راح عند الحفره وكانت يارا فيها وسعد محاوطها من وسطها وماسكين الحبل وبيطلعها وطلعه بره الحفره
فؤاد قال…. انتو كويسين يارا قربت منه
وقالت….. الحقنى يا فؤاد كنت هموت
فؤاد قال… الف سلامه يا حبيبتي تعالي اقعدي وقعدها على الكرسي وبص لسعد
وقال…. انت كويس
سعد قال…. انا انا تمام الحمد لله
يارا قالت… انت مش بتدوس كويس على رجلك
سعد قال… لا لا تمام بس
سهى قالت…. انت كويس فيك ايه في حاجه بتوجعك
سعد قال… لا بس رجلي اتخبطت ووجعاني شويه بس مش قوي
فؤاد بصلهم بضيق وسهى قالت….. طيب الحمد لله تعالى اما تريح شويه
سعد قال… هتاجى تريحي معايا فؤاد ضم اديه بغضب
وسهى قالت… يخرب بيتك الناس ايه ده
سعد قال…. احنا اول ما نرجع هنكتب الكتاب انا مستعجل قوي
سهى قالت… ايه فكرك بالموضوع ده دلوقتي ده انت خاطبني بقالك سنتين
سعد قال… انا شوفت جوه الحفره حجات يا لهوي تخليكى تتجوزى امبارح سهى بصت على يارا وكانت لابسه توب مفتوح
وقالت… هو ايه اللي حصل في الحفره
سعد قال… هقولك بعدين
سهى قالت…. ماشي ورجعت تكمل شغلها وفؤاد
كان قاعد على الطاوله مقابيلها وبيبصلها باعجاب شديد كانت بتابع الشغل وبتتكلم مع العمال كانت شايله الخوذه وشعرها بيطير على وشها شاورلها بايدو وسهى جات
وقالت…. حضرتك شاورتلي عايز حاجه
فؤاد قال…. اقعدي
سهى قالت… اه ماشي وقعدت قصاده
وقالت … اتفضل
فؤاد قال…. شوفي يا سهى انا بعد ما نخلص الموقع ده هشتغل في مكان تاني بره مصر تسافري معايا
سهى بصتله شويه وقالت…. غريب قوي يا فؤاد بيه
فؤاد قال… ليه ايه الغريب يعني
سهى قالت… غريبه انك جاي تبني فى الاماكن المقطوعه دي علشان يبقى فى عندهم مستشفى علشان تساعدهم ودلوقت تسافر بره مصر مش عارفه من اين بتساعد الناس اللي ما عندهمش مكان ومنين مش عايز تساعد مصر يعني ليه كل واحد نجح هنا بيروح بره لو كل واحد نجح هنا قعد هنا البلد والناس كانو اتغيرو
فؤاد قال… صح بس انا بشوف ان العيشه هناك احسن
سهى قالت… اه وفلوسها اكتر كمان
فؤاد قال… شوفي انا مش مسالة فلوس انا عندي فلوس وعندي بزنس بس انا بحب اسافر
سهى قالت…. وانت عايزني انا معاك بره ليه فى كذا مهندس هنا وكذا واحد بيخطط اشمعنا انا يعنى
بس فؤاد قال… انتى بتحبي خطيبك كنا بنتكلم امبارح ومجاوبتيش اجابه واضحه برده قلتلي أنه ساكن مقابيلكم وكده و يعني نقدر نقول حب طفوله ولا تجربه يعني
سهى قالت…. لا هو مش الغريب ان انا ما جاوبتش اجابه واضحه الغريب ان انت بتسال السؤال ده مرتين يعني ومشغول بيه لدرجه انك قاعد حافظ الاجابه بتاعتي وبتسال تاني وعايز اجابه مدققه ليه ها ليه
فؤاد قال…. عادي يعني
سهى قالت… لا مش عادي خالص انت صاحب شركه معروف ومشهور ومن عيله وخاطب واحده موديل جميله ومن عيله ومن مستواك الراقي وتشغل نفسك بموظفه عندك
فؤاد قال… ده كلامي انا
سهى قالت…. كويس انك فاكر
فؤاد قال….. تعرفي شكلك وانتى بتشتغلي جميل جدا يعني غير ما كنتى لما اغمى عليكى وكنتى بتزعقى كمان بالليل لما قعدتي عند البحر كان الهوى بيطير شعرك كان شكلك تحفه يعني كنتى لابسه حاجه غير لبس الشغل يعني جميله بلبس المكتب وبلبس الموقع وبالبس العادي شكلك جميل جدا تحفه
سهى قالت.. وانت مركز معايا اوى كده ليه بقى
فؤاد قال… ايه يا بنت البرود ده
