تحميل رواية «فريدة» PDF

البارت الأول.( رواية فريدة ) 🌿🍓

عمرو : اي يابني هنسمع الماتش فين ؟

خالد : تعالي نسمعه عندي ف البيت

عمرو : ي عم ما نسمعه علي القهوة

خالد : لا مليش ف الدوشة وانت عارف

عمرو : طب يلا الماتش قرب يبتدي

.

عمرو بأستغراب : اي الدوشة دي

خالد بضحك : الهانم اختي اهي ابتدت صياح من اولها

عمرو : هي ليها ف الكورة وكده ؟

خالد : دي ليها فيها اكتر مني ومنك ماشية ف اي حاجة اي ماتشات ف الدوري المصري أو الانجليزي بتابع ..

عمرو : طب والله حلو قليل لما يبقي ف بنات كده

خالد : استني اقولها تعملنا حاجة ناكلها بين الشوطين عشان مش هترضي تسيب الماتش .

.

سهيلة : بت ي فريدة ي زفته

فريدة : عايزة اي سيبيني اسمع الماتش

سهيلة : عمرو بره ي قمر

فريدة بعدم انتباه : طيب بعد الماتش نشوف الحوار ده

سهيلة ضربتها ف كتفها : ي بت بقولك عمرو بره مع اخوكي

فريدة بصدمه : اي ده بجد ؟

سهيلة بغمزة : اها ي حلوة مالك اتربكتي لي

فريدة بغيظ : بصي أنا مش طيقاه اصلا فمتجبليش سيرته

سهيلة : لي حصل اي ؟

فريدة : ما أنا بتنيل بحبه وهو ولا حاسس بيا ولا عارفة اني عايشة معاه عالكوكب اصلا

سهيلة بضحك : هيعرف ازاي ي هبلة ! لما مشافكيش غير مرة والا مرتين وبعدين حد قلك تحبيه يعني انتي ديما مقفولة من الرجالة يوم ما تحبي تحبي عمرو !

فريدة بغضب : اهو كيف قلبي كده اعمل اي يعني

سهيلة : طب خلاص متدايقيش أنا بس ب..

خالد : اي ده انتي جيتي ي سهيلة ؟

سهيلة : اه خلصت دروسي بدري

خالد : طب الله يكرمك اعمليلي أنا وعمرو اي سندوتشات وحاجة نشربها عشان الاوزعة دي مش راضية تعمل

فريدة بخبث : لا ي قمر هعملك السندوتشات اللي نفسك فيها

خالد بضحك : خير اللهم اجعله خير دي راضية عني

فريدة مسكت المخدة وضربته بيها وهو بيجري لبرا : يلا ي مهزأ من هنا

سهيلة بخبث : هتعملي الاكل والا اعمل أنا

فريدة بضحك : لا هعمل أنا 🙊♥️

.

عمرو بانبهار : اوبا بقي اي السندوتشات الجامدة دي كبدة وبانيه ي جمالو اختك هتبوظلي اللي بعمله ف الجيم بس مش مهم

خالد بضحك : مشوفتش واحد بيحب الاكل زيك انت مثال فعلا للي قال أقرب طريق للراجل معدته 🙂

عمرو بغيظ : طب اوعي بقي ملكش دعوة بالسندوتشات

خالد بضحك : هاتهم بدل ما اقول لاختي متعملش اكل تاني

عمرو : اي ده السندوتشات حلوة اوي

خالد بغيظ : هات واحد ي طفس

عمرو : بقولك اي ما تجوزني اختك

خالد بعصبية : عمرو هلوشك علي وشك اختي اي اللي اجوزهالك

عمرو وهو بيبلع الأكل : وفيها اي أنا طالب اتجوزها علي سنه الله ورسوله

خالد باستغراب : عمرو انت بتتكلم جد ؟

عمرو بارتباك : بهزر ي عم

خالد بشك : امممم ماشي .

.

خالد بغموض : السندوتشات عجبت عمرو اوي

فريدة بلهفة : بجد ؟

خالد مسكها من قفاها

خالد بخبث : هو في اي بالظبط

فريدة بتوتر : مفيش حاجة هيكون ف اي يعني

خالد : اممم ماشي ي فريدة بس افتكري أني بعاملك علي أننا أصحاب مش اخوات بس فلو في حاجة تيجي وتحكيلي

فريدة بتوتر : لما يبقي فيه 🙂

سحبت مج المية تشرب

خالد بخبث : وعمرو قال يقولي جوزني اختك

فريدة شنقت وبتحك جامد خالد طبطب علي ضهرها

خالد : اهدي في أي ؟

فريدة بصدمه : هو قالك جوزني اختك بجد ؟

خالد بضحك : اها كان بيهزر عشان السندوتشات عجبته

فريدة بسرحان بتفكر هل عايز يتجوزها بجد والا مجرد هزار .

.

ف الكلية

سما : فريدة مش قولتي هتعدي علي اخوكي تروحي معاه ؟

فريدة بتذكر : اه صح بس ده قالي أنه هيأخر أنا مش هقدر استني هرن عليه هقوله اني هروح معاكي

سما : اي مردش ؟

فريدة : غير متاح تعالي معايا معلش هعدي عليه ف كليته اعرفه اني مروحه عشان بيقلق عليا وبعدها نروح سوا .

سما : خلاص ماشي تعالي .

.

سما : اي ي بنتي واقفة كده لي ؟

فريدة بخبث : تعالي معايا

سما : جاية اهو أما نشوف اخرتها

عمرو : اي ده فريدة يعني انتي هنا ؟

فريدة وهي بتبلع ريقها : كنت بدور علي خالد أخويا برن عليه غير متاح

عمرو لاحظ أنها لابسة شال خفيف فوق البلوزة .

عمرو بعصبية : ضمي الشال عليكي ومتلبسيش البلوزة دي تاني غير علي جاكيت

فريدة بفرحه جواها رغم خوفها من عصبيته : وانت مالك ما البس اللي انا عايزاه امري يهمك في أي ؟

عمرو بغيظ : لا مالي ونص ي هانم

فريدة بخبث : لما تبقي خطيبي والا جوزي تبقي تقولي البس اي والا ملبسش اي

عمرو بغيظ : ماشي ي فريدة انتي عايزة اي من خالد ؟

فريدة بابتسامه : كنت هقوله اني مروحه

عمرو : طيب هو ف سيكشن دلوقتي روحي وانا هقوله .

فريدة بخبث ابتسمت وسابته ومشيت .

عمرو بضحك وغيظ : جاتك القرف ف حلاوتك اي ده احلوت امتي دي كده ؟ والا أنا اللي غبي ومكنتش واخد بالي ! يعني قمر وبتعمل اكل حلو وبتشجع كورة كمان هتجننيني ي فريدة 🌚♥️

.

سما بضحك : اي ي بنتي اللي عملتيه ده 🙂

فريدة وهي مش قادرة تمسك نفسها من الضحك : يستاهل

سما بغمزة : شكله واقع فيكي

فريدة بلهفه : يسمع من بقك ربنا

سما بضحك : ي بنتي اتقلي شويه

فريدة بتنهيدة : تقلانه اهو أما نشوف اخرتها مع سي عمرو🚶🏼‍♀️

البارت التاني ( رواية فريدة ) 🍓💙

سما : فريدة أنا لازم امشي

فريدة : ليه ي بنتي خليكي ماما بتعمل غدا ناكل سوا

سما بابتسامة : بألف هنا علي قلوبكم بس بابا كلمني وقالي أنه قرايبنا جم النهاردة فقالي ارجع بدري عشان الحق اقعد معاهم شويه مش بنشوفهم غير كل فين وفين

سما : ماشي ي حبيبتي خد بالك من نفسك .

وصلتها فريدة لحد الباب وسما وهي نازلة بسرعة علي السلم خبطت ف حد

سما بأعتذار : اسفة معلش مخدتش بالي

خالد بابتسامه : محصلش حاجة ي سما

سما بتوتر : خالد !

خالد : اها انتي جيتي مع فريدة ؟

سما وهي بتحاول تتحاشي النظر ليه : أيوة

خالد : طيب مقعدتيش لي ؟

سما : ما أنا لازم اروح ضروري

خالد : طب تحبي اوصلك ؟

سما : لا متشكرة عن اذنك

خالد بتنهيدة وهو بيراقبها وهي نازلة علي السلم : هتفضلي تتهربي مني لحد امتي ! تعبتي قلبي معاكي 🖤

.

مر أسبوع وفريدة لاحظت أن عمرو بطل ييجي مع خالد واتكسفت تسأل خالد عنه وكمان مبقتش تشوفه ولو صدف ف الكلية شغل تفكيرها طول الأسبوع وهي مش عارفة تحدد سبب اختفائه مرة وحدة .

