تحميل رواية «انثي في قلب عنيد» PDF

ههههه بس بقى يخرب بيتك بس لا لا لا لا ابعد ابعد استني بس بعد

..

ههه انتى لسه شفتى حاجه هوريكى..

حكم شاب اربعينى كان حاطط ودنه على الباب وبيسمع الكلمات دي وطلع السلاح من جيبو ومسك مقبض الباب وحط ودنه تانى على الباب بس سمعها بتقول....

بس عاد... عيب مش كدا

فتح الباب وضرب رصاصه جات في ضهر الشاب لانو كان مديله ظهره وقع على الارض.. وكانت واقفه على السرير بنت جميله شعرها احمر وعيونها سود.. دى حنان مراتو.. لطمت بصدمه.. بس هو شهق بصدمه اكبر لما شاف الولد اللي وقع على الارض وكان حمزه اخوها... حنان بقت تبصلو بنظرات مش مفهومه.. حكم بصلها وقال..

هلحقو ان شاء الله هلحقه

وشالو وطلعو بيه على المستشفى

وفضلو مستنين قدام اوضه العمليات وحنان كانت بتروح وتيجي بغضب وهو كان بيبصلها وساكت رجعت بصيتله وقالت..

ليه عملت كده.. ها ليه كده.

حكم.. احم انا كنت فاكره واحد معاكي في الاوضه.. ما لحقتش احفظ صوتو لسه ما بقالكمش شهر عندى.. رجعت من الشغل بدرى لقيتك معاه فكرتك..

حنان قالت بمقاطعه... انت كمان بتقولها فى وشي... انت مجنون كان يوم اسود سود اما اتجوزتك.. كان يوم اسود يوم ما جيت هنه اصلا

بس طلع الدكتور من جوه..

حكم.. ها يا دكتور مات

الدكتور.. لا

حكم.. الحمد لله

الكتور.. الرصاص استقرت في الظهر جنب العمود الفقري هيقعد على كرسي متحرك دلوقتي حاليا بعد فتره كده هنشوف اذا نقدر نعمل عمليه لان دلوقت ما نقدرش نعملها هيبقى فى مشاكل كتير بسبب الرصاصه واحتمال ما يمشيش تاني

حنان بصدمه.. ايه اتشل

الدكتور.. مش بالظبط كده يعني ان شاء الله هنلاقي حل الرصاصة ما قطعتش النخاع الشوكي، الحمد لله.. بس عملت تورم فى الحاله دى هنديلو أدوية تقلل التورّم

وهنعمل تثبيت العمود الفقري لانها قريبه جدا منو او شبه فيه.. وهنعمل متابعة الإحساس والحركة

وبعدها نقرر نشيل الرصاصه او نسيبها

حنان ببكى... يعني هو هيقعد مشلول كل ده

حكم فاق من شرودو على صوت الغفير بيقول... الحق يا جناب البيه الحق..

حكم... في ايه

الغفير... مرتك لما احنا منعناها تطلع كيف ما انت قلت... ركبت العربيه بتاعك هى واخوها... وفاتت في البوابه وقعتها على الارض... ومشت واحنا على بال ما ركبنا عربياتنا وجرينا وراها ما عرفناش راحت فين بالظبط..

حكم ضم اديه بضيق وقال... من ميتى الكلام ده

الغفير.. ساعه كده

حكم... وما جيتش قلتلي ليه من ساعتها ليه قاعد تدور عليها على اساس هتقدر تعمل حاجه... لو كنت فالح ما كنتش سبتها تطلع من اساسه

وتقدم على الباب

الغفير... رايح فين جنابك..

حكم.. رايح اجيب دسته طرح وهاجي البسهالك انت والحلوين اللي كانوا معاك لما حته حرمه ما قادرينش تحرسوها..

ولسه هيطلع بس لقاها راجعه وبتزق حمزه اخوها بالكرسي بتاعو وداخله وهو بتضحك معاه

حكم بغضب.... كنتى فين يا هانم... انا مش قايلك ما تغوريش مكان من غير اذن

حنان.. كنا بره... بمشى اخويا اللى طخيتو وعجزتو عشان اتخنق من قعدة الاوض

حكم... امم... وانا مش قولتلك ما تتنقليش من الدار.. ولا انا خلاص كلمتى ما بقتيش تسمعيها

حمزه حط اديه واذنه وقال... الص الصو الصوت

حنان.. اش ما تزعقش خلعت الواد

حكم... يا ربى... طلعيه اوضته وتعالى اوضتى مستنيكى

وطلع على اوضتو بضيق..

