تحميل رواية «فَجيـعه الدَهر» PDF

#فجيعة الدهر🍂🦅

الاعــلان

تعليقات بين الفقرات+تصويت

تاريخ بدايتك في قراءة الرِوايه ✍🏻💘

بقــلم :هند الطائي

*ملاحظات في آخر البارت ارجو قرائـتِها قبل قراءة الرِوايه

*فجيعة الدهر*

بيـن الصحاري

في أراضي يسود بها الظُلم

خطوات محسوبـه

انفاس معدوده

حركات مُتعقبـه

نظرات تحسُم القرارات

تحت مُعتقل العادات والتقـاليد القديـمه

هُناك قِصه من بين آلاف القصص

تحويّ مشاعـرٍ مُختلفه مُغلفه بفـرح مكتوم

وحـزنٌ عام

فجيعـه من بين فجائع الدهـر الكثيــره

ابتسامات كاذِبه

هفوات الماضي تُلاحق الحـاضر

ايهما افضل هُنا؟

الظـالم ام المظلـوم !

سوف تنقلب موازين الحياة في هذهِ الرِوايه

ــــــــــــــــــــ

• المشهد الاول •

ركعت يم رجلــه تترجاه

ـ شيخ شيخ ابوس رجلك سامحني ما اعيـدها والله الله يخليـك شيخ

گال بنبره قويه حازم الأمر

ـ أخذوها من جدامي ماريدن المح وجهه .

تقدمت سحبتها بقوة وانا منقرفه منها باوعتلي عيونها مملوءة بالدمُوع ماعرف دموع حقيقيه لو همّ تمثيل !

اندارت الي لزمت ايدي بترجي

:- ابــوس ايدج گولي للشيخ يسامحني والله  اني غصـبا عني

باوعتلها بحقـد وگلت

ـ تكفي الشــر وسكتي والافضل تروحين من هلـديره اشرف الج من الگعده هنا ، الشيخ

ما منه أمل يسامحج ويردج لهنا لو هم ردين تهجمين بيوت مثل قبل؟

ذبلت عيونها من كلامي گالتلي لآخر مره بتوسل:

ـ بداعت اخيتچ !

تقربت منها أكثر وانا خازرتها وعيوني ينگطن سم مو دموع

ـ اختي ماتت بسببكم تتوقعين اساعدكم وانتوا چتالين اختي؟

ضرب عكازته الشيخ وصاح :

ـ لهنا ولزمي حدودج تعديتيهن چثير الظاهر بعدج ما تعرفين أنتِ چتالت اخيتچ بأيدج ....

* المشــهد الثاني *

ابجي وبأيدي ورقه صغيره عاصرتها بأيدي حيل سياره سريعه اجتي شهگت وانا اباوعلها تقرب بسرعه غمضت عيوني وماحسيت غير احد يجرني بقوة فتحت عيوني صوت رجال يگول :

ـ عمو انتبهي شلون تعبرين وحدج؟

ابجي وامسح دموعي بـالردن مال قمصلتي

رجع سألني:

ـ وين اهلج عمو؟

رفعت اكتافي بمعنى 'ما اعرف'

تنهد بحيره مسح على شعري وگال:

ـ عمو أنتِ شسمج؟

ـ زيـــنب الحـُوراء

توسعت ابتسامتــه وگال :

ـ من ريحة العــزاز .

* المشهـد الثــالث *

ارتجف جسمي وهو يصـرخ بوجهي:

ـ دير بالج تحجين حرف بس تحجين موتج على أيدي اذبحج عكس القبله

قبضت ايدي شفايفي يرجفن بخوف ابلع ريگي عيوني تدور بالغرفه اهم شئ ما تجي عليه همست بصوت خايف:

ـ لــ....ليش ما تريد اگول؟ خاف يعرفون ويقتلوك مو؟

تقرب مني حط أيده على خدي يمرر اصبع الابهام على خدي الى الاسفل لحد ما وصل لبلعومي انفاسي تعلى صرت ما اكدر ابلع ريگي انفاسي معدوده همست:

ـ عـوفني

گال بصوته الي يُرعبني وكأنه شيطان رجيم:

ـ اعوفج حتى ترحين تگليلهم هذا قـاتل  يا 'غزالتي المُشاكسه'  مو؟ .

*المشهــد الـرابع*

سانده راسي على كتفه اجه ببالي سؤال باوعلي وضحك وكال:

ـ گولي شعندج لا تضمينها بگلبج الترف

ضحكت وگتله:

ـ تحبني ؟

أخذ ايدي باسهـا بقوة وشمها وگال وهو يأشر على گلبه:

ـ أنتِ هنا

ـ كلمره تگلي انتِ هنا بگلبي بس گلبك كوستر مو گلب

ضحك بقوة وگال بنبره خلت الفراشات تطير حولي وتحاوطني:

ـ اريد احط گلبج بگلبي ويصيرون واحد بس خايف عليج حتى من خشونه گلبي بترافة گلبج !

* المشهـد الـخامس *

ضامني لصدره بقوة يبوس براسي أيده تمسح على شعري گلت اله مبتسمه:

ـ شبيك عبالک راح اطير منك ترى أنا متوفره في كل الأوقات

ضحك وكال:

ـ وصلت لمرحلة من عشگي وهوسي بيج

بس يمكن ما مقسوملي افرح .

شدد حضنته من كمل كلامه استغربت وسألته:

ـ ليش مو يمك أنا ليش تكول هيج؟

باوع عليه ونظراته تتوزع لملامح وجهي وتركز نظره على عيوني وگال:

ـ اليوم  يمكن آخر مره اشوفج باجر اجيب السيد ونتطلك .

*المشهــد السادس*

كان الليل ساكنًا، لكن في صدرها عاصفة.

جلست قرب النار، تُحدّق في شرارةٍ سقطت على الرمل ثم اختفت، كما اختفى كل شيءٍ أحبّته ذات يوم.

لم تكن تبكي، لم تكن تتكلم، كانت فقط تسمع صوت ذلك السر… السر الذي دُفن مع أول صرخة ظلم في القبيلة، ومع أول وعد لم يُوفَ به.

قالتها بصوت خافت كأنها تسأل الغيم:

ـ هل يعود من ظُلم؟

الريح فقط أجابت، تحمل معها صدى اسمٍ لا يُقال، وذكرى لا تموت.

أما هو، فكان على الطرف الآخر من الصحراء، يقبض على الرسالة القديمة، والخوف في عينيه أعمق من ليلٍ بلا قمر.

لقد بدأ كل شيء من هناك

حيث دفنوا الحقيقة، وظنوا أن الدهر سينساها...

يتـبـــــــعع ..

ــــــــــــــ

لم تكن الرمال شاهدة على الحب فقط، بل كانت مقبرة للأسرار.

في زمنٍ قديم، حيث يُوزن الكَلام بحدّ السيف، ويُدفن الصدق في عمق الصحراء، تبدأ فجيعة الدهر من همسة خيانة، ومن ظلمٍ سُقي على مهل، حتى صار قدرًا لا مفرّ منه.

بين قبائل تتنازع باسم الكرامة، وقلوب تنكسر خلف الأستار، يولد عشق لا يعرف الرحمة، ولا يجد موطئًا بين القوانين الجافة والتقاليد المتسلطة.

لكن الحقيقة الأشد وجعًا، لم تكن في الحب الممنوع، بل في سرٍ قديم وُئد قبل أن يُولد، وظُلمٍ عابر للزمن، أُخفي كأن لم يكن... حتى حان وقته ليعود، ويقلب كل شيء.

كل من ظن أنه نجا، كان في الحقيقة جزءًا من الفجيعة.

وكل من اختار الصمت، صار صدىً لبكاءٍ لن يُسمع إلا حين يتكلّم الماضي بصوتٍ لا يرحم.

فجيعة الدهر ليست حكاية تُروى، بل نداء دفين في صدر كل من عانى، وخسِر، وظُلِم... وظلّ يبحث عن الحقيقة في زمنٍ لا مكان فيه للعدل، ولا مفرّ فيه من القدر.

•••

أرشفت الروايه وراح ابدي انزل بارت كل يومين

وهيَّ نفسها فجيعة الدهر يعني مو قصه ثانيه

فقط اضافات عليها وتعديل لأن يرد كان مخربط

حسابي الانستا

حسابي التيك توك

قناتي التليكرام انزل بيها كلشي

@hindaltaaywrit

هاي القناة

نلتقي في البارتات القادمه ..

السلام عليكم قلبي بعد اللحاح منكم نزلت اشباه أنا ما جنت مقرره انزل لأن ما احب احب ابقيهم على مُخيلتكم بس هواي شفت يردون انزل الاشباه فـ نزلت ..

ـــــــــــــــــ

نبدأ بهُشيم

ثائر

ضُرغام ابو الوگفات

كِنان ابو گلب الحنين ..

الباقي بعدين تعرفوهم ..

هسه نجي على الحلوات البنيات

نبدأ بـ ميسـنه ، لون العيون عسلي

رهفاء

فِــداء

هسه نجي على حلوة الحلوات 'زينب الحوراء'

سـاره

التوام اللطيف نيروز وفيروز

رسيـل

بيبي صفـيه

وآخيرا ..رضـا الله يرحمـه

ــــــــــ

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر 🦅 🪶

بقـلم الكاتبه هند الطائي

تصويت + تعليقات بين الفقرات

الحـلقه الثامِنـه

* اكو كلام يخص التأخير بنهاية البارت اتمنى تقرونه ..

ـــــــــــــ

زينب الحوراء

لساني نعگد رجليه صارت ما يعيننّي حتى اگوم وگعت بالگاع گبل اجه هُشيـم لزمني من زندي يباوع بخوف ويگول :

ــ زينب بنيتي فدوه باوعيلي شو تسمعيني!

ـ احس وشه صارت بأذني عيوني غوشن ما حسيت بشي بعدها ..گعدت على ايد تمسح على شعري فتحت عيوني لكيت كنان

ـ  باوعتله وكأن تذكرت كلشي باوعت لهُشيم عرف راح أفقد اجه بسرعه وهو يكول:

ــ بويه على كيفج وي روحج

رجفت شفتي فقدت كمت اصرخ بكل حيلي:

ــ عوفوني آخخ رضــا حبيبي وينــك رضــا

كنان وهشيم يردون يلزموني ماكو ادفر واجر بشعري واللطم على وجهي هشيم قيدني حيل وانا ادفر بي واصرخ:

ــ عوفنــي ودوني اشوفه يــلا ودوني ولكـــم أخ گلبي شكثــر فاقد عزاز

البنات يبجون وكنان گعد گدامي لزم وجهي بأثنين ايدي عيونه حمر باوعتله وانا اشهگ گال :

ــ زنوبتي الحــلوه إذا تهدأين اخذج تشوفينه ماشي؟

هزيت راسي متخبله اريد بس اشوفه احس گلبي طاگ عليه  گلت بسرعه:

ــ ما أصيح ولا ابجي يلا نروح يلا فدوه

ـ صاح على ميسنه تجيبلي عبايه وشال بسرعه ركضت جابت عبايه وشال ليسانس ميسنه وفداء تعدلي الشال لفته على السريع وهمست بأذني :

ــ الله يخليج ديري بالج على روحج 

ـ گومني كنان وطلعنا صعدنا بالسياره هشيم يسوق وكنان بصفه حطيت راسي على الجام ساكته احس كلشي ساكت بيه هدئت هدوء يخوف

ـ وكفت السياره باوعت لكيتنا بالنجف انفتح الباب شفته كنان باوعت على الگبور رجفت شفتي آخر مره اجيت قبل خمس سنين من توفوا اهلي

ـ مدلي ايده كنان لزمتها ومشينا بين الگبور

وگفت متصنمه من شفت هديل من بعيد تسوي نفسها تبجي تخبلت ركضت بسرعه عليها دفعتها وانا اصرخ :

ــ گومــي چلبه ما تستاهلين تجين بدفنته

باوعتلي بحقد وكالت:

ــ انجبي سـاقـ** تعلميني اجي بدفنة ابني لولا امشي أنتِ روحي منا يلا راويني عرض چتافچ

ودفعتني تخبلت جريتها من شالها الي حاطته على النص اضرب بيها كل حيلي نشاليت من فوگها باوعت كنان اضرب بأيده واصرخ :

ــ عوفنــي كنان لك هاي حرام توگف على دفنته عوفني اموتها

عاط بيه:

ــ كافي زينب كافي عيب

دفرته برجلي وماكو متت اضرب كل حيلي و ما يوخر وهشيم يتعارك وي هديل وهيه كل صوتها يصيح اخر شي شفته ضربها راشدي عافتنا وراحت وهيه تباوعلي بحقد وتكول:

ــ أنا اعلمج شايفه هذا الگبر إذا ما يجي يوم واوگف على گبرج بسيطه

تخبلوا الولد راح هشيم يصيح عليها :

ــ امشي لج لا اطمج بالگبر هذا

راحت يلا عافني كنان باوعت للگبر وهذا الدفان يحفر ركضت دفعته بخفه وانا ابجي :

ــ عوفه عمو لا بعده صغير مو مال گبر يخاف هو يخاف من الاماكن الضيقه ومن الظلمه وثنينهم هنــا

صرخت باخر كلمه وانا اللطم على وجهي بكل حيلي الولد حاروا شلون يلزموني گال الدفان :

ــ بويه كلنا على هذا الطريق يرحم والديج خليني اكمل شغلي

بعدني منه كنان وانا اشهك باوعت لكنان وگلت:

ــ يـ...يخـاف ر...رضا هنا و..والله

جر راسي لحضنه تعبت من البجي خلصوا الدفن جابوا الجثه ما سمعت غير صرخة ساره بعلو صوتها باوعتلها نامت على الچفن الي بيه رضا تصرخ :

ــ ولكم ابني ابنـــي اليوم اندفــن وندفنت حياتي ويــاه

كنان يريد يروحلها وحاير يلزمني يلزمها دفعته وركضت بصفها تبجي ونصرخ سويه نايمه ساره على التراب والدفان يدفن وتصرخ:

ــ يبعد اخيتك ارجع شوف حال اختك كسرتني ولك روحي نكسرت ‏عمت عيني عليك ياخويه بعدك شنو شايف من حياتك ردت اللبسك بدلة عرسك مو جفنك

گالتها وگامت نامت على الچفن ما تقبل يدفنوه شهگت ورحت يمها لزمت الچفن حضنته من فوك الچفن واحس روحي راحت

والنسوان يصيحن مايصير كنان راح على ساره لزمها حتى يبعدها وحسيت أنا هم نشاليت من فوك الچفن هُشيم يهمس بأذني:

ــ صيري قويه كلنا على هذا الدرب ، باوعي على ساره محتاجتج هسه لا تضعفين هسه فدوه اروحلج راح تموتين

هزيت راسي عافني رحت على ساره لزمت أيدها باوعتلي وشهگنا ثنيناتنا وحضنتني وهيه تبجي وتحجي:

ــ يسأل عليج جان يگول وين حوراء وينهــا ليش راحت آه  خويــه ارجعلــي مو ردت تشتري بايسكــل ارجع والله اشتريــلك

ـ احس روحنا راحت اصبر منو اصبر نفسي لو اصبر ساره لو منــو بدأت الدفنه ونزلوا رضــا للحفـره آه ياروحي شكثر تحملتي صغير مو مال هيج حفره عميقه ليش وجهه الحلو يغطي التراب ليــش !

ـ خلصت الدفنه وروحنا راحت ما قبلنا لا أنا ولا ساره نروح اول يوم بقوا الولد ويانه ثاني يوم اصروا نروح رجعنا على البيت وساره ما قبل كنان تروح يكول تتخبل إذا تبقى وحدها فـ اجت ويانه وشيصير خلي يصير

ـ دخلنا الكل يكول كلمات عبالهم تهدئ گلوبنا مايدرون مشتعله بنار مستحيل تطفى صعدت أنا وساره كعدت على الجربايه هيه وانا نزعت عباتي وكلشي ودخلت للحمام

ـ الماي يجري ودموعي وياه بقيت فتره طويله إلى أن ندك الباب واجه صوت ميسنه:

ــ وينج زينب طمنينه فدوه تسمعيني؟

سكتت احس مابيه حيل ارد كعدت بالگاع دموعي تنزل بهدوء لبست ملابسي وبقيت كاعده والباب يندك اجه صوت هشيم :

ــ بابا زينب موجوده طلعي فدوه اروحنلج مابينا حيل انتِ عاقله ومؤمنه تعرفين هذا قضاء بيج وقدره هو راح طير من طيور الجنه

أنا لله وانا اليه راجعون مرجعنا يم رب العالمين الي خلقنا هو الي خلقه هو الي يأخذه

بعدين هسه رضا يشوفج مايقبل تبجين مو عبالج هو مات يعني هاهيه انتهت لا بويه أنتِ ، يشوفج ويعرف متأذيه ليش تأذينه بگبره وتأذين روحج طلعي يلا بنيتي اخوج متأذي عليج ليش تأذينه

اريد ارد بس لساني نعگد رجع گال :

ــ زينب تسمعيني ؟

من شاف ماكو رد ما احس اله الباب يندفع لحد ما كسره من شافني أخذ نفس براحه گال بصوت خافت:

ــ هديتي حيلي هد زينب

گعد گدامي مسح على شعري الي يقطر من الماي ما نشفته باوعتله بتعب گال:

ــ ليش تسوين بروحج الحلوه هيج وين زينب الحلوه الي تخاف من الحرام اول ما اباوعلها تنزل عيونها وتغطي روحها خاف طالع منها شي وينها الي تأخذ من قوة وصبر السيده زينب

لا رد ...

تحسر وصاح على ميسنه دخلت ميسنه بهدوء عيونها حمر منفوخه من البجي باوعتلي وبچت :

ــ ليش سويتي هيج خوفتيني عليج والله

بقيت ساكته گال هُشيم:

ــ مو وكتها ميسـنه تعالي گوميها

اجت حاولت تگومني آخر شي گالت :

ــ هشيم ماگدر وحدي شيلها أنتَ

استغفر وگال بحيره :

ــ حــرام ينحسب ذنب عليها

گالت ميسنه تحاول تقنعه :

ــ ياخويه چا شنسوي تبقى هيج بس هالمره شيلها لخاطري

هز رأسه وتقدم لفلفني باللفاف وشالني باوعت ساره على الفراش نايمه غمضت عيوني بتعب گال هشيم موجه كلامه لميسنه:

ــ وين اخليها والبت نايمه ؟

گالت ميسنه بصوت ناصي:

ــ لغرفتك لأن البنات نايمات بغرفنا

فورا گال :

ــ بغرفة كنان

ــ غير تعرف بيها تعديل وجاي ينام وي ثائر

زفر نفس بحيره وما احس اله نحطيت على فراش وتغطيت واسمع يمي حجي ما فهمت غير حديث واحد صوت هشيم يگول :

ــ نترست حرام من وراي ميسنه شبيج لو شايلتها وي البنات

ــ هسه يا عيني تحسسني  بحياتك ما شايل بنيه

ـ ما سمعت بس صوت ضربه وهيه تضحك ابتسمت لا إراديا وغمضت عيوني اريد انام فعلا غفيت ما كعدت اله لمن سمعت صوت الاذان 'الله اكبر ، الله اكبر ' ...

ـ فتحت عيوني لكيت بغرفة هشيم و محد يمي كمت توضيت بسرعه ورجعت لغرفتي لكيت ساره تبجي تحسرت وأخذت الصايه والسجاده لبست الصايه باوعت لساره وگلت احاول اكون قويه گدامها :

ــ گومي ساره گومي توضي حتى نصلي سويه

هزت راسها بمعنى اي وگامت حتى تتوضى

اجت لبست عباتي وشال وصلينا سويه بآخر سجده بجينا سويه احس طاقتنا نفذت ما نكدر نمثل القوه بعد حضنتني وبقينا نبجي إلى أن ندك الباب مسحت دموعي وگلت :

ــ تفضل

باوعت لكيته كنان ابتسملي ودخل كعد على الكرسي وكال :

ــ شلون الحلوات اليوم ؟

أنا وساره: الحمد لله

هز رأسه يباوع لساره بقهر تحسر وگال :

ــ الفاتحه راح نسويها هنا

بسرعه ساره رفعت راسها وكالت :

ــ ليش هنا!

أخذ نفس وگال :

ــ لأن ما راح يسوون فاتحه امج وابوج

ضحكت ساره بأستهزاء وصاحت :

ــ مايستاهلون يسوون فاتحه لرضا اصلا

گال كنان :

ــ مو مهم المهم هنا راح تصير الفاتحه يومين وراح تجي الملايه اليوم الي اريده ما تموتن روحجن لأن ما يرجع إذا تموتن روحكم وتملخون وجهكم فهمتوا !

بجت ساره وغطت وجهه بأيدها تشهك كام كنان يهدئها عفتهم وطلعت رحت دكيت باب هشيم سمعت صوته دخلت باوعلي متفاجئ لأن بالعاده ما اجي أنا ابدا گال :

ــ تفضلي زينب تعالي دخلي

دخلت بهدوء وكفت گدامه عدل گعدته گلت بغصه:

ــ اريد اطلب منك طلب

ــ عيوني الج شنو تريدين يجرالج

هزيت راسي وگلت:

ــ اريد اروح لبيت خالي

عقد حاجبه بأستغراب وگال:

ــ ليش؟

ــ اريد اروح اجيب ملابس و اللعاب رضـا

هز رأسه بتفهم وابتسملي گال :

ــ ميخالف تدللين حضري روحج بليل وره ما تفض نروح خوش؟

ــ شكرا

ابتسم وسكت طلعت ورحت لغرفة ميسنه لكيت نيروز وميسنه كالت ميسنه:

ــ هلا حبيبتي زينب الحلوه تعالي اشتاقينالج

ــ اريد انام من تجي الملايه گعدوني .

اختفت ابتسامتهم وميسنه تحاول ما تحسسني بضوجتها هزت راسها وكالت:

ــ من عيوني ، نامي حبيبه .

هزت راسي بقبول وحطيت راسي على المخده تعبانه لحد ما نمت كعدت على صوت رسيل باوعت ابتسمتلي وگالت :

ــ اجت الملايه لبسي دشداشه سوده طلعتلج وشال اسود ونزلي حبيبه

هزيت راسي طلعت وعافتني گمت لكيت حاطتلي دشداشه سوده لبستها على السريع وشمرت الشال على راسي وطلعت نزلت جوه باوعن الي النسوان يتهامسن بين بعضهم ماهتميت كعدت على صفحه حطيت راسي على الحايط لحد ما بدت الملايه تنعي وصوت ساره تصيح بعلو صوتها تگابلنا أنا وساره والملايه تگول:

ــ يحزام الظهر يا خويه

رد مشتاگه لعيونك

يحزام الظهر يا خويه

رد مشتاگه لعيونك آه يالكلك محنه

رايح منشدت عنه

شوفك ما شبعت منه

ترد لو اگطع ضنونك

اي يا حزام الظهر يا خوي

رد مشتاگه لعيونك

تجوه لعوزي ضاخرتك

ليش اتعوفها اختك

ــ اويلاه اويلاه اي ضيعيتك خويه ضيعيتك

اللطم كل حيلي ملخت روحي وساره وياي انهارينا من نعي الملايه صارت الملايه تستغفر وتگول :

ــ حبيبات يمه على كيفجن بعد روحي على كيفجن

كملت الملايه نعي:

ــ شلونك يبعد اختك شلونك

يمه بعدك حلو يو خرب لونك

يمه خرب عيونك خرب عيونك

اظنه الگبر خرب عيونك

ما يجيني ما يجيني أنه مايجيني

يمرون ربعه يمرون انه ومثل قميصك يلبسون

انه يشلعون گلبي من يمرون ولك خويه

صرخت ساره :

ــ خرب عيونــك التراب ولك رضـاوي خويه

فقدنا ما نحس بحيث النسوان كلهن گامن يلزمنا وميسنه ركضت تصيح الولد صاحت فداء :

ــ بلا زحمه تغطوا راح يدخلون الولد

وأنا اللطم كل حيلي أنا وساره ما احس اله احد لزمني باوعت لكيته هشيم وكنان لازم ساره وهيه تصرخ آخر شي فقدت وانا هشيم يصيح:

ــ ولج بويــه شسويتي شوفي وجهج كافي راح تموتيــن

ادفع بيه آخر شي قيدني وشالني صعدني فوك لغرفته وسد الباب اول ما التفت ضربني راشدي بكل قوته شهگت وهو يصيح :

ــ اصحي زينب اصحي افتهمي رضا مات ولج ما ترجعينه باعي وجهج ينزف موتتي روحج ليش هيج

تقرب حضني اشهك وادفع بي واصيح كل حيلي :

ــ عوفني ودوني لرضا عوفني

ــ ما اعوفج اله تسكتين وما تضربين نفسج تخبلتي باعي وجهج شحاله

باوعت على وجهي بالمرايه كله دم ينزف وشعري ملخته تملخ بحيث مگطع انداريت دفعته وكلت صوتي مبحوح بالگوه احجي:

ــ عوفني وحدي

جر شالي وحطاه على راسي ضم شعري باوعلي وكال:

ــ البجي وتضربين نفسج وتوجعين روحج ما يرجع الراح استوعبي ما يرجع الراح إذا تلطمين لو حتى تموتين روحج هو جاي يشوفج هسه ومقهور

فزيت وگلت:

ــ ليش مقهور ليش؟

ــ لأن يشوفجن تبجن وراح تموتن وراه ما يقبل يشوف الناس الي يحبهم هيج ضايجين وانتو يحبكم وقريبات منه وأخواته مو ؟

هزيت راسي بقبول كمل كلامه..

ــ لهذا هسه اريدنج تلبسين عباتج وتجين حتى لا تبقين يمهم وهمين اخذج تروحين تجيبين ملابس رضا واللعابه مو ردتي؟

ــ اي أي هسه نروح

ــ انتظرج يم السياره استعجلي زنوبه

ــ تمام ..

