تحميل رواية «بئر الحرمان» PDF

كانت ثريا بتصرخ و تقول : طلقني ،طلقني

رد ببرود: يا فرج الله ،يا شيخة احسن كلمة قولتيها،ده الليلة عيد يا ولاد ،لول الملامة كنت عملت فرح و رقصت نص الشارع.

و ضحك و هو بيقول: انتي طالق ،يا ثريا ، طالق، طالق خليني ارتاح من همك.

زغرطت بسعادة زي اللي كانت في سجن و خرجت منه النهاردة، و هي بتقول: الحمد لله يارب،هم و انزح من علي قلبي.

وسط كل ده واقفة طفلة عمرها عشر سنين ، كانت بتعيط من غير صوت و هي خايفة منهم و من صوتهم العالي، ،عمرها ما شافت منهم حنان.

جت ثريا و شدت أيدها بكل عنف و و قالت : يلا يا راقية،نغور من هنا.

قال طه و هو بيقعد ببرود احسن :حاجه عملتيها انك خدتيها معاكي انا مش عايز حاجه منك، يلا غوروا من هنا.

ثريا بردح: كان على عيني يا اخويا اسيبها ليك مش عايزه حاجه من ريحتك بس اعمل ايه قلب الام بقى.

وخرجت ثريا ومعها راقيه من الشقه وراحوا عند اهل ثريا.

//////////

كانت قاعده ثريا مع ابوها و امها

زعق ابوها وقال: انت اتجننت يا ثريا ليه تطلقتي ما عندناش في العيله حاجه اسمها طلاق

قالت ثريا بعصبيه :يعني اعمل ايه يا بابا افضل عيشه مع واحد زي ده كل يوم نكد وخناق، وصلت معه للضرب ، انا زهقت و مش قادرة اصبر تاني عليه.

ام ثريا و هي تبص على راقية : وجايبه بنته معاكي ليه يا اختي كنتي رميتها لابوها واحنا معنا نصرف عليها، أحنا يدوب مشينا بالعافية.

ثريا بزهق: هعمل ايه يا ماما لو سبتها للمخفي طه هيبهدلها.

ابو ثريا : المهم طه يبعت مصاريف بنته.

زعقت ثريا بصوت عالي: لازم يبعت طبعا،و أنا كمان أنزل أشتغل يا بابا واصرف على بنتي خلاص بقى ولا تحب أخذها و نقعد في الشارع احسن

ام ثريا : لا يا حبيبتي البيت بيتك، بس مش بيت بنت المخفي طه....

كل الكلام ده أتقال قدام طفلة صغيرة.

و عرفت راقية من اليوم ده أن هي مش مرغوب فيها وما حدش عايزها لابوها ولا امها ولا اي حد.

///////////////////////

عدى اسبوع وطه ما سالش على بنته ولا مره و ثريا قاعده في البيت، و بعد كم شهر ،قررت ثريا تخرج تدور على شغل عشان تصرف على تعليم بنتها، و تخلص من كللم ابوها ،و فعلا اشتغلت في محل ملابس صحيح المرتب مش كبير بس علشان تساعد نفسها، و بنتها

//////////

بعد عشر شهور.

في بيت أبو ثريا

ثريا ببرود: جاي ليه يا طه لو فاكر أني أرجعلك يبقى بتحلم.

ضحك بصوت عالي وقال : أنتي اللي بتحلمي يا ثريا أرجع لمين تاني، هو في حد بيرجع لنكد برجله، أنا جاي أشوف بنتي، ليكون الهانم نسيت أنها بنتي.

ضحك ابو ثريا باستهزاء وقال: لسه فاكر أن ليك بنت دي بقى لها 10 شهور أكل وشرب من لحم الحي.

طه: وانا جيت اريحك منها، و اخدها تقعد معايا على طول

ام ثريا بفرحة : ألف بركه في الاول وفي الاخر هي بنتك و لحمك.

مش غريب كلام أهل ثريا الغريب هو رد فعل ثريا اللي وافقت أن بنتها تروح مع طه اللي هي نفسها بتخاف منه.

//////////////

و مشيت رقيه مع أبوها بصمت،أول ما دخلوا البيت قعد و هي وافقة قدمه، و قال بأمر : يلا سمعني كده كل حاجة حصلت و كل كلمه اتقالت هناك بالحرف.

هزت راسها بالرفض وقالت : أنا مش عارفه حاجه يا بابا.

مسكها من كتفها وهزها بقوة،، وهو يقول : انطقي يا بت ثريا، هي أمك اللي قالتك ما تقوليش لي حاجة.

عيطت بخوف وقالت: أنا ما أعرفش حاجه يا بابا،صدقني ما اعرفش حاجه، محدش كان يتكلم قدمي.

زعق فيها وقال : غوري من وشي على جوة.

جريت راقية على اوضتها بخوف،قعدت على السرير وعيطت بحزن رغم أن سنها صغير بس انكتب عليها تكون حزينة.

///////(((

تاني يوم

طول اليوم طه مفكرش يسأل عليها هتاكل او لا.

طه من برة : راقيه تعالي هنا بسرعة

خرجت من اوضتها بسرعة ،لقت ابوها قاعد و جنبه واحدة ست، قالت بهدوء: نعم يا بابا

رد عليها: تعالي سلمي على مرات ابوكي.

قربت بهدوء ،مدت أيدها و قالت: ازيك يا حضرتك.

سعاد : الله يسلمك يا حبيبتي ، انتي قمورة اوي.

راقية : شكرا.

سعاد :تعالي اقعدي جنبي.

(/////////////

عدى سنة كاملة و بقت راقية ١١ سنة ، و هي قاعدة عند ابوها و مفيش مرة ثريا طلبت تشوفها، و كانت راقية عايشة في ذل و ضرب،ابوها يضربها ليل و نهار بسبب و من غير سبب،و طلب من سعاد أن راقية تعمل كل شغل البيت ، كانت راقية تصعب على سعاد و متصعبش على ابوها.

//////////

في يوم الساعة ١ بليل ،بعد راقية ما خدت علقة موت من أبوهاقررت تهرب من البيت و تروح عند امها علشان ترتاح من ضرب ابوها

///////////

تخبط على راقية على الباب بخوف

قام ابو ثريا بزهق و هو يقول: مين اللي بيخبط نص الليل.

