الفصل الثالث عشر

رواية في عشقها هلاكي الجزء الثالث عشر 13 بقلم زهرة الربيع في عشقها هلاكيرواية في عشقها هلاكي الحلقة الثالثة عشر عملت اعلان ومكافأه علشان الاقي اختي ده يزعلك في ايه ..دي بنت مختفيه من اكتر من ست شهور نستنى ايه اكتر من كده واحنا مش عارفين هيه فين ولا مع مين عمه قال بغضب شديد…احنا سبق واتكلمنا في الموضوع ده يا فايز وانا قولتلك انا هتصرف وهلاقيها بمعرفتي

فايز قال بانفعال…امتى ..امتى يا عدلي بيه … امتى هتلاقيها..امتى هتدور اصلا …انت مبتتحركش ولا عملت اعلان ولا خبر في صحيفه ولا اي حاجه …انا اختي ضايعه ومش قادر اتحمل اكتر من كده ممكن يكون حد اذاها ولا ….. ولحد هنا مقدرش يكمل وقعد وحط اديه على دماغه ودموعه بتلمع في عنيه وقال بحسره….يمكن متكونش لسه عايشه اصلا

عدلي اتنهد بحزن عليه وشال التمثال اللي كسره حطه على الطاوله وقال بحزن …انا اسف يا فايز حقك عليا يا ابني…انا فعلا فشلت لحد انهارده …بس والله انا مش ساكت وبدور في كل حته صدقني…. يا ابني انت واختك زي اولادي واكتر …وهلاقيها اوعدك هلاقيها مهما حصل….بس الاعلان لازم يتشال علشان نلاقيها فايز بصله باستغراب وقال..والسبب عدلي اتنهد وقال…اختك مش تايه يا فايز…اختك اكيد مخطوفه فايز قال بتوتر…مخطوفه

عدلي قال بتاكيد ايوه اكيد مخطوفه..دول ست شهور لو كانت غايبه ولا تايهه كانت رجعت من زمان ايه اللي هيمنعها يعني…لاكن هيه مخطوفه انا واثق من كده واللي خاطفينها لو شافو الاعلان ممكن يعملوا فيها حاجه علشان يخلصوا من جريمتهم قبل ما يتكشفوا…لازم ندور في صمت ده لمصلحة اختك

فايز اتنهد بتعب وقال..ماشي يا عمي همشي وراك للاخر…وهشيل الاعلان…بس دي هتبقى اخر فرصه …لو معرفتش توصل لاي خيط يوصلنا ليها…هتصرف انا ومتجيش تتناقش معايا ابدا عدلي اتنهد وقال…تمام حقك..حقك وانا عند وعدي هلاقيها وقريب جدا قال كده ومشي وفايز كلم واحد وقال….ايوه يا كريم اسمع الغي الاعلان واتاكد بنفسك انه اتمسح من كل الصفحات قال كده وقفل الخط ورجع يحاول يصلح التمثال وقال بوجع واضح في صوته ….يا ترى انتي فين يا قلب اخوكي

عند روعه كانت في العربيه مع مختار ووقف عند محل ملابس ونزل يجبلها عبايات على مقاسها وهدوم للبيت روعه كانت مستنياه في العربيه وبتبص لمانيكان لابس طقم رجالي وشردت فيه مختار طلع العربيه وقال بتعب …رجليا وقعو لحد ما لقيت مقاسك ولا ملحق اطفال ولا كبار حاجه تخنق روعه مردتش عليه كانت مركذه في المانيكان جامد مختار عمل صوت بصوابعه قدامها وقال …ايه سافرتي فين روعه قالت بتوهان…..الطقم ده مقاس فايز بالظبط

مختار اتسعت عنيه وقلع نضارته وبصلها باهتمام وقال…. فايز مين روعه بصتله باستغراب وهيه بتحاول تفتكر وقالت….صحيح مين فايز ….الظاهر….الظاهر كان حد اعرفه مختار قلبه دق بقوه وهو بيبص للمانيكان كان لبس شبابي التفت لها وقال بسرعه وتوتر…ركذي معايا يا روعه…لما شاكر اخدك من المستشفى وقالك هيرجعك لاهلك …هناك في المستشفى ادولك حاجه انتي وماشيه يعني ادولك تليفون بطاقه او……او دبله مثلا

