تحميل رواية «بعد الصبر حتماً سيكون الجبر» PDF

اسكربت بعد الصبر حتماً سيكون الجبر (كامله جميع الفصول) بقلم ذكري

إسكربت

يعني أيه يا مصطفى الكلام اللِ بتقوله ده؟

مصطفى /يعني خلاص مبقتش قادر أستحمل أكتر من كده مش هقدر أمشي جنبك بالخيمه اللِ لبساها دي وبصراحة أكتر مش متخيل حياتي معاكِ، وشروط خطوبة ومش عارف أيه، وده غلط وده عيب وده حرام وده مينفعش، بجد مش قادر أستوعب إزاي فيه ناس بالتفكير المتخلف بتاعك ده لحد دلوقتي، يعني أيه متسلميش عليا وأنا خطيبك؟، ومفيش خروجات، ومفيش تليفونات ومفيش ومفيش أنا بجد زهقتك ومش قادر أستحمل القرف ده.

سمعتوا قلبي اللِ اتكسر مية حتة طب شوفتوا الدموع اللِ في عيوني بحاول أمنعها على قد ما أقدر بجد مش قادرة أستحمل معقوله ده الشخص اللِ في يوم فكرت إنه ممكن يكون الشخص اللِ ممكن أكمل معاه حياتي، بس كنت أكبر غلطانه، معقوله ده تفكيرة فيا بجد إتوجعت قوي، لسه فاكرة يوم خطوبتنا وفرحتي يومها، والنهار ده زي ما أنتوا شايفين جاي يفسخ الخطوبه؛ علشان ملتزمة بضوابط الخطوبه، بعمل اللِ ربنا أمرني

بيه، هو لسه أجنبى عني يعني مش مسموحله يسلم عليا حتى لو خطيبي، وعلى قد كسرت قلبي بكلامه ده، بس لا لازم أكون قويه أكيد مش هغضب ربنا علشان أي حد مين من كان، وإذا كان عايز يفسخ الخطوبه فأهلاً وسهلاً أنا واثقة إن ربنا هيعوضني بحد يستاهلني لان (من ترك شيئًا لله عوضه خيرًا منه) فأنا كلي ثقه بالله وبعوضه

رديت بهدوء وقوة ظاهرة تمام يا مصطفى لو ده اللِ أنت عايزة معنديش مانع على راحتك، ربنا يرزقني خيرًا منك، ويرزقك خيرًا مني، ثواني هجيلك حاجتك

مصطفى بتعجب بعض الشيء من رد فعلي أهي تمزح تدعوا لي وأنا أخبرها بفسخ خطبتنا /تمام

صلوا على النبي صلى الله عليه وسلم

كنت عادي جدًا، وهاديه جدًا على عكس اللِ جوايا، أنا الحمد لله راضيه بقدر ربنا، بس زعلانه على إختياري الغلط وزعلانه إني كنت بدأت فعليًا أُعجب بيه، بس هقول دايمًا الحمدلله أنا واثقة إن كدة بردوا خير ليا أنا واثقه إنه خير.

أهلي دخلوا عليا علشان يواسوني مفكرني هنهار وهعيط، بس ملقوش كدة خالص، كنت هاديه ومبتسمه ابتسامة رضا على قضاء الله حتى هما استغربوا من هدوئي ده

بابا /بصي يا بنتي ده نصيب ومتزعليش نفسك أكيد ده خير

رديت عليه بإبتسامة صادقة كلها رضا /أنا الحمد لله يابابا راضيه وواثقة إن كدة خير وواثقه في عوض ربنا ليا.

بابا ب إبتسامة فخر/هو ده عين العقل يا حبيبتي ربنا يعوضك خير

اللهم أمين، ودلوقتي يا حاج تسمحلي أزور مريم علشان إمبارح كانت تعبانه شويه.

بابا /طبعًا يا بنتي مفيش مشكلة وابقى طمنيني عليها ووصليها سلامي.

حاضر يا بابا يوصل إن شاء الله يلا بقى سلام علشان ألحق أجي بدري

بابا /تمام يا بنتي مع السلامة وخلي بالك من نفسك

لا حول ولا قوة إلا بالله

في بيت مريم

السلام عليكم ورحمة الله وبركاتة، الناس التعبانه دي أخبارها أيه

مريم بتعب وبعض الحزن /أنا الحمد لله بقيت تمام، أنتِ اللِ عاملة أيه حاسه بايه

ثواني بس أيه الدموع اللِ في عيونها دي هي مين زعلها

رديت عليها بدهشه واستغراب من حالتها دي /مريم مالك ليه الدموع دي أنتِ ليه زعلانه كدة، هو سي مالك أفندي زعلك، قوليلي بس لو زعلك وأنا أقتلهولك، وبعدين ياستي أنا الحمد لله كويسه جدًا، ومبسوطة جدًا أنتِ أيه اللِ مزعلك بقى.

مريم بزعل /يعني مش عارفة؟!

رديت عليها بإستغراب أكتر /مريم أنا صاحبتك يا حبيبتي مش خطيبك بلاش الحركات دي الله يسترك، وبعدين هعرف مين يعني من غير ما تقوليلي؟!

مريم بدموع أكتر /ذكرى أنا عرفت إنك فسختي خطوبتك

عارفين مريم دي صاحبتي وعشرت عمري وأجدع صاحبه ليا بس عيوطة قوي، بس قلبها أبيض وصعب تلاقي حد زيها في الزمن ده بجد عمله نادرة الحمد لله إن ربنا رزقني صاحبة زيها.

رديت بهدوء وإبتسامه خفيفه/ياحبيبتي هدى نفسك أنا والله مش زعلانه، أنا الحمد لله راضيه بقضاء ربنا، وواثقة إن ده خير وكمان واثقة إن ربنا هيعوضني خير.

مريم وهي تمسح دموعها/ونعم بالله يا حبيبتي، الحمدلله يا حبيبتي أنتِ قلبك طيب وتستهالي كل خير ربنا يوفقك ويرزقك بابن الحلال اللِ يستاهلك بجد، بس أكيد أنت مش زعلانه ولا عايزة تن*هار*ي وتعيطي وت*حل*قي شعرك وتك*ت*ئبي.