حنان طلعت حمزه اوضته وقالت...

حبيبى خليك هنه وانا هروح اشوفو وارجعلك

حمزه.. هيضربك

حنان بشهقه... يضرب مين ده انا امسح بيه البلاط ده مهزا بياخد على قفاه عادى على فكره اختك سيطره

وطلعت وراحت عند حكم وقالت... بتجعر ليه خلعت الواد مش هتبطل شغل الهمج ده

حكم.. بس يا بت اكتمى كنتى فى انهى داهيه انطقى

حنان.. قولتلك كنت بطلع حمزه عشان اتخنق من قعده البيت البركه فيك

حكم... قولتلك ما كنتش اعرف انو اخوكى كنت فاكرك

حنان... خلاص ما تعدهاش تانى... انا لولا اخوى مش راضى ما عرفش ليه كنت حبستك ووريتك كيف تقول كده.. بس بسيطه يا ولد العم

حكم.... وانا لولا ما عمى وصانى عليكى كنت رميتك من البلكونه دى

حنان... هيهى لا انت ما تجوزتنيش لجل وصية عمك انت تجوزتنى لجل تركة عمك.. ها ف نشغل بروحك وهملنى

حكم.. انتى بقيتى مرتى خلاص يعنى تهمينى وسمعتك بقت من سمعتى ف وسعى عبايتك وتلبسى طرحتك عدل وانتى طالعه وما تطلعيش قبل ما تاخدى اذنى والا انتى ما تعرفيش اقدر اعمل ايه فيكى...

حنان.. لا عارفه والا ما كنتش اتجوزتك ما هو انا مش عاشقه جمال عينك..

ولسه هتدخل الحمام بس مسكها من ايدها وشدها عليه خبطت فى صدرو بس رفعت عنيها ليه بتحدى حكم قال..

ما تمشيش وانا بكلمك... بس انا مستنى ايه من تربية الغوازي.. واحده تنزل ترقص للرجاله لجل الفلوس.. وتجوزت فى السر

حنان زقت ايدو وقالت... انا امى اتجوزت شرعى وابوى اللى هو عمك كاتبنا انا واخوى معترف بينا يعنى... بس عشان اهلو رافضين خبى عليكم انما احنا هناك معروفين عيال قاسم وبالنسبه لامى اللى رقصت للراجله لجل لفلوس انت مش احسن منها انت تجوزت بتها لاجل الفلوس.. اللى يقبل على روحو يتجوز واحده فاكرها شمال يبقى لامؤاخذه ما لوش فيها

حكم مسكها جامد وبصلها بحده بس سمعو صرخه حمزه واميره اخت حكم.. جريو بسرعه لبره وراحو على اوضة اميره لان الصوت كان جاى منها... لقو اميره واقفه عند السرير .. وحمزه عند على الباب قاعد ع الكرسى .. وحاطط اديه على ودنو وبيقول..

. بس بس..

حكم.. ايه فى ايه

اميره.. ما فيش انا كنت قاعده ولقيت حمزه هنه اتخلعت

حنان... حمزه مالك انت ايه جابك هنه

حمزه.. جيت اقولها تفتح البرشامه بتاعتى ده معادها وضهرى وجعنى قوى

قال كده وعنيه اتملت دموع

حنان.. طب ما جيتش عندى ليه

حمزه.. خوفت منو ليضربنى تانى انا لسه ما روقتش

حنان.. تعال معاى انا هديك الدوا تعال واقعد جارك لحد ما تنام

واخدتو ومشيت على اوضتو.. وحكم بص لاختو وقال..

عملك حاجه انتى زينه

اميره... اه انا بس اتخلعت كنت قاعده ولقيتو على راسى انسى.. على فكره انا سمعتك امبارح وانت بتكلم مع ابو ياسين وبتقوله ان انت هتجوزني لياسين...