راقية بخوف: أنا يا جدي.

فتح الباب و سأل ابو ثريا بخوف : بتعملي ايه هنا دلوقتي

جربت على جو و هي ترتعش من البرد ،قعدت على الكنبة و قالت : عايزة ماما.

خرجت ام ثريا على الصوت و خبطت على صدرها و قالت: بتعملي ايه يا بت طه في الوقت ده.

راقية : أنا هربت من البيت ،بابا بيضرني ليل و نهار و أنا زهقت و مش قادرة أتحمل،فين ماما

قعد ابو ثريا و قال: أمك مش هنا.

راقية : أومال فين.

ام ثريا: صاحب المحل اللي كانت شاغلة فيها، شافها و عجبتك و هو راجل مقتدر و طلب أيدها و اتجوزت من شهرين.

راقية بحزن: و ليه محدش قالي، و هي ازاي متسالش عليا كل ده، أنا مش بنت طه بس، أنا كمان بنتها.

ابو ثريا: بصوت عالي: هتاخد منك الأذن ، و تسأل عليكي ليه هو انتي في الشارع مش عندك المخفي ابوكي.

نزلت دموعها و قالت : لا مش في الشارع بس دي أمي و المفروض تسأل عليا، تشوفني عايشة ازاي.

ابو ثريا: احنا مش عايزين صداع من ابوكي، خليكي النهاردة و ارجعي بكرة عنده.

مدت أيدها و قالت بدموع: شوف يا جدي بابا بيعمل فيا ايه،كل لحظة ضرب و إهانة و كمان بعمل كل شغل البيت، أنا بصعب على مراته اكتر منه.

أم ثريا : معلش ابوكي و بيعلمك الصح من الغلط

ردت بحزن: وصلت معه أنه حرق ايدي بالملعقة علشان حرقت الاكل

ابو ثريا: تستاهلي لو أنا مكانه كنت عملت أكتر من كده.

عيطت من غير كلام، دخلوا هما الاوضة و هي فضلت قاعدة مكانها و بتعيط على نفسها، و كلمت نفسها: ابوي بيقول يا بت ثريا، و هما يقولوا يا بت طه ،زي ما أكون أنا العقبة الوحيدة في حياتهم،و نفسهم يخلصوا مني..

////////////////

في بيت طه، عرف أن راقية سابت البيت و مش موجودة، قال بغضب:أنا هقتلها علشان تفكر تخرج عن طوعي و تسيب البيت.

سعاد: براحة يا طه، البت لسه صغيرة.

طه بعصبية:لا مش صغيرة هي بقت عروسة و لازم اكسر رقبتها.

قال كده و خرج بعصبية من البيت.

////////////

في بيت ثريا كانت بتكلم في التلفيون

ثريا: يعني ايه يا امه راقية هربت من البيت.

أم ثريا: هو ده اللي حصل، بتقول أن المخفي طه يضربها.

ثريا بعصبية::تنقطع أيده البعيد ،يمد أيده عليها ليه، و مراته عاملة ايه معها

أم ثريا: بتقول مراته قلبها طيب عن المخفي

ثريا: و عملت ايه لما عرفت أني اتجوزت.

ام ثريا: زعلت و قالت كان المفروض تعرف منك

ثريا بحزن: خوفت أقوله تزعل، المهم هي هتعمل ايه دلوقتي.

ام ثريا: ابوكي ياخدها و يرجعه للمخفي طه ،علشان ميعملش مشاكل.

و قبل ما تقفل التلفيون ،وصل طه و كان بيخبط على الباب بقوة، قالت ثريا: المخفي وصل.

ام ثريا: مع السلامة أنتي دلوقتي.

قفلت ام ثريا و قامت تفتح و هي تزعق: في ايه طه براحة على الباب يتكسر.

طه بعصبية: فين راقية

في الاوضه أول ما راقية سمعت صوت ابوها انتفضت من مكانها بخوف وبقت تترعش

اما بره خرج ابو ثريا ومنع طه يدخل البيت وهو بيقول: وطي صوتك اتكلم باحترام بنتك جوه جاي نص الليل هربانه منك علشان أنت ضاربها و أنا كنت جايبها دلوقتي ليك،أنا مش هربي ولاد حد في الأول وفي الآخر دي لحمك

طه ببرود: اوعى تكون فاكر أن هيسيب بنت عندكم،

أنا عبيط اسيبها عند ناس جعانه زيكم

أم ثريا بردح: احترم نفسك يا مخفي، مش احنا اللي جعانين، أنت اللي جعان طول عمرك وحافي أنت واللي جابوك يا عرة الراجل.

زعق طه: احنا مش هنعيده تاني هاتوا بنتي خلوني امشي من هنا..

دخل أبو ثريا،لاوضه وشد راقية بعنف وهو يقول: غوري يا بت من هنا، و انسي أن ليكي أهل، أحنا مش عايزينك و لا عايزين حاجة من ريحة ابوكي.

راقية بدموع: لو سمحت يا جدي خليني معاكم أنا خايفة. يضربني تاني، بلاش ترجعني عنده.

كانه مش سامع صوت صرخاتها، زقها على أبوها وهو بيقول : خد بنتك يا طه، و بلاش تخطي عتبة الباب أنت و هي.

و دخل هو و مراته و قفل الباب في وشهم.

ضربها طه بالقلم و قال: هما دول اللي سبتي البيت علشانهم، قدمي على البيت و ليلتك سودة يا راقية

مشيت راقية معه وهي كلمه مرعوبة قليله على خوفها من ابوها، غريبة الدنيا دي اللي تخلي أقرب الناس ومصدر الامان لينا هم سبب الخوف.

//////////////////////////

وصلت راقية البيت مع ابوها و زقها على الأرض و نزل فيها ضرب وهو يقولها ابشع الألفاظ.

جريت سعاد وهي بتحاول تبعده عنها وتقول: ابعد عنها يا طه حرام عليك يا شيخ البنت هتموت ايدك.

زق سعاد بغضب، و قال بتهديد:

_بلاش تتدخلي يا سعاد بدل ما أنكد عليكي، دي بنتي و أنا حر،و لازم اعملها الادب علشان تخرج عن طوعي.

