تحميل رواية «اسلام ودنيا» PDF

ي

ـ ايه القرف ده يا دنيا !

ـ ايه يا ماما ؟

ـ الفراخ مش متحمرة .. والرز مش مستوي .. والشوربة مالحة

ـ ههههه وعاوزة تدخل مسابقة طبخ

ده كان صوت اخويا الساخر

دنيا : بس يالا

ـ حتجرب مرة واتنين وتلاتة وحتنجحي يا دنيا

ـ ميرسي لزوقك يا بابا .. بس انا ما بحبش الطبخ

ـ اومال بتعملي ليه ؟

ـ علشان الريتش بتاعي نزل .. فلازم اعليه .. حدخل برنامج طبخ

ـ مش ناوية تبطلي شغل النت ده

ـ واشتغل ايه ؟

ـ مع عمك بالمطعم

لا ! ده كابوس اني اشتغل مع عمي ... اقعد اطبخ واتعب نفسي علشان خاطر حد معرفوش !

او اقدم الاكل لحد !

ـ لا يا بابا .. أنا مستحيل اشتغل مع عمي

ـ انتي حرا

بعد تلت ايام

خلاااااص .. أنا اكتشفت اني فاشلة جدا بالطبخ .. والريتش بينزل اكتر ... فقررت اعمل مقالب في شارعنا .. أنا حرمي عليهم اكياس ميا ...

جبت اخويا الرخم وبدأ يصورني وانا برمي على الناس ميا .. وانزل استخبى ..ولحظي السىء رميت على ظابط كان ماشي ..وشافني .. والناس اشتكوا مني

فجاء لقيت نفسي بالقسم

* بعد ٥ ساعات*

خرجت من القسم أنا والاستاذ اخويا ..بعد ما وقعت تعهد .. وبابا كان متعصب منا جامد

ـ انا علي الشريف على اخر الزمن اجيب عيالي من القسم !!

ـ يا بابا الموضوع تافه هما ..

ـاسكتي خالص .. انتي حتسيبي الشغلانة دي وحتروحي تشتغلي عند عمك .. في المطعم

وهنا كأنه حكم عليا بالاعدام

*تاني يوم *

أنا دنيا ...واقفة قدام مطعم بتردد .. وشكلي كاني طالبة مدرسة في أولى ابتدائي .. خايفة ادخل

اخدت نفس ودخلت .. لقيت المطعم مليان زبائن.. يا لهوي يا دنيا حتتفرمي

ـ لو سمحت ..هو محمد الشريف فين

ـ اهلا بدنيا

سمعت صوت حد غلس انا عارفه كويس .. لفيت ..كان اسلام ابن عمي

ـ ازيك يا دنيا

ـ الحمد الله

ـ مالك مكشرة كدا ليه

ـ اسكت والنبي .. جاية على عيني .. بجد أنا خايفة

ـ ههه .. لا ما تخافيش .. تعالي اوريكي شغلك

مشيت معاه

ـ هو أنا حشتغل ايه ؟

ـ مساعد شيف

كشرت

ـ ومين الشيف ؟

ـشيف ابراهيم العمري .. عارفة الي كان على البرامج الطبخ

ـ ايوه

ـ هو بذاته

اتحمست للموضوع جدا

مر اول يوم بسلام لاني حرفيا ما اشتغلتش

تاني يوم

ـ قطعي يا دينا البطاطس مكعبات الشوربة

ـ حاضر يا شيف

بدات اقطع بحماس

ـ اتفضل يا شيف

ـ ايه ده ؟!!! .. المكعبات مش قد بعض .. وكدا شكلهم عشوائي

ـ معلش اصلي مش خبرة زي حضرتك

ـ امشي من وشي .. أنا حقطعه

مشيت من قدامه وانا نفسي اضربه

ـ دنيا ..قطعي البصل شرائح

حاولت اظبطهم

ـ اتفضل يا شيف

تمسك شريحتين كل واحدة في وادي ورفعهم في وشي

ـ ليه دي مش قد دي

ـ نعم !!

سكت شوية من الصدمة .. حبهم ايه طالما حيشوحهم ؟!