خالد : فريدة كلمي بابا عايزك

فريدة : خير في أي ؟

خالد : تعالي بس

فريدة : خير ي بابا ؟

ابو خالد بابتسامه : فريدة انتي عندك استعداد تتخطبي دلوقتي ؟

فريدة بأستغراب وتوتر : ليه السؤال ده ي بابا

ابو خالد بخبث : جاوبيني الاول

فريدة : لا ي بابا مش عايزه اتخطب ولا اتجوز ف لكلية

ابو خالد : يعني العريس اللي متقدملك اقوله انك مش موافقة ؟

فريدة بخوف : عريس مين ؟

ابو خالد : عريس متقدم ومستعد يستناكي تخلصي كلية وتتجوزو بعدها بس عايز يسرع الخطوبة تبقي آخر الأسبوع

فريدة : لا ي بابا مش موافقة

خالد بخبث : خلاص اقول ل عمرو انك مش موافقة

فريدة بصدمة : عمرو ؟ هو العريس عمرو

ابو خالد بضحك : أيوة مالك اتصدمتي لي ؟

فريدة بارتباك : طب ي بابا أنا بقول اديله فرصة عمرو شخص كويس ومحترم وابن ناس .

خالد بضحك : فين الأسترونج اندبيندنت وومن مش قولتي مش هتخطب ولا اتجوز ف كلية

فريدة ضربته ب المخدة : شايف ابنك ي بابا وتريقته

ابو خالد بضحك : خلاص ي خالد متكسفهاش عموما ي ستي مادام موافقة يبقي خالد يبلغه ييجي عشان نتفق علي كل حاجة .

فريدة بكسوف وفرحه كبيرة جواها حاولت تداريها : طيب انا هدخل اوضتي .

خالد بضحك : قولتلك ي حاج مياله ليه .

ابو خالد بضحك : ربنا يكتبلها الخير يابني وعقبالك .

.

أتخطبو وعمرو قرب اكتر من فريدة واكتشف حبها لحاجات كتير مكنش متخيل أنها بتحبها بالشكل ده زي الكورة والبلايستيشن والأفلام خاصة الخيال العلمي والروايات والطبخ والاسكيت اكتشف فيها جانب مكنش شايفه قبل كده ولاحظ أنه كل مدي بيغير عليها اكتر وبيخاف عليها ف نفس الوقت أنها تتخنق من غيرته وبيحاول يتحكم في نفسه علشانها ♥️🖇️ فريدة بقي كانت مبسوطة أنها اتخطبت للشخص اللي بتحبه وفرحت أن عمرو بقي بيحبها هي مكنتش هتوافق تتجوزه لو شايفها مناسبة ليه بس مش بيحبها وعشان كده قررت تدي لعلاقتهم فرصة أكبر فأتفقت مع عمرو أنهم مش هيتجوزو غير بعد الكلية وأخيرا دلوقتي اتخرجو وجه معاد الفرح.

المأذون " بارك الله لكما وبارك عليكما وجمع بينكما في خير " 🌿

عمرو قام وحضن فريدة اوي وهو بيبتسم براحه أنها اخيرا بقت مراته رسمي ..

عمرو بغمزة : مبارك عليا انتي ي فريدة ♥️

فريدة بضحك وهي بتحضنه : لف بيا بقي

عمرو بضحك : الف بيكي ازاي بفستانك الواسع اوي ده انا خايف عليكي ي بنتي لنقع

فريدة : ششش لف بيا براحه يلا

عمرو : امري لله تعالي 🙂😂

حضنها جامد ولف بيا وهي بتضحك ومبسوطة من قلبها وعمرو فرحان لفرحتها اللي باينه ف عيونها 🍓💙

فريدة باسته ف خده وهمست ف ودنه : " مبرتحش إلا وأنا ف حضنك " ♥️🌿🙊

.

سما : اي ي بنتي انتي من ساعة ما اتجوزتي وانتي نسيانا خالص

فريدة بضحك : حقك عليا احنا لسه راجعين من السفر من كام يوم .. تعالي ف حضني وحشتيني ي سماسيمو

سما بضحك : وانتي كمان ي بكاشة قوليلي انبسطتي؟

فريدة : انبسطت اوي متوقعتش أن عمرو ياخد إجازة شهر ونص من شغله أنا قولت بالكتير اسبوعين بس هو فاجئني

سما بابتسامة : يعيش ويهنيكي ي عيوني

فريدة : استني اجبلك الكوكيز والكيك اللي بتحبيه واعمل حاجة نشربها سوا عشان عيزاكي ف حوار

فريدة خدتها معاها المطبخ وبتعمل نسكافية وهي بتحاول تفكر هتفتح معاها الموضوع ازاي ..

فريدة : سما انتي في حد ف حياتك ؟

سما بأستغراب : حد بيحبني يعني ؟ لا

فريدة بتنهيدة : بصي بعيدا عن أننا أصحاب واخوات هتكلم معاكي ف حاجة ومش عيزاكي تزعلي .. ممكن أفهم سبب رفضك ل خالد ؟

سما بتوتر : قصدك اي

فريدة : يعني خالد بيحبك ي سما وكان بيفكر يتقدملك بس عشان انتي بتصديه وديما بتتهربي منه هو صرف نظره أنه يتقدم دلوقتي وفكر كذا مرة يتقرب منك بس انتي اللي مش بتديله فرصة .. هو عمل حاجة دايقتك يعني ؟

سما بحزن : أنا فاهمه انتي عايز تقولي اي ي فريدة .. خالد طيب وحنين وجدع ويستاهل وحدة احسن مني لكن أنا لا .. انتي عارفة اني كنت بحب حازم واتخطبتله وانفصلنا بعدها .. ومن وقتها وانا مش قادرة احب حد فكنت بتهرب من خالد عشان مش عايزة اوجعه .

فريدة بتذكر : تبقي اتجننتي لو لسه بتفكري فيه ؟ ده كان بيخونك ي سما يعني مستاهلش حتي انك تزعلي منه .. عموما أنا هقول لخالد علي الحقيقة عشان هو اتكلم معايا وانا مكنتش لاقية مبرر لتصرفاتك .

سما بحزن : اسفة ممكن متزعليش ؟

فريدة بابتسامه : مش هندخل الأمور ف بعضها ي سما .. صحوبيتنا زي ما هي وربنا يكتبلك الخير كله .

سما حضنتنها بحزن وفريدة طبطت عليها ♥️.

البارت التالت ( رواية فريدة ) 🍓

لبست فستان أحمر وحجاب أبيض وميكب خفيف وهيلز وبتبص لنفسها ف المراية تتأكد أن كل حاجة مظبوطة ♥️

عمرو كان بيتابع كل حاجة بتعملها وهو مبتسم قام وقف جنبها ف المراية وهو بيعدل بدلته ضمها لحضنه وباس خدها : هعصر علي نفسي لمونه واخليكي تروحي بالفستان ده .. أنا معنديش اعتراض تلبسي اي لون بتحبيه ماعدا الأحمر انتي عارفة اني بتجنن لما بتلبسيه محبش حد يشوفك بيه غيري 😌♥️

فريدة بضحك وهي بتميل لورا براسها : حبيبي ده فرح وانا حابة البس اللون ده بحسه حلو لأي مناسبة أنا عارفة انك بتغير بس معلش عشان خاطري خلي اليوم يعدي بلطف كده وسبني انبسط

عمرو بابتسامه باس راسها : عشان خاطر عيونك بس ♥️

فريدة بخضة : يلهوي ده احنا اتأخرنا عليهم خالص

عمرو بغيظ : يعني كان لازم نحضر

فريدة بضحك : أيوة ي حبيبي عشان اهلي ميزعلوش يلا ي قمر 🚶🏼‍♀️.

.

في فرح بنت خالة فريدة .

سما بتوتر : ازيك ي خالد

خالد : تمام

سما بأسف : أنا أسفة عارفة انك مدايق مني بسبب طريقة كلامي الباردة ديما معاك بس أنا كنت عارفة انك بتحبني وانا مش هقدر أحبك .. أنا مقفولة من الموضوع ده فاهمني ؟

خالد بابتسامه باردة : ده مش مبرر انك تعامليني كده انا قعدت سنة بحالها بحاول معاكي بس عشان تديني فرصة وانتي ولا همك مشاعري ولا اي حاجة .. علي اي حال مفيش مشكلة ده نصيب في الاول والا ف الآخر .. عن اذنك

سما بحزن اتنهدت وراحت تشوف فريدة .

.

خالد راح خد فريدة ووقف يرقص سلو معاها .

عمرو بغيظ : سيب مراتي يا زفت عايز ارقص معاها

خالد بضحك وغمزة : لما ارقص أنا معاها الاول أنا اخوها الأولي طبعا

عمرو بغيظ : اي رأيك ي ست هانم

فريدة باسته ف خده : عشان خاطري هرقص مع خالد شويه وهاجي ارقص معاك

عمرو : يادي النيلة باظت الخناقة ارقصي ي حلوة هما خمس دقايق بس علي ما ابارك للعريس .

