تحميل رواية «بنت عمي» PDF

_هتتجوزها ورجلك فوق رقابتك

=الى هو ازاى يعنى

_يبنى انا ابوك وعاوز مصلحتك

=يبابا انا عارف ان مريم إنسانة محترمة وجميلة وأنها كمان بنت عمى الله يرحمه بس مش معنى كده انى اتجوزها .. انا بعتربها زى اختى بالظبط

_يبنى انا مش هعيشلك على طول .. عشان خاطرى اتجوزها دى ملهاش غيرنا .. ويبقي كد ضمنت انها ف ايد راجل هيحافظ عليها .. وانا رجلى والقبر يعنى عاوز افرح بيكم قريب

=بعد الشر يبابا متقولش كد .. يووه طيب .. طب ف الاول خطوبه عشان نتعرف

_تتعرفوا اى انتوا متربيين مع بعض .. كتب الكتاب يوم الخميس الجاى .. وانا طبعت خلاص الجوابات وزمانها وصلت للناس وأصحابك

=بتحطنى قدام الأمر الواقع يعنى بتثبتنى .. الى تشوفه يا والدى اهم حاجة صحتك .. الزعل مش كويس عشانك

_لو اتجوزت مريم هكون مبسوط

=حاضر

*انا مصطفى عندى ٢٦ سنة والى بنتكلم عليها دى مريم بنت عمى الله يرحمه عندها ٢٢ سنة ومتربيين سوا ..

فتحت الواتس بعد مسبت ابويا .. كل الواتس عندى تقريبا مباركة على جوازى الى هو بعد ٣ايام ..

جه يوم الخميس اشتريت البدلة وحضرت نفسي وابويا كان محضر العربيه والشقه كانت جاهزة وكل حاجة تمم ..

*خلصنا الفرح وركبت العربيه ومكلمتش مريم خالص .. وروحنا البيت

_إدخلى

=متشكرة ..

_..

*دخلت وقعدت على الكنبه

_عاوز اقولك على حاجة

=اتفضل

_بصي يمريم .. انتى طبعا إنسانة محترمة جدا واى حد يتمناكى .. بس انا بعتبرك اختى بس فاهمة ..

=لو كد اتجوزتنى لى!!

_مهو ابويا ..

=اه عمى .. كنت حاسه ..

_متفهميش غلط يمريم

=يعنى انت مش بتحبنى !!

_لا طبعا بحبك .. انتى مينفعش متتحبيش يمريم .. بس الى هو اختى بق

=ها واى كمان

_لا بس كد

=بس يجدع

_اه والله

=تمم .. عاوز اى دلوقتى؟

_مش عاوز حاجة والله.. انا طالب بس نمثل قدام ابويا اننا سعدا وكد عشان ميتعبش

=نمثل .. اه تمم .. بعد اذنك

_على فين

=هنام

_طب وانا

=مش انا اختك نام مكانك بق

_انتى عنيفه اوى لى

=اهو دا الى عندى .. تصبح على خير ..

..

مريم دخلت بس حسيت ان ف وسط كلامها الى بهزار كسرة .. حسيت انى كسرت فرحتها ف اليوم الى بتتمناه اى بنت

*مسكت الفون وقعدت اقلب وفتحت الواتس لقيتها اون لاين فبعتلها رسالة

_مريييم

=عاوز اى

_يخربيت دماغك .. اوعى تكلمى حد دلوقتى

=لى يعنى

_لى ايه .. هو المفروض اننا بعد الفرح نفتح الفون؟

=خلاص مش هكلم حد .. حاجة تانيه؟

كنت قاعد ومستنى مريم تحضر الفطار ولقيت صوت تكسير ف المطبخ ..

_إيه دا .. انتى كويسه؟؟

=اه .. رجلى بتوجعنى اوى

_هه .. الى يشوفك وانتى داخلة يقول الشيف الشربينى .. تقومى موقعة الاطباق .. اى دا فيه دم

=مش كنت بتضحك .. ابعد بق

*مريم مشت قدامى ولقيتها بتتسند على الحيطة ورجلها بينزل منها الدم .. روحت شايلها

_نزلنى ..

=أهدى كد والنبي عشان إلى انتى عملتيه دا ..

..

*حطيتها على الكنبه وجبت قطن وبيتادين ولفتلها رجلها ..

