتجوز

الام : اتجوز وبعد كده طلقها . خد ورثك وطلقها

علي : راجل ظالم ..

*******

في مكان تاني

كان حامد واقف زي الصقر بيتابع العمال وهم بيتشغلو في الأرض ..

ممدوح وده والد حامد : حامد

حامد : نعم يا بوي

ممدوح : شكلك موافج علي كلام جدك

حامد : ايوه يا بوي موافج .. بنات العايله احنا اولي بيهم من حدا غريب

ممدوح : ونويت تتجوز مين

حامد سكت شويه : حنين بنت عمي صادق

ممدوح ؛ ملقتش غير حنين . دي بت لسانها مسحوب منيها

حامد : مش عليا أنا يا بوي .. هعرف كيف امشيها علي عجين متلخبطوش

ممدوح : علي بركه الله انا هقول لعمك صادق.

حامد : متقولش انا هقول لجدي مره واحده.

******

في مكان تاني

علي دخل لأخته ورد : ورد بتعملي ايه

ورد :بذاكر يا علي .

.علي : شاطره يا حبيبتي ، ذاكري زين عشان ادخلك الجامعه

ورد ؛ جامعه كيف يا علي . انت خابر ان جدك بيرفض البنات تتدخل جامعه

علي : سيبك من جدك ولو وصل الأمر هسيب البيت أهنأ والبلد ونمشي هعملها

ورد : كيف يعني نسيب أرضنا طيب ورثك يا خوي

علي : هاخده قبل ما نمشي

ورد : كيف هتاخده

علي : متشغليش بالك يا ورد .. انتي بس ركزي علشان تجيبي مجموعه عالي في الاعداديه

ورد : حاضر يا علي ربناا يخليك ليا

…….

في البيت

زهره قاعده وهي مكشره : والله اللي بيحصل فينا ده ظلم ..

الام : وطي صوتك يا زهره. لجدك يسمعك يسود عيشتنا . وله اخوكي حامد تبق يا داهيه دقي

زهره : خليهم يقتلوني وارتاح من العيشه السودا دي

الام : يا بتي .. محدش هيصونك غير ولد عمك

زهره : يا خوفي يا ما من ولد عمي ده

الام : اسمعي الكلام يا زهره .. كلام جدك منتهي

زهره : ما انا من وقت اما اتولدت وانا بعملش حاجه خالص غير اني بسمع كلام جدي وأبوي وأخوي . وبعد أكده هقع في يد ابن عمي اللي مش بيطيقنا

الام : يا بتي . نصيبك هيصيبك

…….

بليل

الجد طلب يقابل أحفاده لوحدهم

نزل الاربعه احفاد وطبعا ورد مش معاهم لأنها لسه في اعدادي

الجد : هتعملو ايه .. وقبل ما حد ينطج بحرف اللي هيوافق منكم هيكون حفيدي .. اما بق اللي يرفض ده يلم خلجاته ويهج من الدار والبلد

حامد : جدي انا موافج علي حديدك ..

الجد : يعني هتتجوز بنت عمك

حامد وهو بيبص علي الجد : أن شاء الله يا جدي هتجوز حنين

حنين اتصدمت وبصتله : انا

بصلها بغموض : ايوه يا بت عمي

حنين : بس

الجد : علي بركه الله .. وانت يا علي كتب كتابك علي زهره بعد سبوعين علي بن عمك

علي بلا مبالاه : ماشي يا جدي

زهره بصتله بحزن : اللي تشوفه يا جدي

الجد : علي بركه الله .. البنات من بكره تاخدو فلوس مني تجهزو حالكم ..والشباب تجهز نفسها. وانت ياحامد عايز فرح كبير من اول البلد لاخرها. عايز اهل البلد تحكي وتتحاكي عليه

حامد : امرك يا جدي . كل ده هيوحصول

…….

بدأت البنات تجهز للفرح وتشتري ملابس . بس مفيش اي مظاهر للفرح

ام زهره : الفستان ده جميل

زهره : عادي . لو عاجبك هاتيه

ام زهره : وه هو انا اللي هلبس وله انتي يا بتي

زهره ما انتي عارفه اللي فيها ياما .

