تحميل رواية «انتقام مهرة» PDF

مهره

يا رب يا ماما انت ما تعرفيش انا مرعوبه قد ايه من الموضوع ده انا هدخل بقى انام علشان الحق اقوم بدري

بتروح واخده بعضها وبتروح داخله على جوه

وعند أسامه كان قاعد على السرير وماسك موبايله وبيرن علي مهره الي اول لما بتشوف رقم اسامه تتضايق وبتروح فاتحه وهي بتقول ببرود

مهره

خير يا اسامه بترن ليه ده انا قولت ان انت شلت رقمي وحذفته من عندك علشان المدام متزعلش

أسامه سكت شوية وبعدها قال بصوت مكسور

اسامه

أنا عايز أشوف كارمن يا مهره وياريت مترفضيش

وبعدها ضحكت وقالت

مهره

دلوقتي افتكرت إن عندك بنت انت متعرفش كل يوم ابقي عاوزه امسك الموبايل واكلمك علشان تيجي وتطمن عليها بس ارجع واقول الحنيه ما بتتشحتش والمفروض انت اللي ترن وتتكلم

اسامه

أنا عارف ان انا غلطت يا مهره وغلط كبير كمان بس والله ما كنت أعرف إن الرسائل دي كلها كانت بتتخبي عني اديني فرصه وانا هصلح كل ده

مهره بسخرية

حتى لو ما كنتش تعرف فأنت كنت فين طول السنين اللي فاتت كنت فين وهي كل يوم تنام معيطه علشان مستنياك تيجي تاخدها خروجة أو حتى تكلمها دقيقتين

أسامه سكت ومهره كملت بقهر

مهره

بنتك بقت بتخاف تحبك علشان كل مرة تستناك فيها بتخذلها

اسامه

أنا عايز أصلح كل الي حصل دا

مهره بكسره

للاسف القلوب لما بتتكسر يا أسامه مش بترجع بسهولة وبنتي مش لعبة تيجي وقت ما تحب وتبعد وقت ما تحب

وبعدها قفلت السكة في وشه من غير ما تسمع رده

أما أسامه فرمى الموبايل بعيد وقام وقف قدام المراية وهو حاسس إنه لأول مرة يشوف نفسه الحقيقي

وتاني يوم كانت مهره واقفة قدام شركة كبيرة علشان مقابلة الشغل وكانت متوترة جدا

الي اول لما بشوفها السكرتيره بتقول

السكرتيرة

انتي الاستاذ مهره كويس ان انتي جيتي في الميعاد اتفضلي المدير مستني حضرتك

مهره

تمام وبتروح واخده بعضا وبتدخل

و أول ما دخلت اتصدمت لما شافت الشخص اللي قاعد قدامها

مهره بصدمه

سليم معقول الي انا شيفاه دا انت عامل اي وطنط عامله اي

سليم قام وقف وهو مبتسم وقال

سليم

احنا كويسين انت ما تعرفيش انا فرحان قد ايه ان انا شفتك معقول بعد كل السنين دي كلها أشوفك صدفة بالشكل ده

مهره

ما انت الي خدت في وشك ومشيت وسبتنا بس اي دا معقوله الشركه د

سليم هز راسه بابتسامة

سليم

أيوه الشركة بتاعتي بس فرحيني وقولي انتي الموظفه الجديده ان انت جايه تشتغلي معانا

مهره

ايوه معنى كده ان انا خلاص كده قابلت في الشغل ما حدش هيقولي 2 في 3بكام طالما بقينا معرفه

سليم

طبعا ده كلام بتقوليه ده انت لو حابه تيجي تقعدي مكاني مش هقدر اقول لك لا

مهره

سيبك بس من شويه والكلام ده انت ما تعرفشي انت كنت ليك وحشه قد ايه انت عامل ايه واخبارك طمني عليك انت ما تعرفش من ساعه ما سبته البيت ومشيتوا انت والعماره روحها راحت

سليم

غصب عني والله انت عارفه كويس ان انا كنت لازم انقل من العماره وبالذات لما يجي لي فرصه كويسه بعيد علشان كده

بس طمنيني عليكي انتي واسامه واخباركم ايه واكيد انت خلفت منه مش صح كده

واول لما اسامه بيقول كده بيبان على مهره الحزن وبتقول

مهره

للاسف انا واسامه اتطلقنا خلاص وفعلا خلفت منه كارما وبعدها حصل الانفصال بعد كده

اسامه بصدمه

قولي ان انتي بتهزري صح يعني ايه الكلام اللي انت بتقوليه ده معقول انت واسامه انفصلته طب ازاي وبالذات العاب كويس ان انت كنت حبوا بعض قد ايه

