تحميل رواية «بعد الواحده» PDF

رعب 

لعشاق الرعب اهلا بكم معنا 

وقصه 

بعد_الواحده 

اسمى روضه 

بابا كان محبوس فى قضية قتل مراته التانيه 

وفى يوم جالى خبر وفاته وهو فى السجن 

كان بابا سايب لينا بيت وحتة ارض وكنت أنا واختى بس مافيش غيرنا 

وفى يوم وانا بقلب فى الاوراق بتاع بابا الله يرحمه لقيت عقد شراء شقه باسمه 

روحت العنوان اللى فى العقد أنا واختى 

وروحنا لقينا فعلا الشقه بس الشقه كانت مقفوله من وقت حبس بابا الله يرحمه 

وفتحنا الشقه بعد سنين من قفلها 

وبدانا ننضفها ونهتم بيها 

كنت أنا وجوزى قاعدين فى شقه ايجار 

قولت له بدل ماندفع ايجار نوفره ونروح نسكن فى الشقه دى 

جوزى كان رافض فى الاول بس بعد محايله وافق 

وروحنا سكنا فى الشقه 

وكانت الامور كلها طبيعيه جدا 

بس فى يوم 

كنت نائمة على الكنبه فى شقتى فى احدى الليالى الصيفيه وارتدى قميصا قصير انتظر زوجى 

النوم خدنى وبداءت حلم غريب 

حلمت 

اننى صحيت 

 الساعه واحده بعد نص الليل 

  وكان الجو ضلمه والنور مقطوع

 روحت اجيب شمعه علشان انور بيها 

وفضلت ماشيه احسس كنت خايفه لاقع 

  ولما مسكت الشمعه فى ايديه حاولت اولعها 

بس كان الخوف مسيطر عليه وسمعت صوت جاي من ورايا وكانه جيش راكب خيول ويجرى ورايا 

بداء الخوف يقتلنى ويتمكن من قلبى 

حسيت بنفس دافئ بيقرب من جسمى 

بقيت متسرعه وانا بولع الشمعه وبعد محاولات عده نورت الشمعه واتديرت لقيت 👁 👁 عينان بتراقبنى من بعيد 

فاقشعر بدنى روحت جري لحد غرفة النوم وحاولت افتح الباب 

ودخلت الى سريرى وانا خائفه وقعت الشمعه من ايدى من شدة الخوف 

وحاولت اجيبها بس كان الجو ضلمه وماعرفتش اجيبها

الخوف خلانى قعدت على السرير وحطيت دماغى على 

المخده

الخوف حسسنى إن فيه حد هيمسك رجلى 

لميت رجليه وكوعتها وانا بلمها خبطت فى حاجه جنبى على السرير 

حاولت احسس على اللى جنبي

لقيته جسم 👹 نايم على السرير كنت فاكراه انه جوزى قربت منه وحضته بقوه و بعد لحظات حسيت انه ماكانش بيتنفس وجسمه بارد كالثلج 

وحاولت إن اناديه واصحيه اصحى ياهيثم اصحى ولقيت صوتى بيتردد فى كل مكان حاولت

ابص حواليه علشان اشوف منين الصوت طالع لقيت

 👁 👁 👹العينان جايه عليه 

بداء قلبى ينتفض من الخوف واحاول اصرخ بس صوتى ماكانش بيخرج صوتى اتحاش 

فجاءه لقيت الجسم اللى كان نايم جنبى 

  بيتحرك وحملينه شخصين 

وبعد ماخرجوا من باب الاوضه وقفلوا عليه 

شفت 👀 👀 👹كتيره قوى داخلين عليه

  جايين يخذونى واحد بيمسك بدراعي وواحد تانى مسك رجليه 

حاولت انى افلت منهم بس ماعرفتش 

 وأنا نائمه لقيت هيثم جوزى بيشيلنى فضلت اصرخ 

هيثم /_ اهدئ اهدئ 

وانا اصرخ ولما بصيت له وتاكدت من ملامحه حضنته وفضلت اعيط وساعتها عرفت انى كنت بحلم 