ـ بس انا مش شايفة انها اكبر

ـ انتي الشيف ولا أنا ؟

ـ معلش اسفة

***

ـ دنيا

ـ نعم يا شيف

ـ بتاكلي ايه

ـ باكل عادي .. على فكرة أنا دفعت حقه

ـ بس ممنوع تأكلي في أوقات العمل

ـ نعم ؟! .. مين قال كدا

ـ أنا

ـ معنديش شغل و جوعت .. اموت يعني ؟!

ـ خلاص اسكتي .. رغاية اوي

ياربي على رخمته

***

ـ دينا قطعي الدجاج شرائح لبروست

قطعت

ـ حلو و لا لا

ـ لا مش حلو .. ده قرف

قرف !!!!

كمل باستنكار

ـ انتي فاشلة بكل حاجة

هنا خلصت كل طاقتي

رميت الطبق على الرخام وأجريت برا وانا بعيط

**

خرجت برا المطعم من وراء وقعدت اعيط

ـ دينا مالك

رفعت دماغي ..كان اسلام

ـ مفيش حاجه

قعدت جمبي

ـ لا في وكتير كمان .. حد زعلك ؟

عيطت بزيادة

ـ أنا فاشلة .. ما بعرفش اعمل حاجة بحياتي .. فشلت في سوشيال ميديا .. فشلت بالطبخ .. فشلت حتى تكون مساعد شيف .. أنا مبعرفش اعمل حاجة في حياتي غير الفشل

ـ لا مين قال كدا .. انتي ناجحة في كل حاجة .. ناجحة في حجات انتي ما تعرفهاش .. كلما لازم في بداية نجاحنا نقع .. ونقوم ونحاول .. وحننجح .. انتي ناجحة يا دينا .. وحتنجحي

بصراحة كلامه خفيف وحلو ومقنع ..ومسحت دموعي وبصيت ليه وحاولت اغير الجو

ـ بس ايه يا عم الشياكة دي .. قميص ابيض على بنطلون اسود وفاتح اول زرين .. جامد

ـ تسلم يا كبير

قعدنا مضحك أنا وهو وقواته على موقف الشيف

ـ هو قال لك انك فاشلة ؟

ـ اه

ـ وان تقطيعك يقرف

ـ اه

ـ والله ما حد يعرف غيره .. أنا اتكلم معاه .. ولا يهمك

ـ شكرا يا اسلام

ابتسم وطب على كتفي وقال

ـ تعالي بقا ندخل نكلم الشيف

دخلت أنا وهو وكلم وبينله اهميتي وبعد ما خلص وتأكد اني كويسة مشى

حسيت بشعور زي البنت الصغيرة الي بيديها بابها المدرسة اول يوم ويكلم المدرس ويوصيه على بنته وتأكد انها مش عاوزة حاجة .. وده جانب جديد وحلو يكتشفه بإسلام

دائما كنت احس أنه بيكلمني ببرود وقسوة .. ومرات كره ..كنت اسال نفسي " ليه ؟ " .. هو أنا قاتلة له قتيل !

كنت يستغرب منه ومن معاملته ليا .. كنت دائما اقول عنه عليه غلس .. الغلس راح .. الغلس جاء

بس النهاردة مفيش غلس 😂

مرت الايام بشكل عادي .. لأن الشيف اصلا ما كانش يشغلني .. كان معتبريني ديكور

في يوم واخيرا قرر يشغلني لانه كان علينا ضغط شغل .. وياريته ما خلاني اشتغل

ـ دنيا خدي ال ١٥ بصلة دول

ـ ١٥ !!!!

ـ خذيهم وبطلي رايي

كنت بقطع وانا بدمع ومش قادرة .. بجد الوضع مش طبيعي

لقيت اسلام دخل و بص ليا

لقيته جاي باتجاهي

ـ هاني عنك

ـ لا لا .. ده وحش اوي

ـ هاتي بس

ادهم ..وقطعهم بسرعة ومهارة وما دمعش !!!!

ـ اتفضلي .. لديهم للشيف وتعالي ورايا

رحت معاه و ادني لبس وقالي اغير وانا عرفت حيعمل فيا ايه

ـ أنت اتجننت ؟!!!