راقية بتحاول تدافع عن نفسها وتبعد عن ابوها بس من غير فايده وسعاد اللي هي مرات ابوها قعدت في الارض وانهارت من العياط وهي شايفه البنت الصغيره بيحصل فيها كده.

لحد ما صرخت سعاد: كفاية يا طه البت قطعت النفس

طه بيضرب راقية بنته بكل غل و كأنها مش بنته، و هي ضعيفة قدمه، و حتي سعاد مش قادرة تبعده عنها، لحد ما راقية غابت عن الوعي ،

صرخت سعاد: حرام عليك يا شيخ البنت قطعت النفس.

و لا فرق معه،اللي جريت هي سعاد جابت مياة و قعدت جنبها و رشت عليها، و قالت: فوقي يا راقية.

بصت سعاد على طه و صرخت: حرام عليك يا شيخ، ذنبها ايه الغلبانة دي.

قام طه دخل الاوضة بعصبية،قبل ما يطمن على بنته..

رشت مياة تاني و هي بتعيط: فوقي يا حبيبتي ،حقك عليا أنا

فاقت راقية، و جت تقوم من على الارض مقدرتش، سنتدها سعاد لحد الاوضة، نامت على السرير بتعب و هي بتعيط، و سعاد تطبطب عليها بحنان و قالت بدموع :

_معلش يا راقية حقك عليا أنا يا حبيبتي هو بس تلاقي ابوكي زهقان شويه، بس انتي غلطتي يا ضنايا ،ما كانش لازم تعملي كده وتهربي من البيت مهما كان السبب هو ابوكي برضو.

قالت بدموع: هو مش ابوي و لا هي أمي، هما الاتنين بيكرهوا بعض فطبيعي يكره بنتهم اللي تربط بينهم،أنا متأكدة أنهم دلوقتي يقولوا أني اكبر غلطة في حياتهم هما الاتنين، و نفسهم أموت علشان يخلصوا من بعض...

عيطت سامية عليها و مبقتش عارفة تقول ايه..

////////////////

تاني يوم طلبت ثريا من طه يبعت راقية لها و هو وافق..

كانت راقية تخبط على الباب ،أول ما فتحت ثريا رمت نفسها في حضنها وهي تعيط و قالت:

_شفتي يا ماما بابا عمل في ايه، كل يوم ضرب و إهانة وذل،واتفاجئ امبارح بالصدفه انك اتجوزتي، من غير ما أعرف.

زقتها امها بزهق وقالت:: تعالي ندخل جوه ,و عايزاني استأذن منك قبل ما اتجوز يا ست راقية.

دخلت ثريا ورقيه وراها وهي بتقول: مش قصدي يا ماما أنا قصدي كنت عرفت، هو أنتي و بابا ليه مش بتحبوني.

قعدت امها وقالت :بطلي كلام فارغ يا رقيه جعانه اجيب لك تاكلي.

رغم أن رقية جعانه ، قالت: شكرا مش عايزه أكل.

في الوقت ده رجع صلاح جوز ثريا ، وهو شايل لعب كتير لما عرف أن بنت مراته هتجي زيارة، قرب منها وهو بيضحك و قال :

_ القمر اللي منور عندنا ,ازيك يا كتكوته، شوفتي أنا جبت ليكي ايه.

ضحكت رقيه بسعادة ومدت أيدها تاخد الهدايا و سألت: كل دول ليا

صلاح: ايوه طبعا

راقية: شكرا لحضرتك

صلاح: العفو

و بص على ثريا و قال: قومي حضري الغداء

ثريا :حاضر

و زي ما سعاد احن عليها من ابوها، جوز امها طلع أحن عليها من امها، و قضت راقية اليوم معهم.

/////////////////////////

و تمر الأيام و الشهور و ثريا تتطمن على راقية كل فينا و فين، و صلاح ديما يقولها معاملتك لبنتك حرام، و هي مقتنعة انها لما تعيش عند أبوها احسن،

و طه مكمل ضرب فيها بحجة التربية،و لازم البنت تتعامل بقسوة

و عدي الوقت لحد ما وصلت راقية ثالثة ثانوي.

///////////////

في سنتر الدروس

مسحت دموعها و هي بتقول بحزن: حقك عليا يا راقية.

راقية بدموع: انتي مالك يا آيه ليه تتاسفي اصلا.

آيه بحزن: نفسي اعمل اي حاجه و اقدر أساعدك علشان ترتاحي من العيشة دي.

راقية: هتعملي ايه يا يعني ،سيبك من الكلام اللي ملوش لازمة غير أنه يفكرني بالمواجع.

آيه علشان تخرج رقيه من الحاله اللي هي فيها قالت بابتسامه :

شفتي أنا عملت ايه امبارح ،جبت طريقه فراخ من على النت وقلت اما اجربها وعلى اللي حصل

سالت رقيه :ايه اللي حصل

ضحكت آيه بصوت عالي وقالت: عملت نفس الطريقه زي ما قالوا وحطيتها في الفرن، وخرجت بره،كنت بتفرج على مسلسل ونسيت الفراخ و الفرن شغال وما حسيتش غير لما لقيت الدخانه بتهف عليا بره.

شهقت بصدمه و سألت : و عملتي ايه

عوجت بوقها بطريقة كوميدية و قالت : ابدا قمت طفيت الفرن بفتح أشوف الفرخه لقيتها مفحمها

رقيه بعتاب: ليه يا بنتي كده مش تخلي بالك ,الحمد لله ربنا ستر ,بس ممكن كان يحصل حاجه اكثر من كده.

زعقت آيه و هي بتقول: هو أنا اللي غلطانه يا روكا،ما الفرخه اللي غلطانه هي لما لقت نفسها قربت تستوي مش المفروض تديني خبر ولا هي كانت مبسوطه علشان تاخد حمام سخن و ساونا.

سمعت رقيه كده وانفخرت من الضحك،انبسطت آيه علشان شافت ضحكتها ، الوحيده اللي بتعرف تخلي رقيه تكون مبسوطه هي صديقه الطفوله آيه،اللي عاشت معها كل الوجع و الحزن.