رديت عليها بدهشه من كلامها والصراحة مقدرتش أمسك نفسي وقعدت أضحك جامد لحد ما عيوني دمعت أيه يا بنتي أكتئب وأعيط وأقص شعري أقصه ليه يعني وبعدين متعرفيش إن كدة حرام؟

قال رسول الله صلى الله عليه وسلم

- الحديث العاشر : عن أبي موسى عبد الله بن قيس - { أن رسول الله صلى الله عليه وسلم بريء من الصالقة والحالقة والشاقة } .

[ ص: 373 ] قال رحمه الله " الصالقة " التي ترفع صوتها عند المصيبة فيه دليل على تحريم هذه الأفعال . والأصل " السالقة " بالسين ، وهو رفع الصوت بالعويل والندب . وقريب منه : قوله تعالى { سلقوكم بألسنة حداد } والصاد قد تبدل من السين .و " الحالقة " حالقة الشعر . وفي معناه : قطعه من غير حلق . و " الشاقة " شاقة الجيب . وكل هذه الأفعال مشعر بعدم الرضى بالقضاء ، والتسخط له . فامتنعت لذلك .

أنتِ متخيله قد أيه ده ذنب عظيم

مريم ببعض الحرج/أسفه مكنتش أعرف، أنا بس كان قصدي إنك لوزعلانه أو كدة تقولي متخبيش علشان متتعبيش.

رديت عليها بمرح/أيوه فعلاً أنا أبغى أك*تئ*ب دا الحين، أيه أنا شكلي عايزه أن*ه*ار لأ لأ بجد مش قادرة

مريم بنرفزه /أصدقي أنتِ عيل با*رد*ة وغل*سه، والحق عليا إني بقولك فضفضي، وبعدين مش ملاحظة إني أنا اللِ بعيط، ومن*ه*ارة وأنتِ عادي خالص ولا على بالك.

رديت ببسمه حبيبتي تسلمي يا رب، الواحد مش عارف من غير مدحك ده كان هيعمل أيه، وبعدين ياحبيبتي ده الطبيعي أنتِ دايمًا ع*يو*طة أصلاً

مريم وقد تحولت تمامًا بقى كدة طب قومي يلا

يابنتي هدى ما كنا حلوين مالك قلبتي الرجل الأخضر كدة ليه؟

مريم بنرفز أكتر وقد أمسكت بالمخدة بجانبها بقى كدة طب خدي.

قعدت أجرى بضحك إحنا دايمًا كدة عاملين زي الأطفال بس بنحب بعض جدًا، وبفرح قوي بلحظاتنا مع بعض.

فجأة الباب خبط وحد إستئذن بالدخول

أنا ومريم في ثانيه كنا قاعدين عادي جدًا، وهادين جدًا اللِ يشوفنا مستحيل كان يصدق إن إحنا اللِ كنا بجري ورا بعض من شويه.

فجأة دخلت بنوته عسوله وألقت علينا السلام

عائشة /السلام عليكم ورحمة الله وبركاتة

أنا ومريم ببسمة /وعليكم السلام ورحمة الله وبركاته

عائشة ببعض الكسوف /إحم إحم أنا عائشة ساكنة جديده في العمارة اللِ جنبكم، وحبيت أتعرف على جيرانا الجداد.

مريم ببسمه /أه ماما كانت قالتلي إن فيه سكان جديد جُم في العماره اللِ جنبنا من إمبارح كان نفسي أجي بنفسي أتعرف عليكم والله، بس للأسف تعبت شويه، على العموم فرصه سعيدة جدًا يا عائشة أنا مريم رابعة كلية علوم ودي صاحبتي ذكرى رابعة كلية هندسة.

اتكلمت ببسمه وأنا بعدل لياقة هدومي الوهميه وبغرور مصطنع أه فعلاً ده حاصل أنا ذكرى اللِ هي بتتكلم عليها دي 😌

عائشة ببسمة جذابة /حصلنا الشرف، إتشرفت جدًا بمعرفتكم، وسعيدة جدًا إني اتعرفت عليكم، على العموم أنا أولى كلية هندسة

انا بمرح/أيه دا دا أنتِ زمليه بقى

عائشة بمرح هي الأخرى /حصل يبشة كلنا لها

بس أنتِ أيه اللِ رماكي على ال*قه*ر ده يابنتي، بقى فيه حد يروح للهم برجليه، دا أنا كان نفسي حدي يديني مية ق*لم على وش*ي لما قولت هدخل هندسة

عائشة بضحك /شكلك شايله ومحمله يا أوختي

معبيه دا أنا ه*نف*جر أمتي أخلص بقى مواد زف*ت، ودكاترة بتجيب أسئلة من المريخ مش من المنهج

عائشة /بس أنا أختلف يا بشه، أنا الحمد لله أبيه زين ربنا يباركلي في عمره مسهل عليا الدنيا، وأي حاجة مش فهماها بروحلة بيشرحهالي، وبيبصتهالي، بجد مش عارفة من غيرة كنت هعمل أيه ربنا يباركلي في عمرة

مريم بفضول/ مين أبيه زين ده

عائشة / ده يبقى أخويا، وأبويا وراجلنا بعد بابا الله يرحمه

مريم /على كدة بقى زين ده أكبر منك بكتير

عائشة /لأ مش بكتير ولا حاجة أبيه زين لسه شاب عنده 27 سنة بس هو من صغرة راجل، بعد وفاة بابا الله يرحمة أبيه زين كان لسه عنده 17 سنة، ومع ذلك تحمل مسؤليتي أنا وماما، وكان بيشتغل جنب دراستة علشان ميخلينيش أنا أو ماما نحتاج لحد، وعمري ما طلبت منه حاجة وقالي مفيش، أو زعق فيا بالعكس كل ما كنت بطلب منه حاجة كان بيرد عليا ببسمه، ويقولي من عيوني أنتِ تؤمري، بجد مهما أوصف حنيته، وخوفه عليا مش هقدر أوصف، عمره ما حسسني إن يتيمه، أو إني محتاجة حاجة كان ديمًا الاب والأخ والصديق والسند، وكل حاجة حلوة في دنيتي، هو اللِ أقنعني إني ألبس النقاب، وكمان شجعني على حفظ القرآن، كان دايمًا واقف معايا خطوة بخطوة، دايمًا بيقولي إني بنته، وإني أمانه في رقبته، عايز لمايقابل بابا يقوله إنه حفظ الأمانة، بجد ساعات بحسه إنه مش من عالمنا، أبيه يختلف عن الكل، تعرفوا إني دخلت هندسة خصوصًا علشان أبيه زين في هندسة؟