_لسه بتوجعك!

=لا .. شكرا

_العفو يبنتى .. مريم انا شايف ان الجواز دا بوظ الدنيا بينا .. احنا كنا صحاب اوى وكل واحد فينا عارف كل حاجة عن التانى .. دا انتى حتى كنت عارفه انا كلمت كام بنت وعارفه عنى كل حاجه.. لكن دلوقتى حاسس اننا اغراب عن بعض والوضع دا مش مريح

=انت مبتفهمش ولا بتحس بحاجة ..

_ايههه!!

=زي مسمعت .. عمرك سألت انا وافقت على الجواز دا لي! عمرك قولت هى بتستحملنى لى .. هى بتسمعنى وبتعمل كل دا لى .. عمرك مسألتي نفسك انت بالنسبالى اى! .. دا انت بمصطفى الوحيد الى عرفاه.. فتحت عينى على الدنيا عليك .. كنت على طول صاحبي واخويا و... يوووه بص يمصطفى إلى انت عاوزه اعمله براحتك .. لكن انا تعبت والله وانت مش حاسس ولا فاهم اى حاجة .. دا انا كنت هموت من الفرحة لما عمى قالى أنه عاوز يجوزنا .. قولت معقول حس بيا .. لكن طلعت ف الآخر مش بتحس غير بنفسك وبس طول عمرك كد ..

*مريم قالت الكلام دا وهى بتعيط .. اول مرة افهم يعنى اى الواحد يعيط بوجع .. قالت الكلام وانا متنح وزعلان جدا .. معقول اقرب حد ليا اكون سبب ف وجعه بالطريقه دى .. مريم قالت الكلام دا وقامت دخلت الاوضه وقفلت عليها.. وانا لسه قاعد على الكنبه مش متوقع انها فعلا بتحبنى ..

_مريم .. افتحى .. انا عارف والله انى مش بفكر غير ف نفسي .. بس والله مكنتش عارف انك كد خالص .. انا اسف والله حقك عليا .. طب افتحى نتكلم .. وغلاوتى عندك افتحى ..

=خلاص يمصطفى لو سمحت سيبنى لوحدى دلوقتى

_مريم

=عشان خاطرى يمصطفى مش هقدر اتكلم دلوقتى

*قعدت على الكنبه وانا سامع صوت تمتمه عياطها .. قعدت يجى ساعتين ف الاوضه مبتخرجش منها ..

*لقيت الباب بيخبط ..

وفتحت

_اي دا ندا !! (ندا دى بنت خالتي الى جت مع امى )

=ألف مبروك

_الله يبارك فيكى .. ادخلى .. اتفضلى

=امال فين عروستك

_ها .. ثوانى اندلها ..

*قربت من باب

*روحت فتحت الباب وخد الاكل وحاسبت الدليفري

_مريم تعالى اطفحى

=نعم !!

_كلى يعنى

=اه بحسب ..ثوانى انت بتعمل اى

_هاكل معاكى

=مين الى طالب الاكل!!

_مين الى محاسب على الاكل!!

=خلصانة اقنعتنى وهتاكل

_غصب عنك على فكرة هاكل..

*كلنا وخلصنا ..

_مريم

=نعم

_مش هنلاقي الطبطبه بق على رأي حسين الجسمي

=لاء .. وايدك لتوحشك بق

_امال لو مكنتيش بتحبينى كنتى عملتى فيا اى ..

=مصطفى .. انت بتحبنى!!

_ها ..

=تمم .. مش هتلمسي غير لما تحبنى

_يشيخة .. الحب هيجى بالعشرة .. بصي هو انا بحبك والله بس فاهمة ..

=زى اختك .. اشطا خلينى اختك بق

_مين قال انك اختى والله ميحصل .. يعنى تبقي قمر كد واختى لا طبعا

=انت بق زى اخويا ..

_انتى عارفه المثل الى بيقول "الى بتكسف من بنت عمه .. ميجبش منها عيال"

=اه .. ماله

_انا مش مكسوف .. انا نفسي استفرد يرايق .. مش معقول يعنى يوم الصباحيه خلص اهو ..

=بطل كلمة استفرد دى

_نفسي اتحرش بيك يرايق ..