خالد بضحك ضمها ليه وباس رأسها : تتهنو سوا ي حبيبتي يارب

فريدة : خالد عيزاك تكون لطيف شويه مع سما

خالد : ليه هي اشتكتلك؟

فريدة : لا بس لاحظت انك بتتجنيها ديما ومش بتتعامل معاها زي الاول يعني انت فاكر أنها كده هتحبك ؟

خالد : ومين قلك اني عايزها تحبني ؟

فريدة بأستغراب : مش انت بتحبها ؟

خالد : يمكن لسه بحبها .. لكن معنديش استعداد احاول معاها تاني . وحدة أنانية مبتفكرش غير ف نفسها شيفاني قدامها بقالي سنه وانا بحاول معاها تديني فرصة وواقف جنبها ف كل مرة تحتاجني واقول معلش بكره تحبني أو يمكن لما تعرفني اكتر تحبني واتحملت برودها وطريقة كلامها اللي محدش كان هيتحملهم كل المدة دي وفي الاخر الاقيها بتفكر في حد تاني وياريته يستاهلها .. ولولا أني قولتلك تعرفي منها سبب تصرفاتها دي كان زمانها مستمرة ف اللي بتعمله ولا كان هيفرقلها مشاعري .. وجاية دلوقتي تقوليلي اعاملها كويس ؟ وهي معاملتنيش كويس لي

فريدة بإحراج : عندك حق ي خالد عموما ربنا يكتبلك السعادة كلها ي حبيبي  .

خالد بابتسامه : خليكي معاها مهما كان انتو أصحاب متخسروش بعض بسبب الموضوع ده

فريدة : حاضر ي عيوني

عمرو بغيظ سحب فريدة من حضن خالد : عن اذنك كده مراتي عايز ارقص معاها ♥️

خالد بضحك : خدها ي أخويا ربنا يهني سعيد بسعيدة .

.

جرس الباب رن خالد قام يفتح .

فتح لقي وحدة واقفة وعنيها بتدور علي الشقق ولابسة ميني درس بس عشان هي قصيرة جاي عليها دريس ابتسم علي لطافة شكلها ♥️

خالد اتنحنح : احم اتفضلي عايزة مين ؟

= بصتله وابتسمت : عايزة بيت فريدة هو ده صح ؟

خالد بابتسامه : أيوة بس هي اتجوزت انتي مين ؟

= أنا عائشة صحبة فريدة من ايام ثانوي وكنت مسافرة ورجعت فهي وحشتني جيت اشوفها مكنتش اعرف انها اتجوزت

خالد : طيب اتفضلي اقعدي مع ماما هلبس واجي اوصلك لبيت جوزها .

عائشة بتوتر : ماشي

خالد : متخافيش لحظة هنادي ماما .

.

سما بضحك : يابنتي ما حرام عليكي يعني تبقي بتعملي اكل زي القمر وتبوظيه عشان مش عارفة تظبطي الملح

فريدة بغيظ : المصيبة أنه كل مرة المسقعة بالذات تبوظ مني بسبب الحوار ده واصلا عمرو بيحب الملح مظبوط ف كل الاكل فلو زاد شويه مبياكلش .

سما : طب هقولك مش بتتفرجي علي برامج الطبخ؟

فريدة : أيوة

سما : طيب مش بتلاحظي أنهم بيحطو الملح بمقدار معين انتي تابعي معاهم هتعرفي المفروض تحطي ملح قد اي ف كل اكله وهتلاقيها ظابطة معاكي متخافيش

فريدة بتفكير : تصدقي فكرة حلوة هجرب .. طب بقولك ما تقومي تعمليلنا حاجة نشربها أنا فرهدت من عزومة امبارح

جرس الباب رن قامت فريدة تفتح ..

فريدة بفرحة : خالد تعالي ي حبيبي وحشتني

خالد : عاملك مفاجأة

فريدة : اي هي ؟

خالد : تعالي

بينت عائشة راسها وهي بتضحك  : وحشتيني ي ديدا♥️

فريدة وهي بتصوت وبتحضن عائشة : عائش وحشتيني اوي ي جزمة بقالي كتير اوي مشوفتكيش رجعتي امتي ؟

عائشة بضحك : اديني فرصة ي بنتي اخد نفسي من السلم

سما وهي طالعة من المطبخ : في أي ي فريدة بتصوتي لي

فريدة : دي عائشة صحبتي من ايام ثانوي .. ودي سما ي عائشة صحبتي واختي كمان

سما وهي لاحظت وجود خالد وخمنت أنه هو اللي جاب عائشة ادايقت من جزاها ومكنتش عارفة السبب : اهلا ي عائشة

عائشة بابتسامه : اهلا بيكي ي قمر

خالد وهو واقف باصصلهم بملل : خلصتو والا لسه انا جعان

فريدة : ادخل المطبخ هتلاقي اكل كتير باقي من عزومة امبارح سخن وكل اللي نفسك فيه ي حبيبي

خالد باسها من خدها ورايح ناحية المطبخ : والله اختي حبيبتي 🙂♥️

فريدة بضحك : بكاش .. تعالي ي عائش نقعد وتحكيلي كل حاجة.. يلا ي سما واقفة ليه كده

سما بتوتر : طب امسكي الصنية واقعدو وانا جاية هدخل اعمل لعائشة حاجة تشربها واجيب تسالي وحلويات .

فريدة : حبيبتي ي سما ماشي يلا بسرعة عشان نرغي سوا.

دخلت المطبخ لقت خالد قاعد علي ترابيزة المطبخ وبياكل وهو بيقلب في الفون لقته رفع عينه من الفون بصلها بصة سريعة ورجع بص تاني ف فونه اتغاظت ..

 البارت الرابع ( رواية فريدة ) 🍓🤍

سما بغيظ : أنا هنا علي فكرة

خالد رفع عينه من علي الفون بأستغراب : اتفضلي خدي اللي انتي عايزاه هو أنا اتكلمت ؟

سما بصتله وسكتت واتحركت ف المطبخ وبتجهز الحلويات ف طبق كبير وتسالي وعصاير .

وخالد طول الوقت عينه علي الفون ومش مديها اي اهتمام

سما بتوتر : احم خالد هو انت لسه زعلان مني ؟

خالد بابتسامه : لا

سما : أنا اسفة حبيت اعتزرلك عن اللي عملته

خالد : ولا يهمك انا بقيت بعتبرك زي فريدة اختي

سما : اختك !! ماشي ي خالد

وسحبت الصنية وطلعت وهي متعصبة وبتغلط نفسها انها فكرت تديله فرصة وأقتنعت أنها ميستاهلهاش .

.

خالد طلع من المطبخ لقي البنات ف الصالة

خالد : فريدة هو عمرو هيخلص شغل امتي ؟

فريدة : لسه معاه ساعتين كمان

خالد : لا خلاص ابقي اظبط معاه واقابله أنا ماشي عشان في شغل لازمه اخلصه علي اللاب النهاردة .

فريدة بخبث : طب ممكن تأجل الشغل شويه وتقعد عشان تبقي توصل عائشة مش هتعرف تروح وحدها

خالد بابتسامه : اكيد مفيش مشكلة ابقي اسهر اخلصه

عائشة : طب أنا هقوم عشان اروح وهجيلك تاني

فريدة بحزن : لا خليكي عشان خاطري انتي وحشاني اوي

عائشة بضحك : ي بنتي أنا ساكنه قريب منك اصلا بس مكنتش اعرف بيتك دي كلها ربع ساعة من هنا لبيتي

فريدة بفرحه : اوبا بقي حلو خلصانه بصي خالد لما يروحك يبقي يعرف بيتك وهخليه يجبني عندك يوم اقضيه معاك

عائشة : تنوريني واعملك كل اللي نفسك فيه

خالد : طب انا قاعد بره شويه

فضلو البنات بيرغو مع بعض ساعة وعائشة مش مستلطفه سما وكان قليل اوي لما سما توجه الكلام ليها وفريدة لاحظت كده وسما مكنتش حابة عائشة حاسة أن خالد ميال ليها وده دايقها .

.

عائشة نزلت مع خالد يوصلها وسما قعدت مع فريدة شويه

فريدة : ي بنتي مخلتيش خالد يوصلك لي ؟.

سما : معلش أنا كده مرتاحة هقوم اروح

فريدة : أنا عيزاكي استني

سما بتوتر : خير ؟

فريدة بجدية : بصي ي سما انتي صحبتي واختي كمان بس مينفعش الطريقة اللي انتي عاملتي بيها عائشة دي طول القعده وانتي مش بتتكلمي معاها ولا طيقاها هي دايقتك ف حاجة ؟

سما بغيظ : لا .

فريدة : طيب يبقي لي المعاملة دي ؟ عائشة صحبتي بردو ومحبش أنها تدايق من طريقتك

سما : أنا بس كنت مدايقة من حاجة فمكنتش عارفة اتعامل علي طبيعتي

فريدة : زعلانه من اي صارحيني !

سما بإرتباك : يعني خالد بيعاملني كويس بس متجاهلني بردو واحيانا بيتعامل كأني مش موجودة .

فريدة بأستغراب : مش ده اللي انتي كنتي عيزاه ؟

سما : ما أنا كنت بفكر اديله فرصة

فريدة بجدية : سما حبيبتى.. خالد مش تحت ايدك طول الوقت عشان شويه عيزاه وشويه لا .. هو اتقفل من ناحية الموضوع ده وقالي مفتحش معاه الحوار ده تاني فياريت تنسيه بقي واتعاملي عادي .

سما :. أيوة بس ..

فريدة : بس اي كملي ؟

سما : .....

