تحميل رواية «أسطورة القصر» PDF

أسطورة القصر "البارت الاول"

كريم: سمعتوا عن القصر اللي بيحصل فيه حاجات غريبة وأصوات مرعبة من بعد الساعة 5 المغرب

حبيبة: لا ايه الموضوع ده

مايا: يا بنتي ديه تخاريف انتوا هتصدقوا الهبل ده

زين: لا علفكرة الموضوع حقيقي

كريم: انا من رأي مايا اكيد تخاريف اصلا مفيش حاجة اسمها اشباح وعفاريت والكلام الفاضي ده

مريم: طب ازاي بابا القصر بيبقي مفتوح من الشروق لحد الغروب واول ما الساعة بتيجي 5 الباب بيتقفل لوحده ومحدش بيعرف يفتحوا خالص

حبيبة بخوف: انا ابتديت اخاف

مايا بتفكير: طب ايه رأيكوا بكره بعد الجامعة نروح القصر ونشوف ايه اللي بيحصل

حبيبة: لا طبعا انتي عايزة الباب يتقفل علينا ولا ايه

كريم: لا نروح وندخل القصر ونشوفوا من جوا إذا كان في حاجة غريبة ولا لا

مايا: اه وقبل الساعة 5 نخرج ونستني ونشوف الباب هيقفل ولا لا ولو قفل هصدق ولو مقفلش يبقي كل ده تخاريف

زين: انا عن نفسي موافق

مريم: وانا كمان بس نخرج قبل 5 من القصر

حبيبة بخوف وتفكير: انا موافقة

كريم: انا كده كده موافق

مايا: طيب تمام بكرة بعد السيكشن علي الساعة تلاتة نتقابل قدام الجامعة ونروح

الكل: تمام

وبعدين سلموا علي بعض وكل واحد روح بيته

تاني اتقابلوا زي ما اتفقوا وراحوا القصر

قدام القصر:

كريم بانبهار: ايه ده القصر جميل جدا وفخم

مريم بخوف: بس شكله يخوف ما تيجوا نمشي

زين باعتراض: نمشي ايه علفكرة شكله عادي جدا

مايا: يلا بقا بلاش رغي خلينا ندخل نتفرج عليه من جوا

الكل: يلا

ودخلوا القصر وكان جميل جدا بس مليان تراب ومش نضيف خالص وكبير جدا

فضلوا يتمشوا ويتفرجوا علي الغرف كلها ونسيوا الوقت

مريم بانتباه: الساعة بقت 5 الا ربع يلا نخرج بره

وفعلا حاولوا يخرجوا بس القصر كبير وتاهوا جوا وفضلوا يدوروا علي الباب لحد ما وصلوا للمخرج بس للاسف الساعة كانت وصلت خمسة ويدوب فاضل نص دقيقة

مايا: شوفتوا بقا الساعة 5 اهي والباب مقفلش

بس اول ما مايا خلصت جملتها سمعوا صوت الباب وهو بيقفل براحة وطبعا كان عامل صوت عالي لانه قديم جدا وكلهم اتخضوا وفضلوا يجروا ناحية الباب علشان يخرجوا قبل مايقفل بس الحظ مش في صالحهم والباب قفل بس كانت مايا وزين بس اللي خرجوا وكريم وحبيبة ومريم ملحقوش يخرجوا ووقفوا قدام الباب وشهم ناحية الباب وضهرهم للقصر وفجأة سمعوا صوت من وراهم ولسة بيلفوا وشهم وشافوا اللي صدمهم ..............