هيثم /_ايه اللي حصل وليه نايمه كده ؟ 

روضه/_ كنت مستتياك ونمت 

هيثم / وليه كنتى بتصرخى لما قربت لك ؟ 

روضه /_مش عارفه واضح انى كنت بحلم 

 ودخلت نمت أنا وجوزى 

 ‏وتانى يوم جوزى خرج راح شغله جوزى كان بيشتغل ورديات كان بيروح من الساعه ٤ العصر وبرجع الساعه ٢ بعد نص الليل واحيانا كان بيفضل للصبح فى الشغل على حسب 

 ‏دخلت جهزت اكلى وعملت كل حاجه لازمه البيت 

 ‏وروحت عند اختى شويه ورجعت الساعه ٧ بالليل 

 ‏دخلت اخدت شاور وخرجت وفضلت قاعده ادام التلفزيون اتفرج على فيلم الوقت اخدنى والساعه بقت ١١ ونص بس اللي حصل 

 ‏خلانى اموت فى جلدى 

 ‏

بعد الواحده 

الجزء الثاني 

 بعد الواحده رعب 

اليوم التانى كنت قاعده بتفرج على التلفزيون وبسمع فيلم معبودة الجماهير وكنت مندمجه معاه قوى 

ولما الفاصل جه قمت اعمل كوباية شاي 

دخلت المطبخ لقيت 🐈 قطه سمره وقف على البوتجاز اتخضيت حاولت اطردها بس كانت القطه عنيده جدا وأنا من الخوف مش قادره اتحرك من مكانى ولاعمل حاجه 

جبت المقشه وطردت بيها القطه وطلعت القطه للصاله خفت تدخل اودة النوم بس الاوضه كانت مقفوله وطلعت اشوفها راحت فين مالقتهاش لدرجة إن الخوف خلانى ادور تحت كنبة الانتريه وبرده مالقيتش حاجه 

خفت ساعتها ورجعت قعدت مكاني حسيت إن فيه حد ماشى فى الشقه وأنا التفت ومش لاقيه حاجه وفجاءه سمعت صوت جاي من الحمام 

روحت اشوف فيه ايه وانا قلبى بيتنفض من الخوف لقيت الدش مفتوح والميه مغرقه الحمام قفلت الميه وطلعت اجيب المساحه كانت فى المطبخ لقيت واحده واقفه ادام البوتجاز ومديانى ضهره 

مابقيتش قادره اتكلم ولانطق ولاعارفه اعمل ايه 

جريت بسرعه وروحت اوضة النوم حسيت إن فيه حاجه مش طبيعيه فى الاوضه 

  حاولت ارجع اجيب التلفون من ادام التلفزيون سمعت صوت بينادى عليه بقيت اصرخ وانا ماعرفش فيه ايه ولا ايه اللى بيحصل معايا

فجاءه شوفت ادامى ست شعرها منكوش جايه ناحيتى بقيت احط ايدي على عينى علشان ماشوفش منظرها ولابص فى وشها ومن الخوف قعدت على الارض وانا مداريه وشى 

التليفون بتاعى رن الساعه واحده وتلت روحت اجيبه لقيت جوزى بيقولى افتحى الباب 

روحت فتحت 

وساعة ماشوفت جوزى حضنته وكانه كان بعيد عني من سنين 

هيثم /_فيه ايه مالك 

ماقدرتش انطق ولاتكلم ولاقوله على اللى حصل وكائن فيه حاجه مسكه لسانى لقتنى فجاءه بقوله وحشتنى 

هيثم /هدخل اخد دش 

روضه /_ماشى تمام 

دخلت اجهز الاكل لجوزى لقيته بينادى عليه 

ياروضه 

روضه /_نعم ياهيثم 

هيثم /_ايه الدم ده انتى فيكي حاجه؟ 

روضه /_دم ايه ماعرفش 

هيثم بقى مستغرب قوى وفضل ماشى وراء بقع الدم لحد اوضة النوم 

وبعد ماجهزت الاكل لجوزى دخلت اوضة النوم علشان اغير لقيت دم نازل عليه وعرفت الدم اللى كان هيثم بيسال عليه جاي منين 