هز رأسه وطلع رحت  گوه على حيلي اكوم غسلت وجهي الدم يجري منه غسلته شلون ما جان جريت عباتي وشالي فزت ميسنه والبنات وهيه تگول:

ــ وين رايحه حوراء ؟

رديت گوه صوتي مبحوح ما اكدر احجي:

ــ وي هشيم ، وين ساره ؟

نزلت راسها وكالت :

ــ تخربطت وحطولها مغذي والله زينب لا يضل بالج

هزيت راسي بقبول وطلعت صعدت بالسياره ومشينا شوي وگلت :

ــ اگدر اشغل شي بالسياره؟

ــ اكيد بويه هاج تلفوني شغلي الي يعجبج

اخذته دخلت على اليوتيوب طلعت قصيده باسم الكربلائي'لو نويت تروح'

حطيت التلفون يمه وعليت الصوت شوي رجعته وحطيت راسي على الجامه واردد وي كلمات القصيده :

ــ لو نويـت تروح .. گلبي وين يروح

لو صدك لا سامح الله وفارگتني

يالوداعك آه أسألك بالله

زينب اني ؟ لو تبدل واكف شفتني

مع السلامه لو گلت احسبني من باجر متت ...

لو نويت تروح ..

لقائي ولقائك سكته بي كلشي حجينه

فهمنا بعضنا بالدمع لمن بچينه

گلتله قريبه خيولهم صارت علينا

گلتلي وعد مكتوب يا خويه شبدينا ؟

صرت اشوف الليل چن سنابل خيل

تسحگ لصدري وتفوت الساعه لحظه

يمشي ليل الموت اسرع من الصوت

ليلة وداعه الحبايب چنها ومضه

ياموت ليش استعجلت احسبني من باجر متت

لو نويت تروح ..

نزلت دموعي وي كلمات القصيده كل الاحبهم يموتون امي أبويه اختي كلهم راحوا بومضه عين وهسه رضـا !

الي ما فد يوم ضوج اي واحد ما يأذي أحد

مسحت دموعي ورددت وي المقطع الجاي وفجأة صار صوت هشيم وياي :

ــ وگفنا بوداعك والزمن ويانا واگف

ورجفنا ورجف حتى الكلام أعلى الشفايف

شهگت باوعلي هشيم وگال :

ــ شلون هسه زينب ؟ شحچينا إذا تبجين اسدها

هزيت راسي ومسحت دموعي تنهد بضيق وكملت القصيده وصارت تنعاد طول الطريق لحد ما وصلنا للبيت نزلت وهو ضل كاعد بالسياره ينتظرني دكيت الباب محد طلع كذا مره رجعت على السياره گال :

ــ ها محد طلع ؟

اشرت لا هز رأسه وگال:

ــ شنسوي هسه كلش تريديهن؟

گلت بتوسل:

ــ اي هشيم حباب الله يخليك اريدهن قبل لا ياخذوهن مني وهم لساره ملابس

هز رأسه ونزل من السياره طفر من فوك الباب فتحه مقفول بسرگي لا قفل ولا هيج دخلت الباب الجوه مفتوح دخلت بسرعه شغلت الاضويه كال هشيم:

ــ راح انتظرج هنا روحي جيبي الي تريدينه

هزيت راسي بقبول رحت دخلت للصاله نزلت دموعي من شفت اللعاب رضا مطشرات ركضت لميتهن لگلبي وحطيتهن وحد ودخلت لغرفة ساره لأن رضا ينام بنفس الغرفه فتحت كنتور رضا اجت ريحته شهگت وضميت هدومه وابجي :

ــ وينك حبيبي وينــك من رحت ضعت ضعت والله وينك ابو وجه الحلو والضحكه الحلوه احترك گلبي بغيابك.

دخل هشيم تحسر وكال:

ــ گومي بويه زينب ما يفيد شي بعد راح للاحسن مني ومنج ومن الكل

هزت راسي واخذت ملابسه كم قطعه واللعابه وملابس كم قطعه من ملابس ساره وطلعنا رجعنا للبيت الملايه رايحه ونسوان قليلات كاعدات دورت بعيوني على ساره باوعتلي فيروز وكالت :

ــ تريدين ساره ، فوك صعدت

هزيت راسي بقبول وصعدت وياي الغراض رحت على غرفتي لكيت ساره بأيدها كانونه باوعتلي وباوعت للاغراض وبجت تنهدت بضيق و رحت يمها كعدت على الجربايه بالطرف مسحت على شعرها تدنت وحطت راسها على رجليه امسح شعرها گالت :

ــ ليش آخر امل يروح ؟

ــ حتى رب العالمين يختبرج

ــ شمعنى بأصعب شي؟

ــ الفقد يقوي الگلب  ويعلم الصبر ويكشف معدن النفس ويقوي الروح ويذكرنا بكلشي  ما دايم يدوم وكلشي بحياتنا عبور وامتحان من رب العالمين حتى نعرف قيمه الناس واللحظات ونتعلم نتمسك بالحياة الحلوه قبل ما تروح

هزت راسها وهمست بغصه:

ــ  حتى ما لحگت اشبع منه لحظات حلوه عافني وراح

بلعت ريگي احاول اتماسك گدامها گلت بصوت خافت متصنعه القوه:

ــ ما عافج ، ساره حبيبتي  أعرف الألم ما يرحم وگلوبنا ماتت وي رضا  والله  ادري صعب الفقد وانا اعرف لأن فاقده هواي  وكلشي بحياتي فقدته اعرف جان حيل قريب من گلبج واحد الان  لكن تذكري إنو هو هسه براحه يم رب العالمين وجنة الفردوس داره ودعائه بيها صايرلج نور وطمأنينه ساره  لا تضعفين فدوه يضعف من يشوف  دموعج  هو صار ملاك يحرسج ويحبج من بعيد وما راح يتركج يوم صيري قويه لخاطري علمودي ما بقالي غيرج

ما ردت سكتت شوي وحسيت نفسها ثگل عرفت نامت شلت راسها من رجليه وحطيته على المخده غطيتها وكعدت اصلي واهدي ثواب لروح رضــا واقراله قرآن مرن ايام الفاتحه ومر اسبوع بيوم چنه گاعدين بالغرفه أنا وساره فجأة صار صوت صياح جوه باوعتلي ساره وكالت :

ــ شكو ؟

رفعت اكتافي بمعنى 'ما اعرف' وگلت:

ــ هسه انزل اشوف

هزت راسها بعدم اهتمام ورجعت تباوع لالعاب رضا بأيدها وتحركهن تنهدت بضيق وگمت نزلت جوه انصدمت من شفت خالي وهديل باوعتلي وكالت بحقد:

ــ هاي اخذت بنتي ولج حقيره شعبالج ما نعرف بتنا وين تروح

ابتسمت باستهزاء وكلت :

ــ اي كملي تمثيل كملي

صاح عليه خالي:

ــ كافي احترمي و گومي صيحي ساره يلا تجي ويانه

تخبلت أصيح:

ــ ما تجي تردون تموتونها مثل رضا ما تروح وياكم ما تروح

صار صياح بين خالي وكنان هم ما قابل وخالي عاند لأن يعرف كنان يحب زينب خاطبها قبل وفاة رضا بأسبوع وما قابل وانا رجليه يرجفن حجه ضرغام وي خالي بهدوء :

ــ زين ابو رضا خلي البت يمنه جم يوم وتعال اخذها ما نكول لا البت بنتك

گمز خالي ينتر:

ــ تردون تمنعوني من بنتي عمي بنتي اريدها ما اقبل تبقى ببيت كله زلم

ابتسمت باستهزاء ، گال عمو حكيم :

ــ بويه البت بنته مايصير هيج خلي البت تروح وي  أهلها شنو نحرمها منهم

بعدني ستوني جاي ارد دخلت ساره بأيدها اللعاب رضا وهدومه ولابسه عبايه وشال باوعتلها بتوسل وگلت:

ــ لا ساره ..

گالت بصوت خافت:

ــ زينب احبج  بس هيج هيج لازم اروح ماگدر على فراگ عطر رضا ليهسه بالغرفه لازم اروح .

هزيت راسي گوه عليه لان هيه تريد ما اكدر اغصبها تبقى رادت تطلع وهديل تباوعلي بأستهزاء ماهتميت تذكرت شغله صحت :

ــ ســـاره !

اندارت ساره تنتظرني اكمل رحت يمها وگلت بهدوء:

ــ عفتيلي غراض من رضا ؟

باوعتلي وسكتت گلت بتوسل ودموعي تنزل :

ــ الله يخليج حتى لو كم قطعه حبابه ماگدر

ـ هزت راسها وانطتني لعبتين وكم قطعه من ملابسه وطلعت اخذتهم وركضت صعدت فوك حضنتهم اشهگ تعبت إلى متى ابقى هيج اسوي روحي قويه وانا ضعيفه فرشت سجادتي وكعدت اصلي واقرأ قرآن إلى أن حسيت ارتاحيت

ـ مرت اسبوعين والأوضاع هادئه ما اطلع من الغرفه البنات يجيبلي اكل واطلع على گد اتوضى وبس وحتى هشيم ما شفته كنان يدخل يحجي وياي ما اجاوبه يعوفني ويطلع

ـ إلى أن بيوم گاعده لابسه الصايه اردد بقصيده چنت احفظها لرضا لأن موتني يريد يحفظها بس ما يگدر وفعلا لحد ما مات ضلت حسره بگلبه ما حفظها اردد بيها :

' يساجيني حزنك

وانصلب شفه اعلى بيبان العطش

يرسملي طولك عالترب بحوافر الخيل نفرش

شلون بحصيره تنجمع ماكو أعلى گد طولك نعش هم لمو من الداستك لو ضاعن بليل اهدعش ...لو ضاعن بليل اهدعش '

اعيد بالمقطع نفسه لحد ما انفتح الباب باوعت لگيته ضُرغام گال :

ــ اعتذر دخلت هيج بس ردت احجي وياج

ــ لا عادي تفضل اكعد ..

گعد گدامي على الكرسي منزل راسه گلت ببرود:

ــ شنو ردت تحجي ؟

ــ شنو؟

ــ أنتَ ردت تحجي وياي بموضوع شنو هو؟

عدل گعدته وباوعلي وگال :

ــ اي صحيح ، بالموضوع الي حجيته وياج وبعدها... توفى رضا الله يرحمه ومالحگت اسمع جوابج اعرف الوقت مو مناسب بس ماكدر اصبر أكثر من هيج شنو جوابج زينب ؟

سكتت لحظات لحد ما تذكرت ما خجلت ولا سويت اي ردة فعل احس ما اهتم بعد وفاة رضا ما اهتميت بشي گلت بهدوء:

ــ الله يرحمه ، اعتذر منك يجوز راح اكسر گلبك بجوابي أو اجرحك بس ما ابادلك نفس الشعور ياريت تتفهمي .

باوعلي بقهر وگال :

ــ ليــش؟ أنتِ حتى متأكد ما فكرتي بالموضوع أصـلا زين فـ...

قاطعته:

ــ ضرغام الله يخليك حسبتك اخ لا اكثر لا تخليني اندم لأن حجيت وياك كم مره اتفهمني ما ابادلك نفس الشعور ما اشوفك غير اخويه وابن عمي غيره لا

هز رأسه وگال:

ــ ما راح اعتبر هذا جوابج الاخير فكري زين اني حابج من كل گلبي صحيتي گلبي الميت من زمان

غمضت عيوني وأخذت نفس احس صبري بلس ينفذ گلت:

ــ لا اخذه جواب نهائي لأن لا هسه ولا بعدين راح ابادلك نفس الشعور ولا تتوقع بيوم أنا هم گلبي مات وي رضا  روح شوفلك وحده من عمرك وگلبها حي على الأقل

گعد گدامي عيونه مدمعه ولزم ايدي وگال :

ــ راضي والله راضي بيج حتى لو گلبج ميت حتى لو ما تبادليني انطيني فرصه بس گولي اي اخطبج وخلي بعد كلشي على كيفج الله يخليج بروح اهلج زينب الحوراء لا توجعين گلبي

نترت ايدي من عنده ودفعته وگمت :

ــ لا تلزمني حرام تخيلت أنتَ ؟

گتلك ماريدك عوفني روح اطلع

ــ اسف والله ما جان قصدي اضوجج بس ردت تفكرين

نترت بي:

ــ اطلع اطلع

هز رأسه بحزن وطلع گعدت على الجربايه نزعت الصايه وفركت وجهي شبي هذا فوك ضيمي شلون هسه ماريد احب ولا انحب كل الي احبهم يموتون ماريد احب احد ماريد

گمت حضنت ملابس رضا ونمت ..

گعدت على ايد تخنگني فتحت عيوني باوعت لگيته ضُرغام يخنگ بيه بأثنين ايدي ويگول بصوت ناصي:

ــ ليش ما تريديني ليش عندج غيري مو !

ادفر جواه أريده يوخر وهو نايم فوگاي ويخنگ بيه عصرت ايده بأظافري رخت أيده شويه مادري منين اجاني الحيل وصرخت بكل علو صوتي:

ــ ساعـــدوني ساعـــدوني

سد حلكي بقوه حسيت اسناني راح تتكسر

يخنگ بيه مره أيده ترخه مره تقوه لحد ما حسيت نفسي راح ينگطع راح اموت همست بلگوه:

ــ يا زينب أدركــيني

سمعت صوت ضربة بالباب فز ضرغام يباوعلي شهگت اريد اتنفس أخذ نفس اندفع الباب دخلوا ثائر وهشيم باوعولي بصدمه وباوعوا لضرغام شهگت اريد النفس ركض هشيم يضرب بضرغام وضرغام ابدا ما دافع عن روحه ساكت وعيونه تباوعلي بخوف صاح ثائر:

ــ هشيم عوفه اختنگت البنيه

ركضلي هشيم يصيح:

ــ اتنفسي اتنفسي ولج بويــه راح تموتين أخذي نفس ولك ثائر راح تروح من ايدي

اريد بس اتنفس ماكو حسيت الدنيا ضاگت بيه غمضت عيوني وصوت صياح يمي اسمعه بس ما اگدر افتح عيني ما حسيت اله احد شايلني يركض بيه بعدها ما حسيت بشي گعدت باوعت بغرفة كنان مغذي وكانونه بأيدي

فز كنان يباوعلي وعيونه حُمر مبينه گال بقهر:

ــ شلون صرتي زنوبه بنيتي الحلوه

همست:

ــ زينـه .

هز رأسه واجه حضني دموعه بللت چتفي

گال بصوت مخنوگ:

ــ اعذريني ماگدرت احميج من هذا الحثاله بس والله موتته ماجنت موجود بس موتته

كأن تذكرت كلشي بس الغريب ما بجيت ولا سويت اي ردة فعل گلت بهدوء:

ــ مو ذنبك أنا ذنبي ما قفلت الغرفه ما جنت اعرف بنص الامان ممكن اموت

هز رأسه بمعنى لا وگال :

ــ لا اسم الله عليج ، ما راح تشوفينه بعد موتته

رفعت راسي باوعتله بخوف وكلت :

ــ شسويت كنان؟

ــ شعليج خلي يموت

ــ الله يخليك احجي شسويتله وينه

ــ بالسجن

شهگت بصدمه وگلت :

ــ ليش شسوه؟

باوعلي وعقد حاجبه بأستغراب وگال:

ــ شبيج بابا زينب ششاربه اليوم ؟ خاف المغذي أثر عليج غير تعرضلج وانا موتته ودخلنا للسجن طلعت بكفاله وهو بقى مثل الچلب

عقدت حاجبي مستغربه وگلت:

ــ ليش صارلي شكد نايمه ؟

ــ يومين

هزيت راسي بعدم اهتمام و سكتت دخلن البنات كلهن باوعت الهم كلهم مبتسمات حضنني طلع كنان والتمن كاعدات يمي كالت فيروز:

ــ شلون صرتي زنوبه ؟

ــ الحمد لله

كالت ميسنه:

ــ زينب خوفتينا عليج كله من وره هذا ضرغام الحقير

كامن يحجن عليه وانا ما اجاوب من شافوني ضجت غيروا الموضوع يضحكوني كالت فداء :

ــ بنات ما شفتن وجه ضرغام خريطه العراق مو هيج

ضحكت وضحكن البنات على ضحكتي بس لاحظت نيـروز ساكته انتبهت اباوعلها غطت وجهه بأيدها تبجي وگالت :

ــ والله اسفه نيابه عن ضرغام لا تكرهيني حبابه صح اني أخته بس والله ما قبلت على تصرفه

ابتسمت بحيره وحضنتها وگلت :

ــ مالج ذنب ما زعلانه منج

رفعت راسها فرحانه وكالت :

ــ صدك يعني ما زعلتي مني ؟

اشرت لا گالت بحماس:

ــ حلفي بالسيده زينب مو تحبيها

ضحكت وكلت :

ــ مايصير احلف على كلشي بس والله ما زعلانه منج

ضحكت فرحانه بقن گاعدات يمي واسمع صوت زلم عقدت حاجبي مستغربه وگلت:

ــ شنو منو هذول؟

كالت ميسنه :

ــ عمامنا والكل حتى يشوفون شيصير بسالفتج أنتِ وضرغام

بلعت ريگي وگلت :

ــ لا تجمعيني وياه

هزت راسها بقبول لحد ما صار صوت صياح حيل قوي اقوى من قبل فجأة دخل كنان باوعلي وكال :

ــ زينب كومي وياي بنيتي

باوعت بخوف وكلت:

ــ وين اروح !

اجه يمي لزم وجهي بأثنين ايديه وكال :

ــ لا تخافين بس تكولين هذا الحيوان شسوه بيج لازم تكولين فهمتي زينب مو وانا يمج شحده الي يجي يمج

هزيت راسي صاح على البنات يجبلي عبايه لبست عبايه ولفيت الشال بصعوبه بسبب الكانونه وگمت لزم ايدي كنان باوعتله ابتسملي يطمني دخلنا للديوان عمامي كلهم وولدهم كلهم دورت بعيوني على هشيم احس بأطمئنان من اشوفه ما اعرف ليش ركزت نظري عليه من شفته ابتسملي بهدوء

گال عمي الجبير :

ــ تعالي بويه احجي شصار

عصرت ايد كنان مسح على ظهري بخفه وهمس :

ــ احجي لا تخافين أنا اخوج وابوج بصفج ما راح يصيرلج شي

حجيت كلشي صار وياي وشلون اول ماگعدت شفته يخنگني ومن دخلوا الولد كلشي صار لحظة صمت وكنان كل شويه يغلط على ضرغام وجهه صار احمر وهشيم حتى شرايين رگبته برزن گال واحد من اولاد عمامي :

ــ زين هسه شنسوي حتى نسترها

صاح كنان:

ــ اختي مستوره غصبا على اليرضى والمايرضى ما سوت شي هيه هذاك النـ*** هو الي تعدى عليها

رد عمي :

ــ بويه طبعا تگول هيج لان اختك بس الناس كلها درت ولازم تنكتل عدنا وانتَ تعرف عاداتنا

لچنك من بينا وعدنا

گال هشيم بهدوء :

ــ البت بتنا مالنا غرض بغيرنا وبالناس ونعرف  عرضنا احنا موش هتليه علمود نكتل عرضنا وهو ما مسوي شي الغلط بضرغام مو بالبت

ــ ايباه هشيم هذا عود أنتَ العاقل

رد هشيم وهو يخزره:

ــ وشنو هسه صرت مخبل ؟

گال رجال جبير يحسم الأمر :

ــ بويه احنه عدنا الي تجي عليها الحچايه الموش زينه نغسل عـار*ها لچن هيه بتنا بس انا قررت قرار غير الكتـل وحسمته

گال كنان :

ــ احچي عمي شنو هو ؟

ــ البت يتزوجها واحد من زلمنا وتنستر ..

يتبــع ...

4400 كلمه♥️🥹....

ـــــــــــــــ

بخصوص التأخير بنات اعرف تأخر جان لازم ينزل البارحه وانا نزلته اليوم بس مو بكيفي مشغوله قابل شعندي حتى ما اكتب بس

نشغلت هواي وماگدرت اكتب

ياريت تقدرون هذا الشي وما تگولون قصير كل ما انزل بارت قصير حيل وقصير حيل رغم اكتب هواي وهذا بارت حيل طويل

بالنسبه لموعد البارت كله بقناة التليگرام حتى الاشباه خاف هنا ما طلعت هناك نزلتها انضموا وهناك هواي اتواجد أكثر من أي برنامج ..

حسابي الانستا

حسابي التيك توك

قناتي التليكرام مهمه جدا

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر 🦅 🪶

بقـلم هِند الطائي

تصويت + تعليقات بين الفقرات

الحـلقه التاسِعه

*بنهاية البارت سبب تأخير البارت

ـــــــــــ

زينب الحوراء

تصنمت بمكاني من سمعت كلام الرجال فجأة گمز كنان يريد يضرب الرجال صار صياح قوي احس صارت وشوشه بأذني ما سمعت غير ثائر صاح بأسمي وبعدها ما حسيت بشي..

گعدت على طبطبه على خدي فتحت عيوني لگيت ثائر وكنان وهشيم والبنات ملتمين عليَّ

گال ثائر :

ــ كعدت الاميره النائمه هجم بيت الباميه شبيج گبل سلمتيها

اجه كنان يمي لزم وجهي عيونه مدمعه بجيت حضني وهو يمسح على راسي ويگول:

ــ روح أخوج أنتِ بنتي واختي وامي إذا يصير بيج شي اموت والله

باسني براسي وبعيونه الخوف ابتسمت كذب اطمنه وگلت:

ــ لا تخاف حبيبي ما بيَّ شي بس تعب

ـ هز رأسه وبقى يمي وجهه اصفر حاير احسه ضام عليه شي والبنات تطمنوا عليَّ كلها اله هُشيم ساكت ما حجه شي وگام طلع شوي وطلعوا البنات والولد انتبهت أنا بغرفتي غمضت عيني وغفيت تعبانه

ـ فتحت عيني شفت خيال رجعت سديت عيوني نعسانه منو هذا دقيقه فتحت عيوني مره ثانيه اتأكد فتحت عيوني بقوه من شفت هشيم گدامي فركت عيوني وفتحتهن اتأكد

ـ اي هو هُشيم ! شيسوي يمي باوعلي وابتسم وگال:

ــ صـح النوم حوريتي

بلعت ريگي وگلت وانا احط الغوطه على راسي :

ــ شتسوي هنا  منو سمحلك تدخل لغرفتي وانا بدون شال مو عيب عليك ما تستحي ؟

ضحك وقرب وگال بخفوت:

ــ امم لا ليش استحي

رجعت ليوره باوعتله عيوني مدمعه هسه هذا شافني بدون شال ناقصني ذنوب باوعتله وگلت بحقد:

ــ أنتَ متقصد تسوي هيج مو ؟

گال بأستغراب :

ــ شنو شسوي؟

ــ تدخل للغرفه بدون ما تدك الباب وتشوفني بلا شال حتى أخذ ذنوب  وادخل للنار وانتَ گاعد تتشمت بيَّ

أنا گلت هيج لو تورطت صار يضحك بقوة لدرجه يگح باوعتله صافنه حلو وضحكته حلوه اصفن شلون يضحك لحد ما سكت وگال :

ــ علويه شتردين هسه؟

رفعتله حاجبي وگلت:

ــ أنتَ شتريد لو ملاحظ هاي غرفتي

باوع بأنحاء الغرفه وهز رأسه وگال :

ــ مو مهم هسه يا حلوه شلون تشوفيني؟

ــ شنو شلون اشوفك غير بعيوني

صفن عليه وضرب گصته متنرفز وگال :

ــ الثول وراثه

ــ احترم نفسك !

ــ كافي يلا احجي شلون تشوفيني يعني حباب حلو اكيد بس شلون تشوفيني

رفعت راسي افكر باوعتله وگلت وانا اعدد بأصابيعي:

ــ منافق ، كذاب ، مغرور،مستفز، وحلو شويه

صفن عليه وگال بقهر :

ــ ليش يعني ليـش

ضحكت على ردة فعله الغريبه وكلت:

ــ هاي بعد قسمتك عمو

ــ هم گالت صخمو

ــ چا شگول ؟

صفن بعيوني وگال بصوت خافت:

ــ چا لا تگولين ..

سكتت متوتره احس وجهي نار تطلع منه شوي وگتله :

ــ يلا عمو روح عيب گاعد بغرفتي هسه شيگولون علينا بالله أنتَ مو مهم أنا شلون عيب يلا

كمت والغطه فوك راسي اريد اروح افتح الباب ما احس اله نجريت من ايدي شهگت واصطدمت بي باوعتله وگلت:

ــ شبيـــك ما تفهم جاي اگلك حــرام حـــرام يا بشر افهم !

ــ افهمي أنتِ

مسحت وجهي بقهر وگلت بحيره :

ــ شفــهم ؟

نظراته تتوزع بعشوائيه على وجهي وتركزن على عيوني وگال :

ــ احبـچ !

صفنت عليَّ لدقائق وصرت اضحك باوعلي مستغرب وگال:

ــ شبيج شخطتي؟

رجعت وجهي طبيعي وگلت :

ــ شوكت حبيتني؟ بس انتوا تحبون بيومين!

ما صارلي يمكم أقل من سنه شوكت حبيتني

مسح وجهه باوعلي وگال :

ــ هه يومين؟ سنين انتظرج

عقدت حاجبي مستغربه وگلت:

ــ شنو سنين ؟ أنتَ شفتني من جنت ابيع يعني حتى أقل من سنه شوكت صارن سنين !

ظهرت على ثغره ابتسامه وخفاها بسرعه جر الغطه الي متغطيه بي حتى لا يلمسني وجرني وياه كعدني على الجربايه وگعد گدامي وگال:

ــ ركزي وياي !

هزيت راسي بقبول بدأ يحجي :

ــ جنت صغير گاعد اشد هدومي لأن ماگدر اخيطهن ما اعرف واستحي من الجهال بگدي يضحكون عليه وكلهم ملابسهم مرتبه وحلوه وجديده اله أنا لان امي جانت ملتهيه بصالونها ومتعاركه وي اهل ابوي وما يدخلونها للبيت ما يقبلون ..