يا تري شافوا ايه صدمهم؟؟؟

وايه اللي هيحصلهم؟؟؟

طبعا البارت مش مخيف بس علشان ديه البداية انما البارت الجاي هو اللي هيكون مرعب لأن الرواية رع

ب اصلا

أسطورة القصر "البارت التاني"

بعد ما الباب اتقفل ومايا و زين بره القصر

مايا بإنهيار: انا السبب انا السبب هما اتحبسوا بسببي انا اللي قولتلهم ندخل القصر انا حبست صحابي واختي جوا انا السبب (مايا وحبيبة اخوات تؤام بس مايا قلبها جامد وبتحب المغامرات انما حبيبة قلبها ضعيف وبتخاف جدا يعني الاتنين عكس بعض)

زين بيحاول يهديها: اهدي محدش كان يعرف انها حقيقة وبعدين هما وافقوا يدخلوا ده كان قرارهم هما وان شاء الله هيخرجوا بس احنا نساعدهم

مايا بعد ما هديت: طيب ماشي بس هنعمل ايه

زين بتفكير: بصي اهم حاجة نجيب معلومات عن القصر ده وبعدين نبقا نشوف هنعمل ايه

****************

عند كريم و حبيبة ومريم

لفوا وشهم واتصدموا لما شافوا أشخاص بيتحركوا عادي وكأنهم عايشين

حبيبة بخوف وهمس: ايه اللي بيحصل يا كريم

كريم بهمس بردوا: مش عارف بس تقريبا ديه الاصوات اللي بنسمعها

مريم بخوف: هما ازاي مش شايفنا

كريم بنرفزة بسيطة: مش عارف ما انا زي زيكم اهو

وبعدين كمل بهدوء: المهم دلوقتي تعالوا ندور علي مخرج بس بهدوء لحسن يحسوا بينا

وبعدين فضلوا ماشيين بحذر فعلا لحد ما وصلوا لأوضة مقفولة فتحوها ودخلوا وووووووو

*******************

عند زين ومايا

كانوا قاعدين مع بعض بيعملوا بحث عن القصر علشان يعرفوا معلومات كافية علشان يقدروا ينقذوا صحابهم

مايا بعد ما خلصت واتصدمت من اللي عرفته عن القصر

*******************

عند كريم وحبيبة ومريم

دخلوا الأوضة وفضلوا يدوروا علي مخرج لكن ملقوش حاجة وهما خارجين مريم داست علي حاجة

مريم: كريم انا دست علي حاجة غريبة

كريم راح يشوف هي داست علي ايه ولقاها بلاطة بتتحرك راح شالها واكتشف أن البلاط اللي حوليها بردوا مفكوك فضل يشيل في البلاط ده علي امل أنه يلاقي مخرج بس بعد ما خلص اتصدم من اللي شافه تحت البلاط

كريم: الحقوا ده فيه ................

البنات راحوا يشوفوا واول ما شافوا اللي كان تحت البلاط

البنات: ااااااااااااااه (ده صويت بس انا معرفتش اكتبها ازاي )

معلش البارت قصير بس أن شاء الله البارت الجاي هيكون طويل وقولولي في الكومنتات عايزينها الرواية اكتر من 5 بارت ولا 5 بالظبط ولا اقل

أسطورة القصر "البارت الثالث"

اول ما البنات شافوا اللي تحت البلاط صوتوا كان فيه جث*ث كتير وهياكل عظمية اكتر

مريم بخوف: ايه ده انا عايزة اخرج من هنا

كريم: اكيد ديه جث*ث الاشب*اح اللي تحت علشان كده لسة موجودين اكيد أرواحهم مش مرتاحة وعايزين حد يكتشف مكان جثث*هم ويتدفنوا

حبيبة: طب ايه اللي جاب الجثث ديه هنا

كريم: الأسطورة بتقول أن القصر ده كان ساكن فيه عيلة كبيرة اسمها عيلة الصاوي

مايا: والعيلة ديه كانت كبيرة كانت عبارة عن الجد محمود الصاوي وأولاده التلاتة محمد وعلي ومحسن

(ملحوظة: مايا بتحكي لزين نفس اللي كريم بيقوله للبنات عن أسطورة القصر عن طريق اللي عرفته من علي النت ف هيبقي كريم ومايا بيحكوا بس كل واحد في مكان)

كريم: ومحمد كان الكبير وكان هو اللي ماسك شغل باباه كله وكان متجوز وعنده ولد اسمه مراد وكان بيساعده في كل حاجة في الشغل ومراته ست طيبة وكانت كبيرة البيت باعتبار أن حماتها ميتة