من كتر الخوف حصلى نزيف 

هيثم جوزى اخدنى وروحت المستشفى كنت حاسه لما خرجت من الشقه انى خرجت من وسط النار وحسيت ببروده فى جسمى حسيت إن الدنيا بره جنه والشقه نار ودمار 

كشفت وروحت الشقه تانى 

هيثم جوزى تانى يوم ماكانش ينفع يقعد من شغله اتصل باختى علشان تيجي تقعد معايا 

ولما اختى جات الليله دي حصلت حاجات كتيره قوى اختى كانت هتموت فيها 

قصه رعب 

الجزء الثالث 

بعد الواحده

رعب 

فى اليوم التالت لما تعبت ونزفت وهيثم جوزى ودانى المستشفى وكان وراءه شغل وماينفعش يقعد منه ماكانش ينفع يسيبنى لوحدى 

اتصل باختى سميره وجابها علشان تخلى بالها منى 

اختى عملت الاكل وجهزته وعمل شغل البيت بالنهار وبعد مالدنيا ضلمت وبداء الجو يليل 

كنت قاعده أنا واختى فى الاوضه جنب بعض على السرير 

سميره قالت انها هتدخل تاخد شاور قبل ماتنام 

وقامت سميره من جنبى وقفلت باب الاوضه عليه 

سمعت صوت بره فكرت سميره اختى فضلت انادى عليها وهي مش سامعانى 

فجاءه لقيت النور اتقطع بداء قلبى من الخوف يتقبض ماكنتش شايفه حاجه ادامى لقيت الباب اتفتح 

وأنا بنادى بقول ياسميره 

وسميره مابتردش عليه لقيت 👁 👁 جايه بتقرب عليه الخوف قتلنى حاولت اغمض عينيه 

واحط ايدى على وشى علشان ماشوفش حاجه سمعت صوت عالى جنب بيقولى هقت_لك 

فتحت عينى علشان اشوف مين بيكلمنى لقيت الصوت بييجى من كل ناحيه وبيتردد فى ودانى هقت_لك هقت_لك 

حاولت اكتم ودانى بايديه علشان الصوت كان صعب شوفت 2 👿 👿 ادامى وجايين عليه جايين ناحيتى واحد منهم جنب السرير وعينى كانت فى 👁👁 

كانت عيونه حمراء زي الدم وكان النفس بتاعه كانه نار 🔥 🔥🔥 هتحرقنى حاولت اجيب التليفون من على الكومدينو علشان انور بيه ماعرفتش ولاقدرت 

فجاءه لقيت بابا ادامى بس بابا كان ماسك سكي_نه كبيره فى ايديه حاولت انادى عليه بس كان صوتى رايح 

حاولت اشاور له ورفعت ايدي بس ماشافنيش وايدى سقطت جنبى على السرير 

حسيت بحاجه مبلوله جنبى افتكرتها اختى سميره حاولت اهزها لقيت 👁👁 👁👁 العيون بتولع 🔥 صرخت 

سميره اختى سمعتنى جات جري 

سميره /_فيه ايه مالك؟ 

انا /_مافيش حاجه التليفون وقع 

سميره /_علشان كده بتصرخى 

انا /_النور كان مقطوع 

سميره /النور ماقطعش أنا اللى طفيته ياحبيبتي ساعة ماجيت خدت هدومه ريحى كده وأنا هقعد جنبك 

سميره قامت طفت النور وجات جنبى وحطت ايديها عليه 

بس بعد دقايق سميره ايديها بقت نار 🔥بتحرق فى جسمى وتاكل فى جلدى 

بصيت لسميره لقيتها عماله تكبر قوى ادامى وعماله تبصلى وشعرها اتنكش وبقت شخص تاني مختلف 

سميره فجاءه بقت بتتكلم بصوت غريب 

أنا هقتلك هقتلك هقتلك 

حاولت ادارى وشى منها وبقيت خايفه من منظرها قوى مش قادره انطق ولاقادره اتكلم شديت الملايه على وشي عشان ماشوفش منظر وشها 