=احترم نفسك

_احترم نفسي .. دا انا مش متربي .. وبعدين يعنى لى محسسانى انى شقتك ف شقه مفروشه

=طب بطل الكلام دا

_لى متجوزتش مثلا ريم دا كان عليها شفايف ولا حبيبه كانت كرباج ولا نسرين كانت وتكة ..

=والله انت ماعندك دم .. وانا غلطانة انى قاعدة معاك اصلا

*جت تقوم قومت شددتها ليا

_والله مفيه احلى منك .. انا بهزر بس بلطف الجو

=طيب ماش .. لطفت!! .. ابعد بق

_على فكرة لو قولتى ابعد تان هخونك .. اي يبت متهدى كد .. ف ايه يرايق ..

=فيه قلة ادب وسفالة

_هو كد قلة ادب وسفالة !! طب انا عاوز قُبلة

=العب بعيد يشاطر .. وبعدين انت مش بتحبنى .. بتحب فيا شكلى بس

_لا يمريم .. هو انا قذر للدرجاتى ف نظرك

=مش قصدى انا بس ع...

=خلاص يمريم متقوليش

*بعدها عنى وطلعت برا قعدت ف الكنبه

_مصطفى متزعلش منى

=أنا .. بصي يمريم .. لو الحب هو الامان يبقي بحبك .. لو الحب يعنى أطمن يبقي بحبك .. لو الحب أنتى اتمنى اشوفك ومشوفش غيرك يبقي بحبك .. لو الحب انى بخاف عليكى ومش عاوز دموعك تنزل يبقي انا محبتش غيرك ..

_انت بتحبنى بجد!!

=طورة أنا بحب حتة طورة

_بطل بواخة .. طب قولها تان

=بحبك وربي بحبببببك ..

_وانا كمان بحبك اوى .. تعرف يمصطفى أنا لو بحب حد بعد بابا الله يرحمه يبقي انت ..

=وانا هحاول اعوضك لو بجزء صغير عن عمى الله يرحمه

*فجأة مريم حضنتنى جامد وكانت مبسوطة اوى.

مبسوطةاوى.. هى دى الضحكة الى بتحلى وشك يمريم ..

_بقولك يمصطفى

=قولى يا بنت عمى

_حان الان موعد الاستفراد يرايق

=اي دا ف اى .. لا هصوت لو قربتى منى

_هه .. كنت عاوز اى من شويه

=مش فاكر لاء

_قُبلة مثلا ..

=لا معتش عاوز..

_هههه .. يانى

=حبيبي بالبونط العريض ..غالى واقرب من وريد .. حالتى تتشخص جنون بيقولى انا بيك مريض ..

_ها واى تان

=اه ولقيت الطبطبه .. واقوى لو منتاش بعيد .. ضحكتك فيها كهربا ..

_مخلاص بق

=لا بجد شابوه يوسف الشريف

_يوسف الشريف!! ما علينا ..

=مفيش شويه ساسبنس أو فيلنج كد

_احترم نفسك

=رجعنا ل احترم نفسك تان ..

_مصطفى الله

=الله .. أيوة بق

..

*بعد اسبوعين ..

*من الصبح

*صحيت لقيتها ف حضنى وكانت فرحانة اوى وانا الصراحة كنت فرحان جدا .. معقولة الإنسانة الى احبها تبق افضل صديقه ليا ..

_يسطا احلى صباح عليك

=لى بتأكديلى انى متجوز واحد صاحبي لى

_هه .. عاوزلك ف موضوع بس بليل..

=خير ...

_بليل ..

=تمم اشطا

_ هروح احضر الفطار

=ها .. رشوة يعنى .. اشطا انا بقبل ..

*مريم راحت تعمل الفطار .. لا وكمان حضرت فطار حلو اوى وعملت الغدا حلو اوى بردو..

*بليل

_بقولك

=قوليلى

_انت نازل شغلك بكرة صح؟

=صح

_عاوزة اطلب منك طلب

=اطلبي

_عاوزة ارجع الشغل

=نعم يختيييي..

_ف اى يمصطفى .. انت عارف انى محاميه شاطرة .. وناس كتير تعرفنى .. وقواضي كتير مأجلاها عشان الجواز

=مفيش كلام من داا.. مش محتاج فلوس الحمد لله والحالة ماشيه كويس اوى

_انا مش بقول عشان الفلوس .. دا كيانى

=لاء يعنى لاء ..

_ماش يمصطفى شكرا ..