فريدة : انتي خايفة يحب عائش عشان كده ادايقتي مش عايزاه يحب غيرك وفي نفس الوقت انتي مبتحبهوش وعيزاه يستناكي لحد ما تحني عليه وتحبيه صح ؟

سما بعصبية : مش المفروض يستناني لحد ما احس من ناحيته بحاجة ؟ والا ينسي أنه بيحبني ويروح يحب غيري عادي ؟

فريدة بجدية : لا مش من حقك . هو مش مضطر يستني حاجة علي امل تحصل وممكن متحصلش .. من حقه يشوف حياته ويحب ويتجوز كمان حتي لو كانت البنت دي عائشة فهفرحله عشان أخويا واتمناله كل الخير .. وانتي من حقك تفتحي قلبك لحد تاني غير خالد .. حد يفهمك ويقدر يستناكي زي ما انتي عايزة واتمنالك بردو السعادة ف حياتك وهقف جنبك لكن مش علي حساب أخويا .

سما بصتلها بغيظ وخدت شنطتها ومشيت .

فريدة اتنهدت بعصبية وسابتها تمشي لحد ما تهدي .

.

ف عربية خالد .

عائشة : أيوة ي بابا أنا جاية .. لا متقلقش اخو صحبتي بيوصلني عشان مروحش لوحدي .. حاضر مش متاخر سلام ي حبيبي .

طلعت اتشوكليت من شنطتها وادتله وحده

خالد بإحراج : أنا مليش فيها اوي بس هاخدها عشان خاطرك

عائشة بطفولية : طب دوقها والله حلوة

خالد بضحك : حاضر

ابتسمت وطلعت فونها وشغلت اغنية وفتحت الكاميرا وهي بتصور الطريق الهادي حواليهم ♥️

خالد بيتابعها وهو مبتسم وساكت .

خالد : شكلك بتحبي التصوير

عائشة بكسوف : أنا مهووسة بتصوير اي مكان هادي

خالد : طب دي حاجة حلوة ♥️

عائشة : ممكن تبقي تعرفني علي اماكن هنا عشان أنا مش حافظة الطرق كان بقالي كتير مسافرة وناخد فريدة معانا

خالد : اكيد شوفي تحبي تنزلي امتي واوديكو اي مكان تحبوه .. ♥️

عائشة بابتسامه : ماشي

خالد : وصلنا هو ده بيتك صح ؟

عائشة : أيوة هو .. ابقي هات فريدة بقي وتعالو يلا باي

خالد : احم حاضر يلا اطلعي أنا واقف اهو

عائشة ابتسمت وطلعت وهي مبسوطة وخالد فضل مراقبها لحد ما طيفها اختفي وهو من جواه معجب بيها وبشخصيتها وكان مرتاح ليها جدا ومشي وهو مقرر أنه هيبدأ حياة جديدة هو بيتمناها.🖇️♥️🥀

 البارت الخامس ( رواية فريدة ) 🥀💙

عمرو دخل البيت لقي فريدة ف المطبخ .

عمرو حضنها وحط رأسه علي كتفها وهو بيشم بنهم ريحه الاكل : وحشتيني ي ديدا ♥️

فريدة بابتسامه : حبيبي انت كمان وحشتني غير هدومك ربع ساعة واكون خلصت الغدا .

عمرو باس خدها : عيوني بس اي الأكل القمر ده ♥️

فريدة : بألف هنا علي قلبك♥️ اه صح انت هتنام بعد الغدا؟

عمرو : لا ي حبيبي هنام بليل عشان اصحي فايق للشغل بكره

فريدة : طب كويس عشان عايزة اخد رأيك ف حاجة .

عمرو : امممم يبقي بعد الغدا فنجانين قهوة وتقعد سوا ونشوف الحاجة اللي محتاجة تتكلمي فيها

.

خالد كان قاعد شغال علي اللاب وفونه رن ..

خالد بأستغراب : سما !! دي عايزة اي .. الو ازيك ي سما

سما بفرحه : الحمد لله انت اخبارك اي أنا قولت اطمن عليك عشان بقالي فترة مشوفتكش

خالد ببرود : أنا تمام . وياريت متشغليش بالك بيا تاني

سما بغيظ : أنا غلطانه اني عبرتك انسان بارد ومستفز وقليل الذوق

خالد بعصبية : قليل الذوق هو انتي .. مش فاهم جايبة البجاحة دي منين !!! يعني بعد كل اللي عملتيه وجاية تقوليلي كده امال انتي تبقي اي ي ست هانم ؟!!!

سما بحزن : اسفة سلام .

خالد رمي فونه علي السرير بعصبية وبيحاول يفكر في حل يبعدها عنه خالص عشان الأمور بينهم اتعقدت.

.

فريدة حكت ل عمرو علي الخناقة اللي حصلت بينها وبين سما بسبب غيرتها علي خالد من عائشة .

عمرو : عايزة الصراحة ؟

فريدة : اكيد

عمرو : سما اللي غلطانه وفي رأيي لازم تبعديها عن خالد حتي لو الموضوع وصل انكم تبقو مجرد صحاب بس تشوفو بعض كل فترة وخلاص

فريدة : ليه ي عمرو انت اكتر حد عارف انا بحب سما ازاي

عمرو : بس سما هتخرب علي خالد وعائشة لو في حاجة بينهم فعلا وحتي لو مفيش هي مش هتقبل أن خالد يحب وحده غيرها .. فكري فيها .. انتي عارفة سما طبعها تملكي شويه يعني هي مبتحبش خالد بس فكرة أنه كان بيحبها مخليها عايزة يبقي تحت امرها لحد ما عائشة تبعد عنه خالص وبعدين تسيبه وتبعد فالموضوع بالنسبة ل سما تملك مش حب وكده انتي هتخسري عائشة واخوكي لو محاولتيش تبعديها .

فريدة : بس ي عمرو ابعدها ازاي بس !! وبعدين لا سما مش خرابة بيوت يعني عشان تعمل كده !

عمرو : الحرص واجب ي فريدة + يعني حاولي لما تكون عائشة جيالك أو انتي ريحالها متعرفيش سما .. وكذلك خالد عشان ميتقابلوش واتكلمي مع سما عشان تبدا بقي حياتها وتنسي اللي كان خاطبها ده اللي هي لسه بتحبه وتشغل وقتها اكتر بحيث متفكرش كتير ف حاجات ملهاش لازمه

فريدة بتنهيدة : لما اشوفها بقي زعلانه مني من وقتها ومش بتجيلي ولا بتسأل عليا .

عمرو : سيبيها تاخد وقتها لحد ما تهدي واتكلمو ولو هي مسألتش اسالي انتي عشان متقولش انك بيعاها .

.

فريدة : حبيبي تعالي وحشتني

خالد حضنها : وانتي كمان ي قمر خير يعني قولتيلي تعالي عيزاك ضروري ؟

فريدة : عائشة هنا وكنا عايزين ننزل نتفسح فقولت تروح معانا عشان عمرو عنده شغل كتير النهاردة

خالد : طيب ماشي استناكو أنا تحت ف العربية ؟

فريدة بخبث : لا تعالي اقعد مع عائشة لحد ما البس

خالد بضحك : ماشي

عائشة بابتسامه : ازيك ي خالد

خالد بذهول بصلها لقاها لابسة دريس سماوي فيه ورد أبيض وطرحه بيضا وشكلها ملائكي اوي 💙🌿

خالد : عائشة انتي جميلة اوي اللهم بارك

عائشة بكسوف : عيونك أجمل ♥️🙊

خالد : اممم كنتو بتشربو قهوة من غيري ؟

عائشة : اممم طب ما تدوقها كده !

خالد : دي سادة والا سكر زيادة ؟

عائشة بتوتر : أنا بحبها سكر زيادة لو مش بتحبها كده متشربهاش وهقوم اعملهالك سادة

خالد سحب المج من قدامها وشرب اول بق وغمض عيونه بإستمتاع : حلوة اوي ي عائشة ♥️

عائشة : بجد ؟

خالد : اها انا بشربها سكر زيادة برضو

فريدة : يلا أنا خلصت .

.

مر شهرين وسما بقت تشوف فريدة مرة كل فترة بسبب انها مش متقبلة وجود عائشة أو خالد فخففت زياراتها وده ريح فريدة لأنها مكنتش عارفة ازاي تبعد سما عن خالد وفريدة طلعت حامل .

فريدة : بقي كل ده ي ندلة ومتسأليش عليا ؟

سما بضحك : معلش حقك عليا انشغلت شويه ف الشغل الفترة اللي عدت طمنيني عاملة اي

فريدة بحزن طفولي : النونو تاعبني والدكتورة لسه كتبالي علي فيتامينات وأدوية

سما : ي روحي الف سلامه عليكي

فريدة : الله يسلمك ي قمر  هقوم اعمل حاجة نشربها

سما : لا خليكي انتي تعبانه أنا هقوم اعمل أنا

فريدة بتوتر : سما كنت عايزة اقولك علي حاجة

سما : خير ي ديدا

فريدة : احم خطوبة عائشة وخالد اخر الشهر ده .

