الفصل الخامس والعشرون

رواية في قلب القريه الجزء الخامس والعشرون 25 بقلم نوسة حمد في قلب القريهرواية في قلب القريه الحلقة الخامسة والعشرون

ابراهيم جا نهايه اليوم وقال لينا للاسف فعلا كلامي طلع صاح والقسيمه مزوره والولد اتقبض عليهو ويا عالم البحصل شنو احمد اخوي حسيتو متماسكً م زي امس قال ليهو مهاد انا بقت ما بتهمني ولا البحصل عليها بهمني كل العاوزو منك هسي ورقه طلاقها توصلها قال ليهو اطمن انا بديت في الاجراءات وما ح تاخد زمن ان شاءالله قلت ليهو الحمد لله يا احمد ربنا ينهي العلاقه دي علي خير قال لي انا غلطان م سمعت كلامك انتي عيشتي وسطيهم وشفتي طباعهم

كذبتك وصدقتها هي لانها وهمتني وفي الاخر اكتشفت انها ما عاوز تلد مني زعلت منها وجاتني نفسيات عديل من كترت سؤال الناس بس الحمد لله كلو لخير احمد ربنا انها ما ولدت مني قلت ليهو الحمد لله ابراهيم قال لي امي عاوزاك ع فكره قلت ليهو تمام عملت ليهم قهوه ومشيت لخالتو سعاد قالت لي انتو مالكم فشنو قلت ليها ع فكره ياخالتو انا زعلانه منك ما بتوريني انك خاله محمد قعدت تضحك قالت لي عرفتي يعني قلت ليها ورتني امي قالت لي امك لمن حكت

لي قالت لي ما نوريها عشان الوقت داك انتي كنتي مضايقه من اختي وولدها والله يا بتي خسرانين هم انتي بت ما ساهله خلقه واخلاق بس اختي اصلها ما واعيه بس انا في ولدها المتعلم قلت ليها م عارفه لكن حلتكم دي لو متعلم وقعدتا فيها انت جاهل بتصرفاتك الا تطلع منها وتجيها بس للمناسبات قالت لي اي بعرفهم بتاعين فارغه ما مسؤولين قلت ليها انتي م قاعده تمشي ليهم قالت لي مرات مرات انا امي من شمبات ابوي من شمبات برضو بس متزوج هناك قلت

ليها اي صاح وطوالي بقولو ناس الخرطوم شايفين روحهم وما بحبوكم قالت لي ونحنا زاتو ما شديد عليهم انشغلتنا بي حياتنا وما بودينا الا صله الرحم وبعد كبرت اولادي منعوني بمش ابراهيم وبجي هسي اليوم داك مشا وفاه بت محمد قلت ليها الحمد لله موت بت محمد وجعني ووجعني امها الضيعتا قالت لي مالا هي قعدت احكي ليها لمن انخلعت قالت لي اعوذ بالله ولد بدريه اختي زاتو م هين متهور كان قاعد معانا هنا نجض ابراهيم نجاض يومي جايبو من القسم

سكران لمن قلت لي اهلو الولد دا م داير شغل زعلو مني افتكرو اني طردتو بس خوفت يجيب ليهو جريمه ويقولو قاعد معانا وشوفي هسي جنس الجابا دي وبعملا يابتي سكران اليوم كلو م واعي غايتو بدريه اختي الله يعوضا بس كان تمرقي منهم وليد متعلم وفاهم قلت ليها اي والله ساعدني كتير قالت لي تستاهلي بقينا نتونس وسالتني من اخوي وريتا الحاصل قالت لي م مشكله لخير اصلو ما تزعلو ربنا في اخدتا ونستي معاها اشتياق جات لاحقاني من الشغل سلمت علي

خالتي سعاد وقعدنا معاها شويه ومشينا بهناك عملنا الغداء وغدينا ابراهيم واحمد ومشينا بالاكل علي خالتو سعاد والحمد لله اليوم مرا تمام واحمد اخوي كويس اتصلت علي صهيب وطمنتو عليهو قال لي وريت امي بالحقيقه قلت ليهو خلاص احمد علاقتو انتهت بي مهاد وابراهيم بدا اجراءات الطلاق ربنا حلانا منها صهيب قال لي خلي احمد معاك شويه اصلا هنا خسر شغلو حاولي فرقي عليهو وطمنيهو قلت ليهو لا م تشيل هم

تاني يوم استاذنت من احمد قلت ليهو ماشه الجامعه قال لي انا زاتي طالع عندي صاحبي شغال في سوق لبيبا قبيل كان بتكلم معاي قلت ليهو بجي عليك قلت ليهو تمام ح تعرف تجي راجع قال لي بجيبني هو زاتو ما تخافي علي المهم خلي بالك من نفسك وانا هين راجل ما بتجيني حاجه قلت ليهو تمام طلعنا انا واشتياق انا مشيت الجامعه واشتياق شغلها حضرت محاضراتي واتصلت علي وليد وريتو الاخبار قال لي والله اتوقعت تكون دي نهايتا تستاهل وانا حزرتها هي