*دخلت نامت وهى زعلانة جدا والدموع ف عينها .. عشان كنت بزعق وانا بتكلم ..

*الصبح

يتبع .....

*الصبح

صحيت لقيت مريم صاحيه ومحضرة الاكل على السفرة وقاعدة تفطر ..

_كد تفطرى من غير جوزك حبيبك ..

=..

_صبا الخير يمريومة ..

=..

_طب ردى طيب ..

=معرفش .. وشكرا على كلام امبارح دا ..

_اه .. كل دا عشان كلام امبارح ..

*قعدت فطرت ..

_مش هتيجى تنقى معايا بدلة من جوا ..

=لاء

_لاء اى افرضي مثلا عاوز حضن قبل ممشى زى اى راجل عادى

=بردو لاء ..

*سابتنى ودخلت المطبخ .. وانا دخلت غير هدومى ولبست بدلة .. اه نسيت اقولكم .. انا ماسك شركة محاسبه من والدى .. وقعدت شويه ف الاوضه

_مريم انا ماشى ..

=طيب..

_والحضن!!

=مفيش ..

_لا والله

=اه والله

_انتى الخسرانة دا انا حتى واد بعضلات وحضنى حلو .. مع السلامة يرايق ..

*روحت الشغل .. وقعدت شويه .. لقيت الفون بيرن (أفضل صديقه) اصل انا لسه مغيرتش اسم مريم من على الفون من ايام مكنا صحاب .. بس هى فعلا لسه أفضل صاحبه ليا ..

_هااا ..

=اعمل غدا ايه !!

_مالك بتتكلمى كد لى .. زى واحدة عندها ٥٠ سنة .. احنا لسه عرسان جداد ..

=تحب تتغدا اى

_طب بقولك .. انتى دخلتى اوضه النوم!!

=لاء .. اشمعنا

_طب ادخلى

=لى يعنى

_ادخلى ومتوجعيش دماغى

=طيب ..

_ها لقتيها..

=هى اى

_يا اخر صبري .. ورقه عندك على الكوميدينو ..

( ميهونش عليا زعلك وانتى استحملتينى كل دا .. من واحنا صغيرين وانتى حلمك تبقي محاميه عشان تساعدنى الناس .. كنت ايام ثانوى اسالك اشمعنا حقوق يمريم!! تقولى عشان اخد حق الضعيف.. اجى انا بعد كل دا وامنعك انك تكملى حلمك من وانتى عندك ١١ سنة!! .. اسف كنت متعصب امبارح .. بس عشان عاوز اريحك .. بس اكتشفت انى لو عاوز اريحك فعلا .. انى أوافق انك تنزلى شغلك .. وانا موافق .. بحبك يبنت عمى)

*الكلام دا كتبته ف ورقه لما كنت قاعد ف الاوضه..

_انا كمان بحبك .. بحبك اوى يمصطفى

=مبسوطة

_اوى اوى .. يلا بق انا راحة مكتبي ..

=والغدا

_هطلبه دليفري يرايق ..

=اه اشتغلنا دليفري .. بس النهاردة بس ..

_تمم يحبيبي .. سلام

=خلى بالك من نفسك .. مع السلامه ..

*حسيت من صوتها انى رديت روحها وضحكتها إلى بتحلى الدنيا ..

*بعد مخلصت الشغل وروحت البيت

_مريم مريم ..

=أيوة يحبيبي

*جرت عليا وحضنتنى جامد اوى

_شكرا يا مصطفى بجد شكرا اوى

=احكيلى حصل اى ف يومك

_مراتك اللهلوبه .. كسبت قضيتين يبرو ..

=اي الجمال دا .. عقبال متبقي اشهر محاميه ف البلد

_يرب يروحى .. طب وانت !!

=يوم روتينى كالعادة ..

_اممم .. ربنا يعينك يرب..

=انا جعان اوى

_جبت بيتزا

=والله طب هاتيها واقع من الجوع ..

*كلت انا ومريم ولاحظت قد اى انا سبب ف فرحتها .. اول مرة اعمل حاجة واكون مبسوط انا بعملها وانى بفرح اجمل انسانة ف الدنيا ..

_انا ملان اوى ..

=خلصانة هنلعب بلاستين

_يبنتى منتى بتخسري دايما

=هه .. لا انسي هكسب المرة دى

_اما نشوف ..