….

ام حنين : يا بتي الفستان شكله جميل . قيسيه

حنين.: مش قيس حاجه ياما ، يكش الفرح يولع باللي فيه

ام حنين : يا جليله الربايه .. وطي صوتك يا جزمه قديمه

زهره قربت من حنين : عايله خنيقه

حنين : قسما بالله انا مش طايقه نفسي وله طايقهم زهره : يوم اسود يوم ما تولدنا في العايله دي . مش كانو قتلونا وارتاحنا

ام زهره : اعوذو بالله عليكم . بومتين واقفين

حنين : علي اساس انتم اللي عايله تفرح قوي .

ام حنين: لمي لسانك يا حنين واخلصم في يومكم

بصعوبه اختارت حنين وزهره فساتين الافراح

رجعو البيت ..

كان حامد وقف بيتكلم في الموبيل

قرب منهم : حنين .

وقفت وهي بتنفخ : خير .

حامد : اعدلي وشك ده احسنلك .

حنين : هو وشي أكده . عاجبك وله لا

حامد : مش عاجبني. بس اصبري وانا هعدل وشك وهمشيكي علي عجين متلخبطهوش

حنين : مش هيوحصل

حامد : هيوحصل يبت عمي . اصبري كلها كام يوم ونشوف

حنين : هيكون يوم اسود

حامد : علي دماغك بإذن الله

حنين : بعد عني . بعد

انا مطيقاش خلجاتي

حامد : وه ..عيب أكده مفيش يا بت عمي

حنين نفخت و دخلت البيت وهي بتشتم في حامد وطبعا ده كله بصوت واطي علشان ميسمعش

……

ورد جريت علي زهره : اشتريتي الفستان يا زهره

زهره : ايه يا ودره . تيجي تشوفيه

ورده : انا بحب الفساتين . و كنت عايزه اجي معاكي . بس علي مرديش وقالي اقعد اذاكر

زهره : معلش . هو عايزك تكوني شاطره . وتطلعي دكتوره قد الدنيا ..

ورده : انا مشتريتش فستان

زهره :خلاص يا ستي . بكره نخرج انا وانتي ونشتري فستان

ورده : ماشي

دخل علي .. وورد جريت عليه : علي . انا بكره رايحه مع زهره هشتري فستان للفرح

علي : لع

زهره : ليه أكده يا علي . انا هروح معاها اشتري الفستان

علي : انا هشتريلها فستان . اصلك انتي مهتفميش في ذوق ورد. انا بشتريلها كل الفساتين

زهره : قصدك اني مبفهمش

علي : مقولتش أكده . بس انتي طريقتك في اللبس غير اللي بختاره ل ورد

زهره : ماشي

طلعت أوضتها قبل ما تعيط قدام . دايما بيهين فيها وبيكسفها ، متعرفش ازاي هتكمل حياتها معاه

……

ورد : ليه أكده يا علي ..زعلتها

علي : مقصدش يا ورد . بس يعني هي مش هتفهم .. انا عايزك تبعدي عن القاعده معاهم . عايزك احسن منيهم

ورد : بس زهره طيبه وانا بحبها هي وحنين

علي : انتي هتطلعي دكتوره .. يعني تركزي في مستقبلك وسيبك من العك اللي في البيت هنا

ورد : حاضر يا علي . هسمع كلامك

علي : يلا علي فوق . ذكري

ورد : حاضر

طلعت أوضتها ..علي مش مستعد أنه يتجوز من زهره هو شايفها اقل منه

……

الجد : حامد

حامد : نعم يا جدي ..

الجد : عزمت الناس

حامد : ايوه يا جدي . عزمت كل كبرات البلد

الجد : عيزك تدبح ٢٠ راس و اطلب الطباخين ..أدبح عشره ووزع اللحمه علي أهل البلد .. وسبب عشره اعملهم وكل للي جاي في الفرح

حامد : حاضر يا جدي . في حاجه تانيه

الجد : لا . كفايه لحد أكده . روح ولو افتكرت حاجه هقولك

حامد : اؤمرك يا جدي

….