حكم.. لا حول ولا قوه الا بالله ثاني ما انتى عارفه ان احنا بنجوز بنت العم لولد عمها وخلاص شوفي انا واخد ايه يعني

اميره.. انا ما ليش دعوه بمرتك انت اتجوزت عشان تراضي عمك... انت حر انا مش هراضى حد على حساب حياتي انت لو ضايقتك تقدر تمشيها وتقدر تطلقها.. انا مش هقدر اعمل ولا حاجه... ولو طلقني هبقى قاعده هنا في البيت انما انت راجل تقدر تطلق وتقدر تتجوز واحده تاني

حكم... مش شايف ان ده السبب

اميره... والله كيف ما تسميها يا ولد ابوي سميها بس انا مش هاخده

حكم.. الصبح نتكلمو بعض في الموضوع ده انا وعايز انام دلوك تصبحى على خير

اميره... وانت من اهله بس بردك مش هاخدو لا الصبح ولا العصر

حكم نفخ بضيق وراح اوضتو بعد شويه كان ممدد على الكنبه بتاعتو ودخلت حنان وفتحت الباب براحه ودخلت بس حكم قعد وقال..

بتتسحبى كده ليه

حنان... يه خلعتنى يا جدع فى ايه افتكرتك اتخمدت

حكم... خمده تخمدك.. قولتى لاخوكى ما يعتبش اوضة اختى كفايه انى مقعدو معانا اساسا واختى هنه

حنان حطت اديها فى وسطها وقالت... لاه يا نونه هو قاعد فى بيت ابوه مش قاعد عندك.. ما تنساش انو ليه هنه كيف ما ليك

حكم... هو انتى كنتى بتشتغلى ايه هناك.. رقاصه كيف امك برضك..

حنان.. تؤ بصاره

حكم... ايه دى يعنى فى مطعم

حنان... لاه بقرا الكف

حكم... بتهزرى ولا جد

حنان... هو انت بتعرف تهزر والله فجأتنى يا جدع

حكم راح على كنبتو وقال... امم نصابه يعنى لان ما يعرفش الغيب غير اللى حطو... وما صدقش انك تعرفى تقرى

قعدت جمبه وقالت... تجرب

حكم.. ده هبل

حنان.. على راحتك... لو خايف من طالعك

مد ايدو وقال.. اهه

مسكتها وقالت.. خواف قوى يا عمده مش كيف ما تبان

حكم... مين يخاف ده انا بفوت فى قلب الحريقه والكبير قبل الصغير يهابنى قرايتك زى قفاكى لامؤاخذه

ولسه هيشد ايدو بس مسكتها جامد وقالت...

خايف من العشق.. يمكن لانك اتجرحت جرح غميق..

حكم بتوتر.. انتى بتقولى ايه مين اللى قالك الكلام ده.. انتى قرايتك فستك..

حنان.. هه صح انا قرايتى فستك بأمارة عين... اللى ملت القلب والعين.. وشغلتهم الاتنين..

حكم بذهول... انتى تعرفى عزه

حنان... ههه طب ما هى القرايه صح امال بتقول فستك ليه

حكم... ده هبل انتى اكيد تعرفيها..

حنان.. لا كلو مكتوب فى الطالع عندك وحاكى قصة حبك.

بس ما تجوزتهاش ليه

حكم زقها وقال.. ابقى خلى الطالع بتاعى يقولك..

حنان... لا يا اسطا واشغل روحى بطالعك ونازلك ليه انت بخيل مش راضي تدفع حق قرايتك حتى

حكم.. ادفعلك اللي عايزاه بس تقوليلي انتى عارفه عزه من فين

حنان... قلى ما اتجوزتهاش ليه واقولك

حكم... كمنى غريب مش منهم ابوها ما عوزش يجوزها لحد بره العيله وهلى كمان ما رضيوش اخد واحده غريبه ها انتى عرفتيها من فين..

حنان راحت للسرير وهى بتقول بدلع.. من الطالع يا ولا

حكم... انا بعد السن ده اتختم على قفايا ماشي

ضحكت وقالت... معلش بقى كل خازوق وانت بصحه وسلامه..