مايا: وعلي كان الصغير كان عنده شركة خاصة بيه لوحده هو اللي بناها بنفسه لأن طبيعة شغله غير شغل أبوه وأخوه الكبير وكان عنده بنتين الكبيرة اسمها سوزي والصغيرة اسمها ندي ومراته متوفية

كريم: أما بقا محسن ف ده كان الاخ الوسطاني وكان بيحقد علي اخواته وبالأخص اخوه الكبير لانه هو اللي كان ماسك الشغل كله هو وابنه وكان عنده ولد اسمه حازم وبنت اسمها زينة ومراته كانت طيبة وصحبت مرات محمد جدا

مايا: بس جه يوم ومحسن اتخا*نق مع أبوه وأخوه الكبير بسبب الشركات راح محسن قا*تل أبوه وأخوه الكبير ولما مراته عرفت قت*لها هي كمان

كريم: وابتدى بقا يقت*لهم كلهم واحد واحد وهما نايمين بس وهو بيحاول يقت*ل مراد سمع صوت حد بره واللي هو كان حازم لأن مكنش فيه غيره هو ومراد اللي لسة مامتوش

مايا: حازم بقا سمع صوت من اوضة مراد راح يشوف فيه ايه لقا مراد نايم وفي سكي*نة علي الارض راح يمسكها وبيشوفها بس مراد صحي وشافه وافتكر أن هو اللي كان عايز يقت*له ف قام هجم عليه ودارت خناقة بينهم لحد ما مراد من غير قصد قت*ل حازم

كريم: بعدها مراد انهار ف استغل محسن الموقف وقت*له من ضهره وفضل يض*ربه كذا طع*نة ورا بعض بغل وحقد وبعدها فضلت يضحك زي المجنون لأنه قت*ل مراته وأبوه وأخواته والعيلة كلها اتجنن وقرر يق*تل نفسه هو كمان

مايا: بس نسي أن بنته لسه عايشه وشافته وهو بيق*تل مراد لما صحيت علي صوت خناقة مراد وحازم ولما وصلت اوضة مراد لقت ابوها بيقتل مراد وبيضحك زي المجنون ف خافت وراحت تحاول تصحي اي حد بس لقتهم كلهم ميتين

كريم: ف راحت تبلغ البوليس قبل ما يشوفها بس لما البوليس وصل ملقاش غير ج*ثة محسن بس وملقاش اي ج*ثة تانية ف افتكروها بتكدب وأنها قت*لت محسن وهربت وعملت الفيلم ده كله علشان تهرب ف اتعدمت لأن مفيش شهود والأدلة كلها ضدها

مايا: ومن ساعتها واي حد بيدخل القصر ده والباب بيتقفل عليه مش بيخرج تاني منه ومش بيلاقوا جث*ته حتي ف الأسطورة بتقول أن ديه روح محسن وأنه بيق*تل اي حد بيدخل القصر ده

كريم: علشان كده الباب بيتقفل الساعة 5 لأن محسن ق*تل اخوه الكبير في الوقت ده وهو اول واحد يقت*له

*******************

عند حبيبة ومريم وكريم

حبيبة بذعر: يعني ايه يعني احنا هنموت هنا لا لا انا مش عايزة اموت انا خايفة اوي

مريم بتحاول تهديها وهي اصلا محتاجة حد يهديها: اهدي يا حبيبة أن شاء الله هنخرج من هنا اهدي

كريم: المهم دلوقتي أننا نحاول منبعدش عن بعض ونفضل مع بعض هنا لحد النهار لما يطلع وان شاء الله نخرج من هنا فاضل ساعة والباب يتفتح بلاش نفقد الأمل

*****************

عند زين ومايا

زين: طب احنا هنعمل ايه دلوقتي

مايا: هنروح دلوقتي عند القصر لحد ما الباب يفتح وندخل ندور عليهم بس لازم نستعد وناخد معانا اي حاجة ممكن تساعدنا