وابويه ميت من أنا صغير رفعت راسي من دخل عمي رافد ووياه مره وطفل بالگماط باوع جدي لعمي رافد بعصبيه وبيبتي شهگت بصدمه وگالت :

ــ مني هاي البت والطفل ولك رافد ؟

صدمهم عمي رافد من گال :

ــ مرتي والطفل بنتي

قاطعته بسؤال:

ــ ليش تگول صدمهم يعني أنتَ مو هم ما جنت تعرف ؟

ــ لا جنت اعرف لأن عمي رافد جان هواي يطلع ومره اعترفلي انو متزوج ومرته حامل وگال إذا ما تحجي ازوجك بنتي الي هيَّ أنتِ وانا جنت مكيف راح اتزوج بنت عمي الاحبه اكيد تطلع حلوه وحبابه مثله .. المهم

من گال عمي رافد هيج جدي عصب وفورا لزم گلبه ووگع وصارت بيّ جلطه والكل هنا كره مرت عمي رافد الي هيه امج وحتى گاموا يسممونها بكلامهم وهيه تضل ساكته بيوم اجه عمي رافد رحت يمه وگتله :

ــ وين زوجتي؟

ضحك وباوعلي باستغراب وكال:

ــ مني زوجتك؟

گتله بسرعه خايف  نسى :

ــ الي گتلي ازوجها الك إذا ما تحجي وينها اريدن اشوفنها

ضحك وگال:

ــ لوتي ما تنسى ، روح بالغرفه تلگاها إذا نايمه لا تگعدها بس شوفها

هزيت راسي فرحان وركضت رحت فتحت الغرفه لكيت مرت عمي رافد گاعده باوعتلي وگالت :

ــ ها حبيبي هشيم شتسوي هنا

گلت وأنا أشر على الكاروك:

ــ اشوف زوجتي

ضحكت وگالت:

ــ  زينب الحوراء قصدك زوجتك؟ يلا ميخالف ما نلگه احسن منك

ابتسمت وگلت بحماس:

ــ اسمها حلو ..

ـ ابتسمت ورحت على الكاروك شفتج نايمه بقيت احرك الكاروك بخفه خاف تگعدين واخاف اكض وجهج لا تفزين لحد ما من وحدج گمتي تبجين ومرت عمي طلعت شلتج من الكاروك حطيتج بحضني اللعبج بوكتها لاول مره اكض جاهل انتِ گمتي تناغين لحد ما نمتي

ـ  اسمع صوت بيبيتي تصيحني لا بين الاهدج ولا بيه الاسكت لحد ما دخلت شافتني حاطج بحضني اجت تركض جانت بحيلها اخذتج من حضني وذبتج على الكاع

ـ حسيت روحي وراحت لاول مره صيحت على بيبيتي :

ــ ليش تذبينهـا جاهــله !

بوقتها باوعتلي بحقد وكالت:

ــ ها يالخبيــث هسه لأن گلبك على هاي الطفله

ـ وجرتني تضرب بيه وأنتِ تصرخين ما همني كل الضرب همي أنتِ فرفحت روحي اريدن اوصلج من تعبت عافتني وراحت وانا اخذتج لگلبي لحد ما سكتي

ـ  بس بيومها ابوج عرف وما قبل وصبح الصبح ما لكيت لا عمي رافد ولا مرته ولا أنتِ ! جان كل همي أنتِ هاهيه اول ما شفتج حسيت بالمسؤوليه عليج

اختفيتي من حياتي لحد ما كبرت وگالوا عمك رافد توفى وبقن بناته ثنين وحده توفت بالحادث وحده عاشت

ـ  روحي راحت لبالي انت بس گالوا بنته الجبيره موجوده اطمئنيت لأن اعرف أنتِ الجبيره دورت عليج وجنت اروح يم ام العبايه الي هيَّ أنتِ واگلها تدعيلي حتى الگاج ما يوم گعدت بدون ما ادور عليج

ـ بس...طلعتي أنتِ نفسج ام العبايه وشائت الأقدار وربج كتب انجمع بيج مره ثانيه .

صافنه عليه ودموعي تنزل يعني أبويه طلع منا حتى يحميني منهم وامي جانت حبابه مو مثل ما هسه يحجون حسيت شي خشن صار على وجهي ايد هُشيم وهو يمسح دموعي بعدت عنه وگلت بتساؤل:

ــ زين ليش جنت دائما تصفن بعيوني !

إذا تحبني بس ما جنت تعرف أنا نفسي زينب

الحوراء

ــ لأن اشوف عيونج نفسهن اتذكر الطفله الي شلتها بين ايدي نفس العيون عبالي صدفه بس طلعتي أنتِ فعلا ..

مسحت دموعي وسكتت حايره گال :

ــ هسه شنو قررتي  إذا تگولين اي اخطبج ونتزوج بعد ما اگدر هواي صبرت اخاف تروحين من ايدي واضيع ضيعتج مره ماريد اضيعج مره ثانيه !

أخذت نفس وگلت بهدوء:

ــ ماريد احب منكم بسببكم جان ما عندي سند لو ما بيبيتي جان هسه أنا يمكم واهلي ما متوفيين وما ابيع وما نذليت ماريـدك ولا اريد حُبك رجائا عوفني واطلع

عيونه نملت دموع گال بغصه:

ــ  أنا تيتمت مرتين مره من امي ومره من ابوي  لا تصيرين ثالثـتهم وأنتِ عايشه!

ــ وشنو تنتضر مني اسوي ها؟

اضحك بوجهك واكلك أنا هم ابادلك نفس الشعور يلا نتزوج ها؟ بكل هل سهوله مستعده اتزوج ثائر ولا اتزوجك

بس گلت هيج تحولت ملامحه وكأن صار وحش دفعني بعصبيه وگال  :

ــ مخبـله أنتِ مخبلـه اگول جاهله وما احسب حساب كلمتها بس تماديتي ثائر شنو دخله بالموضوع ها احجي!

يفتر مثل المجنون ويأشر ويحجي بأنفعال

رفعت حاجبي بأستهزاء وكلت:

ــ وانتَ شعليك اتزوج اتطلك

ابتسم تك خد وگال واثق:

ــ وليش اطلگج ما تطلگين لا تخافين  المهم باجر راح اخطبج من كنان

ضحكت وگلت:

ــ انطيني ثقتك

ــ ميخالف تدللين

ــ استغفر الله أنتَ شنو من بشر؟

ــ كائن فضائي حبيبتي

ــ لا تگلي حبيبتي حرام عيب عليك من وراك راح ادخل النار

ــ يصير حلال عن قريب

ــ روح اطلع روح

ــ هسه الجواب الاخير توافقين لولا؟

ولو مو مهم هيج هيج توافقين

ــ ما اوافق .

ــ توافقين

ــ مااا ما ما اوافق

ــ توافقين

ــ شنو الي يخليك متأكد ؟

ــ لأن بالديوان گلتلهم اخذها أنا

فتحت عيوني بصدمه وگلت:

ــ شنو ياهمه؟

ــ علمود ذاك الخنيث

ــ ضرغام؟

نقر بأصابعه على راسي وگال:

ــ لا تگولين صخام ، اي

ابتعدت عنه خطوات وگلت بعصبيه:

ــ بس انا ما مسويه شي ليش واكيد كنان ما قبل مو؟

ابتسم وگال:

ــ مسويه أو ما مسويه عقولهم بعد وانا طبعا ما راح اخذج غصبا عنج ولا كنان يقبل اصلا ضربني وعاركني گدامهم بس انا گلتها حتى يعرفون رايدج وباجر احجي وي كنان حتى گبل نتزوج

ــ اوكف دقيقه شوي شوي دخت

لزمت راسي عاقده حاجبي وگلت:

ــ سلامتج حبي ليش تدوخين  اصيرلج دكتور

گلبت عيوني بملل وكلت:

ــ المهم ما اريدك يا اخي فك ياخه عني تر ضوجتني

ــ تؤ مو خوش خبر ، سمعيني حوريتي

توافقين احسن الج

ــ مستحيل مستحيل

ضرب أيده قوي وگال بقهر:

ــ ليش مستحيل شنو بيه ما يعجبج ، لو يعجبكم تحرگون بگلبي !

گالها وعيونه دمعن نكسر خاطري گلت بهدوء احاول أفهمه:

ــ باوع هشيم  والله كلشي مابيك وماريد اقهرك والله اصلا تجنن أنتَ كلش حلو

بس هواي اسباب ..

گال بلهفه:

ــ شنو الأسباب كوليهن وما أسويهن

تنهدت بقهر وگلت :

ــ ما تگدر اول شي فرق العمر أنا حيل صغيره كل عمري 14 يعني طفله والله

ثاني شي ما اناسبك بكل الاحوال

وهم يعني أنتَ كبير ماريد اكون طفله واتزوج وماكدر اسمع كلام موزين

تقرب مني نزل عينه بالگاع حك لحيته وگال يريد يقنعني بكل الطرق:

ــ باعي العمر مو مهم انتظرج تكبرين انتظرتج 14 سنه ما انتظرج بعد بس اهم شي حتى لو خطوبه لو بس تلبيس حلقات والزواج شوكت ما تريدين قابل والله والكلام شحده اليحجي اشك حلگه وأنـعل اهله

دنكت راسي حايره وخايفه وماعرف شسوي

گال :

ــ ها شگلتي ؟

عضيت شفتي وگلت بصوت خافت :

ــ ماگدر

گام يشيل روحه ويرگعها بالگاع يحير شيسوي دموعه تنزل ويصيح :

ــ ليــش ليــش بس كليلي تالي انتظاري العشگتها ما تريدني ولج والله انتظرج سنين أنتِ والدنيا عليه جنت اصبر نفسي بيج اگول باجر عگبه الگاها وتصير اليه وارتاح من هل هم طلعتي أنتِ همي الجبير

بلعت ريگي وگلت بهدوء:

ــ راح افكـر

فز وباوعلي واجه بلهفه يريد يحضني أبتعدت:

ــ وخر شبيك حرام ماتفهم

حك حاجبه يباوع بالگاع يحير شيسوي:

ــ هسه شسوي اسف والله ما تنعاد شوكت ترديلي خبر؟

ــ ماعرف

ــ باجر باجر رديلي خبر

باوعتله وهزيت راسي بقبول ضحك بفرح گتله:

ــ بشرط اليوم كله ما تباوعلي لو تحجي وياي والله حرام حس يا بشر

هز رأسه بقبول

ــ يلا اطلع

گبل كام طلع بدون اي كلمه كعدت حايره افكر اوافق لو لا گمت صليت الظهر ونزلت جوه ما لگيت الولد بس البنات كلهم موجودات باوعن باتجاهي ابتسمت وگلت :

ــ صباح الخير

ــ يا صباح ظهر الدنيا مدام

انداريت على مصدر الصوت مره جبيره نوعا ما بس مو كلش گلت بهدوء:

ــ منو أنتِ خاله ؟

ردت عليها تلعلع:

ــ وخلخاله تخلخل حنيورچ منين اجيت خاله

عقدت حاجبي مستغربه وباوعت على ميسنه گالت ميسنه:

ــ على كيفج عيني شمسويه هسه وانا لو منها اصيحلج بيبي مو خاله خاله قليله بحقج

فتحت عيوني على جواب ميسنه وهذيج گامت تدردم جرتني ميسنه كعدت يم البنات وگلت:

ــ منو هاي بنات؟

ردت ميسنه وهيه تعوج بحلگها:

ــ مرت ابوي عساها لحگته

فتحت عيوني بصدمه وگلت:

ــ ليش هشيم عنده مرت اب؟

هزت راسها وگالت:

ــ اي قبل لا يموت جان متزوجها بالسر بمرضه جابها على ابو امكم ما تهتم بيه

بلعت ريگي وگلت:

ــ زين وامج ؟

ابتسمت بأستهزاء وسكتت ما حبيت اضغط عليها سكتت كعدنا أنا والبنات نسولف فجأة تذكرت ساره باوعت على رسيل وگلت:

ــ رسيل فدوه أنتِ ثائر يسمع كلامج كليله يوديني لساره

ــ جان گلتي لهشيم هلفتره عنده اجازه ثائر يدرس

ــ لا ماريد هاهيه عادي.

خزرت فداء رسيل وگالت مبتسمه:

ــ حبيبتي ما قصدها شي بس صُدك ثائر عنده امتحانات خطيه هشيم ماعنده شئ كنان هم ماكدر بدوامه والولد تعرفين

هزيت راسي بقبول وسكتت صبينا الغده وكعدنا نتغده اجه ثائر وهشيم نزل من فوك انتبهتله ما يباوعلي ابدا ولا دار عينه گوه لزمت ضحكتي عود يلتزم بالوعد بلشنا ناكل گالت بيبي :

ــ يمه احاجيكم بسالفه

گال ثائر :

ــ استلموا القنبله التاليه

ــ والغسل شمالك تدردم يمه اريدن ازوجكم

غصيت بالاكل وهشيم ضحك ثائر مات من الضحك رفدان صفن مستحي وباسن سكت لازم ضحكته البنات خجلن كلهن بس ميسنه كالت :

ــ موافقــه

گام ثائر يرفس بالگاع من الضحك وانا عيوني دمعن ردت بيبي عليها :

ــ شمالج مفلفله على الرجل

ضفگت أيدها ميسنه بحماس وكالت وهيه تسوي روحها تسرفن رداناتها:

ــ بيبي چا هذا رجل أنتِ گلتيها بعدين تعالي بيبي أنتِ الي انتجتي الموضوع تضحكينن على عقول المشاهدين؟

گال ثائر:

ــ معليج بيهم أنا زوجيني أنا قابل

ــ اي ازوجك لرنين

فتح عيونه بقوه وگال وهو يأشر على نفسه :

ــ أنا ثائر بعظمتي تزوجيني لهاي ام الوصخ المدبگه؟

فتحت عيوني شلون يوصفها گلت بهدوء:

ــ عيب عليك مايصير تتنمر عليها

أنا گلت هيج وهمه نجطلوا من الضحك حتى بيبي تضحك وتهز اديها مستهزئه عيوني دمعن يستهزأون بيَّ عود گالت فداء وهيه تضحك :

ــ لا ما يتنمر بالفطيره

ــ هاي شيسمونها ؟

ــ ولج هيه صدگ مدبگه تلزك للواحد وما تسبح فـ صايره مدبگه من كل النواحي

دنكت راسي وسكتت حايره حرام اشارك بالنميمه گلت الهم بصوت خافت خايفه من وثائر يفشلني:

ــ حرام مايصير تاخذون غيبة البنيه وهيه ما موجوده محد عليَّ بأحد صح مالي علاقه بي اذا استمع معناها اشارك وياكم

عوج حلگه ثائر وگال:

ــ حجت العلويه هجم بيت الباميه

گالت رهفاء:

ــ چا ذيج المره گاعدين وحجينا على وحده تصرفها مو حلو گضتها علينا سكتوا عيب عليكم حرام عليكم مايصير تحجون هيج لحد ما حجينا وي البنيه برتنا الذمه يلا ارتاحت

ضحكوا البنات والولد ثائر ابتسم والباقي لا گالت بيبي :

ــ هجم بيتج تصرفها مو حلو عساس أنتِ ملاك غير سودتي وجوهنا.

نزلت راسها رهفاء متفشله شوي وكامت ثائر ضاج ورفدان گام ينفخ وهشيم گال :

ــ لحد يحجي وي رهفاء ويعيرها لأن ماكو احد على رأسه ريشه تره دافنيها سويه

حجاها وگام طلعوا الولد وبيبي راحت ترتاح  گمنا لململنا السفره ونظفنا وگعدنا كلنا شوي والبنات گالوا راح يجون عمامي ونسوانهم گالت ميسنه والضوجه مبينه على وجهه:

ــ اهوو هم تجي رونق وجماعتها

عقدت حاجبي مستغربه وگلت:

ــ منو رونق؟

ــ تجي وتعرفينها ، كومي نعدل رواحتنا

ـ گمت صعدت فوك صار وقت صلاة توضيت صليت ورحت غسلت وجهي وايديناتي مره ثانيه وطلعت فستان من زمان ما اللبس اللوان اله قليل كلش من انا وصغيره ما احب الالوان وهم من كبرت عرفت لازم اللبس على اهلي وما انزعه هواي قليل وهسه هم لابسته على رضا ..

ـ عدلت شعري وسويته كبه وحطيت الشال لفيته عدل ما حطيت شي لوجهي ونزلت من سمعت أصوات جوه توجهت الأنظار عليه تحمحمت وگلت بهدوء:

ــ السلام عليكم.

البعض ردوا والبعض ساكتين ..

رحت گعدت بصف فيروز سوتلي مجال يمها ويم البنات بدأوا يسولفون سوالف عاديه لحد ما وحده مبينه شرانيه من وجهه گالت:

ــ اگول أنتِ!

گالتها وهيه تأشر عليه أشرت على نفسي وگلت بتأكيد:

ــ أنا ؟

همست ميسنه عاوجه حلگها تدردم'بده التحقيق'

ــ چا الجني ، گالتها وگامت تضحك عقدت حاجبي منقرفه من اسلوبها من البدايه هيج

ــ المهم شوكت اجيتي هنا كالوا صارلج هواي

هزيت راسي بقبول وگلت:

ــ اي صار كم شهر

ــ اها زين عادي عندج تگعدين يم ولد هيج وكنان عادي حچه وياج ؟

ــ اي حبيبتي اكيد عادي لان شالي ما ينزل مني ولبسي مستور وكلامي قليل وياهم وحسبة اخوتي أما على كنان اكيد عادي حچه وياي لأن اخويه واول تالي نتقبل بعض .

عوجت حلگها ما عاجبها وگالت:

ــ مو كلمن لبست ربطه صارت شريفه وهيه من جوه لجوه

ــ كلمن يشوف الناس بعين طبعه حبيبتي رأيج هذا

ــ عود شنو تبسمريني وتسوين نفسج فهيمه يالزعطوطه

ابتسمت على عقلها وگلت:

ــ شبيج راح تموتين ؟ما گلت شي حبيبتي لا يصيرلج شي ، وضحكت وكملت

ــ اتشاقه وياج عادي

نفس اسلوبها استخدمت لأول مره اتجاسر هلكد بس حتى اسكتهم واعرفهم حدهم باوعت البنات فاتحات حلگهن بصدمه وبيبي ساكته نفس وضعيتهن أشرت شكو گالت رسيل بهمس:

ــ ولا توقعتها هيج بنات لصمتها

ردت نيروز:

ــ مستحيل ابدا عبالي فطيره

ضحكت وگلت :

ــ مو بكلشي ياعيني

ضحكنا گالت وحده من النسوان نفسها الي حجت عليه بالمطبخ:

ــ ضحكونا وياچن شهل استهتار شنو هاي حجيه جايبتنا حتى يضحكن علينا المزعطه

رفعت حاجبها ميسنه وگالت تلعلع:

ــ اخذتنا حاصل فاصل يواشجن تره لحد الآن ساكته إذا اگول لهشيم اخوي يفرچن فى يواشچن

ــ وشنو اخاف منه مره شكبرني

ــ همزين گلتيها شكبرني ولو هو العقل مو بالعمر

ــ شقصدج ما افتهم ؟

ــ فهمتيها بدون مو احجي

ــ حجيه چا ما تحجين !

ردت بيبي:

ــ مالي خلگجن سكتن حدچن

سكتت ما عاجبها وتخزر بينه گمت لأن ما اتحمل ابقى أكثر گالت وحده من البنات مبينه حبابه:

ــ وين حبيبتي بعدنا ما شفناج؟

ــ ااااا مو شسمه..

گالت ميسنه:

ــ اخوها جاي يدك عليها

ــ مو مايصير بشغله؟

ــ لا عادي شدخل قابل وين هو

هزت راسها وسكتت طلعتني ميسنه كلتلها:

ــ وين كنان صدك دك؟

ــ لا يمعوده جذب بس اعرفك ما تعرفين تجذبين دبرتلج حجه

ابتسمت وگرصتها بخدها:

ــ فديت ميسنتي

ــ بالخدمه

دخلت بنيه للمطبخ باوعت هاي البنيه الي عرفتني اسمها آسيا دخلت منزله راسها شربت ماي وراحت انداريت على ميسنه وكلت:

ــ ليش هلگد ساكته لو هاي طبيعتها؟

ــ دومها هيج وحدها مرات حتى ما نحسبها لأن مالها حس

ــ ليش؟اكو سبب لازم !

گالت بتوتر:

ــ لا تدوخين راسج بهيج سوالف امشي نروح نغثهن ونكعد

ــ لا حبابه مالي خلك كلام والله ، الله يحاسبهم

گلبت عيونها بملل وگالت:

ــ اعرف الله يحاسبهم بس حبابه امشي امشي

مشيت وياها وهيه تجرني ما نسمع اله صياح ثائر ركضنا عبالنا شي دخلنا للصاله شفت ثائر فاتح عيونه بصدمه ويباوع على النسوان والبنات لطم على وجهه ولزم ياخته عود يريد يشگها وگال بصوت حزين :

ــ شكـو جايينه شكــو عرس عدنا عرس

گالت بنيه وهيه تضحك:

ــ نشوف بنت عمنا زينب الحوراء

باوعلي بحقد بسرعه اجه وصاح:

ــ امشي خاف اللزمج تصيحين حرام امشي امشي

مشيت كدامه وهو وراي لحد ما وصلني للبنيه وما احس اله اندفعت انداريت شفت ميسنه خزرتها گالت :

ــ معليه والله هذا ثائر لزم ايدي ودفعج حتى لا تكولين حرام

باوعت على ثائر وگتله بصياح :

ــ شبيـــك !

ــ خلي ياخذوج يلا يلا طلعي عمي خلص الاكل على هل نسوان منين نجيب نشتغل  حتى صفيه خانووم تعزم

ــ شنو هسه ماكلين من ثلاجتك

ــ طبعا منو اليصرف عليكم؟ اخواني اخواني من لحمي ودمي هسه المهم شنو تريدون جايين على هاي

،واشر عليه قدمني الهم وگال:

ــ اخذوها ماريدها بس لا تجون

ــ شنو يمه هذا يطردنا بعد ما اجي والله عيب الزعاطيط تالي وكت تطردني؟

ـ طلعن نص النسوان زعلانات وثائر مكيف يطرد وبيبي تكعد بالنسوان لحد المغرب كلها راحت الكل راح يرتاح لأن تعشينا من وقت صعدت بغرفتي اقرأ قرآن وقت فراغي اقرأ قرآن ومناجاة فكرت اصلي استخاره علمود هشيم

ـ وفعلا صليت مرتين وطلع الي خير دعيت ربي يكون اذا الي خير بي ينطقني اوافق وإذا لا بنفس اللحظه انطق 'الرفض'

بقيت لحد صلاة الفجر كاعده

ـ صليت الفجر واندك الباب ماكدر احجي جاي اصلي دقايق خلصت ورجع اندك الباب صحت:

ــ اتفضل

انفتح الباب ونسد باوعت هشيم گلبت عيوني بملل ما اخلص منه اجه گدامي وگال بلهفه:

ــ ها شقررتي؟

ــ ترا گلتلي لباجر

باوع للساعه ورجع باوع عليه وگال:

ــ لو ملاحظه الساعه عبرت الـ12 معناها صار ثاني يوم يلا بسرعه گولي شقررتي

اخذت نفس وگلت:

ــ قررت

ــ شنو حوريتي گولي شقررتي!

ــ لا تگول حوريتي

مسح وجهه متنرفز وگال:

ــماكول بس احجي

ــ ما موافقه..

ذبلن عيونه الي جانن فرحانات ونزلت دمعه من عينه مسحها وگام من يمي راد يطلع ستون فتح الباب صحت بسرعه:

ــ موافقــه اتزوجــك هُشيــم ....

يتبـــع....

3500كلمه🥹♥️...

اعتذر عن التأخير لأسباب..

ـــــــــــــــ

ضروري تقرأون هلكلام ....

بنات الكل يتعب والكل يصير عنده ظروف أنا هلفتره نفسيتي تعبانه كل ما أريد اكتب تطلعي شغله وفوك كل هذا نفسيتي تحت الصفر بس مو لازم كلشي ينحجي..ياريت تقدرون تعبي هسه

والله غصبا عليه جاي اكتب صحتي تعبانه ونفسيتي تعبانه أكثر والتعليقات تعبتني محد جاي يقدر التعب

بس تريدون بارت ينزل؟" للبعض"

ما تعرفون شكد اتعب جربوا تكتبون الف كلمه جره وحده ما تتعبون!

أنا إنسان واتعب ياريت تقدرون تعبي أنا ما همني مشاهدات روايه

ومن كتبتها بدافع الحب والهوايه وهم حتى اوصل لشي احبه مو حتى انقهر واضوج.

كلامي هذا مو حتى تشفقون لا..

لكن حتى تفكرون انو الكاتبات هم يتعبون

موعد البارتات ما اوعدكم بموعد لأن خاف يم اتعب أو حتى ماگدر اكتب لذلك شوكت ما يكمل البارت انزله ماكو موعد محدد .

واعرفوا إذا تأخرت بالتنزيل معناها عندي ظرف .

•••

يوزر حسابي الانستا

hiz_lii0

حسابي التيك توك

موجود بالبارتات الراحت ما جاي يصير أحد صور ماعرف ليش

رابط قناتي التليكرام

h

ttps://

•••

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر 🦅🪶

بقـلم الكاتبه هِند الطائي

تصويت+ تعليقات بين الفقرات

الحـلقه العاشِره

ـــــــ

زينب الحوراء

التفت إلي بصدمه وتوسعت عيونه بفرحه مسح وجهه ما مصدك وركض الي بلهفه وهو يگول بشكل متكرر:

ــ صدك ؟ حوريتي شو باوعيلي شمالج استحيتي ولج ريحي گلبي

دفعته وابتعدت شوي وگلت بهدوء:

ــ اي موافقـه اتزوجـك

حـار شيسوي سجد بالگاع يحمد رب العالمين وگام لزم ايدي يرجف رجيف بحيث ايدي ترجف وي أيده سحبت ايدي وگلت بتوتر:

ــ شبيك هُشيم حرام

ــ اروحلج فدوه لا ماللزمج بعد خلاص باجر نعقد لا هسه اجيب الشيخ يعقدلنا يلا تحضري

گالها وراد يطلع صحت :

ــ هُـشيــــم !