عند حمزه كان بيفكر اول ما دخل اوضه اميره وكانت بتسرح شعرها على المرايه اواول ما شافته وقفت وصرخت.. راح اوضتها ووقرب مشى ايدو على شعرها فتحت عينها بس لما لقيت حمزه رجعت لورا وقالت...

عند حمزه كان بيفكر اول ما دخل اوضه اميره وكانت بتسرح شعرها على المرايه اواول ما شافته وقفت وصرخت.. راح اوضتها ووقرب مشى ايدو على شعرها فتحت عينها بس لما لقيت حمزه رجعت لورا وقالت...

في ايه جيت تاني ليه فيك حاجه

حمزه.. هو انتى خفتى مني لما صرختي

اميره.. هخاف منك ليه يعني

حمزه... عادي عشان كل الناس كانت بتخاف مني سوسن ما كنتش تخلي ولدها يقعد معايا كانت تقولو ما تقعدش معاه ده عبيط ممكن يعورك مع اني بحب صحابي

اميره.. وصاحبك ده عنده كم سنه

حمزه.. عنده تسعه

اميره.. 29 سنه طب ما فيش غيرو

حمزه... لا لا هو تسعه سنين

اميره.. تسعه سنين.. طب وانت ليه بتلعب مع العيال دي ما تقعد مع الشباب الكبار

حمزه.. مش بيخلونى بيقولوا روح العب مع العيال بروح مع العيال بيقولوا لي انت كبير روح اقعد مع اللي قدك وانا مش عارف اقعد مع مين بس انتى خفتى مني كمان...

اميره.. لاه انا ما خفتش منيك اخاف منك ليه انا بس اتخلعت انا كنت قاعده ولقيت حد فوق راسي بسم الله وانت رجل كبير ما شاء الله وانا بنت شابه يعني ما ينفعش تدخل اوضتى كده من غير ما تخبط ولا حاجه

بتسم بفرحه وفتح عيونه جامد وقال بابتسامه عريضه

يعني انتى ما خفتيش مني

بصتلو بتوتر وقالت... احم واصل هخاف منك ليه انت جميل

حمزه.. انا جميل انتى كمان جميله..

اميره... يلا بقى انت روح عشان ما ينفعش تفضل هنه لاخويا يشوفك..

حمزه.. ايوه عشان هو ضربني بالسلاح.. واصلا عيب افضل هنه..

اميره.. صوح انت ما رضيتش تحبسه ليه اختك قالت كذا مره ان انت اللي مش راضي تقدم فيه بلاغ

حمزه... عشانك لو اتحبس انتى هتقعدي لوحدك وانا بحبش اقعد لوحدي هتنامي مع مين انا مش عايزك تقعدي لحالك

اميره بذهول.. انت ما حبستوش عشان انا ما فضلش لوحدي

حمزه... اها بعدين الدكتور قال ان انا هرجع امشي تاني وانا حتى لو ما مشيتش لما يتحبس برضو ما همشيش يلا اسيبك تنامى.. واشوفك بكره الصبح

اميره... ان شاء الله

وطلع راح اوضته... في صباح جديد كانت حنان قاعده جنب الحصان وبتاكلوا.. جيه حكم من وراها وقال...

صباح الخير بتعملى ايه هنا من الصبح بدري ليخبطك

حنان... قاعده مع الخيل ولا دي كمان ممنوعه وما هيخبطنيش بعرف اتعامل معاه

حكم... تعرفي تركبي

حنان... اه امال ايه تاجى تسابقنى ولا خايف تخسر كيف قراية الكف..

حكم . لا وانتى الصادقه خايفه اتغفل كيف قراية الكف

حنان.. ما تخافش هات حصانك يا ولا وتعالا نجرى

حكم شالها من وسطها ركبها على حصانها وجاب حصانو... وركب وقال... عدى

حنان.. واحد اثنين ثلاثه..

وجريت هو فضل واقف شويه لحد ما بعدت وبعدين جري وراها بصيت لورا وهي بتضحك وقالت....

حركه جنتل دي بس هتندم عليها..

وبقت تجري بالحصان وحكم حصلها وبقى يجري جنبها وقال...