وفعلا بدأوا يستعدوا وراحوا عند القصر وفضلوا مستنين

لحد فعلا ما الباب اتفتح لوحده في معاد كل يوم ودخلوا يدوروا علي كريم والبنات لحد ما وصلوا مكان الاوضة اللي قاعدين فيها كريم وحبيبة ومريم

واول لما دخلوا انصدموا من اللي شافوه

أسطورة القصر "البارت الرابع"

اول ما زين ومايا دخلوا الأوضة لقوا كريم واقع علي الارض وسايح في دمه وحبيبة مغمي عليها ومريم بتحاول تفوق حبيبة وبتعيط

راح زين وشال كريم علشان ينقلوا علي المستشفي ومايا هي كمان شالت حبيبة وخدوهم علي المستشفي

مريم وهي خارجة وراهم لقت كتاب قديم جدا علي الارض وشكلوا غريب خدتوا حطتوا في شنطتها وراحت وراهم

في المستشفي:

الدكتور: الآنسة حبيبة مغمي عليها نتيجة صدمة اتعرضتلها وانا اديتها حقنة مهدئة

مايا: طب هتفوق امتي يا دكتور

الدكتور: الصدمة كانت قوية علشان كده مقدرش اتوقع هتفوق امتي بس مش قبل 12 ساعة

زين: طب وكريم حالته ايه

الدكتور: الحمدلله الإصابات مش خط*يرة هو مصاب في رجله ناتج عن ضر*بة سكي*نة بس الجرح كان سطحي ومسببش اي ضرر

زين: شكرا يا دكتور تعبناك معانا

الدكتور: ولا تعب ولا حاجه ده شغلي انا معملتش حاجة ومشي

بعد ما حبيبة فاقت راحوا لكريم اوضته

مريم: شوفتوا بقا ايه اللي حصل لكريم بسبب تهوركوا كان ممكن يموت بسببكوا شوفتي يا ست مايا ايه اللي حصل بسببك

مايا بندم: انا مكنش قصدي انا كنت فاكرة أنها تخاريف مكنتش اعرف انها حقيقة

كريم : خلاص يا مريم محصلش حاجة ومايا ملهاش ذنب انا كمان كنت عايز ادخل وهي مغصبتنيش علي حاجة انا اللي دخلت بمزاجي

مريم بغيظ: افضل انت دافع عنها علطول كده

زين بيحاول يهديهم ويغير الموضوع: خلاص يا جماعة اهدوا وبعدين هو ايه اللي حصل اصلا

حبيبة بخوف: في حد كان بيحاول يقتلني

مايا بصدمة: ايه مين وازاي وايه اللي حصل اخلصوا

كريم بهدوء: اهدي وانا هحكيلك

Flash back

كريم وحبيبة ومريم واقفين فجأة جه حد من ورا حبيبة وكان هيقتلها بس كريم لحقها و حبيبة اغمى عليها من الخوف ومريم بتحاول تفوقها وكريم لسة في خناق مع الشخص ده والشخص ده ملثم لحد ما سمعوا صوت الباب بيتفتح ف الشخص المجهول حاول يهرب بس كريم مش سيبه لحد ما ضربه بالسكينة في رجله وهرب بعدها دخل زين ومايا وخدوهم علي المستشفي

End Flash back

مايا: طب ومين الشخص الملثم ده وكان عايز يقتلكوا ليه

كريم: مش عارف

مريم بتذكر: ايوه صح انا لقيت الكتاب ده في الاوضة اللي كنا فيها

وبتطلع الكتاب من الشنطة بتاعتها

زين بياخدوا وبيقراه: مكتوب أن محسن لما قتل اخواتوا كان متفق مع شخص من اللي في البيت بس مكتوب أن بعد ما قتلوا اللي في البيت كلهم وكان فاضل مراد وبسبب الاشتباك اللي حصل بين حازم ومراد وانتهى بموت حازم راح محسن قتل مراد وكانت حالته النفسية سيئة لانه كان بيحب حازم ابنه جدا ومكنش هيقتلوا ف راح علشان يحكي للمجهول اللي حصل بس سمعه وهو بيعمل طقوس معينة وان الطقوس ديه هي ................

