عصام…. مش فارق معاكي تعرفى مين اللى قتها ازاى هى دى مش اختك
مائده…. بص يا اخينا هاقولك كلمتين واسمعهم عدل… انا اللى. بتقول عليها اختى دي كل اللي اعرفه عنها ان ابويا كان معاه بنت تؤمى خدتها امنا اما تطلقت من ابويا… انت دلوك بتقول اتجوزك وماتت من فتره وانت وشاكك ان واحد منكم قتلها… خلاص يبقى تروح تدور على اللي قتل مرتك بعيد عنى… اصل انا لو رحت انا وخدت مكانها اللى قتلها ده هيحاول يقتلها تاني.. والمره دى مش هيقتلها هي هيقتلني اني… ليه اودي روحي بلوشي عشان حضرتك تعرف مين اللي قتلها… هستفاد ايه انا…
عصام بغضب…. ما انا لازم اعرف اللي عملها واخليه يحصلها سواء بيكي او من غيرك بس انتى هتسهلى الطريق عليا.. وبالنسبه لموضوع انك هتكونى فى خطر انا هحميكى.. انا اتغدر بيا ماكنتش اعرف انهم عايزين يمتوها اصلا.. وبالنسبه لموضع استفادتك انا هديلك مليون جنيه وتعملي عمليه اختك وترجع تشوف انتى مش نفسك تشوف الدنيا
مائده بتوتر… بس عمليه اختي باكتر من مليون وقالوا احتمال تسافر بره ولو حصلها مضاعفات بعد العمليه لان الاجهزه مش هنا
عصام… هتكفل بيها المليون جنيه دي في ايدك انتى… العمليع فلوسها كلها هحاسب عليها لوحدها عايزه حاجه تانيه اظن ده كفايه قوي الشهر اللي انا هعوزك فى
مائده بحيره… هو شهر واحد
عصام…. والله على حسب احتمال تاخدي اقل من الشهر واحتمال تطولي معانا شويه بس طبعا مش هنقدر ناخدك بالمنظر ده
مائده… ماله منظري
عصام… داليا ما كانتش تلبس كده خالص داليا كانت تلبس لبس شيك مش زي الخيمه اللي انتى لابساها دى داليا كانت انيقه جدا
مائده… اممم تمام بس بشرط
عصام… غير الفلوس والعمليه كدا كتير
مائده… مش اكتر من دم مرتك اللى راح كيف دبيحة العيد
عصام بضيق… اخلصى
مائده.. اختى منى تاجى وياى
عصام… اى لا ما ينفعش خالص داليا ماكانش فى حد بيسال عنها ابدا بعد وفات والدتها واصلا ماعندهاش اخوات
مائده.. خلاص ماهو انا من غيرها ماهروحش وياك ولا هخطى خطوه واحده
عصام… طيب طيب بس لو جم ضيوف او كدا هنخبيها فوق
مائده… ماشى بس انا معرفش ناسك
عصام… انا هعرفك عليهم وهقول انك فى الحادثه فقدتى الذاكره عشان لو نسيتى حد ما نتقفش طبعا…
مائده… اه معلش لا مؤاخذه يعني هو احنا هنبات فى اوضه واحده….
عصام… ايوه ما انا كنت عايش في اوضه واحده كل اللى فى البيت حتى ماما لازم يعرفو انك داليا ومش هينفع تباتي بره….
مائده…. ايوه بس لا مؤاخذه كانت مرتك يعني انا مش مرتك
عصام بخنقه… انا مش هقرب منك على فكره هسيبلك السرير كلو هنام ع الكنبه اى اوامر تانيه
مائده… طب هو لا مؤاخذه يعني انا اضمن منين ان انت ما تجيش في ليله اخر الليل شارب تقوم تعكشني وتزنقني وتتحمرش بيا
عصام بضيق… لا مش هزنقك ولا هتحمرش بيكى اولا لان انتى اساسا مش ذوقي… تانيا لان انا بحب داليا ربنا يسترها ان شاء الله وتعرفى تعملى دورها كويس يلا روحي بدلى الخيمه دى بالفستان ده
وادالها شنطه فيها هدوم مسكتها وبصيت في الفستان وكان مفتوح قوي قالت بذهول…
يا فضيحتى انت عايزني انا البس العريان ده
عصام بعصبيه… بقولك ايه انتى هتلبسيى زي ما داليا كانت بتلبس عشان محدش يشك ما انتى مش هينفع تيجي باللي انتى لابساه ده
مائده… طيب طيب خلاص خلينا لما نوصل بلدك واهو على راي المثل البلد اللي مالكش حد فيها شلح واجري فيها
عصام… شلح انا على اخر ايامى يتقال لي شلح.. تمام بس قبل ما نروح فهمى اختك مش عايز عك انا اصلا مش عارف هقولهم اى عليها كنت هقول ممرضتك بس هى عميه
مائده بضيق… اسمها كفيفه يا ابو جهل هنظبطها احنا نقول ان انا لما عملت الحادثه هي لقيتني وكنت قاعده عندها الفتره دي فلما انا جيت ما حبتش اسيبها عشان انا مش فاكراكم فجبتها معايا…
عصام… طب ما اهى دماغك نظيفه وبتشتغل اهي امال في اى
مائده… انا دماغى بعون الله توزنك انت وبلدك بس انا ما نحبش نضغط عليها حكم… كٌتر التفكير.. يجيب للصحه التاخير…
عصام… طب يا ختى يلا روحي هاتيها وتعالي.