تصدقي ياجى منك يا بت مش وحشه

بصتلو ورفعت حاجبها وقالت... تؤ هبهرك اكتر..

وجريت قدامه وكل ما يجي من حته تجري هي قدامه من نفس الحته... لحد ما وصلت وقفت حصانها وبقت تضحك

حكم قال بضيق...

برضو غشيتى

حنان.. تؤ انا عملت اللي بعمله على طول انا ما فيش حد يشوفني وما يتوترش اصل الحصان ده بيفهم مش كيف صاحبه... وغمزتلو

حكم... حوشى الدبش اللى بيوقع منك.. اصلا.. اللي يامن للمراه.... يبقى عقلو جاب ورا.....

عند حمزه كان على الكرسى وحاطط اديه ورا ودنو.. واميره قاعده قصادو وحاطه اديها على رجليها... وحمزه بيقول...

لو بعدتى يدك قبل ما اضرب هتضربى انتى

وحاول يضربها بس سحبت اديها وضحكت

وهو ضحك وقال... اضربى براحه ها

اميره.. لاه جامد حيل ع الاخر.. نيههههاااا

بس دخل شاب فى التلاتين وقال بسخريه.. بسم الله ما شاء الله بتعملى ايه يا بنت عمي مع الولد ده

حمزه.... احنا بنلعب

ياسين... اه انت تخرس يا شاطر وانتى قاعده مدياه رجلك يفغص فيها ليه

اميره... ايه الكلام ده يا جبله انت حسن ملافظك.

ياسين... اخوكى فين شايف المرقعه دى

حمزه... هو مش هنا

ياسين.. طلعتيه وسيباه مدورها هنه

حمزه... هي ايه اللي مدورها والله العظيم ما شغلتش حاجه مجيتش جمب غير الكرسي بتاعى

اميره.. بس اهدى ما تخافش ما فيش حاجه

ياسين.. خافى انتى دلوك اخوكي ياجى وليا كلام معاه

وطلع من البيت حمزه بقى يبكى ودخلو حكم وحنان اللى اول ما شافتو جريت عليه وقالت...

مالك يا حمزه..

حمزه.. هو هيقول لجوزك انى دورتها وانا والله العظيم ما كنتش دورتها

حكم... مين اللى قالك كده وقالك كده ليه..

حمزه.. هو عشان انا كنت بلعب مع اميره... بس انا ما دورتش حاجه

اميره بضيق... الله لا يوفقك يا ياسين

حكم.. ياسين وكنت بتلعب ايه بقى

حمزه.. كنت بلعب مع اميره مسكتك هو قال انه انا مدورها

حكم شد اميره من ايدها وطلعو فوق... واميره قالت...

شوف كنا بنلعب بس هو مجنون زيك

حكم.. هصدقك يا اميره مع ان ولا حاجه من اللي انتى بتقوليهالي داخله راسي بس عشان انتى اختي.. بس لو شفتك مع الواد ده تاني هعلقك واعلقو..

اميره.. ده صغير

حكم. مش صغير واللى هيشوفك معاه مش هيشوفو صغير ده كبير عنده 27 سنه... بصى الخميس الجاى هقرا فاتحتك على ياسين ولد عمك كفايه قوى كده..

اميره.. بس انا

حكم... اش الكلام خلصان مش بشاورك انا بقولك اللى هيحصل...

وسابها ونزل.. لقى حمزه بيقول ببكى..

والله ما دورت حاجه

نفخ بغيظ وقال .. بس ياض بطل بكى كيف الحريم بلاش فقر فى راجل ينوح كده

حمزه.... انت ما هتضربنيش تانى

حكم...قولت ما كنتش اعرف انك انت لما ضربتك.. انت هضربك ليه بطل نواح راسنا مزحومه اساسا.. خلاص يلا قوم نام

حمزه... واميره طيب انت ضربتها

حكم. خايف على اختى منى

حنان.. لاه هو خاف ت

حكم. اش.. خايف على اختى منى رد

حمزه.. اه

حكم.. ليه

حمزه.. عشان بحبها

حكم بصلو بغضب.. وووو

ي

...حمزه.. عشان بحبها

حكم.. بس هى ما بتحبكش ماشى بتلعب معاك عشان صعبت عليها والخميس الجاى هنكتب كتابها على ولد عمها والخمبيس اللى بعدو هتروح معاه بيتو...