حنين واقفه فوق في الشباك وهي بتابع كلام الجد وحامد

حنين : فرحان جوي يا حامد الزفت انت . اكيد عشان الفلوس اللي هتبلعها في كرشك.. يكش الفرح يولع بيك انت وجدك

*******

هيحصل ايه بعد كده ؟؟

استغفر الله العظيم

..

الكل مشغول بالاستعداد للفرح . الكل بيضحك لكن مشاعرهم الحقيقه محدش يعرفها .

حنين وزهره قاعدين في الغرفه و الحنانه بترسملهم الحنه وهما في عالم تاني

حياه جديده داخلين عليها واللي واضح انها هتكون حياه سيئه

لا حامد وله علي هيعاملوهم بالطريقه المتوقعه

حنين بتلعن اليوم اللي اتولدت فيه وسط عائله متعرفش يعني ايه حب. كلهم عايزين مصلحتهم بيهدمو احلام البنات علشان يكبرو ويفخمو الذكور

أما زهره فهي مش طالبه غير الاحترام نظره علي ليها كلها استهزاء بيها وده بيجرحها اوي

صوت الموسيقي عالي بره البيت .. انهارده ليله الحنه. الليله اللي بتسبق الزفاف بيوم .. الموضوع مرعب .

كل اما بيقرب حنين و زهره بيخافو اكتر

انتهت من رسم الحنه علي جسمهم ولبسو فساتين للاحتفال بليله الحنه

تعالت الزغاريد : لووووولولي . مبروك يا عروسه .. الله اكبر ..جوز قمر . ما شاء الله . خمسه في عين الحسود

. وعبارات كتير ومباركات من ستات البلد للتعبير عن فرحهم

زهره : حنين هنخلص متي من الليله دي

حنين بصت علي الساعه : مش قبل ساعتين .

زهره : كتيير

حنين : قادر ربنا يولع فيهم ونخلص بدري بدري

ضحكت زهره : بومه يابت

حنين: وه . عقول الحق .. بذمتك متتمنيش أكده

زهره : مش لدرجه ديه. برضيك دول اهلي

. حنين : الله اضرب الظالمين بالظالمين

زهره ضحكت مره تانيه وده قبل ما تلاقي امها بتشدها علشان ترقص .. زي ما عملوا مع حنين

حنين : جر ايه عاد عتجرو جاموسه

قربت عمتهم: ارقصي يا بت الفلطوس . عايز الناس تاكل وشنا

حنين : يارب يأكلون وشكم ما يتبق منه حاجه

العمه : عتقولي ايه يا بت

حنين وطت صوتها وهي بتتحرك بشعرها الطويل اللي زي الليل : معقولش. اديني برقص اهو . يكش تولعو

..

بره كان الرجاله متجمعين بيتفقو علي يوم الفرح

بالصدفه كان حامد واقف قريب من باب البيت وشافها وهي بترقص وبتتمايل بشعرها الحرير

تابع حركتها وابتسامه ظهرت عليه . بس بسرعه نهي نفسه علي اللي بيعمله

حامد : وه يا حامد . هتعمل كيف العيال الصغار المراهقين . الله يخيبك هتتهطل علي كبر وله ايه .. اثبت يا حامد. كلها بكره وتبق حلالك

أستغفر ربنا وبعد عن البيت كان شايف علي بيقرب: رايح فين انت

علي: طالع اوضتي انام

حامد : لا ميصحش تقرب من البيت.

علي: ليه بقي ممنوع وله ايه

حامد : الستات بيرجصو . عايز تشوفهم وله ايه

علي. : ستات ايه .. هما دول ستات . تعال شوف الجامعه هتلاقي أشكال وألوان ..

حامد : برضيك ميصحش وبعدين معجبكش وله ايه زهره .