////////////////((/((

بعد الدرس

رجعت آيه البيت ،لقت أمها و أبوها قاعدين في الصالة،قالت: السلام عليكم ورحمه الله وبركاته

ردوا عليها :وعليكم السلام ورحمه الله وبركاته

ابو آيه : حمد لله على السلامه يا يويو

آيه: الله يسلمك يا بابا

أم آيه :أحضر الاكل يا حبيبتي

آيه: شكرا يا ماما، أنا ممكن اسالكم سؤال

: اتفضلي

آيه بحزن: هو لو بعد الشر انتم مش مرتاحين مع بعض ومش متفاهمين والعلاقه بينكم انتهت ، ممكن تكرهوني لاني بربط بينكم.

فهموا أن سؤالها ده علشان مشكلة راقية.

ابو آيه : لا طبعا يا حبيبتي علشان أنت مش بس رابط بينا ،أنت حتة مني و حتة من أمك واللي يبقى غير كده ده يبقى غير طبيعي ومش مظبوط نفسيا و ده حال طه وثريا ، ربنا يهديهم على عمايلهم في بنتهم...

نزلت دموعها وهي بتقول: بس يا بابا هي صعبانة عليا اوي و نفسي اخفف عنها و مش عارفة اعمل علشانها.

أم آيه: هو أبوها لسه بيضربها.

ايه: للاسف ايوه و امها نسيها أن عندها بنت.

ابو آيه: و هي ليه ساكتة كل ده، خليها تعمل محضر عدم تعدي في ابوها.

آيه بصدمة: معقول يا بابا تعمل محضر في أبوها

أم آيه بعصبية: و هو ده أب و لا ثريا ام.

فكرت آيه في الموضوع و أنها تطلب من راقية تعمل محضر ضد أبوها

///////////(//

أما رقيه طلعت من الدرس على بيت أمها .

كانت قاعدة راقية و هي بيان عليها الكسوف والخجل، و أمها تحضر الاكل ، و جوز امها قاعد يلعب مع بناته توأم عمرهم خمسة سنين، كانت تبص بحزن و هي مش فاكرة أنها شافت نظرة حنان من أبوها أو أمها ، لأحظ صلاح حزنها و سأل : عاملة ايه روكا

ردت بهدوء: الحمد لله بخير

طلع فلوس و قال: بصي جبت لإخواتك شوية حاجات امبارح و احتارت اجبلك ايه، فخدي دول و هاتي اللي يعجبك.

قالت باعتراض: لا، لا شكرا مش عايزة حاجة

صلاح: عيب كده أنا زي ابوكي.

قالت لنفسها: ياريت أبوي زيك، أنا عندي اب و أم ظالمين، الغريب في حكايتي أن مرات ابوي و جوز أمي أحن عليا من ابوي و أمي نفسهم.

خرجت ثريا من المطبخ و قالت: يلا يا صلاح هات البنات و تعال كل.

شال بناته و قال بابتسامة: يلا يا راقية

قامت راقية و قالت : حاضر

بصت ثريا بعصبية، و زعقت: هو ابوكي سابك خارجة ازاي كده.

راقية بعدم فهم: كده ازاي يا ماما

ثريا: كده هدومك ضيقة

بصت على نفسها و قالت بعصبية: أنا هدومي ضيقة، ايه يا ماما مش واخدة بالك أني مختمرة، أنتي مصدقة نفسك.

كانت أول مرة تتتعصب على أمها بس هي فاهمة أنها أمها وصلت لمرحلة الغيرة من بنتها على جوزها، غيرانه أنه بيحاول يعطف عليها علشان لقيها زي اليتيمة.

صلاح بهدوء: خالص يا راقية مفيش حاجه ،يلا تعالي نأكل.

نزلت دموعها و قالت : شكرا لحضرتك يا عمو صلاح، الست دي معرفتش تديني حنان الام و نفس الكلام محرومة من حنان الاب، و دلوقتي هي غيرانه علشان أنت تحن عليا.

سابت الفلوس و قالت : أنا عمري ما أدخل البيت ده تاني

و خرجت من البيت، و صلاح يبص عليها بعتاب ،و هي زي ما يكون كابوس و انزح من على قلبها،وصلت أنها تغير من بنتها على جوزها،و شايفة أن ده الاحسن راقية متكونش موجودة قدم صلاح خالص..

صلاح: ربنا هيحاسبك على عماليك في البنت الغلبانة دي

زعقت و هي بتقول: و أنا عملت ايه يعني، ابوها اوله بيها، أنا بكره البت دي علشان بتفكرني بالمخفي أبوها.

صلاح بنفاذ صبر: أنتي مش طبيعة في حد يكره بنته.

و سابها و دخل الاوضة..

///////////////////////////////////////////

وصلت راقية البيت ، كان قاعد أبوها و مراته يتغدوا

قالت سعاد بابتسامة: تعالي يا حبيبتي كلي معنا.

طه: ما هي أكيد كلت عند البومة أمها.

قعدت على السفرة و قالت: لا ما كلتش يا بابا.

طه: جوز أمك بخيل ولا ايه

ابتسمت باستهزاء و قالت: جوز أمي و مرات ابويا و معهم آيه صاحبتي هما الحاجة الوحيدة الحلوة في حياتي

بص عليها بغضب من غير رد

سعاد: كفاية كلام يا طه، يلا يا حبيبتي مدي ايدك و كلي لقمة.

قامت من على السفرة و قالت :شكرا

زعق طه: مفيش زيارات لامك تأني.

راقية : من غير ما تقول هعمل كده، و عارف لو قدمي حل تاني كنت سابت البيت هنا.

سمع كلامها و قام نزل فيها ضرب و زي العادة سعاد مش قادرة تبعده عنها ،و مش بس كده حبسها في الاوضة.

طه بغضب: خليكي بقي هنا زي الكلبة، يا بت انتي أنا بكرهك علشان بتفكرني بامك البومة.

كانت بتعيط من غير رد،مش قادرة ترد عليه،او مش عارفه تقول ايه، هي ذنبها أنهم بيكرهوا بعض، مش قد الخلفة ليه يخلفه و هي اللي تتدفع التمن.

