رواية : برائتك يا أبوي أنا بطلعها — الفصل 19 — بقلم Khalek Poetess
اعرفهم تتكفى تكفى
شهاب بعصبيه وهو يوقف وبصراخ : حدددددك وقص بالسانك انتي كيف تقولين هذا الكلام عن امي وخالتي لا وقدامي بعد احتررمي نفسك يا شمس لهذي الدرجه وصلت فيك المواصيل انك تتهمين امي بالقتل
شمس بأنهيار : شهاب انت مو فاهم شئ مو فاهم لا تحلل كل شئ من عندك
شهاب وهو يوقف وبعصبيه لبس دشداشته فوق البيجامه : قطعتي فرحتي الله يسد نفسك من حرمه
وصفق الباب بقوه ضربت شمس خدودها بقوه :حسبي الله ونعم الوكيل ونزلت رأسها وهي تبكي بقوه
تخبت ورى المزهريه الكبيره اول ما شافت شهاب طالع ومعصب وما انتبه لها بسبب عصبيته وببتسامة : وطلعتي حامل يا شمس لهذي الدرجه طلعتي غبيه وتعترفين قدامه ان ممكن امه تذبح ولده يا ويلك مني انتي واللي ببطنك ههههههههههههه
باليوم الثاني
الساعه 10 الصبح
كانت شجن لابسه جلابيه فضفاضه فوشيه وما حطت بوجهها شئ والغطوه حاطتها على كتفها
طلعت لصاله شافت خالد نايم تنهدت وراحت للمطبخ التحضيري وهي تحس بملل مو طبيعي فتحت الثلاجه واخذت عصير مانجو وبسكوت حصلته على الطاوله بالقمح
جلست بهدوء على الكرسي وجلست تأكل بهدوء بس قطع عليها دخول خالد للمطبخ
شجن طالعته ( بسم لله هذا متى لحق يصحى)
خالد بأستهزاء : صباح النحس يا بنت قاتل ابوي
شجن وهي تحترق من الداخل بس عملت نفسها مو هامها : وعليكم السلام
خالد بسخريه : اوه وتعرفين تردين السلام بس مين علمك مو معقوله يكون القاتل اللي علمك
وقفت شجن بقهر وبعدت عن الكرسي: ابوي اشرف منك يا الخسيس
خالد بهدوء خوفها : مين الخسيس هاه
شجن بخوف حاولت تخفيه :شايف احد غيرك هنا
قرب خالد منها وهي تتراجع وهو يقرب حتى صدمت بالجدار
خالد بهدوء : شكلك محتاجه تربيه
وعطاها كف قوي لدرجه صار خشمها ينزف وبتهور وهي تبكي : والله بخبر امك عنك اهئ
خالد طالعها بأستغراب وبعدها انفجر بضحك : هههههههههههههههههههههههههه
مجنونه انتي او بزر
شجن وهي تزيد بالبكى :مالك دخل والله بخبرها
وبعدته من طريقها وتركض برع المطبخ ضرب خالد بيده على رأسه :البزر بتسويها (وبصراخ ) شججججججن
وطلع يركض وحصلها تفتح باب الجناح وتطلع برع وهي تغطي رأسها بالغطوه وبصراخ ما يدري كيف قاله : ما تبغين تزورين ابوك
وقفت شجن عند مدخل الباب وهي تطالعه وببرأه : قول والله
خالد بقهر وهو يصك على اسنانه : والله بوديك بس تعالي يا مجنونه
شجن وتمشي خطوه : لا تقول مجنونه وقول وعد اليوم اوديك
خالد وهو يشد على شعره : وعد اليوم اوديك بسس خلصييني
شجن وهي تبتسم : طيب
وركضت وتخطه واول ما قربت من غرفة
النوم ابي اروح العصر اوكي
خالد بقهر وهو يجلس على الكنب : انجلعي لا اذبحك
ابتسمت شجن بشقاوه وسكرت الباب وهي بتطير من الفرحه وراحت حتى وقفت امام المرآيه : واخيرن باشوفك يا يبه ما تتصور قد ايش اشتقت لك ولحضنك
ببيت ابو شاهر
كانت مرام لابسه بيجامه وجالسه بصالة جناحها وتأكل فشار
قرب منها شاهر وهو لابس دشداشته ويعدل الغتره : بروح الشركه تبغين شئ
مرام وفمها مليان فشار: ابي تلفوني (وهي تبلع) بليز شاهر وبسامحك على ضربك لظهري
شاهر ببتسامه جانبيه : لا يا روح امك واحب اقول لك البرهم اللي رفضتيه وحطيته لك بالحمام ايش حقه تسوينه وانتي ما تريدينه
توهقت مرام (كيف عرف اني سويت منه وببتسامه عريضه وهي تضيع الكلام ) بلييز شهوور عطيني تلفوني والله اشتقت لخواتي وامي
تنهد شاهر وحس بفرحه اول ما سمعها تدلعه وعلى طول طلع تلفونها وعطاها اياه اخذته مرام بسرعه وهي تبتسم : مشكور شاهر