شايفين النظرة اللِ في عيوني، هو أنا ليه حابه شخصية زين ده، طب ليه عايزاها تحكي عنه أكتر، أنا ليه مستمتعه بالكلام عنه كدة، لأ ذكرى اهدي فيه أيه أيه الهبل ده

قعدنا مع بعض شويه كويسين، واتكلمنا كتيييير، وطبعًا الكلام ماخلاش من سي زين، وأسئلت مريم اللِ مش بتخلص عن زين، بس ثواني هو أنا ليه مستمتعه كدة، وعايزاها تسأل أكتر؟! أنا ليه حابه الكلام عنه، أسئلة كتير ملهاش إجابة، ضحكنا كتير بردو إكتشفت إن عائشة دي بنوته عسوله قوي ودمها خفيف جدًا كانت قعدة لطيفة جدًا واستئذنت ومشيت بعد فترة علشان الوقت بقى متأخر

سبحان الله وبحمده سبحان الله العظيم

وصلت العمارة بتاعتنا، وداخله البيت سمعت جيراني بيتكلموا عليا، وأنا معديه

جارة١/بقولك متعرفيش اللِ حصل؟

جارة٢/خير.

جارة ١/مش ذكرى هانم خطوبتها اتفسخت، خطيبها طفش منها.

جارة٢ /ليه حق خطيبها، مفيش حد يستحمل يمشي مع خيمه زيها.

جارة١/فعلاً مش عارفة نقاب أيه، وقرف أيه اللِ لبساه ده.

جارة٢ /أنا عارفة يختي، ودي مين هيبصلها دي بشكلها ده

جارة١/أنا عارفة يختي، وقعدوا يتغامزوا ويضحكوا

هكذب لو قولت كلامة مأثرش فيا، بس أنا بشر وكلامهم وجعني لكن هفضل أقول الحمد لله دائمًا وأبدًا، أنا واثقة إن ده إختبار من ربنا، وإن شاء الله هيعوضني خير

وصلت البيت وخبط على الباب ماما فتحتلي

ماما / حمد لله على السلامة يا بنتي إتاخرتي كدة ليه؟

رديت ببسمه هادية /أسفه يا ماما، بس الكلام أخدني أنا ومريم شويه، وكمان عائشة جارتنا الجديدة جت تتعرف علينا فعدقنا نرغي ما حسيناش بالوقت.

ماما ببسمه /أما الجيران الجداد دول ناس طيبين قوي، الست جت تتعرف علينا الصبح، ست طيبة قوي، وتحسي نفسك إرتحتيلها من أول نظرة.

فعلاً ناس عسل جدًا، أنا صحيح معرفش غير عائشة بس بنت عسوله قوي، وتدخل القلب، على العموم سلام ياماما علشان ألحق أنام؛ علشان عندي محاضرة 8 الصبح، تقوليش رايحين نلم لبن مش نحضر محاضرة. 🙂

الام بضحك /تصبحي على خير يا بنتي

تصبحين على جنة.

دخلت أوضتي نمت شوية وصحيت قبل الفجر بشويه، أكتر وقت بحبه في اليوم هو الوقت ده، وأكتر وقت بحب الصلاة فيه؛ بحس الجو هادي مفيش ناس بتعرف تتكلم براحتك، وتتطلب براحتك وكمان الملك بيكون متنزل سبحانه وتعالى وبيسأل الملائكة عن الحاجات اللِ عبادة طالبينها علشان يجيب؛ لقول رسول الله ﷺ فهو القائل عليه الصلاة والسلام:

( ينزل ربنا تبارك وتعالى إلى السماء الدنيا كل ليلة حين يبقى ثلث الليل الآخر فيقول: من يدعوني فأستجيب له، من يسألني فأعطيه، من يستغفرني فأغفر له، حتى ينفجر الفجر[1] متفق على صحته.

قد أيه ربنا رحيم بينا، قمت صليت وفضلت أدعي كتيييير جدًا، وأنا كلي يقين في عطاء ربنا وكرمة واثقة في إجابة للدعاء؛ لأن ببساطة مفيش مرة رحتلة إلا وجبرني، مفيش مرة وقفت على سجادة الصلاة وأنا مليانة هموم، وألم إلا ورجعت كلي راحة وفرحة اللهم لك الحمد

بعد شويه الفجر أذن، بس ثوانى أيه الصوت ده؟ صوت المؤذن جميل قوي أنا أول مرة أسمع الصوت ده، صليت الفجر، وطلعت البلكونه أستني بابا دي عادتي من صغري، أطلع أستناه في البلكونه، وأشوفه وهو طالع من المسجد؛ ولأنهم بيتأخروا شويه في الإقامه فكانوا لسه مخلصوش صلاة، الله أيه الصوت الجميل! ده أنا أول مرة أسمع صوت بالجمال، والخشوع ده اللهم بارك، صوت بيلمس القلب، (هو أنا قولتلكم إن نقطتة ضعفي الأصوات الحلوه قبل كدة؟! ثواني بس هو أنا ليه قلبي بيدق جامد كدة أيه الفرحه اللِ أنا فيها دي؟! بس الصراحة صوت ما سمعتش في جمالة قبل كدة.

بعد شويه طلعوا من المسجد، وبابا اتأخر شوية، بس طلع هو كمان، بس مين اللِ ماشي معاه ده، مش شايفاه كويس بس بيتهيقلي إنه ملتحي، بس ملامحة مش واضحة وده مضايقني بلا سبب، معرفش أنا ليه مضايقه كدة، مع إن من عادتي بغض بصري ومش بحب أركز في وش حد، بس المرة دي غير المرة دي حاسة إني بتصرف من دون إرادتي، واللِ مش فهماه أكتر هو قلبي المهزق ده ليه بيدق جامد كدة؟!