..

_شوووووط شووووط

=ودانى اتخرمت يمريم

_منتا إلى عاوز تكسب

=منتى إلى مش بتعرفى تلعبي

_محصلش ..

=اهو جون ٧ اهو ..

_خلصانة غشاش ..

=بما انى كسبت يعنى .. فين المكافأة؟

_مكافاة اى..!

=يعنى شويه مشاعر من الاخر ..

_اه طب اقعد مكانك عشان شويه وهتبقي على رجلى

=طب بقولك اى ..

_قول

=وأجيب بنوتة تشبهك واسميها على اسمك

_كذاب وربي كذابين وف الاخر هتسمى على اسم امك

=انتى سيبتى اول جزء ف الجملة وشبطى ف دى ..

_بطل قلة ادب بق

=قلة ادب .. على أساس أن اوضه الأطفال دى مش هتتملى عيال ..

_لا يرايق

=طب تعالى بق

*ترن ترن ...

_دا تليفون من الشغل

=نعم يختى دا وقته

_معلش يحبيبي هرد بس

=اتزفتى ...

..

_ايييه .. سرقه ورق من شركة ...!!!

يتبع

أيييه سرقه ورق من شررركة!!!!

*لاحظت ساعتها أن وش مريم جاب ألوان واتوترت وقعدت تبصلى ..

_ف ايه يمريم!!

=الورق إلى في الشر...

*ترن ترن ..

_استنى هفتح الباب وجايلك

*فتحت الباب لقيته البوليس ..

_أنت مصطفى ..

=أيوة.. خير يحضرت الظابط

_انت متهم بسرعة اوراق شركتك .. هاتووووه ..

=أيههه .. مريم متعيطيش انا راجع ...

*روحت القسم .. انا متهم في قضيه سرقه اوراق الشركة .. مفيش حد معاه مفاتيح الشركة غيري .. كل حاجة ضدى ..

_حبس المتهم ٤ ايام على ذمة التحقيق .. وبعدها يحال إلى المحكمة للنطق بالحكم ...

*اول مسمحت الجملة دى اتنفض .. انا هبات ف الحجز!! .. انا معملتش حاجة .. طب ومريم اكيد دلوقتى منهارة .. انا عملت اى بس .. دخلت الحجز ومنمتش .. مكنش ف دماغى انى مسجون .. كان ف دماغى يترا مريم مع مين .. دى ملهاش غيري .. كان قلبي وجعنى اوى.. فضلت افكر لحد الصبح ..

..

*لقيت مريم وابويا جاينلى ف الزيارة ...

_انت كويس

=لا يمريم .. انا معملتش كد والله

_انا عارفه .. المهم .. انت شاكك ف مين

=يعنى اى

_يعنى انا مسكت القضيه ..

=لا يمريم بلاش

_انت شاكك ف قدراتى ولا اى يفندم .. ها قولى شاكك ف مين .. أو بتسيب مفتاح الخزنة مع مين .. مين بتستأمنه .. كد يعنى ..

=معقول هو

_هو مين ..

=علي .. على هو دراعى اليمين ف الشركة وهى الى بستأمنه على كل حاجة.. مفيش غيره عارف حاجة عن الاوراق دى .. اه يا على الكلب ..

_اهدى ..

*الزيارة انتهت...

_خلى بالك من نفسك يمريم .. خلى بالك منها يا بابا ..

*مريم رجعت البيت وهى بتعيط .. فعلا هى ملهاش غير مصطفى .. فكرت لو هى ضعفت هتخسر القضيه .. وتخسر مصطفى للابد .. مسحت دموعها وقعدت تطلع على أوراق القضيه وجابت معلومات عن (على) .. أنه بيحب الستات جدا والشرب .. فكرت مريم تجيب رجله ازاى .. ف وسط التفكير الباب خبط ..

_ندا ..

=ف اى حصل اى .. مصطفى محبوس لى ..

*مريم حكيتلها كل الى حصل ..

_اه الكلب.. طب ايه .. هتعملى اى ..

=هو بيحب الستات وبيدوب قدامهم ..

_ثوانى انتى بتبصيلى كد لى ..

=منتى الى هتبقي الطُعم ..