التفتلي بلهفه وگال :

ــ عيونـه حـاله وماله أمري؟

ــ شسمه شبيك مو هسه بعد وكت يعني خلي نگوللهم وهيج شبيك مستعجل

ــ راح اطير من الفرح ولج انا شايف النسوان يگولنها هسه أنا گلتها

ضحكت شكله ضحكني ضحك على ضحكتي وگال:

ــ چا شوكت نعقد؟

ــ بعد اسبوع .يعني الجمعه خليها

فتح عيونه بصدمه وگال:

ــ شنــووو؟ اسبوع شنو لج بابا هو باجر ما اتحمل انوب اسبوع ؟

ماكو عندج أكثر شي لباجر جهزي نفسج ومعليج أنا اگللهم

ـ هزيت راسي بقبول ابتسملي فرحان وطلع

اول مره اشوفه هلگد فرحان گعدت على الجربايه افكر قراري صح لو خطأ ؟ بس هذا القرار اتخذته بدون تفكير

ـ بس فكرت ماعندي أحد لمنو اروح لخالي؟

الي اصلا مادري يستقبلني لولا لو لمنو؟

ـ هنا كل شوي واحد ذابلي كلمه افضل هشيم هو يدافعلي وإذا فترة الخطوبه شفت شي غلط فورا اگله أفسخ الخطوبه

ـ بقيت كاعده لحد ما اندفع باب الغرفه فزيت خايفه وباوعت لكيت البنات كلهن تسطرن

باوعتلهن كلهن متخوصرات كلت ببرائه:

ــ هـا عمري تريدون شي؟

أنا گلت هيج وميسنه ندلعت:

ــ ليش تضمين عليـه هسه ينزل هشيم اخوي ولج اخوي يگللنا حضروا نفسكم باجر أعقد على زينب ليش تحبين اخوي وتضمين عليه أخ گلبي خيانات من كل مكان شسويلج ها هسه شسويلج؟

متت ضحك عليها باوعت على الي بصفها نيروز گالت :

ــ ها الج عين تباوعين وما تحجين فوگاها هيج صارت زوزي؟

انداريت على فيروز كتفت أيدها زعلانه ودارت وجهه و فداء ورهفاء يضحكن فرحانات گلت بضجر:

ــ شبيكم تره قبل كم يوم اعترفلي و قبل ساعات قبلت و هاهيه فدوه اريدكم توگفن وياي شسوي ماعرف

ضحكن كلهن واجن بصفي ميسنه گالت:

ــ خلي نقسم الاشغال

نيروز: اني عليه شغلات العقد والماي ورد وهسوالف

ميسنه: واني عليه الصالون والحجز

رسيل: الشعر على ذوقي

رهفاء وفداء وفيروز:  هم نرتب وياكم اي شي ناقص

گلت بفرح:

ــ كلش شكرا بنات

ابتسمن گالت ميسنه:

ــ تعالي اگول لهشيم نروح للصالون من الصبح باجر

عقدت حاجبي مستغربه وگلت:

ــ ليش؟

ــ علمود يسوون الج غسل وتشحيم يبدلون البطانه من جديد

ضربتها بخفه على كتفها وگلت :

ــ لا ماريد اي شي

گالت رسيل بهدوء :

ــ لا حبيبتي شلون هيج غير أنتِ اول عروسه من بيت عمو رافد ولعزيزنا هُشيم

بعدين لازم تتحضرين خوما ترحين مبهذله وتعقدين هيج مابقى وقت اصلا هسه صارت دنيا عصر

ــ تمام بكيفكم

هزن راسهن ما مقتنعات فجأة صار عياط جوه ركضنا جريت شالي ورحت وي البنات نزلنا شافتني هاي مرت ابو هشيم گالت وهيه رافعه حاجبها:

ــ نزلت المسعده ها ولج كوشتي على هشيم ؟

ما صارلج كم شهر

ــ شبيج خاله؟

ــ وخلخاله تخلخل عظامج يا حيـه  شبسرعه ولج شبسرعه خليتي هيج مستقتل عليج يا ام السحوره

دمعت عيوني نتر بيها هشيم:

ــ وانتِ فد قندره شعليج؟ خلي اسمعج مره ثانيه تغلطين على زينب الحوراء اشيلج اشمرچ للچلاب تنهش بلحمچ الظاهر خرفيتي

كال عمي حكيم:

ــ هشيم عيب ولك ، بعدين امك صدك تحجي ما چذبت ليش تريد زينب الحوراء ومنين تخطب البت إذا هيه ماعندها أهل

نزلت دموعي مختنگه ومسحتها بسرعه ، كلش نهضمت من هل كلمه ' ما عندها أهل '

گال هشيم :

ــ أنا اهلها واخطبها من كنان اخوها

گالت ام هشيم:

ــ اها هسه فهمت تريد تستر عليها لأن لگو ضـرغام نـايم وياها

فتحت عيوني بصدمه راد هشيم يروحلها تخبل شلون يلزمها ورفدان والولد لازمينه وهو يصيح:

ــ ولج بـر*** عبالج كلها مثلج ام الظلم تردين اذكرج لولا خرفتي ها أنا اعلمج كتلتج على أيدي جلدج يحكج

ــ هاي لأن حجيت الحقيقه امداك اثول زعطوطه مشتك

تخبل حاير شلون يلزمها يريد بس يكضها صرخ بوجه رفدان:

ــ ولك عوفني خلي اموتها هل بـر*** هاي

اسمعوني كلكم زينب الحوراء اشرف من الشرف وانا هاويها واخذها اخذها واصلا اجيت ما أخذ رأيكم بس انطيكم علم

گال عمي حكيم :

ــ لا ما تتزوجها اخلي ضرغام يتزوجها يستر عليها حتى الحجي لا يصير على ابني

ـ انصدمت من كمية الحقاره هسه طلعت الوجوه الحقيقيه كل هذا بس لان هشيم يريد يتزوجني مو معقوله وليش هلگد نافرين زواجنا ماعرف هشيم دفع رفدان بقوه وشال الطبله كسرها بالجام ويشيل ويكسر حتى انا خفت من عنده يصيح بكل قوته لدرجه شرايين رگبته برزن:

ــ ولكم وانا صغـــير متعلعلل وهسه تردون تعلعلوني بالزايد ليــش حتى بهااااااي؟

وگفتوا بطريقي وحق اخت العباس إذا ضرغام خطه خطوه بهذا البيت قبل ما نعقد أنا وزينب ذبحه على أيدي وغصبا ما عليكم اخذها اخذها ديلاااا اشوف يا گـ*** و گ*** يطلعلي ويگلي لا

گالها وطلع باوعتلها خزرتني جرتني رسيل وگالت:

ــ تعالي حبيبتي

اخذتني للمطبخ گعدت صافنه احس حتى بجي ماكدر ابجي عيوني مابيهن دمع بعد صافنه بالفراغ رسيل حاولت تخفف عني من شافت ماكو نتيجه سكتت شوي ودخل كنان باوعلي وعقد حاجبه بأستغراب اجه يمي وگال:

ــ شبيها روح أخوها ؟ منو مزعلها؟

بس گالها بجيت وحطيت ايدي على وجهي احس صدك محتاجه هل سؤال شبيج زينب منو وياج ليش زعلانه حضني يمسح على ظهري ويبوس براسي وهو يگول :

ــ شبيج ياروح اخوج منو حاجي وياج بيج شي؟

لازمه قميصه وابجي لدرجه قميصه تبلل احس نهد حيلي صح صغيره بس كل هذا عليه ماكدر ماكدر اتحمل ، بقيت على هل حاله لحد ما حسيت نفسي هديت شويَّ رفعت راسي باوعلي بحيره وعيونه حُمر وگال:

ــ شبيج حبيبتي احجي !

حجيتله كل الي صار حتى من مرت ابو هشيم حجت عليه بس ما حجيتله من هشيم اعترفلي بس من خطبني ، جر كرسي وكعد يمي حط أيده على خدي مسح عليه وگال بحنيه:

ــ أنا اعرفج كلش زين ما تغلطين وما تجي منج العيبه وادري بيج ما تغلطين بسالفه هشيم وانا اعرف هشيم خوش زلمه وصاحب مسؤوليه وانا مجربه بهواي مواقف وهواي شغلات صغيره وجبيره صايره كدامي واعرفه

يبقى القرار الج سواء قبلتي أو ما قبلتي بكيفج وأما هذول الي يتسمون عمام مالج دخل إذا تقبلين غصبا ما عليهم يوافقون وإذا ما تقبلين هم بكيفج فـ هسه أنتِ شقررتي ؟

بدون جذب بصراحه..

مسحت دموعي وگلت بصوت ناصي مستحيه:

ــ لمن حجه وياي هشيم گتله موافقه

حجيتها ورفعت راسي اشوف ملامحه معصب لولا من شفته عاقد حواجبه گبل غير ملامحه وابتسم وگال:

ــ زين ليش وافقتي؟

ــ ها يعني ما اوافق؟

ــ لا حبيبتي بس اريد تكلي الأسباب ليش وافقتي على هشيم

ــ لأن حباب

ضحك وگال :

ــ بس؟

ــ لا هو حباب وما يصيح عليه هم

ــ شحده لسانه اگصه بالمنشار

ضحكت ابتسم على ضحكتي وگال:

ــ ابقي ضحكي لا فد يوم تبجين ما طول أنا يمج بعد ، أنا اخوج وابوج وصديقج وحتى إذا تردين اصير امج واختج بس لا تضوجين گلبي ينحرك من اشوفج ضايجه

ابتسمت براحه وحضنته حسيت فعلا عندي سند گال :

ــ هسه متأكده موافقه؟

رفعت اكتافي وگلت:

ــ بكيفك

تنهد بحيره وگال:

ــ هسه ليش تتزوجين ابقي يمي شبسرعه بعدني ما شبعت منج

ــ هاهيه بكيفك

ضحك وگال:

ــ حبيبة اخوها ، باجر تحضري تعقدون

ـ ابتسمت گرص خدي وراح حسيت فعلا ارتاحيت من حجيتله كلشي توعد لمرت ابو هشيم گمت اكلت وغسلت مواعين العشه وتوضيت صعدت حتى اصلي وصليت وي صلاتي صلاة استخاره حسيت ارتاحيت نوعا ما دعيت إذا هشيم اله خير الي وننسعد سويه يتم زواجنا على خير وإذا لا كلمن بطريقه

ـ گعدت بغرفتي دخلت رهفاء ابتسمتلها ردتلي الابتسامه وگالت:

ــ يلا أنا دزوني على مهمه

ــ شنو ؟

رفعت أيدها صحت:

ــ لا رهفاء الله يخليج

گمزت عليه وما قبلت اله أن نظفت جسمي ومع انو جسمي مابي شعر أنا طالعه على امي وخرت وانا ابجي وامسح بدموعي وهيه تضحك :

ــ روحي عني رهفاء راح اكتلج

ــ بيج حيل بعد

ــ اي ليش عيني ما بيه مكسحه ؟

ضحكت وگالت:

ــ يلا امشي اسبحج

فتحت عيوني بصدمه وگلت:

ــ شنوو؟؟ لا عيني ماعندي ايد لو ماعندي رجل أنا اسبح

ساعه اتوسل بيها يلا قبلت عافتني وراحت دخلت سبحت وطلعت باوعت بالمرايه حطيت مرطب ومشطت شعري تمددت حتى اغفى نمت بدون ماحس نمت گعدت على شي يهز بيه فتحت تك عين لكيتها نيروز گالت:

ــ يلا عروستنا گومي للصالون يلا ساعه بالوحده

فتحت عيوني بصدمه وگلت:

ــ بالوحده الظهر؟؟

ــ اي عيني

انصدمت اول مره اتاخر بالنومه هلكد جرتني ودخلت وياها ميسنه مبدله وتصيح:

ــ امشي يلا للصالون

ــ شبيجن والله بطرانات ماروح

فتحت حلگها ميسنه وگالت:

ــ شنــووو يمه؟ ماتروحين بكيفج هو غير حجزنا البارحه گومي حبيبتي گومي لا اللبسج بايدي

ــ ماعندي شي بس عبايتي

ـ ماحسيت غير لبسني عباتي حتى وجهي غسلته شلون ما جان طلعت أنا وميسنه وفداء وفيروز ونيروز اجن ويانه أما الباقي گالن ميحتاج نسوي بالبيت لكيت باسن ينتظرنا بالسياره گبل صعدنا مافتهمت اي شي

ـ أنا بحياتي ما حاظره خطوبه بس سامعه يجون النسوان من يسمعون الموافقه يجون الزلم يعقدون وهاهيه وصلنا للصالون وطول الطريق ميسنه تصفك وتغني

ـ فرحت صراحه حسيت صدك عندي أهل وصلنا للصالون گال باسن راح انتظركم دخلنا گعدتني ام الصالون گالت:

ــ حبيبتي شنو يعجبج اللوان والمكياج حسب ذوقج

ــ ماعرف والله بكيفج على ذوقج بس خفيف

ــ اصلا أنتِ بدون مكياج تخبلين ما شاء الله

ابتسمتلها ، بدن بالشعر تسريحه كلش حلوه شعري طويل فـ بقنه على طوله ورفعه لگذلتي وكلش طلع حلو والمكياج فعلا خفيف وناعم والبنات هم راحن يسون لمن كملت العصر اجن البنات يصلن على محمد كلش طلعن حلوات گالت ميسنه:

ــ الله يعين هشيم اليوم

ـ ضحكت وضربتها بخفه والبنات هم نيروز مسويه مكياج ترابي خفيف يجنن وشعرها رافعته لأن قصير وفيروز نفس الحاله أما فداء مسويه مكياج كلش خفيف بحيث ما مبين بس نازك وميسنه مكياجها كلش قوي بس لايگلها وشعرها كيرلي رافعته كبه ومنزله خصل يجننون

ـ كملنا كلشي وطلعنا لكينا باسن منتظرنا رجعنا على البيت گبل البنات ودوني على الغرفه حتى لا اسمع كلام يضوجني

ـ كعدت على الجربايه شهگت من تذكرت ماعندي فستان باوعت للبنات وكلت :

ــ ماعندي فستان

هم تفاجئن بحيث حارن شيسون وانا شوي وابجي مدمعه ندك الباب دخلت رهفاء بيدها علاليك وكالت مبتسمه:

ــ عيني هشيم جاب فستان لزينب الحوراء

ـ ابتسمت براحه طلعت الفستان كلش نازك وحلو ابيض وبي من جهه الصدر مثل اللؤلؤ مخصر وطويل كلش حلو وعجبني وياه جايب كعب ابيض والسلك مالته ستن بحيث مثل مال اميرات بقينا نسولف للمغرب وكالوا اجه الشيخ حتى يعقدلنا

ـ توترت كلش وفعلا احتاجيت أبويه أو امي أو حتى ساره الي ماكدر اتواصل وياها

ـ بدلت فستاني والكعب وطلعت للبنات ميسنه تصوفر ورسيل تصلي على محمد باوعت على نفسي فعلا طالعه كلش حلوه والمكياج ضارب وي لون عيوني

ـ  نزلنا جوه مرت ابو هشيم ما موجوده بس بيبي والباقي بيبي عيونها مدمعه ما حجت شي كعدت يم الباب حطوا قطعه ستن بيضه على راسي وكامت رهفاء تركض جايبه غراض

ـ ماء ورد و ورق غار حطتهن يم رجلي وقران على أيدي وانا من زمان ما احب أصبغ أو احط اظافر رغم توسلن البنات بس علمود الصلاة ماحب

بدأ الشيخ يقرأ لحد ما سألني :

ــ زينب الحوراء بنت رافـد هل تقبلين الزواج من هُشيـم ابن مُعتصـم أن قبلتي قولي نعم وانتَ وكيلي؟

ما رديت دموعي تنزل بهدوء احس قراري صح وغلط رجع عاد الكلام مره ثانيه :

ــ زينب الحوراء بنت رافـد هل تقبلين الزواج من هُشيـم ابن مُعتصـم أن قبلتي قولي نعم وانتَ وكيلي؟

هم ما رديت طلع كنان رفعت راسي ودموعي توگع عقد حاجبه بأستغراب وگال:

ــ شبيج حبيبتي ضايجه ؟ إذا ما تريدين هاهيه نلغي كلشي بس گولي

هزيت راسي بمعنى 'لا' وگلت:

ــ اريد اهلي..

گلتها وبجيت أكثر تنهد بضيق وحضني لدرجه حتى الي بالديوان سمعوا بجيي وصار هدوء وانا اشهگ كال الشيخ :

ــ بنتي الله يرحمهم هسه همه مطمئنين بنتهم راح تستقر وتكون عائله إذا كنتي غير مجبوره گولي نعم ..

كرر السؤال:

ــ زينب الحوراء بنت رافـد هل تقبلين الزواج من هُشيـم ابن مُعتصـم أن قبلتي قولي نعم وانتَ وكيلي ؟

اخذت نفس وگلت :

ــ نعم وانتَ وكيلي

سأل السؤال نفسه لهشيم و رد الموافقه والهلاهل ماعرف منين كامت تجي البنات طايرات فرح بس لاحظت اسيا عيونها حمر وما حاطه مكياج ولا شي ويمها رسيل تحجي وياها بقيت كاعده يم النسوان شوي واجت ميسنه گالت :

ــ المحجبه تحط شيلتها على رأسها الزلمه يريد يشوف مرته

فد استحيت كلش استحيت گامن النسوان تغطن ودخل هشيم ما رفعت راسي ابد ايدي ترجف احس تسرعت بعدني صغيره لحد ما حسيته صار يمي وهمس :

ــ حوريتي شو رفعي راسج شمالج وين ما اكضج مدنگه راسج

رفعت راسي وخزرته لزم گلبه وهو يگول :

ــ آخ گلبي شنو هذا الجمال تعالي لج مو وصيت ميسنه ما تحطين مكياج هواي شو هذا شنو ؟

ــ والله حاطه خفيف

ــ ماتحمل گلبي ما يتحمل حوريتي يابعد هشيم وروحه حاله وماله

ـ نزلت راسي بخجل ، طبعا بيومها صارت تلبيس حلقات والعقد مال شيخ والخطوبه وكلشي وهذا طلبي رغم هشيم ابدا ما راد هلكد يستعجل بس انا ماريد هوسه جابوا الحلقات رغم ما شفتهم بس ذوق هشيم كلش نازكات

ـ لبسني اول حلقه وميسنه تصور ورجع لبسني ثاني حلقه والثالثه والرابعه وهمس بأذني:

ــ أنتِ اربعتهن تحرم عليه من بعدج مره

نزلت راسي خجلانه ما متعوده هيج سحبت الحلقه ولبسته وأيدي ترجف لزم ايدي وگال:

ــ شبيج حبيبة گلبي ؟ على كيفج يواشج

بسرعه لبسته الحلقه وباقي الذهب ما قبلت اللبسه لأن اصلا اتحسس لزم ايدي يحرك الحلقه على اصبعي ومبتسم احسه فرحان من كل گلبه گامت ميسنه تهوس:

ــ اخويه خوش اخو يستاهل الهوسه

ضحك هشيم لحد ما النسوان گامن يگولن بوسها وبوسها وانا اكره هاي الفقره ما احبها تقرب باسني بخدي لامسني خشونه شواربه وي ترافة خدي گال بصوت خافت:

ــ شلون ينطيني گلبي ابوسج وانا اخاف عليج حتى من خشونة شاربي وي ترافة خدج حوريتي

ــ اسكت كافي خجلت

ـ ضحك من كل گلبه بصوت عالي فضحنا بقى گاعد وانا شوي واموت من الخجل ما متعوده عليه اصلا وهو طبعا ما بكل سوالفه السرسريه وكل شوي يباوع على الفستان ويتأفأف ويلوم بروحه لأن جاب هيج دلعه

ـ شوي وگام بعد ما توسل بي وگال ارجع وره ما يروحن النسوان بقيت كاعده متكسره لحد ما بدن النسوان يروحن بس بقن شوي دخلت  رسيل وگالت :

ــ بلا زحمه اخوها راح يدخل

وفعلا شوي ودخل كنان دمعن عيوني اباوعله عيونه حمر باوعلي باس راسي وگال:

ــ روح اخوها صارت احلى عروسه ما شبعت منج بعدج صغيره لو ما موافقه مو احسن ؟

سكتت حايره رجع گال:

ــ ها ما موافقه ؟ اللغي كلشي وتفسخون عادي والله بس گولي

ــ بكيفك

ابتسم بحزن وحضني صاح لرسيل تجيبله هديته جابت علب اربعه فتح اول وحده تخم ذهب كلش حلو بس ثگيل والثاني هم تخم بس خفيف والثالث سوار حلو والرابع تراجي

باوعتله وگلت وانا مدمعه:

ــ كلفت على نفسك حبيبي والله ماللبس هواي ذهب اتحسس

باس راسي وگال:

ــ الذهب للذهب زنوبتي الحلوه

ـ بقى شوي كل شوي يحضن بيه ويكلي متأكده موافقه لحد ما گام راحن النسوان ردت اصعد فوك گالن البنات هشيم يريدج رحت لكيته منتظرني

ـ تقدمت بتوتر ضحك وفتح ايده حضني بقيت متشنجه بمكاني ماعرف شسوي گال :

ــ شنو شعورج هسه ؟

ــ ما فرحانه

عقد حاجبه وگال :

ــ ليش سويتلج شي احجي ؟

گلت بغصه:

ــ لا بس لأن احتاجيت اهلي أو حتى ساره البنيه من تتزوج تحتاج اهلها بس انا ماعندي أهل

تحسر بضيق وحضني انتبهت ما يعرف يواسي بالكلام بس يحضن أو يبوس براسي حتى بالفرح ما يعرف يعبر گال جمله وحده :

ــ أوديج لساره باجر بس لا تضوجين تلچمين گلبي

هزيت راسي بقبول فرحانه ابتعدت وكعدت بصفه بقى يسولف وياي شنو يريد يسوي صفن وگال :

ــ وهم راح اجيبلج تلفون باجر نسيت اليوم ذكريني باجر

ــ ما يحتاج

ــ تؤ اريد احجي وياج خاف اروح بالشغل تره باجر اخر يوم اجازه

ـ هزيت راسي بمعنى 'لا' ماهتم واعرفه يجيب گعد يسولف وانا بس اهز راسي أو اشاركه بكم كلمه حتى شالي ما قبلت اذبه وهو ما حجه وياي ارتاحيت لحد ما گتله نعست :

ــ هسه شبسرعه نعستي جنج دجاجه

ــ والله تعبانه

ــ عسى من حيلي على حيلج يابعد حيلي روحي نامي روحي بس اول ما تگعدين تعالي خابريني من تلفون ميسنه اسمع صوتج

ـ ابتسمت وعفته وصعدت لغرفتي صليت صلاة الليل ونمت گبل حتى بالصايه من التعب گعدت بنص الليل عطشانه فتحت الباب اريد انزل حتى اشرب ماي

ـ  سمعت صوت بجي جاي من غرفة هشيم

تقدمت على كيفي عاقده حاجبي مستغربه الباب مفتوح فتحه صغيره تصنمت بمكاني من شفت هشيم حاضن آسيا يمسح على ظهرها وتگله بصوت خافت :

ــ احبــك هُشيم ...

يتبــعع....

2800كلمه ♥️🥹.....

ــــــــــــــــ

بنات اعتذر البارت قصير بس والله عدنا خطار وأطفال وهوسه وعگب باجر خوالي يجون يعني كلش هوسه بالگوه كتبت هلبارت

بس حتى ما اخليكم تنتظروني اعذروني

حسابي الانستا

.

حسابي التيك توك

قناتي التليكرام كلش مهمه انزل كلشي بيها

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر 🦅 🪶

بقـلم الكاتبه هِند الطائي

تصويت+ تعليقات بين الفقرات

* اعذروني على التأخير عندي خُطار هل اسبوع كلش صارت هوسه وما اللحك اكتب هسه يلا كعدت .

الحلقـه الحادِيــه عشـر

ــــــــــــــــ

زينب الحوراء

رجليَّ ما يحملني ارجف بمكاني غمضت عيوني وفتحتـها احس ماگدر ابلع ريگي من الغـصه تشبثت بالجُدران في سبيل ارجع لغُرفتي شافتني رهفاء ركضت الي وهيَّ تگول يفزع:

ــ شبيج زينب شبيج أصيح هشيم تحتاجين نروح للمستشفى؟

رفعت ايدي واشرت 'لا' ماگدر انطُق بكلمه لساني نعگد سندتني ودتني لغُرفتي گعدتني على الجُربايه تريد تفتهم اشرتلها تطلع بـرا

گالت بحزم:

ــ لا مُستحيل اعوفج وحدج زينب شنو مـخبله

خلي أصيح لهُشيم ناخذج للمستشفى يجوز بيج شي

هزيت راسي بمعنى 'لا' واشرتلها تطلع تنهدت بضيق وگالت:

ــ راح اطلع بس شوي وارجع ماتغفى عيني مارتاح اذا ما تصيرين زينه

هزيت راسي بقبول طلعت انتجيت على تاج الجربايه دموعي تنزل

ما حبيت هُشيم بس تعلقت بيّ..

ما حبيت هُشيم بس تعودت عليّـه

ما حبيت هُشيم بس صار الأمان والملجئ مالتي..

ما حبيت هُشيم بس صار أبويه ..

ما حبيت هُشيم بس ما ارتاح وهو مو يمي..

ما حبيت هُشيم بس كل ما اغمض عيني وأتذكر هو يمي انام براحه ..

ما حبيـته بس ردته يبقى يمي!

صغيره وطـفله وماعرف شنو يعني حُب ؟

ماعرف الحب ما اعرفه بس ردته يبقى يمي نكسرت كسرني آه ياروحي شكثر تحملتي جروح وكسرات

استضعفني لأن ماعندي اب !