أخيرًا بابا وصل روحت عند الباب جرى؛ علشان أستقبله سلمت عليه، وسألته بلهفه على غير عادة مين اللِ كان بيأذن ويصلي بيكم النهار ده؟

بابا إستغربني شويه بس هو عارف إني بحب الأصوات الحلوه علشان كدة مادققش كتير

بابا /ده يا ستي يبقى - - - - - - - - - - -

نستكمل الجزء القادم إن شاء الله

صلوا على النبي صل الله عليه وسلم

ده إسكربت مكون من ثلاثة أجزاء لو عجبكم ولقيت عليه تفاعل حلو هنزل الجزء تاني علطول وده وعد لو لقيته وصل لعدد كويس من التفاعلات هنزل الجزء التاني علطول حتى لو بعدها بساعه

اسكربت بعد الصبر حتماً سيكون الجبر الفصل الثاني بقلم ذكري

إسكربت 2

بابا /ده ياستي زين

ثواني بس قلبي دق جامد كدة ليه! أكيد مش هو، أكيد لأ معقوله حد يخطف قلب حد مرتين كدة من غير ما يشوفه حتى؟ أكيد لأ.

سألت بابا على أمل إنه يكون زين تاني غير زين أخو عائشة

زين مين يابابا؟

بابا/جارنا الجديد، بس ما شاء الله عليه شاب محترم، وذوق جدًا يتحب من أول نظرة، بتحسيه بيدخل القلب علطول كدة، وصوته ماشاء الله عليه جميل جدًا، وكلة خشوع اللهم بارك.

رديت على بابا بإستغراب من نفسي، ومن بابا، مستغربه أنا ليه أول ما سمعة الاسم قلبي قعد يدق جامد كدة ليه! حتى بابا أول مرة أشوف بابا بيتكلم عن حد كدة أول مرة يحب حد بالسرعة دي

يااااه يابابا كل ده، لحق سي زين ده يخطف قلبك بالسرعة دي، ده أنا هبدأ أغير بقى.

بابا ببسمه /والله يا بنتي أنا نفسي مستغربني ، حبيته لله في لله كدة، أول ما شوفته سبحان الله حبيته تلقائي، تعرفي إني بعد الصلاة قعدت أتكلم معاه شويه، وطلعنا من المسجد مع بعض، والله يابنتي الكلام معاه بيخلي الواحد طاير من الفرحه سبحان الله.

معرفش ليه سرحت في كلام بابا، والكلام اللي عائشه كانت بتقوله، قد ايه زين ده شخصيه جميله، معقوله في حد يخطف قلوب الناس بسرعه قوي كده! معرفش ليه فرحانه بالكلام عنه، متشوقه أسمع عنه أكتر، فضلت فرحانه كثير في شخصيه زين لحد ما طلعت من سرحاني ده على صوت بابا

بابا /روحتي فين يابنتي؟

ها لا مفيش أنا هنا أهو هروح فين يعني يا حاج.

بابا/ لا يا ستي ما رحتيش، انا اللي رحت، على العموم انا داخل داخل انام، صحيني كمان شويه يمكن أعرف أناملي ساعتين قبل الشغل ولا حاجة.

تمام يا بابا نوم الهنا.

§§§§§§§§§

اللهم صل وسلم وبارك على سيدنا محمد وعلى آله وصحبه وسلم تسليما كثيرا

§§§§§§§§§§

دخلت أوضتي، وحاولت مفكرش في زين ده، بس للأسف بلاقي نفسي تلقائي من غير ما أحس بفكر فيه، بس كدة مينفعش، مينفعش أفكر مش من حقي أفكر فيه، إستغفرت ربنا كتير جدًا، ودعيتة يربط على قلبي، ويحفظة للشخص اللِ يستاهله بجد قرأت وردي، والأذكار وقعدت أستغفر، وأسبح لحد الشروق، وبعدين قمت صليت الضحى، وروحت لبابا صحيته ودخلت أوضتي لبست ونزلت الجامعة.

§§§§§§§§§§§§§

اللهم أنت ربي لا إله إلا أنت خلقتني وأنا عبدك وأنا علي عهدك ووعدك ما استطعت أعوذ بك من شر ما صنعت أبوء لك بنعمتك عليّ وأبوء بذنبي فاغفر لي فإنه لا يغفر الذنوب إلا أنت

§§§§§§§§§§§§§§§

عدي الإسبوع بسلام، مفيش جديد تقريبًا حصل، كنت كل يوم أطلع أسنتي بابا الفجر في البلكونة، وطبعًا كنت بسمع زين وهو بيصلي بيهم، بقيت مبعرفش أبدأ يوم من غير ما أسمع زين وهو بيقرأ القرآن، و طبعًا كل يوم كل ما كان بيخطف قلبي أكتر من اليوم اللِ قبله، أنا بدأت أشك إن قلبي متحالف مع زين ضدي، أه والله مهو مستحيل يكون فيه قلب مهزق بينبض لشخص ميعرفوش بالشكل ده، أكيد فيه حاجة غلط، بس الحمد لله دايمًا بغض بصري عنه، يعني كل ده ومشفتش وش زين، وده شيء بحمد ربنا إنه قواني عليه، لازم أتقي الله، وأغض بصري زي ما ربنا أمرني في سورة النور، الآية رقم ثلاثين، أمر الله المؤمنين والمؤمنات بغض الأبصار، وحفظ الفروج، فقال جل في علاه: {قال الله: {قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ}

وكمان شوفت عائشة أكتر من مرة، وحبي ليها بيزيد كل مرة عن اللِ قبلها، وعلاقتنا بقت أقوى بجد بنوتة عسولة قوي.

§§§§§§§§§§§

لا إله إلا الله أنت سبحانك إني كنت من الظالمين

§§§§§§§§§§§§

النهار ده عندي محاضرة بدري، ونمت بعد الفجر وراحت عليا نومه، صحيت متأخر طبعًا قومت جري مكنتش عارفة أنا بعمل أيه خلصت صليت، ولبست ونزلت جري الشارع إتفرمت في المواصلات، بس مش مهم أهم حاجة أوصل في ميعادي، وألحق المحاضرة النهاردة فيه دكتور جديد جاي، ومعرفش لسة طبعة وهيرضي يدخلني ولا لأ؟، أخيرًا وصلت الكلية، وكنت داخلة بسرعة جدًا مش شايفة قدامي فجأة خبط في حد، وكتبي وقعت، ومعرفش ليه حسيت قلبي وقع معرفش أيه اللِ حصل بس أول مرة أحس بقلبي هايج كدة، بس مكنش فيه وقت أفكر كل همي ألحق المحاضرة، نزلت بسرعة جبت كتبي وأنا بعتذر من الشخص اللِ خبطة

أسفه جدًا مكنش قصدي.