مائده اخدت اختها وراحت معاه وكان معاهم بنت فى العشرين جميله جدا دى منى اختها من ابوها وقالت..
برضك يا راس الكلبه هتروحى احنا رايحين القاهره ليه بلاش تروحى
مائده.. لا هروح عشان هيدفع فلوس نغير بيها حياتنا دى
منى.. عشان الفلوس تضيعى عمرك
عصام… ما تخليكي محضر خير يا بنت ايه ده
منى… يا عم انت عايز تعرف اللي قتل مرتك هي هتروح وترمي روحها عشان فلوس
عصام همس لمائده وقال… هى ماتعرفش موضوع العمليه
مائده…. لاه اوعى لو عرفت مش هتخليني اروح وياك
مائده… يا بت الراجل هيدفع فلوس كتيره
منى بضيق…. ملعون ابو الفلوس
عصام… يلا انزلي هندخل المول تغيرى هدومك وانا هشتري اي حاجه من المول على بال ما انتى لبستى عشان خلاص قربنا
مائده…. اه تمام وخدت الفستان وراحت معاه وغيرت بسرعه علشان يمشوا بعد شويه طلعت وكانت لابسه الفستان وهو كان بيتكلم في التليفون قربت منه وحطت ايدها على كتفو وقالت….
انا جاهزه..
قال….. اوكي يلا بينا
ولتفتلها بس وقف شويه يبصلها بصدمه قالت..
ايه متنح فيا كده ليه
عصام….. لا ابدا ما فيش…. بس طلعتى شبه داليا قوي
مائده…. طب يلا بدل ما. اصحيك انا بطريقتي
وسابته ومشيت طلعت العربيه هو طلع وراحوا على البيت وكان قصر كبير قوي قالت….
يا لهوي هي دي سرايتك
عصام.. اه دي سرايتي اى اسمو قصر
ودخله كان في ست فى ال 50 دى اميره والدته وكان في بنت في ال 30 دى مايا اخته بصولها بصدمه… ومايا قالت بذهول…
شايفه اللي انا شايفاه
اميره… نهار اسود هى دى مش ماتت امال مين اللي دفناه
عصام قرب وقال بفرحه مصطنعه… شوفي يا ماما داليا طلعت عايشه اهى
اميره… ازاي طلعت عايشه امال مين اللى دفناها
عصام…. معلش بقى يمكن واحده ركبتها معاها في الطريق ولا حاجه وهى نطت من العربيه قبل ما تنزل من الجبل مش عارف هي فقدت الذاكره من الحادثه بس هي كويسه الحمد لله تعالي يا دودو سلمي دي ماما اميره ودي مايا اختي و فى عمتى وبنتها وفي مروان اخويا بس فوق
مائده قربت ومدت ايدها بس اميره ماسلمتش عليها… ومائده قالت..
ايه مش هتسلمى عليا ولا هفضل حاطه يدى في الهوا كده كتير ما تردى السلام
يا وليه ده حتى السلام لله
عصام شدها عليه وقال بصوت واطى…
بتهببي ايه
مائده….. اى انت مش شايف يا عم محدش معبرني بقالي ساعه ماده يدى في الهوا
عصام… طب اسكتي بقى
نزل مروان وهو بيقفل زراير الجاكيت وبيتكلم فى الفون وبيقول…
يا عم والله جاي كلها نصايه واكون عندك خلاص بقى مسافه السكه كفايه ما كانتش نومه دي اللي راحت عليا..
وقفل وقال بسرعه… ازيك يا عصوم
بس قال بخضه اما شاف مائده…. بسم الله الرحمن الرحيم
مائده… ايوه ايوه انا فهمت دلوك هم فاكرين ان انا عفريته عشان كده جابو عجلتين ورا هتسلم انت ولا هتفكرنى عفريته لاخر شكلك خواف كيف امك واختك
عصام بهمس…. اسكتى الله يخرب بيتك هتفضحينا بتهببى ايه
قالت بثقه… ما تخافش ما تخافش ما فيش حد هيشك فيا مستحيييل
مروان… مين دي