لقيت الملايا بتتسحب من عليه وسميره بتشدنى من رجلى من على السرير 

ضوافرها كانت بتقطع فى لحمى وسحبتنى وفتحت باب الاوضه لحد ماخرجت فى الصاله وهي سحبانى شوفت ورايا 👿👿👿 🌚🌚🌚🌚 كتيره قوى كانهم منتظرين حاجه 

سميره شالتنى وكانها بتشيل ورقه من على الارض وحطتنى فوق السفره 

وانا ببص لها راحت المطبخ تجيب 🔪سكينه 

حاولت اتحرك من على السفره واتزحزح لانى كنت خايفه من منظرها وخايفه لاتقتلنى 

وقعت من على السفره على الكرسي جريت من ادامها 

ودخلت الحمام وقفلت عليه من جوها بقيت اسمع صرخات وصوت عالى قوى وانا اصرخ 

وفجاءه سمعت صوت سميره 

سميره /&افتحى ياحبيبتي فيه ايه؟ 

انا /_انتى مين ؟ 

سميره /_ايه ياحبيبتي انا اختك فيكى ايه ؟ 

أنا /_لا انتى مش اختى انتى 👺 👺 

سميره /_عفريت 👺 ايه وبتاع ايه انتى جرى لمخك حاجه 

فتحت باب الحمام بالراحه وأنا خايفه 

شفت وش سميره متغرق دم وبطنها مفتوحه 

فضلت اصرخ انتى عايزه منى ايه عايز منى ايه؟ 

 وحاولت اجري استخبى وسميره مسكتنى من شعري وسحبتنى ناحيتها 

هقتلك 

هتقتلينى ليه أنا عملت ايه وفضلت اصرخ 

ومادريتش بنفسى ايه اللى حصل ساعتها 

فوقت وانا نايمه على السرير وسميره اختى وجوزى قاعدين جنبى 

أنا /_فيه ايه ياسميره 

سميره /_واضح انك كنتى بتحلمى ياحبيبتي 

أنا /_بحلم بايه 

سميره /_بتحلمى وتصرخى وانا كنت نايمه فى الاوضه التانيه ولما سمعتك جيت لك ونمت جنبك 

أنا /_هيثم انت جيت ياحبيبى 

هيثم /_عامله ايه دلوقتي؟ 

أنا /&الحمدلله 

وبداءت كل يوم يحصلى حاجه ويقولوا لى انى بحلم لحد مافى يوم كان جوزى واخد اجازه من شغله علشان نطلع نصيف 

حصلت حاجات غريب

عشاق_الرعب 

الجزء الرابع 

بعد الواحده 

  جوزى اخد اجازه من الشغل وكنا عاملين حسابنا نطلع نصيف وسهرانه انا وهو 

قلت لهيثم أنا هدخل اجهز الحاجه اللى هناخدها معانا المصيف 

هيثم تمام وانا هقوم اعمل فنجانين قهوه ليه وليكى 

ودخلت اوضة النوم 

وجوزى دخل المطبخ وانا سمعت صوت فى الاوضه خفت بس كان وجود جوزى معايا مطمنى لقيت باب الاوضه بيتفتح وجوزى دخل عليه ونزل فيه ضرب ووشه كان متغير 

مابقيتش فاهمه هو بيعمل كده ليه اوبيضربنى ليه وسحبنى من ايديه ومن ضغطه عليها كان هيكسرها وروحنا المطبخ كان فيه ست شعرها منكوش واقفه وجوزى بيبص لها قوى وجوزى بيكلمها وبتكلمه بكلمات غير مفهومه لقيت جوزى بيجيب سكينه من درج المطبخ وعايز يدبحنى بيها 