مهره بمراره

شكل كده كنت غلطانه وبعد الجواز كل واحد فينا اكتشف عيوب الثاني وزي ما هو غلط انا غلطت الغلط مش هيجيب عليا انا لوحدي

سليم بص لها بحزن واضح وقال

سليم

عمرك ما كنتي وحشة يا مهره انتي كنتي دايما بنت الاصول والكل بيحبك وعارف مقامك كويس

مهره حاولت تبتسم وقالت

مهره

الدنيا اتغيرت اوي يا سليم وبقينا ناس تانيه غير اللي كناهم زمان

سليم فضل يبصلها ثواني وبعدها قال بهدوء

سليم

بس واضح انك لسه نفس مهره اللي اعرفها حتى لو التعب غير ملامحها شويه

واول لما مهره تسمع كده تتوتر وبتحاول تغير كلامها وبتقول

مهره

سيبك بس من الكلام ده ومش تتوهني وبالذات اللي انا كنت جايه اعمل مقابله عمل وكنت متوتره قد ايه ان اترفض انا كده اطمنت ان انا هقبل في الشغل مش كده

سليم

من غير ما تقولي يا مهره اعتبر شركه شركتك واللي انتي عاوزاه انا موافق بيه انا ما عنديش مشاكل

وفجاءه الباب بيتفتح وبيدخل منه اسامه اللي كان بيقول

اسامه

بقول لك ايه يا استاذ سليم في ورا عاوز يتمد عليه وقبل ما يخلص كلامه بيقول بحده

اسامه

هو انت بتعملي ايه هنا يا مهره عند سليم

سليم

هو في ايه يا جماعه ومالك يا اسامه بتتكلم مع معهره بالشكل ده اوعى يكون ده اسامه اللي انت كنت متجوزاه

مهره

للاسف بقول لك ايه يا استاذ سليم انا هستاذن انا دلوقتي عشان ما ينفعش افضل موجوده اكثر من كده

سليم

رايحه فين احنا لسه مش خلصنا كلامنا

مهره

معلش خلينا نكلم بعض بعدين انا هاخد رقمك من السكرتيره لان جد حاجه في موضوع الشغل

وبتروح واخده شنطتها وبتروح تمشي واول لما بتمشي سليم بيقول له بحده

سليم

هو في ايه بالظبط يا استاذ اسامه هو انت ازاي تتكلم مع مهره بالشكل ده

اعمل حسابك هتبقى موظفه زيها زيك يعني ما يبقاش في اي تجاوزات

واول لما اسامه بيسمع كده بيبان عليه الغيره وبيقول

اسامه

كلام ايه اللي انت بتقوله ده معقول انت عاوز تشغل واحده زي دي انت ما تعرفش سمعتها عامله ازاي هو انت مفكر ان انا طلعتها من فراغ ده انا طلعتها علشان واحده سمعتها وحشه وبتاعه رجاله

واول لما سليم بيسمع كده بيروح خبط على المكتب جامد هو بيقول بيزعيق

سليم بحده

هو انت بتتكلم على مين بالشكل ده مهره مستحيل تعمل الكلام اللي انت بتقول عليه ده وبالذات انا كنت جارهم وانا عارف كويس ان هي مستحيل تعمل الكلام اللي انت بتقول عليه ده انا بجد مصدوم فيك الزاي تقول علي طليقتك ام بنتك الكلام ده

واول لما سليم بيقول كده بيتوتر اسامه وبيقول

اسامه بتوتر

انا ما قصدتش اللي فهمته ده بس مهره اتغيرت اوي بعد الجواز وبقت تعمل تصرفات ما تتقبلش وانا استحملت كتير لحد ما وصلت للطلاق

سليم

بصله بغضب شديد

سليم

حتى لو حصل بينكم مشاكل مينفعش تتكلم عنها بالشكل ده دي كانت مراتك وام بنتك قبل اي حاجه

اسامه اتعصب اكتر وقال

اسامه

وانت مالك اوي بيها كده ليه من اول ما شوفتها وانت واقف تدافع عنها وكانها خطيبتك ولا حبيبتك

سليم

بقول لك ايه يا اسامه انا بحذرك اخر مره تتكلم بالاسلوب ده انت سمعته ولا ما سمعتش ومهره خط احمر ولو عرفت ليه انت قلت عليها كلمه كويسه بعد كده انت اللي هتزعل مني

اسامه

معقول انت اللي بتقول الكلام ده ممكن تضحي بيا وانت عارف كويس اللي انا شايل نص الشغل انت اكيد بتهزر صح