حنان بغضب.. ايه الكلام ده انت بتقولولو كده ليه بعد

واخدت اخوها وطلعتو اوضتو لان دموعو بقت تنزل وحكم راح اوضتو وبعد شويه حنان جات بغضب وشدت البطانيه من عليه وقالت..

انت يا اخ قوم هنه كلمنى ايه اللى هببته ده ليه تقول لاخويا كده انت اتهبلت

حكم.. اخوكى بيلف على اختى وده ما ينفعش اخوكى مش مؤهل عقيا لحاجه زى كدا.. وهيتعلق ع الفاضى لانى لما اختار عريس لاختى هختار واحد زين كامل مكل مش واحد يبقى محتاج مساعده... اخوكى عاوز اللى يربطلو الجزمه ويفتحلو البرشامه....

حنان... اه محتاج اللى يربطلو الجزمه وانت محتاج اللى يربيك انت قليل ادب وما عندكش دم وقلبك حجر... انا بضيع وقت ع الفاضى معاك..

ولسه هتمشى بس شدها عليه وقال..

وقت اى خدى هنه بطلى تحدفى الكلمه وتمشى

حنان بغضب... وقتى ووقتك شوف ابوى ندم لما جيه يموت عشان اتجوز امى فى السر وسابنا هناك حتى بعد ما ماتت... وقالك تجيبنا ووصاك علينا وانا بقولك طلقنى يا حكم انا اللى بقولك اهه

حكم.. طلاق ايه اتمسى ع المسا وروحى نامى

حنان.. كدا ماشى انا هخليك تطلقنى بالعافيه وبكره تشوف

ونامت على السرير وهو راح ع الكنبه ونام... تانى يوم اميره كانت فى المطبخ بتعمل شاى..

حمزه.. انتى كنتى بتبكى

اميره.. لاه هبكى ليه

حمزه.. عشان هتتجوزى يا سين اخوكى قالى كدا.. وقال انى صعبت عليكى بس عشان كدا بتقعدى وياى

اميره.. ليه قالك الكلام ده

حمزه.. عشان قولتلو انى بحبك..

اميره.. ايه انت قولتلو انك بتحبنى ليه

حمزه.. عشان انا بحبك وخفت عليكى اما خدك جوه خوفت يضربك

اميره.. متخافش اخوى عمرو ما يضربنى يا حمزه واصل اخوى طيب قوى..

حمزه.. هتتجوزى دكا

اميره بضيق... هو رايدنى وبيطلبنى بقالو كتير من اخوى

حمزه.. وانتى بتريديه

اميره.. لاه

حمزه.. عايزه حد تانى...

اميره... حد زى مين

حمزه.. كيفى انا تتجوزينى.. انا بكلم اخوكى وبعمل العمليه كمان عشانك

اميره بتوتر... مين انا هو اخويا

حمزه.... انا سالتك انتى

اميره...بس انا كتب كتابى بعد كام يوم

حمزه.. عوزانى انا ولا هو..

بصتلو بدهشه.. وحنان نزلت الصاله بس لقت حكم قاعد مع بنت لابسه منطلون وتيشرت.. وبتوريلو شغل ع اللاب بس كانو قريبين من بعض وكان مركز معاها وبيقول

اه تمام وايه كمان يا داليا

داليا.. ده وده

حنان بغيظ... لو انا اللى عملاها كان زمانى بونس ابوى

فى تربتو.. على راى المثل.. هما ويا الحريم يعاكسو ويحنو... واحنا لو حد رد علينا السلام يجنو..

بصلها وقال.. روحى اوضتك دلوك

حنان.. طب ما هتعرفنيش ع السنيوره

حكم.. لاه اطلعى اوضتك دلوك

حنان.. اوضتنا اسمها اوضتنا..