يا ترى ايه الطقوس ديه؟؟

ومين الشخص المجهول اللي كان بيحاول يقتل حبيبة؟؟

ومحسن متفق مع مين؟؟

كل ده هتفهموه في البارت الاخير

أسطورة القصر البارت الخامس

الطقوس ديه تكانت تحالف مع الشيطان أنه يعيش للابد مقابل أنه كل فترة يقدمله قتيل ك قربان ليه راح محسن اتصدم وكتب كل الكلام ده في الكتاب وراح صارح المجهول ب اللي سمعه ف المجهول قتله وخفا كل الجثث في المكان اللي كريم ومريم وحبيبة شافوه وده يفسر وجود هياكل عظمية بسبب أن الأسطورة من 100 سنة انما الجثث اللي لسة متأكلتش ف ديه جثث الناس اللي اتحبسوا قبل مريم وكريم وحبيبة

مايا: طب مين المجهول ده؟؟

زين: مش عارف مش مكتوب هنا بس مكتوب أن اللي قدر يخرج حي من القصر هيموت بسبب التحالف ده وان علشان ننهي اللعنة ديه وكريم وحبيبة ومريم ميموتوش لازم يرجعوا القصر ويعملوا طقوس معينة بس الطقوس ديه خطيرة جدا ولازم تتعمل خلال 24 ساعة

مريم: انا مش همشي وراكوا تاني وادخل القصر ده لا انا ولا كريم

مايا: يا مريم مينفعش انتي كده هتموتي

كريم: اتكلمي عن نفسك يا مريم انا هروح القصر ده واعمل الطقوس وانا مش خايف ومش فارق معايا حاجة

مريم بضيق: براحتك اعمل اللي انت عايزه يا كريم انا ماشية

حبيبة: مريم يا مريم

بس مريم مشيت وسابتهم

مايا: هنعمل ايه كده

زين: هنروح القصر ونعمل الطقوس يمكن تنجح

كريم : يلا بينا

وراحوا القصر وووووووو

*****************************

عند مريم

كانت ماشية في شارع ضلمة بيوصل لبيتها بس حست بحد وراها لفت تشوف مين ملقتش حد جت تلف علشان تكمل مشي فجأة لقت حد واقف قدامها وملثم وماسك سكينة في أيده راح دبحها بالسكينة ديه وفضلت مريم تنزف كتييير لحد ما ماتت راح الشخص ده قاطع رقبتها بطريقة وحشية وحطها في شنطة وشال جسم مريم علي كتفه وفي أيده الشنطة اللي فيها رأسها وفجأة اختفى

*****************************

عند الباقي

وهما بيعملوا الطقوس فجأة البيبان كلها والشبابيك اتفتحت من طيار الهوا بس كان لازم يكملوا وميقفوش وفضلوا مكملين لكن ظهر شنطة في النص لأنهم كانوا قاعدين علي شكل دائرة كريم وزين راحوا يفتحوا الشنطة واتصدموا

وفضلوا واقفين مكانهم متحركوش مايا وحبيبة راحوا هما كمان يشوفوا في ايه لقوا راس مريم في الشنطة ف خافوا وفضلوا يصوتوا ويعيطوا لحد ما ظهر الشخص الملثم تاني

الشخص الملثم: انا قتلت صحبتكوا وهقتلكوا انتوا كمان

كريم: انت مين وعايز ايه

مايا وبتحاول تمثل القوة: انت لو فاكر أننا هنخاف تبقي غلطان احنا مش خايفين منك ومش هتقدر تعمل حاجة

الملثم: هنشوف

زين: انت اكيد حد من عيلة الصاوي وكنت متفق مع محسن بعدين قتلتوا وغدرت بيه انت مين ها

الملثم: انا هشيل الشال من علي وشي ده لأني متأكد انكوا هتموتوا والسر ده مش هيطلع بره

والملثم بيشيل الشال من علي وشه وبيطلع ................