سليم

لا ما بهزرش واديني حذرتك اهو عشان ما ترجعش تقول لي انا مش حذرتك

واتفضل سيب الملفات اراجعها واخرج بره

واول لما اسامه بيسمع كده بيروح واخد وبخرج وهو متضايق وسليم بيروح قاعد مكانه وبيبدا يكلم نفسه وبيقول

سليم

معقول اللي انا شفته ده يا مهره انا بعدت ايه اللي جابك تاني بس غريبه هو انا ليه فرحت لما عرفت ان انت مطلقه

هو بيروح سليم حاطط ايده على قلبه وبيقول

سليم

وانت مالك انت كمان ليه بدق جامد اول ما سمعت اسمها معقول لسه بتحبها

وبيبدا سليم يفتكر الي حصل زمان لما داخل بيتو واول لما بيلاقي ماماو قاعده بيقول

باك

سليم

بقول لك ايه يا ماما انا خلاص قررت اقول لمهره على اللي في قلبي على القلب تكون عارفه ان انا بحبها ولو كده نتجوز وتصبر عليا لحد ما الدنيا تتظبط معايا والمشروع اللي في دماغي لو نجح هينقلنا ثانيه خالص معقول هتوافقي بيا

وساعتها الام بتبص ليه بحزن وبتقول

الام

خلاص ما بقاش ينفع يا سليم يا ابني مهره خلاص اتقري فتحتها وكلها شةيه وهتتجوز

سليم انصدم وقال

كلام ايه اللي انتي بتقوليه ده يا ماما انتي اكيد بتهزري مهره هتبقى ليا مش معقول الكلام اللي انت بتقوليه ده

الام بحزن

يا ابني الجواز نصيب وأسامة ابن صاحب العمارة دخل البيت من بابه وخطبها والنهاردة كانت قراية الفاتحة والزفة كمان كام شهر استعوض ربنا في حبك يا سليم مهره مش ليك

واول لما سليم بيسمع كده بيحس إن جبل انهد فوق كتافه وبدأ يتنفس بصعوبة وهو مش مصدق

سليم

يعني اي خلاص كده واحلامي الي انا ينتها راحت مني خلاص طب قلبي هيصدق ازاي وهو بنا كل حاجه عليها

الام

خلاص يا سليم يا ابني متزعلش الي حصل ولو كان ليك نصيب فيها كنت اتجوزتها

سليم بحزن

عندك حق يا ماما أنا مش هقدر أقعد هنا دقيقة واحدة مش هقدر أشوفها وهي خارجة معاه ولا هقدر أسمع صوت زغاريط فرحهم في البيت اللي كنت بحلم نعيش فيه سوا إحنا لازم نمشي من هنا حالاً

الام اتخضت وقالت

نمشي فين يا ابني والبيت وعفشنا ومصالحنا

سليم بحده

أي داهية يا ماما أي مكان بعيد عن هنا المهم ملمحش وش خطيبها ولا أشوف مهره أنا هبيع كل حاجة وهبدأ من الصفر بعيد والفرصة اللي جاتلي في الشركة التانية هوافق عليها وهنسى الماضي كله

وفعلا بعدها سليم بيعمل كده وبيسيب العماره ووقتها بيتحجج ان سابها بسبب الشغل وفضل السر مدفون في قلبو

باك

وبيفوق سليم من تفكيره وهو بيقول

اسامه

القدر رجعك ليا يا مهره تاتي وأسامة ضيعك من إيده بغباؤه المرة دي مش هسيبك تضيعي مني تاني مهما حصلانا لما صدق قلبي شافك

وبيروح واخد بعضو وبيروح وعينه كلها اصرار

وفي الوقت ده عند منار بتكون قاعده في النادي هي وشمس وساعتها بيقرب منها صلاح وبيحط ايده على كتفها وبيقول

صلاح

معقول اللي انا شايفه ده انا اول ما شفتك اتفاجئت وقلت لازم اجي واشوفك بس ايه الغيبه دي كلها انت ما تعرفيش انت وحشاني ازاي وبالذات اللي انت لسه حلوه زي الاول

واول لما منار بيشوفه بتتصدم وبتقول بتوتر

منار

ايه ده صلاح ايه اللي فكرك بيا خير في حاجه ولا ايه

صلاح بخبث

ايه ده بس يا روح الروح وانت نسيت اللي بينا ولا ايه ده انا قولت ان انت اول ما تشوفيني مش هتقدري تمسكي نفسك وتاخديني بالحضن

وبيروح باصص على شمس اللي قاعده جنبها وبيقول بخبث

صلاح

من القطوطه الجميله دي اللي قاعده جنبك دي بصراحه كده حلوه زيك بس انت مش واخده بالك ان فيها شبه مني