علي: بص يا حامد انا خابر أنها اختك .. بس انا مكنتش عايز اتجوز بالطريقه دي . انا كنت عايز اختار شريكه حياتي . لكن طبعا جدك واصراره الغريب . بوظ كل مخططاتي. انا بجد مستغرب جدك ده

حامد. : جدك عايزنا ايد واحده منفترقش

علي: يعني يغصب علينا في الجواز وتقول منفترقش

حامد : بص بقي يا علي . لو انتي مريدش تتجوز اختي . سيبها . اختي ١٠٠ واحد يتمناها

علي: ما قصدش علي اختك . انا بقصد عامه

حامد : بلا عامه بلا خاصه. روح شوف طريقك يا ولد عمي ومتجيش عند البيت لحد اما الحريم تخلص . معيزنيش وجع دماغ

مشي حامد وعلي وقف بيبصله بسخط: مستني ايه من واحد جاهل ماشي ورا جده يطبله علشان ينول الرضا .. وحريم ايه اللي هبصلهم دول كلتهم غفر وله ليهم اي لازمه . يارب عدي الايام دي علي خير قبل ما انفجر فيهم .. انا ماسك نفسي بالعافيه

……

خلصت ليله الحنه والبنات كانت هلكانه

قعدو يتعشو مع العيله

الجد : في حاجه نقصاكم

حنين : لع

حامد : كل حاجه جاهزه يا جدي .

الجد : زين .

دخل الجد اوضته يرتاح .

علي سأبهم وطلع . .. حامد : معيزاش حاجه يا بنت عمي

حنين نفخت: شكرا

حامد : افردي وشك ده وانتي بتكلميني عاد

حنين: انت اللي جاي تكلمني وتجر شكلي . ملكش صالح بيا

حامد : كيف أكده يا بوي . انتي مش هتكوني مرتي

حنين: مش يمكن ربنا ياخدك قبل ما كون مرتك

حامد : قفلي خشمك ده اللي بيحدف الدبش

حنين : هو انا أكده مش عاجبك الغي الجوازه وريح نفسك

حامد : بعينك يا حنين. هتجوزك واكسر أنفك

حنين : لا انت وله عشره ذيك تكسر أنف حنين القاضي

حامد : هربيكي من لاول وجديد

حنين : بتحلم يا ولد عمي

وقفت حنين وطلعت أوضتها وهي متغاظه من حامد اللي دايما بيستفزها.. كل كلمه بينطقها بتبق عايزه تخنقه مش عارفه هنكمل ازاي معاه حياتها

أما حامد فهو مستمتع اوي وهو شايفها متغاظه ومستحلف يعلمها الادب

……

عدت الليله علي الاربعه ببطئ..كل واحد بيفكر في حاله وحياته بعد ساعات هتتغير خالص.

مع شروق الشمس بدأت الحركه في البيت تكتر . انهارده يوم فرح الاحفاد والكل مشغول

لبست حنين الفستان الابيض وجهزت

. زهره كمان لبست فستانها الأبيض وجهزت

الشباب كل واحد منهم لبس اللبس التقليدي جلبيه صعيدي في وفوقها عبايه فخمه .. زادتهم جمال

وشكلهم كان كله هيبه

…

بعد صلاه العشاء كتبو الكتاب و انطلقت اصوات الزغاريد وضرب النار والطبل …

طلع حامد علي حصانه يرقص و(علي) طلع علي حصان تاني ودي تقاليد العائله..

زهره : بصي شكلهم حلو

حنين في سرها : ياريت يقع علي رقابته والفرح يتقلب . هكون فرحانه جوي

زهره : انتي سرحانه في ايه . بقولك بصي

حنين : ما انا بصه اهو . اعمل ايه تاني.

زهره : اباي عليكي

حنين: اسكتي عشان مطيقاش حالي

زهره : من متي وانتي طايقه حالي

حنين : ارميكي من اهنا تنزلي علي مخك زرع بصل ويجيك ارتجاج

زهره : ياريت تكوني عملتي فيا واجب .

حنين : عيله بارده كيف اخوكي بالظبط

زهره : قلبك جامد روحي قوليلو أكده

حنين : اقوله مقولش ليه

زهره : والله انتي بوء .

حنين : اسكتي خليني اشوف

مسك حامد عصايه غليظه وعلي قدامه وبدأ الان يرقصون بها والجد معاهم والاعمام

انتهي الفرح …

…..