وبصت لداليا وقالت.. اه ما انا المدام

داليا.. اهلا وسهلا حضرتك محاميه زى حكم بيه

حكم.. مش قولت اطلعى

حنان قعدت وقالت.. ليه انا هقعد معاكم.. انا مش محاميه زى حكم بيه.. انا عواطليه اه والله يا اختى اصل حكم مش راضى اشتغل بعد ما اتجوزتو بالك انا سعات بيهفنى مزاجى انزل الشغل بس هو كده قفل.. يقولك عندنا البت تتدلع كل شى بيجى لخدمتها.. وتلاقى بتو طالع عين امها مسح وطبخ وتنضيف وكوى ولا جوارى زمان

حكم.. تمام يا داليا خدى الورق التانى وسيبى ده ورجعى انتى وخلى مرعى يوصلك للقطر

حنان.. صوح حكم مش امان عليها بالبلوزه دى.. شديها من تحت حبه يا اختى حكم الاستك باين

حكم.. الله يخربيتك تعالى

وشدها وطلع بيها فوق وقال...

بتهببى ايه اتجنيتى على طول

حنان.. انا اللى اتجنيت ولا انت اللى اتهبلت طب ما اهى لابسه مفتوح وصدرها كلو بره وانا اقفلى عبايتك وسعى عبايتك حطى الطرحه زين ما تكلميش رجاله وانت قاعد معاها ومركز فى التفاصيل...

حكم.. تفاصيل ايه وهباب ايه ما داهيه تكونى غيرانه

حنان.. هيهيى انا اغير من تحت باطى ولا اغيرش من خلت السنان اللى كانت معاك دى.. انا عليك بس

حكم.. اول هام دى سكرتيره عندى ومن البندر يعنى لبسها كده انا مالى اتحكم فيها تلبس ايه بتاع ايه.. بس انتى مرتى وليا الحق اعترض على لبسك بعدين هو انتى سامعه كلامى قوى يعنى ما انتى عبايتك اضيق من خرم الابره ومش عاوزه توسعيها وشعرك احمر شبه الجنيه وماشيه بالبانتك وما بتقعديش فى حالك ميتى سمعتى كلامى انتى

حنان... مالو شعرى انت عارف ده عملتو بكام ده ب ٥٠٠ جنيه عند سميه وكلهم هناك كانو بيموتو عليه انت بس اللى ما عجبكش ما عرفش ليه

حكم.. عشان مبين انك غازيه شبه استغفر الله العظيم

حنان.. جد انا قولت كدا كنت هصبغو اصفر بسود بس البت زبده ما رضتش قالت ده لايقلى اكتر والبت سعاد قالت كدا احلى ده حتى محمود قالى فرسه

حكم.. مين

حنان.. دول البنته اللى عملولى شعرى

حكم.. مالى انا ومال الزفته.. مين محمود ده

حنان.. اللى بيشتغل مع شوشو الرسامه لما عملت التاتوه

حكم..انتى عملتى تاتاوه كمان

حنان... ايوه هو محمود رسمهولى حتة رسمه عجب والله الواد ده خسارتو عند شوشو المعفنه المفروض يفتح محل لحالو

حكم.. فين

حنان.. اى حته فى بلدنا او براها المهم يبقى هو صاحب المكان حكم شوشو دى متحكمه قوى ورخمه قوى ما تتخيرش عنك

حكم.. انا مالى ع جهنم ان شاء الله هو وشوشو وانتى معاهم فين رسم الزفت التاتوه ده

حنان.. الله وانت مالك عاد دى ممتلكات خاصه دخلك ايه بيها

حكم... والله بيقولو انى جوزك

حنان.. ايوه صح بس ما هينفعش اوريهولك عشان انت مزعلنى امبارح انا واخوى اما اصالحك عاد لو صالحتك يعنى

ولسه هتمشى شدها عله وقال ما تطلعيش جنانى

حنان.. يوه ده انت اللى غيران يا عمده

الاخير ..... حنان.. يوه ده انت اللى غيران يا عمده

حكم.. اه غيران مش انتى مرتى وانا جوزك يبقى حقى اغير

بعدت وقالت.. هه طب انا ما رسمتش حاجه بوريك الغيره اللى كنت بتقولها بس...

بس سمعو اميره بتصرخ

حكم.. جرى بسرعه على المطبخ وكان ياسين واقع على الارض ودماغو مفتوحه وحمزه واقف بس بيتهز جامد

حنان جريت قعدتو وحكم بقى يقوم يا سين ويقول...