منار

لو سمحت يا صلاح امشي من هنا وبلاش كلامك اللي انت بتقوله ده وعلى ما اظن انت اللي قطعت كل حاجه زمان

صلاح بيقرب منها وبيقول بصوت واطي

صلاح

هو في اي يا حلوه هو انتي هتعملي فيها الخضره الشريفه ولا اي ولو نسيتي الي بنا انا مقدرش وبالذات كل ليله ما بنا لسه محفوره في ذاكرتي

شمس بتقرب منهم وبتقول

شمس

هو في اي يا ماما وانت مين انت كمان ومالك مقرب منها بالشكل دا ليه

صلاح بص لشمس بابتسامة صفرا وفضل يدقق في ملامحها أوي وهو بيعدل جرافتته وقال ببرود

صلاح

أنا مين دي حكاية يطول شرحها يا شاطرة بس تقدري تقولي إني واحد كان له فضل كبير على مامتك زمان وهي عارفة كدا كويس ولا إيه يا منار

منار قامت وقفت وجسمها بظا بيترعش كله من الخوف ومسكت إيد شمس بقوة وقالت لصلاح بصوت مهزوز

منار

امشي يا صلاح بقولك امشي من هنا خالص إحنا مفيش بينا أي حاجة والماضي اللي بتتكلم عنه ده مات وشبع موت سبني في حالي انت عاوز ايه دلوقتي

صلاح ضحك بصوت عالي وبيقرب من ودن منار وقال بتهديد واضح

الماضي مبيتمتش يا منار وبالذات لما يكون له رجلين وبيمشي على الأرض زي القمورة اللي واقفة قدامنا دي أنا ورايا مشوار دلوقتي بس اعتبري دي مجرد زيارة تعارف وهيكون لينا قاعدة تانية طويلة أوي عشان نصفي الحسابات القديمة

وبيروح واخد بعضو ويمشي واول لما بيمشي شمس بتقرب من منار ةبتقول بقلق

شمس

هو مين دا يا ماما ومال وسك اتغير لما شوفتيه

وساعتها منار بتبص ليها بخوف وساعتها ما بتحسش بنفسها لا هي واغمى عليها

واول لما شمس بتلاقي كده بارن علي اسامه الي كان قاعد متضايق

اسامه

انتي بتقوليه اي انا جاي ليكم حالا

وبيروح ماشي بسرعه وبيوصل المستشفي

الي بعدها الدكتور بيخرج واول لما بيشوفو اسامه بيقول

اسامه

طمني يا دكتور على منار هي عامله ايه دلوقتي

الدكتور

المدام الي جوه الحاله بقت مستقره كل الحكايه ان حصل ليها ضغط عالي وعمل ليها توتر فالضغط وطي علشان كده اول لما تخلص المحلول هتمشي بنتها معاها جوه

و بيروح الدكتور واخد بعض وبيمشي

واسامه ييدخل عند منار

اسامه

ايه اللي حصل لك يا

منار انت ما تعرفيش انت قلقتيني عليك قد ايه

منار بتعب

حقك عليا يا حبيبي كل الحكايه اللي انا لقيت نفسي وقعت فاجاءه

حتي اسال شمس

اسامه

طب اهدي وانا هنزل اجيب لك العلاج وهاجي لك على طول

وبيروح واخد بعض وبينزل واول لما بيمشي شمس بتقول

شمس

هو في بقى يا ماما انا عاوزه افهم هو الراجل اللي كان واقف معاكي ده عاوز منك ايه اللي انت اول ما شفتيه حالك اتقلب فاجاءه كده

منار.

هو انتي شايفه اني ده وقت الكلام اللي انت بتقوليه ده ولا انت عاوزه تموتيني وتخلصي مني بقول لك ايه يا شمس اطلعي بره استنيني لحد ما ابوك ما يرجع خليه يدخل وامشي من هنا

انا مش عاوزه كلام كتير

وساعتها شمس بتبص ليها باستغراب

وبتروح خارجه

منار بتحط ايديها علي راسها وبتقول

منار

هتصرف ازاي في المصيبه السوداء دي لو اسامه عارف باللي كان بينا ممكن يموتني فيها الله يخرب بيتك يا صلاح وانت لازم تظهر دلوقتي

وساعتها بتبدا تفتكر اللي حصل زمان

لما كانت هيه وصلاح قاعدين سوا في بيته

باك

صلاح

هو في ايه بالظبط يا منار ما تفكيها كده يا حبيبتي هو انتي خايفه من ايه ما فيش حد جنبنا