- انت اتجننت !!

- ايه في ايه ؟

- انا دنيا .. صانعة المحتوى المشهورة .. ابقى ويتر !!

- فيها ايه ؟

بصيت ليه بخبث وقلت

- انا مش حشتغل ويتر غير لما بكون اسلام الشريف زميلي في العمل

هز كتفه ومشى وحسيت بانتصار لانه اكيد مش حيوافق

بس فرحتي ما كملتش ال 5 دقايق .. لقيته داخل عليا وهو لابس لبس الشغل وبيديني لبسي

- 5 دقايق والقيكي لابسة .. الموضوع يشرف واي حد تفكيره سوي يقبل

يعني ايه .. انا تفكيري مش سوي !!!

اخدت اللبس منه

لبست وبصيت لنفسي .. شكلي كيوت ومش سيئ خالص

اتصورت كم صورة و خرجت

لقيت عمي في وشي الي بص ليا وضحك

- ايه ده يا دنيا ؟

- معلش يا عمو .. كله من ابنك اللذيذ خالص

- هههه .. معلش .. ربنا يوفقكم

بعد 5 ساعات

بصيت لاسلام الي كان مبتسم ويرحب بالناس

- اسلام

- ها؟

- الشغل ممل

- طب نعمل ايه علشان ما يبقاش ممل

خطرت في بالي فكرة مجنونة

- انا حقولك حنعمل ايه

بعد ساعة

احممم .. مش عارفة ازاي اصارحكم .. انا واسلام كنا زمان بنعلب ب البتيناج ( بوات العجل ) .. كنا بنروح مكان متخصص نلعب ونتدرب وكدا .. واسلام وقف وانا كملت .. فقررت انه ليه ما نشتغلش كدا .. نودي الاطباق ونجيب طلبات واحنا لابسينه .. عندنا مهاراة عالية فيه .. ف ليه لا ؟

كنا مستمتعين جدا .. كنا بناخد الشغل اسرع .. وكنا كمان نعمل كم حركة كدا كنا نعملهم زمان .. وكم حركة ابتكرنهم .. وكنا كمان لما نشوف بعض وايدينا فاضية نعمل كم حركة كدا سوا

كدا SHOW للزباين ومتعة على ما يجهز الاكل

وكانوا الزبايين مبسوطين جدا

والحمد الله عمو ما كانش موجود و الا كان طردنا من المطعم

ومر اليوم من غير مشاكل الحمد لله

روحت ونمت وصحيت لقيت اسلام في وشي

- انت ايه الي جابك بيتنا

- بقينا ترند وانتي نايمة

بصيت ليه بصدمة

- بجد

- اه والله .. تعالي شوفي

بصيت لقيت مكتوب "مطعم من ارقى مطاعم القاهرة يقوم عماله بارتداء احذية التزلج وتقديم الطلبات بهذا الشكل

- بقينا احنا عمال !!!

- يا ستي عادي .. يلا بقا قومي البسي علشان ننزل

رحنا المطعم .. رتبناه .. فتحنا المطعم لقينا كمية ناس مش طبيعية بصيت انا واسلام لبعض بنظرة استعداد وقمنا لبسنا وبدينا شغل

النهاردة المطعم اتملى ب 5 اضعاف مبارح .. والناس بقت تستنى على الباب واحنا واقفين مبهورين

سمعت صوت عمو بيقول

- فين دنيا

قولت بصوت يدوب مسموع وانا متوقعة يجيي يمسكني من قفايا

- انا اهو يا عمو

- تعالي يا حبيبة عمو .. ياروحه .. انتي وش السعد عليا

قولت بضحكة

- ايه ده كله انا كدا اتغر .. بس هو عموما اسبوع اسبوعين وبعدين المحل حيفضى .. وكل الناس تنسى .. ويختفي الترند زيه زي 10 قبله