لا أبدًا ولا يهم حضرتك بس، ياريت بعد كدة تاخدي بالك

قلبي دق أكتر لما سمعت الصوت، معرفش ليه حاسه الصوت مألوف بالنسبة لي

قولتلة تمام، ومشيت بسرعة دخلت المدرج، والحمد لله كان الدكتور لسة ماوصلش دخلت قعدت في أول بنش، ولسه باخد نفسي لقيت المدرج كلة سكت، وسمعت خطوات حد شكل الدكتور دخل

السلام عليكم ورحمة الله وبركاتة

الكل رد /وعليكم السلام ورحمة الله وبركاته

ثواني بس مش ده نفس الصوت اللِ سمعته برة! مش ده نفس الشخص اللِ خبط فيه؟ أه هو نفس الصوت، قلبي بدأ يدق جامد قوي أنا واثقة إني عارفة الصوت ده كويس

كمل كلامة

أنا دكتور زين، الدكتور الجديد، وأتمنى تكون سنة سعيدة للجميع.

ثوانى بس هو أنا ليه حاسة نفسي في فيلم هندي، هو زين ده ورايا ورايا ياربي عليا وعلى قلبي المهزق ده، قلبي بقى ضرباته كتير ورى بعض، والكارثة إنه فرحان بدة

الدكتور بدا الشرح، وكان فعلا شرحة جميل جدا جدا جدا، بس حصلت حاجه ضايقتني جدا، وما كنتش طايقة نفسي، ولا طايقة المحاضرة، كان فيه بنات ماشفتش بربع جنية تربية قاعده تعاكس في دكتور زين طول المحاضرة، وده كان مضايقنى جدا، وما اعرفش ليه متضايقه كده، بس انا عايزه اقوم اجيبهم من شعرهم، وأديهم بالبوكس في وشهم، وأعضهم وأخربشهم، وأشلفط وشهم حد هيجي يقولي كل ده هقوله لأ لسه، أنا عايزة اعمل حاجات كثير قوي، المهم المحاضره خلصت وأنا على أخرى، أول ما الدكتور خلص وقال كده المحاضره انتهت، اخذت بعضي، وطلعت بره على طول عشان ما اضربش البنات دي بجد لاني مش طايقاهم، أول مره أكون عدوانيه قوي كده على حد، بس بجد مش مستحمله ولا كلمه طلعت، وانا مش شايفه الطريق قدامي إتفاجئت بعائشه على الباب استغربت وسالتها هي بتعمل ايه هنا؟

عائشة ببسمة /مستنيه أبيه زين، هو قالي المحاضرة بتاعته هتخلص في الوقت ده، وأجي علشان نروح سوا

لسه هرد على عائشة سمعت صوت من ورايا

زين /عائشة خلصتي كل اللِ وراكي ولا فاضل حاجة

عائشة /لأ يا أبيه كله تمام، وكنت مستنيه حضرتك تخلص علشان نمشي

كل ده وأنا واقفه قلبي بيدق مش قادرة أتكلم أخيرًا عرفت أطلع صوتي

طب عن إذنك يا عائشة علشان ورايا حاجة مهمه رايحة أعملها،

ومشيت بسرعة قبل ما عائشة ترد أصلاً كأني كنت في سجن وخرجت، أخيرًا عرفت أخد نفسي بجد مش قادرة

وعدي اليوم بسلام وكان بعدها اسبوع روتيني جدًا مفيش جديد ََتقريبًا، لحد ما في يوم لقيت معيد عندي في الكلية بينده عليا

أنسة ذكرى يا أنسة لو سمحتي

وقفت بستغراب ياترى عايز أيه ده؟!

خير حضرت فيه حاجة؟

بتوتر الصراحة أه أنا يعني أنااا مش عارف أجيبها لحضرتك إزاي بس أنا عايز رقم والدك

اتوترت معرفتش هقول أيه، أو أعمل أيه أنا مش مستعده أخوض التجربة مرة تانيه، مش عارفة هرد أقول أيه أو أتصرف إزاي، فجأة سمعت صوت من صوت من ورايا

زين بغض /أيه المهزلة اللِ بتحصل هنا دي، وإزاي حضرتك يا أنسه ذكرى واقفه مع شاب في وسط الكلية كدة طب إحترامي المكان اللِ فيه حتى.

أيه ده هو قال ذكرى يعني عارف إسمي، انا حبيت إسمي جدًا و و أيه اللِ أنا بقولة! ده هو إزاي يزعقلي كدة؟، وليه متعصب كدة، انا أول مرة أشوفة متعصب كدة

رديت عليه بإنفعال من كلامة المستفز /أولاً أنا محترمة وعارفة حدودي كويس جدًا، ومسمحش لحضرتك ولا لأي حد إنه يكلمني بالشكل ده، أو بالطريقه دي مين من كان عن إذن حضرتك، ومشيت وأنا مش شايفة قدامي، وهموت وأعيط

وصلت البيت واتوضيت وصليت وقعدت أقرأ قرآن وأنا مش قادرة وكل ما أفتكر كلام زين أضايق بعد شويه ماما دخلت عليا الأوضة، وقالتلي إن فيه حد متقدملي، وبابا موافق والعريس جاي بالليل علشان نقعد رؤيه شرعية، أكيد ده المعيد اللِ كان بيكلمني في الكلية معرفش ليه زعلت، وجة في بالي زين معرفش ده هبل ولا أيه، وبعدين أنا مستحيل أوافق عليه بعد الكلام اللِ قاله الصبح ده مستحيييييل، أنا في أيه ولا أيه دلوقتي ياربي، أنا مش مستعده، وخايفه ومتوترة، ومش عايزة أخوض التجربة مرة تانيه.