منار ب

أنا مش خايفة يا صلاح بس أنا حاسة إننا بنعمل حاجة غلط وبعدين إنت واعدني إنك هتيجي تتقدم لبابا هتيجي أمتي بقا

صلاح قرب منها وقال بخبث

صلاح

هو ده وقته يا بابا بقول لك ايه يا منار انا من ساعه ما انا شفتك وانا عارفك كويس بقول لك ايه الفلوس اللي انت عاوزاها تبقى تحت رجلك بس تعملي ليا اللي انا عاوزاه قلت

منار

وطالما انت فاهمني من الاول عمال تكلم كتير ليه

شوف بقا هتقدرني ازاي

صلاح وهو بيطلع فلوس كتيره وبيقول

صلاح

على ما اظن دول يكفوا وزياده كمان

اول لما منار بتلاقي الفلوس كثير بتقرب منه بتقول بخبث

منار

طالما الموضوع كده تعالي بقا واوعدك ان انت هتشوف معايا اللي عمرك ما شفته

صلاح

حلو الكلام دا وبيروح واخدها وبيطلع علي فوق وبتعدي الايام كل ما صلاح بيعوز منار بيكلمها وبتروح ليه

لحد ما في مره منار بتتعب ولما بتروح تتصدم لما بتلاقي نفسها حامل واول لما بتلاقي كده بتروح عند صلاح

منار

الحقني يا صلاح انا في مصيبه انا حامل ومش عارفه اتصرفي ازاي انت لازم تيجي وتكتب عليا يا اما انا هروح كده في داهيه

صلاح بيقعد يحط رجل على رجل وبيولع سيجاره وبيقول

صلاح

ايوه يعني هو انتي فاكره ان انا ممكن اكتب اسمي علي واحده زيك بقول لك ايه يا حلوه العبيها بعيد وشوفي واحد عبيط تلبسيه الحمل ده انا مش عبيط علشان خاطر اصدق كلامك ده

منار

بالله عليك مش وقت الكلام اللي انت بتقوله ده وبالذات زي ما انا قلت لك اللي انا حامل

وانت متاكد ما فيش حد لمسني قبلك

صلاح وهو بيمسكها من شعرها وبيقول

صلاح

انا مش عايز بريال عشان تضحكي عليا وتقولي الكلام ده شوفي يا حبيبتي غلطت مع مين غيري وتلاقي هو ابو الواد واخر مره اشوفك عشان لو شفتك بعد كده هندمك على اليوم اللي عرفتيني قيه

وبروح واخدها وبيروح راميها بره الفيلا

واول لما منار بتلاقي كده بتروح ماشيه بسرعه وهي مش عارفه هتتصرف ازاي وبتروح عند ساره صاحبتها وبتقول لها على كل حاجه

سارع

الله يخرب بيتك هتتصرفي ازاي في المصيبه دي هي ما حظرتك من اللي انت بتعمليه وان الي اسمو صلاح مستحيل الضحك عليك كده انت ما سمعتيش الكلام

منار

هو انت مفكره ان انا هسيبه ولا احله ده انا كل لازم اعمله دلوقتي اللي انا حافظ على بطني علشان هو اللي هيفتح ليا طاقه القدر

مهره واقفه معاه بنتها في المدرسه وبتقول ليها

مهره

انا عارفه ان بنتي اشطر بنت في الدنيا هتكون متفوقه علي كل البنات

كارمن قالت. وهي زعلانه

كارمن

بس انا كان نفسي بابا يكون موجود معايا انهارده يا ماما متعرفيش كان هيفرق قد اي

مهره

بوصي يا حبيبتي عارفه لو انتي كنتي متوفقه اي اللي هيحصل بابا هيشوفك علي التلفزيون وفي كل مكان وهيكون مبسوط منك اوي

وبعدها بتيجي جنبها شمس بنت ضرتها وبتقول

شمس

مش عايزكي تكوني فرحانه اوي كده يا طنط لأن عمو اسامه موجود هنا بس جاي علشاني انا عايز يشوف نجاحي

كارمن بصتلها بكسرة كبيرة ودموعها بدأت تنزل من عينيها وبعدها جريت من قدامهم بسرعة وهي حاسة إن قلبها بيتقطع ومهره بصت لـ شمس بغضب شديد وقربت منها وقالت

مهره

انتي ايه اللي اصلا خلاكي تقدمي في المسابقة دي مش انتي المفروض ما كنتيش في المدرسة هنا ولا هو أي مكان فيه كارمن لازم تدخليه علشان تكسري فرحتها وتحرقي قلبها