_هيهيهي .. ازاى مش فاهمة

=يعنى انتى حلوة اوى ممكن نستدرج الى اسمه على دا .. وتسجليله .. ومتخافيش مش هلمسك .. هنحط منوم ف الويسكى الى هو بيشربه .. مش هعرف انجح في القضيه من غيرك يا ندا .. لو كنتى بتحبي مصطفى فعلا وهو زى اخوكى .. ساعدينى ..

*ظهرت علامات التوتر والقلق على ندا .. بس افتكرت قد اى مريم محاميه شاطرة وان الخطة ذكيه جدا ..

_اكيد هساعدك..

=متشكرة .. متشكرة جدا .. النهاردة الاربع .. بكرة الخميس تيجى بليل على الساعة 8 كد ..

_اشمعنا

=هفهمك بكرة ...

..

*بليل ..

_ها .. فهمينى ..

=على بيخرج دلوقتى وبيروح ديسكو .. احنا هنستدرجو قبل ميروح ...

*مريم وندا مشيوا وشافوا على وهو طالع من العمارة بتاعته ترتكب عربيته.. واتحرك .. قامت مريم زقت ندا على العربيه وهى ماشيه براحة ..

_ااه ااه ..

=اوبا اى الجمال دا ..

_مش تحاسب ..

=احممم .. طب لو عاوزة ترتاحى من الخبطة دى .. انا بيتى قريب من هنا ..

_بس تقعد ب ادبك

=دا انا كلى ادب

*ندا راحت مع على شقته ..

_مش يلا بق ..

=اممم .. لا انا عاوزة اشرب الاول ..

_دى شكلها هتبقي ليله قمر ..

*على جاب الويسكى ..

_اي دا فين التلج .

=شكلك صاحبه مزاج .. هروح اجيبه

*راح يجيب التلج.. وندا حطت المخدر ف الويسكى .. فضل على يشرب وندا تعمل اكنها بتشرب ..

_قولى بق

=ايه

_سمعت انك عملت ف مدير الشركة مقلب وخد الورق ولبستهاله ..

=ههه .. دا مغفل.. مش عارف انى عملت نسخة تانيه من المفاتيح ..

_وبعدين ..

=وبعدين .. روووحت بليل وخد الورق وسبت بصماته على الخزنة

_يا خبيث ..

=دا انا اعجبك اوى .. مش يلا بق ..

_طب اشرب اشرب ..

*ندا سابته لو نام خالص من تأثير المخدر وطبعا كل دا كان بيتسجل .. وندا نزلت ومعاها التسجيل.. مريم كانت مبسوطة اوى .. عشان دا دليل براءة مصطفى ..

*ف المحكمة ....ريكم عشان انزل الجزء الاخير ❤

*ف المحكمه

_سيدى القاضي حضرات السادة المستشارين .. القضيه طبعا مضمونة على براءة موكلى .. بس ممكن ننده على الاستاذ على .. محتاجين شهادته ف القضيه ..

*القاضي نده على "علي"

_استاذ علي كنت فين والأوراق مسروقه!!

=دا سؤال .. كنت في البيت طبعا ..

_متعرفش مين إلى عمل كد..

=لاء الصراحة معرفش

_تمم .. سيدى القاضي تسمح تسمع التسجيل إلى معايا دا

*المحكمة كلها سمعت التسجيل ..

*القاضي قال استراحة وبعدها النطق بالحكم .. مريم قربت من القفص وبدأت تتكلم معايا ..

_متخافش يا حبيبي أن شاء الله براءة ..

=انا فخور بيكى اوى .. بتترافعى كويس اوى

_شوفت مراتك شاطرة ازاى ..

=وانا الغبي الى كنت عاوز اقعدك من الشغل ..

_ان شاء الله هتاخد براءة..

*فعلا القاضي حكم بالبراءة وسجن على ..

*ومريم وندا ومصطفى روحوا البيت ..

_قولولى بل عملتوا اى وازاى التسجيل دا اتسجل

=هقولك بس متضايقش ..

*وحكيتله مريم وندا على إلى حصل وأنها كانت الطريقه الوحيدة ..

_شكرا يندا .. شكرا يمراتى يحبيبتى يروحى ي...

*مصطفى جاى يحضن مريم (وبدأوا يتكلموا بوشوشه)

_احممم .. اتلم ندا قاعدة البيت اتكسفت ..

=منتى وحشانى اوى اعمل اى

_احترم نفسك

=احترم نفسي!! .. اصبري دا انا نفسي اخدك ف حضنى مسبكيش ابدا

_بطل بق ندا قاعدة ..