عدي يومين و هي محبوسة في اوضتها ،و منع عنها الاكل و الشرب لول سعاد كانت تدخل الاكل لها في السر،كانت ماتت من الجوع و العطش خصوصا أن جو صيف..

رقية بدموع: لو سمحتي يا خالتي ممكن تقولي لبابا يخلني اروح الدروس علشان الامتحانات قربت.

نزلت دموعها و قالت: حاضر يا راقية ،هتكلم معه، سامحني يا حبيبتي ياريت في أيدي حاجة اعملها.

راقية بحزن: ياريتك أمي.

قالتها بدون تفكير،قلبها نطق بيها قبل اللسان.

الكلمة سعدت قلب سعاد علشان هي مش بتخلف ، و خدتها في حضنها و قالت : ياه كان نفسي يكون عندي بنت جميلة زيك، بس الحمد لله.

راقية : من النهاردة انتي أمي

و حضنوا بعض و عيطوا الاتنين محتاجين بعض، سعاد عايزة بنت و راقية عايزة أم.

دخل طه في الوقت ده و قال: في ايه هنا.

سعاد بهدوء: حمد لله على السلامة يا طه.

زعق طه بيقول :انا مش قلتلك ما تدخليش عندها وهي ممنوعه من الاكل والشرب.

مشيت ناحيته وقالت بهدوء:

هدي نفسك بس شويه ,دي بنتك ولسه صغيرة وحقك عليا أنا ،مش هتتكلم معاك كده تاني بس خليها ترجع الدروس عشان الامتحانات قربت.

بص طه على راقية اللي كانت بتعيط و تبص على الارض بضعف و سأل بتحذير : لسانك هيطول تاني.

هزت رأسها بالرفض

قال طه :ماشي من بكره ترجع الدروس ويارب تنفعي.

خرج طه

وبصت سعاد على رقية وابتسمت

وقالت رقيه: شكرا يا ماما سعاد

سعاد بسعادة: يا قلب ماما من جوة،اخرج احط لابوكي الاكل اصل ده لو جاع ياكلنا.

////(////////////////

في الدرس

آيه بعصبية : كنتي فين كل ده يا رقيه وبرن عليك مش بتردي

رقيه بحزن: كان ابوي حبسني ورفض أني أخرج من البيت،و منع عني الاكل و الشرب ،علامات الضرب معلمة في كل جسمي.

آيه بصدمة: ليه كل ده.

حكت لها راقية اللي حصل و كان رد أيه: بلغي عن ابوكي يا راقية،اللي زي ده يستحق الإعد،ام مش الح،بس.

راقية بصدمة: ايه.

آيه بعصبية : بلغي عن ابوكي يا راقية،اللي زي ده يستحق الإعد،ام مش السجن، بلغي عنه و انسي اي حاجه بينكم زي ما هو نسي.

راقية بصدمة: ايه.

و نزلت دموعها و قالت:

_ بتقولي ايه يا آيه، مهما حصل لا يمكن أعمل في أبويا كده،ياريت اعرف يا آيه انسي زي ما هو و هي نسيت، أنا بعد كل اللي حصل، لسه مستنية منه و من ماما اي نظرة عطف و حب، مستنية إشارة و أنا اجري عليهم.

طبطت على أيدها و قالت بحزن و قلة حيلة:

_مش عارفه أعمل ايه يا راقية علشانك.

أبتسمت و قالت:

_ عملتي كتير يا صاحبة عمري، شكرا على كل حاجة.

مسحت دموعها و قالت:

_ أنتي اختي و بين الاخوات مفيش شكرا، و يلا بقي علشان اخويا جاي ياخدني، تعالي أوصلك معي.

راقية:

كل مرة تطلبي مني و اقولك لا، مع السلامه انتي

مشيت آيه من غير جدال.

و قالت راقية: مفيش مرة خرجت من المدرسة او الدرس و لقيت بابا أو ماما في انتظاري ، يلا الحمدلله.

/////////////////

وعدت الايام و الشهور لحد ما خلصت راقية و آيه الثانويه العامه ودخلوا الجامعة،وكل الأيام اللي فاتت راقية شافت أمها مرات قليلة و تكون المقابلة في بيت أبو ثريا.

/////////////

في بيت أبو ثريا

ثريا: عاملة ايه يا راقية

ردت بهدوء: الحمد لله بخير

أم ثريا: و عاملة ايه في المدرسة

ابتسمت بسخرية و قالت: مدرسة ،كل سنة و انتي طيبه أنا في الجامعة

ثريا: و بقيتي في سنة كام

بصت بصدمة و ذهول و قالت: ماما أنا قولتك المقابلة اللي فاتت أني في تانية جامعة كلية صحافة وإعلام

ردت ببرود: نسيت حصلت جريمة.

مردتش راقية ،قال ابو ثريا: و هي لو مش بنت طه تعمل من الحبه قبة ،يبقي مين اللي يعمل غيرها، شبه ابوها المخفي.

ردت راقية ببرود: عارف يا جدي بابا بيقول نفس جملتك،انتي شبة البومة أمك.

من غير تفكير ،ضربتها ثريا بالقلم و هي بتصرخ:

_ انتي بنت قلية الادب ،و لما أبوكي قال كده انتي ساكتة على إهانة أمك.

أم ثريا: لو بنت كويسة كانت ردت و قالت متقولش كده على أمي

أبو ثريا: من يوم ولادتك و أنا شايفك نسخة من ابوكي

قامت وافقت و قالت بهدوء شديد:

ـ نعد سوء، أنا بنت قليلة الأدب ، كلامك صح، أصل أنا بنت يتيمة الام ، بشوف أمي كل كام شهر مرة ، فمعلش لو عندي أم كانت ربتني ، تاني حاجه ،ارد على ابويا لما يغلط في امي، و مين رد علي ابويا لما يضربني و يحبسني ليل و نهار و يحرمني من الاكل، أمي عرفت اني بتعذب و مع ذلك كبرت دماغها ،و كمان بتغير مني على جوزها، تالتة ياريتني كنت نسخة من ابوي و امي ، هما قلوبهم قاسية عليا ،اما أنا لا.

و مكنش عندها كلام تاني تقوله،رجعت البيت أو بالأحرى الس،،جن،و هتعمل ايه غير الدموع...