دخلت زهره الي غرفتها الجديده وهي خايفه

زي ما عملت حنين بس هي كانت بتحاول تبان قويه مش لازم تضعف قدامهم

….

في غرفه علي

دخل كانت زهره واقفه والطرحه علي وشها ..نفخ علي وقفل الباب وقرب علي زهره اللي رجعت لورا بخوف

علي : اقعدي يا زهره , عايز اتحدت معاكي

زهره استغربت : حاضر

علي يزهق : اقلعي الخيمه اللي علي وشك دي . هتكلم معاكي كيف

زهره : حاضر .

وقفت قدام المرايا وقلعت الطرحه وهي متوتره وليدها بتترعش وبتبص علي جوزها اللي قاعد مكشر

اتنهدت وراحت ووقفت قدامه .

علي : اقعدي يا بت عمي . انا عايز اتكلم معاكي وياريت الكلام اللي هقول يكون بينا.

زهره : متخفاش يا علي . امي فهمتني أن الست سر جوزها والكلام اللي بينهم مايخرجش بره اوضتهم

علي : حلو .. اسمعي مني بقي يا بت الحلال . انا محبش الغش وله الخداع ..الحقيقه يا زهره انا مكنتش رايد اتجوز بالطريقه دي

زهره حست أن الدم

انسحب من جسمها من الاحراج وطريقه علي اللي بيكلمها بيها

علي : انتي طبعا خابره اللي حوصل وكيف جدك أصر علينا نتجوز . انا الحقيقه عملت أكده عشان الورث. لكن حب . مفتكرش أن في يوم هحبك

انتي وانا مختلفين عن بعض. انا ليا دماغ وانتي ليكي دماغ .. انا الحقيقه بحب معيده زميلتي في الجامعه وكنت ناوي اتجوزها بس جدك حط العقده في المنشآر وانا قررت اتجوزك بس مش هقرب منك وده عشان لو حصل انفصال مكنش بظلمك معايا . كفايه الظلم اللي واقع عليكي

زهره بصله وهي حاسه أن دماغها بتلف في كل مكان .. علي جرحها اوي في أول ساعه بينهم حياتها ابتدت بجرح كرامتها كانثي. زوج جاي يقول لزوجته أنه بيحب واحده تانيه وأنها مش من مستواه الفكري علشان يفكر فيها

زهره : مين قالك اني كنت موافجه علي الجوازه دي وله كنت بتمني اتجوزك . بس اديك قولتها بلسانك حكم القوي . جدك ده جبروت وانت متتخيرش عنه

سابته ودخلت الحمام وققلت علي نفسها وهي بتعيط علشان ميشوفش دموعها

علي ندم علشان كلمها بالطريقه دي . بس هي لازم تفهم أنه مستحيل يعتبرها زوجه

…..

أما بقي في اوضه حامد وحنين فالوضع كان مولع ..

وفاضل شويه والاوضه تنفجر بيهم من كتر النظرات الناريه اللي بيبصو لبعض بيها

حامد : بتبصي أكده ليه . كيف الكلبه السعران

حنين: والله يا ولد عمي . احنا قرايب ولو انا كلبه تبق انت ايه

حامد وقف بغضب وقلع العبايه اللي فوق جلبيته الصعيدي ..وشمر كم جلابيته

: يعني انا كلب . قصدك أكده

حنين وهي بتحاول متبينش خوفها ووقفه مكانها بس من جوها مرعوبه منه

حنين؛ انت اللي ابتديت الغلط

حامد ؛ انا ابق مين

حنين : يعني ايه

حامد مسك ودنها : انا ابق مين بالنسبالك

حنين : اااه . نزل يدك اللي عايزه تتقطع دي

حامد: كمان بتغلطي كمان

حنين : انت اللي غلطت من لاول

حامد : علي كيفك . عايزه نبدا حياتنا بالشكل ده نبدا مع ان كنت نفسي نبداها زي الناس الطبيعين . بس انتي عايزه تتربي يا مرتي

حنين : انت تقصد ايه .بكلامك ده

حامد : كل خير يا بت عمي يا مراتي . مس انا كلب .. انا بق هوريكي ؟؟؟؟

تفتكرو حامد هيعمل ايه في حنين ؟؟؟

….