رديت على ماما /بس أنا مش موافقه يا ماما، ومش مستعده دلوقتي، والصراحة مش بفكر في الموضوع خالص دلوقتي

ماما/ كلام أيه ده، ناقصة إيد ولا رجل، وبعدين أبوكي ادي كلمة للناس خلاص، ولا أنتِ عايزة تصغري أبوكِ قدام الناس

أكيد لأ، بس يا ماما انا مش

ماما /مبسش هتقعدي معاه وإن شاء الله خير

وبعد جدال مع ماما وافقت مضطره وكنت بقول جوايا إني هطفشة

§§§§§§§§§§§§§

سبحان الله وبحمده سبحان الله العظيم

§§§§§§§§§§§§§§

مر الوقت بسرعة البرق، وجه الليل وجه الميعاد المنتظر، وأنا بفكر إزاي هخلي العريس ده يطفش أفكار كتير، بس في الأخر رسيت إني هصارحة، وأقوله مش مستعده لخطوة زي دي

جه العريس، وأنا متوترة جدًا، وبعد فترة ندهوا عليا وأنا هموت من التوتر بجد مش قادرة، وأخيرًا طلعت وهما ما صدقوا طلعت قعدت معاهم لقيتهم طلعوا وسابوني لوحدي، طب أنا عايزة أطلع طيب هو أنا جيت فرقت لمتهم ولا أيه؟ بالله خدوني معاكم متسيبونيش معاه لوحدي، بس هو أنا ليه شامه برفان زين هنا، يختااااي أصوت أنا في أيه ولا أيه دلوقتي، هو ده اللِ هطلع أقوله مش مستعده، ومش عارفه ايه، وعامله فيها شبح في الاوضة من ساعتها، قلبت كتكوت دلوقتي معرفش ليه

الله أيه ده إحنا السجادة بتاعتنا حلوة قوي! أنا أول مرة أخد بالي منها، الله أيه اللون العسل ده! أنا أول أشوفة لأ بجد جميلة، وأنا قاعدة بكتشف السجادة بتاعتنا سمعت صوت

ممكن حضرتك تبصيلي وتكلميني أكيد أنا أفضل من السجادة يعني

قولت في نفسي أيه الغرور ده؟، وبعدين هو هو ه، أيه ده؟!معقولة

نستكمل الجزء الثالث والأخير إن شاء الله

تفاعلكم هو اللِ بيشجعني أستمر

فضلاً إذا أتممتم القرأة صلوا على النبي صلى الله عليه وسلم

اسكربت بعد الصبر حتماً سيكون الجبر الفصل الثالث والأخير بقلم ذكري

اسكربت3 والأخير

قولت في نفسي أيه الغرور ده؟، وبعدين هو هو ه، أيه ده ثواني كدة ده صوت زين أيوة هو، أنا متأكدة أكيد مش بحلم أنا أكيد لأ، وهنا رفعت راسي علشان أتأكد إني مش بحلم ده ده بجد زين قلبي قعد يدق جامد، يدق أيه ده كان بيرقص من الفرح ده بجد ده ده زين، أيوة زين وأيه يعني زين؟ مش ده اللِ لسه مهزقني الصبح في الكلية.

طب مش هوافق يلا، لأ محدش يضغط عليا ياجماعة مستحيييل أوافق، أنا زعلانه جدًا منه ومش مسمحاه بسهولة،

رديت ببرود عكس فرقة حسب الله اللِ شغاله جوايا، والله حضرتك ده بيتنا، وأبص في المكان اللِ يريحني، وبعدين أيه جاب حضرتك هنا، فيه إهانة نسيت تهنهالي، ولا إتهام جديد نسيت تقوله الصبح في الكليه جاي تقولهولي هنا؟!

زين بهدوء /أولاً أنا أسف على طريقة الكلام بتاعتي معاكِ الصبح، ثانيًا حضرتك بردوا غلطانه إنك تقفي مع حد كدة في نص الكلية، يقف معاكِ بتاع أيه هو

أيه ده هو الشخص ده بيتحول ولا أيه؟، كان نسمه وهو بيعتذر، ولما جاب سيرة المعيد كان فيه نار بتطلع من ودانه، تماسكت ورديت عليه

لأ لما حد ينده عليا مش هعبرة علشان حضرتك تستريح، وبعدين هو نده عليا علشان ياخد رقم بابا علشان يجي يتقدملي، يعني لا كنت بعمل حاجة حرام أو عيب، وبعدين كنت منتظراه هو اللِ يجي النهار ده الصراحة مش حضرتك

ينهااااار أبيض هو زين بيتحول ولا أيه؟ هو ماله وشه إحمر كدة ليه! والله هعيط أنا عيلة، وبقول اي كلام هتاخد على خاطرك من عيلة 🥺

زين بهدوء مصطنع، أيوه والله مصطنع دا عينه شويه وهطلع نار من كتر الغضب/مبدئيًا كدة مينفعش يوقفك في الشارع كدة لأي سبب، لو عايز رقم والدك بجد يدور عليه، يروح يجيبه من الشؤن، مش يوقفك في الشارع،

ثانيًا متقلقيش مش هيجي

رديت عليه بإستغراب ومش هيجي ليه إن شاء الله

زين (فلاش باك لما حدث في الكلية)

زين بغضب/ ممكن أعرف حضرتك موقفها ليه؟

المعيد بتوتر/أن أنا بس كنت عايز رقم والدها علشان كنت حابب أطلب ايدها

زين بعصبيه أكتر/حضرتك لو عايز رقم والدها كنت ممكن تجيبه من الشؤن مش توقفها كدة في الشارع، ثانيًا بقى وده الأهم إزاي يا أستاذ جاي وعايز تخطب خطيبتي

المعيد بتوتر أكثر وإحراج كبير من هذا الموقف/أسف والله يا دكتور زين مكنتش أعرف إنها خطيبتك، على العموم ألف مبروك أنسه ذكرى محترمة جدًا جدًا وتستاهل كل خير

زين بغيرة شديدة حاول إخفاءها قدر المستطاع/أنا عارف كلام حضرتك ده كويس، والله يبارك فيك شكرًا، عقبالك

(انتهى الفلاش باك 😉😍)

أستاذ زين علفكرة بكلم حضرتك، مش هيجي ليه؟

زين بهدوء /هيخطبك إزاي وحضرتك مخطوبة

مخطوبة لأ بقى كدة كتير مخطوبة لمين وإزاي يعني؟! رديت عليه بإستغراب وانا مش فاهمة أي حاجة

أفندم مخطوبة لمين وإزاي؟

زين بهدوء شديد وبسمه جميلة/ مخطوبه لمين مخطوبة ليا، إزاي أنا طالب إيدك من والدك من أكتر من أسبوع في نفس اليوم اللِ كنتِ واقفه فيه مع عائشة على باب المدرج ، يومها طلبتك من والدك وهو رحب جدًا بالموضوع بس كان من رأيه أستني شوية على ما تفوقي من خطوبتك القديمة وتنسى الموضوع

ثواني بس هو وشه قلب ليه لما قال خطوبتي القديمة رديت عليه بهدوء مماثل

ومين قال لحضرتك إني هوافق أصلاً علشان تقول عليا خطيبتك؟!