//////////////////////

من اليوم ده مش راقية اللي رفضت تقابل امها بالعكس ، ثريا اللي شافت أن راقية محتاجة فرصة ودن و بطلت تطلب تقابلها، و ده وجع قلب راقية اكتر و اكتر...

و عدت الايام و الشهور و خلصت راقية و آيه سنة تانية جامعة..

//////////////////////////

في بيت طه

كانت واقفة راقية قدم الدولاب و هي حزينة مش لاقيه حاجة كويسة في هدومها تروح فرح صاحبتها آيه، و كالعادة طلبت من طه اللي قال بغضب:

_ فستان ايه يا روح تمك، مش كفاية عليا مصاريف الجامعة.

ردت بحزن: أنا شيالة كتير من مصايف الجامعة بسبب شغلي اون لاين ،لو سمحت يا بابا أنا ما مشية نفسي في الجامعة بس ده فرح صاحبتي و كل اصحابي موجوين.

زعق بصوت عالي: مش عايز وجع دماغ، و بتكلمي بقلب جامد زي ماكون وافقت أنك تروحي الفرح.

و سابها و مشي.

مسحت دموعها و هي تفتكر كلامه و قالت: أطلب من آيه هي عندها هدوم كتير و عمرها ما ترفض.

و زعقت لنفسها: مش كفاية شحاتة بقي، هي آيه هتعمل ايه اكتر من كده، اخر كلام مش هروح الفرح

في نفس اللحظة و صل رسائل على الجروب الخاصة باصحابها، و كل واحد تبعت تقول إن الفستان وصل

كتبت ريم: و انتي روكا طلبتي اون لاين زينا أو لفتي على المحلات.

كتبت نور: يا بنتي روكا صاحبة آيه الانتيم فطبيعي تخبي الفستان

و بدأت البنات يتكلموا عن خطط اليوم و يعملوا المكيب فينا و هي تقرا الرسائل تبكي دموع قهر.

في الوقت ده ظهر ملائكة الرحمة بالنسبة لها، وصل رسالة لها تم تحويل مبلغ ٢٠٠٠ ج من رقم صلاح

و بعدها رسالة:

_راقية أنا آسف على أفعال ثريا ليكي، يشهد ربنا أني من يوم ما تجوزت أمك و أنا شايفك بنتي الكبيرة، كفاية أنك اخت بناتي و عايزك تخلي بالك منهم، أنا جبت حاجات للبنات و هما قالوا لازم تجيب لروكا، اتمني متعمليش زي العادة و ترفضي الفلوس،ده مش عطف و لا شفقة ده هدية من أب لابنته.

و تمت الرسالة و هي كتبت: شكرا يا عمو، أنا مش هكذب عليك كنت محتاجة الفلوس

صلاح: العفو و وقت ما تحتاجي حاجة أنا موجود.

قفل صلاح و هي رسمت الفرحة على وشها، و علشان تكمل دخلت سعاد و هي تقول بصوت عالي: خدي بسرعة قيسي الفستان قبل ما المندوب يمشي

سالت باستغراب: مندوب ايه

سعاد: افتحي و شوفي.

فتحت الشنطة و كان فستان شافته على الانترنت و قالت وقتها بإعجاب: الله بصي يا ماما الفستان ده تحفة.

خدت سعاد التلفيون و قالت: جميل اوي و هينفع ليكي .

راقية بحزن: بابا مش هيرضي يدني فلوس.

مردتش سعاد

//////

سالت راقية : انتي عملتي كده ليه

سعاد : علشان أنتي بنتي و اي حاجة نفسك فيها اعملها ليكي.

رمت نفسها في حضنها وقالت: الحمد لله يارب، عوض ربنا جميل ، عوضني بيكي و ب عمو صلاح ،الحمد لله.

/////////////////////

يوم فرح آيه

في مركز التجميل

آيه بانهبار: بسم الله ما شاء الله ، ايه الحلاوة دي يا روكا.

راقية: حلوة بجد

آيه: اومال احلي مني

راقية: مفيش احلي منك يا جميل.

و حضنوا بعض

دخلت البنت و قالت: اخوكي جاي يا آيه.

دق قلب راقية ،و قالت آيه بخبث و بصت على راقية بمخزي: اخوي القمر دكتور الجامعة وصل.

راقية: اسكتي يا آيه.

حطت أيدها على بوقها و قالت: أنا خرساء اصلا.

حطت أيدها على قلبها اللي يدق بقوة.

دخل أخو آيه ،بص عليها و قال:

ما شاء الله ايه الجمال ده؟

و بص حواليه و سأل: بس فين اختي.

و رفع صوته بسيط و قال: يا جماعة في عروسة ضايعة فين اختي.

ابتسمت راقية،و آيه بصت بغضب:

و الله كتر خيرك يا اخوي.

قرب منها نوح و بأس جبينها و قال: الف مبروك يا ايوش ،ربنا يسعدك يا حبيبت اخوكي.

ابتسمت آيه و قالت: الله يبارك فيك يا حبيبي،عقبالك.

بص بطرف عينه على راقية اللي تبص على الارض بخجل و قال: عن قريب أن شاء الله ،قلبي اختار العروسة.

و خرجت آيه مع نوح لحد العريس أحمد ابن خالتها.

و كانت سهرة جميلة.

/////////////////

في بداية سنة جديدة

في الجامعة

في المحاضرة

راقية مش مركزة في الشرح، هي مركزة مع الدكتور اللي خطف قلبها من أول نظرة.

خبطتها آيه في كتفها و قالت: ركزي يا روكا في المحاضرة.

راقية بكسوف: أنا مركزة

آيه: مانا عارفة

الدكتور نوح بصوت عالي: ياريت الكل يركز.

//////////////////

في الكافتيريا

آيه بغمزة: بس ايه رأيك في أخوي الدكتور القمر

ضحكت راقية و قالت : لمي نفسك يا حلوة

آيه: اضحكي عليا يا لئمية ، أنا عارفة و انتي عارفة أن عينه منك و عينك منه.

راقية بهدوء: بس بقي يا آيه علشان مزعلش منك، بطلي رغي شوية.

جه نوح أخو آيه و قال بهزر: هي لو آيه بطلت رغي من يرغي.