*************************

Flash back

محسن: انتي كدبتي عليا وده مش اتفقنا

المجهول: اتفقنا ده تبلوا وتشرب مايته

محسن: انا هقول للبوليس كل حاجة وهعرفهم أن انتي اللي وسوستيلي علشان اقتل ابويا واخواتي وعيلتي

المجهول: مش هتلحق يا محسن

محسن: سوزي متتحدنيش

سوزي: لا يا عمو انا دلوقتي اقوي منك انا معايا ناس ممكن تقتلك من غير مجهود بس انا اللي هعمل كده

وبتقتلوا بالسكينة كذا طعنة ورا بعض وبتدخل ايديها وتطلع قلبه في ايديها وتضحك بهستيريا

سوزي بتكلم نفسها: انت السبب يا مراد في كل ده لو كنت حبتني مكنش هيحصل كل ده

End Flash back

***********************

كريم: وانتي عايزة ايه مننا

سوزي: المفروض اني اقتلكوا علشان ده التحالف اللي بيني وبين الشيطان انا اقتل مقابل اني اعيش حياة أبدية وبنفس جمالي ومن غير تجاعيد هو المفروض مقلكوش بس حبيت اني اكافئكوا لانكوا وصلتوا للمرحلة ديه مستعدين للموت

مايا: متقدريش احنا اكتر

سوزي: مش بالكترة يا قمر بالاقوي

وسوزي جريت عليهم علشان تقتلهم لكن كريم وزين وقفوا قدامها وحاولوا يمنعوها بس للأسف ديه الشيطان مساعدها جدا راحت زقت كريم وهو وقع بسهولة بسبب ضربة السكينة اللي قبل كده أما زين ف سوزي ضربته بالسكينة في بطنه ف وقع علي الارض ولسة رايحة لمايا وحبيبة بس مايا شدت حبيبة وجريوا لأقرب اوضة يستخبوا فيها وقفلوا الباب بس سوزي حاولت تتدخلهم ومش عارفة وحبيبة ومايا جوة ميتين من الرعب وده لأنهم في نفس الاوضة اللي فيها الجثث وبره في سوزي يعني محاصرين ومايا وقفة ورا الباب علشان سوزي متتدخلش لغاية ما حبيبة وهي واقفة خايفة بعيد لقت ورقة مكتوب فيها "الايمان يعيشك في سلام" وفي الوقت ده مايا مقدرتش تقاوم اكتر وسوزي قدرت تزق الباب وتدخل وفضلت تقرب من مايا علشان تقتلها تقرب تقرب لحد ما ظهر صوت حبيبة وهي بتقرأ قرأن بصوت جميل ف سوزي وقفت غصب عنها وفضلت تتحرك بهستيريا وتقولها تسكت بس حبيبة مكملة ولما مايا لقت أن في نتيجة وقفت تحمي حبيبة من سوزي علشان تقدر تكمل قرأة وفعلا سوزي قوتها ضعفت وابتدت تكبر في السن لحد ما في الاخر ماتت واختفت خالص وفي الوقت ده اذان الفجر اذن راحت حبيبة ومايا جري علي كريم وزين لقوا كريم الإصابة اللي كانت في رجله ملهاش وجود وزين مش فاكر اخر24 ساعة عدوا عليه وده لانه كان يعتبر مات بسبب السكينة لكن لما الشر مات واختفى زين قدر يرجع بسبب أن لسة قلبه مكنش وقف لأن الميت قلبه بيفضل يدق بعد ما يموت مدة معينة

*******************

واخيرا قدروا يخلصوا من اللعنة وخرجوا من البيت من غير ما يحصلهم حاجة وطبعا مريم ماتت خلاص و كريم اتجوز مايا لأنهم اصلا كانوا بيحبوا بعض ومريم كانت بتحب كريم وطول الوقت كانت بتحقد عليهم وبتغير منهم وده سبب اساسي لموتها لأنها صفرا من جوا (مريم بدل ما تشرب بيبس شربت المر وماتت بس احسن انا مكنتش بحبها اثلا)

وحبيبة وزين اتجوزوا بردوا وده الاكيد لأن أي رواية الابطال بيتجوزوا بعض في الاخر عادي

انتهت احداث الرواية