شمس ضحكت بسخرية وهي رافعة حاجبها وقالت

شمس

وطبعا حاجة تفوتني ولا تفوت ماما أي حاجة تحرق دمك ولا تحرق دم كارمن لازم أعملها على طول ما تتوقعيش بقى إن بنتك هي اللي هتنجح أكيد أنا اللي هكسب وكل الناس هتتكلم عني وأنا اللي هاخد الكاس قدام عمو أسامه

مهره قربت منها أكتر وقالت بعصبية

مهره

بصي يا بنت شمس أنا ساكتالك علشان انتي صغيرة لكن متفكريش إنك لما تغيظي بنتي كده تبقي قوية انتي بس واحدة متربية على الكره والحقد وبس

شمس ابتسمت ببرود وقالت

وأهو الكره والحقد دول خلوني دايما أكسب أما بنتك قاعدة تعيط وتستخبى في الأوضة

شمس

بجد انا مش عارفه اسامه ده حب في مامتك اي

وبعدها سابتها ومشيت

وفي أوضة التحضير كانت كارمن قاعدة على الكرسي ووشها كله دموع والمدرسة واقفة جنبها بتحاول تهديها وهي بتقول

ايمان

مش عايزين نضيع كل اللي عملناه يا كارمن انتي تعبتي جدا في البروفات وكل المدرسة مستنية تشوفك النهارده لازم تكوني من الناس الناجحة اللي الكل يفتخر بيها

كارمن هزت راسها وهي بتمسح دموعها وقالت بصوت مخنوق

كارمن

مش عايزة حد يشوفني خلاص طالما بابا جاي علشان يشوف شمس خليها هي تكون مكاني أكيد هيفرح بيها أكتر مني

ايمان اتنهدت بحزن وقالت

انتي بطلة الفرقة يا كارمن ومينفعش أي حد غيرك يقف مكانك انتي موهوبة وعندك حضور محدش يقدر يعوضه

وفجأة الباب اتفتح ودخلت مهره بسرعة وهي بتحاول تخبي دموعها وقربت من بنتها ومسكت وشها بين إيديها وقالت

مهره

هو ده اللي احنا اتفقنا عليه يا كارمن عايزاكي تنسي أي حاجة من دماغك ومش مهم إن بابا يكون معاكي أو لا المهم انتي تثبتي لنفسك إنك قوية وإنك تقدري تنجحي حتى لو الدنيا كلها ضدك والمفروض ده يفرحك مش يكسرك

وبدأت تمسح دموع بنتها بإيديها وهي بتحاول تبتسم وقالت

مهره

بنتي عمرها ما تهرب من المعركة وبعدين انتي فاكرة إن النجاح محتاج حد يسقفلك النجاح الحقيقي إنك تقفي على رجلك حتى وإنتي موجوعة

كارمن حضنت أمها جامد وهي بتعيط وقالت بصوت كله وجع

كارمن

ربنا يخليكي ليا يا ماما انتي الوحيدة اللي دايما جنبي انتي الوحيدة اللي عمرك ما كسرتيني ولا سيبتيني لوحدي

مهره باست على راسها وقالت وهي بتحاول تضحك رغم الدموع اللي مالية عينيها

مهره

يلا يا بطلة وريهم بنت مهره تقدر تعمل ايه

وبعد شوية اتفتح الستار وطلعت كارمن على المسرح وكل الناس كانت مركزة معاها وهي واقفة بثبات رغم خوفها ووجعها وبدأت تقدم فقرتها بطريقة خلت كل اللي في القاعة يندهشوا والمدرسين كانوا بيبصوا لبعض بإعجاب شديد وحتى لجنة التحكيم فضلت تكتب ملاحظات وهي مبتسمة

أما شمس فكانت واقفة وملامحها بدأت تتغير واحدة واحدة لأنها لأول مرة تحس إن كارمن أقوى منها بجد

وبعد انتهاء الحفل بدقائق طلع المدير على المسرح وهو ماسك النتيجة وقال بصوت عالي

المدير

الطالبة الفائزة بالمركز الأول النهارده واللي شرفت المدرسة كلها هي كارمن أسامه الدمنهوري

وفجأة القاعة كلها اتمليت تصفيق وصريخ وفرحة والناس فضلت تنادي باسم كارمن وهي واقفة مصدومة وعينيها دمعت ومهره كانت واقفة بعيد بتحاول تمسك دموعها من الفرحة

كارمن نزلت من على المسرح والكل بيقف يسلم عليها ويباركلها وفي اللحظة دي أسامه قرب منها بسرعة ومد إيده ليها وقال بابتسامة متوترة

اسامه

تعالي يا كارمن سلمي على بابا مبروك يا حبيبتي

ما تعرفيش انا مبسوط ان انا شفتك النهارده ازاي

كارمن بصتله ثواني طويلة بعين كلها عتاب ووجع وبعدها سابت إيده ومشت من قدامه من غير ما تنطق حرف واحد