سهى قالت بغضب مكبوت…. برود واتكلم معاك باي صيغه بقى خطيبتك وقعت في الحفره وسايبها وجاى تتكلم معايا وانت شفت سعد حضنها وبيطلعها من الحفره كنت متوقعه منك تصرف تانى يعني مثلا انا لو سعد شافني زي ما انت شفت خطيبتك كان قتلنا احنا الاتنين
فؤاد قال بضيق… لا ما كانش هيعمل كده كان هيزعق ويتخانق وانا اخصمله لان هو ده اللي عايزه وكل اللي بيعملو فى الحياه بس المشاكل وبعدين ليه دايما بتقارني الناس بسعد بتاعك ده بعدين مش يمكن تصرفات سعد اللي غلط دي واقعه في الحفره وهو بيطلعها يعني المفروض نقوله شكرا بعدين هي نايمه دلوقتي
سهى قالت…. عشان خطيبتك نايمه جاي تقولي انا الكلام ده بص يا استاذ ولو سمحت ما تتكلمش معايا تاني في حاجه خارج الشغل ابدا خلى كلامك كله داخل حدود الشغل عن اذنك ومشيت
فؤاد قال… دبش بتحدف دبش ما علينا بالليل كانوا خلصوا شغل ومأشعلين النار وقاعدين حواليها وبيختفلوا
نهى قالت… يلا اللي هيغني واللى هيرقص واللى هيحتفل
ايه رايكم يا شباب نلبس بدوي
سهى قالت…. احنا عاملين الحفله اهو كل واحد لابس لبس عادى
نهى قالت… لا انا ما اقصدش الحفله دي انا اقصد الحفله اللي هي ان شاء الله لما نخلص المشروع هتعملنا حفله يا فؤاد بيه ولا
فؤاد قال.. اه نعمل حفله بس انتو شد حيلكم
نهى قالت…. ده احنا هنشد شد العب
فؤاد قال…. مين اللى يلعب
نهى قالت…. لا ولا حاجه انا ما قصدتش حاجه ومالت على سهى وقالت بهمس … بنت يا سوسو شوفي خطيبك واقف مع مين
سهى قالت…. سعد وبصت لورى وكان واقف مع يارا قالت… عادي تلاقيه بيتكلم معاهم مش مشكله
نهى قالت…. انا عارفه انه بيتكلم معاها ما هو باين بس بيقولو ايه
سهى قالت…. خليكي في نفسك وبلاش الضمير الزفت ده وقالت… سعد
سعد قال….. ايوه يا روحي جاي اهو وبص ليارا
وقال… تمام انا معاكى اهو لو احتجتى حاجه وراح قعد جمب سهى
سهى قالت…. كنت واقف مع البنت دي ليه
سعد قال… كانت هتديني فلوس علشان طلعتها من الحفره بس انا ما رضيتش قلتلها لا وكانت عايزه تكلم فؤاد عشان يرجع الخصم وانا برده قلتلها لا
سهى قالت…. جدع يا سوس فؤاد كان بيبصلهم بضيق شديد ويارا راحت قعدت جمب فؤاد
وقالت… ايه يا حبيبي قاعد لوحدك ليه
فؤاد قال… لا عادي ما فيش بعدين ما انا قاعد جمبهم اهو مش قاعد لوحدي
يارا قالت…. مالك يا فؤاد انت في حاجه مضايقاك
فؤاد قال… لا بس الفون بتاعه رن قال … انا هروح ارد على التليفون وطلع بعيد شويه اتكلم في الفون ورجع كانت سهى بترقص مع سعد بقى يبصلهم شويه بغيظ وقفل الكاست
وقال…. يلا يا شباب الحفله خلصت عشان تقدروا تقومو الصبح
سعد قال… ليه كده ما احنا هنقوم الصبح هو احنا بنام
فؤاد قال بغضب….. وطى صوتك شويه انت بتزعق
سعد قال…. لا انا مش بزعق انا بسال بس
انت طفيته ليه دلوقتي احنا هنقوم الصبح بعدين على فكره انت بعد الساعه 9:00 الساعه الليل مش مديرنا ودلوقتي 10:00 يعني انت ما لكش حاجه عندنا انت بقى اللى ياجى الصبح متاخر بعد الساعه 9:00 الصبح ابقى خصمله ولا احنا هنقولك سهى مسكت سعد
وقالت…. سعد خلاص انت بتعمل ايه
فؤاد قال… تمام بكره اللي هيجي بعد 9:00 هنخصمله ولو انت اللي تاخرت هرفدك لانك واخد خصم قبل كده مش هناخد السنه نخصم ومشى
سهى قالت… ليه بتتخانق معاه كده هتقطع عيشك
سعد قال…. هو كده كده عايز يقطعه وراح على خيمته سهى راحت عند فؤاد الخيمه وووو