- طب نعمل ايه

قلت ببساطة

- نضاعف السعر يا عمو

اسلام : لا كدا استغلال يا دنيا

عمو : اسلام معاه حق

- خلاص يبقى حنلقى ترند تاني

اسلام : او ممكن نرجع زي الاول وخلاص .. اربحنا كانت كويسة جدا

سكتنا انا وعمي .. والسكوت علامة الرضا

قعدنا نشتغل يومين انا واسلام لوحدنا بس فعلا الشغل كتير ومتعب

- حنعمل ايه يا دنيا .. انا تعبت

غمضت عيني ثانية كدا وقولت

- فاكر المكان الي كنا نتدرب فيه

- اه

- نروح نجيب منه عمال .. كدا عيال عمرها 15 , 16 ,17 سنة ..واحنا في عمرهم كان عندنا خبرة حلوة في الموضوع ده .. و دلوقتي هما في اجازاة .. فيعملوا ليهم قرشين حلوين ويملوا وقتهم .. وبس تخلص الاجازاة ممكن نعمل اعلان .. او يكون خلص الترند ويشتغلوا ناس عادية

ابتسم اسلام وفعلا رحنا ولقينا موظفين بيلعبوا احسن مننا كمان

***

في مرة وانا بشتغل لفت انتباهي بنت واقفة بتضحك مع اسلام .. ضحكة مش الطف حاجة .. ولا حطت ايدها في ايده !!

اتعصبت .. ليه .. ما اعرفش .. بس طالما مش محترمة المكان الي هي فيه .. فخليها تحترمه بالعافية

قلتلها بمنتهى الروقان

- حضرتك واقفة ليه .. اتفضلي اقعدي وانا حشوف طلبك

بصت ليا بغيظ

- وانتي مين علشان تقولي اقعد ولا ما اقعدش

وضحكت بسخرية

- ده انتي كلك جرسونة

امم ده الي كنت اكره الشغلانة علشانه .. تعامل الناس الوحش .. بس انا حعيط وكدا .. لا ده انا كنت حديها رد يسكتها طول عمرها بس لقيت اسلام فك ايديه من ايدها ومسك ايدي

- ساندي ما تتكلميش كدا مع دنيا

- ليه يابيبي .. دي كلها جرسونة بتشتغل عندكم

بيبي !!.. ده انا حسخطك واخليكي بيبي يا بعيدة

بصيت لاسلام من فوق لتحت .. ما هو لابس زي اهو .. هي ما بتشوفش ؟!

- حتى لو دنيا جرسونة هنا .. فكرامة اقل عامل عندي مهمة بالنسبالي .. ده واحد .. اتنين دنيا بنت عمي و مش حسمحلك تغلطي او تهيني فيها .. تلاتة انا كنت مماشي المسخرة الي بتعمليها بمزاجي .. بس انتي في مطعم محترم له اسم .. رابعاً انا اسمي اسلام مش بيبي .. خامساً . دلوقتي فورا تعتذري لدنيا بنت عمي

بصتيلي بغيظ وعملت حاجة ما توقعتهاش

تخيلوا يا جماعة قعدت تعيط !

لا وكمان قالت

" بقا كدا يا إسلام .. وانا جاية اقولك اني بحبك واني غلطانة لما رفضت حبك زمان !!"

قلت بكل عصبية

- حبك برص

كتمت بوقي بايدي .. الكلمة طلعت غصب عني .. ده ولا عمره كان اسلوبي .. مش عارفة حصالي ايه

- شايف يا اسلام ازاي بتكلمني

- انا دلوقتي ما يهمنيش دنيا قالت ايه .. انا بس حقولك على الحقيقة يا ساندي

ان انتي محبتنيش ولا عمرك حتحبني

اتجمدت مكاني انا و هي و هو كمل كلامه

- انتي بتحبي فلوسي .. في الجامعة كنت انا متلخبط شوية وقلت اني بحبك .. وانتي رفضتني و هزءتيني .. لانك ما كنتيش تعرفي انا مين واهلي مين .. لما عرفتيني وقابلتيني هنا قررتي تقولي أي كلام ... بس بالوقت الغلط ... انا حخطب قريب