واسامه فضل واقف مكانه مصدوم وحاسس إن الأرض اتهزت من تحته

وفي اللحظة دي مهره قربت منه وهي باصة له بغضب سنين وقالت

مهره

شايف النتيجة اللي وصلت لها بنتك النهارده دي كان ممكن تشوفها من زمان لو كنت أب بجد لو كنت مرة واحدة حسيت بيها وهي مكسورة ومستنياك تيجي علشان تفرح بيها

اسامه بصلها بعصبية وقال

اسامه

انتي سخنتي بنتي عليا انتي عايزة توصلي لإيه بالظبط

مهره ضحكت بقهرة وقالت

مهره

أنا اللي سخنتها عليك بجد يا أسامه بنتك اتصلت بيك كام مرة علشان تقولك على الحفلة ولما ما بقتش تردي عليها بعتت لك على الوتساب وانت عملت ايه قولتها أن كنت مشغول وبعدها نقلت شمس لنفس المدرسة علشان تفضل طول الوقت قدامها وتكسرها أكتر ما هي مكسورة انت كنت فاكر إنك كده بتثبت إنك أب عادل لكن الحقيقة إنك كنت بتدمر بنتك بإيدك

واسامه سكت وهو سامع كلامها ومهره كملت وهي صوتها بيعلى بالقهر

مهره

انت افشل أب شوفته في حياتي بنتك كانت محتاجة حضنك وانت كنت بتجري على بنت مراتك كانت محتاجة كلمة حلوة وانت كنت بتكسرها كل يوم من غير ما تحس

وبعدها بصتله باحتقار شديد وقالت

مهره

بس أحب أقولك حاجة كارمن النهارده نجحت رغم عنك مش بسببك

وسابته وراحت ناحية بنتها وهي ماسكة الكاس وسط فرحة المدرسين والطلبة

أما أسامه ففضل واقف مكانه ولما روح الفيلا دخل هو ومنار مراته وبنتها شمس

ولما أسامه دخل الفيلا كان وشه كله غضب وساكت تماما ومنار كانت ماشية وراه وهي مستغربة تشوفه بالحالة دي

منار قربت منه بسرعة أول ما دخل الصالون وقالت بعصبية

منار

هو أنا ممكن أفهم في إيه بقى أنا طول الطريق بكلمك وانت مش راضي ترد عليا خالص هو أنا عملت ايه لكل ده

أسامه لف لها فجأة بعصبية شديدة وقال

اسامه

ليه ما قولتيليش إن كارمن كانت بترن عليا ليه خبيتي عني رسايل

بنتي وليه بعتي الرسالة اللي من موبايلي دي

منار اتصدمت من طريقته وقالت وهي بتحاول تمثل البراءة

منار

أنا مش فاهمة انت بتقول ايه أصلا أنا ما عملتش حاجة من الكلام ده

أسامه قرب منها أكتر ومسـك دراعها جامد وقال بصوت عالي

اسامه

ما حدش يقدر يمسك موبايلي غيرك انتي فاهمة يعني ايه غيرك أنا واثق إنك انتي اللي مسحتي رسايل كارمن وبعتي لها الرسالة دي علشان تبعديني عنها

منار حاولت تفلت إيدها وهي متوترة وقالت

منار

سيب إيدي يا أسامه وبعدين ليه مصدق مهره بالشكل ده ما يمكن هي اللي كدابة وعايزة تعمل مشكلة بينا علشان ترجعلِك تاني

أسامه بصلها بغضب لأول مرة يبان بالشكل ده وقال

اسامه

مهره عمرها ما كانت بالكذب ده أنا صحيح طلقتها لكن كارمن بنتي ودي حاجة عمري ما هسمح لحد يلعب بيها أو يكرهها فيا

شمس كانت واقفة بعيد وخايفة تبص في وشه أما منار فبدأ القلق يظهر على ملامحها وقالت بسرعة

منار

أنا كل اللي عملته إني كنت بحاول أخلي شمس تبقى مرتاحة في المدرسة مش أكتر

أسامه قاطعها بعصبية أشد وقال

اسامه

مرتاحه على حساب بنتي على حساب إنها تفضل مكسورة وخايفة طول الوقت انتي كنتي شايفة كارمن بتتوجع وساكتة بل وبتزودي وجعها كمان

منار سكتت للحظة وبعدها قالت بحدة

منار

وانت يعني فجأة افتكرت إن عندك بنت ما انت طول عمرك معانا وعمرك ما اهتميت بيها بالشكل ده