سما ببرود : م.. مبروك

فريدة بحزن : سما حبيبتي انتي مبتحبنيش خالد وهو خلاص مبقاش بيحبك يبقي كل واحد يكمل ف طريق غير التاني ويشوف حياته صح ؟

سما : صح

فريدة : طيب انتي زعلتي لي أنا محبتش تعرفي من بره وقولتلك وكمان عزماكي لو حابة تيجي تعالي .

سما بحزن : أنا مش عارفة أنا بحبه والا لا بس خلاص مادام ربط حياته بحد تاني يبقي الموضوع منتهي .

فريدة بابتسامه : هتفضلي صحبتي واختي ي هبلة تعالي هاتي حضن

سما بحزن حضنتها وهي بتدمع أنها ضيعت خالد من إيديها بعد فوات الأوان .

البارت السادس ( رواية فريدة) 💙🍓

سما كانت ماشية قريب من البحر رايحة كافيه بتحب تقعد فيه بروقان بعد شغلها .. شافت خالد ماشي وجنبه عائشة وبيضحكو وهما بياكلو أيس كريم .. ابتسمت بحزن وكملت.

دخلت الكافيه وطلبت قهوة وطلعت اللاب ومسكت فونها بتشوف المسدجات اللي مبعوتالها لقت ماسدج من فريدة من يومين بتقولها " بقالك فترة مش بتجيلي ولا بتسألي يارب تكوني كويسة ابقي طمنيني عليكي ! " شافتها ومردتش . وفتحت اللاب وبدأت تكمل ف المشروع اللي هي شغاله عليه .

= مكنتش متخيل اني هشوفك تاني ! وحشتيني ي سما

سما قلعت نضارتها وبصت لقيته : نعم عايز اي ؟

= عايز نرجع؟

سما بعصبية : نرجع ؟ نرجع ازاي وأنت سبب كل حاجة وحشة حصلتلي .. مبقتش عارفة اثق في حد .. ومش قادرة افتح قلبي تاني لحد .. والأنسان الوحيد اللي حبني بجد ضاع من أيدي وبردو بسببك .. أنا بكر.هك

= كانت غلطه . واتمني تسامحيني وتديني فرصة .. ومش هحاسبك علي الكلام اللي قولتيه دلوقتي وكاني مسمعتوش

سما بزعيق وصوت عالي : فين المدير ؟

الويتر : خير ي فندم في أي ؟

سما : البني ادم ده جاي يدايقني ويقل أدبه عايزه المدير حالا

المدير : أنا هنا ي فندم وهنتصرف بس اهدي وحضرتك اتفضل بره بأدب والا اخليهم يرموك بره

= ماشي ي سما انتي اصلا متستاهليش تتحبي .

المدير : خدوه طلعوه بره .

سما غمضت عيونها بحزن وهي بتحاول تتمالك أعصابها ومتعيطش .

.

فريدة بزعيق : عمرو .. ي عمرو

عمرو بخضة : في أي ؟

فريدة : مين الهانم اللي بعتالك علي الواتس دي وبتقولك اليوم كان حلو معاك ؟ ..

عمرو بأستغراب : وريني شاف صورة البروفايل عرفها

فريدة بعصبية : ما ترد

عمرو بلع ريقه : دي شيماء زميلتي ف الشغل

فريدة : والله !! ومعرفتنيش علي الست هانم لي ..

عمرو بغيظ : فريدة .. شيماء مجرد زميلة مش اكتر هي جت الصبح وعملت حسابي ف فطار وانا فطرت معاها وشربنا حاجة وبعدين كملنا شغل معرفش بقي اي لازمة الكلام اللي هي بعتاه ده ولو خدتي بالك رقمها مش مسجل عندي معرفش جابت رقمي منين . + مين اللي سمحلك تفتحي فوني وتقلبي فيه ؟

فريدة بسخرية : فونك كان مفتوح اصلا ولقيت أشعارات جيالك قولت لحسن تكون حاجة مهمه بخصوص الشغل طلعت الست هانم بعتالك . + تفطر معاها لي ؟

عمرو : عشان انتي تعبانه ي فريدة قربتي تولدي مبحبش اتعبك واصحيكي بدري تعمليلي فطار .

فريدة وهي بتاكل ف ضفاريها : اعملها بلوك وبعد كده متنزلش من غير ما تفطر معايا وكلامك معاها يبقي ف حدود

عمرو وهو بيمشي ايديه علي وشه يداري ضحكته : حاضر

فريدة : خلوثة 🙂

عمرو بضحك : تعالي طيب اقولك انتي مقموصة لي ؟ مش انا هعملك اللي انتي عايزاه

فريدة : امشي من وشي مش طيقاك🙂

عمرو : يخربيت هرمونات الحمل

حضنها بخفه وباس خدها ♥️

.

خالد : فريدة هي سما فين ؟

فريدة : تعالي طيب ادخل ونتكلم

خالد : اديني دخلت قوليلي بقي هي جتلك؟

فريدة : في أي ي خالد .. سما بقالها فترة مش بتجيلي ولا بروحلها ولا بنتقابل ومعرفش عنها حاجة

خالد : طيب دلوقتي عائشة زعلانه مني وبقالها يومين مش بتكلمني وعايزة ننفصل

فريدة : ليه كل ده ؟ واي علاقة سما باللي بتقوله

خالد : عشان عرفت اني كنت بحب سما وجاية تقولي اكيد أنا السبب اني فرقتكم ومعرفش هي عرفت منين الموضوع ده مش راضية تقولي فانا خمنت أن سما اللي قالتلها .

فريدة : طيب المهم دلوقتي حاول تتكلم مع عائشة روحلها البيت واستأذن والدها انكم تتفاهمو . وسيب موضوع سما ده عليا .

.

سما : خير ي فريدة ؟

فريدة بغيظ ضربتها ف كتفها : بقي كل ده ومتسأليش عليا ؟ وانا قربت اولد كمان مش المفروض تكوني معايا !

سما : كان لازم ابعد ي فريدة انتي فاهمه قصدي .

فريدة بتوتر : احم سما انتي شوفتي عائشة ؟

سما بأستغراب : لا

فريدة : اصل عائشة عرفت ان خالد كان بيحبك وعايزة تنفصل عن خالد واحنا مش عارفين هي عرفت ازاي ؟

سما بسخرية : ومش جاية تسالي عليا .. جاية تعرفي أنا اللي قولتلها والا لا ريحي نفسك أنا لا شوفتها ولا قولتلها حاجة .

فريدة بزعل : ي بت أنا بعتبرك اختي ! وجاية اطمن عليكي والله بس قولت اسالك عادي وانا اسفة بالله ما اقصد ازعلك أنا مصدقتش انك تعملي كده . المهم مش هتعمليلي الكيكة اللي بحبها ؟ اصلا محدش ييعملها حلو زيك

سما بضحك : هقوم اعملها لك أنا عندي كام فريدة ♥️

.

عمرو : أيوة أنا اللي قولت لعائشة أن خالد كان بيحب سما

فريدة : ليه كده ي عمرو ؟

عمرو : هي سألتني في حاجة بينهم والا لا .. كانت مستغربة أن سما مش بطيقها فجت سألتني هي بتحب خالد ؟ قولتلها هي مش بتحبه بس خالد اللي كان بيحبها .

فريدة : ي عمرو انت كده عكيت الدنيا

عمرو : كان هييجي يوم وتعرف ي فريدة فكده احسن وانا كان مستحيل اني اكدب .

فريدة بتنهيدة : ربنا يستر بقي

.

عائشة : ي خالد انت خبيت عليا انك بتحبها وانا معرفش مشاعرك تجاهها اتغيرت والا لا !

خالد وهو بيمسح علي وشه : بصي ي عائشة أنا مش غلطان تمام ! عشان انتي مكنتيش موجودة وقتها فمش من حقك تحاسبيني علي حاجة عدت ولا أنا من حقي احاسبك علي حاجة عملتيها قبل كده عشان أنا مكنتش ف حياتك وقتها ! .. بالنسبة لمشاعري فانا لما عرفتك كنت فعلا بحس أن كل المشاعر الحلوة اللي كانت تجاه سما راحت ومش بكرهها علي فكرة بس عادي مش بحس ناحيتها بحاجة زي الاول لأنها محبتنيش . ومن وقتها وانا صادق معاكي ف كل حاجة .

عائشة بطفولية : أنا بغير

خالد وهو بيداري وشه وبيبتسم : احم وده معناه انك تعملي كده وتقولي ننفصل ؟ امال لو متجوزين بقي كنتي قولتيلي طلقني !!

عائشة : حقك علي قلبي الغيرة مخلتنيش شايفة قدامي مش متخيلة أنك تحب حد غيري

خالد : اممم ماشي بس بعد كده تسمعي مني الاول وبعدين ابقي خدي موقف زي ما انتي عايزه مينفعش تسمعي من طرف واحد بس .