روعه بصتله بسخريه وقالت ..هو لو كان معايا بطاقه كان زماني تايهه كده ومش عارفه انا مين يا اذكى اخواتك مختار قال بغيظ..ردي على قد السؤال ..مكانش معاكي حاجه وقت الحادث اللي عملتيه …يعني كل الناس هيه وماشيه من المستشفى بيرجعولها حاجتها اللي كانت شيلاها…بلاش شيلاها..مكانش في صباعك دبله او خاتم جواز مثلا روعه اتسعت عيونها بدهشه وقالت….خاتم جواز…انت قصدك ايه…هو انت شاكك اني متجوزه بقلم….زهرة الربيع

مختار كان بيتمنى يكون غلطان بص للمانيكان شويه و قال بخنقه…ايه المانع روعه قالت بتوتر…لا…لالالا..معتقدش يعني…يعني كنت افتكرت اي جاجه عنه مختار شغل العربيه وهو بيقول بغيظ…قال يعني انتي فاكره حاجه من اساسه …ربنا يستر قال كده وطلع على البيت وهو مضايق جدا لمجرد التفكير انها ممكن تكون على علاقه بحد تاني

في البيت كان حمزه قاعد في الصاله مع غانم وبيقول بحزن شديد….مقدرتش استحمل لما شوفتها جايه المستشفى ايدها في ايده كان قلبي بيتحرق …والغضب سيطر على تفكيري ومعرفتش اتصرف بعقل غانم قال بحزن عليه….يا ابني انت اصلا مغلطتش بلاش تأنب نفسك..اي حد بعد اللي حصل هيفكر في حياته …الدنيا مش هتقف عندها

حمزه قال بسرعه وندم..لا…لا ياعم غانم انا مش جاهز للخطوه دي ….انا مش عايز ارتبط بواحده وانا مجروح كده واذيها ….اللي عملته كان غلط جدا.. حبيت اثبت لنفسي اني مرغوب فيا وان الف واحده تتمناني …طب نجوى ذنبها ايه اديها امل وانا عارف اني مش هقدر اكون ليها زي ما هيه حطت في دماغها

واتنهد بوجع شديد وقال…..شوفتهم بيحضنوا بعض وهما خارجين من الكشف ..كانو بيطمنو على ابنهم….حسيت بنار جوايا غلبت كل ذرة تفكير عندي …..فجأه كده لقيت نفسي بمسك ايد نجوى واطلع معاها قدام كل اللي في المستشفى…وهيه فهمت من كده اني ناوي انسى واكمل معاها ….محستش بغلطي غير لما نزلت من العربيه وهيه مبسوطه وكانها ملكت الدنيا….انا غلطت يا عم غانم غلطت مع نجوى غلط ميتصلحش

يا نهار اسود وعاملي فيها دكتور ومحترم وانت خاربها ولا حد دريان كانت دي جملة مختار اللي دخل وسمع اخر جملة اتقالت وفهمش ولا استنى يفهم قرب من حمزه وقال بغضب….دي اول مره ولا فيه غلط قبلها يا دكتور انطق خليني اساعدك مين هيلم وراك غيري حمزه بصله بدهشه وهو مش فاهم يقصد ايه ولسه هيتكلم مختار قال بسرعه وهدوء…مفيش داعي تنكر انا سمعت كل حاجه …مين دي اللي غلطت معاها …متقلقش مهما حصل بنا انا برضه اخوك وهقف جنبك

حمزه قال باستغراب وغيظ…انت بتقول ايه هيه ناقصه عبط على المسا وبص لروعه وكانت لابسه النقاب قال بدهشه…ومين دي …دي البت اللي كانت معاك هنا….انت ملبسها كده ليه ..هو انت عامل مصيبه جديده يا مختار