وامها واخر مره كنت في البلد حزرت امها بس متحدين اها التعرف تطلعا من السجن قلت ليهو ديل ما بخافن والسجن عندهن عادي قال لي اعوذ بالله منهن المهم انتي كيف قلت ليهو وليد اتخيل الناس القاعدين عندهم ناس منو قال لي ناس منو قلت ليهو ناس خالتك سعاد قال لي انتي جاده والله انا زاتي شكيت لمن جيتكم زياره بس قلت احتمال شبهتا البيت وانا شوفتي ليهو طالب في الجامعه وما كنت بجيهم كتير جيتهم مرتين بالحساب قلت ليهو شفت الصدف والصدفه

المجناني الطلقني من محمد ابراهيم وما سالني قال لي دا زوجك قال لي ابراهيم دا زول كتوم وزول ممتاز وهادي بس ما محظوظ قلت ليهو اي والله عينو ما برفعا لي قال لي انتي تجبري الانسان انو يحترمك لانك محترمه قلت ليهو وانت كمان والله قال لي ع فكره محمد سالني منك قلت ليهو داير مني شنو كمان قال لي والله م عارف بس قلت ليهو مابعرف عنها حاجه احتمال عاوز يعتزر قلت ليهو الاعتزار بعمل شنو بعد كل واحد شاف حياتو ربنا يوفقو قال لي امين

قلت ليهو اخوك قال لي وضعو زي الزفت ومحمد قال لو الشرطه طلعتو بقتلو بي يدو وما ظنيت يا نوسه يطلع منها دي جريمه بشعه حسبي الله ونعم الوكيل فيهو قلت ليهو حق الطفله البريئه دي بخلص ولازم يموت زيها قال لي كمان عندو سكري م بستحمل السجن قلت ليهو يستاهل وليد قال لي طبعا اتعرفت لي علي معيده في الجامعه جات جديده وعاوز ارتبط بيها وحكيت ليها عنك عاوزك يومي تفضي لي ونتلاقه قلت ليهو لو ما فاضيه افضي ليك قال لي تمام يوم الجمعه

اجازه نتلاقي في المطعم الفلاني قلت ليهو قدام ح تلقوني هناك

فرحت لي وليد شديد يستاهل كل خير

مشيت الشغل لقيت المدير في وشي وكان صاري لي وشو و قال لي الايام الغبتيهم ح اخصمهم منك قلت ليهو عندي ظرف قال لي تمام مشيت المكتب لقيت علي مكبس في الكمبيوتر لمن سلمت عليهو لمن انخلع وقفل الحاجه الكان فاتحها بكل جراءه مسكت الماوس وفتحت الحاجه الفاتحه لقيتو غانج ليهو بي غنجه كبيره قلت ليهو نحنا متفقين صاح ولا ما صاح قعد اتمتم قلت ليهو لا لا ما تتمتم لي الاتفاق البينا يتنفز بالحته قال لي خلاص تمام قال لي ع فكره انا بقا م

مغطي معاي عشان عندي مشروع بعمل فيهو المره الفاتت عماد حسا بي في شي غلط بس قدرت اقنعو عشان كده بقول ليك بديك الربع النص حاره علي قلت ليهو حاره شنو مالك صارف من مال ابوك لا انا عاوزه النص النص ولا ح اكشفك قال لي لا لا خلاص خلاص حولت نص المبلغ في حسابي وتميت الشغل وطلعت عزام جا لاحقني قال لي نوسه ممكن نتكلم حبه قلت ليهو فشنو قال لي ح تعرفي ان شاءالله دخلنا المطعم الجنب الشركه قلت ليهو خير يا عزام قال لي م خير قال لي

عارفه انا بحب المنقبات جدا بس ما بحب اللابسات النقاب عشان يشوهن سمعه المنقبات قلت ليهو تقصد شنو قال لي نوسه ليه تعملي كده قلت ليهو عملت شنو قال لي الفرق الفي الحسابات الحاصل دا قلت ليهو فرق شنو وحاولت اتهرب من الموضوع قال لي اولا عيونك فضحتك انتي عارفه فرق شنو بس ما اتوقعتها منك وعلي فكره عماد شكا فيك والسبب علي قلت ليهو شنو قال لي علي شال الاوراق الاشتغلتيها انتي الفيها فروقات ومشا لي عماد وقال ليهو انك حراميه ومن

يوم جيتي في فروقات واضحه وعماد ناوي يقبضك بالثابتة ويسجنك وعلي قال ليهو خليها علي انا بوقعها ليك انا سمعتهم بالصدفه انا قلبي قال شح واعصابي باظت وغلبني البسويهو وغلبني اقول لي عزام شنو والله يستر ……