..

_حمدالله على السلامة يمصطفى

=الله يسلمك يندا .. الفضل لربنا ثم ليكى

_انا كنت وسيلة بس .. لكن مريم طلع عقلها يوزن بلد

=يا زين مخترت وربي ..

_يلا استأذن انا بق

=خليكى قاعدة شويه

_لا يلا يمصطفى مرة تانيه .. سلام عشان ترتاح ..

*قمت وقفلت الباب ورا ندا ..

_مش يلا عشان ارتاح ..

=احترم نفسك .. ادخل خد شاور ونام شويه

_ننام شويه قصدك ننااااام

=مفيش كلام من دا وخش يلا ..

*دخلت اخد شاور وطلعت .. نمت فعلا زى القتيل عشان مكنتش نمت خالص ..

_مصطف.. ، انت نمت، شوف شوف قمر ازاى وهو نايم ميبنش عليه أنه مشفش دقيقه تربيه ..

*مريم قربت منى وباستنى ف خدى ونامت جمبي وف حضنى ..

*صحيت الصبح ملقتش مريم .. صحيت وقومت بدأت ادور عليها ملقتهاش وقافلة فونها.. معقول تنزل الشغل!! .. دى حتى مقدرتش انى جاى تعبان وجسمى مكسر وانى محتجلها جمبي .. بجد مريم نزلت الشغل معقولة !! مرنتش تان على الفون وقولت اسيبها أكيد مشغولة .. مشغولة بحاجات اهم منى ..

*بعد ساعتين

*مريم رجعت وهى مبسوطة اوى وواضح على وشها .. أكيد كسبت قضيه ..

_ازيك يدرش ..

=..

_مش بترد لى!!

=كنتى فين!!

_مش تقول حمدالله على سلامتك يا مريم الاول

=كنتييييي فييييين!!

_بتزعق ليييي!!

=كنتى فين يمريم .. ف الشغل صح .. اه صحيح مهو اهم منى انا اهبل اوى

_والله بجد!!

=اه والله ..

_طيب ماش .. افرد وشك عاوزة اقولك على حاجه

=..

_افرد وشك

=عاوزة اى

_انا حامل ..

=ايههههه

_حاااااامل ..

*ساعتها كنت هموت من الفرحة بجد .. اخيرا الإنسانة الوحيدة الى كانت صحبتى وأختى وحبيبتى ومراتى حااامل .. ساعتها شيلتها ولفيت بيها وانا هموت من الفرحة ..

_احلفى

=الله وربنا حامل انت عبيط

_هه .. الف مبروك يحبيبتى ..

=الله يبارك فيك .. هتبقي احلى اب ف الدنيا

_انتى الى احلى حد ف الدنيا سواء صاحبه أو زوجة أو ام ..

=يجدع

_اه والله

*بعد ٨شهور .. حضر الاستاذ عمرو .. احساس انك شايل حتة منك وحتة من انسانة بتحبها الاحساس دا بالدنيا وما فيها .. احساس أنه بيكبر قدامك وشايل اسمك .. وبعدها بسنتين جيبنا الآيلة فريدة .. نسخة من مريم .. عيونها .. حركاتها .. ضحكتها .. اجمل ضحكة ف العالم ..

_بابا بابا

=عاوزين اى انتوا الاتنين

_انت بتحب ماما !!

=مبحبش غيرها .. بتسألوا لى؟

_عشان احنا بنحبها اوى ..

عارف يبابا انا عاوز اشغل اى

=أيهه يا استاذ عمرو

_محامى عشان اساعد الناس الفقيرة زى ماما

=طب وانتى يفريدة عاوزة تطلعى اى؟

_عاوزة اطلع زى ماما 💛

(گنتى أمامى ولا أدرك وجودك .. حينها تزوجت منكِ بدون أرادتى.. أحببتك لأنكِ كنتى حينها أجمل فتاة ف العالم ومازلتى كذلك.. وعندما أنجبنا الاطفال كانوا دائما يريدون أن يكونوا مثلك انتى .. لا أريد أى فتاة سواكى .. لا اريد غيرك يمريم)❤️❤️

بقلم 𝙴𝙻 𝙰𝙼𝚁𝙸𝙺𝚈 💖.♪