زين ببسمه/ هتوافقي إن شاء الله، وبكرة كتب كتابنا.

رديت بغضب أفندم نعم مين سمحلك تاخد قرار عني طب أيه رأيك إني مش

زين /عمي تعالي ذكرى موافقة، وإن شاء الله بكرة كتب الكتاب

بابا بفرحة وهو بيحضن زين ألف مبروك يبني على بركة الله.

وماما قعدت تغرط وتهني، وأنا واقفة متنحة ببص لزين ببلاهة وهو بيضحك على شكلي

(طب بالله ضحكته قمر)

زين طب سلام دلوقتي ياعمي علشان ألحق أظبط الأمور وتجهيزات كتب الكتاب

زين ودعنا ومشي، وأنا لسه متنحه في مكاني بحاول أستوعب

§§§§§§§§§§§

لا حول ولا قوة إلا بالله

§§§§§§§§§§§

جه تاني يوم بسرعة البرق، والبيت امتلأ بالأهل والجيران وكله بيبارك ويهني، وانا لحد دلوقتي مش مستوعبة اللِ بيحصل معقول هبقي مرات زين؟ طب بالله الكلمة لوحدها ب تخليني طايرة من الفرحة، بجد مش مصدقه، نفسي أصرخ بأعلى صوتي وأقول أنا هبقى مرات زيييين بجد مش قادرة (أيوه شايفاكم يلي بتقولوا مش كنتِ مش موافقة من شويه وكنتِ بتقولي مستحيييييل وروحتي عامله بصوبعك كدة👀🤔

ياجماعة بتهزروا ما اوافقش أيه بس أنا بضحك معاكم، بالله إزاي ما اوافقش ده خطف قلبي من قبل ما أشوفه أصلاً، ولما سمعت صوتة خطفه أكتر، ولما شوفته خطفه أكتر وأكتر، والله أنا حاسه من كتر الخطف إن قلبي ده بتاع زين أصلاً وقاعد عندي تخليص حق 🥺🙂)

اليوم عدي جري وجه الوقت المنتظر كنت لابسه فستان أزرق جميل وشوز كافيه وحزام نفس لون الشوز، ونقاب وخمار أوفويت، كان جميل قوي من صغري وأنا كان نفسي في فستان اللون ده؛ لأني بعشق الأزرق تفاجئت ب عائشة جاية الصبح وجابتهولي وقالتلي إن زين باعتهولي علشان ألبسه في كتب الكتاب، بجد مكنتش مصدقه نفسي من الفرحة معقوله بيهتم بأدق تفاصيلي للدرجادي، طب دا أنا من سرعة الموقف نسيت، بس ياترى عرف المواصفات دي منين، بجد زين ده أجمل عوض بالله عايزة أصرخ بأعلى صوتي واقول بعشقك يازين

زين جه هو والمأذون لأن عائشة عندي من الصبح هي ومريم جمبي طول اليوم بيهدوني، ويساعدوني، وحماتي جت من شويه، وأخيرًا زين وصل هو والمأذون، كان لابس بدلة قمر قوي وهو قمرين أصلاً من غير حاجة ياربي كل البنات الموجودة عنيهم على زيني وأنا والعه هموت وأضربهم، عايزة أعيط من غيظي، هما بيبصوله كدة ليه

المأذون بدأ يكتب الكتاب وأنا لحد دلوقتي بحاول أقنع نفسي إني مش بحلم وإن اللِ أنا فيه ده بجد مفقوتش غير على

(بارك الله لكما وبارك عليكما وجمع بينكما في خير)

صوت الزغاريط علي وكله قعد يبارك وبابا حضن زين وباركله وزين عينه عليا وسلم على الكل وعينه عليا المشمحترم 🥺وأنا هموت من التوتر والكسوف، ومريم بتهديني وأنا خلاص مش قادرة، زين خلص سلامات وجه عليا أيه ده هو جاي هنا ليه ده ولااا بقولك أيه أوعى تقرب أن هموت أصلاً من الكسوف، والتوتر وأنت بعيد جايلي كمان، لأ كدة كتير هو ماله عينه بتلمع كدة ليه شكله عسل قوووي أنا زوجي قمررر، زوجي! أيوه زوجي أنا خلاص بقيت مرات زين

الكلمة دي كفيله تسعدني بقيت عمر

بصيت الناحية التانيه وأنا بقول أي هبل وخلاص لمريم

مريم بضحك /يابنتي مش هتبطلي العادة دي أبدًا، طول عمرك لما بتتوتري بتقعدي تقولي أي كلام وخلاص

شاطرة، ما أنتِ عارفة أهو تبقى تسمعي وتهزي دماغك وأنتِ ساكتة؛ علشان أنا نفسي والله ما عارفة أنا بقول أيه، وأنا هموت من التوتر وزوجي المشمحترم ده مش بيشيل عيونه من عليا

مريم بضحك /ياعيني عليه كان جايلك اول ما المأذون خلص؛ بس العائلة قامت بالواجب معاه، وأحضان وسلامات مش عارف يتحرك ياعيني

ابتسمت لما أفتكرت شكله وهو جايلي لقى العائلة محاوطاه معرفش يجي ياعيني

مريم/طب عن أذنك أنا ياذكرى فيه حد بينده عليا

رديت بإستغراب حد حد مين! مفيش حد، البنت دي بتستهبل، لقيت حد بيخبط على كتفي ببص ورايا أشوف مين لقيتني في حضن زيني🙈(والله ما عارفه إزاي أنا كنت واقفه ببص لقيتني في حضنه) شالني وقعد يلف بيا، وأنا روحت في عالم تاني مكنتش شايفه ولا سامعة غير صوت دقات قلبنا، أيه كم الدفا والأمان ده انا أقدر أقول دلوقتي وبكل ثقة (وجدت ملجئي) اللِ كنت بدور عليه من زمان أخيرًا

بعد فترة زين نزلني وأنا وشي في الأرض من كتر الكسوف وقلبي فرحان قوووي، وكأنه طفل صغير ضاع من أمه وأخيرًا لقاها بعد غياب.