مالو ايه حصلو

حمزه.. انا ضربتو وشكلو مات

حكم.. لا ما ماتش ضربتو ليه

حمزه بغصب.. بيقول اميره مرتو مر فى حلقو اميره مش بتحبو ومش عيزاه مسك يدها عافيه وكان بيقرب منيها واما بعدتو منها قال مرتى خبطتو

حكم بضيق.. حناااان خدى اخوكى واطلعى فوق

حمزه.. لاه مش هطلع ما تجوزهاش لده هى ما عوزاهوش انا عايز اتجوزها هعمل العمليه وهمشى وهتجوزها

حكم.. انت مش مشكلتك فى العمليه انت

بس لقى حنان بتبصلو بدموع.. قال..

نعمل العمليه ونشوف..

وقوم ياسين ومشاه وبعد كام يوم.. كان حمزه فى العمليه وحنان قاعده ع الكرسى بدموع.. حكم قعد جمبها وحط ايدو وراها وسند دماغها على كتفو وباس دماغها وقال...

حقك عليا والله ما كنتش اقصدو

حنان... هيقوم تانى صح

حكم... ان شاء الله خلاص عاد ما تبكيش والله بكاكى واجع قلبى..

حنان... انت عندك خلخال نفسى كيف ما بيقولو.. فى الاوضه والبيت بتزعق وتتخانق.. وفى المستشفى والظرف الاسود ده بتبوس وتحضن وكلام حلو ربنا يستر..

حكم.. ههه طب ما ده عشان وقت الجد ما بتهونيش

بس شاف اميره واقفه عند اوضة العمليات قال بغضب..

تعالى هنه انتى واقفه عندك وبتبكى ليه.. انتى ليه هنه اساسا جيتى كيف

اميره.. جيت لحالى عشان ما رضبتش تخدنى معاك

حكم بغيظ.. امم حلو والله امتى بس امتى كل ده

اميره بدموع.. ما اعرفش. بس انا كمان بحب حمزه

حكم... انتى مش شايفه ظروفو هو عارف يعنى ايه جواز اساسا ده يقدر يشيل مسؤليه بيت

اميره.. عرفاها وراضيه ومش هتجوز غيرو.. ده ما حبسكش عشان ما ابقاش لحالى.

بس طلع الدكتور وراحولو وقال.. الحمد لله العمليه تمت بنجاح وكلها اسبوع ولا اتنين وهيرجع يمشى احسن من الاول.. معافى ان شاء الله..

حنان حضنت حكم بفرحه وقالت..

هيقوم تانى سمعتو الحمد لله

حكم اتفاجأ بيها بس قربها ليه.... وبعد شهر كانو عاملين فرح لاميره وحمزه

حنان.. ايه خلاك تغير رأيك

حكم.. طالما هى راضيه براحتها تولع بجاز وهو باين عليه بيحبها. بس بصراحه عشانك اصلى بقيت ازعل من زعلك

حنان.. شكلها الصناره هتغمز

حكم.. غمزت من زمان بس انا بكابر

حنان.. انت شارب حاجه ياض.. مش مظبوط

حكم.. لاه بس شكلك يسحر ما تاجى ناخد فرصه وتبطلى ترمى دبش... يمكن نجيب درش..

حنان... هه وما تقولش بت الغازيه..

حكم.. لاه بت قلبى..

حنان.. والله شارب حاجه

حنان.. شوفتى اهه بتقطعى الرومانسيه وتشتكى.. تدينى فرصه

حنان.. اديك اتنين

حكم.. عرفتى عزه من فين

حنان.. من ابوى كان يتكلم عنك ع طول حتى انى حبيتك من قبل ما اشوفك والا ما كنتش اتجوزتك ما كنتش عاوزه ابقى مدلوقه

حكم.. ليه اتدلقى عادى وادلق فيها ايه اما ندلق يعنى انا كمان حبيتك قوى وحبيت قعدتك معايا وحابب نكمل سوا انتى دخلتى القلب احتليه... وبسببك اتغلب على خوفو ورجع دق تانى.. ربنا يديمك نعمه فيه..