هو هذا اليتيم؟يضيـع ، رب العالمين گال

﴿ فَأَمَّا الْيَتِيمَ فَلا تَقْهَرْ ﴾..قهرني كسرني حرگ روحي وگلبي سويـه

ـ رحت بهدوء طلعت من بين ملابسي صورت امي وأبويه وانا واختي باوعت على الصوره شكد جنه مرتاحين صح جنت صغيره ما افهم كلشي بس على الاقل بالصوره اضحك من كل گلبي حضنت الصوره على گلبي ودموعي تنزل

ـ ياربي شسوي بعد ؟ الكل ما يريدني الكل نابذني الكل يغدر بيَّ شسوي يارب احتاجك تمسح بلطفك عليّه ..

ـ يا اللهي بحق 'السيده زينب 'ع' ، بقيت على گعدتي إلى أن ندك الباب ونفتح باوعت رهفاء اجت يمي مسحت على أيدي بحنيه وهمست:

ــ شنو الي بگلبج احجي !

همست بضعف:

ــ الي بگلبي نار هادئـه جاي تحرگ روحي على البطيئ

ــ ليش يا عيوني أنتِ ؟

ــ يمكن لأن مالي احد ؟

بلعت ريگها بهدوء وتقربت لمتني بحضنها وگالت:

ــ لأ عندج هواي ناس وراج كنان ساره أنا والبنات والأهم..هُشيم

رفعت ايدي على شفايفها ارجف واگول:

ــ اششش لا تذكرين اسمه گدامي خايـن

فتحت عيونها وگالت :

ــ شنو خاين؟

ــ خاني استضعفني

ــ وين شوكت شفتي احجي زينب لا تخبليني

ــ وي آسيا

فتحت عيونها بصدمه وحطت أيدها على شفايفها وهيَّ تهز راسها ما قابله گالت بسُرعه:

ــ لا يمعوده اصلا آسيا هيَّ تذب روحها على هُشيم ما يريدها صدگيني

ابتسمت بأستهزاء:

ــ امم ما يريدها ويحضنها ؟

شنو يمي يستحرم ويمها لا ؟ كافي تبريرات تعبت

ــ لا مستحيل هسه احجي وياه والله هشيم ما يسويها صدگيني

لزمت أيدها رادت تگوم همست بتوسل:

ــ لأ رهـفه ارجـوج لا تگولين شي

سحبت أيدها وحطت أيديها تمسح على شعري  وگالت:

ــ لا حبيبه ابدا ما أرضى تفهمون بعضكم غلط

متأكده سوء فهم هسه ادك الباب إذا بعده كاعد يجي ماطول محد موجود

حاولت امنعها ما كدرت بقيت كاعده نص ساعه ونفتح الباب دخل هشيم ملهوف ما باوعتله ابدا

گعد كدامي جر ايدي بين ايدينه ومسح عليـها وگال:

ــ شبيج حبيبتي رهفاء كالت مالها خلك

هزيت راسي بمعنى ماكو شي عقد حاجبه ما مقتنع:

ــ بيج شي ليش ما تحجين ؟ شو باوعيلي

رفعت عيوني ذبلانه اباوعله بعيوني عتاب

بلع ريگه وگال بصوت خافت:

ــ ليش تباوعيلي هيج؟

ــ اسأل نفسك .

ــ سويتلج شي ضوجج؟

ــ هُشيم

ــ حـاله وماله؟

ــ باجر اريد نفسخ العقد گدام الكُل

بمجرد ما نطقت هل كلمات توسعن عيونه بصدمه ايدينه رجفت بلع ريگه وهمس:

ــ ليش؟

ــ تعرف أنتَ اكيد

مسح وجهه يصبر نفسه:

ــ احجي زينب لا تموتيني ليش احجي ها احجي

بللت شفتي دمعتي نزلت همست:

ــ يمي تستحرم ويم غيري حرام ؟

من تعاين عليَّ اشوف بعيونك  خجل ومن تعاين على غيري اشوف بيهـن غير شي

مسح على شعري حضن وجهي بكفوف ايده يحاول يفهم :

ــ شبيج حوريتي بس حاجيني الشي الي مضوجج شنو؟

ــ أنتَ

ــ ليش؟ بشنو مضوجج والله ما اسوي بعد وعد هاهيه وعد زلم

ــ  اكول بشنو مضوجني؟

ــ اي گولي

ــ بـخيانتك

عقد حاجبه بأستغراب وگال:

ــ يا خيانه؟ شبيج حلمانه

ابتسمت بقهر وگلت:

ــ آسيا من تحضنها وتگلك احبك هشيم مو خيانه؟

فتح عيونه بصدمه بلع ريگه بتوتر وگال :

ــ سمعيني حوريتي افهمي مني بعدين احجي فاهمه غلط

يفرك ايدي بقوه كل تحركاته كل تصرفاته جانت وكأن يأكد انو هو خايف ينكشف من شي..

ابتسمت بحزن وگلت :

ــ تعبتني وبعدني بعز شبابي ومراهقتي عوفني بحالي هشيم أنا ما احبك مجرد متعلقه بيك وخلاص .

هز رأسه بمعنى 'لا' وگال:

ــ شبيج بابه مخبله اعوفج بعد ما صرتي ملكي اشش كافي سكتي سكتي

دفعت أيده وگمت من مكاني نترت بيّ:

ــ أنتَ الي مخبل مستحيل ابقى وي خاين مثلك عوفني لا والله افضحك من باجر تفسخ الخطوبه لا اگول لكنان يتصرف فهمت لولا !

گام بسرعه لزمني من فكي بقوه يدفعني وهو يگول بعصبيه:

ــ منو المخبل؟ تخوفيني بكنان عشره مثله ما يخوفوني وعلى جثتي اطلگج مستحيل اتسجلتي بأسمي فهمتي لولا وباجر نعقد محكمه هم

ضحكت متخبله بروده خبلني ولا عبالك هو الجان قبل شوي يخوني وي هاي الحيه دفعته وصحت:

ــ لك بابه أنتَ خاين تعرف شنو يعني خاين؟

بعيوني شفتك حاضنها وهيه تكلك احبك شنتظر بعد تخلف منها؟

زفر نفس بقلة صبر وگال:

ــ لج اجت طلبت مني شغله تخصها وكامت تبجي وحضنتني هيه أنا ردت أبعدها بعدين شنو اخلف منها حالها حال ميسنه والبنات ومن كالتلي احبك يعني وشنو ببالج اخذتها بالاحضان وانا هم كلتلها احبج وثاني يوم نتزوج أنتِ ببالج فلم هندي تتابعين افلام هنديه؟

باوعتله خزرته  ونترت:

ــ معليه يعني معليه باجر تفسخه

ــ منوه افسخه ؟

ــ الصخام العقد

تقرب مني جرني من خصري وگال بهمس:

ــ شجلبتي بالعقد عوفي العقد وباوعيلي شمالج امنيتي تباوعين عليه فد يوم

رفعت نظري بس مشتته ما اركز عيوني عليه استحي ماكدر تقرب عليَّ باسني بخدي كزبر جلدي گال بصوت خافت:

ــ لا تحرگين گلبي وتشكين بيَّ حوريتي اموت والله مستحيل احب بعدج ولا قبلج حبيت گضيت عمري انتظرج

ــ چا ليش تحضن بآسيا

ــ يا طلابة اسيا ما حاضنها عمي هيه حضنتني بيمن احلف حتى حرام احلف على الحضن شسالفه

ــ والله ثم والله اذا شفتك بعد يمها لو گرباها ما تلوم اله نفسك

باوعلي مبتسم گال بحماس:

ــ تغارين عليه مو؟

ــ شنو اغار على منو هاي شبيك والله بطران

ــ ولج منو بطران ؟

ابتعدت منه وگلت بهدوء:

ــ عوفني هشيم يلا اطلع عيب شنو بهل وقت كاعد بغرفتي

ــ مرتي وبكيفي

ــ شكد اكره هاي الكلمه

ــ ليش؟

ــ كل ما يسألون واحد ليش تضرب مرتك؟

مرتي وبكيفي ، ليش تصيح على مرتك مرتي وبكيفي ليش تسوي فلان شي مرتي وبكيفي

مو حلو هيج شي وإذا مرتك قابل عبده عندك ؟

تقرب جرني لحضنه باس راسي شم شعري بقوه وگال:

ــ ابوس مرتي المثقفه

ــ شبيك لزگت بيَّ !

گعدني على الجربايه مد رجليه وحط راسه وگال:

ــ اللعبي بشعري خلي انام بحضنج

ــ شبيك تخبلت عيب هيج تسوي والله خايني فوگاها تنام على رجلي

ــ الله يخليج زينب بس هلمره على الأقل

ـ تحسرت بحيره ومديت ايدي بتردد اللعب بشعره وهو مغمض عيونه ملامحه ترمز حاليا للراحه انتبهت على شكله حاجبه حاد

عيونه صغار بس مو كلش رموشه طويلات

شواربه ثخينات عكس لحيته الخفيفه شعره مو كلش طويل محدده بطريقه جميله حتى وهو نايم ملامحه ترمز للحـده !

ـ نمت وانا صافنه بملامحه وافكر بساره..

كعدت لكيته ما موجود غسلت وجهي وطلعت لكيت بوجهي آسيا باوعتلي نظراتها ما تتفسر

عجزت افهم هلبنيه حقوده حبابه ما تفهم

تقربت الها بهدوء وگلت :

ــ شتسوين هنا اعتقد ماعندج غرفه فوك؟

رفعت حاجبها ماعاجبها:

ــ وأنتِ شعليج أن شاء الله ؟

ــ باعي حبيبتي اول شي هنا غرفتي وما أمن يجوز تدخلين عليه تحضنيني وتكليلي احبج زينب وتتبجبجين وتطلبين مساعده ليش لا فـ اخاف على روحي

أنا گلت هيج لو هيه وجهه نگلب اصفر ضلت تبلعم تقربت نقرت على كتفها وكلت:

ــ أنا مو راعية مشاكل ولا يمهن بس من توصل الهشيم هنا تختلف حبيبه تمـام

ـ تعمدت اضبط على اخر كلمه ماردت اسوي هيج بس نحرك گلبي رغم هشيم فعلا ما يهمني بس خطيبي ومن حقي نزلت جوه كنان ما موجود لاحظت البارحه من خلصت الخطوبه لحد الآن هو ماكو سئلت البنات ما يعرفون وين راح وهشيم والولد بالشغل ثائر يدرس كعدت اكل وي البنات ونسولف

ـ لحد ما دخلت مرت ابو هشيم گلبت عيوني بملل هاي شجابها مالي خلك احد اجت عليَّ تلعلع:

ــ ها يالسحاره بعدج بگد النعـ... وتسوين سحوره

عقدت حاجبي مستغربه وگلت بهدوء:

ــ شبيج خاله ؟

ــ هم گالت خاله خلخاله يا ادبسز استوليتي على هشيم حتى يسجلهن بأسمج

ــ شنو هنَّ؟

ــ ما تعرف سوت نفسها فقيره من امداج وامده امج الي تتشرد وتصاحب اكيد بتها نفسها

دمعت عيوني كلشي ولا طاريّ اهلي بالموزين:

ــ ما اسمحـلج تحجين على أمي ، أُمي اشرف من الشرف

اجت عليَّ تريد تضربني بقيت ثابته بمكاني رغم أنا جبانه بالعركات بس ماعرف منين اجتني الجرأه وبقيت واگفه بمكاني البنات صارن گدامنا عكس آسيا الي وگفت تتفرج بدون حركه ، گالت رسيل:

ــ خاله شبيج عوفيها ترا مو مال تحطين عقلج مره جبيره بعقلها !

اندارت على رسيل وجرتها من دشداشتها من الطرف أنا اخذتها حجه وجريتها من طرف دشداشتها شو هاي گبل وگعت بالگاع تصرخ باوعت على البنات هم مستغربات اله ميسنه گامت تصيح:

ــ يبــو لحگونا مرت ابوي وگعت راح تموت لحكــوني

بهل أثناء دخل عمي حكيم وثائر ركض شالها وهيَّ تصيح وهو يگول:

ــ ثگيله عمي عينوني هاي يشيلوها عشره وياي ولكم طالب سادس اريد ارتاح

راحله عمي حكيم شالوها وودوها للمستشفى واحنه گعدنا صراحه خفت لا يصير بيها شي وابتلي خابرنا ثائر فتحت فداء سبيكر وهو يصيح:

ــ ولچن شمصخمات وهاي زينب العگربه تسوي نفسها مسيچينه اثاري كاسره المره

شهگت وگلت:

ــ صدك مكسوره؟

ــ اي ولج كفووو عبالي أنتِ فطيره طلعتي لا والله لا بأس بيج

ــ عفيه ثائر شلونها هسه؟ خاف بيبي تدري

ــ عرج ما يطگها لا تخافين  وبيبيتج ببيت عمج وحتى لو گالت تعرفها مو خوش، يلا راح اروح حتى شوي واجي فارغلها أنا طالب سادس عمي

سد الخط بوجهنه باوعت بوجه البنات وگلت والدمعه بعيني:

ــ والله عيب كسرتها

ضحكن البنات وكالت ميسنه:

ــ لا يمعوده اصلا اصفگلج احييج صارلنا كم سنه وياها وما رضيناها رض واحد على الأقل أنتِ اليوم كسرتي رجلها بلكي تتوب عنچ

سكتت حايره ، دخل هُشيم اجه من الدوام سلمن البنات عليه وباوعلي همست بتوتر:

ــ الله يساعدك

ــ ويساعدج حبيبتي

دنگت راسي وهو راح يسبح ويبدل حميت الغده ووصيت ميسنه تصبله وفتت للمطبخ شو هذا شوي وصاحني باوعت لرسيل وگلت :

ــ شسوي يمه خاف دره ضربت أمه

أنا گلت هيج ورسيل ماتت ضحك :

ــ ولج هو يكرها يا ام؟ ترا مرت ابو هيَّ

ــ ليش يكرهها؟ بمقام امه ميخالف

تغاضت انو تجاوبني گمت بسرعه دخلت لكيت هشيم وميسنه اشر هشيم لميسنه تطلع وانا اباوعلها بتوسل عافتني وطلعت الخاينه گعدت گدامه مصفصفه گال :

ــ شمسويه ست زينب ؟

ــ شمسويه؟

ــ اها يعني ما تعرفين شمسويه؟

ــ احم لا

ــ كاسره رجل هاي الحيه؟

بجيت وگلت:

ــ ترا والله هيه العالت بيَّ كامت تغلط عليه وعلى امي وما اسمح لأحد يغلط على اهلي وخاصه امي حتى لو متوفيه وشنو يعني تقبل احد يغلط على امك؟

صفن بالفراغ وهمس:

ــ اي

صفنت عليّـه متعجبه شنو اي :

ــ شنو اي شبيك امك هاي امك اذا انتَ تقبل أنا ما اقبل

فز من صفنته وگال :

ــ عليش تبجين هاهيه تولي بس انا علمودج حتى لا تصيرلج مشاكل

هزيت راسي ما قابله شنو هاي اگله تقبلها على امك يكلي اي هو هذا حجي ؟ گمت ردت اروح سحبني من ايدي وگال :

ــ وين رايحه ؟

ــ لغرفتي اصلي

ــ علميني

ــ شنو اعلمك؟

ــ على الصلاة ..

فتحت عيوني بصدمه عبالي يصلي ومؤمن:

ــ ليش انتَ مو اشوفك تصلي بعد شكو؟

تحمحم وگال بخجل متردد :

ــ اي صح بس أگطع بيها اريد تسولفيلي حتى ما اگطعها اريد اللتزم

ــ هاهيه بس اصلي واجيك نسولف

فتح تلفونه وغلقه وگال :

ــ بعده ما مأذن گعدي سولفيلي

سوالي مكان بصفه وگعدت اسولفله وهو يباوعلي مركز بكل حرف :

ــ  الصلاة  مو بس ركعات تنقضي الصلاة هي راحتك وهي طمأنينتك وهي باب رزقك وستر روحك الصلاة هي الي تعلملك شلون تحچي ويا الله وتفتحله گلبك بدون حدود  عكس من تحجي وي شخص تحير شلون تفضفض أما الصلاة رب العالمين يعرف الي بداخلك بدون حتى ما تحجي ..

الصلاة هي تحصنك من الهّم والضيق ومن كل شي يحاول يكسرك الصلاة هي النور الي يضوي دربك وسط هالعتمه  الي نعيش بيها الصلاة هي الامل الي يرد الروح من جديد هي السند الي ما يخونك ولا يتركك الصلاة هي باب الجنه المفتوح الك ..

وانت بعدك بهالدنيا الصلاة اذا ضاعت منك ضاع وياها كلشي وضاع وياها گلبك وضاع وياها رضاك عن نفسك لا تخلي يومك يمر وانت ما صليت لا تخلي ضميرك يتعود على الغفله ولا تخلي الشيطان يقنعك بالتساهل الصلاة مو ثقيله الصلاة هي الحبل الي يربطك بربك والي يخلي روحك مرتاحه مهما الدنيا ضجت بيك ومهما فقدت ناس او اشياء الصلاة هي عهد بينك وبين رب العالمين اذا وفيت بيه يفتحلك ابواب ما كنت تتخيلها واذا تركتها راح تحس روحك تايه وضايع لو كل الناس بعدوك عنك الصلاة تقربك من الله اكثر وتخلي عينك ما تنكسر وگلبك ما يضعف ..

الصلاة هيَّ لقاء خاص بين العبد والرب رب العالمين سبحانه وتعالى گال :‏

﴿إِنَّ الصَّلاةَ كَانَت عَلَى

المُؤْمِنينَ كِتابًامَوقوتًا﴾

قاطعني:

ــ شنو يعني؟

ــ يعني  إنو الصلاة مو شي على كيفك ولا وقتها مفتوح مثل ما تريد رب العالمين فرضها عليك بوقتها وقال ﴿إِنَّ الصَّلاةَ كَانَتْ عَلَى الْمُؤْمِنِينَ كِتَابًا مَوْقُوتًا﴾ يعني هي موعد مقدس بينك وبين الله سبحانه وتعالى ..

لا يليق تأجله ولا يليق تنساه كل ما تسمع الأذان لا تفكر بيها كنداء عادي اعتبرها دعوه خاصة من الله إلك  إذا رحت الها بوقتها راح تلگه راحتك ونورك وقوة گلبك وإذا ضيعتها رح تحس إنك ضيعت أهم شي بيومك لا تخلي الشيطان يلهيك ولا تخلي كسل الدنيا يحرمك من هاللقاء لأن الصلاة هي عهدك وي ربك وهي سلاحك بوجه التعب، فـ گول لنفسك دوم: مثل ما ما أگدر أترك النفس إللي أتنفسه ما أگدر أگطع صلاتي لأن هي سبب نجاتي.

كملت كلامي وباوعتله لگيته صافن مبتسم گال :

ــ شكد محظوظ بيج

زفرت نفس احاول اطول خلگي أنا وين وهو وين :

ــ يلا گوم توضى وصلي

هز رأسه بقبول وگال:

ــ احسن شي بالحياة انو صرتي مرتي قبل جنت كلشي ما اعرف صح اغض البصر عن البنات بس عادي الي تجي تحجي وياي تحجي بس ما احب ولا بعمري حاب غيرج من شفتج وأنتِ كبرانه صرت حتى استحي انطق حرف وي اي بنيه

حطيت ايدي على أيده وگلت :

ــ مو مهم الي قبلي هسه أنا وياك سويه تصلحني وأصلحك تدليني على الطريق الصح وادليك على الطريق الصح

باسني براسي واخذ نفس بقوه من شعري وابتعد وهو يگول :

ــ الله يحفظج الي يا حاله وماله لهُشيم

ابتسمت وگلت :

ــ ويحفظك عيوني

رفع رأسه وكأن مصدوم لان اول مره اتشجع واحجي هيج گال بلهفه:

ــ اروحلهن فدوه

ابتسمت بخجل عافني وطلع صعدت فوك توضيت وصليت دعيت ربي يحفظنا من كل مكروه ونزلت جوه اساعد البنات وكنان هم ما موجود رغم الولد كلهم هنا لكيتهم كاعدين اشرلي هشيم اكعد يمه كعدت يمه گال ثائر :

ــ ها ام المصايب اجت ولج شمسويه بالمره كاسره رجلها راحت لبيت اخوها تكول مارجع وهيه هنا

نزلت راسي متفشله گال هشيم:

ــ وشنو يعني هيه متجاوزه على أمها زينب ما عالت بيها

بقوا يحجون وعرفت بيبي ترجع باجر من بيت عمو ابو باسن تقربت من هشيم وهمست:

ــ وين كنان؟

ــ بالشـغل بويه

ــ ليش كلكم اجيتوا وهو لا ؟

باوعلي وصفن گال:

ــ محتاجه شي؟

ــ اي ردت اسأله عن ساره مشتاقتلها حيل

ــ يجي وسألي حبيبتي

هزيت راسي بقبول گلبي حاسني اكو شي بقينا كاعدين لحد ما صار العشه كمت اساعد البنات حطينا العشه گال رفدان:

ــ وين كنان ؟

خزره هشيم وتحمحم و رد:

ــ بالشغل اليوم عنده شغل زايد وبقى يتأخر

گلت وأنا گلبي ناغزني:

ــ ما مرتاحه فدوه خابره احس  اكو شي

باوعلي بحيره وگال:

ــ حبي ما يصير بالدوام إذا اخابره ينشغل وما يرجع من وقت خلي على راحته

هزيت راسي بقبول رغم ما مرتاحه شوي وكملنا شلنا العشه رحت صليت دعيت ربي يكون بخير شوي وسمعت صوت جوه نزلت وهنا الصـدمه ! كنان وياه ساره وهيَّ عيونها حمر مورمه وتبجي والولد يصيحون لمن انتبهتلي ساره شهگت ركضت حضنتها لگلبي گال كنان :

ــ روحي زينب بنيتي اخذيها لغرفتها

هزيت راسي بقبول ردت اخذها استوقفني باسن وهو يگول:

ــ وعمامك؟ وبيبيتك ونسوان عمامك ادري تجيبلنا مشاكل ياخويه سوي خير تلگه شر تره!

ــ معليكم لحد يتدخل أنا احلها ، يلا زينب اخذيها

هزيت راسي واخذتها بلگوه تمشي وصلنا لغرفتي دخلت حطيتها على الجربايه ردت اگوم لزمت ايدي وهمست:

ــ نوميني بحضنج مثل ما جنت اتمرض قبل الله يخليج

نزلت دمعتي بقهر عليها :

ــ تدللين

حطيت راسها على رجلي واقرأ آيات سرعان ما نامت ما سألتها ولا شي مو قصة قلة فضول لا بس اعرف حالتها ما تسمح تجاوبني نامت عفتها ونزلت  بقت لليل يلا گعدت فازه من نومها تصيح ركضت فوك عليها حضنتها تبجي وابجي وياها حرت شسوي ماعرف تصيح :

ــ تعبتوني عوفــني عوفني لا لا تتقرب رضــا ..

لزمت وجهه بكفوف ايدي احاول اهدئها :

ــ اشش ساره هاي أنا زينب الحوراء أنا باوعيلي

باوعتلي وسكتت دموعها تنزل حطيت راسها على صدري امسح على شعرها گلت :

ــ شبيج ياعيوني شحلاتج قبل هسه شبيج؟

ــ بعدين احجي عوفيني

ــ  براحتج حبيبتي

صـار صوت صياح جوه باوعتلي ساره مدمعه ستوني ردت احجي وگعت بين أيدي ما تشيل ايد ولا رجل ...

ـــــــــــــ

ســاره

بعد ما رحتي وتوفى رضا بدأ الضـرب ماعرف منين يجي بكل وقت انضرب ماكو سبب بس هيج اجت هديل الي ما تتسمى ام باوعتلي بحقد وگالت :

ــ  انضربت من وراج حيـوانه تسوين نفسج حزينه على اخوج بطليهن

ما جاوبتها...

اجت عليه لزمتني من شعري عتتني عت وتضرب بيَّ دخل ابويـه وگال :

ــ شمسويه هل گ*** هم ؟

گالتله بحقد :

ــ نشوف شمسويه مصاحبه هذا وماخذها للمستشفى بعد شمسويه تشدلك گرون؟

ـ اجه عليه كمل ضرب وياها ما عافوني اله أن دمي صار بطولي جريت تلفوني الي جابلياه كنان صورت كلشي تحسبا للمستقبل وبقيت بمكاني ما تحركت ما بيه حيل دك عليَّ كنان ما رفعت التلفون بس يشوفني هيج يجي وتصير مشكله دك هواي كلت خلي اجاوبه

اول ما فتحت الخط اجاني صوته يصيح:

ــ وينج ليش ما تجاوبيني حركت سيارتي راح اجيج

جاوبت بالگوه اتماسك ما يطلع صوتي التعبان:

ــ لا ، لا تجي اني زينه

سكت شويَّ وگال :

ــ شبي صوتج ساره؟ احجي ضربوج مو هسه اصبريلي جاي اله اخلي طشارهم ماله والي

ــ لأ كنان محد ضربني بس انا من وفاة رضا تعبانه محد يمي

عاط بيه :

ــ لا تجذبين لا تجذبين ساره اعرفج من صوتج صار سنين وياج اعرفج أكثر من نفسج جايج أنا اوديج يم زينب مو مشتاقتلها أنتِ ؟

نزلت دموعي مختنگه همست:

ــ اي حيل ، بس من ترجع اسولف وياها هسه لا تجي ماريد تصيرلي مشاكل حباب كنان

زفر نفس حاير وگال:

ــ اخر مره تجذبين لأن والله اذا سمعت بيهم مسوين شي وانا اعرف ضاربينج لا تجذبين عليـه والله ما اهتم اهلج بكبرهم

ــ الله كريم .