لو تشوفوا وشها قلب الوان ازاي .. استنذنت بسرعة ومشيت

بصيت لاسلام وضحكت

- وده أي كلام علشان نمشى الامورة ولا حتخطب بجد

- لا حخطب بجد ان شاء الله

- ومين سعيدة الحظ بقا

بصيلي وغمزلي

- خليها سيبرايز

ضحكت ومشيت .. ومشى اليوم عادي بس كنت مستغربة من كمية العصبية الي كنت فيها

بعد اسبوع

كنا في مخزن الاكل .. اسلام ماسك صحن في 4 سندويشات وبناكل فيهم واحنا بنضحك ازااي اخدنهم من غير ما الشيف يلاحظ

فجاء .. انفتح الباب ودخل الشيف

- ايه ده ؟!!.. انتو بتاكلوا من سندوشات البوفيه .. ده انتو ليلتكم سوداء

بصيت بتوتر او بخوف لشيف .. اسلام عدل وقفته ووقف قدامي ب وش الشيف

- اعتقد ما يقدرش حد يخلي ليلتنا سوداء غير بابا .. مش حضرتك يا شيف

جه الشيف يتكلم قطعه اسلام

- انت ملكاش سلطة علينا انا ودنيا .. واضح يا شيف ؟!

- انا حقول ل الاستاذ محمد على عمايلكم

ابتسم بسخرية

- سلميلي عليه وقول له انه وحشني

اتعصب الشيف وقفل الباب بعصبية .. احسن

-كلي يا بنتي مالك ؟

بصيت ليه وافتكرت الموضوع الي عاوزة اقوله

- عاوزة اقولك حاجة

- خير

- في عريس متقدم ليا ..مدير شركة كبيرة .. مش عارفة اوافق ولا لا

اسود وشه

- بتحبيه ؟

- هو انا ..

قطع كلامي

- ربنا يوفقك يا دنيا .. وافقي

سابني وخرج .. ماله ده ؟

بعد خمس ايام

انا بجد مش فاهمة ماله اسلام ... بيعاملني كاني غريبة .. هو مش احنا كنا صحاب ؟

كنت بتصل ب اخويا وفصل الموبيل شحن

- يووه بقا .. حعمل ايه بقا

بصيت لقيت اسلام في وشي

- اسلام ممكن استعمل موبيلك

- اتفضلي

اخدته وكلمت اخويا وكنت حديه لاسلام

بس لقيت تطبيق مكتوب مذكراتي

قمت فاتحة علشان فاضية وعندي فضول .. ولقيته من غير كلمة سر

لقيت ملف اسمه اسراري

اسرار عليا انا !!! ... أعوذ بالله

قمت فاتحة ولقيت مصايب ......

تاني يوم اصريت نسيب الشغل ونروح على النيل

- عاوزة اكل ذرة مشوية

لقيته بص ليا باستغراب بس ابتسم وراح فعلاً جاب ليا وليه

قعدنا ناكل فيهم ونضحك على شكل بعض واحنا بناكل

مرت ست وبنوتة من قدامنا يمكن في الثانوية

جت ناحيتنا البنوتة

- انا النهاردة قررت اعمل بوكيه ورد واحلى كبل حشوفوا على النيل حياخده .. هدية لطيفة كدا .. وصراحة انتو احلى كبل اشوفوا النهاردة .. اتفضلي

اخدته منها بابتسامة .. ما كنتش عارفة ابدا الموضوع مع اسلام منين .. بس البنوتة ساعدتني

- عاوزة اطلب طلب

- اتفضلي

- عاوزكم تعزموني على فرحكم

ضحكتت على جملتها وبصيت لاسلام الساكت المبتسم

- هو بيتكم فين ؟؟

- شايفة محل الورد الي هناك .. ده محلنا .. لو ما لقتنيش اسالي عني .. اسمي وتين

ابتسمت ليها و سلمت على مامتها .. واسلام كان ساكت بس بيتفرج على النيل

مشوا وانا سكتت شوية

قلت وانا بلعب بالورد

- على فكرة انا رفضت العريس

- ليه

اتنهدت

- لان قلبي مع حد تاني

- زياد صح ؟

بصيت ليه بصدمة

- انت بتقول ايه .. زياد مين الي ححبه ؟!.. انا كنت بقول ان .. ان

كنت بفكر بكلمة مناسبة .. حاجة لطيفة

لقيت نفسي بقول

- تكلم بابا وتجي

دبش دبش دبش .. حعيط .. ما لقتش حاجة الطف من كدا !

