تحميل رواية «فراق محتوم» PDF

اسما: اى يامحمد كنت عايزنى فى اى

محمد: اسما انا مش هعرف اكمل

اسما بعدم فهم: تكمل اى

محمد: اكمل معاكي

اسما بصدمه: انت فاهم انت بتقول اى احنا فرحنا الأسبوع الجاي

محمد: حاولت احبك و اكمل معاكي معرفتش

اسما: يعني اى حاولت امال كنت بتقولي بحبك و نفسي نتجوز بسرعة ازاي

محمد: اكتشفت انه كان اعجاب بس خلاص انا مش عارف

اسما: وانت لسه مكتشف ده بعد لما فاضل على فرحنا اسبوع

محمد بزهق: اسما بجد كفاية اساله انا مش هعرف اكمل معاكي وخلاص

اسما ببرود: تمام

قامت اسما و مشيت بكل هدوء ولا اكن حياتها اللى كانت هتدخلها كمان ايام مبقتش موجود و سابت محمد مصدوم انها بالهدوء ده و مفرقش معاها ولا اى حاجه من اللى كان فى دماغه و استغرب الموضوع دى كانت بتحبه و بتقوله امتى نتجوز و نبدا حياتنا بس هى مشيت بهدوء بس قلبها كان بينهار بس كرامتها مستحيل تخليها تضعف قدامه و رجعت البيت كان ولدتها قاعده

مها: اى ياحبيبتي مكملتيش يعني

اسما بهدوء: ماما انا و محمد سبنا بعض خلاص خلى بابا يكلمه يجي ياخد حاجته

مها بصدمه: نعم.. يعني اى الكلام ده انتى بتهزري انتوا فرحكم الأسبوع الجاي الناس تقول اى

اسما: بعد اذنك ياماما احنا ملناش دعوة بالناس هو انسان مش عايز يكمل معايا هقوله يكمل غصب ولا هتكونى مبسوطه وانا رجعه مطلقه

مها: بس انا بردو مش فاهمة لسه هو ليه يعمل كده دلوقتي

اسما: قالى معرفتش احبك

مها بعدم فهم: ازاي ده كان بيموت فيكي و لو طال يجبلك نجمة من السماء بعملها عشانك

اسما: ماما عشان خاطري انا مش قادره اتكلم دلوقتي ممكن

مها بحزن عليها: طب ادخلي نامى شويه وانا هكلم ابوكى

دخلت اسما اوضتها و ساعتها سمحت ل نفسي تنهار و فضلت قاعده تعيط و منهاره مش مصدقه ان الشخص اللي كانت امبارح بس معاه و بيحلم معاها ب حياتهم الجايه انهارده يقولها مش بحبك و مش عايزك ازاي قدر يعمل فيها كده ازاي هانت عليه طب دول مع بعض بقالهم سنه طول السنه محسيش بحاجة جاي دلوقتي بعد لما خلاص فاضل اسبوع و يكونوا مع بعض بعد لما عملت كل حاجة خلاص بيتهم حياتهم اختارت كل حاجة و عاشت كل التفاصيل معاه دلوقتي يقولها لا ليه.. ليه يكسرها كده

ــــــــــــــــــــــــــــــــــــــــــــــــــــــــــــــــــــــــــــ

اسامه: استريحت كده خلاص عملت اللى فى دمغ

محمد: بقولك اى سبنى فى حاليه

اسامه بسخرية: اى مضايق عليها دلوقتي ضميرك صحى

محمد: مش مضايق عليها بس استغربت ردت فعلها دى معملتش اى حاجه قالت تمام بس و مشيت ازاي ده هى كانت بتكدب عليا لما كانت بتقولي بحبك يعني دى باعت فى ثانية

اسامه: سبحان الله نفس الكلام عليك سبتها فى ثانية و مفرقش معاك كسرتها ولا هى هتحس ب اى و كنت بتكدب عليها و زعلان عشان هى معملتش اللى كان فى دماغك كنت عايز تشوفها مكسوره بس هى معملتش كده صح

محمد بضيق: هو انت صحبى انا ولا هى فى اى مالك

اسامه بعصبيه: هو انا عشان مش معاك عشان انت غلط و مع الحق تزعل انت بجح كده ليه بس اقولك انا مش عايز اعرفك تاني انسان انانى و ندل فعلا غور

ــــــــــــــــــــــــــــــــــــــــــــــــــــــــــــــــــــــــ

عند اسما فضلت قاعده مكانها مش عاوزه تقوم مش عاوزه تعمل اى حاجه بتشوف حاجتها اللى كانت هتروح توديها الشقة و تخلص فرش حاجتها فيها بتبص على الاوضه اللى كانت بتودعها كل لما تفتكر بترجع تعيط تاني على نفسها قبل ما يكون عليه هو بس خدت قرار انها مش هتسمح بشوفها مكسوره خالص و هتخليه يندم ميت مره عليها و هيرجع بس ساعتها هى اللى هتكون مش عايزه ترجعله تاني

خرجت كان ولدها و ولدتها قاعدين و باين عليهم انهم مضايقين

اسما: بابا انا عاوزه…..