مختار قال باصرار…سيبك مني انا وخلينا في مصيبتك انت يا باشا…اسمع تحت اي ضغط اللي في بطنها مش ابنك …مش ابنك سمعت…انا عارف الاشكال دي كويس… انهارده غلطت معاها بكره عايزه تولد والولد ينزل قبل معاده بست شهور و البس انت بقى ..انت عارف البامبرز دلوقت بكام يا دكتور حمزه كان بيسمعه بذهول وقال …ايه ده…. ايه ده انت بتقول ايه انت …خلاص اتهطلت رسمي…. مستحيل تكون طبيعي …انا طالع اوضتي يا عم غانم مش هقدر استحمله اكتر من كده

ولسه هيمشي مختار مسك ايده وقال …استنى هنا انا بفطمك علشان انت طري وعيطت من دلوقت..بس سيبلي الموضوع ده انا هراضيها بقرشين …ولو صحيح حامل تنزله…ولا اقولك نزلهلها انت ما انت دكتور توليد وزيتنا يبقا في دقيقنا ويا دار ما دخلك بامبرز حمزه ضغط على اسنانه بغضب وقال بزعيق…يارب صبرني…انا في اوضتي يا عم غانم وطلع على اوضته بغضب شديد مختار بص لطيفه وهو بيقول بزعيق…الحق عليا عايز اساعدك…متجيش بكره تعيطلي بقى وتقولي طلعوا تؤم

وبص لغانم وقال …وانت يا بير الاسرار يا نبع الحنيه….مش هتحكيلي كان بيقولك ايه ومين البت اللي غلط معاها غانم ضرب كف على كف وقال…اخوك في اوضته الي حابب تعرفه اعرفه منه هو…ومتدخلونيش وسطكم قال كده ومشي هو كمان ومختار قال ….اساله مسالوش ليه هو انا هخاف منه ولسه هيطلع ورا حمزه روعه مسكت ايده وقالت بسرعه…رايح فين ..مترحلوش مش ناقصه مشاكل ..انت شكلك فاهم غلط اصلا

مختار قال بفضول…ما انا عارف اني فاهم غلط بس عايز افهم الصح …مش هيهدالي بال ولا اعرف انام ولا ادخل الحمام حتى لو معرفتش ايه الحوار روعه قالت برجاء ..وايه دخل الحمام باخوك …اقصر الشر خلينا نتخمد مختار ضحك وقال…متقلقيش مش هعمل مشاكل بس هو بجد مخنوق وعايز انكشه شويه علشان يفضي يمكن يرتاح ….اطلعي انتي بس على اوضتنا وانا جاي وراكي وطلع ورا حمزه وروعه كانت بتناديله بس مرضيش يقف قالت بتعب…استرها يارب مش ناوي يجبها لبر

وطلعت علشان تروح وراه بسرعه ومنى كانت نازله وهيه بتلعب في الفون فاصتدمت بيها وقالت بغضب…مش تفتحي يا بتاعه انتي وقعتي التليفون روعه قالت بتوتر..انا اسفه مخدتش بالي منى بصتلها باستغراب وقال..انتي مين اصلا روعه رفعت النقاب وقالت…انا روعه منى قالت بغضب….هو انتي طبعا واحده غبيه زيك متعرفش تمن التليفون اللي وقعته ده …متخلفه روعه اتخنقت من كلامها وقالت…اللهم طولك يا شعري …وتتقل وتعدي ضهري ..ما قولنا مخدناش بالنا

منى قالت بغضب …انتي بتستهبلي يابت ده بدل ما تعتذري روعه اتنهدت وقالت…بس كده من عنيا …حقك عليا يا هانم انا اسفه ليك ولتليفونك الغالي…. ممكن تسيبيني اطلع اشوف المجنون التاني بقى ولسه هتمشي منى مسكتها من دراعها وقالت بغضب..استني هنا انتي رايحه فين … وطي عند رجلي هاتي التليفون اللي وقعتيه روعه بصتلها بدهشه وقالت …ايه