- مش فاهم

- خلاص مفيش حاجة

- لا عاوز افهم

- قولت يعني نعمل الي وتين عاوزاه ونعزمها على الفرح

- فرح مين

- غبي غبي غبي يا اسلام .. فرحنا يا اخي

- فرحنا

- اه فرحنا .. ويلا سلام

- تعالي هنا .. ده انا ما صدقت تنطقي

بعد شهرين

انتو متعرفوش الجديد .. خطبت انا واسلام وكل العيلة سعيدة بالقرار ده

النهاردة اتجمعنا بشاليه عمو

الاطفال كانت بتلعب وبتنطط ولسا عندها طاقة مع ان اليوم كان متعب جدا

و مامتي ومامت اسلام وعماتي بيعملوا حلويات

كنت انا واسلام قاعدين على صخرة قدام البحر

ساندة دماغي على كتفه و ساكتة

تعبانة جامد

قررت اتكلم

- إسلام

- يا قلبه

ابتسمت وقلت

- هو انت ليه يوم ما قلت ان في حد تاني في قلبي قلت زياد

سكت شوية وقال

- انا بحبك من ايام ما نزلنا من السعودية .. كنتي في 3 ثانوي .. شفتك اول مرة وحبيتك .. كانت ضحكتك حاجة مميزة بالنسبالي .. كلامك .. اخد كوباية الشاي من ايدك احس ليها طعم تاني .. كنت بفكر .. اقولك ولا .. قررت اعترف ..يومها قعدت ادور عليكي .. لقيتك قاعدة مع زياد .. انتي حرفيا كنتي طول الوقت معاه.. حسيت انها اشاراة اني ابعد

- بس ما كنتش حاسة خالص انك بتحبني .. كنت احس اني واكلة ورث ابوك

ضحك

- انا كدا .. لما اتعامل مع حد بطريقة لطيفة وكاني بحبه .. يبقى ما بفكرش فيه اصلا .. ف بكون حاسس براحة .. لكن لما احب حد .. بتعامل معاه بطريقة اني بكرهه .. طريقة باردة وسامجة .. يمكن علشان بخاف تبان مشاعري واتفضح

سكت

- كمل سكت ليه ؟

- لما كبرنا .. بدات علاقتك انتي وزياد تتدوب وعرفت انك جاية المطعم .. حسيت انها برضو اشاراة .. وقررت اعترف .. بس طبعا مش اول ما اشوفك اقولك "ازيك يا دنيا .. بحبك " لا طبعا كنت عاوز اعرف انتيب تحبني ولا .. وبس يا ستي واكتشفت انك بتحبني وخطبنا وبقيت بحبك اكتر من الاول

يااااه على جمال الكلام يا مامي

- طب والحاجة الي انا ناجحة فيها وما اعرفهاش ؟

- لدوقتي مش عارفة ؟!.. ناجحة في اني كل مرة بشوفك بتخليني سعيد .. ناجحة في انك كل مرة بتخليني اضحك على كلامك

- ده احلى نجاح ولا ايه

ضحك

- اهو شفتي

سكت شوية واتنهدت

- فاكر يوم ما قلتلك ان متقدملي عريس .. وليا وانا بس قولت " هو انا بس " لقيتك خارج وساايبني .. انا بسكنت حقول هو انا بس اشوفه بعد كدا افكر .. انت كنت متسرع

- مش مهم أي حاجة من دول المهم انك دلوقتي خطيبتي وحبيبتي وفرحنا قرب

- انا بجد مش مصدقة انه باقي شهر لفرحنا

- ولا انا يا دنيتي

- حتروح معايا لوتين ؟

- اه

- وحنروح لساندي

- خلاص يا دنيا ما تبقيش حقودة كدا .. اهيواحدة وراحت لحالها

- انا حقودة ؟!

- قطع لسانه الي يقول كدا

- اسلام

- عيونه

- عاوزة انام

طبطب على دماغي

- نامي يا دنيتي.. نامي يا حبيبتي وارتاحي

انتهت احداث الرواية نتمني أن تكون نالت اعجابكم وبانتظار آراءكم في التعليقات