ياتري اى اللى اسما هتعمله و هل محمد هيندم فعلا

اسما: بابا انا عاوزه ارجع شغلى تاني

حسام: اسما انا لحد دلوقتي مش فاهم انتى سبتى خطيبك ليه و اى اللى حصل ممكن تفهمينى

اسما: هو مش عايزني توافق ان بنتك ترمى نفسها على حد مش عايزها

حسام: مستحيل طبعا بس ده مش لعب عيال مش بمزاجه كده مره واحد بعد ما عملنا كل حاجة يجي يقول مش عايز

اسما: اهو اديك بتقول عيال هو عيل يابابا مش راجل عشان كده مش هنتكلم عليه و نتعب نفسنا على الفاضى

حسام: ماشي ياحبيبتي اهم حاجة انتى متزعليش كل حاجة هتخلص و هنروح ناخد حاجتك من هناك و هو ياخد دهبه و نخرج بالمعروف احسن وانتى عاوزه تنزلي الشغل براحتك عشان تريحى شويه اللى يريحك

اسما بإبتسامة: ربنا يديمك ليا وميحرمنيش منك ياحبيبي لا هنزل الشغل احسن بكرة ان شاءلله هرجع الشركه تاني و اشوف هعمل اى

حسام: طب تعالى ناكل عشان تنامى و تعرفى تقوم بدري

اسما: ماشي يلا ياماما نحضر الاكل

مها: تعالى انا قولت هتفضلى قاعده معايا كده كتير

اسما بهزر: على قلبك لسه

مها: يارب تفضلي على قلبي العمر كله هو انا اكره كده

اسما: مليش غيركم مش عارفه كنت هبعد عنكم ازاي احسن ان الجوازه باظت عشان افضل معاكم

مها: ربنا يكتبلك اللى فيه الخير ليكى يانور عيني

اسما: امين يارب

ــــــــــــــــــــــــــــــــــــــــــــــــــــــــــــــــــــــــ

عند محمد كان قاعد فى الاوضه بتاعته مضايق بيفكر هى ليه متكلمتش لحد دلوقتي ولا اهلها ازاي محدش كلمه عشان يحل الموضوع و الجوازه تكمل معقول مش فارق معاهم ولو هما كانوا مستنين ده يحصل من الأول

(طبعا الانسان اللى زاى كده بيشوف كل الناس شبه هو عشان مستحيل يعترف انه غلطان)

ــــــــــــــــــــــــــــــــــــــــــــــــــــــــــــــــــــ

عدى يومين و اسما رجعت شغلها تاني و كل اللى كان بيسالها حصل اى بتقول محصلش نصيب وخلاصمكنتش عاوزه تفتح مجال للكلام فى الموضوع ده بذات و فضلت تشوف شغلها احسن بس ده ميمنعش انها كل يوم بعد لما بترجع كنت بتقعد تفتكر الذكريات بينهم و تفضل تفكر هو كل ده كان كدب ازاي معقول فى انسان كده و فى يوم وهى خارجه من الشغل شافت اسامه صحب محمد كانت هتمشى مش هتتكلم معاه بس هو اللى رحلها

اسامه: ازيك ياانسه اسما

اسما: الحمدلله بخير

اسامه: انا اسف جدا لو بضايقك بس انا كنت عاوز اقولك حاجة و امشى على طول

اسما بهدوء: اتفضل يااسامه براحتك

اسامه: اوعى تزعلى عليه بجد اوعى تخليه يشوفك مكسوره هو عايز ده عايز يشوفك بتموتي فى بعده عايز يحس انه حاجة كبيرة اوى فى حياتك و ان حياتك توقف عليه بجد هو اه كان صحبى فى يوم بس بلاش تخليه يحس ب كده حتى لو ده بجد وانا شايف انك ماشاء الله رجعتى حياتك تاني و شغلك و ده احسن حل عشانك انتى بنت ناس و محترمه تستاهلي كل خير بجد

اسما: شكرا ليك بجد بس هو يعني اى كان صحبك انتوا مش لسه صحاب

اسامه: لا طبعا مستحيل اصحب و افضل مع انسان انانى كده انا قطعت علاقتى بيه من يوم ما عرفت انه عمل كده معاكي ده واحد ملوش امان

اسما: تسلم يااسامه بجد بعد إذنك

اسامه: اتفضلى

مشيت اسما وهى بتفكر فى كلام اسامه ازاي كانت هتكمل مع واحد كده كانت بتحمد ربنا ان ده حصل قبل ما تتجوز و تطلق رجعت البيت و دخلت اوضتها تغير هدومها و تصلى و كانت هتخرج تقعد مع ولدتها بس تلفونها رن و كان محمد اللى هى استغربت انه بيكلمها

اسما: الو

محمد: ازيك

اسما: الحمدلله

محمد: كنت عاوز اتكلم معاكي في موضوع

اسما: اتفضل

محمد: انا فكرت فى اللى حصل و قولت ان مينفعش نبعد دلوقتي خصوصا عشان الناس و ان ممكن ناخد فرصه تانية و نحاول مع بعض تاني

اسما:امم.. فرصه تانية…