توترت راقية أول ما سمعت صوته، و قالت آيه بعصبية: كده يا اخوي كتر خيرك

نوح بابتسامة: يا بنتي بطلي كلام بقي و يلا علشان نرجع البيت.

و بص على راقية و قال بهدوء: تعالي أوصلك يا آنسة راقية.

ردت بخجل: شكرا.

آيه كانت عينها عليهم تبص شوية على راقية و شوية على نوح و قالت لنفسها: شكلهم لايق على بعض، راقية محتاجة واحد زي اخويا يعوضها الحنان اللي محرومة منها.

نوح: يلا يا آيه

آيه: عايزة حاجة يا روكا.

راقية: شكرا

مشي نوح و آيه و هي بعدهم

///////////////

في العربية

نوح بهدوء: يويو عايزة أتكلم معاكي في موضوع

آيه بهدوء: اتفضل يا حبيبي.

نوح بهدوء: أظن أنك عارفة حقيقة مشاعري من ناحية راقية،من غير لف و دوران، أنا بحب راقية من أول يوم في الجامعة و عايز أطلب أيدها للجواز .

رغم فرحتها علشان عارفة أن راقية كمان بتحب نوح، بس

قالت بهدوء: اسمعني يا نوح كويس، أنت أكيد يا ما سمعتني و أنا بعيط و بتكلم مع بابا و ماما عن حياة راقية الصعبة، ما بالك هي بقي اتحملت ايه ،فلو سمحت فكر كويس تقدر تعوض راقية عن كل اللي فات.

رد بابتسامة : انتي عارفة أن اخوكي راجل ، و يعرف يشيل المسؤولية.

ابتسمت آيه و قالت: أنا عارفة يا حبيب أختك.

نوح: طيب ياختي ناوية تروحي فين

آيه: على بيتي جوزي طبعا.

نوح: ناوية على ايه

آيه بهزر: خناقة على الضيق كده

نوح بجدية: بطلي مشاكل

آيه بعصبية: أنا بتاعت مشاكل،أنت معي و لا معه.

نوح: مع الحق و انتي حياتك كلها خناقات تافه زيك.

شاروت على نفسها و قالت بعصبية: أنا تافهة ،اخس عليك يا اخوي

نوح: أنا قولت بلاش جوز قبل ما تخلصي الجامعة، يمكن عقلك يكبر شوية.

آيه : حمادة حبيبي كان مستعجل،مالكش دعوة.

نوح بهزر: كان مستعجل على الهم

ضربته في كتفه و قالت: هو راضي أنت مالك بينا بقي.

نوح: كان الله في عونه

///////////////////////

في بيت طه

وافقة راقية في المطبخ مع سعاد

سعاد: يومك كان عامل النهاردة.

راقية : الحمد لله بخير ، طمني انتي عليكي

سعاد : الحمد لله بخير ، ابوكي زي عادته يزعق و ينزل على مفيش.

ضحكت راقية و قالت : عمره ما طلع و نزل على مفيش لما الموضوع يخصني،لازم علقة ساخنة كل مرة، اللي مصبرني عليه هو أنتي.

سعاد: انتي عوض ربنا لي.

////////////////////

بليل في بيت آيه

كان أحمد قاعد على الكرسي و يشرب الشاي ببرود و هي وافقة قدمه و تزعق بعصبية و صوت عالي.

و قالت : أحمد أنا زهقت.

أحمد في سره: أنتي زهقتي اومال أنا اقول ايه.

آيه بصوت عالي: أحمد.

رد بخوف: حبيت قلب أحمد ،خير يا يويو .

ردت بعصبية: أنا عايزك تزود مصروف البيت شوية.

قال بهدوء: أنتي معندكيش موضوع تاني تكلمي فيا غير ده.

قعدت جنبه و قالت بهدوء: أعمل ايه ، المصروف مش بيقضي طول الشهر.

أحمد بهدوء: معلش نتحمل ونحاول نلم أيدينا شويه.

تنهدت بضيق و قالت : أكتر من كده،أنت عارف مصاريف الجامعة قد ايه ، و كل يوم الفطار و الغداء و العشاء والكهرباء والمياه والغاز أعمل ايه في كل ده.

قام واقف و قال بعصبية: كملي يا آيه، و الهدوم اللي كل يوم تشتريها ، والمكياج ،كل دي حاجات تاخد من مصروف الشهر.

آيه بعصبية: هو أنا غلطانه ، علشان بهتم بنفسي علشان خاطرك المفروض تكون مبسوط.

أحمد بصوت عالى: اهتمي بنفسك، بس مش كده أنتِ تصرفي فلوس كتير كل شهر على الحاجات دي و،تجي تقولي المصروف مش بيقضي ،طيب أعمل ايه أنا أكتر من كده، اقطع نفسي علشان تكوني مبسوطة.

قالت بعصبية: الفلوس اللي بتجي تتصرف علي البيت مش باخد حاجة منك على بيت أبويا

قال بعصبية: مفيش غير الجمله دي، هو أنا جبت سيرتك أهلك في الموضوع ، أنا بقول بلاش تجيبي الفتره دي هدوم ولا مكياج ،ونوفر الفلوس في حاجه مفيدة.

قامت وقفت قدمه و قالت بعصبية : يعني كل المصاريف اللي بتصرف فى البيت وعليك مش شايف انها كتير، بس المهم نوفر فى حاجاتي،أنا باخد منك ايه غير شويه الفلوس دي.

كان اتعصب جدا من طريقتها و قال بتهديد: آيه وطي صوتك ، و بعدين جربي كده و وفري أنتِ الشويه دول وشوفي يفرق معاكي ازاى.

شدت في شعرها بجنون و صرخت : حاضر أنا مش أهتم بنفسي و بلاش تزعل و بعد كده تروح تبص بره.

مسكها من كتفها و قال: نهار أسود عليكي يا بعيدة، هو مينفعش تهتمي بنفسك بالحاجات اللي عندك ،لازم كل شويه جديد أنتِ عندك حاجات جديده لسه مش لازم فلوس علشان تهتمي بنفسك، المفروض انك لسه عروسة جديدة و حاجاتك جديدة.

صرخت بعصبية: أحمد.