ابتسم شاهر وهو طالع :ما يحتاج شكر
فتحت مرام تلفونها على طول : خلني ادق على شموس ايش صاير معاها
بمكان اول مره نزوره
غاده بصدمه وصراخ :ايييييييش خ خالد تزوووج
فوزيه (امها) تحاول تهدي بنتها : غاده يا يمه اهدي و
غاده بصراخ : بسسس انتوا ايش مفكريني لعبه خالد من كنا صغار وانا له وهو لي وتجي اخر الشئ وحده حقيرره مثل هذي وتاخذه
وركضت لغرفتها ودموعها على خدها واتصلت عليه
خالد كان للحين يحس بالقهر من شجن وجالس على الكنبه ورأسه بين ايدينه دق تلفونه اخذه من الطاوله واول ما شاف اسم منصور 2 (منصور اخو غاده ) على طول رد
غاده ودموعها على خدها : كيف كيف ق قدرت تسويها خ خالد
خالد عرف انها درت عن زواجه غمض عيونه بألم وبهمس : والله اللي صار غصبن عني
غاده بصراخ : كذاااااب انت خااااين خااااين وما تستاهل ربع الحب اللي عطيتك اياه
انت كي ف ت تخوني وتتزوج غيري
وما لقت من خالد غير الصمت
غاده بقهر وصراخ اكثر : نسيت نسيت يا استاذ خالد انك عريس والشرهه مو عليك علي انا اللي ضيعت عمري وانا انتظرك
وسكرت الخط بوجهه تنهد خالد وحط رأسه بين ايدينه ( والله مو بيدي اسوي شئ مو بيدي وبوعدك يا غاده اني بتزوجك وعد وعد )
عند بدور وهي قاعده بسياره معا صديقتها رزان
بدور ببتسامه بريئه : رزونه وين بيكون هذا البارتي
رزان وهي تبتسم بخبث : اتركيه مفاجأه
بدور وهي تفكر : البارتي ايش فيه تراني اول مره بروح بارتي فلا تلوميني
رزان وهي ترفع يدها : يووه ما تعرفين تسكتين بدور تراك مره وجعتي لي رأسي بالليل ان شاء الله بتشوفين كل شئ والحين نزلي بيتكم بسرعه تراك اليوم اكلتي كل فلوسي وتوبه ما اعزمك
ضحكت بدور ونزلت وهي تعمل لرزان باي
ببيت ابو شهاب
صحت شمس على التلفون دارت عيونها للغرفه وما شافت شهاب : هذا للحين ما رجع اووف
ردت على التلفون وخبرت مرام بكل اللي صار وهي تبكي وندمانه عن كلامها عن ام شهاب لان مهما صار المفروض ما تقلل من قيمتها عند ولدها
بالمستشفى
كانت درئ تحس قلبها محروق تبكي وهي بحضن جدتها : يمه ما ابي اشوفه تكفين يمه مابي
ام محمد وهي تمسح على شعر درئ بحنان : درئ يا يمه ترى هذا قضاء وقدر وياما حريم طيحوا بأول شهورهم وانتي الحين بعدك صغيره وتقدرين ان شاء الله تجيبي بدل الواحد عشره واسماعيل ما له ذنب باللي صار هذا جزاته انه كنسل سفره عشانك
درئ وهي تشاهق: مابي مابي ابيه يطلقني يمه ترى اسماعيل عافه الخاطر وانتي مو فاهمه شئ
ام محمد بعصبيه : الله واكبر طلاق بهذي السرعه جنيتي انتي انا ما بقول لك حاجه تفاهمي معا زوجك واتركي الدلع ( وراحت للباب طالعه وهي معصبه)
درئ ببكى: ييييمه لااا تروووحين وتتركيني يمه
وصلت الجده عند الباب وناظرت درئ :بروح البيت السايق برى ينتظرني ومثل ما انتي عارفه جدك شوي تعبان
درئ ودموعها تنزل : لا يمه لا تروحين
طلعت الجده وحصلت بوجهها اسماعيل جالس على الكرسي: ادخل عند زوجتك (وبحنان ما قدرت تخفيه) ارجوك يا ولدي لا تقسى عليها
وقف اسماعيل وهو يتنهد:لا توصين حريص يا الغاليه
ابتسمت ام محمد وراحت دخل اسماعيل على درئ شافها تبكي بقوه ووجهها مغرق بدموع قرب منها حتى صار واقف جنبها: حياتي كيفك
درئ وهي تشاهق وتناظر النافذه اللي على يمينها: مو بخير دامك بحياتي(طالعته بقسوه) عندي لك طلب واتمنى تنفذه اسماعيل طلقني
اسماعيل بصدمه : ايييش
درئ بقهر: اللي سمعته طلقني وخلصني منك ومن شرك
اسماعيل بعصبيه: طلاق احلمي فيييه فاهمه
درئ بعصبيه اكبر:بتطلقني وغصبن عنك ذبحت ولدي وحرقت قلبي ايش تبقى مني اكثر