فلتت منه وجريت واستخبيت وراء مكتبة التليفزيون النور بداء يلعب وبداءت اشوف 👿👿👿 👿👿 

بتشاور عليه وجه جوزى يحاول يمسكنى زقيت عليه المكتبه 

وبداءت الست ام شعر منكوش تجرى عليه وتسحبنى وانا اصرخ ومافيش فايده 

 ودخلت اوضة النوم لقيت جوزى قام وبيفتح الباب بقيت ازق الباب بكل قوتى 

وجوزى والست عمالين يحاولوا يفتحوا الباب وانا واقفه وراه 

شفت جنبي بابا الله يرحمه وهو واقف سادد الباب معايا وقالى أنا لازم احميكى منهم 

أنا /_بابا انت عايش 

بابا مافيش ميت بيرجع تانى 

أنا /_مين الست دي يابابا 

بابا روح مراتى وهتنتقم منكم 

الباب جوزى فتحه وبابا بعد ماكان بيساعدنى سابنى ومشى وبقيت لوحدي 

اواجه روح مرات ابويا الشريره اللى عايزه تنتقم منى 

الروح سيطرت على جوزى علشان يساعدها ويقتلنى 

مسكت التليفون فى ايديه ونورت الكشاف وخرجت من الاوضه 

شفت 🐈 🐈 🐈 قطط كتيره ماليه الشقه وبيحاولوا يهجموا عليه 

بقيت اضربهم بالرجل وانا ماشيه 

 ووصلت باب الشقه وحاولت افتحه لقيت قط كبير اسود بيهجم عليه وقعت على الارض والتليفون وقع منى 

 لقيت جوزى ومرات ابويا جم شالونى وحطونى على الطربيزه 

وهي بتقوله اقتلها دى بتخونك افتح بطنها وطلع احشائها بره دى جزاتها ولازم يحصل فيها كده 

حاولت اصرخ وفضلت اترجى جوزى 

جوزى عينيه احمرت وبقى شخص غريب جدا وكانه 👿 من اللى سيطرت على روحهم مرات ابويا علشان تنتقم منى 

وجوزى ماسك السكينه وعرى جسمى وقرب السكينه من بطنى 

وصرخت وقولت له أنا حامل هتقتل ابنك فى بطنى 

جوزى حط السكينه من ايديه وفضل يمشى ايديه على بطنى وكانه بيتحسس ابنه 

وفجاءه لقيت حاجه بتشدنى وبتنزلنى من على الطربيزه لقيته بابا 

مرات ابويا هقتلها 

هقتلها هقتلها هقتلها هقتلها 

ولقيت كل حاجه اتغيرت والاحوال اتبدلت وجوزى بياخدنى فى حضنى 

وبيطبطب عليه

  وبساله فيه ايه ايه اللى حصل؟ 

هيثم /_وقعتى وانتى داخله تجهزى الحاجه اللى كنا المفروض نسافر بيها 

أنا /_نسافر فين؟ 

هيثم /_المصيف ياحبيبتي 

أنا /&طيب مانا جهزت الحاجه يلا بينا 

هيثم /_طيب والجرح اللى فى دماغك ده 

أنا /_جرح ايه؟ 

هيثم /&انتى واضح انك ماكنتيش حاسه بحاجه خالص انتى دماغك مفتوحه ست غرز 

بقيت احسس على الجرح واتوجعت من لمسة ايديه 

وماقدرتش احكى حاجه من اللى حصلت 

وفى يوم اختى جاتلى هي وبنتها وشافت شيء غريب جدا 

بعد الواحده 

الجزء الخامس والاخير 

بعد_الواحده رعب 

بعد ماحصل اللى حصل لى واتعورت مابقيتش عارفه اتكلم مع حد ولاحكى اي حاجه لحد من اللى بيحصل معايا والكل يقولى انك كنتى بتحلمى 

اختى وبنتها جاءت عندى الشقه وفضلوا قاعدين معايا 

بنت اختى الصغيره ميرى كانت قاعده فى الصاله وانا ومامتها قاعدين فى الاوضه سمعنا البنت بتصرخ 