حجينه شوي وسديت الخط دخلت هديل تصيح :

ــ گومي عيني گومي نظفي ست الحسن هذيج راحت البـ**** هسه أنتِ بمكانها

ــ لا تغلطين على زينب شمسويتلج مو جانت تشتغل وتجيبلج لو غلطانه اني؟

ــ اها صرتي تدافعيلها اذكرج من تاخذين مصروفها كله حتى تصرفينه على نفسج

ــ ماضي وراح وما يهمني غير هسه راح رضا واعرف أنتِ جنتي سبب بموته واقرب فرصه اشتكي عليج

نزعت كعبها صرخت من اجه بزندي وطرفه أذتني حيل :

ــ هاي حتى ما تسوين نفسج شريفه بعد ، إني اعلمج تستقوين على امج خوش والله

ـ سكتت عنها مابيه حيل بعد وكمت انظف البيت أبويه ماكو بكل مكان اتذكر رضا انظف وابجي بالگوه صبرت نفسي وكملت تنظيف سويت الغده و رحت للغرفه لكيت كنان دازلي رساله 'شلون صرتي حبيبتي؟'

كتبتله'الحمد لله بخير ' ما شافها تركت التلفون

ـ نظفت غرفتي طلعت ملابس رضا أتصدق بيهن قسم والقسم الثاني يمي احتفظ بيهن سمعت صوت ضحك هديل ولا عبالك ابنها ميت قبل كم شهر تحسرت ما عرف شنو من طينه هل مره

ـ لحد ما سمعت صوت رجال يمها !

تقربت من الباب اسمع صوت ضحكاتهم القذره وهيَّ تگول :

ــ شبيك حبيبي مو هسه يجي هذاك بعد

ــ وبتج؟

ــ شعلينا بيها تولي

ــ لا تروح تگول لابوها يمعوده مو مال مشاكل مرتي تهجم البيت على راسي

ــ وهسه أنتَ خايف من بتي اكلك ما تدخل عوفنا منهم هسه

بدأ كلامهم يزيد قذاره حطيت ايدي على شفايفي حتى ما اطلع صوت شهگاتي صح ما احب ابويـه بس هم حرام ؟ ليش تجيب للبيت وصلت لهل مرحله من القذاره عصرت ملابس رضا الي بأيدي توفى وما شاف هل قذاره فجأة نفتح الباب شهگت ورجعت ليوره من شفت الرجال ابتسم وگال:

ــ مو گتلج بتج بتج ما تسمعين هاج استلمي جانت تتسنط علينا عاجبها الموضوع

خزرته بقرف ونترت:

ــ حقير والله اله اشتكي عليكم بسيطه جان استحيت على نفسك متزوج وتدخل بيت وحده متزوجه خاين فاسد

لزمني من معصم ايدي يجر بيه وانا ادفر اريد اوخر واصيحلها:

ــ يمه الله يخليج گليله يوخر يمه فدوه اروحلج والله ما اگول لابويه بس يوخر من يمي

تباوعلي بأستهزاء وتگول:

ــ مو گتلج لا تدخلين بيه يلا اكليها يجوز تعجبج

وغمزت نهاية كلامها ما تحملت تفلت عليها اجت عليه مصدومه من تصرفي ضربتني على خاصرتي بقوه وگالت:

ــ شتريد تسوي بيها سوي محد يسمع وأبوها ما يرجع اليوم عنده شغل

ابتسم وسحلني للغرفه وانا ارافس بس البُنيه مال اي ذكر اقوى من بُنية البنيه ما كدرت اقاوم دفعني وكعت بالكاع وگال:

ــ امم تردين تشتكين عليه مو؟

ــ لا والله ماريد هاهيه ماريد بس عوفني اطلع الله يخليك عوفني

ــ شسمج؟

همست بخوف:

ــ ساره

تقرب مني ونزل نفسه يرفع بشعري من وجهي وگال بصوته المقرف:

ــ حلو اسمج يا حلوه خلينا نستمتع شويه ليش سادتها بوجهنا

كالها وراد يكمل قذارته وياي لحد ما صرخت:

ــ الله يخليك احسبني بنتك بداعت جهالك عوفني

ـ دفعني وگام بسرعه سحب هدومه وطلع شهگت بقوه ما مصدگه عافني لملمت نفسي بهدومي المشگگه من كل كتر وطلعت من الغرفه فورا رحت سبحت اجلف نفسي بكل قوه وابجي واشهگ ليش قسمتي هيج ياربي ليش تعبت حيل عينني يا اله الكون كملت وطلعت بدلت وكعدت بالغرفه

ـ ارجف من البـرد رغم الغرفه عاديه الجو مالتها بس ماعرف ليش ارجف

نمت حلمت بـزينب الحوراء ورضا زينب الحوراء گاعده بعبايتها مال راس وتمسح على كتفي ورضا يبجي من بعيد وزينب الحوراء تردد ' السيده زينب توگفلنا ' ورضا توقف عن البجي من گالت هل كلمه ابتسم

ـ واختفى فزيت من حلمي ابجي ليش جان يبجي ليش لزمت تلفوني الساعه بالخمسه الصبح كمت مسحت دموعي نزلت جوه لكيت ابويه نايم على القنفه والبُطل يمه عقجت وجهي بقرف

ـ شوكت اخلص من هل حاله ؟ اله بحال واحد اشرد واخلص منهم اي ماكدر اخلص بغير طريقه صعدت ليفوك كعدت افكر تعبت من التفكير مرت ايام وصارت الايام اسابيع وزينب ماكو ما سئلت عليَّ لحد ما بيوم رحت اشتري

ـ وأنا راجعه بالطريق دخلت للبيت وگعت علاگة الحلويات من ايدي وانا اشوف امي فوگاها واحد ! وگدام عيني وامي بدون ملابس باوعتلي مصدومه والي وياها يضحك

ـ وكعت على ركبي ماتحملني رجليَّ ليش جاي يصير بيه هيج امي تخون أبويه ببيتنا وكدام عيني ! صعبه والله صعبه غطت نفسها بقطع ملابس واجت عليه دفعتني على الغرفه وسدت الباب ركضت اضرب الباب واصيح:

ــ افتحي الباب افتحي حيوانه خاينه حقيره ليش ولج ليش تخونينه فوك الضيم هو صح حقير مثلج بس ليشش هيج تسوين ليش قذرين

صاح هذاك القذر الي يمها:

ــ سكتيها لو اذبحها

ــ اسكت لك قـذر

اجه يدفع الباب صرت وراه خوفا يدخل عليه وينعاد ذاك الموقف وهي يمه تحجي وياه:

ــ عيني عوفها لا توجع راسك وياها

صرخت بأعلى صوتي:

ــ لج الج عين ؟ وتحجين عليه بس اطلع اشتكي عليكم قذارتكم وين وصلت حيوانات بسيطه اني اعلمكم

اندفع الباب وگعت بالگاع اباوعله اتقدم نحوي وجرني من عباتي :

ــ منو حـيوان گ... اني لج هيه امج بـ.... انتِ شنو

نترت أيده وصحت:

ــ ماكو غيرك بـ... انجب وصخ وين تروح من ربك يا زاني

أنا گلت هيج لو عيونه نگلبت صار وحش ثائر تخبل صار يصيح ويريد يلزمني:

ــ لج سـاقـ.... منو وصخ هسه اعلمج الوصخ شيسوي

هجم عليَّ جردني من عباتي واني مچلبه بيها بكل قوتي واصرخ وهديل تصيح صرخ عليها:

ــ لو تعوفيني استمتع وياها لو ما تشوفين وجهي

عبالي تدافعلي انصدمت ونضربت كف بحياتي من گالت بكل هدوء خايفه تخسره:

ــ لا عيني كلشي ولا فراگك هاهيه الك

باوعتلها دموعي تنزل امي تبيعني للغريب؟

ــ ليش يمه ليش انقذيني منه حبابه

ـ ما سمعت لتوسلاتي الها طلعت وسدت الباب ركضت على الزاويه وهو ضحك نزع ملابسه وتقرب يجردني من كل ملابسي حاولت اقــاوم بس هو اقوى مني واني روحي خاويه فعلا جردني من ملابسي وهجم عليَّ مثل الحيوان يتشبـع بغريزته اصـرخ بأعلى صوتي

لعل وعسى امي يحن گلبها مثل الأمهات وتتلوع عليَّ بس للاسف امي مختلفه عن الامهات رفعت راسي للسماء بعد ما جردني من طفولتي ومُراهقتي وشبابي وسلب مني حياتي اكمل قذارته وهو يهمس بكلمات قذره دموعي تنزل بدون صوت همست بجمله وحده

' حسبي الله ونعم الوكيل '

هيَّ لحظـه وحسيت الدنيا نسدت بعيوني احتاجيت زينب الحوراء احتاجيت رضا احتاجيتهم دخلت امي عليه وگالت :

ــ مو گتلج لا تعاندين هاي تالي العناد تحملي نتائج اغلاطج

لا رد ...

رجعت كملت كلامها:

ــ هسه ارتاحيت حتى لا تعيريني بعد صرتي نفسي لا تخافين هاي لان اول مره بعدين راح تعجبج السالفه واصلا أنتِ مبينه من صاحبتي هذاك انصدمت بعدج محد ..

قاطعتها وهمست بكلمتين:

ــ طـلعي بـرا

هزت ايدها وطلعت كلماتها سهام وخناجر دگن بروحي قبل گلبي امي تتشمت بيَّ ! هه گمت من مكاني رحت لغرفتي باوعت تلفوني يدك كنان فتحت الخط ونمت على المخده دموعي تنزل اول ما فتحت الخط گال :

ــ ها سـارونتي شلونـج يامُناي ؟

لا رد ..

ــ وياي سـروري ؟

لا رد...

ــ جاوبيني منو فتح الخط ؟

ــ كنان

ــ عيـونه وروحه سـروري!

ــ احبك حيــل وبعمري ما راح احب غيرك .

ضحك وگال:

ــ منج من الشيطان الكلمه گوه اسحبها بس تدللين أنا هم اموت على الگاع التمشين عليها روح كنان أنتِ وزينب

ــ تحبني؟

ــ أحبچ حب لو ينحچي تنحرگ بيه الگلوب.

ــ إذا متت هم تحزن عليَّ؟

استغفر وگال بقهر:

ــ شنو داعي هلحجي؟ ديربالج تجيبين طاري الموت بعد شبيج !

نزلت دموعي وگلت مختنگه:

ــ  هاي آخر مره راح تسمع صوتـي آخر كلام  الك 'گلبي وروحي الك ملتقانا بالجنه '...

يتـــبع...

4400 كلمه🥹♥️...

ابدا مو قصير يستاهل انتظار .

ــــــــــــــــ

عمري عندي حفل توقيع يوم9/16

يعني باجر يشرفني حضوركم

دعوه عامه حفل توقيع كتابي المشترك

' في مدار الحـروف'

جناح B4 دار آراء للنشر والتوزيع

الساعه الخامسه مساءًا

يُشرفني حضوركم

متابعه على حساباتي انشر كلشي بيهن خاصه قناة التليكرام

حسابي الانستا

حسابي التيك توك

قناتي التليكرام

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا اللهم.

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر

بقـلم هِند الطائي

الحلقـه الثالثه عشر

* أعتذر عن التأخير ولكن الظروف أصبحت اقوى ..

ـــــــــــ

زينب الحوراء

وگفت بمكاني متصنمه منو إلي عاقد عليها رجعت بسرعه للغرفه الي بيها ساره اباوعلها نايمه دموعي تتسابق يمكن صح ما حبيته بس تعلقت بي صارت روحي بي أماني الوحيد هو

بقيت كاعده بمكاني لحد ما ندك الباب ودخل كنان مسحت دموعي تقربلي مبتسم حضني يمسح على راسي وگال:

ــ شلونها الحلوه ؟

همست احاول اتماسك:

ــ الحمد لله..

ابتسم وهز رأسه بقبول وراح باوع على ساره غطاها عدل نومتها طلعت أنا رحت للمطبخ اريد أرتب الاغراض جابوهن لكيت هشيم باوعلي كرصني من خشمي بخفه ابتعدت عنه  شوي عقد حاجبه بس غلس بديت أرتب الأغراض وهو وياي يريد يساعدني وانا اتجاهله ماحسيت اله جارني لحضنه باوعتل مغتاضه منه عيوني مدمعه گال :

ــ شبيها حوريتي ؟

نزلت راسي رفعه وقرب وجهه من وجهي دغدغني بأنفه نزلت راسي ونزلت دموعي رفع راسي مستغرب وهو يگول:

ــ شبيج حبيبتي منو مضوجج؟

ــ عوفني

ــ تؤ متوهمه أنا اعوفج؟

احجيلي شبيج شو بالله ياهو محاجيج ؟

رفعت عيوني تلاگت عيوني وي عيونه همست بغصه:

ــ اريد نتطلك هُشيم

گلب عيونه بملل وگال:

ــ هرموناتج زادن حبيبتي

ــ ما جاي اشاقه وياك هشيم !

قربني اله أكثر غمضت عيوني اصبر روحي همست:

ــ كافي

ــ اشش ،تعالي راح تخبليني

جرني لوحده من الغرف فارغات حاوط وجهي بأيده شمر شالي فتح شعري نثره بأيده قرب خصله أخذ نفس عبالك الهوه وجاي يستنشقه رجفت بين ايده همس بأذني:

ــ ريحـتج حلوه چنها فرولايه

ــ لا تقشمرني بهذا الكلام

ــ امم حوريتي تتقشمر؟ لا عيوني هيه تقشمرني مو أنا اقشمرها

ــ صح وهسه عوفني ابو النسوان

ضحك من كل گلبه جرني باس خدي بوسه ام الصوت ابتعدت عاقجه ملامحي وانتر:

ــ شبيك شبيك

ــ مو أنا أبو النسوان خلي اراويج ابو النسوان شنو شغله ، بعدين منين جبتيها ابو النسوان؟

ــ تخوني؟ هسه حتى لو ما تحبني عادي بس ما دام وياك تحترمني مادام على ذمتك تحترم البنيه الي عاقد عليها .

رفع خصله من وجهي حطها وره أذني بأصبعه يمسح على رموشي يمرر أيده على خدي وحواجبي نزعجت حسيت يريد يضيع السالفه لزمت ايده بين أيدي وباوعتله وگلت:

ــ هشيم!

ــ عيونه حاله وماله

ــ أنتَ ضام عليه شي؟ گول عادي والله اتفاهم وياك طبيعي

حسيته توتر بعد عيونه عني يضيع عيونه من عيوني تجرئت ولزمت وجهه ثبتته وحطيت عيوني بعيونه وگلت:

ــ احجي هنا احسن من ما اطلع وإذا عرفت ضام عليه شي تنسى زينب الحوراء طول حياتك

گلتها وعفت أيده وطلعت من الغرفه لگيت كنان باوعلي وگال:

ــ زينب أنتِ الافضل ترجعين لأن گعدتج هنا وهيج و

قاطعته بهدوء:

ــ لأ كنان ساره أختي مستحيل اعوفها بهيج شّده ووضع صعب

ابتسم ومسح على راسي :

ــ روح أخوها وعمره

ــ حبيبي فدوه لعيونك

دخلت لساره شفتها كاعده رفعت راسها شافتني رحت كعدت يمها كرصت خدها وگلت:

ــ شلونها الحلوه؟

ــ الحمد لله ، راح تبقين يمي مو؟

ــ اكيد إذا ما اختج توكف وياج منو يوكف وياج لو منتظره أحد غيري ها؟

كلتها وگمزت ادغدغها كامت تضحك ارتاحيت من شفتها تضحك شوي ونامت نمت بصفها بدون ما احس غفيت من التعب حسيت على كنان يغطيني تلفلفت وكملت نومتي ما كعدت اله ثاني يوم على صلاة الفجر كمت طلعت توضيت اريد ارجع اصلي صار بوجهي هشيم باوعلي ورفع أيده وكال:

ــ الحمد لله يارب أصبح على هيج وجه أمنية حياتي جانت الحمد لله

فرحت بس مابينت ثگلت وجهي وردت اروح سحبني من ايدي وگال:

ــ زعلانه الحوريه علينا يايمه بنيتي زعلانه وانا ساكت؟

سكتت اباوعله شو هذا ما احس اله گعد بالگاع يدك وينحب عبالك ملايه ويُلطم ويصيح:

ــ ولكم بنيتي الحبوبه زعلانه طاح حظك كنان

كله بسببك يابويه يا حوريتي

زلغت خدودي وانا اتلفت خاف ساره لو كنان يكعدون :

ــ كوم هشيم كوم خزيتنا

ــ ماكوم ولچ مزاعلتني واسكت يايمه يابويه

ــ كافيي گوم

ــ بشرط

ــ شنو ؟

ــ تصالحيني

ــ اله تگلي الحقيقه يلا

لطم على وجهه وصاح :

ــ ولج يا حقيقه ؟

ــ ترا سمعتكم أنتَ وكنان من تحجون !

سكت گام يباوعلي اجه يمي لزم ايدي وكال:

ــ شنحجي؟ شسمعتي!

ــ اي وعاقد على بنيه أنتَ

ــ منين جبتي هلحجي؟

ــ گلي صح لو خطأ؟ صحيح أنتَ عاقد على بنيه حتى إذا صحيح اعرف شتصرف وإذا تجذب عليه والله ما اشوفك وجهي

بس گلت هيج بلع ريگه وهمس:

ــ صح أنا عاقد على بنيه قبل لا اعقد عليج

نزلت دمعتي بقهر وهضيمه همست بغصه:

ــ منو اعرفها؟

توقفت حواسي من نطق هلكلمات:

ــ آسيا بنت عمي ...

ــــــــــــــــــــــ

سـاره

ما چنت اعرف هاي اخر مره تلمع عيوني بفرح يمكن اخر مره ..بعد الصار وياي حسيت نفسي ثگيله لا أحد يريدني ولا شي هسه شنو حياتي؟

ـ رضا عيون الحياة بالنسبه هو الي كان يخليني اشوف الحياة حلوه وراح..بسبب إهمال امي اهملته إلى أن تمرض بالمرض الخبيث وما نعرف بي لحد ما وكع ليش صغير بعده مو مال گبور ، فقدت كلشي رضا وحياتي وياه

ـ صحاني من التفكير دخولي للشقه الي جابنه الها كنان سندني من جهه وزينب الحوراء من جهه حطاني على الكرسي وركض يجيب منا ويودي منا فرشلي فراش ورتب المكان واجه صاح زينب الحوراء سندتني وحطوني على الفراش

ـ راحت زينب ماعرف وين يمكن وي ابن عمها ..اقصد خطيبها لحد الآن ما مستوعبه زينب الحوراء انخطبت كلشي مر بسرعه

حياتنا تغيرت بلحظات كعد كنان يمي باس راسي وگال:

ــ محتاجه شي بعد ؟

همست:

ــ لا اشكرك تعبتك وياي

عقد حاجبه بأستغراب وگال:

ــ ما بيناتنا هلسوالف ، صرتي مرتي يابويه اسعد انسان على وجه الارض أنا

ابتسمت وگلت بحزن:

ــ بس اهلك ما تقبلوني !

ــ مو مهم

ــ شلون مو مهم ماريد تسوي شي من دون رضه اهلك مايصير ما نتوفق بحياتنا

لزم ايدي باسها قشعر جسمي گال بفخر:

ــ ابوس مرتي الواعيه

ضحكت على ربطه للموضوع وكلت:

ــ ماله علاقه بالوعي عيوني أنتَ بس رضه اهلك اهم من رضاي

ماجاوبني ، دخلت زينب سولفنا شوي وطلعت عافتنا براحتنا حط راسي على صدره ساند كتفي بأيده يمسح على شعري وكل شوي يتحسر حسيته ضام بگلبه قهر مال سنين كلت:

ــ ليش هلگد ضايج ؟

ــ لا عمري ليش ضوجتج ؟

ــ لا ابد

ــ خاف ضوجتج بالغلط اعتذر حبيبتي أنتِ

ابتسمت وگلت:

ــ لا حبيبي بس حسيتك ضايج اليوم

ــ اي والله شغلات شاغله بالي سوالف عمل ، راح. ارجع للدوام صارلي هواي ماخذ اجازه

ــ براحتك

ابتسم وباس راسي وحضني قوي احس عبالك راح اطير منه غفيت بحضنه مأمنه..

گعدت لگيته ما موجود ردت اكوم دخت رجعت كعدت بمكاني اللعب بألعاب رضا لحد ما دخل كنان بأيده صينيه حطها گدامي انواع الاكل خبط ، دجاج وتمن ابيض وسمج وروبه وسلطه وطرشي وخبز وصمون باوعتله فاتحه حلگي:

ــ شنو هاي؟

ــ اكل الج حبيبتي

أشرت بصدمه وگلت:

ــ هذا كله اني اكله؟

ــ اشبع بطونچ بعد بطني وجهالي

ــ منيلك جهال

ــ أنتِ كل جهالي ونساويني بس سكتي واكلي لا شنو اكلي تعاي اوكلج بأيدي

ضحكت وصدك گام يسويلي لفات بأيده ويوكلني بحيث لعبت نفسي اتوسل بي مايقبل اله اكمل الاكل اخر شي عطت:

ــ شبعت والله شبعت ونبي شبعت كنان عمري حبيبي حياتي شبعت عيوني والله

باوعلي وصغر عيونه بعدم تصديق وگال:

ــ صدك لو تجذبين عليه ، خاف بعدج جوعانه اجيبلج بعد؟

ــ لا والله شبعت اكل أنتَ

بدأ ياكل اكل كم لگمه وگام شال الصينيه وغسل واجه بأيده طاسه وبالقاعده صابونه جديده ما مفتوحه حطها گدامي باوعتله وگلت:

ــ شنو هاي ؟

ــ تغسلين عمري تعالي اغسلج

ــ بس أنتَ وكلتني ما توصخت ايدي

ــ ميخالف حبيبتي ، يلا مدي ايدج حتى الصابونه جديده خاف تلعب نفسج ادري بيج

باوعتله دمعت على حنيته حمدت ربي أخذ ايدي يغسلها بعنايه جلفها جلف بالصابونه زلغني تزلغ وغسل وجهي هم وأخذ المنشفه نشف ايدي بعدين جاب كلينس نشف وجهي

عنده صبر وتحمل فضيع اتذكر مره سألته:

ــ شلون متحملني؟

ــ إذا ما اتحملج اتحمل منو يابعد عيوني

رجعني للواقع من بأس ايدي وگال:

ــ الحمد لله

گام شال كلشي نظف المكان دخلت زينب تباوعله وتضحك گالت:

ــ شنو هاي عيني عيني دلال ماتدلل اختك هيج

باوعلها صفح وگال:

ــ هاي سارونتي

گالتله بزعل:

ــ وانا شنو؟

جرها لحضنه يبوس بيها وهيه تضحك شوي وطلع بقيت أنا وزينب نسولف ضحكتني ونمنا سويه من التعب ....

يتبــعع...

1500 كلمه🥹♥️...

ـــــــــــــــــــــــ

* أعتذر عمري هذا الي گدرت عليه لأن ظروفي ما تسمح صارلي فتره احاول اكتب وما اگدر كل كم يوم راح انزل بارت هيج طوله حتى ما اتأخر واختمها وهم انتوا ما تنتظرون .

حسابي الانستا

حسابي التيك توك

قناتي التليكرام مهمه جدا

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر 🦅 🪶

بقـلم هِند الطائي

تصويت+تعليقات بين الفقرات لُطفا

الحلقـه الرابِعه عشَر

ـــــــــــــــــــــــــــــــــــــــــــ

زينب الحوراء

بلعت ريگي ونزلت راسي اخفي دموعي الي تنزل بحرگه وألم وقهر وكسره بس خفيت كل هذني ونطقت :

ــ تمام هُشيم تمام .

عفته بسرعه وطلعت رحت للصاله شفت كنان نايم رحت تقربت يمه اكعده اندسه بأصبعي ماكدر اصيحه بس احجي ابجي باوعلي وهو مفتح عين وگال:

ــ ها زينب ؟

ــ اريد ارجع كنان

ــ اي حبيبتي جان گلتي لهشيم يوصلج

ــ ماريد هو يرجعني اريد انتَ؟

ــ ليش روح اخوها ، هُشيم وين؟

ــ ماعرف .

بهل أثناء طلع هشيم من المطبخ باوعلنا وباوعلي توقع كلت لكنان بس نصدم وتحولت ملامحه للصدمه من كال كنان:

ــ مو هذا هشيم هو يوصلج

گال هشيم:

ــ وين اوصلها؟

ــ للبيت شبيك يمعود

باوعلي هشيم يريد يحجي ومتردد،انتبه النا كنان وگال مستغرب:

ــ شبيكم يمعودين شنو تستحون من بعضكم

تحمحم هشيم وگال:

ــ يلا ميخالف امشي

بلعت ريگي بللت شفايفي وگلت :

ــ كنان ماريد ارجع وي هشيم كلتلك !

عقد حاجبه بأستغراب وگال:

ــ مو مشكله اوصلج أنا خويه بس شنو السالفه اكو شي متعاركين؟

ــ لا قررنا ننفصل

فتح عيونه هشيم وكنان نفس ردة الفعل گال كنان:

ــ ليش احجيلي حبيبتي ضربج ؟ أكسر أيده والله صيح عليج؟ اكص لسانه

باوعت بعيون كنان وگلت مهضومه:

ــ متزوج عليه اقوى من الكل .

گلتها وغمضت عيوني الي يحرگوني ، فرك وجهه ونظرلي اعرف هو يعرف بالموضوع من سمعتهم گال:

ــ سمعتينا ؟

هزيت راسي بقبول ، اشرلي يمه وگال:

ــ تعالي گعدي

ــ اريد اروح

ــ بس گعدي افهمج وشتريدين يجرالج خويه حبيبتي

تأفأفت ورحت گعدت يمه على اعصابي باوع لهشيم وگال اله:

ــ اطلع برا

باوعله هشيم عقد حاجبه:

ــ شنو؟

ــ اطلع برا افهمها.