عائشة بضحك : خلوثة ♥️

خالد : فين البسبوسة اللي بحبها

عائشة : اممم لما تديني الشوكولا بتاعتي اللي مخبيها ورا الكنبة

خالد بضحك : شوفتيها ازاي ؟ قولت ادهالك بعد ما اصالحك

عائشة : اممم شوفتها وانت داخل 🙂😂 هروح اجبلك البسبوسة واعملك القهوة اللي بتحبها

خالد بخبث : ما البسبوسة قاعده معايا اهو

عائشة ضحكت بصوت عالي

خالد وهو بيسقف : بدوووووب 🌿♥️

خالد تلفونه رن

خالد بخضة : حاضر انا جاي

البارت السابع 💙🍒

عمرو باس راس فريدة : حمد الله علي سلامتك ي ديدا

فريدة بتعب : عمر كويس ؟

عمرو : أيوة ي حبيبتي مع ماما شيلاه المهم انتي تقوميلي بالسلامه كده

فريدة بفرحه : هاته نفسي اشوفه

عمرو : حاضر ي حبيبي تعالي اسندي ضهرك الاول .. ماما حبيبتي هاتي عمر ديدا هتشوفه

ام عمر : سمي ي حبيبي

خالد بخضة : فريدة طمنيني عاملة اي

عمرو بضحك : اي يابني مالك مخضوض لي كده

خالد بغيظ : تصدق انك معندكش دم بترن عليا تقولي تعالي علي المستشفي بسرعة وتقفل ! طب طمني أنها بتولد أنا خوفت يكون ف حاجة .

عمرو : وه أنا غلطان مش هقولك حاجة تاني

فريدة بضحكة خفيفة : بطلو نقير.. هروح امتي ي عمرو ؟

عمرو : بليل ي حبيبتي الدكتور هيكتبلك علي خروج

فريدة باتياح : الحمد لله عشان الحق اسمع الماتش

عمرو بصدمة : تعملي اي ياختي ؟

فريدة بأستغراب : اسمع ماتش الأهلي .. انت فاكرني عشان تعبانه مش هسمع لا طبعا بقولك اي اتعب بس وابقي افتح نت شوفلي التشكيل وقولي

عمرو بغيظ : حاضر يغيتنا ربنا وحده لسه مخلفة وكل اللي هاممها الماتش .

خالد بضحك : البس ي معلم مش قولت بحبها وفيها كل حاجة اتمنيتها وبتشجع كورة زيك قابل بقي

عمرو بضحك : بحبها برضو ملكش دعوة ♥️

.

كان قاعد ف الكافيه هو وصحبه وفجأة سمع صوت صريخ بص لقي وحده بتزعق لحد وهو بيحاول يشدها .

.

سما كانت داخلة الكافية ولقت حد مسك أيدها وبيشد.ها

= امشي معايا لازم نتكلم !

سما بغيظ : اوعي ي متخلف سي.ب ايدي

= أنا هوريكي المتخلف ده هيعمل اي

شد.ها من شعرها وايد.ها وبيجبر.ها تمشي معاه

سما بزعيق : اوعي ابعد عني حد يلحقني .

بعصبية = لازم تسمعيني أنا خو.نتك مرة وندمان عليها بس بحبك

سما بكل الغضب اللي جواها ضر.بته بالقلم : انت اناني مبتحبش غير نفسك ولا عمرك حبتني . خو.نتني وجاي عايزني اسامحك وكأنها حاجة عادية ! اضمن منين انك متخو.نيش تاني وتالت !! واوعي تمد ايد.ك عليا وتشد.ني بالطريقة الغبية دي تاني هعملك محضر تحر.ش وهسجنك ي حسن .

حسن بغضب جه يسحب.ها من أيد.ها لقي حد مسك ايده وضربه ف وشه .

= متفتكرش انك راجل لما تمد ايدك وتستقوي علي وحدة ست .. ليك حق تاخده بالأدب غير كده متهوبش ناحيتها تاني

حسن بسخرية : مين الباشا ي هانم حبيب جديد

سما : واطي هقول اي !

= امشي معايا ي آنسة

حسن بغيظ : مش هتمشي ي سما غير لما اتكلم معاكي

= ومالو تعالي ونتكلم كلنا .. اه معلش نسيت اعرفك أنا ظابط نروح كلنا القسم ونشوف اللي عايز تقوله

حسن بخوف : أن..أنا آسف يباشا خلاص اخر مرة مش هقرب ناحيتها تاني .

سما ف سرها : عرف يلعبها عليه صح حسن مبيجيش غير بالطريقة دي يستاهل

= يلا امشي

حسن : ماشي يباشا .

سما بتنهيدة : شكرا يا اسمك اي ؟

امير : اسمي امير

سما : شكرا ي استاذ امير وأحييك علي ذكائك لعبتها صح عشان تبعده عني

امير بأستغراب : هي اي دي اللي لعبتها صح ؟

سما بضحك : انك قولتله انك ظابط

امير بيكتم ضحكته : احم آنسة سما أنا ظابط فعلا ومش ظابط عادي كمان أنا ظابط ف الداخلية

سما بصدمة فضلت بصاله ومعرفتش تنطق .

امير بقلق : انتي كويسة ي آنسة ؟

سما بدات تشوف نقط سودة وفجأة أغمي عليها.

امير سندها وشالها ودخل بيها المطعم قعدها وطلب من الويتر يجيب مية بسرعة .

امير رش مية علي وشها وسما بدأت عيونها تفتح براحه .

امير : علي مهلك متقوليش خليكي زي ما انتي

سما بخوف بلعت ريقها : أاا. أنا اسفة أنا مكنتش اعرف والله

امير : حصل خير اهدي أنا مش هاكلك يعني

سما بطفولية : ولا هتسجني؟

امير بضحك : لا مقدرش اسجن قمر زيك ♥️

سما بكسوف وشها حمر وحاولت تقوم .

امير : متمشيش هنشرب حاجة سوا متخافيش ♥️

سما قعدت وأمير بدأ يتكلم معاها ويتعرف عليها ومحسوش بالوقت قعدو ساعتين يتكلمو وسما استأذنته تروح وأمير أصر يروحها .

سما دخلت اوضتها وهي بتدندن وتغني وبترقص واترمت علي السرير وهي فرحانه ونامت .

.

عمرو بزعيق : فريدة

فريدة اتخضت وسابت الاكل وطلعت من المطبخ

عمرو بعصبية : ي فريدة

فريدة بقلق : مالك ي عمرو ؟

عمرو : اتفضلي ابنك بهدلي هدومي الي هنزل بيها

فريدة بأستغراب : بس !!

عمرو : مش فاهم

فريدة : بتزعقلي عشان كده بس ؟

عمرو : اه

فريدة بغيظ : تمام هجهزلك حالا هدوم غيرها

عمرو وهو بيحاول يهدي نفسه : اسف مضغوط ف الشغل بس

فريدة : خير ؟

عمرو بتنهيدة : معرفتش اخد إجازة كنت عايز إجازة اسبوعين ارتاح شويه من الضغط ده بس الشغل كتير

فريدة خدته ف حضنها وباست خده : متزعلش محلولة أنا عارفة انك شايل هم عمر عشان شقي وبيتعبني بس أنا واخده بالي منه متقلقش نتحمل بعض الفترة دي لحد بس ما الدنيا تظبط شويه .

عمرو بغمزة : انتي ازاي قمر كده ♥️

فريدة بضحك : اوعي اشوف عمر حبيبي

عمرو بعصبية : ابن الك.لب ده واخدك مني بس علي مين .. اخد إجازة لما اخلص ضغط الشغل وتبعتيه لأمك تاخد بالها منه عايزة افصل شويه ونقعد أنا وانتي بهداوة كده بعيد عن زنه.

فريدة بدلع : تؤتؤ متشتمش عموري والا هاخده وأروح ل ماما

عمرو وهو بيضم أيده من العصبية : امشي من وشي ي فريدة عشان مطرد.كيش انتي وابنك

فريدة جريت وهي بتضحك عليه .

.

البارت الثامن ( رواية فريدة ) 🤍🥀🌏

خالد لاحظ أن عائشة متغيرة بقالها فترة

خالد : انتي كويسة ؟

عائشة بتردد : اه .. لا .. اه اه

خالد : اهدي في أي ؟

عائشة بإرتباك : أنا مش هقدر اطلع ف البرنامج

خالد : ليه ي بنتي دي فرصة كويسة وهتفرق ف شغلك

عائشة : بصراحة مش واثقة ف نفسي هعرف اتكلم والا لا ومتوترة جامد وخايفة مثلا ردودي علي الأسئلة اللي هيوجهوهالي متعجبش الناس

خالد : ده طبيعي انتي مش هترضي الناس كلها ولازم تزودي ثقتك في نفسك شويه اهزمي خوفك انتي قدها وانا واثق فيكي

عائشة : ممكن تبقي تروح معايا ؟ عشان لو عكيت ف حاجة

خالد بإبتسامه : هروح معاكي وعارف حبيبتي مش هتعك ف حاجة أنا واثق فيكي وحتي لو عكيتي اي يعني ! الدنيا خربت ؟ دي اول مرة ليكي وعادي تغلطي خليكي ريلاكس بس وكل حاجة هتعدي

عائشة ابتسمت بحب : بحبك ي خالد ♥️

.

بعد مرور شهرين .