مامتها طلعت تجرى 

سميره /_بتصرخى ليه كده ؟ 

ميرى /_الست كانت عايزانى 

سميره /_انهى ست دى 

ميرى بداءت توصف الست وشكلها مامتها استغربت من كلامها وبداءت تطمن بنتها وتهديها 

سميره شافت شكلى اتغير من كلام ميرى وقعدت خايفه 

سميره /_فيه ايه مالك 

وأنا بحاول اقولها ان بنتها اللى بتقوله حقيقه الست كانت واقفه وراءها وأنا شيفاها بعينيه 

ميرى /_الحقى ياماما الست وراكى 

سميره /_فين مافيش حاجه وفجاءه البنت راحت قعدت في جنب لوحدها وخايفه وتصرخ 

سيبوا ماما سيبوا ماما 

وسميره مسكت البنت وبتحاول تشيلها بس الخوف كان مسيطر على البنت 

جريت على سميره وحاولت احوشها واخليها تبعد عن البنت 👁👁 سميره اتحولت واحمرت وبقت تضرب فيه 

البنت حاولت تحوش مامتها عنى ولكن مافيش فايده 

سميره مسكتنى من رقبتى وحاولت تخنقنى وفلت من ايديها بالعافيه واخدت البنت وجريت روحت الاوضه التانيه وقفلنا على نفسنا وروح مرات ابويا الشريره لبست اختى 

وفضلت سميره تكسر فى كل حاجه ادامها وبتحاول تكسر الباب 

ميرى /_ماما بتعمل كده ليه أنا خايفه ياخالتى ؟ 

ماعرفتش ارد على البنت 

ميرى/_النار هتحرقنا النار وشفنا النار مسكت فى الاوده 

جريت وخرجت أنا والبنت بقينا ندور على سميره اختى مش لقينها 

فى الاوض كلها ودخلت المطبخ شفتها ماسكه سكينه وعماله تقطع فى جسمها 

حاولت احوشها واخد منها السكينه بس كانت قويه جدا ماقدرتش وحاولت تضربنى بالسكينه جريت منها وخرجت من المطبخ 

سميره راحت ناحية ميرى وفى ايديها السكينه البنت لما شافت الدم على السكينه ومامتها معوره نفسها جريت وخافت وراحت ناحية باب الشقه 

حاولت الفت انتباه سميره اختى علشان تبعد عن البنت 

شديت السجاده من تحت رجليها 

ولما اهتزت وكانت هتقع بصت لى ب 👁👁 عينها وكانت بتطق شرار 

وجات عليه وفجاءه بابا الله يرحمه وقف ادامها 

ميرى/_ جدو وحشتنى ياجدو 

اتسحبت بالراحه ومسكت ميرى فى ايديه وحاولنا نفتح باب الشقه ماعرفناش لانه كان مقفول جامد ومن خوفى ماعرفتش اتصرف 

سميره شافتنى وأنا بفتح الباب جات عليه ومسكتنى 

من ايديه واخدتنى على السفره وحاولت تدبحنى البنت فتحت الباب من خوفها من المنظر وخرجت من الشقه وسابت الباب مفتوح سميره فضلت تصرخ 

وأنا قمت من مكانى جري وجريت ناحية باب الشقه وخرجت منها وفضلت اخبط على الجيران 

مابقيتش عارفه أنا بخبط ازاي وبخبط على مين واحد من الجيران فتح لى اول ماشاف منظرى فضل يصرخ مابقيتش عارفه بيصرخ ليه 

بس لما اتديرت وبصيت عرفت انه بيصرخ علشان شاف سميره ورايا وماسكه سكينه وهدومها كلها دم 

ميرى جابت بواب العماره وطلعت وكل اللى كان يشوف منظر سميره يفتكر انى انا اللى عملت فيها كده 

الجيران اتصلت بجوزى والشرطه جات وكل حاجه انكشفت وانكشف سر الشقه المسكونه 

بابا كان قتل مراته فيها وفتح بطنها وطلع مصرانها علشان كانت خاينه ليه 

وفضلت الشقه مقفوله فتره كبيره والروح سكنتها 

وفضلت فتره كل اللى حصل لى فى الشقه كنت بشوفه فى منامى واحلامى 

وكنت بقوم اصرخ فى الليل 

انتهت القصه