هز رأسه بحيره وطلع مأيس ، باوعت لكنان تقرب مني حط رأسي على صدره حاضني ما صدكت أحد يطبطب عليه بجيت اشهگ بحضنه تعبت وين ما اروح تنسد بوجهي اختبارك صعب ياربي صعب مسح على شعري باسني براسي لحد ما سكتت يلا بدأ يحجي:

نرجع ليوم الحدث:

ــ قبل سنه ونص نايم بليل ما اسمع اله صوت صياح بنيه حيل قوي ما ركزت بصوتها گبل طفرت اشوف شكو اباوع الصوت من غرفة هشيم بسرعه رحت دفرت البيت ودخلت الگه بنت عمي آسيا وهشيم نايم بصفها وهيه تصيح ولابسه لبس نوم رحت بسرعه دفعت هشيم وشمرت الغطه على آسيا وآسيا تصيح:

ــ يريد يـسويلي شي وخره وخره عني وخره

اباوع على هشيم مصدوم هذا بحياته ما لاعب ببنات العالم اباوعله مبين سكران گمت وجريته ضربته بوكسي وبنت عمي آسيا بس تصيح انداريت عليها :

ــ تردين تنفضحين بنت الحلو سكتي

باوعت من الباب طلعت اريد اسده صار بوجهي ضرغام منعس گوه فاتح عيونه عقد حاجبه بأستغراب وگال:

ــ شنو الصوت هذا؟

ــ لا يخوي نتشاقه أنا وهشيم

هز ايده وگال:

ــ عالم نايمه ما تستحون

سكتت ماكدر ارادده بس ارادد يدخل عود يرزل هشيم ونروح بيها عافني وراح سديت الباب قفلته باوعت بالكاع تجاه آسيا وكلت:

ــ خويه تستري وحاجيني شنو السالفه هذا سكران .

نطق هشيم بصوت متقطع :

ــ لا هيه اجتني عليمن تحاجيك حاسبه روحها امي تغطيني وتحضن

ــ اسكت لك خلي نفتهم منها .

هز ايده ووكع بالكاع شلته حطيتخ على جربايه باوعت باتجاه آسيا وكلت:

ــ احجيلي يبت عمي شنو السالفه؟

بدت تحجي :

ــ جنت نايمه كعدت غطيت البنات ومريت من غرفة هشيم كلت اشوفه موجود لولا لأن ردت احاجي بسالفه يحلها الي شفته نايم تقربت غطيته شو جرني عليه و..صار الي صار

ــ شصار؟

كال هشيم:

ــ شصار كلشي ما صار جذابه

صحت بي:

ــ اسكت يمعود فوك شينك گوات عينك

رجعت حاجيتها:

ــ شعندج بغرفته بليل جان تحاجينه الصبح والمن تغطينه ؟ امه اخته ابن عمج صحيح وبحسبة اخوج بس الغلط منج ومنه المن داخله بليل ومغطيته شني مايعرف يتغطه؟

ــ مو كلت خطيه مكشف يمرض

ــ طبه حريشي شلج غرض بي

ــ هسه شراح تسوي فدوه عمامي واهلي إذا يعرفون يذبحوني

ــ شنو سوالج شي؟

ــ اي .

انداريت باوعت لهشيم نايم بسابع نومه بسبب السم فهمت البنيه انو ما راح اعوف السالفه

ــ وفعلا اختصرلج انو ثاني يوم من صحصح هشيم حجالي والغلط منها وجايته وهيج وهو يكول ما سويت شي الها وهيه تكول لا سوالي اتفقنا يخطبها وخطبها بدون حفله ولا عرس عقد عليها كدام الأهل بحجة انو يحبها بس مايكدر يسوي حفله بحكم شغله واجيتي أنتِ من عرفنه بي يريدج شرط انو محد يحجي وإذا احد يحجي يطلك آسيا وهنا الطلاك عدنا عيبه لذلك سكتوا مع انو أنا ما سكتت وتعاركت وياه بس لو ما اعرفه ما اقبل والله خويه اعرفه لمصلحتج وداعت ابوي

نرجع لزينب الحوراء :

باس راسي كنان وگال:

ــ ها وهسه فهمتي؟

خيتي أنا وياج بكلشي تقررينه تردين تنفصلين من هشيم يجرالج تبقين يجرالج

گلت وانا اشهگ:

ــ ليش ما حجيتلي من البدايه جان ما قبلت ليش هيج خليتني اله يعقد عليه يلا حجيت؟

جنت ضد انو بنيه تكون زوجه ثانيه على ضره وتهجم بيت طلعت أنا هسه هاجمه بيتها بنظرها

ــ لا خويه كولي يا الله اعتذر الغلط مني اعتذر وداعتج شتردين يجرالج

ــ يطلگني .

ــ يجرالج خويه

ــ وهسه اريد احجي وياه على انفراد

ــ الج هاهيه ، هسه اصيحه واروح اجيب غده من بره واجي  اخذوا راحتكم هزيت راسي بقبول

گام طلع بسرعه گمت لزمت عباتي لبستها وجفوفي هم ورجعت مكاني گاعده على نار أنا الي اخاف من الحرام واخاف اقهر احد وما بعمري قاهره أحد وانقد الي يتزوجن على راس مره اصير منهم جنت خايفه منها تهجم علاقتي بهشيم طلعت أنا هاجمه علاقتها بهشيم يا حسرتي ما يوم ارتاحيت،دخل هشيم بلهفه يباوعلي عقد حاجبه من شافني لابسه عباتي والجفوف بسرعه تقدم كعد بصفي ابتعدت عنه مسافه گال :

ــ ردتي تحجين وياي حوريه ؟

تحمحمت وگلت :

ــ اي ،اريد احسم الموضوع .

ــ احجي ياروحي احجي كلماتج بلسم على روحي

ــ هشيم أنا ماعمري سويت حرام عدا من اجيت يمكم كمت تلزمني وبسببك كسبت اثام وكم مره أنا هم غلطت الإنسان ما معصوم من الغلط لكن للغلط حدود ، أنا ما بحياتي مفكره انزل على ضره ولا اهجم بيت وجنت خايفه من نظرات آسيا تهجم علاقتي بيك طلعت أنا هاجمه علاقتك بيها شنو ذنبها وهيه تشوف زوجها يتزوج كدام عيونها ؟ شنو ذنبها وهيه تشوف زوجها يحب غيرها شكد ما احبك راح ادوس على گلبي ونهاية الموضوع هسه تجيب سيد ونفسخ العقد رجائا ما اتحمل ابقى دقيقه وحده على ذمتك .

باوعلي ساكت يبلع ريگه مسح عرق جبينه وگال:

ــ مستحيل اعوفج راح اطلگها هيه

فتحت عيوني بقوه وكلت:

ــ إذا تطلكها تحلم احجي وياك ، اريد تكسرني فوك كسرتي تريد تضرب عصفورين بحجر

ضرب أيده وگال:

ــ لج هيه تريد تهجم بيتي وتكسرني والله تعرف احبج ومتعلق بيج بدون ما اشوفج الليل كله حاط صورج وأنتِ صغيره وحاضنهن وانام والله ما متقربلها عمي والله ما متقرب هيه مادري شمسويه وذبتها براسي بعدج ماتعرفيها تفر دول بافكارها لج أنا ما. جاي يمها وانا ما هاويها عمي ماريدها وأنتِ مستحيل اعوفج كل عقلج

ــ وانا شنو دخلني المهم صرت ضره على بنيه مهما يكون وانا مستحيل اقبل هيج كلام .

ـــ أنتِ الاولى والاخيره أنتِ الماتجي بعدج ولا قبلج مره اروحنلج فدوه استوعبي ماكدر اعوفج صرتي بالنفس

ــ هشيم عبالك سهله من اكول طلگني؟

ترا انا تعلقت بيك ولكيت الامان بيك بس ماكدر أكسر بنيه اصلا هسه كسرتها بما فيه الكفايه ولازم من عرفت اكون واعيه واعرف اتصرف واخاف الله بيها شنو ذنبها

ــ ولج بويه غير هيه ذبت روحها صدگيني بروح ابوج صدگيني

نزلت راسي مغمضه عيوني حايره ماريد مجرد افكر انزل ضره على راسها لازم انهي كلشي وبنفس الوقت افكر أنو يجوز فعلا الغلط منها وارجع اكول شنو ذنبها  تشوشت حيل تقرب مني رفع راسي يريد يحضني نترت أيده :

ــ كافي هشيم كلت طلگني يعني ليش تخليني اگول لكنان وگوه تطلگني؟

ونرجع اخوان و..

ضحك وكال:

ــ يا اخوان ؟ ليش احنا چنه اخوان؟ ولا يوم اعتبرتج اختي ومتأكد أنتِ هم فـ لا تحجين حجي ما نگدر عليه احنا الاثنين طلاگ ما اطلگ وزواجنا هل شهر استوعبي دارت السنه مال رضا بعد ما عندج حجه وآسيا اطلگها غصبا على الكل لأن أنا من سمعت بيج جايه كلتلها اريد اطلگج وهيه تلعب من وراي عبالها ما اعرف تصاحب وعندي ادله عليها تتكفه شري

ــ استغفر الله هشيم استغفر الله لا تطعن بشرفك حرام شبيك أنتَ تخبلت؟

ــ اي بيج ، هسه گليلي حبيبتي يا يوم بهل شهر يصير زواجنا لازم يوم مميز

ــ يا زواجنا قصدك طلاگنا

ــ تحلمين عمري ، تعالي وياي رتبت اموري وراح تبين الحقيقه لأن عرفت راح تكون ردة فعلج هيج

ــ يا أمور ؟

رفع تلفونه واتصل شوي وانفتح الخط اجه صوت آسيا فتحت عيوني اشرلي اسكتي وگال:

ــ آسيا

ــ ها حبيبي

نزلت دموعي بس كالت ها حبيبي حقها غير زوجها قبلي

ــ انلصمي لج يا حبيبج عبالج ماعرف مصادقه ك**** من وراي كلها وصلتني واليوم حي على الصلاة اطلگج أساسا ما عاقد عليج محكمه بس شيخ لأن اعرفج مو ادميه

توتر صوتها وكامت تتأتأ:

ــ يـ..يا صُـ..صُحبان شبيك هشيم كلشي ماعندي لو بسبب هاي الحيه اصلا زين مني ما كلتلها لحد الآن

فشر عليها فشار قوي سديت اذني وخزرته:

ــ تاج راسج سمعي لج مرتي تسمعج إذا ما هسه تعترفين انت ذبيتي روحج عليه وبليتيني كدام كنان عندج يمي صور محادثاتج وأنتِ دازتهم لـ****چ  واخزيج تخزي اخلي اليوم يحيرون على ايد منو تنذبحين كلت بنيه واسترها بس تماديتي

گالت بتلعثم :

ــ لا تجذب ما مسويه شي .

سد السبيكر وكام من يمي مادري شحجه وياها ورجع فتح سبيكر اجه صوتها:

ــ لا عفيه الله يخليك زين بقيني على ذمتك وعادي اتزوجها والله ما احجي بس لا تفضحني ولا تطلكني فدوه اروحلك ابوس رجلك

ــ امشي لج صار ساعه تهددين ، المهم حضري روحج راح اجي اخذج ونروح نطلگ وتفض السالفه هاي العوجه وهسه احجي شسويتي لا فضيحتج على أيدي مثل ما گتلج قبل شويه

بدات تحجي صدمتني بوقاحتها:

ــ اي صحيح اني دخلتله للغرفه وحضنته واني سويت كل هلسالفه حتى يتزوجني لأن اني مو بنيه و..

ــ اشش يلا سكتي وحضري روحج جاي حتى افسخ العقد وإفسخ روحج وياه

ــ لا ..

بعدها ما مكمله سده بوجهه اندارلي وكال

ــ ها هسه عرفتي منو غلطان

سكتت وكلت:

ــ ماعرف .

باوعلي بصدمه ضحكت على شكله نقهرت عليه هو سترها كل هلسنين وهيه شتسوي من وراه كام يدغدغني يضحكني وكال:

ــ هسه شنو شوكت موعد عرسنا ؟

ــ قصدك طـ....

دغدغني وگال:

ــ لچ لا تگوليهاا

ضحكت وگتله :

ــ اممم احنه هسه بشهر ١١ يوم٢٩ خلي يوم زواجنا يكون ١٢/١٢ شنو رأيك؟

ــ هواي خلي يوم ١٢/٢

باوعتله بصدمه وگلت:

ــ لااا هشيم ما الحك فدوه

باسني براسي وگال:

ــ يجرالج هاهيه تاريخ عرسنا ١٢/١٢......

ــــــــــــــــــــــــــــــــ

سـاره

كعدت لكيت كنان يم راسي يتمتم بأيات وحاط أيده يمسح على راسي ابتسمت وگلت:

ــ شجاي تسوي حبيبي؟

باس راسي بهدوء وكال:

ــ صباح العافيه والطاقه الايجابيه سارونتي ، اقره آيات عليج

ضحكت وگرصت خده ضحك وكال:

ــ ولج شنو بنيه وتگرصين خدي

ــ لاا شنو لعد بس البنات نگرص خدهم حتى الشباب

عضني من ايدي وگال :

ــ ولج يا شباب تعضينهم من ايدهم

ضحكت من كل گلبي صفنت وگلتله:

ــ كنان ؟

ــ كل عمره أمريني عزيزة كنان

ــ اريد اسويلك تسريحه بشعرك

عقد حاجبه بأستغراب وگال:

ــ شلون تعرفين؟ ولازم سبري وسشوار وهاي دوخه

ــ لا عمري ماحتاجهم

ــ چا بالتفال تسوين التسريحه بويه؟

ضحكت وگلت:

ــ لا اريد اسويلك ستوتات

باوعلي بصدمه وگال:

ــ ها؟

ــ شنو عمري؟

ــ شنو ستوتات ولج ششايفتني خليتيني اشك بروحي

ــ حباب

ــ لا شبيج تخبلتي بويه صدك جذب تاليتي اسوي ستوتات عمري راح يطگ الثلاثين

ــ لا تكذب بعدك ٢٧

ــ شباقي؟ على هل سنتين ثلاثه عمي ستري عليه

ــ اهوووو ماتريدني افرح دائما تضوجني

ــ انا اضوجج؟ودائما؟

ــ أقبل اسويلك ستوتات وبعد ما اطلب شي حباب

باوعتله بنظرات بريئه وبسته بخده على السريع وهمست:

ــ ها حباب؟ كناني؟

ــ حتى الدلع ما لايك يلا امري لله عمي سويلي

ــ الله  احبك احبك احبك

ضحك وهز أيده يمكن بگلبه يگول شنو هلمخبله نام على رجلي وبديت اسويله ستوتات واثبتهن بقراصات مو لاستيكات لأن ماعندي وهو گبل نام على رجلي كيفت بكيفي اسوي شعره كملته باوعتله طلع حلو والله

دخلت زينب الحوراء باوعت لكنان ستوها رادت تضحك بصوت عالي اشرتلها اشش سكتي وكلت بهمس:

ــ  جيبيلي مكياج عندج؟

ــ يا منيلي

ــ ههفف اريد اسويله مكياج

ــ صخام الصخمني تريدين تمكيجين اخويه ؟

ضحكت كل قوتي على ردة فعلها ....

يتبـعع...

20000كلمه🥹♥️...

ـــــــــــــــــــــــــــــــــــ

البارتات بعد هيج يكون طولهم وبعد كم بارت نغلق أبواب فجيعة الدهر...

البارت خفيف لطيف وكلش حلو وساره فقرتها اقصر لأن قصتها قربت تنتهي ..

حسابي الانستا

@hiz_lii0

قناتي تليگىام موجوده بباقي البارتات .

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

بسم الله الرحمن الرحيم

بقـلم هِند الطائي

تصويت+ تعليقات بين الفقرات لُطفا

الحلقه الخامِسه عشر

*اعتذر عن التأخير بس جانت إلي أسبابي..

بعد أيام قليلة نسد أبواب فجيعة الدهر ...

ـــــــــــــــــــــــــــــــ

زينب الحوراء

ابتسمت بحماس ضحك وحضني وگال:

ــ لا تزعلين ريحانتي ماگدر على زعلچ وانه والله اتحاشه الغلطه علمودچ حتى لا تزعلين

ــ ها يعني أنتَ تفكر تغلط ؟

ضحك على نكدي وكال:

ــ ولج بويه دهر شني ما الحك على لسانج

ــ شبي لساني عيني خاف ما عاجبك

ــ لا حبي ينگط عسل

ــ عبالي

فجأة گمز عليه يگرص بخدودي جعصني تجعص بقيت أصيح ما عافني لحد ما دخل كنان باوعلنا بخزر وگال:

ــ شنو هل صوت؟

رأسا صحت:

ــ هشيم ضربني

فتح عيونه كنان واندار لهشيم هشيم بسرعه صاح:

ــ مظلوم ولزهره

ضحكت عليه انداروا عليه ثنينهم رفعت ايدي ميته ضحك:

ــ مظلومه ولزهره

ضحكنا كلنا بهل اثناء سمعنه صياح ساره تبدلت ملامحنا من الفرح للهلع ركضنا نحو الغرفه دخلنا بس هشيم ما يكدر يدخل لأن اكيد ما لابسه شي على رأسها دخل كنان قبلي ودخلت وراه لكيت ساره متهستره تملخ بشعرها وتصيح:

ــ رضــااا ولك رضـاوي ولك حبيب روحي يمه ياروح اخيتك ولك رضاوي جاوبني وينك ياخويه

ركض كنان يريد يهدأها ما تقبل تدفع ركضت الها حضنتها احاول اهدي بيها وتدفع بيها توجعت بس تحملت علمودها لحد ما هدأت من بديت اقره قُرآن بس صوت شهگاتها ينسمع لاحظت اكو صوت ركزت بالصوت:

ــ فراك الاخو يا ناس مو خوش

وخربت بعد يا كعدت الحوش

فراش نومه لهسه مفروش

اليوم ابد مو زين وضعي

طحن النشا مطحون ضلعي

عضيت گلبي وعفت اصبعي ياخويه

وينعاد المقطع التفت كنان على مصدر الصوت تلفون كنان مفتوح وينعى على الاخ..لذلك هيه هيج متهستره انداريتلها بس تگول:

ــ يا رضاوي يا حبيبي رحت من ايديه واني السبب اي اني

حضنتها اقوه وانا اهمسلها:

ــ لا سارونه حبيبتي أنتِ السبب شلون فدوه اروحلج اعرف أنتِ ربيتي رضاوي بس راح بمكان احسن يمكن لو باقي هنا يتعذب أكثر ياعيوني

بقت ساكته دموعها تنزل بهدوء تنهدت وباوعت لكنان عيونه مليانه دموع باوعلي اشرتله يطلع طلع وسد الباب كعدتها وكعدت بصفها حطت راسها على رجليه وهمست:

ــ اقري الي تقرينه على راسي من اكون مريضه..

ــ صار ..

وبدأت اقره دعاء

بِسْمِ اللهِ الرَّحْمٰنِ الرَّحِيمِ

اللّهمّ إنّي أسألك وأتوجّه إليك بنبيّك نبيّ الرحمة محمّد ﷺ،

يا أبا القاسم يا رسول الله، يا إمام الرحمة، يا سيّدنا ومولانا، إنّا توجّهنا واستشفعنا وتوسّلنا بك إلى الله،

وقدمناك بين يدي حاجاتنا،

يا وجيهاً عند الله، اشفع لنا عند الله.

يا عليّ بن أبي طالب،

يا أمير المؤمنين، يا حجة الله على خلقه، يا سيدنا ومولانا، إنّا توجّهنا واستشفعنا وتوسّلنا بك إلى الله،

وقدمناك بين يدي حاجاتنا،

يا وجيهاً عند الله، اشفع لنا عند الله.

يا فاطمة الزهراء بنت محمد،

يا قرّة عين الرسول، يا سيدتنا ومولاتنا، إنّا توجّهنا واستشفعنا وتوسّلنا بك إلى الله،

وقدمناك بين يدي حاجاتنا،

يا وجيهةً عند الله، اشفعي لنا عند الله.

يا أبا محمد الحسن بن علي،

أيّها الحجة الزكيّ، يا سيدنا ومولانا، إنّا توجّهنا واستشفعنا وتوسّلنا بك إلى الله،

وقدمناك بين يدي حاجاتنا،

يا وجيهاً عند الله، اشفع لنا عند الله.

يا أبا عبد الله الحسين بن علي،

أيّها الشهيد، يا ابن رسول الله، يا حجة الله على خلقه،

إنّا توجّهنا واستشفعنا وتوسّلنا بك إلى الله،

وقدمناك بين يدي حاجاتنا،

يا وجيهاً عند الله، اشفع لنا عند الله.

يا علي بن الحسين، يا زين العابدين،

يا وجيهاً عند الله، اشفع لنا عند الله.

يا محمد بن علي، يا باقر علم النبيين،

يا وجيهاً عند الله، اشفع لنا عند الله.

يا جعفر بن محمد، يا صادقاً في القول والعمل،

يا وجيهاً عند الله، اشفع لنا عند الله.

يا موسى بن جعفر، يا كاظماً للغيظ،

يا وجيهاً عند الله، اشفع لنا عند الله.

يا علي بن موسى، يا رضا المرتضى،

يا وجيهاً عند الله، اشفع لنا عند الله.

يا محمد بن علي، يا تقيّاً نقيّاً،

يا وجيهاً عند الله، اشفع لنا عند الله.

يا علي بن محمد، يا نقيّاً زكيّاً،

يا وجيهاً عند الله، اشفع لنا عند الله.

يا حسن بن علي، يا زكيّاً وليّاً،

يا وجيهاً عند الله، اشفع لنا عند الله.

يا حجة الله، يا ابن الحسن، يا صاحب الزمان،

يا خليفة الرحمن، يا إمام الإنس والجان،

عجّل الله فرجك، وسهّل مخرجك،

واجعلنا من أنصارك وأعوانك وأتباعك وشيعتك،

يا وجيهاً عند الله، اشفع لنا عند الله.

اللّهمّ بحقّ هؤلاء الأئمّة الأطهار، وبحرمة محمدٍ وآله الأخيار،

اقضِ حوائجنا، واشفِ مرضانا، وفرّج عنّا يا الله،

إنّك على كل شيءٍ قدير، وبرحمتك يا أرحم الراحمين.

لحد ما كملته باوعتلها نامت حطيت جوه راسها مخده وغطيتها وعفتها نايمه وطلعت

لكيت كنان يم الباب مدنك راسه وكاعده اول ما طلعت فز وباوعلي گال:

ــ ها زينب شلون صارت فدوه زينه كاعده لو نامت؟

ابتسمت وگلت:

ــ على كيفك حبيبي , هلفتره ساره تحتاج راحه شويه

باوعلي وگال نبرته نبرة خوف فضيع:

ــ ليش شبيها بيها شي؟ احجي زينب أنا كلب حطيت التلفون يمها بس كالتلي اريد اباوع بي انطيتها والله مادري هيج يصير صدگيني

حطيت ايدي على كتفه اطبطب عليه وگلت :

ــ اهدء حبيبي عادي هو جانت راح تصير بعد شنسوي فـ كل الي علينا ننتبه الها أكثر واريدكم أقوياء عرسي قرب

باوعلي بسرعه وگال:

ــ ليش شوكت؟ قررتوا شبسرعه لو جبرج على شئ ؟

ضحكت وكلت :

ــ لا عيوني أنتَ ما جبرني اتفاقنا ثنيناتنا

١٢/١٢ وهسه احنا يوم ١١/٢٩ يعني باقي ١٣ يوم لعرسيي عينيي

حضني قوي يبوس براسي :

ــ روح اخوها راح تتزوج وتروح من يمه ؟

شنو شو مستعجله خاف ما مقتنعه فكري بعد

ضحكت على سوالفه بقه يسولف وياي حاولت انسي همومه ومشاكله الي تراكمن فوك كتفه لعل وعسى ينسى لحد ما راح يجيب اكل أصر يجيب اكل لساره تركته براحته ورحت للصاله لكيت هشيم كاعد باوعلي من اجيت خزرني:

ــ لج صار ساعه انتظر آخر شي الگه هذا يحضن بيج

عقدت حاجبي بأستغراب:

ــ منو؟

ــ كنان ابو الدود

ضحكت وگلت:

ــ ياااا وذا اخويه بعدين بلغته بموعد زواجنا

من گلت زواجنا ابتسم وصفگ أيده وگال:

ــ راح تجين يمي روح روحي ولج والله فرحتي ما انطيها لأحد

غندبت وكلت:

ــ أحسك ما فرحان

بهتت ملامحه وگام من مكانه اجه يمي سحب ايدي باسها وباس راسي وعيوني وگال :

ــ عساني اتجفن گبل لا أخذج إذا صدك ما فرحان

شهگت وكممت شفايفه بأيدي :

ــ لا هشيم لا مايصير تدعي على روحك

عض ايدي وخرتها بسرعه وهو گال:

ــ چا شنو تگليلي ما فرحان تموتيني بكلامج هيج من تحجين

ــ يلا بعد ما احجي هيج ، صُدك اكلك

باس ايدي بقوه وگال:

ــ يا بعد الصدوك كليلي ياعيوني وضواها

ابتسمت وگلت:

ــ شوكت اجهز ما الحك لازم ابدي من هسه

ــ يجرالج من هسه من هسه نروح هسه للسوك؟

ــ لا عفيه اريد وحده من البنات شنو لا ساره تكدر ولا احد يكدر اريد احد وياي

ــ هاهيه يجرالج يابعدي باجر اختاريلج وحده من البنات تروح وياج

ــ كلهن عدا آسيا ماريدها هاي

ضحك بقوه بحيث عيونه دمعن ابتسمت گال:

ــ بويه فلك فلكني تريديهن كلهنن شدعوه بويه

ــ مااا حباب هُشيم اريدهن كلهن

ــ روح هشيم تدللين حبي

ــ هسه روح يلا

باوعلي بصدمه وگال:

ــ شني هاي طرده؟

ــ لا حبيبي طرده شنو بس اريد منا لباجر اجهز روحي

ــ العرس مو باجر حبيبتي

ــ أعرف قصدي يعني اشوف شختار اطلع على النت موديلات وهيج متحمسه

گرص خدي وگال:

ــ فدوه للمتحمسه ، يلا حبيبتي انا اروح على گولتج وباجر من الصبح اجيج شيصبرني لباجر الشوگ ما يحملني يابعد روح هشيم

ــ مابقى شي لباجر

ــ احسج تضحكين على عقلي

ــ ليش عمري لا ابدااا ابدااا بس اريد تروح حتى افكر شسوي باجر وشنو اشتري يا هُشيمي

ضحك وبقينا نسولف لحد ما اجه هُشيم يلا گام وكل شوي يندار يبوسني لو براسي لو بين عيوني لو بأيدي يحير شيسوي عبالك راح يفارگني سنه مو كم ساعه وصلته للباب اندار باس خدي وراسي وگال:

ــ باجر أنا يمج عمري

حضنته ک تعبير لربع الحب الي يعبره الي ولو ماعرف اعبرله بس احاول..