أسامه حس كأن الكلام خبطه في قلبه لأنه عارف إنها بتقول الحقيقة لكنه قال بغضب وندم

اسامه

وأهو فوقت لنفسي أخيرا فوقت بعد ما خسرت بنتي بإيدي

وبعدها سابها وطلع على فوق بسرعة وهو حاسس بتعب ووجع عمره ما حسه قبل كده

أما منار فوقفت مكانها وهي ملامحها كلها خوف لأن لأول مرة تحس إن أسامه ممكن يبعد عنها فعلا

وشمس قربت منها بخوف وقالت بصوت واطي

شمس

هو بابا زعلان مننا للدرجة دي يا ماما

منار بصتلها بتوتر شديد لكنها حاولت تتمالك نفسها وقالت

منار

متخافيش يا حبيبتي أبوكي يومين وهيهدى أكيد مهره لعبت في دماغه وخلاص

شمس

أنا بكره اللي اسمها كارمن دي علشان على طول كده مخليه بابا بعيد عني أنا خايفة في يوم من الأيام يقولي متقوليش يا بابا تاني عشان أنا اتعودت أقول له الكلمة دي

منار قامت بسرعة حضنتها وقالت وهي بتمسح على شعرها

منار

طول ما انتي بتسمعي كلامي يا حبيبتي أبوكي هيفضل معاكي طول عمره متخافيش من حاجة يلا اطلعي أوضتك دلوقتي ونامي

شمس طلعت فوق وهي خايفة أما منار فقعدت على الكرسي وفضلت سرحانة ووشها كله قلق لأنها لأول مرة تحس إن كل حاجة ممكن تضيع منها فجأة

وفي بيت مهره كانت كارمن قاعدة في الصالة وهي فرحانة بالكاس وبتلف حوالين جدتها وتوريها الرقصات اللي عملتها في الحفلة والجدة كانت بتضحك من قلبها وهي بتسقف لها بحماس

الجدة

يا روح قلب تيته طول عمرك متفوقة يا حبيبتي وعشان كده أنا هجيبلك كل الهدايا اللي نفسك فيها قوليلي عايزة ايه وأنا أجيبهولك حالا

كارمن جريت حضنت جدتها وقالت بابتسامة بريئة

كارمن

عارفة يا تيته أنا مش عايزة أي حاجة من الدنيا دي غير وجودك جنبي انتي وماما ربنا يخليكوا ليا ومتمشوش من حياتي أبدا

الجدة دمعت عينيها من كلامها وباستها من خدها وقالت

الجدة

يا قلب تيته انتي أغلى من الدنيا كلها

وبعدها كارمن أخدت الكاس وطلعت على أوضتها وهي فرحانة بيه وفضلت تبصله كل شوية كأنها أخيرا صدقت إنها نجحت

أما مهره فقعدت جنب أمها وهي باين عليها التعب والوجع فقالت لها الأم بضيق

الأم

جوزك جه الحفلة ولا لا اصل انا شايفه ان نفسيه البنت فرحانه جدا بس انا مش رضيت اني اسالك قدامها

مهره

جي يا ماما ويا ريته ما جهويا ريته ما جه ده جايب شمس معاه وكمان نقلها مدرسة كارمن أنا من بكرة هشوف مدرسة تانية للبنت علشان مش عايزاها تتعب نفسيا أكتر من كده

الام

لا طبعا ما ينفعش اللي انت هتعمليه ده ما بنتي كده هتتعب عشان خاطر هتسيب صحابها علمي بنتك تبقى قويه مش تهرب زيك

مهره اتنهدت بوجع وقالت

مهره

أنا مش عارفة والله يا أمي إيه اللي وصل أسامه لكده زمان عمره ما كان بالقسوة دي

الأم بصتلها بحنان وقالت

الأم

الراجل لما يبعد عن بيته ويتسحب ورا واحدة تانية بيتغير يا بنتي المهم دلوقتي انتي تركزي في بنتك وبس

مهره هزت راسها بتعب وبعدها الأم افتكرت حاجة

وقالت

الأم

صح عملتي ايه في موضوع الشغل اللي كنتي مقدمة عليه

مهره ظهر شوية أمل في عينيها وقالت

مهره

بإذن الله هروح بكرة علشان أعمل المقابلة وإن شاء الله خير أنا لازم أشتغل وأقف على رجلي علشان كارمن متحتاجش لحد

الأم ابتسمت بفخر وقالت

الأم

وأنا واثقة إنهم أول ما يشوفوكي هيوافقوا عليكي على طول انتي ست شاطرة وجدعة وربنا عمره ما بيضيع تعب حد