أين سماء حزني ... عزيزة طه .... الجزء الثالث
بعد مرور شهران .
طرق رامي الباب وهو يقول : قومي يا كسولة
نهضت سما بضيق وفتحت الباب وقالت : نعم .
دلف رامي وجلس علي الأريكة : أصل انا كنت فاضي فقولت أفسحك .
ضحكت سما وقالت : يا سلام علي كرمك .
نهض رامي وقال : أنا عارف ان مو*ت اختك صعب عليكي بس ده قضاء ربنا .
ابتسمت سما بحزن : عندك حق
رامي بمزاح : وبعدين انت بقالك فترة بتنامي كتير
سما بصدمة مصطنعة : بنام كتير
رامي : أيوة من ساعة ما كنا بنتفرج علي حيوان الكسلان فقولت اطمن عليكي يمكن تكوني خدتيه مثل أعلي .
ضحكت سما وقالت : طب يلا انزل استناني تحت عقبال ما ألبس .
نهض وقال وهو يدلف للخارج : اوعي ترجعي تنامي تاني .
هزت سما رأسها ثم ابتسمت فقد عوضها الله برامي وهدي وكر... صمتت قليلا تفكر بهذا الرجل .
نفضت رأسها وقالت بنفسها : ايه اللي بتعمليه ده ده راجل متجوز .
نهضت وارتدت ملابسها وهبطت للأسفل .
سما : صباح الخير يا طنط
رحمة بعتاب : أنا قولت ايه ... انتي بقيتي واحدة مننا قولي لي يا ماما .
سما : حاضر يا ماما
رامي بمشاكسة : خلاص خدتي الحب كله
ضحك الجميع وابتسمت رحمة بحب وهي تلاحظ انجذاب رامي لسما .
في غرفة كريم ... كان يجلس بهدوء مريب وتلك الواقفة تستشيط غضبا : رد عليا يا كريم
كريم : أرد أقولك ايه
مني : قول اي حاجه ... انا ماما طول الوقت بتزن عليا علشان موضوع الخلفة وانت مش راضي تتعالج .
كريم بغضب : قولت لك اقفلي علي الموضوع ده
مني : لأ يا إما تتعالج يا كل واحد يروح لحاله .
كريم : قولت لك اخرسي .
قالها ودلف خارج الغرفة بغيظ وهبط الدرج نحو الطاولة : صباح الخير
الجميع : صباح النور
بدأ بتناول الطعام ثم لاحظ انسحاب رامي وسما وهدي فقال : هما راحوا فين
رحمة : رامي هيفسح البنات
كريم بتعجب : وسي رامي من امتي فاضي لينا
رحمة : الحب بيغير
كريم بصدمة : الحب
رحمة : أيوة مش ملاحظ ان الواد بيستغل أي فرصة علشان تبقي معاه انا بفكر افاتحها
صرخ كريم بغضب: لأ طبعا .
رحمة : في ايه يا كريم .
كريم بتوتر : أنا أقصد انهم صغيرين .
رحمة : لأ مش صغيرين وبعدين بقالك فترة متغير ايه يا كريم صوتك بقي يعلي عليا
ذهب نحوها وق*بل يدها وقال : متزعليش يا ست الكل اكيد مقصدش .
هبطت مني وقالت : انا خارجة عايزة حاجه يا ماما
رحمة بضيق : شكرا .
رحلت مني فقالت رحمة : هي كل يوم كده راحة جاية وبعدين مشفتش حاجه يعني .
كريم بضيق : انا قولت يماما ان انا مش بفكر في الموضوع ده .
رحمة : يعني ايه انت عندك ٣٠سنة هتفكر امتي ان شاء الله
كريم : يوووه
رحل كريم وقالت رحمة : ربنا يهديك
وقفت سما أمام إحدي قطع الملابس التي أعجبتها وهي تقول : واو جميل اوي .
هدي : فعلا .. بس ده عري*ان من الضهر
سما بقرف : لأ ده وحش اوي
ضحكت هدي وقالت : يبنتي جربيه واتلحلحي كده
سما بضيق : بس يا بت
- ازيك يا سما
ارتج*ف جسد سما لسماع هذا الصوت وتمنت ان تكون بإحدي كوابيسها المعتادة ولكن عندما التفتت وجدته نفس نظراته ورائحته كل شئ تكره به انه هو ... حسام
حسام بخبث : عامله ايه وحشاني جدا
هدي : انتي تعرفيه
حسام : إلا تعرفني ده احنا بنا ليالي طويلة
قالها ورحل بينما قالت هدي: ماله الراجل ده ... شكله مخ*يف انتي تعرفيه منين .
سما بخوف: أنا عايزة أرجع .
قالتها وتوجهت نحو السيارة وطلبت من رامي ان يعيدهم .
رامي : طب في ايه مش هنتغدي
سما : لو سمحت رجعني .
هدي : انت مش شايف البت منهارة ازاي
رامي : طب افهم
هدي : رجعنا الأول وبعدين نشوف .
رامي : حاضر
عاد بهم رامي للمنزل وبمجرد ان دلفت سما المنزل توجهت لغرفتها تحت تعجب رحمة .
رحمة : مالها سما
رامي بضيق: مش عارف اسألي هدي
رحمة: مالها يا عدي
هدي : مش عارفة
رحمة : هو أنا هشحت منكم انا هروح أشوفها
صعدت رحمة وطرقت الباب ولكن لم تجد إجابة فدلفت فوجدت سما تق*ع أرضا.
صرخت بصدمة وتوجهت نحوها وبدأت تحاول أن تجعلها تستفيق .
دلف رامي بقلق علي صوت صراخ أمه وقال: في ايه
رحمة : البت اغم*ي عليها اتصل بكريم يجيب الدكتور
وبالفعل اتصل رامي بكريم الذي حضر بصحبة الطبيب في وقت قليل .
دلف الطبيب لها وظلت رحمة معها بالداخل وخرج الطبيب بعدها بقليل وقال : مفيش حاجه ده طبيعي .
رحمة : يعني ايه
الطبيب : باين انها مش بتهتم بصحتها
رحمة : شوفت أنا قولت لها.
الطبيب : يا ريت تهتم بيها اكتر علشان الجنين
الجميع بصدمة : جنين
مني : جنين ايه يا دكتور
الطبيب : أيوة المدام حامل .
___________
كانت سما تجلس بتوتر لم تكن تتوقع أن توضع بموقف كهذا.
رحمة : يا بنتي قولي ده ابن مين
توترت سما وقالت مني : شوفي بقي يا ماما هيا مع مين طول الوقت.
كريم : اسكتي يا مني
رحمة: رامي
رامي : ايه بتشكي فيا
رحمة : ليه لأ الدكتور بيقول ان الحمل من شهرين وهيا بقالها شهرين ومخرجتش مع حد غير معاكوا يبقي مفيش غيرك انت او كريم .
كريم بصدمة : ايه
رحمة : انا بقول اللي عقلي شايفه يا كريم ... الولد يبقي ابن مين
مر بعض الوقت والجميع في صمت قبل أن يظهر الشيطان بينهم ويجعل كريم يقول : يبقي ابني انا .
الجميع بصدمة: ايه