قرب منها و باسها على جبينها و قال بهدوء: أخرج مع أصحابي شويه ، ولما أرجع نكمل الخناقة براحتنا على معدة فاضية و على الهادي يا يويو.

حطت أيدها في وسطها و سألت باستهزاء: يعني أنت لما تقعد على القهوة، دي مش مصاريف يا أستاذ أحمد.

أحمد بصدمة :أنتِ تبصي في كوبيه الشاي اللي بشربها كل جمعه على القهوه مع أصحابي

آيه : لا مش قصدي أنا أقصد وفر أنت كمان، زي ما بتطلب مني أوفر.

قال بصوت عالى: أنا زهقت بجد من كتر الكلام معاكي.

آيه بغضب :كانت جوازه سوده

بص بغضب و قال :ما شاء الله عليكي راح فين أعيش معك في اي حته وتحت أي ظرف يا حمادة ،

اومال لو مش جوازنا عن حب , من كتر الحب اللي بينا يا بنت خالتي اتجوزنا قبل ما تخلصي الجامعة.

صدق المثل اللي قال إن داخل الفقر من الشباك هرب الحب من الباب صح.

ردت بدموع: لا مش صح يا أحمد، أنا مش مبذرة أنا بس خايفه بعد الجواز شكلي يتغير و تبطل تحبني علشان كده أهتم بنفسي.

قال بهدوء: يكون بالعقل وأنا عارف أنك مش مبذره

أنا خارج و أجلي الخناقة لحد ما أرجع من بره.

و قال لنفسه: خالتي قالت بلاش ،و أبن خالتي بلاش حتي جوز خالتي قال بلاش ،كلهم قالوا بلاش ،بنتهم و عارفينهم و أنا أقول إلا هي بحبه ،كنت غبي

وخرج أحمد من الشقة، و قعدت آيه تفكر في كلامه

قاطع تفكيرها رن التلفيون

ايه بدموع: شوفتي يا راقية

راقية بنفاذ صبر :شكلها خناقه جديدة.

ايه : ايوه يا أختي، خناقة كل يوم.

راقية بعتاب: و بعدين يا آيه ،كده غلط يا حبيبتي

آيه بعصبية : والله الرجاله دي مش عجبه العجب ولا الصيام في رجب،يعني أنا واحدة مهتمة بنفسي على أكمل وجه و الاستاذ أحمد مش مبسوط.

راقية بهدوء: كل شئ بالعقل يا يويو، بلاش تنسي أنكم لسه في بداية الطريق ،لازم تقفي جنبه يا حبيبتي على ما يقف على رجله

آيه بهدوء:أنا حاولت اتغيرت و بجد مش عارفه ، انتي عارفة أنا بحب الموضة و المكياج و اهتم بنفسي

راقية :بالعقل يا حبيبتي ،خير الاموار الوسط

آيه : أحاول ،المهم سيبك مني عايزة اكلمك في موضوع

راقية: خير يا قمر.

من غير مقدمات ،قالت: نوح عايز يتجوزك

كحت راقية و هي مش مستوعبة كلام آيه.

ضحكت آيه و قالت: ايه يا روكا مش قادرة تتحملي الصدمة، عندك حق اخوكي عريس ميتعوضش.

راقية بكسوف : بجد يا ايه و لا كلامك هزار زي العادة.

ايه : هو المواضيع دي فيها هزار ،ايه رأيك

راقية: انتي عارفة رأيي

و قفلت الخط.

و قامت اتوضات و صلت و هي تدعي ربنا الموضوع يتم على خير و نوح يكون العوض لها بعد سنين العذاب.

//////////////

كلمت ايه نوح و طلبت منه يكلم أهله علشان يحددوا معاد لزيارة أهل راقية.

////////////////////////

أما آيه فضلت مستنية أحمد علشان تبدأ بداية جديدة.

بعد شوية رجع أحمد من برة.

و محضر نفسه علشان يكمل الخناقة

لكن آيه لها رأي تاني، مستنية على السفرة و محضر كل أصناف الاكل اللي أحمد بحبه.

و قالت بحب: حمد لله على السلامه يا حبيبي.

أحمد باستغراب: هو ده أسلوب جديد في الخناق و لا ايه

آيه بحب: لا يا حبيبي بعد الشر عليك و عليا من الخناق، أنا بس فهمت وعرفت أن عندك حق في كل كلمة قولتها و المفروض أحس بيك.

أحمد بسعادة: بجد يا يويو ،يعني مفيش خناق تاني على حاجات تافه و على الفلوس.

هزت رأسها بنعم و قالت بهدوء: أيوة يا حبيبي مفيش خناق و لا مشاكل تافة تاني و بعد كده أطلب منك الاحتياجات بس ، أنا غلطت و معترفة بده.

أحمد بحب: والله أنتِ قمر من غير حاجه الحلوه حلو حتي لو لسه صاحي من النوم يا قمر، الله يكملك بعقلك يا حبيبتي ، و يبعد عنك عيون الحاسدين.

آيه بهدوء و عقل: أنا فهمت أن خير الامور الوسط، يعني لازم الست تهتم بنفسها، بس مش على حساب اساسيات البيت.

أحمد: بحبك.

آيه بحب: و أنا بعشقك يا حماده.

و قعدوا ياكلوا وسط ضحك منهم وسعادة

///////////////(//

في بيت سعاد

قعدت سعاد مع طه و قالت: زي ما بقولك كده، هو دكتور الجامعة بتاعها و اخو آيه صاحبتها و عريس الف بنت تتمناه.

فكر طه شوية و بعدين قال:

موافق اقابلهم بس بشرط.

قالت راقية اللي كانت تسمع كلامهم من اوضتها: استر يارب ،يا تري ايه الشرط

سعاد: قول يا طه

طه: شرطي هو.

في بيت سعاد

قعدت سعاد مع طه و قالت: زي ما بقولك كده، هو دكتور الجامعة بتاعها و اخو آيه صاحبتها و عريس الف بنت تتمناه.

فكر طه شوية و بعدين قال:

موافق اقابلهم بس بشرط.

قالت راقية اللي كانت تسمع كلامهم من اوضتها: استر يارب ،يا تري ايه الشرط

سعاد: قول يا طه

طه: شرطي هو.

يتبع