منى قالت بغرور …. زي ما سمعتي وطي هاتيه بدل ما اقول لحمزه …وده مش زي جوزك هيسكت….حمزه انا وابويا اغلى عنده من الدنيا كلها وممكن يرميكي بره لو بس قولتله انك ضايقتيني روعه اتنهدت بيأس وقالت بحزن ….تحت امرك ووطت عند رجلها ومنى ابتسمت بسعاده وشماته بس صرخت فجأه بصدمه لما روعه شدتلها البنطلون بتاعها جامد وقعته وطلعت تجري على السلم وهيه بتضحك وبتقول….يلا بالشفى..يا ام رجلين مقشفه

منى وطت رفعت البنطلون بسرعه وذهول وهيه بتصرخ وبتنادي باسم حمزه وهتتجنن بقلم…زهرة الربيع عند نسيم وصلت البيت وهيه متنرفزه من كل الي حصل ومتغاظه جدا من جمال ولكن غيظها من نجوى كان اكبر بكتير نار في قلبها وهيه بتفكر انها قالت عنها حامل علشان بتحب حمزه قعدت على الكنبه بتعب وهيه بتفكر في احساس حمزه وقت ما عرف بس اتنهدت بيأس وقالت في نفسها …عمره ما هيكون اسوء من احساسه لما عرف اني بعته واتجوزت… فوقي لنفسك يا نسيم

في الوقت ده سمعت اكتر صوت بتكرهه جمال بيقول بسعاده.. تعرفي يا بت انا ورايح مش هزعلك ابدا علشان انتي طلعتي بت جدعه اوي …وهاخدك عند دكتوره كويسه ونكشف بجد ونشوف العطله من مين فينا ونعالجها ونجيب احلى عيل في الدنيا يكون مز كده زي امه نسيم اتنهدت بخنقه وبصتله وهيه بتحاول تسيطر على اعصابها وقالت…كل الزوق ده علشان قولت لحمزه اني حامل

جمال قال بابتسامه …علشان عرفتيه تمامه وخلتيه يعرف قد ايه هو ولا حاجه وانك ولا شيفاه وحياتك ماشيه عادي من بعده …وده الللي ريحني قوي نسيم غمضت عيونها ورجعت بصتله بغضب وقالت…اه فرحان علشان كدبت وفهمته حاجات ولا حصلت ولا هتحصل…للدرجادي انت موهوم …صعبت عليا والله جمال بصلها بغضب وقال…قصدك ايه

نسيم وقفت وقالت بانفعال…قصدي اللي وصلك… انت بني ادم مريض …واخرك انك تحلم ..لكن مستحيل تحقق انا ولا مراتك ولا هكون في يوم من الايام مراتك ده مش جواز ده هم مفيش جواز بالغصب والمساومه ..ولا نسيت …وحتى خلفه منك مش هخلف ده انا اشيل في بطني حجر من جهنم ولا اشيل ابنك سامع

قالت كده ولسه هتمشي شدها من شعرها بقوه ومسكها من فكها وقال بحده…..وحياة امك….طب ايه رايك بقى يا نسيم ان الهم اللي انتي فيه ده هو قدرك وعمرك ما هتكوني لحد غيري…وهتخلفي ….شئتي ام ابيتي ولو عيانه هعالجك وابني هيبقى ابنك بالذوق بالعافيه هيبقى منك سامعه

نسيم كانت موجوعه جدا منه وبتحاول تفلت من ايده بس كانت بتغلي من جواها ومقدرتش تسيطر على نفسها وقالت بغضب وانفعال….مش هيحصل …ومش هتعرف تعالجني …علشان انا مش عيانه انا باخد حبوب علشان مخلفش منك ….ولو موتني هفضل اخدها ومش هبطلها جمال سابها فجأه ورجع خطوات لورا من شدة الصدمه وهو بيحاول يستوعب اللي قالته ووووو

مع السلامه انتي يا نسيم بقى هتوحشينا🤦‍♀️😂عايزه تفاعل جااامد لو البارت كمل الف تفاعل هنزل تاني بكره علشان نشوف المجنون ده هيعمل معاها ايه وحمزه هيعمل ايه مع روعه بعد اللي عملته في منى يلااااا ابدأووووو🏃🏾‍♀️🏃🏾‍♀️🏃🏾‍♀️🏃🏾‍♀️ لو عاوز الرواية كاملة اضغط على : (رواية في عشقها هلاكي)