زين /أخيرًا، أخيرًا يامجنناني

رديت بإستغراب أخيرًا أيه، ومجنناك كمان؟

زين/طبعًا مجنناني، ومطلعه عيني من يوم ما شوفتك وأنتِ واقفه في البلكونه، وبتشاوري لوالدك أول يوم كنت طالع معاه من المسجد وأنا مش قادر أنساكِ، من يومها وأنا بحاول مفكرش فيكِ إحتليتي كل كياني، تعرفي إن دعيت ربنا في سجودي إنه يجعلك من نصيبي، علشان كدة لما جيتلك كان عندي يقين إنك هتوافقي، مكنش غرور أو تحكم أبدًا بالعكس كان يقين.

ايه معقولة! ، معقولة حد يحبني كدة لدرجة إنه يطلبني من ربنا، معقوله الشخص اللِ غضيت بصري عنه ربنا يجعله من نصيبي،

يا الله بجد معقولة وأنا بجاهد علشان مغضبش ربنا، ربنا يدبري إني الشخص اللِ بجاهد نفسي علشان أغض بصري عنه ربنا يرزقني حبه ويجعله زوجي قد أيه تدبير ربنا جميل قوووي

، أنا لما مصطفى جه وطلب نفسخ الخطوبة كنت واثقة في ربنا خير والحمد لله ربنا عوضني بخير مكنتش أتخيله وقتها تذكرت وأيقنت ف (من ترك شيئًا لله عوضه خيرًا منه) الحمد لله دائمًا وأبدًا

زين /هاي ذكرى روحتي فين

لأ بقى كدة كتير، هو أنا هفضل كل مايقول اسمي قلبي يعمل فرح كدة، فيه أيه ياماما مش كدة

رديت بهدوء وبسمة رضا بقضاء ربنا وعوضة/هنا يازيني هروح فين يعني

زين /أه ماهو

أيه ده أنتِ قولتي أيه؟

رديت بكسوف/قولت هنا

زين /مش دي اللِ بعدها

هروح فين

زين /ذكرى متستهبليش اللِ في النص

رديت برفزة ووش أحمر من الشخص اللِ مصمم يكسفني ده

زييين بطل غلاسة، بطل تكسفني أحسن والله أعيط، أنا أصلاً بقنع نفسي إني مش في حلم بالعافيه

زين بضحكة خطفت قلبي/خلاص خلاص بطلي تقلبي طمطمايه كدة بس علشان أنتِ قمرايه ولما بتتكسفي كدة بتبقى عسولايه

رديت بنرفز زييين أنت مصمم طب والله همشي

زين بضحك/خلاص خلاص تعالي وبعدين مش بقول الحقيقة أنا

أستغفر الله أيه الشخص اللِ مصمم يخليني أحبه بزيادة ده، بالله يابني كفايه بالله قلبي دقاتة مسمعه في العمارة اللِ قصادنا وأنا سرحانه في أفكاري، إفتكرت حاجة كلمت زين بإستغراب

زين أنت عرفت منين مواصفات الفستان اللِ كان نفسي فيه؟ دا أنا نفسي نسيت مع إن ده كان حلمي من زمان

زين /عرفت منين؟ عائشة في مرة وهي بتكلم ماما عنك قالت مواصفات الفستان اللِ نفسك فيه، يومها كتبت المواصفات دي وصممت أعملهولك زي ما بتحلمي، وبالفعل تاني يوم نزلت جهزته وحضرتة علشان أقدمه لأجمل ملكة

زين أنتِ ليه مش قادر تقتنع إنِ ممكن أعيط فعلاً، وبعدين دا أنت ماتبع بقى، لأ وواثق كمان

زين/وأنا لو مكنتش أتابعك وأحققلك كل اللِ نفسك فيه هحققه لمين!

وبعدين طلبتك من ربنا وأنا ظني في رب العباد دائمًا خير كنت واثق إنه هيجبرني ويجعلك من نصيبي

رديت بدموع، معرفش فرحة حب رضا بعوض ربنا/زين تعرف إني بحبك قوووي

مسمعتش رد من زين، ولكن لقيت نفسي طايرة في الهواء أيه ده زين حاضني وبيلف بيا، أيه الشخص اللِ كل شويه يحضن ده لأ كدة كتير وأنا حبيت كدة الصراحة 🙈👀

زين /وأنا بعشقك ياقلب زين

بجد أنت أجمل عوض من ربنا يازيني

أيوه زيني متبصليش كدة أنت زيني أنا بس

زين /وأنا مش عايز غير إني أكون زينك لوحدك

بحبك يا مجنناني

وأنا بعشقك يازيني

يا الله قد أيه ربنا عوضة جميل فعلاً (الله إذا أعطى أدهش)

اصبروا أكيد ربنا هيرزقكم وهيعوضكم خير وتذكروا قوله تعالى {فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا } بشارة عظيمة، أنه كلما وجد عسر وصعوبة، فإن اليسر يقارنه ويصاحبه، حتى لو دخل العسر جحر ضب لدخل عليه اليسر، فأخرجه كما قال تعالى: {سَيَجْعَلُ اللَّهُ بَعْدَ عُسْرٍ يُسْرًا }وكما قال النبي صلى الله عليه وسلم: " «وإن الفرج مع الكرب، وإن مع العسر يسرا» " .

الفرج قريب بس أنت اصبر لأنه

ًا_سيكون_الجبر

وبكدة انتهت قصتي اللِ بدايتها ألم وكسرة ونهايتها جبر وأعظم جبر لكن كان فية حاجة مهمه جدًا في المنتصف وهي اليقين والرضاء بقضاء الله وقدره رب الخير لا يأتي إلا بالخير

رأيكم يهمني وأسفه على التأخير

فضلاً إذا أتممتم القراءة صلوا على النبي صلى الله عليه وسلم