بسم الله الرحمن الرحيم

..

حامد : مش انا كلب .. هوريكي بقي الكلب بيعمل ايه

حنين خافت : طبعا انت خابر انك لو رفعت يدك عليا.. انا هعمل ايه

حامد : ايوه . هتعملي ايه .. محتاج اعرف انتي هتعملي ايه

حنين : هصوت والم عليك كل اللي في البيت

حامد : يبق خير وبركه .. علشان تعرفي محدش هيقدر يقرب من الغرفه اهنا

حنين : ليه بق إن شاء الله ..محدش يقدر يقرب

حامد : انهارده يود دخلتنا يا ناصحه

وشها احمر وبصتله بغضب : اصلك قليله الحيا

حامد : شوف ازاي . انا قليل الحيا وانتي ايه

حنين : انا مؤدبه

حامد : وهي في مؤدبه تقول لجوزها كلب

حنين : ده كان رد عليك . انا اللي بديت لاول

حامد لف الحزام علي ايده ..

حنين : معخافش من حد واصل

حامد : حلو جوي . انا عخليكي تخافي مني

حنين : والله لو البتاع دهون لمسني لكون مصوره قتيل

حامد : والله لاعلمك الادب يا بجره

حنين : انا بجره يا جاموسه الزريبه

حامد : وه .. علي الله بقي الله هيحصلك

ثواني وكان صوت حنين العالي يسمعه كل من في الدار ..

بس مفيش حد ادخل. ده اول يوم زفاف ..

…..

الصبح .. في اوضه زهره

صحيت زهره وهي لسه لابسه فتسان فراحها بصت علي وشها في المرايا بحزن ودموعها منشفتش من علي خدها . اول يوم كان صعب جدا عليهم. ومش عارفه باقي الايام هتكون ازاي مع علي

علي : غيري الفستان ده . قبل ما حد يجي

زهره وقفت وهي بتحاول تحتفظ بجزء من كرامتها رفعت راسها : انا كنت هغيره مش منتظره منك تقولي

علي : انا قولت الفت انتباهك .

زهره : هو ملفوت .. شكرا

وقفت قدام الملابس تفكر هتلبس ايه اختارت جلابيه استقبال ودخلت الحمام

……

في اوضه حامد

حنين فتحت عينها علي صوت حامد : نهيق حمار

حامد بغضب: شكلك أكده مش هتجبيها لبر

حنين. : خبر ايه عاد . انا قولت ايه . انا لسه بفتح عيني مش كنت مخموده

حامد : قومي يا مرا غيري فستانك ده

حنين : مرا اما تمرر مرارتك يا حامد الكلب انت

حامد : عتقولي حاجه يا بجره

حنين : معقولش . فسح أكده عايزه اتزفت

حامد بعد : غوري

وقفت حنين من علي السرير وهي حاسه ان جسمها كله بيوجعها من ضرب امبارح .. قعدت علي السرير تاني

صوتت بوجع : ااااه

ضحكت حامد : تستاهلي علشان تفكتري كل اما تقعدي الوجع . تحرمي تطولي لسانك عليا

حنين وقفت بعند : مفيش حاجه بتوجعني انا كيف الاسد اهو قدامك

حامد : هههه. طيب مش عيب الأسد يصرخ أكده

حنين : مصرختش . بلاش حديت ماسخ.

حامد : هووب . هوب . لسانك هيطول اهو

وقفت بسرعه وهي حاطه أيده علي وسطها

بوجع : انا عايزه بس اقولك نصيحه القوي في الاقوي منه . والمفتري عليه ربنا

دخلت الحمام وهي مضايقه من صوت ضحكته

حنين : ربنا يهدك يا حامد ..

…….