أمير : خير ي حبيبتي كنتي عيزاني ف اي ؟

سما وهي بتبلع ريقها : امير انت قولت انك عايز تتجوزني ؟

امير بأستغراب : أيوة وسبتك تفكري

سما : بص حاول تفهمني أنا مش عايزة اتجوز دلوقتي

امير : ليه بقي

سما : أنا يدوب اعرفك بقالي شهرين بس ي أمير وعارفة انك راجل وشهم محترم وابن ناس بس محتاجة اعرفك اكتر عشان اقدر اخد قرار .. أنا مش معترضة عليك والله وكمان أتأكد من مشاعري ناحيتك

أمير : افهم من كده هيبقي عندك مشكلة لو طولنا الخطوبة؟

سما : بجد ؟

امير بابتسامه : بجد . قرار الجواز مش سهل ده مسئولية ووقت ما تكوني جاهزة نتجوز .. أنا اكيد مش هجبرك .

سما : اممم طب علي فكرة أنا جبتلك حاجة حلوة بتحبها

امير بلهفة : السندوتشات اللي بحبها صح ؟

سما بغيظ : كل تفكيرك ف الأكل لا حاجة تاني

امير بضحك : طب جبتيلي اي ؟

سما : جبتلك السويت شيرت ده عارفاك بتحب الأسود

امير بانبهار : اوبا اي ده جامد بجد

سما بفرحة : كويس انه عجبك انا عايزاك بقي تلبسه ف راس السنه وانا هلبس الدريس اللي جبتهولي

امير : اها عشان نبقي لايقين علي بعض يعني

سما بضحك : اشطر ظبوطة 🙊😌

امير بغيظ : اسكتي هتفضحيني اخرتها وحدة اوزعة زيك تقولي ي ظبوطة وتضيع هيبتي 🙂

سما بتكتم ضحكتها : مخطوب لوحده 155 سنتي ومش عايز هيبتك تضيع 🙂

امير : والله احلي اوزعة ف حياتي

سما بهيمان : أنا بدوب علي فكرة ♥️

امير بغمزة : فيا 😌

سما بضحك وكسوف : خلوثة بقولك صح انت ادايقت ل من صورتي اللي نزلتها حالة واتس 🙂

امير بتنهيدة : عشان شعرك ي سما

سما : ماله

امير: بصي هقول حاجة ومتدايقيش يعني انتي حلوة اوي بشعرك فمش حابب حد يبصلك أنا بغير بغباوة عارف بس كان نفسي تتحجبي ومتأكد أنه شكلك هيبقي احلي وكمان ده فرض .. أنا مش بلزمك ي سما ولا أنا شيخ وجاي أعلمك تعاليم الدين بس واجب عليا انبهك عشان بحبك وكمان عشان براعي ربنا فيكي  .. وخدي وقتك وفكري ولو اقتنعتي أو مقتنعتيش أنا معاكي ♥️

سما بخبث : علي فكرة أنا اصلا كنت بفكر اتحجب بس كنت هعملهالك مفاجأة

امير بلهفة : بجد ؟

سما : اها .. أنا بلبس واسع ديما ومش بحب الضيق وكنت مترددة البس الحجاب عشان خايفة البسه واقلعه تاني فأستنيت لما البسه علي أقتناع فاهمني ؟

امير : اها فاهمك خدي وقتك ومتأكدة أنك هتبقي قمر فيه

سما فكرت في فكرة بس مقالتلوش.

.

عمرو رجع من بره لقي فريدة قاعده قدام التليفزيون ومعاها عمر بتلاعبه وهي بتسمع كرتون " ice age ".

عمرو : مساء اللطافة

فريدة : مساء النور

عمرو : هاتي عمر واحشني

شاله وباسه وخد باله أنه فريدة زعلانه قامت من جنبه راحت المطبخ تحضر سندوتشات بانيه وكبدة وبيبسي .

عمرو : اوبا اي السندوتشات الجامدة دي طول عمرك شطورة ي ديدا تسلم ايدك

فريدة : بألف هنا

عمرو : مالك ي فريدة ؟

فريدة : ...

عمرو : ي بنتي مالك احكيلي

فريدة : عمرو النهاردة اي ؟

عمرو : السبت !

فريدة : اها واي كمان

عمرو ضرب بإيده علي جبهته : عيد جوازنا

فريدة : كل سنه وانت معايا 🙂♥️

عمرو باس ايدها وخدها : أنا آسف والله كنت مضغوط ف الشغل بس خدت إجازة عشان افصل شويه واكون معاكي

فريدة بغيظ : ابقي خلي الشغل ينفعك 🙂

عمرو بضحك : طب علي فكرة هديتك هتلاقيها ف الدولاب أنا جايبها من فترة بس كنت ناسي اليوم حقك عليا

فريدة : اممم ماشي وهديتك هتلاقيها علي السرير جوا بعد ما ناكل هقوم اشوف جبتلي اي ♥️

عمرو بضحك : ماشي تعالي بقي نتصور أنا وانتي وعمر 😌

.

بعد مرور 5 شهور ♥️

المأذون فين العروسة ؟

= احنا هنا ي مولانا

خالد و أمير بصدمة = اي ده ؟

البارت التاسع ( حكاية فريدة ) 🤍🌏🌿.

خالد و أمير بصدمة : اي ده ؟

أمير بلهفة : اكتب ي مولانا الكتاب بسرعة

خالد بتوهان ف طلة عائشة : أيوة أيوة بسرعة يا مولانا

المأذون بضحك : طب ناخد راي العروستين طيب

عائشة وسما بكسوف ف صوت واحد : موافقين ♥️

عائشة بتوسوس سما : خطوة حلوة ربنا يثبتك ي قمر

سما حضنتها : اسفة علي طريقتي معاكي متزعليش حقك عليا أنا حبيتك اوي بجد

عائشة بإبتسامة فرح : لا مش زعلانه ربنا يسعدك

سما : بس خالد هيتجنن عليكي شوفتي لهفته عليكي كانت عاملة ازاي لما شافك بالفستان ده

عائشة بتوتر : خدت بالي وقلبي بيدق جامد ♥️🌏

سما بضحك : اجمدي كده

المأذون : بارك الله لكما وبارك عليكما وجمع بينكما في خير ♥️

خالد قام وحضن عائشة بلهفة وباس رأسها : مبارك عليا انتي ي عائش 💍🖇️

عائشة بكسوف : مبارك علينا ي حبيبي

خالد : اي الفستان القمر ده بجد بهرتيني بس عارفة الحجاب مخليكي ملاك ♥️

عائشة حضنته : لمعة عيونك خطفتني لما طليت بالفستان ولقتيك مبسوط كده ♥️

خالد بإرتياح : مبسوط اوي ي عائش أخيرا بقيتي ليا

حضنها وهو بيلف بيها وهي بتضحك ومغمضة عيونها 🖇️♥️

علي الجانب الآخر

أمير لسه مصدوم : انتي لبستي الحجاب خلاص ؟

سما بارتياح : اها حسيت اني اتاخرت اوي ف الخطوة دي

امير : سما انتي طلعتي احلي بالحجاب 😌 اللهم بارك شكلك ملائكي وطفولي فيه ♥️ وكمان الفستان واسع أنا فخور بيكي بجد بالخطوة دي ♥️

سما : طب مش تباركلي الاول

امير بضحك : معلش بس شكلك خطفني ومركزتش ف اي حاجة

مسك ايديها وباسهم وحضن رأسها وباسها ♥️

امير : مبارك عليكي ي سمايا ♥️

سما بفرحة : مبسوطة اني خلاص بقيت علي أسمك

امير : تعالي بقي عشان نفسي ف الحضن ده من زمان وهشيلك ي اوزعة

سما بغيظ : طب اوعي كده مش هتحضني

امير شدها من دراعها ولف أيده حوالين وسطها ورفعها وضم دراعاته حواليا وهمس ف ودنها : أنا حبيتك اكتر عشان اوزعة واحلي ازوعة ف دنيتي والله ♥️🖇️

سما اتكسفت وخبت وشها ف رقبته ولفت ايديها حواليه: بحبك🙊♥️

.

عمرو : طب اي واحنا مش هننبسط زيهم والا اي

فريدة بضحك : لما نروح هنسهر سوا ي حبيبي

عمرو : اذا كان كده ماشي بس ابن الجز.مة ابنك ده توديه لأمك أنا مبعرفش اقعد معاكي شويه من زنه

فريدة : من غير ما تقول ماما خدته يومين يبات معاها عشان واحشها

عمرو بغمزة : والله امك دي حبيبتي

فريدة بغيظ : دلوقتي امي حبيبتك

عمرو بضحك : والله هي ست محترمه وتتحب المشكلة كلها ف ابوكي اللي مطلع عيني كفاية اللي عمله فيا ساعة الجواز ده كان ناقص يضربني قلمين

فريدة : بيخاف علي بنته فيها أي دي

عمرو : وانا لو مكنتش بحبك مكنتش اتحملت منه كل ده

فريدة بضحك : صبرت ونولت

عمرو وهو بيسقف : ده انا نيلت الحلاوة كلها ♥️

.