بادلني الحضن واقوه وهو يبوس شعري ودعته وراح ، رجعت مبتسمه رحت لساره فتحت باب غرفتها لكيتها كاعده باوعتلي گلت :

ــ ادخل؟

هزت راسها بقبول ابتسمت ودخلت كعدت يمها وگلت اغير جو:

ــ ساره احمم جايتج بخبررر قاتل اله اخليج تگومين کالحصان

ردت بصوت تعبان:

ــ شنوه؟ حامل!

ضربتها بخفه على أيدها وگلت:

ــ شبيج عيب عليج تره وين متزوجه بعدني

ــ وهشيم؟ مضاف إليه

ــ احمم هسه سمعي هشيم خطيبي بس سمعي

ــ يلا اسمع اطربيني

ــ موعد زواجي ١٢/١٢

انا كلت هيج وهيه باوعتلي فتحت عيونها بعد ما جان ما الها خلك:

ــ شنو صدك شتلحكين؟ شهل استعجال ردت احضر عرسج

گمت من مكاني وصحت:

ــ شنوووو يعني ما تحضرين؟

اموتج ساره لو جنازه هم تحضرين عرسي واصلا باجر تجين وياي اجهز لعرسي وتشترين فستان

باوعتلي عيونها مدمعه:

ــ ماكدر افرح ورضا ما موجود الفرحه راحت من راح..

تنهدت بضيق وگلت:

ــ يعني أنا فرحانه؟ كلنا غصه بگلوبنا رضا بس دارت سنته وانا جنت رافضه اسوي عرس اله تدور سنته وهسه هشيم قنعني فدوه ساره لا تكسريني ماعندي لا أهل لا ام لا اب ولا اخت بس أنتِ بقيتيلي حبابه حضري العرس

ــ افهميني ز.....

ــ أنتِ افهميني هسه تخليتي عني هو انا شعندي؟ حتى ام ماعندي ولا اخت هيج تكسريني ولا تجين تجهزين وياي ولا شي؟

هيج صرت عندج مو مهمه؟ تمام مشكوره جنت حاسبتج اخت وأكثر .

كلتها ردت اكوم جرتني باوعتلها بزعل وكلت:

ــ ها مو ما تريدين تحضرين عرسي؟

ــ كافي انجبي هواي حجيتي هاهيه اجي وياج تجهزين بس عرس ما احضر ماكدر زينب

ــ مااا شنو عرس ما تحضرين إذا ما تجين اللغي العرس كله ! والله اسويها

ــ انجبي زينب هسه هشيم يلعب طوبه بيه

ــ لعد شنو ما تحضرين ؟

ــ كافي افكر ،بس باجر ماكدر اجي تعبانه

ــ هاهيه تمام بس تجين لعرسي؟

ــ افكر

ــ تجين

ــ افكر

ــ تجيننننن

ــ انجبي كلت افكر

ــ ماريد هو شنو تفكرين تجين غصبا عليج وين اكو اخت ماتحضر عرس اختها

ــ ميخالف

گمزت ادغدغها وهيه تضحك بقيت اسولف واضحك وياها لحد ما ندك الباب مال غرفه عرفته كنان ابتسمت وفتحت الباب اكيد طلع كنان باوعلي وكال:

ــ صوت ضحكجن واصل للشارع

ــ اي عيني هاي سارونتك بس تضحك

وسع ابتسامته وخفاها خجلان غير الموضوع:

ــ جبتلكم عشه

ــ تعشه أنتَ وساره أنا راح انام باجر لازم اكعد من وقت اجهز راح يجيني هشيم أنا والبنات ياخذني

ــ يا بنات؟

ــ بنات عمي ..

ــ هااا تمام , وخري خلي افوت

ــ لا قبل لا تفوت اريدك بموضوع

عقد حاجبه بأستغراب وگال:

ــ شنو؟

ــ مهم ما يتأجل كنان لازم نحجي بي.

ــ بس اشوف ساره واجيج

ــ لا الموضوع يخص ساره.

ــ بيها شي؟ احجيلي

ــ تعال للصاله

مشيت وهو اجه وراي كعدت كعدت كدامي باوعلي وكال:

ــ احجي زينب خوفتيني شبيها ساره؟

ــ أنتَ مو ساره ، كنان تعرف أنا سمعتكم من جنتوا تحجون أنتَ وهشيم وعرفت هشيم متزوج آسيا وانتَ هم! متزوج بس متزوج منو وشلون انطاك گلبك تأخذ على ساره مثل ما أنا ضجت اضوج هم على ساره لأن أنا وساره خوات مثل ما اضوج على نفسي اضوج عليها

صفن بوجهي دقايق وگال:

ــ سالفه قديمه زينب وحليناها وفضت راحت واصلا گلت لساره لأن عرفت من زمان بس خفت لأن نذكرت عدنا واعرف راح تنذكر من اجيب ساره لبيتنا لذلك قلقت

باوعتله بعدم تصديق:

ــ متأكد كنان؟ ترا إذا طلع مو هيج والله ساره ما تشوفها

ــ لا والله قابل اجذب عليج كتلج سالفه وانتهت ..

ــ هاهيه اخذت حجايه منك .

هز رأسه وگام يشوف ساره رحت أنا لغرفتي دخلت رحت على فراشي افكر لباجر متحمسه يمكن فعلا مشاعر مراهقه أو فعلا حبيت هشيم ؟

اهتمامه اول شخص اهتم بيه

حُبه الي جاي يكبر يوم عن يوم وحتى تصرفاته ودفاعه عني وان كنت غلطانه ، ماعرف هل مشاعري وتناقضي حقيقه ام مشاعر مراهقه ممكن تروح بأي وقت

نمت على إثر التفكير گعدت على دگة شباك الغُرفه فزيت مرعوبه اباوع اترجعت ليوره من انفتح شباك الغرفه ....

ـــــــــــــــــــــــــــــ

ساره

مرت الايام ومن بعد حالتي يأست انو اكوم من هذا الفراش يمكن لو ما زينب الحوراء وكنان وياي خطوه بخطوه جان هسه أنا منتـ..حره من زماااان فرحت بخبر زواج هشيم وزينب الحوراء لأن يستاهل هيج ورده

انسان من عرفته صحيح قليل جدا اتصادف ويا لكن خلوق ومؤدب ، من بعد ما طلعت زينب الحوراء نفتح الباب وراها بشويه دخل كنان باوعتله ابتسملي واجه تقرب حضني وگال:

ــ شلون صرتي ؟

ــ كنان

ــ حاله وماله أمريني

ــ احس روحي ضايعه وموزينه شكد مريت بشغلات بس هذا الشعور بحياتي ما حسيت بس اله هسه

ــ أنا اللمج ونساند بعض أنتِ مرتي وانا رجلج

وصديقج وحبيبج وابوج وامج وياج بكل الصعبات قبل السهلات يا بعد عيني ، إذا على وفاة رضا .. فـ هذا يومه وهذا قدره واحسن ما يتعذب بقبره گومي على حيلج وسويله ثواب يغمد روحه الطاهرة الجنه لأن من تسوين هيج يتعذب بگبره هسه نروح أنا وياج ناخذ ثواب نوزعه على الفقره يفرح بگبره هيج تكونين فعلا صرتيله ام واب واخت باره بي

باوعتله بحيره رجع گال:

ــ يلا اريدج سروري الجميله القويه يلا يارويحتي كومي على حيلج خلي ناخذله ثواب يفرح والله

ــ والله؟

هز رأسه بقبول گلت:

ــ تمام اروح .

ابتسم بفرح وگام من مكانه جاب عبايه وشال لبسني وگومني امشي وياه خطوه بخطوه ساندني من كتفي وكل شوي يكول ها تعبتي؟

طلعنا نتمشى اشتره ثواب وفعلا وزعناه على الفقره والناس بدت تترحمله فرحت وارتاحيت من سمعت دعوات الناس اله والنه وكل ما ننطي ثواب اسمع جملة

' الله يرحمه ويسكنه الفردوس الاعلى '

ارتاحيت بعد ما خلصنه اشترينه لفات وگعدنا على صفحه من الطريق باوعلي وگال:

ــ اكلي اكلي

گالها وفتح اللفه يوكلني ابتسمت وبديت اكل لحد ما خلصنا اكل باوعلي وگال:

ــ خلي اجيبلج مي

راد يگوم لزمته من أيده وكلت:

ــ لا والله ماريد

ــ لا منا شبيج دقيقه

ــ كنان باوعلي شبيك

باوعلي كلت:

ــ ماريد والله ماكدر تلعب نفسي من المي وره الاكل مباشره شوي وناخذ

ــ تدللين مرتي

ابتسمت وهمست'الحمد لله' حمدت ربي على العوض الكريم لأن كنان فعلا عوض طول فترة تعارفنا ما شفت شي غلط منه طول هاي السنوات مواقفه ما انساهن تعبته وتعبت وياه وما يحجي ابدا ولا يشتكي ابد كلمره اگول اله تعبتك يرد'تعبچ بلسم على گلبي مو تعب شحلاته راحه'

حطيت راسي على كتفه مبتسمه ابتسم وحضني وگال:

ــ أحبكِ أكثر من أن تحصيها الكلمات

وأكثر من أن يشعر بها القلب...

يتبـع....

2432كلمه🥹♥️.....

ـــــــــــــــــــــــــــــــــــــــــ

جدا اعتذر عن التأخير عمري لكن الي ظروفي ... وان شاء الله ما يتكرر حبيباتي

جبتلكم لعبه بنهاية البارت نغير جو شويه

اسئله ..

اول سؤال:

منو أكثر شخصيه تحبونها بالروايه؟

بالنسبه الي ميسنه وزينب الحوراء.

ثاني سؤال:

أكثر شخصيه تكرهوها؟

بالنسبه الي ضرغام متملق أحسه

ثالث سوال:

حبيتوا سردي للروايه ؟ لو تحسون محلو؟

الجواب الكم اكيددد

رابع سؤال:

لو جان لازم تكونون شخصيه من شخصيات الروايه يا شخصيه تصيرون؟

بالنسبه الي نيروز احب قصتها وأحبها ..

خامس سؤال والاخير...

تحبون منو أكثر وي زينب الحوراء ضرغام لو هشيم؟

وبس خلصت اللعبه حبيت نطلع من الجو ..

كذلك حبيت ابشركم انطلاق إعداد كتابي الثالث الي تحب تشترك تراسلني على بوت قناتي التليكرام

حسابي الانستا

حسابي التيك توك

قناتي التليكرام جدا مهمه بنات كلشي تبليغ بيها ..

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا اللهم.

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد

#فجيعة الدهر 🦅 🪶

بقلم هند الطائي

تصويت+ تعليقات بين الفقرات

الحـلقه السادِسه عشر ..

ــــــــــــــــــ

زينب الحوراء

باوعت لكيت هشيم تنفست حاطه ايدي على راسي عبر بسرعه واجه يمي وكال:

ــ ها حبي شبيج

رفعت راسي ايدي على گلبي الي ينبض بسرعه فائقه وگلت :

ــ صدك تحجي هشيم وكفت گلبي عبالي غير احد

سحبني لحضنه يضحك باس راسي وكال:

ــ يابويه اسم الله على گلبج شحده اليوصلج يابعد عيوني

ابتسمت بخفه اهدي روحي جر ايدي شمها حيل وباسها بقوه وگال:

ــ أنه فرحان ولخلقنا طاير بيج طاير منتظر شوكت يجي يوم ١٢/١٢ شو طول

ــ أنا بالعكس خايفه احس

باوعلي عاقد حاجبه بأستغراب وگال:

ــ ليش خايفه ؟

ــ ماعرف بداخلي خوفه صغيرونه

واشرت بأيدي هلگد

ايديه حاوطن وجهي باوعت بعيونه وهو كذلك وگال:

ــ لا تخافين وأنه يمج !

كلشي سويه عديناه بقت الخطوات الأخيرة عديها بلا خوف لأن انه ماعوفج للچفن

همست:

ــ اسم الله لا تحجي هيج بس قصدي انو حياة جديده وهيج

ــ لا ما راح تتغير حياتج عادي نفس الشي حتى خدامه اجيبلج لا تنظفين ولا تطبخين كلشي ماريد منج بس اكعد واباوعلج

ضحكت وگلت:

ــ شنو أميرة زماني

باس عيوني وكال:

ــ اميرتي وملكتي وروحي وحياتي وحوري وزينبي و وردتي وكلشي بحياتي

ابتسمت بخجل وگلت احاول اغير الموضوع :

ــ يلا هشومي روح روح عيب

ــ شنو العيب؟ مرتي وجايها لا تخليني أخذج واشرد بيج

فتحت عيوني وهو يضحك باس باطن ايدي وحطها على گلبه :

ــ ولج يايابه سودنتيني هسه شسوي أنا ها؟

سويت حركه بشفايفي بمعنى ماعرف گمز يگرص خدودي ويجعص بيه وانا اعيط بهمس لا يكعدون:

ــ لاا عزه و..خر

ضحك وحضني دفعته زعلانه باوعلي وكال:

ــ هااا

دفعت أيده ودرت وجهي اجه من الجهه الثانيه درت وجهي على الجهه الاخرى وهكذا..إلى أن مل وثبت وجهي بأيده وكال:

ــ شو زعلت زينبي الحلوه ؟

ــ وخر وخر هو هيج تگرص بخدودي متت يوجعني والله شبيك ترا انطيتك مجال

ــ يابويه حوريتي انطتني مجال يابويه وانا ماكعدت مثل الحباب ، هسه شسويلك وترضى؟

ــ ماريد منك شي روح روح

ــ لا تعال اغنيلك

گالها ويريد يسحبني لحضنه نترتها :

ــ عمي عوفني چلبت بيَّ

خزرني وسحب ايدي اريد أجرها ماكدر گعدت مستسلمه وهو بدأ يغنيلي ويسرح شعري بأيده:

ــ حبيبي نيتي اگضي وياك عمري

وأتهنىٰ بوِصالك..

يالحُبك فُرات وعذب يجري

من دجله جمالك.

ــ هشومي

ــ عيونه وكليته وگلبه وروحه يابعد روحه

ضميت وجهي بأيدي:

ــ هسه شبيك تخجل بيَّ خليني احجي كلمتين

ضحك وكال:

ــ احجي يالبعدج المفروض محد يحجي احجي

ــ روح هسه حتى اكعد من وقت حتى اروح نجهز لزواجنا

جر خدي باسه بلهفه وكال:

ــ بويه اروح سبع فدوات لكلمتج

ــ شنيه كلمتي شكلت هسه اني

ــ زواجنا لو هيج نغمات الصوت لو ما تنراد

ضحكت بصوت عالي سد حلگي بسرعه شوي من تأكد سكتت وخر أيده :

ــ فضحتينا هجولتينه بت الاوادم

ــ شبيك استهترت شنو نغمات الصوت شعندك تلفوننن ويلا كافي روح حتى باجر نطلع يلا

ــ خوش فكره راح انتظرج بالسياره بره اول ما تكعدين نطلع نجيب البنات ونروح

ــ لا هشيم بليل بارده الدنيا شبيك روح لبيتكمم

ــ ماعندي بيت بس وياج يصيرلي بيت

ــ خلصت؟ يلا روح

باوعلي صفح وكال:

ــ صوجي مو مال رومانسيه ابد

گام وهو يضحك وطلع من نفس الشباك اشرلي بأيده باي وشمرلي بوسه ضحكت وسديت الشباك

وكعدت اكمز من الفرحه احس شئ ببطني فراشات بس ما اعرف تدوملي هلفرحه لولا ..

ـــ

كما قُلت :

عم الفرح لو لاح يومين ويغيب

مثل الورد لحظه يعطر ويشيب..

ــ هِنـد الطائي

ــــ

كعدت ثاني يوم على دگة الباب فتحت عيوني اتثاوب نعسانه كلش مانمت من وكت من وره هشيم گمت اتطوطح فتحت الباب لكيت ساره ابتسمت بوجهه ردتلي الابتسامه بنشاط وكالت:

ــ يلا عروستنا الحلوه خطيبج منتظرج جوه عيني

فتحت عيوني بصدمه وكلت:

ــ شنو بعدني ما مبدله مامسويه شي

ــ هو أجيت حتى اجهزج روحي بوجهج للحمام غسلي وتعالي بسرعه

ركضت على الحمام غسلت وجهي وتوضيت وطلعت لكيتها منتظرتني:

ــ بس اصلي ساره

ابتسمت بهدوء :

ــ حتى وأنتِ مستعجله تذكرتي صلاتج

ابتسمت وگلت:

ــ الصلاة هيَّ جسري الوحيد بين الأرض والسماء شلون اتركها؟ حتى استحي اتأخر عنها رب العالمين كلشي منطيني عوضني بأنسان الحمد لله جاي اعيش اجمل ايام حياتي وياه أخذ اهلي انطاني هشيم رغم ما يتساوى وي اهلي اكيد لكن يجوز اذا عاشوا نعيش بضيم وقهر ، خلاني مستوره وسخر الي قلوب عباده

قاطعتني بكلامي:

ــ شنو سخرلج قلوب عباده مافهمت؟ قصدج هشيم!

ــ مو ضروري يكون معنى الجمله هشيم وبس لا سخرلي قلوب عباده ، محبة الناس الج وقبولج وكلشي حلو بيج ويمدحج الناس بي هاي كلها فضل ونعمه من رب العالمين الي خله بيج قبول بشكلج وكلامج وشخصيتج

لذلك لازم كل يوم عند الصلاة تكولين

اللهم سخر لي قلوب عبادك

ابتسمت وكالت:

ــ حلو كلامج زينب هنيال هشيم بيج

ابتسمت وبديت اصلي اكملت صلاتي وقريت دعاء يسهل امري وبسرعه گمت بدلت ولبست عباتي مال راس وطلعت ما لكيت كنان سألت ساره كالت راح خلصت اجازته ضجت ، طلعت لهشيم لكيته واكف يم السياره اول ما شافني ابتسم تقدم وكال:

ــ طالعه حوريه ، يلا روحي بدلي وتعالي بسرعه صارلي ساعه هنا

ــ شكرا ، شبدل مبدله لابسه عباتي وهاهيه

ــ والبوشيه؟

ــ لا تخبلني هشيم تعرف أنتَ انو أنا جنت بس بشغلي اللبس بوشيه من اطلع ماللبس

ــ ماكدر حبيبتي ماكدر يشوفوج هيج عود؟ وجهج يضوي من العبايه وعيونج ويركزون بيج

تحولت ملامحه للعصبيه وكال:

ــ روحي لبسي هذا الي ينزل على وجهج ومايبين شي بس عيونج شسمه؟

ــ شبيك أنتَ شبيك؟

ــ بيه أنتِ روحي لبسيها زينب الحوراء

استغفرت ربي وتعوذت من الشيطان دخلت لاكتني ساره عاقده حواجبها:

ــ شبيج زينب ليش رجعتي

گلت بعصبيه:

ــ لأن حضرة الاستاذ يريدني اللبس النقاب وهو يعرف بس بشغلي جنت اللبسها

ابتسمت وكالت:

ــ تعوذي من الشيطان حبيبتي ولبسيها يغار عليج فـ مايكدر يشوفج هيج تطلعين ياعيني

ــ شيغار ترا عباتي عريضه وطويله وحتى الكعب طويل ما تبين ابدا رجلي بقى بس وجهي والربطه نازله يعني حتى ما مبين شي من جسمي

اجت يمي تمسح على راسي بحنيه وكالت:

ــ زنوبه الحلوه أنتِ شكلج كلش مقبول وجميله ولهذا هو يغار عليج وهم لأن أنتِ مرته وحقه يغار على مرته!

تعوذي من الشيطان وخلي اليوم يعدي على خير ولبسي النقاب

تعوذت من الشيطان وشفتها فعلا ما تسوه رحت لبست النقاب عدلته بينت بس عيوني ماحطيت مكياج طلعت بدون اي شي ابتسمت ساره من شافتني وكالت :

ــ الله يهدي سركم حبيبتي

ــ راح تبقين وحدج سارونه

ــ ميخالف اقفل كلشي وأنتِ أخذي راحتج مو لأن وحدي فـ تتقيدين ترجعين بوقت محدد لا بكيفج عمري

بستها ضحكت وطلعت لكيت هشيم ما باوعتله بس مبين مبتسم فتحت الباب لنفسي قبل لا يفتحه وصعدت هو هم صعد وكال :

ــ انوب طلعن عيونج كارثه شحاطه لرموشج!

ــ شبيك ترا والله هسه انزل ماحاطه شي فوكاها

ــ شبيج عيني شگلنالج

اخذت نفس احس راح انفجر هو هادئ وانا نار من وراه مشينا وهو شغل قصيده :

ـــ أَشتمَك هَوى..

و من غيره أختنك

شما ريِح الوكت صافي

يأ أجَمل اسم بل حب

لا تضن غير اسمَك على اشفافيِ

كافي من العشك

كالُولي كَبرت منكَ ماكلت كافي،

لاجلك سافرت لو نار الدرب والله امشي الدرب حَافي..

بقت تنعاد إلى أن وصلنا وهو حاول يحجي وياي بس ماريد شنو ضجت منه حيل رغم ما سوه شي هواي بس هم ضجت وصلنا گال :

ــ تنزلين تسلمين غير؟

نترت:

ــ طبعا .

استغفر ونزلنا راح قبلي دك الباب فتح الباب

ف

تح الباب ضرغام عقد حاجبه بعصبيه هشيم تحمحم ضرغام وكال:

ــ تفضلوا

دفع الباب هشيم وسحبني ودخلنا استقبلونا البنات بالهلاهل استغربت بس لأن راح نجهز عرسنه سألت على بيبي صفيه كالولي بالغرفه رحت دكيت الباب ودخلت لكيتها على سجادتها تسبح ابتسمت رفعت راسها وجهه كله نور واحس راحه من اباوعلها رفعت أيدها وكالت:

ــ يمه هلا بزنيبه هلا گطعتي بيه يايمه

ركضت لحضنها ابجي وهيه تطبطب على كتفي وتكول:

ــ بت الغالي يمه غاليه بت غالي شلونج زنيبه يمه؟

ابتعدت امسح دموعي:

ــ الحمد لله بيبي

ــ خوما هشيييم ضارج ها يمه ؟

ــ لا والله بيبي بس هسه زعل مادري شبي

ــ زعل؟ شني زعل ولج شمسويتله يا طايحة الحظ

ــ ها ها بيبي مو عساس توگفين وياي

ــ علغلط اهمداج انتِ وبيبتج

ــ گلبتي عليَّ..

نفتح الباب واحنا نسولف باوعتله هشيم رجعت درت راسي كال:

ــ السلام عليكم حجيه

فتحت ايدها بيبي تهلي بي ابتعدت عنها :

ــ هلا بيبي هلا يمه شبيك شو لونك مو مثل گبل

ــ متعوب حجيه متعوب

عوجت حلگي ما عاجبني ، گالت بيبي تزيد الطين بله:

ــ اي حگك هاي الطايحة الحظ متعبتك بس أنتَ تعال شنهي تزعل چا أنتَ المره لو هيه ؟

باوعلي خزرني خزره نشليت بمكاني وكال:

ــ لا ما زعلان شنو زعلان هيه تزعل لأن اكلها لبسي بوشيه يده تقبلينها الستر صار موزين؟

باوعتلي بيبي صفح وغمتني:

ــ اها انه اكولن عليج مستوره وخوش مؤه طلعتي موش هينه اهمداج

ــ بيبي شبيج وياي اليوم بس تغمغمين بيه

باوعتلي صفح وتدردم عليه عفتهم وحدهم وطلعت اول ما طلعت نسحبت من ايدي باوعت ميسنه:

ــ خرعتيني الله يخرعج

ــ اوي خرعتها بعد ما اجي يمج هيج تكطعين بيه ولج؟

ــ دسكتي صارن بيه بلاوي

ــ احمم شنو سولفي؟

باوعتلها بضحك وكلت:

ــ امشي روحي للمطبخ وانه وراج بس اغسل

ــ ماشي

راحت وانا صعدت فوك لغرفتي فتحتها اجتني ريحه مو طيبه بسرعه نزعت عباتي وغيرت الفرش ونظفت الغرفه على السريع مسحتها ورشيت معطر هسه يلا صارت ريحتها طيبه

غسلت ولبست عباتي ردت اطلع صارت بوجهي اسيا باوعتلها صفح وكلت:

ــ خير ياطير؟

دفعتني ودخلت وسدت الباب وگالت:

ــ هسه اراويج الخيــر .....

يتبـعع...

ــــــــــــــــــــــــــــــــ

السلام عليكم حورياتي البارت مابي فقرة ساره لأن راح تنتهي قصتها والاهم هسه قصة زينب الحوراء

التأخير الي جاي يصير بسبب دراستي بس أن شاء الله ماكو تأخير ادعوا انزل من وكت حتى اخلص الروايه

تريدون جزء ثاني لفجيعة الدهر؟

حسابي الانستا

h

iz_lii0

قناتي التليكرام

الباقِياتُ الصَّالِحاتُ:

-سُبحــانَ الله

-الحمــــدُ لله

-لا إلهَ إلا الله

-اللهُ أكبـــر

-لا حَول ولا قوة إلا بالله

-سُبحــان الله العَظيــم

-سُبحــان الله وبِحَمـده

-أستَغفِــر الله وأتوبُ إليه

-اللهُمَّ صلِ علّى مُحمد وآل مُحمد