خرجت زهره من الحمام وهي لابسه جلابيه استقبال ..وشعرها الطويل الاسود مفرود علي ضهرها

علي : ايه اللي انتي لابساه ده

زهره : ايه . جلابيه

علي : جلابيه ايه ..ايه كل الترتر ده والفصوص . شكلها عفش قوي

زهره : عفش وله مش عفش . انا اللي لابسها وهي عاجباني

علي : عندك حق كل واحد وليه زوق . علي حسب تعليمه وتفكيره بقي

زهره : والله يا ولد عمي . الذوق ده مش بالدرجه العلميه ياما ناس دكاتره ومهندسين بس ميفهموش حاجه في الذوق وجبر الخواطر. أعذر بقي بنت عمك الجاهله. اللي جايه من ورا الجاموسه

علي وقف مصدوم من ردها و لسانه اتشل مش عارف ينطق

زهره خرجت من اوضتها والدموع محبوسه في عينها و خبطت علي باب اوضه والدتها

فتحت الام : زهره . صباحيه مباركه يا بتي . انا كنت لسه داخله اطمن عليكي

زهره اترمت في حضن امها وعيطت جامد : معيزاش اقعد معاه ياما . طلقوني منه..

الام : وه. تفي من بوقك يا بتي . لسه انهارده اول يوم . تطلقي كيف. عايزه الناس تقول علينا ايه

زهره : تقول اللي تقوله. انا مش هعرف اقعد معاها .. ده في أي وقت بيجرحني. احب علي يدك ياما طلقيني منه قولي لأبوي

الام عيطت مش بايدها حاجه تعملها لبنتها. لان ممنوع الستات تتكلم والراجل هو اللي ليه الكلمه الاولي والاخيره . هي التابعه في كل شي سوا كانت أم أو اخت أو زوجه او بنت لازم تتبع الراجل وتعيش تحت ظله حتي لو كان جبروت وظالم

……..

حنين خرجت من الحمام وهي لابسه العبايه وشعرها بيلمع زي الحرير

حامد وقف يبصلها .. حنين : يكش عينك تقع من وشك يا طور

حامد : الله يحرق لسانك .. بتقولي لمين يا بت الفلطوس

حنين : انا مقولتش حاجه . بعد عني انا جتتي مش خلصه

حامد ضحك : عفارم عليا والله يا جزمه كل ما لسانك يطول لقوم رقعك العلقه تمشي كيف الالف

حنين : ربنا علي المفتري يا حامد

حامد : هااا

حنين : بعد عني . انا نازله افطر جعانه

حامد : صنيه العشا اهنا

حنين: معيزاش اكل معاك

حامد مسكها من ودنها : انا قولت ايه

حنين : ااه . خلاص .اقصد يعني هفطر مع ابوي و امي .. سلام

لسه هتخرج مسك أيدها : علي فين يا بجره

حنين : قولتلك هخرج

حامد: بالسهولة دي . عتخرجي

حنين : يعني أنا مسجونه وله ايه

حامد : بالظبط أكده . علشان سجنك لازم تنفذي شروطي

حنين : شروطك دي علي نفسك مش عليا . مفيش خروج من اهنا قبل ما اخرج انا ،وكمان تحطي الطرحه علي شعرك. علي اكيد لسه في الدار مخرجش

و مفيش وكل قبل مني و تجهزي الحمام واول اما اخرج من الحمام تجهزي هدومي..

حنين ؛ اتخبطت في مخك انت وله ايه . انا معملش أكده واصل

حامد : انا جوزك وليه حكم عليكي. وكلمتي هتمشي غصب عنك

حنين : طيب . طز فيك

حامد : حلو جوي أكده. غلطتي وكنت مستني الغلطه دي

حنين رجعت لورا. : هتعمل ايه يا طور

حامد ؛ هعمل كيف ما الطور بيعمل . هنطحك

حنين: الله يهدك . لسه جسمي بيوجعني من امبارح .. بعد عني

حامد وهو بيلف الحزم علي ايده : سلمي علي صاحبك الجديد

حنين : الحزام لعععع

حامد : خلاص اضروبك بيدي

رمي الحزام ومسكها وهي بتصوت …

…….

بعد وقت

كانت العائله متجمعه علي الفطار ..