ف بيت عمرو

فريدة : ها قررتو هتعملو الفرح فين ؟

سما : اممم لسه بنشوف قاعة كبيرة

عائشة : أنا لقيت كذا قاعة بس اسعارهم غالية

سما : متنسيش أن خالد هيدفع النص و أمير النص

عائشة : أيوة صح لا كده هتظبط هوري امير القاعات اللي لقيناها فاضية ويختار هو وخالد مع بعض .

سما : اشطا مالك ي فريدة ؟

عائشة : شكلك زعلانه ف حاجة حصلت ؟

فريدة بتوتر : لا عادي شديت أنا وعمرو شويه بس

عائشة :هو فين ؟

فريدة : في الشغل

سما : طيب قومي كده ظبطي نفسك وغيري لبسك اللي ريحته طبيخ ده وجهزي الاكل اتغدو سوا واقعدو اتفاهمو اينكانت المشكلة ي فريدة بس متسبيش الزعل يكبر ما بينكم

فريدة بتنهيدة : حاضر

سما : يلا ي عائشة احنا عشان ديدا تلحق تجهز.

.

فريدة ادتله مج القهوة .

فريدة بتوتر : هتفضل زعلان مني كده كتير ؟

عمرو : انتي شايفة اي ؟

فريدة : شايفة اني مبقدرش علي زعلك واني غلطانه بس متخاصمنيش كده

عمرو : فريدة أنا عارف انك مكنتيش تعرفي أنه شغال هناك ولما قولتيلي طلبت منك متروحيش تاني يعني ده واحد كان بيحبك والله اعلم مشاعره ناحيتك اي دلوقتي فليه تتعاملي معاه اصلا ؟ اه بتنيل بغير ومش عايزك تتعاملي معاه تاني ولا تروحي تشتري من المكان اللي البيه شغال فيه .

فريدة : ي عمرو ده مول كبير وبدخل اجيب اللي انا محتاجاه ومش كل مرة بشوفه وحتي لو شوفته مبنتكلمش اصلا

عمرو : نشوف مول تاني أو اجبلك أنا اللي انتي عايزاه

فريدة : اممم ماشي

عمرو بغيظ : زعلانه لي دلوقتي

فريدة بعصبية : عشان دي مش طريقة تعاملني بيها أنا بحب اجيب حاجتي من المول ده وبما أنك بتدايق لما بروح ابقي انزل انت هاتلي الحاجات اللي هقولك عليها وأدي الحوار محلول مش كل حاجة عصبية وخناق وتقعد باليومين والتلاتة زعلان مني

عمرو بمهاودة : حبيبتي انا اكيد مش طالبة معايا خناق مجرد نقاش وحقي لما ازعل اخد وقتي ف الزعل حطي نفسك مكاني وشوفي رد فعلك هيكون ازاي .

فريدة بإحراج : احم طب انا اسفة خلاص ممكن متدايقش !

عمرو : مش مدايق بس متروحيش تاني هناك

فريدة بغيظ : وانت لما تزعل مني تكلمني مش تاخد جنب

عمرو بضحكة : حاضر

فريدة : جتك القرف ف غمازاتك القمر

عمرو بأستغراب : مجنونة تعالي اقولك

فريدة : خير 🙂

عمرو خدها ف حضنه وهو بيملس علي شعرها : متزعليش ♥️ والله بتخنق لما بتعيطي أو تزعلي

فريدة حضنته اوي : خلوثة مش زعلانه

عمرو بصدمة : اي ده ي فريدة ؟

فريدة بخوف : هفهمك بس اهدي .

البارت العاشر ( حكاية فريدة ) 💜🌿

فريدة بخوف : هفهمك براحه بس متتعصبش

عمرو بغيظ : جيبالي قطة ي فريدة !!!! قطة!

فريدة وهي بتبلع ريقها : مالها القطة بس

عمرو : انتي عارفة اني مبحبش القطط وسالتيني قبل كده وقولتلك لا متجبيش قطط حصل والا لا ؟

فريدة : اها بس أنا قولت احطك قدام الأمر الواقع أنا بحبهم وكان نفسي يكون عندي وحده

عمرو بعصبية وهو بيضغط علي سنانه بص علي القطة لقاها صغنونه وبتبصله ببراءه وبتحرك ايديها علي رجله ♥️

عمرو هدي وابتسم 😌♥️

فريدة بخبث : ملس عليها براحه ي حبيبي هتحبها اوي

عمرو بصلها بغيظ وبعدين بص للقطة وملس عليها ورفعها تقعد علي رجله : ده اي القمر دي سكر ولطيفة مش زي قطط الشارع

فريدة بحب : اها بحب الشيرازي والبلدي حلو برضو بس قولت الشيرازي اهدي

عمرو : اممم لطيفة حبيتها

فريدة صرخت وباسته ف خده 🙊♥️

عمرو بخضة : في أي خضتيني

فريدة : احلي عموري ف الدنيا

عمرو بضحك : متجرجرنيش 🙂

فريدة بغمزة : بحبك ♥️

.

بعد مرور شهرين ف بيت فريدة

فريدة : اي الجنان اللي بتعملوه ده جايين دلوقتي تقولو هنفشكل الخطوبة وانتو فرحكو بعد اسبوع !

عائشة : أها ده قراري

فريدة : ما تتكلم ي خالد ف اي !

خالد : اللي هي عايزاه هعملهولها

فريدة بصدمة : انت واعي بتقول اي ؟

عائشة بوجع : كنت عارفة انك هتتخلي عني

سحبت فونها وشنطتها وقامت تمشي .

فريدة : استني ي عائشة الأمور متتحلش كده

عائشة بدوخة : اوع..

فريدة  : الحقني ي خالد

خالد بلهفة : عائشة .. حبيبتي فوقي

فريدة : شيلها ي خالد وديها جوا وانا هجيب مية واجي

خالد شالها وحطها علي السرير وقعد جنبها

وفريدة جابت مية وبرفيوم وحاولوا يفوقوها .

عائشة بدوخة : خالد

خالد بقلق : انتي كويسة ؟

عائشة : اها

فريدة بخبث : مشوفتيهوش كان قلقان عليكي ازاي

عائشة : أنا عايزة امشي

خالد : عائشة خلينا نتكلم بهدوء انتي ازاي تخبي عليا حاجة زي كده ؟

عائشة : ..

فريدة : خبت عليك اي ؟

خالد : كان مكتوب كتابها قبل كده

فريدة بأستغراب : واي المشكلة ؟

خالد : انتي معايا والا معاها ؟ انتي كنتي تعرفي !

فريدة : لا . وبعدين تفرق ف اي كانت مخطوبة ولا مكتوب كتابها واتطلقت !

عائشة : انت مكنتش موجود وقتها ولا تعرف الظروف اللي مريت بيها فبأي حق تزعل مني عشان حاجة زي كده

خالد : لو مخطوبة اقول ماشي لكن مكتوب كتابك !!!!

عائشة بتفهم : أنا عارفة انت عايز تقول اي بس عايزة اقولك أنه اتكتب كتابنا وف نفس الأسبوع اتطلقنا عشان اكتشفت أنه كان متجوز ومقاليش .

خالد بفرحه : يعني متجوزكيش بجد وكده

فريدة بضحك جامد : يابني اتلم كسفت البت ماهي واضحة اهي يابو المفهومية

عائشة بكسوف : لا متجوزنيش

خالد قام وباس رأسها : أنا آسف بجد وعارف أن غيرتي وحشة بس الموضوع كان صعب عليا ي عائشة مكنتش هتحمل انك تكوني متجوزة حد غيري

عائشة وشها حمر واتحرجت : احم خلاص متزعلش أنا عارفة اني غلطت لما موضحتش الموضوع ده بس مكنتش حابة اتكلم فيه

خالد : خلاص ي حبيبي اللي فات فات أنا ميفرقش معايا غير انك تكوني معايا ♥️

.

بعد مرور أسبوعين .

عمرو رن علي خالد

عمرو : مجتش لي يابني انت ومراتك

خالد : الهانم لسه بتلبس ف خلال ربع ساعة هنكون وصلنا

عمرو : طيب يلا فريدة عاملة اكل جامد

خالد : امير وسما وصلو ؟

عمرو : اه من بدري أنجز انت بس

سما : ي امير تعالي ساعدنا انت وعمرو عشان ننجز

امير : نساعدكو ف اي هو احنا بنعرف نعمل حاجة

سما : يابني رصو الأطباق والأكل لحد ما عائشة وخالد يوصلو

امير : قوم ي عمرو مكنتش عزومه اللي بيصيحو فيها من الصبح

عمرو بضحك : ما علي طول بيصيحو يلا يلا بدل ما تقلب بنكد دلوقتي .

خالد : أن أن أن

عمرو : نيهااههعهعهع

امير : اهلا البيه اخيرا وصل

خالد : عائشة اخرتني معلش يلا جهزتو الغدا ؟

عمرو : اها يلا بسرعة علي السفرة هجوووم

امير بضحك :  مشوفتش اتنين همهم علي بطنهم زيكم

اتغدو والبنات جابو الحلويات والعصاير .

فريدة جابت الفون : يلا ي جماعة نتصور.

نزلت الصور علي واتساب وكتبت ..

"  حلو حياتي .. اللي بيحلو مرار الأيام .. عيلتي التانية "🌿.