رواية فؤاد قلبي الضائع الفصل الحادي عشر والاخير
الدكتور بحزن : ابنك في الجنة.
صرخت حورية و وقعت على الأرض .
قعد رامي جنبها و قال: اهدي يا حورية
صرخت حورية و هي بتقول: انا خسرت ابني مرتين ، خسرت ابني مرتين، قلبي وجعني عليه مرتين، ماتت مرتين، يارب أنا مش هقدر اتحمل،انا ممكن أموت فيها، مش بعد ما رجع و اتعلقت بيه يحصل فيه كده، يارب رجعلي ابني، رجعلي ابني، يارب أنا اتعذبت كتير و شوفت كتير ، طمعانة في كرمك و رحمتك ترد ليا أبني ،رجعلي فؤاد قلبي الضايع، محمد هو حياتي انا محبتش حد في الدنيا قده، رجعلي ابني يارب.
////////////////
بعد شهر
محمد في العناية المركزة ، قلبه لسه ينبض بس صحته متدهورة.
و اتغيرت حورية تماماً، بقت وقتها كلها مع جنة مش مع محمد
علشان عرفت انها كانت ظالمة، ظلمت جنة.
في اوضتها ، واخدة جنة في حضنه و تتكلم معها بندم: انا اسفة يا جنة، كل يوم بقولك اسفة، بس ده مش كفاية، أنا عرفت اني ظلمتك كتير، قلبي و عقلي كانوا متعلقين ب محمد و كنت نسي وجودك ديما، انا كنت كده علشان اللي حصل و أن محمد اتخطف مني ، لكن انتي ملكيش ذنب في كده، سامحني يا جوجو، انا حياتي انا واقفة على محمد و بس,،حقك عليا يا قلب ماما.
تمشي ايديها الصغيرة و الناعمة على وش حورية ،و هي تبسم ،و قالت : محمد.
عيطت حورية و قالت: ربنا يشفيه، و يرجعه ليا بسلامة
ضحكت جنة ضحكة جميلة ،قالت حورية: ما شاء الله ،قمر يا جوجو،و ايه رايك بقي تقوم نلبس و نروح عند محمد و رامي
و خرجت حورية مع جنة على المستشفى
///////((
رامي مسابش المستشفى و لا ثانية و كأن محمد ابنه من صلبه
/((()//(((((
أما الاب اللي بالاسم، رامي دفع فلوس للي معاه في السجن على رياض، و هما عذبوه كل انواع العذاب نفسي و جسدي، لدرجة أنه بقي يتمنه الموت،و الغريبة معندوش اي احساس بالذنب ،لسه شايف أن حورية و رامي سببب كل المشاكل.
/////////((
في المستشفى
حورية: مفيش جديد يا رامي
مسك أيدها و قال: انا عندي احساس أن محمد هيقوم و يرجع تاني.
مسحت دموعها و قالت: شهر كامل و مفيش تقدم
رامي: أن شاء الله خير
و بص رامي على جنة و قال: جوجو عاملة ايه.
ضحكت و مردتش عليه
رامي: انتي زعلانة مني ،ردي عليا.
هزت رأسها لا، قال بزعل: انا زعلانة منك يا جوجو.
كانت حورية بتبص على رامي و جنة و شايفة العلاقة الحلوة بينهم ، و عرفت أن الحب ملوش علاقة بالدم، الفرق بين رياض و رامي فرق السما و الارض.
خرج الدكتور و هو يبتسم ، و قال: الحمد لله ربنا سمع دعواتكم
سجد رامي على الأرض و هو يعيط.
ابتسمت حورية و عيطت فى نفس الوقت و قالت: الحمد لله يارب، الحمد و الشكر ليك يارب..
//////
و انتهت ايام العذاب من حياة حورية و رامي ،و بدأت حياتهم بالاستقرار.
///////////
بعد سنة
مات رياض في السجن بعد عذاب طويل في الدنيا..
//////////
و في نفس يوم وفاة رياض ،كانت حورية ،ولدت بنت
حورية: انا مش موافقة
رامي: ليه بس
حورية: أنا اسمي ايه
رامي: حورية
حورية: و انت ساعات بتدلعني ب ايه
رامي: حور
قالت بعصبية: يبقي ازاي عايزة تسمي البنت حور ، و ما هو كده يعتبر على اسمي.
ضحك رامي و قال بحب : طيب انا مسمي البنت على اسمك ده من حبي فيكي، اسمي البنت على اسمك
قالت بدلع: انا عايزة اكون مميزة
باس راسها و قال: انتي مميزة يا حورية، انا بحبك اوي، و نفسي اخلف عشر بنات و كلهم يبقوا حور أو حورية.
حورية: عشر و عندنا اتنين ، كده دسته هي مقصود منك
رامي: اه
حورية: لا كفاية تلاتة ربنا يبارك فيهم
رامي : موافق على تلاتة بس بشرط
مدت حورية ايديها و قالت: شيل حور يا ابو حور
خد البنت و قال: ابو محمد , محمد الكبير
حورية: ممكن اقول حاجة
رامي كان عارف هتقول ايه و قال : لا
حورية بتذمر: لازم اقول يا رامي، لازم في كل ثانية اشكرك و اشكر أهلك على معاملتكم الطيبة لولادي ، محمد و جنة لما قالوا لك يا بابا من غير ما انا أو حتي انت تطلب مهم ،يبقي العيال فعلا حست بده، لما بشوف خوف مامتك عليهم كأنهم أحفاده يبقي لازم اشكرها، كلمتها اللي قالتها من اول يوم أنهم ولادك دخلت قلبها و حستني بالراحة، شكرا يا رامي ، شكرا على كل حاجه
رامي؛ خلصتي كلامك ،ياريت نقفل الموضوع بقي
ابتسمت و قالت: اخر حاجة
نفخ بضيق و قال: ارغي.
: بحبك
حضنها و قال: قولي مرة كمان، هي دي اللي الكلمة اللي عايزك تقولي كل ثانية
: بحبك، بحبك ،بحبك.
نزلت دمعه من عينه و قال: انا اللي لازم اشكرك يا حورية، حياتي اتغيرت معاكي للاحسن، معاملتك لامي و اخواتي مريحة قلبي، كنت خايف يحصل مشاكل بينكم أو تبقي مضايقة لما حد فيهم يجي البيت ،بس انتي بتقابليهم بكل حب ، و محمد و جنة خلوني احس اني اب، انتي نور حياتي يا حور.
و سكت شوية و بعدين قال:حلو اسم نور صح
: اه نسمي البنوتة نور
= المرة الجاية أن شاء الله
حورية: نعم مش قولنا حلو كده محمد و جنة و حور.
رامي: نور و بس كده.
بصت حورية في عينه و قالت: اول مرة تحب يا قلبي اول يوم أتهنن
رامي: انتي الحب الحقيقي يا حورية
و اخيرا حورية لقت السعادة مع راجل قولا و فعلا مش راجل بالاسم، راجل كان معها في كل وقت في حياتها.
و خلفت نور و بقوا تلات بنات و ولد و رامي مش بيفرق في المعاملة بينهم .
و في الاخر كل شخص حصد اللى زراعه
زرعت خير هتحصد خير زرعت شر هحتصد شر