نزلت حنين وهي تعبانه من ضرب حامد وهو شمتان فيها ..

قعد علي الكرسي : اقعدي اهنا جنبي

حنين لسه هتعترض بصلها بحده

حامد ؛ اقعدي

لسه هتقعد وقفت تاني من الوجع. ومقدرش يسيطر علي ضحكته اللي سمعت البيت كله . الكل ضحك علي ضحكته

. الجد : ربنا بسعد أيامكم يا ولدي ..

حامد ؛ ههه . احم . اصل بنت عمي طلع دمها خفيف

قرب منها وبصوت واطي : لو مش عارفه تقعدي كلي وانتي واقفه زي الجمل

حنين بصتله ورفعت راسها : مفيش حاجه بتوجعني اصلا . انا زينه

قعدت غصب عنها وهي مش قادره من الوجع

زهره بصلها

بحزن شكلهم اتفقو مع بعض . علي عكسها هي وعلي

علي كان بياكل بمنتهي البرود وبعدين وقف : عن اذنكم

الجد : رايح فين يا علي .

علي : رايح مشوار

الجد : يوم الصباحيه أكده رايح علي مشوار

علي : اه يا جدي . مش هتاخر . انا قولت لزهره وهي خابره

زهره بصله بغضب وهي بتهمس. : كداب

علي. : سلام بقي .

خرج بسرعه قبل ما جده يوقفه تاني

……

حامد لحنين : وكليني في بوقي

حنين : كانك اتسخطت ورجعت عيل صغير

حامد : قولتلك وكليني

حنين : اما تتشل وقتها بس هوكلك بيدي .

حامد. : بعد الشر عليا .. يكش لسانك الطويل ده هو اللي يتشل وقتها هتخرسي وارتاح من صوتك

اللي كيف صفاره الحرب

حنين اتنفست وهي بتبص علي السكينه وبتتخيل وهي بتضربه بيها

حامد بصلها وشاف عينها وهي علي السكينه : خبر ايه عاد بتفكري . تقتلي نفسك

حنين : لع وانت الصادق بفكر اقتل حدا تاني بيها

حامد : العبي علي قدك يا شاطره

حنين : اللي قدي متقدرش عليه

حامد : قسما بالله بوء ليه فوق كنتي بتصوتي كيف الصرصار

حنين : ربنا علي المفتري

حامد : ده علي اساس انتي اللي بجناحين

حنين : اه طبعا . انا ملاك

حامد : ملاك . انتي هلاك

…. الجد : خبر ايه عاد . عم تتوشوشو وحنا قاعدين . حصل ايه

حامد : عرسان بقي يا جدي.

حنين بصتله بغيظ .. حامد: اصل بت عمي طلعت رومانسيه وانا مكنتش اعرف

احمر وش حنين : نعمممم

حامد : متتكسفيش عاد . ده جدي مش حد غريب

حنين وهي بتدوس علي رجله : ههه.. دمك خفيف.. بيهزر يا جدي

حامد اللي بتعمله مش ماثر فيه : انتي كده حلوه يعني

حنين : لو تعرف نفسي اعمل فيك ايه

حامد : لو تعرفي نفسي انا اعمل فيكي ايه . صاحبك فوق . هنطلع واخليه يسلم عليكي

شالت رجلها بسرعه اما افتكرت الحزام : عفارم عليكي .

حشر اللقمه في بوقها : كلي يا حبيبتي. انتي محتاجه تتغذي اليومين دول .

حنين : هتخنق من الوكل يا طور. روح منك لله

كحت وهو ضربها علي ظهرها

حنين: خلاص، هتكسر ضهري .. انت بتنجد مرتبه

حامد : بدل ما اللقمه تقف في زورك وتموتي مخنوقه

حنين : يكون احسن علشان ارتاح من العيشه اللي تقصف العمر دي

حامد. : احمدي ربنا علي عيشتك ، ده انتي اللي زيك عايشين في الزريبه

حنين : ما انا عايشه في زريبه مع اللي زي

بصلها حامد بشر .. وهو بيفكر هيعمل فيها ايه ؟؟

…….